Petersen-kryeadministrori i fundit i Kosove, largohet me 20 qershor 2006.

[Kalt]

Petersen, mbreti i fundit në Kosovë

Soren Jessen-Petersen pritet të largohet së shpejti nga Kosova. Kryeadministratori më popullor - do të jetë edhe Kryeadministratori i fundit në Kosovë

Shpend Limoni
[email protected]

I kanë mbetur vetëm edhe pak ditë në Kosovë dhe temën e largimit të tij tashmë ka filluar ta hapë në muhabetet e darkave me zyrtarë të Kosovës dhe ndërkombëtarë. Danezit, i cili në krye të UNMIK'ut i ka mbushur dy vjet të mandatit të tij, i ka ardhur koha për t'i dhënë fund punës në vendin e administruar nga Kombet e Bashkuara që pas përfundimit të luftës në vitin 1999.

Soren Jessen-Petersen është emëruar nga Kofi Annan si shef i administratës ndërkombëtare më 16 qershor të viti 2004, ndërsa largimi i tij pritet të ndodhë në fund të këtij qershori. Ndonëse çështja e largimit të tij është përmendur nga vetë Soren Jessen-Petersen dhe është bërë pjesë e përfoljeve në rrethe të ngushta, UNMIK nuk do që të flasë publikisht për këtë.
Zyrtarë për informim të UNMIK'ut e konsiderojnë këtë si një punë personale të shefit të tyre.
Zëdhënësi Aleksander Ivanko nuk ka dashur të përgjigjet për Express
se kur do t'i skadojë kontrata danezit dhe nëse ai do të largohet nga Kosova.
"Ne nuk komentojmë rreth çështjeve personale dhe çështjeve që kanë të bëjnë me kontratat", ka thënë Ivanko, të ma rtën. Ai ka thënë vetëm se Soren Jessen-Petersen do të vazhdojë të punojë edhe tutje. "Ai është duke punuar sikur që ka bërë edhe më parë".
Soren Jessen-Petersen në Kosovë ka ardhur nga Maqedonia, ku ishte duke shërbyer si përfaqësues special i BE-së, duke u shndërruar në mënyrë të rrufeshme në një personalitet shumë popullor.
Si Kryeadministratori i pestë i Kosovës, sipas sondazheve vendore
e ndërkombëtare, ai konsiderohet edhe më i suksesshmi. Ditë më parë, vetë danezi nuk ka pranuar të flasë nëse do të largohet nga Kosova, duke thënë se do të vazhdojë të punën.
"Unë momentalisht jam duke punuar për UNMIK'un. Dhe, nuk kam dëshirë që të spekuloj". Shefi i UNMIK'ut më 20 qershor do të udhëtojë drejt Neë York'ut,
për të raportuar për herë të fundit për vendin të cilën e ka administruar dy vjetët e fundit.
Më pas, pritet të niset drejt Danimarkës, duke përmbyllur rrugëtimin e tij dinamik me Kosovën. Pas largimit të tij, siç pohohet, në Kosovë nuk do të ketë më Kryeadministrator të ri, ndërsa administrata ndërkombëtare do të mbetet nën udhëheqjen e zëvendësit të tij, amerikanit Steven Schook. "Kosova po hyn në fazën e fundit të negociatave për statusin dhe roli kryesor ka kaluar tek Martti Ahtisaari dhe Albert Rohan. Ata tash janë 'zotët' e këtij vendi. Prandaj, nuk parashihet të ketë edhe një kryeadministrator të ri", ka thënë për Express një zyrtar i lartë ndërkombëtar në Prishtinë.
UNMIK po përgatitet për dalje nga Kosova, kur Këshilli i Sigurimit ta definojë se statusi është adoptuar dhe Rezolutës 1244 do t'i vijë fundi. Rezoluta 1244 përfaqësuesve të OKB'së në Kosovë u ka ofruar pushtet tej mase, ndërsa Soren Jessen-Petersen ishte munduar që të balancojë ato, duke shfaqur afinitetet demokratike. Edhe pse ka udhëhequr një aparat të ndërlikuar burokratik, i veshur me kompetenca prej sovrani, atij asnjëherë nuk i ka shkuar mendja se është mbret në Kosovë. "Nuk e konsideroj vetën mbret.
Termi mbret është shumë i mirë për ndonjë panoramë. Ne në Danimarkë nuk kemi mbret. E kemi një mbretëreshë", kishte deklaruar kohë më parë Jessen- Petersen, në një intervistë për Express. Nëse anashkalohet një letër paralajmëruese e Veton Surroit për Shefin e UNMIK'ut, në të cilën i kishte sugjeruar që të mos vite fare në Kosovë, qëndrimin e Jessen-Petersen në vend e kanë karakterizuar raporte të mira me liderët.

Gjatë periudhës dyvjeçare ai ka pasur rastin të punojë me katër kryeministra kosovarë. Është komentuar gjatë refuzimi i tij për t'u përfshirë në kombinimet e
kosovarëve për koalicione qeveritare, të cilën e ka arsyetuar para "bosëve" të tij me argumentin e respektimit të demokracisë. Me krenari ka theksuar disa herë qasjen e vet të mospërzierjes në procese brenda-politike, por nuk kanë munguar kritikat se ndonjëherë ka "shkelur" opozitën, njashtu siç është akuzuar se ka toleruar korrupsionin.


Gazeta Tema
07 Qershor 2006

[Dilaver]

Petersen, konfirmoi sot largimin e tij nga Kosova në fund të qershorit.

[Kalt]

Petersen dha sot doreheqjen per aresye familjare dhe me 20 qershor do te raportoje para Kofi Annan per gjendjen ne Kosove.
Petersen tha se largohet qe ti bashkohet familjes se tij ne SHBA.
Per nje kohe te shkurter do te caktohet zevendesuesi i tij.

[Kalt]

Ministria e Jashtme e Serbise ka reaguar sot ndaj vendimit te shefit te UNMIK-ut Soren Jessen Petersen per t’u larguar nga ky funksion ne fund te qershorit, pasi kjo sipas Serbise tregon se statusi i Kosoves po pershpejtohet.

Nepermjet nje njoftimi zyrtar, kjo ministri vlereson se vendimi qe ka marre sot Jessen Petersen per t’u larguar nga ky funksion i tij ne krye te UNMIK-ut, eshte nje mesazh i qarte se percaktimi i statusit te ri te Kosoves po hyn ne fazen perfundimtare dhe te pershpejtuar. « Deklarata e Jessen Petersen se fati i Kosoves eshte i qarte, tregon se statusi i saj tashme eshte percaktuar gje qe eshte ne kundershtim me qendrimet zyrtare edhe te Grupit te Kontaktit edhe te kryenegociatorit per Kosoves Marti Ahtisarit », vlereson kjo ministri.

« Thuhet se eshte detyrim i organeve te shtetit qe ne negociatat perfundimtare mbi statusin e ri te Kosoves te hyhet me dy kerkesa te qarta : garanci te fuqishme nderkombetare per te drejtat e popullit serb ne Kosove dhe respektimin e kufirit te tashem te njohur nderkombetar te shtetit sovran te Serbise. Askush nuk mund ta kontestoje asnje nga kerkesat tona dhe kesaj duhet t’ia nenshtrojme strategjine e shtetit » thuhet ne njoftimin e kesaj ministrie. (RTK/ Ballkanweb)

[Reana]

Puna e OKB ne Kosove, respektivisht Misioni i OKB-se ka marre mandatin me 10 Qershor 1999 nga Keshilli i Sigurimit ne New York permes rezolutes 1244.
Ky mision ka filluar ne Kosove me mandat qe ripertrihet c'do vit ne muajin Qershor.
Gjithe stafi i OKB-se ne Kosove, punon me kontrata 6muajshe deri nje vjecare te cilat perputhen me mandatin e Misionit.

Petersen ka hasur ne rezistence te ndryshme nga shume shtete antare te OKB-se, per punen e tij ne Kosove, dhe per deklarimet e tij te hapura pro Pavaresise se Kosoves.

Gjasat jane te medha, qe atij nuk i eshte vazhduar kontrata, per mos-perputhje pikepamjesh/politikash dhe presion nga disa nga shtetet antare te OKB-se/Keshillit te Sigurimit.

[Dilaver]

Sylejman Gashi, New York

Shtypi amerikan njofton sot /e martë/ për largimin e paralajmëruar, në fund të këtij muaji, të Shefit të UNMIK-ut, Soren Jessen-Petersen, duke cituar atë se largohet për arsye familjare. Megjithatë, në disa rreshta mund të lexohen edhe arsye të tjera, si afrimi i tij më i madh se sa duhej me shqiptarët, miqësia me Ramush Haradinajn dhe kritikat që janë bërë për disa aspekte të punës së UNMIK-ut në Kosovë.

Botimi në New York i gazetës the Financial Times citon liderët opozitarë në Kosovë të cilët kanë deklaruar se Haradinaj ishte këshilltari më i afërt i Petersenit. Gazeta më tej thekson se në fjalën e tij të dorëheqjes, z. Petersen ka bërë thirrje për një zgjidhje të shpejtë të çështjes së Kosovës, duke paralajmëruar tërthorazi pavarësinë e saj nga fundi i vitit, qoftë edhe të imponuar, kundër vullnetit të Beogradit.

Po në këtë temë, gazeta amerikane The New York Times shkruan, se pas shtatë vjet të vendosjes së administratës së Kombeve të Bashkuara, gjithnjë e më tepër duket se Kosovës do t’i lejohet dhe formalisht shkëputja nga Serbia për t’u bërë shtet i pavarur. Vendet anëtare të Këshillit të Sigurimit duket se po anojnë kah lejimi i Kosovës të shkojë rrugës së saj. Këshilli i Sigurimit pritet të votojë për fatin e Kosovës kah fundi i vitit në rast se shqiptarët dhe serbët, të cilët tash disa muaj po zhvillojnë negociata të pasuksesshme, nuk arrijnë një marrëveshje. Gazeta thirret në qarqe të paemëruara diplomatike amerikane dhe britanike të afërta me bisedimet, të cilët deklarojnë se të vetmen zgjidhje që do ta pranojnë shqiptarët është pavarësia, mirëpo insistojnë që shteti i ri i Kosovës duhet të ofrojë garanci për popullatën pakicë serbe.

Për statusin shkruan edhe gazeta tjetër amerikane, The Chicago Tribune e cila thekson se “kah fundi i vitit pritet që bashkësia ndërkombëtare t’i njoh pavarësinë shqiptarëve etnik të cilët përbëjnë shumicën absolute të popullsisë së Kosovës”. Kjo gazetë thekson se edhe serbët e Kosovës e dinë se Kosova po shkon drejtë pavarësisë, mirëpo ata jetojnë në mohim dhe sikur duan ende të besojnë se Beogradi disi do t’i shpëtojë nga situata.



Postuar më: sb blue sky & radio kosova staff ([email protected]) me Jun 13, 06 | 12:34 pm

[Arb]

Dreqi e marrte vesh largimin e tij. Dashte Zoti e osht hajr!

Perndryshe, Petersen eshte nje prej Kryeadministratoreve qe ka gjetur mbeshtetjen me te madhe tek qytetaret e Kosoves. Muajt e fundit mbeshtetja per te kaloj mbi 80%.

[Paradox_13]

Prishtinë, 20 qershor 2006 (Kosovapress) Koha 19:21

Shefi i UNMIK-ut, Soren Jesen Petersen në raportin e tij të fundit për Kosovën para Këshillit të Sigurimit të OKB-së, ka thënë se gjendja në vendin tonë paraqet pamjet e një shoqëria që është duke bërë përparime dhe zbatimi i standardeve është shembull i këtij përparimi. Mirëpo Petersen, vlerësoi se edhe përkundër progresit të shënuar gjendja për shumë serb të Kosovës mbetet ende e vështirë, sepse sipas tij kudo që ka ndonjë krim në të cilën viktima është serbe, motivi etnik shpallet pa ndonjë dëshmi. Ai me këtë rast ju bëri thirrje autoriteteve të Beogradit që të ndalojë urdhrat e saj dhe të lejojnë serbët e Kosovës që të marrin pjesë në jetën institucionale dhe publike të Kosovës.

[Dilaver]

Petersen: “Do të kthehem në Kosovë atëherë kur do të realizohet ëndrra e juaj shumëvjeçare"

[Arb]

Petersen: “Do të kthehem në Kosovë atëherë kur do të realizohet ëndrra e juaj shumëvjeçare"


Me largimin e tij Kosova po humb shume. Ai ishte pothuajse i vetmi Kryeadministrator qe haptas ka mbeshtetur vullnetin e shumices.

[Guri i madh]

ky peterseni prap e ngrehi kamen zhag po thojn se edhe nji mbret tjeter do te vij pas petersenit

[Gentiani]

E kush tha që shkoi edhe kryeadministratori i fundit?!

Arb, kurrë mos pastë humbje më të madhe Kosova, pos humbjes së Petersenit!
Le të shkoj lirisht se po e thërrasin te shtëpija dhe mirë është që secili e ka nga një shtëpi ku mundet të kthehet. :tongue: :wink:

[Guri i madh]

peterseni ka pas edhe shum dobsi qe ne te ardhmen do te dalin ne shesh e sa i perket statusit ka ardh koha nuk mundet as nji administrator te lavdrohet ka ba perqamje te politikanet kosovar si do mos te aleanca ja nji shembull .

BAJRAM KOSUMIi cili nga turqia ne kosov ka ardh me aeroplan privat ose ma mir me than me qira 25000 euro ku thuhet qe asnji politikan nuk ka te drejt te marr dhurat me vleft ma shum se 50 euro por ne kemi edhe dy politikan qe kan marr dhurat me miliona ja shembulli FATMIR LIMA qe ka pas zhiro llogari te hapura ne ter boten ku ka shqiptar ne emer te kadri limes po edhe ramushi me ato thirrjet telefonike ku edhe vet kam thirr ju lutem edhe ato para besoj se jan ma shum se te bajram kosumit .

po peterseni i pat fut veshet ne lesh e pat ngjit syza per te verber se ashtu e ka lyp politika per qetsin e petersenit .

e sa i perket pamvarsis i ka ardh koha e nuk jan merita te petersenit