Kanceri i gjirit dhe psikoterapia!

[Linka_pz]

Kanceri i gjirit dhe psikoterapiaLeta Hong Finsher
14-08-2007

Një studim ka treguar se gratë me kancer gjiri të cilat marrin pjesë në grupe psikoterapie nuk jetojnë më gjatë se ato të cilat nuk i frekuentojnë këto grupe. Këto përfundime bien në kundërshtim me një studim mjaft të reklamuar 18 vjet më parë. Autori i studimit të ri, thotë se grupet e terapisë mund të ndihmojnë pacientet me kancer gjiri që të kenë një jetë më cilësore.
Xhen Kuba zbuloi se kishte kancer gjiri vitin e kaluar. Ajo iu nënshtrua kimioterapisë, rrezeve dhe operacionit.
Ajo thotë se një organizatë pranë Çikagos, që ndihmon të sëmurat me kancer, e ka ndihmuar atë të përballojë sëmundjen.
“Po më rriten përsëri flokët”
Grupe të tilla mbështetëse u krijuan mbas daljes në qarkullim të një studimi të kryer nga Dr. David Spiegel i Universitetit Të Stanfordit. Ai gjeti në bazë të studimeve, se gratë me metastazat e kancerit që marrin pjesë në grupet psikoterapike jetojnë deri 18 muaj më gjatë se ato që nuk janë pjesmarrëse në grupe të tilla.
Studime të tjera nuk e kanë përsëritur këtë zbulim. Kohët e fundit, Dr. Spiegel e përsëriti studimin e tij të mëparshëm dhe gjeti rezultate të ndryshme; grupet mbështetëse kanë pak ndikim në zgjatjen e jetës së pacientit.
“Mesazhi i studimit të fundit është se natyrisht që grupet e terapisë i ndihmojnë njerëzit që të jetojnë më mirë. Por nuk ka prova konkrete që këto grupe i ndihmojnë ata të jetojnë më gjatë”.
Dr. Xhimi Holland është psikiatër në Qendrën e Kancereve Sloan-Kattrering në New York.
“Kisha një paciente e cila u shpreh një herë se, sikur dikush t’i thoshte sërish që të ishte optimiste, do ta godiste me grusht. Kam dëgjuar mjaft moral për optimizmin. Por sot nuk ndjehem mirë dhe kaq.”
Doktorët thonë se mënyra më e mirë për t’u mbrojtur nga kanceri i gjirit është t’a zbulosh herët me anë të një mammograme çdo vit ose dy. Dr. David Dershaw, punon po në në Qendrën e Kancereve Sloan-Kattrering në New York.
”Gratë të cilat kryejnë çdo vit mammogramën janë të rrezikuara 60 përqind më pak se ato të cilat nuk e bëjnë atë”.
Por megjithëse grupet e terapisë nuk e zgjasin jetën e pacientit, studimi i ri tregon se këto grupe kanë një ndikim pozitiv në situatën shpirtërore dhe zbutjen e dhimbjeve të pacientit.
Xhen Kuba thotë se kjo është një zgjidhje e mirë për të.
“Nuk marr pjesë në grupet e terpisë për të zgjatur jetën time. Nuk mund t’a di se sa do të jetoj. Gjëja që di është që t’i jap jetës sime shpresë”.
Dr. Spiegel thotë se kur pacientët ndajnë shqetësimet dhe dëgjojnë problemet e të tjerëve, ata ndihen shumë më mirë për vehten e tyre.

[Linka_pz]

Kanceri i gjirit po prek moshat e reja
Studim i kryer nga mjekët e shërbimit të onkologjisë në qendrën spitalore universitare


Vendin e parë të tumoreve malinje e zë seksi femër
400 raste të reja të sëmundjes së kancerit të gjirit shënohen në vit, sipas statistikave më të fundit të Qendrës Spitalore “Nënë Tereza”, në Tiranë

1992 - 1996
Maksimalisht u shënuan 225 raste të reja në vit ose 14 raste të reja për 100 mijë banorë, sipas të dhënave të shërbimit onkologjik

1996-2001
Shifra maksimale ishte 305 raste ose 18 për 100 mijë banorë, poduke iu referuar të njëjtave shifra të dala nga shërbimi onkologjik.Nën 35 vjeç është mosha që po preket më shumë nga kanceri i gjirit në vendit tonë, një sëmundje e shpeshtë tek gratë, duke zënë vendin e parë të tumoreve malinje

Në pacientet e prekura nga kanceri i gjirit vihet re një gradë e lartë e emalinjitetit dhe risku i lartë i metastazimit, si pasojë e mungesë së diagnostikimit në kohë.Kanceri i gjirit në vendin tonë është sëmundja më e shpeshtë tek gratë, duke zënë vendin e parë të tumoreve malinje që prekin seksin femër. Vitet e fundit kjo patologji po haset në mosha të reja, më pak se 35 vjeç. Ky është konkluzioni i një studimi njëvjeçar të realizuar nga mjekët e Shërbimit të Onkologjisë në Qendrën Spitalore Universitare "Nënë Tereza" në Tiranë.
Sipas autorëve të këtij studimi, në pacientet e prekur nga kanceri i gjirit vihet re një gradë e lartë e malinjitetit dhe risku i lartë i metastazimit, si pasojë e mungesë së diagnostifikimit në kohë. Studimi i mjekëve onkologë thekson rëndësinë e depistimit në kohë, me qëllim trajtimin me sukses të sëmundjes së kancerit.

Bordi
Në kuadër të parandalimit të sëmundjes së kancerit të gjirit, Bordi i Luftës kundër Kancerit në Ministrinë e Shëndetësisë po harton politikat për të gjitha tumoret, ku janë parë me prioritet investimet e dikasterit për të përmirësuar trajtimin e të sëmurëve me medikamente dhe terapinë e rrezeve.

Ndërsa Grupi i Punës për Kontrollin e Kancerit në vendin tonë konsideron si domosdoshmëri nevojën e një strategjie për parandalimin dhe trajtimin e sëmundjes së kancerit. Sipas këtij grupi, ekzistenca e një plani afatgjatë për kontrollin e sëmundjes, strukturimin e një programi për mbrojtjen e të rinjve, kufizimin e duhan pirjes, alkoolit dhe edukimin për një jetë të sigurt seksuale, janë elementët për një luftë të suksesshme kundër kancerit.

Grupi i Punës për Kontrollin e Kancerit, të angazhuarit në këtë mision, janë në pritje të rekomandimeve dhe sugjerimeve të Organizatës Botërore të Shëndetësisë për dokumentin strategjik për kontrollin e sëmundjes, tashmë të bërë gati.

Rekomandimi
Bordi i Tumoreve rekomandon se duhet bërë një lëvizje në kontrollin e kancerit, ndaj të cilit shërbimi ynë shëndetësor është ende larg. Ky bord e konsideron një sfidë dhe sukses arritjen e INTERREG për të përfituar rreth 2.5 milionë euro për parandalimin e kancerit të qafës së mitrës dhe të gjirit te gratë.

Statistikat e QSUT-së tregojnë se në vit shënohen rreth 400 raste të reja të sëmundjes së kancerit të gjirit. Gjatë viteve 1992- 96, maksimalisht u shënuan 225 raste të reja në vit ose 14 raste të reja për 100 mijë banorë, ndërsa në vitet 1996-2001, shifra maksimale ishte 305 raste ose 18 për 100 mijë banorë.

Kanceri i gjirit është një problem mbarëbotëror, një nga problemet më të mprehta të mjekësisë, ku shifrat janë alarmante në Evropë dhe të tilla janë edhe për vendin tonë. Statistikat evropiane flasin për një shërim në masën 80- 90 për qind të rasteve me kancer të gjirit, nëse diagnostikimi realizohet në kohë.

Ushtrimet
Studimet e fundit tregojnë se ushtrimet fizike mund të pakësojnë rrezikun e kancerit të gjirit. Por studiuesit kërkojnë të dinë nëse ushtrime të tilla mund të ndihmojnë edhe ato gra që janë të prekura tashmë me kancerin e gjirit. Autorët e studimit zbuluan se ushtrimet fizike mund të ndihmojnë dhe se rezultatet pozitive u vunë re që në fazën e parë të fillimit të veprimtarive apo ushtrimeve fizike.

Koha Jone

[Linka_pz]

Cilat femra ose cilat gra bëjnë pjesë në grupin e të rrezikuarave për paraqitjen e karcinomit të gjirit ?
Në këtë grup bëjnë pjesë:
gratë – femrat më të vjetra se 50 vjet
gratë – femrat që kan në familje ndonjë të sëmurë me sëmundje të karcinomit të gjirit si: nëna, motra, e bija, gjyshja
gratë – femrat e operuara nga karcinomi i gjirit ose i ndonjë organi tjetër
gratë – femrat që nuk kanë lindur
ato të cilat lindjen e parë e kanë pasur pas moshës 30 vjeqare
gratë të cilat nuk i kanë dhënë gji fëmijëve
gratë – femrat të cilat menarkën (menstruacionin e parë) e kanë fituar heret
gratë – femrat të cilat menopauzën (menstruacionin e fundit) e kan pasur vonë
gratë – femrat të cilat kanë pasur ndonjë sëmundje të gjirit qofshin edhe ato benjinje qofshin edhe ato sëmundjeve fibrokistike.
ushqimi i pasur me yndyrëra, dhe gratë me peshë të shtuar (majme)
disa studime flasin se edhe abortet e shpeshta rrisin rrezikun e paraqitjes së kësaj sëmundjeje.

[Zana_ch]

Epidemologjia




Kanceri i gjirit karakterizohet nga luhatje të thella të shpeshtësisë në zona gjeografike, popuj, grupe etnike e shtresa të ndryshme shoqërore. Ai është i shpeshtë në Amerikën Veriore dhe në Europën Perëndimore. Në këto zona ai zë vendin e parë të tumoreve dhe është shkaku kryesor i vdekjeve në femrat e moshës 35-55 vjeç.

Në krahasim me vendet e tjera, shpeshtësia e kancerit të gjirit tek ne është më e ulët, por në tërësinë e tumoreve malinj ai zë vendin e parë.

Kanceri i gjirit, duke qenë një përjashtim nën moshën 20 vjeç, është i shpeshtë mbi moshën 40 vjeç. Haset më shumë në shtresat me nivel të lartë ekonomik. Tek ne ai haset 3,3 herë më shumë në popullsinë qytetare në krahasim me atë fshatare.

http://www.rsc.org/images/b614388a-250-for%20TRIDION%20(National%20Cancer%20Institute)_tc m18-73044.jpghttp://www.hvra.com/procedures/procedures%20images/Breast2.jpg


Shenjat Knaceroze te Gjirit zbuluara cat EHO-grafise

http://www.newswise.com/images/uploads/2006/07/17/fullsize/Mamo_MRI_comparison__2_.jpg


Faktorët e që çojnë në lindjen e sëmundjes

Faktorët që ndikojnë në rritjen dhe zhvillimin e kancerit të gjirit janë të shumtë dhe nuk njihen të gjithë. Po përmendim disa prej tyre: veçoritë e jetës menstruale dhe riprodhuese

Kanë veprim të drejtpërdrejtë në shpeshtësinë e kancerit të gjirit gratë më mente të hershme dhe menopauzë të vonshme, si dhe ato me jetë të varfër riprodhuese (pa fëmijë ose lindjen e parë e kanë bërë mbi moshën 35 vjeç). Gratë me menopauzë të hershme dhe që lindjen e parë e kanë bërë nën moshën 20 vjeç vuajnë nga kanceri i gjirit 3 herë më pak se gratë e tjera. Rol mbrojtës janë: lindja e parë nën moshën 25 vjeç, si dhe lindjet e shumta.

Sëmundjet e gjirit dhe kanceri i organeve të tjera mund të shoqërohen me një rrezik më të lartë të kancerit të gjirit.

Trashëgimia është një faktor për kancerin e gjirit. Motrat ose nënat e atyre që kanë vuajtuar nga kjo sëmundje janë 2-3 herë më shumë më të rrezikuara të preken nga kjo sëmundje se gratë e zakonshme.

Dieta me yndyrna njihet si një prej faktorëve, pasi ajo rrit nivelin e estrogjeneve.

Mbipesha (obeziteti) është një faktor që favorizon zhvillimin e kancerit.

Mosmajtja e fëmijës në gji

Fëmija duhet të mbahet në gji të paktën një deri në dy vjet, pasi kështu parandalon mundësinë e zhvillimit të kancerit.


http://www.nlm.nih.gov/medlineplus/ency/images/ency/fullsize/1105.jpg
MAMOGRAFIA E GJIRIT

Përhapja


Kanceri i gjirit karakterizohet nga një periudhë e heshtur. Që ai të bëhet i kapshëm klinikisht duhet të arrijë madhësinë së paku 1cm, që korrespondon 7-9 vjet. Kanceri i gjirit nuk është një sëmundje lokorigionale, që metastazon (përhapet) vonë, por një sëmundje sistemike që në diagnostikimin e parë. Përhapja e metastazave bëhet me anë të gjakut dhe të limfës. Në fillim përhapet në zonat fqinje, në lëkurë, mbi muskuj dhe në paretin torakal (kraharor), më pas në metastaza të largëta, më shpesh në mushkëri, kocka, mëlçi.




Klinika (shenjat, simtomat)



Kuadri klinik i kancerit të gjirit është i larmishëm. Ai varet nga veçoritë biologjike të tumorit dhe stadit të zhvillimit të sëmundjes.

Simtomat kryesore janë:

Ndryshime të gjirit: tumori, ndryshimi i madhësisë, pozicioni i formës së gjirit.

Ndryshimet e lëkurës: gropëzime, fiksimi, ulçerimi, simtoma e kores së portokalles.

Ndryshime të thithit: rrafshimi, futja brenda, spostimi, ulçerimi, sekrecionet.

Masë aksilore (nën sqetull)

Dhembje

Tumori është një simtomë mbizotërues dhe më i kapshëm nga vetë e sëmura. Ai preket prej tyre në 90% të rasteve, ndërsa në ekzaminimin fizik është i pranishëm në 98% të rasteve. Veçori dalluese e tij është fortësia, sipërfaqja e çrregullt, kufij jo të qartë dhe lëvishmëri e kufizuar brenda gjirit. Zakonisht ai nuk dhemb në prekje.



Parandalimi



Për kancerin e gjirit vlerë pozitive ka zbulimi i hershëm i tij. Për këtë qëllim, nëpërmjet edukimit publik, duhet të bëhen të njohura simtomat e hershme të kancerit, të mësohet teknika e vetëekzaminimit, të cilën gratë duhet ta kryejë një herë në muaj.

Vetëekzaminimi bëhet në pozicion ngitur, e zhveshur nga mesi e lart, përballë një pasqyre. Fillimisht, me duart e lëshuar gjatë trungut e më pas me duart e ngritur lart mbi kokë. Në mënyrë krahasuese shihet madhësia, pozicioni e forma e të dy gjinjve, ndryshimet e mundshme të thithit dhe të lëkurës. Prekja bëhet me mollëzat e gishtërinjve të bashkuara, paksa të përkulur, duke formuar rrathë koncentrikë nga periferia e gjirit e drejt areolës (thithit) së tij, duke synuar të prekjen e plotë të tij.

Në pozicionin ngritur preken gjithashtu të dy sqetullat. Këshillohet që prekja të bëhet edhe në pozicionin shtrirë.

Me këtë teknikë ai mund të kapet në stadet më të hershme, në krahasim me zbulimin spontan të tij.

Gratë që janë mbi moshën 40 vjeç një herë në vit duhet t’i nënështrohen ekzaminimit fizik mjekësor.



Diagnoza



Diagnoza e sëmundjes mbështetet në ekzaminimin fizik, mamografik dhe histologjik.



Mjekimi i kancerit të gjirit

Mjekimi i kancerit të gjirit mund të bëhet me anë të kirurgjisë, rrezatimit dhe mjekimit me ilaçe.



Rezultatet e mjekimit



Ndjekja

Të sëmurat e trajtuara për kancerin e gjirit rrezikojnë të zhvillojnë përsëritje lokale, piku i të cilave ndodh në tre vjetët e para pas trajtimit. Përhapje të sëmundjes mund të ndodhin edhe shumë vjet pas trajtimit të parë. Prandaj, duhet të ndiqen për një kohë të gjatë dhe me kontrolle të vazhdueshme. Nga ana tjetër, ato rrezikojnë të zhvillojnë kancer parësor të gjirit tjetër, prandaj duhet t’i nënshtrohen ekzaminimit të vazhdueshëm fizik e mamografik.



Cilat femra ose cilat gra bëjnë pjesë në grupin e të rrezikuarave për paraqitjen e karcinomit të gjirit ?


Në këtë grup bëjnë pjesë:
gratë – femrat më të vjetra se 50 vjet
gratë – femrat që kan në familje ndonjë të sëmurë me sëmundje të karcinomit të gjirit si: nëna, motra, e bija, gjyshja
gratë – femrat e operuara nga karcinomi i gjirit ose i ndonjë organi tjetër
gratë – femrat që nuk kanë lindur
ato të cilat lindjen e parë e kanë pasur pas moshës 30 vjeqare
gratë të cilat nuk i kanë dhënë gji fëmijëve
gratë – femrat të cilat menarkën (menstruacionin e parë) e kanë fituar heret
gratë – femrat të cilat menopauzën (menstruacionin e fundit) e kan pasur vonë
gratë – femrat të cilat kanë pasur ndonjë sëmundje të gjirit qofshin edhe ato benjinje qofshin edhe ato sëmundjeve fibrokistike.


Nëse karcinomi zbulohet gjatë shtatzënisë çka duhet bërë?


Edhe pse paraqitja e karcinomit të gjirit gjatë shtatzënisë është i rrallë, në rast se diagnostikohet atëhere shtatzënia duhet të ndërpritet dhe fillohet mjekimi i specializuar.


Keshillat


1-Pini çdo ditë nga një lugë vaj ulliri
2-Të gjitha gjellët dhe sallatat bëjini me vaj ulliri
3-Ecni çdo ditë nga 30 minuta
4-Bëni ushtime fizike deri në 5 orë në javë
5-Shkoni tek mjeku një herë në tre muaj (edhe pse nuk jeni prekur nga sëmundja)
6-Tamafixen, është medikamenti që duhet të përdorni në rast se prekeni nga kanceri malinj
7-Kimioterapia dhe fizioterapia, janë dy mënyra më të mira për të kuruar sëmundjen

[Linka_pz]

Flm shume Zana_ch per mundin e bere ne kete teme .
Te pershendes shume .
Respekt per ty Linka_pZ

[~AnnA~]

Linka,artikull mjaft interesant dhe mjaft aktual koheve te fundit...

Disa këshilla për parandalimin e sëmundjes se kancerit te gjirit!!!

Autoritet shëndetësore botërore raportojnë për shtim numrit të pacienteve të prekura nga kanceri i gjirit. Specialistët japin këshilla për parandalimin e sëmundjes dhe mënyrën se si mund të dallohet sëmundja në fazat e para të ekspozimit të saj. Në ditën Ndërkombëtare Kundër Kancerit të Gjirit, Ministria e Shëndetësisë kërkon të sensibilizojë opinionin për mënyrat e parandalimit të kancerit të gjirit nëpërmjet kryerjes së vizitave në kohë. Ndërsa nga të dhënat e OBSH-së bëhet e ditur se çdo vit, rreth 185.000 gra në Evropë preken nga kanceri i gjirit dhe rreth 44.000 vdesin për shkak të kësaj sëmundjeje. Sipas Organizatës Botërore të Shëndetësisë, në çdo 9 gra, njëra do të sëmuret prej kancerit të gjirit. Sipas saj, kanceri i gjirit është një nga llojet më të shpeshta të kancereve tek gratë, sidomos tek ato mbi 35 vjeç.
Ndërsa në vendin tonë kanceri i gjirit është kanceri që haset më shpesh tek femrat. Ai përbën 25.6% të tumoreve malinje që prekin femrat sot dhe zë vendin e parë në shkaqet e vdekjeve të femrave. Prej kancerit të gjirit preken çdo vit rreth 350-400 gra.
Specialistët sqarojnë se kanceri i gjirit mund të kurohet në pjesën më të madhe të rasteve, mjafton të diagnostikohet në kohë. Kanceri i gjirit mund të mjekohet me sukses nëse pacientet e zbulojnë në kohë atë. Por, të gjitha gratë mund ta dallojnë vetë atë, duke parë ndryshimin e gjirit, nëpërmjet prekjes, apo nga dhimbja që mund të ndjejnë.
Kontrolli
Të gjitha femrat mund të dallojnë sëmundjen nëpërmjet prekjes së herëpashershme të gjinjve duke vënë re dallimet që mund të pësojnë. Vetëkontrolli i gjirit duhet të bëhet duke filluar nga mosha 20 vjeç pavarësisht se gjinjtë mund të jenë normal. Kontrolli i gjirit rekomandohet të bëhet çdo muaj, 7 deri në 10 ditë pas kalimit të periodave, mbasi gjatë periodave gjinjtë janë të dhimbshëm, të tendosur, dhe mund të të ngatërrojnë. Në periudhën e menopauzës (mbarimit të periodave), vetëkontrolli
i gjirit bëhet ditën e parë të çdo muaji, me qëllim që të jetë më të lehtë për tu kujtuar.


Box
Janë disa mënyra për të zbuluar kancerin e gjirit:

Vetëkontrolli mujor i gjirit
Kontrolli i gjirit tek mjeku
Mamografia
Ekografia e gjirit


Si bëhet vetë-kontrolli i gjirit

Qëndroni përpara pasqyrës. Vendosini duart në ije. Vini re: Mos ka ndonjë ndryshim të pazakonshëm në ngjyrën,formën apo madhësinë e gjinjve?

Qëndroni përpara pasqyrës. Vendosini duart pas kokës. Vini re: Mos ka ndonjë ndryshim të pazakonshëm në ngjyrën, formën apo madhësinë e gjinjve?

Qëndroni përpara pasqyrës. Vendosini duart pas kokës. Kthejeni trupin majtas. Kthejeni trupin djathtas. Vini re: Mos ka ndonjë ndryshim të pazakonshëm në ngjyrën, formën ose në madhësinë e gjinjve?

Kontrolloni me majat e gishtërinjve të dorës së djathtë gjirin e majtë dhe me majat e gishtërinjve gishtat e dorës së majtë gjirin e djathtë, duke shkuar deri tek sqetullat. Vini re: Mos ka ndonjë kokërr tek gjinjtë?

Kontrolloni me të prekur sqetullën e djathtë, pastaj dhe sqetullën e majtë. Vini re: Mos ka ndonjë kokërr tek gjinjtë?

Vetë kontrollin e gjinjve mund ta bëni edhe kur jeni duke bërë dush apo kur jeni duke ndenjur shtrirë.

Përpiquni ta bëni zakon bërjen e vetë ekzaminimit të gjirit 1 herë në muaj!