Lajme te shpejta!

[Murgesha]

Qytetaret e Prishtines po bajne homazhe per Dr. Rugoven para Teatrit Kombetar.

Lajmerohet se edhe ne te gjitha qytet tjera ne Kosove po bahen homazhe me qirinj.

[Dilaver]

http://www.kosovapress.com/foto/qirnjeteperrugoven.jpg

Prishtinë, 21 janar 2006 (Kosovapress) Time: 19 : 40

Në shenjë nderimi për jetën dhe veprën e kryetarit të Kosovës Ibrahim Rugova, disa qindra qytetarë para teatrit Kombëtar në Prishtinë po ndezin qirinj.

[Psikologu]

Ne komunen e Klines ne sheshin Nenë Tereza po behet homazh me rastin e vdekjes së Kryetarit të Kosves dr:Ibrahim Rugova, ku është vendosur fotografija e presidentit dhe janë dhezur qirinjë të shumtë.
Nga Klina njoftohemi se kryetari i kesaj komune zoteriu Ramë Manaj mbajti një fjalim ku me ketë rast i shprehi ngushllimet familjes së Kryetarit Rugova dhe popullit shqiptarë.

[MemphiSx]

Edhe ne Komunen e Gjakoves,me organizim te FR te LDK-se u organizua ndezja e qirinjeve ne sheshin Nenë Tereza.
Qytetaret e Gjakoves me mjaft dhimbje e priten lajmin per vdekjen e Presidentit Rugova.
Pritje te shumta nga qytetaret e Gjakoves po bëhen edhe ne zyret e LDK-se ne Gjakove.

[Barb|Ka]

Edhe ne Prishtine po solidarizohen shume....Qytetare po dhezin qirinj dhe po luten per Fatin ton....
I qoft i lehte dheu zoteri Ibrahin rugoves....

E gjith Kosova eshte me ty!!!

[doGzona]

Qytetarët e Tiranës ndezin qirinj në sheshin Skënderbej

Tiranë, 21 janar - Qytetarët e Tiranës, kanë fiulluar sot pasdite homazhet në nderim të Presidentit Ibrahim Rugova.
Prej orës 16.00 banorë të kryeqytetit kanë ndezur qirinj në sheshin Skëndërbej, përballë monumentit të heroit Kombëtar “Gjergj Kastriot Skëndërbeu”.
Parlamenti Rinor ftoi të gjithë qytetarët e Tiranës të ndezin qirinj në homazh të Presidentit Ibrahim Rugova, i cili u nda nga jeta sot në mesditë.

[Murgesha]

<<Libri i Pikëllimit>>

http://www.ibrahimrugova.org/

[Dilaver]

Forumi i Rinisë i LDK së për Presidentin Rugova do të vazhdojë me ndezjen e qirinjve në të gjitha qendrat e Kosovës

Prishtinë, 22 janar - Forumi i Rinisë i LDK së në një takim konsultativ ka vendosur që në shenjë nderimi dhe respekti për Presidentin Rugova të vazhdojë me ndezjen e qirinjve në sheshe apo nëpër shtëpi në të gjitha qendrat e Kosovës prej orës 19.00 - 19.30, deri më datën 25.01.2006.
Në Prishtinë ndezja e qirinjve do të bëhet para Teatrit Kombëtar.





<<Libri i Pikëllimit>>

http://www.ibrahimrugova.org/

[Psikologu]

Nga Durresi informohemi se ne ketë qytet jan dhezur qirinjet e shumtë ne perkujtimin dhe nderimin e presidentit të Kosoves Dr:Ibrahim Rugova.
Burimet na informojnë se numri i njerezve ne keto qaste sa vjen dhe rritet shumë e më shumë.

[Psikologu]

Nga Tirana lajmerohemi se ne sheshin Skenderbeu janë mbledhur shumë qytetar të cilet perpos ndezjes së qirinjeve kan vendosur edhe një fotografi të presidentit të Kosoves Dr:Ibrahim Rugova.
Burimet na infromojnë se numri i qytetarve të cilet vijnë për ti berë nderim personalitetit të presidentit të Kosoves Dr:Ibrahim Rugova është vetem duke u shtruar nga qasti ne qast.

[Murgesha]

http://www.trepca.net/2006/foto/presidenti_homazh.jpg

Prishtinë, 22 janar 2006 /TN /QIK - Dhjetëra mijëra qytetarë, nga të gjitha anët e Kosovës dhe nga viset tjera shqiptare, kanë shkuar në rezidencën e Presidentit të Kosovës në Velani, për t'i bërë homazhe Presidentit Rugova dh epër të ndarë dhembjen e pikëllimin me familjarët, të afërmit, miqtë e bashkëpunëtorët e Presidentit Rugova.

http://www.trepca.net/2006/foto/060122homazh03.jpg

Sot madje nga Tirana kishte ardhur princi Leka I për të shprehur respektin ndaj personalitetit të Presidentit Rugova.

Të gjithë pleq e të rinj, burra dhe gra, qytetarë të zakonshëm dhe drejtues e përfaqësues të institucioneve dhe të asociacioneve të ndryshme, të heshtur, të zymtë dhe me sy të përlotur, kanë pritur në radhë të gjata për ta nderuar njeriun që u shndërrua nga një udhëhqës shpirtëror i shqiptarëve të Kosovës në simbol të idealit për lirinë dhe pavarësinë e Kosovës.

http://www.trepca.net/2006/foto/060122homazh02.jpg

Të gjithë e përjetuan humbjen e Presidentit Rugova si një humbje të madhe, të pakompensueshme për Kosovën.

"Humbje e madhe për Kosovën", deklaroi një plak që kishte ardhur për të shprehur dhembjen e tij për Presidentin Rugova.

"Ai ishte njeriu që diti të na ofrojë e të na bashkojë, kur e kishim më së vështiri. Na la në kohë të vështirë", shtoi plaku, me lotë ndër sy.

Rreshti i njerëzve që duan ta shprehin dhembjen e pikëllimin për humbjen e Presidentit Rugova është shumë i gjatë.

Të gjithë duan ta nderojnë njeriun që sublimoi dhe artikuloi ëndrrën dhe aspiratat e popullit të Kosovës për liri e pavarësi, për Plakun Presidentin e Kosovës, Ibrahim Rugova.

http://www.trepca.net/2006/foto/060122homazh01.jpg

[Murgesha]

http://www.trepca.net/2006/foto/060123homazhe_kuvend.jpg

Qytetarët e Kosovës bëjnë homazh presidentit të tyre.

[Fshatari]

Agjensia e lajmeve Rojters njofton që presidenti i Kosovës, Ibrahim Rugova, në testamentin e vetë ka kërkuar të varroset në varrezat e martirve dhe deshmorve të kombnit në Prishtinë.
E lehtë i qoftë toka e bekuar e Kosovës !
Amen!

[Fshatari]

Presidenti i parë i Kosovës të lirë, Ibrahim Rugova, do të pushojë përjetshëm në varrezat e kombit pranë martirve dhe deshmorve të Uçk-së .
Ky ka qenë "amaneti" i presidentit para se të ndahej nga kjo botë.

[Bond]

Gjith ata qe deshirojn qe te japin komentet e tyre,ate munden ta bejne permes faqes se hapur vetem per ngushllime.

www.ibrahimrugova.net

Njekohsisht edhe Forumi Yne i Dardanis dergoi ngushllimet e saja Familjes Rugova dhe tere popullit Shqiptar.


www.ibrahimrugova.net

[Dilaver]

Presidenti i parë i Kosovës të lirë, Ibrahim Rugova, do të pushojë përjetshëm në varrezat e kombit pranë martirve dhe deshmorve të Uçk-së .
Ky ka qenë "amaneti" i presidentit para se të ndahej nga kjo botë.


Varrimi i Rugovës do të jetë kombëtar dhe shtetëror, thotë Hamiti


Prishtinë, 23 janar 2006 (Kosovapress) Time: 19 : 11

Naser Rugova, këshilltar i kryeministrit dhe i afërm i Ibrahim Rugovës, ka thënë për Kosovapress se varrimi i kryetarit të vendit do të bëhet në varrezat e dëshmorëve në lagjen “Velania” të Prishtinës. Roje nderi gjatë tërë ditës ka bërë Garda e Trupave Mbrojtëse të Kosovës, ndërkaq në orët e mbrëmjes rojë nderi janë duke bërë pjesëtarët e SHPK-së.

[Lona]

Kosova nuk dëshiron përfaqësues serbë në varrimin e Rugovës

Prishtinë, 24.11.2006, 12:40


Asnjë përfaqësues zyrtar i autoriteteve të Serbisë nuk do të jetë i mirëseardhur në varrimin e kryetarit të Kosovës Ibrahim Rugova.

Këtë, siç transmeton agjencia e lajmeve Makfaks, e shkruan sot shtypi në Prishtinë, duke iu referuar burimit anonim në Qeverinë e Kosovës.

Duke komentuar paralajmërimin e kryetarit serb Boris Tadiq për prani në varrimin, një përfaqësues i Qeverisë së Kosovës i cili ka kërkuar të mbetet anonim, ka thënë se Kosova nuk dëshiron prani të Beogradit në lamtumirën e fundit të kryetarit të vet.

Shtypi në Prishtinë bën të ditur se Tadiqi ka kërkuar nga UNMIK-u që t`i mundësojë të enjten të marrë pjesë në varrimin e Rugovës, porse, administrata civile e Kosovës, tani për tani, nuk jep informata për kërkesën e kryetarit serb. /Makfaks/

[Lona]

Shqipëria me një delegacion 30 anëtarësh në varrimin e Rugovës

Tiranë, 09:20


Shqipëria në varrimin e kryetarit të Kosovës, Ibrahim Rugova, që do të mbahet të enjten, do të jetë e pranishme me një delegacion 30 anëtarësh, lajmëron korrespondenti i Makfaks-it nga Tirana.

Delegacionin do ta kryesojë kryetari i këtij shteti Alfred Moisiu, ndërsa në të do të jenë edhe kryeministri Sali Berisha, kryetarja e Kuvendit Jozefina Topalli, ish-kryeministri Fatos Nano, ish-kryetari Rexhep Mejdani, si dhe disa përfaqësues të partive politike të këtij vendi.

Kuvendi shqiptar mbrëmë mbajti seancë komemorative kushtuar kryetarit të ndjerë të Kosovës, Ibrahim Rugova.

[Lona]

TMK-ja ka përgjegjësi të plotë për organizimin dhe mbarëvajtjen e ceremonisë së varrimit të Presidentit Rugova

Këshilli Organizativ për organizimin e ceremonisë së varrimit të kryetarit Rugova, ua ka caktuar Trupave të Mbrojtjes së Kosovës për detyrë të bëjnë nderime gjatë homazheve dhe të përcjelljes së funeralit me nderime ceremoniale.

Nga data 23.01.2006, në orën 8.00 – Njësitë e nderit të TMK-së do të qëndrojnë pranë arkivolit të presidentit në Hollin e Kuvendit të Kosovës gjatë homazheve treditëshe Më 26 janar, Trupat e Mbrojtjes së Kosovës kanë përgjegjësinë e plotë të përcjelljes së funeralit nga Kuvendi i Kosovës deri te Salla e Sportit “ 1 Tetori”, në Qendrën e Studentëve, ku do të bëhet ceremonia e fundit lamtumirës. Organizimi dhe mbarëvajtja e ceremonisë janë përgjegjësi e Trupave të Mbrojtjes së Kosovës.

Në përfundim të kësaj ceremonie TMK do të përcjellë me nderime arkivolin e presidentit deri në varreza dhe me rastin e lëshimit të trupit në varr do të përcillet me të shtëna nderi.

Për këtë ceremoni Komandanti i TMK-së ka urdhëruar ngritjen e gatishmërisë dhe angazhimin e të gjitha Zonave dhe Njësive Vartëse të TMK-së, thuhet në një kumtesë për media të nënshkruar nga Zëdhënësi i TMK-së, kolonel Shemsi Syla

[Lona]

Rugova, Kosova me himn dhe flamur

Flamuri i Kosovës i ideuar nga Rugova, ka simbolet e Dardanisë antike, krahinë e Ilirisë së lashtë.

Ky është flamuri që ruan simbolin kombëtar shqiptar, shqiponjën dykrerëshe, por në një fushë blu që simbolizon shtetin e pavarur të Kosovës. Kjo hyn në ngjyrat e Bashkimit Evropian dhe paralajmëron edhe të ardhmen e integrimeve euroatlantike të Kosovës. Kryetari i shtetit e ideoi këtë si flamur shtetëror të Kosovës, por flamuri kombëtar mbetet ai që është edhe për shqiptarët e Kosovës.Himni i Kosovës është një këngë e vjetër patriotike e çetave kryengritëse të vitit 1910 dhe paraqet luftën, idealet dhe ëndrrën e shqiptarëve të Kosovës për shtet, liri e pavarësi. Ai është ndryshuar së fundmi, po përsëri me idenë e Presidentit të Kosovës.

/ 24 01 2006/V.H.

[Urata]

Komuna e Prishtinës organizon transportin për qytetarët
Prishtinë, 24 janar - Të gjithë qytetarët që udhëtojnë me tren në linjat Kaçanik Fushë Kosovë dhe Mitrovicë Fushë Kosovë, për t'i bërë homazhe trupit të pajetë të Presidentit të Kosovës Ibrahim Rugova, transporti i tyre i organizuar sot dhe nesër do të bëhet deri në Prishtinë, mbrapa Pallatit të Rinisë. Kjo marrëveshje është arritur sot, pas një takimi të drejtorit për Shërbime Publike dhe Komunikacion në Komunën e Prishtinës, Avdurrahman Krasniqi dhe përfaqësuesve të Hekurudhave të Kosovësa. Transporti i qytetarëve që udhëtojnë në këtë linja për homazhe, në të dy drejtimet do të bëhet pa pagesë.
Ndërkaq, për ditën e varrimit më 26 janar qytetarët që udhëtojnë në këto dy linja rreth organizimit si dhe për mundësin e angazhimit të një linje nga Peja për në Prishtinë, do të informohen me kohë, thuhet në një njoftim të komunës së Prshtinës.

JU LUMTE!

[Psikologu]

Mijëra qytetarë dhe zyrtarë vendorë e ndërkombëtarë po i bëjnë homazhe kryetarit Ibrahim Rugova

TMK konfirmon se ka marrë përgjegjësinë për nderimet ushtarake gjatë ceremonive mortore të kryetarit Rugova

Prishtina ofron transport për ata që vijnë nga anë të ndryshme të vendit për t'i bërë nderime kryetarit Rugova

Meteorologët thonë se ditën e varrimit të kryetarit Rugova, temperaturat do të jenë më të larta

Ushtarakët gjerman të KFOR-it në Prizren thonë se ndjejnë dhimbje për kryetarin e Kosovës

Aeroporti ka siguruar derivatet, mbërrin në 40 numri i kërkesave për aterrime shtesë

UNMIK-u i thotë Tadic-it se s'është moment i përshatshëm për të ardhur në Kosovë

KFOR shpërndanë pamflete përmes të cilave ngushëllon për vdekjen e kryetarit Rugova

Shtohen hyrjet nëpër pikat e kalimit kufitar, policia thotë se rrugët janë të kalueshme

Homazhe në Akademinë e Shkencave të Shqipërisë për kryetarin Rugova

[Lona]

24.01.2006
Këshilli Ekzekutiv i Varrimit të Presidentit Rugova, i mbledhur sot pasdite nën drejtimin e kryetarit të Këshillit, akademik Nexhat Dacit, u njoftua për punët përgatitore që kanë bërë grupet operative për organizimin e ceremonisë së varrimit të Presidentit Rugova.

Këshilli vlerësoi se përgatitjet po shkojnë me ritmet e planifikuara, duke veçuar punën e Trupave të Mbrojtjes së Kosovës (TMK) dhe të Shërbimit Policor të Kosovës (SHPK) në gjithë këtë proces. Gjithashtu, Këshilli sërish vlerësoi lart sjelljen dinjitoze dhe devotshmërinë e qytetarëve të Kosovës, të cilët në numër të madh vazhdojnë të bëjnë homazhe në nderim të figurës së Presidentit Ibrahim Rugova.
Këshilli i Varrimit miratoi elementet kryesore të protokolit të ceremonisë së varrimit të Presidentit. Ceremonia qendrore do të mbahet ditën e enjte në Sallën "1 Tetori", duke filluar nga ora 13:00, ndërsa varrimi në Varrezat e Dëshmorëve në lagjen "Velania" të Prishtinës.
Në ceremoninë zyrtare në sallën "1 Tetori" fjalë rasti do të mbajnë: shefi i UNMIK-ut Soren Jesen Petersen, kryetari i Kuvendit të Kosovës, akademik Nexhat Daci, kryeministri i Kosovës, Bajram Kosumi, nënkryetari i LDK-së, Kolë Berisha, dhe përfaqësuesi i familjes së Presidentit Rugova.
Këshilli i Varrimit u njoftua se delegacione të shumta nivelesh të ndryshme qeveritare kanë paralajmëruar pjesëmarrjen në ceremonitë mortore të Presidentit Rugova.
Orari për homazhet publike në hollin e Kuvendit të Kosovës për ditën e mërkurë mbetet ai që ishte shpallur në fillim, nga ora 09:00 deri në 18:00. Mirëpo, do të ushtrohet fleksibiliet ndaj fluksit eventual të madh të qytetarëve në orët e pasdites.
Këshilli Ekzekutiv i Varrimit do të mblidhet të mërkurën në orën 17:00 në ndërtesën e Qeverisë, për të saktësuar detajet përfundimtare të ceremonisë së funeralit të Presidentit Rugova, thuhet në një komunikatë të Këshillit. qik

[Lona]

Rugova do të varroset nesër
Prishtinë, 25.01.2006, 12:45


Rreth 40 delegacione të shteteve dhe përfaqësues të organizatave ndërkombëtare do të jenë të pranishëm të enjten në Prishtinë në lamtumirën e fundit për kryetarin e Kosovës Ibrahim Rugova, lajmëroi sot Këshilli për varrim i Qeverisë kosovare.

Maqedoninë në varrimin e Rugovës duhet ta përfaqësojë shefi i shtetit Branko Cërvenkovski, ndërsa do të jenë të pranishëm edhe liderët politik shqiptarë në vend.

Janë paralajmëruar edhe burrështetas dhe përfaqësues të lartë të qeverive nga thuajse të gjitha vendet e rajonit, si dhe nga Bashkimi Evropian në emër të të cilave në varrimin do të jenë të pranishëm përfaqësuesi i lartë për Politikë të Jashtme dhe të Sigurisë Havier Solana dhe komesari për Zgjerim, Oli Ren.

Mbetet e hapur çështja nëse në varrimin do të jetë i pranishëm kryetari i Serbisë Boris Tadiq, i cili shprehu dëshirë dhe për këtë kërkoi leje nga UNMIK-u.

Pas shpalljes së lajmit se Këshilli për varrim i Qeverisë së Kosovës ka refuzuar kërkesën e Tadiqit, shefi i UNMIK-ut Soren Jesen Petersen deklaroi se vendimi për këtë mbetet në familjen e Rugovës.

"Familja e kryetarit të ndjerë të Kosovës është ajo që duhet të vendosë nëse kryetari serb do të jetë i pranishëm në varrimin", deklaroi mbrëmë Peterseni pas takimit në Prishtinë me kryetarin e Kuvendit të Kosovës Nexhat Daci.

Kryetari i Kosovës Ibrahim Rugova do të varroset të enjten pasdite në varrezat e dëshmorëve të Ushtrisë Çlirimtare të Kosovës (UÇK) në lagjen Velani të Prishtinës.

Shoqatat kosovare të veteranëve të UÇK-së sot përmes kumtesës porositën se janë kundër asaj që Rugova të varroset në varrezat në Velani.

Mediumet kosovare lajmërojnë se edhe krahas rezistencës së veteranëve të UÇK-së, punët rreth ceremonisë së nesërme zhvillohen me dinamikën e duhur.

Varrimi i Rugovës, në pajtim me dëshirën e anëtarëve të familjes së tij më të ngushtë, do të bëhet pa ceremoni fetare.

Në varrimin është paraparë të flasin pesë udhëheqës, prej të cilëve tani për tani është e njohur se do të mbajnë fjalim shefi i UNMIK-ut Soren Jesen Petersen dhe kryetari i Kuvendit Nexhat Daci.

Televizioni i Maqedonisë (TVM) me teknikë dhe personel do t`i ndihmojë Televizionit të Kosovës (RTK) në realizimin e transmetimit të ceremonisë mortore që drejtpërdrejt do të emetohet në programin në gjuhën shqipe të TVM-së.

Redaksia shqiptare në TVM lajmëroi se do të ndihmohet me dy automjete raportuese, teknikë me 40 persona profesionalë.

Këshilli për varrimin e kryetarit Rugova lajmëroi se aeroporti i Shkupit sot dhe nesër do t`i vihet në ndihmë aeroportit të Prishtinës për arritjen e delegacioneve për varrimin e nesërm.

[Dilaver]

Më shumë se 400 mijë veta i kanë bërë deri më sot homazhe Presidentit të Kosovës Dr.Ibrahim Rugova, në shenjë identifikimi me vullnetin e ikonës së tyre historike. (deri tani)

[Urata]

Ansambli "Rugova" i bëri homazhe Presidentit Rugova dhe ngushëlloi Kryesinë e LDK-së


http://www.trepca.net/2006/presidenti/rugova_25_0_v1.jpg
--------------------------------------------------------------------------------

Prishtinë, 25 janar 2006 /TN /QIK - Anëtarët e snsamblit autokton të këngëve dhe valleve "Rugova", të veshur me kostume kombëtare, sot i bënë homazhe Presidentit Rugova. Ky ansambël kultivon traditën burimore folklorike rugovase, krahinë e njohur kjo shqiptare, së cilës i takon edhe familja e Presidentit Rugova.

Në mesin e anëtarëve të ansambilit ishin edhe moshat më të reja, të cilët do të përcjellin këtë traditë. Ky ansambël, i ardhur në tërësinë e tij për homazhe, më pas ka ngushëlluar edhe kryesinë e LDK-së, në mesin e të cilëve ishte edhe nënkryetari Kolë Berisha.

Pas ngushëllimeve ata janë nënshkruar edhe në librin e zisë të hapur nga LDK-ja, në selinë e saj. Poashtu edhe në selinë e LDK-së, vazhdojnë të vijnë numër i madh i delegacioneve, si nga Zvicra, Suedia, Italia, Brukseli etj.

[Urata]

Mesazhe ngushëllimi nga Bashkimi i Shoqatave Shqiptare dhe Arbëreshe në Itali dhe të tjera

http://www.trepca.net/2006/foto/pres_rugova10.jpg



--------------------------------------------------------------------------------

Prishtinë, 25 janar 2006 /TN /QIK - Në mesazhin e ngushëllimit që ka arritur nga Bashkimi i Shoqatave Shqiptare dhe Arbëreshe në Itali thuhet:

"Kombi ynë humbi një figurë të madhe, çfarë të rrallë i ka bota, një intelektual të rangut të lartë botëror, një politikan vizionar largpamës, një luftëtar të palodhshëm në realizimin e aspiratave tona kombëtare – Presidentin e Parë të Kosovës, Dr Ibrahim Rugova.

“Me veprën e Tij, Rugova hyri në historinë tonë kombëtare, duke zënë vendin e merituar... menjëherë mbas Gjergj Kastriotit – Skënderbeut dhe Gonxhe Bojaxhiut – Nënës Tereze", thuhet në ngushëllimet e kësaj shoqate të nënshkruar nga Engjëll Koliqi.


Lidhja Shqiptare në botë – Dega në Itali: "Pranoni ngushëllimet tona për humbjen e Kolosit të Madh të Kombit – Ibrahim Rugova, ngushëllime që ju vijnë prej zemrave tona të djegura nga dhembja.

Të jemi bashkë krenarë që e patëm dhe ta nderojmë amanetin e tij për Kosovën e Pavarur, për lirinë, paqen dhe demokracinë e mirëfilltë të Kombit Shqiptar, tash e deri në amshim.

Me lot në sy e përnjëherësh edhe me krenari, gjithmonë!", thuhet në telegramin e kësaj Lidhjeje.

Shoqata Shqiptare «KOSOVA»: "Lajmi për ndarjen e parakohshme fizike nga ne të Presidentit Rugova, ka bombarduar keq zemrat tona mërgimtare. Ju lutem pranoni ngushëllimet tona me porosinë për unitet kombëtar në realizimin e aspiratave tona, ashtu siç na mësonte gjithmonë Presidenti Rugova".

Shoqata Shqiptare «Shote Galica»: "Na ka tronditur të gjithëve lajmi për ndërrimin jetë të Presidentit të Kosovës Ibrahim Rugova. Mirëpo, në këto çaste dhembjeje, në shpirtin tonë vjen edhe krenaria, kur dëgjon vlerësimet nga mbarë bota se Rugova ishte një personalitet i madh në shërbim të paqes dhe të dashurisë njerëzore dhe intelektual i mirëfilltë, që do të zëjë vendin e merituar në historinë e mbarë njerëzimit!"

Bashkësia Shqiptare në Leko dhe rrethinë: "Ndërroi jetë Babai i Pavarësisë së Kosovës, por nuk janë shuar aspiratat tona, që do t'i realizojmë me frymën e Shpirtit të Shenjtë të Ibrahim Rugovës! Ne shqiptarët, që në Leko dhe rrethinë jemi rreth 3500, jemi tronditur thellë në shpirt me humbjen e figurës së madhe kombëtare – Ibrahim Rugova.

Ditën e Madhe të njohjes së pavarësisë do e kremtojmë me lot në sy, por edhe me krenari, sepse shpirti i Rugovës do të frymojë deri në amshim në zemrat e të gjithë shqiptarëve!".

[Urata]

Ekipi mjekësor amerikan nga baza Landshtul bëri homazhe dhe i shprehu ngushëllime familjes së Presidentit Rugova
http://www.trepca.net/2006/presidenti/060125_amerikanet1.jpg

http://www.trepca.net/2006/presidenti/060125_amerikanet2.jpg

--------------------------------------------------------------------------------



Prishtinë, 25 janar 2006 /TN /QIK - Ka qenë i prekshëm e emocional sot takimi i ekipit mjekësor nga baza amerikane Landshtul të Gjermanisë me familjen e Presidentit Rugova, i cili që nga diagnostifikimi i sëmundjes së rëndë të Presidentit, ka bërë çmos për shëndetin e tij.

Guillermo Telez, nënkolonel, kirurg, Joseph Flynn, major, onkolog dhe Kenny Davis, kapiten, teknik, sot bënë homazhe para trupit të pajetë të Presidentit Rugova dhe i shprehën ngushëllime familjes së Presidentit, ku qëndruan për një kohë të shkurtër edhe në rezidencën në Velani.

Që të tre ata kanë ardhur shpesh në Prishtinë në rezidencën në Velani gjatë pesë muajve të kaluara për ta shpëtuar jetën e Presidentit nga sëmundja e rëndë.

Edhe gjatë momenteve të fundit të jetës së Presidentit Rugova Tellez, Flin e Davis ishin pranë tij.

[Urata]

FR i LDK-së me një mbledhje komemorative nderoi jetën dhe veprën e Presidentit Rugova
http://www.trepca.net/2006/presidenti/060125_forumi.jpg

--------------------------------------------------------------------------------

Prishtinë, 25 janar 2006 /TN /QIK - Forumi Rinor i Lidhjes Demokratike të Kosovës mbajti sot një mbledhje komemorative në shenjë nderimi për jetën dhe veprën e Presidentit Ibrahim Rugova.

Kjo ceremoni mortore, e cila u mbajt në sallën e kuqe të Pallatit të Rinisë, filloi me një minut heshtje, ndërsa një fjalë rasti e mbajti Sejdë Tolaj kryetar i Forumit Rinor të LDK-së, ku ndër të tjera tha:

“Ne kemi një përparësi ndaj gjeneratave tjera! Të tjerët kanë jetuar në kohëra e sisteme të ndryshme, ndërsa ne i takojmë vetëm një epoke – epokes së Ibrahim Rugovës! Dhe për këtë mburremi shumë!”

Tolaj theksoi se shtetet mund t’i krijojnë vetëm kolosët dhe Dr.Ibrahim Rugova ishte i tillë, ndër më të medhenjtë që ndonjëherë ka patur populli shiptar. Andaj kolosët nuk vdesin kurrë.

Tolaj theksoi se Presidenti Rugova ishte njeri i Kosovës, ishte udhëheqësi shpirtëror e faktik, që e lindi vet populli i Kosovës, duke shtuar se ai na shpëtoi nga shpërbërja e plotë si komb dhe na riktheu dinjitetin e nëpërkëmbëmbur me shekuj.

Kreu i Forumi Rinor të LDK-së ka nënvizuar se merita i takon Presidentit Rugova që kaloi periudha e pasluftës pa tronditje e gabime, për ta bërë këtë vend të vogël shtet sovran e demokratik!

[Urata]

Një tren speciale nesër niset nga Peja për në PrishtinëPrishtinë, 25 janar - Nesër më 26 janar, të gjithë ata që dëshirojnë të marrin pjesë në varrimin e Presidentit të Kosovës Ibrahim Rugova, nga qyteti i Pejës në mënyrë të organizuar në orën 8.50 min. niset treni i cili, në Prishtinë prapa Pallatit të Rinisë, arrin në orën 10.30, ndërsa kthimi i trenit për në Pejë bëhet në 16.00. Itinerari i linjave hekurudhore nga Kaçaniku për në Prishtinë dhe nga Mitrovicë në Prishtinë, mbetët i njëjtë.
Stacioni i zbritjes dhe i kthimit të qytetarëve nga këto qytete është mbrapa Pallatit të Rinisë, në Prishtinë

[Urata]

Nesër nga ora 07:00 deri 19:00 ndërpritet transporti në të gjitha rrugët magjistrale dhe rajonale
Prishtinë, 25 janar - Me qëllim që ceremonia e funeralit të Presidentit të Kosovës Ibrahim Rugova të zhvillohet pa pengesa dhe sa më mirë, ministri i Transportit dhe Postë-Telekomunikacionit, Qemajl Ahmeti ka nxjerrë një Urdhëresë për transportin e obliguar të mallrave në relacione dhe periudhë të caktuar.
Me këtë urdhëresë, e cila hyn në fuqi menjëherë, ministri Ahmeti urdhëron të gjithë drejtuesit e automjeteve të transportit të mallrave, që me datën 26 janar nga ora 07:00 deri në orën 19:00 të ndërpritet transporti në të gjitha rrugët magjistrale dhe rajonale të Kosovës

[Urata]

KFOR-i nderon Presidentin Rugova
Prishtinë, 25 janar – Që nga e marta, KFOR-i ka filluar shpërndarjen e postereve nëpër rrugët e Prishtinës, me të cilat i shprehin ngushëllime familjes dhe popullit të Kosovës për Presidentin Dr Ibrahim Rugova dhe i sigurojnë qytetarët se mbështetja e paqeruajtësve ndërkombëtarë të NATO-s (KFOR) do të vazhdojë edhe më tej. Në posterin, që ushtarët e KFOR-it po ua shpërndajnë qytetarëve dhe i cili po emitohet në mediat elektronike dhe po botohet në mediat e shkruara, thuhet:
“President i Kosovës, Zoti Ibrahim Rugova ndërroi jetë pas një sëmundjeje të rëndë dhe të gjatë. Ne i shprehim ngushëllime të sinqerta të gjithë qytetarëve të Kosovës dhe nderojmë kujtimin për të dhe dëshirën e tij për paqe. Qytetarët e Kosovës mund të llogarisin në përkrahjen e vazhdueshme të KFOR-it.”, thuhet në posterin e KFOR-it.

[Urata]

Hotel "Grand" i rezervuar në tërësiPrishtinë, 25 janar - Zyrtarët e hotelit "Grand" kanë bërë të ditur se janë rezervuar gati të gjitha kapacitetet e këtij hoteli reprezentativ të Kosovës. Pjesa më e mirë e hotelit tashmë është rezervuar për delegacionet e huaja. Shqipëria është vendi që ka rezervuar më së shumti vende. Qeveria e saj ka rezervuar 23 vende, por nga Shqipëria pritet të vijnë 50 vetë. Po kështu Princ Leka ka rezervuar dhe do të vijë sërish nesër për të marrë pjesë në varrimin e Presidentit Rugova. Nga Mali i Zi është konfirmuar rezervimi i 10 vendeve. Në këtë hotel kanë rezervuar vende Kroacia, Holanda, Indija, Malajzia, Austria. Nga SHBA janë rezervuar mbi 26 vende, ndër ta edhe biznesmeni shqiptar Hari Bajraktari, nga Gjermania janë rezervuar vendet për një delegacion 10 anëtarësh, Rusia ka rezervuar 4 vende, Norvegjia 3 vende. Në hotelin "Grand" ka rezervuar edhe i mirënjohuri Kai Aide, ambasadori norvegjez në NATO dhe ish-i dërguari i Sekretarit të përgjithshëm të OKB-së, Kofi Anan, për Kosovë. Edhe në hotelet e tjera të Prishtinës dhe të Kosovës ka pasur rezervime të pjesëmarrësve nga vendet e ndryshme të botës në ceremoninë mortore të Presidentit Dr. Ibrahim Kosova.

[Urata]

Katrinë Kolona e Bernar Kushner e përfaqësojnë Francën në varrimin e Presidentit Rugova
Prishtinë, 25 janar - Katrinë Kolona, ministre e deleguar për Çështjet Evropiane, do ta përfaqësojë Francën në varrimin e Presidentit të Kosovës, Ibrahim Rugova. Ajo do të jetë e shoqëruar nga Bernar Kushner, ish-përfaqësuesi i parë special i Sekretarit të Përgjithshëm të Kombeve të Bashkuara në Kosovë, në vitet 1999-2001, ka njoftuar Ministrisa franceze e Punëve të Jashtme.

[Urata]

Homazhet për Presidentin Rugova vazhdojnë për të tretën ditë me radhë

http://www.trepca.net/2006/presidenti/060125homazhe01.jpg

http://www.trepca.net/2006/presidenti/060125homazhe02.jpg


--------------------------------------------------------------------------------

Prishtinë, 25 janar 2006 /TN /QIK - Homazhet për Presidentin Rugova po vazhdojnë për të tretën ditë me radhë.

Me gjithë temperaturat e ulta (deri në minus 15 gradë), edhe në orët e sotme të mëngjesit qytetarë të shumtë presin në rresht për t'i bërë nderimet e fundit Presidentit të Kosovës.

Ata vijnë nga vise të ndryshme të Kosovës, shumë prej tyre me portretin në duar të Presidentit.

Kanë ardhur edhe shumë bashkatdhetarë tanë nga Evropa, SHBA-ja dhe vendet e tjera.
Po ashtu edhe në të gjitha qytetet e Kosovës po bëhen homazhe për Presidentin Rugova, ku janë hapur edhe librat e zisë.

Janë mbajtur edhe mbledhje komemorative si në Gjakovë, Pejë, Istog, Mitrovicë, Prizren, Fezizaj, Gjilan Podujevë, Drenas, Skënderaj, etj.

Homazhe në hollin e Kuvendit të Kosovës do të bëhen edhe nesër paradite.

Ndërkohë, po bëhen përgatitjet intensive për zhvillimin e ceremonive mortore për ditën e nesërme më 26 janar, për t'i dhënë lamtumirën e fundit Presidentit Rugova.

[Zana_ch]

AKTIVITETE INTENSIVE NË AEROPORTIN E PRISHTINËS



Albana Isufi, Prishtinë


Aeroporti i Prishtinës është vërshuar sot nga fluturimet speciale, me të cilat, delegacione shtetërore dhe personalitete botërore nga shtete të ndryshme po mbërrijnë në Prishtinë, për të marrë pjesë në varrimin e nesërm të presidentit Ibrahim Rugova.
Zëvendësdrejtori i përgjithshëm i aeroportit të Prishtinës, Afrim Aziri, thotë se vetëm gjatë ditës së sotme kanë mbërritur 26 aeroplanë speciale, ushtarakë dhe komercialë dhe po aq do të largohen nga aeroporti i Prishtinës.
Aziri thotë që kanë përgatitur edhe plane emergjente në rast të shtimit të numrit të fluturimeve.
“Aeroporti i Prishtinës i ka kryer të gjitha përgatitjet e domosdoshme për pritjen e fluksit të trafikut. Deri tash nuk kemi probleme serioze, i kemi planifikuar të gjitha aktivitetet dhe në rast emergjente kemi planet rezervë, të cilat i zbatojmë në rast se rritet numri i trafikut. Sa i përket infrastrukturës, edhe të gjitha tjerave, aeroporti i Prishtinës është në gjendje gatishmërie për ta përballuar çdo befasi”.
Edhe kompanitë hoteliere në Prishtinë janë mobilizuar për të pritur numrin e madh të mysafirëve nga bota e rajoni.
Sabri Mikullovci, drejtor i Hotelit Grand, njëri nga hotelet më të mëdha që gjendet në qendër të Prishtinës, thotë se vetëm për mysafirët e qeverisë janë rezervuar qindra shtretër. Ai thotë se pothuajse të gjitha vendet tashmë janë zënë.
“400 shtretër janë në dispozicion të qeverisë, me numrin me të madh është delegacioni i Shqipërisë dhe i Malit të Zi dhe shumë rezervime kanë bërë zyrat diplomatike evropiane”.
Në anën tjetër Shërbimi Policor i Kosovës, që nga e shtuna, ditën kur edhe ndërroi jetë presidenti Ibrahim Rugova, ka rritur masat e sigurisë, duke shtuar numrin e policëve në rrugë.
Zëdhënësja Sabrije Kamberi thotë se Shërbimi Policor i Kosovës deri tash është fokusuar më shumë në ruajtjen e rendit në kryeqytet, përkatësisht para ndërtesës së Kuvendit, ku qytetarë të shumtë po i bëjnë homazhe presidentit Ibrahim Rugova, trupi i pajetë i të cilit tash 3 ditë është i vendosur në ndërtesën e Kuvendit të Kosovës. Por, për shkak se nga aeroporti i Prishtinës delegacione të huaja shtetërore po vërshojnë nga Prishtinë, Kamberi thotë se SHPK ka shtuar pjesëmarrjen e policëve në këtë rrugë magjistrale.
“Përveç patrullimeve rutinore që po i bëjnë, janë të vendosur edhe në pika kontrolli në mënyrë që ta vëzhgojnë më për së afërmi situatën se si është duke rrjedhur trafiku dhe të gjithë këto”.
Shërbimi Policor i Kosovës është ngarkuar nga këshilli ekzekutiv i varrimit të presidentit, që të ruajë sigurinë gjatë gjithë kohës sa zgjasin ceremonitë mortore. Vetëm në rast nevoje, SHPK do të ndihmohet nga KFOR-i dhe policia e UNMIK-ut.
Ndërkohë, Ministri i Transportit dhe Postë-Telekomunikacionit, Qemajl Ahmeti, ka lëshuar një urdhëresë, me të cilën urdhërohen të gjithë drejtuesit e automjeteve të transportit të mallërave, që nesër nga ora 07:00 deri në orën 19:00 të ndërpresin transportin në të gjitha rrugët magjistrale dhe rajonale të Kosovës.

[Fshatari]

Katrinë Kolona e Bernar Kushner e përfaqësojnë Francën në varrimin e Presidentit Rugova
Prishtinë, 25 janar - Katrinë Kolona, ministre e deleguar për Çështjet Evropiane, do ta përfaqësojë Francën në varrimin e Presidentit të Kosovës, Ibrahim Rugova. Ajo do të jetë e shoqëruar nga Bernar Kushner, ish-përfaqësuesi i parë special i Sekretarit të Përgjithshëm të Kombeve të Bashkuara në Kosovë, në vitet 1999-2001, ka njoftuar Ministrisa franceze e Punëve të Jashtme.

Artikull i Bernard Couchner, botuar dje me 24 janar në gazetën më të njohur franceze, "Le Monde" :"...Sans lui, sans son obstination lisse, sans la persistance de son refus, il n'y aurait aujourd'hui ni Kosovo ni espoir de liberté pour cette province serbe..."..
Përkthim : "Pa të(Rugovën), pa kokëfortësinë e tij të butë, pa këmbênguljen e tij të vazhdueshëm, sot nuk do të kishte as Kosovë as shpresë për lirinë në këtë provincë serbe...".
Për shprehjen se Kosova është "territor i serbisë", tadiç shkaut iu ështê refuzuar ardhja në funeralin e presidentit Rugova.
"Provincë serbe" dhe "territor serb" kanë kuptim të njëjtë.
Nuk duhet diskriminuar : për deklarata publike të njëjta u duhet rezervuar i njëjti tretman : tadiçit dhe kushnerit nuk u duhet lejuar hyrja në Kosovë.

[MemphiSx]

Edhe ne kto ore te vona,e shum te ftohta vargu i njerzve ska te ndalur,per ti bere homazhe Presidentit Rugova.
Edhe ne zyret e LDK-se ne Prishtine,edhe tani ne kto momente turma njerzish vijn qe te ngushllojn Kryesin e LDK-se,dhe te lejn mesazhet e tyre ne Librin Perkujtimor.
Deri ne momentin kur do te ndahemi(fizikisht)nga Presidenti Rugova,kan mbet shum pak kohe.
Lutemi per Presidentin Rugova,qe te prehet ne paqe.

Faleminderit,Familje Rugova qe na dhurove nje bir Kosove.

[Fshatari]

Nisin ceremonite per varrimin e presidentit Rugova. Trupi i pajete trasportohet drejt salles “1 Tetori”



Nga Ina Koxha-Daniela Bonollari
PRISHTINE (26 Janar)


Ora 12:36-Mberrin ne sallen "1 Tetori“ princi shqiptar Leka Zogu I . Sapo ka mberritur ne Sallen "1 Tetori“ edhe princi shqiptar Leka Zogu i Ii cili gjithashtu po kryen homazhe ne trupin e pajete te Rugoves. Dje ai eshte pritur nga kryeparlamentari, Nexhat Daci.

Ora 12:35-Delegacioni maqedonas mberrin ne sallen "1 Tetori". Presidenti i Maqedonise Branko Cervenkovski ka hyre ne sallen e madhe ku eshte vendosur trupi i pajete i Presidentit Ibrahim Rugova dhe po ben nderimet e fundit per te ndjerin.

Ora 12:30-Kryeadministratori Soren Jesen Petersen dhe Kryeministri Bajram Kosumi ulur prane njeri tjetrit. Dy drejtuesit kryesore te Kosoves pasi kane bere homazhet e fundit prane trupit te pajete te Presidentit Ibrahim Rugova jane ulur prane njeri-tjetrit ne sallen "1 Tetori".

Ora 12:20-Ne aeroportin e Prishtines ka mberritur delegacioni i fundit, ai slloven. Sapo ka zbritur ne aeroportin e Prishtines delegacioni i shtetit te Sllovenise, i fundit qe pritej te mberrinte ne Prishtine per t'i bere nderimet e fundit Ibrahim Rugoves. 25 Fluturime "VIP“ jane bere ne drejtim te Prishtines dhe mesohet se nuk kane pasur probleme pavaresisht kohes se keqe.

Ora 12:18-Mberrin ne sallen "1 Tetori" delegacioni i Shqiperise, kryesuar nga Presidenti Moisiu. Presidenti Alfred Moisiu, kryeministri Sali Berisha, kryeparlamentarja, Jozefina Topalli nenkryetari i Partise Demokratike, Bamir Topi, Ministri i Jashtem Besnik Mustafaj sapo kane mberritur ne sallen "1 Tetori" per ceremonine perkujtimore ndaj Presidentit Rugova. Delegacioni shqiptar po kryen homazhe para trupit te pajete te Rugoves.

Ora 12:17-Ahtisar nderon para trupit te pajete te Rugoves. I derguari i Kombeve te Bashkuara per procesin e negociatave per te ardhmen e Kosoves dhe njekohesisht kryenegociator i tyre, Marti Ahtisar beri homazhe para trupit te pajete te liderit kosovar Ibrahim Rugova.

Ora 12:15-Opozita kosovare homazhe para trupit te pajete te Presidentit Rugova ne sallen “1 Tetori”. Kreu i PDK, Hashim Thaci, Kreu i Ora, Veton Surroi dy figura te opozites politike kosovare dhe i sapoliruari nga burgu i Hages, Fatmir Limaj kane mberritur ne sallen “1 Tetori” ku po bejne homazhe para trupit te pajete te Ibrahim Rugoves.

Ora 12:05-Delegacionet e huaja lene shenimin e tyre ne librin e zise. Ministrja e Jashtme e Zvicres, Mishel Kalmi Rej, ministri i Jashtem gjerman Franc Valter Shtajnmajer dhe eurodeputetja Doris Pak jane personalitetet nga delegacionet pjesemarrese te huaja qe deri me tani kane lene shenimin e tyre ne librin e zise, i cili eshte hapur me rastin e vdekjes se Presidentit Ibrahim Rugova.

Ora 12:02-Pritet mberritja e Havier Solanes ne sallen e Homazheve. Nderkohe, delegacione tjera jane duke arritur ne sallen “1 Tetori”. Deri ne ora 13.00 pritet te arrijne edhe shefi i diplomacise evropiane Havier Solana, komisionari evropian per Zgjerim Oli Ren, pastaj delegacioni i larte shteteror i Shqiperise udhehequr nga presidenti Alfred Moisiu, pastaj presidenti i Maqedonise Branko Cervenkovski, ai i Sllovenise Janez Dernovshek, delegacioni presidencial i SHBA-ve, ai i Britanise se Madhe, Gjermanise, etj. Jane gjithsej 36 delegacione qe kane paralajmeruar ardhjen ne ceremonine e varrimit te kryetarit te ndjere Ibrahim Rugova.

Ora 12:00-Tirane, qytetaret kryeqytetas keqardhje per humbjen e Rugoves. Banore te Tiranes shprehin keqardhjen per humbjen e Rugoves. Nga Tirana ku pritet te mbahet nje minute heshtje ne nderim te Rugoves qytetare te shumte shprehim konsideratat me te larta per Presidentin Rugova dhe e cilesojne vdekjen e tij te parakohshme. „Ai e ka dashur aq shume pavaresine e Kosoves. Nuk mundi t’a shohe dot te lire vendin e tij. Shpresojme qe endrra e tij te plotesohet“, shprehen ata.

Ora 11:55-Vatikani homazhe mbi trupin e Rugoves. Sapo ka bere homazhe trupit te pajete te kryetarit te Kosoves, Ibrahim Rugova, delegacioni i Vatikanit. Nderkohe ne sallen „1 Tetori“ po pritet qe edhe delegacionet e tjera te vazhdojne te bejne homazhe. Pasi pershkoi kryeqytetin, i vendosur ne Shtratin e Topit, me nderime te larta te Togut te Nderit te Trupave te Mbrojtjes se Kosoves (TMK), i percjelle nga zyrtare te larte vendas e nderkombetare si dhe nga mijera qytetare qe percillnin parakalimin ne te dy anet e rrugeve. Ne kete ceremoni do te marrin pjese 36 delegacione te huaja, perfaqesues te institucioneve te vendit dhe misionit nderkombetar ne Kosove, KFOR-it, zyrave te huaja diplomatike ne Prishtine.

Ora 11:45-Atmosfera ne Shqiperi e ‘heshtur’, ne nderim te Rugoves. Ne Shqiperi atmosfera eshte gjithashtu e trishte ne diten kur do t’i jepet lamtumira presidentit te Kosoves Ibrahim Rugova. Te gjitha veprimtarite kulturore, artistike dhe sportive jane pezulluar dhe jane shtyre per nje date te mevonshme dhe flamuri kombetar eshte vendosur tashme ne gjysmeshtize. Nderkohe qe me kerkese te qeverise te gjitha radiotelevizionet po respektojne diten e zise duke transmetuar muzike funeber apo te lehte. Ne momentin kur arkivoli me trupin e Presidentit Rugova do te zbrese ne banesen e fundit ne varrezat ne Kodren e diellit ne Prishtine aty ku prehen edhe lufteraret e UCK e gjithe Shqiperia do te ndalet. Nje minute heshtje dhe te gjitha borite e makinave do te degjohen ne shenje nderimi per presidentin kosovar qe nderoi jete.

Ora 11:40-tridhjete e gjashte delegacione te huaja marrin pjese ne ceremonine perkujtimore ne sallen “1 Tetori”. Ne ceremonine perkujtimore per Rugoven ne sallen “1 Tetori” ne Prishtine do te marrin pjese 36 delegacione te huaja, perfaqesues te institucioneve te vendit dhe misionit nderkombetar ne Kosove, KFOR-it, zyrave te huaja diplomatike ne Prishtine. Ndryshe, gjate gjithe rruges prej hollit te Kuvendit te Kosoves e deri te salla “1 Tetori”, kortezhi eshte percjelle nga qytetare te shumte qe kishin dale t’i benin pershendetjet e fundit kryetarit te ndjere Ibrahim Rugova.

Ora 11:25-Delegacioni i partise socialiste mberrin ne sallen 1 Tetori. Delegacione te shumta nga vendi dhe bota jane duke arritur ne sallen “1 Tetori” ne Prishtine, ku ne ora 13.00 pritet te filloje ceremonia kryesore me rastin e varrimit te kryetarit te ndjere Ibrahim Rugova. Deri tani ka ardhur nje delegacion i Partise Socialiste te Shqiperise me ne krye Edi Ramen, nje delegacioni i Partise te Bashkimit Demokratik per Integrim i Maqedonise me ne krye Ali Ahmetin, ish-kryeministri Ilir Meta, kryetar i LSI-se, nje delegacion nga Ukraina, ish-shefi i UNMIK-ut Mihajl Shtajner, nje delegacion nga Vatikani kryesuar nga kryeipeshkvi Pier Luigi Celata, pastaj delegacione nga Franca me ne krye ministren per ceshtje evropiane Ketrin Kolona, ne delegacion nga Turqia, Mali i Zi, Pakistani, etj.

Ora 11:20-Delegacionet e huaja mberrijne ne sallen “1 Tetori”, homazhe para trupit te Rugoves. Delegacionet e huaja po akomodohen ne sallen “1 Tetori” ku pritet te filloje ceremonia perkujtimore per Presidentin Ibrahim Rugova. Personalitete te larta te institucioneve kosovare, nderkombetare dhe te huaja po mberrijne ne sallen “1 Tetori” per t’i bere homazhe Rugoves. Kreu i Partise Socialiste, Edi Rama, Sekretari i Pergjithshem i PS, Pandeli Majko e Arta Dade kane bere homazhe para trupit te pajete te Ibrahim Rugoves. Homazhe kane bere dhe boksieri i mirenjohur kosovar, Luan Krasniqi e kreu i BDI ne Maqedoni, Ali Ahmeti.

Ora 10:20-Trupi i pajete i presidentit Ibrahim Rugova eshte vendosur ne qender te palestres “1 Tetori” ne Prishtine ku do te zhvillohet ceremonia perkujtimore. Ne sallen “1 Tetori” pritet te flasin: Kryeadministratori Soren Jesen Petersen, Kryeministri Bajram Kosumi, Perfaqesuesi i Larte i BE se, Javier Solana, Nenkryetari i LDK se, Kole Berisha, Perfaqesuesi i SHBA ve, Sekretari Alphonso Jackson, i deleguar i Presidentit Bush dhe Kyetari i Kuvendit te Kosoves, Akademik Nexhat Daci.

Ora 09:20-Sot Kosova i jep lamtumiren e fundit Presidentit te vet, Dr.Ibrahim Rugova, i cili do te prehet ne Varrezat e Deshmoreve ne lagjen Velania ne Prishtine. Ceremonite e sotme filluan qe nga ora 8.00 dhe deri ne oren 9.00
Njesiti i TMK se i beri nderime Presidentit Rugova, ne hollin e Kuvendit te Kosoves.

Ne oren 9 e 15 minuta para Kuvendit te Kosoves trupi i Rugoves i mbuluar me flamurin e Dardanise eshte nisur per ne palestren "1 Tetori", ku do te zhvillohen ceremonite kryesore te funeralit dhe ku do te mbahen rreth 6 fjalime per Presidentin Rugova. Rruga qe do te pershkroje trupi nga Kuvendi drejt palestres “1 Tetori” eshte rreth 3 kilometra dhe kalon mes per mes Prishtines.
Kortezhi, te cilit i jane bashkuar zyrtaret me te larte te Kosoves dhe shefi i UNMIK-ut, Soren Jessen-Petersen, po kalon neper sheshin "Skenderbej" dhe rrugen "Nena Tereze" drejt salles "1 Tetori" ne Qendren e Studenteve, ku do te zhvillohet ceremonia zyrtare dhe perkujtimore. Prane arkivolit jane 7 kurora lulesh, nga familja e Presidentit, UNMIK-u, KFOR-i, Presidenca, Qeveria, Kuvendi dhe LDK-ja . Rreshta te gjate te qytetareve qendrojne te heshtur aneve te rruges nga po kalon kortezhi mortor ndersa Sherbimi Policor i Kosoves dhe UNMIK kane shtuar masat e sigurise.

Ne sallen “1 Tetori” pritet te flasin: Kryeadministratori Soren Jesen Petersen, Kryeministri Bajram Kosumi, Perfaqesuesi i Larte i BE se, Javier Solana, Nenkryetari i LDK se, Kole Berisha, Perfaqesuesi i SHBA ve, Sekretari Alphonso Jackson, i deleguar i Presidentit Bush dhe Kyetari i Kuvendit te Kosoves, Akademik Nexhat Daci.
Gjate kater diteve te kaluara me qindra mijera qytetare te Kosoves, por edhe nga vise e tjera shqiptare dhe diaspora, neper nje kohe te acarte, i bene homazhe dhe nderuan me pietet te madh Presidentin qe tashme te gjithe e quajne historik te Kosoves.
Tashme kane mberritur ne Prishtine shume delegacione te jashtme ne nivel presidentesh, ministrash, ambasadoresh dhe diplomatesh te niveleve e te ndryshme.
Keshilli ritheksoi se gjate 15 diteve te zise se shpallur kombetare, qe ka filluar te henen me 23 janar 2006, nuk do te kete aktivitete politike, kulturore dhe sportive.

Keshilli i Varrimit ne perberje te gjere do te takohet diten e premte, ne ora 11:00, ne ndertesen e Qeverise per te vleresuar mbarevajtjen e ceremonive perkujtuese dhe mortore per Presidentitn e ndjere, Dr. Ibrahim Rugova.

Ora 09:00-Presidenti i Kosoves do te varroset ne oren 15.00 ne Varrezat e Deshmoreve ne Velani. Ceremonia zyrtare mortore per kryetarin e ndjere te Kosoves, Ibrahim Rugova do te mbahet sot ne sallen “1 Tetori” ne oren 13, nderkohe qe varrimi, i percjelle me fjalimet e zyrtareve te larte vendore e nderkombetare, dhe me te shtena te Togut te Nderit te Trupave Mbrojtese te Kosoves, do te behet ne oren 15 ne Varrezat e Deshmoreve ne lagjen Velania, te Prishtines

(NEWS24/Balkanweb)

[Fshatari]

Ora 12:40-Presidenti shqiptar Moisiu ulur prane Solanes.Shefi i Bashkimit Europian per Politika te Jashte e Siguri, Havier Solana sapo ka kryer homazhet para trupit te pajete te Rugoves ka zene vend ne sallen "1 Tetori" per te marre pjese ne ceremonine perkujtimore. Kamerat kosovare kane fokusuar Solanen te ulur prane Presidentit shqiptar Alfred Moisiu. Nderkohe kryeministri shqiptar Sali Berisha vihet re se eshte ulur prane ciftit Haradinaj.

Ora 12:40-Perfaqesuesi i larte i BE, Havier Solana dhe eurokomisioneri Olli Rehn mberrijne ne sallen "1 Tetori". Shefi i Bashkimit Europian per politika te Jashte e Siguri, Havier Solana dhe eurokomisari Olli Rehn kane kryer homazhe para trupit te pajete te Presidentit Rugova.

[Fshatari]

Ora 13:10-“Lamtumire miku im, Ibrahim” ka thene ne gjuhen shqipe kryeadministratori Soren Jesen Petersen ne sallen "1 Tetori". “Koleksioni im ne zyre dhe shtepi do te ma kujtoje gjithnje Rugoven. Kujtimi per te do te vazhdojne te jetoje gjithnje. Ibrahim Rugova u nda prej nesh por le te prehet ne paqe ne token e tij”, tha mes te tjerash Petersen duke ngushelluar per humbjen familjen e Rugoves dhe popullin kosovar.

Ora 13:07-“Jemi ketu bashke per t’i dhene lamtumiren e fundit presidentit tone te dashur Ibrahim Rugova qe duke nisur nga sot do te prehet ne dheun kosovar apo dheun dardan sic e quante ai. Ju familje Rugova keni humbur te zotin e shtepise. Por ne te gjithe bashke jemi ketu me miqte tane te Kosoves, Shqiperise dhe shume vendve te tjera ne menyre vllazerore per t’a percjelle ate ne banesen e fundit”. Keto kane qene fjalet e hapjes se ceremonise perkujtimore ndaj Presidentit Ibrahim Rugova.

Ora 13:05- Nje minute heshtje ne nderim te Rugoves. 36 delegacione te huaja, perfaqesues te institucioneve te vendit dhe misionit nderkombetar ne Kosove, KFOR-it, zyrave te huaja diplomatike ne Prishtine kane mbajtur nje minute heshtje ne nderim te figures dhe vepres se presidentit kosovar Ibrahim Rugova ne sallen "1 Tetori", Prishtine.

Ora 13:00-Nis ceremonia perkujtimore ne nderim te Presidentit Ibrahim Rugova. Eshte hapur me himnin kombetar shqiptar dhe himnin kosovar ceremonia perkujtimore ne nderim te figures e vepres se Presidentit Ibrahim Rugova. Te gjithe te pranishmit ne sallen "1 Tetori" kane qendruar ne kembe dhe kane nderuar gjate kendimit te himneve kombetare.

Ora 12:55-Petersen: Presidenti i ri i Kosoves do te jete nga LDK. “Presidenti i ri i Kosoves do te jete nga LDK”. Keshtu ka deklaruar sot Shefi i UNMIK-ut, Soren Jesen Petersen ne nje takim qe pati me presidentin e Maqedonise, Branko Cervenkovski. Ata kane rene dakort sot ne Prishtine per vazhdimin dhe stabilizimin e demokratizimit te Kosoves, si dhe krijimin e nje rruge te qete te procesit rreth percaktimit te statusit te ardhshem te Kosoves.

Ora 12:50-Shqiperia do te mbaje nje minute heshtje ne oren 13:00 ne nderim te Presidentit Rugova, moment ne te cilin do nisin dhe ceremonite perkujtimore ne nderim te Rugoves ne Prishtine. Ne sheshin “Skenderbej” ne qender te kryeqytetit te Shqiperise gjithcka eshte e qete por ndihet atmosfera e zise per vdekjen e Presidentit Ibrahim Rugova. Nderkohe pritet qe ne orarin kur do te behet percjellja e trupit per ne banesen e fundit, edhe qytetaret e Tiranes te mblidhen ne kete shesh per te kujtuar presidentit kosovar, Ibrahim Rugova.

[Fshatari]

Ora 15:00-Dhjetra-mijera persona kane rrethuar varrin e Presidentit Ibrahim Rugova per t'i dhene lamtumiren e fundit. Delegacionet e huaja kane nderuar per here te fundit ne varrin e Rugoves dhe jane shperndare, ndersa mijera qytetare presin t'i japin pershendetjen e fundit Presidentit te tyre.

Ora 14:45-KOSOVA I JEP LAMTUMIREN E FUNDIT PRESIDENTIT IBRAHIM RUGOVA Trupi i pajete i Presidentit eshte transportuar ne Varrezat e Deshmoreve ne lagjen "Velania“ ne Prishtine. Arkivoli me trupin e Rugoves eshte vendosur ne banesen e fundit shoqeruar nga te shtena armesh nga trupat e TMK-se.
Varroset mes lotesh dhe dhimbjes mes deshmoreve te Kosoves, Presidenti 61 vjecar, Ibrahim Rugova. Presidenti Ibrahim Rugova u nda nga jeta ne daten 21 Janar nga nje semundje ne mushkeri. Kosova caktoi 15 dite zie ne nderim te Presidentit Rugova. 36 delegacione te huaja, krere institucionale, nderkombetare te Kosoves, dhjetra-mijera qyetare i kane bere homazhe Presidentit Ruova ne Prishtine dhe kane percjelle ne banesen e fundit trupin e pajete te liderit kosovar, Ibrahim Rugova.

Ora 14:35 -Kortezhi mberrin ne varrezat e deshmoreve Ka mberritur ne varrezat e deshmoreve trupi i Ibrahim Rugoves. Nderkohe qe kane mberritur edhe disa delegacione, nderkohe qe jane te pranishem lideret Kosovare te cilet jane duke pritur. Arkivoli ku ndodhet trupi i pajete i Rugoves eshte marre ne krahe nga gjashte trupa te TMK-se.

Ora 14:10-Dhjetra-mijera qytetare ecin perkrah kortezhit ne heshtje . Rruga e cila te con ne varrezat e lagjes "Velania" ne Prishtine eshte plot me qytetare te cilet kane mberritur nga te gjitha qytetet e Kosoves per t'i bere nderimet e fundit Presidentit te tyre. Ne ceremonine e varrimit te kryetarit Rugova po marrin pjese shume delegacione nga e gjithe bota, Shqiperia, SHBA-te, Britania e Madhe, Gjermania, Franca, Austria, BE, Maqedonia, Kroacia, Sllovenia, Vatikani, etj., si dhe emisari special per bisedime Marti Ahtisari, ish- i deleguari i KB-ve per vleresimin e standardeve Kai Aide, ish-PSSP-se Mihajl Shtajner, Bernar Kushner, etj. Varrimi i kryetarit te ndjere Ibrahim Rugova do te behet ne ora 15.00 me nderime te larta ushtarake.

Ora 13:50-Trupi i pajete i Presidentit Ibrahim Rugova eshte levizur nga salla "1 Tetori", ne Prishtine ne drejtim te Varrezave te Deshmoreve ne lagjen "Velania" ne Prishtine. Trupat e TMK mbajne mbi shpatulla arkivolin e mbuluar me flamurin e Dardanise te ndjekur nga famijare, lideret politike kosovare si dhe delegacionet e huaja. ne te dy krahet e rruges jane formuar vargje tejet te gjata qyetaresh qe mbajne ne duar fotografine e Presidentit Rugova dhe lule.

Ora 13:45-Perfundon ceremonia perkujtimore ne nderim te Presidentit Ibrahim Rugova.Pas homazheve te bera nga delegacionet e huaja, fjalimeve te mbajtura nga kryeadministratori, Soren Petersen, kryeministri Bajram Kosumi, Perfaqesuesi i Larte i BE, Havier Solana, Nenkryetari i LDK, Kole Berisha, perfaqesuesi i delegacionit te SHBA, Alfonso Xhekson eshte mbyllur me melodi funebre ceremonia perkujtimore ndaj Presidentit Ibrahim Rugova.

Ora 13:20- Daci: Rugova t'i hodhe themelet e lirise te cilen do t'a ngrejme ne.Ne fjalen e qe ishte edhe fjalimi permbylles i ceremonise ne sallen „1 Tetori“ ku u bene homazhet e fundit per presidentin Ibrahim Rugova, kryeparlamentari Nexhat Daci qe eshte perkohesisht ne funksionin e presidentit te Kosoves, shprehu ngushellimet e tij per familjen Rugova dhe gjithe popullin e Kosoves.
“Kosove e liderit tend, Kosove e luftes, Kosove, keta shpirtra qe prehen ne qetesi, jane fanare te lirise tende. Rugova, ne parajsen ku do te shkosh te presin bashkepunetoret e tu, shpirtrat e qe u flijuan per lirine e atdheut. Shpirtat tuaj do te na prijne ne plejaden finale. O Perendi te lutemi te kujdeseni per kete njeri te paqes. Presidenti yne pushoni i qete ne Parajsen e Qetesise, rrugen tuaj do ta vazhdojme ne. Ju vute themelet qe Kosva te jete shtet i pavarur“.
Me pas ai iu drejtuar edhe paleve te huaja per t’i falenderuar edhe ne emer te Ibrahim Rugoves, per ndihmen qe po i japin vendit.
„I nderuar zoti Petersen. Kosova ju falenderon per ndihmen qe po i jepni popullit. Amerike edhe ty Kosova te eshte mirenjohese per ndihmen e pandalur.
Te gjithe Ju Nderkombetare, na prini ne rrugen e Ibrahim Rugoves“.

[Arb]

LAVDI!

[Urata]

Me nderime të larta ushtarake u varros kryetari Ibrahim Rugova

http://www.kosovapress.com/foto/varrimi_rugoves.jpg
Prishtinë, 26 janar 2006 (Kosovapress) Time: 15 : 02

Me nderime të larta ushtarake dhe rite kombëtare, por jo edhe fetare, të enjten në varrezat e dëshmorëve në Prishtinë, në prani të dhjetëra- mijëra qytetarëve nga e gjithë Kosova, u varros kryetari i Kosovës Ibrahim Rugova, i cili ndërroi jetë të shtunën e kaluar në moshën 61-vjeçare pas një sëmundje të rëndë. Fillimisht kortezhi me arkivolin me trupin e pajetë të kryetarit Rugova është bartur nga salla “1 Tetori” në shoqëri të togut të nderit të TMK-së për t’u vendosur në varrin e bardhë. Anëtarët e këtij togu në shenjë nderimi ka shtënë tri herë në ajër. Më pastaj nën muzikën funerale ata kanë vendosur arkivolin me trupin e pajetë të kryetarit Rugova në varrin e bardhë. Të gjitha delegacionet pjesëmarrëse në ceremoninë e varrimit, vendore dhe ndërkombëtare, për herë të fundit kanë bërë nderim duke vendosur kurora me lule.

[Urata]

Solana: Jam i impresionuar me dinjitetin e treguar nga populli i Kosovës


http://www.kosovapress.com/foto/solana_ekipinegociator.jpg


Prishtinë, 26 janar 2006 (Kosovapress) Time: 09 : 58

Shefi i diplomacisë së BE-së, Havier Solana, pas takimit me ekipin negociator të Kosovës të enjten në Prishtinë, tha se është i impresionuar me dinjitetin e treguar nga populli i Kosovës gjatë këtyre ditëve me rastin e vdekjes së kryetarit Ibrahim Rugova

[Urata]

Qindra mijëra qytetarë dhe burrështetas i thanë lamtumirën e fundit Presidentit Rugova

http://www.kosova.com/~news/foto/2006/060126varrimi01.jpg

Prishtinë, 26 janar- Sot, rreth orës 14.45 në Varrezat e Dëshmorëve në në Velani të Prishtinës, me nderimet më të larta shtetërore u bë varrimi i Presidentit të Kosovës dr.Ibrahim Rugova, në prani të qindra mijëra qytetarëve nga Kosova dhe nga të gjitha viset tjera shqiptare, si dhe nga mërgata shqiptare në botë. Në varrimin e Presidentit Rugova morën pjesë shumë krerë shtetesh nga vendet e rajonit, të Evropës dhe përfaqësues të Presidentit amerikan Xhorxh Bush, duke nderuar edhe me këtë rast, personalitetin e përmasave evropiane e botërore, Presidentin Ibrahim Rugova.
Presidenti Rugova, i cili vdiq të shtunën e kaluar më 21 janar, dy ditë iu bënë homazhe në shtëpi dhe tri ditë në hollin e Kuvendit të Kosovës nga qindra mijëra qytetarë nga Kosova dhe nga të gjitha vendet, ku jetojnë ata.
Autoriteti i veçantë të cilin e gëzonte Presidenti Ibrahim Rugova për vizionin dhe politikën e tij paqësore, u dëshmua edhe sot në varrimin e tij, ku në shenjë nderimi morën pjesë delegacionet e Bashkimit Evropian, Komisionit Evropian, të SHBA-ve dhe të NATO-s.
Për veprën madhështore të Presidentit Rugova folën kryeadministratori i Kosovës, Soren Jessen Petersen, Kryeministri Bajram Kosumi, Përfaqësuesi i Lartë për Politikë të Jashtme dhe Siguri i BE-së, z.Havier Solana, Nënkryetari i LDK-së z.Kolë Berisha, përfaqësuesi i Presidentit amerikan z.Alfonso Xhekson dhe Kryetari i Kuvendit të Kosovës, Nexhat Daci.

[Urata]

Në xhamitë kryesore të Kosovës Lutje për Presidentin Rugova
Prishtinë, 26 janar - Sot, në ditën e varrimit të Presidentit të Kosovës, Dr. Ibrahim Rugova, në xhamitë kryesore të qyteteve të Kosovës besimtarët, pas namazit të drekës, u lutën për shpirtin e Presidentit të ndjerë.
Në këto lutje merrnin pjesë dhe ato i udhëhiqnin personalitetet kompetente fetare.
Edhe me këtë rast tek të pranishmit nëpër xhematlinjtë ndihej ndjenja e dhembjes dhe e pikëllimit, thuhet në një njoftim të Bashkësisë Islame të Kosovës.

[Zana_ch]

PRISHTINË Qeveria amerikane është thellë e përkushtuar, që të punojnë me institucionet e Kosovës për të çuar përpara procesin e negociatave dhe për të arritur një zgjidhje të shpejtë, ka thënë delegacioni presidencial i SHBA-ve, i kryesuar nga sekretari Alphonso Jackson.
Delegacioni i caktuar nga presidenti George Bush që mori pjesë në varrimin e presidentit Ibrahim Rugova, takoi ekipin negociator të Kosovës, pak orë pas ceremonisë mortore. Kryesuesi, Alphonso Jackson tha se ka marrë premtimin e kosovarëve se procesi i paqes do të vazhdojë përpara.
“Kjo është hera e parë që gjendem këtu në emër të presidentit amerikan George Bush dhe popullit amerikan për t’i dhënë ngushëllimet familjes së kryetarit Rugova dhe këtij vendi. Ne do të vazhdojmë të punojmë me popullin e Kosovës për të gjetur një zgjidhje paqësore ku do të mbrohen të drejtat dhe vlerat e të gjithë qytetarëve”, tha sekretari Jackson.
Frenk Wisner, i dërguar i sekretares amerikane të shtetit për bisedimet për statusin e Kosovës, tha se qeveria amerikane është e përkushtuar që procesi i nisur të ecë përpara.

[Zana_ch]

PRISHTINË
Presidenti i Kroacisë Stipe Mesiq tha se presidenti i ndjerë i Kosovës Ibrahim Rugova ishte Gandi i Evropës, i cili gjithmonë synonte të gjejë zgjidhje politike për problemet.
"Pas vdekjes së Rugovës, procesi i zbatimit të standardeve ndërkombëtare dhe përpjekjeve për përcaktimin e statusit, sigurisht që do të vazhdojë. Vdekja e Rugovës nuk do t'i ndalë. Ndoshta disa gjëra do të përshpejtohen. E shihni se sa delegacione shtetërore dhe përfaqësues të institucioneve ndërkombëtare kanë ardhur në Prishtinë. Gjithë kjo pasqyron dëshirën për të gjetur një zgjidhje përfundimtare për statusin e Kosovës", tha Mesiq.
Ai tha se do të ishte e pakuptimtë të shtyhej zgjidhja përfundimtare për Kosovën por edhe për Malin e Zi, sepse ky është realitet pas shpërbërjes së Republikës Socialiste Federative të Jugosllavisë

[Zana_ch]

UASHINGTON
Shtetet e Bashkuara u kanë bërë thirrje negociatorëve të Kosovës që të mbeten unik pas vdekjes së presidentit Rugova.
"Presidenti Rugova vërtet ka qenë personaliteti qendror në jetën politike të Kosovës, personalitet që ka ditur të ruajë unitetin ndërmjet grupeve dhe fraksioneve të ndryshme", ka deklaruar zëvendës-sekretari amerikan i Shtetit, Nicholas Burns.
"Ai ka qenë bindshëm personalitet politik me më së shumti përvojë, më i respektuari në Kosovë dhe rrjedhimisht, dhembja do të jetë shumë e madhe", ka theksuar Burns.
Zyrtari i lartë amerikan ka shtuar se Shtetet e Bashkuara i inkurajojnë negociatorët shqiptarë që t'i refuzojnë të gjithë ata që konsiderojnë se dhuna është mënyra e vetme për të shkuar përpara dhe t'ua shtrijnë dorën serbëve të Kosovës.
"Tani, pas vdekjes tragjike të Presidentit Rugova, shpresojmë që udhëheqësit kosovarë të riafirmojnë unitetin e tyre dhe të angazhohen për krijimin e një ekipi unik negociator për bisedimet që do të fillojnë pas varrimit", ka thënë zoti Burns.

[Urata]

E gjithë Kosova i ka dorëzuar qiellit vullnesën e tyre hyjnore, për pavarësi - Presidentin Rugova
Idriz Morina

http://www.kosova.com/~news/foto/2006/060126_idrizi1.jpg
http://www.kosova.com/~news/foto/2006/060126_idrizi2.jpg



Prishtinë, 26 janar - Kosova e mposhtur nga dhembja Presidentin e vendit Dr.Ibrahim Rugova, e përcolli si një shenjt për në amshim. Si ngushëllim të mbi 500 mijë vetave nga të gjitha vendet shqiptare, morën pjesë në varrim si dhe delegacioneve shtetërore nga mbarë bota, të cilët u janë bashkuar atyre dhe Familjes Rugova në lamtumirën e Presidentit në Varrezat e Dëshmorëve në Velani.
Presidenti Rugova u varros me nderimet më të larta shtetërore dhe njerëzore, të bëra këto nga pjesëmarrja e delegacioneve të krerëve të shteteve dhe të diplomacisë evropiane e botërore, si dhe me ceremoninë e Trupave Mbrojtëse të Kosovës.
E gjithë Kosova, dhe të gjithë shqiptarët nga do janë, sot i kanë dorëzuar qiellit vullnesën e tyre hyjnore, Presidentin Rugova, me shpresë se vullneti i tyre dhe ëndrra e Presidentit për pavarësi do të bëhen realitet. Ata sot me pjesëmarrëjen në varrimin e Dr.Rugova, janë ndjerë se kanë dhënë sakrificën më të madhe dhe më të dhembshme të tyre. Poashtu janë ndjerë edhe ato pleq e plaka, dhe të sëmurë që s'kanë mundur të marrin pjesë në varrimin e Presidentit Rugova.
Gjithëçka dukej se ka shembur jetën në Kosovë, asnjë shenjë tjetër jete veç zisë dhe pikëllimit. Shtëpitë ishin boshatisur në kryeqytet, por edhe në tërë Kosovën, duke lënë kryesisht fëmijët dhe ata që mund të përkujdeseshin për ta, me qëllimin e vetëm për t'ia bërë nderimin e fundit Presidentit Rugova në ceremoninë e varrimit.
Rreth gjysmëmilioni qytetarë, burra, gra, pleq, të rinjë e fëmijë për vdekjen e hershme të Presidentit 61 vjeçar dr.Ibrahim Rugova, të pllakosur në dhembje të zezë, në lot, në psherëtima, e dënesje, që mund ta kujtojnë vetëm dhembjen për kryeheroin Gjergj Kastriotin, kishin mbushur rrugët dhe lagjet që do të përshkonte kortezhi, deri tek varrezat. Njëkohësisht përzier me dhimbjen e dashurinë sikur vërehej tek ta edhe frikë se kush do ta udhëheq vendin në rrugën e mëtejme drejt pavarësisë, në duart e kujt do të jetë fati i tyre i mëtejmë për ta përmbyllur realizimin e ëndrrës, me të cilën vdiç Presidenti Rugova, pavarësinë.


http://www.kosova.com/~news/foto/2006/060126_idrizi3.jpg


Lumenjë njerëzish kishin vërshuar Prishtinën nga të gjitha anët e Kosovës, që në orët e para të mëngjesit, të papenguar nga asgjë, as nga të ftohtit dhe pritjet e gjata. Ata ishin shpërndarë sipas këshillave për respektimin e funeralit të Presidentit Rugova anëve të rrugëve, të cilat mbaheshin të hapura nga pjesëtarët e SHPK-së të vendosur në çdo tri metra largësi, fillimisht nga rruga "Nëna Terezë", pastaj nga udhëkryqi tek Fakulteti Filologjikë, e deri në udhëkryqin mbi sallën "1 Tetori", përgjatë tërë rrugës "Agim Ramadani" dhe nga udhëkryçi te "Sllovenia sporti", deri tek varrezat në Velani, ku poashtu ishin mbledhur me mijëra qytetarë në vendin e përcaktuar si dhe jashtë varrezave, para se të arrinte atje në orën 10.00 kortezhi me trupin e Presidentit Rugova, i bartur nga automjetet e TMK-së dhe i përcjellur nga ato që bartnin Familjen Rugova dhe bashkëpunëtorët më të afërt.

http://www.kosova.com/~news/foto/2006/060126_idrizi4.jpg



Gjatë gjithë rrugës mbi arkivolin e Presidentit Rugova të mbuluar me Flamurin Presidencial, hidheshin valë lulesh nga duar të panumërta prej adhuruesve të tij të përgjunjur.
Ndërsa, për të mbahej ceremonia në sallën "1 tetori", dukej sikur shumicës nga të pranishmëve u fanitej figura e Presidentit Rugova, dhe i kurajonte ata për fatin e Kosovës. Salla ishte zbukuruar ashtu siç e meritonte një zi nga më të mëdhatë në historinë e këtij trolli të lashtë, me dhembjen që kurrë se ka manifestuar në mënyrë të tillë. Po varroste presidentin Rugova krijuesin e shtetit të saj, në prag të njohjes së tij. Në sallë ishin të vendosura dy fotografi të mëdha të Presidentit Rugova, gjashtë vula presidenciale, si dhe flamuri presidencial përkrah Flamurit Kombëtar dhe të OKB-së, dy shenja këto shtetërore, që ia la trashëgimi kombit si dhe Himnin e Kosovës, që u këndua përkrah Himnit kombëtar, në hapje të ceremonisë, të pasuar me një minutë heshtje në nderim të Presidentit Rugova, në prani të gjithë atyre burrështetasve, presidentë, kryeministra, ministra, ambasadorë. Ndërsa, këto janë pasuar me fjalët dinjitoze dhe hirëplota të kryeadministratorit Petersen, të kryekuvendarit Daci, të kreministrit Kosumi, të z.Sollana, të z.Xhekson dhe të z.Berisha. Me mesazhin e vazhdimit të rrugës së Presidentit Rugova për ndërtimin e shtetit modern dhe demokratik të Kosvës, që ishte vullneti i Presidentit.
Sapo është nxjerrë nga salla trupi i Presidentit Rugova, i përcjellur nga i njëjti kortezh, por i zgjeruar, që në ndërkohë i ishin bashkuar edhe shumë nga delegacionet që morën pjesë në ceremoni. Ky çast, kur Trupi i Presidentit, nga rojat e nderit të TMK-së u largua nga "Shtrati i Topit" ku kishte ndejtur gjatë ceremonisë, së bashku me momentet kur trupi i Presidentit Rugova u lëviz pas më shumë se 72 orësh nga holli i Kuvendit, për në sallën "1 Tetori" dhe nga rezidenca e tij në Velani për në hollin e Kuvendit për homazhe, ishte çasti më pikëllues i takimit të ndarjeve të dhembshme deri në tragjikë, së pari për familjen dhe pastaj për Kosovën, pasi siç tha edhe sot Petersen, ai ishte babai i Mendimit, Ukës e Teutës, por edhe baba i Kosvës. Lotëve të nënës së tre jetimëve, trashëgimtarëve të Presidentit Rugova, u janë bashkuar ata të mijëra e mijëra syve, të miqëve të Tij, të partisë, por edhe si kongresisiti Eliot Engël, të bashkëpunëtorëve, të adhuruesve e të disa gazetarëve. Në qetësi, ndërsa kortezhi merrte rrugën nga salla "1 Tetori" kah ajo "Agim Ramadani", dhjetëra mijëra qytetarë i bashkoheshin, që në pamundësi të hapësirës të merrnin pjesë në ceremoni, kishin pritur jashtë për t'ia thënë lamtumirën e fundit në varrim, ndërsa dhjetëra mijëra të tjerë prisnin buzë rrugës të shihnin arkivolin e Presidentit Rugova, duke bërë incizime me kamera dhe miliona fotografi me aparate fotografike dhe telefona mobil. Shumë nga ata të pikëlluar dhe zemërthyer, e të përlotur mbanin shtrëngueshëm portrete të ndryshme edhe nga madhësitë, të Presidentit Rugova, ndërsa shumë të tjerë flamuj presidencial të madhësisë ceremoniale dhe të vegjël.
Shumë prej tyre patën treguar gatishmërinë ta ndihmonin Dr.Rugovën me çfarëdo sakrifice, vetëm e vetëm që ta shpëtonin Presidentin Rugova, të jepnin, organe, shtëpi dhe para. Por, të gjitha këto nuk u mjaftonin ta shpëtonin Presidentin e tyre. Dhe kjo ishte dhembja, e cila që nga dita kur ai e bëri të ditur sëmundjen e pashërueshme, e deri në ditën që vdiq dhe të varrimit, që i bënte të mosmjaftoheshin me çfarëdo nderimi, për udhëheqësin e tyre edhe shpirtëror, njeriun që i udhëhoqi drejt krijimit të shtetit të pavarur, që mbet pa u formalizuar.
Gjatë këtyre ditëve sa ata kanë bërë homazh dhe në varrimin e Presidentit Rugova kanë konfirmuar gatishmërinë, se do të plotësojnë vullnetin e përbashkët për pavarësi, duke ia konfirmuar opinionit botëror së bashku me burrështetasit e pranishëm, se sakrifica e fundit e pavarësisë së Kosovës, ishte shpirti i Presidentit Rugova.
Ata me pjesëmarrjen e tyre në homazhe, gati për një javë dhe në varrimin e Madh sot, në ditët më të ftoha prej vitesh, me pritjet nga më të gjatat, i treguan botës vendosmërinë për ta çuar në vend amanetin e Presidentit Rugova, pavarësinë.
Rreth orës 14.35 minuta trupi i Presidentit Rugova mbërriti aty ku do të pushonte përgjithnjë në "Varrezat e Dëshmorëve" në Velani, në fqinjëri me rezidencën ku kaloi 15 vjetët e fundit të jetës. Shtatë minuta pas arritjes, trupi i tij po lëshohej në tokë, bashkë me zemrat e qindra mijëra shqiptarëve, që kishin ndjekur gjatë gjithë 16 vjetëve të jetës politike, dhe të miliona të tjerëve që po e shikonin nëpërmjet televizioneve. Ndërsa, jehonin tingujt mortor për ndarjen lamtumirëse, rojet e nderit të TMK-së, po jepnin shenjë se trupi i Presidentit Rugova tanimë po prehej në tokën arbërore, u dha urdhëri për nderimin shtetëror me armë zjarri ceremoniale që u shkrehën nga tri herë, nga dy radhët e TMK-së. Dhe kjo ndarje që nxiste deri në thirrje vaji e gati mallkimi, po bëhej realitet, pas gjashtë ditësh qëndrimi edhe fizikisht pranë, ai po ikte përgjithnjë. Dhe këtë po e bënin të parët, bashkëshortja Fana, bijtë Mendimi e Uka dhe e bija Teuta, ndërsa pasonin ato të familjarëve të tjerë të ngushtë, të miqëve, bashkëpunëtorëve dhe udhëheqësve të lartë, poashtu edhe të atyre fetarëm si myslimanë, bektashi e katolikë. Ata të ritit islam nuk u larguan pa i dhënë nderimin e tyre fetar, duanë. Ndërsa më pas, një pjesë e madhe e atyre që kishin mbetur ende duke pritur vërshuan drejt varrit të Presidentit Rugova, duke i dhënë lamtumirën heroit të tyre historik dhe mitik!

Çmimet me të cilat u nderua presidenti Rugova

Presidenti Rugova u cilësua si baba i kombit, krijues i shtetit moderne, demokracisë moderne, arkitekt dhe strateg i pavarësisë së Kosovës, i krahasuar me Gandin, Xhorxh Uashingtonin, Linkolnin, këto krahasime të fundit i kanë bërë kryesisht, burrshtetas të njohur dhe diplomatë të shquar, por edhe nga analistë e politikan shqiptarë.
Presidenti Rugova ishte fitues i shumë çmimeve, si lurat i Çmimit për Paqe të Fondacionit Paul Litzer të Danimarkës, i nderuar me titullin “Doktor Nderi” të Universitetit të VIII të Parisit dhe të atij të Tiranës, të fituesit të Çmimit Saharov të Parlamentit Evrpian, të Çmimit për Paqe të Mynsterit të Gjermanisë, titullin “Qytetar Nderi” të Venedikut, të Milanos dhe të Breshias, fituesin e Çmimit për paqe të Unionit Demokratik të Katalonisë në Barcelonë të Spanjës, titullin ”Senator Nderi” të Parlamentit Europian, mirënjohjen “Mik i Shteteve të Bashkuara të Amerikës”.

[Urata]

http://www.kosova.com/~news/foto/2006/060126_idrizi1.jpg

http://www.kosova.com/~news/foto/2006/060126_idrizi2.jpg

http://www.kosova.com/~news/foto/2006/060126_idrizi3.jpg

Mediat amerikane dhe ato evropiane raportuan në hollësi ceremoninë e varrimit të Presidentit Rugova

Prishtinë, 26 janar - Mediat evropiane dhe ato amerikane për varrimin e Presidentit Rugova njoftuan gjerësisht për funeralin e Presidentit Rugova. Po ashtu edhe kanalet kryesore televizive botërore raportuan për ceremoninë mortore në Prishtinë.
Televizonet amerikane njoftuan për radhët e gjata të njerëzve pas kortezhit si dhe nderimi treditësh në temperaturat nën zeroi që iu bë Presidentit në arkivolin e tij nga qindra mijëra kosovarë në Kuvendin e Kosovës, u vlerësuan si një dhembje dhe një resepekt me plotë dinjitet për njeriun qën personifikonte kërkesat e tyre dhe udhëhoqi popullin e Kosovës për 16 vjet në rrugën drejt lirimit nga sundimi në sovranitet dhe pavarësi.

Mediat gjermane vlerësojnë pjesëmarrjen e madhe të popullatës shqiptare në nderim të Presidentit Rugova

Gjithashtu edhe mediat elektronike gjermane e përcollën me interesim të veçantë ceremoninë e varrimit të Presidentit Rugova. Burimet informative gjermane pasqyrojnë ngjarjen e sotit duke vënë në fokus pjesëmarrjen e madhe të popullatës shqiptare për t'i bërë nderimin e fundit Presidentit të Kosovës. Me qindra mijëra qytetarë i dhanë në Prishtinë lamtumirën e fundit Presidenttit të tyre Ibrahim Rugpvës, theksohet në lajme. Nëpër teletekstet e telveizionit gjerman dr. Ibarahim Rugova u përshkrua si simbol i pavarësisë të popullit shqiptar dhe njëherit iu kushtuar vëmendje e vecantë pranisë së dyzet përfaqësuesve të vendeve të ndryshme që i bënë ndërin e fundit Presidentit Rugova. Krahas kumtesave e lajmeve rreth varrimit të dr. Ibrahim Rugovës gazetat gjermane ishin përqëndruar në spekulime dhe analiya rreth të ardhmes së Kosvoës pas vdekjes së Gandit të Ballkanit, sic shkruajnë ato. Ceremonia e varrimit të Presidentit Rugova u përcoll veçanërisht nga komuniteti i shqiptar në Gjermani, të cilët vdekjen e Presidentit Rugova e përjetuan si një humbje shumë të madhe, sidomos në kohën më vendimtare për ardhmerinë e Kosovës.
Shtypi suedez vazhdon gjithashtu të japë informacione të shumta për personalitetin e Presidentit të Kosovës Ibrahim Rugova dhe për Kosovën pasrugoviane, i ndjeri Rugova ishte i vetmi politikan në Ballkan që asnjëherë nuk prodhonte urrejtje. Në vend të kësaj theksojnë mediat suedeze, ai dëshironte afrimin e popujve tjerë me shqiptarët në mënyrë të ndërsjell.
Televizioni i Zvicres frankofone ndër të tjera dr. Ibrahim Rugovën e quan "Gandi i Kosovës", njeri që ka lënë një boshllëk të madh në politikën kosovare, pikërisht në prag të negociatave për statusin e ardhshëm të Kosovës.
Gazeta më prestigjioze Noje Cyhrer Cajtung shkruan se Ibrahim Rugova për gjatë në çerek shekulli ka mishëruar në vete synimin e shqiptarëve të Kosovës për mëvetësi politike. Kjo gazetë Presidentin Rugova e vlerëson si symbol të pavarësisë të Kosovës.


Arma e Presdientit Rugova ka qenë fuqia e fjalës

Edhe shumë gazeta të tjera authoritative zvicërane vdekjen e Presidentit Rugova e kanë vlerësuar si një humbje të madhe për politikën kosovare. Një gazetë tjetër authoritative zvicërane shkruan se arma e Presdientit Rugova ka qenë fuqia e fjalës. Në disa komunikata zyrtare të Min Ministrisë së Jashtme të Zvicrës Presidenti Rugova radhitet ndër figurat më të mëdha politike në Ballkan.
Ndërkaq Tevizioni zvicëran varrimin e Presidentit Rugova e ka emetuar si lajm të parë.
Agjencia AFP gjithashtu thekson praninë e zyrtarëve më të lartë ndërkombëtarë në ceremoninë mortore të Presidentit Ibrahim Rugova dhe shtonte se Rugova e simbolizonte kërkesën e shqiptarëve të Kosovës për t'u pavarësuar nga Serbia. AFP thotë se bashkësia ndërkombëtare e shihte Rugovën si udhëheqës, i cili asnjëherë nuk predikoi dhunën. Ndërkaq rrjeti televizive evropian EUR-Njuz ka bërë transmetimin e dretëpërdrejt, pothauj tërë ceremonialit të varrimit të Presidentit të Kosovës dr. Ibrahim Rugova

[Dilaver]

Berisha shmang Mustafajn gjatë takimeve me kosovarët


A.R

TIRANË-Deklarata e përsëritur e ministrit të Jashtëm, Besnik Mustafaj, për pavarësi të kushtëzuar të Kosovës, duket se ka marrë kundërpërgjigjen e parë politike të drejtpërdrejtë nga klasa politike e Kosovës. E kjo është parë qartë dhe haptazi gjatë pjesëmarrjes së delegacionit shqiptar në ceremoninë e varrimit të presidentit të Kosovës, Ibrahim Rugova. Edhe pse ka qenë i katërti në delegacion për nga rëndësia, ministri Mustafaj, gjatë homazheve të zhvilluara dje para trupit të pajetë të presidentit Rugova, është shfaqur aty i shoqëruar nga shefi i kabinetit, Llesh Kola dhe jo me pjesën kryesore të delegacionit. Por përveç këtij fakti që ndoshta mund të mos kishte shumë rëndësi në një ngjarje të tillë, ajo që e përforcon më tepër qëndrimin e mbajtur ndaj Mustafajt nga pala kosovare, lidhet me faktin se kryeministri Sali Berisha e ka shmangur shefin e diplomacisë nga të gjitha takimet e kortezisë që ka zhvilluar me faktorin politik ndërkombëtar dhe atë kosovar gjatë qëndrimit në Prishtinë. Këtë e kanë konfirmuar burime të afërta pranë delegacionit shqiptar, por edhe pjesëmarrës të tjerë në ceremonisë mortore të kreut të parë të shtetit kosovar, të cilët e kanë parë Berishën që të takohet vetëm me zyrtarë të ndryshëm të nivelit të lartë, pjesëmarrës në ceremoni. Por disa nga krerët e partive politike në Kosovë apo edhe figura të tjera, kanë shmangur në mënyrë të hapur çdo kontakt me ministrin Besnik Mustafajn. Ndërkohë, qëndrimi i mbajtur nga ministri shqiptar, Mustafaj, deklaruar vetëm pak ditë pasi kishte marrë detyrën, se Kosova duhet të fitonte pavarësi të kushtëzuar, pas zhvillimit të bisedimeve për statusin final. Kjo deklaratë e tij e përsëritur edhe në disa takime zyrtare jashtë Shqipërisë, shkaktoi mjaft debate si në Tiranë, ashtu edhe në Prishtinë.

[Lona]

27.01.2006
Qeveria amerikane është thellë e përkushtuar, që të punojnë me institucionet e Kosovës për të çuar përpara procesin e negociatave dhe për të arritur një zgjidhje të shpejtë, ka thënë delegacioni presidencial i SHBA-ve, i kryesuar nga sekretari Alphonso Jackson.

Delegacioni i caktuar nga presidenti George Bush që mori pjesë në varrimin e presidentit Ibrahim Rugova, takoi ekipin negociator të Kosovës, pak orë pas ceremonisë mortore. Kryesuesi, Alphonso Jackson tha se ka marrë premtimin e kosovarëve se procesi i paqes do të vazhdojë përpara.
“Kjo është hera e parë që gjendem këtu në emër të presidentit amerikan George Bush dhe popullit amerikan për t’i dhënë ngushëllimet familjes së kryetarit Rugova dhe këtij vendi. Ne do të vazhdojmë të punojmë me popullin e Kosovës për të gjetur një zgjidhje paqësore ku do të mbrohen të drejtat dhe vlerat e të gjithë qytetarëve”, tha sekretari Jackson. Frenk Wisner, i dërguar i sekretares amerikane të shtetit për bisedimet për statusin e Kosovës, tha se qeveria amerikane është e përkushtuar që procesi i nisur të ecë përpara.

[Zana_ch]

KOMBET E BASHKUARA – Kosova ngadal po i përmbush standardet ndërkombëtare të cilta duhet të sigurojnë që ajo të bëhet shoqëri efiksae shumetnike, ka vlerësuar Sekretari i Përgjithshem i KB, Kofi Anan. Në raportin e tij të fundit, kushtuar Kosovës për KS të KB, ai ka cekue se shpejtësia e zbatimit të standardeve në Kosovë nuk mjafton, madje edhe pas fillimit të negociatave ndërkombëtare mbi statusin e ardhshem të asaj krahine. Mirëpo, Sekretari i Përgjithshem i KB, ka thënë se negociatat mbi statusin që kanë filluar në nëntor, nuk i kanë nxitur zyrtarët kosovarë që të përparojnë më shumë në zbatimin e standardeve. “Jam thellë i brengosur për shkak të shtyerjes ose prapangecjes në shumë fusha në zbatimin e stanardeve”, ka thënë Anan. “Zbatimi i standardeve është obligim i udhëheqësve politik dhe të institucioneve të Kosovës dhe ato duhet të përmbushen”. Anan e ka kritikuar edhe pakicën serbe në Kosovë që nuk po merr pjesë aktive në pushtetin lokal, dhe i ka bërë thirrje Beogradit që ti inkurajojë serbët ta bejnë këtë.

[Urata]

"MESHA E DRITËS" në Graz (Gracë) të Austrisë për Presidentin e Kosovës dr. Ibrahim Rugova

http://www.trepca.net/2006/presidenti/rugova_nderon_cunim_e_vogel_1.jpg

28 janar 2006 /TN



Lajmërim:

"MISIONI KATOLIK SHQIPTAR" në Austri me qendër në VJENË filiala në Graz lajmëron se të dielën më 29. 01. 2006 në orën 15.00 do të celebrohet "Mesha e Dritës" në gjuhën shqipe për shpirtin e presidentit të Kosovës Dr. Ibrahim Rugova!

Lusim që të gjithë që ta përkujtojmë me lutjet tona!

Pushoftë në paqe!

Mesha në gjuhën shqipe do të celebrohet në kishën në:

St. Leonhard, Leonhardplatz 14, 8010 GRAZ

Meshën do ta celebroj:

Mag. Don Kolë GJERGJI,

Prift në Bruck/Mur,

përgjegjës edhe për Shqiptarë

[Psikologu]

08:35/27.01.06 - Petersen: Presidenti i Kosoves do jete nga radhet e LDK


Kryeadministratori i Kosoves, Soren Jesen Petersen, ka deklaruar se presidenti i ri Kosoves duhet te jete nga radhet e LDK-se. Shefi i UNMIK-ut, Soren Jesen Petersen e beri kete deklarate ne nje takim me presidentin e Maqedonise, Branko Cervenkovski dje ne Prishtine. Ata rane dakord per vazhdimin dhe stabilizimin e demokratizimit te Kosoves, si dhe krijimin e nje rruge te qete te procesit rreth percaktimit te statusit te ardhshem te Kosoves. Dr. Rugova la nje vakuum te thelle ne jeten politike ndersa ai ishte kryetari i grupit negociator, kryetar i LDK-se dhe presidenti i vendit.

[Psikologu]

PARTIA E RUGOVËS NUK TËRHIQET NGA POSTI PRESIDENCIAL (CRG)



Prishtinë, 28 janar (MIA) - Partia e presidentit të ndjerë dr Ibrahim Rugova nuk ka ndërmend të tërhiqet nga posti presidencial, bëjnë të ditur mediumet kosovare.

"Posti presidencial ishte dhe mbetet në Lidhjen Demokratike të Kosovës", thonë burme të partisë duke shtuar se udhëheqësia e kësaj partie do të vendosë për pasuesin e Rugovës.

Duke iu referuar deklaratës së shefit të UNMIK-ut, Soren Jesen Petersen, mediat kosovare njoftojnë se se pasuesi i Rugovës do të bëhet i ditur javën e ardhshme dhe do të jetë nga rradhët e LDK-së. mp/nn/12:38

[Zana_ch]

Koordinatori i grupeve të punës të delegacionit të Kosovës për bisedimet për statusin, Blerim Shala, i ka thënë BBC-së se nuk ka nevojë për ndryshimin e strukturës së tanishme organizative në Kosovë.
Ai është shprehur i bindur se klasa politike në Kosovë është e bashkuar dhe se do ta rrumbullakësojë procesin e filluar politik.

Me zotin Shala bisedoi Arbër Vllahiu.

BBC: Sa në fakt vdekja e Presidentit Rugova ka lënë boshllëk në skenën politike kosovare?
Zoti Shala: Mendoj se respektin ndaj Presidentit Rugova do ta shprehim më së miri nëse në një periudhë shumë të shkurtër kohore vendosim të ecim përpara si delegacion i Kosovës. E dimë se njëri nga anëtarët e delegacionit të Kosovës nuk është më në mesin tonë, dhe ai ka qenë kryesues i Delegacionit, pra Presidenti Rugova. Prandaj është e qartë që sa më parë që është e mundur duhet të zgjedhet kryetari i ri i Kosovës, që të vazhdojë puna e delegacionit të Kosovës. Porositë që i kemi marrë nga diplomatët më të rëndësishëm ndërkombëtarë që e kanë vizituar Kosovën gjatë javës së shprehjes së ngushëllimeve për Presidentin Rugova, kanë qenë që ne duhet të jemi të vetëdijshëm që procesi duhet të ecën sa më parë, që kemi të bëjmë me ardhmërinë e Kosovës, që në të kaluarën, në muajt kur delegacioni ka funksionuar nën kryesimin e Presidentit Rugova, kemi ecur mjaft mirë përpara por që na pret një punë e madhe e cila nuk pret kohë.


"Kjo strukturë ka funksionuar mjaft mirë dhe ndërkohë janë krijuar edhe grupet punuese dhe mendoj se kjo trashëgimi e Presidentit Rugova duhet të respektohet nga të gjithë ne.Blerim Shala "




BBC: Zoti Shala, por delegacioni i Kosovës për një kohë të gjatë, për shkak të rrethanave të krijuara, nuk qe takuar. A mendoni ju se vdekja e Presidentit Rugova do të mund ta destabilizojë brenda për brenda vetë Grupin Negociator të Kosovës?
Zoti Shala: Ne duhet të kthehemi në deklaratën e Presidentit Rugova të 13 shtatorit të vitit të kaluar, sepse ajo përmbanë çelësin e funksionimit të delegacionit të Kosovës. Të mos harrojmë se të gjithë politikanët relevantë të vendit në deklarimet e tyre që nga pranvera e vitit të kaluar kanë deklaruar se ideja e unitetit është bazike për funksionimin e çfarëdo trupi të përbashkët dhe kjo ide ka qenë në krye të axhendës së Presidentit Rugova. Është krijuar një strukturë e cila është gjithëpërfshirëse dhe në të cilën ka përfshirje edhe të institucioneve edhe të përfaqësuesve të opozitës. Kjo strukturë ka funksionuar mjaft mirë dhe ndërkohë janë krijuar edhe grupet punuese dhe mendoj se kjo trashëgimi e Presidentit Rugova duhet të respektohet nga të gjithë ne.


" jam i bindur se klasa politike e vendit asnjëherë nuk do të arrijë një formulë të re e cila është më e mirë se sa kjo që na ka lënë në trashëgimi Presidenti Rugova."Blerim Shala





BBC: Por zoti Shala ditëve të fundit ka patur deklarime se Grupi Negociator nuk ekziston më, meqë nuk është më njeriu që ka qenë forcë unifikuese brenda skenës politike shqiptare?
Zoti Shala: Ka vdekur njeriu që ka qenë faktor i konsensusit, pa dilemë, por nuk ka vdekur ideja që udhëhequr Presidentin Rugova ta propozojë këtë solucion. Të mos harrojmë se kjo është formula e vetme për funksionimin e një delegacioni gjithëpërfshirës dhe poashtu duhet rikujtuar faktin që propozimi i Presidentit Rugova ka pasur një mbështetje të plotë të SHBA-së dhe BE-së dhe së fundi të rikujtojmë që propozimi i Presidentit Rugova ka marrë edhe miratimin e Kuvendit të Kosovës. Çfarëdo ndryshimi të strukturës organizative të delegacionit të Kosovës, në rrethanat e sotme, nënkuptohet që të shkohet prapë në Kuvend, të debatohet për të dhe të merret pëlqimi. Nuk mendoj që në rrethanat e sotme, klasa politike kosovare ka nevojë fare ta ndryshojë strukturën organizative të vendit, dhe poashtu jam i bindur se klasa politike e vendit asnjëherë nuk do të arrijë një formulë të re e cila është më e mirë se sa kjo që na ka lënë në trashëgimi Presidenti Rugova.

BBC: Dhe ju besoni se pasardhësi i Presidentit Rugova do të mund të zgjidhet së shpejti në këto ditë të ardhshme?
Zoti Shala: Varet se si do të ecë vetë procedura. Ju e dini se presidenti i Kosovës duhet të propozohet nga partia më e madhe që i ka fituar zgjedhjet, kjo është LDK-ja. Kemi të bëjmë me një procedurë të rregullt e cila nga pak ndërlikohet edhe për shkak të ditëve të zisë. Po supozoj se qëndrimi i të gjithë faktorëve politik është që në ditët e ardhshme të diskutohet për këtë çështje, por vendimi të merret në javën tjetër. Por kryesorja është që zgjedhja e një kryetari të ri është një domosdoshmëri, një urgjencë, pikësëpari për shkak të vakuumit që ka lënë Presidenti Rugova në të dyja postet edhe si kryetar i vendit edhe si kryesues i delegacionit.

BBC: Kjo do të thotë se me vdekjen e Presidentit Rugova po i kthehemi skenës politike kosovare në një lojë, siç e kanë quajtur, të të barabartëve, dhe se tani nuk do të ketë brenda për brenda Grupit Negociator një njeri që do të jetë faktor unifikimi?
Zoti Shala: Mendoj se prapë duhet t'i kthehemi idesë së unitetit dhe strukturës organizative e cila e siguroi këtë konsensus. T'iu them hapur se në mblehdjet e delegacionit të Kosovës, të cilat i kemi mbajtur deri tani, asnjëherë nuk ka ardhur deri te momenti i votimit. Të gjitha vendimet për të gjitha çështjet relelvante janë marrë me konsensus, në pajtim të plotë. Nuk ka pasur asnjë nevojë që vetëm Presidenti Rugova të ngrit një çështje dhe të thotë se ky është qëndrimi im e ai duhet patjetër të respektohet prej jush. Ideja e unitetit është e organizuar mirë përmes strukturës së delegacionit të Kosovës. Përndryshe në këtë mënyrë ne kemi funksionuar edhe në kuadër të grupit politik, prandaj nuk shoh ndonjë problem sa i përket vazhdimësisë së strukturës organizative që është në fuqi sepse ajo është treguar mjaft efiçente dhe e suksesshme në pesë muajt e fundit.

BBC: Zoti Shala, një takimi Vjenës që ishte paraparë të mbahej para vdekjes së presidentit Rugova u shty. Mendoni ju se procesi i negociatave për zgjidhjen e statusit politik të Kosovës ka hyrë në një fazë, ta quaj, të krizës…
Zoti Shala: … Nuk do ta quaja krizë, por do ta quaja më shumë si një ngecie, më shumë objektive për shkak të presidentit Rugova, ngecie objektive sepse duhet të zgjedhet kryetari i Kosovës i cili pastaj duhet të bëhet pjesë e delegacionit të Kosovës. Ju e dini se Grupi Politik i Delegacionit të Kosovës ka arritur të përpilojë materialin përfundimtar për reformën e pushtetit lokal, që pritet që ky material të marr përkrahjen e anëtarëve të Delegacionit të Kosovës dhe pastaj që ky Delegacion të vendos edhe për përbërjen e ekipit që do të shkojë në Vjenë. Të gjitha këto pengesa janë objektive, opinioni ndërkombëtar është i vetëdijshëm për këto dhe është i gatshëm për një periudhë racionale të kohës. Por jo me disa javë, dhe mendoj se e tëra duhet të kryhet brenda 7 e deri në 14 ditë ashtu që Delegacioni i Kosovës të marr vendimin se si të reagohet ndaj iniciativës së Vjenës.

BBC: Zoti Shala, nëse nuk zgjidhet në një afat të caktuar kohor presidenti i ri i Kosovës a ka vend për ndërhyrje të faktorit ndërkombëtar në këtë çështje?
Zoti Shala: Mendoj se kjo çështje pikësëpari ndërlidhet me vendimarrjen e Lidhjes Demokratike të Kosovës, e cila duhet të propozojë kandidatin e saj për kryetar të Kosovës, ndërsa faktori politik i cili funksionon në kuadër të Kuvendit të Kosovës jam i bindur se do ta peshojë, kësaj radhe, në mënyrë të veçantë zgjedhjen e presidentit të Kosovës. Kjo për faktin se dihet që ai ka një rol shumë të rëndësishëm në Delegacionin e Kosovës, dhe shpresoj se do të arrihet një lloj pajtimi që ky kandidat të përkrahet nga të gjitha subjektet politike në Kuvendin eKosovës. Ky është një moment vërtet i ri dhe moment dramatik pas vdekjes së Presidentit Rugova. Të gjithë politikanët e vendit kanë thënë se do ta respektojnë trashëgiminë politike të Presdentit Rugova dhe do të ecin sa më parë që është e mundur që ta kompletojnë procesin me pavarësimin e Kosovës

[Dilaver]

Fatmir Sejdiu është kandidat i LDK-së për President të Kosovës

Prishtinë, 3O janar - Fatmir Sejdiu është kandidat i LDK-së për President të Kosovës. Kështu u vendos sot me një koncensus të plotë pas një diskutimi në mbledhjen e Kryesisë së LDK-së. Siç mësohet, Kryesia e LDK-së rreth kandidatit të saj ka pasur konsultime edhe në nivele të tjera.

Fatmir Sejdiu, i cili në këtë post më të lartë në Kosovë duhet të zëvendësojë Presidentin e ndjerë Ibrahim Rugova, aktualisht është sekretar i përgjithshëm i LDK-së dhe anëtar i Kryesisë së Kuvendit të Kosovës nga radhët e kësaj partie.
Detaje të tjera rreth kandidatit të saj, Kryesia e LDK-së pritet t'i bëjë publike rreth orës 15.OO me një komunikatë zyrtare.

[Murgesha]

Kosumi: Delegacioni për bisedime do të udhëhiqet nga kryetari i ardhshëm i Kosovës


Prishtinë, 31 janar 2006 (Kosovapress) Time: 17 : 46

Delegacioni i Kosovës për bisedimet rreth statusit politik të Kosovës, do të udhëhiqet nga kryetari i ardhshëm i Kosovës, ka thënë të martën kryeministri Bajram Kosumi.

[Urata]

Bisedimet mbi statusin përfundimtar të Kosovës mund të fillojnë në fund të shkurtit

--------------------------------------------------------------------------------

1 shkurt 2006 /TN

Zëri i Amerikës (31.01.2006) – Zëvendësi i të dërguarit të OKB-së për statusin e Kosovës, Albert Rohan tha sot se bisedimet mbi statusin përfundimtar të Kosovës mund të fillojnë nga fundi i muajit të ardhshëm. Udhëheqësit serbë në Kosovë thanë sot se zoti Rohan u kishte thënë atyre se bisedimet mund të fillojnë në javën e fundit të shkurtit.

Zoti Rohan i cili ndodhet për vizitë në Kosovë u takua me politikanët serbë të Kosovës sot në Prishtinë. I dërguari i OKB-së për bisedimet e statusit, Marti Ahtisari, pritet të jetë në krye të bisedimeve të Vjenës me pjesëmarrjen e përfaqësuesve të shqiptarëve të Kosovës, pakicës së saj serbe dhe qeverisë serbe.

Putin: Pavarësia për Kosovën mund të krijojë një precedent të rrezikshëm

Presidenti rus Vladimir Putin thotë se pavarësia për Kosovën mund të krijojë një precedent të rrezikshëm për rajone të tjera të botës, si Kaukazi. Presidenti Putin tha sot gjatë konferencës së tij vjetore për shtyp në Kremlin se në se Kosovës mund t'i jepet pavarësia e plotë, atëherë Abkazisë dhe Osetisë Jugore nuk duhet t'u mohohet një gjë e tillë. Ai shtoi se për zgjidhjen e konflikteve duhet të zbatohen parime universale.

Abkazia dhe Osetia Jugore shpallën pavarësinë nga Gjeorgjia në fillim të viteve 90-të. Gjeorgjia e akuzon Rusinë për mbështetjen e provincave rebele, të cilat njihen nga komuniteti ndërkombëtar si pjesë e Gjeorgjisë.

Këto komente presidenti rus i bën ndërkohë që Kombet e Bashkuara përgatiten të fillojnë muajin e ardhshëm bisedimet mbi statusin përfundimtar të Kosovës.

[Zana_ch]

Grupi i Kontaktit: Statusi i Kosovës të zgjidhet brenda vitit 2006


Londra


Modeli që propozon Grupi i Kontaktit për zgjidhjen e statusit të Kosovës është ai i shoqërisë multietnike

Ndonëse i zhvilluar nën hijen e një aktiviteti tjetër, Konferencës Ndërkombëtare për Afganistanin, takimi i Grupit të Kontaktit kushtuar Kosovës mbajtur gjatë orëve të vonshme të pasdites së djeshme, u mbyll me konkludime konkrete mbi hapat e ardhshëm drejt zgjidhjes së çështjes së Kosovës.

Ministrat e jashtëm të vendeve anëtare të Grupit të Kontaktit të shoqëruar nga kryenegociatori ndërkombëtar për bisedimet e statusit, Marti Ahtisari, nënvizuan para së gjithash nevojën që të bëhen të gjitha orvatjet e mundshme që çështja e statusit të zgjidhet gjatë vitit 2006. Në këtë drejtim, ministrat rikujtuan parimet e Grupit të Kontaktit nga nëntori i vitit të shkuar sipas të cilave nuk ka kthim të situatës para vitit 1999, jo ndarje të Kosovës dhe jo-bashkim me ndonjë vend apo pjesë të ndonjë vendi tjetër.

Në komunikatën e lëshuar pas takimit ku morën pjesë edhe përfaqësuesit e Bashkimit Evropian, Natos dhe Kombeve të Bashkuara, ministrat mbështetën fuqimisht punën e kryenegociatorit ndërkombëtar për Kosovën, Marti Ahtisarit. Ata i bënë thirrje Prishtinës dhe Beogradit që të punojnë në mënyrë konstruktive për të gjetur zgjidhje realiste për çështjet e shumta të vështira. Në komunikatë, thuhet, se duhet të përfshihen liria e lëvizjes, lidhjet transparente dhe konstruktive midis komuniteteve lokale në Serbi dhe Kosovë, mekanizmat për zgjidhjen e çështjes së të zhdukurve si dhe masat për mbrojtjen e komuniteteve dhe objekteve fetare.

Në takimin e mbajtur me dyer të mbyllura, u nënvizua rëndësia e gjetjes së një zgjidhjeje të qëndrueshme, e cila promovon shoqërinë multietnike. Një gjë e tillë thuhet në komunikatë do të forcojë stabilitetin rajonal si edhe vetë perspektivat evropiane dhe euro-atlantike të Kosovës dhe Serbisë. Ministrat me këtë rast përkujtojnë se gjatë procesit të zgjidhjes së statusit duhet marrë parasysh karakteri i çështjes së Kosovës si dhe përvoja gjatë dezintegrimit të Jugosllavisë, përfshi këtu spastrimin etnik dhe ngjarjet e vitit 1999.

Nga Beogradi ministrat presin të marrë parasysh, se zgjidhja e statusit duhet të jetë e pranueshme për njerëzit në Kosove. Politika shkatërruese gjatë së kaluarës gjendet në thelb të problemeve të tashme. Nga Prishtina ministrat kërkojnë të kuptohet, se zgjidhja multietnike është opsioni i vetëm i qëndrueshëm.

Procesi i decentralizimit do të jetë kyç për zgjidhjen e statusit thuhet më tej në komunikatë. Në këtë drejtim u bëhet thirrje të gjitha palëve që të angazhohen seriozisht në këtë proces.

Në takimin e Londrës, u përsërit gatishmëria e bashkësisë ndërkombëtare për të vendosur strukturat e duhura ndërkombëtare civile dhe ushtarake për një periudhe kalimtare pas zgjidhjes së statusit për të garantuar përmbushjen e dispozitave të saj.

Në komunikatën e Grupit të Kontaktit, ministrat ftojnë liderët në Serbi dhe Kosovë të tregojnë guxim dhe vision të domosdoshëm politik, duke ofruar propozime realiste dhe largëpamse si për ardhmërinë e Kosovës ashtu edhe të Serbisë.

Takimi, i cili u mbajt dhjetë ditë vdekjes së presidentit Rugova, përkujtoi angazhimin e tij në fushën e të drejtave të njeriut dhe demokracisë.

[Zana_ch]

ALBANIAN AMERICAN ASSOCIATION “MALËSIA E MADHE”

SHOQATA SHQIPTARO-AMERIKANE “MALËSIA E MADHE”









49920 Van Dyke*

Shelby Twp.* MI* 48317*

United States of America

*Email: [email protected]

*Web: www.malesiaemadhe.org

*Tel.:(248)212-4125

*Fax:(586)276-2701



DEMONSTRATË!



Ftoheni ti bashkangjiteni komunitetit Shqiptaro – Amerikan në kët protestë kundër qeverisë Malazeze dhe keqpërdorimeve të tyre sociale, politike, ekonomike, dhe kulturore të Shqiptarëve në Mal të Zi. Kjo kampanjë i drejtohet delegacionit Malazez që pritet të arrijë në sesionin e Lutjeve të Mëngjezit në Hilton Hotel


2 Shkurt 2006


1919 Connecticut Avenue, NW – South of T Street
Përballë Hilton Hotel


Washington, D.C.



TIME: 8:00-10:00AM

[Zana_ch]

ANALISTET BRITANIKE: KOSOVA DE FAKTO PAVARUR

Ekspertet britanike per Ballkanin, ne analizat e tyre, konsiderojne se takimi i Grupit te Kontaktit ne Londer deshmon se po shqyrtohet menyra sesi te zyrtarizohet, de fakto, pavaresia e Kosoves. Analisti, Tim Xhuda thote se komunikata e Grupit te Kontaktit qarte thekson se vendimi, de fakto, tashme eshte marre dhe se Kosova do te fitoje pavaresine e kushtezuar. Edhe profesori i Universitetit te Oksfordit, Mark Almond, thote se Kosova tashme, de fakto, eshte e pavarur dhe se tani duhet konfirmuar nese ekziston mundesia qe territori te fitoje njefare statusi nderkombetarisht te njohur.