Ahtisari: Pavaresi te Mbikqyrur per Kosoven [Arkivi]

Arb

21-03-07, 15:13

"U.Post": Ahtisari ka përgatitur skenën për një konfrontim diplomatik midis Rusisë dhe Perëndimit për Kosovën

Uashington, 21 mars - Me propozimin e tij që Kosovës t'i jipet një pavarësi e mbikëqyrur, Marti Ahtisari e ka përgatitur skenën për një konfrontim diplomatik midis Rusisë dhe Perëndimit mbi të ardhmen e Kosovës.

"Ahtisari ka arritur në përfundimin se negociatat midis udhëheqësve të Kosovës dhe të Serbisë nuk do të mund të prodhonin kurrë një zgjidhje dhe se Kosova nuk mund të vazhdojë më nën pushtetin e Kombeve të Bashkuara apo atë të Serbisë", shkruan gazeta "Uashington post".

Gazeta citon një letër që Ahtisari i ka dërguar sekretarit të përgjithshëm të Kombeve të Bashkuara, Ban Ki Mun, në të cilën thuhet se "pavarësia është opsioni i vetëm për një Kosovë me stabilitet politik dhe qëndrueshmëri ekonomike".

Gjithashtu Ahtisari ka thënë se tranzicioni formal i pushtetit do të jetë i kushtëzuar nga gatishmëria e udhëheqësve kosovarë që të zbatojnë reformat, përfshirë edhe mbrojtjen e pakicës serbe. Gazeta në fjalë pohon se "liderët evropianë janë të shqetësuar se vendimi i Rusisë për të bllokuar lëvizjen e pavarësinë e Kosovës do të mund të nxisë një përshkallëzim dhune dhe rrjedhimisht edhe valë të refugjatësh në Evropën Perëndimore".

"Uashington post" shkruan se diplomatët amerikanë dhe ata evropianë megjithatë besojnë se plani i Ahtisarit paraqet bazën e vetme të qëndrueshme për të zgjidhur çështjen e Kosovës, por, sipas gazetës në fjalë, ata mbeten të ndarë mbi mënyrën se si duhet reaguar në rast të vetos së Rusisë.

Disa vende janë të gatshme ta njohin individualisht pavarësinë e Kosovës, por ka edhe vende që insistojnë në domosdoshmërinë e një rezolute të Kombeve të Bashkuara.

Arb

21-03-07, 15:14

Ahtisari më 26 mars do ta prezantojë planin për Kosovën

Nju Jork, 21 mars - Siç njoftohet nga Kombet e Bashkuara, Marti Ahtisari më 26 mars do ta prezantojë planin e tij për zgjidhjen e statusit të Kosovës, kurse pesë ditë më vonë do të disktojë edhe Grupi i Kontaktit, ndërkaq mbledhja e Këshillit të Sigurimit për statusin e Kosovës është caktuar më 3 prill.

Ambasadori gjerman në OKB Tomas Matushek ka deklaruar se pastaj do të pasojnë negociata të komplikuara që mund të zgjasin një kohë. Diplomati gjerman ka shtuar se ndërkombëtarët do të përpiqen të bindin Rusinë në qëndrimin se "opsioni i Ahtisareit nuk është më i miri, por i vetmi" për zgjidhjen e statusit të Kosovës.

Duke folur për qëndrimin gjerman, ai ka thënë se ai është i qartë. "Ne mbështesim fuqishëm dokumentin e Ahtisarit dhe përpiqemi të ruajmë unitetin e Bashkimit Evropian për këtë çështje", ka thënë ambasadori gjerman.

Arb

21-03-07, 15:17

Pavarësia nën mbikëqyrje ndërkombëtare është zgjidhja e vetme për Kosovën, thotë Ahtisari

Nju Jork, 21 mars Marti Ahtisari në raportin e tij përfundimtar dorëzuar Këshillit të Sigurimit pohon se "pavarësia nën mbikëqyrje ndërkombëtare është zgjidhja e vetme e përhershme për Kosovën" dhe se "vazhdimi i një administrimi ndërkombëtar në Kosovë nuk është i durueshëm".

Sipas RFI, Ahtisari thotë se riintegrimi i Kosovës në gjirin e Serbisë nuk është një zgjidhje tjetër. Ahtisari është në favor të një Kosove të pavarur në gjirion e së cilës minoriteti serb do të ketë një autonomi të gjerë.

Por, Marti Ahtisari mendon se Kosova ka aftësi të kufizuara të mbrojë e vetme minoritetin dhe se mbikëqyrja ndërkombëtare është e rëndësishme sidomos për serbët e Kosovës.

Ahtisari sugjeron që Kosova në fillim të vendoset nën mbiklëqyrjen e personave civilë ndërkombëtarë nga Bashkimi Evropian dhe të ketë një prani ushtarake të NATO s.

"Pushtetet e tyre do të jenë të rëndësishme të përqëndruara në sektorët kyç. Koha ka ardhur të zgjidhet statusi i Kosovës", ka thënë Ahtisari, i cili ka frikë se statuskuoja vë në në rrezik paqen dhe stabilitetin në Kosovë.

Ndërkaq në një intervistë dhënë BBC së, Marti Ahtisari ka thënë se për Kosovën ka propozuar mbikëqyrje ndërkombëtare.

Ai ka nënvizuar se Kosova do të duhej të jetë një etnitet më prakik dhe të përgjigjet dhe të përgjigjet për çështjet e saj, por ka shtuar se shumica duhet të paguajë çmimin për ambiciet që ka, duke i trajtuar pakicat në mënyrë të qytetëruar.

Ahtisari thotë se që nga fillimi i negociatave e ka pasur të qartë se nuk ka ezkzistuar ndonjëherë momenti për t'i ulur bashkë të dyja palët.

"Lidershipi politik në Beograd ka mbajtur një qëndrim të qartë. Gjatë gjithë kohës që ushtroj këtë detyrë, unë asnjëherë nuk e kam dëgjuar kryeministrin e Serbisë të kritikojë gabimet që u bënë në vitet 90 të, apo të kritikojë zotin Millosheviq. Unë do të kisha pritur që ta bënin një gjë të tillë, sepse ndoshta kështu edhe gjendja mund të ishte analizuar në një mënyrë tjetër".

Duke komentuar pohimet se propozimi i tij është pritur thuajse njëlloj si në Prishtinë dhe Beograd dhe se palët thonë që propozimi do të thotë pavarësi për Kosovën, Ahtisari tha se "interpretimi ka qenë thuajse i njëjtë nga të dyja palët", sepse kishte premtuar të jetë më i qartë për çështjen e statusit dhe të justifikojë propozimin e vet.

Ahtisari refuzoi të japë hollësi për raportin, por theksoi se koncepti i tij është që "Kosova do të jetë një entitet më efikas, më praktik, do të përgjigjet për çështjet e veta dhe kjo pavarësi do të mbikëqyret".

Arb

23-03-07, 14:34

Ahtisari: Opsioni i vetëm i qëndrueshëm për Kosovën është pavarësia

Prishtinë, 23 mars - "Bazuar në një vlerësim të kujdesshëm të historisë së re të Kosovës, realitetit në Kosovën e sotme dhe duke marrë parasysh bisedimet me palët kam ardhur në përfundimin se opsioni i vetëm i qëndrueshëm për Kosovën është pavarësia, e cila do duhet të mbikqyret për një periudhë të parë nga bashkësia ndërkombëtare".

Kështu shkruan kryendërmjetësi Marti Ahtisari në materialin prej tre faqesh që shoqëron propozimin që i është dorëzuar kreut të Kombeve të Bashkuara, Ban Ki Moon.

"Riintegrimi i Kosovës në Serbi nuk është opsion i mundshëm dhe nuk mund të vazhdojmë me administrimin ndërkombëtar", nënvizon Ahtisari në propozimin e tij, pjesë të të cilit i publikon agjencia e lajmeve AP.

Arb

23-03-07, 14:50

"100 për qind" mbështetje për dokumentin e Ahtisaarit

Nju-Jork, 20 mars – “Plani i Martti Ahtisaarit është jo vetëm më i miri, por është i vetmi i mundshëm”, tha dje në një konferencë për shtyp në Nju-Jork, ambasadori i Gjermanisë në KB, Thomas Matussek.

Në konferencën e mbajtur në Klubin e Korrespondentëve, ambasadori gjerman paraqiti pikëpamjet e vendit të tij edhe për reformën në KS, si dhe foli për vatrat e ndryshme të krizave në botë.

Për dokumentin e Ahtisaarit, ambasadori Matussek u përgjigj se Gjermania e mbështet "100 për qind". Ai tha se edhe vendet e BE-së, kryesuese e së cilës deri në fund të qershorit është Gjermania, janë unike në mbështetje të planit.

Ai e quajti dokumentin për Kosovën, si një kompromis. Theksoi se pala serbe nuk ka dhënë asnjë motiv se ka dashur të negociojë. "Si mund të thuhet dua më shumë kohë ose negociata të reja kur ata e kanë vënë Kosovën në preambulën e kushtetutës së tyre?", tha ambasadori Matussek.

Ai tha gjithashtu se dokumenti në 85 për qind të përmbajtjes së tij në mënyrë të shteruar fliste për të drejtat e serbëve dhe në vetëm 15 për qind për shqiptarët.

I pyetur nëse Gjermania e mbështet pavarësinë e Kosovës, ambasadori Matussek tha se “do të ishte mirë që Kosova të gëzojë sovranitet, qoftë edhe të kufizuar me mbikëqyrje ndërkombëtare. Vendi im, Gjermania, ka pasur për 50 vjet pas Luftës së Dytë Botërore një sovranitet të kufizuar".

Iliria Post

SoKoLi-i-Maleve

26-03-07, 18:48

http://news.google.com/news/url?sa=t&ct=us/7-0&fp=4608c7d4e895129f&ei=-gMIRszyHYLoowKipZTUAg&url=http%3A//www.reuters.com/article/worldNews/idUSN2641228520070326&cid=1114794043

Arb

04-04-07, 05:09

Plani i Ahtisarit sot do t'i paraqitet Këshillit të Sigurimit

Nju Jork, 3 prill - Plani i të dërguarit të posaçëm për Kosovën, Marti Ahtisaari, sot do t'i paraqitet për herë të parë Këshillit të Sigurimit të OKB së. Ahtisari pritet që t'u përgjigjet edhe pyetjeve të anëtarëve të KS rreth planit të tij.

Gjithashtu pritet që Këshilli i Sigurimit të votojë muajin e ardhshëm për planin, i cili propozon pavarësinë e Kosovës nën mbikqyrjen e komunitetit ndërkombëtar. Rusia, që ka të drejtën e vetos, ka kërkuar më shumë kohë për ta shqyrtuar planin dhe për negociata.

Siç njofton BBC nga selia e KB-së, Sekretari i Përgjithshëm i OKB së, Ban Ki Mun ka deklaruar se e mbështet plotësisht planin e Ahtisarit. Kërkesa e Rusisë që ka të drejtën e vetos për shtyrjen e procesit, ka shkaktuar frikë në mesin e disa diplomatëve, që druhen se vonesat mund të çojnë në trazira të reja në rajon.

QIK-u

Arb

04-04-07, 09:23

Zërat përtej dyerve të mbyllura

http://iliriapost.net/img/x1.jpg
Nju Jork, 3 prill – Deri në orët e vona të natës, sipas kohës sonë lokale, ka vazhduar seanca me dyer të mbyllura të Këshillit të Sigurimit të OKB-së. Para anëtarëve të këtij Këshilli, i dërguari i posaçëm i OKB-së për statusin e Kosovës, Martti Ahtisaari, mbrojti para anëtarëve të KS-së planin e tij për pavarësinë e mbikëqyrur të Kosovës.

Në takimin, siç quhej, konsultativ, jo formal, mori pjesë edhe presidenti i Kosovës, Fatmir Sejdiu, shefi i UNMIK-ut, Joakim Ryker dhe kryeministri i Serbisë, Vojisllav Koshtunica.

Siç u bë e ditur, pas një debati të gjatë dhe të ashpër, edhe pse është pritur shumë, presidentit Fatmir Sejdiu nuk iu dha fjala dhe në vend të tij, ashtu siç kishtë kërkuar kryeministri Koshtunica, foli kryeadministratori Joakim Ryker, ndërkohë që nga pala serbe, foli dhe kryeministri serb.

Ndër çështjet më të nxehta në këtë seancë, ka qenë diskutimi rreth kërkesës së Rusisë për dërgimin e një delegacioni informues në Kosovë, siç thuhet, për të parë situatën në Kosovë, kërkesë kjo që qëllim më vete ka zvarritjen sa më të gjatë të zgjidhjes së statusit të Kosovës dhe të nxjerrjes së një rezolute të re për Kosovën sipas propozimit dhe dokumentit të z. Ahtisaarit, të cilin tashmë e ka në duar të veta Këshilli i Sigurimit.

Një gjë të tillë, e ka konfirmuar edhe ambasadori frëng, De la Sabunje për çka tha se “kjo është një iniciativë që nuk do të zgjas shumë” dhe, sipas tij, “bëhet fjalë për disa ditë”.

Ryker flet në vend të Sejdiut

Pas disa orë bisedimesh dhe konsultimesh, ambasadorët kanë vendosur, në bazë të kërkesës kategorike të Koshtunicës, që presidenti i Kosovës, Fatmir Sejdiu të mos flasë përpara vendeve anëtare të KS-së, por në vendin e tij për Kosovën të flasë kryeadministratori, Joakim Ryker. Ky i fundit arriti në Nju Jork për këtë çështje.

Ndërsa për Serbinë, ashtu siç dihej, foli kryeministri Koshtunica. Shefi i qeverisë serbe ka folur menjëherë pas shpjegimeve të Martti Ahtisaarit për planin e statusit. Ajo e cila nuk lejoi që presidenti Sejdiu të flet zyrtarisht edhe në sallën e KS-së, ishte Rusia, kjo pasi, siç tha ambasadori rus, Vitali Çurkin “për të mos vendosur përfaqësuesin e një shteti pranë atij të një province”.

Mustafaj: Me rëndësi është që Ban Ki Moon mbështet pavarësinë
Të hënën, në Nju Jork ka qëndruar edhe ministri i Jashtëm shqiptar, Besnik Mustafaj, i cili ka pasur takim me Sekretarin e Përgjithshëm të OKB-së, Ban Ki Moon. Mustafaj vlerësoi se është shumë e rëndësishme qe Moon mbështet rekomandimet e presidentit Ahtisaari, pasi kjo tregon që ai mbështet pavarësinë e mbikëqyrur të Kosovës, e cila është e shprehur në atë propozim.

“Ju e dini se në rekomandimet e tij thuhet se një pavarësi e mbikëqyrur është opsioni më i qëndrueshëm për të ardhmen e Kosovës. Për mua kjo ka shume rëndësi sepse faktori kryesor ndërkombëtar, siç është Sekretari i Përgjithshëm i Kombeve të Bashkuara mbështet pavarësinë e Kosovës”, tha Ministri i Jashtëm shqiptar, Besnik Mustafaj.

Seanca e së hënës ka nisur debatin rreth planit të Ahtisaarit për pavarësinë e mbikëqyrur të Kosovës.

Gjithashtu, nga kjo seancë, pritet që të sqarohet kërkesa e Rusisë për ta dërguar një delegacion në Kosovë dhe Serbi, i cili do ta vlerësojë situatën.
Seanca e 3 prillit në KS të OKB-së, konsiderohet ndër ngjarjet më të rëndësishmet për Kosovën, qysh nga përfundimi i luftës në vitin 1999, pasi pikërisht me këtë datë, në Këshillin e Sigurimit të OKB-së filloi diskutimi rreth pavarësisë së Kosovës.

Besnik RAMADANAJ, IliriaPost

Arb

04-04-07, 09:26

Beteja për Kosovën

Askush asnjëherë nuk ka pritur se zgjidhja e problemit të Kosovës do të jetë e lehtë. Diplomatët evropianë dhe ata amerikanë, tani janë duke e zbuluar se, gjetja e zgjidhjes, në fakt, do të jetë shumë më e vështirë se që është pritur fillimisht.

Të martën, për herë të parë, Këshilli i Sigurimit i Kombeve të Bashkuara, do të diskutojë planin për pavarësinë e Kosovës dhe sesioni nuk pritet të jetë i lehtë. Për shumë diplomatë evropianë, amerikanë dhe të tjerë që merren me çështjen e Kosovës, plani i zotit Ahtisaari tingëllon i logjikshëm, kjo për faktin se, pavarësia e Kosovës është e pashmangshme dhe është më e preferueshme që, procesi i pavarësimit, të mbikëqyret se sa të lejohet lindja e një shteti të ri në mënyrë të pakontrolluar, kaotike dhe mbase edhe të dhunshme.

Por, nëse është e qartë se Rusia, e cila thotë se e kundërshton planin, do ta kundërshtojë atë edhe në Këshillin e Sigurimit, atëherë diplomatët parashikojnë se Kosova do ta shpallë pavarësinë e saj në mënyrë të njëanshme, se plani i Ahtisaarit do të përfundojë në një kovë mbeturinash, se dhuna do të rikthehet dhe do të zhvillohet një situatë kaotike tek vendet që do ta njohin dhe ato që do ta kundërshtojnë këtë pavarësi.

Meqë ky skenar është i qartë për shumë diplomatë, ata kanë shpresuar se Rusia do të heqë dorë nga qëndrimi i saj për të arritur përfitime të tjera kudo në botë, por diplomatët rusë nuk kanë dhënë shenja të tërheqjes.

Një burim i lartë diplomatik ka thënë se takimin e nesërm të Këshillit të Sigurimit do të mund ta pasojnë disa zhvillime. Sipas këtij burimi, ka shumë gjasë që Shtetet e Bashkuara të hapin bisedime të fshehta bilaterale me Rusinë, për të kuptuar se cili është çmimi që Moska ka vënë për ta pranuar ose të paktën për të mos e kundërshtuar planin e zotit Ahtisaari.

Në mungesë të marrëveshjes dhe shpalljes eventuale të njëanshme të pavarësisë së Kosovës, fillon edhe një betejë e re diplomatike.

Zoti Ahtisaari, Britania e Madhe dhe vendet tjera të fuqishme të Bashkimit Evropian, duan të sigurojnë një unitet të bllokut evropian në mbështetje të planit, por nëse kjo nuk arrihet, do të jetë ë vështirë për vendet, sikur që është Britania e Madhe, që ta njohë pavarësinë e Kosovës, nëse vendet tjera e kundërshtojnë.

Shtetet e Bashkuara ndërkaq, edhe pse më herët është thënë se do të mund ta njohin shpalljen e njëanshme të pavarësisë, ato ende nuk e kanë një strategji të formuluar mbi këtë çështje, dhe mbase do të preferonin që mos ta bëjnë një gjë të këtillë të vetëm.

Sesioni i nesërm i Këshillit të Sigurimit, shënon fillimin e një periudhe të re në betejën diplomatike për Kosovën, por aksioni i vërtetë do të zhvillohet në prapaskenë. Dhe nëse këto përpjekje dështojnë, skenari i makthit mund të bëhet realitet, serbët mund të spastrohen etnikisht në Kosovë dhe të largohen prej andej, ndërkaq veriu mund të shkëputet në tërësi nga ky shtet i ri.

Tim Judah, Iliria Post

Arb

04-04-07, 12:10

Mustafaj dhe Ahtisari vlerësuan se zgjatja apo vonesat në përcaktimin e statusit nuk janë produktive

Nju Jork, 4 prill - Ministri i Punëve të Jashtme të Shqipërisë, Besnik Mustafaj në një takim të veçantë me të Dërguarin Special të Kombeve të Bashkuara për Kosovën, ka shprehur falenderimet dhe vlerësimet për rolin dhe kontributin e shquar të Kryenegociatorit Marti Ahtisari, për raportin dhe rekomandimet e tij realiste e të balancuara dhe opsionin e paraqitur prej tij për pavarësi të mbikqyrur si zgjidhja e vetme që stabilizon Kosovën dhe rajonin.

Mustafaj ka siguruar Ahtisaarin për vazhdimin e mbështetjes së Qeverisë shqiptare ndaj misionit të tij. Lidhur me dërgimin e një misioni të KS së në Kosovë, Ministri i Jashtëm shqiptar, ka theksuar se, "ky mision nuk duhet të jetë faktmbledhës, nuk duhet të mënjanojë UNMIK un dhe as të dublojë raportin e Ambasadorit Kai Aide".

Të dy bashkëbiseduesit kanë ndarë të njëjtin mendim se negociatat ndërmjet të dy palëve e kanë shteruar potencialin e tyre ndaj dhe zgjatja e mëtejshme apo vonesat në përcaktimin e statusit përfundimtar të Kosovës, nuk do të jenë produktive.

Gjithashtu Mustafaj ka takuar edhe përfaqësuesin e përhershëm në OKB, si dhe përfaqësuesin e parë të Rusisë, të Italisë, Indonezisë e tjerë, duke i dhënë fund serisë së takimeve të shumta gjatë qëndrimit të tij në Nju Jork.

QIK-u

Arb

04-04-07, 12:11

Rusia, Sllovakia dhe Rumania nuk janë kundër pavarësisë së Kosovës, por kundër imponimeve

Prishtinë, 4 prill Rusia, Sllovakia dhe Rumania nuk janë kundër pavarësisë së Kosovës. "Ne jemi kundër imponimeve që po bëhen nga Bashkimi Evropian dhe Shtetet e Bashkuarat të Amerikës për të pranuar kërkesat që e favorizojnë njerën palë, në këtë rast atë të shqiptarëve të Kosovës", ka thënë Andrej Drenov, shefi i Zyrës ruse në Prishtinë. Ai bëri këto komente në një prononcim për Radio Kosovën.

Arb

04-04-07, 12:19

SHBA, Britania dhe Franca mbështetën planin e Ahtisarit në Këshillin e Sigurimit

Nju Jork, 4 prill - Këshilli i Sigurimit i Kombeve të Bashkuara mbrëmë është takuar me dyer të mbyllura për të dëgjuar të dërguarin special për Kosovën Marti Ahtisari duke shpalosur planin e tij i cili pritet t'i japë Kosovës një pavarësi të mbikëqyrur.

Pas sesionit, Ahtisari tha se propozimi i tij është diskutuar në mënyrë të drejtë. Gjithashtu ai tha se ishte i lumtur me qëndrime shumë të përgjegjshme të anëtarëve të Këshillit të Sigurimit si dhe me disa shqetësime që janë shqetësime legitime.

Në takimin e Këshillit të Sigurimit në emër të Beogradit foli Kryeministri serb Vojisllav Koshtunica, ndërsa në emër të Prishtinës, në vend të Presidentit Sejdiu, foli kreadministratori i UNMIK ut, Joakim Ryker. http://www.kosova.com/media/121251-parry_01.jpg

Ambasadori britanik Emir Xhons Peri, theksoi se gajtë debatit janë shtruar çështje të mira dhe të arsyeshme, duke mohuar pohimet se plani i Ahtisarit është hedhur poshtë. "Çdo paralajmërim se propozimi është hedhur poshtë apo se po kërkohet një negociator i ri, absolutisht është i gabuar". Diplomati britanik tha se ditëve të ardhshme KS do të shprehet për propozimin rus që në Kosovë të dërgohet një mision faktmbledhës.

Përfaqësueis amerikan Alehandro Volf theksoi se Ahtisari mund të llogarisë në mbështetjen e SHBA-ve. "Siç dihet, ne mbështesim planin e Marti Ahtisarit si dhe propozimin e tij, i cili ka hasur në miratim edhe të Sekretarit të Përgjthshëm të KB dhe me të cilin kërkohet pavarësi e mbikqyrur. Konsiderojmë se kjo është rruga e drejtë që duhet ndjekur".

Ambasadori i Francës, Zhan Mark dë Lazablie tha se propozimi Ahtisarit është ndoshta më i miri që mund të ishte bërë për stabilitetin e rajonit. "Jam i bindur se më në fund të gjithë do të shprehen dakord, duke përfshirë Rusinë. Brenda Këshillit të Sigurimit ka një gatishmëri për ta kuptuar mirë situatën dhe ka gjithashtu një preokupim për të punuar në favor të stabilitetit. Sepse bëhet fjalë për stabilitetin e Evropës dhe ky është përfundimi i procesit të shpërbërjes së ish-Jugosllavisë. http://www.kosova.com/media/128604-guehenno.jpgEshtë një situatë shumë e veçantë që nuk mund të merret si precedent".

Rusia ka propozuar dërgimin e një misioni të Këshillit të Sigurimit në Prishtinë dhe në Beograd për të vlerësuar gjendjen.

Zëdhënësi i Departamentit amerikan të Shtetit Shon Mekkormak tha të martën se propozimi po shqyrtohet me seriozitet. "Ky është një propozim i paraqitur nga pala ruse dhe duket se për ta është i rendësishëm. Pra, në këtë kuadër, propozimi po shihet me seriozitet, se si të realizohet kjo dëshirë e tyre për një mision fakt mbledhës, çfarë mandate do të kishte një mission i tillë dhe çfarë afatesh kohore do të kishte ai?"

Mes diplomatëve në Këshillin e Sigurimit ka përgjithësisht konsensus për një mision të tillë por dallimet janë tek karakteri që do të kishte ai. Ambasadori Dë Lazablie tha se ky duhet të jetë një mision informativ, i cili t'u shërbejë anëtarëve të Këshillit të informohen më mirë dhe të jetë i shkurtër në kohë.

Në komentet e bëra para se të fillonte mbledhja me dyer të mbyllura e Këshillit të Sigurimit, ambasadori i Rusisë Vitali Çurkin tha se tani është koha të reflektojmë se ku kemi arritur dhe se si do të reagojnë palët ndaj planit Ahtisari.

"Për mendimin tonë është shumë e rëndësishme të bëhet çdo gjë që ka në dorë të bëjë Këshilli i Sigurimit për të garantuar se më në fund, të dyja palët do të bien dakord me zgjidhjen".

Presidenti i Kosovës, Fatmir Sejdiu, tha se synimi i Kosovës është që të sigurojë pranimin e propozimit të zotit Ahtisari sa më shpejt. "Për ne është tepër e rëndësishme sa i përket këtij procesi për të ecur para sa më shpejt dhe me sa më me efikasitet. Duhet të them se kemi patur 14 15 muaj negociata dhe diskutime intensive dhe i kemi shterruar të gjitha mundësitë e një marrëveshjeje përmes negociatash. Kosovarët po presin dhe kanë të drejtën të kenë një prespektivë të qartë. Kështu që, çdo vonesë, çdo shtyerje e procesit do të jetë krejtësisht anti produktive".

Kryeministri serb Koshtunica tha pas takimit se gjoja Këshilli i Sigurimit "ka hedhur poshtë planin e Ahtusarit", i cili këtë pohim e arsyetuar me faktin se nuk ka pasur duatrokitje të anëtarëve të Këshillit të Sigurimit dhe se plani nuk është përshëndeur nga të gjithë anëtarët e KS, citon "Zëri i Amerikës" në serbisht të ketë thënë Koshtunica. Ai kërkoi që Kombet e Bashkuara të zevëndësojnë Ahtisarin dhe të rifillojnë negociatat për Kosovën. Disa vende anëtare të Këshillit të Sigurimit po kërkojnë që të merret vendim deri nga fundi i muajit, duke druajtur se vonesat mund të çojnë në tensione të tjera e dhunë në rajon.

QIK-u

Arb

04-04-07, 14:59

Rohan shpreson që në KS do të miratohet propozimi i Ahtisarit

Podgoricë, 4 prill - "Qeveria malazeze ka pasur një qëndrim të përgjegjshëm rreth çështjes së Kosovës. Mali i Zi është fqinjë i edhe i Serbisë dhe Kosovës dhe kjo është një përbërje specifike etnike. Plotësisht çmoj qëndrimin e Podgoricës", ka deklaruar sot në Podgoricë, Zv/kryenegociatori për statusin e Kosovës Albert Rohan, ku është takuar me zyrtarët më të lartë të Mali të Zi.

Duke komentuar fillimin e diskutimit për planin e Ahtisarit për Kosovën në Këshillin e Sigurimit, Rohan ka theksuar se është herët të jipet përfundime. "Ky është fillmi i procesit në Këshillin e Sigurimit dhe është herët të thuhet çfarëdo qoftë, por shpresoj që në KS do të miratohet propozimi i Ahtisarit", ka theksuar Rohan.

Presidenti malazez Filip Vujanoviq është i bindur se Mali i Zi më së miri mund të ndihmojë në zgjidhjen e çështjes së Kosovës me shemullin e vet të mirë të marrëdhënieve të harmonishme ndërnacionale dhe ndërkonfesionale, të cilat konfirmojnë mundësinë e bashkëjetesës cilësore në Ballkan.

Ndërkaq shefi i diplomacisë malazeze Milan Roqen ka bërë të ditur se radhitja e Malit të Zi në cilëndo anë nuk do të ndihmonte në kërkimin e zgjidhjes së statusit të Kosovës.

Sipas mediave malazeze, Roqen ka thënë se për Malin e Zi, i cili që nga fillimi ëshët angazhuar për arritjen e zgjidhjeve me negociata mes Beogradit dhe Prishtinës dhe me ndërmjetësimin e bashkësisë ndërkombëtare, më e rëndësishme është që të ruhet paqja dhe stabiliteti në Mal të Zi, sepse sipas tij, vetëm kështu vendi i tij mund të jetë partner i besueshëm edhe pjesëmarrësve të procesit të Kosovës, rajonit dhe bashkësisë ndërkombëtare.

QIK-u

Arb

04-04-07, 15:00

Deri në qershor vendimi për statusin e Kosovës

Prishtinë, 4 prill - Eurodeputeti Jost Lagendajk tha sot në Prishtinë se më së largu deri në qershor do të merret vendimi për statusin e Kosovës, ashtu siç është paraparë me planin e Ahtisarit.

Ai ka siguruar liderë kosovarë se hezitimet e Rusisë rreth dokumentit të Ahtisarit në këtë periudhë janë pjesë, siç e quajti ai, të lojës globale, të fuqive të mëdha, duke shprehur bindjen se Rusia nuk do ta përdorë veton në rastin e Kosovës.

Lagendajk ka sponsoruar rezolutën në favor të pavarësisë së Kosovës, e cila u miratua me shumicë votash, para pak ditësh parlamentin evropian.

Arb

04-04-07, 20:10

T`i shpjegohet popullit se Parlamenti Evropian është i përkushtuar për Kosovën, tha Langendijk

http://www.kosova.com/media/holandezi.jpgPrishtinë, 4 prill - Eurodeputeti holandez Joost Langendijk shprehu kënaqësinë e madhe që ndodhet sot në Kosovë, menjëherë pas aprovimit të rezolutës për Kosovën nga ana e Parlamentit Evropian.

"Është momenti që të sjell tek ju dhe tek populli kosovar mesazhin se Parlamenti Evropian me shumicë prej 75 % ka votuar për raportin i cili thotë se rezultati më i mirë i procesit të negociatave për status të Kosovës do të jetë sovraniteti i mbikëqyrur", tha Langendijk pas takimit me liderin e partisë Ora Veton Surroi.

Duke mos dashur të hyjë në detaje rreth dallimit në mes të sovranitetit dhe pavarësisë, sepse siç tha, në fakt dallimi është i papërfillshëm, se për disa arsye interne brenda parlamentit është përdorur fjala sovranitet, tha Langendijk, i cili ka sponsoruar rezolutën në fjalë.

"Por, gjithsesi, është një mesazh i drejtpërdrejtë se ne e shohim vetëm një rrugëdalje nga ky proces. Është mirë t`i shpjegohet popullit të Kosovës se Parlamenti Evropian është i përkushtuar ndaj kësaj ideje dhe nuk do të ketë ndalje pas aprovimit të rezolutës sepse në fund të zgjidhjes për Kosovën do të ketë një rol të rëndësishëm për BE në".

Parlamenti Evropian, tha në vijim Langendijk, duhet të nënshkruajë një llogari për të mundësuar zbatimin e kësaj marrëveshjeje, prandaj ka qenë shumë e rëndësishme të arrihet një shumicë e theksuar në Parlament në përkrahje të pavarësisë së mbikëqyrur, duke shprehur gatishmërinë për të siguruar fonde për realizimin e saj.

Langendijk tha se i kishte përcjellë edhe Kryeministrit Çeku që qytetarët e Kosovës siç u shpreh "të mbeten gjakftohtë dhe të mos shtien therrë në këmbën", sepse ky do të ishte rezultati më i preferuar nga serbët. "Jam i bindur se në fund të procesit do të arrihet rezultati më i mirë për Kosovën dhe rajonin si tërësi", tha ai, duke shprehur bindjen se pas arritjes së rezultatit BE-ja do të jetë këtu prezent për të punuar me institucionet e Kosovës.

Nga ana e tij Surroi vlerësoi si shumë të rëndësishme miratimin e rezolutëës në Parlamentin Evropian mu në momentin e duhur, "për të treguar përkrahjen evropiane për pakon e z. Ahtisari pra edhe për pavarësimin e Kosovës e cila do të ishte e mbikqyrur nga Parlamenti Evropian".

Po ashtu Surroi theksoi se me rezolutën e Parlamentit Evropian inkurajohen forcat proevropiane në shoqërinë kosovare si dhe inkurajohet pozicioni i politikës evropiane në Kosovë.

"Kosova si pjesë e civilizimit perëndimor do të ketë natyrisht lidhje shumë të forta me SHBA të por edhe nga aspekti gjeografik edhe nga ai politik do të jetë pjesë e Evropës", tha Surroi.

Arb

05-04-07, 01:31

Shko e eja si Adem Peja

Iliria Post
Kryetari i Kosovës, Fatmir Sejdiu, do të duhej të kishte qenë shumë më i informuar, shumë më këmbëngulës për të qenë i informuar saktë dhe, mbi të gjitha, do të duhej të kishte dhe të siguronte qasje më të sigurta informuese rreth zhvillimeve zyrtare të rëndësishme politike e diplomatike në skenën e madhe dhe të vështirë botërore, siç ishte, mbledhja e KS të OKB-së më 3 prill.

I cytur nga gjasat e “mjaftueshme” se do të flasë në Këshillin e Sigurimit, kryetari Sejdiu preu biletën e shtrenjtë dhe vajti në Nju Jork, duke mos llogaritur gjasën tjetër shumë më realiste, se atje, edhe pse mund t’i ketë thënë dikush, nuk do të lejohej të fliste në KS.

Nuk ishte dhe nuk është e keqja ajo pse vajti në Nju Jork, qoftë edhe i painformuar mirë. E keqja qëndron atje, ku ai, si kryetar i Kosovës u soll dhe u pështoll holeve e parasallave të KS, sjellje dhe pështjellje këto që në sy të botës vendosëse degradonin në mënyrën më të padinjitetshme autoritetin e kryetarit të një vendi, i cili, si duket, s’e ka marrë shumë mundimin të informohej për saktësinë zyrtare të shkallës së tij pjesëmarrëse e folëse në KS.

Mungesa e dëshirës së tij për të qenë i informuar dinjitetshëm për këtë “pjesëmarrje” aktive në KS, mbase mund përshkruhet edhe si gatishmëri e tij për t’i përballuar me “dinjitet” degradimet e tilla sjelljesh e pështjelljesh holeve dhe parasallave të KS.

Pavarësisht nga kjo, duke parë skena të tilla degraduese të autoritetit të kryetarit Sejdiu, në shoqëri edhe të atyre kosovarëve, që nuk u lanë të hyjnë në mbledhje, populli në Kosovë u ndie i fyer.

Z. Ryker ishte i informuar mirë për të gjitha ato që do të ngjanin në mbledhjen e KS-së dhe që atje Fatmir Sejdiu do ta kishte shumë vështirë të lejohej të merrte atje fjalën, kishte siguruar me kohë biletën për në Nju Jork, por kishte pritur i gatshëm ftesën urgjente dhe zyrtare prej Nju Jorkut.

Vajti zyrtarisht, edhe pse atje mund të shkonte ditë më parë, qoftë edhe si turist dhe jo që të shkonte i painformuar dhe të sillej e të pështillej padinjitetshëm holeve dhe parasallave të KS.

Albanian eX|PerT

05-04-07, 01:43

Rohan shpreson që në KS do të miratohet propozimi i Ahtisarit

Le te shpresoje :biggrin:

Arb

05-04-07, 14:42

Frid tha se statusi i Kosovës nuk është precedent, kurse Mlladiq është qyqar dhe turp për kombin e tij

Sarajevë, 5 prill - Ndihmëssekerati amerikan i Shtetit për Evropën dhe Euroazinë Daniel Frid ka deklaruar se statusi i Kosovës nuk është precedent, cili mund të ndodhë kudoqoftë në botë.

Ai precedent nuk vlen as për Republikën Serbe, as për Luginën e Pershevës, as për Çeçeninë, Abkazinë... "Kosova tregon se Millosheviqi e ka ditur si të nisë dhe si të humbasë luftën", ka thënë Frid në Sarajevë.

Ndihmëssekretari amerikan i Shtetit Frid, ndërkaq ka deklaruar sot para gazetarëve në Banjallukë se shpreson që i arratisuri i Hagës Ratko Mlladiq të sillet para drejtësisë, duke thënë se ai është qyqar dhe turp për kombin e tij.

Arb

05-04-07, 14:44

Uizner: SHBA-të besojnë në pavarësinë e Kosovës

Uashington, 5 prill - Shtetet e Bashkuara besojnë në pavarësinë e Kosovës dhe propozimi i Ahtisarit përbën suazën më të mirë për realizimin e kësaj pavarësie, tha i dërguari amerikan për Kosovën Frenk Uizner.

Ai tha se kjo çështje është me rëndësi jetike për Evropën, sepse stabiliteti i juglindjes së Evropës varet nga zgjidhja në Kosovë. Evropa siguron një pjesë të rëndësishme të trupave të KFOR it. Po kështu edhe Shtetet e Bashkuara kanë interesa jetike, tha ambasadori Uizner.

Madje, theksoi ai, Amerika hyri në luftë për këtë çështje. Duke folur për idenë e hedhur nga Rusia për të dërguar një mision në Prishtinë dhe Beograd, Uiznner tha se në pamje të parë një mision i tillë duket krejt i logjikshëm. Por gjithçka varet se cili është qëllimi i misionit.

"Nëse qëllimi është për të vëzhguar dhe informuar, pra për të patur atë informacion që do t'i duhej një qeverie të përgjegjëshme për të marrë një vendim, kjo është njëra gjë.

Por nëse misioni ka si qëllim që në një farë mënyre të rihapë bisedimet, atëhere ne nuk shohim që kjo të ketë shumë kuptim sepse gjatë 15 muajve, zoti Ahtisari ka shterruar të gjitha rrugët e imagjinueshme.

Pra lidhur me këtë mision ne do të vendosim pasi të jenë paraqitur faktet në tryezë" tha ambasadori amerikan Frenk Uizner, njofton "Zëri i Amerikës".

Ai tha se Shtetet e Bashkuara kanë punuar me Rusinë rreth problemit të Kosovës për shumë vite me radhë dhe Rusia ka qenë pjesë e diskutimeve në Grupin e Kontaktit që prej 15 muajsh kur filluan bisedimet për çështjen e statusit. "Si amerikanë, - tha Uizner, - ne do të dëshironim ta përfundonim këtë lidhje rreth Kosovës në të njëjtën frymë bashkëpunimi siç e filluam.

Ne ua kemi bërë të qartë rusëve se nuk ka gjë të keqe të bisedohet dhe që gjërat të peshohen me shumë kujdes së bashku. Objektivi ynë është: atë që filluam së bashku, le ta përfundojmë së bashku.

Por baza mbi të cilën duhet të përmbyllen veprimet për këtë çështje duhet të jenë rekomandimet e zotit Ahtisaari", u shpreh Uizner para gazetarëve në Nju Jork.

Duke folur për rezervat e shprehura nga disa vende si Rumania lidhur me planin Ahtisari, Uizner tha se gjithmonë ka një farë rreziku kur një shtet i ri është gati të dalë në skenën ndërkombëtare. Por, tha ai, Kosova është po aq e gatshme sa çdo vend tjetër i ri që doli në skenë gjatë kësaj epoke të turbullt.

Arb

05-04-07, 14:45

Ahtisari thotë se nuk ka ndërmend ta ndryshojë planin për pavarësinë e mbikëqyrur për Kosovën

Nju Jork, 5 prill Kryendërmjetësi i Kombeve të Bashkuara për statusin e Kosovës, Marti Ahtisari, i mbështetur nga Shtetet e Bashkuara, Britania e Madhe, Franca dhe disa shtete tjera, u është përgjigjur negativisht Serbisë dhe disa zërave në Këshillin e Sigurimit të OKB së që kërkojnë negociata të reja për të ardhmen e Kosovës.

Ai ka nënvizuar se nuk e ka ndërmend ta ndryshojë planin. Ahtisari është shprehur i lumtur për qëndrimet shumë të përgjegjshme të anëtarëve të KS si dhe me disa shqetësime të arsyeshme që janë shprehu në këtë takim.

Arb

05-04-07, 14:48

Diplomatët amerikanë optimistë për bashkëpunim me Rusinë për çështjen e KosovësIlir Ikonomi
04-04-2007
Departamenti i Shtetit për Kosoven

Zyrtarë amerikanë thanë se Shtetet e Bashkuara shpresojnë ta vazhdojnë frymën e bashkëpunimit me Rusinë lidhur me zgjidhjen e statusit të Kosovës ashtu siç e filluan. Komentet u bënë në Nju Jork nga i dërguari i posaçëm i Sekretares së Shtetit për Kosovën Frank Wisner, ndërsa në Uashington komentoi zëvendës ndihmës sekretarja e shtetit Rozmari di Karlo.
http://www.voanews.com/albanian/images/wisner210_1.jpg
I dërguari i posaçëm i Sekretares së Shtetit për Kosovën Frank Wisner tha sot për gazetarët në Nju Jork se Shtetet e Bashkuara kanë punuar me Rusinë rreth problemit të Kosovës për shumë vite me radhë dhe Rusia ka qenë pjesë e diskutimeve në Grupin e Kontaktit që prej 15 muajsh kur filluan bisedimet për çështjen e statusit.

Si amerikanë, tha zoti Wisner, ne do të dëshironim ta përfundonim këtë lidhje rreth Kosovës në të njëjtën frymëbashkëpunimi siç e filluam. Ne, tha ai, ua kemi bërë të qartë rusëve se nuk ka gjë të keqe të bisedohet dhe që gjërat të peshohen me shumë kujdes së bashku. Objektivi ynë është: atë që filluam së bashku, le ta përfundojmë së bashku.

Por baza mbi të cilën duhet të përmbyllen veprimet për këtë çështje duhet të jenë rekomandimet e zotit Ahtisaari.
Shtetet e Bashkuara, tha zoti Wisner, besojnë në pavarësinë e Kosovës dhe propozimi i Ahtisarit përbën suazën më të mirë për realizimin e kësaj pavarësie, tha ambasadori Wisner. Ai tha se kjo çështje është me rëndësi jetike për Evropën, sepse stabiliteti i juglindjes së Evropës varet nga zgjidhja në Kosovë.

Evropa siguron një pjesë të rëndësishme të trupave të KFOR-it. Po kështu edhe Shtetet e Bashkuara kanë interesa jetike, tha ambasadori Wisner, madje, theksoi ai, Amerika hyri në luftë për këtë çështje. A është njëlloj e rëndësishme kjo çështje për Rusinë, pyeti zoti Wisner, apo është thjesht fjala për interesa periferike, ndërkohë që interesat amerikane dhe evropiane janë jetike?

Duke folur për idenë e hedhur nga Rusia për të dërguar një mision në Prishtinë dhe Beograd, zoti Wisner tha se në pamje të parë një mision i tillë duket krejt i logjikshëm. Por gjithçka varet se cili është qëllimi i misionit. Nëse qëllimi është për të vëzhguar dhe informuar, pra për të patur atë informacion që do t’i duhej një qeverie të përgjegjëshme për të marrë një vendim, kjo është njëra gjë.

Por nëse misioni ka si qëllim që në një farë mënyre të rihapë bisedimet, atëhere ne nuk shohim që kjo të ketë shumë kuptim sepse gjatë 15 muajve, zoti Ahtisari ka shterruar të gjitha rrugët e imagjinueshme. Pra lidhur me këtë mision ne do të vendosim pasi të jenë paraqitur faktet në tryezë, tha ambasadori amerikan Frank Wisner.

Duke folur për rezervat e shprehura nga disa vende si Rumania lidhur me planin Ahtisari, zoti Wisner tha se gjithmonë ka një farë rreziku kur një shtet i ri është gati të dalë në skenën ndërkombëtare. Por, tha ai, Kosova është po aq e gatshme sa çdo vend tjetër i ri që doli në skenë gjatë kësaj epoke të turbullt. Të paktën deri në fund të viteve 80, tha zoti Wisner, Kosova kishte autonomi të gjerë dhe institucionet e saj ishin përgjegjëse për qeverisjen e përditëshme.

Gjithatu, gjatë 8 vjetëve të fundit, tha ai, Kombet e Bashkuara kanë filluar punën për rigjallërimin e këtyre institucioneve dhe zgjerimin e tyre dhe tani ka arritur përfundimin se përparimi i mëtejshëm në zhvillimin e plotë të institucioneve kombëtare nuk mund të realizohet nëse nuk është zgjidhur çështja e statusit, tha ambasadori Wisner. Ai tha se qendrimi i administratës amerikane në mbështetje të pavarësisë për Kosovën bazohet fuqimisht mbi linja dypartiake.

Zoti Wisner theksoi gjithashtu se pikpamjet sipas së cilave Kosova është një farë terreni për terror dhe fondamentalizëm janë mjaft të ekzagjeruara dhe jo të sakta.
http://www.voanews.com/albanian/images/Rosemary-150.jpgRozmari Dikarlo
Në Uashington, Zëvendës ndihmës Sekretarja amerikane e Shtetit Rozmari di Karlo tha se diskutimet për statusin e Kosovës në Këshillin e Sigurimit sapo kanë filluar dhe është herët të nxirren përfundime.

Ajo tha se kur Këshilli i Sigurimit analizon një çështje , kjo normalisht përfshin një seri diskutimesh dhe e shikon problemin nga shumë kondvështrime, shikohen raportet e mëparshme dhe bisedohet me palët siç u veprua edhe dje. E pyetur nëse një Kosovë e pavarur do të ishte në gjendje të funksiononte si shtet, zonja di Karlo tha se Kosova ka nevojë megjithatë për mbështetje ndërkombëtare.

Duke folur për planin e kryenegociatorit Ahtisari, zonja di Karlo i bëri thirrje Serbisë që t’i shikojë me shumë kujdes dispozitat e propozimit, klauzolat që mbrojnë objektet kulturore dhe fetare serbe, dispozitat që u japin serbëve të Kosovës autonomi të gjerë dhe që sigurojnë vazhimin e lidhjeve me Beogradin.

Këto dispozita, tha zonja Di Karlo dua përmirësonin jetën serbëve të Kosovës. Sepse kur Shtetet e Bashkuara flasin për qartësi të statusit, ato e kanë fjalën edhe për serbët e Kosovës. Zonja Di Karlo u bëri thirrje edhe shqiptarëve të Kosovës që t’i përqafojnë plotësisht propozimet e zotit Ahtisari. //rd//

Albanian eX|PerT

06-04-07, 22:16

"Demokraci" te perlyer me cenzuren e mirozirise komuniste, i thone kesaj shoko dardan!

Po na informoni se Ahtisaari mbeshtetet nga SHBA-ja, Britanija e madhe e Franca... okey lala,... po demaskoheni shume shpejte me vet fjalet e juaja, qe jane aq kontradiktore porse edhe humor steril!

Nuk i nevojitet mendimi i mijerave qytetareve si duket zotri Ahtisaarit... mbase me kete vet tregon se nuk eshte ai projekt per perspektiven e shqiptareve!

Arb

07-04-07, 03:51

Arb

07-04-07, 04:27

Kosova e lodhur nga zvarritjet

Prishtinë, 6 prill – Misioni faktmbledhës i Këshillit të Sigurimit, propozuar nga Rusia, për të ardhur në Kosovë dhe Serbi, nga pala kosovare konsiderohet si tentativë për ta zvarritur procesin e definimit të statusit të Kosovës.

Nga autoritetet politike në Kosovë, ky mision, vlerësohet si i panevojshëm dhe si marrje e kohës, pasi sipas tyre, ka pasur mjaft misione dhe atë nga vetë OKB-ja, raportet e të cilave siç thanë ata, janë vlerësuar pozitivisht.

Zëvendëskryeministri i Kosovës, Lutfi Haziri vlerëson se Kosova për këto tetë vite ka kaluar një milion misione faktmbledhëse dhe ka kaluar nëpër shumë procese, sfida dhe siç tha ai, ka qenë e ngarkuar me shumë agjenda për plotësimin e standardeve, në çdo lloj forme. Hairi shtoi se Kosova ka arritur t’i përmbush me afat dhe për këtë ka marrë vlerësime pozitive. “Edhe këtë vizitë në Kosovë, nuk e shoh si mision, në kuptimin që Kosova i ka pasur, por më shumë si vizitë, e cila do të dëshmon zhvillimet pozitive në Kosovë”, u shpreh Haziri.

Ardhja e këtij misioni, Haziri tha se ka qëllimin e një tendence të shtyrjes së procesit, por sipas tij, ka shumë fakte, argumente dhe angazhime, përkundër raportimit tremujor të rregullt të PSSP-së, përkundër raportimeve dhe miratimeve të këtyre raporteve nga KS i OKB-së.

Mst: Haziri: Kërkesa e Rusisë ka për qëllim marrjen e kohës
“Kërkesa e Rusisë për ardhjen e atij misioni, ka për qëllim marrjen e kohës në pjesën e përfundimit të statusit të Kosovës. Nuk besoj se do të jetë bindës, sa ka qenë misioni i Kai Aides, pastaj misioni i Ahtisait i cili e ka përfunduar me një rekomandim final”, tha Haziri.

Numri dy i Ekzekutivit në vend, u shpreh i bindur se ky mision, nuk do ta ndryshojë absolutisht planin e Ahtsairit. Procesi i Ahtisarit, ai tha se është një mandat nga Sekretari Gjeneral, i cili ka mbështetjen e tij pozitive pro propozimit. “Dokumenti është i përfunduar dhe krejt është çështje procedurale, se kur mund të miratohet një rezolutë për Kosovën, e cila bazë kryesore do ta ketë përfundimin e misionit të rezolutës 1244”, nënvizoi zëvendëskryeministri Haziri.

Për dallim nga Haziri, kryetari i PDK-së, Hashim Thaçi beson se çdo vizitë e ndërkombëtarëve në Kosovë do të jetë një avantazh për përshpejtimin e procesit dhe assesi për vonesë.

“Prishtina pajtohet me prezencën civile ndërkombëtare në Kosovë me prezencën e NATO-së në Kosovën e pavarur dhe sovrane”, tha Thaçi.
Ndërkohë, për ndërkombëtarët, ky mision, assesi nuk do të arsyetohet për shtyrje të procesit. Edhe për vetë Ahtisarin, ky mision nuk është i pranueshëm.

Nga administrata ndërkombëtare në Kosovë, nuk u komentua se cili do të jetë itinerari i këtij misioni, pasi sipas tyre, kjo mbetet të definohet nga KS i OKB-së.

Mst: Pierce: Nuk do të lejohen justifikime për shtyrje
Ndërkaq, nga KS-ja bëhet e ditur se ky mision nuk do të lejohet të përdoret si justifikim për shtyrje të procesit të statusit të Kosovës.
“Një shtyrje e vogël, nëse dikush ka një shqetësim të drejtë për pjesën teknike, që ka të bëjë p.sh me decentralizimin, ose mbrojtjen e objekteve fetare, pra një shtyrje e vogël disa javësh ose pak muaj, për ta zgjidhur këtë, është e menaxhueshme”, vlerësoi, zëvendësshefja e misionit të Britanisë së Madhe në OKB, Karen Pierce.

Sipas saj, dërgimi i një misioni të Këshillit të Sigurimit në Kosovë dhe Beograd, nuk do të lejohet të përdoret si justifikim për shtyrje të procesit të zgjidhjes së statusit. Çfarëdo shtyrje e zgjidhjes së statusit të Kosovës, Pierce porosit se është destabilizuese dhe nuk do të mund ta ndryshojë rezultatin përfundimtar.

“Presidenti Ahtisaari e bëri të qartë dhe një numër delegacionesh u pajtuan dhe ne ishim një nga to, se një shtyrje e pajustifikuar do të ishte e padobishme për stabilitetin rajonal. Prandaj unë u bëjë thirrje të fuqishme qytetarëve në Kosovë që të kenë durim dhe kushdo që frikëson me dhunë duhet ta kuptojë se është e padobishme dhe në këtë rrafsh Këshilli i Sigurimit dhe Grupi i Kontaktit nuk mund të bëhen pengje të deklaratave të tilla”, theksoi Pierce.

Ajo tërhoqi vërejtjen për rritjen e tensioneve në rajon gjë që sipas saj, nuk është e shëndetshme për vendet në Ballkan, por as për BE-në.

Mst: Të hënën e ardhshme, Ryker raporton në KS të OKB-së
Ende pa arritur misioni faktmbledhës në Kosovë, të hënën, në kuadër të raportimeve të rregullta tremujore, kryeadministratori Joakim Rykes do të raportojë në KS të OKB-së. Paraqitja e këtij raporti vlerësohet nga diplomatët në Nju Jork si fillim i diskutimeve serioze për Kosovën. Bashkë me Rykerin në Nju Jork do të udhëtojë edhe Kryeministri i Kosovës Agim Çeku.

Siç mësohet, vizita e misionit faktmbledhës në Kosovë, e delegacionit të anëtarëve të KS të OKB-së, pritet të bëhet në fund të muajit prill. Nga mediat e huaja, ky mision, është vlerësuar më tepër lëshim ndaj Rusisë sesa paralajmërim real të negociatave të reja. | Besnik RAMADANAJ

Arb

07-04-07, 04:29

Mesiq i shpreh mbështetje planit të Ahtusarit për statusin e Kosovës

Zagreb, 6 prill - Presidenti kroat Stipe Mesiq, në një takim me ndihmëssekretrin amerikan të Shtetit Daniel Frid, i ka shprehur mbështetje planit të Marti Ahtisarit për zgjidhjen e statusit të Kosovës. Gjatë takimit, duke diskutuar për gjendjen në rajon, para së gjithash në Bosnjë e Hercegovinë dhe Kosovë, Mesiq dhe Frid, janë dakorduar se është kyçe mbështetja ndërkombëtare për tërësinë territoriale të B e H dhe vazhdimin e punës në reformat kushtetuese.

Arb

07-04-07, 04:30

Pirs: S'do të ketë lëkundje nga mbështetja e planit të Ahtisaarit

Pragë, 6 prill - Kosova është rast special dhe ne nuk do t'i pranojmë përpjekjet e çfarëdo grupi që të përdorë Kosovën për të krijuar precedent, - tha zëvendësambasadorja e Britanisë së Madhe në Kombet e Bashkuara, Karen Pirs (Caren Piarce).

Duke shprehur optimizëm për negociatat ndërkombëtare, Pirs tha se shqetësimet e Rusisë janë duke u marrë parasysh, por shtoi se nuk do të ketë lëkundje nga mbështetja e planit të Martti Ahtisaarit.

Projekt rezolutën për Kosovën do ta kemi në javët e ardhshme, tha diplomatja britanike Pirs, për të shtuar se drafti do të vijë në Këshillin e Sigurimit brenda pak javësh.

"Ne presim që projekt rezoluta të vijë në Këshillin e Sigurimit brenda pak javësh, por nuk dua të japë data të sakta në këtë moment", tha zj.Pirs në një intervistë për Radion Evropa e Lirë.

Arb

07-04-07, 04:31

"Prese": Rusia dhe Serbia po luajnë në taktikën e shtyrjes së statusit të Kosovës

Vjenë, 6 prill - Gazeta vjeneze "Prese" vlerëson se Rusia dhe Serbia po luajnë në taktikën e shtyrjes së statusit të Kosovës.

Sipas gazetës, Rusia dëshiron që Këshilli i Sigurimit të KB të organizojë "një lloj ekskursioni në Kosovë" në mënyrë që ky forum t'i krijojë vetes tablon për gjendjen. Gazeta thekson se propozimi, i cili përputhet në sistemin e taktikës serbe dhe ruse të zvarritjes dhe tashmë po zbatohet me muaj, mund të miratohet.

Gazeta pohon se Serbia ende nuk heq dorë nga Kosova, dhe aktualisht ende sheh tri mundësi shpëtimi. Njëri është vetoja e Rusisë në Këshillin e Sigurimit, ndonëse ajo i shmanget deklarimeve të qarta, duke thënë se mbështet zgjidhjen e pranueshme për të dyja palët.

Shpresa e dytë e Beogradit është mungesa e shumicës në Këshillin e Sigurimit, duke u përpjekur që të bëjë për vete vendet e "vogla" anëtare të KS, shkruan "Prese".

Ndërkaq, shpresa e tretë për Beogradin është shpërthimi i dhunës në Kosovë. "Sa më shumë që zgjat zgjidhja, rreziku është më i madh nga shpërthimi i dhunës nga ana e shqiptarëve", pohon "Prese", dhe shton se kjo do t'i godiste serbët.

"Se a sjell pavarësia stabilitet, kjo është çështje e hapur. Shtyrja e zgjidhjes pa fund, ndërkaq padyshim është garant për kaos dhe destabilitet", nënvizon "Prese".

Arb

07-04-07, 16:02

Ahtisari:

Pavaresia e mbikqyrur per Kosoven eshte e vetmja alternative.

Arb

10-04-07, 10:12

Ekipi i Unitetit do të marrë pjesë në një konferencë ndërkombëtare në Nju Jork për 120 ditët e para për Kosovën

Prishtinë, 10 prill Ekipi i Uniteti të Kosovës, i udhëhequr nga Presidenti Fatmir Sejdiu, do të marrë pjesë në konferencën dyditore ndërkombëtare me temën: "Përgatitja e strategjisë për 120 ditët e para për Kosovën", e cila do të mbahet prej 12 14 prill në Nju Jork.

Debati do të fokusohet në detyrat e institucioneve të vendit në katërmujorin e parë pas aprovimit të rezolutës së re për Kosovën nga Këshilli i Sigurimit i OKB së. Kjo konferencë do të udhëhiqet nga Frenk Uizner dhe Volfgan Petriç.

Arb

11-04-07, 15:27

Sabri Hamiti u shpreh mirënjohje katër senatorëve amerikanë në mbështetje të pavarësisë së Kosovës

Prishtinë, 11 prill - Sabri Hamiti, kryetar i Komisionit për Politikë të Jashtme të Kuvendit të Kosovës, në një letër dërguar katër senatorëve amerikanë - Xho Liberman, Xhozef Bajden, Xhon Mekejn dhe Gordon Smith - u shpreh mirënjohjen dhe vlerësimin e Komisionit që drejton, për nismën e tyre që Senati të miratojë rezolutë (S.RES.135) që kërkon mbështetje të SHBA ve për pavarësinë e Kosovës.

Në këtë letër më tej thuhet: "Pavrësia për Kosovën është zgjidhja e vetme e drejtë dhe e qëndrueshme, që do të jetë në shërbim të gjithë popullit të Kosovës. Shfrytëzoj rastin që t'ju shpreh vlerësimin tonë të thellë për mbështetjen tuaj të vazhdueshme, e cila vazhdon edhe tani, për kauzën e drejtë të popullit të Kosovës për liri, demokraci dhe pavarësi.

Populli i Kosovës njeh dhe do të nderojë përgjithmonë sakrificat që ka bërë populli i Shteteve të Bashkuara për Kosovën, duke i dalë popullit tonë në ndihmë kur ka qenë nevoja që nga vitet e nëntëdhjeta.

Të nderuar senatorë - zoti Lieberman, zoti Biden, zoti McCain, dhe zoti Smith - ju lutem pranoni edhe një herë shprehjen e respektit dhe konsideratës tonë më të lartë", thuhet në letrën e Dr. Sabri Hamitit, kryetar i Komisionit për Politikë të Jashtme i Kuvendit të Kosovës.

QIK-u

Arb

17-04-07, 16:32

Senati amerikan sot pritet të diskutojë propozim rezolutën e 4 senatorëve për

Uashington, 17 prill - Senati amerikan sot pritet të diskutojë propozim rezolutën e 4 senatorëve - Xhozef Liberman, Xhozef Bajden, Xhon Mekkejn dhe Gordon Smit - për pavarësinë e Kosovës.

Teksti i rezolutës përkrah rekomandimin e Marti Ahtisarit për statusin politik të Kosovës si shtet i pavarur me mbikëqyrje ndërkombëtare dhe kërkon shtimin e trysnisë së administratës amerikane ndaj Këshillit të Sigurimit për miratimin sa më të shpejtë të rezolutës së re për Kosovën si shtet i pavarur pa ndërim të kufinjëve.

Poashtu me rezolutën e propozuar nga katër senatorët nga administrata e Ushingtonit kërkohet që menjëherë pas miratimit të rezolutës së re nga Këshilli i Sigurimit, Shtetet e Bashkuara të Amerikës të vendosin marëdhënie diplomatike me Kosovën duke kërkuar në të njetën kohë nga Prishtina qasje serioze në plotësimin e standardeve demokratike dhe të krijimin e kushteve për sigurinë e komunitetet serb në Kosovë.

Arb

26-04-07, 02:20

Departamenti i Shtetit rithekson qëndrimin për Kosovën http://www.24-ore.com/brenda_s/0.gif
VOA
Zëdhënësi i Departamentit amerikan të Shtetit Shon Mekormak ritheksoi dje qëndrimin e qeverisë amerikane për zgjidhjen e çështjes së Kosovës.

“Është mendimi ynë dhe i të tjerëve në Këshillin e Sigurimit dhe në Grupin e Kontaktit se gjendja e tanishme nuk mund të vazhdojë më gjatë dhe duhet gjetur një zgjidhje.”

Zëdhënësi Mekormak tha se Shtetet e Bashkuara janë të ndërgjegjshme për shqetësimet që ka ngritur Rusia duke shtuar se misioni faktmbledhës në Kosovë u organizua pikërisht për këtë qëllim.

“Qeveria ruse ka shprehur rezerva të thella ndaj planit Ahtisari dhe të gjithë e dimë këtë. Ata na i kanë shprehur ne këto rezerva privatisht dhe sigurisht, që i kanë bërë të qarta edhe në publik. Dhe ne, ashtu sikurse anëtarë të tjerë në Këshillin e Sigurimit po përpiqemi t’i marrim parasysh shqetësimet e tyre”.

Zëdhënësi shtoi se Sekretarja e Shtetit Kondoliza Rice do të këtë rast të bisedojë me homologun rus Sergei Lavrov gjatë takimit në Norvegji si dhe kur të vizitojë Moskën në mesin e muajit maj, në kuadrin e turneut të saj në Lindjen e Mesme.

Zëvendës ministri i Jashtëm rus Vladimir Titov tha dje se një zgjidhje e bazuar në planin e zotit Ahtisari nuk do të miratohet duke shtuar se kërcënimi i vetos duhet t’i nxisë palët të arrijnë një zgjidhje kompromisi.

Zëdhënësi McKormack, duke shprehur mendimin e qeverisë amerikane, tha se çështja e Kosovës ka marrë një rëndësi të veçantë tashmë prej kohësh. Kjo, tha ai, për shkak të natyrës specifike të politikës dhe historisë së Ballkanit.

"Statusi i Kosovës ka qenë historikisht i paqëndrueshëm, prandaj Këshilli i Sigurimit, zoti Ahtisari dhe ekipi i tij, si dhe Grupi i Kontaktit, po përpiqen të gjejnë rrugën drejt një zgjidhjeje politike të qëndrueshme për çështjen e Kosovës, që edhe pse nuk do t’i kënaqte të gjithë, do të ishte një zgjidhje e qëndrueshme.” - tha zëdhënësi Mekormack.

Arb

26-04-07, 02:22

NATO dëshiron që problemi i Kosovës të zgjidhet me një rezolutë të bazuar në planin e Ahtisarit
http://www.24-ore.com/brenda_s/0.gif L.M
Misioni i Këshillit të Sigurimit u takua sot në Bruksel me Sekretarin e Përgjithshëm të NATO-s Jap de Hop Skefer me të cilin biseduan për zgjidhjen e statusit të Kosovës dhe për rolin e Aleancës për sigurimin e kushteve në realizimin e statusit të ardhshëm. Zëdhënësi i NATO-s, Xhejms Apaturaj, vlerësoi se misioni është i rëndësishëm sepse "vjen në momentin e duhur".

Ai tha se kreu i NATO-s Skefer para ambasadorëve të KS vlerësoi situatën e sigurisë në Kosovë dhe shpjegoi sesi Aleanca do të ndihmojë procedurën politike të zgjidhjes së statusit të Kosovës.

"Ne në NATO, dëshirojmë që Këshilli i Sigurimit seriozisht të diskutojë për problemin e Kosovës për t'u arritur një rezolutë e cila do të bazohej në planin e Marti Ahtisarit dhe që procesi të ecë më tej përpara", tha Apaturaj.

Zëdhënësi theksoi se Sekretari i Përgjithshëm, Skefer dhe NATO dëshirojnë që sa më parë të shohin rezolutën e KB për Kosovën, duke nënvizuar se Aleanca mbështet planin e Ahtisarit.

Apaturaj paralajmëroi se situata në Kosovë do të jetë temë edhe e takimit të nesërm të ministrave të jashtëm të NATO-s dhe shefit të diplomacisë ruse Sergej Lavrov, duke shtuar se "në këtë moment nuk ka pajtueshmëri të NATO-s dhe Rusisë për planin e Ahtisarit".

Arb

26-04-07, 15:21

Plani i Ahtisarit për Kosovën tashmë ka 9 vota "pro" në Këshillin e Sigurimit

Londër, 26 prill - Anëtarët jo të përhershëm të Këshillit të Sugurimit kryesisht janë të gatshëm të mbështesin planin e Ahtisarit dhe tashmë 9 vende janë pro planit të tij, sa nevojitet për ta miratuar, me kusht që asnjë anëtar i përhershëm të mos vërë veto, thotë Uoren Hog, shef i korrespondeturës së "Nju Jork tajmsit " në selinë e KB.

Ai tha për BBC-në se ende nuk ka bërë ndonjë anketë me ambasadorët e vendeve jo të përhershme, por kur të kthehen pas vizitës në Kosovë do të pyeten se si do të votojnë.

"Mirëpo më duket se tashmë ka 9 vota 'pro'. Kombet e Bashkuara dëshirojnë të tërhiqen nga Kosova, pothuajse asnjë vend nuk dëshiron të mbetet atje dhe ky është një nga faktorët që i detyron që të përpiqen ta zgjidhin sa më parë".

Në lidhje me qëndrimin e Rusisë për të cilën thuhet se vështirë mund ta përkrahë planin e Ahtisarit, Hog kosideron se edhe amerikanët edhe BE do t'i bëjnë një rezistencë të madhe çdo ideje për hapjen e negociatava për statusin e ardhshëm të Kosovës.

"Ndoshta do të jenë të gatshëm të bisedojnë me formulime të ndryshme gjuhësore në tekstin përfundimtar të propozimit të rezolutës, ashtu që, bie fjala, të mos jetë fjala pavarësi, ose që zbatimi i zgjidhjes finale të shtyhet. Për momentin nuk është e qartë sesa rusët në atë rast do të jenë të gatshëm të lëshojnë pe.

Jam i vetëdijshëm se retorika ruse për këtë çështje është shumë e ashpër, por në këto lojëra diplomatike, në fillim është gjithmonë kështu", thotë shefi i korrespondeturës së "Nju Jork tajmmsit në selinë e KB.

QIK-u

Arb

04-05-07, 15:12

Pavarësia e mbikëqyrur zgjidhja e vetme për Kosovën, tha Ahtisari në Londër

Londër, 4 maj - Kryenegociatori për statusin e Kosovës, Marti Ahtisari tha se plani i tij për pavarësi të mbikëqyrur për Kosovën është rruga e vetme përpara dhe u shpreh i bindur se kundërshtimi i fuqishëm i Rusisë mund të tejkalohet. "Kjo është zgjidhja e vetme nëse duam që të zgjidhim problemin e Kosovës", ka thënë Ahtisari, i cili në Londër mori pjesë në tryezën e rrumbullakët "Kosova dje, sot dhe nesër". "Eshtë shumë e vështirë të mendoj se Rusia e sotme dëshiron t'i dërgojë botës mesazhin, duke kundërshtuar zbatimin e planit në Këshillin e Sigurimit se cilido diktator si Sllobodan Millosheviqi, mund të sillet ashtu si dëshiron me qytetarët e tij, duke u fshehur pas sovranitetit", ka thënë Ahtisari, duke shtuar se propozimi i tij ndoshta garanton mbrojtjen më të mirë në botë për pakicat. Ai tha se NATO ja do të vendosë vetë kohën e qëndrimit në Kosovë. "Nuk mendoj se ndërkombëtarët do të largohen brenda dy vitesh. Do të thoja se ata ata do të qëndrojnë në Kosovë të paktën pesë vite, por kjo nuk është vendosur askund", ka thënë Ahtisari. Ai është takuar edhe me Ministrin britanik për Evropën Xhefri Hun.

Arb

04-05-07, 15:13

Kosova do ta fitojë pavarësinë e saj, ka thënë ish komandanti i KFOR it Xhuzepe Valoto

Tiranë, 4 maj - Kosova do ta fitojë pavarësinë e saj, ka thënë në Tiranë ish komandanti i KFOR it Xhuzepe Valoto. Ai i bëri këto komente gjatë një konference të zhvilluar në Minitrinë e Jashtme, organizuar nga Instituti për Studime Ndërkombëtare.

Gjenerali italian, Valoto vlerësoi pjekurinë e klasës politike në Kosovë, sidomos në ditët e humbjes së Presidentit Ibrahim Rugova. "Zhvillimet në këtë zonë nuk mund të jenë jashtë interesave të vendit tonë. Më shumë se sa kosovarët për gjendjen në Kosovë shqetësoheshin ndërkombëtarët.

Mu për këtë unë vlerësoj pjekurinë e klasës politike në Kosovë, e cila shmangu çdo kaos në Kosovë. Do të ishte ideale që Kosova ta fitonte pavarësinë në të njejtën mënyrë siç e fitoi edhe Mali i Zi dhe Serbia tani më duhet të bindet dhe të pranojë se Kosova e meriton të jetë një shtet i pavarur", ka thënë Valoto.

QIK-u

Arb

11-05-07, 19:21

SHBA-të janë përkrahëse të fuqishme të pavarësisë së Kosovës, tha thënë Bërns në takim me Çekun

Zagreb, 11 maj
Presim që në fund të muajit të miratojmë rezolutën për pavarësinë e Kosovës. Kështu është shprehur në Zagreb Nënsekretari amerikan i Shtetit, Nikolas Bërns pas takimit me Kryeministrin e Kosovës, Agim Çeku. "Gjërat në Nju Jork po shkojnë shumë mirë dhe presim që në fund të muajit të miratojmë rezolutën për pavarësinë e Kosovës", ka thënë Bërns.

Ai ka nënvizuar se Shtetet e Bashkuara të Amerikës janë përkrahëse të fuqishme të pavarësisë së Kosovës. "Së shpejti bashkë me vendet evropiane do të paraqesim rezolutën për Kosovën. Pres që në Këshillin e Sigurimit të OKB së të ketë debate të ashpra për këtë rezolutë, mirëpo rezultati i tyre është i qartë pavarësi për Kosovën.

Besoj se gjatë votimeve në Nju Jork në fund të këtij muaji të gjithë do të përkrahin një shtet tejet të pavarur. Besoj shumë në këtë rezultat, pasi që shumica e shteteve në Këshillin e Sigurimit përkrahin pavarësinë e Kosovës", ka thënë Bërns.

Ndërkaq, Kryeministri Agim Çeku ka shfaqur besimin se koha për pavarësinë e Kosovës tashmë ka ardhur. "Unë mendoj se kemi një plan të mirë në tavolinë, në të cilin janë përfshirë të gjitha elementet për miratimin e shpejt të rezolutës, ndërsa njerëzit në Kosovë janë të entuziazmuar për këtë gjë", ka thënë Çeku. Ai ka theksuar se tani është një kohë historike për Kosovën pasi që vendi përfundimisht do të jetë i barabartë me të gjitha shtetet tjera të pavarura dhe do të integrohet në të gjitha strukturat evropiane dhe botërore.

Takimi Bërns Çeku është mbajtur në kuadër të takimit përgatitor për Samitin e sotëm të vendeve anëtare të procesit për bashkëpunim në Evropën Juglindore, i cili mbahet në Zagreb.

Arb

12-05-07, 16:28

Beteja e re e Kosovës

“The Economist”

Në kafenetë e Prishtinës, shumica flasin se kush më së miri do ta kremtojë pavarësinë e vendit, të cilën liderët e Kosovës e kanë premtuar për javët që vijnë. Por nëse rezoluta për statusin e Kosovës shtyhet përsëri, atëherë zemërimi i kosovarëve mund të ndjehet shumë shpejt.
Këtë javë në Këshillin e Sigurimit kanë qarkulluar dy propozime të kundërta të rezolutës së re për Kosovën.

Shumica e vendeve, përfshirë amerikanët dhe të gjitha vendet e Bashkimit Evropian, e favorizojnë planin e hartuar nga i dërguari i posaçëm i KB, Martti Ahtisaari, i cili parasheh një shtet me pavarësi të kushtëzuar. Por diplomatët rusë janë vendosmërisht kundër. Ata kanë lëshuar në qarkullim një draft të kundërt me këtë dhe i janë afruar vetos, ndonëse nuk kanë premtuar se do ta përdorin veton ndaj rezolutës që mbështet planin e Ahtisaarit.

Një diplomat amerikan është kundërpërgjigjur se nëse Rusia e bllokon rezolutën që mbështet planin e Ahtisaarit, Kosova duhet të shpallë pavarësinë dhe Amerika do ta njohë atë.

Deri tash, me shpresë se Rusia do të ndryshojë qëndrimet, diplomatët perëndimorë kanë insistuar se nuk ka plan B. Diplomatët amerikanë madje e kanë kundërshtuar ashpër edhe propozimin e Rusisë të quajtur "Ahtisaari minus statusi", sipas të cilit, Moska do të pranonte shumicën e planit Ahtisaari, ndërsa statusi do të mbetej të shqyrtohet pas një viti. Por diplomatët amerikanë pohojnë se statusi i Kosovës tash duhet të zgjidhet.

Çka nëse Kombet e Bashkuara dështojnë në miratimin e pavarësisë së Kosovës? Atëherë supozohet se Kuvendi i Kosovës, të cilin shumica e serbëve e bojkotojnë, do të shpallë njëanshëm pavarësinë, duke lënë Amerikën dhe të tjerët që ta njohin shtetin e ri.

Por liderët e Kosovës thonë se asgjë nuk do të bëjnë pa u thënë Amerika. Nëse Kuvendi do të shpallte pavarësinë pa rezolutë të re të Kombeve të Bashkuara, atëherë përfaqësuesi special i Kombeve të Bashkuara në Prishtinë, legalisht do të ishte i detyruar që ta anulojë vendimin, duke ua vështirësuar vendeve tjera njohjen e Kosovës. Misioni i UNMIK-ut i ka pyetur avokatët në Nju Jork se çfarë duhet të bëjë, dhe ende po e pret përgjigjen.

Muaji maj mund të jetë vendimtar. Nëse rezoluta nuk miratohet në javët që vijnë, atëherë çështja mund të shtyhet për në vjeshtë. Përfaqësuesi i serbëve në pjesën veriore të Kosovës, Marko Jakshiç, është optimist për këtë, dhe shpreson se nuk do të ketë rezolutë të re falë Rusisë, mikut të Serbisë, që po rigjallërohet.

Madje edhe nëse do të ketë një rezolutë, ai thotë se pjesa veriore e Kosovës nuk do ta përfillë shpalljen e pavarësisë.

Ndërkohë në Beograd, kryetari i sapozgjedhur i parlamentit, ultranacionalisti Tomisllav Nikoliç, tha se është për të ardhur keq që Serbia nuk është një krahinë e Rusisë. Nëse deri më 15 maj nuk formohet qeveria e re, atëherë në Serbi duhet të mbahen zgjedhje të reja, nga të cilat pritet të përfitojnë radikalët.

Mjerisht, kundërshtimet në shumë vende të Bashkimit Evropian për zgjerimin e unionit, e kanë reduktuar levën e Brukselit kundër ringjalljes nacionaliste në Ballkan.

IP

Arb

12-05-07, 16:29

Nicolas Burns i quan radikalët serbë - parti e kriminelëve

Zagreb, 11 maj- Shtetet e Bashkuara fuqishëm mbështesin pavarësinë e Kosovës, tha sot nënsekretari amerikan i Shtetit, Nicolas Burns, pas takimit me kryeministrin kroat Ivo Sanader. Burns tha se Amerika dëshiron të mbetet mike me Serbinë, por ka shprehur zhgënjimin e SHBA-ve me zgjedhjen e Nikoliçit për kryetar të kuvendit, duke i quajtur radikalët serbë parti të kriminelëve.

“Sot në Këshillin e Sigurimit aleatëve tanë evropianë do t’ua prezantojmë rezolutën, për të cilën besojmë se do të sjellë deri te pavarësia e Kosovës”, tha Burns.

Duke theksuar se Amerika dëshiron të mbetet mike me Serbinë, por pa radikalët në qeveri e parlament, Burns tha se Shtetet e Bashkuara janë të zhgënjyera me zgjedhjen e Tomisllav Nikoliçit kryetar të Kuvendit të Serbisë.

“Ajo është një parti e kriminelëve”, tha Burns.

Lidhur me gjendjen në Serbi, kryeministri Sanader ka shfaqur shpresën se forcat e atjeshme demokratike do të bashkohen dhe ka porositur se Kroacia bashkë me Unionin Evropian dhe SHBA-të do të punojë që ky rajon “pas 17 vite trazira e luftëra, ta gjejë rrugën e vet drejt prosperitetit dhe ardhmërisë”.

Pas takimit me kryeministrin Sanader, Burns ka vërtetuar se Kroacia ka mbështetjen e fuqishme amerikane për anëtarësim në NATO, duke theksuar se “këtë obligim e pati marrë mbi vete presidenti Bush në Zyrën Ovale në shtatorin e vitit të kaluar”.

Nënsekretari amerikan për çështje politike, Nicolas Burns, në Zagreb po merr pjesë në samitin e SEECP-së dhe në margjinat e këtij takimi, paralajmërohet edhe takimi i tij me presidentin Mesiç.

Arb

17-05-07, 19:01

Uashingtoni beson se fuqishëm se plani i Ahtisarit për pavarësinë e mbikëqyrur të Kosovës është i mirë, tha Kejsi

Uashington, 17 maj - "Ne besojmë fuqishëm se plani i Marti Ahtisarit për pavarësinë e mbikëqyrur të Kosovës është plan i mirë. Kjo është ajo që Këshilli i Sigurimit tash e diskuton në Nju Jork dhe të cilin ne duam ta shtyjmë përpara", është shprehur zëdhënësi i Departamentit të Shtetit, Tom Kejsi. I pyetur të komentojë deklaratën e Sekretares amerikane të Shtetit se Kosova kurrë më nuk do të jetë pjesë e Serbisë, Kejsi tha se zonja Rajs e ka thënë atë që është qëndrim i politikës amerikane. "Sigurisht ne i kuptojmë dhe i kemi regjistruar shqetësimet që rusët kanë mbi këtë çështje. Por ne besojmë se mundemi dhe duhet të vazhdojmë të punojmë me ta, sepse është e rëndësishme që të ketë mbështetje të gjerë ndërkombëtare për rezolutën mbi Kosovën", ka thënë Kejsi.

Arb

17-05-07, 19:03

Rezoluta e re për Kosovën mund të miratohet deri me 21 qershor

Prishtinë, 16 maj- Shefi i UNMIK-ut, Joackim Ruecker, tha në Gjakovë, se mbi 50 për qind ekzistojnë shanset për miratimi e rezolutës së re në KS të OKB-së që çon në pavarësinë e mbikëqyrur të Kosovës. Ai tha se rezoluta mund të miratohet deri më 21 qershor dhe sa më shpejt që është e mundur duhet të aprovohen 18 ligje nga ana e Kuvendit të Kosovës.
“Ju keni nevojë për kushtetutë, Ligjin zgjedhor dhe simbolet shtetërore. Kjo mund të arrihet me një angazhim të madh, në mënyrë që pas katër muajsh UNMIK-u të shkojë dhe kështu të jemi të lumtur bashkë me ju”, tha Ruecker.

Arb

18-05-07, 18:35

Frid: Serbia kurrë më nuk do ta qeverisë Kosovën

Londër, 18 maj - "Serbia kurrë më nuk do ta qeverisë Kosovën. Pyetja që shtrohet është - se a duhet kosovarëve t'u lejohet të qeverisin vetë me Kosovën? Më duket se edhe këtë duhet ta bëjmë, por një kohë duhet të punojnë nën mbikqyrje ndërkombëtare, me qëllim që serbëve të Kosovës t'u ndihmohet që vetes t'i sigurojnë të ardhmen", ka deklaruar në një intervistë për BBC-në Daniel Frid, ndihmëssekretar amerikan i Shtetit. Frid i ka hedhur poshtë spekulimet e disa qarqeve në Begrad se çështja e sistemit mbrojtës raketor është e lidhur me Kosovën, duke thënë se këto janë "gjepura".

Arb

18-05-07, 18:54

Ish diplomatë të SHBA-ve kritikojnë evropianët rreth Kosovës http://rtklive.com/img/cnt/news/morton_abramowitz-170X130.gif ”Në vend që t’i thuhet Serbisë se kusht i domosdoshëm i anëtarësimit të saj në Bashkimin Evropian është pavarësia e Kosovës, liderët evropianë, si Javier Solana, lëvdërojnë Koshtunicën si një lider i madh i demokrat”, ka thënë ish diplomati amerikan Morton Abramowitz.

New York, 18 maj. “Ju garantoj se në fund të procesit të gjithë atyre që janë të interesuar në çështjen e Kosovës nuk do t’iu plotësohen dëshirat, mirëpo kjo është natyra e diplomacisë multilaterale. Ajo që po kërkojmë ne është të arrihet zgjidhja më e mirë dhe ne besojmë se është një që i ngjan planit të z. Ahtisaari”, tha dje zëdhënësi i Departamentit të Shtetit, Sean McCormack.

Ishte kjo një nga përgjigjet tashmë rutinore të zëdhënësit të diplomacisë amerikane i ndeshur me pyetjet rreth qëndrimit të Washingtonit për Kosovën dhe rezolutën që pritet të miratohet në organizatën botërore.

McCormack tha se priste shumë diskutime intensive gjatë javëve të ardhshme, kur do të shihet se çfarë hapash do të marrë Këshilli i Sigurimit dhe çfarë forme dhe përmbajtje do të ketë rezoluta.

“Ne besojmë se ajo duhet të reflektojë planin e Ahtisaarit, që është një plan në interesin afatgjatë të rajonit, në interesin e popullit të Serbisë dhe në interes të popullit të Kosovës, tha McCormack.

Zyrtarët amerikanë, pas vizitës së Sekretares së Shtetit, Condoleezza Rice në Moskë, vazhdojnë të flasin për nevojën sa më parë të miratimit të rezolutës, mirëpo duket se nuk janë të prerë në afate, siç ishin ditë më parë kur kishin përcaktuar majin si afatin më realist, sepse gjatë këtij muaji Amerika edhe kryeson presidencën e Këshillit të Sigurimit. Pas takimit të nivelit të lartë në Moskë duket se palët nuk lëshuan pe në qëndrimet e tyre rreth pavarësisë së Kosovës dhe vendosjes së raketave amerikane në vendet e ish bllokut socialist.

Zëdhënësi McCormack gjithsesi ka insistuar se është në interesin e të gjithëve që çështja e Kosovës të zgjidhet.

“Është një çështje që qëndron pezull tash tetë vjet dhe është koha të zgjidhet”, tha McCormack.

Dhe për dallim nga zyrtarët aktualë që i shmangen kritikave ndaj disa vendeve të Bashkësisë Evropiane, ish diplomatë amerikan janë më të drejtpërdrejt duke i emëruar ata si shkaktarë të ngecjes dhe vonesës së procesit.

Ish ambasadori Morton Abramowitz, në një shkrim të tij rreth Kosovës, thotë se ndonëse vendet evropiane në mënyrë kolektive i janë bashkuar Amerikës në mbështetje të planit Ahtisaari, individualisht ato kanë shfaqur skepticizëm lidhur me pavarësinë dhe në këtë kuadër përmend Spanjën, Greqinë, Italinë, Qipron, Rumaninë, Sllovakinë dhe çuditërisht Austrinë.

Kjo vërtetë ngrit një çështje shumë serioze rreth vendosmërisë së Bashkimit Evropian. Sepse, vazhdon Abramowitz, në vend që t’i thuhet Serbisë se kusht i domosdoshëm i anëtarësimit të saj në Bashkimin Evropian është pavarësia e Kosovës, liderët evropianë, si Javier Solana, lavdërojnë Koshtunicën si një lider i madh i demokrat.

S. Gashi, RTK

Arb

18-05-07, 18:57

Mediat gjermane:SHBA-të mbështesin fuqishëm pavarësinë e Kosovës "Shtetet e Bashkuara të Amerikës e mbështesin fuqishëm pavarësinë e Kosovës. Së bashku me partnerët evropianë është përgatitur një rezolutë, e cila po qarkullon në Këshillin e Sigurimit dhe për të cilën pritet se deri në fund të këtij muaji, do të qoj tek pavarësia e Kosovës". Qëndrimi amerikan, i shprehur prej ndihmës sekretarit Nikollas Bërns, është shumë i qartë. Me fjalë të ngjashme këto ditë u shpreh edhe sekretarja amerikane e shtetit Kondoleza Rajs, e cila tha se Kosova do të jetë vend i pavarur dhe nuk do të kthehet nën pushtetin e Serbisë, njoftojnë mediat gjermane.

Arb

24-05-07, 17:54

0'Saliven: Rusia mund të përdorë veton, por pa efekt afatgjatë

Pragë, 24 maj - Rusia mund të përdorë veton, por ajo nuk do të ketë efekt afatgjatë, sepse Rusia nuk ka ndikim real në Kosovë, ndërsa tentimi për t'u prezantuar si mbrojtës i serbëve, është një armë e zbrazët, - thotë Xhon 0'Saliven, ekspert nga instituti "Hadson" (Hudson).

Është fakt, tha ai, se kosovarët duan pavarësi, të cilin fakt evropianët e kanë pranuar me "shumë hezitime dhe këtë në fund do ta pranojë edhe Rusia", deklaroi 0'Saliven për Radion Evropa e Lirë, duke shtuar se Rusia ishte kërcënuar me veto edhe në rastin e intervenimit ushtarak të NATO s, kurse ndërhyrja ishte bërë pa miratimin e Kombeve të Bashkuara.

Duke folur për fjalorin e Presidentit rus dhe retorikën e ashpër të Moskës, 0'Saliven e vlerësoi Putinin si njeri të shkollës së vjetër sovjetike, i cili përdor retorikën e vjetër që të jetë në qendër të vëmendjes dhe ka të bëjë mes synimin e tij për të rivënë rolin komandues në raport me disa vende të ish-Bashkimit Sovjetik. Në shumë aspekte, thotë ky ekspert amerikan, Putin "është duke keqësuar raportet me Perendimin".

Arb

24-05-07, 17:55

Biankini: Eshtë pak e besueshme që Rusia të vërë veto

Pragë, 24 maj - Asnjë analist serioz i zhvillimeve në Ballkan nuk mund të thotë me siguri të qindpërqindtë nëse Këshilli i Sigurimit të KB deri në fund të këtij muaji do të miratojë rezolutën e cila do të përcaktonte statusin përfundimtar të Kosovës, apo do të ndodhë një shtyrje e caktuar. Hapësirë për marrëveshje të fuqive të mëdha ka, dhe është pak e besueshme që Rusia do të vërë veto, - konsideron Dr. Stefano Biankini, profesor i politikës eurolindore dhe të historisë në Universitetin e Bolonjës. "Mendoj se praktikisht sot është e pamundur t'i bindësh shqiptarët në Kosovë që të pranojnë madje edhe autoniminë më të gjerë brebnda Serbisë. Por, deri në ç'masë pavarësia e Kosovës do të shkaktojë reagimin emotiv të njerëzve në Serbi, nuk e di", tha Biankini për Radion Evropa e Lirë. Ai shtoi se Kosova nuk është edhe gjëja më e rëndësishme për populin serb sot, ndoshta është për disa rryma politike, thotë Biankini.

Arb

24-05-07, 17:56

Bush e Skefer të një mendimi që Rezoluta për Kosovën të miratohet sa më shpejt

Bruksel, 24 maj - Presidenti i SHBA-ve Xhorxh Bush dhe sekretari i përgjithshëm i NATO s Jap de Hop Skefer janë të një mendimi të plotë që Rezoluta për Kosovën duhet të miratohet sa më shpejt që është e mundur, dhe si mbështetje duhet të jetë pakoja e Ahtisarit, ka deklaruar zëdhënësi i NAT0-s, Xhems Apaturai.

Tani që procesi është bartur në Nju Jork, tha ai, i takon Këshillit të Sigurimit të vendosë për statusin e Kosovës, ndërsa Shtetet e Bashkuara të Amerikës, tashmë kanë parasysh metodat se si të ecin përpara me këtë proces.

Ndërkohë NATO vazhdon me përgatitjet për rolin e saj pas statusit në Kosovë si dhe vazhdon bashkëpunimin me Bashkimin Evropian në këtë drejtim, pavarësisht nga rezervat që i ka Turqia, si shtet anëtar.

Pëgatitjet teknike kanë përfunduar. Në Kosovën e passtatusit, do të jenë ushtarët e NATO s dhe policët e Bashkimit Evropian, ndërsa bashkëpunimi në mes tyre nuk do rrezikohet në asnjë mënyrë, theksoi Apaturai.

Arb

28-05-07, 18:23

Pas ShBA-ve dhe BE-së, Maqedonia do ta njohë pavarësinë e Kosovës

Shkup, 27maj- Presidenti i Maqedonisë, Branko Cërvenkovski, deklaroi se, nëse në KS i KB-ve nuk miratohet rezoluta për Kosovën dhe nëse SHBA-të dhe BE-ja e pranojnë njëanshëm pavarësinë e Kosovës, atëherë Maqedonia, si vend kandidat për pranim në NATO dhe në BE, "do të jetë pjesë e këtij procesi".
Në intervistën për radion “Evropa e lirë”, ai thotë se, megjithatë, zgjidhja më e mirë do të ishte nëse KS-ja do ta miratonte rezolutën për Kosovën. Lidhur me kërcënimet se Beogradi, do t’i përkeqësojë marrëdhëniet me vendet që do ta njihnin pavarësinë e Kosovës, Cërvenkovski tha se kjo do të ishte e dëmshme për vetë Serbinë, pasi në atë mënyrë "ajo rrezikon izolim" dhe shtoi se "ky do të ishte problem i Serbisë e jo i Maqedonisë".

Arb

02-06-07, 06:27

Bush: Shqiptarët nuk duhet të jenë të shqetësuar për pozicionin tim për statusin e Kosovës

Presidenti amerikan Xhorxh Bush i ka kërkuar Rusisë që të zbusë shqetësimet e saj lidhur me programin e mburojes anti-rakete, si dhe për disa çeshtje të tjera, mes të cilave edhe ajo e Kosoves.

“Lufta e ftohte ka mbaruar. Tani jemi në shekullin XXI, ku duhet të përballemi me kërcënimet e vërteta të ekstremistëve dhe atë të pasurimit të uraniumit nga Irani”, ka pohuar Bush, i cili ka ngritur edhe çështjen e Kosovës.

“Është një çështje e vështirë, por plani i Ahtisarit është rruga e drejte për të ecur përpara dhe se shqiptarët e Kosovës nuk duhet të jenë te shqetësuar për pozicionin tim. Unë e kam bërë të qartë se mbështes planin e Ahtisarit dhe këto janë udhëzimet që i kam dhënë Sekretares së Shtetit Rais dhe që do t’u japim edhe Kombeve të Bashkuara. Ne shpresojmë të evitojmë një konflik të madh në rajon. Por besojmë se plani i Ahtisarit është rruga e duhur për të ecur përpara dhe për këtë ne po mundohemi ta bindim Këshillin e Sigurimit të Kombeve të Bashkuara që të mbështesin planin e Ahtisarit dhe po parashtrojmë shpjegimet tona sepse ky plan është i arsyeshëm dhe se ky plan do të vendoste paqen”, ka theksuar Bush.

IP

Arb

04-06-07, 18:18

Cilat janë tri datat e qershorit që mund të ndodhë votimi për Kosovën në Këshillin e Sigurimit

Prishtinë, 4 qershor - Gjatë muajit qershor tri janë afatet kohore kur mund të hidhet në votim draftrezouta për Kosovën. Duke iu referuar burimeve diplomatike perëndimore gazeta në numrin e sotëm "Zëri" shkruan se afati i parë dhe me gjasë më optimisti është ai i 6 qershorit, ndonëse kjo datë ngërthen rreziqe që kanë të bëjnë me reagimin e Moskës. Afati i dytë që përmendet në qarqet diplomatike është ai ndërmjet 11 e 13 qershorit, që do të thotë vetëm disa ditë pas takimit të G8 në Gjermani. Ndërkaq, afati i tretë, sipas gazetës, për votimin e draftrezolutës në Këshillin e Siguriit do të nisë më 25 qershor për të përfunduar më 29 qershor. Aafati i fundit lidhet me ditën e fundit të presidencës belge në Këshillin e Sigurimit dhe ditën e fundit të presidencën gjermane me Bashkimin e Evropian.

Arb

04-06-07, 18:32

Merkel: Dita e vendimit për Kosovën sa vjen e po afrohet

Hamburg, 4 qershor - Kancelarja gjermane Angela Merkel ka deklaruar se Kosova mund të jetë një nga temat kryesore në sferën e politikës së jashtme në Heiligendamm. "Duhet biseduar për të gjetur hapësirat e mundshme të veprimit", ka thënë Merkel për revistën "Shpigel", duke vënë në dukje se qendrimi i Rusisë është i kundërt jo vetëm me atë të Shteteve të Bashkuara të Amerikës, por edhe të Bashkimit Evropian. Kancelarja gjermane, e cila vazhdimisht më parë ka theksuar se Kosova do të jetë një nga provat kryesore të politikës së jashtme të Bashkimit Evropian është e interesuar që kjo çështje të zgjidhet sa më shpejt: "Unë besoj se duhet të nxitojmë e së shpejti të marrim një vendim". Merkel tha më tej se vendimi nuk duhet të merret medoemos në Heiligendamm, por shtoi: "Dita e vendimit sa vjen e po afrohet".

Arb

04-06-07, 18:32

Bler shpreson të arrihet një kompromis për Kosovën në Këshillin e Sigurimit

Berlin, 4 qershor - Kryeministri britanik Toni Bler shpreson se do të arrihet një kompromis për Kosovën në Këshillin e Sigurimit. "Është një diskutim që po e zhvillojmë shumë intensivisht me partnerët e Këshillit të Sigurimit dhe na duhet ta zgjidhim atë me një gradë konsensusi. Prandaj nuk dua të diskutoj që tani për mundësinë e vetos së (Rusisë), përsa kohë që kjo nuk ndodh e shpresoj se nuk do të vijë puna deri aty", tha Bler pak para takimit dypalësh me kancelaren gjermane Angela Merkel mbrëmë në Berlin.

Arb

04-06-07, 18:33

Arb

04-06-07, 18:35

Diplomatët paralajmërojnë se kah mesi i javës mund të hidhet në votim rezoluta për Kosovën

Uashington, 4 qershor Diplomatë të ndryshëm kanë paralajmëruar se kah mesi i kësaj jave Rezoluta për pavarësi të mbikëqyrur për Kosovën do të mund të hidhet për votim. Rusia vazhdon të kundërshtojë drafin e paraqitur nga SHBA të dhe shtetet evropiane edhe pas zbutjes së tekstit të saj. Ndërkohë analisti serb në Uashington Obrad Kesiq ka thënë se java e ardhshme do të jetë vendimtare për sqarimin e pozicionit amerikan, përkatësisht nëse Shtetet e Bashkuara të Amerikës do të vendosë ta vërë në votim rezolutën e re, ose do të ketë të tjera shtyrje. Sipas tij shumë gjëra do të varen nga takimi i Presidentit amerikan Xhorxh Bush me prsidentin rus Vladimir Putin në samitin e G8 që do të mbahet prej 6 8 qershor.

Arb

09-06-07, 02:26

Sarkozi thotë se liderët e G8 nuk janë dakorduar rreth një kompromisi për Kosovën

Hajligendam, 8 qershor - Presidenti i Francës Nikola Sarkozi tha se liderët e G8 ende nuk janë dakorduar rreth propozimit francez për një kompromis lidhur me të ardhmen e Kosovës. "Për momentin ende nuk është arritur përparimi i domosdoshëm", u tha Sarkozi gazetarëve pas takimit me Presidentin e SHBA, Xhorxh Bush. Sarkozi tha se këshilltarët e shefave të shteteve G 8 dhe drejtorët e ministrive të jashtme, mbrëmë deri vonë kanë diskutuar për Kosovën, por ende nuk kanë bërë ndonjë progres. Ai gjithashtu tha se Rusia mbrëmë nuk është dakorduar me propozimin. Sarkozy dje u kishte propozuar vendeve të G8 edhe 6 muaj të tjerë për të shqyrtuar statusin e Kosovës. "Propozimi im është që më së pari Presidenti rus Vladimir Putin do të duhej të pranonte se pavarësia e Kosovës është e pashmangshme", tha Sarkozi. Ndërkohë ka shtuar ai, "pas gjashtë muajsh ose Prishtina dhe Beogradi do të kenë gjetur një zgjidhje më të mirë, ose do të duhej të zbatohej ajo që është propozuar nga Ahtisari".

Arb

09-06-07, 02:30

Ekipi i Unitetit shqetësohet nga propozimi francez, kërkon përshpejtimin e pavarësimit

http://www.kosova.com/media/gunitetit_IMG_7766.jpgPrishtinë, 8 qershor Anëtarët e Ekipit të Unitetit, të prirë nga Presidenti Fatmir Sejdiu dhe disa shefa të zyreve diplomatike hodhën poshtë mundësinë e shtyrjes së statusit duke theksuar se e gjitha është vetëm një keqinterpretim.

Presidenti francez Nikolla Sarkozi, i propozoi dje G 8 ës, gjatë samitit që po mbahet në Gjermani, që zgjidhja për statusin e Kosovës mund të shtyhet për gjashtë muaj, nëse Presidenti rus Vladimir Putin, jep garancione se e pranon pavarësinë në përfundim të këtij afati.

Por, ky deklarim dhe pohimet nga media prestigjioze botërore se është arritur një pajtim i tillë nga vendet e G 8 ës, ka shkaktuar shqetësim serioz, i cili është pasuar me mbledhjen e jashtëzakonshme të Ekipit të Unitetit në prani të përfaqësuesve të disa zyreve ndërkombëtare dhe të shefit të UNMIK ut.

Anëtarët e Ekipit e kanë shprehur shqetësimin e tyre duke kërkuar reagimin edhe më të shpejtë të bashkësisë ndërkombëtare për miratimin e një rezolute për Kosovën duke iu përmbajtur pakos së Ahtisarit, në të kundërtën do të veprojnë vetë për shpalljen e pavarësisë.

Shtyrjen e mundshme të statusit e kanë paralajmëruar si kërcënim të legjitimitetit të udhëheqësve aktualë dhe të besimit ndaj bashkësisë ndërkombëtare.

Ata pohuan se në ditët në vijim do të shqyrtojnë mënyrën se si do të veprohet më tutje, duke e lënë të hapur mundësinë që në koordinimin me SHBA të dhe vendet e BE së ta bëjnë shpalljen e pavarësisë edhe pa rezolutë nga Këshilli i Sigurimit.

"Në bazë të informacioneve që kemi nuk është arritur ndonjë marrëveshje brenda G 8, që ka të bëjë me këtë materie dhe kjo rezulton nga informacionet e para që kemi. Ne shprehim qëndrimin tonë të qartë se jemi të interesuar dhe angazhohemi që të shkojë sa më shpejtë çështja e nxjerrjes së rezolutës për Kosovën në KS për mbështetje të propozimit të Ahtisarit", tha Presidenti Sejdiu.

Ai vuri në dukje se Kosova është gatshme ta fillojë jetën si një shtet i pavarur. "Për ne është me rëndësi kjo përgjigje dhe ne jemi të gatshëm që të startojmë si shtet edhe në kuptimin e mbështetjes së bashkësisë ndërkombëtare", tha Sejdiu.

Ndërsa, kryeministri Çeku tha se shtyrja e vendimit për statusin e Kosovës, do t'ia humbë legjitimitetin të zgjedhurve dhe po ashtu besimin në faktorin ndërkombëtar.

"Çdo shtyrje është rritje e frustrimeve dhe humbje e legjitimitetit edhe të lidershipit kosovar, por edhe humbje e besimit të faktorit ndërkombëtar. Çdo shtyrje është edhe e dëmshme edhe për qytetarët e Kosovës. Ne duhet të lëvizim dhe i bëjmë thirrje edhe faktorit ndërkombëtar për nxjerrjen e rezolutës së re nëse, jo ne do të shkojmë rrugës sonë", tha Çeku.

Por, ai tha se megjithëkëtë e kanë konfirmimin se procesi do të vazhdojë, "me dinamikën e paraparë dhe nuk do të ketë rënie të intensitetit të përpjekjeve diplomatike për nxjerrjen e shpejtë të një rezolute në OKB". http://www.kosova.com/media/france_gn_IMG_7754.jpg

Ndërkaq, Hashim Thaçi për herë të parë është shprehur i pasigurt, në raport me premtimet e dhëna kohë më parë se pavarësia do të njihej shumë shpejt. Ai tha se gjërat kanë shkuar në atë drejtim që nuk mund të sillen më me komoditet, pasi janë komplikuar dhe kjo është shqetësuese. "Ne e dimë se SHBA të dhe bashkësia evropiane mbështesin propozimin e Ahtisarit për pavarësi, prandaj ne ende nuk kemi qëndrim zyrtar nga G 8 për qëndrimin e tyre përfundimtar. Ne ftojmë Presidentin Bush, BE në, por edhe OKB në që të mos i bashkëngjiten ideve për shtyrje, por ta fuqizojnë qëndrimin e tyre në propozimin e Ahtisarit për nxjerrjen e rezolutës", tha Thaçi.

Ndërkaq, Veton Surroi, tha se është qëndrim i përbashkët se pavarësisht kërcënimit me veto, "kërkojmë nga shtetet sponsoruese që kjo rezolutë të vihet në rend të ditës në Këshillin e Sigurimit të Organizatës së Kombeve të Bashkuara". "Kosova nuk mund të mbetet peng i kërcënimit me veto e as i çështjeve që kanë të bëjnë me marrëdhëniet bilaterale ose marrëdhëniet mes shteteve të fuqishme. Ky është një rast sui generis që kërkon zgjidhjen e vet. Zgjidhja e çështjes së Kosovës është njëherësh pjesë e bashkimit të popujve të lirë të Evropës. Ata që janë sot kundër pavarësisë së Kosovës janë edhe në fakt kundërshtarë të bashkimit të popujve të lirë të Evropës", tha Surroi.

I pyetur nëse Kosova do ta shpall njëanshëm pavarësinë, tha se nuk ka shpallje bilaterale. "Çdo popull e shpall pavarësinë vetvetiu. Kosova e ka të drejtën të shpallë pavarësinë, këtë mund ta bëjë në një proces partneriteti dhe kjo është një e drejtë e rezervuar e qytetarëve të Kosovës, e këtij populli, përfaqësuese të së cilëve jemi ne", tha ai.

Shefi i Zyrës franceze në Prishtinë, Tieri Rejnhard, pas takimit më Ekipin e Unitetit tha se Presidenti francez Nikolas Sarkozi ka propozuar shtyrjen e statusit të Kosovës për një periudhë gjashtëmujore, si një mënyrë për të evituar përdorimin e të drejtës së vetos nga Rusia. Ai tha se deklarata e presidentit Sarkozi për shtyrjen e vendimit për status është keqinterpretuar nga mediat ndërkombëtare. Por, ai rikonfirmoi qëndrimin e Parisit se Franca mbështet pavarësinë e Kosovës, por se një gjë e tillë "tani për tani nuk mund të ndodhë në Këshillin e Sigurimit".

Rejnhard pohoi se ky propozim i presidentit Sarkozi, njëherit është edhe deklarimi i parë publik në mbështetje të pavarësisë së Kosovës. Rejnhard tha se ideja e Sarkozisë nuk ka gjetur mbështetjen e vendeve në samitin e G 8 ës, prandaj ende nuk është marrë asnjë vendim për shtyrjen e këtij vendimi.

Edhe shefi i Zyrës Britanike në Prishtinë, Dejvid Blant, nëpërmjet një deklarate për media, hodhi poshtë njoftimet se është arritur ndonjë marrëveshje për shtyrjen e statusit të Kosovës, në samitin e G 8. "Ka shumë spekulime në media rreth takimit të G 8 shit për Kosovën. Deri në këtë moment nuk ka asnjë marrëveshje lidhur me këtë çështje, duke përfshirë edhe spekulimet rreth shtyrjes të raportuar nëpër media", thotë Blant, derisa inkurajon të gjithë të ta presin përfundimin e Samitit. "Në ndërkohë aktiviteti i dendur diplomatik vazhdon në kryeqytetet kyç dhe në Nju Jork, duke përfshirë diskutimet rreth projekt rezolutës të bazuar në planin e presidentit Ahtisari", thotë Blant.

Të njëjtën gjë e ka konfirmuar edhe shefi i UNMIK ut, Joakim Ryker, pas takimit me Ekipin e Unitetit. "Sa i përket Kosovës, unë këtë mëngjes kam parë nëpër media disa shkrime, por unë them se nuk ka pas asnjë marrëveshje për shtyrje dhe në përgjithësi nuk ka marrëveshje për Kosovën", tha Ryker, duke shtuar se duhet pritur përfundimet që do të dalin sot pasdite nga samiti në Gjermani. Ai nuk pranoi ta komentojë propozimin e presidentit francez z.Sarkozi, për shtyrje të mundshme gashtëmujore të statusit të Kosovës.

"Unë do t'ju inkurajoja juve që ta shikoni shumë më kujdes se çfarë ai ka thënë, sepse ai ka thënë shumë për procesin. Unë mendoj se shumë nga deklaratat janë nxjerrë nga konteksti, prandaj ju kisha lutur të shikoni pikën kryesore, atë se nuk ka marrëveshje", tha ai duke paralajmëruar arritjen e një zgjidhjeje.

"Zgjidhja do të gjendet dhe qytetarët do të jenë të kënaqur më atë zgjidhje. Nuk ka marrëveshje dhe unë nuk dua të spekulojë për gjëra të tjera, nuk ka marrëveshje për shtyrje...", tha Ryker, duke e përsëritur disa herë këtë deklarim.

Zyra amerikane ishte e para që sot reagoi publikisht duke përgënjeshtuar lajmet në media për gjoja arritjen e një marrëveshje në samitin e G 8 ës, për shtyrjen e vendimit për statusin e Kosovës.

QIK-u

Arb

09-06-07, 02:31

Presidenti Bush në takimin me homologun e tij rus Putin kanë biseduar edhe për Kosovën

Uashington, 8 qershor Në konferencën për shtyp, transkriptin e të cilit e publikoi Shtëpia e Bardhë, Presidenti Bush në takimin me presidentin rus Vladimir Putin kishin biseduar për Kosovën dhe me atë ai kishte shfaqur shqetësimet e thella. "Por edhe ne i kemi shqetësimet tona rreth Kosovës", tha Presidenti amerikan. "Është një çështje për të cilën ne duhet të vazhdojmë të bisedojmë. Ne besojmë se duhet të lëvizim përpara planin e Ahtisarit në Kombet e Bashkuara, ndërsa Putin ka rezervat e tij", ka thënë Presidenti Bush. Në anën tjetër, Këshilltari për Siguri Kombëtare, Stiven Hadli ka thënë se edhe në takimin e Presidentit Bush me kancelaren gjermane, Angela Merkel, një pjesë e konsiderueshme e bisedës i është kushtuar Kosovës. Kryekëshilltari Hadli u ndal edhe njëherë në planin e Ahtisarit, për të cilin tha se është punuar mbi një vit dhe të cilin bashkësia ndërkombëtare mbështet si rrugë të ecjes përpara. Ai ka shtuar se propozimi ekzistues para Këshillit të Sigurimit të OKB së do ta shpie planin e Ahtisarit përpara, një plan ky që kërkon një pavarësi të mbikëqyrur për Kosovën, tha kryekëshilltari i Presidentit amerikan, duke shtuar se ekzistonte një koncensus mjaft i madh që ky plan ishte i vetmi i mundshëm për ecje përpara. "E dimë se Rusia ka rezervat e veta, për te edhe kemi një sërë bisedash që po vazhdojnë qoftë përmes ministrave të jashtme të dy vendeve ashtu edhe në Nju Jork rreth rezolutës që ndodhet para Këshillit të Sigurimt në mënyrë që të ngushtojmë këto dallime. Ky proces po vazhdon edhe në samitin e G8", tha Këshilltari amerikan për Siguri Kombëtare, Stiven Hadli.

Arb

23-06-07, 00:20

Engel: Qëndrimet e shqiptarëve dhe serbëve për Kosovën nuk do të ndryshojnë as pas 10 vjet negociatash

Uashington, 22 qershor - Në një takim në Uashington mes ligjvënësve amerikanë dhe rusë, kongresisti Eliot Engel Kosovën e vuri në krye të listës së çështjeve të pazgjidhura, duke thënë se pavarësia e Kosovës është opsioni i vetëm i mundshëm që duhet të arrihet nëpërmjet KB dhe planit të Ahtisarit. Engel tha se mbetja e protektoratit ndërkombëtar apo kthimi i Kosovës nën ingerencat e autoriteteve serbe nuk janë të realizueshme, posaçërisht ndritën e faktit se regjimi i Millosheviqit provoi të zbatojë në vitin 1999 spastrimin etnik të popullsisë shqiptare. Engel shprehu bindjen se qëndrimet e shqiptarëve dhe të serbëve për statusin e Kosovës nuk do të ndryshojnë as pas 10 vjet negociatash, andaj i bëri thirrje Rusisë që të ndihmojë që statusi i Kosovës të përcaktohet me rezolutë të Këshillit të Sigurimit.

Arb

18-07-07, 17:06

Bërns: SHBA ja e mban premtimin dhe do ta njohë pavarësinë e Kosovës

Londër, 18 korrik - Nënsekretari amerikan i Shtetit, Nikolas Bërns, ka deklaruar se "Kosova do të bëhet e pavarur brenda këtij viti, nëpërmjet OKB së apo ndonjë mekanizmi tjetër", duke shtuar se "Rusia nuk ka veto aktive në pavarësinë e Kosovës". Duke folur në emisionin e BBC-së "Hard Talk", Bërns ka theksuar se SHBA ja nuk do të lejojë që dikush të pengojë pavarësimin e Kosovës, sepse Amerika do ta mbajë premtimin ndaj popullit të Kosovës për njohjen e pavarësisë. "Shtetet që kanë interes vital në Kosovë janë shtetet e Evropës dhe SHBA ja, sepse Rusia nuk ka trupa në terren dhe nuk i ka pasur tash e disa vjet", ka thënë Bërns. Bërns thotë se po i vjen fundi diskutimeve në Këshillin e Sigurimit, ndërkohë që "SHBA ja ka shtyrë deri tash njohjen e pavarësisë së Kosovës, me qëllim të akomodimit të brengave të Rusisë". Por, ai ka vlerësuar se Moska nuk ka qenë pozitive dhe konstruktive. "Nëse vonojmë njohjen e pavarësisë, atëherë rrezikojmë stabilitetin në Kosovë, pra në një vend ku kemi trupat tona", ka thënë Bërns, dhe ka shtuar se Rusia nuk mund të ketë veto aktive në pavarësinë e Kosovës. Zyrtari i lartë amerikan ka nënvizuar se "SHBA ja do ta mbajë premtimin dhe detyrimin ndaj popullit të Kosovës dhe do ta njohë pavarësinë e Kosovës".

Arb

20-07-07, 22:08

Ambramovic: Ndarja e Kosovës është një katastrofë, kurse konferenca ndërkombëtare "shtyrje tjetër"

Pragë, 20 korrik - Anëtari i bordit të Grupit Ndërkombëtar të Krizave Marton Abramovic konsideron se ideja e ndarjes së Kosovës është një katastrofë dhe do të hapë "kutinë e të këqijave". "Mendoj se copëtimi është katastrofë dhe nuk duhet të jetë aspak në tryezën e bisedimeve. Copëtimi do krijojë një shtyerje të gjatë dhe do hapë kutinë e të këqijave. Megjithatë duhet gjetur një mënyrë që të përmbyllet ky problem", tha Abramovic për radion "Evropa e lirë". Duke marrë parasysh dallimet e Prishtinës dhe Beogradit dhe kundërshtimin e tyre ndaj copëtimit, ai shpreson që Perëndimi do ta shohë realitetin në sy dhe të pranojë pavarësinë e Kosovës. Ndërkaq, duke komentuar mundësinë e mbajtjes së një konference ndërkombëtare për Kosovën, ai tha se kjo ide atij i tingëllon si një "shtyrje tjetër", duke vlerësuar se "vonesat janë burim i paqartësive". "Ne e shtymë këtë problem për pesë vjet dhe kjo ishte shkatërruese, nuk mund ta bëjmë sërish një gjë të tillë. Perëndimi duhet të arrijë në një përfundim se çfarë janë të përgatitur të bëjnë me Kosovën. Nëse duan ta shtyjnë për të ardhmen këtë problem duke parë mundësinë e bisedimeve të tjera, kjo nuk është formulë që ndihmon stabilitetin e Ballkanit", theksoi Abramovic. Ai thotë se "duhet hequr qafe (rezolutën) 1244 për të hapur rrugën ligjore për njohjen e pavarësisë së Kosovës", sepse në kundërtën "Perëndimi duhet ta ndajë mendjen nëse dëshiron të ecë përpara pa u shfuqizuar 1244".

Arb

16-08-07, 22:07

Serbia akuzon SHBA-të se po përpiqen të krijojnë një shtet satelit në Kosovë

Beograd, 16 gusht - Ministri për Kosovën në Qeverinë e Serbisë, Slobodan Samarxhiq, u ka bërë thirrje Shteteve të Bashkuara të Amerikës që të heqin dorë nga, siç është shprehur, krijimi i një shteti satelit të NATO-s në Kosovë. "Tani, kur jemi para fillimit të bisedimeve të reja mbi statusin e Kosovës, është thelbësore që NATO-ja dhe Shtetet e Bashkuara të heqin dorë nga krijimi i një shteti satelit në Kosov", u ka thënë Samarxhiq agjensive serbe të lajmeve. Sipas tij, ky projekt nuk ka fare të bëjë me rimëkëmbjen ekonomike të Kosovës apo me pajtimin midis serbëve e shqiptarëve, kurse më së paku ka lidhje me të ardhmen evropiane të kësaj pjese të Evropës. Qëndrimit të Samarxhiqit i është bashkuar edhe kreu i Kishës Ortodokse Serbe në Kosovë, Peshkopi Artemije. Ai ka thënë se serbët nuk duhet të pajtohen me shkëputjen e Kosovës, pavarësisht prej çmimit. "Kosova nuk duhet të jepet për asnjë lloj çmimi, ndonëse për këtë do të na duhet t'i kalojmë 2 mijë vjet në izolim", ka thënë Artemije.

Arb

16-08-07, 22:08

Qeveria e Kosovës do të lobojë te vendet e BE-së për njohjen e pavarësisë

Prishtinë, 16 gusht - Qeveria e Kosovës do të pushtojë muajt e ardhshëm Bashkimin Evropian, në një fushatë diplomatike që ka për synim arritjen e koncensuesit brenda këtij unioni për njohjen e pavarësisë së Kosovës. Këtë e ka konfirmuar zëdhënësja e Kryeministrit, Ulpiana Lama. Ajo ka thënë se javën e ardhshme destinacioni i Qeverisë së Kosovës do të jetë Evropa, ndonëse nuk përjashtohen edhe opsionet tjera. Lama nuk e ka përjashtuar mundësinë që pavarësia e Kosovës të realizohet përmes Këshillit të Sigurimit të OKB-së, por ka theksuar se insitucionet e Kosovës duhet të jenë të përgatitura për të gjitha opsionet. Ndërkohë, qeveria do të vazhdojë të punojë edhe në përmbushjen e standardeve dhe në përgatitjen e ligjeve që dalin nga pakoja e Marti Ahtisarit.

Arb

16-08-07, 22:09

Busek e cilëson si hapje të 'kutisë së Pandorës" opsionin e ndarjes së Kosovës

Berlin, 16 gusht - Opsioni i ndarjes së Kosovës hidhet poshtë si i paperspektivë dhe i dëmshëm. Qëndrim të tillë ka edhe koordinatori i Paktit të Stabilitetit për Ballkanin, Erhard Busek, i cili ka thënë se kjo është njëra prej të gjitha zgjidhjeve të këqia. Ai ka theksuar se në Kosovë nuk është e mundur një ndarje e qartë gjeografike dhe ka shtuar se serbët do të mbeteshin në pjesë të tjera të Kosovës, ndërsa shqiptarët në Luginën e Preshevës do të kërkonin korrigjimin e kufijve. "Pra, në çdo rast, një gjë e tillë do të ishte si hapja e kutisë së Pandorës", ka thënë Busek. Koordinatori i Paktit të Stabilitetit për Ballkanin ka theksuar gjithashtu se njohja e njëanshme e pavarësisë së Kosovës nuk do të bëhet pa OKB-në.

Arb

17-08-07, 19:44

Erhart hedh poshtë akuzat e Beogradit

Gjilan, 17 gusht - "Shtetet e Bashkuara të Amerikës nuk synojnë të krijojnë në Kosovë një shtet satelit të NATO-s", ka thënë Komandanti i trupave amerikane në Kosovë, gjeneral brigade Dagllas Erhart, duke hedhur poshtë tezat serbe se SHBA-të po përpiqen të krijojnë një shtet satelit të NATO-s në Kosovë. Ai ka përkujtuar se NATO është në Kosovë në mision paqeruajtës. Gjenerali Erhart ka thënë se për zgjidhjen e statusit të Kosovës janë të angazhuara edhe Kombet e Bashkuara edhe Bashkimi Evropian, pra jo vetëm Shtetet e Bashkuara të Amerikës. Ky reagim i komandantit të ushtrisë amerikane në Kosovë ka ardhur pas deklaratës së ministrit të Brendshëm të Serbisë, Dragan Jociq, se SHBA-të po angazhohen për krijimin e një shteti satelit të NATO-s në Kosovë. Jociq kishte thënë se Shtetet e Bashkuara duhet të heqin dorë nga planet për pavarësimin e Kosovës dhe për krijimin e një shteti satelit të NATO-s në Kosovë, nëse kërkojnë marrëdhënie normale me Serbinë.

Arb

17-08-07, 19:46

Rajkroft: "Pavarësia e Kosovës është e pashmangshme"

Sarajevë, 17 gusht - Ambasadori britanik në Bosnjë e Hercegovinë, Metju Rajkroft, ka deklaruar se pavarësia e Kosovës është e pashmangshme. Në një intervistë për të përditshmen sarajevase "Dnevni avaz", ambasadori britanik ka thënë se Kosova është rast që nuk mund të përsëritet në vende e situata tjera askund në botë, pra as në Bosnjë e Hecegovinë. "Gjatë viteve të nëntëdhjeta, Kosova ka përjetuar çfarë nuk ka përjetuar asnjë vend tjetër", ka thënë Rajkroft.

4peace

18-08-07, 14:16

*

Gjithe ato pallavra per asgje hiq.

Nc nc nc

Ku mundet me qene i mbikqyruri i pamvarur? Pos ne miletin tone qe e beson gjithe kete?!

I mbikqyruri (kontrolluari) nuk mund te jet i pavarur kurren e kurres. Dhe pike (e madhe e shtypit).

Kjo teme e ka vendin tek letersia, ne rubriken "Perralla"( perralla han mileti arra/ gogla per dushk...).

A u poqën arrat ma?!

*

Arb

21-08-07, 22:01

Kunder Planit te Ahtisarit: Albini me shoke, Shkijet, dhe Ruset...

Arb

21-08-07, 22:02

NAT0 hedh poshtë kritikat se po krijon një shtet të vetin në Kosovë

Bruksel, 21 gusht - NAT0 nuk po krijon një shtet të vetin dhe nuk ka plane sekrete në Kosovë, por do të mbështesë çdo zgjidhje që arrihet gjatë negociatave të Beogradit dhe Prishtinës, të cilat Aleanca i mbështet plotësisht, ka deklaruar zëdhënësja Karmen Romero. Duke komentuar kritikat nga Beogradi në llogari të NAT0-s, ajo ka theksuar se kjo është pjesë e retorikës në kohën e negociatave, por NAT0-ja nuk ka çfarë t'i shtojë qëndrimit të vet. Karmen Romero ka shtuar se NAT0 nuk po e udhëheq procesin e zgjidhjes së statusit të Kosovës, ndoënse ka vendin e vet në përbërjen e zgjeruar të Grupit të Kontaktit. "Negociatat janë prioritet yni kryesor dhe konsiderojmë se do të ishte ideale po qe se palët arrijnë marrëveshje", ka theksuar Romero.

Arb

21-08-07, 22:04

GNK: Në Kosovë mund të shpërthejë konflikt, nëse nuk mbështetet pavarësia

Prishtinë, 21 gusht – Grupi Ndërkombëtar i Krizave (GNK) tërheq vërejtjen se në Kosovë mund të shpërthejë një konflikt që do të destabilizonte mbarë rajonin, në rast se Bashkimi Evropian nuk do të mbështesë pavarësinë e mbikëqyrur.

“Evropa është duke rrezikuar një konflikt të ri, të përgjakshëm dhe destabilizues, nëse BE-ja dhe vendet anëtare të saj nuk e pranojnë përgjegjësinë primare për ta shpien Kosovën tek pavarësia e mbikëqyrur, deri në prill ose në maj të vitit 2008”, thuhet në raportin e publikuar sot nga GNK.

“BE-ja ka një bombë me orë në oborrin e saj”, ka deklaruar Aleks Anderson, nga zyra e GNK në Prishtinë. “Sa më shpejt që BE ose një numër i konsiderueshëm i vendeve të BE-së të deklarojnë se janë të gatshme ta mbështesin Kosovën e pavarur, aq më të mëdha janë gjasat që të shmanget katastrofa”, ka thënë Anderson.

Raporti thekson se BE dhe SHBA duhet ta mbështesin integritetin e planit të Ahtisarit, si udhëzim për pavarësi të mbikëqyrur.

Deri më 10 dhjetor, në qoftë se nuk do të ketë zgjidhje me marrëveshje, sikundër ka shumë gjasa të ndodhë, BE dhe SHBA duhet të jenë të gatshme të fillojnë aksionin e koordinuar me Qeverinë e Kosovës, që të zbatohet thelbi i planit të Ahtisarit, përfshirë edhe projektin për tranzicionin 120 ditësh pas njohjes së pavarësisë, gjithnjë sipas planit të Ahtisarit.

Në raportin e GNK thuhet se kjo periudhë duhet të shfrytëzohet që të mblidhen njohjet e pavarësisë së kushtëzuar nga shumë qeveri; që të adoptohet e të fuqizohet legjislacioni shtetformues dhe institucionet përkatëse; që Qeveria e Kosovës të ftojë BE-në dhe NATO-n të marrin përgjegjësitë e reja; që UNMIK-u të tërhiqet në mënyrë të qetë.

ICG mendon se “nuk është e thënë që të gjitha vendet e BE-së ta njohin Kosovën gjatë periudhës së tranzicionit ose deri në prill të vitit 2008”, por tërheq vërejtjen se “një dështim në pozicionimin unik do të mund të diskreditonte BE-në dhe të kishte konsekueca destabilizuese për Evropën”.

Sabine Freizer, drejtore e Programit të GNK për Evropë, ka përkujtuar se Evropa kishte bërë gabime që kishin përfundime tragjike në ish-Jugosllavi, në vitet ’90, dhe ka theksuar se Evropa tani ka “shansin e dytë të dëshmojë se mund të jetë aktor efektiv në Ballkan”. “Nëse sërish tregohet e paaftë, kjo me siguri që do të shpie në gjakderdhje e në përsëritjen e kaosit rajonal dhe do ta fuqizonte rrjetin e krimit te organizuar në këtë pjesë të Evropës” ka theksuar znj Freizer.

Arb

08-09-07, 13:37

Departamenti i Shtetit kritikoi deklaratën e zyrtarit të Beogradit për Kosovën

Uashington, 7 shtator - Departamenti amerikan i Shtetit ka kërkuar sqarime nga Beogradi, pasi një zyrtar i lartë serb tha se Serbia mundet të përdorë forcën, për të parandaluar pavarësinë e Kosovës. Departamenti i Shtetit e kritikoi si "acarues dhe fatkeq" një koment të zyrtarit më të lartë serb për Kosovën, se Beogradi mund të përgjigjet ushtarakisht ndaj shpalljes së pavarësisë së Kosovës. Por Departamenti i Shtetit, po ashtu, beson se komentet e zbutura të Ministrit të Jashtëm Vuk Jeremiq përfaqësojnë në fakt politikën aktuale të Serbisë. Në një konferencë shtypi, zëdhënësi i Departmentit amerikan të Shtetit, Tom Kejsi, tha se Shtetet e Bashkuara po kërkojnë sqarimin e komenteve të zotit Prorokoviq nga qeveria e Beogradit: "Sigurisht, që këto janë komente të pajustifikueshme dhe nuk e ndihmojnë aspak çështjen. Ajo që është më e rëndësishme, madje, do të thoja se ne jemi të mendimit, se këto deklarata nuk përfaqësojnë pikëpamjet e qeverisë së Serbisë që në fakt, ne e kuptojmë, sepse Ministri i Jashtëm i Serbisë u tha zyrtarëve të Bashkimit Evropian në Bruksel, se përdorimi i forcës nuk është një mundësi që do të shfrytëzonte Serbia në trajtimin e çështjes së statusit të Kosovës", tha zëdhënësi Kejsi.

Arb

08-09-07, 13:38

Vetëm pavarësia e Kosovës garanton stabilitet në Ballkan, thotë Berisha

Tiranë, 7 shtator - Vetëm pavarësia e Kosovës garanton stabilitet në Ballkan, ka deklaruar për AFP n, kryeministri i Shqipërisë Sali Berisha, duke tërhequr vërejtjen se shtyrja e zgjidhjes së statusit mund t'i paraprijë "kaosit". "Unë besoj që pas 120 ditëve, të gjitha përpjekjet për ndonjë shtyrje tjetër do t'i hapnin dyert rrezikut nga një kaos i mundshëm", ka shtuar Berisha. Sidoqoftë, ka thënë më pas kryeministri shqiptar, "Shqipëria pa asnjë dilemë do ta njohë pavarësinë e Kosovës,por këtë do të bëjë në momentin e duhur, ka thënë ai.

Arb

08-09-07, 13:39

Shlezinger: BE-ja ka ndryshuar qëndrimin ndaj Kosovës

Uashington, 7 shtator - Duke komentuar qëndrimin aktual të Bashkimit Evropian ndaj çështjes së Kosovës, Martin Shlezinger, drejtor i studimeve të Evropës Lindore në qendrën "Udro Uilson" në Uashington, shfaqi mendimin se është bërë një ndryshim i qëndrimit të BE-së ndaj statusit të Kosovës.

Shlezinger në një intervistë për "Zërin e Amrikës" këtë pohim të tij e argumentoi duke cituar anëtarin e treshes, ambasadorin gjerman Ishinger, i cili "tashmë ka thënë disa herë se tani në tavolinë janë disa opsione dhe se çdo zgjidhje për të cilën bien dakord serbët e shqiptarët do të ishte e pranueshme, gjë që përfshin edhe ndryshimin eventual të kufijve".

"BE gjithashtu është kundër shpalljes së njëanshme të pavarësisë së Kosovës. Në të njëjtën kohë, disa vende evropiane nuk janë për njohjen momentale të pavarësisë, por këtë e vështrojnë si proces gradual", thotë ky ekspert amerikan.

Në anën tjetër Shlezinger pohon se "Uashingtoni është i njëanshëm ndaj shqiptarëve të Kosovës", kurse "Rusia synon të konfirmojë pozicionet e saja si fuqi botërore".

Arb

08-09-07, 14:56

Tirana zyrtare është e shqetësuar me zhvillimet e fundit lidhur me statusin e Kosovës

http://www.kosova.com/media/bamir_topi_33.jpgTiranë, 7 shtator - Presidenti i Shqipërisë Bamir Topi ka mbledhur sot në një takim Këshillin e Sigurisë Kombëtare, në të cilin është shqyrtuar situata në Kosovë dhe e ardhmja e saj, si çështja më e rëndësishme politike dhe kombëtare që preokupon sot jo vetëm Shqipërinë, Kosovën e rajonin.

Kreu i shtetit shqiptar është shprehur në këtë takim se "Shqipëria duhet të jetë shumë e shqetësuar për zhvillimet e fundit që lidhen me statusin përfundimtar të Kosovës".

Çështja e Kosovës me ngërçet e saj, tha ai, jo vetëm po vonon perspektivën e integrimit të plotë të rajonit në NATO dhe në BE, "por në të njëjtën kohë po ngrihet si një rrezik shpërthyes për destabilizim, duke e kthyer atë në kohët më të errëta të historisë së vet", paralajmëroi Topi.

"Çmimi i çdo zgjatjeje pafundësisht të këtij procesi (Kosovës) do të duhet të na përgatisë të përjetojmë jo vetëm një situatë me rreziqe ekonomike, politike, sociale për Kosovën dhe rajonin, por të jemi dëshmitarë të gjunjëzimit të së ardhmes ndaj të shkuarës, të nënshtrimit të së drejtës ndaj padrejtësisë, të humbjes se moderimit ndaj ekstremizmit, të kapitullimit të investimit ndaj dështimit, të shuarjes së shpresës ndaj errësirës, të dorëzimit të europianizimit përpara izolimit", ka theksuar Presidenti shqiptar.

Në vijim të fjalës së tij, Topi ka shprehur bindjen se rruga e vetme drejt zgjidhjes së drejtë e të qëndrueshme të çështjes së Kosovës është zbatimi i Paketës Ahtisari, të cilën e ka vlerësuar si "kontribut pozitiv" të vullnetit për kompromis të palës kosovare që "ofron garancitë më të gjera për minoritetin serb se çdo minoritet tjetër në Evropë, dhe modelin më të mirë të bashkekzistencës etnike, fetare, qytetare dhe evropiane të denjë për një shtet të ri në rajon".

Në vijim, Presidenti Topi ka theksuar se "Shqipëria është në mënyrë kategorike kundër çdo lloj skenari të ndarjes së Kosovës", por të në të njëjtën kohë, i bëri thirrje shoqërisë kosovare dhe forcave politike që të tregohen të matura, tepër të kujdesshme për ta ndjekur situatën në mënyrë shumë civile.

Kreu i shtetit shqiptar në fund të fjalës së tij, vuri në dukje se Kosova sot nuk është më e izoluar, por pjesë e interesit të institucioneve më të rëndësishme ndërkombëtare, e shteteve më të mëdha demokratike në botë, të cilave u intereson një rajon i qetë, një rajon i cili në mënyrë të padiskutueshme perspektivën e tij e ka në Europë dhe në familjen euroatlantike.

Arb

21-09-07, 16:23

Partitë e së djathtës mbështesin planin e Ahtisarit për Kosovën

Romë, 21 shtator - Kryeministri shqiptar dhe njëherit kryetar i PD-së, Sali Berisha u ka kërkuar liderëve të së Djathtës të të gjithë botës përkrahjen e planit të Ahtisaarit për çështjen e Kosovës, si zgjidhja e vetme e favorshme për statusin.

Një deklaratë të tillë, Berisha e ka bërë dje në hapjen e punimeve të mbledhjes së Partive të Qendrës së Djathtë, e cila u zhvillua me pjesëmarrjen e shumë liderëve demokristianë dhe të partive të djathta nga e gjithë bota në Romë të Italisë.

Sipas kryeministrit shqiptar, zgjatja në kohë e miratimit të statusit nuk është aspak e favorshme për situatën në Ballkan dhe për rajonin në tërësi. Propozimi i kryeministrit Berisha u përkrah nga të pranishmit, nga kryetarë dhe ish kryetarë shtetesh.

Aktiviteti u drejtua nga presidenti i Internacionales Demokristiane, Piero Ferdinando Cazini. Në këtë takim merrnin pjesë, gjithashtu, ish kryeministri sllovak dhe njëkohësisht zëvendëspresidenti i Internacionales Demokristiane, Mikulas Dzurinda, Presidenti i Meksikës, Calderon, ish Presidenti i Kolumbisë, ministri i Drejtësisë së Italisë, Clemente Mastella, ish kryeministri i qeverisë, Berlusconi, Roco Butiglione, etj. Ndërsa kryeministri Berisha, në këto aktivitete, shoqërohej nga Kryetarja e Kuvendit, Jozefina Topalli.

Arb

04-10-07, 22:32

Xhuda: Gjermania "çelësi kryesor" për pavarësinë e Kosovës

Pragë, 4 tetor - Britanikët dhe francezët do të donin ta njihnin pavarësinë e Kosovës në dhjetor, pas shpalljes së njëanshme, nëse ajo ndodh, por bashkë me një numër të madh vendesh evropiane, thotë analisti britanik Tim Xhuda. Mirëpo, sipas tij, për ta arritur një gjë të këtillë, "Gjermania do të jetë çelësi kryesor". Prandaj, pohon Xhuda, britanikët dhe francezët do të presin vendimin e gjermanëve dhe ndërkohë të përpiqen t'i bindin që t'i ndjekin hapat e tyre. "Nëse gjermanët pajtohen, atëherë do të pajtohen edhe italianët dhe do të pasojnë edhe shumë vende të tjera. Në një rast të këtillë, do të mbeteshin sllovakët, grekët dhe qipriotët, që nuk do ta njihnin pavarësinë e Kosovës, por numri i tyre do të jetë i vogël dhe nuk do të jetë aq e rëndësishme", tha ky analist britanik për radion "Evropa e lirë". "Nëse gjermanët vendosin se duan të ngurojnë dhe të presin, atëherë mendoj se do të krijojnë edhe një shtyrje tjetër pas 10 dhjetorit", theksoi Xhuda.

Arb

05-10-07, 20:25

"Nju Jork tajms": Ka ardhur koha që komuniteti ndërkombëtar ta njohë pavarësinë e Kosovës

Nju Jork, 5 tetor - Gazeta autoritative amerikane "Nju Jork tajms", porosit në numrin e sotëm që 8 vjet pas luftës së NATO s për t'i dhënë fund spastrimit etnik në Kosovë, "ka ardhur koha për komunitetin ndërkombëtar që ta njohë pavarësinë e Kosovës nga Serbia". Në komentin e saj gazeta konstaton se Shtetet e Bashkuara dhe Evropa janë duke lëvizur gradualisht drejt këtij vendimi, por thotë se Rusia është duke i bllokuar veprimet në Këshillin e Sigurimit. Edhe pse Qeveria në Kosovë ka ende punë për të bërë në garantimin e plotë të të drejtave për minoritetin serb, shtyrjet e mëtutjeshme vetëm sa do të ushqenin ato ndjenja që nxitën gjithë ato trazira dhe gjakderdhje në vitet e 90 ta. "Nju Jork tajms" shkruan më tej se shqiptarët kanë paralajmëruar se do ta shpallin pavarësinë njëanshmërisht nëse Këshilli i Sigurimit nuk vepron, prandaj gazeta sugjeron se është në interesin e secilit, përfshirë këtu edhe Rusinë, që Kombet e Bashkuara të kenë një rol të fuqishëm në këtë proces. "Shtetet e Bashkuara dhe pjesa më e madhe e vendeve anëtare të Bashkimit Evropian, të cilat janë në favor të pavarësisë, tani duhet të marrin një vendim të palëkundshëm. Nëse Rusia vazhdon ta kundërshtojë planin e Kombeve të Bashkuara, Uashingtoni dhe aleatët e tij, edhe ashtu duhet të ecin përpara dhe ta njohin Kosovën me kohë për të përmbushur afatin e 10 dhjetorit", pohon "Nju Jork tajms".

Arb

24-11-07, 23:36

Mesiq: Gjatë gjithë historisë politika kundrejt shqiptarëvë të Kosovës ka qënë e gabuar

Berlin, 23 nëntor - Presidenti kroat, Stjepan Mesiq qëndroi në Berlin ku ndër të tjera mbajti një fjalim në Fondacionin Bertelsman. Ai mendon se Gjermania mund të veprojë edhe për Kosovën siç veproi për Kroacinë.
Presidenti kroat, Stjepan Mesiq theksoi se Kroacia do të pranojë për Kosovën çdo lloj zgjidhjeje, që do të kënaqte të dy palët. "Ne e mbajmë planin e Ahtisaarit si bazë të mirë, mbi të cilin mund të zhvillohen bisedimet për statusin e ardhshëm të Kosovës", tha ai.

Edhe për Kosovën Gjermania të veprojë si për Kroacinë

I pyetur çfarë këshille do t`u jepte ai gjermanëve, çfarë do të duhet të bëjnë ata nëse Kosova shpall pavarësinë, presidenti kroat tha: "Në lidhje me dilemën, para të cilës ka mundësi që të ndodhet Gjermania, nëse Kosova shpall pavarësinë, unë mund të kujtoj vetëm si u soll Gjermania kur ishte fjala për të njohur Kroacinë. Gjermania u kritikua ashpër në atë kohë, megjithëse ajo që bëri Gjermania ishte njohja e realiteteve. Gjermania tregoi se është një shtet i madh dhe i fuqishëm. Ajo ndërmori hapin e parë, dhe të tjerët e ndoqën. Statusi i Kosovës duhet të arrihet me ndihmën e komunitetit ndërkombëtar".

Duhet njohur historia e shqiptarëve të Kosovës

Stjepan Mesiqit iu kujtua nga publiku se disa vjet më parë ka qenë kundër ndryshimit të kufijve në Ballkan, kur është pyetur për çështjen e Kosovës. Por Mesiq, iu kthye historisë, që sipas tij ka qenë e padrejtë me shqiptarët: "Sa i përket Kosovës, do ju lutesha të kujtonit historinë e të djeshmes, në mënyrë që të kuptojmë atë të të sotmes. Gjatë gjithë historisë politika kundrejt shqiptarëvë te Kosovës ka qënë e gabuar, si në periudhën e Jugosllavisë ashtu edhe nën Millosheviqin. Gjatë periudhës së mbretërisë jugosllave shqiptarët nuk kanë patur asnjë të drejtë, nuk njiheshin si etni dhe nuk u njihej gjuha, ata nuk kishin shkollë në gjuhën shqipe e kështu me rradhë".

Referendumi për Kosovën nuk u mbajt

Presidenti kroat, kalon në historinë e Luftës së Dytë Botërore dhe harron se ishin fashistët ata, por thotë: "Gjatë luftës së dytë botërore, italianët hapën shkolla në gjuhën shqipe, botuan gazeta në gjuhën shqipe dhe lejuan publikim e gazetave të pavarura shqipe. Shqiptarëve u pëlqeu kjo dhe gjatë luftës qëndruan të rezervuar. Ata nuk morën pjesë në rezistencën, që kryente Partia Komuniste e Jugosllavisë, nën udhëheqjen e marrshall Titos. Tito bëri një marrëveshje me Enver Hoxhën, që duke qenë udhëheqës i rezistencës në Shqipëri të ndikonte që të fuste edhe shqiptarët e Kosovës në rezistencë, me premtimin që pas luftës të organizohej një referendum popullor për të përcaktuar statusin e Kosovës. Ju e dini që pas luftës, Tito pati një konflikt me Stalinin, Hoxha kaloi në anën e Stalinit, dhe referendumi nuk u mbajt".

Tito i shtypi shqiptarët që kërkonin republikë

Shpejt e shpejt kalohet në periudhën kur Tito i bëri shqiptarëve shumë lëshime, dhe u dha atyre autonominë. "Ata i kishin të gjitha, që nga kopshti i fëmijëve deri tek Akademia. Në Kosovëu krijua një inteligjencë e fuqishme, ekonomia u lidh me ekonominë e vendeve të tjera dhe u aktivizua potenciali natyror dhe njerëzor. Ky zhvillim u ndihmua financiarisht nga republikat më të zhvilluara. Shqiptarët ngritën pretendimin e një republike të vetën, kjo u shtyp brutalisht. Që në kohën e Titos," vëren Presidenti kroat.

Kur dështoi me Kroacinë dhe Bosnjën, Millosheviqi iu kthye Kosovës

"Serbia e Millosheviqit u mori shqiptarëve statusin e tyre. Millosheviqi pushoi qindra mijra shqiptarë nga puna, që nga punëtorët e deri tek kuadrot, që nga mjekët e deri tek mësuesit. Kur dështoi me planet e tij për tu zgjeruar në kurriz të Kroacisë dhe Bosnjës, kujton presidenti kroat historinë, atëherë ai ju kthye Kosovës. Ai vendosi të përzinte dy milionë shqiptarë. Natos ju desh të ndërhynte që të pengonte këtë. Pas kësaj shqiptarët strukturuan ushtrimin e pushtetit të tyre dhe kërkúan nga pakicat të marrin pjesë në jetën politike. Por, Beogradi nga ana e tij i bën thirrje serbëve të Kosovës të bojkotojnë zgjedhjet".
Me çështjen e pazgjidhur të Kosovës, fitohen zgjedhjet në Beograd, mendon Mesiq. Ai vlerëson vlerëson se Serbia nuk ka kapacitete për prezencë në Kosovë. "Në vend që të nxisin pjesëmarrjen e serbëve në pushtetin e atjeshëm, Beogradi i këshillon ataqë të mos marrin pjesë në to. Nëse duan të bëhen subjekt i pushtetit serbët e Kosovës duhet të marrin pjesë në zgjedhje," thotë ai.

Serbia nuk ka të drejtë të pretendojë Kosovën

Kosova ka qenë e lidhur me Serbinë në kohën e ish Jugosllavisë, por edhe me gjithë republikat e tjera të federatës.Serbia nuk ka të drejtë sot, që tëkonsumojë të drejtat e atëhershmesi republikë duke pretenduar sot Kosovën.Një zgjidhje e pranueshme për Kosovën do të ishte zgjidhja më e mirë, por nuk duket që kjo të ndodhë. Prandaj komuniteti ndërkombëtar duhet të gjejë një zgjidhje. Mbase modeli gjermano gjerman mund të ofrojë njëpikënisje. Provincat në ish Jugosllavi kanë patur kufinj njësoj si republikat, prandaj mund të arrihet një zgjidhje që nuk ndryshon kufijtë".

Mitet nuk kanë ç'kërkojnë në politikën e ditës

I pyetur si i vlerëson projektet për rishkrimin e librave të shkollës, Stjepan Mesiq thotë: "Kjo është një çështje e konsensusit. Mua do të më bëhej qejfi nëse kjo ide vihet në jetë. Nëpërmjet saj ne do të vështronim historinë nga pika të ndryshme vrojtimi. Kjo do të ishte e rëndësishme për ne, sepse historia jonë ka shumë mite, që reflektohen në politikën aktuale. Çdo popull ka të drejtë të ketë mitet e veta, serbët, kroatët, gjermanët, danezët. Por mitet nuk duhet të kenë ndikim në politikën e ditës. Për shembull në Serbi ekziston miti i Fushë Kosovës. Ky është një nga mitet, por ai nuk ka ç`kërkon në politikën reale të Serbisë. Unë kam mendimin tim për betejën e Fushë Kosovës, dhe e di që si ngjarje ajo u shkrua në oborrin e Perandorisë Osmane 16 vjet më vonë. Fëmijët në Serbi tregojnë sot, se pas betejës së Fushë Kosovës, kambanat e kishave në Paris kumbuan për tre ditë me radhë.

Lumturia duhet kërkuar brenda kufijve të vendit

Në Serbi duhet kuptuar ajo çka i ka thënë Ataturku turqëve: kërkojeni lumturinë dhe kënaquni brenda kufijve të Turqisë dhe jo jashtë kufijve të saj. Kjo tezë është e nevojshme të thuhet edhe në Serbi, dikush duhet t`ju thotë atë serbëve, që ta kërkojnë lumturinë brenda kufijve të Serbisë. Nëse kjo nuk ndodh, atëherë do të vazhdojmë të kemi situata të trazuara. Europa e Bashkuara e përjashton luftën si mundësi për të bërë politikë. Pakicat etnike janë ura bashkëpunimi dhe nëse ato nuk do të ekzistonin, atëherë do të duhet t`i krijonim për të bërë lidhjen midis shteteve. Bashkimi Europian i refuzon luftrat territoriale, dhe duke patur parasysh këtë duam edhe ne në rajon të hapim kufijtë, të hapemi ndaj Europës dhe të marrim standartet europiane. (D.V.)

QIK-u

Arb

30-11-07, 16:37

Eshdaun: Vendimi për Kosovën duhej marrë menjeherë pas luftës më 1999

Londër, 30 nëntor Lordi Pedi Eshdaun i ka thënë BBC së se për Kosovën ka vetëm një zgjidhje dhe kjo është që në kohën e duhur Kosova të bëhet e pavarur.

Ish përfaqësuesi i lartë i OKB së në Bosnjë, lordi Eshdaun ka shtuar se është koha e fundit të merret një vendim, i cili sipas tij, është dashtë të merrej në vitin 1999, kur përfundoi lufta në Kosovë, sepse po të merrej më herët ky vendim, nuk do të gjendeshim sot në këtë pozitë, që jemi ka thënë lordi Eshdaun.

"Ka një fakt që është i qartë, dhe i kuptueshëm dhe i njohur nga të gjithë, se nisur nga mënyra sesi Beogradi e trajtoi dhe qeverisi Kosovën, ku serbët janë pesë për qind e popullsisë dhe shqiptarët e Kosovës janë 95 për qind e saj, Serbia humbi të drejtën morale dhe atë praktike për të qeverisur Kosovën", tha Eshdaun.

Kjo ndodh, shtoi ai, sepse edhe Britania e humbi të drejtën morale dhe praktike për të qeverisur Irlandën, për shkak të mënyrës sesi e trajtoi Irlandën. Dhe Irlanda u bë një shtet i veçantë, tha Eshdaun. "Ky është një vendim, i cili duhej marrë menjeherë pas luftës në Kosovë në 1999 tën", tha ai.

QIK-u

Arb

30-11-07, 16:41

Lideri opozitar britanik mbështet qëndrimin amerikan për pavarësi të Kosovës

Uashington, 30 nëntor - Lideri konservator dhe opozitar në Britani, Dejvid Kameron, ka tërhequr vërejtjen se paqartësia rreth statusit të Kosovës mund të çojë në jostabilitet dhe ripërtrirje të dhunës në Ballkan.

Në përcaktimin e statusit të Kosovës nuk mund të pritet përgjthmonë, tha Kameron i cili theksoi se është një e vërtetë që i dhemb Beogradit, e kjo është se pas vitit 1999 ajo më nuk mund të mbetet në kuadër të sovranitetit të Serbisë.

"Nëse plani i Ahtisarit nuk është i pranueshëm dhe nëse Treshja nuk ka mundur të gjejë një zgjidhje, unë mbështes qëndrimin e SHBA-ve dhe të Britanisë që kjo çështje duhet të zgjidhet. Por kjo duhet të bëhet në mënyrë të kontrolluar, me të cilën shmangen reperkusionet në Bosnjë, Serbi, Maqedoni dhe gjetiu në rajon", tha Kameron dhe sqaroi se duhet hapur rrugën e pavarësisë së Kosovës dhe të sugurohet stabiliteti i rajonit.

Serbia, tha Kameron, ka të drejtë të presë mbrojtje të plotë të të drejtave të serbëve të Kosovës, por para saj është zgjedhja e qartë. Nëse Beogradi zgjedh rrugën tjetër - duhet thënë qartë synimet e BE-së dhe të NAT0-s.

"Patjetër duhet të jemi të qartë së në rast të pavarësisë së mbikqyrur të Kosovës, nuk do të tolerojmë ndërprerjen e komunikacionit midis Serbisë dhe Kosovës, as veprimin e forcave paramilitare në veri të Kosovës. Nuk do të tolerojmë as përzierjen në zhvillimet në Bosnjë e Hercegovinë në formën e nxitjes së shkëputjes së Republikës Serbe. E gjithë kjo do të pengonte progresin e Serbisë drejt BE-së dhe do ta fuste Serbinë dhe popullin e saj në izolim", ka paralajmëruar Kameron.

Duke u përgjegjur në pyetjet gazetarëve Kameron tha se pret një qëndrim unik të BE-së në lidhje me statusin e Kosovës, sepse ai konsideron se mbi Unionin bie përgjegjësia e posaçme në rastin konkret.

Ai tha se beson që problemet eventuale në veriun e Kosovës mund të zgjidheeshin uke shfrytëzuar përvojat Irlandës së Veriut. Kameron këto komente i bëri gjatë vizitës së tij të parë si lider opozitar në Uashington.

Arb

30-11-07, 16:44

Hilari Klinton shpreh mbështetje të fuqishme për njohjen e pavarësisë së Kosovës

Nju Jork, 30 nëntor - Senatorja Amerikane Hilari Klinton ka shprehur mbështetje të fuqishme për njohjen e pavarësisë së Kosovës nga Shtetet e Bashkuara nëse qeveria në Prishtinë vendos të shpallë pavarësinë.

"Me Rusinë që kërcënohet me veto në Këshillin e Sigurimit, duhet të jemi të gatshëm që fuqishëm të mbështesin vullnetin e shumicës në Kosovë. Nëse qeveria në Prishtinë vendos të shpallë pavarësinë, fuqimisht do të mbështes njohjen nga ana e Shteteve të Bashkuara të pavarësisë dhe do të ftojë Bashkimin Evropian të bëjë të njëjtën gjë", ka deklaruar Hilari Klinton.

Ajo më këtë rast ka ftuar administratën amerikane që t'i kushtojë më shumë rëndësi kësaj çështjeje veçanërisht në kohën kur siç ka thënë Hilari Klinton, situata në Kosovë po i afrohet momentit vendimtar historik.

Hilari Klinton ka uruar popullin e Kosovës për zgjedhje të rregullta dhe paqësore dhe ka vënë në pah rëndësinë e madhe në mbrojtjen e të drejtave të të gjitha pakicave në Kosovë dhe veçanërisht të serbëve.

Arb

30-11-07, 16:47

Ryker pohon se statusi i Kosovës së shpejti do të zgjidhet

Londër, 30 nëntor - Shefi i UNMIK-ut Joakim Ryker është shprehur se statusi i Kosovës së shpejti do të zgjidhet dhe se do të duhej të zgjidhet sa më parë.

Në një bisedë me BBC-në Ryker, ndërkaq nuk është përgjegjur direkt në pyetjen nëse me zgjidhjen e shpejtë të statusit të Kosovës nënkupton shpalljen e njëanshme të pavarësisë.

"Së pari, ende është aktuale procedura siç është raporti i Treshes ndërmjetësuee të Grupit të Kontaktit, cili do t'i paraqitet Sekretarit të Përgjithshëm të KB-së, më 10 dhjetor. Pastaj sipas të gjitha gjasave Këhsilli i Sigurimit do të studiojë atë raport dhe do të miratojë disa konkluzione", tha Skefer, duke mos dashur të spekulojë se çfarë mund të ndodhë pastaj.

Por Ryker mendon se një zgjidhje duhet të arrihet shpejt dhe se të "githëve që u përket situata ekzistuese, pajtohen me këtë".

Kreu i UNMIK-ut vuri në dukje posaçërisht rëndësinë që pavarësisht rrjedhës së mëtejshme të procesit të Kosovës, të mbahet stabiliteti në rajon.

"Mendoj se të gjitha palët janë pajtuar, dhe se edhe një herë e kanë konfirmuar pas raundit të fundit të negociatave në Vjenë, se dëshirojnë të ruajnë paqen dhe stabilitetin në rajon. Unë besoj që të dyja palët janë të vendosura të ruajnë paqen dhe se do të përmbahen nga çfarëdo veprimesh të dhunshme", ka thënë Ryker për BBC-në.

Arb

30-11-07, 16:48

Britania shteti i parë nga anëtarët e NATO s që ofroi dërgimin e forcave të reja në Kosovë

Londër, 30 nëntor - Britania dje ishte shteti i parë prej vendeve anëtare të NATO së, shkruan gazeta "Gardian", që ofroi dërgimin e forcave të reja për në Kosovë dhe atë brenda një afati të shkurtër kohor.

Deklarata u dha pas vlerësimit që u bë nga ekspertët e çështjeve ballkanike dhe nga ekspertët e partisë konservative që thonë se kriza në Kosovë po thellohet.

"Gardian", më tej shkruan se Dejvid Kameroni akuzoi Kremlinin për nxitje të telasheve, duke tërhequr dhe vërejtjen se kriza mund të përshkallëzohet gjatë Kërshëndellave. Qeveria e Braunit ndërkaq rrezikon kritika nga Rusia, pasi që deklaroi përkrahje për pavarësinë e shpejtë të Kosovës.

Arb

02-12-07, 07:50

Mbledhja e KS të OKB-së për Kosovën, më 19 ose 21 dhjetor

Sekretari i përgjithshëm i OKB-së, Ban Ki-Moon, është duke e pritur raportin e Treshes ndërmjetësuese të Grupit të Kontaktit për statusin e Kosovës, ndërsa më pas ai do ta procedojë këtë dokument në Këshillin e Sigurimit të OKB-së, ka deklaruar zëdhënësja e Ki-Moonit, Michele Montas. Sipas raporteve mediale, mund të ndodhë që prezantimi i raportit të Treshes te sekretari i përgjithshëm i OKB-së, të shtyhet për 7 dhjetor, për shkak të obligimeve që ka Ki-Moon.

Mbledhja e Këshillit të Sigurimit kushtuar Kosovës, ku do të shqyrtohet raporti i Treshes do të mbahet më 19 ose 21 dhjetor, kanë bërë të ditur burimet nga OKB-ja.

E pyetur se cilat do të jenë veprimet e mëtutjeshme të OKB-së lidhur me statusin e Kosovës, Motas ka thënë se, sekretari i përgjithshëm nuk mund të “parashikojë të ardhmen”.

sunshine

02-12-07, 15:57

Kunder Planit te Ahtisarit: Albini me shoke, Shkijet, dhe Ruset...

Pro planit të Ahtisarit puthadorët, bythlëpirësit, të moderuarit pa asnjë pikë gjaku dhe ndjenje kombëtare shqipëtare etj. etj.!
Rroftë Kosova mu(l)tietnike ala Ahtisariane me grupin e kungjave të Unitetit!

Arb

07-12-07, 23:00

SHBA-të bëjnë thirrje për të mbështetur periudhën e pavarësisë së mbikqyrur për Kosovën

Uashington, 7 dhjetor - Shtetet e Bashkuara nuk presin që në Kosovë të shpërthejë dhuna pas paraqitjes së raportit të Treshes ndërmjetësuese të Grupit të Kontaktit, tha zëdhënësi i Departamentit të Shtetit, Tom Kejsi, për të shtuar se Uashingtoni e mbështet pavarësinë e mbikqyrur të Kosovës. "Sa i përket politikës amerikane për Kosovën, ne kemi mbështetur dhe vazhdojmë ta mbështesim qëndrimin, i cili është më i miri për të ecur përpara, pavarësinë e mbikqyrur në përputhje me planin e Ahtisaarit", tha Kejsi, për të sqaruar: "Nëse negociatat janë mbyllur pa sukses dhe pa marrëveshje mes palëve, atëherë ne bëjmë thirrje për të mbështetur periudhën e pavarësisë së mbikqyrur për Kosovën", theksoi Kejsi. Në pyetjen si do veprojë administrata amerikane nëse Kosova njëanshëm e shpall pavarësinë, Kejsi tha: "Jam i sigurtë se do të reagojmë në mënyrë të duhur në çfarëdo rrethane, por nuk do të doja të spekuloj se çfarë do të bëjë ndonjëra nga palët pas skadimit të afatit përfundimtar". Zëdhënësi i Departamentit të Shtetit gjithashtu tha se "ushtria e Shteteve të Bashkuara është e angazhuar në Kosovë prej vitit 1999 si pjesë e KFOR it" dhe do të mbetet edhe më tej atje.

Arb

07-12-07, 23:01

Pavarësia e Kosovës është e pashmangshme, tha kancelari austriak

Vjenë, 7 dhjetor - Pavarësia e Kosovës është e pashmangshme, duke pasur parasysh dështimin e bisedimeve shtesë, tha kancelari austriak Alfred Gusenbauer. "Nuk ka alternativë për pavarësinë" ka thënë kreu i ekzekutivit austriak në një intervistë që është botuar sot në të përditshmen "Kurier".

Arb

17-12-07, 16:36

"U.Post": SHBA-të dhe BE mund t'i bëjnë ballë sfidës në Kosovë

Uashington, 17 dhjetor - Ka filluar të duket sikur Shtetet e Bashkuara dhe Bashkimi Evropian do të mund t'i bëjnë ballë sfidës në Kosovë, e cila është sinjalizuar nga Rusia gjithnjë e më agresive, shkruan në numrin e sotëm "Uashington post" ("Washington Post").

Pjesa më e madhe e bllokut evropian do t'i bashkohet Shteteve të Bashkuara në mbështetje të shpalljes së pavarësisë në fillim të vitit të ardhshëm, parashikon gazeta prestigjioze amerikane "Uashington post".

Qeveritë evropiane, shkruan më tej kjo gazetë, kanë vendosur t'i ofrojnë Serbisë një rrugë më të përshpejtuar për anëtarësim në Bashkimin Evropian, pasi t'i ketë përmbushur disa kushte të caktuara.

Një qasje e këtillë i ofron Serbisë dhe Rusisë zgjedhje thelbësore. Serbia mund të heqë dorë nga Kosova dhe të fillojë përgatitjet për një të ardhme në kuadër të Bashkimit Evropian; ose mund të bëjë përpjekje të destabilizojë shtetin e ri, duke i shkëputur linjat për furnizim me rrymë dhe duke trimëruar rebelimin e serbëve që jetojnë në veri të Kosovës.

"Uashington post" pohon se Putin duhet të vendosë nëse dëshiron të përshkallëzojë mospajtimet me Evropën dhe Shtetet e Bashkuara duke u kërcënuar me njohjen e pavarësisë së rajoneve pro ruse në Gjeorgji.

Zgjedhjet e gabueshme do të nënkuptonin kthimin e dhunës në Ballkan; dhe në Evropë, krijimin e marrëdhënieve të ngjashme me ato të Luftës së Ftohtë. Por, kjo gjithsesi nuk duhet ta ndalë Perëndimin të bëjë gjënë e duhur për Kosovën, konstaton "Uashington post".

Arb

17-12-07, 16:38

Paten: Plani i Ahtisarit s'ka alternativë

Londër, 17 dhjetor - Kris Paten, ish-komesioner evropian i punëve të jashtme, në një koment të botuar në gazetën "Fajnenshëll tajms" thekson se kaptina e fundit për Kosovën ende duhet të shkruhet.

Paten lavdëron politikën që ish-kryeministri britanik Toni Bler e ka zhvilluar në Kosovë, si dhe vendimin për ndërhyrjen ushtarake, por thekson se storja e Kosovës është larg nga përfundimi.

Duke marrë parasysh qëndrimet e palëkëndura të Beogradit dhe Prishtinës, një zgjidhje kompromisi nuk është e mundur, pohon Paten.

Ndërsa në Këshillin e Sigurimit po vazhdojnë përpjekjet që të formalizohet statusi i Kosovës, ekziston frika se sa më shumë që diplomatët të zvarrisin çështjen, do të shtohet rreziku që frustrimi i popullsisë lokale të shndërrohet në gjakderdhje.

Propozimet që i ka paraqitur Marti Ahtisari nuk kanë alternativë. As Rusia, megjithë mosgatishmërinë që të mbështesë projekt rezolutat e paraqitura në Këshillin e Sigurimit, nuk ka bërë ndonjë propozim tjetër.

Bashkimi Evropian sidomos është i interesuar që çështja e Kosovës të zgjidhet në mënyrë adekuate, sepse nëse gjërat shkojnë keq, Evropa e para do t'i ndjejë pasojat. Pradaj, anëtarët e Bashkimit Evropian në Këshillin e Sigurimit duhet të përdorin tërë fuqinë e tyre diplomatike që të miratohet një rezolutë për Kosovën.

Storja e Kosovës ende nuk mund të vehet në listën e sukseve të bashkësisë ndërkombëtare, gjithnjë derisa nuk i shtohet kaptina përbyllëse e Ahtisarit, përfundon Paten komentin e tij në "Fajnenshëll tajms".

Arb

17-12-07, 16:39

Kryeministri grek: Kosova është një rast i veçantë edhe unikal

Athinë, 17 dhjetor - Diplomacia greke e konsideron "gabim dhe jo produktiv çdo lidhje të perspektivës evropiane të Serbisë me Kosovën".

Me anë të një deklarate, shefja e diplomacisë greke, Dora Bakojani, shprehet për respektimin e procedurës deri në përftimin nga ana e saj të statusit të vendit kandidat për integrim.

Ndërkohë pozicionimi i Greqisë ndaj shpalljes së pritshme të pavarësisë së Kosovës u bë më se i qartë nga vetë kryeministri Karamanlis se kurrsesi nuk do të jetë ai i diferencimit nga partnerët e tjerë evropianë dhe aq më shumë i vetos siç do të deshironin në radhë të parë Rusia por edhe Qiproja.

"Greqia siç ka bërë deri më sot do të jetë veçanërisht e kujdeshshme. Kriteri ynë është siguria dhe stabiliteti i rajonit më të gjerë, interesat e vendit dhe ruajtja e unitetit në Bashkimin Evropian, bile për një çështje absolutisht evropiane", tha Karamanlis, i cili nuk e fshehu as parapëlqimin e Athinës për një "zgjidhje konsesusi" qoftë edhe momentin e fundit as vendimin e saj për të mos u bashkerenduar me qendrimin e Qipros që gjithsesi kërcënon me veto.

"Me ndërhyrjen tonë në konkluzionet e samitit u përfshi një nen që përcakton në mënyrë absolutisht të qartë se Kosova është një rast i veçantë edhe unikal", tha Kryeministri grek, duke përcaktuar caqet e solidaritetit ndaj shtetit simotër por duke ezauruar njëkohësisht dhe një rezervë të vendit të tij, atë të frikës së një "reaksioni zinxhir", që e radhit Greqinë ndër vendet skeptike përsa i përket pavarësisë së njëanshme të Kosovës.

Karamanlis do të vizitojë të martën Moskën, ku do të synojë të sigurojë mirëkuptimin rus për bashkërendimin e Athinës me kancelaritë perëndimore për pavarësinë e Kosovës.

Arb

17-12-07, 16:42

Dodik është për ndarjen e Kosovës

Zagreb, 17 dhjetor - Kryeministri i Republikës Serbe, Milorad Dodik ka deklaruar se paqja dhe stabiliteti në këtë entitet serb të Bosnjës e Hercegovinës do të ruhet pavarësisht Kosovës. "Asnjë përfaqësues i Republikës Serbe nuk do t'u japë pëlqimin politikanëve nga B e H që ta njohin shpalljen e pavarësisë së Kosovës, në të kundërtën ata do të kenë probleme, ka thënë ai për Televizionin kroat. Sa i përket zgjidhjes së mundshme të statusit të Kosovës, Dodik thotë se është për ndarjen e Kosovës. Ai tha se dhe Serbia gjithashtu do të dëshironte zgjidhjen e këtij problemi. "Për Serbinë është më mirë që të mos ketë shqiptarë në Serbi", ka theksuarDodik. "Atje jeta multinacionale nuk mund të funksionojë, por në B e H mundet", është shprehur Dodik, thuhet në sajtin e Televizionit kroat.

Arb

21-12-07, 17:13

Uashingtoni mbështet pavarësinë e mbikqyrur të Kosovës

Uashington, 21 dhjetor - Zëdhënësi i departamentit amerikan të Shtetit, Shon Mekormak e ripërsëriti mbështetjen e Uashingtonit për pavarësinë e mbikqyrur të Kosovës: "Në mënyrë të vazhdueshme, Shtetet e Bashkuara, vazhdojnë të besojnë se rruga për të ecur përapara është nëpërmjet të impementimit të bazave të Ahtisarit, përfshirë së paku fillimisht, pavarësinë e mbikqyrur ndërkombëtarisht për Kosovën", tha Mekormak. Ai u shpreh se "të gjithë popujt e Ballkanit meritojnë të jetojnë në paqe, meritojnë ti arrijnë vizionet e tyre euroatlantike dhe që të jenë pjesëmarrës të plotë në çështjet evropiane".

Arb

21-12-07, 17:15

Serfati: Rusia dhe Serbia nuk do ta kundërshtojnë gjatë pavarësinë e Kosovës

Uashington, 21 dhjetor - Përzierja e Rusisë jo vetëm në lidhje me Kosovën, por edhe përgjithësisht në Evropë dhe në Lindjen Mesme, do të thotë se Moska synon të konfirmohet si fuqi e madhe, si dikur Bashkimi Sovjetik, kur me një "njet" të thjeshtë ishte në gjendje të bllokonte çdo zgjidhje, tha analisti i Qendrës për Studime Strategjike dhe Ndërkombëtare në Uashington, Sajmon Serfati. Ai vlerësoi për "Zërin e Amerikës" se edhe tani Moska "po e nxit Beogradin që të refuzojë të pranojë pavarësinë e Kosovës". Kur flitet për pavarësinë e Kosovës, bëhet fjalë për "kufizime të rëndësishme, e jo për pavarësinë e plotë", thotë ky analist amerikan, i cili nuk beson që Rusia dhe Serbia gjatë kohë do të kundërshtojnë "aktin e kryer, kur Kosova të shpallë pavarësinë". "Duhet pasur parasysh se ajo që tani po ndodh në Kosovë është rezultatat i zhvillimeve gjatë 15 viteve të kaluara, vendimeve të këqija të udhëheqjes serbe dhe luftrave në të cilat Serbia ishte aktori kryesor", nënvizoi Sajmon Serfati.

Arb

22-12-07, 11:30

Rajs: Kosova nuk do të jetë më kurrë pjesë e SerbisëDavid Gollust
22-12-2007

http://www.voanews.com/albanian/images/APRice210_6.jpg (http://www.voanews.com/albanian/2007-12-22-voa2.cfm)

Sekretarja amerikane e shtetit Condoleezza Rice tha dje se Kosova nuk do të jetë më kurrë pjesë e Serbisë dhe të gjithë ata që janë të interesuar duhet të përpiqen për një zgjidhje të qëndrueshme në Ballkan të mbështetur në këtë realitet. Në një konferencë shtypi për fundin e vitit zonja Rice premtoi dialog me Serbinë dhe Rusinë, që janë kundër pavarësisë së Kosovës.
Zonja Rice nuk shprehu mbështetjen për ndonjë afat të caktuar për pavarësinë e Kosovës, por e bëri të qartë se parashikon që ajo të jetë e pavarur dhe u kërkoi të gjitha palëve të angazhuara me këtë çështje që ta pranojnë këtë realitet.
Raundi i fundit i bisedimeve mes zyrtarëve kosovarë dhe serbë të ndërmjetësuara nga Shtetet e Bashkuara, Bashkimi Evropian dhe Rusia përfunduan pa rezultat.
Serbia me mbështetjen e Moskës, kishte ofruar një shkallë maskimale autonomie, por jo pavarësinë.
Pas bisedimeve, zyrtarët e Shteteve të Bashkuara dhe Bashkimit Evropian e kanë bërë të qartë e bënë të qartë se mbështesin pavarësinë në bazë të planit Ahtisaari.
Udhëheqësit e Kosovës kanë thënë se do ta shpallin pavarësinë në fillim të vitit të ardhshëm.
E pyetur për këtë mundësi, zonja Rice tha se do të jetë e rëndësishme të merren vendime për statusin e Kosovës gjatë javëve të ardhshme ose në të kundërt do të kishte paqendrueshmëri.
“Fakti është që Kosova dhe Serbia nuk do të jenë kurrë më pjesë e një shteti. Mendoj se kjo është e qartë. Kjo ishte madje edhe logjika e rezolutës 1244 për statusin e veçantë që iu dha Kosovës, si rezultat i luftës. Dhe më e rëndësishmja është që këta dy popuj të mendojnë për të ardhmen”.
Zonja Rice tha se Shtetet e Bashkuara po bashkëpunojnë ngushtë me Bashkimin Evropian, si edhe me udhëheqësit e Kosovës për të theksuar përgjegjësitë e tyre sipas planit Ahtisaarit, ndërkohë që po garantojnë Serbinë për të ardhmen e saj në institucionet evropiane, nëse ajo e pranon një tranzicion të tillë.
Plani Ahtisaari parashikon masa të hollësishme për mbrojtjen e të drejtave të pakicës serbe në Kosovë. NATO-ja ka 16 mijë trupa në Kosovë dhe ka premtuar që t’i mbajë ato atje për një afat të pacaktuar. Bashkimi Evropian javën e kaluar mori angazhim të dërgojë një mijë e 800 forca policie dhe sigurie.
Zonja Rice tha në fillim të kësaj jave se nuk parashikon që Rusia, ose Serbia të kërcënojnë kosovarët, apo të destabilizojnë Ballkanin dhe shtoi se nuk do të ishte në interesin e tyre ta bënin një gjë të tillë.
Të enjten, në një intervistë, Ministri i Jashtëm rus Sergei Lavrov tha se Moska do t’i vërë veton çdo përpjekjeje brenda Kombeve të Bashkuara për pavarësinë e Kosovës. Ai tha se përpjekjet për zgjidhjen e kësaj çështjeje jashtë OKB-së do të ishin një hap më pranë drejt fundit të kësaj organizate.
Moska thotë se njohja e Kosovës megjithë kundërshtimin e Beogradit do të përbënte një precedent të rrezikshëm për rajonet e tjera evropiane me ndjenja separatiste. //kk//

Arb

22-12-07, 11:36

Kadare: Problemi i Kosovës, një problem i madh i lirisë...Laura Konda
Zëri i Amerikës
21-12-2007

Janë ditët e fundit të vitit 2007, momenti kur i hedhim një vështrim zhvillimit të ngjarjeve më të rëndësishme të vitit: Kosova ndodhet tashme shumë pranë zgjidhjes së stausit të saj; Shqipëria është pranë pranimit në NATO... Pikërisht, për të biseduar mbi disa nga çështjet që lidhen me Kosovën dhe Shqipërinë, Zëri i Amerikës zhvilloi një bisedë telefonike nga Parisi në programin televiziv “Ditari”, shkrimtarin Ismail Kadare.
Zëri i Amerikës: Zoti Kadare, Kosova ndodhet sot më pranë se kurrë më parë, realizimit të aspiratës së saj për pavarësi. Bashkimi Evropian, ndonese jo i unifikuar, si dhe Shtetet e Bashkuara, janë shprehur në favor të njohjes së pavarësisë. Por, ndonëse vëmendja sot është përqëndruar tek zhvillimet e ditës, duket se sfida më e madhe për Kosovën do të jetë periudha që do të pasojë. Si e shikoni ju mbarë këtë proces?
http://www.voanews.com/albanian/images/kadare.jpg-1.jpgIsmail Kadare
Ismail Kadare: Natyrisht, që problemi i Kosovës po shkon drejt zgjidhjes përfundimtare. Duhet të jetë njeriu i verbër, që mos e shikojë këtë gjë, ose që mos jetë normal që mos ta kuptojë. Problemi i Kosovës nuk ka qenë asnjëherë problem administrativ, politik, fetar, e aq më pak, çështje sentimetale, siç është paraqitur disa here. Ai ka qenë problem i madh i lirisë; liria është problemi numër një i çdo populli dhe problemi i Kosovës, mund të trajtohet edhe vetëm si i tillë, pra si problem vetëm i lirisë; dhe ai u trajtua si i tillë. Kur Evropa Atlantike, e nxitur nga shqiptarët e Kosovës vendosi t’i ndihmonte ata, ajo nderoi vlerat e saj dhe nderoi në radhë të parë, konceptin e lirisë. Zgjatja që ndodhi, ishte një farë tërheqjeje. Ne e kemi përjetuar në sytë tanë këtë, nën një presion të madh të propagandës serbe dhe pastaj asaj ruse, u bë një përpjekje për simetrizim të krimit, dmth, për një ngatërresë, një mjegullim midis xhelatëve dhe viktimave, për të paraqitur Serbinë si viktimë, për të zgjuar keqardhje për të, për të harruar çka ndodhur. Unë jam një europianist i vendosur, dhe gjithmonë kam theksuar dhe theksoj që mirënjohja shiptare për Evropën Atlantike, për Evropën, për Shtetet e Bashkuar, duhet të jetë në jetë të jetëve, do të jetë e pandryshueshme; por kjo s’do të thotë aspak, që ne, të mos themi mendimin tone, kur ka gjëra, kur ne nuk jemi dakord me qëndrimet që mbahen. Në qoftë se do të kihen parasysh për shembull, e vërteta, çka ndodhur në Kosovë, në qoftë se do t’i bëheshin të njohura botës krimet që kanë ndodhur atje, masakrat, shpërnguljet e shqiptarëve, vrasjet e foshnjeve dhe sidomos një krim i madh, për të cilin është folur shumë pak, ose nuk flitet ende, përdhunimi në masë i grave dhe i vajzava të reja në Kosovë, vizioni për atë që ka ndodhur do të ishte shumë më i qartë dhe zgjidhja do të kishte qenë, për mendimin tim, më e shpejtë. Këto nuk i them aspak për revansh, askush nga ne nuk i thotë për revansh, përkundrazi, i them, meqë problemi zgjidhet vërtet në rrënjët e tij, në thellësinë e tij, që të mos ketë dilema më, se dilemat janë shumë të këqia, kur ka probleme të tilla madhore; unë jam për atë, që sytë t’i mbajmë nga e ardhmja, në kërkim të paqes, të mirëkuptimit me popujt fqinj, duke përfshirë, natyrisht edhe popullin serb; por kjo nuk mund të ndodhi me anë të harresës. Populli shqiptar nuk mund të trajtohet në këtë mënyrë, sepse kështu mund të trajtohet vetëm një popull i dorës së dytë.
Për të ardhur tek pyetja jua, tek sfidat më të mëdha që do të ketë Kosova. Kosova, është, do të jetë dhe ka marrë dhe po merr qysh tani, konturet e një zone shqiptare, evropaine, me të gjitha standartet humaniste të kontinetit evropian. Ai është dhe do të jetë atdhe i të gjithë njerëzve që banojnë dhe jetojnë në të, duke zbatuar të gjitha standartet më të larta në këto norma që ka arritur njerëzimi dhe qytetërimi. Në qoftë se thuhet dy shtete shqiptarë në Ballkan, nganjëherë kjo është një pyetje që zgjon pak habi. Si do të ekzistojnë dy shtete shqiptare në Ballkan? Natyrisaht, që nuk është një zgjidhje e shkëlqyeshme por natyrisht, që është një zgjidhje kompromisi, e vetmja që ngelet tani për tani.

Zëri i Amerikës: Dhe çfarë marrëdhiesh mendoni që do të kenë mes tyre këto dy shtete, ai i Kosovës dhe ai i Shqipërisë?
Ismail Kadare: Unë them se këto do të kenë marrëdhënie krejtësisht të veçanta, dmth nuk them se do të kenë marrëdhëne si dy fqinj, këto janë më tepër se dy fqinjë. Këto janë dy shtete, që kanë një lidhje të brendshme, një lidhje tektonike të brendshme, sepse janë dy shtet të përbëra nga i njëjti komb, sepse janë një komb i ndarë në dy shtete; prandaj dhe do të duhet të kenë marrëdhënie korrekte, në radhë të parë, marrëdhënie të standarteve të larta demokratike, evropiane, dhe marrëdhënie siç ka një pjesë e një kombi, me pjesën tjetër të një kombi, njëkohësisht. Nuk mund të konceptohet ndryshe kjo gjë.

Zëri i Amerikës: T’i kthehemi pak ngjarjeve në Shqipëri. Po mbushen pothuajse dy dekada që nga përmbysja e komunizimit dhe ende nuk mund thuhet se tranzicioni atje ka mbaruar. Shpeshherë, vihet re një ndjenjë pesimizmi për mundësinë e përmirësimit të gjendjes. Nga ana tjetër Shqipëria sot është pranë marrjes së një ftese për anëtarësim në Nato. Si do t’i komentoni ju këto zhvillime në Shqipëri?
Ismail Kadare: Natyrisht, unë e kuptoj gjithë atë ligështimin që përmendët ju, e kuptoj fare mire dhe kjo nuk do të thotë që ne të harrojmë dhe të mos marrim parasysh atë çka ndodhur, kanë ndodhur edhe gjëra të mira në këtë kohë, psh, vetë fakti që ne, nga një vend që prisnim të na sulmonte NATO-ja, ja kishim mbushur mendjen vetes se do të na sulmojë NATO-ja dhe bënim gati disa shtiza dhe disa maja gjilpërash çative, që të mbroheshim prej saj, kurse tani presim ftesën që të hyjmë, kuptohet çfarë ka ndodhur, në botë edhe në Shqipëri; por unë e kuptoj edhe padurimin shqiptar, sepse ky tranzicion, siç thatë ju, zgjati shumë, dhe po kthehet në një fare ngecjeje, ngecje historike; se gati 20 vjet që po bëhen, nuk është më fjala tranzicion që i përshtatet. Problemi që kemi, është se ka disa probleme bllokuese në Shqipëri, që duken nganjëherë banale nga ana e jashtme, por s’janë banale, janë shumë të thella, ai që është problemi i dritave dhe i ujit. Na vjen turp të gjithëve, që duhet të flasim, të merremi me këtë problem. Mirëpo, nuk ka si të mos merremi, sepse kjo është sikur të na ketë ardhur një gjë që nuk ndodh sot në botë, ose në një pjesë të madhe të planetit, të jetë kthyer, ta zemë një sëmundje e Mesjetës, Murtaja, dhe ne të kemi punë me të. Mungesa e ujit dhe dritave, është barbare, është jo e epokës sonë, prandaj na acaron, në fakt, na bllokon në çdo gjë, paralizon vullnetin në këtë vend, krijon ligështim moral; dhe në këtë mënyrë, mungon ai që është normaliteti i jetës. Në këtë mënyrë, Shqipëria s’mund të jetë një shtet i lirë dhe sovran, duke patur këtë problem kaq të rëndë, që në pamje është banal dhe mua më vjen tashti pak zor, që detyrohem të flas për të, kështu na vjen zor të gjithëve, është uji dhe dritat. Uji ka qenë një mjet shtypjeje, historikisht është njohur, mjet dhune; madje ekziston një terminologji, një term që quhet, “diktatura hidrike”, diktatura të bazuara mbi sundimin e ujit, pra diktatura që bazoheshin më tepër se në burgje dhe në polici, në mungesën e ujit, në ndërprerjen e ujit. Natyrisht, që nuk dua të bëj krahasim, pa dyshim, por ne na ka mbetur pra nëpër këmbë, një gjë, një relike e kohërave barbare, e epokave të vdekura. Prandaj, kështu, shpjegohet që në Shqipëri krijohet ky ligështim, me të drejtë, si të thuhet, sepse duke mos zgjidhur disa probleme madhore, ato bllokojnë të tjera dhe bllokimi kalon në zinxhir dhe krijohet ajo që thashë, ngecja.

Arb

22-12-07, 11:37

Zëri i Amerikës: Zoti Kadare, në këto ditë festash, kur sapo lamë pas Bajramin dje dhe presim Krishtlindjet, nuk mund të mos kujtojmë përsëri faktin se shqiptarët gjithmonë janë shquar për tolerancën e tyre fetare dhe mirëkuptimin mes besimeve. Por sot dëgjon herë pas here, qoftë në Perëndim, qoftë nga fqinjët e shqiptarëve në Ballkan, se feja e shumicës së tyre, myslimanizmi, përdoret për argumente të caktuara. Ku mendoni ju se i ka bazat kjo?
Ismail Kadare: Kjo ka një bazë, jo më kot që bëhet me kaq këmbëngulje, natyrisht. Tani, Ballkani shquhet si vendi i krijimit të përrallave, i fantazive. Një nga përrallat që lidhej me problemin e Kosovës ka qënë, që Kosova u shpall për një kohë të gjatë si djepi i serbizmit, Jeruzalemi i serbëve etj, etj., tani po krijohet një përrallë e re, jo më lidhur me serbët, por lidhur brenda një problemi ndërshqiptar – çështja e fesë tek shqiptarët. Shumë të interesuar janë shumë njerëz, që ta theksojnë këtë gjë, ta theksojnë se në Shqipëri ka dy besime ose tre besime, më saktë dhe është e habitshme sepse kjo krijon një lloj surprize tek shumë të huaj sidomos. Kanë qef të surprizohen, të ndjehen të habitur prej kësaj. Unë nuk kam dëgjuar ndonjëherë të them të drejtën që në Evropë ku kjo dukuri është e njohur, njerëzit të habiten për këtë gjë. Në Gjermani, në Francë, në vende të tjera evropiane ka dy dhe disa herë tre besime kryesore. Nuk kam dëgjuar kurrë që një francez të thotë jam francez protestant apo katolik, ose një gjerman ta thotë këtë gjë. Janë gjermanë, janë francezë, tani është shtuar edhe feja myslimane, ku ka ta zemë, në Francë ta zëmë ka më shumë myslimanë sesa në Shqipëri e në Kosovë bashkë. Pra vetëm kjo, për ne bie shumë në sy, ose më tepër ta një theksim me një farë padurimi që nga kjo gjë të ndodhi diçka në Shqipëri.
Harmonia fetare, siç e përmendët ju, ka qënë vërtetë një sfidë e jashtëzakonshme që populli shqiptar i ka bërë në radhë të parë historisë së vet, që nuk e ka lejuar atë të preket dhe që po i bën në një farë mënyre mendësisë botërore, evropiane. Ku e ka bazën tani gjithë kjo pritje e gjatë që të ndodhi diçka me këto fe? Kjo e ka bazën tek një ide e mbrapshtë, e vjetër, që shqiptarët nuk janë evropianë; shqiptarët duke qënë se kanë një pjesë të madhe myslimanësh midis, këta myslimanë shqiptarë së paku, në qoftë se s’janë të gjithë shqiptarët evropianë, së paku myslimanët shqiptarë s’janë evropianë, domethënë shumica e tyre. Kjo është një tezë e mbrapshtë, me një qëllim të caktuar, që lidhet me krimet e vjetra dhe me projekte të ardhshme të cilat jam i bindur që nuk do të kryhen kurrë. Domethënë, kush janë krimet e vjetra që lidhen me këtë? Shpërngulja – ka qënë një doktrinë antishqiptare. Shpërngulja ka qënë një mënyrë që ne e kemi provuar. Kosova sot do të kishte 3 milionë banorë në qoftë se nuk do të kishte disa shpërngulje të tmerrshme në vitet 30 dhe 40, shpërngulje të mëdha në Turqi. Domethënë ata shqiptarë që kanë qënë 300 – 400 mijë në atë kohë që kanë ikur do të ishin një milionë. Pra shikoni se si shpërngulja është një mjet që është shfrytëzuar dhe ky mjet vazhdon të jetë në projektet e mbrapshta, të besohet gjithmonë, të ëndërrohen gjëra të shkuara, që të bëjnë që të quhen shqiptarët miq të huaj për kontinentin evropian. Domethënë "ne", serbët e të tjerë, janë evropianë dhe shqiptarët nuk janë, meqënëse kanë këtë problemin e fesë. Këtu është prapavija, mendoj unë, e keqe e këtij problemi që neve me sukses, populli ynë, kombi ynë e ka sfiduar, duke vërtetuar se myslimanët shqiptarë janë po aq, ndihen anëtarë të kontinentit, pjesëtarë të këtij kontinenti që quhet Evropë, po aq sa katolikët, po aq sa të tjerët, ortodoksët, ateistët etj., etij.

Zëri i Amerikës: Zoti Kadare, në Shqipëri po botohet Vepra Juaj e Plotë. Tashmë kanë dalë në treg dy vëllimet e para të saj. A vazhdon të jetë i njëjti interes për librin në Shqipëri?
Ismail Kadare: Ka shumë fjalë që ka rënë interesi për librin, ky është një diskutim botëror. Unë mendoj, se nuk ka rënë interesi aq sa mendohet. Ka një farë rënie relative, që është e shpjegueshme por në Shqipëri për fat të mirë, gjithmonë kam konstatuar se lexuesi i mirë shqiptar që mbetet gjithmonë lexuesi i mirë shqiptar, ka interes për librin e për letërsinë e mirë dhe do ta mbajë këtë interes. Unë nuk jam pesimist për këtë gjë. Natyrisht, për t’i kthyer tek problemet që folëm më lart, kur kemi ato problemet bllokuese, si çështja e dritave, me siguri edhe shkrimtarët shqiptarë, me një trishtim mendojnë që ja u bë errësirë, secili ka hallet e veta, siç ka çdo familje dhe çdo ndërmarrje; por shkrimtarët kanë edhe atë problemin e tyre që librat e tyre në atë kohë nuk lexohen, si të thuash dhe e konstatojnë këtë gjë me trishtim. Ja pra, si lidhen problemet në Shqipëri, por unë po kthehem tek ajo, që lexuesi shqiptar ka mbetur amator i kulturës dhe i letërsisë veçanërisht.
Zëri i Amerikës: Zoti Kadare, ju faleminderit për intervistën dhe gëzuar festat!
Ismail Kadare: Faleminderit dhe gëzuar edhe juve!

Arb

27-12-07, 16:07

Revanshi i Moskës për pavarësimin e Kosovës

Berlin, 27 dhjetor - Kosova është "shkrehje" e një konflikti serioz të Lindjes dhe Perëndimit, me vatrat që janë larg nga "krahina kontestuese ballkanike", bie fjala në rajonin e Detit të Zi, vlerëson e përditshmja gjermane "Velt". "Në fushën gjeopolitikës të shahut, Uashingtoni, të cilin Evropa pa entuziazëm e mbështet, e dërgon Kosovën në rrugën e pavarësisë. Si revanash, Moska po bën atë që ka kohë e ka paralajmëruar dhe pezullon Marrëveshjen për kontrollin e armatimit konvencional në Evropë", shkruan komentatori i politikës së jashtme të kësaj gazete, Mihael Shtimer. Shtimer, ndryshe profesor i historisë në Universitetin e Erlangenit, vlerëson se "të dyja gjërat në të njëjtën kohë në mënyrë logjike dhe jologjike janë të lidhura". Jologjike për shkak se "Kosova nuk ka lidhje me kontrollin e armatimit, por logjike sepse Rusia kërkon kompensim meqenëse Kosova largohet mga zona e saj e ndikimit", konsideron analisti Shtimer. "Kontrolli i armatimit, që Perëndimit i është më e rëndësishme sesa Kremlinit, rusëve u shërben si levë për ndryshime të vogla në hartën gjeopolitike", thekson Shtimer.

Arb

08-01-08, 17:05

Hollbruk: Kosova do të shpallë pavarësinë në muajin shkurt

Budapest, 8 janar - Ish-diplomati amerikan Riçard Hollbruk ka deklaruar se Kosova do të shpallë pavarësinë në muajin shkurt. "Kosova që në muajin e ardhshëm do të shpallë pavarësinë dhe më e rendësishme është që kjo të realizohet në mënyrë paqësore", ka thënë kreatori i politikës amerikane në Ballkan në një emision të TV hungarez. Sipas mendimit të tij, është e sigurt që Serbia dhe Rusia do të hedhin poshtë shpalljen e pavarësisë së Kosovës, por atë do ta njohin SHBA-të, Britania, Franca, Italia dhe shumica e vendeve të tjera të BE-së. "Edhe Hungaria publikisht ka paralajmëruar se dëshiron të ecë kësaj rruge, domethënë do ta njohë pavarësinë e Kosovës, gjë që është shumë e rëndësishme, sepse bëhet fjalë për shtetin i cili gjeografikisht ndodhet më afër këtij rajoni", ka thënë Hollbruk dhe ka theksuar se në "Serbi jetojnë më shumë hungarezë sesa serbë në Kosovë". Hollbruk ka porositur që për procesin e Kosovës duhet të bëhen përpjekje që të mbyllet në mënyrë paqësore, ndonëse siç thotë nuk ka garancione. "Shtetet evropiane, përfshi edhe Rusinë, duhet të sigurojnë që serbët të mos shkaktojnë edhe një krizë të armatosur, por përgjegjësi e madhe bie edhe mbi shqiptarët, të cilët duhet të garantojnë të gjitha të drejtat e njeriut dhe të pronës për pakicën e atjeshme serbe", ka përfunduar Hollbruk.

Arb

17-01-08, 01:10

Busek: Politikanët serbë në "botën e mitologjisë", derisa pavarësia e Kosovës të mos bëhet realitet

Budapest, 16 janar - Kreu i Paktit të Stabilitetit për Evropën Juglindore Erhard Busek konsideron se politikanët në Beograd jetojnë në "botën e mitologjisë", kurse situata nuk do të ndryshojë derisa pavarësia e Kosovës të mos bëhet realitet.

"Ndërsa në Serbi shënohen suksese të mëdha ekonomike, në anën tjetër kreu i saj politik jeton në botën e mitologjisë.

Situata nuk do të ndryshojë derisa pavarësia e Kosovës të mos bëhet realitet, por ky akt bart me vete pasoja të paparashikuara", ka thënë Busek për një gazetë hungareze, "Nepsabandshag". Busek thotë se "Perëndimi ka nënçmuar kokëfortësinë e udhëheqësve të Beogradit", por ai pret që disa muaj pas shpalljes së pavarësisë së Kosovës pasionet të qetësohen.

Busek njëherit ka shprehur bindjen se Kosova do t'ia dalë që të mbijetojë si shtet i pavarur, duke marrë si shembull zhvillimin e suksesshëm të Sllovenisë, madje dhe të Malit të Zi.

QIK-u

Arb

17-01-08, 17:06

Austria do ta njohë pavarësinë e Kosovës shumë shpejt
Vjenë, 17 janar Vjena zyrtare do ta njohë pavarësinë e Kosovës shumë shpejt, kurse Madridi tha se datën e njohjes së pavarësisë do ta shtyjë deri në mars, shkruan e përditshmja vijeneze "Standard". Gazeta ka cituar kancelarin Alfred Guzenbauer, i cili në disa raste ka thënë se Austria do të jetë vendi i parë që do ta njohë pavarësinë e Kosovës.

Arb

28-01-08, 22:30

Shpallja e pavarësisë së Kosovës dhe njohja e saj mund të çojë në ndarjen e Kosovës, tha Harçenko

Moskë, 28 janar - Përfaqësuesi i ministrit të jashtëm rus për Ballkanin, Aleksandar Boca-Harçenko, ka deklaruar sot se shpallja e njëanshme e pavarësisë së Kosovës dhe njohja e saj "de fakto" mund të çojë në ndarjen e Kosovës.

Në një seancvë të Komitetit për marrëdhënie ndërkombëtare të Dumës ruse Harçenko ka thënë se Perëndimi në këtë mënyrë do të vijë deri në variantin të cilin më herët e konsideronte më të keqin dhe kundër të cilit luftonte.

Harçenko ka theksuar se ekziston lidhja thelbësore e Serbisë me serbët në veriun e Kosovës, se Beogradi edhe financiarisht i ndihmon dhe se "asgjë nuk do të jetë pengesë që integrimi të vazhdojë pa shumë vështirësi".

Diplomati rus nuk ka përjashtuar mundësinë që serbët, pas njohjes eventuale të pavarësisë së Kosovës, t'ua mohojnë mikpritjen forcave të NAT0-s dhe BE-së duke theksuar se do të ndodhë vala e e re refugjatëve, si dhe të eksceseve të reja, si në jug të Serbisë, ku jetojnë shqiptarët, po ashtu edhe në Maqedoni.

Arb

28-01-08, 22:31

Autoritetet e Prishtinës do ta shpallin shpejt pavarësinë e Kosovës, ka deklaruar Rohan

Londër, 28 janar - Autoritetet e Prishtinës do ta shpallin shpejt pavarësinë e Kosovës, e cila do të njihet më pastaj nga shtete të tjera, ka thënë për BBC në Zëvendësndërmjetësi për statusin e Kosovës, Albert Rohan.

Sipas tij shpallja e pavarësisë së Kosovës do të duhej të bëhej mbi bazën e propozimeve të Ahtisarit, me të cilat Kosova do të duhej të respektonte propozimet e planit,shumica e të cilave kanë të bëjnë me mbrojtjen e komunitetit serb.

Por Rohan ka thënë se nuk beson që ky plan të votohet në Këshillin e Sigurimit të OKB së për shkak të bllokadës ruse.

Rohan ka theksuar se pas shpalljes së pavarësisë së Kosovës, tensionet mes Prishtinës dhe Beogradi do të rriten meqë qeveria serbe nuk do ta njohë deklaratën. Kosova është rast i veçantë dhe shembulli i saj nuk mund të zbatohet në asnjë rast tjetër, ka thënë Rohan.

Arb

31-01-08, 23:41

Kroacia do të njohë pavarësinë e Kosovës menjeherë pas SHBA-ve dhe vendeve kryesore të BE-së

Zagreb, 31 janar - Kroacia do të njohë pavarësinë e Kosovës menjeherë kur këtë ta bëjnë SHBA-të dhe vendet kryesore të BE-së. Këtë qëndrim të njohur të politikës zyrtare kroate e mbështet edhe shumica e analistëve dhe e opinionit kroat, pohon Radioja Evropa e Lirë nga Zagrebi.

Kroacia nuk ka kurrfarë arsye të ndahet dhe të presë me njohjen e pavarësisë së Kosovës, thekson ministri i jashtëm shumëvjeçar në kohën e Tugjmanit, kurse sot analist i pavarur politik, Dr. Mate Graniq.

"Është skenari që këtë ta bëjnë të parët me gjasë SHBA-të, e pastaj shtetet kryesore evropiane dhe unë mendoj që këtë do ta bëjë edhe Kroacia, me siguri një ditë ose dy pas grupit të parë të vendeve të Bashkimit Evropian", tha Graniq për REL.

Me vlerësimin e Graniqit pajtohen shumica e opinionit dhe e analistëve, por është edhe qëndrimi zyrtar i paraqitur publikisht që sa i përket çështjes së Kosovës, Kroacia do të ndjekë vendimet e Bashkimit Ecropian.

lyra2

04-02-08, 22:48

Sipas faqes ne internet te televizionit austriak ORF (http://www.orf.at)

Mbikeqyrje nderkombetare
Misioni i BE-se mundet me se shpejti ne qershor te filloje veprimtarine e vet.

Treni ne drejtim te pavaresise se Kosoves duket se eshte nisur megjithe kundershtimin e vazhdueshem te Serbise.

3 shkurt: Boris Tadic vendos per vete raundin e dyte te zgjedhjeve presidenciale. BE priti deri tani me gjithe vendimet lidhur me pavaresine e Kosoves, per te mos dobesuar shanset per fitore te presidentit properendimor.

6 shkurt: Seance konstitutive e parlamentit te zgjedhur te Kosoves. Duket si jo e mundshme, qe parlamenti te marre qe ne kete seance vendim per pavaresine. Megjithate ne kete dite mund te shpallet data e vertete e shpalljes se pavaresise.

6 deri me 18 shkurt: BE pritet te jape ne kete periudhe kohore drite te gjelber per misionin e saj policor ne Kosove, i cili do te perbehet nga 1800 persona. Pervec kesaj duhet te ndertohet nje zyre e BE-se, e cila do te zevendesoje administraten tranzitore te OKB-se dhe e cila duhet te mbikeqyre pavaresine e provinces.
Dergimi i trupes duhet te nise menjehere pas vendimit politik dhe duhet te jete i mbyllur brenda kater muajsh.

18 shkurt: Seance e ministrave te jashtem te BE-se ne Bruksel. Prishtina mundet qe pak perpara kesaj seance, ndoshta me 15 shkurt, te deklaroje pavaresine, per te cilen ministrat e jashtem te BE-se te reagojne me nje njohje te perbashket gjate kesaj seance.
Por duket me shume e pamundur, qe te gjithe 27 shefat e diplomacise te marrin pjese ne kete hap, sepse me se pari shtetet me probleme te pazgjidhura minoritetesh si Sllovakia, Rumania, Qipro, Spanja, Bullgaria dhe Greqia kane shprehur simpati per pozicionin serb.

Fundshkurt/Fillimmars: Ne Bruksel shpresohet, qe shpallja e pavaresise nga shqiptaret e Kosoves te shtyhet deri ne kete pike kohore, ne menyre qe nje mundesisht nje perqindje e larte e vendeve anetare ta njohe kete hap.
Nje avantazh i metejshem do te ishte, qe ne kete rast dhe kryetaret e shteteve dhe qeverive te BE-se ne takimin e tyre ne date 13 mars te mbeshtesin pavaresine e Kosoves. Njohja e vertete e pavaresise ama do te ndodhte ndryshe nga nje shtet i BE-se ne tjetrin, ne perputhje me procedurat perkatese diplomatike.

Fundqershor: Nese gjithcka ecen sipas planit, misioni i BE-se fillon punen ne Kosove. OKB i kalon me ate rast zyrtarisht autoritetin ne Kosove Bashkimit Europian. Nga diplomate europiane pritet qe periudha atehere e nisshme e „pavaresise se mbikeqyrur“ do te zgjase pese deri ne dhjete vjet.

Arb

08-02-08, 19:49

Shpallja e Pavaresise me 17 Shkurt, ndersa Fuqizimi ne Mars

Deklarata e Paveresise se Kosoves do te behet me 17 Shkurt. Nga kjo date Kosova konsiderohet e Pavarur. Ndersa fuqizimi i deklarates se Pavaresise do te behet ne Mars.

Kjo periudhe kohore (n menyre te pershpejtuar) do te shfrytezohet per implementimin e pjeseve te caktuara te pakos se Ahtisarit, Kushtetutes, i dhe simboleve Shteterore (pasi qe pergjegjesit per implementimin e tyre kane shume te zanun duke prit qe te vijne te huajt e te bejne implementimin e tyre).

E gjithe kjo eshte model i njohjes qe iu be edhe pavaresise se Sllovenise, Krocise, e Malit te Zi, shtete keto te cilat po ashtu ne fillim lexuan deklaraten e pavaresise e me vone u fuqizua Pavaresia (u be edhe njohja nderkombetare).

Ky eshte kompromisi qe eshte arritur nga Amerikanet dhe Bashkimi Europian. Te paret kane insistuar qe KS te shpall pavaresine menjehere pas zgedhjeve ne Shkini, ndersa Europianet nuk permendnin ndonje date te caktuar, dhe kerkonin kohe.

RTK

Arb

09-02-08, 11:30

Shpallja e pavarësisë më 17 shkurt

Shpallja e pavarësisë do të jetë më 17 shkurt kanë deklaruar burime të larta diplomatike në selinë e Bashkimit Evropian, njoftoi korrespodentja e Radio Televizionit të Kosovës në Bruksel.

Siç bëhet e ditur, zyrtarë të lartë të BE-së tashmë kanë përcaktuar datën e shpalljes së pavarësisë më 17 shkurt dhe se kjo është dakorduar midis Brukselit dhe Uashingtonit. Por, sërish kjo datë ka mbetur në koluaret diplomatike të Brukselit dhe tek institucionet vendore në Kosovë, të cilët tashmë kanë bërë parapërgaditjet për ditën e shpalljes.

Gazeta ditore gjermane “Mindener Tageblatt” ka publikuar lajmin se 17 shkurti do të jetë dita e shpalljes së pavarësisë së Kosovës. Sipas kësaj gazete, 17 shkurti është nxjerrur si datë përfundimtare edhe nga takimi midis përfaqësuesit të lartë të BE-së, Stefan Lehne me ministrin serb për Kosovën, Slobodan Samarxhiq.

ina-online

Arb

09-02-08, 11:33

Serbia: Kosovo Set to Declare Independence, Serbia Says
By THE ASSOCIATED PRESS
Published: February 9, 2008

The Serbian minister for Kosovo, Slobodan Samardzic, said his government had received “relevant information” that the province’s Albanian leadership would declare independence on Feb. 17, a Sunday. He did not specify the source.

Western diplomats speaking on condition of anonymity because of the delicacy of the matter said the move would be made on Feb. 18, as the European Union’s foreign ministers met in Brussels, and that the Kosovo Parliament would convene at 4 a.m. Eastern time, making it all but impossible for Russia to call an immediate session of the United Nations Security Council to try to block it. Kosovo’s prime minister, Hashim Thaci, did not confirm or deny the date cited by Mr. Samardzic but said Kosovo’s split from Serbia was “a done deal.” He added that 100 countries were ready to recognize Kosovo’s independence as soon as it was declared.

marre nga The New York Times

Arb

13-02-08, 23:48

http://kosovothanksyou.com/

Arb

13-02-08, 23:49

Uizner: Shpallja e pavarësisë së Kosovës "një fund i drejtë i luftës brutale"

Uashington, 13 shkurt - I dërguari amerikan për Kosovën Frenk Uizner ka vlerësuar se shpallja e pavarësisë së Kosovës do të jetë "një fund i drejtë i luftës brutale" dhe "pjesa e fundit e mozaikut jugosllav".

Uizner ka theksuar tri arsyet pozitive të shpalljes së pavarësisë së Kosovës - "do të bëhet një gjë e vërtetë, do të sqarohet situata politike në Kosovë dhe Kosova do të vazhdojë jetën vet". "Do të bëhet një gjë e vërtetë... Mendoj se kjo do të jetë një vendim korrekt politik. Nuk mund ta ktheni Kosovën në Serbi", tha Uizner, duke shtuar se me shpalljen e pavarësisë së Kosovës do të "vehet pjesa e fundit e mozaikut jugosllav".

Frenk Uizner nuk pret që ushtria serbe të ndërhyjë në Kosovë, por nuk përjashton mundësinë e rasteve individuale të shkuarjes në Kosovë për të shkaktuar probleme.

Arb

14-02-08, 23:31

Presidenti Amerikan, George W Bush: "Kosova drejt Pavaresise, me mbeshtje nderkombtare!"

Ndihmes Sekretari Amerikan, Nicholas Burns: "Ne e ndaluam luften, ne do te mbrojme paqen!"

Arb

14-02-08, 23:57

"Nju Jork tajms": Të dielën Evropa do të ketë një shtet të ri - Kosovën

Nju Jork, 14 shkurt - Të dielën Evropa do të ketë një shtet të ri - Kosovën, dhe kjo i jep fund 17 viteve të përgjakshme të luftërave në ish Jugosllavi.

Ky është një rast për të festuar, shkruan në numrin e sotëm gazeta prestigjioze "Nju Jork tajms". Gazeta vlerëson se pavarësia e Kosovës është e justifikuar, unike në llojin e vet dhe e pashmangshme dhe nuk ka rrugë tjetër, ndërsa konstaton se Serbia e humbi lojën e nacionalizmit në Kosovë shumë kohë më parë.

Në fillim të javës tjetër, fuqitë e mëdha, përfshirë Shtetet e Bashkuara, Francën, Britaninë dhe Gjermaninë do ta njohin shtetin e ri.

Një shumicë e qartë e 27 vendeve anëtare të BE së pritet ta njohin shpejt Kosovën e pavarur. Qiproja, me pjesën e vet të pushtuar në veri, do kryesojë vendet që nuk do ta njohin Kosovën.

Disa nga vendet e tjera të BE së që janë dyshuese për shtetin e ri janë Spanja, Rumania, Sllovakia, Greqia dhe Bullgaria.

"Nëse BE ja do fliste me një zë, do të ishte diçka e këndshme, por mbështetja në shkallë të gjerë është e mjaftueshme për Kosovën e pavarur. Kjo mbështetje në rradhë të parë i dedikohet punës së ambasadorit gjerman në Britani, Wolfgang Ischinger.

Ajo që është më e rëndësishmja, është se BE ja dhe SHBA të do ecin me një hap, çfarë nuk ka ndodhur shpesh kohëve të fundit", shkruan mes tjerash kolumnisti Roxher Koen në "Nju Jork tajms", i cili ka raportuar për luftërat në ish-Jugosllavi.

QIK-u

Arb

14-02-08, 23:58

Franca do të njohë pavarësinë e Kosovës të hënën

Paris, 14 shkurt - Franca do të njohë pavarësinë e Kosovës të hënën, përkatësisht menjeherë pas deklaratës së pavarësisë, për të cilën Prishtina po përgatitet për të dielën.

Sipas mediave serbe, ambasadori i Serbisë në Paris Predrad Simiq, po bëhet gati të braktisë Francën të mërkurën, përkatësisht 48 orë pas dorëzimit të notës së protestës Ministrisë së Punëve të Jashtme franceze. Ai do të ftohet për konsultime në Beograd, sipas vendimit të Këshillit për Siguri Kombëtare sipas të cilit të gjithë ambasadorët do të tërhiqen nga vendet që do ta njohin pavarësinë e Kosovës, por pa ndërprerje të marrëdhënieve diplomatike.

Franca do ta njohë pavarësinë e Kosovës të hënën bashkë me Britaninë, Gjermaninë dhe Italinë, ndërkohë që diplomatët francezë konsiderojnë se mund të të ketë ndryshime të vogla ditëve të ardhshme, por "procesi ka filluar".

Arb

14-02-08, 23:59

"Fajnenshëll tajms": Deklarata e pavarësisë së Kosovës nuk pritet të shkaktojë dhunë apo eksod

Londër, 14 shkurt - Zyrtarë të lartë të Bashkimit Europian i kanë thënë gazetës britanike "Fajnenshëll tajms" se deklarata e pritshme e pavarësisë së Kosovës këtë fundjavë nuk pritet të shkaktojë dhunë apo eksod të serbëve nga Kosova.

"Ka sinjale të mjaftueshme për të pasur besim se nuk do të ketë dhunë nga asnjëra palë dhe se nuk pritet të ketë as lëvizje të popullsisë, siç ka pasur në të shkuarën në Ballkan", ka thënë një zyrtar i BE së.

Ndërkohë, sipas gazetës në fjalë, qeveritë e BE së po përgatiten për autorizimin e dërgimit të një misioni për të siguruar stabilitetin në Kosovë, pas ndarjes së saj nga Serbia e cila e kundërshton kryekëput pavarësinë.

Vala e parë e këtij misioni, një personel prej 15 zyrtarësh të BE së, mund të mbërrijë në Kosovë nga fundi i shkurtit. Britania, Franca dhe Gjermania pritet ta njohin menjëherë Kosovën, por siç shkruan FT, disa kryeqytete europiane janë të shqetësuara për mungesën e një strategjie daljeje të misionit europian dhe frikësohen se BE ja do të kyçet në një vend të mbërthyer nga problemet e varfërisë, korrupsionit e krimit të organizuar dhe që nuk e ka statusin e një vendi anëtar të Kombeve të Bashkuara.

Arb

15-02-08, 21:53

Kosova nuk përbën precedent, tha zëdhënësi i Departamentit të Shtetit

Uashington, 15 shkurt Zëdhënësi i Departamentit amerikan të Shtetit, Shon Mekormak u tha gazetarëve që Kosova nuk përbën precedent. Çështja e Kosovës do të jetë temë diskutimi edhe në takimin e zonjës Rajs me Sekretarin e Përgjithshëm të Kombeve të Bashkuara Ban Ki Mun. Të premtën kreu i Kombeve të Bashkuara do të takohet në Shtëpinë e Bardhë me Presidentin Xhorxh Buash.

Arb

16-02-08, 07:29

Presidenti Francez, Sarkozy:

"Ndryshon harta e Europes. Mesoni ku eshte Kosova!"

Arb

16-02-08, 07:41

Sarkozy e bën të qartë mbështetjen për pavarësinë e Kosovës Presidenti francez, Nicholas Sarkozy ka bërë të qartë mbështetjen për pavarësinë e Kosovës. Duhet të mësoheni se si duket harta e re e Evropës, tha Sarkozy duke folur për Kosovën në një shkollë.

"Duhet ta ndryshoni hartën e Evropës, ku duhet të jetë dhe Kosova", tha presidenti francez.RTK

Arb

16-02-08, 13:09

Reuters: Gjashtë anëtarë të BE-së kundër dhe 20 pro Kosovës së pavarur

Rreth 20 shtete të Bashkimit Evropian sigurisht do ta njohin shtetin e ri të Kosovës, shumë shpejt pas shpalljes së nesërme të pritur të pavarësisë, vlerëson agjencia Reuters e cila pohon se një qëndrim të tillë nuk e mbështesin gjashtë shtete të Unionit – Qiproja, Greqia, Sllovakia, Spanja, Bullgaria dhe Rumania.

Shefat e diplomacive të BE-së të hënën do të shqyrtojnë përgjigjen e tyre për vendimin e Kosovës për të shpallur pavarësinë.

Fuqitë e mëdha evropiane – Britania e Madhe, Franca, Gjermania dhe Italia, ndoshta do të kumtojnë se e njohin pavarësinë menjëherë pas takimit të hënës, e në këtë do t’i bashkohet edhe SHBA-ja, njofton Reuter duke u thirrur në burimet e saja diplomatike.

Burimet në kryesinë e Bashkimit Evropian thonë se në njoftimin, i cili do të lëshohet të hënën, ministrat e BE-së do të rikujtojnë se udhëheqësit e Unionit janë pajtuar gjatë muajit dhjetor se status kuoja në Kosovë nuk mund të vazhdojë dhe se kishin nënvizuar se duhet të ecet drejt zgjidhjes e cila është vitale për stabilitetin rajonal.

Telegrafi

Arb

16-02-08, 13:10

Busek: Përmbyllet shpërbërja e Jugosllavisë

Kosova duhet të bëhet e pavarur e këtë duhet ta kuptojë edhe Serbia, ka nënvizuar Koordinatori i paktit të stabilitetit për Evropën juglindore, Erhard Busek. "Me pavarësimin e Kosovës bëhet hapi i fundit në formimin e ri të Ballkanit dhe historia e pafundme e shpërbërjes së Jugosllavisë më në fund përmbyllet", ka thënë ai në një intervistë për të përditshme austriake “Kleine Zeitung".

I pyetur nëse në Ballkani kërcënohet nga një luftë e re ai ka thënë se, Serbia veçse ka deklaruar se nuk do të intervenojë ushtarakisht, por nuk mund të përjashtohen përleshjet lokale.

Ai ka vlerësuar se Serbia do të tentojë të përdorë të gjitha mjetet ligjore ndërkombëtare në luftë kundër pavarësisë së Kosovës. "Megjithatë serbët do të duhej të kuptojnë se Kosova që moti është humbur", ka porositur Busek.

Arb

16-02-08, 13:11

SHBA-ja dëshiron që çështja e statusit të zgjidhet përfundimisht

Zëdhënësi i Departamentit amerikan të shtetit, Sean McCormack, ka deklaruar të premten se Shtetet e Bashkuara të Amerikës dëshirojnë që çështja e statusit të Kosovës të zgjidhet përfundimisht dhe se aktivitetet diplomatike janë në vijim e sipër.

"Diplomacia nuk ka ndaluar. Vazhdojmë me aktivitetet diplomatike”, u ka thënë McCormack gazetarëve.

Sipas McCormack, Uashingtoni është në dijeni për qëndrimin e Serbisë, ka transmetuar Reuters.

"Kjo është një çështje emocionale, e ndjeshme, dhe ne e kuptojmë këtë. Por, siç e kemi theksuar edhe më herët, është e rëndësishme të arrihet zgjidhja përfundimtare për statusin e Kosovës", ka thënë zëdhënësi i Departamentit të Shtetit.

Arb

16-02-08, 14:00

Ndryshoni harten e Evropes!

“Duhet te ndryshoni harten e Evropes, pasi ne te ben pjese dhe Kosova tashme”, - keshtu u ka thene femijeve te nje shkolle ne jugperendim te Frances presidenti Nikola Sarkozi, i cili ka bere dhe nje here te qarte mbeshtetjen e vendit te tij ndaj pavaresise se Kosoves.

Sipas tij, femijet neper shkolla duhet te mesohen me nje kendveshtrim te ri te hartes se Evropes, tashme qe edhe Kosova do te beje pjese ne te si nje shtet i pavarur.

http://www.korrieri.com/fotof1/20080216055652photo-officielle-president-sarkozy.jpg

“Duhet ta ndryshoni harten me Kosoven”, - u tha presidenti francez femijeve, duke vendosur gishtin ne harten e Evropes, qe varej ne murin e klases se tyre, ku Kosova tregohet si pjese e Serbise.

Franca ka deklaruar se, ashtu si Britania e Madhe, Gjermania dhe Shtetet e Bashkuara te Amerikes, do te jete nje prej vendeve te para qe do te njohe pavaresine e Kosoves, diten e hene.

Nderkohe, Shtetet e Bashkuara te Amerikes kane theksuar edhe nje here qendrimin e tyre pro pavaresise se Kosoves. Ne nje deklarate per mediat, zedhenesi i Departamentit amerikan te Shtetit, Shon MekKormak, tha se SHBA-te duan te shohin Kosoven te zgjidhe perfundimisht statusin e saj.

Ai u shpreh se diskutimet ne arenen diplomatike ende vazhdojne, porse Uashingtoni vazhdon te perkrahe pavaresine e mbikeqyrur te Kosoves.

“Ne vazhdojme diplomacine dhe Uashingtoni eshte ne dijeni te pikepamjeve te Serbise. Ne e kuptojme se eshte nje ceshtje delikate dhe e ndjeshme. Por ashtu, sic kemi theksuar edhe ne te kaluaren, eshte shume e rendesishme qe te zgjidhim perfundimisht statusin e Kosoves”, - tha MekKormak.

Sipas tij, Shtetet e Bashkuara besojne se pavaresia e mbikeqyrur e Kosoves do te coje ne nje rajon me paqesor dhe me te stabilizuar.

Pjesa me e madhe e 27 vendeve anetare te BE-se, ashtu si dhe Shtetet e Bashkuara te Amerikes, do te njohin pavaresine e Kosoves pikerisht te henen, pasi lideret shqiptare atje te shpallin pavaresine.

Rusia, aleatja e vetme e Serbise ne kete kauze te saj te humbur, deklaroi dje, se do t’i pergjigjet pavaresise se Kosoves, duke njohur levizjet separatiste ne rajonet e Gjeorgjise, Akbazise dhe Osetise se Jugut.

Por MekKormak u shpreh se situatat nuk jane aspak te krahasueshme me njera-tjetren. “Situata ne Kosove nuk ka asnje precedent per ndonje situate tjeter ne asnje vend te botes”, -perfundoi ai.

Korrieri

Arb

21-02-08, 17:51

Kjo teme e hapur qe nga Marsi, 2007.

Titulli i temes u finalizua me njohjen zyrtare nderkombetare te Pavaresise e Mbikqyrur te Kosoves. Plani i Ahtisarit, edhe perkunder gjithe atyre lojerave diplomatike (per afro nje vit), u finalizua si zgjidhja e vetme e kohes.

Besuam, duruam, toleruam, u treguam te kujdeshem... dhe... ia arritem!

E gezofshim Pavaresine e Republikes se Kosoves!

Arb

01-03-08, 15:48

Burns: Serbia nuk do ta marrë kurrë Kosovën

Nga VOA
Nënsekretari amerikan i Shtetit, Nicholas Burns, ka deklaruar se Shtetet e Bashkuara nuk do ta pranojnë ndarjen e Kosovës. Ai tha se këtë nuk do ta pranojë as Evropa dhe as NATO. Numri tre i Departamentit amerikan të Shtetit i bëri komentet në një forum të organizuar nga Këshilli për Marrëdhëniet me Jashtë në Uashington.

Burns tha se Serbia e ka humbur përgjithmonë Kosovën dhe e humbi atë në periudhën mars-qershor të vitit 1999, kur ajo u përpoq të dëbojë 1 milion njerëz nga ai vend.

“Kur u miratua Rezoluta 1244, në qershor 1999, ajo në fakt bëri që Kombet e Bashkuara t’ia merrnin Kosovën Serbisë. Serbia nuk do ta marrë kurrë Kosovën. Që nga qershori 1999 e deri kohët e fundit, pyetja e vetme që është shtruar ka qenë: Cili do të ishte statusi përfundimtar i Kosovës, do të ishte ajo e pavarur apo autonome dhe kur do të ndodhte kjo? U deshën 9 vjet që kjo pyetje të merrte përgjigje dhe rreth një vit më parë Shtetet e Bashkuara erdhën në përfundimin thelbësor se, nëse e vononim ende pavarësinë e Kosovës, atëherë mundësia më e madhe do të ishte që kjo të provokonte dhunë dhe mungesë qëndrueshmërie në Ballkan”, - tha ai.

Burns tha se pavarësia ka qenë alternativa e qartë dhe përfundimtare qysh vitin e kaluar, kur presidenti Ahtisaari bëri propozimin e tij.

Nënsekretari i Shtetit vlerësoi lart udhëheqjen në Prishtinë për faktin që ajo tregoi vetëpërmbajtje. “Ne kemi parë në Prishtinë një udhëheqje të jashtëzakonshme, e cila iu rezistoi një mijë provokimeve, me të cilat u përball. Ata e mbrojtën popullsinë serbe, kishat dhe trashëgiminë e tyre. Ata nuk e kaluan lumin Ibër për të shkuar në veri të Mitrovicës, ashtu siç dëshironin serbët dhe serbët e Kosovës. Ata janë treguar të përmbajtur”.

Burns kritikoi ashpër Beogradin për “retorikë sharëse” që, siç u shpreh ai, “që të kujton një epokë tjetër në Serbi”.

“Të enjten e kaluar, ne pamë një sulm huliganësh kundër ambasadës sonë në Beograd. Pamë policinë që të zhdukej dhe situata e krijuar ishte e tmerrshme, sepse disa diplomatë amerikanë mbetën të bllokuar në ambasadë për disa orë me radhë dhe ne nuk e dinim se cili do të ishte fati i tyre. M’u desh të merrja në telefon kryeministrin e Serbisë, të cilit i thashë: “Hape televizorin te CNN dhe shiko se ç’po ndodh me ambasadën tonë! Duhet të dërgosh forcat e policisë atje! Dhe më në fund ata e bënë këtë.”

Burns u tregua i prerë në komentet e tij lidhur me zërat se mund të ketë një ndarje të Kosovës. “Mund t’ju them se ne nuk do ta pranojmë ndarjen e Kosovës. As Kombet e Bashkuara, as Bashkimi Evropian dhe as NATO nuk do ta pranojnë atë. Kosova do të jetë e lirë dhe e pavarur në kufijtë e tanishëm dhe këtë njohim ne. Nëse serbët e Kosovës apo serbët në Beograd mendojnë se ata mund ta ndajnë Kosovën, ata e kanë gabim”, - tha ai.

Burns tha se në Kosovë nuk do të ketë konflikt të armatosur, por do të ketë paqe. “Kombet e Bashkuara, - tha ai, - besojnë në tërësinë e tyre se rruga përpara është ajo e paqes dhe e qëndrueshmërisë.”

Duke iu përgjigjur disa qëndrimeve të Rusisë pas njohjes së pavarësisë së Kosovës, Burns tha: “Ishim ne ata që qëndruam në Kosovë gjatë 9 viteve të fundit me trupat dhe me paratë tona e të Evropës, ndërsa Rusia u largua para katër vjetësh. Ishim ne ata që i kërkuam Kombeve të Bashkuara të emëronin një të dërguar të posaçëm – presidentin Ahtisaari – për të zgjidhur të ardhmen e Kosovës. Pastaj, me kërkesën e Rusisë ne e shtymë njohjen e Kosovës për pothuajse një vit. Bisedimet shtesë nuk dhanë rezultat, prandaj ne morëm vendim logjik për të njohur pavarësinë e Kosovës, ashtu si edhe 30 vende të tjera në Evropë, si dhe shumë vende në botën myslimane. Mendoj se Rusia është mjaft e izoluar”, - tha ai.

Nënsekretari i shtetit shprehu keqardhje për deklaratat e ambasadorit të Rusisë në NATO, i cili pak ditë më parë kërcënoi për përdorim force lidhur me Kosovën. “Ma merr mendja se ky ishte një gabim i tij, sepse ai nuk është diplomat profesionist dhe është i ri në këtë detyrë”, - tha Burns. “E megjithatë, - shtoi ai, - Rusia nuk e përgënjështroi deklaratën e tij.”