Familja RUGOVA mbështet Alush Gashin

[Dilaver]

Familja Rugova mbështet Alush Gashin

Leonard Kerquki

Prishtinë, 2 dhjetor —
Alush Gashi me një potez të vetëm ka përmbysur rezultatet për kryetar të LDK së, ka çorientuar delegatët dhe për më tepër ka bërë që dy kandidatët kryesorë, Fatmir Sejdiu dhe Nexhat Daci, ta rishikojnë pozicionin e tyre në garë.
Afërsia e tij me djalin e presidentit të ndjerë, Ibrahim Rugova, Ukën, u ka dale kapuç me mëngë atyre që kanë synuar postin e të parit të partisë më të madhe në vend. Ua ka kërcënuar seriozisht pretendimet për fronin e partisë.
Sipas disa burimeve të sigurta të Express, Alush Gashi ka marrë bekimin e familjes Rugova, që të jetë kryetar i ardhshëm i LDK-së. Madje djali i ish presidentit, Uka ka filluar të lobojë në mbështetje të kandidaturës së Gashit.
Sipas këtij burimi, ai u ka bërë disa telefonata kryetarëve të degëve të LDK-së dhe u ka thënë atyre se në Kuvendin Zgjedhor duhet ta votojnë Alush Gashin për kryetar.
Familja Rugova, me të filluar gara për kryetar të LDKsë dhe pas deklarimeve nga njëri apo tjetri krah se e ka mbështetjen e kësaj familjeje, me një deklaratë publike Familjaishin distancuar nga lufta për pushtet në LDK.
Por, djali i dytë i presidentit të ndjerë, duket se ka vendosur që tashmë të distancohet nga deklarata që ka dhënë familja e tij para do kohe. Mbështetja që po ia bën kandidimit të Gashit për kryetar të LDK-së e involvon direkt këtë familje në zgjedhjen e kryetarit të ardhshëm të partisë më të madhe në vend.

Te Guri i Zi
Gjithçka kishte filluar me një drekë gjatë shtatorit. Për të përfunduar me atë të 19 nëntorit në restorantin "Guri i Zi" në rrugën që shpie drejt Gjakovës. Aty ishin mbledhur njëzet e një kryetarë të degëve të LDK-së për të sqaruar pozicionet e tyre në procesin zgjedhor që kishte filluar brenda partisë së tyre.
Naser Osmani, kryetar i Degës së Lipjanit, i devotshëm në ndërtimin e unitetit brenda partisë, kishte nisur së bashku me Fadil Feratin, kryetar i Degës së Istogut si dhe Ismet Beqirin, kryetar i Degës së Parë të Prishtinës, për të gjetur rrugën e tretë për kryetar të LDK-së.
Dy figura që ishin në konflikt, Fatmir Sejdiu dhe Nexhat Daci, e kishin rrezikuar së tepërmi unitetin e partisë - që në rrugën e nisur të konfliktit e shpinte partinë drejt ndarjes - prandaj, thotë një burim brenda takimit, kjo ka qenë arsyeja kryesore e mbledhjes së kryetarëve të degëve.
Për dijeninë e të gjithëve, dhe për kujtesë të atyre që kanë harruar, kryetarët e degëve në traditën e LDK-së kanë qenë më të respektuarit e Velanisë gjatë një periudhe të gjatë kohore. Degët dhe kryetarët e saj kanë qenë pjesa kryesore e disejnimit të politikës nga zyra e Velanisë e deri në bazë.
Për herë të parë ishte zënë ngoje një tjetër emër për kryetar të LDK-së. Alush Gashi. Një miqësi e hershme me një pjesë të deputetëve, afërsia me ta, të qenit i hapur dhe marrja e rolit kryesor për të bindur Dacin për dorëheqje, i kishte dhënë atij fuqinë e liderit të një pjesë e deputetëve të LDK-së dhe të një pjesë të kryetarëve të degëve të kësaj partie. Hyrje-daljet e shpeshta te familja Rugova. Pastaj edhe pas vdekjes së Rugovës ishte i përzgjedhuri i familjes për ta zëvendësuar atë, thonë burime pranë familjes Rugova.
Kjo kishte bërë që Gashi të jetë figura qendrore dhe e besueshme për t'u kandiduar si personaliteti i tretë në takimin e Gurit të Zi.
Alush Gashi është njeriu që s'e fut LDK-në në konflikt dhe e ruan nga ndarja, kishte qenë konstatimi i personazheve gjatë drekës së 19 nëntorit.
Në fakt, ky konstatim kishte ardhur pas mbështetjes që ka marrë Alush Gashi nga djali i dytë i presidentit të ndjerë, Ibrahim Rugova, Uka.

Lidhja me Rugovtë
Dy faktorë kanë qenë vendimtarë në përcaktimin e familjes Rugova krah Alush Gashit. E para, përkujdesja e vazhdueshme e Alushit dhe vëllait të tij, Afrimit ndaj presidentit Rugova dhe faktori i dytë, origjina - si familja Rugova ashtu edhe ajo Gashi, vijnë nga rajoni i Istogut.
Sipas një burimi të sigurt të Express, duke e parë luftën për pushtet që zhvillohej Brenda LDK-së, Ukë Rugova i pari iu kishte afruar Gashit për ta porositur atë që të fillojë garën – tashmë me bekimin e familjes së tij.
"Fillimisht Gashi kishte hezituar, por vendosmëria e Ukës që të jetë krah i fortë I tij, e kishte bindur plotësisht atë që të fillojë garën", thotë ky burim i Express.
Më pas, vetë Uka, sipas këtij burimi, është gjuajtur në aksion. Duke iu rekomanduar delegatëve që ta votojnë Gashin në Kuvendin Zgjedhor. Uka ka arritur të sigurojë mbështetjen për Gashin nga një numër i konsiderueshëm i delegatëve të Kuvendit të Përgjithshëm.
Ndërsa, sipas të gjitha gjasave, këtë javë familja Rugova pritet të deklarohet publikisht në mbështetje të kandidaturës së Alush Gashit. Nëse ndodh kjo, atëherë Gashi me gjasë do të jetë kandidat sfidues për kryetar të ardhshëm të LDK-së.

Kush është me Alushin?
Sipas burimeve të Express, Alush Gashi deri më tash ka arritur të sigurojë mbështetjen e rreth 10 delegatëve të Degës së Ferizajt, shumicën e atyre të Istogut dhe Lipjanit si dhe rreth 8 të tjerë në Gjilan, që deri më tash kanë qenë përkrahës të Nexhat Dacit. Gjithashtu sipas këtij burimi, Gashi ka për vete edhe shumë nga delegatët që deri më tash janë deklaruar si të pavendosur.
Deri më tash presidenti Fatmir Sejdiu e ka pasur pothuajse të sigurt fitoren në garën për kryetar të LDK-së. Ai ka pasur një epërsi të konsiderueshme ndaj kundërkandidatit Nexhat Daci. Por, mbështetja që po ia jep familja Rugova Alush Gashit, do t'ia kthejë Sejdiut përmbys rezultatin e arritur.
Megjithatë, zyrtar të LDK-së pohojnë se negociatat për hise në LDK ende nuk janë mbyllur.



Express

[Fshatari]

Sipas burimeve mjaft të sigurta, kryetari i Kosovës , F.Sejdiu, ka siguruar rreth 270 nënshkrime (minimumi duket të jetë 100) kurse ish kryetari i parlamentit mbi 100 nënshkrime. Kandidatura e Alush Gashit vetëm një javë para kuvendit zgjedhor është e çuditshme. Edhe më të çuditshme e bën fakti se, në finish, nuk mund të sigurojë më shumë se 40 vota në favorin e vetë.
Me fjalë tjera, LDK-ja nuk e dëshiron Alush Gashin për kryetar përkundër mbështetjes të familjes Rugova : LDK-ja nuk është sipërmarrje private e një familjeje(Rugova) as e një rajoni(Istogu : fjalë serbe).

Po e përfundoj me këtë thënie shumë të qëlluar të Dilaverit se :"Aj, që shkon tuj mjellë e tuj hapë fjalë të kqija e gergasa herë per njanin herë per tjetrin, me gojë të kanunit thirret "Argat i keq", është fjala për dy persona : Ukë Rugova dhe Alush Gashi : në fakt, argat të këqinjë...!

Për këtë arësye nuk ka asnjë shans të zgjedhet kryetar i LDK-së.
Propozimi i dy kandidatve : Sejdiu dhe Daci ka qenë zgjedhja më e mirë dhe më e qëlluar për këtë parti. Injorimi absolut i Alush Gashit, i cili noton në ujra të turbullta dhe përhap "fjalë herë për njanin e herë për tjetrin", nëpër restorante e kafene, e jo aty ku bohet kuvendi, ka qenë poashtu një vendim shumë i qëlluar i delegatve të LDK-së.
Alush Gashi=argat i keq!

[Fshatari]

"Të shtunën është shënuar ditëlindja e 62-të e liderit historik të Kosovës, Ibrahim Rugova
Prishtinë, 4 dhjetor - Ditëlindja e 62-të e liderit historik të Kosovës, kryetarit shumëvjeçar të Lidhjes Demokratike të Kosovës Ibrahim Rugova dhe Presidentit të parë të vendit të njohur ndërkombëtarisht, Ibrahim Rugova, të shtunën është shënuar në mënyrë modeste, me homazhe pranë varrit të tij dhe me vizita në familjen Rugova në Prishtinë. Presidenti aktual i Kosovës Fatmir Sejdiu, me bashkëpunëtorët, ka vendosur lule pranë memorialit të Ibrahim Rugovës dhe pastaj vizitoi familjen Rugova në Velani. Presidenti pasi vuri lule dhe bëri homazhe ka thënë se është nevojë e përhershme që të takohet me Presidentin e ndjerë, Ibrahim Rugova, me njeriun që aq shumë bëri për Kosovën. "Ish presidenti Rugova ka bërë që Kosova të jetë në stadin e sotëm dhe të jetë në prag të njohjes ndërkombëtare të shtetësisë së saj", tha Sejdiu. Ai theksoi se Ibrahim Rugova ka arritur që ta shndërrojë idealin e lirisë që ka qenë edhe ideal i popullit, në funksion real, duke e shkrirë praktikisht vetën e tij, për lirinë dhe pavarësinë e Kosovës. Edhe kryeparlamentari Kolë Berisha vuri kurora lulesh dhe bëri homazhi pranë varrit të Presidentit Rugova si dhe vizitoi familjen Rugova. Homazhe bënë edhe zv/kryeministri Lutfi Haziri, kryetarja e FG të LDK-së dhe ministre e Shërbimeve Publike Melihate Tërmkolli, kryetari i FR të LDK së, Sejdë Tolaj. Të gjithë ata vzituan edhe familjen e Presidentit Rugova në Velani. Sejdë Tolaj gjatë vizitës në familjen Rugova ka theksuar se si të rinjtë e LDK së gjithmonë kanë pasur përkrahjen e parezervë të Presidentit Rugova, kurse Ai ka qenë mbështetja më e madhe që kanë pasur. "Ne do ta vazhdojmë rrugën e Tij që na e ka lënë amanet drejt njohjes formale të pavarësisë së Kosovës, për çka ai punoi pandërprerë deri në ditët e fundit të jetës së tij", tha Tolaj. Ndërsa zonja Fanë Rugova pasi ka falenderuar të rinjtë për vizitën, tha se "Presidenti ka pasur një kënaqësi të veçantë kur vizitohej nga të rinjtë e LDK së dhe ai tërë jetën e tij ka punuar në atë drejtim që brezit të ri t'i krijohej mundësia që të gëzonte shtetin e pavarur të Kosovës". Një grup studentësh të Universitetit të Prishtinës në ditëlindjen e 62-të të Presidentit Rugova kanë vendosur rreth varrit 62 lule, ku në secilën prej tyre kishin shkruar nga një fjalë simbolike që i ka përdorur Presidenti Rugova. Shkëmb Manaj, me të mbaruar homazhet në emër të shokëve të tij ka deklaruar se "2 dhjetori është ditë dhembjeje për ish presidentin Rugova por edhe një konfirmim se studentët e UP së, do ta ndjekin rrugën e tij". Poashtu homazhe gjatë tërë ditës kanë bërë edhe shumë qytetarë të Prishtinës dhe Kosovës duke përkujtuar figurën e madhe të Ibrahim Rugovës. Ndërkaq në mjediset e Bibliotekës Kombëtare dhe Universitare është bërë promovimi i librit me poezi me titull "Simfonia e Dardanisë" nga autorë të ndryshëm që i kishte përgatitur Sinan Gashi".

Pretendenti i fundit, i derës të vockël, Alush Gashi, nuk përmendet asgjëkundi në këtë lajm.
Si mendon ky individ të zgjedhet në krye të LDK-së ?!

[Guri i madh]

nese shkon gjdo gje ne mynyr demokratike e nese nuk manipulon me votime Eqremi se at mundsi e ka dhe ka me tentue deri ne minuten e fundit DACI do te jet kryetar i LDKes .

po edhe Alush Gashi esht i mir


kurse Ftmir Sejdiu nuk kisha pas deshir vetem e vetem pse esht ba mash e Eqrem kryeziut

[MemphiSx]

Sipas burimeve mjaft të sigurta, kryetari i Kosovës , F.Sejdiu, ka siguruar rreth 270 nënshkrime (minimumi duket të jetë 100) kurse ish kryetari i parlamentit mbi 100 nënshkrime. Kandidatura e Alush Gashit vetëm një javë para kuvendit zgjedhor është e çuditshme. Edhe më të çuditshme e bën fakti se, në finish, nuk mund të sigurojë më shumë se 40 vota në favorin e vetë.
Me fjalë tjera, LDK-ja nuk e dëshiron Alush Gashin për kryetar përkundër mbështetjes të familjes Rugova : LDK-ja nuk është sipërmarrje private e një familjeje(Rugova) as e një rajoni(Istogu : fjalë serbe).

Po e përfundoj me këtë thënie shumë të qëlluar të Dilaverit se :"Aj, që shkon tuj mjellë e tuj hapë fjalë të kqija e gergasa herë per njanin herë per tjetrin, me gojë të kanunit thirret "Argat i keq", është fjala për dy persona : Ukë Rugova dhe Alush Gashi : në fakt, argat të këqinjë...!

Për këtë arësye nuk ka asnjë shans të zgjedhet kryetar i LDK-së.
Propozimi i dy kandidatve : Sejdiu dhe Daci ka qenë zgjedhja më e mirë dhe më e qëlluar për këtë parti. Injorimi absolut i Alush Gashit, i cili noton në ujra të turbullta dhe përhap "fjalë herë për njanin e herë për tjetrin", nëpër restorante e kafene, e jo aty ku bohet kuvendi, ka qenë poashtu një vendim shumë i qëlluar i delegatve të LDK-së.
Alush Gashi=argat i keq!



Sipas burimeve tuaja,po na dalin mbi 400 delegat,kurse numri i pergjithshem i delegateve eshte 355.
Andaj numri shum i fryer nga shtabi i Sejdiut ju garantoj se nuk qendron se po te qendronte ky numer tashme problemi ne Peje ish tejkalu.
E verteta eshte se numri i delegateve eshte shum i barabarte me nje perparsi te vogel te Akademik Dacit,pra gjithqka do te perfundon me Pejen,nese pranohet ashtu siq eshte nderprer dmth me 18 delegat ne llogari te Dacit ateher Daci qe sot eshte Kryetar i LDK-se.

[pirro]

Pershendetje.

Flamurin e Dardanise(te Rugoves) nuk mund ta pranojn vetem injorantet e ketij vendi,seppse ai eshte flamur qe i perfaqson vlerat e ketij kombi.Ai flamur e ka bekimin e ketij populli.

[pirro]

shkrimi i lartecekur ka qene dashte te postohet ne temen:"u harrua flaumri i dardanise".e kam postuar gabimisht.

[E_Zjarrta]

nje fjale thot

Politikanet e fillojne luften
te fortit luftojne
dhe ne fund
i menquri fiton

Dashte zoti te fitoj ai qe e ka ne shpirte miresin drejtesin e te mos filloj me familjarizem e me korrupcion

[Dilaver]

Familja e Presidentit Rugova rikonfirmon se nuk mbështet asnjë kandidat për kreun e LDK-së

Prishtinë, 6 dhjetor - Në prag të Kuvendit të Gjashtë Zgjedhor të LDK së, që do të mbahet më 9 dhjetor, në një pjesë të shtypit të përditshëm sërish ka pasur spekulime se gjoja familja e Presidentit Rugova mbështet ndonjërin nga kandidatët për kryetar të LDK së. Ndonëse edhe më herët ka pasur shkrime të ngjashme spekulative, Familja e Presidentit Rugova sërish mohon në mënyrë kategorike se mbështet ndonjërin nga kandidatët potencialë për kreun e partisë. E kontaktuar nga QIK u, Familja e Presidentit Rugova me vendosmëri rikonfirmon qëndrimin e shprehur muaj më parë nëpërmjet një deklarate se do të përkrahë vetëm udhëheqjen e cila do të dalë nga vota e lirë e demokratike e delegatëve të Kuvendit të Gjashtë Zgjedhor të LDK së. "Rikonfirmojmë me vendosmëri qëndrimin tonë të shprehur më 14 korrik se do të përkrahim organet dhe kreun e LDK së që do të dalë nga vota e lirë dhe demokratike e delegatëve të Kuvendit të Gjashtë Zgjedhor që do të mbahet më 9 dhjetor. Apostrofimin e familjes sonë në një pjesë të shtypit të përditshëm për përkrahjen e ndonjërit nga kandidatët potencialë për kreun e LDK së e konsiderojmë si spekulim. Si më parë, por edhe tani, ne shprehim besimin tonë të thellë se LDK do të ruajë frymën e unitetit dhe të tolerancës sikur gjatë 16 viteve të kaluara nën udhëheqjen e Presidentit Rugova. Duke i uruar sukses dhe punë të mbarë Kuvendit të Gjashtë Zgjedhor, urojmë që LDK të dalë me unitet të fuqishëm që do të reflektojë doemos edhe si unitet i gjithë popullit, sidomos tani në prag të pavarësisë së Kosovës që do të rezultojë me njohje formale ndërkombëtare", thuhet në këtë deklaratë për QIK-un të Familjes së Presidentit Rugova, Znj. Fanë me djemtë Mendimin dhe Ukën.


QIK