Vapa dhe ushqimet, sekreti i ruajtjes ne frigorifer

[ARVANITI]

***


Pasi kemi bërë pazar, një pjesë të ushqimeve tona i sistemojmë në frigorifer, duke harruar se për të gjitha ato që kemi shpenzuar mund të bëhen shkak që të prishen, nëse nuk ruhen në kushte të mira frigoriferike dhe menjëherë pas kësaj vijnë pasojat, pra helmimet. E kemi vënë re që shumë ushqime, edhe pse i kemi vendosur në frigorifer, kanë një erë jo normale, kryesisht produktet e mishit dhe nënproduktet e tij, ndërkohë që edhe nënproduktet e qumështit, kur nuk ruhen në temperaturën e nevojshme fillojnë dhe marrin shije të hidhur, duke arritur në prishjen e strukturës normale. Për të mbajtur ushqime brenda kushteve frigoriferike, por që edhe të mos humbasin vlerat e tyre ushqyese, rekomandohet, sidomos tashti në verë që të bëhet një sistemim i tyre. Ndiq me kujdes të gjitha këshillat, që të organizosh në mënyrë perfekte të gjithë hapësirën e frigoriferit. Në fillim para se të fillojmë me këshillat, duke që të qartësojmë diçka : temperatura në frigorifer nuk është asnjëherë homogjene, që do të thotë se në zona të ndryshme sistemi i ngrirjes nuk është i njëjtë. Kështu nëse bëjmë një ndarje të hapësirës frigoriferike në zona do të shohim se në pjesë që ndodhet me afër sistemit qendror ftohës, temperaturat janë më të ulëta, ndërkohë që menjëherë pas saj, sipas kateve të frigoriferit që kemi, variojnë edhe temperaturat e tjera. Natyrisht ndarja e frigoriferit në zona më të ftohta dhe më pak të ftohta, varion edhe nga lloji i frigoriferit, për faktin se ka shumë frigoriferë, që kanë kasë të përbashkët ngrirjeje, por ka edhe disa të tjerë që kasën e ngrirjes e kanë më të vogël dhe të ndarë nga trupi i frigoriferit. Më poshtë do të mund t’iu këshillojmë ndarjen e saktë të produkteve, në mënyrë që ato të mos marrin erë të keqe, në rast se nuk vendosen në vendin e saktë në frigoriferin e shtëpisë, i cili përkon edhe me ruajtjen e cilësisë standarde të ushqimeve. Mos harrojmë se një arsye e rëndësishme për të mbajtur ushqimet në kushte të mira frigoriferike, lidhet edhe me markën e frigoriferit që ju keni në shtëpi, sipërfaqen si dhe sistemin ngrirës që ai përmban


***