Unë Hamasi, ti Fatah, loja e re e fëmijëve të Gazës

[Bjeshka1]

Mes rërës dhe pluhurit në periferinë e nxehtë të qytetit të Gazës, vogëlushët luajnë “luftërash”. Nuk imitojnë një luftë të largët, siç bëjnë miliona fëmijë të tjerë në botë, por luftën e vërtetë, tamam atë që shohin përditë para shtëpive të tyre. Në vend të “indianëve me kauboj”, këtu luhet “Hamas kundër Fatah”. Përplasja e përgjakshme e dy fraksioneve rivale palestineze ka frymëzuar në Gazë një lojë të re: nga njëra anë fëmijët ushtarë të Fatahut, me flamujt e verdhë tradicionalë dhe nga ana tjetër, ata të Hamasit me flamujt e famshëm ngjyrë jeshilë.

Pastaj, me pushkë prej dryri në krah dhe me maska të zeza në fytyrë, "luftëtarët" ndeshen përtokë me rregulla të caktuara lufte. "Fiton ai që vret armikun - na tregon Mustafai i vogël, 9 vjeç. "Po kapëm një kundërshtar të Hamasit - thotë Ahmedi, 11 vjec, që mban uniformën e Fatahut - vendosim o ta rrahim ose ta vrasim menjëherë. Por nëse skuadra tjetër ka kapur një nga tanët atëherë duhet t'i këmbejmë, kështu jemi barazim".

Skuadra e Hamasit sapo ka zbuluar vendstrehimin e tre luftëtarëve të Fatahut; ashtu si në lojën kukafshehtazi, mjafton t'i prekësh dhe konsiderohen të kapur. Grupi i Hamasit nuk ka asnjë kërkesë për të liruar lojtarë të vetët, kështuqë fëmijët e shfrytëzojnë mirë këtë avantazh. Tre lojtarët kundërshtarë detyrohen të gjunjëzohen dhe thërrasin "ndihmë! ndihmë", por sipas një skenari të parë mijëra herë edhe prej të vegjëlve, pushkatohen pa asnjë hezitim. "Bum, bum, bum!", thërret vogëlushi duke mbajtur në shënjestër pushkën prej druri. Pastaj rifillojnë ndjekjen me tre pikë avantazh.

Nuk është habi nga këto anë që të ekzekutuarit, për fëmijët palestinezë, të shndërrohen në një qëllim. Janë rritur në mes të luftës dhe kanë dëgjuar gjithmonë që të vdesësh si martir, është një mënyrë për të arritur fitoren e përjetshme. Seicili prej tyre ka një baba, një vëlla, apo një kushëri të vrarë në betejë, si tradhëtar apo hero. Vdekja për ta, edhe në jetën e përditshme, pra jo vetëm në lojë, përbën një parametër për të kuptuar se kush ka fituar dhe kush ka humbur.

Fëmijët e Gazës luajnë luftërash mes fraksioneve rivale edhe pasi kanë ndjekur direkt në televizor ekzekutimin e të preferuarit të tyre, Miushit Farfur, i vrarë në fund të qershorit nga grushtat (në atë rast të aktorëve) të një tjetër protagonisti në rolin e një polici izraelian. Një skenë e ideuar nga autorët e programit,- trasmetuar nga kanali zyrtar i Hamasit që përdorte Farfurin për të bërë propagandë politike, - për të dalë përmes kësaj gjetjeje makabre edhe nga polemikat me Walt Disney, që protestonte për keqpërdorimin e personazhit të tyre.

Për mijëra fëmijë të Gazës, vrasja nga grushtat nga polici izralian e heroit të tyre prej pellushi, qe një traumë. Tani në vend të Miushit Farfur, i njëjti televizion, ka vendosur një tjetër kukull, e cila për të treguar se si trajtohen palestinezët në burgjet izraeliane, rrotullon në ajër një maçok të vërtetë, duke e kapur nga bishti, nën sytë e terrorizuar të fëmijëve të pranishëm në studio; ose i gjuan me gurë apo e qëllon me dru luanin e vjetër në kafazin e kopshtit zoologjik të Gazës.

E pra, në krahasim me realitetin, loja me gjoja-luftëtarët e Hamasit dhe Fatahut, gati gati duket mësimdhënëse, sepse kur ajo përfundon të vdekurit ringjallen, flamujt palosen, kundërshtarët rikthehen shokë dhe të lodhur e të djersitur kthehen në shtëpi së bashku. Loja me luftë për ta përfundon cdo ditë, ndërsa të rriturit rreth tyre, nuk lodhen kurrë me atë të vërtetën.
(ANSA)

PS
Mos te ndodhe edhe ne Kosove keshtu ..une LDK ti.....

[Preshevar]

PS.:| A s'ka burim ky lajm ?

[4peace]

*

Kush don të mësojë (marrë leksion) se ç'don të thotë në praktikë taktika "përçaj e sundo", ky artikull është një rast i mirë.

"Ne duam të vendosim rendin demokratik në Lindjen e Afërt", premtonin dhe po premtojnë permanent vendet "demokratike", te prirë nga vendi më i madh "demokratik" (USA). "...dhe, kush do të fitojë me vota të popullit, do ta ketë ndihmën tonë morale, materiale...", vazhdonin të njëjtit. U bënë zgjedhjet, fitoi "Hamas"-i. Me vota të lira të popullit palestinez. Këta që premtuan "harruan" shumë shpejt premtimin. Sepse ai (premtimi) ishte bosh. Si gjithmonë. "Hamas"-i nuk iu shkon atyre përshtati. Prandaj edhe i ndalin ndihmat. Jo vetëm ato të premtuarat por edhe ato që i kanë takuar. Sipas të drejtës ndërkombëtare.


Cili është rezultati? Skenari i (para)programuar: Lojë e pistë, nga më të pistat, e "demokracisë" botërore, me në krye...(qëllojani). Kjo është lojë nga më tipiket të përçaj e sundo", që mund ta kuptojë edhe ai që posa e ka mësuar abetaren (klasën e parë fillore).


Pasojat? Shikoni (lexoni më lart artikullin).


Gjitha të mirat!


*


P.S. Me të njëjtat premtime e kemi pësuar e do ta pësojmë në të ardhmen edhe ne.