Jep dorëheqje Besnik Mustafaj ministër i punëve të jashtme

[Dilaver]

Ai e ka justifikuar dhenien e doreheqjes me faktin se ndihej i lodhur nga ushtrimi i detyres. Nderkaq ka reaguar edhe kryeministri Sali Berisha, i cili ka thene se ndonese me keqardhje, ai e mirekupton kete vendim te Mustafajt

[Dilaver]

Deklarata e plote e Ministrit Mustafaj

Ndodhem para jush për t’ju njoftuar se i kam paraqitur dorëheqjen e parevokueshme Kryeministrit Berisha. Dua të theksoj, me këtë rast, se kjo periudhe që kam punuar në drejtimin e Ministrisë së Punëve të Jashtme është eksperienca më e pasur, më e jashtëzakonshme që kam patur në jetën time. Është një eksperience shumë e çmuar dhe përfitoj nga rasti që të falenderoj të gjithë ata që kanë kontribuar dhe më kanë ndihmuar në krijimin e kësaj eksperience. Falenderoj, në radhë të parë, Kryeministrin Berisha i cili e ka pranuar tre muaj më parë, në analizën që i bëri punës së Qeverisë 2006, se Ministria e Punëve të Jashtme dhe Diplomacia Shqiptare ka qenë tërësisht e suksesshme në kryerjen e misionit të saj. Falenderoj Trupin Diplomatik në Tiranë, me të cilin kam patur një dialog shumë të hapur, shumë të sinqertë dhe të vazhdueshëm. Siguroj Trupin Diplomatik në Tiranë dhe, nëpërmjet tyre, siguroj qeveritë e tyre se do të vazhdoj të mbaj një dialog të hapur dhe miqësor. Shqipëria tashmë ka shumë miq dhe ky është një kapital shumë i çmuar i saj. Falenderoj Trupin Diplomatik të Ministrisë së Punëve të Jashtme të Republikës së Shqipërisë me të cilët kam punuar hapur dhe me një devocion të plotë për të realizuar programin e Qeverisë Shqiptare. Unë dua, me këtë rast, gjithashtu, të theksoj se këtë eksperience të pasur ta ve në shërbim të plotësimit të objektivave të qeverisë për reforma të thella dhe të gjithanëshme në të cilat do të sigurohet plotësimi i atyre standardeve pa të cilat nuk ka as integrim në NATO dhe as në BE. Jam i bindur se shoqëria shqiptare ka energji të mjaftueshme, ka vizion të mjaftueshëm për realizimin e këtyre objektivave.

E.S./I.K.

BallkanWeb