Familja Haradinaj -- Leter e Dërguar special nga Daut Haradinaj

[uck_aksh]

Të nderuar qytetarë të Kosovës, Popull i dashur shqiptar, Dita e 28 Nëntorit pa dyshim është dita më e rëndësishme e historisë së popullit tonë . Dhe, kjo ditë i bashkon shqiptarët kudo që janë. Prandaj, edhe ne që ndodhemi në rrethana të tjera dhe nuk jemi fizikisht me Ju për të festuar, nëpërmjet kësaj forme, jua urojmë të kremten e shumëfishtë: 28 Nëntorin- Ditën e Flamurit, Ditën e Pavarësisë, ditëlindjen e komandantit legjendar Adem Jashari dhe Ditën e daljes publike të Ushtrisë Çlirimtare të Kosovës. Urime! I Kjo datë e madhe pa dyshim se na rikujton edhe motet kur dikur ëndërronim që ta festojmë të lirë Ditën e Flamurit. Por, u desh shumë mund dhe shumë gjak për të arritur deri te kjo ditë, që të kremtojmë të lirë. Edhe pse në fillimshekullin që e lamë, Kosova dhe një pjesë tjetër e trojeve tona etnike padrejtësisht mbetën jashtë kufijve të shtetit shqiptar, prapëseprapë ne e ndjenim dhe e festonim 28 Nëntorin- Ditën e Flamurit dhe të Pavarësisë së Shqipërisë. Populli ynë asnjëherë nuk u pajtua me rrethanat dhe zhvillimet në Kosovë, ku regjimi okupues serbosllav po terrorizonte popullatën shqiptare të Kosovës, vetëm e vetëm pse donte të jetojë e lirë në trojet e veta. II Ishte kryetrimi Shaban Polluzha ai që me trimat e trimëreshat luftuan dhe derdhën gjakun për Kosovën dhe të drejtën tonë të natyrshme për të qenë të barabartë dhe të lirë si të gjithë të tjerët. Këto aspirata u shuan me gjak, por asnjëherë nuk u mbyt shpirti kryengritës dhe liridashës i shqiptarit. Dhe, kështu brez pas brezi nuk pushuan përpjekjet e popullit tonë për çlirim, ashtu si në vitet e 60-ta, të 70-ta e deri te Pranvera Studentore e 81-tës. Si gjithnjë edhe këtë herë makineria serbe shtypi me dhunë kërkesat legjitime të shqiptarëve të Kosovës për të drejta dhe liri të vendit. Vrasjet e tmerrshme, raprezaljet dhe burgosjet e panumërta ishin të kota për t`ia ndalur hovin liridashës popullit tonë, i cili historikisht e dëshmoi se është i gatshëm kurdoherë të sakrifikohet për lirinë e Atdheut. III Në vitet e 90-ta, kur të gjithë popujt e Ballkanit po krijonin sisteme e shoqëri të reja, popullit shqiptar të Kosovës sërish iu mohua e drejta legjitime për vetëvendosje. Tashmë kur kupa ishte mbushur, durimit për të qenë dhe më tutje të robëruar e të nënshtruar po i afrohej fundi, pjesa e pakorruptuar e rinisë dhe e popullit tonë përfundimisht ishin bindur se vetëm rezistenca e armatosur është ajo që do ta mbimundtte dhunën serbe në hapësirat tona stërgjyshore. Edhe pse kohët dhe rrethanat ishin shumë të vështira, ato, megjithatë, na bënin më të fortë se kurrë më parë për luftë. Populli tashmë kishte përpara një forcë të armatosur ,që do ta mbronte atë dhe do të realizonte ëndrrën shekullore për çlirimin e Kosovës, e ajo ishte Ushtria Çlirimtare e Kosovës- ushtri kjo e dalë nga gjiri i popullit dhe për popull. Fillimi i organizimit të celulave të para të UÇK-së ishte tejet i vështirë dhe kishte edhe çmimin e vet, por rrita e saj nuk kishte të ndalur, dhe bijtë tanë nga të gjitha anët i bashkoheshin asaj. Dhe, kështu nga një celulë guerile, e cila u bë tmerr për makinerinë serbe, UÇK-ja u ngrit në një forcë ushtarake që do ta mbronte popullin nga gjenocidi serb. Duke parë këtë, forcat serbe të lemeritura nisin një ofensivë të fuqishme në Drenicë, pikërisht në fshatin Vojnik, në familjen e komandantit Abedin Rexha- Sandokani. Por, forcat serbe u thyen turpshëm nga trimat e UÇK-së, nën drejtimin e komandantit legjendar Adem Jashari. Luftëtarët tanë dolën fitimtarë, ndërsa forcat serbe gjatë tërheqjes në shenjë hakmarrjeje, në Llaushë, vrasin mësuesin Halit Geci dhe plagosin rëndë një nxënës. Disfata e forcave serbe ishte një kushtrim i fortë për popullin tonë. Ai kushtrim i shpërndarë në të gjitha anët jehoi zëshëm edhe në Dukagjin. Kjo do t`i dëshmonte Serbisë se kudo që të prekë, do të goditej nga të gjitha anët. Të bashkuar dhe më të fortë se kurrë, të rreshtuar në UÇK, lufta jonë kishte vetëm një simbol, e ai ishte flamuri kuqezi i larë me gjakun e shokëve tanë: Zahirit, Luanit, Adrianit etj. IV Tashmë kur kanë kaluar ca vjet, kujtesa ime më kthen prapa në Shqiponjë, kur u takova me Lahi Ibrahimin. Aty takova Mujë Krasniqin dhe Dervishin. Unë isha me Bujarin, Naserin, Myrtën, Hajdarin, Gazmendin, Xhevatin, Muhametin e shumë të tjerë. Muja më rrëfeu për gjendjen në Drenicë. Pasi biseduam, i thashë Lahiut se unë po shkoj në Drenicë e ti përkujdesu për rajonin tonë. Kisha një pushkë zvicerane “Sig saver”. Fillimisht shkuam në Açarevë te Sylejman Selimi, ku u takuam më shumë shokë. Nga aty, rreth mëngjesit të 28 nëntorit, arritëm në Llaushë, në shtëpinë e Sabit Gecit. Rreth orës dhjetë të paraditës janë mbledhur edhe shumë shokë, emra të mëdhenj të UÇK-së: komandanti legjendar Adem Jashari, Musë Jashari, Mujë Krasniqi, Sylejman Selimi, Rexhep Selimi, Sabit Geci, Jetullah Geci… Po bisedonim për betejën e një dite më parë, për vrasjen e mësuesit Halit Geci ,dhe meqë kjo ditë shënonte festën e dyfishtë, Festën e Flamurit dhe fitoren e betejës kundër forcave serbe, u vendos që UÇK-ja të dilte publikisht gjatë varrimit të mësuesit Halit Geci. Pasi u mor vendimi, komandant Ademi vendosi që mesazhin para masës ta lexonte Rexhep Selimi, dhe ai të shoqërohej nga Mujë Krasniqi dhe nga unë. Më kujtohet kur Sabiti na konfirmoi kohën dhe vendin, pasi që ishte nga familja e mësuesit të vrarë. Tashmë çdo gjë ishte gati, vetëm duhej të niseshim për në ceremoninë e varrimit. Unë e kisha pushkën dhe s`kisha uniformë ushtarake,por Musë Jashari m’i dha të gjitha: uniformën, çizmet, radiolidhjen dhe një pushkë tjetër, pasi që duhej të kishim armët e njëjta. Për këtë i jam shumë mirënjohës Musë Jasharit. Është vështirë të përshkruhet momenti kur ne u gjendëm para masës. Ishte shumë emocionues ai moment për mua, dhe për një çast ashtu jam mpirë në këmbë kur e tërë ajo masë e popullit filloi të brohoriste UÇK, UÇK, UÇK. Kjo ishte diçka e madhe. Edhe tani, më besoni, emocionohem kur rikujtoj se si populli po na pranonte aq ngrohtësisht. Sakaq, masa u ngrit në këmbë e Rexha pikë për pikë e lexonte tekstin e mesazhit të UÇK-së. E kishte paksa vështirë, sepse masa vazhdimisht hidhte lule nga ne. Muja më shikonte i gëzuar tej mase. Edhe unë gati sa nuk shpërtheja në vaj nga gëzimi i papërshkruar. Duke na përqafuar, njerëzit dënesnin me zë dhe luteshin: “Ju paçim, ju paçim trima. Jemi me Ju dhe do të vdesim bashkë!”. Këto fjalë pa dyshim se ishin dhe janë më shumë sesa një jetë njeriu. E kuptoj se jeta ka befasi të shumta, por kjo mbeti për mua nga më të rëndësishmet. Nga aty, lufta jonë mori trajtën e vet. I tërë populli ishte UÇK. Edhe pse mundoheshin ta pengojnë, përpjekjet ishin të kota , ngase UÇK-ja tashmë po shtrihej nëpër zonat e veta… As sot nuk gjej fjalë t`i përshkruaj ato çaste, por e di se ajo ditë, 28 Nëntori i vitit 1997, ishte dhe mbeti dita më e madhe në jetën time… V Kështu, 28 Nëntori, përveç si datë e madhe për tërë popullin shqiptar, është edhe një datë e madhe, ngase pikërisht në këtë datë lindi komandanti legjendar Adem Jashari, i cili me familjen Jashari ndërroi rrjedhën e historisë sonë, ktheu dinjitetin e popullit tonë bashkë me trimat tjerë legjendarë, që iu bashkuan karvanit të gjatë të heronjve të kombit, si komandant Zahir Pajaziti, Hakif Zejnullahu, Edmondi, Luani, Naiti i gjallë , Mujë Krasniqi, Abedin Rexha, Agimi, Shkëlzeni, Gazmendi, Bardheci, Adriani, Abeja, Ilazi, Toni, Mici, Kumanova e shumë dëshmorë të tjerë, që u bënë fanar i pashuar i tokës sonë. Pastaj, familje të shumta që u flijuan për Kosovën, shumë të burgosur, të zhdukur, ushtarë të plagosur ,që lanë gjymtyrët e tyre dhe plagët ende u kullojnë gjak. Të gjithë këta janë meritorë për këtë ditë dhe këtë liri që e gëzojmë. Tani gjendemi në një situatë të re dhe pa dyshim e ardhmja është në duart tona, por ne duhet të punojmë, të respektojmë vlerat tona, të nderojmë të kaluarën dhe të garantojmë të ardhmen. VI Të nderuar qytetarë, e di se gëzimi dhe dhembja janë të mëdha në këtë ditë të 28 Nëntorit, por çdo herë kur e shihni flamurin tonë duke valuar, mburruni, sepse jeni meritorë, dhe ky ishte ideali i të gjithë atyre që luftuan dhe u flijuan. Kosova po ecën me hapa të sigurt drejt ardhmënisë dhe dashur pa dashur armiqtë tanë, Kosova do të bëhet një shtet për ta lakmuar të gjithë. Këtë e fituam me gjak, nuk na e dhuroi askush ,dhe këtë do ta mbrojmë. Populli thotë:për ta fituar të kojshmen, duhet ta japim të dhimbshmen. Urime 28 Nëntori- Dita e Flamurit, festa e shumëfishtë. E gëzofshim të gjithë së bashku! P.S. Jua shkrova këtë letër ngutazi nga qelitë pa drita të burgut. Burgu i Prishtinës

[Marco]

O ti shokut UCK_a -AKSH_a ti kajher po poston Per fen Islame , kajher per Patriotat shqiptar , kajher Barcoleta , e kajher edhe Porniqka etj.., a ban me dite se ciles i takon ti , apo je kshtu Univerzal-Shqiptar ..?

[Guri i madh]

UQK:AKSH


jeni i pa zavendsushem ju lumt keni shkrime shum te mira po keni edhe pervojen e viteve ma te veshtira qe ka kalue popuulli shqiptar

[uck_aksh]

O ti shokut UCK_a -AKSH_a ti kajher po poston Per fen Islame , kajher per Patriotat shqiptar , kajher Barcoleta , e kajher edhe Porniqka etj.., a ban me dite se ciles i takon ti , apo je kshtu Univerzal-Shqiptar ..?

Marko edhe nese postoj per fen islame apo per fen krishtere per patriota qka do qe postoj esht e lejuar me duket ne ket forum,

[Albanian eX|PerT]

Haradinaj në Hagë deklarohet i pafajshëm http://www.rtklive.com/img/cnt/personalitetet/ramush_haradinaj.jpg Në konferencën e sotme paragjyqësore, në Tribunalin e Hagës, Ramush Haradinaj, Idriz Balaj dhe Lahi Brahimaj, u deklaruan të pafajshëm. “E nderuara gjykatë, deklaroj se nuk jam fajtor dhe jam shumë i fyer me këto akuza”, tha Haradinaj. Të hënën, më datën 5 mars, fillon gjykimi ndaj Ramush Haradinaj, Idriz Balaj dhe Lahi Brahimaj, thuhet në një njoftim të Tribunalit të Hagës. Aktakuza kundër Ramush Haradinajt, Idriz Balajt dhe Lahi Brahimajt pohon se që të tre morën pjesë në një ndërmarrje të përbashkët kriminale, qëllimi i së cilës ishte konsolidimi i kontrollit të plotë të Ushtrisë Çlirimtare të Kosovës (UÇK) mbi Zonën Operative të Dukagjinit të UÇK së, përmes largimit të paligjshëm dhe keqtrajtimit të civilëve serbë dhe përmes keqtrajtimit të shqiptarëve, romëve she civilëve të tjerë nga Kosova të cilët bashkëpunonin, ose përceptoheshin në dukje si bashkëpunëtor të forcave serbe ose nuk përkrahnin UÇK në. Aktakuza pohon se pas 24 marsit 1998, forcat e UÇK së nën komandën dhe kontrollin e Ramush Haradinajt nisën një fushatë ushtarake për marrjen nën kontroll të rajonit ndërmjet fshatrave të Gllogjanit dhe Deçanit dhe në veçanti fshatrat Dubravë, Irzniq, Ratishë dhe Dashinoc dhe për largimin e serbëve etnikë nga fshatrat ku jetonin. Aktakuza gjithashtu deklaron se forcat e UÇK- së nën komandën dhe kontrollin e Ramush Haradinajt, përfshirë "Shqiponjat e Zeza" nën komandën e drejtpërdrejtë të Idriz Balajt, u ranë në qafë, rrahën ose ndryshe larguan nga këto fshatra civilët serbë, romë dhe civil të tjerë jo shqiptarë, dhe vranë civilët që mbetën pas ose refuzuan të linin shtëpitë e tyre. Sipas aktakuzës, në mes të majit 1998 u ngrit një objekt i improvizuar burgimi në shtabin e UÇK së në Jabllanicë. Gjatë burgimit, të burgosurve u jepej shumë pak ushqim dhe ujë, rriheshin rregullisht dhe iu nënshtruan formave të tjera të keqtrajtimit fizik dhe iu mohua trajtimi mjekësor për lëndimet e tyre. Një numër të burgosurish në objektin e burgimit të Jabllanicës vdiqën si pasojë e lëndimeve të tyre ose u ekzekutuan me urdhër të të akuzuarve.

[Pupi]

Mbahuni burra mos keni frik, keni pas edhe nje (t'madhe) mik.

-Ketyre diteve e edhe me pare, jemi deshmitare te nje vargu akuzave ndaj mbrojtjes me te mire qe diten bijt e poppullit ti bejn atdheut.
Shfajsimi kolektiv i serbis ndaj masakrave te ndodhura ne bosnje dhe herzegovin eshte edhe nje fakt, qe ne momente te tilla,,Atdheu ne rrezik'' duhet kapur fati ne duart e tuaja, dhe kete e bene me se miri Familja Haradinaj dhe shume bashkluftetare te tije anembane vendit.
Duke njohur Tribunalin e Hages per krimet ne ish jugosllavin, por jo edhe akuzimin e atyre qe u detyruan te mbroheshin, Ramush Haradnaj padyshim qe do te shpallet i pafajshem, kete ma thot mendja e shendosh, dhe bazuar ne vlerat demokratike te vendeve te civilizuara.
Nje nga konventat nderkombetare eshte edhe ajo kunder skllaverizmit ne forma te ndryshme.!
Populli shqiptare per te mos u detyruar te pesoj edhe me tutje ate, qe me decenie e shekuj pesoi, u detyrua te marrr fatin e vet ne duart e veta.
Bijt me te denjet i'u veshen radheve te ushtris qlirimtare, te ardhur nga te gjitha anet e rruzullit toksor, e edhe nga australia e larget.
Me duhet te citoj nje intervist te dhen nga ministri i at'hershem i shqipris Pandeli Majko ku thot:
Shqipria dhe bota, aty ku nuk mundi ta ndihmoj ushtrin qlirimtare te kosoves, ata se paku nuk e penguan per tu qliruar nga zgjedha barbare serbe, e per te mos i ndodhur nje e ngjar e llojit te srebrenices apo vukovarit ata dislokuan dhe trupat e veta ne mbrojtje te popullit te pafajshem te kosoves.(mbarim citati).
Lavdi atyre qe diten te duan kombin.