Valon A. Syla dhe turpi i tije [Arkivi]

View Full Version : Valon A. Syla dhe turpi i tije

E_Zjarrta

08-03-07, 11:42

Me ra rasti te lexoj nje shkrim nga ky batakgji i cili shqiptaret e diaspores i quan pishpirika valle ka harru ky batakgji se mu kjo diaspore eshte ajo qe ndihmoi te mbijetoj Kosova

une nuk kam me shume te shkruaj por vetem nje mos harro se pa diaspore do te ishe ende ajo doktrina prosllaviste siq ke qene edhe me pare Valon A. Syla

Dilaver

08-03-07, 20:10

Pa dashur të marr në mbrojtje Valon Sylen, shkrimin e tij mbështes deri diku pasi që ai ka të destinuar një adresë konkrete, e nuk përgjithëson të gjithë shqiptarët e diasporës si pishpirika por një pjesë të vecantë syresh, apo më konkretisht shkrimi i tij i dedikohet pishpirikut Shqiptar Os(j)eku edhe atë si reagim në shkrimin e këtij të fundit, i cili ndër të tjera shkruan në fletushkën e Vetvendosjes: “Edhe UNMIK-u, që po rri këtu përdhunshëm, e ka një zgjedhje të qartë para vetes. Mund të na hapë sot udhë neve, që duam liri, demokraci e barazi qytetare. Apo mund të merret vesh nesër me atentatorë, që do t’ia cokasin derën me bomba. E pra, le të zgjedhin edhe ata mes Evropës e Irakut, si t’u thojë mendja e si t’u dojë zemra”.

panta_rhei

08-03-07, 20:31

Valon A. Syla e ka thene nje te vertete te madhe!

Edhe nuk e ka perfshire komplet diasporen por "pishpiriket e diaspores" qe fatkeqesisht nuk jane te pakte ne numer.

Mos te harrojme se pikerisht keta pishpirike ishin ata qe ende pa filluar lufta i kishin caktuar organizatat dhe ndermarrjet ne Kosove dhe kishin emeruar njeri tjetrin drejtore e shefa "kur te clirohet". Karrierista katerkalemsha analfabete. Pikerisht keta pishpirike nga diaspora kerkuan pas luftes qe te shuheshin te gjitha institucionet legjitime te Kosoves, Kuvendin qeverine dhe Presidencen te dala nga votat e shqiptarve gjate sitemit paralel... krijuan Qeveri te Perkohshme dhe emeruan njeri tjetrin ministra e kryeministra (kjo ishte ndihma e ketyre pishpirikeve te diaspores ndaj Kosoves).

Diaspora duhet te distancohet nga keta pishpirike qe pasi e kane rehatuar vetveten shume mire dhe familjen e tyre e kane siguruar diku ne perendim, nga karrigeja e nje kompjuteri te kerkojne kalljen e Kosoves dhe irakizimin e Kosoves permes atentateve me bomba ndaj Kombeve te Bashkuara e NATO-s.

Diaspora absolutisht meriton respekt sepse ka qene bartese e mbijeteses sone, por nuk ka te drejte qe tash ne Kosove te pretendoje se mund te importoje antivlera e terrorizem.

Te pakten une personalisht mendoj se Valon A. Syla ka pasur shume te drejte.
Diaspore e kam gati krejt familjen. Edhepse momentalisht student, diaspore e konsideroj edhe vetveten (pjese), mirpo mendoj se sidomos pas luftes diaspora shqiptare (e Kosoves) e ka humbur drejtpeshimin... nese dikur ka investuar ndihme materiale dhe te holla ne Kosove, sot me shume po investon turp dhe antivlera "moderne"... kryesisht diaspora sot po investon ne "magjupizimin" dhe tallavaizimin kulturor te Kosoves...
Tekefundit leht osht me kritiku kur je ne te terur... shkojne "patriotet" ne perendim dhe pasi ulen mire e rehatohen, u bejne thirrje shqiptarve qe te ngriten dhe ta kallin Kosoven...
Sot, gjerat kane ndryshuar, askush nuk te pengon qe te jetosh lirisht ne Kosove, nese qenke patriot kthehu ne Kosove kontribuo, puno nate e dite per vendin tend dhe per familjen tende... ose, nese nuk po don me e rregullu Kosoven (po don me e pas kryet rehat), shko ne Suedi edhe rregulloje Suedine, askush s'po te ndal!

sunshine

09-03-07, 10:43

arton bala

10-06-07, 16:27

Kur flasim per diasporen, nenkuptojme nje numer te madh njerezish, te cilet jetojne prane kultura te ndryshme, u jane te nenshtruar problemeve dhe formave te ndryshme te jeteses dhe per kete arsye ne vazhdimesi pesojne ndryshime ne krahasim me vendasit. Si ne cdo grup tjeter te madh te populli, edhe tek mergimtaret ka te gjitha shtresat e zakonshme: kriminele, intelektuale, poete e tj. Sic u tha edhe me larte, nuk eshte lehte te cilesohet kjo pjese e madhe e popullit ne menyre adekuate me ndonje veti gjitheperfshirese. Jo vetem qe „diasporasit“ te cilet jetojne ne Greqi kane pak gjera te perbashketa me ata ne Australi, por edhe ata ne Greqi kane poaq dallime ne mes veti sa mund te kene edhe vet venadasit ne mes veti. Per diaspoarsit ne pergjithesi mund te flitet vec aq sa mund te flitet per kosovaret ne pergjithesi, apo per dukagjinasit ne pergjithesi e tj. Eshte e natyrshme, qe njeriut i intereson se cilat veti karakterizojne dukagjinasit, kosovaret, diaspoarsit e tj., por kjo pyetje e ka vendin e vet tek studimet sociologjike dhe nuk qendron ne monopol te nje apo dy mendimtarêve spontanê. Sigurisht qe secili guxon te reflektoj ne lidhje me kete pyetje, por qe mendimi i mbeshtetur/kufizuar ne pervojen individuale nuk mund te kete bujshmerine e nevojitur, eshte afer mendjes.

Cka une personalisht me duket se verej perdite e me shume tek shume “diasporas”, eshte nje lloj pavaresie e pakontrolluar ndaj vlerave te cmuara ne vendlindje. Qofte kjo nje pavaresi ndaj zhvillimeve politike, religjioze apo soziale-morale. Nuk ndodhe rrale qe njeri nga Zaratustrat e Perendimit te zbrise ne viset e Kosoves dhe te perdhunoj vlera te fituara historikisht atje (pa e menjanuar edhe veten time nga kjo dukuri). Sigurisht se edhe neve ne diaspora si cdo pjese tjeter e popullit jemi veprues dhe krijues te vlerave te se ardhmes. Por nuk e di pse habitemi aq shume, nese zhvillimet apo bindjet tona personale kane arritur nje diskrepance aq te madhe me botekuptimet ne vendlindje sa qe thjeshte nuk arrijme gje tjeter me to, vec se nje shokim apo nje frike tek vendoret (shpesh here antare te ngushte te familjes).

Vlera te reja eshte lehte te gjesh, por qe te futesh ato ne jete, te duhet mbeshtetja. Mbeshtetja nuk gjindet me diktim, por duke gjetur ura lidhese ne mes te tradites dhe te ardhmes. Pa nje mbeshtetje vendore, vlerat nga diasporistani mbeten vetem vlera te diasporistanit dhe devijime frikembjellese per vendoret, te cilat ne njefar menyre na bejne te ndiehemi ilegal kur rrijme me vendoret. Ne mund te vendosim si sillemi, por jo ne baze te cilave vlera gjykohemi.

Reana

10-06-07, 23:49

. Eshte e natyrshme, qe njeriut i intereson se cilat veti karakterizojne dukagjinasit, kosovaret, diaspoarsit e tj.,

hmmm...
Ta bejme "Republika Dukagjinin" diku, dhe ndoshta te shuhen apetitet "vlere-ruajtese"!!!

perndryshe kur flet per "vlerat tradicionale" do te duhej te DEFINOSH se cilat qenkan ato, se jo patjeter cdo gje tradicionale eshte VLERE, dhe jo-rralle here eshte krejt e kunderta. Shume dukuri tradicionale jane anti-vlera te pa-pranueshme me normat e reja shoqerore jo vetem aty ku jeton ti, por edhe ne zemer te Kosoves.

Per te flakur tradita te papranuara per cilindo qyteterim modern, shume shqiptare edhe kolektivisht, pa pasur pasur nevoje te shkojne gjekundi apo t'u ekspozohen kulturave te tjeterkujt as edhe per nje dite, e kane bere kete duke jetuar ne vendlindje; por ty nese te duhen, vazhdo kultivoj dhe ua jep femijeve te tu!

ky qe qenka referuar ne dhune dhe vepra kriminale jo-institucionale, mos do te thuash se ka ndonje vlere tradicionale te vlefshme???!!!!

arton bala

12-06-07, 13:44

hmmm...
Ta bejme "Republika Dukagjinin" diku, dhe ndoshta te shuhen apetitet "vlere-ruajtese"!!!
Apo ndoshta ta ghettoizojme dukagjinin simbas modelit te Bronxit??
Me keqkuptove, me siguri jo-qellimisht :-/

perndryshe kur flet per "vlerat tradicionale" do te duhej te DEFINOSH se cilat qenkan ato,
Jane shume, por nese ke interes, kisha filluar me ato te cilat i ke mesuar ti nga rrethi i ngushte familjar. Une jam lojal ndaj atyre te rrethit tim (te prinderve te mij). Ndryshimet i perqafoj, vetem nese bindem se ndonje life-style tjeter (i importuar) eshte definitivisht ne dobi te gjithe njerezve qe i dua. Tjerat i deklaroj eksplicit si devijime keqardhese. Ashtu sic them pa pertese se eshte e drejte e secilit te mendoj dhe vleresoj ndryshe. Ketu fillon personaliteti, ajo cka me ben mua Arton e ty Reana..

se jo patjeter cdo gje tradicionale eshte VLERE, dhe jo-rralle here eshte krejt e kunderta. Shume dukuri tradicionale jane anti-vlera te pa-pranueshme me normat e reja shoqerore jo vetem aty ku jeton ti, por edhe ne zemer te Kosoves.
E qarte. A e din ti kur ekzistojne norma te reja shoqerore? Atehere kur gjykohesh simbas tyre.

...por ty nese te duhen, vazhdo kultivoj dhe ua jep femijeve te tu!
Te jesh e bindur..

ky qe qenka referuar ne dhune dhe vepra kriminale jo-institucionale, mos do te thuash se ka ndonje vlere tradicionale te vlefshme???!!!!

Don´t get ya

Reana

13-06-07, 05:19

Apo ndoshta ta ghettoizojme dukagjinin simbas modelit te Bronxit??

ashtu si po i referohesh ti, "ghettoizimi" paska ndodhur moti; entitet i dalluar prej pjeses tjeter(Kosoves)!

Te jesh e bindur..

mire fort; po gabon dhe harron "fyshekun" ne pajen e nuserise se vajzes sate kur t'ia "dorezosh" dhenderrit :wink: ..eshte "vlere" e vlefshme tradicionale!!!

Don´t get ya
jo de...po verehet!!!

arton bala

13-06-07, 20:16

ashtu si po i referohesh ti, "ghettoizimi" paska ndodhur moti; entitet i dalluar prej pjeses tjeter(Kosoves)!
Po i shmangemi temes, por me duhet te pyes dicka, sepse prap nuk po te kuptoj:
Cka eshte ajo, cka thash une, e cila me beri mua dhe njeherit te dukagjinasit tjere ne syte e tu "etnitet te dalluar" ne Kosove?

mire fort; po gabon dhe harron "fyshekun" ne pajen e nuserise se vajzes sate kur t'ia "dorezosh" dhenderrit :wink: ..eshte "vlere" e vlefshme tradicionale!!!
Jo une e kam nje ligesi te vecante per bukurine tane kulturore qe nuses t´i lyhet balli me mjalte kur te futet ne shtepi diten e marteses.:smile: Por edhe kjo qe the ti, i mbivlen ne syte e mij miliona dukuri te kulturave te vendit ku jetoj une. Ti me siguri nuk me kupton, sepse s´jeton ne Gjumurni. Mirepo nuk dihet, ndoshta ne jeten tjeter zhvilloj dashuri per jetesen konform "endrres amerikane". Lutu edhe ti per mua..:rolleyes:

legenda

24-06-07, 04:46

NJE VALON dhe NJE VALTON
dhe
DY MENDIME TE KUNDERTA
-------------------------------------------------------------

PËR PISHPIRIKAT E DIASPORËS

Valon A. Syla, Express

Pa dashur t'i përgjithësoj të gjithë ata që kontribuuan, një pjesë të veçantë të diasporës po i veçoj duke i quajtur si pishpirikë. Ata të cilët kokën dhe familjet i kanë të sigurta në Evropë e Amerikë, dhe që shqiptarëve në Kosovë u sugjerojnë të jenë të dhunshëm, kundër qytetarëve dhe bashkësisë ndërkombëtare.

Mund t'ju ketë ndodhur edhe juve të takoni ndonjë pishpirikë nga diaspora, që ua ka rrah tavolinën me grusht duke folur në emër të interesit kombëtar dhe shqiptarizmit. Duke e cituar ndonjë fjalë të Jeronim De Radës, Fan Nolit, ose ndonjë aktivisti tjetër të periudhës së Rilindjes Kombëtare, për t'ju bindur edhe më shumë me fjalët e tij. Zakonisht këta pishpirikë ekanë idol edhe Avni Rrustemin. Disa mund t'ju kenë rrëfyer ndonjë version të tregimit të njohur kosovar se gjyshi im ishte i persekutuar, se ishte patriot dhe antikomunist. Duke pretenduar se një situatë e tillë ende po vazhdon dhe se duhet të thyhet me dhunë në Kosovë. Rasti më i freskët për t'ua shpjeguar një pishpirik nga diaspora është Shqiptar Oseku, i cili për mbi dhjetë vjet jeton në Suedi. Në një nga vendet me mirëqenien më të lartë në botë, ku i shkollohen fëmijët dhe jeton në kushte shumë herë më të mira se në Kosovë.

Qifti i Shqiptar Osekut që është edhe aktivist i Lëvizjes Vetëvendosje, vazhdon të jetojë jashtë Kosovës edhe pas çlirimit. Por ky pishpirik nuk heziton t'i sugjerojë njerëzit e lodhur dhe të mllefosur në Kosovë nga jeta shumë herë më vështirë se në Suedi, të jenë të dhunshëm kundër bashkësisë ndërkombëtare.

Në një shkrim të fletushkës Vetëvendosje, Shqiptar Oseku shkruan - ''Edhe UNMIK-u, që po rri këtu përdhunshëm,e ka një zgjedhje të qartë para vetes. Mund të na hapë sot udhë neve, që duam liri, demokraci e barazi qytetare. Apo mund të merret vesh nesër me atentatorë, që do t'ia cokasin derën me bomba. E pra, le të zgjedhin edhe ata mes Evropës e Irakut, si t'u thojë mendja e si t'u dojë zemra''. Kështu e përfundon shkrimin Oseku. Sa e lehtë është për Osekun të kërcënojë se kundër UNMIK-ut në ikje paska mundësi të reagimit edhe me atentate edhe me bomba. Kundër kësaj bashkësie ndërkombëtare që e ndali dhunën në Kosovë, përderisagjysma e kosovarëve iknin duke kërkuar strehim të sigurt brenda e jashtë Kosovës. Është e lehtë për të, sepse ai nuk jeton me kosovarët në një vend. Fëmijët e tij nuk i shkollohen në Kosovë. Familja e tij nuk shërohet në QKU. Edhe po të kërciste bomba ashtu siç po kërcet, rrethi i tij i ngushtë familjar do të ishte shumë larg rrezikut.

Do të ishim në rrezik ne qytetarët e Kosovës që kemi zgjedhur të jetojmë dhe të paguajmë taksa në Kosovë. Gjithashtu, duhet llogaritur se Shqiptar Oseku kurrë nuk do të lejohej të kërcënojë publikisht me shkrime në ndonjë gazetë suedeze. Të kërcënojë ndonjë person a subjekt në vendin super demokratik ku ai jeton. Por, ai e ka të lehtë të kërcënojë prej atje në Kosovë, sepse atë personalisht nuk e kërcënon askush, as UNMIK- u që e shanë ai vetë. Më vjen çudi se si është e mundur që një person që jeton në Suedi dhe e ka emrin Shqiptar të mos mendojë as pak si bashkëqytetarët e vet suedez, por as si shqiptar.

Qytetarët e lodhur me folklorizma në Kosovë dhe nga diaspora, presin njerëz profesional, ekspertë, t'i ndihmojnë procesit. Nuk presin nacionalistë që kërcënojnë mirëqenien e brishtë me bomba. Të lodhurit në Kosovë, janë duke u munduar të ndërtojnë një shoqëri të bashkuar dhe pa bomba. Është e pa kontestuar se nga diaspora kemi pranuar ndihmë dhe financime deri në vitin 1999. Askush nuk e mohon kontributin. Por tash, ka kaluar koha që të flasim nga azili apo të krijojmë lëvizje dhe qeveri atje. Nëse diaspora tash e tutje dëshiron të kontribuojë shqiptarëve ashtu siç pretendojnë se duan, ata është mirë të integrohen, të shkollohen dhe të evropianizohen. Të na ndihmojnë edhe neve në këtë drejtim. Mendoj se diaspora boll ka paguar për bomba dhe armë dhe se ajo kohë ka përfunduar. Tash është koha të ndërtojmë një Evropë të vogël në Kosovë. Dhe për këtë sigurisht se do të nevojitet edhe ndihma nga diaspora.

E pishpirikat që shajnë e bërtasin e që ende nuk i kanë hequr bombat nga goja, le të vinë të jetojnë në Kosovë e të mos na lodhin me deklarata patetike prej jashtë. Le të informohen mirë me situatën në vend, e të mos bëhen viktimë e propagandave anarkiste.

Gati se e gjithë bota është ngritur në këmbë, për ta përfunduar konfliktin dhe për të instaluar paqen në Kosovë, prej vitit 1998 e që vazhdojnë edhe sot. Ky proces ka kushtuar shumë para që ne nuk i kemi pasur t'i paguajmë. UNMIK me gjithë të këqijat e veta, ka filluar një nismë demokratike në Kosovë dhe nuk e meriton të kërcënohet me bomba. Fundja ata po shkojnë (edhe 120 ditë!) e borxhin e dhunës po e lajmë vetë ne me rezolutat e ardhshme.
----------------------------------------------------------------------------------------------------

Për "pishpirikat" e policisë së UNMIK-ut dhe të SHPK-së!

Valton Hoxha

Para disa ditësh e takova një të njohurin tim i cili gjatë luftës në Kosovë e kishte lënë Italinë dhe ishte radhitur në radhët e UCK-së.Kishte qenë ndër të parët që kishte thyer gurin kufitar që ndante Kosovën dhe Shqipërinë.Ai s’kishte ditur se a do të shpëtonte nga ajo luftë apo jo.Por nuk u vra,dhe ja sërish pas disa vitesh pinim « makiato » në Prishtinë.Ishte shumë i thjeshtë,shumë i heshtur dhe nuk fliste kurrë gati për ato që kishte parë në luftë.Ishte për pushim sërish në Kosovë,në vendlindjen e tij.Atëkohë ai nuk ishte i inspiruar nga historia e Avni Rrustemit,as nga vargjet e Jeronim de Radës,apo të Fan Nolit.Ai kishte rrezikuar jetën e tij sepse e kishte parë se populli i tij po vritet,po masakrohet dhe nuk e quante për nderë që ai të bredhte rrugëve të një shteti perëndimor.I njëjti njeri,iu bashkangjit levizjes « vetëvendosja » më 10 shkurt dhe më 3 mars.Nuk ishte i inspiruar nga askush,as nga historia,as nga poezia,por siç më tha « punët nuk janë mirë ».Dhe më shkoi në mendje ta pyes : »jeni kundër Unmikut ? »,më tha jo,sepse të huajt kanë qenë aleatët tanë dhe pa ndihmën e tyre ne nuk kishim ardhur këtu ku jemi » dhe pas pak më jep një përgjigje tjetër : »nëse ti më ke nxjerrë nga lumi për të mos u përmbytur,unë nuk mund të jem pre i yti dhe të luash me fatin tim ! ».Kur i dëgjova këto fjalë, mendova se sikur të kishte dëgjuar këto fjalë Valon A.Syla, gazetar i « Expressit » me siguri do ta quante « pishpirik të diasporës ».

Pa dashur të marr në mbrojtje Valon Sylen, shkrimin e tij mbështes deri diku pasi që ai ka të destinuar një adresë konkrete, e nuk përgjithëson të gjithë shqiptarët e diasporës si pishpirika por një pjesë të vecantë syresh, apo më konkretisht shkrimi i tij i dedikohet pishpirikut Shqiptar Os(j)eku edhe atë si reagim në shkrimin e këtij të fundit, i cili ndër të tjera shkruan në fletushkën e Vetvendosjes: “Edhe UNMIK-u, që po rri këtu përdhunshëm, e ka një zgjedhje të qartë para vetes. Mund të na hapë sot udhë neve, që duam liri, demokraci e barazi qytetare. Apo mund të merret vesh nesër me atentatorë, që do t’ia cokasin derën me bomba. E pra, le të zgjedhin edhe ata mes Evropës e Irakut, si t’u thojë mendja e si t’u dojë zemra”.

legenda

24-06-07, 04:47

Më 1998-1999 këta « pishpirikët » e diasporës ishin shumë të mirëpritur në Kosovë, për të mos folur edhe për vitet para lufte që ishin të rreshtuar në bërthamat e para të UCK-së.Ajo është një periudhë për të cilën mund të flasin me kompetenca vetëm ata që e njohin mirë organizimin e UCK-së së asaj kohe, por unë e përmenda vetëm si një fakt të vogël dhe natyrisht se të tjerët mund ta pohojnë ose mohojnë këtë fakt. Lëvizja « vetëvendosja » dhe diaspora është një paralele që meriton veshtrim të posaqëm.Duket se Valon A.Sylën e kanë tronditur ngjarjet e fundit,dhe duke mos desht t’i përmend faktet reale çka sollën në krijimin e kësaj lëvizje,kërkon që të nxit debatin dhe ta nxjerrë diasporën si një nga motorët shtytës të kësaj lëvizje,duke u bazuar në deklaratën e një të ashtuquajturi « Shqiptar Oseku » i cili jetuaka në Suedi dhe që flet si një zë « revoltues »,duke i pasur familjen e tij të siguruar.Pa dashur t’i dal në mbrojtje këtij « Shqiptar Osekut » mund të them se Valon A.Syla i ka bërë disa llogari jo të sakta duke e përdorur termin « pishpirika të diasporës » sepse nëse flitet për ngjarjet e fundit,ato nismën nuk e kanë në diasporë e as nga « pishpirikat e diasporës » por ato janë bërë dhe janë inspiruar në plan të parë si rezultat i mungesës së transparencës së të ashtuquajturit « grupi i unitetit »,si rezultat i një pakoje që nuk zgjidhë dhe nuk realizon synimin e shqiptarëve në Kosovë,por e vënë pakicën serbe si prioritare,lindi si rezultat i një padrejtësie të re që po i bëhet Kosovës duke e kantonizuar apo më qartë të themi duke e enklavizuar dhe për të mos përsëritur të njëjtat fraza që ju i keni të njohura tani por që nuk doni t’i pranoni.Lind një pyetje tjetër,cili është interesi i diasporës që të thirret në inspirim të lëvizjeve të tilla,apo të « atyre bombave » që i përmendni në shkrimin tuaj.Derisa ju vetë e pranoni se « pishpirikat e diasporës » e kanë jetën të siguruar,atëherë cili është interesi i tyre që të kërcënojnë Unmikun apo Qeverinë e Kosovës.Në biseda me këta « pishpirikët » që Valon A.Syla i përmend,shumë pak kam gjetur nga ata që e inspirojnë lëvizjen e « vetëvendosjes » por kam gjetur zëra shumë të arësyeshëm të cilët nuk pajtohen me situatën e krijuar në Kosovë,që nuk pajtohen me « pakon » e Ahtisarit por që e shohin shfaqjen e pakënaqësisë si një akt të natyrshëm.Ndërsa për atë se kush ishte shkaktari i dhunës më 10 shkurt,ajo është parë më 3 mars :derisa policia pati një sjellje korrekte nuk pati asnjë të lënduar dhe në të gjitha mediat u njoftua për një protestë të qetë.Ndërsa më 10 shkurt ndodhi e kundërta dhe u krijua ajo situatë që tash më njihet në opinion.Ata « pishpirikët » që ju i quani si « folklorist » etj etj.kanë mundur të inspirojnë edhe më 3 mars nëse veç ka qenë qëllimi i tyre për të krijuar një situatë kaotike në Kosovë.Por, »pishpirikët » ju i nderuari Valon A.Syla duhet t’i kërkoni në mesin e policisë së Unmikut dhe të SHPK-së dhe kurrsesi ta hedhni topin në krahun e atyre që ndihmuan dhe nuk kursyen asgjë për Kosovën.E gjithë « elita » e lëvizjes « Vetëvendosje » janë të rinjë që jetojnë në Kosovë.Në ballë të protestave më 10 shkurt keni pasur Albin Kurtin,i cili jetoi në Kosovë dhe u burgos në Kosovë,Adem Demaqin,i cili poashtu nuk jetoi kurrë në diasporë dhe për të mos përmendur të gjithë ata që u gjendën në ballë të protestave e të cilët kanë adresat e vendbanimeve dhe jetojnë e veprojnë në Kosovë.

Hapeni pak « web sajtin » e lëvizjes "Vetëvendosja" dhe do të shihni se shkrimet që shkruhen aty janë pothuaj të gjithë nga njerëzit që jetojnë dhe veprojnë në Kosovë.Ndërsa është skandaloze të fyhet një mërgatë e tërë me termin « pishpirik », »folklorist »…etj,një mërgatë e cila ka sakrifikuar në të gjitha aspektet për Kosovën dhe e cila përbën një përqindje jo të vogël në botë,aq më pak për t’u etiketuar « pishpirik « duke u bazuar në një shkrim të hedhur në një « web sajt »,pa një identitet të verifikuar,por që fundi i fundit është mendim personal i një njeriu,e në bazë të cilit nuk ia vlen të fyhet një përqindje e madhe e mërgimtarëve.