Haklajt dhe vrasja e Azem Hajdarit

[Dilaver]

Hasmëritë e panumërta dhe atentatet e shumta kanë bërë që nga kjo familje të mbesë gjallë vetëm një djalë
Haklajt, historia e një fisi pothuajse të zhdukur
</SPAN>
Ened Janina
http://www.shekulli.com.al/images/0.gif
TIRANË- Policia “pushton” kullën e braktisur të Haklajve. Pas pothuajse një dekade policia shqiptare ka mundur që të hyjë edhe në fortesën që ishte kthyer në një legjendë, kullën e Haklajve në Kërrnajë të Tropojës. Një kullë madhështore me një rrethim të lartë ishte bërë prej kohësh shënjestra e policisë shqiptare, e cila asnjë herë nuk kishte arritur që të merrte kontrollin e saj. Një familje e tërë personash të vrarë ose në kërkim ka bërë që kulla në fjalë të bëhet një fortesë ku nuk mund të hyhej. Që nga viti 1997 e deri më dje këta persona e kishin ruajtur kullën e tyre si nga hasmi ashtu edhe nga shteti. Ndërkohë kur ata kanë braktisur kullën policia ka gjetur rastin më të mirë për të hyrë dhe për të thyer mitin që ishte ngritur në të gjithë Tropojën.
Haklajt
Familja e Haklajve njihet në të gjithë veriun e vendit si një nga familjet më të mëdha. Trazirat e vitit 1997 bënë që djemtë e kësaj familjeje, me forcë dhe dhunë, të bëheshin zotërit e të gjithë Tropojës. Fatmir Haklaj, më gjakatari i djemve të fisit, ka mundur që të bëhet shefi i komisariatit të Tropojës dhe ligjërisht, njeriu më i fortë i krahinës. Vitet kur Fatmiri drejtonte policinë e Tropojës janë shoqëruar me vrasje të shumta por edhe me emërimin e njerëzve të tij të besuar në strukturat e policisë dhe të shtetit. Rasti më flagrant ishte ai i vënies së pothuajse adoleshentit Jaho Mulosmani (Salihi) në postin e shefit të rendit. Ndërkohë forcimi i madh i Haklajve si dhe pozita e Fatmirit nuk janë parë me sy të mirë nga fiset rivale të tyre në krahinë. Për këtë arsye ata kanë nisur një luftë gjakatare me njëri- tjetrin, e cila ka sjellë dhjetëra viktima. Në total numri i djemve tropojanë të vrarë gjatë dhjetë viteve të fundit llogaritet rreth 200 vetë. Vrasja e parë e regjistruar nga policia është ajo e ndodhur më 16 qershor të vitit 1997 në dalje të urës së Milotit, ku viktima është Sokol Haklaj, ndihmësgjyqtar në rrethin e Skraparit. Pas saj renditen edhe dhjetëra vrasje të tjera që kanë lidhje me fisin e Haklajve të Tropojës. Ndërkohë vrasja më e bujshme e kryer prej tyre është ajo e deputetit të Partisë Demokratike, Azem Hajdari më 12 shtator të vitit 1998.

Vrasjet

Gjakësia e treguar nga Haklajt nuk ka mbetur pa reagimin e familjeve të viktimave të tyre. Kështu më 5 janar 1998 vritet në Qafën e Luzhës, në një atentat me armë zjarri automatike Shkëlqim Haklaj, njëri prej djemve të familjes. Pas kësaj vrasjeje i vjen radha një nga një pothuajse të gjithë djemve të familjes së Muharrem Haklajt. Në 4 gusht 1999 vriten në afërsi të fshatit Cernicë, me mina të telekomanduara Halil Haklaj e Feriz Kërnaja, plagoset rëndë Fatmir Haklaj. Vetëm gjashtë muaj më pas bie edhe Fatmir Haklaj. Ai është vrarë më 4 nëntor të vitit 1999 në një pritë në fshatin Bujan, vetëm 50 metra larg shtëpisë së mikut të tij Jaho Salihi. Hakmarrja e hasmëve të Haklajve nuk është ndalur me kaq por në tre dhjetor 2000 është kryer ekzekutimi i Ylli Haklajt me anë të një snaiperi. Vrasja e fundit e njerëzve të familjes Haklaj daton më 8 maj të vitit 2002 pranë spitalit të Bajram Currit ku mbetën të vrarë Elez haklaj dhe i djali i tij, Çela. Mungesa e hetimeve të policisë dhe shtetit shqiptar për secilën nga ngjarjet e rënda të ndodhura në Tropojë bëri që vetëgjyqësia të arrinte maksimumin. Anëtarët e fiseve të ndryshme arritën në atë pikë sa nuk prisnin më asnjë reagim nga shteti por zgjidhnin problemet e tyre nëpërmjet armëve. Kjo solli edhe atë që do të mbahet mënd si dhjetëvjeçari më i keq në historinë e Tropojës, vrasjen e pothuajse 200 djemve të rinj. Të vetmit meshkuj që arritën të qendrojnë gjallë nga shtëpia e Muharrem Haklajt janë vetëm plaku i shtëpisë dhe djali i tij i madh Hamdiu, i cili është person në kërkim për vrasje.
Kulla

Frika e sulmeve të hasmit por edhe të policisë kanë bërë që familja Haklaj të ndërtojë një fortesë të vërtetë. Kulla e tyre është kthyer në një kështjellë e rrethuar me mure guri dhe betoni. I gjithë perimetri i kullës është rrethuar me një mur që shkon deri në pothuajse pesë metra të lartë. Mbi të qendron një rrethim tjetër me tela me gjemba, i cili pengon personat e padëshiruar që të hyjnë në oborrin e kullës. Përveç kësaj, familja Haklaj ka ndërtuar edhe disa vend-roje për të mbrojtur kullën e saj nga sulmet. Këto vend- roje janë shpërndarë në pikat strategjike të kullës dhe kanë qenë të pajisura me armë të rënda për të përballuar çdo sulm të mundshëm. Kati i parë i kullës së Haklajve është ndërtuar në formën e një banese të mirëfilltë, pasi kjo pjesë e shtëpisë mbrohej më së miri nga muri rrethues dhe nuk rrezikohej nga plumbat. E njëjta gjë nuk mund të thuhet për pjesën tjetër të shtëpisë, e cila është ndërtuar pikërisht në formën e kullave të rojes. Dy katet e sipërme nuk kanë dritare të mirëfillta por frëngjinj të vegjël nga ku mund të dalë vetëm koka e një njeriu dhe gryka e armëve.



10/04/2006

[Dilaver]

I shpallur në kërkim prej shumë vitesh Hambi Haklaj dyshohet se jeton në zonën e bjeshkëve të Tropojës
Hamdiu, djali i fundit i familjes Haklaj
</SPAN>
B. Sh
http://www.shekulli.com.al/images/0.gif
TIRANË - Djali i fundit i familjes Haklaj që ka mbetur gjallë është Hamdi Haklaj, 68 vjeç. Hamdiu është më i madhi i pesë djemve të Haklajve, katër prej të cilëve Shkëlqimi, Halili, Fatmiri dhe Ylli janë vrarë në atentate me mina të telekomanduara, me armë snajper apo në prita të sofistikuara. Ai njihet si koka e familjes Haklaj, fytyra e tij nuk eshtë parë në Bajram Curri qysh prej shumë vitesh. Prej kohësh ai është kthyer në një mit në veri të vendit, pasi njihet për masat e forta të sigurisë që merr, duke i shpëtuar të gjitha pritave dhe atentateve që janë organizuar ndaj tij. Hamdiu ka mbaruar shkollën e lartë për veterinari në Universitetin Bujqësor të Tiranës në vitet 1971-1975. Para viteve '90 ai ka kryer detyra të rëndësishme duke qëndruar për disa vite rresht dhe në detyrën e kryetarit të kooperativës. Ai është i pari i familjes Haklaj që është akuzuar për vrasje dhe shpallur në kërkim qysh në muajt e parë që PD-ja mori pushtetin për herë të parë. U arrestua për disa muaj, dhe më pas u lirua për një akuzë e cila nuk iu provua. Më pas, Hamdiu u akuzua për vrasjen e dy vëllezërve nga fshati Tropojë e Vjetër në Malin e Shkëlzenit, pas një zënke të këtyre të fundit me vëllain e tij, Shkëlqimin. Ai qëndroi për 5 vjet rresht si kaçak në bjeshkë ose si emigrant në Belgjikë dhe në Gjermani. Policia e asaj kohe organizoi tre operacione të mëdha deri dhe me mbështetjen e helikopterëve.

ATENTATI
Haklajt dhe vrasja e Azem Hajdarit
Vrasja më e bujshme e organizuar dhe kryer nga Haklajt ka qenë ajo e deputetit demokrat Azem Hajdari më 12 shtator të vitit 1998. Pasi kishte planifikuar çdo detaj të vrasjes, Fatmir Haklaj merr me vete një ushtri të tërë njerëzish, kryesisht tropojanë dhe miq të tij, dhe zbarkon në Tiranë. Për dy ditë ai ka studiuar lëvizjet e Azem Hajdarit si dhe situatën përreth selisë së Partisë Demokratike. Mbrëmjen e 12 shtatorit Fatmiri dhe tre makina të tjera janë hedhur në veprim. Vetë ai, Jaho Salihi dhe miku i tyre Naim Çangu kanë shkuar tek selia e PD-së dhe kanë kërkuar një takim me Azem Hajdarin. Ky i fundit ndodhej në zyrën e tij dhe kur ka dëgjuar se po e kërkonin disa njerëz me një makinë të zezë ka dalë jashtë. Rreth orës 21.15 minuta Azemi dhe dy truprojat e tij i janë drejtuar makinës së panjohur. Sapo ata janë gjendur pranë makinës kanë dalë jashtë Fatmir Haklaj, Jaho Salihi dhe Naim Çangu. Të dyja palët kanë shkëmbyer vetëm pak fjalë me njëri- tjetrin dhe menjëherë Fatmir Haklaj dhe Jaho Salihi kanë nxjerrë armët duke hapur zjarr në drejtim të Azem Hajdarit. Plumbat vranë në vend Azemin si dhe truprojen e tij Besim Çera. Ndërkohë nga grupi i atentatorëve mbeti i vrarë Naim Çangu. Për vite me radhë kjo vrasje mbeti e pahetuar nga ana e prokurorisë dhe ndërkohë vetë tropojanët vazhduan zakonin e tyre. Një nga një u vranë disa nga pjesëmarrësit në këtë atentat. Ndërkohë vetë Haklajt vranë “vrasësit e e vrasësve” duke bërë që pjesa më e madhe e kësaj historie të mbetet ende një mister.

Fatmir Haklaj
“Do vras 50 njerëz për të marrë hakun e tim vëllai”
Fatmir Haklaj, ish- shefi i komisariatit të policisë së Tropojës e kishte paralajmëruar prej kohësh këtë serial vrasjesh në qytetin e tij. Më 9 janar të vitit 1998 ai dha dorëheqjen nga posti i shefit të komisaritit, të cilin e kishte “privatizuar” menjëherë pas fitores së PS-së në zgjedhjet e vitit 1997. Pak kohë më pas ai ka dhënë një intervistë për një gazetare franceze dhe në të ka paralajmëruar vrasjet. Sipas intervistës, Fatmiri ka dhënë dorëheqje nga strukturat e policisë menjëherë pasi i është vrarë vëllai, Shkëlqim Haklaj. Arsyeja e dorëheqjes është marrja e hakut për vëllanë në bazë të kanunit. “Kisha vendosur të punoja me burrni për të vendosur rendin dhe qetësinë në Tropojë. Më 5 janar 1998 më është vrarë vëllai, Shkëlqim Haklaj, dhe kunati, Artur Demiri, në një pritë, në Qafën e Luzhës”,- ka thënë Fatmiri në këtë intervistë. Ai është shprehur se “do të marrë hak për vëllain”, por nuk përmend në intervistë asnjë nga emrat e autorëve që ia vranë atë. “Unë nuk kam marrë hak, hala jo. Nuk do të marr hak menjëherë dhe kur të mujtem me marrë hak do të marr të paktën me 50 vetë menjëherë. Vrasja e tim vëllai është bërë në pabesi. Unë do ta kisha falur hasmin nëse vëllai do më ishte vrarë aksidentalisht, por ai është vrarë pa asnjë arsye dhe duke mos qenë i armatosur. Unë do t'i bindem kanunit. Ata që vranë vëllanë e shkelën kanunin të parët, vallahi s'i kishte asnjë borxh. Me kanun ai që vret tregon edhe arsyen dhe se kush është ky”,- ka thënë Fatmiri në intervistën e tij të vetme. Ai ka treguar në intervistë se vëllai i tij është vrarë në një makinë, brenda së cilës mund të kishte edhe fëmijë.

KRONOLOGJIA

16 qershor 1997 - Vritet në dalje të urës së Milotit, Sokol Haklaj, ndihmësgjyqtar në rrethin e Skraparit, autorët e këtij krimi janë të pazbuluar

5 janar 1998 - Vritet në Qafën e Luzhës, në një atentat me armë zjarri automatike Shkëlqim Haklaj dhe kunati i Fatmir Haklajt, Artur Demiri

5 janar 1998 - Vriten në afërsi të fshatit Cernicë Avdyl Matoshi, Gjon Kolbuçaj dhe Naim Dizdari. Autorët e këtij krimi janë të panjohur.

9 janar 1998 - Vritet brënda qelive të komisariatit të Bajram Currit oficeri i policisë së kufirit, Shaqir Hoxha. Askush s'është dënuar për këtë ngjarje

13 janar 1998 - Persona të armatosur grabisin 480 milionë lekë në bankën e Tropojës dhe marrin peng policin e shërbimit, autorët të panjohur

12 shtator 1998 - Vritet në Tiranë deputeti i PD-së Azem Hajdari dhe Besim Çera. Vrasësit direkt të tyre kanë qenë Fatmir Haklaj dhe Jaho Salihi

29 tetor 1998 - Grabitet serish banka e kursimeve të Bajram Currit, grabitësit që dyshohen të kenë qenë me uniforma policie morën 620 milionë lekë

4 gusht 1999 - Vriten në afërsi të fshatit Cernicë, me mina të telekomanduara Halil Haklaj e Feriz Kërnaja, plagosen rëndë Fatmir Haklaj e Fatmir Daka

4 gusht 1999 - Vriten në qendër të qytetit të Bajram Currit, Bislim Hyka dhe Isuf Bashkurti, autorët e këtij krimi nuk janë zbuluar ende nga shteti

13 tetor 1999 - Vritet koloneli Jonuz Hyka së bashku me dajën e tij Musli Gjoçaj në lagjen Partizani të Bajram Currit. Vrasësit janë të pazbuluar

4 nëntor 1999 - Vritet në një pritë në fshatin Bujan, 50 metra larg banesës së Jaho Salihit, Fatmir Haklaj dhe Sami Kërnaja, plagoset Jaho Salihi

13 shtator 2000 - Sulmohen me armë snajper nga një komando, në fshatin Kërnajë, Haklajt. Autorët tentojnë të vrasin Hamdi dhe Ylli Haklajn, por dështojnë

3 dhjetor 2000 - Vritet më armë snajper nga një komando me njerëz të armatosur, vetëm Ylli Haklaj dhe plagoset Bilbil Selivrada.Vrasësit të panjohur

28 mars 2001 - Sulmohen me armë zjarri nga një komando me njerëz të armatosur Haklajt. Shkëmbehet zjarr për më shumë se 30 minuta, s'ka viktima

31 tetor 2001 - Hidhet në erë pallati ku banonte deputeti Azgan Haklaj, vritet Shote Haklaj dhe plagosen tre persona të tjerë, autorët të pazbuluar

2 prill 2002 - Vriten në lokalin "Ervin" në qytetin e Bajram Currit, Rasim Lumneshi dhe Ilir Gosturani. Vrasësja këtë herë është Zylfie Haklaj, vajza e familjes

8 maj 2002 - Vriten pas një atentati pranë spitalit të qytetit Elez Haklaj 70 vjeç dhe djali i tij Çelë Haklaj, 43 vjeç. Autorët largohen dhe djegin makinën



10/04/2006

[Kalt]

Eshte shume e dhimbshme historia e ketyre fatkeqeve, por mesa e di personalisht e gjithe historia ka prejardhjen tek politika.
Ne keto zona, ne fillimin e viteve '90 perkrahja ndaj sistemit komunist ka qene shume e madhe, kjo nga nje pjese e atyre qe kishin perfituar materialisht por edhe nga e ashtuqujatura "bese malesori" ndaj bace Enverit.
Konfliktet ne vende te tilla ashpersohen shume dhe nga varferia.
Varferia nxit atje klanet gjate zgjedhjeve per te ardhur ne pushtet, sepse pushteti te jep shans qe te vjedhesh, pra te pasurohesh sa hap e mbyll syte.

Por me e dhimbshmja e gjithe ketyre ngjarjeve eshte fakti se keto zona ishin shtigjet me te mira per furnizimin e Kosoves me arme.
Ne kete trafik ishin kycur dy grupime te fuqishme, qe per fat te keq ju perkisnin dy forcave kryesore politike ne Shqiperi dhe atyre respektive ne Kosove.
Ashtu sic ishte Shqiperia e ndare ne vitin 1997, po ashtu i ndare deri ne armiqesi dhe klasa politike dhe ushtarake ne Kosove e pjelle e kesaj armiqesie jane gjithe keto viktima.
PD + LDK + FARK nga njera ane dhe PS + LPK & Co + UCK nga ana tjeter.
I kam perjetuar dhe i kam pare te gjitha me syte dhe veshet e mi!!!
Ka qene shume kohe e veshtire, Kosova ishte ne tmerr, Shqiperia ishte e zhytur ne kaos dhe nga ana tjeter vlonin "ujqerit" nga te gjitha anet.
Ne hotelet e verilindjes shqiptare flinin afer njeri-tjetrit UDB-ja e CIA, KGB-ja ruse e Asfalia greke, Shik-u - shqiptar dhe te gjitha zbulimet e tjera te interesuara ne konflikt.

Neper fshatrat dhe qytetet e verilindjes se Shqiperise, ne nje ane stervitej FARK e ne anen tjeter stervitej UCK-ja. Enveristet kosovare e kishin "pushtuar" ate zone me njerez, me para, me propagande kunder Rugoves e kunder FARK-ut.
Propaganda me e madhe behej shqiptari kunder shqiptarit se sa kunder pushtuesit!!!!

Pjese e gjithe kesaj ndyresie jane ato dhjetera e qindra shqiptare te vrare, nder te cilet bejne pjese dhe keta te cituar ne shkrime.

Ishte kohe e tmerrshme dhe ju kam lutur Zotit qe te mos kthehet kurre, bile as te mos kujtohet kurre!!!!

Enderra shqiptare per Kosoven po behet realitet, Shqiperia do te behet gjithnje e me stabile nga ky fakt, sepse ajo gjate gjithe historise se vet nuk arriti te jete stabile, nga ky fakt, pra KOSOVA (pavaresisht prej regjimeve)!

Megjithate ata qe i kane pare dhe kane perjetuar ngjarje te tilla, ndjejne dhimbje te thelle per gjithe keto jete te shuara.

Mos i gjykoni tash ata njerez, lerini te prehen te qete ne varr!!!

Detyra e Shqiperise dhe Kosoves eshte qe ta perkrahin dhe ta pajtojne kete zone nga plaget e shkaktuara pikerisht nga ata qe qeverisen apo do te qeverisin neser!

[Kalt]

Pasojë e tyre do të ishte atentati i janarit 1998

Vrasjet në Tropojë nisën pas dy mitingjeve në qytet



Fatkeqësia për familjen time dhe për afro 150 të vrarët e viteve të fundit në Tropojë, erdhi pas dy mitingjeve të dështuara të forcave politike të djathta në Tropojë”. Vajza e madhe e familjes Haklaj, Aishe Basha dëshmon se si nisi seriali i vrasjeve dhe i hakmarrjeve që do të përgjaknin Tropojën. Sipas saj, konflikti ka nisur pas dy mitingjeve të mbështetësve të opozitës së asaj kohe të zhvilluar në Bajram Curri në 17 qershor dhe në 19 shtator 1997. Ajo thotë se “mungesa e prezencës së shtetit në veri të vendit në vitet 1997-1999, dhe nxitja e konfliktit nga forcat politike, bëri që tropojanët ta vendosnin vetë drejtësinë, duke shkuar tragjikisht drejt vetëgjyqësisë”.

Mitingjet
Mitingu i parë ku pretendohet se ka zanafillën seriali i vrasjeve në Tropojë është zhvilluar në Bajram Curri më 17 qershor 1997. “Një ditë më parë, në Urën e Milotit ishte vrarë nga një bandë kriminale djali i xhaxhait, Sokol Haklaj, gjyqtar në Skrapar dhe gjatë natës trupin e tij e kishte sjellë në Tropojë, Fatmir Haklaj. Ditën që do të bëhej varrimi tij, u zhvillua mitingu i prezantimit të kandidaturës për deputet të Azem Hajdarit. Përballë tij, PS-ja kishte vendosur mjekun kirurg Din Selimi. Në atë miting ka marrë pjesë dhe ish-presidenti i vendit, Sali Berisha. “Në këtë moment vëllai im Shkëlqimi, ka reaguar ashpër, madje duke kaluar dhe caqet”, kujton Aishja. Ndërsa mitingu tjetër është zhvilluar një ditë pas plagosjes në parlament të deputetit Hajdari, nga ish-deputeti i PS-së, Gafurr Mazreku. Gjatë zhvillimit të këtij mitingu ka patur një konflikt trup më trup mes shefit të komisariatit të asaj kohe, Fatmir Haklaj dhe dy personave të tjerë që ishin në krye të turmës. Sipas Aishes, “Katër muaj më pas, më 5 janar 1998, personat që u konfliktuan me Fatmirin vranë vëllain tim Shkëlqimin dhe kunatin e Fatmirit, Artur Demiri. Nga kjo ditë do të visheshin me të zeza qindra nëna e gra të Tropojës dhe do të mbeteshin jetimë shumë fëmijë të pafajshëm”.

Haklaj
Drejtoresha 46 vjeçare e shkollës “Jaho Salihi” në Bujan nuk harron të shtojë që interpretimet e bëra në media ditët e fundit se “fisi Haklaj po shkon drejt zhdukjes” apo se “ka mbetur gjallë vetëm i fundit”, janë të pavërteta dhe dashakeqe. “Familja jonë nuk përfaqëson gjithë fisin Haklaj apo familjet tropojane që mbajnë këtë mbiemër. Me këtë mbiemër ka shumë familje në Tropojë, në Tiranë, në Kosovë apo dhe jashtë vendit. Kështu që më duket e pavend dhe një lapsus i rëndë shprehja se “Haklajt janë zhdukur” apo “ka mbetur gjallë i fundit i Haklajve”. Pavarsisht tragjedive që kanë ndodhur, vetëm ne si familje kemi dhjetëra nipër e mbesa”, thotë Aishe Haklaj.

Gazeta Shqiptare
16 Prill 2006