Fatmir Sejdiu kandidat i LDK.se per Presidnet ...!!!??? [Arkivi]

View Full Version : Fatmir Sejdiu kandidat i LDK.se per Presidnet ...!!!???

fadil

30-01-06, 14:58

Fatmir Sejdiu, kandidat i LDK-së për kryetar të Kosovës Aktuale

Fatmir Sejdiu është kandidat i LDK-së për kryetar të Kosovës. Kështu u vendos sot me një konsensus të plotë pas një diskutimi në mbledhjen e Kryesisë së LDK-së. Siç raporton QIK-u, Kryesia e LDK-së rreth kandidatit të saj ka pasur konsultime edhe në nivele të tjera.

Fatmir Sejdiu, i cili në këtë post më të lartë në Kosovë duhet të zëvendësojë Presidentin e ndjerë Ibrahim Rugova, aktualisht është sekretar i përgjithshëm i LDK-së dhe anëtar i Kryesisë së Kuvendit të Kosovës nga radhët e kësaj partie. Detaje të tjera rreth kandidatit të saj, Kryesia e LDK-së pritet t'i bëjë publike rreth orës 15:OO me një komunikatë zyrtare.

Cool_Boy

30-01-06, 15:10

geisha

30-01-06, 15:38

urime se Fatmiri eshte kandidat i mire ... biles eshte personi i duhur per ket post... edhe flet bukur pupupu lum si ne qe e kemi! :wink:

Fshatari

30-01-06, 16:48

urime se Fatmiri eshte kandidat i mire ... biles eshte personi i duhur per ket post... edhe flet bukur pupupu lum si ne qe e kemi! :wink:

F.Sejdiu është njeriu i duhur për presidentin e Kosovës.
I gjason shumë pak presidentit të ndjer, Rugova. Nuk është as "profet" as "pasiv-ist". Nuk di a ka fituar shumë "beteja" si paraadhësi i tij por është i zoti të fitojë luftën : pavarësinë e Kosovës.
Nëqoftëse i gjason sado pak familjes së vetë (njëri prej të cilëva ka qenë pedagog imi në gjimnaz, fakultet, e më pas...) lumtë Kosova për të.
Kaq se e teprova.

Zana_ch

30-01-06, 17:51

PRISHTINË
Kryesia e Lidhjes Demokratike të Kosovës ka diskutuar sot gjendjen e krijuar pas vdekjes së presidentit Rugova si dhe kandidaturat e mundshme të kësaj partie për postin e Presidentit.
Zëdhënësi i LDK-së, Lulëzim Zeneli, pas mbledhjes së sotme deklaroi se emrat do bëhen publike vetëm pas përfundimit të ditëve të zisë më 6 shkurt.

Dardani_K1

30-01-06, 19:11

Vendim shume me vend zgjedhja e Fatmir Sejdiut me fate i qofte kandidatura e ishalla e mbane kete Post si i ndjeri Rugova deri ne vdekje.
E ishalla dine si i ndjeri Rugova me e udheheq Popullin dhe Vendin po besoj se ka me diten se ashte LLapion e LLapionet ja kane diten gjithemon rendin e Burrenis veq kushe jau ka pasen inati e kushe jau ka inati ju dalt ne hun ithati.

Naki

30-01-06, 20:14

http://www.assembly-kosova.org/common/images/mp/FatmirSejdiu.jpg

Fatmir Sejdiu

Funksionet në Kuvendin e Kosovës
Grupi Parlamentar i LDK-së
Komisioni për Rregulloren e Punës së Kuvendit, Anëtar
Komisioni për Bashkëpunim Ndërkombëtar dhe Integrim në UE, Anëtar

Partia
Lidhja Demokratike e Kosovës (LDK)

Të dhëna personale

I lindur më 23.10.1951 në Pakashticë, Podujevë
I martuar, tre fëmijë, djem

Arsimimi

Fakulteti Juridik
Doktor i shkencave juridike

Aktivitete dhe funksione, të tanishme apo paraprake

Profesor universiteti
Fakulteti Juridik dhe Fakulteti i Shkencave Politike

Gjuhë tjetër përveç amtares

Frëngjisht
Anglisht

Portokalli

30-01-06, 20:25

Naki

Flm se po duket intelektual. As qe e njoh dhe as qe kam ndi naj here per te. Perenia ja prift te maren. :wink:

Psikologu

31-01-06, 11:08

Fatmir Sejdiu kandidat i LDK-së për president

Muharrem Nitaj
BBC, Prishtinë

Kryetari i Kosovës zgjidhet nga Parlamenti
Kandidati për President të Kosovës, është Fatmir Sejdiu, zyrtar i lartë i Lidhjes Demokratike të Kosovës.
Vendimin e mori Kryesia e kësaj partie të hënën në një mbledhje të mbajtur me dyer të mbyllura.

Këtë njoftim e bëri të ditur agjencia zyrtare e LDK-së për informim, Qendra për Informim e Kosovës

Thuhet se Kryesia e Lidhjes Demokratike të Kosovës, këtë vendim e ka marrë me një konsensus të plotë të të gjithë anëtarëve të saj.

Po ashtu thuhet se Lidhja Demokratike e Kosovës, për kandidatin që do të zërë postin e Presidentit i ka konsultuar edhe subjektet e tjera politike, si dhe ka pasur konsultime edhe me faktorë të tjerë politikë dhe diplomatik ndërkombëtarë.

Zëdhënësi i LDK-së, Lulëzim Zeneli, tha pas mbledhjes së mbyllur të Kryesisë së kësaj partie se emri i kandidatit për president të Kosovës do të bëhet i njohur zyrtarisht vetëm pas përfundimit të periudhës së zisë kombëtare prej pesëmbëdhjetë ditësh, më gjashtë shkurt.

Pas kësaj, nëse çështja e kandidaturës së zotit Sejdiu do të jetë çështje e kryer, ajo do t'i kalojë për miratim Kuvendit të Kosovës.

Sipas Kornizës Kushtetuese në fuqi, zgjedhja e presidentit bëhet me të paktën 2/3 e votave të përgjithshme të Kuvendit. Do të duhen 81 vota për zgjedhjen e president të ri të Kosoves.

Nëse kandidatura nuk kalon dy herë me këtë numër votash, ai në votimin e tretë mund të zgjidhet president edhe me 61 vota.

Emri i zotit Sejdiu si kandidat ishte përmendur tash e dy muaj, mirëpo deri më sot, askush nuk ka qenë në gjendje të thotë nëse spekulimet për kandidaturën e tij për president kane qenë të sakta.

Nuk ka pasur njoftime nëse ka patur ndonjë propozim tjetër për postin e presidentit të Kosovës.

Analistët thonë se Fatmir Sejdiu, është parë si personi më i përshtatshëm për President të Kosovës për shkak marrëdhënieve të tij të mira me grupet brenda LDK-së, por edhe me përfaqësues të partive të tjera duke përfshirë edhe ato të opozitës.

Kush është Fatmir Sejdiu

Fatmir Sejdiu, është njëri prej anëtarëve të njohur të Kryesisë së Lidhjes Demokratike të Kosoves që nga ditët e para të saj.

Ai për një kohë të gjatë ka qenë Sekretar i Përgjithshëm i LDK-së dhe njëri prej bashkëpunëtorëve më të ngushtë dhe me besnikë të Presidentit të ndjerë Rugova.

Që nga anëtarësimi i tij në LDK, ai ka mbetur në strukturat e kësaj partie dhe nuk është shquar për qëndrime kontradiktore brenda partisë.

Zoti Sejdiu nuk bën pjesë në të ashtuquajturën "linjë e ashpër" të kësaj partie.

Ai ka qenë njëri prej anëtarëve që ka marrë pjesë drejtpërsëdrejti në hartimin e të gjitha dokumentave të partisë, si dhe të një varg dokumentash të tjera ligjore të Kosovës.

Fatmir Sejdiu, aktualisht është anëtar i udhëheqjes së lartë të partisë, anëtar i Kryesisë së Kuvendit të Kosovës dhe anëtar i dy komisioneve të tij.

Ai me profesion është jurist dhe është profesor në Fakultetin Juridik dhe në Fakultetin e Shkencave Politike në Prishtinë.

Zoti Sejdiu ka lindur më 23 tetor të vitit 1951 në Pakashticë të Podujevës.

Është i martuar dhe ka tre djem.

krijuesiii

31-01-06, 19:54

arben-ks

31-01-06, 20:08

Si te hin kryetar ka me i vjedh do pare se ju kan hargju ldk qeshtu e kan zanat ldk duhet me njek amanetin e njani tjetrit

Urata

01-02-06, 05:48

Intervistë me Fatmir Sejdiun, sekretar i përgjithshëm i LDK

http://www.trepca.net/2006/foto/FatmirSejdiu.jpg

1 shkurt 2006 /TN

Zëri i Amerikës (31.01.2006), Linda Karadaku-Ndou Prishtinë

Fatmir Sejdiu, aktualisht sekretar i përgjithshëm i Lidhjes Demokratike të Kosovës dhe anëtar i kryesisë së parlamentit, është kandidati për president, i cili duhet të pasojë në këtë post presidentin Ibrahim Rugova, i cili vdiq më 21 janar në Prishtinë. Në një intervistë për Zerin e Amerikës, zoti Sejdiu pohon se presidenti i ardhshëm duhet të kryesojë edhe grupin negociator për bisedimet për statusin e Kosovës.

Zeri i Amerikës: Profesor Sejdiu, ju tashmë jeni kandidati zyrtar i Lidhjes Demokratike për president të Kosovës. Çfarë do të thotë kjo për ju....?

Fatmir Sejdiu: Paraprakisht mund të them se është biseduar në nivel të partisë dhe kjo do të komunikohet në aspektin zyrtar në një kohë të përshtatshme, siç ishte edhe qëndrimi i djeshëm.

Për mua është një nder i veçantë që të marr këtë pozicion kaq të rëndësishëm në shoqërinë kosovare dhe natyrisht është një barrë shumë e madhe, duke patur parasysh vakuumin e madh dhe boshllëkun e madh të krijuar pas vdekjes së Presidentit Rugova, i cili për mua është i pazëvendësueshëm dhe kështu mendojnë të gjithë ata që i kanë shprehur nderime popullit të Kosovës, por edhe miq të tjerë ndërkombëtarë.

Natyrisht që gjendemi në një situatë jashtëzakonisht delikate dhe nevojitet një punë tepër e angazhuar e të gjitha formacioneve, them në radhë të parë të institucioneve të Kosovës por edhe të subjekteve politike që ato t’i ndërtojnë proceset edhe më tej.

Natyrisht që kjo ecje e proceseve duhet të jetë në një bashkëpunim të ndërsjellë dhe mjaft kualitativ me bashkësinë ndërkombëtare, dhe veçanërisht me Shtetet e Bashkuara dhe vendet e Bashkimit Evropian.

Zeri i Amerikës: Zgjedhja e presidentit të Kosovës kërkon të paktën 61 vota në parlament. A do të mund t’i siguroni ju votat minimale në parlament ?

Fatmir Sejdiu: Supozoj që do të jetë një kandidaturë normale sikurse të kishte kandidatuar ndokush tjetër. E rëndësishme për ne është që të dërgojmë kandidaturën para deputetëve. Janë ata që do të vendosin dhe besoj se do të jetë një mbështetje normale dhe reale e të gjithëve.

Për mua është e rëndësishme që të fitojë verdikti i deputetëve. Dhe unë besoj se ajo do të jetë një votë e cila realisht do të jetë shumë e përgjegjshme e secilit prej deputetëve të Kuvendit të Kosovës, pavarësisht pozitën apo opozitën. Dhe po ashtu mendoj se personi që do të zgjidhet e ka për borxh real që të jetë faktor vërtet i rëndësishëm i unitetit i të gjithë asaj energjie që lufton për Kosovën edhe në këtë fazë kaq të rëndësishme që gjendemi.

Me këtë duhet të çojmë përpara një mision të rëndësishëm që kemi marrë para vetes dhe që është në mandatin themelor, mandati për pavarësinë e Kosovës apo për bërjen e shtetit të Kosovës.

Zeri i Amerikës: A do të mbetet formula që ka qënë që presidenti kryson edhe grupin negociator ?

Fatmir Sejdiu: Po, besoj se është formulë mëse normale dhe e drejtë.

Zeri i Amerikës: Nëse ju bëheni president i Kosovës, cili do të ishte imazhi i institucionit të presidentit. ?

Fatmir Sejdiu: Do të bëhet përpjekje e jashtëzakonshme që të jetë në mision të funksionit që ka, natyrisht duke patur parasysh një rol të të veçantë sepse është pozicion i ndarë në kuadrin e pushteteve ekzekutive dhe në këtë kuptim, natyrisht të jetë një institucion që do të vazhdojë me ofertën e vet të bashkëpunimit me të gjithë faktorët brenda në vend dhe natyrisht me kujdes të veçantë të ngjeshjes së bashkëpunimit me faktorin ndërkombëtar duke patur parasysh edhe atë që thashë më herët dhe që ka qenë thirrje edhe qëndrim i përhershëm i Presidentit Rugova me Shtetet e Bashkuara të Amerikës dhe vendet e Bashkimit Evropian.

Natyrisht që me këtë ne do të ndërtojmë në vazhdimësi vizionin tonë për ardhmërinë e Kosovës, për pavarësinë dhe ndërtimin e një shteti ligjor të qytetarëve të barabartë dhe natyrisht me këtë po ashtu edhe të bëjmë të sigurtë që qytetarët e Kosovës të gëzojnë jetë edhe më të qetë edhe më të rehatshme në kuptimin e plotësimit të vizionit, të themi edhe të përpjekjeve të tyre dhe për standardet jetësore.

Siç e dini në këtë proces po ashtu kemi edhe një varg detyrash që janë të emërtuara si standarde ndërkombëtare për Kosovën, për të cilat dikush mendon se janë pengesa për të ngadalësuar proceset. Unë mendoj se ajo që kanë shpreh institucionet e Kosovës dhe personalisht mendoj se, këto janë pjesë e një barre normale për një jetë më të mirë të gjithë qytetarëve të Kosovës. Këtë pra duhet të përpiqemi ta bëjmë, natyrisht në bashkëpunim me të gjitha institucionet.

MemphiSx

01-02-06, 11:00

Fshatari

01-02-06, 14:47

...Duhet te jete njeri nga ata pak te miret qe kane mbete ne LDK e qe si ka perjashtuar e quajture me cfare do fjale klani i ish Presidentit...

...Kam respekt per kete Fatmire Sejdiun eshte Koha qe njeher te udheheqin ja Llapjante jo Drenica se na mbyten kta tjerte tu na vjedh...

tungiii

.............. mos ban diferencime ktu.
Ne LDK ka nje bagazh te madh intelektualesh e akademik qe ta udheheqin Kosoven.
A keni fillu tani me pergatit dosje edhe per Fatmirin,sepse ju skeni detyra tjera.

Fatmir Sejdiun e ka propozuar vetë kryesia e LDK-së. Paska bërë "diferencime" vallë! Gjepura!
Ajo kryesi e njeh mirë "bagazhin" intelektual të z.Sejdiu prandaj e ka propozuar për postin më të lart të ekzekutivit të Kosovës.
Në dallim nga paraardhsi i tij, ai do i shndërrojë "iluzionet pacifiste" në vepra pragmatike e konkrete. Këtë e kërkon Kosova vite më radhë!
Dhe në fund, si përfundim, "dosjen për fatmirin" e ka përgatitur e njëjta kryesi : ajo e LDK-së e jo ndonjë forumist i këtij forumi.
Morali : logjika e koherenca janë bazë e çdo fjalie, postimi, shkrimi, replike...etj. Pa to : "no sens" (absurd!).

arben-ks

01-02-06, 15:28

Nese don pdk ja jep votat ketij ketu pdk ja esht vendosse...?

ne qofse behet konsensus ather dy ministrit do ti takonin njera pdk e tjetra aak e ather ndoshta do te votojn per fatmirin ketu ndikon vetem marrveshja uniteti ne mes partive e jo ai i ldk siq don ai ska me poplli me hanger lakna hashim thaqi ketu kullet :wink:

laliloli

01-02-06, 19:53

Mendoj se eshte koha per nje president koncesual ne keto momente.Nderkaq qdo zgjedhje institucionale populli duhet ta pranoje.

SHREK

01-02-06, 20:39

qyky pernime oshte i ldk amo oshte nashta prej atyne njerzve ma shqiptare qe i ka ldkja e nuk jan si kotilla e pjetrit qe na ka perqa tu qiten turli poqavre flamur e vjerasha per himnin qe edhe fmija i klases dyt i kish shkrujt ma mire o allahut i kofshim fal e nuk ja bjen ma kurr popllit shqiptare me na provu me turli pjetri e gjytyrym udhheqs boll qe qeky llapjani bon be pasha kuranin edhe nuk oshte qare pa ardhe pavarsia se oshte njeri qe punon per kosove e nuk ja rras hiq amo bash hiq papes

Dilaver

07-02-06, 11:09

Fatmir Sejdiu edhe zyrtarisht kandidat i LDK-së për President të Kosovës

Prishtinë, 7 shkurt - Fatmir Sejdiu edhe zyrtarisht propozohet kandidat i LDK-së për President të Kosovës, vendosi në mënyrë unanime Kryesia e kësaj partie në takimin e sotëm të paradites. Prakitikisht vendimi ishte marrë më 30 janar, por nuk u zyrtarizua për të respektuar zinë kombëtare në nderim të Presidentit Ibrahim Rugova që zgjati deri më 6 shkurt.
Propozimi i LDK-së sot do t'i përcillet Kryesisë së Kuvendit të Kosovës për ta vënë në rendin e ditës së mbledhjes së Kuvendit të Kosovës që do të mbahet më 9 shkurt.
Kandidaturën e Fatmir Sejdiut tashmë e ka mbështetur edhe partneri kryesor në koalicionin qeveritar AAK, pastaj PSHDK, Partia Demokratike Turke si dhe disa subjekte të tjera.

Dilaver

09-02-06, 13:02

Presidenti i ri i Kosovës zgjidhet nesër në ora 11.00

Prishtinë, 9 shkurt - Presidenti i ri i Kosovës zgjidhet nesër (e premte) në orën 11.00 në një mbledhje solemne, vendosi sot Kryesia e Kuvendit të Kosovës, bëri të ditur kryekuvendari Nexhat Daci.
Ai tha se është pranuar unanimisht kërkesa e grupeve parlamentare për mbajtjen e mbledhjes solemne nesër, ndërsa takimin e sotëm të kryesisë e ka quajtur normal.
"Unë i luta që të reflektohet ky unitet i treguar në mbledhje të kryesisë në seancën solemne nesër", tha prof.Daci.
Ai tha se politika kosovare gjendet në një sfond të përbashkët me bashkësinë ndërkombëtare, ndërsa mohoi se i është bërë presion nga LDK-ja për caktimin e seancës për ditën e nesërme, pasi dy ditë më parë kryesia kishte vendosur që seanca të mbahet të hënën.
"Besoj e dini se nuk bëjnë punën presionet në mua; nuk kam pasur presion as nga LDK-ja", tha Daci, duke theksuar demokracinë e brendshme të LDK-së. "LDK-ja është shumë në rregull"!.
Kandidat për president të vendit aktualishtë është vetëm prof.dr.Fatmir Sejdiu, i propozuar nga Kryesia e LDK-së zyrtarisht të martën, ndërsa kjo kandidaturë është mbështetur nga partneri i koalicionit të saj, AAK-ja, Grupi 6 plus dhe Ora. Ndërsa, që ende PDK-ja nuk ka vendosur nëse do të dalë me kundërkandidat.
Kryesia e Kuvendit në këtë takim ka diskutuar edhe ndarjen e mjeteve financiare për parti politike, për të cilën gjë kryekuvendari Daci tha se është përfillur kërkesa e grupeve politike minore dhe minoritare, duke hequr dorë partitë e mëdha parlamentare nga një "shumë substanciale" e mjeteve që u takonin. Ndërsa, kërkesa e partisë opozitare Ora, për vazhdimin e seancës së mbetur të janarit, është vendosur të përgjigjet komisioni për Çështje Legjislative dhe Kornizë Kushtetuese.

Arb

09-02-06, 16:25

Per nje kohe te shkurter, me kandidatin e propozuar per President, LDK-ja edhe nje here tregoj madheshtine dhe fuqine e saj si Forca me serioze, me e zellshme, me e vendosur per te punuar per te miren e Kosoves.

Fatbardhesisht, kandidatura e Zoteri Fatmir Sejdiut, ka gezuar perkrahje te plote nga forcat politike si dhe qytetaret.

krijuesiii

09-02-06, 16:48

...Fatmir Sejdiu do ta kete shume te veshtire se duhet ti qetsoj disa partizane titist ne mbrendin e vete partis se ti qe jane mesuar me privilegjet e klanit te ish presidentit, pas andej do ta gjeje rrugen ma te mire dhe eshte fatebardhesishte shuuuumme me i mire se ish presidenti pacifisti-i semure...

tungiii

Guri i madh

09-02-06, 19:21

fatmir sejdiu esht i respektuar nga kryesia e LDKes tani ne ket kryesi ka unitet kan mbet ata qe kan ardh me kontribue per popull e ata te cilet kishin ardh per poste tani perjargen para kamerave televizive .

por ju kisha preferu qe te merren me fall ndoshta ky esht profesioni i tyre

tellallii

10-02-06, 04:40

Mendoj se eshte koha per nje president koncesual ne keto momente.Nderkaq qdo zgjedhje institucionale populli duhet ta pranoje.

Po po vetem enderroni.
Sju ka mbetur kurrfarre shprese tjeter per te fituar puushtetin pos me koncensus.
Majc sta keni pare ate film keto 500 vitet e ardhme.

Guri i madh

11-02-06, 04:11

Mendoj se eshte koha per nje president koncesual ne keto momente.Nderkaq qdo zgjedhje institucionale populli duhet ta pranoje.

lali te pershendes cili politikan si mbas jush i permbush kushtet per president koncesual une mendoj se nuk ka pos dy personave qe une ju besoj ESAT STAVILECI : E PAJAZIT NUSHI tjerve nuk u besoj me ja gjue kokrren ne kuti

Kercovari

11-02-06, 10:01

Politik Meldung vom 10.02.2006, 14:38 Uhr

Sejdiu Nachfolger Rugovas als Kosovo-Präsident
Parlament wählt Politiker im dritten Wahlgang

Rund drei Wochen nach dem Tod von Kosovo-Präsident Ibrahim Rugova ist der gemäßigte Politiker Fatmir Sejdiu zu seinem Nachfolger gewählt worden. 80 der 120 Abgeordneten stimmten im Parlament von Pristina für den engen Vertrauten Rugovas. Der Generalsekretär und Fraktionschef der von Rugova gegründeten Demokratischen Liga des Kosovo (DLK) war einziger Kandidat bei der Abstimmung.

Der 54-Jährige wird die Kosovo-Albaner in den kommenden Monaten voraussichtlich in die Verhandlungen über den künftigen Status des Kosovo führen. Sein am 21. Januar an Lungenkrebs gestorbener Vorgänger Rugova genoss große Popularität. Das Kosovo ist formal eine serbische Provinz, steht aber seit Ende des Kosovo-Kriegs 1999 unter UN-Verwaltung.

Sejdiu erreichte in den ersten beiden Wahlgängen nicht die notwendige Zwei-Drittel-Mehrheit. Erst in der dritten Runde reicht eine einfache Mehrheit zur Wahl. Auch Sejdius Vorgänger Rugova musste bei den Präsidentenwahlen der Vergangenheit jeweils in die dritte Runde. Das Amt des Kosovo-Präsidenten ist weitgehend symbolisch.

Sejdiu war seit der Gründung der DLK 1989 deren Generalsekretär. Zuletzt war der aus dem Norden des Kosovo stammende Politiker auch DLK-Fraktionschef im Kosovo-Parlament. Sejdiu ist studierter Rechtshistoriker und lehrte die Disziplin an der Universität Pristina. Er studierte unter anderem in den Vereinigten Staaten und Frankreich.

Rugova galt als unerschütterlicher Kämpfer für die Unabhängigkeit des Kosovo, die 90 Prozent der Bevölkerung anstreben. Serbien beharrt hingegen auf seiner Souveränität in dem Gebiet. Im Laufe des Jahres soll in Verhandlungen ein Kompromiss für den künftigen Status des Kosovo gefunden werden. UN-Vermittler ist der ehemalige finnische Präsident Martti Ahtisaari.

Rugova war bisher Chefunterhänder des Kosovo. Ob auch sein Nachfolger diesen Posten übernehmen wird, ist bisher unklar. Die Verhandlungen hatten im November begonnen, das nächste Treffen ist für den 20. Februar angesetzt. Auch Sejdiu zeigte sich stets als scharfer Verfechter der Unabhängigkeit des Kosovo.

Der verheiratete Vater dreier Kinder gilt als gemäßigt. Dies dürfte die Verhandlugnen mit Belgrad erleichtern, das sich kategorisch weigert, mit Guerilla-Chefs zu sprechen. So verzichtete etwa Hashim Thaci auf eine Präsidentschaftskandidatur. Thaci ist Chef der stärksten Oppositionspartei DPK und ehemaliger Unabhängigkeitskämpfer

Kercovari

11-02-06, 10:07

Presidenti Sejdiu zotohet për realizimin e pavarësisë dhe ruajtjen e integritetit të vendit

Prishtinë, 10 shkurt -Presidenti i ri i Kosovës u zgjodh prof.dr.Fatmir Sejdiu, me 80 vota pro në raundin e tretë të votimit të Kuvendit të Kosovës. Nga 110 deputetët e pranishëm në dy raundet e para të votimit kandidatura e LDK-së, prof.dr.Fatmir Sejdiu nuk arriti për 2 dhe 3 vota të zgjidhej President, ashtu siç është e përcaktuar me Kornizë Kushtetuese, që për zgjedhje i duhen dy të tretat e numrit të përgjithshëm të deputetëve nga 120 sa ka Kuvendi i Kosovës. Ai mori dy të tretat e votave në raundin e tretë të votimit 80 për, 12 kundër dhe 17 të pavlefshme, kur i nevojitej shumica e thjeshtë prej 61 votash. Ndërsa, nuk kishte asnjë kundërkandidat në procesin e votimit.
Kryetari i Kuvendit Nexhat Daci, para fillimit të votimit rikujtoi se seanca mbahet me kërkesën e të gjitha grupeve parlamentare, të cilat e kanë vlerësuar të nevojshme përmbushjen e vakuumit të krijuar pas vdekjes së Presidentit Rugova. Ai tha se edhe pas vdekjes së Presidentit Rugova, institucionet e vendit do të punojnë me përkushtim për shtetin e pavarur e sovran të Kosovës.
Presidenti Sejdiu, menjëherë pas zgjedhjes u betua solemnisht para deputetëve dhe qytetarëve të Kosovës, se do të reflektojë unitetin e popullit, tërësinë tokësore të vendit, dhe funksionimin demokratik të institucioneve. "Betohem solemnisht se do të ruajë dhe mbroj unitetin e popullit, tërësinë tokësore të vendit, dhe do të siguroj funksionimin demokratik të institucioneve të Kosovës", tha Sejdiu.
Presidenti Sejdiu që në postin më të lartë të vendit pason Presidentin e ndjerë Ibrahim Rugova, udhëheqësin historik të shqiptarëve në rrugën e pavarësisë, tha se është nderuar dhe i privilegjuar për zgjedhjen, por njëkohësisht barrë dhe përgjegjësi e veçantë. "Unë zgjidhem në këtë detyrë dhe marr postin që ka mbajtur Presidenti ynë i parë dhe tashmë historik., Ibrahim Rugova", tha ai duke shtuar se këtë post të lartë të vendit e bënte më të madh me figurën e veçantë prej njeriu e prijësi të papërsëritshëm. Presidenti Sejdiu, ka përkujtuar edhe njëherë Presidentin Rugova në fjalën e tij duke e vlerësuar lart veprën e tij. "Presidenti Rugova ka lënë një trashëgimi të pasur politike e shtetërore, të ndërtuar me dije, me mund e sakrifica, por edhe me guxim të pashoq, për më shumë se një dekadë e gjysmë", tha ai. Presidenti Sejdiu tha se rruga të cilën e trashëguan institucionet nga Presidenti Rugova është e sigurtë për ta përmbyllur procesin e pavarësimit të vendit tonë. "Pavarësia nuk është vetëm një privilegj për të jetuar të lirë e me dinjitet njerëzor e nacional, por është edhe obligim dhe përgjegjësi, gjithashtu", tha ai.
Presidenti Sejdiu tha se zyra e tij në udhëheqjen e tij do të bashkëpunojë ngushtë me institucionet e tjera të Kosovës, me partitë politike në pushtet dhe në opozitë, me grupet etnike dhe të gjithë qytetarët e Kosovës në dobi të unitetit, funksionimit demokratik, zhvillimin ekonomik, përparimin e përgjithshëm dhe mirëqenien sociale. "Kjo është detyrë e imja kushtetuese, ky është obligim qytetar i imi dhe i secilit institucion e qytetar të vendit, sidomos tani që përmbushja e synimit tonë për Kosovën shtet të pavarur e sovran është afër", tha ai. Presidenti premtoi vazhdimin e bashkëpunimit të ngushtë me UNMIK-un, KFOR-in, TMK-në dhe SHPK-në në dobi të forcimit të mëtejshëm të institucioneve të Kosovës dhe të sigurisë së vendit. Në fjalën e tij Presidenti i sapozgjedhur Sejdiu, foli edhe për procesin e bisedimeve për Kosovën, i cili tha se shtron detyra esenciale. Ai premtoi se si President, do të ketë angazhim parësor udhëheqjen e punës së Grupit Negociator dhe arritjen e njohjes së pavarësisë. “Ju siguroj se unë, si President, do të kem angazhim parësor udhëheqjen dhe vazhdimin e punës së Ekipit Negociator të Kosovës si ekip i unitetit, ashtu si e kishte strukturuar Presidenti Ibrahim Rugova, për të përshpejtuar këtë proces përballë nevojave të vendit tonë dhe vendosmërisë së bashkësisë ndërkombëtare për ta përmbyllur me sukses këtë proces sa më parë, gjatë këtij viti, në përputhje të plotë me vullnetin e popullit të Kosovës”, tha ai. Në këtë kontekst ai premtoi bashkëpunim të ngushtë me Emisarin e OKB-së për Statusin e Kosovës, z.Maarti Ahtisaari. Ai poashtu u zotua se ai dhe ekipi i tij, do të bashkëpunojnë ngusht me SHBA-të, Unionin Evropian, dhe Grupin e Kontaktit, siç tha ai me qëllimin e vetëm që Kosovën ta bëjnë, "shtet në paqe me veten dhe fqinjtë e vet, një vend që do të garantojë të gjitha liritë qytetare, njerëzore dhe të pakicave, në pajtim me standardet më të larta që ka vendosur bota demokratike". "Dhe në të njëjtën kohë të shprehim denjësinë tonë për të qenë partner i integruar në strukturat euro-atlantike", tha ai. Ai u bëri thirrje të gjithë qytetarëve dhe në veçanti komunitetin serb, që të punojnë së bashku për një Kosovë demokratike, përparimtare dhe tolerante, ku respektohen dhe nderohen veçantitë e secilit.
Kandidaturën e presidentit Sejdiu e bëri nënkryetari i LDK-së z.Kolë Berisha, i cili ndërsa foli për personalitetin e veçantë të Presidentit Sejdiu, e ka kujtuar edhe çastin që ka propozuar edhe kandidaturën e Presidentit Rugova, dhe se në atë moment 'askush nuk mund ta besonte se do të ndaheshim nga ai aq shpejtë'. Ai tha se Prof Dr. Fatmir Sejdiu, që prej themelimit të kësaj partie, ka qenë në forumet më të larta të saj dhe njëri ndër bashkëpunëtorët më të ngushtë të Presidentit të ndjerë, Ibrahim Rugova. "Duke pasur votën e këtij Kuvendi për President të Kosovës me punën e tij prej pedagogu, punëtorit të zellshëm të shkencës dhe intelektualit të mirëfilltë, me një kulturë të gjerë dhe njohës i mirë i rrethanave aktuale në vend dhe jashtë, me përvojën e tij të deritashme organizative dhe politike, me prirjen e njeriut i cili reflekton tolerancë, bashkëpunim dhe mirëkuptim, dhe duke qenë përherë njëri ndër bashkëpunëtorët më të aftër të paraardhësit të tij, të presidentit tashmë të ndjerë Ibrahim Rugovës, do ta arsyetojë besimin tonë", tha ndër të tjera Kolë Berisha.
Pas zgjedhjes së Presidentit Sejdiu në këtë post, atë e kanë përshëndetur kryeadministratori Petersen, Kryetari i Kuvendit Nexhat Daci etj.
"Jam i kënaqur që në kohën e duhur, ishte pak një lapsus i vogël që duheshin votat e raundit të tretë të jenë në raundin e parë që të mos lodheshim, megjithatë i dëshiroj shëndet të mirë dhe sukses. Kryetari i ri do ta ketë përkrahjen e plotë të Parlamentit me respektimin e vullnetit politik të popullit dhe atë që e kemi pasur më herët", tha kryekuvdenari Daci.
Kryeministri Bajram Kosumi vlerësoi se zgjedhja e Kryetarit është bërë me një procedurë shumë të mirë demokratike, se në kohën e duhur është bërë veprimi i duhur. "Edhe një herë klasa politike ka dëshmuar se në ditë të vështira, atëherë kur pritet që të jetë më së vështiri nuk dorëzohemi, përkundrazi e rishikojmë vetveten, pozicionet dhe qëllimin ku do të arrijmë", tha ai. Ndërsa kryeadministratori Petersen tha se ishte një mbështetje e fuqishme, duke iu referuar rezultatit të votimit. "Dëshiroj ta uroj parlamentin e Kosovës për ecjen kaq të shpejtë përpara, duke u siguruar që edhe procesi i statusit mund të ec përpara në këtë moment të rëndësishëm për Kosovën. Do ta ruajë unitetin, stabilitetin dhe të sigurohemi se mund të ecim përpara drejt një zgjidhej për statusin. E kam shprehur mbështetjen e plotë për Presidentin e ri të Kosovës, dhe jam i gëzuar që do të mund të shkojë në Këshillin e Sigurimit dhe të them që pas humbjes tragjike të presidentit Rugova, dhe se në më pak se tri javë, institucionet demokratikee kanë zgjedhur presidentin e ri të Kosovës, i cili gëzon mbështetje të fuqishme", tha Petersen.
Shefi i zyrës amerikane Filip Goldberg, tha se ishte dëshmitar i një votimi të rëndësishëm dhe që hap rrugën për të shkuar përpara. "Sapo ishim dëshmitarë të një votimi të rëndësishëm, diçka që është shumë e rëndësishme për Kosovën për të ecur përpara me bisedimet rreh statusit të Kosovës. Shtetet e Bashkuara të Amerikës e mirëpresin bashkëpunimin me Presidentin Sejdiu dhe Ekipin Negociator të cilin ai do ta drejtojë në ditët dhe javët e ardhshme për të ndihmuar çuarjen përpara të procesit të statusit final", tha Goldberg.
"Besoj se delegacioni i Kosovës do të rifunksionalizohet", tha lideri i PDK-së Hashim Thaçi, duke shtuar që pas këtij momenti duhet të jenë sa më të përgatitur për takimin e Vjenës që pritet të mbahet më 20 shkurt.
"Sfidat e Kosovës janë shumë më të mëdha", tha Veton Surroi, duke shtuar se duhet të kemi të njëjtin seriozitet, të njëjtin unitet të treguar për të vazhduar procesin e nisur të bisedimeve për statusin.
"Ne kishim një kandidat, i cili përfaqëson vlerat politike dhe maturitetin politik të LDK-së. Fatmir Sejdiu, është një zgjedhje e duhur në momentin e duhur dhe jemi të bindur që do ta ndërtojë një strukturim politik për Kosovën të tillë çfarë i nevojitet Kosovës tash. Zgjedhja ka shkuar në mënyrën më demokratike, Fatmiri ka fituar 80 vota, që janë dy të tretat, është një votim i madh në Kuvend, për Sejdiun Kryetar. Unë jam i bindur që e ka edhe dijen edhe maturinë edhe qëndrimin që të jetë një garant i zhvillimeve politike në Kosovë për ta mbaruar, për ta kurorëzuar të gjithë së bashku pavarësinë e Kosovës në këtë vit. Nuk është koha të flitet për nuanca, është koha të flitet për zgjidhjen. Zgjidhja është një zgjidhje demokratike, dhe një zgjidhje e mirë. Mos bëni krahasime kurrë. Ky është një mendim i ndjeshëm për të gjithë ne që kemi punuar gjatë me Ibrahim Rugovën. Rugova ka qenë një institucion politik vetvetiu, Fatmir Sejdiu, do të jetë një President i mirë,një njeri që e kryen mirë funksionin e Presidentit”, tha akad.Sabri Hamiti, kryetar i komisionit parlamentar për marrëdhënie me jashtë.

Guri i madh

11-02-06, 16:05

krijuesiii

11-02-06, 19:44

Gentiani

11-02-06, 19:50

Përshëndes zgjedhjen e presidentit të ri të Kosovës Dr. Fatmir Sejdiut, i cili ka kapacitet intelektual, mençuri dhe përvojë politike tu prijë proceseve që kanë të bëjnë me zgjidhjen e statusit të Kosovës.

doGzona

11-02-06, 23:37

Me nje respekt te madhe , pershendes zgjedhjen e Dr:Fatmir Sejdiut ne postin e presidentit te Kosoves. Kam besimin e plote , me menqurin dhe urtesin e tij do te arrijme deri tek qellimi i jone kombtar.

Zoti i ndihmofte Kosoves dhe udhheqsise se saj drejt rruges se plote te Pamvarsis.