Nje kenge e ushtareve norvegjeze te KFOR-it, per Kosoven. [Arkivi]

Kalt

13-11-05, 17:55

Një këngë hit pushton Ballkanin: “Millosheviç ...ti je kurvë...”
Nga: Lavdrim TERZIU
E-mail autorin: [email protected]

Ndoshta djemtë norvegjezë nuk e kishin menduar kurrë se shakaja e tyre do ti bënte ata të famshëm brenda ditës. Ata janë vetëquajtur “Big Boys” dhe këngën e tyre e kanë titulluar “Shiptari Boy – Kosovo” (Shiptari – akronim që serbët e përdorin si ofendues për shqiptarët e Kosovës). Ca vargje të thurura mes ushtarësh ata i kanë bashkuar nën melodinë këngës së famshme të viteve 80`, “Kakomo” të Beach Boys. Për ta e gjithë kjo histori e montuar në formën e një vidioklipi ishte një shaka mes ushtarësh, një mënyrë dëfrimi për konsum të brendëshëm.

“Diku, përtej detit, ndodhet një vend që e quajnë Kosovë. Të jetosh aty nuk ke qar, nëse nuk je shqiptar...”- thuhet ndër vargjet e ushtarëve norvegjezë. Më tej, ata vazhdojnë të aludojnë mbi krimet e serbëve në atë pjesë të Evropës. “Ne jemi këtu të mbrojmë të drejtat e njeriut... do ti bombardojmë shkërdhatat serbë deri në vrimën e miut...”.

Por, hiti i tyre ka marrë dhenë brenda 24 orësh. Madje, televizioni shtetëror serb e ka transmetuar të plotë videoklipin e të rinjve nordikë. Talenti i ushtarëve norvegjezë ka krijuar trazira diplomatike në atë zonë të nxehtë të Evropës. Kokat e nxehta të Beogradit që turbullohen për pak, janë ndezur sërish. “Të tilla iniciativa vetëm sa i acarojnë më keq serbët të cilët janë të bindur se në Kosovë nuk respektohet as siguria, as të drejtat e njeriut dhe as diversiteti etnik, - është shprehur Sllobodan Samarxhixh, këshilltar i kryeministrit Koshtunica. Ambasadori norvegjez në Beograd ka kërkuar ndjesë me këtë rast duke shpresuar se kjo nuk do të ndikojë në marrëdhëniet historikisht të mira midis dy vendeve. Ky incident, që ka marrë përmasa diplomatike, ka vënë në pozitë të vështirë edhe vetë autoritetet e KFOR-it në Kosovë. Në një komunikatë për shtyp, komanda e përgjithëshme e KFOR-it e ka quajtur veprimin e norvegjezëve “një shaka të papranueshme”. Mirëpo, pala shqiptare në Prishtinë ka marrë anën e ushtarëve të huaj. Një gazetar është shprehur se veprimi i ushtarëve norvegjezë tregon thjeshtë se ata janë qenie njerëzore dhe jo makineri. “Ata kanë ndjenja dhe opinionet e tyre mbi realitetin në të cilin jetojnë. Ata kanë të drejtën e tyre ti shprehin ato ndjenja në formën e tyre”, - ka thot gazetari Arif Muharremi i të përditshmes “Ekspres”.