Lajme të shpejta

[panta_rhei]

Gjermania ka vendosur ta njohë pavarësinë e Kosovës Gjermania ka vendosur ta njohë pavarësinë e Kosovës. Lajmi bëhet i ditur nga radioja shtetërore gjermane “Dojçland Funk”. Në njoftimin që po transmetohet sot nga ky radiostacion publik, i cili është publikuar edhe në faqen e internetit të kësaj radioje, thuhet se “burime të radios Dojcland Funk brenda Qeverisë gjermane kanë marrë vesh se është marrë vendimi për njohjen e pavarësisë së Kosovës nga Qeveria gjermane, nëse ajo shpallet pas 10 dhjetorit nga Parlamenti i Kosovës”. Më tej thuhet se “duke marrë në konsideratë procesin negociator që po zhvillohet, Qeveria gjermane ka vendosur të mos e bëjë akoma publik këtë vendim. Vendimi i Qeverisë gjermane është marrë në konsultim me NATO-n, duke pasur parasysh informacionet e Aleancës veriatlantike se në Kosovë nuk do të ketë konflikt ushtarak pas shpalljes së pavarësisë. RTK (http://rtklive.com/?newsId=13233&PHPSESSID=d74ad3da498be528785cbf1c6df0bd37)


AKTUELL VOM 23.10.2007

http://www.dradio.de/images/38840/landscape/133,0/ (http://www.dradio.de/aktuell/684448/bilder/image_main/) Ein Bundeswehrsoldat der KFOR-Truppe spricht im Kosovo mit einem Jungen. (Bild: AP Archiv)
Bundesregierung will Kosovo anerkennen

Entscheidung soll bereits gefallen sein



Die Bundesregierung erwägt offenbar, das Kosovo anzuerkennen, wenn die serbische Provinz sich nach dem 10. Dezember für unabhängig erklärt. An diesem Datum enden die Gespräche über den Status des Kosovo, deren dritte Runde am Montag in Wien ergebnislos vertagt worden war.



Wie der Deutschlandfunk aus zuverlässiger Quelle erfahren hat, ist die Entscheidung in Berlin bereits gefallen, wird aber mit Rücksicht auf die laufenden Verhandlungen unter Führung der Kontaktgruppe aus EU, USA und Russland noch nicht bekannt gegeben.

In der Sendung "Informationen am Mittag" im Deutschlandfunk berichtete Rolf Clement, hinter vorgehaltener Hand werde deutlich gemacht, dass nur noch das Wann, nicht mehr das Wie dieser Entscheidung offen sei.
(Beitrag von Rolf Clement in den "Informationen am Mittag im Deutschlandfunk MP3-Audio (http://ondemand-mp3.dradio.de/file/dradio/2007/10/23/dlf_20071023_1223_5f7b9115.mp3))

Den Informationen zufolge rechnet die NATO nicht mit einer militärischen Auseinandersetzung. Möglich seien aber Gewaltakte serbischer Minderheitengruppen im Kosovo.


Seit 1999 unter UNO-Verwaltung

Das Kosovo steht seit 1999 unter Verwaltung der Vereinten Nationen. Zuvor hatte die NATO die Provinz elf Wochen bombardiert, um Ermordung und Vertreibung von Albanern zu beenden. Seither beschützt die UNO-Schutztruppe KFOR die 100.000 dort lebenden Serben. Deutschland stellt mit 2250 Soldaten den größten Tel der Truppe, die sich aus insgesamt 16.000 Personen zusammensetzt.

Deutschlandfunk (http://www.dradio.de/aktuell/684448/)

[Lona]

AAK: Haradinaj eshte kandidati per kryeminister i Kosoves

Pas Hashim Thacit edhe PDK, edhe nje parti tjeter politike cakton kandidatin e saj per kryeminister.
Ish-kryeministri Ramush Haradinaj është caktuar zyrtarisht nga Aleanca për Ardhmërinë e Kosovës (AAK) për kryeministër të Qeverisë së ardhshme të Kosovës.

Fillon fushata ne Kosove: Vetem 3 jave propagande

Subjektet politike në Kosovë fillojnë zyrtarisht fushatën elektorale për zgjedhjet qëndrore dhe ato komunale që mbahen më 17 nëntor.
Shumica e forcave politike që garojnë në këto zgjedhje në programet e tyre kanë prioritet pavarësinë e Kosovës dhe zhvillimin ekonomik.
Ndonëse për herë të parë në Kosovë do të mbahen dy palë zgjedhje në të njejtën ditë, fushata zgjedhore do të jetë më e shkurtër.
Forcat kryesore politike dhe Misioni i Kombeve të Bashkuara në Kosovë, janë pajtuar që fushata për zgjedhjet e 17 nëntorit të zgjasë vetëm tre javë.
Kjo për shkak të shmangies të tensioneve të mundshme politike gjatë aktiviteteve parazgjedhore, të cilat mbahen paralelisht me negociatat për zgjidhjen e statusit të Kosovës.
Pak ditë më parë më nismën e presidentit Fatmir Sejdiu subjektet politike kanë nënshkruar një deklaratë me të cilën janë zotuar për zhvillimin e një fushate korrekte dhe dinjitoze

TETOVE:Shqiptaret ne Maqedoni: Nuk e njohim vendimin e gjykates, nuk do lejojme te na prekin flamurin

Vendimi i Gjykates Kushtetuese te Maqedonise qe kufizon perdorimin e Flamurit Shqiptar ne Maqedoni, kangjallur zemerimin e popullit shqiptar qe jeton ne trojet e tij ne kete vend. Shqiptaret ne Maqedoni jane shprehur se nuk e njohin vendimin e gjykates dhe do ta mbajne flamurin shqiptar. Ata jane shprehur se jane gati te perserisin perpjekjet e meparshme dhe luften qe kane bere per mbrojtjen e flamurit shqiptar.
Gati te gjitha partite politike shqiptare kane qene kunder ketij vendimi duke paralajmeruar tensionim te situates ne Maqedoni.

BDI: Nuk do te zbatojme vendimin antishqiptar te Gjykates kushtetuese
BDI e konsideron antishqiptar vendimin e gjykates Kushtetuese per ndalimin e flamurit shqiptar. Ne nje konference per shtyp ajo eshte shprehur se:
Me datë 24 tetor 2007 Gjykata Kushtetuese e Republikës së Maqedonisë ua hoqi shqiptarëve të drejtën e përdorimit zyrtar të flamurit të tyre. Ky vendim politik është qëndrim antishqiptar, antimarrëveshjes së Ohrit, antikushtetues dhe antidemokratik. Vendimi politik i Gjykatës Kushtetuese krijon krizë serioze dhe aspak nuk kontribuon për realizimin e përcaktimeve tona që janë prioritet për integrimet euro atlantike.

Vendimi dëmton raportet ndëretnike ndërmjet shqiptarëve dhe maqedonasve si dhe rrënon besimin edhe ashtu të brishtë në mes tyre.

U bëjmë apel Presidentit të vendit, Parlamentit të Republikës së Maqedonisë dhe koalicionit qeveritar që urgjentisht të reagojnë ndaj këtij vendimi të dëmshëm politik.

U drejtohemi garantuesve të Marrëveshjes së Ohrit dhe gjithë komunitetit ndërkombëtar të ushtrojnë autoritetin e tyre për sanimin e situatës së krijuar.
Bashkimi Demokratik për Integrim këtë vendim politik të gjykatës kushtetuese nuk do ta respektojë.
Apelojmë deri tek të gjitha forcat demokratike, organizatave joqeveritare dhe gjithë shoqërisë progresive në vend që të solidarizohen në dënimin e këtij vendimi antishqiptar.

[fadil]

Bush: Armët për Kosovën, promovim i paqes botërore



2008-03-20
Presidenti George Bush ka autorizuar mbrëmë furnizimin e Kosovës me armatim, ka njoftuar Shtëpia e Bardhë.

Në një memorandum dërguar Departamentit Amerikan të Shtetit, presidenti Bush tha se "në këtë mënyrë, furnizimi me artikuj mbrojtës dhe shërbime mbrojtëse për Kosovën do ta forcojë sigurinë e Shteteve të Bashkuara dhe do të promovojë paqe botërore".

Një zyrtar i lartë tha se autorizimi, që u bë pasi Shtetet e Bashkuara e njohën pavarësinë e Kosovës, konsiderohet se është pjesë e procesit normal të krijimit të marrëdhënieve me qeverinë e re.

Shtëpia e Bardhë njoftoi se hapi i presidentit Bush do t'i forcojë raportet e sigurisë së Shteteve të Bashkuara me Kosovën, do ta promovojë sigurinë dhe stabilitetin në gjithë Ballkanin dhe do ta përmirësojë kapacitetin e Kosovës për të marrë pjesë në aktivitete paqeruajtëse, do të ndihmojë në luftimin e terroristëve dhe t'i menaxhojë situatat emergjente humanitare.

"Parimet aktuale të artikujve mbrojtës ose të shërbimeve mbrojtëse do të shqyrtohen prej rastit në rast, përfshirë edhe respektimin e udhëzimeve relevante dhe kritereve që i përmban politika e Transferimit të Armatimit Konvencional", thuhet në njoftimin e Shtëpisë së Bardhë.

[fadil]

Rogozin: Amerika armatos ish-terroristët në Kosovë



2008-03-20 Rusia ka kërkuar takim urgjent të Këshillit NATO-Rusi për të diskutuar autorizimin e Shteteve të Bashkuara që të furnizojë me armë Kosovën.

"I jam drejtuar sekretarit të përgjithshëm të NATO-s me propozim për një takim joformal të Këshillit NATO-Rusi, për t'i diskutuar planet amerikane për furnizimin me armatim të Kosovës", tha i dërguari i i Rusisë në NATO, Dmitry Rogozin.

Ai tha se ndihma ushtarake amerikane për Kosovën synon të armatosë "ish-terroristët" dhe se ky hap mund të shpijë drejt "përplasjeve të reja terroriste në Ballkan".

"T'u japësh armë ish-terroristëve për luftën kundër terrorizmit, të paktën duket zbavitëse, në mos më keq", ka thënë Rogozin.

"Është mirë e njohur se ata që janë në pushtet në Kosovë kanë ardhur si organizatorë dhe liderë të Ushtrisë Çlirimtare të Kosovës, të cilën shumë shtete e njohin si organizatë terroriste", ka thënë ambasadori i Rusisë në NATO.


Kujtoje Te Kaluaren, Jetoje Te Tashmen, Shpreso Per Te Ardhmen!
Albert Ainshtajn.

[fadil]

Hoxhaj: Propozimi për ndarje është racist

http://gdb.rferl.org/2FB5BE1F-6650-47C1-A90B-F37763AA3220_w203_s.jpg (http://gdb.rferl.org/2FB5BE1F-6650-47C1-A90B-F37763AA3220_mw800_mh600.jpg)
"Institucionet e Kosovës duhet të përkushtohen më shumë në lobimin pro–pavarësisë", thotë ministri në Qeverinë e Kosovës, Enver Hoxhaj, i cili shton se pa marrë parasysh se çfarë rregullimi të brendshëm kanë, Kosova duhet të vë raporte me të gjitha shtetet në botë.
RADIO EVROPA E LIRË
Zoti Hoxhaj, pas më shumë se një muaji, Kosova është njohur nga 33 shtete. Ju, së fundi, keni qenë në Senegal, për të lobuar për njohjen nga vendet e Konferencës Islamike. Çka po e pengon këtë organizatë që ta njohë si bllok Kosovën, kur ajo tashmë ka përkrahur planin e Ahtisaarit?
ENVER HOXHAJ
Mendoj se një pjesë e madhe e anëtarëve të Organizatës së Konferencës Islamike, e cila numëron 57 anëtarë, do të fillojnë gjatë javëve të ardhshme ta njohin dhe pranojnë pavarësinë e Kosovës. Kuptohet që presin se cili nga shtetet do t'i prijë këtij procesi.
Gjatë takimit dhe pjesëmarrjes sime në Konferencën Islamike kemi pasur premtim, diku nga 8 shtete, nga 8 ministra të Punëve të Jashtme, të cilët së shpejti do të dalin me një vendim, mirëpo e kanë një qasje të vlerësimit të situatës dhe kuptohet se varësisht prej asaj se sa vende të caktuara brenda kësaj organizate dhe në pjesë tjera të botës kanë fuqi politike, ushtarake dhe ekonomike, edhe vendet tjera mandej janë në një ndërvarësi të marrjes së vendimeve në një politikë të jashtme.
Por, një disponim i mirë ekziston. Kuptohet që ka edhe paragjykime, kuptohet që ka edhe mosnjohje të problemit, ka një interpretim krejt tjetër se si është realiteti në Kosovë, se si ka rrjedhur shkapërderdhja e ish-Jugosllavisë, meqë pavarësia e Kosovës, por edhe shkapërderdhja e ish-Jugosllavisë është lexuar dhe kuptuar në Afrikë, në Azi dhe pjesë tjera të botës në forma të ndryshme.
RADIO EVROPA E LIRË
Nga kjo që thoni, ekziston ende nevojë e madhe për të lobuar pro-pavarësisë?
ENVER HOXHAJ
Definitivisht po. Ekziston nevojë e madhe dhe jo vetëm brendapërbrenda anëtarëve të Organizatës së Konferencës Islamike, këtyre 57 shteteve që janë të shpërndara në 4 kontinente të botës dhe të cilat kanë filozofi tjetër politike, proces tjetër të shtet-ndërtimit. Mirëpo, Kosova ka nevojë që të ketë një diplomaci agresive në kuptimin pozitiv të fjalës, e cila bartet nga një gjeneratë e re e diplomatëve, të cilët tregojnë se çfarë ka qenë Kosova në të kaluarën, se si Serbia e ka pushtuar dhunshëm Kosovën, ka qëndruar dhunshëm në Kosovë, se si Kosova ka qenë koloni e fundit në Evropë dhe se si rasti i Kosovës definitivisht paraqet një rast të veçantë.
Meqë këtu kemi të bëjmë me një situatë, ku një regjim ka bërë përpjekje ta ushtrojë gjenocidin mbi popullatën, ka pasur luftë çlirimtare, në të njëjtën kohë, ndërhyrje ndërkombëtare, vendosje të administratës ndërkombëtare dhe, në të njëjtën kohë, një rezolutë të Këshillit të Sigurimit, e cila për mendimin tim ka pasur vetëm një detyrë, që ta përgatisë procesin për definimin e statusit final dhe jo ta paragjykojë edhe zgjidhjen e saj. Kështu që sugjerimi i zotit Ahtisaari është që ai ka ofruar një zgjidhje pas Rezolutës 1244.
RADIO EVROPA E LIRË
Zoti Hoxhaj, marrë parasysh këtë dinamikë të procesit të njohjes, a do të mund të ketë Kosova përkrahjen e dy të tretave të vendeve anëtare të OKB-së para mbledhjes së asamblesë së përgjithshme të OKB-së?
ENVER HOXHAJ
Mendoj se njohja kualitative, sipas definimit të kryeministrit, është përmbyllur suksesshëm, meqë Kosova është pranuar dhe ka vendosur marrëdhënie bilaterale me shumicën e shteteve të fuqishme perëndimore, jo vetëm me SHBA-të dhe Britaninë e Madhe, por edhe me shumicën e vendeve të BE-së; mandej, njohjet e fundit që ishin nga Japonia dhe Kanadaja tregojnë për atë se procesi po shkon rrugës së mbarë.
Ajo, për të cilën ka nevojë politika e jashtme e Kosovës, është se pavarësisht nga ajo se si shtetet e caktuara kanë rregullim të brendshëm politik, a janë demokratike apo autoritare, a janë politikisht të emancipuara, a përcillen me tensione politike, a kanë mirëqenie ekonomike, apo janë ekonomikisht të zhvilluara - këto janë shtete. Dhe, ne duhet të bëjmë përpjekje që me të gjitha këto shtete të vendosim kontakte dhe të gjitha këtyre shteteve t'ua sqarojmë nevojën se pse duhet ta njohin Kosovën.
Jam shumë i sigurt se jo vetëm gjatë fazës së njohjes, por edhe gjatë fazës kur njohja përmbyllet dhe kur sigurohet karrigia në OKB, Kosova do të ketë nevojë vazhdimisht për bashkëpunim ekonomik, politik e kulturor, të ketë njerëz që bëjnë lobim për Kosovën.
RADIO EVROPA E LIRË
Përderisa Kosova po lobon për njohje, tashmë edhe publikisht, Serbia po kërkon ndarjen e Kosovës në vija etnike, propozim ky që tashmë është dërguar edhe në Kombet e Bashkuara në Nju Jork. Si do t'u përgjigjeni ju përpjekjeve të tilla?
ENVER HOXHAJ
Mendoj se ajo që është prezantuar, ditëve të fundit, nuk është asgjë tjetër veçse një kontinuitet i politikës serbe dhe të një diskursi që nuk është i përkrahur vetëm në qarqe politike, por edhe intelektuale, që nënkupton ndarjen e Kosovës në vija etnike.
Është një filozofi që në thelb është raciste. Sipas saj, shqiptarët dhe serbët nuk mund të jetojnë bashkë dhe duhet të ndahen përgjatë vijave të etnicitetit. Por, situata aktuale në Kosovë, mënyra se si është shpallur dhe menaxhuar pavarësia, ka treguar të kundërtën. Dhe, po ashtu, pjesa më e madhe e serbëve në Kosovë janë të interesuar që të jetojnë në atdheun në të cilin kanë lindur, ndërsa ajo që po ndodh në Mitrovicë, është projektim i dhunës nga Beogradi.
Dhuna në Kosovë vazhdimisht ka qenë e projektuar nga jashtë dhe definitivisht është e ndërlidhur me procesin e njohjes, meqë Beogradi planifikon që Kosova të reagojë apo mbireagojë ndaj gjendjes në veri dhe më pas të kërkojë nga shtetet tjera që ta ndërprejnë procesin e njohjes, meqë Kosova është një shtet, ose autoritet qeveritar, i cili i shkel të drejtat e njeriut, nuk i respekton të drejtat e pakicës. Prandaj, qasja e Prishtinës duhet të jetë shumë më e kujdesshme, më me sensivitet, ndërsa jam shumë i sigurt se ideja e ndarjes së Kosovës i takon së kaluarës, meqë SHBA-të, BE-ja, shtetet tjera në botë e kanë pranuar Kosovën si shtet sovran, të pavarur, me territorin dhe kufijtë e saj që i ka dhe çdo përpjekje tjetër është e gjykuar paraprakisht të dështojë.
RADIO EVROPA E LIRË
Zoti Hoxhaj, duke mbetur ende te veriu i Kosovës, dje atje kanë rifilluar protestat e serbëve pas trazirave të dhunshme që lanë një polic të vdekur dhe dhjetëra të plagosur. Cila do të jetë forma që institucionet e Kosovës do të përdorin për të kthyer normalitetin në atë pjesë?
ENVER HOXHAJ
Mendoj se institucionet e Kosovës duhet të bëjnë punë maksimale që të jenë të informuara rreth asaj se çka po ndodh, si po ndodh dhe kush qëndron prapa protestave të tilla, jo në kuptimin e adresës së përbashkët, sepse dihet që adresa e përbashkët është Qeveria serbe dhe Beogradi. Por, në të njëjtën kohë, UNMIK-u duhet maksimalisht të ushtrojë autoritetin e tij. Prania civile ndërkombëtare në Kosovë duhet maksimalisht të ushtrojë autoritetin e saj dhe, në të njëjtën kohë, mendoj se forcat e sigurisë, trupat e KFOR-it, NATO-ja, duhet të jenë shumë më të përkushtuara, me qëllim që stabiliteti në vend të ruhet dhe me qëllim që të mos kthehet gjendja në një situatë të tillë, e cila është më tepër e përkeqësuar, sepse kjo definitivisht do të kishte ndërlidhje direkte me atë se si do të implementohet marrëveshja e Ahtisaarit. Qëllimi i politikës serbe është ndarja e kësaj pjese të territorit, por edhe kontinuiteti i asaj se si është sjellë Beogradi pas qershorit të vitit 1999. Një kohë të gjatë ka bërë përpjekje që ta pengojë jetësimin e Rezolutës 1244, ndërsa në fund të procesit, tërë kohën është referuar në rezolutë si dokument valid. Dhe tash, aktualisht, synon që ta pengojë implementimin e marrëveshjes së Ahtisaarit, ndërsa unë jam i sigurt se pas një kohe, po të njëjtit liderë politikë do t'i referohen kësaj marrëveshjeje.Jeta politike serbe çdoherë është përcjellë me absurditet dhe paradokse dhe kjo që po ndodh tash, është një paradoks.
RADIO EVROPA E LIRË
Përmendët nevojën që prania civile ndërkombëtare të ushtrojë autoritetin e saj në tërë Kosovën. Në këtë kuadër, si e shihni ju këtë që po quhet dualizëm misionesh - praninë e UNMIK-ut dhe EULEX-it. Sa do ta pengojë ky dualizëm funksionimin e Kosovës si shtet?
ENVER HOXHAJ
Mendoj se një dualizëm i tillë është një situatë, e cila ka qenë pothuajse e parashikuar, meqë marrëveshja e Ahtisaarit parasheh fazën tranzitore, e cila fazë parasheh që UNMIK-u një, pjesë të madhe ose të gjitha përgjegjësitë që i ka, t'i dorëzojë te institucionet vendore, përderisa prania e ardhshme ndërkombëtare duhet të marrë rolin që e ka.
Çështja që duhet të shtrohet është se kur do të jetë fundi i këtij dualizmi dhe kur ka filluar llogaritja e këtij dualizmi. Prandaj, mendoj se është më se e domosdoshme, që të ketë qartësi se kur përfundon një dualizëm i tillë dhe shpeshherë situata të tilla orveliane krijojnë një botë, në të cilën askush nuk u jep llogari autoriteteve më të larta qendrore.
Prandaj, mbetet që të koordinohen aktivitetet dhe mbetet që mbi të gjitha Kosova, në procesin e saj, ta ketë një jetë të përbashkët dhe ta ketë një adresë të përbashkët ndërkombëtare. Për mua personalisht është vendimtare që jo vetëm të punojmë në zbatimin e pakos së Ahtisaarit, por që Prishtina zyrtare të punojë sa më shpejt me Komisionin Evropian, të bëjmë përpjekje që ta marrim pyetësorin, të fitojmë statusin e kandidatit dhe të dimë t'i dallojmë se cilat janë adresat ndërkombëtare në Kosovë dhe cila është adresa jonë e fundit - që është integrimi në BE

[fadil]

Pano: Anëtarësimi i Shqipërisë në NATO, zhvillimi më i rëndësishëm pas komunizmitKeida Kostreci
03-04-2008

Një ekspert shqiptaro-amerikan e quan anëtarësimin e pritshëm të Shqipërisë në NATO, zhvillimin më të rëndësishëm diplomatik për vendin në periudhën pas komuniste. Prof. Nikolla Pano, historian në Universitetin e Ilinoit Perëndimor tha në një intervistë për Zërin e Amerikës se ky zhvillim i hap Shqipërisë rrugën për anëtarësim më të shpejtë në Bashkimin Evropian, e rrit prestigjin e saj, kontribuon në qëndrueshmërinë e rajonit, por shërben edhe si nxitje për të vazhduar bashkëpunimin politik dhe reformat.
Zëri i Amerikës: Prof. Pano, NATO-ja vendosi t’u bëjë ftesa për anëtarësim Shqipërisë dhe Kroacisë. Cili është komenti juaj?
Prof. Nikolla Pano: Pa dyshim që kjo është një ngjarje shumë e rëndësishme, përsa u takon marrëdhënieve ndërkombëtare të Shqipërisë. Në fakt, do të thoja që është zhvillimi më i rëndësishëm diplomatik deri tani, në historinë e Shqipërisë, në periudhën pas komunizmit. Nga këndvështimi im, kjo shënon një hap tjetër të madh në procesin e transformimit të Shqipërisë nga vendi më i izoluar në Evropë dhe ndoshta ndër një nga vendet më jodemokratike në Evropë, tek anëtarësimi në një organizatë ndërkombëtare, anëtare të së cilës janë praktikisht të gjitha vendet e Evropës, si edhe Shtetet e Bashkuara dhe Kanadaja. Sigurisht që ky është fundi i izolimit të Shqipërisë dhe fillimi i anëtarësimit të saj të plotë në komunitetin ndërkombëtar. Dhe ky zhvillim, mendoj se gjithashtu është një shenjë e mirë edhe për përpjekjet e Shqipërisë për të realizuar anëtarësimin në Bashkimin Evropian. Fakti që aleanca e pa të arsyeshme që të vlerësojë përparimin e Shqipërisë për plotësimin e kritereve të kësaj organizate (NATO-s), sigurisht që do të jetë një argument më shumë në favor të Shqipërisë për anëtarësim të shpejtë në Bashkimin Evropian.
Zëri i Amerikës: Çfarë të mirash konkrete do të sjellë anëtarësimi për popullin shqiptar?
Prof. Nikolla Pano: Para së gjithash, nën ombrellën e NATO-s, Shqipëria fiton një shkallë sigurie dhe mendoj se kjo është e rëndësishme duke pasur parasysh tensionet që duket se po shfaqen në marrëdhëniet mes Evropës Perëndimore dhe Rusisë, lidhur me Kosovën, mbi interesin e Shteteve të Bashkuara për ngritjen e sistemit të mbrojtjes nga raketat në Poloni dhe Republikën Çeke, si edhe disa çështje ekonomike.
Mendoj se me faktin që Rusia po ndërhyn në çështjen e Kosovës, dhe që Shqipëria natyrisht është një përkrahëse e fortë e Kosovës, rritja e sigurisë do t’i shërbejë shumë popullit shqiptar.
Së dyti, siç thashë më parë, anëtarësimi në NATO përmirëson shanset e Shqipërisë për anëtarësim në BE, gjë që sigurisht do të sillte shumë të mira për popullin shqiptar.
Për më tepër, me rritjen e prestigjit ndërkombëtar të Shqipërisë, anëtarësimi në NATO është tregues i përparimit në forcimin e sistemit ligjor, është vlerësim i luftës kundër trafikut të drogës dhe atij njerëzor, lë të kuptohet se ka më shumë qëndrueshmëri të brendshme dhe kjo besoj se do të krijojë brenda vendit kushte që do ta bënin atë më tërheqës për më shumë investime ndërkombëtare dhe sigurisht që kjo do të rriste mirëqenien e Shqipërisë. Pra do të ketë disa përfitime praktike nga anëtarësimi i Shqipërisë në NATO.
Zëri i Amerikës: Duket se ky vendimi u mor edhe për arsye strategjike. A mund të na thoni se çfarë mendoni se do të thotë për aleancën që të ketë në gjirin e saj vende si Shqipëria dhe Kroacia?
Prof. Nikolla Pano: Para së gjithash mendoj se me anëtarësimin e vendeve si Kroacia dhe Shqipëria dhe më pas pa dyshim me vende të tjera, kompletohet rrjeti i vendeve të NATO-s. Me pranimin e Kroacisë dhe Shqipërisë, mendoj se NATO-ja do të jetë në gjendje që të ushtrojë më shumë ndikim për probleme që mund të shfaqen në Ballkan dhe që shqetësojnë vendet anëtare.
Mendoj se fakti që Shqipëria ka qenë një anëtare e përgjegjshme e komunitetit ndërkombëtar, për çështje të tilla si ajo e Kosovës, e përmirëson edhe më shumë imazhin e Shqipërisë në sytë e vendeve të NATO-s dhe ky faktor e rrit edhe më shumë besimin e këtyre vendeve përsa i takon Shqipërisë dhe mendoj se kjo është e vërtetë edhe për Kroacinë.
Kështu që vendet e NATO-s do të kenë disa përfitime, por edhe do të luajnë një rol vëzhgues për ruajtjen e qëndrueshmërisë në Ballkan.
Zëri i Amerikës: Standardet për anëtarësimin në NATO dhe në të ardhmen edhe në Bashkimin Evropian, kanë shërbyer edhe si presion ndaj klasës politike shqiptare për rezultate. Me anëtarësimin në NATO, cilat janë mjetet që do të shërbejnë për ta bërë klasën politike shqiptare të bashkëpunojë duke pasur parasysh edhe zhvillimet dhe tensionet e fundit politike në vend?
Prof. Nikolla Pano: Së pari, fakti që shqiptarët ia arritën qëllimit për t’u anëtarësuar në NATO, nënvizon rëndësinë e bashkëpunimit midis partive, jo vetëm atyre të mëdha por edhe më të vogla. Pati një unanimitet midis të gjitha forcave politike shqiptare se anëtarësimi në NATO ishte një objektiv që e donin të gjithë dhe kjo u arrit. Ky synim ishte shtysa për ndërmarrjen e disa reformave. Janë bërë përparime në reformën në drejtësi, në reformën zgjedhore, por duhet punuar dhe më shumë. Në qoftë se lufta politike, korrupsioni masiv do të vazhdojë, në qoftë se do të vazhdojë ky rivalitet shkatërrimtar që ka helmuar sistemin politik në Shqipëri, hyrja e vendit në Bashkimin Evropian do të vonohet. Anëtarësimi në NATO nuk do të thotë që procesi i reformave në Shqipëri ka përfunduar. Shqiptarët duhet t’i ritheksojnë përpjekjet e tyre, të mbrojnë të drejtat e njeriut dhe hartojnë ligje të drejta të inkurajojnë investimet e huaja të rëndësishme. Të gjitha këto sfida mbeten dhe mendoj se këto duhet të jenë një frymëzim për klasën politike në Shqipëri për të vazhduar këtë përpjekje në drejtim të bashkëpunimit. Pa këto, shpresa për investime më të mëdha që i sjellin Shqiprisë më shumë zhvillim, shpresa që prestigji ndërkombëtar i Shqipërisë që është rritur si pasojë e ftesës për anëtarësim në NATO, të gjitha do të mbeten në vend dhe për këtë arsye, bashkëpunimi që mundësoi anëtarësimin në NATO duhet të vazhdojë dhe reformat në vend duhet të jenë reale, të prekshme dhe konstruktive.
Desha të theksoj diçka: Është merita e të gjithë drejtuesve shqiptarë që nga Aleksandër Meksi, Fatos Nano, Pandeli Majko, Ilir Meta dhe Sali Berisha, të cilët si kryeministra kanë qenë tepër të rëndësishëm për arritjen e anëtarësimit në NATO. Të njëjtat merita kanë edhe presidentët që nga Sali Berisha, Rexhep Meidani, Alfred Moisiu dhe Bamir Topi. Mendoj se kjo mënyrë bashkëpunimi i ka sjellë frytre Shqipërisë dhe politikat konstruktive duhet të vazhdojë edhe në të ardhmen.
Zëri i Amerikës: Ju theksuat se ftesa për anëtarësim për Shqipërinë dhe Kroacinë është diçka e rëndësishme për të tërë rajonin. Si e shikoni ju faktin se që Maqedonia nuk arriti të marrë një ftesë në këtë takim për shkak të mosmarrëveshjes për emrin me Greqinë?
Prof. Nikolla Pano: Fatkeqësisht, çështja e Maqedonisë është lidhur me problemin e emrit. Grekët nuk kanë shprehur gadishmëri për kompromis. Gjithashtu edhe brenda Maqedonisë ka pasur disa vështirësi politike, të cilat kanë frenuar negociatat për emrin. Gjatë vitit të ardhshëm, duhet të ketë një përpjekje të përbashkët për të ardhur në një lloj marrëveshje mbi problemin e emrit. Mendoj se ky problem mund të kalohet. Janë bërë disa sugjerime dhe ka ardhur koha që këto të merren në konsideratë në mënyrë që procesi i anëtarësimit të të tre vendeve ballkanike të kompletohet.//kk//

[Guri i madh]

FADIL kofsh turk vjen me naj lajm të ri na tregon qysh ësht puna perte ures të ibrit edhe me energji elektrike ,amani të koft na kallxon qysh erdhi aj shkavi në graqanic

[dardana78]

Ndihma e Moskes rrit mosmarreveshjet SHBA - Rusi
"Cristian Science Monitor" (Gazeta Tema)

Ne ditet e para pas pavaresise se Kosoves nje pankarte tregonte fitoren e nje boksieri me flamurin amerikan ndaj nje tjetri me uniforme me draper e cekan ishte tregues se shtetesia e Kosoves perfaqesonte nje fitore te SHBA ndaj Rusise. Por nuk duket te jete nje fitore e shpejte.
dy zhvillime te fundit kane rritur shqetesimin se ajo qe filloi si mosmarreveshje mes dy fuqive rreth ligjit nderkombetar mund te kaloje ne nje perballje rreth territorit.
Moska filloi javen e kaluar dergimin e ndihmave humanitare per serbet e Kosoves, permes Beogradit, duke anashkaluar qeverine ne Prishtine, qe ka mbeshtetjen amerikane. Derisa aeroplanet rus te ndihmave niseshin drejt serbise, agjencite e lajmeve citonin burime te paindetifikuara ne Kremlin te thoshin se situata ne Kosove nuk e ka arritur ende "fazen me te nxehte". Kjo deklarate pasoi njoftimin e Uashingtonit se do te fillonte dergimin e armeve ne Kosove.
Deri tani mbeshtetja ruse per serbet e Kosoves ka qene e kufizuar ne forumet nderkombetare, sic ishte se fundi dhe takimi Bush-Putin gjate fundjaves. Por arritja e ndihmave humanitare ruse ne Kosove shenon sfiden e pare te drejtperdrejte qe Moska po i ben qeverise se Kosoves, duke nxitur keshtu kundershtimin e metejshem serb ndaj qeverise ne Prishtine. Beogradi e mirepriti ndihmen nga ajo qe e cilesoi si aleatin kryesor.
Me mberritjen e aeroplanit te pare me ndihma, ministri serb per Kosoven Sllobodan Samarxhic tha se "i jemi mirenjohes Rusise per ndihmen morale dhe materiale". Por, ne Kosove jo pak serb jane me pak entuziaste ndaj ndihmes ruse, ndonese flamuri i Rusise valvitet ne sheshin kryesor ne pjesen verirore te Mitrovices.
"Ky qendriim eshte ndihme per radikalet ne zgjedhjet e majit", - thote nje serb i Kosoves. Analistet besojne se per sa kohe serbet e Kosoves kane mbeshtetjen e nje fuqie boterore, kundershtimi i tyre ndaj qeverise se Prishtines do te rritet. Rezultati, terheqin vemendjen analistet, do te ishte nje konflikt ne pritje qe do te mund te shperthente, nese Prishtina perpiqej te vinte kontrollin mbi zonat serbe.
"Te integrosh zonat serbe, do te duhet nje force ushtarake e fuqishme dhe bashkesia nderkombetare nuk ka vullnetin per nje gje te tille", - thote eksperti nga grupi nderkombetar i krizave, James Lion. Ai kerkon nje njohje me te gjere te pavaresise se Kosoves ne planin nderkombetar. Me tej ai shton se "Rusia nuk po tregon asnje shenje te terheqjes nga fushat e saj per te zhvleresuar pavaresine e Kosoves.