Shqiperia: Grupi G i EURO 2008

[Arb]

Grupi G

Holande,
Rumani,
Bullgari,
Slloveni,
Shqiperi,
Bjellorusi,
Luksemburg

Euro 2008: Grup ballkanik per Shqiperine
E Shtune, 28 Janar 2006

"Era e Lindjes" ishte me e forte se ajo e Perendimit, pasi, me perjashtim te Holandes, ekipet e tjere jane nga Europa Lindore. Briegel: "Asnjehere nuk them se nuk kemi shanse kualifikimi". Duka: "Me mire qe s'kemi emra te medhenj ne grup"

Bledar KUKA

TIRANE - Shqiperia do te luaje nje kampionat te vogel ballkanik, ne eliminatoret e Europianit te vitit 2008. Kjo doli nga shorti i hedhur dje ne Montreux te Zvicres, ku perballe kuqezinjve do jene Holanda, Rumania, Bullgaria, Sllovenia, Bjellorusia dhe Luksemburgu. Kjo do te thote se ne Grupin G jane 4 ekipe nga Ballkani, ndersa i vetmi ekip perendimor eshte Holanda. Dy ekipet e fundit jane per here te pare ne nje grup eliminator me ne, holandezet kane qene perballe nesh me 1964, rumunet ne 1989, bullgaret me 1995 dhe sllovenet me 1999.

Briegel: "Rivalet, jete te veshtire ne Tirane"

Pas hedhjes se shortit te djeshem, i vlefshem per eliminatoret e Kampionatit Evropian, "Austri&Zvicer 2008" dhe marrjes vesh te kundershtareve te radhes, trajneri i ekipit tone perfaqesues, Hans-Peter Briegel, ka dhene edhe pershtypjet e tij. Ne lidhje me konfigurimin e skuadrave ne grupin e fundit eliminator, tekniku i kuqezinjve ka deklaruar: "Mund te them se jam i lumtur me kete short. Shumekush mund te thote se eshte nje grup i lehte, por te mos harrojme se aty eshte Holanda. Gjithashtu jane edhe dy skuadra te tjera shume te forta si Bullgaria dhe Rumania, te cilat e kane konfirmuar veten se jane shume te rrezikshme. Nuk dua te them se Shqiperia eshte ne kete nivel skuadrash, por u bej me dije te gjithe kundershtareve tane, se ndeshjet ne Tirane, do te jene te veshtira per cilendo skuader".

Sipas gazetes bjelloruse, "Belarus Football", Briegel ka thene se "ne nuk kemi ndermend te jemi inferiore ndaj askujt". Gjermani ka folur edhe per "albaniasoccer"-in, duke thene: "Jam i vetedishem se kemi kundershtare te forte, por asnjehere nuk them se Shqiperia nuk do te kete gjasa per kualifikim. Te gjithe ekipet jemi te barabarta dhe pothuajse luajme futboll te njejte".

Ne 7 vazot e shortit ishin 50 skuadra, qe do te luftojne per 14 vende ne finalet e Euro 2008. Dy ekipet finaliste jane Zvicra dhe Austria si organizatore te ngjarjes. Ne kete short do jene te pranishem 180 kompani radio dhe televizive, 200 gazetare te shtypit te shkruar, 60 fotografe dhe 38 trajnere te ekipeve kombetare.

Kalendari i ndeshjeve percaktohet me 16 shkurt

Kalendari i ndeshjeve, te grupit tone eliminator, do te percaktohet me 16 shkurt. Takimi i perfaqesuesve te shtate skuadrave kombetare te grupit G do te mbahet ne Amsterdam, kryeqender e Holandes, pasi kjo eshte skuadra me e forte e grupit.

Datat e ndeshjeve:

2 shtator 2006, 6 shtator 2006, 7 tetor 2006, 11 tetor 2006, 24 mars 2007, 28 mars 2007, 2 qershor 2007, 6 qershor 2007, 8 shtator 2007, 12 shtator 2007, 13 tetor 2007, 17 tetor 2007, 17 nentor 2007, 21 nentor 2007

[Arb]

Deklaruan trajneret e Grupit G

E Shtune, 28 Janar 2006
Van Basten (Holande): Njohim Rumanine e Bullgarine, Sllovenia, e forte
"Do te kemi perballe ekipe te cilet i njohim. Rumanine me te cilen u ndeshem ne eliminatoret e Boterorit dhe Bullgarine e mikut tim Stoichkov. Sllovenia mendoj se do te jete e forte".

Stoichkov (Bullgari): Jam shume i kenaqur me kete short
"Jam shume i kenaqur me kete short. I respektoj te gjithe ekipet qe bejne pjese ne grupin tone, por pavaresisht faktit se sfida ndaj cilitdo kundershtar nuk do te jete e lehte, une besoj se Bullgaria i ka te gjitha shanset te shkoje perpara. Ne kemi nje skuader qe pelqen te luaje nje futboll te bukur dhe normal. Shpresoj qe te gjithe rivalet tane, te kene te njejten menyre sjelljeje".

Piturca (Rumani): Holanda vec, sfide Bullgarise e Sllovenise
"Eshte nje grup shume i ngjeshur. Pervec Holandes, e cila mund t'i filloje eliminatoret ndoshta edhe si kampione e botes. Van Basten ka ne dore nje skuader me klas te larte. Pastaj jemi tri skuadra qe do te luajme fort per nje vend,. Rumania, Bullgaria dhe mendoj edhe Sllovenia. Nuk dua t'a perjashtoj faktin se mundet edhe te jemi fitues te grupit, por do te isha i kenaqur edhe me vendin e dyte".

Mihajllov (Bjellorusi): Ne, rivale me Bullgarine, Rumanine e Sllovenine
"Mendoj se ne do te luftojme per kualifikim. Nese Holanda eshte e sigurte se do te jete ne vendin e pare, ne mund te krahasohemi me Bullgarine, Rumanine dhe Sllovenine. I siguroj te gjithe se Bjellorusia eshte nje rivale shume e forte".

Obllak (Slloveni): Luajme mire ndaj ballkanasve e lindoreve
"Jam optimist. Tani nuk ka skuadra te lehta ne Evrope, por jam i kenaqur qe mundem te shmangnim skuadrat skandinave dhe Angline. Ne eliminatore do te tregojme me te miren e futbollit tone. Ne te kaluaren kemi treguar se mund te luajme mire ndaj ballkanasve apo skuadrave qe vijne nga Evropa lindore. Me tremb vetem sfida ndaj holandezeve. Ata jane dicka krejtesisht tjeter".

Jehona mediatike

Prosport (Rumani): Nje grup i ekuilibruar, Holanda mbi te tjerat

Gazeta Sporturilor (Rumani): Kemi detyrim qe te kualifikohemi. Shqiperia e Bjellorusia nuk duhen nenvleresuar

Die Telegraaf (Holande): Rumania dhe Bullgaria, rreziqet me te medha

Deklarime te tjera

Stoichkov fut edhe Shqiperine ne vallen e kualifikimit
Trajneri i bullgareve, Hristo Stoichkov, ka leshuar nje deklarate edhe per gazeten rumune, "ProSport". "Holanda eshte favorite e grupit, - ka thene ish-futbollisti i madh, - ndersa ekipet e tjere, Rumania, Bullgaria, Sllovenia, Shqiperia e Bjellorusia do luftojne fort per vendin e dyte. Nuk ka me ndeshje te lehta". Stoichkov, ndoshta, eshte i vetmi nga rivalet tane qe ka permendur ekipin shqiptar si pretendent per vendin e dyte ne grup, ndersa te tjeret e kane anashkaluar, madje edhe bjelloruset. Ish-ylli i Barcelones ka luajtur ne Tirane, ku edhe ka shenuar nje gol, ne barazimin 1-1 mes dy ekipeve, ne shtator 1995. Mbrojtesi i shquar rumun, Christian Chivu, ka deklaruar per "Gazeta Sporturilor" se "ne kemi ekip te afte per te dale ne vend te pere ne grup". Trajneri i Rumanise, Piturca, thote: "Holanda eshte favorite, Rumania do luftoje me Bullgarine per vendin e dyte, por edhe Sllovenia, Bjellorusia si dhe Shqiperia duhen llogaritur". Portieri bjellorus i Steaua-s, Hamutovski, ka leshuar nje deklarate bombe per "ProSport": "Mendoj se ne, Holanda dhe Rumania do jemi ne tre vendet e para ne grup".

Si percaktohen finalistet
Per ne finalet e Euro 2008 do kualifikohen dy ekipet e pare te cdo grupi. Nese do te kete ekipe qe perfundojne me pike te barabarta, renditja percaktohet nga keto kritere: (1) numri me i madh i pikeve ne ndeshjet ku perfshihen keto skuadra; (2) diferenca me e madhe e golave mes ekipeve te perfshira; (3) numri me i madh i golave te shenuar nga ekipet e perfshira; (4) numri me i madh i golave jashte fushe te shenuar nga ekipet e perfshira. Nese as keto nuk do mjaftojne, do shikohen diferenca e golave ne totalin e ndeshjeve ne grup, numri me i madh i golave te shenuar ne totalin e ndeshjeve ne grup, numri me i madh i golave te shenuar jashte fushe, ne totalin e ndeshjeve ne grup, koeficienti i fair-play-t, dhe se fundi, hedhja me short.

[Arb]

Kombetarja jone sot ka filluar ndeshjen e pare eleminatore per EURO 2008.

Jemi ne pjesen e dyte te ndeshjes, edhe perkunder kembengules dhe mbizoterimit te plote te djemeve tane ne keto 20 minutat e pare te pjeses se dyte, akoma mbetet rrezulltati i pjeses se pare, 2-1, per Bjellorusine...

Per Kombetaren tone ka shenuar Skela, nga penalltia.

Ne Grupin e G zhvillohen edhe dy ndeshje te tjera:

Rumani - Bullgari
Luksemburg - Holande

[Arb]

GOOOOOOOOOOL!

Kemi barazuar, 2-2.

Hassssssi!

[Arb]

Yeaaaaaaaaah!

Me një pikë në krah, po kthehemi në Tiranë, për tu ballafaquar me Rumunët...

Bjellorusi 2-2 SHQIPERI

[Artisti]

Arb flmmmmmm more per keto info se une as qe e kam dite se sot luajne qyyyyy:biggrin:


.

[Arb]

Rumani 2-2 Bullgari

Rumania ishte nen kontroll deri ne minuten e 81-te, kur pesoi golin e pare, e dy minuta me vone edhe golin e dyte.

Rumunet me kete barazim do te jene me ne presion per te marr pike ne ndeshjen perballe Kombetares sone...

[Arb]

Kuqezinjtë përulin Minskun, fillim i mbarë i Bariçit

Këmba e Hasit i dhuron një pikë Shqipërisë

http://www.futbolli.com/futboll/images/stories/Kombetarja/kombetarja1.jpgMinsk, 2 shtator - Kombëtarja shqiptare ka vuajtur shumë, por në fund ka arritur të marrë një pikë të merituar dhe tejet të rëndësishme në ndeshjen e parë në kuadër të eliminatoreve për Kampionatin evropian 2008, duke i mbyllur 90 minutat ndaj Bjellorusisë në Minsk, me rezultat 2:2.

Pjesa e parë nuk ka filluar ashtu siç duhet për kuqezinjtë, ngase që në minutën e dytë është tundur rrjeta e portës së Likës. Ka qenë Kalaçev, ai i cili ka shfrytëzuar hutinë e mbrojtjes shqiptare dhe nga krahu i djathtë ka dërguar topin në rrjetë, falë edhe reagimit të dobët të Likës. Megjithatë për fat të mirë, kuqezinjtë kanë reaguar mirë pas këtij goli të pësuar dhe vetëm pesë minuta më vonë kanë fituar një penallti, pasi Lala është ndaluar në mënyrë të palejueshme në afërsi të portsë. I saktë nga pika e bardhë ka qenë Ervin Skela, duke i barazuar shifrat 1:1.

Megjithatë presioni i bjellorusëve ka vazhduar, ndërkohë që entuziazmi në tribuna ka qenë tejet i madh. Në anën tjetër, pa siguria në mbrojtjen shqiptare është rritur edhe më shumë. Si rrjedhojë, në minutën e 24-të, Maksim Romashçenko është harruar krejtësisht i lirë në krahun e majtë dhe me një gjuajtje të fortë brenda zonës ka dërguar topin në rrjetën e Likës, për epërsinë e vendasve, 2:1.

Kombëtarja shqiptare ka reaguar menjëherë pas golit të pësuar dhe me anë të Lalës dhe Haxhit, por ata nuk kanë shënjestruar siç duhet portën e vendasve. Presioni i kuqezinjve ka vazhduar edhe më tej dhe kjo ka bërë që bjellorusët të tërhiqen paksa nga loja e tyre në mesfushë për ta kontrolluar futbollistët shqiptarë.

Kjo ka sjellë menjëherë edhe rezultatet e një presioni të madh të djemve të Bariçit, duke fituar 3 goditje këndi brenda 15 minutave. Dhe jo vetëm kaq, në minutën e 38-të Tare ka goditur mirë, por nuk ka mundur ta mposht dot portierin e bjellorusëve. Ndërsa rasti më flagrant ka qenë ai me anë të sulmuesit tonë Bogdani, i cili vetëm një minutë me pas, në atë të 39-të nuk ka arritur të shënojë ballë për ballë me portën.

Minutat në vazhdim janë zhvilluar të ashpra nga të dyja skuadrat dhe me faule të shumta. Kjo ka sjellë edhe ndeshkimin me kartonë të verdhë të Lorik Canës nga gjyqtari kryesor. Dhe kjo mënyrë loje ka vazhduar deri në fund të 45 minutave të para, duke lënë në fuqi rezultatin Bjellorusi-Shqipëri 2:1.

Një pjesë e parë me dy fytyra përsa i përket kuqezinjve. Fillim i keq dhe i pakujdesur dhe një reagim me vendosmëri dhe forcë, por me gabime foshnjarake në mbrojtje, sidomos nga Aliaj dhe Dallku. Pjesa e dytë e ndeshjes së kuqezinjve tanë kundër Bjellorusisë ka filluar në nivel të lartë dhe menjëherë Bogdani është gjendur ballë për ballë me portën kundërshtare pas një topi të artë të nxjerrë nga Lala, por gjyqtari kryesor e ka vlerësuar si pozicion jashtë loje.

Bariç në pjesën e dytë duke parë edhe defektet e Aliajt në mbrojtje, ka bërë edhe ndërrimin e parë, duke futur Currin në vend të Aliajt. Kuqezinjtë në minutat e para pas presionit të bërë në portën bjelloruse kanë arritur të fitojnë dy goditje nga këndi, ku Dallku ka patur rastin më të mirë për të barazuar, pasi është gjendur ballë për ballë me portën, por s'ka shënjestruar siç duhet.

Epërsia e futbollistëve kuqezi ka qenë e qëndrueshme në minutat në vazhdim dhe në minutën e 59-të të takimit Tare përpak sa s'ka barazuar pas një goditjeje nga këndi të kalibruar për të nga Skela. Bjellorusët janë munduar të dalin herë pas here në kundërsulm, por pa rezultat. Kombëtarja shqiptare duke kontrolluar mesfushën ka bërë një lojë voluminoze në mesfushë dhe sulm, por mbrojtja bjelloruse ka qenë e vëmendshme kundrejt topave që furnizonin Taren dhe Bogdanin.

Tekniku kroat Bariç ka bërë edhe ndërrimin e dytë të tij në minutën e 74-të të takimit dhe ka futur në lojë sulmuesin e tretë, Edmon Kapllani në vend të Skelës, i lodhur nga loja voluminoze që ka bërë. Pas minutës së 76-të` të takimit Bjellorusia është zgjuar dhe ka arritur të kontrollojë mesfushën, pasi duke parë edhe largimin e Skelës reparti është dobësuar disi, pasi Barriç ka dashur të luaj të gjitha kartat për të barazuar rezultatin.

Vëllimi i madh i lojës së bërë nga futbollistët tanë e ka dobësuar disi rendimentin dhe lojtarët tanë janë treguar të lodhur, gjë që ka sjellur edhe nervozizëm dhe paqartësi në lojë, duke shkaktuar shumë faule. Madje duke parë edhe uljen e ritmit nga lojtarët tanë në mesfushë Bariçi, ka bërë në minutën e 84-të ndërrimin e tretë dhe në vend të Lalës është futur Devi Mukaj.

Edhe pse Bariçi ka rinovuar mesfushën asgjë e re për t'u shënuar për kuqezinjtë. Ndërsa bjellorusët kontrollonin me kujdes topin dhe rezultatin e arritur deri në këtë minutë. Por ja që shpirti i kosovarit, veteranit të madh Besnik Hasi, nuk ka dashur të lërë deri në fund bjellorusët të gëzojnë dhe në minutën e 86-të takimit pas një faulli jashtë zone ka shënuar një gol spektakolar me anë të një goditje dënimi, duke vendosur rezultatin përfundimtar 2:2. Bjellorusia është munduar në minutat e fundit të reagojë, por më kot nuk ka premtuar koha për një reagim të tillë.

Një lojë e mrekullueshme nga ana e djemve tanë dhe një shpirt i madh i dhënë në fushën e blerët që ka sjellë edhe rezultatin e pritur edhe pse meritonim më shumë. Një ndeshje dhe sidomos një pjesë e dytë e dominuar nga ne, ku këtë e tregojnë edhe statistikat ku përqindja e topit e mbajtur nga kuqezinjtë ka qenë 46 me 54 për Shqipërinë, goditje nga këndi 9 me gjashtë për kuqezinjtë, e 14 gjuajtje në kuadratin e portës me 11 për Shqipërinë.

Barazimi i marrë në Minsk nga kombëtarja shqiptare është një hap i madh për rrugën e vështirë të Euro 2008 dhe një fillim i mbarë për ecurinë e mëtejshme në këtë kompeticion. Pas kësaj ndeshjeje kombëtarja jonë do të kthehet në Tiranë ku do të përballet të mërkurën 6 shtator me Rumaninë.

Blerim HALIMI & Plarent SHEHU


Bjellorusi - Shqipëri 2:2

Stadiumi "Dinamo" në Minsk

Bjellorusia: Komutovski, Kulçi, Korito, Omeliançuk, Shtaniuk, V. Hleb, Kalaçev, Kovba, Romashçenko, Hleb dhe Kutuzov.

Shqipëria: Lika, Dallku, Hasi, Aliaj (Curri), Beqiri, Haxhi, Lala (Muka), Cana, Skela (Kapllani), Tare dhe Bogdani.

futbolli.com

[Guri i madh]

urime kombtares ton edhe barazimi esht i favorshem po tash mos e rritni menen e me na zhgenjye te merkuren kunder rumanis

[Arb]

Favoriti i grupit, Holanda ka fituar, vetëm 0-1, ndaj Luksemburgut.

Të Mërkurën takohen:

SHQIPERI - Rumani
Holandë - Bjellorusi
Bullgari - Slloveni

[Arb]

Golat, http://video.google.com/videoplay?docid=2771791905633606430&q=belarus+albania

[Paradox_13]

Shqipria ne disavantazh vetem 25 minuta para perfundimit..
Shqipri-Rumuni 0-1

[Paradox_13]

Penallti per Rumunet.
Minuta 75
Shqipri -Rumuni 0-2

[Paradox_13]

Gjithqka perfundon.

Shqipri-Rumuni 0-2

[Arb]

Historia po perseritet...

Edhe Kombetarja si Rumania, vjen ne Tirane, e na mund, me rrezulltatin e njohur, 0-2.

Edhe nje zhgenjim i hershem i Kombetares Shqiptare, ne keto eleminatore.

Kombetares i duhen lojtare qe mburren me shume per fanellen qe mbartin mbi supe. I duhen lojetare qe pa marr parasysh talentin, e pergaditjen fizike, kane shpirt e zemer te japin gjithcka ne fushe.

Shumica prej tyre, sikur i bashkohen, dhe pranojne ftesen ne Kombetare, per çekun qe marrin nga Federata...

[lihhi]

Valla zorë ek a me u kualifiku :S veq ishalla kualifikohen

[Arb]

Kombetarja jone edhe perkunder humbjes, 2-1, nga Holanda (muajn e kaluar), shkelqeu me ndeshjen e saj. Madje meritoj barazim, nje pike nga ky takim. Kjo ishte ndeshja me e mire qe ka zhvilluar kombetarja keto eleminatore.

Ndeshja e ardhshme e kombetares do te zhvillohet ne Tirane, perballe Sllovenise.