Gjumë të ëmbël!

[rilinda]

Nuk flini dot? Mos vazhdoni të numëroni yjet. Lëreni fare kamomilin. Sepse seksi është më mirë (në të gjitha kuptimet). Kur nuk mund të bëni seks, provoni diçka të përnatshme si buka me djathë, hani pak nga kjo. Nuk ju besohet, por problemin mund ta zgjidhni edhe kaq lehtë Nuk ju zë gjumi shpejt, zgjoheni shpesh gjatë natës apo shumë herët në mëngjes? Me sa duket bëni pjesë në ata njerëz që vuajnë nga pagjumësia rastësore. Kjo nuk duhet ngatërruar me pagjumësinë kronike, sipas neurologëve. Kur shqetësimet zgjasin më shumë se 15 ditë është më mirë t’i drejtohesh një specialisti. Po cilat janë arsyet që na pengojnë të flemë? “Mbi të gjitha stresi dhe depresioni. Ankthi shkakton 45 për qind të të gjitha formave të pagjumësisë”, shpjegojnë neurologët. Mjetet klasike për të luftuar një natë me sy hapur: një gotë me qumësht të vakët ose një filxhan kamomil, një film gjumësjellës, një dush të ngrohtë, të numërosh delet, i njihni tashmë. Ne po ju sugjerojmë të tjera. Të sigurta.


Një e qeshur e madhe do t’ua këpusë fuqitë
Ka një raport të ngushtë ndërmjet humorit dhe gjumit: kush ka një ndryshim humori është e destinuar për net të vështira. Psikoterapeutët e të qeshurës tregojnë se një e qeshur mund të jetë një gjumëndjellës i fortë: është një ushtrim aerobik, kontraktohen dhe relaksohen muskujt e barkut, rritet fluksi i gjakut. Organizmi oksigjenohet më shpesh dhe nxitet prodhimi i serotoninës, që ka një efekt çlodhës dhe i endrofinës, një morfinë natyrale. Po si të qeshësh kur do vetëm të flesh gjumë? Mund të shtriheni në divan dhe të nisni të qeshni, fillimisht ngadalë, pastaj gjithmonë e më fort: në fund do t’ju qeshet vërtet. E qeshura është një gjimnastikë mendore dhe emocionale: zhdramatizon dhe dobëson emocionet negative duke të lodhur. Nuk ka rëndësi nëse nuk qeshni me të vërtetë: lëvizja e mollëzave dhe diafragmës ngacmon trurin që nxit prodhimin e serotoninës. Dhe nëse e qeshura e induktuar ju duket e çuditshme, ka gjithmonë një film komik, një libër argëtues, një program radiofonik humoristik.


Seks më mirë se kamomili
Po të jeni çift (kur dhe partneri ka dëshirë), një zgjidhje do ishte seksi. “Marrëdhënia seksuale ka fuqi gjumësjellës falë endorfinës”, shpjegojnë mjekët. Gjëja më e mirë është të nisnit menjëherë, sapo shtriheni. Po sikur dëshira të mos shpërthejë atëherë, ideale që të mos rrish gjithë natën pa vënë gjumë në sy, është të zgjedhësh çastin kur partneri kalon fazën Rem të gjumit, më të lehtën, e karakterizuar nga lëvizje sysh nën qepalla.

Nina-nina e shenjtë
Efekti gjumësjellës i lutjeve të mbrëmjes është vërtetuar. “Kur thuhet lutja ndiqet një ritëm mjaft qetësues”, thonë psikoterpeutët. Po të mos jeni besimtarë, atëherë dëgjoni muzikë. Kur ka atë lloj ritmi të ngadaltë, ajo ngadalëson frymëmarrjen dhe rrahjet e zemrës. Po kur gjumi nuk do vërtet të vijë, ndoshta zgjidhja është të ndryshoni dhomë që të shkëpusni marrëdhënien jo tepër reale, po psikologjike ndërmjet shtratit dhe pagjumësisë. Më mirë shkoni në një vend të qetë, pa drita dhe zhurmë, ku mund të bëni disa ushtrime qetësimi, si të përqendroheni te frymëmarrja duke nxjerrë jashtë bashkë me ajrin dhe tensionet. Ndryshe përqendrohuni te muskujt duke u përpjekur t’i shtendosni një nga një e në fund kaloni në mendje ndonjë panoramë relaksuese, qoftë një plazh tropikal.


Një e ngrënë në mesnatë
Sikur pagjumësia mos të heqë dorë nga e saja, hidhini sytë nga frigoriferi. “Raporti ndërmjet ushqimit dhe gjumit është i ngushtë”, tregojnë neurologët. Kush fle mirë, ha dhe shëndoshet më pak se kush shfaq shqetësime në gjumë. Një pjatë spageti, pak bukë me djathë ose një banane sigurojnë një qetësim. Këto përmbajnë në fakt triptofanin, një aminoacid që nxit organizmin të prodhojë serotoninë. Mos harroni specin djegës, që ndërmjet shumë cilësive të tij, ka dhe atë të një gjumësjellësi.

[pirro]

Sexi patjeter qe asht i mire veq rreziku vjen edhe me te lan tan naten pa gjume.

[Naki]

Psikoterapeutët e të qeshurës tregojnë se një e qeshur mund të jetë një gjumëndjellës i fortë: është një ushtrim aerobik, kontraktohen dhe relaksohen muskujt e barkut, rritet fluksi i gjakut. Organizmi oksigjenohet më shpesh dhe nxitet prodhimi i serotoninës, që ka një efekt çlodhës dhe i endrofinës, një morfinë natyrale

Sikur të bënin një ritual të tillë,një grupë njerzish do të kursenin Tabletat e gjumit!

[rilinda]

Gjumë për zemër të shëndoshë

Tradita mediterane, pushimi i pasdites, zvogëlon rrezikun nga vdekja dhe sëmundjet kardiovaskulare. Kështu ka dalë nga një studim i përbashkët, greko-amerikan.

Në studimin, të cilin e ka kryer fakulteti i mjekësisë i Universitetit të Athinës dhe fakulteti homolog i Harwardit nga Shtetet e Bashkuara të Amerikës, janë studiuar të dhënat e mbi 20 mijë grekëve, mes moshave 20 dhe 86 vjeç. Në mesin e pyetjeve, në të cilat ata janë përgjigjur, ka qenë edhe pyetja se a flenë pasdite dhe sa shpesh e bëjnë këtë.

Është dëshmuar se rrezikshmëria nga vdekja dhe sëmundjet e zemrës është 34 për qind më e ulët tek personat të cilët flenë pasdite. Sa më i shpeshtë që ka qenë gjumi, aq më i vogël ka qenë rreziku, posaçërisht për meshkujt e punësuar, ka vlerësuar ky studim.