The New York Times !

[Vin-Diesel]

Nëse Këshilli i Sigurimit e miraton planin e Ahtisaarit, atëherë Kosova do ta shpallë shtetin më të ri të pavarur të Evropës dhe shtetin e fundit që shkëputet nga ish Jugosllavia, shkruan gazeta New York Times.

Shtypi dhe mediat elektronike amerikane njoftojnë për epilogun e djeshëm në Vjenë të bisedimeve tash mbi njëvjeçare midis Prishtinës dhe Beogradit nën udhëheqjen e ndërmjetësuesit Marti Ahtisaari, duke thënë se ato përfunduan pa ndonjë kompromis dhe pa një rezultat afrimi qëndrimesh. Pranimi nga ana e Prishtinës u quajt sipas fjalëve të presidentit Fatmir Sejdiu një “kompromis i dhimbshëm” , ndërkaq Beogradi ashtu si gjithnjë deri tash mbrojti linjën nacionaliste dhe të paarsyes.
“Tani do të vendosë Këshilli i Sigurimit se a do t’i japë Kosovës pavarësinë”, shkruan e përditshmja the New York Times në numrin e sotëm. Nëse Këshilli i Sigurimit e miraton planin e Ahtisaarit, atëherë Kosova do ta shpallë shtetin më të ri të pavarur të Evropës dhe shtetin e fundit që shkëputet nga ish Jugosllavia, shkruan gazeta njujorkeze. Ajo më tej citon Ahtisaarin të ketë thënë se planin do ta paraqesë brenda marsit, ndërkaq gazeta bën me dije se perëndimi do që zgjidhja për Kosovën të imponohet më së largu deri në qershor të këtij viti. Raporti më tej citon edhe dy anëtarë tëë delegacionit të Kosovës, Hashim Thaçin i cili thotë se “me këtë akt po përfundon një kapitull errët i historisë së Kosovës”, ndërsa Veton Surroi thotë se “udhëtimi i gjatë me tren tani kishte arritur në stacionin kryesor”.
Në vija dhe parashikime të njejta për vendosjen e themeleve të pavarësisë pas miratimit të planit Ahtisaari nga ana e Këshillit të Sigurimit shkruan edhe e përditshmja tjetër amerikane, gazeta e kryeqytetit The Washington Post.
Që të dy këto gazeta më të njohura dhe më me ndikim në amerikë në editoriale të mëhershme ku kanë paraqitur qëndrimet redaksionale kanë mbështetur pavarësinë si zgjidhje më të drejtë dhe më realiste për të ardhmen e Kosovës.

[Vin-Diesel]

Rohan i dorëzon nesër OKB-së propozimin e Ahtisarit për Kosovën

Zëvendës-kryenegociatori për statusin e Kosovës, Albert Rohan do ta dorëzojë nesër në selinë e OKB-së propozimin e Marti Ahtisarit për statusin e Kosovës.



Dokumenti do t’i dorëzohet Sekretarit të Përgjithshëm të OKB-së, Ban Ki Mun dhe pasi te jetë shqyrtuar dhe të përkthehet në disa gjyhë dokumenti do t’i dorëzohet Këshillit të Sigurimit.

[Vin-Diesel]

Hollbruk: Testi i Rusisë në Kosovë

Më 26 mars, Marti Ahtisari, do të prezantojë përpara Këshillit të Sigurimit planin për Kosovën, i cili do të çojë deri tek pavarësia e saj hap pas hapi, thuhet në një tekst autorial në "Uashington post" të ish-diplomatit amerikan Riçard Hollbruk.

Megjithë kundërshtimin e Serbisë, thotë Hollbruk, ajo në fund do të përballet me të vërtetën: Kosova është shkëputur nga Serbia përgjithmonë, si rezultat i politikave të ish-diktatorit serb, Slobodan Milosheviq. E ardhmja e Serbisë qëndron tek Bashkimi Evropian, pohon Hollbruk, por nëse ajo i tejkalon mitet historike paralizuese. "Rruga paqësore drejt pavarësisë së Kosovës do të hapte rrugën për gjithë Ballkanin, përfshirë këtu edhe Serbinë, drejt një epoke të re premtuese të një bashkëpunimi rajonal", shkruan Hollbruk. Nëse Rusia përdor veton në Këshillin e Sigurimit ose përpiqet që të zhvlerësojë apo të zhagitë planin e Ahtisarit, Hollbruk paralajmëron se "paqja e brishtë në Kosovë do të zhduket brenda pak ditësh dhe një valë e re dhune, mbase edhe një luftë, mund të shpërthejë". Në vend se të angazhohet në shmangien e dhunës në Kosovë, thotë Hollbruk, Rusia duket se është duke u kënaqur në sfidimin e vendeve të fuqishme perëndimore, veçanërisht Gjermaninë dhe Shtetet e Bashkuara. Mesazhi për Rusinë duhet të jetë i thjeshtë: nëse ajo bllokon planin e Ahtisarit, kaosi që do të pasojë do të jetë përgjegjësi e Moskës dhe do të ndikojë në aspektet tjera të marrëdhënieve të Rusisë me Perëndimin, pohon Hollbruk