Ndahet nga jeta ish kryetari i Kuvendit të Shqiperisë Pjetër Arbnori

[Dilaver]

Ndahet nga jeta ish kryetari i Kuvendit të Shqiperisë Pjetër Arbnori

Është ndarë nga jeta në moshën 71 vjecare në një spital të Napolit në Itali, politikani dhe ish kryetar i parlamentit shqiptar, Pjetër Arbnori. Ai ndodhej për kurim në këtë spital, por shëndeti i tij është rënduar mjaft ditët e fundit dhe ka ndërruar jetë si pasojë e hemoragjisë cerbrale. Arbnori njihet si një nga politikanët më të vjetër dhe më aktiv të politikës shqiptare gjatë 15 viteve të fundit.
Ai është një nga themeluesit e Partisë Demokratike dhe lëvizjes antikomuniste, por që në momentet e caktuara ka guxuar të pozicionohet edhe kundër mënyrës së drejtimit në ketë parti. Arbnori është quajtur ”Mandela shqiptar”, pasi ka kaluar rreth 30 vjet të jetës në burgjet e komunizmit, si i dënuar politikk.
Arbnori ka qenë deputet në Kuvendin e Shqiperisë, që në krijimin e parlamentit të parë pluralist dhe më tej në 5 legjislatura, ndërsa në vitin 1992-1996, ka mbajtur postin e kryetarit të Kuvendit. Pjetër Arbnori është nderuar me titullin ”Mësues i Popullit” dhe ”Pishtar i Demokracisë”. Ai është i njohur edhe në fushën e krijimtarisë artistike dhe është autor i 7 romaneve dhe disa novelave. Arbnori gjithashtu është ”Oficer i Madh i Urdhërit të Plejadës” nga asambleja e vendeve frengjishtfolëse.

[Guri i madh]

me rastin e vdekjes te PJETER ARBNORIT i shprehi ngushtllime familjes arbnori qeveris shqiptare dhe ter kombit shqiptar .

[Kalt]

I ndjeri Pjeter Arbnori eshte nje perfaqesues i shpirtit te madh dhe tolerant shqiptar dhe si i tille ai ishte dhe do te mbetet nje shembull i vyer per tolerance.
Shqiptaret kudo qe jane duhet te marrin shembull kurajon e tij per te falur dhe per te qene tolerante.
Ai urreu komunizmin si ide por jo njerezit. Ne te njejten kohe ai ishte per nje shoqeri te lire dhe pa urrejtje ne mes te njerezve. Ai kurre nuk beri thirrje per hakmarrje dhe per urrejtje ndaj atyre qe i shkaterruan jeten dhe shpirtin por kerkoi meshire dhe falje per ta.
Vepra e Arbnorit do te jete ne te ardhmen nje simbol i vertete kombetar.
Ai ishte krejtesisht i kundert nga Mandela i Kosoves- Adem Demaci!
Ndersa Demaci ishte dhe mbetet nje komunist idealist, Arbnori ishte dhe do te mbetet nje figure e vertete atdhetare dhe e respektueshme nga te gjitha brezat.

I perjetshem qofte kujtimi i tij!

[Gentiani]

I qoftë lehte dheu i vendit shqipëtarë dhe lavdi personalitetit të Tij!

Ai ishte vërtetë Mandela Shqipëtarë, njeri që me të gjitha vuajtjet dhe peshën e tyre të bartura nga një regjim i paskrupullt, pati guxim, mençuri dhe drejtësi të vendoset në anën e vlerave të mirëfillta për një shoqëri të lirë dhe demokratike shqipëtare.

[Dilaver]

Vendim i Këshillit të Ministrave në nderim të kujtimit të Arbnorit
Këshilli i Ministrave shpalli ditën e diel, 9 Korrik 2006, Ditë Zije Kombëtare. Për të nderuar kujtimin e burrit të shquar të kombit, zotit Pjetër Arbnori, kryeministri Berisha nënshkroi dje vendimin e posaçëm, që detyron institucionet shtetërore dhe publike të ulin flamurin kombëtar në gjysëm shtize.

Për të nderuar figurën e tij, edhe qeveria e Kosovare ka lajmëruar se një delegacion i lartë i Kosovës do të marrë pjesë në varrimin e ish-kryetarit të Kuvendit të Shqiperisë, Pjetër Arbnori.


Ngrihet Komisioni për organizimin e ceremonisë së varrimit
Kryetarja e Kuvendit, Jozefina Topalli, vendosi dje ngritjen e Komisionit për Organizimin e Ceremonisë zyrtare të varrimit, të ish-Kryetarit të Kuvendit, personalitetit të shquar të shtetit, ikonës së historisë së re të pluralizmit shqiptar, frymëzuesit të qëndresës dhe mbrojtësit më të paepur të të drejtave të njeriut, zotit Pjetër Arbnori.. Sipas një njoftimi të Zyrës së Shtypit pranë Kuvendit, ky Komision do të kryesohet nga Kryetarja e Kuvendit, Jozefina Topalli dhe do të ketë në përbërje të tij, Fatos Beja (anëtar) Ylli Bufi (anëtar), Bamir Topi (anëtar) Pandeli Majko (anëtar), Pal Dajçi (anëtar) dhe Astrit Bushati (anëtar). Komisioni do të merret me të gjitha organizimet e nevojshme të ceremonisë zyrtare të varrimit të zotit Pjetër Arbnori. Ish-kryeparlamentari Arbnori u nda nga jeta në moshën 71-vjeçare, në një spital të Napolit (Itali) ku ishte shtruar për kurim.
Të dielën, në datë 9 korrik 2006, ora 8.00 do të pritet trupi i të ndjerit, në sheshin e trageteve në Portin e Durrësit si dhe do të bëhet shoqërimi i tij në familje. Më pas, në selinë e seancave plenare, pritet të zhvillohen homazhet e rastit.


Programi i ceremonisë mortore të zotit Pjetër ARBNORI
Data 09.07.2006 (E Dielë)

08:00 Pritja e trupit të të ndjerit në sheshin e trageteve në Durrës.
Marrin pjesë pjesëtarë të familjes, Komisioni për Organizimin e Ceremonisë Zyrtare të Varrimit të ish-Kryetarit të Kuvendit, Pjetër Arbnori, i ngritur me këtë rast nën drejtimin e Kryetares së Kuvendit, Jozefina Topalli, si dhe me praninë e të gjithë anëtarëve të tjerë të Komisionit, miq e të afërm.
11:00 - 13:00 Homazhet në nderim të zotit Pjetër Arbnori do të zhvillohen te salla e seancave plenare.
14:00- (vazhdim) Familjarët presin vizita në shtëpi, në adresën e mëposhtme:
Rr."Emin Duraku", pranë stadiumit "Dinamo".

Data 10.07.2006 (E Hënë)

08:00 Trupi niset në drejtim të qytetit të Shkodrës.
11:00 Homazhe në Prefekturën e Shkodrës.
12:00 Meshë në një nga kishat e qytetit të Shkodrës.

13:00 Varrimi në varrezat e qytetit të Shkodrës.

[AXHA]

Gajret pej AXHE per kit burr tmeqem qi e pat shqipria,ishalla e ka familen edhe ju prihet e mara atyne qi i la mas veti.