1 MILION DOLLARE KUSH GJEN KRYEMINISTRIN

[Dilaver]

1 MILION DOLLARE KUSH GJEN KRYEMINISTRIN

Ka humbur Fatos Nano prej 8 ditesh. Nuk dihet vendndodhja e tij

Nuk eshte ndonje cudi e madhe mungesa e kryeministrit Nano ne Shqiperi, pasi ai keshtu eshte mesuar, duke humbur me jave te tera dhe ikur brigjeve te nxehta, atje ku ngroh lekuren e mjekren e lyer tash tre vite, dite per dite. Por humbja e kesaj rradhe eshte alarmante, pasi duke qene ne gjendje shoku dhe merzitje per humbjen e pushtetit e te mirave qe i kane ardhur prej tij me bollek thuhet se zoti Nano mund te ndermarre ndonje vendim tragjik ndaj jane te merakosur edhe Presidenti, edhe zoti Berisha, por edhe miqte e tij ne PS te cilet ndonese duan ta hane te gjalle, perseri e duan ne seli ta perpijne me gjithe lecka per ate cka iu beri me 3 korrik. Presidenti Moisiu ka mbetur i shokuar se si edhe kur e merr ne telefon per te ditur ku eshte kryeministri i del ne telefon nje spanjishte e vjeter nga zeri i sekretarise telefonie. Shume perkthyes te SHISH-it, pa harruar edhe Muhamet Kapllanin, keshilltarin e zotit Moisiu per marredheniet me jashte, nuk po transkriptojne ate spanjishte te arshivuar qe iu del nga sekretaria telefonike. Kane thirrur edhe Moikom Zeqon per ta deshifruar. Nuk e ka gjetur vendndodhjen nisur nga zeri i huaj ne telefon. Ka mberritur edhe arkeologu Neritan Ceka, por edhe ai ka leshuar nje pasthirrme cudie, duke lene te kuptohej se kjo spanjishte e vjeter qe del ne sekretarine e telefonit celular te Fatos Nanos eshte e periudhes se Magelanit, kohe kur ai donte te zbulonte boten. As Edi Rama nuk e ka deshifruar kete vendndodhje te kryeministrit ne ikje. Edi ka thene se mundet qe zoti Nano te jete futur nder fiset afrikane te bregut perendimor dhe nuk njihet me. Zgjidhjen e dha Elmaz Sherifi i PS-se i cili dha nje mendim origjinal. (Nese doni ta gjeni nisni Anastas Angjelin ta kerkoje ne mes te bananeve afrikane. Po nuk e gjeti edhe Caci-tha Sherifi- nuk ka njeri qe e gjen ne cilin bregdet afrikano-verior eshte duke djegur ...ate nga dielli.

-Ka nje zgjidhje- tha Agron Dibra, shef organizativ i selise se PS-se: Ne qofte mes afrikaneve me fytyre nga Spanja, Nano nuk dallohet se eshte edhe ai i zi, sidomos tani pas zgjedhjeve. Por Caci te shikoje mes te zinjve per nje Zonje te Bardhe ose Zonjen e Pare te Vendit. Ajo duket!(.

-Zgjidhje kryeveper- tha Elmazi- Te nisemi ta gjejme kryetarin kryeminister.

Namik Dokle zv/kryeminister, i dyti pas Nanos ne zyrat bosh te qeverise nxori fjalorin e kohes se Hoxhes me te cilin kishte mesuar spanjishten.

-Duhet te jete ne kete ishull !- tha dhe lajmeroi Gramoz Rucin, te dytin e partise.

-Nuk shkon kaq larg Nano, o Namik !- insistonte Ruci, duke ia ditur huqet kryeministrit qe mund te jete ne ndonje ishull grek.- Pyet a ka kazino ne ate ishull ?-kembenguli Gramozi.

-Ku ka kazino atje o Gramoz !- bertiti Dokle.

-Lere ate pune. Nuk eshte atje ai. A eshte me te Shpetim Idrizi drejtori i Pergjithshem i Doganave?

-Po

-Aha! Qenka ne Portuali- e mbylli Ruci.

-Nuk shkon atje Nano qekur beri ate deklaraten ne Lisbone kunder Kosoves e (pro( Milloshevicit -tha me pikellim i dyti i qeverise ne ikje.

-A ka agrume ne ate ishull o Namik- nderhyri i pesti ne seline roze Elmaz Sherifi

-Plot e perplot.

-E gjeta se kush mund ta gjeje. Lufter Xhuveli- foli si ti kishte rene dopio gjashta Sherifi.

-Epo Xhuveli tashme eshte i djathte- foli ne merak Ruci- Si t'ia bejme qe ta bindim Lufterin per ta gjetur Nanon ne keto agrume afrikano spanjolle?

-Po sikur ti lutemi njehere atij. E kam patur mik kur ishte minister me PS-ne, nderhyri Dokle.

-Ore me mik se une nuk e ke ti, por tashme uji ka ndryshuar rrjedhe. Nuk te vjen ai. Me degjo mua. Mos harxho fryme me te- prape insistonte Ruci dyshi nga ana e partise.

-Po sikur ti themi qe duhet gjetur patjeter Nano ne menyre qe t'ju leshoje qeverine do te vije menjehere Lufteri- tha dhe qeshi dyshi nga ana e qeverise zoti Dokle. Dhe keshtu bene.

-Alo zoti Xhuveli ?- ngriti zerin nenkryetari i qeverise ne rrezim.

-Namiku jam.

-Cili Namik ?!

-Dokle mor burre !

-He, si e ke hallin ?

-Na duhet Nano o Lufter. Po nuk .....

-Nuk e njoh. C'pune ben ky njeri ?- foli gjithe kapadaillek Lufteri.

-Kryeminister! Ka humbur e na duhet. Thuhet se eshte ne nje ishull nga veriu i Afrikes, atje ku bere ti nje vizite kur ishe minister Bujqesie ne vitin 1998- u mundua dyshi ne ikje qe t'ia sqaroje.

-Nuk kam qene asnjehere minister me Nanon! Hajde shendet se nuk kam kohe tani- e ngriti zerin Xhuveli.

-Prit ore Lufter! -sa nuk bertiten Ruci dhe Dokle njeheresh. Nuk donin te humbisnin rastin fatlum per te gjetur kryeministrin Nano.

-Ofrojme 1 milion dollare qe ta gjejme !- thane me nje ze Ruci e Dokle.

-Cash jane apo me banke?- e uli zerin ish-ministri i Bujqesise.

-Si ti duash.

-I dua ne dore. Nuk besoj tek Ju. Keni 8 vite qe keni vjedhur popullin me ministrat tuaj!- tha Xhuveli dhe nxitoi per ne zyren e Dokles. (Kryeministri u gjet. Vjen te shtunen ne Rinas(- tha Lufteri pas cash-it.

Alban Mati

[Krokodilli]

paska pas fat Ish Ministri Xhuveli,, Ka Fitu 1 milion dollar,, (po prap gjusma e milionit i takoj Fatos Nanos,, sepse ishte me xhuvelin ne zyre kur u permenden parat)

mjaft qesharake Dilaver... ska qka fshehet NANO me,, Kryeministri SALI ka postin ne dor kurse NANO bankat e Shqiperis...

[Dilaver]

Kush do ta gjejë Nanon?

Artur Kopani


Dyshime të mëdha po shfaqen kohët e fundit mbi vendndodhjen e Fatos Nanos, kryeministrit në detyrë. Zërat e fundit që kanë si burim njerëz të afërt të tij thonë se ai ka lënë plazhet e Mesdheut dhe pushimet e tij janë zhvendosur në kazinotë e Amerikës së Veriut. Gjithçka është e mundur, sikurse edhe hamendja se ai mund të jetë kthyer në Turqi ose në Greqi, apo në Emiratet e Bashkuara Arabe.

Nano mund të jetë kudo, sepse ai ka pasaportë diplomatike, ka ende bileta dhe dieta të paguara nga buxheti i shtetit, ka edhe heqësa shpenzimesh - biznesmenë hallexhinj ose pa halle, - ka edhe pasionin për të bredhur, por edhe papërgjegjshmërinë që i duhet një njeriu si ai. Por një gjë është e sigurt ai nuk është në Tiranë. Këtë gjë mund të ta thonë në kryeministri, në Presidencë, në Gardën e Republikës, në selinë e Partisë Socialiste. Të gjithë e dinë se nuk është në Shqipëri, por pak ose aspak vetë e dinë se ku është kryetari i PS ose kryeministri në detyrë.

Kushtetuta e Shqipërisë përcakton se kryeministri dhe qeveria e tij duhet të qëndrojë në detyrë derisa të zgjidhet kryeministri i ri dhe qeveria pasuese. Pak kush mund të gjejë në kushtetutë, apo në ligjet e shumta të këtij vendi, një argument që mund ta mbajë kryeministrin Fatos Nano në detyrë, pasi është njësoj si t'i dërgosh me SMS thirrjet që lexon Petro Koçi në selinë e zbrazët të Partisë Socialiste. Nano e ka bezdi edhe ligjin, edhe Petro Koçin, pavarësisht se i përdor ndonjëherë kur i duhen për punët e tija.

Pelegrinazhi i fundit i Nanos-kryeministër në detyrë, krijon vetëm njëlloj shqetësimi për publikun. Vërtet shumica nuk duan t'ia dinë s'e nga bredh ky njeri, pasi nuk ndryshon shumëçka në jetën e tyre të përditshme. Shumica e shqiptarëve e kanë zgjidhur mbijetesën jo vetëm duke mos e pasur atë dhe qeverinë e tij pranë, por edhe duke i patur edhe atë, edhe qeverinë e tij kundër. Shqetësimi qëndron tek fakti se Fatos Nano është një pijanec me probleme, edhe kur pi nga qejfi, edhe kur pi nga halli. Media ka zbuluar kohët e fundit informacione të tjera mbi një aksident që ai kreu vite të shkuara në Shkallnuer, duke sjellë vdekjen e një qytetari të pafajshëm. Ai deri tani nuk e ka pranuar se ka qenë i përfshirë në këtë krim, por edhe drejtësia nuk ka hetuar dhe zbuluar autorin dhe rrethanat sesi u krye ai krim. Kjo ka ndodhur në Shqipëri, pasi Nano ka kontroll absolut mbi drejtësinë.

Por, ky njeri që e ka pijen me probleme, nuk mund të gjejë trajtim të njëjtë si në Shqipëri, nëse thyen ligjet në Perëndim, pavarësisht imunitetit të tij diplomatik. Një vit më parë ai u dëbua me forcë nga një bar nate në Manhatan të Nju Jorkut, pasi nuk iu bind ligjit të shtetit për të mos pirë duhan në ambjentet e brendshme. Tani, çështja është nëse Nano është i përfshirë në situata të tilla të ngjashme, ku ai mund të ketë rënë edhe viktimë e mosnjohjes së ligjeve që rregullojnë ndryshe jo vetëm jetën e qytetarëve nga një shtet në tjetrin, por edhe nga një qytet në tjetrin.

Që pas tre korrikut, kur partia e tij humbi ndjeshëm kontrollin e shumicës në parlament, Nano ka shpenzuar jashtë Shqipëri më shumë se tre javë. Ndryshe nga herët e shkuara, kur ai autorizon zëdhënësat e tij të thonë ndonjë deklaratë, apo thjeshtë të lëshojnë ndonjë thashethem, kësaj radhe asgjë e tillë nuk po ndodh, pavarësisht se zhvillimet politike kanë qenë tepër të vrullshme. Deri tani nuk ka asnjë informacion të saktë mbi vendondodhejn e tij dhe kjo e bën të mistershme fatin e kryeministrit në detyrë. Një burim i besueshëm i Partisë Socialiste tha se edhe vetë zv.kryeministri në detyrë, Namik Dokle nuk është në dijeni të vendndodhjes së Nanos. Shqipëria ka shumë institucione që janë të ngarkuara nga ligji që të merren me mbrojtjen e kryeministrit në detyrë. Eshtë mirë që ata të informojnë zyrtarisht opinionin se ku ndodhet kryeministri në detyrë i Shqipërisë. Eshtë përgjegjësia e tyre kushtetuese.

[Shpati]

Kush do ta gjejë Nanon?

Artur Kopani


Dyshime të mëdha po shfaqen kohët e fundit mbi vendndodhjen e Fatos Nanos, kryeministrit në detyrë. Zërat e fundit që kanë si burim njerëz të afërt të tij thonë se ai ka lënë plazhet e Mesdheut dhe pushimet e tij janë zhvendosur në kazinotë e Amerikës së Veriut. Gjithçka është e mundur, sikurse edhe hamendja se ai mund të jetë kthyer në Turqi ose në Greqi, apo në Emiratet e Bashkuara Arabe.

Nano mund të jetë kudo, sepse ai ka pasaportë diplomatike, ka ende bileta dhe dieta të paguara nga buxheti i shtetit, ka edhe heqësa shpenzimesh - biznesmenë hallexhinj ose pa halle, - ka edhe pasionin për të bredhur, por edhe papërgjegjshmërinë që i duhet një njeriu si ai. Por një gjë është e sigurt ai nuk është në Tiranë. Këtë gjë mund të ta thonë në kryeministri, në Presidencë, në Gardën e Republikës, në selinë e Partisë Socialiste. Të gjithë e dinë se nuk është në Shqipëri, por pak ose aspak vetë e dinë se ku është kryetari i PS ose kryeministri në detyrë.

Kushtetuta e Shqipërisë përcakton se kryeministri dhe qeveria e tij duhet të qëndrojë në detyrë derisa të zgjidhet kryeministri i ri dhe qeveria pasuese. Pak kush mund të gjejë në kushtetutë, apo në ligjet e shumta të këtij vendi, një argument që mund ta mbajë kryeministrin Fatos Nano në detyrë, pasi është njësoj si t'i dërgosh me SMS thirrjet që lexon Petro Koçi në selinë e zbrazët të Partisë Socialiste. Nano e ka bezdi edhe ligjin, edhe Petro Koçin, pavarësisht se i përdor ndonjëherë kur i duhen për punët e tija.

Pelegrinazhi i fundit i Nanos-kryeministër në detyrë, krijon vetëm njëlloj shqetësimi për publikun. Vërtet shumica nuk duan t'ia dinë s'e nga bredh ky njeri, pasi nuk ndryshon shumëçka në jetën e tyre të përditshme. Shumica e shqiptarëve e kanë zgjidhur mbijetesën jo vetëm duke mos e pasur atë dhe qeverinë e tij pranë, por edhe duke i patur edhe atë, edhe qeverinë e tij kundër. Shqetësimi qëndron tek fakti se Fatos Nano është një pijanec me probleme, edhe kur pi nga qejfi, edhe kur pi nga halli. Media ka zbuluar kohët e fundit informacione të tjera mbi një aksident që ai kreu vite të shkuara në Shkallnuer, duke sjellë vdekjen e një qytetari të pafajshëm. Ai deri tani nuk e ka pranuar se ka qenë i përfshirë në këtë krim, por edhe drejtësia nuk ka hetuar dhe zbuluar autorin dhe rrethanat sesi u krye ai krim. Kjo ka ndodhur në Shqipëri, pasi Nano ka kontroll absolut mbi drejtësinë.

Por, ky njeri që e ka pijen me probleme, nuk mund të gjejë trajtim të njëjtë si në Shqipëri, nëse thyen ligjet në Perëndim, pavarësisht imunitetit të tij diplomatik. Një vit më parë ai u dëbua me forcë nga një bar nate në Manhatan të Nju Jorkut, pasi nuk iu bind ligjit të shtetit për të mos pirë duhan në ambjentet e brendshme. Tani, çështja është nëse Nano është i përfshirë në situata të tilla të ngjashme, ku ai mund të ketë rënë edhe viktimë e mosnjohjes së ligjeve që rregullojnë ndryshe jo vetëm jetën e qytetarëve nga një shtet në tjetrin, por edhe nga një qytet në tjetrin.

Që pas tre korrikut, kur partia e tij humbi ndjeshëm kontrollin e shumicës në parlament, Nano ka shpenzuar jashtë Shqipëri më shumë se tre javë. Ndryshe nga herët e shkuara, kur ai autorizon zëdhënësat e tij të thonë ndonjë deklaratë, apo thjeshtë të lëshojnë ndonjë thashethem, kësaj radhe asgjë e tillë nuk po ndodh, pavarësisht se zhvillimet politike kanë qenë tepër të vrullshme. Deri tani nuk ka asnjë informacion të saktë mbi vendondodhejn e tij dhe kjo e bën të mistershme fatin e kryeministrit në detyrë. Një burim i besueshëm i Partisë Socialiste tha se edhe vetë zv.kryeministri në detyrë, Namik Dokle nuk është në dijeni të vendndodhjes së Nanos. Shqipëria ka shumë institucione që janë të ngarkuara nga ligji që të merren me mbrojtjen e kryeministrit në detyrë. Eshtë mirë që ata të informojnë zyrtarisht opinionin se ku ndodhet kryeministri në detyrë i Shqipërisë. Eshtë përgjegjësia e tyre kushtetuese.

Kryeministri mund te marr pushim si gjith te tjeret.
Pushimin e tij nuk ka e ka ditur se duhet ta lajmroi tek Dilaveri!

[E_Zjarrta]

O vellezer u gjind Nano



*************************************************

Ndryshuar



Bond

[Dilaver]

Nano, nga pushimet në dasmën e Toskës

Kryeministri, pas dy javësh mbërrin në atdhe dhe shfaqet në ceremoninë e martesës së ministrit të Rendit

Darina Tanushi

TIRANË – Vazhdojnë argëtimet për kryeministrin në ikje, Fatos Nano. Pas pushimeve dyjavore të kaluara në disa nga vendet dhe ishujt më të bukur që nga Amerika, Spanja e Greqia, ai së bashku me Xhoanën kanë marrë pjesë dje në ceremoninë martesore të ministrit të Rendit, Igli Toska dhe ish-shefes së tij të protokollit, Valbona Zeneli. Nano ka mbërritur në mjediset e hotel “Adriatik” në Durrës rreth orës 22.00, pak pasi kishte mbërritur edhe çifti Toska-Zeneli. Burimet nga dasma, krejt e mbyllur për mediat, thanë për “Shekullin” se Nano është shfaqur me një fytyrë të qeshur dhe madje të relaksuar nga pushimet e stërzgjatura, pa u shqetësuar për situatën paszgjedhore, ku PS-ja rezultoi humbëse. Edhe pse është kthyer në atdhe, kryetari socialist është shqetësuar më shumë për lukun e tij në dasmën e Toskës sesa për atë se çfarë ndodh në selinë e PS-së, ku për çdo ditë mblidhen sekretarët e PS-së, në krye të të cilëve është sekretari i përgjithshëm, Gramoz Ruçi, por edhe për situatën në qeveri, e cila mbahet nën kontroll nga zv/kryeministri Dokle. Kryeministri është shfaqur në hyrje të hotelit me një tufë të madhe me lule, të cilën ia dhuroi nuses. Ai është pritur me duartrokitje të zjarrta nga të pranishmit në mjediset e dasmës. Nano ishte i shoqëruar edhe nga bashkëshortja, Xhoana, e cila kishte veshur një fustan tepër të kushtueshëm ngjyrë blu. Çifti kryeministror ka kërcyer nën ritmet e muzikës. Kjo është dalja e parë e Nanos, edhe pse jo plotësisht në publik, (për faktin se dasma nuk u lejua të filmohej nga kamerat apo të fotografohej), pas kthimit në Tiranë.
Detajet e ceremonisë
Hoteli ishte rrethuar që prej disa orësh përpara nga ushtarë të Gardës dhe forca të rendit, për të siguruar mbarëvajtjen e ceremonisë, ku në fakt nuk ka marrë pjesë ndonjë drejtues i lartë i shtetit, përveç Nanos. Ndërsa nga deputetët socialistë kanë qenë Arben Malaj, Petro Koçi e Shpëtim Idrizi. Siguria e madhe përreth hotelit ka sjellë edhe çrregullime në trafik. Rruga nga Durrësi në Tiranë ka patur në disa segmente të saj një trafik të paparë. Megjithëse ishte parashikuar që ceremonia të niste rreth orës 21.00, ajo ka filluar një orë me vonesë, pasi në mjediset e “Adriatikut” është parë të hyjë Toska me bashkëshorten e tij, me një Benz të zi, mbi të cilin qëndronte një kurorë lulesh. Kjo në fakt duket se ka qenë dita më e gëzuar e Toskës, që prej zgjedhjeve të 3 korrikut, kur ai nuk arriti të fitonte mandatin e deputetit. Gjithçka ka qenë e organizuar në një mënyrë shumë luksoze, po aq sa edhe veshjet e dy protagonistëve. Ndryshe nga ceremonia e organizuar në “Akuadromin” e Tiranës, në hotel “Adriatik” ka patur të ftuar më shumë ish-kolegë dhe ish-shokë shkolle të Toskës dhe Valbona Zenelit. Kjo ka qenë një ceremoni mjaft intime për çiftin, por e çuditshme ka qenë prania e Nanos pikërisht në mes të familjarëve dhe miqve të Toskës, kur një ditë më parë është organizuar një ceremoni e veçantë për figura të njohura të politikës, ku nuk kanë munguar edhe përfaqësues të opozitës, si plaku republikan Sabri Godo, reformatori Tritan Shehu. Igli Toska dhe Valbona Zeneli janë kurorëzuar në martesë të shtunën në Kishën Ortodokse në Tiranë, nën bekimin e kryepeshkopit Janullatos. Gjatë pasdites së të shtunës çifti ka pritur urimet e të ftuarve VIP, ku ka qenë i pranishëm edhe zv/kryeministri Namik Dokle. Pas kësaj ceremonie, çifti pritet të niset për një “muaj mjalti”, por që në fakt nuk do të jetë muaj i plotë. E më pas nusja e re, Valbona, pritet të niset në Uashington për të vijuar një master, ndërsa Toska fillimisht do të presë në detyrë deri në emërimin e pasardhësit të tij.