YouTube shndërrohet në platformë edhe për reklamim

[iliros]

http://img260.imageshack.us/img260/1633/f1009035449991mtg3.gif

Google më në fund ka vendosur të sjellë risi në shërbimin më të popullarizuar të video-prezantimeve, YouTube, të cilin para 11 muajve e bleu për 1.65 miliard dollarë. YouTube do të shndërrohet në pjesë të platformës AdSense, derisa publikimet-reklamuese do të gjenden nën video-xhirimet, dhe përfitimet do të sjellin të ardhura për të gjitha palët e përfshira.



------------------------------------------------------------------------------------------------
Kjo do të funksionojë kështu: prodhuesi i materialit (me fjalë tjera, personi i cili e ka prodhuar dhe e ka publikuar në YouTube video-xhirimin) do të ketë mundësi të nënshkruajë marrëveshje me Googlen me anë të së cilës, do të lejohet publikimi i shpalljeve nën videon e tij. Publikimi do të gjenerohet në bazë të fjalëve kyçe në faqe ose duke marrë parasysh temën e videos. Të gjitha palët: Google, prodhuesi i videos dhe pronari i ueb faqes që nxjerr shpallje, do t’i ndajnë përfitimet të cilat do të gjenerohen kur vizituesi klikon mbi to.

Në këtë mënyrë Google do të mund të qetësojë sadopak publikuesit e videove të cilët tash edhe do të mund të përfitojnë nga materialet e tyre, ndërsa në anën tjetër shpallësve dhe ueb-masterëve do t’iu ofrojë një mënyrë të re, tërheqëse për publikim dhe përfitim.

Duke marrë parasysh se, shpalljet AdSense të Googlet, zakonisht janë të paimponueshme (lidhje tekstuale ose foto), besohet se vizituesit nuk do të ketë shumë arsye për t’u ankuar. Ndërsa vetë Google do të fillojë më në fund të paguajë investimin jo të vogël në YouTube, për të cilën shumica kanë qeshur duke thënë se kjo shumë e parave (të përsërisim, 1.65 miliard dollarë ose 1.17 miliard euro) asnjëherë nuk do të shpaguhet.