Koncepti i Gabuar Politik, aleati i shtrjeve te Vazhdueshme !

[Peja-Boy]

Koncepti i gabuar politik, aleati i shtyrjeve të vazhdueshme!

Jemi dëshmitarë të shtyrjeve të vazhdueshme të zgjidhjes së statusit politik të Kosovës, dhe kjo po bëhet jo për shkak të Serbisë dhe Rusisë apo mosmiratimit të Rezolutës por për shkakun se subjektet politike kudo në trojet shqiptare e përkrahin konceptin e gabuar politik, konceptin e parealizueshëm për rrethanat, atë të pavarësisë së Kosovës.

Po ti referohemi akteve ndërkombëtare respektivisht kartës së OKB-së, Kosova nuk mund të bëhet shtet i pavarur e sovran përderisa populli shqiptar si shumicë, nuk konsiderohet popull por bashkësi etnike sikur pakicat. Pra, karta e OKB-së ka të bëjë me popujt apo kombet e jo me bashkësitë etnike.

Janë edhe këto tri arsye që mendoj se Kosova nuk do të jetë shtet asnjëherë:

1. Nuk është në interes të bashkësisë ndërkombëtare që Kosova të bëhet shtet i dytë shqiptar;

2. Kosova shtet multietnik nuk mund të bëhet sepse do të sjellë konflikte të brendshme sepse nuk mund të jetë pakica serbe prej 4% e barabartë me shumicën shqiptare prej 92%;

3. Kosova shtet i kombit kosovar nuk bëhet sepse duhet kohë për tu krijuar kombi kosovar, 10 vjet, 20 vjet, 100 vjet e ndoshta asnjëherë.

Pra politika e pavarësisë së Kosovës, e bërjes së Kosovës shtet, përveç kartës së OKB-së është e parealizuar edhe për këto tri arsye dhe kjo politikë gjithnjë do të na mbajë me statuskuo, dhe kjo statuskuo është në interes të Serbisë, e cila vazhdimisht po merr territore e prona shqiptare (edhe duke i blerë) dhe po i popullon me serbë me qëllim që në të ardhmen kur të shtrohet për zgjidhje çështja shqiptare në ballkan të ketë arsyen e fortë në vetëvendosjen e kombeve mbi bazën e parimit të njohur të shumicës dërrmuese të popullsisë ku jeton.

Shpëtimi i asaj çka mund të shpëtojmë si popull shqiptar, është, që sa më parë të rreshtohemi drejt politikës së bashkimit të kombit shqiptar sepse çdo ditë e më shumë humbim derisa nuk fuqizohet kjo politikë.

Zhvillimet e kohëve të fundit sikur po tregojnë se ne si shqiptarë duhet ti kthehemi origjinës sonë, për të na kuptuar bota se çfarë dëshirojmë. Pra, të gjitha subjektet politike duhet të kenë koncepte të qarta për botën, koncept të bashkimit të kombit shqiptar në një shtet të vetëm-Shqipërinë, koncept i cili na jep të drejtë në bazë të kartës së OKB-së dhe akteve tjera ndërkombëtare.
Sa i përket konceptit të bashkimit të kombit shqiptar në një shtet, ky nuk është një mendim në hapësirë por një realitet që do të vijë sa më shpejt që ne të punojmë dhe veprojmë për formimin e këtij shteti të bashkuar. Mendoi se gabohet rëndë ai që mendon se shqiptarët nuk duan të bashkohen në një shtet të vetëm, por këtij koncepti politik nuk i jepet hapësirë nga politika aktuale e cila i ka okupuar edhe mediat e shkruara dhe elektronike, politikë e cila edhe e frikëson popullin pa arsye, duke i thënë se nëse kërkojmë bashkim të kombit e humbim edhe “Pavarësinë e Kosovës”.

Për të ardhur deri te bashkimi i shqiptarëve në një shtet duhet që populli tu tërheqë vëmendjen "politikanëve" që të punojnë për këtë gjë e jo të jenë servilë duke punuar për interesat e të huajve. Nëse politikanët mendojnë se zgjidhja e çështjes shqiptare mund të bëhet mbi bazën e marrëveshjeve të Rambuje-së, Ohrit, Konçulit, gabojnë rëndë sepse këto marrëveshje janë të përkohshme e që e kanë stagnuar për një kohë por jo përfundimisht, çështjen. Iluzionet e mbjellura tek populli shqiptar nuk do të mbahen gjatë as nga pushtuesit dhe argatët e tij dhe edhe këtyre mashtrimeve do t’iu vjen fundi një ditë sepse po shihet dita ditës se populli shqiptar nuk mund të bashkëjetojë me pushtuesit.

Klasa politike shqiptare, kudo në trojet shqiptare është vetë penguesi kryesor i realizimit të interesave tona kombëtare dhe zgjidhjes e cila është e realizuar për rrethanat. Prandaj, duhet që sa më parë të ndryshojnë konceptin e gabuar politik, atë të zgjidhjeve parciale të çështjes sonë të pazgjidhur kombëtare e cila është një (1) e jo disa, dhe të kërkojnë që të bashkohemi si komb me qëllim që edhe bashkësia ndërkombëtare ta ketë më të lehtë të na njohë këtë të drejtë të ligjshme, me aktet ndërkombëtare që i ka miratuar vetë ajo.

Shkruan: Faton Klinaku

[Peja-Boy]

PAVARËSIA ME 28 NËNTOR!...

Këto ditë Kryeministri i Kosovës, zoti Agim Çeku për media deklaroi se pavarësia e Kosovës mund të shpallet me 28 nëntor! Nga ana tjetër lideri i Ora-s theksoi se kjo do duhej bërë ca para krishtlindjeve! Zoti Kola dhe zoti Sejdiu thanë se kjo do të ndodhë së shpejti, ndërkaq zoti Thaçi tha se nuk është profetizues datash e evenimentesh historike, por se kjo do të ndodhi pa dyshim! I mbetet zotit Eqerem Bej që të deklarohet për shpalljen e pavarësisë për ditën e Bajramit, apo ditën e Hashureve, mbase propozimi i zotit Merxha do të jetë që pavarësia e Kosovës të shpallet për Shën-Gjergj!... S’do mend, kjo lojë koqesh me pavarësinë e Kosovës nga elita jonë politike, mbase do të sjelli pak freski tek popullata jonë e cila fatkeqësisht po digjet nga vapa e madhe që po mbretëron këto ditë gjithë andej, se sa do të na freskojnë deklaratat shterpa mbi pavarësinë, me gjasë do mbetet si pazarit të parë, prit Gomar sa të del bar!...

Mendoj se lexuesi e ka më së të çartë se askush nga artikullshkruesit, publicistët, analistët, politologët e të tjerë, të paktën me dëshirë nuk do të shkruante për dështimin rreth miratimit të një rezolute për statusin e Kosovës i cili pësoi fiasko në Këshillin e Sigurimit! Kalimi i çështjes së statusit të Kosovës nga KS në Grupin Negociator, do të thotë nisje nga e para, që nënkupton rifillim të bisedimeve të cilave nuk ju dihet fundi, dhe jo vetëm kaq: Kjo nënkupton edhe dështimin e BE-së para çështjes së pazgjidhur të Kosovës përball bllokut Sovjetik e mos të flasim më për Bajrama- xhinjët e Krishtlindje-xhinjët tanë të cilët tani më janë duke e parë përditë e më çartë se pesha e tyre politike prej karkaleci për gjërat madhor siç është çështja e pavarësisë është krejt e pa diktueshme! Prandaj këto shkrime jemi të shtrënguar që t’i bëjmë kundër vullnetit tonë, dhunshëm, pa vullnet e me shpirt thyer, ngase dështimet e mundshme janë më pasoja të paparashikueshme për të gjithë popullin tonë që kaq shumë dha e priti për lirinë e Kosovës.

Në një shoqëri i (thënçin demokratike) si kjo jona, ku interesat vetanake, klanore e politike po mbizotërojnë mbi ato kombëtare, vërehet pa u lodhur mbi sipërfaqen e djegur të statusit të Kosovës karagjozllëku politik i prijësve të institucioneve tona për dhe rreth zgjidhjes së statusit politik të Kosovës. Bartësit e Institucioneve tona, të afirmuar kuturu e pa mbulesë që operojnë pa argumentuar dhe pa koordinuar e me kryeneçësi me fakte të sajuara e me vendim marrje në dëm të njëri-tjetrit, për më shumë në dëm të fatit të Kosovës, realitet ky që neverit popullin tonë e për më larg kjo nuk është as filli i mënyrës afirmative të tyre. Këta bartës të pa denjë të vullnetit të popullit tonë kanë stërkequr çështjen e zgjidhjes së statusit. Tani më duke e vërejtur fare çartë paaftësinë e tyre politike së bashku me zhgënjimin, apo thënë më troç naivitetin e tyre politik, ata do duhej të kuptojnë se nuk do ta kanë fatin e as privilegjin e të ngriturit të flamurit si dikur plaku Vlonjat! Edhe sikur të ndodhte kjo tamam me 28 nëntorin e këtij viti, i ka ikur “ajami” prerjes së ushkurit të pavarësisë zotërinjë, që moti, prandaj do duhej që t’ju kujtojmë këngën e vjetër të së motrës së Avdisë:” Prit me muaj e prit me vjet, pushka e Lilës s’po kërcet!”...

Fati i këtyre njerëzve që nuk hezituan t’i imponohen përdhunshëm kohës, madje në emër të unitetit e që në fakt këta përfaqësojnë të kundërtat, pra pjesë të tërësisë shoqërore të shkapërderdhura nëpër subjekte politike e jo politike të cilat tek më pastaj përbëjnë tërësinë. Prijësit e Institucioneve tona, pashpjegueshëm u bënë kukulla në duart e binomit politik ndërkombëtarë me orientim të dyshimtë që për qëllim kishin klonimin e këtij mekanizmi. Prandaj rënia e rezolutës në provim para Këshillit të Sigurimit, kishte për pasojë më shumë “nxënësit” e pa përgatitur, apo “profesorët” qyqarë e të pa fuqishëm për ballë një realiteti të pa diskutueshëm?! Më këtë akt të qyqarllëkut politik Këshilli i Sigurimit vetëm sa trimëroi dhe forcoi qëndrimet e Rusisë dhe Serbisë, madje duke i kurajuar ato edhe më që të mos lëvizin nga pozitat e tyre politike. Tani së fundi, kalimi i çështjes së statusit nga KS në GK, ngërthenë në vete edhe një lojë më shumë me fatin e shqiptarëve dhe me përfaqësuesit tanë tragjik- fatkeqësisht!

Tash më kur një ndjesi e pafuqisë politike në rritje, ka kapluar bartësit e institucioneve tona të cilët me entuziazmin e tyre të dikurshëm e pa mbulesë u sulen drejt pallatit shumëkatësh për të arritur sa më pranë buxhetit të shtetit që synojmë. Entuziazmi pa mbulesë ka filluar të digjet ngadalë së bashku me bartësit e kotësisë dhe zhvatjes politike e materiale. Ama u desh një kohë mbi tetë vjeçare, dhe krejt në fund edhe një vapë dyzetë gradësh që këto ditë po mbretëron në Kosovë për të djegur edhe premtimin shterpë, fatkeqësisht kjo vapë po djeg edhe popullin, por ja që ne si popull realitetin e shohim vetëm kur na kaplon temperatura përvëluese klimatike e politike dyzetë gradësh! Që nga viti 1999 e deri më sot, shumë çështje favorite për Kosovën u dogjën dhe nuk mund të riparohen më, së bashku me to edhe çështje e statusit që përplaset nga Bajrami në Krishtlindje, prandaj kjo elitë politike as që ka mandatin legjitim më që të përfaqësoi interesat tona kombëtare- madje ka një vit që në mënyrë ilegjitime këta sorollaten në për botë dhe zhvatin nga buxheti i Kosovës!?

Mendoj që para së gjithash populli ynë në mënyrë të prerë duhet të kërkoi zgjedhje, nga ku do të dalin udhëheqësit dhe përfaqësuesit e rinj të popullit të Kosovës të cilët do të jenë legjitim për para popullit tonë për të shpallur shtetin e Kosovës, nëse kjo nuk ndezë, atëherë duhet shpallur bashkimi i tokave shqiptare në rajon që në fakt është e natyrshme dhe e pashmangshme! Të shpresojmë se me punë të përkushtuar e sistematike, populli ynë do të arrijë që të prej rrugën e dinozaurëve të fundit politik të cilët për shumë decenie kanë lozur dhe po lozin me fatin tonë. Ne duhet të jemi gati dhe të sqarojmë botën se mes dy poleve të kundërta, pra në mes lirisë dhe robërisë nuk ka emër tjetër, as nuk e njeh shkenca e as filozofia. Kështu që populli shqiptarë do të jetë i detyruar ( herëdo kurë) që të deklarohet në mënyrë të prerë se ne do të përdorim të gjitha mjetet juridike, politike, morale e kombëtare, pra edhe mjete tjera në mënyrë që të jetojmë të lirë e jo të robëruar! Këtë duhet detyrimisht ta themi ne e jo t’ua bartim brezave pasues, jemi zvarritur mjaftë për një shekull, dhe çdo zvarritje tjetër është dënim i ardhmërisë sonë .Të kundërtën e kësaj e tha sonte prerë e pa u skuqur, jo më pak se presidenti “demokrat” i Serbisë, i përkëdheluri i Evropës Tadiq se shteti i tij do të përdori të gjitha mjetet ( që nënkupton edhe luftën)... në mënyrë që mos ta lëshojnë Kosovën!? Pse ne të mos tregojmë të njëjtën gatishmëri kur është në pyetje liria jonë kombëtare, pse jo edhe gatishmërinë e luftës ( nëse kjo na imponohet), kur synimi ynë është liria dhe jo pushtimin! Ndryshe do të mbesim të pushtuar nga Serbia, pra do duhet të shtrëngohemi që ta pranojmë jetën e robit, apo të qytetarit të lirë e sovranë në tokat tona. Ky është realiteti politik tani në këto hapësira, dhe nuk kemi asnjë arsye që realitetit t’i vemi grimin e premtimeve shterpa.

Mehmet Bislimi

[Peja-Boy]

Jeta në Kosovë, pa teprime, është e mbushur me rrena, me gabime, hajni, poshtërsi, krime, me mashtrime…
Mashtrime me “rezolutë”, mashtrime me “kushtetutë”, mashtrime me “simbole” si dikur me “idole”…
Mashtrime në dimër, mashtrime në verë me “diploma” me “tenderë”.
Mashtrime me “republikë” me “shtet të pavarur” dhe “sovran” në partneritet me “miqët “ euro-amerikan”…!
A nuk është rrenë, mashtrim, kur disa politikuaj tonë
axhami, e thonë shpesh, madje me mburrje, krenari, se nga qershori vitit 1999, Kosova ka liri, ka pavarësi?
U dëshmue sa herë se Kosova për ta është top loje, kurse pavarësia fjalë goje…
Liria në Kosovë

Në Kosovë ka liri, nëse ke, me hangër e me pi…Ka liri, nuk përdoret aq dhunë, për të jetuar pa punë…
Kosova është shembull për gjithë botën me numrin më të madh të papunësuarëve në gjithë Europën…
Në Kosovë ka liri për pisllëqe, marifetllyqe, veprimtari kriminale, plaçkitje ekonomike, ka liri për dënime politike…
Në Kosovë ka aq shumë liri sa që s’mund ta këndon kush as me lahutë, sharki apo me çifteli…
Në Kosovë veç diçka mungon: Nuk guxon, nuk ka liri për t’u bashkuar me Nënën Shqipëri…
Kjo ndalesë, kjo pengesë, është një dhuratë, një mirësi, është një begati, sepse ajo që ndalohet, ajo që pengohet, më shumë kërkohet…
Ky është amaneti i t’parëve, kjo është dëshira e shqiptarëve…Kur të jetë dëshira, shtohet vullneti, me vullnet, qoftë kismet, dalim n’selamet….

[Peja-Boy]

Presidenti amerikan Xhorxh Bush tha gjatë një vizite në Tiranë se është koha që bashkësia ndërkombëtare "të fillojë të lëvizë" për Kosovën dhe shprehu vendosmërinë që "rezultati përfundimtar është pavarësia".
Zoti Bush tha se çdo plan për të shtyrë bisedimet për Kosovën duhet të ketë synimin "pavarësi të sigurt".

Ai po komentonte një propozim të presidentit francez Nicholas Sarkozy gjatë samitit të G8-s javën e shkuar për shtyrje edhe për "disa javë e muaj" të bisedimeve për statusin e Kosovës.


Nëse marrëveshja nuk arrihet ne do të themi mjaft dhe Kosova do të marrë pavarësinë.


Presidenti amerikan Xhorxh Bush

"Për Shtetet e Bashkuara, pavarësia do të jetë në fund të këtij procesi," tha zoti Bush në një konferencë të përbashkët shtypi me kryeministrin shqiptar Sali Berisha në Tiranë.

"Bëra të qartë, dy gjëra - ne duhet të bëjmë përparim dhe e dyta, rezultati përfundimtar është pavarësia."

Zoti Bush tha se është e rëndësishme që diplomatët të punojnë së bashku për të kapërcyer pengesat, por nuk mund të lejohet që negociatat të zvarriten pafund," tha ai.

"Thjesht nuk mund të ketë zvarritje të vazhduar sepse jam i shqetësuar lidhur me shpresat që nuk po plotësohen në Kosovë," tha presidenti amerikan.

"Çështja është nëse do të ketë ose jo dialog pa fund për një çështje për të cilën e kemi vendosur tashmë."

"Ne besojmë se Kosova duhet të jetë e pavarur."

Presidenti amerikan u bëri thirrje udhëheqësve kosovarë të kenë durim.

"I kërkova kryeministrit (shqiptar) të flasë me udhëheqësit kosovarë që të mbajnë qetësinë në këto hapa të fundit," tha zoti Bush.

"Nëse marrëveshja nuk arrihet ne do të themi mjaft dhe Kosova do të marrë pavarësinë," tha zoti Bush.

Ai i ofroi Serbisë siguri se SHBA mbështet aspiratat e tyre për bashkëpunim me perëndimin.

[lyra2]

Uashington
25-08-2007
Zëvendës ambasadori i Shqipërisë në Uashington, Kreshnik Çollaku, i tha
Zërit të Amerikës se ka një aktivizim të jashtëzakonshëm të diplomacisë
serbe të mbështetur nga ajo ruse për të bllokuar dhe zvarritur më tej
procesin e statusit të Kosovës. “Karta që po luhet fort nga diplomacia
serbo-ruse është se ata kërkojnë dhe e kushtëzojnë procesin e statusit me
një të ashtuquajtur kompromis dhe kjo manovër diplomatike e tyre po jep
efekt në favor të tyre.”

Zoti Çollaku tha se pozicioni i shqiptarëve në këtë proces duhet të jetë i
qartë: “Kosova dhe pjesë të tjera të Shqipërisë forcërisht u ndanë nga
Shqipëria para një shekulli dhe iu bashkangjitën, jo për vullnet të
shqiptarëve, shteteve të tjera. Në asnjë moment shqiptarët që mbetën
jashtë Shqipërisë zyrtare nuk e pranuan këtë ndarje. Ata gjithmonë e kanë
kundërshtuar dhe ka patur gjithmonë lëvizje në kundërshtim të kësaj dhe në
kërkim të një rikthimi të natyrshëm në trojet që u takonin. Kërkesa për
pavarësi është kompromisi më i skajshëm që të kenë bërë jo vetëm
shqiptarët por ndonjë popull ose komb në rajon apo edhe më tej.”

Zoti Çollaku tha se në bazë të qëllimeve diplomatike serbo-ruse duket se
qendron krijimi i Serbisë së Madhe. “Tezat për ndarje të Kosovës janë jo
vetëm teza por një proces që po realizohet në Mitrovicë. Ajo që po
përpiqen të bëjnë serbët nuk është ndarja sepse ata kanë kohë që po
punojnë për ndarjen. Ata po përpiqen të legalizojnë ndarjen e Kosovës.”

Zoti Çollaku tha se bëhet fjalë për një spastrim etnik të butë pra jo
nëpërmjet armatave. “Mendoj se kjo bën që çështja e Kosovës të shihet jo
më si çështje vetëm e Kosovës dhe e kosovarëve. Mendoj se në një skenar
ndarjeje apo bllokimi të Kosovës, katandisje të Kosovës në një lloj
Palestine në Ballkan, kjo çështje del nga titulli i kosovarëve dhe kthehet
në një çështje të shqiptarëve në rajon. Në këtë plan ne kemi një precedent
të shkëlqyer që është reagimi “një komb, një qendrim”,” tha zëvendës
ambasadori i Shqipërisë në Uashington.//ii

Zeri i Amerikes, Shqip.