Lajme Nga Muzika

[Naki]

Kjo teme i dedikohet lajmeve te ndryshme nga Muzika,te gjithe artedashesit e Muzikes mund te postojne lajme,komente,artikuje te ndryshem ,intervista me kengetare te ndryshem, manifestime ndodhi qe ndodhin rrethe Muzikes dhe per Muziken.

Me nderime Naki

[Naki]

Grupi i njohur Metal "MEGADETH"

organizon koncertin e pare te lamtumires per fansat e tij ne Milano me 21 Shkurt 2005. Koncerti pritet te jete nje nga me te medhenjte ne historine e kesaj muzike. Koncerti do te bazohet me shume nga albumi "The System has Failed". Vokalisti dhe kitaristi i grupit gjithashtu Dave Mustaine ka bere te ditur qe grupi ne muajt e ardhshem do te impenjohet ne nje "tour" te fundit ku do i japin lamtumiren skenes.

Pasi u nda nga grupi "METALLICA", ne 1983, vokalisti Dave Mustaine formoi kuartetin thrash metal te quajtur "MEGADETH". megjithese ky grup ne fillimet e tij ngjante shume me ish grupin e vokalistit, "MEGADETH" u veçua per rrymen ROCK Progresive duke shtuar dhe rendesine e zotesise ne instrumentim dhe kompozim. Kjo beri te mundur rritjen e kohes ne muziken ROCK dhe fillimin e nje epoke te re. Pas nje eksperience 12 vjecare ne skenat me te medha boterore, grupi vendos te dedikoje muajt e ardhshem ne nje tour lamtumire, i cili fillon ne Milano me 21 Shkurt 2005. Ky koncert parashikohet te jete nje nga me te medhenjte ne historine e kesaj rryme muzikore. Ne karrieren e tij ky grup ka publikuar rreth 20 permbledhje albumesh:

1. Hidden Treasures
2. Youthanasia
3. Peace sells...But Who's Buying
4. Killing is my Business...and Business is Good
5. Anarchy in the U.K.
6. So Far, So Good... So What
7. Rust in Peace
8. Maximum Megadeth
9. Countdown to Extinction
10. Sweating Bullets
11. A Tout le Monde
12. Cryptic Writings
13. Live Trax
14. Risk
15. Breadline
16. Capitol Punishment: The Megadeth Years
17. The World Needs a Hero
18. Rude Awakening
19. Still, Alive... and Well
20. The System has failed

[Naki]

Festivali i 43 i Kenges ne Radio Televizionin Shqiptare


Festivali në duart e El Sajed dhe Menkshit

Prezantuesit do të jenë Huejda El Sajed dhe Leon Menkshi, të cilët mendoj se kanë jo vetëm dëshirën, por edhe kanë shumë për të dhënë. Pra do të sjellin performancën që...Pasi është bërë zhurmë dhe hamendësuar për prezantuesit e edicionit të 43-të të Festivalit të Këngës në Radio Televizionin Publik Shqiptar i cili nis pas dy ditësh, në 16 dhjetor, regjisori i këtij aktiviteti, Pali Kuke, ka vendosur t’i bëjë ata publikë. Huejda El Sajed dhe Leon Menkshi do të jenë dy prezantuesit e këtij viti. E para, një balerinë e suksesshme, së fundi edhe këngëtare, mendohet të sjellë gjallëri në skenën e festivalit, ndërsa i dyti, seriozitetin dhe përvojën e dy festivaleve dhe aktiviteteve të tjera që ka drejtuar. Pra gjithçka, që sipas regjisorit Pali Kuke, i nevojitet një aktiviteti të tillë. Por sipas Kukes, prezantuesit janë vetëm një element i festivalit. Duke qenë një festë e këngës, këtë herë është menduar që
shoë-n ta bëjnë vetë këngët, të cilat këtë vit, për hir të tri çmimeve që do të përfaqësojnë muzikën shqiptare në aktivitete të mëdha ndërkombëtare, si ai Evropian, i të Rinjve dhe i Mesdheut, priten të jenë edhe më cilësore. Për Pali Kuken e rëndësishme është të mund të transmetohet atmosfera e garës dhe premton se do të sjellë elementë të tillë, që ta bëjë atë sa më të pranishme. Nuk do të mungojë spektakli i mirëfilltë, sipas formulës së njohur: të ftuar, balet, humor.

Jeni përsëri regjisor i Festivalit të Këngës. Çfarë do t’i sillni publikut gjatë netëve, veç garës?
Regjisori është në shërbim të festivalit, të mjeshtërve të muzikës, që duan të sjellin në këtë aktivitet të reja. Eshtë fat i madh që këtë vit marrin pjesë kompozitorë si Shpëtim Saraçi, Adrian Hila, Alfred Kaçinari dhe kjo është shumë e rëndësishme. Të jep mundësinë të mendosh që festivalin që vjen, prurjet do të jenë më të mëdha. Dhe unë jam në shërbim të tyre, të bëj të mundur që këto vlera, emocione, t’i përcjell. Jam ai kryepunëtori që vë skelat, që i vesh me dritë, me beze, dhe në podium do të ngremë këngëtarin. Po përpiqem të sjell sa më mirë me mjetet shprehëse atë që unë kam në dorë.

Nuk keni zbuluar ende prezantuesit e festivalit, cilët do të jenë?
Prezantuesit do të jenë Huejda El Sajed dhe Leon Menkshi, të cilët mendoj se kanë jo vetëm dëshirën, por edhe kanë shumë për të dhënë. Pra do të sjellin performancën që do t’iu kërkohet. Ndërkohë ka pasur edhe kandidatura të tjera. Fillimisht e kisha të vështirë, sepse çdo kandidaturë e krahasoja me Adi Krastën, por së fundi vendosëm.

Mendohet që këtë vit gara të jetë e fortë. Sa e pranishme do të jetë kjo atmosferë?
Këtë vit, ethet e konkurrimit janë shumë herë më të forta se më parë, pasi bëhet fjalë për tri çmime dhe kjo të sugjeron që këtë atmosferë ta shprehësh me mjete të ndryshme artistike. Do ta krahasoja me atmosferën para një gare kuajsh. Pikërisht këtë atmosferë duam të përcjellim edhe ne. Do të mundohemi që këtë ta shprehim që në hapjen e festivalit, me prezantimin e këngëtarëve. Por jo vetëm kaq. Këtë vit, të gjithë konkurrentët janë më të motivuar dhe po mundohen të përgatisin performanca sa më të mira. Ndryshe nga herët e tjera, këtë herë kemi lejuar që këngët të jenë të shoqëruara edhe me performanca koreografike, që do ta bëjnë më tërheqëse paraqitjen e tyre.

Më shumë spektakël?
Duke qenë se ne shqiptarët jemi shumë “qibarë” dhe duam që festivali të jetë edhe spektakël, nuk do të “shpëtojmë” dot prej tij. Nëse e keni ndjekur Festivalin Evropian, ai nuk kishte fare spektakël dhe mund të mendosh që regjisori i tij ishte i dështuar, por në fund të fundit, ai bëri festivalin, pra atë që i kërkohej. Festivali ishte vetë shoë dhe ne duam të arrijmë pikërisht këtë, por duke qenë se nuk i shpëtoj dot vetvetes dhe mënyrës si është edukuar spektatori ynë, do të sjellim edhe elementët e shoë-t, pa harruar që strumbullari i gjithë kësaj ndërmarrjeje është kënga. Madje kemi gjetur elementë të veçantë, edhe pse nuk është e lehtë.

Eshtë folur se do të ketë shumë të ftuar….
Do të ketë edhe të ftuar, si fituesja e çmimit të parë në Festivalin Evropian, Rusllana, një këngëtar shumë i mirë, që përfaqësoi Maqedoninë në këtë festival, si dhe fituesja e Festivalit të Mesdheut, Linda Valori. Çdo natë do të jenë të pranishëm numra koreografikë, nga balerinët e Akademisë së Dancit, përgatitur nga Arian Sukniqi, që do të përcjellin për publikun mesazhe kundër luftës, një herë tjetër është një histori dashurie, shumë e bukur, e hollë…. Këto performanca do të jenë të shoqëruara me muzikë ballkanike. Gjithmonë kemi huazuar muzikën italiane, amerikane, por asnjëherë atë të fqinjëve, kështu që këtë herë vendosëm të sjellim diçka ndryshe.

Një vit më parë, përmes një fabule të thjeshtë, interpretuar nga Salsano Rrapi, sollët humor në skenën e festivalit…
Nuk do të mungojë një personazh që do të “zhurmojë” pak në skenë. Ndoshta do të vijë të heqë mikrofonin, mbase do të dojë të këndojë dhe në pamundësi, vetëm do të qeshë. Nuk bëhet fjalë për një tip “Salsano”, pasi ai ishte i dashuruar kokë e këmbë me Ledinën, kurse këtë herë është i konceptuar ndryshe. Ndosha mund të dalë edhe nga salla, duke përfaqësuar pikërisht dëshirën e publikut për të marrë pjesë. Ndoshta do të përsëris diçka që kam thënë edhe më parë: Kur e pyetën njëherë Majk Bonxhornon se si kishte mundësi që ishte aq i suksesshëm, ai përgjigjet: “Ajo që unë përpiqem të bëj është e tillë, që gjithkush që më shikon, të mund të mendojë se edhe ai është i zoti ta bëjë atë”. Pra mendojmë të bëjmë një farë lidhjeje mes spektatorit dhe skenës.


Artikulli eshte marre Nga Shekulli

[Honesty^uk.]

Ledina Çelo shkon në Festivalin Evropian

Çmimet e Festivalit të 43-të këngës në RTSH

Çmimi i parë Ledina Çelo “Nesër do të shkoj”
Çmimi i dytë Luiz Ejlli “Hëna dhe yjet dashurojnë”
Çmimi i tretë Jonida Maliqi “Frikem se të dua”
Çmimi i të rinjve Trioja nga Kosova “Flakaresha”

Alma Mile

Ledina Çelo do të përfaqësojë Shqipërinë në Eurofest 2005. Eshtë mbyllur mbrëmë, Festivali i 43-të të Këngës në Radio Televizionin Shqiptar. në bazë të votimit të jurisë, por edhe spektatorit, çmimin e parë të këtij viti e ka fituar kënga “Nesër do të shkoj”, kënduar nga Çelo, me muzikë të Adi Hilës e tekst të pandi Laços. Çmimin e dytë e ka fituar shkodrani simpatik, Luiz Ejlli me këngën e Shpëtim Saraçit, “Yjet dhe hëna dashurojnë”. Kjo këngë do të përfaqësojë Shqipërinë në Festivalin e Mesdheut. Çmimi i tretë i është dhënë këngëtares Jonida Maliqi, me një tjetër këngë të Adi Hilës. Ndërsa çmimin e të rinjve e kanë marrë tre “Flakareshat” nga Kosova, Vesa Luma, Teuta Kurti dhe Rona Nishliu. Tre vajzat do të përfaqësojnë për të parën herë muzikën shqiptare në Festivalin Evropian të të Rinjve. Për herë të parë nga një festival dalin tri këngë për në tri festivale ndërkombëtare, ose “trinjakët” si u quajtën ndryshe. Ky ka qenë edhe mesazhi që regjisori Pali Kuke ka dashur të japë nëpërmjet numrit koreorafik që çeli natën finale e që u mbyll me një atmosferë dasme. Pas prezantimit të 32 këngëve, në natën finale kanë mundur të kualifikohen vetëm 18 këngë, mes të cilave ato të interpretuara nga Marsida Saraçi, Saimir Braho dhe familjae tij e re, Jonida Maliqi, Arbër Arapi dhe Rosela Gjylbegu, Mariza Ikonomi, treshja nga Kosova, etj, të cilët kanë risjellë edhe njëherë ritme ballkanike e folk me shumicë në skenën e festivalit. Pjesa e parë e mbrëmjes ka ecur me një ritëm të shpejtë, ku ndihej tempi i garës e më pas, juria e përbërë nga emra të njohur të artit, si Hajg Zaharian, Edison Miso, Edit Mihali, Suzana Turku, etj, por edhe publiku përmes numrit të telefonit të vënë në dispozicion nga AMC, kanë votuar e përzgjedhur fituesit. E ndërsa shoshiteshin emrat e fituesve, skenën e kanë “pushtuar” të ftuarit. Ashtu siç është kthyer edhe në traditën e festivalit, nuk mund t’i mungonte kësaj mbrëmjeje, kënga fituese e një viti më parë dhe njëkohësisht e para pjesëmarrëse në festivalin Evropian, “Dua të bëhem imazhi yt” dhe Anjeza Shahini. Ndërkohë që të tjera nota, ka sjellë këngëtari italian Luka Barbarosa, i cili duket se është dashuruar pas Shqipërisë, pasi është e treta herë që vjen në vendin tonë, brenda pak muajsh. Ai ka kënduar një nga këngët më të preferuara të shqiptarëve “Portami a ballare” dhe një këngë të albumit të tij më të ri. Pa dyshim, përveç fituesve, një tjetër surprizë e mbrëmjes finale ka qenë edhe Rusllana “e egër” ukrahinase, e cila solli jo vetëm atmosferën e Festivalit Evropian, por edhe ritmet e lëvizjet ukrahinase. Pjesë e spektaklit kanë qenë edhe prezantuesit Leon Menkshi e Huejda El Sajed, e cila iu kthye origjinës si balerinë nën një ritëm hip-hop, për të kaluar tek notat e këndshme të Patricia Kass. Një natë e tillë, padyshim që ngjallte emocione të forta, garë, spektakël, ritëm…, e ndoshta kjo ka qenë edhe arsyeja pse prezantuesit e çoroditën pak publikun me çështjen e çmimeve, megjithatë së fundmi u kuptua: Çelo shkon në Evropian, Ejlli në Mesdhetar dhe tre kosovaret në Evropianin e të rinjve.


Rusllana e “egër” në skenën e festivalit
Ka ardhur nga Ukrahina së bashku me albumin e saj “Wild”. Pas këngëtarit maqedonas Toshe Projevski e fitueses së Festivalit të Mesdheut, italianes Linda Valori, në skenën e festivalit ka ardhur një tjetër fituese. Rusllana, ukrahinasja e egër që fitoi çmimin e parë në Festivalin Evropian, ka ardhur dje në Tiranë. Sapo ka mbërritur në aeroport, ajo ka shprehur kënaqësinë që ndodhej në Shqipëri. “Eshtë hera e parë, por shpresoj të mos jetë e fundit”, - ka thënë ajo, e paduruar për të kënduar për publikun shqiptar, por edhe për të mësuar se cila do të jetë kënga, që do të shkojë në Evropianin 2005, në Ukrahinë. Në skenën e festivalit ajo ka kënduar këngën e saj të zjarrtë “Wild dancing”, si një tjetër këngë, që sipas saj tashmë është një hit, jo vetëm në vendin e saj. Ajo ka kënduar së bashku me publikun, i cili është ndezur nën ritmet e gëzueshme, të ardhura prej Ukrahinës.

Çmimet 2004
Çmimi i parë Ledina Çelo “Nesër do të shkoj”
Çmimi i dytë Luiz Ejlli “Hëna dhe yjet dashurojnë”
Çmimi i tretë Jonida Maliqi “Frikem se të dua”
Çmimi i të rinjve Trioja nga Kosova “Flakaresha”

19/12/2004
Gazeta Shekulli (shekulli.com.al)

[DEA]

Anjeza Shahini automatikisht ngritet ne vendin e gjashte ne festivalin e kenges te eurovisionit, pasi qe kenga serbe u konsiderua si e vjedhur.

[Barbaroza]

Anjeza Shahini automatikisht ngritet ne vendin e gjashte ne festivalin e kenges te eurovisionit, pasi qe kenga serbe u konsiderua si e vjedhur.

Hahahahahahahaaa DEA,a tash e paske kuptuar a?

(shaka pak). :lol:

[ShEjToNkA]

Elsa Lila, sërish në Festivalin e Sanremos




Elsa Lila është përzgjedhur sërish për të konkuruar në kategorinë e të rinjve në edicionin e 54 të Festivalit të Sanremos. Gara mes të rinjve starton në datën 27-28 dhjetor në kanalin shtetëror televiziv RAI, ku vetëm 9 të rinj do të kenë fatin të shkojnë automatikisht në Sanremo. Lajmi është publikuar së fundmi në Itali, ku mësohet se këngëtarja shqiptare është përzgjedhur nga Akademia e Sanremos për ta kënduar sërish në teatrin Ariston përkrah të rinjve italianë. Nuk dihet ende se cili do të jetë bashkëpunimi i rradhës i Elsës, por dihet tani titulli i këngës që do të marrë pjesë në këtë garë dhe titullohet “Mamy”. Sigurisht që urojmë talentit shqiptar suksese në këtë garë dhe sivjet me fitore. Një vit më parë Lila garoi në sanremo në bashkëpunim me Xhixhi D’Alessio dhe efekti në publikun italian ka qenë mjaft pozitiv.



25/12/2004
Gazeta Shekulli.

[MemphiSx]

E gjetem kush e ka fajin per humbjen e Ledines! Pandi Laço dhe Adrian Hila, te pakten keshtu ka thene koreografi i Ledines, te cilit une nuk po ja permend emrin se ende me vjen keq per te. Shumica e njerzve kur deshtojne ne nje pune te caktuar, mundohen te thone me fale ose heshtin duke u lutur te harrohet sa me shpejt..
Koreografi i Ledines, perkundrazi eshte shprehur per shtypin se koreografia eshte pritur mire (nga kush?) dhe gjithe faji ka qene i kompozitoreve te kenges te cilet krijuan problemin me te drejtat e autorit etj etj.Thua ti 120 milion njerez qe ndoqen Eurosong '05 aty e kishin mendjen se ksuh kishte te drejtat e kenges se Ledines, ndaj nuk e votuan."JOOOO!"-, thane shikuesit,-" as ne dhjeteshe nuk do e .Advertisement


fusim se kjo ka probleme juridike HAAAA! " Po inatin e vertete koreografi e ka me Shpetim Sarahçin i cili eshte nder te paktet artiste qe u shpreh ne publik se koreografia ishte e dobet.Biles koreografi lol ka kerkuar te ballafaqohet me te gjithe ata qe mendojne se koreografia ishte e dobet...problemi i vetem? Ku ka salle qe i nxe tere ata veta.


Me ne fund Valbona ja ka arritur qellimit per tu shfaqur ne ekranet e kinemave amerikane.Siç ju kemi lajmeruar edhe me pare, ajo ka interpretuar ne nje rol te vogel, ate te agjentes Tivana ne filmin indian (me zhvillime ne Amerike) "Ja Bole So Nihaal".
Filmi eshte shfaqur ne kinemate Showcase, shikoni orarin ne qytetin tuaj.Fatkeqesisht ketu ne lagjen time e kishin hequr kete jave nga transmetimi, e une kisha vendosur ta shikoja sot lol.Po s'ka problem se e marr tel komshinjte indian ne dvd :) Te na bejne ndonje ulje çmimi kur ti tregoj se interpreton edhe nje shqiptare aty hahaha, dhe kush indianet! Keta dhe taksat e produkteve i dyfishojne lol.Ky eshte nje shans shume i mire per Valbonen, te cilen tashme mund te shpresojme ta shohim edhe ne filma te tjere tani e tutje.

Keto dite Alban Skenderaj eshte i njohur si kengetari me premtues ne muziken shqiptare i cili u zbulua ne TopFest2 ku edhe fitoi dy çmime.Disa vjet me pare emri i tij eshte permendur me shpesh ne Pistoia te Italise, fale nje keqtrajtimi qe i eshte bere Albanit, dy shqiptareve
te tjere dhe nje italiani, nga disa bodigarde te nje diskoteke "Panda" dhe disa policeve te zones. Per kete çeshtje eshte shkruar edhe ne gazeten e njohur italiane "La Nazione".Te kater djemte,(ne ate kohe 21 vjeçare) jane arrestuar e me pas goditur nga policia pa te drejte dhe kete e kane ballafaquar me fakte ne gjyq.Çeshtja gjyqesore pas disa vitesh, ka shpallur fajtor policet dhe bodigardet e "Panda", e i ka dhene te drejte kater te rinjve shqipatare-italian.Ne u munduam te kontaktonim me Albanian per te mesuar me teper mbi kete ngjarje, i lame edhe mesazh ne seretarine telefonike, por nuk morem pergjigje ne kohen e duhur.

Kanali i njohur FOX ka bere te ditur se do transferoj serilain "Tru Calling" ku interpreton Eliza Dushku ne kanalin UPN ku pritet qe edhe ineresimi per "Tru..." te jete me i madh. Serite e reja te ketij seriali duhej te ishin transmetuar vjet ne vjeshte
, tek FOX i cili me pas nderpreu "Tru..."per ta rikthyer pak kohe me pare ne nje transmetim sprint e se fundi duke e shkembyer me nje tjeter serial te kanalit UPN.Ne serite e fundit Eliza ka per partner Jason Priestly, i njohur per pjesmarrjen ne serialin e famshem "Beverly Hills 90210"


Sigurisht qe keni degjuar per nje lidhje te mundur midis Tunes dhe Shpat Kasapit, por a eshte i vertet ky lajm?
JO.Pergjigjen e ka dhene vete Tuna, e cila e pyetur nga Albaniac ka thene se Shpati dhe ajo jane vetem shoke.Asgje e jashtezakonshme ketu, pasi kane edhe te njejtin menaxher e shpesh here jane pare ne koncerte se bashku.Ok boll u shtremberuat me mosbesim, keshtu na tha keshtu po ju themi!

[ARVANITI]

Efekti Mozart, përse muzika i bën mirë trurit ?



Nuk është e nevojshme të jetë Mozarti ose Verdi, mjafton edhe një tingull i vetëm, për të sjellë në humor trurin tonë. Sipas një studimi, psikologët e Universitetit të Torontos, pohojnë se stimuli dëgjimor, kur përceptohet i pranueshëm për trurin, ndihmon në mirëqenien e shëndetit, veçanërisht të trurit. Psikologu kanadez Glenn Schnellenberg, pranon se muzika ka një efekt mirëbërës dhe potencial në kapacitetet intelektive. Bëhet fjalë për “efektin Mozart”, sipas të cilit simfonitë e kompozuara nga gjeniu austriak dhe jo vetëm ato që ka krijuar ai, përmirësojnë gjendjen mendore tek të sëmurët e prekur nga Alzheimer. Por nuk bëhet fjalë vetëm për efektin Mozart, pasi edhe kur është dëgjuar muzika e Blur, është përfituar i njëjti, efekt, pra muzika në përgjithësi, e nxitur nga një dëgjueshmëri e këndshme, përfiton të mira për shëndetin e trurit. Ky kërkim shkencor nxjerr në dukje faktin se aktivitetet jashtëshkollore, veçanërisht teatri, i cili shërben si kurë për mjekimin fëmijëve që janë të turpshë në shoqëri.

[ARVANITI]

Mariah Carey si arriti të kthehet në një ikonë mode ?




Mariah Carey në fillimet e karrierës së saj kishte pamjen e një vajze krejt të pafajshme. Martesa me Tommy Motola producentin e njohur të shtëpisë diskografike “Sony” i dha dorë këngëtares për të arritur majat e klasifikimeve botërore. Megjithatë deri këtu askush nuk kishte menduar që vajza e pafajshme shumë shpejt do të kthehej në një ikonë mode. Pas divorcit me bosin e muzikës ajo bëhet jo vetëm diva e popit e njohur në të gjithë botën por edhe një ikonë mode. Vitet e fundit kemi parë format e rrumbullakosura të Marias nën veshjet dhe stilin original që këngëtarja di ta tregojë sa herë që ajo shfaqet në evenimente të ndryshme. Origjinaliteti dhe stili i saj kanë bërë që shpeshherë të na lerë edhe me gojë hapur. Ndonjëherë nga kritikë të modës është quajtur tepër e guximshme, veshja e saj casual, me xhinse dhe një kanotjere e cila zor se arrinte të fshihte gjoksin e madh (sigurisht me silicon) të Marias. Megjithatë pa frikë ajo mund të quhet një ikonë mode që kur e do rasti di të shfaqë stil, klas, sharm. Në një prej videoklipeve të albumit të saj të fundit, Mariah e cila ka veshur një fustan të zi i cili është zbukuruar me një yll deti prej diamanti sërish arrin të magjepsë me lukun e saj. Suksesi i albumit të saj të fundit duket që është i padiskutueshëm por po aq mund të thuhet edhe për meritën e saj për nje prezantim absolutisht dinjitoz në luk.

[Naki]

Artur



Anëtarësuar: 19 Jun 2005
Mesazhe: 4
Vendodhja: Vlore
Postuar: Mon Jun 20, 2005 7:19 am Titulli i mesazhit: LIRIO NUSHI NJE YLL I RI I MUZIKESH SHQIPTARE NE BOTE

--------------------------------------------------------------------------------

LIRIO NUSHI NJE YLL I RI I MUZIKES KOMBETARE SHQIPTARE NE BOTE

www.lyrionushi.gr

www.lirionushi.com

Mbrapsht në krye

[Honesty^uk.]

17-vjeçarja nga Prishtina sfidon 500 konkurrentë

Ka qenë ndër të vetmet pjesëmarrëse shqiptare që kon-kurronte mes të rinjve norvegjezë. Megjithatë fati e ka ndjekur deri në fund. I ka sfiduar të gjithë, duke u shpallur si këngëtarja më e mirë.
Anila Mema


Doruntina Disha, 17-vjeçarja nga Kosova, pak kohë më parë është renditur në krye të listës së të konkursit "Power Star", dublim i "Etheve të së premtes mbrëma", zhvilluar në Oslo. Eshtë ky një konkurs muzike i zhvilluar nga "Power Hit", një prej radiove më të njohura në Norvegji. Disha ka lindur në Prishtinë dhe jeton në Oslo që prej vitit 1992 bashkë me familjen e saj. Aktualisht ndjek klasën e parë në gjimnazin e përgjithshëm. Miqtë e saj tregojnë se është nxënëse e shkëlqyer. Në një nga gazetat më të lexuara në Norvegji e më gjerë, "Dagbladet", këngëtarja shqiptare, pas fitores së çmimit të parë në spektaklin "Ethet…", është cilësuar si një yll i ri i muzikës pop-rock.

E vogla që "çmendte" Norvegjinë
Që në moshën dyvjeçare, dëshira e saj ka qenë të këndonte dhe të kërcente pafundësisht, kur vinte rrotull nëpër shtëpi. Më pas është angazhuar me koret e të vegjëlve, kur mblidheshin për raste festash. Pas mbërritjes në Norvegji, Doruntina është dalluar si zëri më i mirë mes bashkëmoshatarëve të saj. Megjithatë, ajo tregon se ka shumë miq që ia duan të mirën. Një prej tyre ka qenë dhe shoqja e saj, e cila e ka regjistruar për të qenë pjesëmarrëse në audicionin e parë të "Power Star", që mbahej në qendrën Linderud në Oslo. "Unë nuk dija asgjë. Një shoqja ime më kishte regjistruar pa më thënë fare. U paraqita me këngën e Celine Dion, "My Heart will go on", dhe u kualifikova", tregon Doruntina Disha. Në audicionin e dytë është prezantuar me këngën "I love rock`n`roll" të Brytney Spears, duke e mposhtur skenën me paraqitjen e saj, debutim ky që u duartrokit. "Ishte diçka e papritur dhe e pabesueshme për mua", tregon ajo.

Nata finale
Prezantimi i saj në natën finale të spektaklit, në qytetin Drammen, 40 km larg Oslos, ishte i befasishëm. "Aty Doruntina ishte pa konkurrencë. Shkëlqeu mes 10 konkurruesve finalistë dhe përvetësoi mbi 5000 shikues. Edhe pse ishte vetëm një vogëlushe e panjohur për ata, ajo i entuziazmoi shikuesit me interpretimin e një kënge të Shakirës. Lëvizjet e saj të përsosura skenike e "hutuan" jurinë e "Power Star", e cila më pas nuk e pati aspak të vështirë ta shpallë fituese. Vendimi i jurisë u prit mjaft mirë nga publiku norvegjez artdashës", shkruhet në "Dagbladet". "Ky është një konkurs që organizohet çdo vit në Norvegji. Natyrisht që në një konkurs me traditë duhet të kesh një kombinim cilësish që të futesh në mesin e më të mirëve, për më tepër të fitosh. Unë jam përpjekur shumë për të marrë pjesë në këtë konkurs dhe më në fund u shpërbleva", shprehet Doruntina për gazetën norvegjeze "Dagbladet". Përveç zërit karakteristik dhe melodioz ajo është shumë e lirë në skenë. Përveç këngës, di të kërcejë shumë mirë dhe lëvizjet e saj janë pritur mjaft mirë nga publiku dhe juria e kësaj gare të madhe për të rinj.

Kënga e parë
Pas suksesit të saj si fituese e çmimit të parë në konkursin "Power Star", Doruntina Disha nuk u ka shpëtuar dot tendencave të fundit. Ka ditur të kapë momentin. Ashtu sikurse edhe shumë këngëtarë të tjerë të moshës së saj, ka rendur të realizojë singëlin e parë. Titullohet "Dream World". Eshtë këngë ritmike, shumë e gjallë dhe me një videoklip të goditur, i cili është pritur shumë mirë nga publiku. Aktualisht kënga e saj e parë renditet ndër më të suksesshmet duke u bërë hit për të rinjtë në Norvegji. Pas saj Doruntina ka nxjerr dhe CD e parë, e cila është cilësuar si një nga albumet më të preferuara të verës së sivjetshme. "Pas fitores kam marrë disa oferta për kontratën e parë. Por më shumë më pëlqeu kompania "Dream Factory" me të cilën tashmë kam lidhur një kontratë trevjeçare. Një muaj pasi lidha kontratën me të kam nxjerr singëllin e parë, i cili është në shitje", tregon Disha për mediat norvegjeze. Megjithatë këngëtarja që premton një sukses në të ardhmen vazhdon të hedhë hapa të sigurt në karrierën e saj të re muzikore. Sapo kanë nisur planet për koncertet e saj të ardhshme. "Unë dhe kompania ime kemi marrë ofertën për të marrë pjesë në një festival me këngëtarë të rinj në Nicë të Francës, në prillin e vitit të ardhshëm", tregon ajo.

[Naki]

Kengetaret qe lane gjurme ne 2005


Viti 2005 ishte i frytshëm në mënyrë të veçantë për artistët që i shkruajnë vetë këngët si James Blunt, KT Tunstall, Daniel Powter dhe Jack Johnson.
Kjo gjeneratë e re muzikantësh është e pajisur përveç talentit edhe me pamje tërheqëse. Ata shkruajnë këngë që të mbeten në mendje dhe që janë të pëlqyeshme për një publik të gjerë.


Megjithëse të ngjashëm për nga suksesi, muzika e tyre është e ndryshme në stil dhe influenca.
KT Tunstall u propozua për një çmim Mercury
James Blunt kombinon tingujt e muzike folk e gërshetur me tekste të ngrohta, kurse Johnson bashkon melodinë akustike me ritmet e buta.
Këngët e Daniel Powter janë të mbështetura në piano, shumë të stilit pop që herë herë të kujtojnë Elton John apo Bee Gees.
Ndërsa në rastin e Damien Rice krijmtaria e tij është tërësisht melakonlike dhe mjaft intime.
Gjatë paraqitjes së saj në ceremoninë e ndarjes së çmimeve prestigjioze të muzikës Mercury, KT Tunstall gërshetoi një sërë stilesh muzikore si jazz, blues dhe folk.
Ajo që i bashkon këta artistë është suksesi në klasifikime që i detyrohet shitjes së disqeve dhe kohës së luajtjes së këngëve të tyre nëpër radio.
Damien Rice
Muzika melankolike e Damien Rice e mbart suksesin prej vitit 2004
James Blunt ka edhe albumin më të shitur të vitit në Britani me 2.1 milion kopje deri tani.
Kjo ishte 2005, të shohim çfarë do të sjellë viti i ri. Kritikët thonë se kjo valë kantautorësh të sukseshëm nga ana komerciale ka gjasa të vazhdojë.

[raptile]

kush e din prej jush si u qujt festivali botror qe u mbajt naten e te premtes.ne qofse muni me mi tregu edhe vendu kush cilin venmd e ka fitu

[Naki]

Çmimi Gremi për boten e muzikës



Stina e ndarjes së çmimeve të botës së artit dhe muzikës sjell sonte edhe një tjetër ngjarje të madhe, atë të çmimeve Gremi për botën e muzikës. E veçanta e kësaj mbrëmjeje është rikthimi i fuqishëm i këngetares Maria Kerie, cila konkuron në tetë kategori. Përballë saj radhiten konkurentë të fuqishëm si U2, Kaeni Uest, Pol Makartni dhe Guen Stefani. Ne vazhdim, një vështrim konkuruesve kryesorë për çmimin prestigjoz Gremi.:

Në më pak se një vit, Maria Ceri arriti të transformohet nga një ish këngëtare drejt shuarjes e muzikës pop, në një mbretëreshë të kësaj muzike duke dominuar listat me këngën më popullore të vitit “Ui Bilong Tugether” dhe albumin më të shitur “Dhë Emancipejshën of Mimi”....

Mbrëmja e sotme do të jetë vendimtare në përsëritjen e ngjarjes së 16 vjetëve më parë kur këngëtarja e re fitoi për herë të parë çmimin Gremmi. Por e veçanta e kësaj radhe është se ylli i muzikës pop konkuron për tetë kategori. Asnjë këngëtare nuk ka fituar më shumë se pesë çmime Gremi brenda një nate. Por ajo përballet me një konkurencë të fortë. Përballë saj qendrojnë grupi U2, Pol McCartni, Grin Dei dhe kengetarja Guen Stefani. Por Maria Keri nuk është e vetmja me tetë kandidatura. Përbri saj radhiten edhe Kejni Uest dhe Xhon Lexhend.

Keri dhe Uest konkurojnë për këngën dhe albumin e vitit. Keri paraqitet me këngën “Ui Bilong Together” dhe albumin “Dhi Emansipejshen of Mimi”. Kurse Kanye West konkuron me kengen “Gold Digger” dhe albumin “Lejt Rexhistrejshen”. Ky është viti i dytë që Kejni Uest e gjen veten kandidat në një numër të madh kategorish ndërkohë që ka nxjerrë vetëm dy albume. Vitin që kaloi ai ishte kandidat në dhjetë kategori. Kënga “Gold Digger” ishte ndër më të pëlqyerat e vitit.

Kandidatë tjerë për këngën më të mirë të vitit janë edhe grupi “Grin Day” me “Bulevard of Broken Drims”, Guen Stefani me kengen “Hollabek Gerl. ...... dhe grupi Gorillaz me kengen “Fil Good Inc.” Edhe për albumin e viti konkurenca është mjaft e fortë pasi duket se çdo albumin i U2 fiton çmimet Gremi.

Kësaj radhe U-2 konkuron me albumin “Hau tu Dizmentel an Atomik Bomb”. Në këtë kategori konkurojnë edhe Guen Stefani me albumin “Love. Angel. Music. Baby”. Ylli i muzikës rock Paul McCartney konkuron me “Kaos and Criejshen in Bekjard. Ish Bitelsi nuk ka fituar asnjëherë çmimin Gremmi për albumin më të mirë, kështu që sonte ai ka një shans mjaft të mirë. Çmimi më prestigjoz i industrisë së muzikës, Gremi, jepet çdo vit nga Akademia e Regjistrimeve dhe ka të njëjtën rendësi sikurse edhe çmimet Oscar për botën e filmit.

Kastriot Haxhiaj
08-02-2006

[Naki]

http://www.viva.tv/upload/kongtent/1139478758f8eb248e3a27b19607e5027a201dd30c.jpg



U2 fitojë mahnitshëm 5 çmime gremi,ndërsa Mariah carey që ishte top favoritë për tetë çmimet u dashtë të mbetet e knaqur me tri çmime