Lajme Aktuale....

[Llapjani_HH]

Krasniqi ua tërheq vërejtjen deputetëve që mungojnë nëpër seanca

Kryetari i Parlamentit, Jakup Krasniqi, ka thënë se do të ketë ndëshkime për deputetët që mungojnë në seanca, duke mos ua dhënë shtesat financiare. Sipas tij, do të merren masa që prania e deputetëve të mos bëhet nëpërmjet kartës elektronike, por me anë të nënshkrimit në fund të seancës.

Pas mbledhjes së kryesisë, Krasniqi ka deklaruar se opinioni i vendit është duke e parë se sa të angazhuar janë deputetët, të cilët nuk marrin pjesë gjatë mbledhjeve të Kuvendit. Kryesia e Kuvendit të Kosovës ka vendosur që në seancën e 17 korrikut në rendin e ditës të jenë disa rekomandime të komisioneve parlamentare dhe pyetjet parlamentare në adresë të ekzekutivit.

Kurse, më 23 korrik, do të shqyrtohen disa projektligje në lexim të parë dhe kërkesa e qeverisë për rishqyrtimin e buxhetit për gjashtëmujorin e këtij viti.
KTV

Strukturat paralele serbe humbin terren në Shtërpcë


Strukturat paralele serbe humbin terren në Shtërpcë. Komuna me ndihmën e policisë së Kosovës, ka arritur të fusë nën kontroll laurën penguese në zonën turistike të Brezovicës që kontrollohej për më tepër se një vit nga strukturat paralele serbe.

Nënkryetari i Shtërpcës, Ali Halimi, shprehet i kënaqur me shtrirjen graduale të pushtetit. Ai ka folur edhe për rikthimin e interesimit të pushtetit qendror për Shtërpcën. Shtërpca dhe disa fshatra përreth të banuara me shqiptarë ka një javë që janë shkyçur kolektivisht nga energjia elektrike.

KEK-u u ka vënë kusht serbëve pagesën e rrymës. Qendra e shërbimit civil e vendosur në fshatin Grejkoc të Shtërpcës pret për çdo ditë qindra qytetarë, prej të cilëve shumica janë serbë. Ata po pajisen masivisht me dokumente të Kosovës.
KTV

Solana i kënaqur me progresin, por bën thirrje të mos ketë vetëkënaqësi


Shefi i diplomacisë së Bashkimit Evropian, Javier Solana, në takimin e përbashkët me kryetarin Fatmir Sejdiu dhe kryeministrin Hashim Thaçi ka thënë se Kosova dhe institucionet e saj kanë shënuar progres. Mirëpo, ndonëse ka thënë se ndihet optimist se si po rrjedhin proceset në Kosovë, Solana ka porositur kosovarët që të vazhdojnë me ritmin e punës së tyre dhe të mos “flenë”, në mënyrë që të zhvillohet demokracia në Kosovë.

Ai ka premtuar se Kosova gjithnjë do ta ketë ndihmën e Bashkimit Evropian, qoftë përmes misionit EULEX apo edhe institucioneve tjera ndërkombëtare, duke thënë se po punohet që Kosova të afrohet në BE. “Procesi i liberalizimit të vizave ka nisur shumë kohë përpara dhe në atë kohë Kosova nuk ka qenë vend kandidat i këtij procesi. Por procesi do të vazhdojë edhe në vendet tjera.

Ekzistojnë shumë punë që duhet të bëhen. Ky është proces që përmban elemente teknike dhe jo elemente politike. Vendet që kanë kontroll nga Bashkimi Evropian apo kanë prani ushtarake të BE-së nuk do të thotë që ato vërtetë kontrollohen. Çdo vend në Ballkan është shtet sovran dhe Qeveritë kanë përgjegjësinë për të zgjidhur çështjen e pasaportave që i takon Ministrisë së Brendshme. Disa vende i plotësojnë kërkesa dhe disa të tjera jo.

Atëherë është normale që të sillemi në mënyrë inteligjente për përmbushjen e standardeve që kërkon dhe kjo aspak nuk ka të bëjë me EULEX-in”, tha Slana.

Ai ka bërë të ditur se pritet që Kosovën ta vizitojnë disa zyrtarë të Komisionit Evropian për të njoftuar se si do të veprohet në këtë proces për Kosovën, derisa Mali i Zi, Maqedonia dhe Serbia pritet të jenë përfitues të liberalizimit të vizave. Kurse, kryeministri Thaçi ka thënë se është e sigurt që Kosova do të ketë të ardhme evropiane, duke e përshkruar progresin në Kosovë si spektakular.
KTV

Arrestime masive në Viti - kryetari Nexhmedin Arifi po qëndron në stacionin policor


Policia e Kosovës ka arrestuar rreth 70 zyrtarë komunalë të Vitisë, përfshirë nënkryetarin, këshilltarë komunalë dhe administratorë të fshatrave. Kryetari i kësaj komune, Nexhmedin Arifi po qëndron për disa orë në stacionin policor në kërkim të lirimit të njerëzve të komunës.

Shkak për arrestimet masive është bërë ekzekutimi i një vendimi të Gjykatës në Viti, që të lëshohet objekti që përdoret nga ana e Drejtorisë së Arsimit. Gjykata ka vendosur që këtë objekt ta shfrytëzojë Shoqata e Gjuetarëve “Drenusha”, që pretendon se i përket objekti që dikur ishte pronë e Shoqatës së Gjuetarëve “Jelena”.

Meqë punëtorët komunalë kanë refuzuar të largohen nga objekti, policia i ka arrestuar. Kryetari i Vitisë, Nexhemedin Arifi ka thënë për KTV-në se nuk do ta pranojë kurrë këtë vendim. “Policia po zbaton një vendim të gjykatës që udhëhiqet nga struktura kriminale, e që po mbështetet nga të tjera struktura kriminale në Gjilan”, ka thënë Arifi. Sipas policisë, të gjithë të arrestuarit po mbahen për shkak të mosrespektimit të urdhëresës për të lëshuar objektin ku është e vendosur Drejtoria e Arsimit.
KTV

Solana: Kosova dhe Serbia s’janë të një niveli

Përfaqësuesi i lartë i Bashkimit Evropian për Politikë të Jashtme dhe Siguri, Javier Solana, ka thënë se përsa u përket vizave, Serbia dhe Kosova nuk janë në të njëjtin nivel.

“Kosovën, siç e dini, nuk e kanë njohur të gjitha vendet anëtare të Bashkimit Evropian që në thelb është arsye për një trajtim tjetër edhe përsa i përket liberalizimit të regjimit të vizave”, ka thënë Solana në një prononcim për BBC-në, në prag të vizitës në Kosovë.

“Shkurt, ky është realiteti, me të cilin ballafaqohet Kosova në këtë moment”, ka shtuar ai.

Përfaqësuesi i lartë i Bashkimit Evropian qëndroi dje në Beograd, ndërsa sot e viziton Kosovën dhe Maqedoninë. Ai ka paralajmëruar se së shpejti qytetarët e Serbisë, por edhe të Maqedonisë e Malit të Zi, duhet të presin lajmin e mirë nga Brukseli për heqjen e vizave.

Në bisedimet me zyrtarët më të lartë të Serbisë, Solana ka përsëritur se kusht për integrimin plotë të vendit në BE mbetet bashkëpunimi i plotë me Gjykatën Ndërkombëtare të Hagës. Solana tha në Beograd se nuk do të ketë kushte shtesë për Serbinë në kandidimin e saj për anëtarësim në BE.

Turneu i Solanës në Ballkan shënon përfundimin e mandatit të tij si përfaqësues i lartë i BE-së.

Reagim nga Kosova

Zëvendëskryeminstri i Kosovës, Hajredin Kuçi, i tha BBC-së se as juridikisht as edhe në aspektin politik Kosova nuk përfshihet në asnjë axhendë të BE-së së bashku me Serbinë, por është në axhenda të ndara dhe ka një subjektivitet ndërkombëtar.

Ai tha se të gjithë qytetarët e Kosovës, përfshirë edhe ata serbë, do të jenë pjesë e liberalizimit të vizave atëherë kur vetë Kosova do të jetë pjesë e këtij procesi.

Zoti Kuçi, e cilësoi vendimin e Komisionit Evropian, për mospërfshirje të qytetarëve të Kosovës në procesin e liberalizimit të vizave për Serbinë, si një vendim të drejtë që përcakton, siç tha, vijëzimin juridik, administrativ e politik të Kosovës ndaras nga zhvillimet në Serbi.

Ai shfaqi besimin e tij se në nëntor të vitit 2009 do të përcaktohet qartë koha dhe kufizimet se si Kosova do të hyjë në procesin e liberalizimit të vizave.

Solana sot në Prishtinë

Shefi i Politikës së Jashtme i Bashkimit Evropian, Javier Solana, viziton sot Kosovën.

Solana do te takohet në Prishtinë me presidentin Fatmir Sejdiu, kryeministri Hashim Thaçi si dhe përfaqësues te Misionit të Bashkimit Evropian për sundimin e Ligjit, EULEX.

Siç njofton zyra për informim e Solanës, kjo vizitë do të shërbejë si një mundësi për të diskutuar rreth zhvillimeve të fundit të vendit dhe rajonit, si dhe marrëdhëniet me Bashkimin Evropian.

Solana vizitoi një ditë më parë Beogradin, ndërsa sot do të jetë në Prishtinë, e me pas ne Shkup dhe Podgoricë.

Para vizitës së tij në Beograd Shefi i politikës së jashtme të BE-së Javier Solana, u bëri thirrje të gjithë atyre që janë të përfshirë për të miratuar një qasje pragmatike ndaj Kosovës.

Solana tha se EULEX-it "ka bërë një përparim të madh, por ... ende ka shumë punë për të bërë".
Gazeta expres

[Llapjani_HH]

http://www.gazetaexpress.com/images/gexGallery/11316/cache/preferencat_e_votuesve-490x320.jpg
PDK dhe Çeku më të përkrahurit

Partia Demokratike e Kosovës (PDK) mbetet partia me përkrahjen më të madhe në Kosovë, ndërsa lideri më popullor është Agim Çeku.

Ky është rezultati i një hulumtimi të kryer nga Index Kosova në lidhje me disponimin politik të qytetarëve të Kosovës, para zgjedhjeve të sivjetme lokale.

Sipas hulumtimit që u publikua sot, besimi i qytetarëve është më i ultë se në hulumtimet e kaluara për shumicën e institucioneve të Kosovës. Ngritje të lehtë, në këtë aspekt, ka shënuar vetëm Lëvizja Vetëvendosje.

Ndonëse kryetar i një partie politike të vogël në Kosovë (PSD), duket se imazhi i ish-kryeministrit Agim Çeku si një komandant i përgjithshëm i UÇK-së, dhe më pas i TMK-së, por edhe përfundimi i mandatit si Kryeministër pa lidhje me shumë skandale e afera korruptive, vazhdojnë ta mbajnë atë si personalitetin më të miratuar në Kosovë.

Presidenti Sejdiu është në vendin e dytë, megjithë faktin se ai ka shënuar një rënie të lehtë. Sipas këtij hulumtimi, lideri i tretë më i përkrahur në vend është Ramush Haradinaj i AAK-së, kurse lideri i partisë më të madhe PDK, aktualisht kryeministër i Kosovës, Hashim Thaçi thuhet se vjen pas tij.

Pasojnë Albin Kurti i Vetëvendosjes, Behgjet Pacolli i AKR-së, publicisti Veton Surroi, zëvendëskryeministri Hajredin Kuçi, lideri i LDD-së, Nexhat Daci, Kryetari i Parlamentit Jakuo Krasniqi, shefi i ICO-së – Pieter Feith, ai i EULEX-it Yves de Kermabon dhe zëvendëskryeministri Ramë Manaj.

Forca e Sigurisë së Kosovës (FSK) dhe Policia e Kosovës mbeten institucionet më të besuara në Kosovë, megjithëse edhe ato kanë pësuar rënie të lehtë.

Ky hulumtim tregon se papunësia mbetet problemi kryesor, ndërsa korrupsioni fillon të dalë në pah në mesin e problemeve dytësore për qytetarët e Kosovës.

Hulumtimi gjithashtu tregon se prioritetet kryesore për institucionet e Kosovës në nivelin qendror duhet të jenë sistemi shëndetësor dhe sundimi i ligjit, ndërsa në nivelin lokal duhet të jetë shëndetësia primare.

Shumica e qytetarëve të Kosovës, sipas hulumtimit nuk janë të informuar për misionin e ICO-së në Kosovë.
Gazeta expres

Vaksinat kundër gripit

Ministria e Shëndetësisë (MSH) është duke bërë kalkulimet rreth kostos së sigurimit të vaksinave kundër gripit të derrave (H1N1) dhe më pas nga buxheti i saj dhe me një kërkesë në Qeverinë e Kosovës, pritet të sigurojë mjetet për blerjen e tyre. Aktualisht asnjë vend në botë nuk ka arritur të marrë këto vaksina, sepse janë në procesin e prodhimit, ndërkaq në dhjetor të këtij viti pritet testimi, megjithatë shumë vende të botës kanë bërë tashmë kërkesën për të zënë radhën për sigurimin e tyre.

Zyrtarë të MSH-së, i deklaruan KosovaLive se aktualisht janë duke bërë kalkulimet rreth kostos dhe mënyrës së kërkesës për këto vaksina, ndërkaq më pas do të merren edhe me sigurimin e mjeteve. Sipas tyre, një pjesë e këtyre mjeteve pritet të sigurohet nga vetë ministria, ndërkaq një pjesë tjetër, me anë të një kërkese do të mundohen ta sigurojnë nga Qeveria e Kosovës.

Zëdhënësi i Qeverisë së Kosovës, Memli Krasniqi i tha të hënën KosovaLive se deri tash nuk kanë pasur asnjë kërkesë nga zyrtarët e MSH-së për një gjë të tillë. “Në kohen kur ne do të kemi atë kërkesë, atëherë do të shikojmë implikimet buxhetore, mënyrën e shpenzimit, mënyrën e porosisë, atë të shpërndarjes dhe se normalisht qeveria do të intervenojë për të mirën e shëndetit të qytetarit”, tha ai.

Ndryshe, javë më parë ministri i Shëndetësisë, Alush Gashi, ka bërë të ditur se në Qeveri do të bëjnë kërkesën për sigurimin e 25 për qind të vaksinave apo 400 deri në 500 mijë sosh, që për 2 milionë banorë do të jenë të mjaftueshme, pra së pari Kosova duhet të hyjë në radhën e pritjes për to. Vlerësohet se për sigurimin e 450 deri në 500 mijë vaksinave sa edhe mendohet të porositen nga Kosova, kushtojnë rreth 6 milionë euro, por kjo nuk është një shifër e sigurt, sepse kjo vaksinë ende nuk ka dalë në treg dhe mund të ndryshojë çmimi.
Gazeta expres

Kryetari i gjyqit, nën hetime

Kryetari i Gjykatës së Qarkut në Prishtinë, Anton Nokaj, zyrtarisht është nën hetime. Ai dyshohet se në mënyrë të paligjshme ka marrë vendim për lirim nga paraburgimi të një biznesmeni, i cili e kishte rrahur gruan e tij. Hetimet e para i ka kryer kryeprokurori i Kosovës, Hilmi Zhitia, kurse tash po i vazhdon Prokuroria në Prizren

Kryetari i Gjykatës së Qarkut në Prishtinë, Anton Nokaj, po hetohet për shkelje të ligjit. Ai dyshohet se në mënyrë të kundërligjshme e ka lëshuar nga paraburgimi një biznesmen kosovar, i cili e kishte rrahur gruan e tij.

Për këtë person, kryetari Nokaj dyshohet se ka prishur vendimin e kolegjit të gjyqtarëve të kësaj gjykate, të kryesuar nga Mejdi Dehari. Për këtë bizinsmen, Anton Nokaj ka përpiluar një vendim të ri. Ai e liron biznesmenin nga paraburgimi, edhe pse kolegji i gjyqtarëve ia kishte vazhduar atij këtë masë.

Ky vendim është në kundërshtim me ligjin dhe për këtë arsye, Prokuroria e Kosovës, saktësisht, kryeprokurori Hilmi Zhitia ka nisur hetimet ndaj kryetarit dhe njëkohësisht gjyqtarit të Gjykatës së Qarkut në Prishtinë, Anton Nokaj.

Kryetari i kësaj gjykate, sipas një shënimi zyrtar të shkruar nga zëvendësi i tij, gjyqtari Mejdi Dehari, rezulton se përveç detyrës së ligjshme në krye të kësaj gjykate, Anton Nokaj kryen një detyrë tjetër të kundërligjshme. Në këtë rast, të prishjes së vendimeve të kolegëve të tij.

Kështu së paku del nga shënimi zyrtar i gjyqtarit Mejdi Dehari, i adresuar në Prokurorinë Publike të Kosovës. Një shënim të tillë e posedon edhe Expressi.

Burime të gazetës sqarojnë se kryeprokurori i Kosovës, Hilmi Zhitia, në lidhje me këtë rast, deri më tash, ka kryer fazën preliminare të hetimeve penale.
Ndonëse kryeprokurori Zhitija ka vendosur të heshtë dhe të mos flasë para medieve rreth këtij rasti, burime të besueshme brenda Prokurorisë së Kosovës pohojnë se hetimet preliminare tashmë veç janë kryer.

Madje lënda konform ligjit ka shkuar për procedim të mëtejmë, në Prokurorinë Komunale të Prizrenit. Edhe pse aktorët kryesor të këtij rasti nuk duan të flasin, burime të Expressit sqarojnë se me çështjen ka filluar të merret edhe Policia e Krimeve Serioze. Madje, policia e ka marrë me urgjencë këtë rast.

Deri më tash, ata kanë intervistuar gjyqtarin Mejdi Dehari si dhe persona të tjerë të dyshuar se janë të përfshirë në këtë skandal. E tërë ngjarja ka nisur më 16 qershor. Por derisa gjyqtari Dehari këtyre ditëve ndodhet në pushim, personi i cili po hetohet, kryetari i Gjykatës, Anton Nokaj, nuk dëshiron të flasë. “S’kam çka merrem me ty. Ti i ki ata në Gjykatë që bashkëpunon me ta, e shko veti ata a kanë nisë hetimet ndaj meje a jo”, tha gjyqtari Nokaj për Express.

Megjithëkëtë, gazeta posedon shënimin zyrtar të dorëzuar në Prokurorinë e Kosovës, nga gjyqtari Mejdi Dehari. Ky dokument flet për shkeljen skandaloze të bërë nga kreu i Gjykatës më të madhe në Kosovë. Sipas shënimit zyrtar, nënkryetari i Gjykatës, Mejdi Dehari, paraqet veprimin e kryetarit të tij, Anton Nokajt, kur ky i fundit në mënyrë të paligjshme prish vendimin e parë të kolegjit të gjyqtarëve dhe nxjerr një vendim tjetër.

Sipas këtij shënimi zyrtar, më 16 qershor 2009, gjyqtari Mejdi Dehari me ftesë të kryetarit Nokaj, kishte shkuar në zyrën e tij, për të vendosur në lidhje me ankesën që e kishte bërë një person që po qëndronte në paraburgim.

Gjyqtari Mejdi Dehari, në cilësinë e kryetarit të kolegjit dhe gjyqtarët Ferid Bislimi e Zahide Gjonaj, si anëtarë, kishin vendosur që t’i refuzohet kërkesa të pandehurit, me çka atij ia kishin vazhduar paraburgimin, ashtu siç kishte vendosur më herët edhe Gjykata Komunale.

Pa kaluar as gjysmë ore nga ky vendim i lëndës me numrin KP.210/2009/, me të cilin personit të paraburgosur iu kishte vazhduar kjo masë, kryetari Nokaj, përmes sekretares, e kishte thirrur sërish gjyqtarin Dehari për t’i thënë se ka një lëndë urgjente.

Sipas shënimit zyrtar, Anton Nokaj, me atë rast i kishte kërkuar gjyqtarit Mejdi Dehari që në lidhje me këtë çështje të merret një vendim tjetër. Arsyetimi i Nokajt kishte qenë se në shkresat e lëndës kishte qenë propozimi i prokurores komunale për ndërprerjen e paraburgimit dhe se bashkëpunëtorja profesionale, Anita Krasniqi, këtë nuk e kishte vërejtur.

Duke e ditur se një gjë e tillë nuk qëndronte, gjyqtari Mejdi Dehari e kishte njoftuar eprorin e tij, Anton Nokaj, se lidhur me këtë ankesë është vendosur dhe se aktvendimi mbi caktimin e paraburgimit ka marrë formën e prerë.

Në këtë rast, dokumenti zyrtar sqaron se Mejdi Dehari nuk ishte pajtuar me kryetarin Anton Nokaj që të rivendoste rreth të njëjtës çështje. Në këtë moment, Dehari është larguar nga zyra e kryetarit Nokaj. Të nesërmen, ai ka kuptuar se i pandehuri, të cilit Dehari ia kishte vazhduar paraburgimin, me vendim të ri të gjyqtarit Anton Nokaj, ishte liruar nga kjo masë.

Deri më tash, ka rreth një muaj nga ndryshimi i këtij vendimi. Pavarësisht se në Gjykatën e Qarkut në Prishtinë kjo çështje njihet si “sekret publik”, punëtorët e saj nuk flasin zyrtarisht. Ndërkohë, gjyqtarët hezitojnë të flasin për gazetë, duke u ndjerë të fyer nga veprimet e kryetarit të tyre.
Gazeta expres

[Llapjani_HH]

Targat RKS, as sivjet?

Ishte premtuar se targat e reja të automjeteve me shkurtesën RKS, do të lëshohen në vjeshtën e vitit të kaluar. Pastaj se kjo do të ndodhë në qershor të këtij viti. Asnjërin premtim, Ministria e Punëve të Brendshme nuk e ka mbajtur. Tash nuk dihet nëse këto targa do të lëshohen këtë vit. Zyrtarët arsyetohen se problemet janë teknike dhe jo politike

Plot një vit më parë, zyrtarë të Ministrisë së Punëve të Brendshme deklaronin se fillimi i lëshimit të targave të reja të automjeteve, është çështje javësh.

Ata premtonin se menjëherë pas lëshimit të dokumenteve të reja identifikuese si letërnjoftimet dhe pasaportat, do të fillohet me dhënien e targave.

Mosmbajtja e premtimit të parë u arsyetua në shkurt të këtij viti. Zyrtarët e MPB-së thanë se vonesat janë pasojë e mospërcaktimit të kodit për targat e reja.

Ata premtuan se kjo do të ndodhë në qershor të këtij viti. “Në targat e reja të automjeteve do të përdorët kodi ‘RKS’. Për përdorimin e këtij kodi është njoftuar edhe mekanizmi ndërkombëtar përgjegjës me seli në Gjenevë, ku është kuptuar se ky kod është i lirë dhe nuk përdoret nga asnjë shtet tjetër”, ishte shprehur Fisnik Rexhepi, këshilltar i lartë i ministrit të Punëve të Brendshme, Zenun Pajaziti.

Por tash jemi në muajin korrik dhe targat e reja me shkurtesën ‘RKS’, jo vetëm që nuk kanë filluar të lëshohen, por vështirë se kjo do të ndodhë këtë vit.

Pavarësisht se kjo ministri ka disenjuar edhe tri variantet e mundshme se si do të duken targat e reja, ky proces nuk ka dalë të jetë edhe aq i thjeshtë.

Sa i përket aspektit politik, zyrtarë të këtij dikasteri sqarojnë se gjithçka është gati, por problem ka dalë të jetë ana teknike.

Para një viti, targat e reja me parashtesën RKS (Republika e Kosovës), jozyrtarisht ishte premtuar se do të shihen në automjetet e kosovarëve, duke filluar nga gjysma e dytë e muajit shtator.

Modelet se si do të duken këto targa, jo vetëm që kanë përfunduar, por Express ka arritur edhe t’i publikojë ato.

Pritej që me lëshimin e këtyre targave me dukje tërësisht të re, paralelisht të ndërpritej edhe qarkullimi i automjeteve me simbole të para vitit 1999, të cilat i përdorin kryesisht qytetarët serbë.

“Janë duke u bërë përgatitjet teknike dhe koha kur do të fillohet lëshimi i targave të reja, varet nga ekspertët dhe jo nga niveli politik”, thotë Fisnik Rexhepi, këshilltar i lartë i ministrit të Punëve të Brendshme, Zenun Pajaziti.

Por në këtë çështje është i përfshirë edhe vetë ministri Zenun Pajaziti, i cili ka themeluar një grup punues, i drejtuar nga vetë ai.

Përveç tij, ky grup përbëhej edhe nga drejtues të lartë të Njësisë së Policisë së Trafikut.

I tërë problemi në këtë vonesë, sipas zyrtarëve të MPB-së, është finalizimi i një sistemi online, i cili do të përdoret për regjistrimin e veturave.

“Na ka vonuar shumë finalizimi i këtij sistemi, prandaj nuk mund të japim ndonjë kohë të saktë se kur do të fillohet më lëshimin e targave”, sqaron këshilltari Rexhepi për Express.

Megjithëkëtë, ende tash për tash nuk dihet se për cilin nga tri variantet e tabelave është vendosur dhe as kur këto targa do të shihen në vendosura në automjete.

Variantet e targave
1- Në targë të jetë e vendosur stema e shtetit, e pasuar me shkurtesat e emrave të qyteteve dhe menjëherë pas dy shkronjave, të vendoset numri katërshifror i veturës.
2- Në targën e veturës të shënohen vetëm shkronjat RKS, pastaj numrat e veturës, katërshifror, që do të pasohet me shkurtesat e qyteteve përkatëse.
3-Targa ta ketë stemën e shtetit. Në vend të shkurtesës së emrit të qytetit përkatës, secila komunë të ketë numrin e koduar, ku në targë të vendoset edhe ai numër-kod dyshifror. Krejt në fund, tabela të përfundojë me numrin katërshifror.
Gazeta expres

Lugina e Preshevës: Detonim i fuqishëm, dy shqiptarë të plagosur, bastisje e xhandarmërisë serbe

Preshevë, 14 korrik 2009.- Një grua dhe një djalosh i moshës trembëdhjet vjeç, që të dy shqiptarë, janë plagosur si rezultat i një detonimi të fuqishëm në orët e para të ditës së sotme në paralagjen e Preshevës, të njohur si Stacioni Hekurudhorë. Ndërkohë, ka filluar aksioni i bastisjeve të xhandarmërisë serbe në shtëpitë e pjestarëve të OVL-së.

Shpërthimi kishte ndodhur në afërsi të ndërtesës e cila është pronë e Ushtrisë dhe Policisë e në të cilën jetojnë kryesishtë familjet e pjestarëve të organeve të sigurisë serbe.

Fill pas shpërthimit, forca të mëdha të policisë dhe xhandarmërisë serbe, bashkë me organet e hetuesisë së Gjykatës së Qarkut të Vranjës, pasi kanë bllokuar hyrje- daljet e një pjese të qytetit, kanë filluar hetimet, të cilat kanë vazhduar për gati tërë ditën e sotme.

Ndërkoh, rreth orës pesë të mëngjesit, ka filluar aksioni i bastisjeve në shtëpitë e tre pjestrëve të Organizatës së Veteranëve të Luftës së UÇPMB-së, në Preshevë , në Norcë dhe në fshatin Geraj, me ç'rast kanë kërkuar Lulëzim Ibushin, ish kryetar I OVL-së, Sadat Nuhiun gjithashtu ish kryetar I OVL-së dhe Gafurr Dalipin.

Në orët e paraditës, ndërtesën ku kishte ndodhur shpërthimi e ka vizituar zv/kryeministri dhe njëkohësisht Ministri serb i Punëve të Brendshme Ivica Daçiq, i cili në një konferenc për media në ndërtesën e policisë në Vranjë, e ka cilësuar shpërthimin “akt klasik terrorist” i cili patjetër do të duhet të merr një, sic është shprehur ai, "përgjegjije të fortë".
Ndërkohë, lidhur me bastisjet, kryepolici serb ka deklaruar se në disa pika kontrolli xhandarmëria ka zbuluar sasi të mëdha të bombave, mekanizma me orë dhe disa pushkë e revolver.

Familjarët e veteranëve kanë mohuar të jetë gjetur ndonjë lloj armatimi në shtëpit e tyre.Hajrush Nuhiu – vëllau i Sedat Nuhiut, ka deklaruar se xhandarët para përfundimit të aksionit, ia kanë dorëzuar atij një dokument të firmosur nga dy dëshmitarë okular përmes së cilit dëshmojnë se nuk janë gjetur armë.

Nga ana tjetër, lidhur me shpërthimin dhe aksionin e bastisjeve të sotëme, ka reaguar Këshilli për të Drejtat e Njeriut i Luginës.

Belgëzim Kamberi, kryetar I KDNJ-së, ngjarjet e sotme i ka vlerësuar rezultat të paaftësisë së organeve të rendit për ruajtjen e rendit dhe sigurisë në këtë rajon. Derisa një gjë e tillë sipas tij bëhet me qëllim të rritjes së dinamikës së shpërnguljes së shqiptarëve nga këto troje.

Shpërthimi dhe bastisjet e sotme në Preshevë, vinë disa ditë pas incidentit në Lluqanë të Bujanocit me ç'rast ishin plagosur dy pjestarë të xhandarmërisë serbe, nga, deri tash, persona të panjohur. Ai incident i nga zyrtarët më të lartë shtetërorë serb ishte vlerësuar si sulm terrorist i ekstremistëve shqiptarë.

(Baki Rexhepi)
RTK

[Llapjani_HH]

Brukseli izolon Kosovën, Shqipërinë dhe Bosnjën

Komisioni Evropian ka adoptuar propozimin sipas të cilit nga BE-ja kërkohet heqja e regjimit të vizave për Maqedoninë, Malin e Zi dhe Serbinë. Komisioneri evropian për punë të brendshme Jaques Barrot (Zhak Baro) e vlerësoi si “moment historik” në raportet me Ballkanin perëndimor.

Shqipëria si dhe Bosnja e Hercegovina të cilat janë gjithashtu në dialogun për liberalizim nuk ia arritën të hyjnë në valën e parë pasi që thuhet se këto dy shtete nuk i kanë përmbushur as kushtet e domosdoshme.

Ndryshe, komisioni evropian ka konfirmuar se regjimi pa viza nuk vlen për ata qytetarë që kanë pasaporta biometrike serbe por që janë rezident të Kosovës. Kjo, sipas Jaques Barrot, vlen edhe për serbët e Kosovës sepse qeveria e Serbisë do duhet të bindë Bashkimin Evropian se ka metoda përkatëse sipas të cilave evitohet që serbët e Kosovës me pasaportë biometrike të përfitojnë nga regjimi i vizave. “Qeveria e Serbisë është e gatshme që të bëjë dallim në mes të serbëve të Kosovës dhe atyre të Serbisë”, ka thënë Barrot.

Kosova, sipas propozimit të sotëm, hyn në “listën negative”, e që nënkupton grupin e atyre shteteve që kanë nevojë për viza për të udhëtuar në Evropën Perëndimore.

Kosova trajtohet "territor nën rezolute 1244"

Olli Rehn ka thënë se Kosova nuk përfiton nga regjimi sepse s’ka qenë fare pjesë e dialogut të vizave. Ai ka përsëritur se në studimin e fizibilitetit që do publikohet në vjeshte Komisioni evropian do e prek edhe çështjen e vizave për Kosovën. “Kosova, nën rezolutën 1244 nuk ka qenë pjesë e dialogut për viza. Për këtë arsye, por edhe për shqetësimet në lidhje me sigurinë që kanë pasaporta të reja të Serbisë, do kenë obligim për të marrë viza. Më duhet të nënvizoj se ky është vendim i pastër teknik i bazuar në shqetësimet e sigurisë dhe në respektim të plotë të rezolutës 1244 andaj edhe propozimi është neutral ndaj statusit”, tha Rehn.
RTK

Në procesin gjyqësor ndaj “Grupit të Llapit” sot u dëgjuan pesë dëshmitarë

Sot, në gjykatën e qarkut në Prishtinë në seancën gjyqësore kundër “Grupit të Llapit” u dëgjuan pesë dëshmitarët e prokurorisë të cilët nuk vërtetuan tezat e akuzës për të cilat ngarkohen Rrustem Mustafa, Latif Gashi e Nazif Memhmeti. Akuzat i ngarkojnë ata për keqtrajtim të të ndaluarve në qendrën e paraburgimit në Llapashticë, Koliq e Bajgorë.

Njëri nga avokatët mbrojtës të të akuzuarve, Mexhid Syla, kërkoi nga trupi gjykues që të lexohen deklaratat e dhëna të dëshmitarëve gjatë vitit 2003 para gjykatësit hetues. Dëshmitarët Sabri Gashi, Rifat Ejupi dhe Naip Gubetini, konfirmuan deklaratat e dhëna gjatë asaj periudhe.

Dëshmitari, Kapllan Parduzi, pasi konfirmoi deklaratën e dhënë në qershor të 2003, foli për rrethanat tensionuese gjatë marrjes në pyetje nga ana e gjykatësit hetues në atë kohë. Ai tha që pjesën dërmuese të shërbimit të tij si vullnetarë në UÇK e ka bërë nën komandën e Nuredin Ibishit.

Dëshmitari i pestë i prokurorisë, Nuredin Ibishi, është marrë në pyetje nga trupi gjykues, prokuroria dhe avokatët mbrojtës rreth tre orë. Ai i konfirmoi deklaratat e dhëna në vitin 2003, por foli edhe për gjendjen e rëndë të popullatës e cila qëndronte në qiell të hapur, sigurimi i ushqimit dhe sigurinë e tyre nga forcat e rregullta e paramilitare serbe.

Ndërsa, sa i përket qendrës së paraburgimit në Llapashticë dhe Bajgorë, Ibishi tha se ka qenë vendim i Shtabit të Përgjithshëm që të ndalurit të mos keqtrajtohen, t’iu kushtohet vëmendje sikurse ushqimit dhe kushteve të tyre të jetesës.

Sa i përket ndalimit të pylltarit, Millan Stankoviq, ai tha se forcat serbe përdornin pylltarët që të zbulonin vendndodhjen e ushtarëve të UÇK-së apo popullatës civile e më pas i vritnin dhe i masakronin ata.

Avokati mbrojtës, Mexhid Syla, tha se as pesë dëshmitarët e sotëm nuk vërtetuan tezat e akuzës.

“Tre dëshmitarëve iu lexuan dëshmitë e dhëna në seancën kryesore të vitit 2003. Edhe në ato dëshmi nuk i kanë mbrojtë tezat e akuzës, por përkundrazi i kanë hedhë poshtë tezat e akuzës. Ndërsa, dëshmitari Nuredin Ibishi, i cili sot u mor në pyetje shumë gjatë në mënyrë shumë bindëse dhe të qartë i ka hedhë tezat e akuzës se ka ndodhë diçka ashtu siç pretendon akuza”, ka deklaruar avokati Syla.

Kryetari i trupit gjykues, Françesko Florid, ka marrë vendim që nesër të akuzuarve t’iu hiqen masat e mbetura nga aktakuza e kaluar. Atyre do t’iu kthehen dokumentet e udhëtimit.

Të mërkurën e ardhshme trupi gjykues së bashku me avokatët mbrojtës do të caktojnë listën e dëshmitarëve.

Gjykimi pritet të vazhdojë në fund të gushtit apo fillim të shtatorit.
RTK

Dogana në veri, hapi i ardhshëm i EULEX-it?

Shefi i EULEX-it, Yves De Kermabon ka deklaruar se hapi i ardhshëm i këtij misioni do të mund të ishte vendosja e doganës në vendkalimet administrative në veri të Kosovës, në Leposaviq dhe në Zubin Potok.

Gjatë një takimi me gazetarët e medieve nga Serbia, të martën në Prishtinë, Kermadon ka thënë se, në bashkëpunim me institucionet serbe në veri të Kosovës dhe me Beogradin, është arritur që në mënyrë paqësore të largohet bllokada e rrugëve, ndërsa ka shtuar se puna nuk do të ndalet me kaq.

Kermabon është shprehur i vendosur, duke thënë se, “nuk do t’i ndalim aktivitetet tona në portat 1 dhe 31, në veri të Kosovës”.

Shefi i EULEX-it ka thënë se doganat dhe statusi i Kosovës janë dy çështje të ndara. Megjithatë, De Kermabon ka theksuar se, edhe pse në këto dy pika kufitare tash për tash nuk funksionon dogana – ky do të mund të ishte hapi i radhës, pasi të gjenden zgjidhjet e caktuara politike.

Ai po ashtu ka thënë se, Kosova në bazë të Rezolutës 1244 të OKB-së është territor unik doganor dhe se EULEX-i po përpiqet ta kthejë gjendjen që ishte në këto vendkalime kufitare para shpalljes së pavarësisë. Sipas tij, edhe Beogradi pajtohet me një gjë të tillë.

Sipas Kermabon, EULEX-i posedon të gjitha mjetet teknike për vendosjen e doganës në veri, mirëpo, fillimisht - ka thënë ai - duhet të shikohet se çfarë të bëhet me paratë që do të mblidheshin aty.
Telegrafi

Haradinaj: Beogradi sillet armiqësisht ndaj Kosovës

Lideri opozitar në Kosovë, Ramush Haradinaj, tha se Serbia edhe “më tutje sillet në mënyrë armiqësore ndaj Kosovës, por është e vërtetë se tash nuk i përdorë armët”.

Sipas tij, Beogradi “nuk jep kontribut për zhvillimin e Kosovës dhe as të serbëve të Kosovës, që t’i zhvillojnë kapacitetet e tyre për jetë”.

Këto komente lideri i Aleancës për Ardhmërinë e Kosovës i bëri para gazetarëve të mediave beogradase, që po e vizitojnë Kosovën, në organizim të Zyrës së përfaqësuesit të posaçëm të BE-së në Kosovë.

Më tutje, Haradinaj u shpreh edhe për akuzat e Beogradit ndaj tij. “Nuk më ka çuditur perceptimi i Beogradit në kohën e Millosheviqit, kur më kanë quajtur kanibalin më të madh”, tha Haradinaj dhe shtoi se “pak çuditem që tash, pas gjithë asaj që ka ndodhur, Beogradi e vazhdon atë politikë”.

Në këtë aspekt, ai theksoi se “më shumë e çmon mendimin e Hagës se sa të Beogradit”. /REL/
Telegrafi

Bogdanoviq: Deklarata e Thaçit - marketing politik

Ministri për Kosovë në Qeverinë e Serbisë, Goran Bogdanoviq, ka thënë se deklarata e kryeministrit të Kosovës, Hashim Thaçi, se Beogradi ka filluar të mendojë për njohjen e pavarësisë së Kosovës, është marketing i thjeshtë politik dhe se Qeveria e Serbisë kurrë nuk do ta pranojë këtë.

"Është e pavërtetë absolute se Qeveria e Serbisë, me çfarëdo veprimi të vet, me bërje ose mos bërje, ta njohë pavarësinë e Kosovës. Kjo është absolutisht e papranueshme", ka thënë ai.

Ai ka thënë se ne kurrë nuk do të pranojmë këtë, jo vetëm qeveria aktuale, por as qeveritë e ardhshme. Ai ka shtuar se deklarata e kryeministrit të Kosovës është vetëm dëshmi e nervozes së tij për shkak se numri i vendeve që po e njohin Kosovën si shtet të pavarur është shumë i vogël.

Bogdanoviq ka thënë edhe se procesi i liberalizimit të vizave për qytetarët e Serbisë nuk ka kurrfarë lidhje me njohjen e Kosovës. /rtv21/
Telegrafi

Bogdanoviq: Paratë e doganave t’u shkojnë serbëve

Ndaj deklaratave të Kermabosë ka reguar menjëherë ministri për Kosovën në qeverinë e Serbisë, Goradn Bogdanoviq. Ai ka thënë se vendimi i njëanshëm për vendosjen e pikave doganore, edhe nëse merret nga EULEX-it do të jetë i papranueshëm. “Ne duam që të ardhurat që do të mblidheshin në linjat administrative t’i shkojnë komunitetit serb në Kosovë, dhe që paratë të mbesin tek autoritetet vetë-qeverisëse në veriun e Kosovës. Kjo do ta forconte ekonomikisht komunitetin serb”, ka thënë Bogdanoviq.
KTV

[Llapjani_HH]

Solana pranon progresin në Kosovë por porositi Sejdiun e Thaçin të mos “flenë”

Shefi i diplomacisë së Bashkimit Evropian, Javier Solana, në takimin e përbashkët me kryetarin Fatmir Sejdiu dhe kryeministrin Hashim Thaçi ka thënë se Kosova dhe institucionet e saj kanë shënuar progres.

Mirëpo, ndonëse ka thënë se ndihet optimist se si po rrjedhin proceset në Kosovë, Solana ka porositur kosovarët që të vazhdojnë me ritmin e punës së tyre dhe të mos “flenë”, në mënyrë që të zhvillohet demokracia në Kosovë.

Ai ka premtuar se Kosova gjithnjë do ta ketë ndihmën e Bashkimit Evropian, qoftë përmes misionit EULEX apo edhe institucioneve tjera ndërkombëtare, duke thënë se po punohet që Kosova të afrohet në BE. “Procesi i liberalizimit të vizave ka nisur shumë kohë përpara dhe në atë kohë Kosova nuk ka qenë vend kandidat i këtij procesi. Por procesi do të vazhdojë edhe në vendet tjera.

Ekzistojnë shumë punë që duhet të bëhen. Ky është proces që përmban elemente teknike dhe jo elemente politike. Vendet që kanë kontroll nga Bashkimi Evropian apo kanë prani ushtarake të BE-së nuk do të thotë që ato vërtetë kontrollohen. Çdo vend në Ballkan është shtet sovran dhe Qeveritë kanë përgjegjësinë për të zgjidhur çështjen e pasaportave që i takon Ministrisë së Brendshme.

Disa vende i plotësojnë kërkesa dhe disa të tjera jo. Atëherë është normale që të sillemi në mënyrë inteligjente për përmbushjen e standardeve që kërkon dhe kjo aspak nuk ka të bëjë me EULEX-in”, tha Slana. Ai ka bërë të ditur se pritet që Kosovën ta vizitojnë disa zyrtarë të Komisionit Evropian për të njoftuar se si do të veprohet në këtë proces për Kosovën, derisa Mali i Zi, Maqedonia dhe Serbia pritet të jenë përfitues të liberalizimit të vizave. Kurse, kryeministri Thaçi ka thënë se është e sigurt që Kosova do të ketë të ardhme evropiane, duke e përshkruar progresin në Kosovë si spektakular.
KTV

Duhet të prisni kohën tuaj

Javier Solana nuk jep premtim të qartë për përfshirjen e Kosovës në procesin e liberalizimit të vizave. Thotë se të gjitha shtetet duhet t’i përmbushin kërkesat e parashtruara nga Komisioni Evropian për këtë proces. Presidenti Sejdiu dhe Kryeministri Thaçi, para gazetarëve, janë treguar modestë edhe në kërkesat për përfshirjen e Kosovës në proces

Shefi i diplomacisë europiane, Javier Solana konfirmoi lënien e Kosovës jashtë procesit të liberalizimit të vizave për një kohë të pacaktuar.

Nëse në Beograd dhe Shkup e ka thënë me gëzim se qytetarët e këtyre vendeve do të kenë lajme të mira brenda pak ditëve sa i përket udhëtimit pa viza nëpër shtetet e BE’së, në Prishtinë atij iu desh t’i përmendë vizat vetëm pasi u pyet nga gazetarët për to.
Serbia, Maqedonia dhe Mali i Zi do të presin brenda dy ditëve konfirmimin nga Komisioni Europian për heqjen e vizave për shtetasit e tyre që nga fillimi i vitit të ardhshëm, ndërsa shtetasit e Shqipërisë dhe Bosnjës e Hercegovinës janë një vit më larg kompletimit të këtij procesi.

Por për Kosovën, BE’ja nuk ka ndonjë përgjigje. Shteti i ri vazhdon të mos njihet nga pesë vende anëtare të unionit dhe kjo shihet si pengesa kryesore që Brukseli të jetë në një zë sa i përket politikës së liberalizimit për Kosovën.

Premtimi i vetëm që erdhi nga Solana, të martën, qe ai se Kosova nuk do të lihet anash.
Edhe ai u arsyetua në situatën politike që Kosova ka pasur para zgjidhjes së statusit dhe vazhdon ta ketë edhe tani.

“Procesi i liberalizimit të vizave startoi shumë kohë më parë dhe në atë kohë Kosova nuk ka qenë kandidate. Të gjitha tri vendet duhet ta marrin konfirmimin në ditët e ardhshme. Ky është një proces që do të vazhdojë në shtetet tjera në rajon sepse dëshira jonë është që përderisa teknikisht është e mundshme, dhe e dini se ka disa punë që shtetet duhet të bëjnë, ne do të vazhdojmë të punojmë në këtë”, ka thënë Javier Solana kur është pyetur të martën pas takimit që zhvilloi me Presidentin Fatmir Sejdiu dhe Kryeministrin Hashim Thaçi.

Një gazetar austriak e ka pyetur Solanën se si është e mundur që nënat e viktimave të Srebrenicës, si shtetase të Bosnjës, të vazhdojnë të mos kenë qasje në BE, ndërsa mijëra vrarës të më të dashurve të tyre që jetojnë në Serbi t’u mundësohet qasje e lirë brenda shteteve të këtij unioni?

“Si qytetar evropian, unë protestoj për këtë”, është shprehur gazetari austriak.

Ai gjithashtu e pyeti Solanën se si është e mundur që Kosova, me kontroll të fortë institucional nga BE, të mos jetë e përfshirë në proces.

“Shtetet që kanë kontroll nga BE në ushtri, nuk kanë kontroll në shtet. Qeveritë kanë përgjegjësinë për t’u marrë me pasaportat. Askush tjetër”, u përgjigj Solana.

Ndërsa liderët e Kosovës janë treguar pasivë në kërkesat e tyre për liberalizim të vizave, çështje që ka dominuar opinionin publik në ditët e fundit.

Presidenti Fatmir Sejdiu ka folur para gazetarëve për atë se çka ka biseduar me Solanën Brenda takimit.

“E informuam për sfidat që kemi para vetes dhe për vizionin që kemi që Kosova të lëvizë sa më shpejt në integrim në BE dhe NATO dhe në këtë kuadër që do të jetë me ketë qëndrueshmëri të saj dhe stabilitet, me këtë kuadër që ka për relacionet e kontributit të saj për paqe dhe stabilitet”, ka thënë Presidenti Sejdiu.

Ndërsa kryeministri Thaçi, nga ana e tij, ka folur për të ardhmen e Kosovës, sipas tij, të sigurt si pjesë e NATO dhe BE.

“Të arriturat e Kosovës në periudhën njëvjeçare të pavarësisë janë spektakolare, në kuadër të ndërtimit të institucioneve demokratike, të sundimit të ligjit, të luftimit të korrupsionit dhe krimit të organizuar… me perspektivë të sigurt në të ardhmen shumë të afërt edhe për liberalizimin e vizave”, është shprehur Thaçi.

Ai nuk është përgjigjur kur është pyetur nëse ndihet “i tradhtuar” nga BE’ja pasi që Kosova nuk figuron askund në procesin e liberalizimit të vizave.

I zhgënjyer nga Shqipëria

Javier Solana ka dhënë shenja të qarta pakënaqësie me atë që po ndodhë rreth përfundimit të procesit zgjedhor në Shqipëri. Ai është shprehur se nuk mund ta vizitonte Tiranën përderisa Shqipëria nuk ka përmbyllur procesin zgjedhor për shkak të mosshpalljes së rezultatit.

“Zgjedhjet u mbajtën jo shumë kohë më parë dhe nuk është kohë e mirë të shkoj atje, por kjo nuk do të thotë që Tirana është jashtë mendjes sime. Por mendoj se duhet t’u japim kohë njerëzve ta finalizojnë procesin zgjedhor. Nuk do të doja të komentoj tash. Më lejoni ta bëj këtë më vonë, kur ti kam të gjitha detajet. Fakti që nuk mund të komentoj sot është një koment”, është shprehur ai.

Sipas Solanës, lënia e Shqipërisë jashtë procesit të liberalizimit të vizave për këtë vit ka të bëjë me mospërmbushjen e kritereve nga ky shtet, kritere të cilat sipas tij janë të natyrës teknike, e jo politike.
Gazeta expres

Rugova: Jemi larg me liberalizim

Naser Rugova, anëtar i Komisionit Parlamentar për Integrime Evropiane, konsideron se Bashkimi Evropian po shpërblen politikën gjenocidale të Serbisë, duke i ofruar mundësinë që shtetasit e saj të udhëtojnë pa viza nëpër shtetet e BE’së.

“Ka dominuar një mendim se BE do te jetë rigoroze por edhe neutrale ndaj vendeve te rajonit sa i takon procesit të integrimeve dhe liberalizimit të vizave si dhe qarkullimit të lirë të njerëzve dhe të mallrave. Por vendimi i fundit i BE që Kosova të anashkalohet plotësisht dhe në një formë të izolohet nga një proces tejet i rëndësishëm, argumenton opinionet e shume zyrtarëve evropianë se BE-ja po e shpërblen një politike gjenocidale, që bie ndesh me politikat dhe parimet e BE’së”, thotë Rugova, deputet i Lidhjes Demokratike të Dardanisë (LDD) në një bisedë për “Express”.

Sipas tij, sfida e radhës për Republikën e Kosovës, si shtet i ri dhe që ka për synim integrimin ne BE, padyshim është procesi i liberalizimit te vizave nga BE për vendet e Ballkanit Perëndimor.

“Lënia anash dhe mospërfshirja e Kosovës në këtë proces e dëmton vendin tonë në shumë aspekte, qoftë politike, në imazhin jo të mirë të vendit, ekonomike, kulturore, shkencore etj. dhe e identifikon Kosovën si vend ku nuk respektohet rendi e ligji, vend pa standarde dhe para bashkësisë ndërkombëtare dhe momentumit politik kur kemi nevojë për njohje të reja, paraqitemi si njollë e zezë e rajonit”, ka thënë anëtari i Komisionit Parlamentar për Integrime Evropiane.

Ai është shprehur se qeveria dhe institucionet e vendit janë vonuar dhe “kanë dështuar në zënien e hapave që të jenë pjesë e negociatave përfundimtare për procesin e liberalizimit”.

“Në shumë raste edhe e degraduan procesin, si mungesë e një plani konkret dhe vizionit lidhur me këtë proces. Prodhimi i pasaportave jobiometrike pas shpalljes se pavarësisë, prolongimi i plotësimit të shume kritereve dhe legjislacionit adekuat, janë obligim i institucioneve tona”, thotë Naser Rugova.
Gazeta expres

[Llapjani_HH]

Gërxhaliu largohet i pakënaqur

Që dy vjet nuk ka marrë asnjë cent për ekspertizat mjeko-ligjore që i ka dhënë nëpër gjykimet më të rënda. Disa prej ekspertizave të tij janë hedhur poshtë si të pabaza. Nuk e përjashton mundësinë që dikush të jetë korruptuar, kur janë eliminuar raportet e tij. Pasi ka dhënë dorëheqje prej Komisionit për të Pagjetur, për Express flet drejtori i mjekësisë ligjore, Arsim Gërxhaliu

Express: Keni dhënë dorëheqje nga pozita e kryesuesit të Komisionit për Persona të Pagjetur. Pse?

Arsim Gërxhaliu: Shkaku i dorëheqjes ka qenë pakënaqësia e vazhdueshme, e mbi të gjitha ka qenë largimi i emrit tim nga lista e doktoratës, të cilën e kam fituar nga Komisioni i Fakultetit të Mjekësisë. Kur ka shkuar lista në Rektorat, Enver Hasani e ka hequr emrin tim nga lista. Nuk kam kërkuar lëmoshë, por pse më është cenuar e drejta e ime për doktoratë unë jam larguar nga Komisioni.

Express: Për dorëheqjen tuaj e keni informuar edhe kryeministrin?

Arsim Gërxhaliu: Po, e kam njoftuar kryeministrin dhe për këtë çështje është i ngarkuar zëvendëskryeministri Ramë Manaj, i cili më sugjeroi të mos ngutem me dorëheqje, pasi unë duhet të shkoj jashtë shtetit për ta kryer doktoratën. Atëherë i tregova për padrejtësitë që më janë bërë, por nuk kam marrë asnjë përgjigje për dy muaj dhe vendosa t`ia paraqes dorëheqjen kryeministrit. Unë jam i vetmi njeri që ka punuar me ndërkombëtarë dhe i vetmi shqiptar që punon në mjekësinë ligjore. E tash edhe me EULEX.

Express: Pse thoni se ta ka bërë Enver Hasani këtë?

Arsim Gërxhaliu: Nuk e di. Unë i kam pasur poenët, e kam dhënë provimin e anglishtes. Emri im ka shkuar si kandidat që i ka plotësuar kushtet. Edhe pse nuk kam pas konkurrencë, edhe emri im ka shkuar me prioritet, Enver Hasani e ka larguar emrin tim.

Express: Pse atëherë nuk e keni paditur Z. Hasani?

Arsim Gërxhaliu: Pse, çka i bën nëse e padit? Ai i ka disa padi dhe është zgjedhur gjyqtar në Gjykatën Kushtetuese. Le të mbetet në moralin e tij si njeri i cili ka stopuar shqiptarët me ec përpara. Me krejt ato padi dhe një njeri i tillë pas gjithë këtyre skandaleve është në Gjykatën Kushtetuese.

Express: Dorëheqja juaj po del se është bërë për shkaqe personale?

Arsim Gërxhaliu: Ashtu ma kanë kualifikuar, jo vetëm ju, por të gjithë. E kanë marrë si shkak personal, por prapë po them se nuk është personal.

Express: Pse nuk është personale?

Arsim Gërxhaliu: Që dhjetë vite vinë familjarët, komisionet qeveritare dhe të gjithë. Që dhjetë vite ndërrohen ministrat dhe kryeministrat, flasin se do të shkollojnë njerëz. E na dhjetë vite pas luftës ne nuk kemi antropologë.

Express: Edhe pse në Kosovë nuk ka antropologë, ju keni kryer punën e antropologut?

Arsim Gërxhaliu: Unë jam mjek ligjor, por që më është dashtë me u lëshua në punët e antropologjisë për hir të popullit. Sot e kësaj dite nuk ka antropologë edhe dhjetë vjet pas luftës.

Express: T`i kthehemi punës që bëni në mjekësinë ligjore. Jeni që dhjetë vjet në krye të Institutit ku bëhet identifikimi i personave të zhdukur?

Arsim Gërxhaliu: Ne kemi filluar në ditën e dytë ku ka hyrë KFOR`i pas luftës. Kemi startu me 5500 të zhdukur dhe sot jemi me 1900 ende të zhdukur. Pra, kemi më shumë se 3500 të identifikuar.

Express: E pse gjykatat vazhdimisht ankohen se ju vonohen raportet e ekspertizave?

Arsim Gërxhaliu: I kam të gjitha faturat e papaguara të gjykatave të qarkut, duke filluar prej asaj të Prishtinës, Gjilanit, Prizrenit, Pejës. Asnjëra prej këtyre gjykatave nuk ka paguar që dy vite për punën që e bëjmë.

Express: Vonesa e raporteve të obduksionit po del se është si pasojë e vonesave në pagesën e ekspertëve mjeko-ligjorë?

Arsim Gërxhaliu: Pse me shku unë me dhanë ekspertiza, ku mua nuk më paguajnë që dy vite? Gjykatat Komunale paguajnë me rregull.

Express: A keni kërkuar prej institucioneve më të larta që këto mjete t`ju paguhen?

Arsim Gërxhaliu: Vazhdimisht kemi kërkuar. Kam folur edhe me kryeprokurorin e Qarkut në Prishtinë, Osman Kryeziun. Veç na kanë premtuar se do të na i paguajnë dhe asgjë më shumë.

Express: Por, z. Gërxhaliu prej vonesave të ekspertizave janë duke pësuar më së shumti qytetarët që janë në procese gjyqësore?

Arsim Gërxhaliu: Po, është e vërtetë. Por, dy vjet shkuarje në Gjykatën e Qarkut në Prizren, Pejë, Prishtinë. Ato janë dy vjet. Ne kemi treguar anën tonë. Aty janë me mijëra euro.

Express: Disa nga raportet e ekspertizave që i bëni hidhen poshtë. Pse ka ndodhur kjo?

Arsim Gërxhaliu: Fakt është.

Express: Pse ka ndodhur hedhja e ekspertizës që e bëni ju?

Arsim Gërxhaliu: Shko pyeteni në gjykatë.

Express: A ka dhënë përgjegjësi ndokush për eliminimin e këtyre ekspertizave?

Arsim Gërxhaliu: Jo, askush. Ka edhe ekspertiza qesharake që janë dhënë mbi ekspertizën time.

Express: Me hedhjen e këtyre ekspertizave e kanë vënë në sprovë profesionalizmin tuaj?

Arsim Gërxhaliu: Në shumicën e rasteve ata besojnë në profesionalizmin tim. Rastet më të vështira i kam zgjedhur unë. Për shembull, rasti i Elona Krasniqit, vrasësi i të cilës i ka marrë 40 vjet burgim...

Express: Pse pra hidhen ekspertizat tuaja dhe kryhen superekspertiza?

Arsim Gërxhaliu: Kjo ndodh sepse nuk i konvenon dikujt.

Express: A ka korrupsion aty?

Arsim Gërxhaliu: Kah ana ime jo, e nalt nuk e di.

Express: Nuk po e përjashton mundësinë që ka korrupsion kur vendoset të hidhen poshtë raportet e juaja?

Arsim Gërxhaliu: E çka po i vjen kësaj era, normal që korrupsion.

Express: A keni kërkuar sqarime pse ndodhin këto?

Arsim Gërxhaliu: EULEX`i është duke punuar dhe rishqyrtuar shumë raste. EULEX`i është duke punuar në secilin rast dhe shume njerëz që kanë bërë shkelje do të japin llogari. Me kohë do të dalin të gjitha në shesh.
Gazeta expres

Preshevë: Bastisen tri shtëpi

Sipas agjencisë INA, të mërkurën, me pretekst të kërkimit të armëve, janë bastisur shtëpitë e dy ish-komandantëve të UÇPMB, Lulzim Ibishit dhe Sadat Nuhiut, në mungesë të të cilëve në biseda informative janë marrë anëtarët e familjeve të tyre, nëna 70-vjeçare e Lulzim Ibishit, dhe disa familjarë të Sadat Nuhiut.

Njoftohet se është bastisur edhe familja e Gafurr Dalipit, në fshatin Geraj, ndërsa në të tri bastisjet kanë marrë pjesë mbi 300 xhandarë.

Organizata e Veteranëve të Luftës e UÇPMB i apeloi OKB, OSBE, Këshillit të Sigurimit dhe partive politike shqiptare në Luginë, në Kosovë, Maqedoni dhe Shqipëri, që të jenë më aktivë ndaj situatës në Luginën e Preshevës.

Aksionet u ndërmorën pas shpërthimit të një bombe një ditë më parë në Preshevë, në ndërtesën ku kryesisht banojnë pjesëtarë të policisë serbe dhe ku u plagosë një grua me një fëmijë.
Gazeta expres

Mustafa, sulmi në Preshevë montim i policisë serbe

Brenda pak ditës regjistrohet incidenti i dytë në luginën e Preshevës. Gjysëm ore pas mesnate një shpërthim i fuqishëm ka tronditur banorët e kësaj komune. Në shpërthimin i cili ka ndodhur përballë ndërtesës ku banojnë anëtarët e forcave të policisë së Serbisë dhe xhandarmerise kanë mbetur të plagosur dy kalimtar rasti të përkatësisë etnike shqiptare.

Mjeti shpërthyes sipas informative paraprake ka qene i vendosur në një makinë të parkuar përballë ndërtesës së banuar me policë dhe pjestarë të xhandarmerisë serbe. Ministri i brendshëm Ivica Daçiq i cili gjatë ditës ka vizituar qytetin e Preshevës, sulmin e ka cilsuar si akt terrorist.


"Ky është një akt klasik terrorist, ku është rrezikuar jeta e civilëve. Dy nga të plagosurit janë shqiptarë. Policia është këtu për të mbrojtur rendin publik dhe të mbrojë qytetarët nga terroristët dhe do të ndërmarë të gjitha masat për të ruajtur stabilitetin e vendit dhe për të mbrojtur të gjithë qytetarët, serbët, shqiptarët, muslimanët dhe të gjithë atyrë që jetojnë këtu", tha Ivica Daçiq, minister i Brendshem i Serbisë.

Autoritet e Komunës së Preshevës shpërthimin e mbrëmshëm e kanë cilësuar si proces të montuar nga autoritet serbe, të cilët vazhdojnë politikat e Millosheviqit që kanë për qëllim pastrimin etnik të Luginës së Preshevës. Janë bastisur katër familje shqiptare në këtë Komunë me ç'rast është arrestuar nje person. Kryetari i Komunës Ragmi Mustafa i ka bërë thirrje popullatës që të ruaj gjakftohësinë dhe të mos bie pre e provokimeve të këtilla të autoriteteve serbe.

Ky është incidenti i dytë i tillë në pesë ditët e fundit në Luginën e Preshevës. Në incidentin, që ndodhi të enjen e kaluar, ishin plagosur dy pjestarë të xhandarmerisë në fshatin Lucanë të komunës së Bujanocit. Xhandarët janë plagosur nga një predhë e shkrehur me mortajë dore dhe në momentin e sulmit ndodheshin në një makinë. Ministri serb i policisë Ivica Daçiq edhe këtë sulm e cilësoi si "terrorist".
ALSAT M

[Llapjani_HH]

Rama: Maskarada e Berishës në KRRTRSH si ajo e KQZ

• Kryetari i Partisë Socialiste, Edi Rama akuzon kryeministrin Berisha se paralelisht me shkatërrimin e procesit zgjedhor po shkatërron dhe vendin duke miratuar projekte të dëmshme për Shqipërinë.

TIRANE-Me gjuhë të ashpër, Kryetari i Partisë Socialiste akuzoi sot, nga selia roze, kryeministrin Berisha se paralelisht me shkatërrimin e procesit zgjedhor po shkatërron dhe vendin duke miratuar projekte të dëmshme për Shqipërinë.

Lideri i PS-së Edi Rama duke iu referuar projekteve të miratuara dje në KRRTRSH, në krye të së cilës është kryeministri
Berisha, i cilesoi si tejet të rrezikshme dhe shkatërruese për vendin.

"Ndërkohë që Partia Socialiste kërkon me të drejtën që i jep, pa asnjë farë dyshimi, ligji zgjedhor i Republikës së Shqipërisë, të bëjë transparencën e 28 qershorit në Berat, Tiranë e Shkodër, Sali Berisha vazhdon, në shkelje të plotë të cdo të drejtë demokratike e ligjore, të shkatërrojë procesin zgjedhor dhe, njëkohësisht, të marshojë në rrugën e vendimeve shkatërruese për të ardhmen, për ekonominë kombëtare e për mjedisin tonë të përbashkët."

Rama shkoi më tej duke e akuzuar kryeministrin për përfitime materiale personale nga projekti i parkut energjetik në Durrës dhe në favor të biznesmenit boshnjak Damir Fazlic. Ky projekt i miratua dje KRRTRSH.

" I ashtuquajturi Park Energjitik në Durrës është në fakt i shumë herë denoncuari favor për sekserin serb të oborrit kryeministror, mbi një tokë që zien nga konfliktet e pronësisë dhe ku shtohet edhe projekti për TEC-in famëkeq me qymyr, të cilin me të drejtën e Zotit populli i Durrësit nuk e dëshiron e që ne do ta kundërshtojmë me të gjitha mjetet demokratike, duke u bërë zëdhënës të vendosur të kundërshtisë legjitime të qytetarëve durrsakë."

Kryesocialisti tha se PS do të kundërshtonte me të gjithë mjetet ligjore projektet të tilla si parku energjetik në Porto Romano, të cilën Rama e etiketoi si “përbindësh që nuk sjell asnjë të mirë” . Gjithashtu tha se do të kundërshtonte dhe projekte si ajo e fabrikës së çimentos në Lezhë dhe Shkodër. "qe do i jepnin fund cdo ëndrre për turizëm të standarteve të shekullit të ri"

"Përrallën e respektimit të standarteve europiane gjatë ndërtimit e funksionimit të këtij përbindëshi që nuk sjell asgjë të mirë për zhvillimin e qëndrueshëm të vendit, Sali Berisha mund t’ia tregojë kukullave të tryezave të vendimmarrjeve të tij skandaloze, po askujt tjetër, sepse të gjithë e dimë fare mirë se kësisoj përbindshash nuk ndërtohen më në Europë pikërisht sepse bien ndesh me standartet e zhvillimit të qëndrueshëm. Dhe nëse për kryeministrin pa mandat për ta qeverisur Shqipërinë, mushkëritë e qytetarëve të Durrësit e të të gjithë vendit janë më pak të cmuara sesa mushkëritë e qytetarëve të Bashkimit Europian, për ne ato janë po njësoj të cmuara dhe asgjë që në Europën e Bashkuar nuk lejohet më të ndërtohet, nuk ka pse lejohet të ndërtohet në Shqipërinë që po shkon drejt Europës"- tha Rama në prononcimin për shtyp nga selia rozë.

Rama theksoi se pervec mosnjohes se zgjedhjeve te 28 qershorit, derisa nuk do të njihet e drejta për të gjitha kontestimet,
e “pa mohueshme” sic i cilësoi ai, PS nuk do të njohë as vendimet e djeshme të KRRTRSH-së.

“Qytetarët e zonave të prekura drejtëpërdrejtë nga kjo maskaradë klienteliste e korruptive e KRRTRSH-së, e cila zhvillohet paralelisht maskaradën e KQZ-së, duhet të jenë të sigurtë në vendosmërinë tonë për ta ndalur, me cdo mjet demokratik, dorën që shkatërron të ardhmen e një atdheu të tërë për të pasuruar një familje të vetme, duke i bërë pasuritë e përbashkëta të shqiptarëve, copa e cika për klientët e pushtetit të kësaj familjeje."
BalkanWeb

PD: Rama po fsheh përgjegjësinë e humbjes

• PD reagon pas deklaratës së kreut socialist Edi Rama duke i cilësuar fjalët e tij mashtrime e trillime elektorale. Përmes zëdhënëses, Mëhilli PD thekson se Rama po maskon përgjegjësinë tij për humbjen e zgjedhjeve.

TIRANE- Partia Demokratike reagon pas deklaratës së kreut socialist Edi Rama duke i cilësuar fjalët e tij mashtrime e trillime elektorale. Përmes një deklarate për mediat, zëdhënësja e PD-së theksoi se deklaratat e kreut socialist janë përpjekje për të mbrojtur veten nga dorëheqja.

“Sot Edi Rama ju serviri Shqiptarëve edhe një herë torbën e tij të turpshme të shpifjeve mashtrimeve e trillimeve elektorale dhe sulmeve personale familjare ndaj Kryeministrit, të gjitha këto vetëm e vetëm për të mbrojtur veten nga dorëheqja” u shpreh Mëhilli.

Ndërsa thekson se Rama po maskon përgjegjësinë tij për humbjen e zgjedhjeve, PD deklaron se tashmë ka ardhur koha e atyre që votuan Shqipërinë europiane.

“I themi zotit Rama se koha është e shqiptarëve e atyre që votuan për projektin e Shqipërisë europiane dhe e atyre që votuan projekte të tjera në këto zgjedhje” theksoi zëdhënësja e PD-së.
BalkanWeb

Ushtarët izraelitë flasin për Gazën

Një grup ushtarësh izraelitë thonë se ka pasur abuzime të shumta të civilëve gjatë luftës në Gaza.

Një grup ushtarësh izraelitë të cilët morën pjesë në operacionin kundër Hamasit në Rripin e Gazës në janar të këtij viti, thonë se gjatë këtij operacioni ka pasur abuzime të shumta të civilëve, disa prej të cilave mund të konsiderohen si krime lufte.

Më shumë se 25 ushtarë izraelitë, në një dëshmi para organizatës vendase Thyerja e Heshtjes, që ka për qëllim të zbulojë shkeljet në ushtrinë izraelite, thonë se rregullat e ushtrisë nuk bënin përjashtim mes banorëve civilë dhe militantëve të armatosur.

Ushtarët izraelitë thonë se civilë palestinezë u përdorën si mburoja njerëzore.

Kjo akuzë e veçantë po hetohet nga policia ushtarake izraelite, thotë korrespondenti i BBC-së, Paul Wood.

Akuza të ngjashme kanë bërë mbi 25 ushtarë që morën pjesë në operacionin e janarit në Rripin e Gazës.

Njëri prej tyre tha se përpara fillimit të këtij operacioni, trupave izralite iu thanë se në këtë betejë të gjithë që dilnin përpara ishin armiq dhe nuk kishte njerëz të pafajshëm.

Ndërsa një ushtar tjetër tha se disa pjesëtarë të njësisë së tij meritonin të përfundonin në burg për shkeljet që kishin bërë.

Ushtria izraelite thotë se bëri çmos për të shmangur viktimat në radhët e civilëve palestinezë.

Edhe dëshmitë e këtyre ushtarëve japin hollësi sesi ushtria izraelite shpërndante fletushka në zona të ndryshme, para fillimit të ofensivës, ku civilët paralajmëroheshin që të largoheshin për shkak të luftimeve.

Por organizata Thyerja e Heshtjes thotë se hetimet duhet të zhvillohen për atë që ndodhi më pas, që hedh dyshim mbi moralitetin e veprimeve të ushtrisë izraelite në Gazë. /bbc/
Mesazhi.com

[Dani11]

Daçiq po provokon shqiptarët në Luginën e Preshevës
Forcat e xhandarmërisë serbe kanë vazhduar me bastisjen e familjeve shqiptare në Preshevë.
E mërkurë, 15 Korrik 2009 19:24



Forcat e xhandarmërisë serbe kanë vazhduar me bastisjen e familjeve shqiptare në Preshevë, pas një shpërthimi që ndodhi në mëngjesin e së hënës në një ndërtesë ku po banonin familje të policëve serb dhe xhandarmerisë.

Xhelal Sylejmani nga fshati Shoshajë është arrestuar sot në orët e hershme të mëngjesit nga xhandarmëria serbe. Sipas familjarëve në ora 03.30 ka filluar bastisja e shtëpisë ku jeton Xhelali me gruan dhe fëmijët, njofton korrespodenti i agjencisë së lajmeve INA.

Familjarët e të arrestuarit të shqetësuar tani nuk dinë asgjë se ku gjendet djali i tyre.

Ata presin ndonjë iniciativë konkrete nga avokatët privat apo përfaqësues institucional për të marrë informacione se në cilin burg gjendet Xhelal Sylejmani dhe çfarë është gjendja momentale e tij. Në vendin e ngjarjes ku ka ndodhur shpërthimi ka qëndruar edhe ministri i brendshëm serb, Ivica Daçiq, i cili këtë veprim e ka quajtur një akt klasik i terrorizmit.


Reagimet e partive shqiptare

Lidhur me këto arrestime dhe bastisje kanë reaguar ashpër subjektet politike shqiptare që veprojnë në Luginë të Preshevës. Lideri i PDSH, Ragmi Mustafa ka theksuar se në banesën ku ka ndodhur shpërthimi, banojnë në mënyrë të paligjshme policë serb të stacionit policorë të Preshevës madje oficerë të ushtrisë serbo dhe qytetarë të tjerë shqiptarë me të drejt shfrytëzimi.

"Këtë banesë e ndërtuan viteve të nëntëdhjeta punëtorët e subjekteve ekonomike të Komunës së Preshevës. Në mënyrë të padrejtë u vendosën pas luftës së Kosovës dhe Luginës së Preshevës forca ushtarako policore të Serbisë. Eksplodime të ngjashme kishte edhe disa ditë më parë në Komunën e Bujanocit, madje në qytetin e Preshevës disa muaj më parë por edhe çdo vit kur bashkatdhetarët tanë ndodhen për pushime verore në familjet e tyre", thotë Mustafa. Ai ka shtuar se xhandarmeria serbe ka vazhduar edhe këtyre ditëve terrorin dhe bastisjet ndaj familjeve shqiptare. Partitë politike shqiptare në këtë rajon ftojnë komunitetin ndërkombëtar që të ndihmojë shqiptarët e pambrojtur në Komunën e Preshevës dhe Luginë për të qenë të rehatshëm, të sigurt dhe të qetë në vendbanimet e tyre.

Ish-Kryetari i OVL-UÇPMB-së Lulzim Ibishi dhe pasardhësi i tij Sadat Nuhiu janë të shqetësuar me situatën e sigurisë në Luginë të Preshevës.

Ata thonë se aksionet e xhandarmerisë dhe policisë në kombinim me ato ushtrisë të udhëhequra nga BIA-së nuk kanë të ndalur ndaj ushtarëve të UÇK-së dhe UÇPMB-së.

"Kjo nuk është hera par ku ish ushtarët e UÇK-së ,UÇPMB-së janë cak i sulmit me qëllim të tensionimit të situatës ne Luginë të Preshevës ku mekëto bastisje , doza e pasigurisë i shtohet popullatës civile e cila asht duke jetuar ne Luginë të Preshevës", thuhet në komunikatën e OVL-UÇPMB-së.


Bastisje kryesisht të familjeve të pjestarëve të ish-UÇPMB-së

Në rajonin e Preshevës janë regjistruar bastisje të radhës nëpër shtëpitë shqiptare, kryesisht të ish-pjestarëve të UÇPMB-së, tashmë të shpërndarë pas konfiktit në këtë zonë në vitin 2000. "Bëhet fjalë për familjen Nuhiu në qytetin e Preshevës, familjen Ibishi në fshatin Norçë, familjen Dalipi në fshatin Gerajt dhe familjen Mehmeti në fshatin Miratocë. Preteksi në bastisjet e objekteve të këtyre familjeve ishte gjetja e armëve. Natyrisht se ky skenar sipas deklaratave të familjeve që janë vizituar është i organizuar që më parë sepse ka shumë ditë që këto familje ishin nën vëzhgimin e rreptë të xhandarmërisë serbe", kanë theksuar përfaqësuesit e organizatave për të drejtat e njeriut. Banorët lokal kanë theksuar se me tendencë të caktuar po tensionohet situata në këtë rajon, nga struktura të errëta shtetërore serbe.

"Përfundimisht kërkojmë largimin e forcave ushtarako policore e sidomos të xhandarmërisë ng komunat tona", thekson edhe kryetari aktual i komunës së Preshevës, Ragmi Mustafa. /ina/

[Dani11]

NATO e angazhuar për të ndihmuar FSK-në
Mujota është takuar të mërkurën me zv/komandantin e NATO-s për Evropë, gjeneralin John McColl...
E mërkurë, 15 Korrik 2009 17:33

Ministri i FSK-së, Fehmi Mujota është takuar të mërkurën me zv/komandantin e NATO-s për Evropë, gjeneralin John McColl, më të cilin ka biseduar për zhvillimet në këtë ministri dhe në Forcën e Sigurisë së Kosovës dhe angazhimet e ardhshme në këto dy institucione.

Ministri Mujota e vlerësoi lartë ndihmën e NATO-s dhe kërkoi që kjo ndihmë të vazhdojë edhe në të ardhmen, në mënyrë që FSK-ja të vazhdojë me sukses ngritjen dhe profesionalizimin e saj sipas standardeve dhe parimeve të Aleancës Veri-atlantike.

Në këtë fazë jemi të interesuar që të kemi rritje të kapaciteteve mentoruse të NATO-s për FSK-në dhe sigurimin e armatimit adekuat paralelisht me arritjen e kapaciteteve të para operacionale, ka thënë Mujota me këtë rast.

Ishte vlerësim i përbashkët se suksesi i deritanishëm në ndërtimin e Ministrisë dhe ngritjen e FSK-së, është arritur në saje të punës së përbashkët të Ministrisë, KFOR-it dhe NATO-s.

Gjenerali McColl, siç thuhet në një komunikatë të Ministrisë së FSK-së, e siguroi edhe njëherë Ministrin Mujota, se do të angazhohet që në Komandën Supreme të NATO-s në Bruksel, të nxisë shtetet anëtare për ofrimin e ekspertëve të mentorimit si dhe inkurajimin e vendeve mike për kontribut të mëtejmë në Fondin e Mirëbesimit për FSK-në.

Gjithashtu McColl, gjatë qëndrimit të tij në Kosovë u takua edhe me gjenerallejtënant Sylejman Selimin, komandant i FSK-së, ku u shkëmbyen pikëpamje lidhur me ecjen dhe zhvillimin e mëtejmë të FSK-së.

[Llapjani_HH]

Veteranët hodhën mjete shpërthyese në oborrin e Qeverisë dhe Kuvendit

Rreth orës 14, forcat e policisë së Kosovës dhe të KFOR-it, kanë bllokuar të gjitha kalimet përreth ndërtesave të Qeverisë dhe Kuvendit. Zëdhënësi i policisë , Besim Hoti tha se, shkak i këtij bllokimi dhe evakuimit të personelit ishte një mjet i paidentifikuar shpërthyes në oborrin e Qeverisë. Ekspertët ndërkohë kanë larguar granatat. Vesel Aruqi, anëtar i Këshillit për Mbrojtjen e të Drejtave të Luftëtarëve të UÇK-së, e pranon se kanë hedhur mjete eksplozive.

“Ajo ka qenë mënyrë revoltë e jona, pasi që nuk na janë përgjigjur në kërkesat tona. Menjëherë pas gjuajtjes së mjeteve shpërthyese kanë filluar lëvizjet e qeveritarëve, kështu ne do të vazhdojmë deri në përmbushjen e kërkesave”, tha Aruqi, për Express.

Sipas tij, ky grup protestuesish kanë vendosur që të mos dalin në rrugë, por të përdorin forma tjera të cilat për momentin nuk do t’i zbulojnë.

“Nuk do shtrihemi më në rrugë për të protestuar, por do t’i përdorim format tona, të cilat janë sekrete për momentin”, tha ai, duke shtuar se edhe vendndodhja e këtij grupi mbetet sekret.

Ai u shpreh se e kupton seriozitetin e kërcënimit që po bën ndaj Qeverisë, por shtoi se bashkë me luftëtarët e tjerë “nuk i frikësohen burgut, as vdekjes”. Ai tha se nuk do tç heqin dorë deri në përmbushjen e kërkesave.


Policia e Kosovës është duke pritur urdhërin nga prokurorët vendorë dhe ndërkombëtarë për arrestimin e të dyshuarve për hedhjen e bombave në oborrin e Qeverisë së Kosovës, pasi pothuajse gjithçka është filmuar dhe ekzistojnë dëshmi të bollshme për të vërtetuar autorët e hedhjes së granatave.

Policia: Granatat janë larguar

Policia njofton se dy granatat janë marrë nga njësitë e specializuara të KFOR-it dhe janë larguar nga oborri i Qeverisë.

Zëdhënësi i Policisë, Besim Hoti ka njoftuar se hetimet janë duke vazhduar dhe se në bashkëpunim me prokurorët vendorë dhe ndërkombëtarë janë duke e hetuar rastin.

I pyetur për mundësinë e arrestimit të të dyshuarve kryesor për hedhjen e granatave, Hoti ka thënë se hetimet janë duke shkuar në drejtim të identifikimit të personave që kanë hedhur mjetet shpërthyese.

“Ne do të shfrytëzojmë të gjitha xhirimet dhe dëshmitë për të gjetur të dyshuarit për hedhjen e mjeteve eksplozive në oborr të Qeverisë. Në konsultim me prokurorët vendorë dhe ndërkombëtarë ne edhe do t`i arrestojmë të dyshuarit”, ka thënë zëdhënësi Hoti.

Përshkallëzimi i protestës

Protesta e veteranëve të UÇK-së, nisi të ashpërsohej rreth orës 12.00, kur veteranet hodhën shishe të mbushura me benzinë në oborrin e Qeverisë së Kosovës, dhe kur u dëgjua edhe një e shtënë, për të cilën nuk dihej çka është dhe nga erdhi, njoftoi Kosovapress.

Protestuesit, po ashtu paralajmëruan se nëse nuk mbahet mbledhja e jashtëzakonshme e Qeverisë së Kosovës dhe të ndërmerret diçka në favor të veteranëve deri në ora 14.00, do të ndërmarrin masa edhe më radikale. Hedhjen e shisheve me benzinë në oborrin e Qeverisë së Kosovës e paralajmëroi njëri ndër organizatorët, Vesel Aruqi, duke thënë se nuk i lëmë në rrugë pjesëtarët e UÇK-së si të ishin lypsa. “Do të shkojmë drejt e në kryeministri me shishe të benzinës edhe me i gjuajt kerret, me i kall kerret e kryeministrisë. Ashtu e kemi vendosur, ma kthim mbrapa nuk ka, hapi i parë është ky. Më pjesëtarët e Ushtrisë Çlirimtare të Kosovës nuk i lëmë në rrugë kështu në formën e lypësit, që do me thënë me shti edhe popullin në gjynah, tash e mbas duhet me tregu kush është veterani i Ushtrisë Çlirimtare të Kosovës”, tha Aruqi dhe shtoi se ata duan t’i kenë të drejtat e veteranit sikur në çdo shtet të botës.
Protesta e veteranëve të UÇK-së ka filluar dje pasdite, pasi marrëveshja mes Këshillit Grevist dhe Qeverisë, e arritur muaj më parë nuk është realizuar. (RTK/ Kosovapress/Express)
RTK

Qeveria: Sulm anti-shtetëror

Qeveria e vendit ka reaguar ndaj sulmit me koktej molotovi mbi institucionet e Kosovës nga ana e një grupi të veteranëve të ish-Ushtrisë Çlirimtare të Kosovës, duke vlerësuar se, ata nuk përfaqësojnë asgjë tjetër, “përveç agjendat interes-ngushta, anti-shtetërore dhe jo-demokratike”.

“Në emër të Qeverisë së Republikës së Kosovës dhe në emër të qytetarëve tanë, u bëjmë me dije atyre që e kanë inspiruar, përgatitur dhe organizuar këtë sulm qyqar me bomba e koktej molotovi se pushteti nuk fitohet me kërcënime e dhunë, por me vullnetin
demokratik të qytetarëve tanë”, thuhet në reagimin e Qeverisë.

Askush nuk do të mund të ngritet dhunshëm mbi vullnetin e lirë të qytetarëve të Republikës së Kosovës - thuhet mes tjerash në komunikatën për media të Qeverisë së Republikës së Kosovës, pas sulmit që është bërë të enjten kundër institucioneve të Republikës së Kosovës

Qeveria po ashtu thekson se, është e drejtë e garantuar e çdo individi dhe grupi qytetar që të protestojë për çështje të ndryshme, por askush nuk mund të jetë mbi ligjin. “Askush nuk ka të drejtë dhe nuk do t’i lejohet që t’i sulmoje institucionet e Republikës së Kosovës, të ndërtuara me gjak, djersë dhe mund të të gjithë qytetarëve të vendit tonë”.

“Sulmi i sotëm me bomba ndaj institucioneve të Republikës së Kosovës, nga ana e individëve të caktuar me motive politike dhe anti-shtetërore, është i dënueshëm dhe do ta marrë ndëshkimin e merituar ligjor dhe qytetar”, theksohet në reagim.
Telegrafi

Atakim i pronës dhe i institucioneve të vendit

Presidenti i vendit, Fatmir Sejdiu ka reaguar ndaj ngjarjeve që kanë ndodhur të enjten në oborrin e Qeverisë së vendit – ku disa veteranë të ish-Ushtrisë Çlirimtare të Kosovës, duke shprehur pakënaqësitë e tyre ndaj, siç thonë, mospërkujdesjes së institucioneve të Kosovës për ish luftëtarët e UÇK-së, kanë hedhur koktej molotovi.

Duke shprehur shqetësimin për ngjarjen në oborrin e Qeverisë së Republikës së Kosovës, presidenti Fatmir Sejdiu ka dënuar, siç thuhet në një reagim të Presidencës – “aktin e atakimit të pronës dhe të institucioneve të vendit”.

“Presidenti Sejdiu mbështet të drejtën e qytetarëve për të protestuar në përputhje me ligjin, por kundërshton fuqishëm çdo akt të dhunshëm, i cili rrezikon jetën e qytetarëve, pronën dhe institucionet e Republikës së Kosovës”, thuhet në reagim.

Presidenti Sejdiu me këtë rast u ka bërë thirrje të gjitha institucioneve të vendit t’i vazhdojnë edhe më tej angazhimet e tyre për përmbushjen e obligimeve ligjore ndaj qytetarëve të Republikës së Kosovës, e në këtë rast, në veçanti, ndaj veteranëve të UÇK-së.
Telegrafi

[Llapjani_HH]

Kosova më e izoluara në botë, tregon një hulumtim

Në një hulumtim të “Forum 2015”, të publikuar të enjten në Prishtinë, vlerësohet se Kosova është vendi më i izoluar në botë me të drejtë udhëtimi pa viza vetëm në katër shtete, ndërkaq edhe niveli i refuzimit të vizave “Schengen” është më i lartë në rajon.

Në prezantimin e raportit “Të jetosh në geto” të publikuar nga “Forum 2015” në të cilën paraqiten 10 argumente se pse Kosova është vendi më i izoluar në botë, duke lënë pas edhe Afganistanin, Irakun, Somalinë, po ashtu u vlerësua se kosovarët janë 3 herë më të refuzuar për viza “Schengen” se të gjitha shtetet përreth, ndërkaq edhe kur i posedojnë këto viza nuk mund të udhëtojnë në të gjitha vendet nënshkruese të këtij traktati, praktikë kjo që nuk është zbatuar kurrë më parë.

Muhamet Mustafa, nga Instituti “Riinvest” vlerësoi se Kosova duke qenë një shtet i ri, duhet përballur me faktin se kemi një ekonomi të paqëndrueshme dhe rrjedhimisht qytetarët “detyrohemi” të jemi të durueshëm. Sipas tij, institucionet e vendit janë të brishta dhe nuk kanë forcë që të mbrojnë dinjitetin e qytetarëve të tyre.

Ai vlerësoi se klasa kosovare politike por edhe të gjithë “ne që jemi këtu” nuk e ndiejnë çështjen e problemit të vizave në përmasa që ka tek qytetarët e zakonshëm.

Luan Shllaku, njëri nga udhëheqësit e ekipit të studimit që mbështetet në hulumtime në dy periudha të ndryshme, në muajt shtator-nëntor 2008 dhe muajin prill 2009, vlerësoi se raporti nuk fokusohet vetëm në çështjen e vizave, por shpreh edhe izolimin e Kosovës në përgjithësi.

Ai vlerësoi se përfundimisht është koha e fundit që çështja e izolimit të Kosovës të kalojë në teh të veprimit të politikbërjes kosovare.

Sipas tij, aplikuesit për viza në Kosovë refuzohen në shifrën prej 37%, ndërsa kjo tha se është shumë më e lartë se në shtetet tjera të Ballkanit Perëndimor. Kjo, sipas tij, nënkupton se kosovarët janë 3 herë më të refuzuar për viza se të gjitha shtetet përreth.
Në raportin “Të jetosh në geto” të publikuara nga “Forum 2015” po ashtu vlerësohet se kosovarët si më të izoluarit në botë vetëm në katër shtete mund të udhëtojnë pa viza, shumë vende akoma nuk e kanë njohur pasaportën kosovare dhe një pjesë e madhe e kufijve të saj janë të pakalueshëm.

“Niveli i refuzimit të aplikimeve të qytetarëve të saj, për viza Schengen është shumë i lartë. Kur kësaj i shtohet fakti se nuk ka politika afirmative për të ndryshuar këtë situatë, në BE dhe në disa vende anëtare të saj, situata bëhet e pashpresë për një të ardhme, të paktën të afërt”, thuhet në studim.

Referuar studimit, kosovarët edhe paguajnë vizat më të shtrenjta në rajon, duke paguar mesatarisht 119 euro nëse aplikojnë në Prishtinë dhe 132 euro në Shkup, që krahasuar me rrogën e shërbyesve civilë të Kosovës një aplikim për vizë merr afër 60% të rrogës.
“Kosova është vendi të cilit i është vendosur regjimi i vizave nga më së shumti shtete. Numri i shteteve ku kosovarët mund të udhëtojnë pa viza është 4 dhe ky është numri më i vogël sot në botë. Pas Kosovës, vjen Afganistani me 20 shtetet ku qarkullojnë lirë dhe pa viza, Iraku me 23, Somalia me 25 vende ku udhëtojnë pa viza”, bëhet e ditur në raport.
Po ashtu, Kosova është i vetmi vend në Ballkan të cilës i duhen viza për të udhëtuar edhe brenda këtij rajoni. Nga 10 vende ballkanike, kosovarëve duhet të udhëtojnë me vizë në Bullgari, Rumani, Greqi dhe Kroaci, ndërsa nuk mund të udhëtojnë fare në 2 shtete në Serbi dhe Bosnjë. Të vetmet vende ku qytetarët e Kosovës mund të udhëtojnë lirisht janë Shqipëria, Maqedonia, Mal i Zi dhe Turqia.

Shteti më i ri në botë është i vetmi që Bashkimi Evropian nuk ka politika afirmative për lehtësimin e vizave, ndërsa ka më së paku kontrata bashkëpunimi me vendet e BE-së dhe vendet tjera në bazë të cilave kontrata do të pranoheshin punëtorë, studentë etj.

“Qytetarët e Kosovës edhe kur posedojnë viza ‘Schengen’ nuk mund të udhëtojnë në të gjitha vendet nënshkruese të këtij traktati. Kjo praktikë nuk është zbatuar kurrë më parë nga cilado anëtare e ‘Schengen’. Një numër i konsiderueshëm i shteteve minusohen nga vizat e dhëna dhe këto shtete nuk janë vetëm ato të cilat nuk e kanë pranuar akoma Kosovën”, vlerësohet në raport.

Shteti i Kosovës, po ashtu, ka më së paku qasje dhe anëtarësi në strukturat ndërkombëtare, ndërqeveritare, ajo është shpesh e injoruar nga ueb faqet zyrtare dhe komerciale, si dhe eksporti i prodhimeve kosovare bllokohet nga disa vende fqinje.
Ndërsa, një çështje tjetër paradoksale që paraqitet në studim është se edhe pse Kosova është shteti më i izoluar në botë, Kosova i ka plotësisht të hapura dyert e veta për të gjithë qytetarët e globit, të cilët mund të udhëtojnë lirshëm dhe pa viza në Kosovë.

Në anën tjetër, këshilltari në Ministrinë e Punëve të Brendshme, Artan Duraku nuk beson se Kosova po izolohet, pasi që sipas tij, gjërat kanë ecur para.

Ai pohoi se në mënyrë të heshtur disa shtete kanë filluar lehtësimin e vizave për Kosovën edhe pse nuk ka një politikë të unifikuar për këtë çështje në BE. Po ashtu, sipas tij, tashmë me disa shtete kanë filluar negociatat për riatdhesim ndërsa me disa tjera kanë përfunduar bisedimet. (KosovaLive)
Gazeta expres

Beogradi fajëson Policinë e Kosovës

Zyrtarët në Beograd pretendojnë se policë të Kosovës janë të përfshirë në shpërthimet e fundit në Luginë të Preshevës. Autoritetet në Prishtinë këto i quajnë deklarata politike për konsum të brendshëm. EULEX-i nuk ka marrë asnjë letër nga Beogradi për të hetuar ndonjë rast të tillë.

Ministria e Punëve të Brendshme të Serbisë, pretendon se ka prova të cilat inkriminojnë pjesëtarët e Policisë së Kosovës, në shpërthimin e disa ditëve më parë, që ka ndodhur në Luginën e Preshevës.
Ata kanë deklaruar se kanë prova, duke përfshirë edhe xhirimet se si armët kalojnë nga Kosova në Serbi. Sipas tyre, këto fakte do t’i dorëzohen misionit të EULEX-it në Prishtinë.

“Do t’i dorëzojmë xhirimet ku shihet konkretisht se si armët distribuohen nga Kosova dhe Metohia në zonën tokësore të sigurisë”, është shprehur Millorad Veljoviq, drejtor i Policisë së Serbisë.

Ndërkohë, autoritetet e Prishtinës thonë se politikanët në Serbi, deklaratat e tilla i bëjnë thjesht për konsum të brendshëm dhe nuk ia vlen të merret me to.

Në anën tjetër, zyrtarë të misionit të EULEX-it deklarojnë se në rast të një kërkese të tillë nga Beogradi, ata do të bashkëpunojnë me Policinë e Kosovës për të hetuar rastin.

Megjithëkëtë, duke folur për mediet vendase, shefi i policisë serbe është shprehur se me atë armatim të trafikuar, janë plagosur policët, ndërsa eksplozivi i bartur vendoset nën objekte të veturave të xhandarmërisë.

Më tej, drejtori i policisë është shprehur të mërkurën në Beograd se në kontrabandimin e atij armatimi, marrin pjesë edhe pjesëtarët aktivë të Policisë së Kosovës.

“Ivica Dacic, ministër i Punëve të Brendshme të Serbisë, duke u bazuar në prova, ka kërkuar nga EULEX-i të ndërmarrë masa duke u bazuar në kompetencat që ka”, citojnë mediet serbe, Millorad Veljoviqin.

Por ndërkohë, autoritetet e Kosovës, e quajnë humbje kohe marrjen me deklarata të tilla, kur janë institucionet përkatëse të bashkëpunimit.

Fisnik Rexhepi, këshilltar i lartë politik i ministrit të Punëve të Brendshme të Kosovës, shpjegon për Express se nëse është në rajon ndonjë shtet që eksporton pasiguri, atëherë kjo është Serbia.

“Këto deklarime janë për konsum të brendshëm. Ne e kemi ftuar Serbinë për bashkëpunim. Kosova nuk sponsorizon akte të tilla. Është Beogradi që me financimin e strukturave paralele eksporton pasiguri”, thotë këshilltari Rexhepi.

Zyrtari i lartë i Ministrisë së Punëve të Brendshme të Kosovës shpjegon se është absurde të jepen deklarata të tilla kur hetimet ende janë duke vazhduar.
“Policia e Kosovës ka mekanizmat e saj. Nëse ka prova siç ata deklarojnë, le t’i deponojnë dhe mekanizmat tanë do të hetojnë rastin”, shpjegon Fisnik Rexhepi.

Ndërkohë, misioni i EULEX-it në Prishtinë, ende nuk ka marrë asnjë letër nga autoritetet e Beogradit në lidhje me këtë çështje.

“Ne jemi të gatshëm për të bashkëpunuar me Serbinë, nëse ato incidente kanë ndonjë lidhje me Kosovën. Ne do ta bëjmë këtë në koordinim të ngushtë me Policinë e Kosovës”, thotë Karin Limdal, zëdhënëse e EULEX-it për Express.

“Por, deri më sot, EULEX-i nuk ka marrë ndonjë kërkesë zyrtare nga Beogradi për të bashkëpunuar në incidentet që ndodhën në Bujanoc dhe Preshevë”, shpjegon zyrtarja e këtij misioni.

“E vetmja kërkesë ishte një telefonatë në 9 korrik për rritjen e sigurisë në Kosovë, pasi dy palë policë serbë u plagosën në Bujanoc”, thotë Karin Limdal.
Gazeta expres

[Llapjani_HH]

Shaqiri: Unë e di kush urdhëroi vendosjen e minës në Sopot

Pas deklaratave të ish ambasadorit të NATO-s Nikollas Bigman dhe ish ministrit të mbrojtjes Vllado Buçkovski për rastin e Sopotit, për të dëshmuar pafajsinë e sopotasve ofrohet edhe ish deputeti Xhezair Shaqiri i njohur si komandant Hoxha.

Ai për ALSAT thotë se e din saktë kush është kryersi i këtij akti dhe kush e ka urdhëruar vendosjen e minës në Sopot ku humbën jetën dy ushtarët e NATO-s. Unë nuk mund të vijë në Shkup, por nëse grupi i punës vlerëson se do të mund të ndihmoj në dëshmimin e pafajsisë së sopotasve janë të mirëseardhur në Tanushë thotë Hoxha.

“Nëse komisioni e merr parasysh atë se unë nuk mund të vij njëherë përnjëherë në Shkup, ata mund të vijnë tek unë në fshatin Tanushë, por të gjitha këto dëshmitë e mia që unë kam me ua dhënë atyre, janë edhe në zyrën e NATO-s në Shkup dhe gjithë këto persona që janë deklaruar kohën e fundit në mediumin e juaj i kanë të njejtat dëshmi.

Nëse komisioni e sheh të arsyeshme të jap një deklaratë të tillë janë të mirëseardhur në fshatin Tanushë.”, ofrohet për të dëshmuar Xhezair Shaqiri, ish komandant “Hoxha”.

Xhezair Shaqiri thotë se edhe krerët e BDI-së dhe funksionarët e saj në atë kohë i kanë poseduar informatat se çka në të vërtetë ka ndodhur në Sopot, por nuk kanë arritur të parandalojnë skenarin e përgaditur nga qarqe të ndryshme të MPB-së.

“Kemi bërë të pamundurën që këto gjëra të dalin në shesh, deri më sot nuk është bërë asgjë, u desht që të formohet nga i ndjeri Vebi Veliu një medium i pavarur dhe të bëjë hetimet në mënyrën më korrekte dhe të vjen ky rast të dëshmohet se është proces i montuar”, pohon Xhezair Shaqiri, ish komandant “Hoxha”.

Për pafajësinë e banorëve të Sopotit deri tani publikisht për ALSAT kanë folur ish ambasadori i NATO-s Nikollas Bigman, ish ministri i mbrojtjes Vllado Buçkovski si dhe dëshmitari kryesor Ramadan Bajrami. Ndërkohë që komisioni anketues për mbrojtjen e të drejtave dhe lirive të njeriut javën e kaluar formoi grupin e punës për Sopotin i cili ka për detyrë që deri më 31 tetor të grumbullojë fakte plotësues për të dëshmuar pafajësinë e sopotasve.

Për rastin e Sopotit ku humbën jetën dy pjesëtarë të NATO-s, janë dënuar 11 shqiptarë të këtij fshati me 156 vjet burg. 5 prej tyre janë duke vuajtur dënimin ndërsa 6 të tjerë janë dënuar në mungesë.
Shkëlzen Aqifi
ALSAT M

Luben Paunovski: Më kanoset likuidimi fizik për 2001-shin

Ish ministri i mbrojtjes Luben Paunovski, i cili duhet të kryej dënimin me burg prej 3 vjet e gjysëm për shkak të keqpërdorimit të detyrës dhe pohon se mund të likudiohet në qelit e burgut për shkak të informative që posedon për periudhën para dhe gjatë konfliktit të armatosur në vitin 2001 në Maqedoni, në një rrëfim 45 minutësh flet për këtë periudhë. Gjithcka, thotë ai, ka filluar në vitin 2000 kur nga shërbimi sekret i armatës është zhdukur paisje për përgjim që ishte blerë nga amerikanët, e për të cilin Paunovski thotë nuk ka pas kuerëfarë njohurie.

“Për blerjen e asaj pajiesje për herë të parë dëgjova atëherë nga ana e ambasadorit amerikan. Shefi i zbulimit të ARM-së ishte thirrur dhe para ambasadorit njoftoi se dinte për këtë blerje, se tek ata kishte disa elemente, por nuk janë ato më kryesoret për të cilat nuk e dinte se a kishin arritur, dhe se për këtë mua nuk më ka informuar, dhe se ajo ishte blerje para një viti në mandatin e akademikut Nikolla Klusevit dhe paraardhësit të tij Sasho Mijallkov.

Deri në fillim të janarit 2001, hetimi që ishte kryer me disa urdhëra me shkrim nuk kishte rezultate as për paisjen e as për kompaninë, e cila ishte furnizuese. Rreth 10 janarit 2001 ishte dërguar letër deri te MPB që të bëjë kontrollë në postën dhe doganën se a ka hyrë në Maqedoni një porosi e tillë, sepse ARM-ja nuk ka të drejtë të hulumtojë në shërbimet civile. Pas disa ditëve në opinion doli afera e përgjimit. Në Ministrinë e mbrojtjes dhe ARM edhe më tej nuk kishte njohuri pse ajo kishte ndodhur, si dhe kush e ka pranuar dhe ku ishin elementet e sotisfikuara. Më pas ndodhi lufta”, rëfen Luben Paunovski, ish minister I Mbrojtjes.

Kryeministri në atë kohë Lupco Georgievski pas fillimit të konfliktit në fazën e pare, sipas, Paunovskit, nuk ka lejuar aksione të vendosura ndaj grupeve të armatosura në rajonin e Tanushës edhe pse armata ka qenë e përgatitur për një gjë të tillë, thotë Paunovski.

“Dy herë isha te presidenti Boris Trajkovski në bisedë se duhet të bërë ose aksion urgjent politik që të vihet deri tek arsyet dhe zgjidhja, ose aksion ushtarak, dhe dy herë nga ai mu tha se edhe vet sheh se çdo natë Georgievski jap instruksione vetëm të jenë të “freskuar” ata në Tanushë me proektilë minahedhës sa për të ndodhur diçka, dhe se atij i jepte instruksione, plani për aksion të priste. E paralajmërova se taktika e këtillë çon drejt provokimit të luftës së gjërë të brendshme (drejt provokimit të asaj lufte, dhe atij përfundimi me cilin s'do ta ketë as Maqedoni, as maqedonas, por se do përfundonte me luftë ndërmaqedonase), për çka me përgjegjësi më të madhe pohoj se më tha se është plotësisht i vetëdijshëm dhe është i shqetësuar për këtë”, tregon Luben Paunovski.

Ka pasuar më pas propozimi i Georgievskit dhe ministres së atëhershme të Punëve të Brendshme Dosta Dimovska për ndarjen e Maqedonisë, vazhdon Paunovski, duke shtuar se qëllimi përfundimtar i tyre ka qenë bashkimi me Bullgarinë.

“Në prill të 2001, pas një takmi të rregullt të mbrëmjes të kreut më të lartë politik shtetëror dhe atij të sigurisë dhe kreut komandues, Georgievski dhe Dimovska mbetën në kabinetin e Ministrisë së mbrojtjes. Georgievski në mënyrë direkte më njoftoi se duhet të ndahemi me shqiptarët, t'u japim teritore në Dibër, Gostivar, Tetovë (me gisht i tregoi territoret në hartën e Maqedonisë) ndërsa pjesën tjetër ta dërgojmë te të tanët në Bullgari (këtë posaçërisht e potenconte Dimovska).“, zbulon Paunovski.

Ai pohon se në Maqedoni edhe mëtej ekzistojnë qarqe të caktuara që nuk heqin dorë nga idea për shpërbërjen e Maqedonisë, e cila nuk do të jetë e mundur pa nxitjen e konfliktit me shqiptarët.

“Në lidhje me këtë edhe sot demagogjia patriotike e guximit ka qëllimin e njejtë për shpërbërjen “patriotike” të Maqedonisë dhe maqedonasve, vetëm metodat dhe taktikat janë ndryshuar. Por pa u hapur edhe njëher nga fillimi konflikti i brendshëm me shqiptarët, ky qëllim nuk mund të realizohet.”, thekson Luben Paunovski.

Ky regjistrim dhe rrëfim i Paunovskit është shpërndarë këtyre ditëve të gjithë përfaqësive diplomatike në vend dhe institucioneve shtetërore. Ai është dënuar me 3 vjet e gjysëm burg për shkak se ka keqpërdorur në atë kohë 3 milion marka gjermane që i ka paguar një kompanie për furnizimin e armatës me ushqim më afat të skaduar. Paunovski pohon se plot 9 vjet pas montimit të këtij rasti kundër tij, jeton nën kërcnimet për likuidimine tij dhe pohon se kjo mund t'i ndodhë në burg tani kur duhet të shkojë në kryerjen e dënimit.
Shkëlzen Aqifi
ALSAT M

[Llapjani_HH]

Serbia dhe EULEX do të nënshkruajnë një marrëveshje mbi kontrollin e kufirit të Kosovës

Beograd, 17 korrik Serbia dhe EULEX shumë shpejt pritet të nënshkruajnë një marrëveshje mbi kontrollin e kufirit të Kosovës. Njoftohet se një projekt marrëveshje ishte arritur gjatë vizitës së shefit të politikës së jashtme dhe sigurisë së BE-së, Havier Solana, këtë javë në Beograd. Zyrtarëte lartë serbë thanë se kontrolli i efektshëm i kufirit të Kosovës është themelor për përpjekjet për të luftuar krimin e organizuar dhe kontrabandën e armëve dhe si i tillë, nuk duhet të jetë nën ndikimin e politikës. Komisioni Evropian thotë se Këshilli i BE ka të ngjarë të heqë kërkesat për serbët për vizat e BE këtë vjeshtë, por vetëm nëse ata zbatojnë reformat sipas udhëzuesit të liberalizimit të vizave që parashikon mbikqyrje të besueshme të kufirit me Kosovën.
QIK-u

Kohavision: Zyrtarë të PDK-së, në lajme të policisë

Prishtinë, 17 korrik - Një deputet i Kuvendit dhe tre kryetarë komunash të PDK së kanë pasur ose kanë probleme me drejtësinë Ndonëse në vende të zhvilluara këto do të shkaktonin së paku debate të ashpra brendapartiake, për partinë që bashkudhëheq shtetin e Kosovës, dhe shumicën e komunave, ky nuk duket ndonjë shqetësim i madh, thuhet në një koment të Kohavisionit.

Më tutje konstatohet se zyrtarët e PDK-së, që prej kohës së marrjes së pushtetit, kanë qenë lajm i policisë shumë herë.

Kryetari i Skënderaj, Sami Lushtaku, duke qenë në detyrë ka kaluar 4 muaj në burg, nën akuzën për kërcënim të një gjyqtari. Duke mos i shkuar mendja asnjëherë të japë dorëheqje, Lushtaku u kthye në vendin e tij të punës, dy muaj para se ligjërisht t'i ndalohej kryerja e kësaj detyre.

Brenda pak muajsh, kryetarit të Kaçanikut, Xhabir Zharku, dy herë iu vunë prangat. Në të dy herët ai u lirua brenda disa orësh, për shkak se Gjykata i pa të paarsyeshme akuzat e Prokurorisë speciale që e ngarkonin njeriun e parë të kësaj komune për rrëmbim, detyrim, ose tentim të ndikimit në dëshmitarë në procesin kundër tij.

Deputeti i Kuvendit të Kosovës i PDK së, Rrustem Mustafa, i njohur si Komandant Remi, ka rinisur një gjykim nga EULEX i. Bashkë me dy pjesëtarë tjerë të "Grupit të Llapit", ai po gjykohet për katër pika të aktakuzës që kanë të bëjnë me rrahje, torturim dhe trajtim jonjerëzor të civilëve shqiptarë gjatë luftës së fundit.

Dhe, së fundi kryetari i Vitisë, Nexhemdin Arifi, mblodhi mbi 50 punëtorë të komunës, dhe fizikisht provoi të ndalojë ekzekutimin e një vendimi të Gjykatës së kësaj qyteze. Ai u mbajt për disa orë në polici, dhe prapë tha se nuk do ta pranojë kurrë vendimin e Gjykatës, e si shenjë proteste mbylli dyert e komunës për një ditë, thuhet në fund të këtij komenti.
QIK-u

Debat i nxehtë në Kuvend

Një debat i nxehtë shpërtheu sot në Kuvendin e Kosovës, kur deputeti nga radhët e Partisë Demokratike të Kosovës, Gani Buçinca, kërkoi në fillim të seancës plenare që të dënohet akti, siç tha ai vandal i sulmit ndaj qeverisë nga ana e disa pjesëtarëve të ish – UÇK-së.

Ai ka theksuar se i ka parasysh kërkesat e kategorive të luftës dhe se solidarizohet me të gjitha ato kërkesa të arsyeshme, por jo që problemet të zgjidhen me dhunë, por përmes mjeteve demokratike dhe institucionale.

Kjo kërkesë ka ngjallur reagimin e opozitës, e cila e ka përfshirë edhe kryeministrin Thaçi, dhe e cila nga kryeparlamentari Krasniqi është konsideruar si e gabuar. Deputeti Ardian Gjini kërkoi nga kryeministri dhe kuvendi i Kosovës që të distancohet nga deputeti Buçinca.

Kryeministri i Kosovës Hashim Thaçi e ka marrë fjalën megjithatë ai nuk ka thënë asnjë fjalë sa i përket kërkesës së Gani Buçincës dhe Ardian Gjinit, mirëpo ka folur për dy kërkesa të tjera të ligjvënësve, siç ishte ajo e deputetit të LDK-së Arsim Rexhepi lidhur me privatizimin e ndërmarrjes "Llamkos" dhe kërkesa e deputetit Driton Tali për të debatuar lidhur me vendimin e Qeverisë për fillimin e ndërtimit të Termocentralit "Kosova e Re".

Kuvendi po i vazhdon punimet. /rtv21/
Telegrafi

PDK: AAK ndërseu sulmin ndaj Qeverisë

Deputeti i PDK-së, Gani Buçinca, e akuzoi sot AAK-në opozitare se qëndron prapa protestës së dhunshme të veteranëve dhe invalidëve të ish-UÇK-së, të cilët një ditë më parë hodhën kokteje molotovi dhe bomba në oborrin e Qeverisë së Kosovës.

Kjo ngjalli kundëreagimin e shefit të Grupit Parlamentar të AAK-së, Ardian Gjini, i cili e quajti Buçincë "të pafytyrë" dhe kërkoi nga PDK dhe Kuvendi që të distancohen nga deklarata e tij.

Buçinca, në fillim të seancës së sotme të Parlamentit, kërkoi nga kolegët e tij që ta dënojnë protestën e djeshme e dhunshme e veteranëve dhe invalidëve të ish-Ushtrisë Çlirimtare të Kosovës.

Ai provokoi deputetët e AAK-së, duke i ftuar që edhe ata t’i bashkëngjiten këtij distancimi, megjithëse sipas tij, AAK e ka festuar sulmin e ish-guerilëve të UÇK-së ndaj objektit qeveritar.

Deputeti i PDK-së aludoi se ngjarja e djeshme ka prapavijë politike, ndërsa apostrofoi AAK-në se po i “ndërsen” një pjesë të ish-UÇK-së kundër qeverisë.

Buçinca kërkoi nga ligjvënësit e AAK-së që të distancohen nga "politika e falangave”, transmeton KosovaLive.

Deputeti i PDK-së madje protestuesit e djeshëm i konsideroi si pjesë e politikës së dhunës dhe terrorit, ndërsa tha se me këto akte po shkelet rendë demokracia në Kosovë.

Ardian Gjini shefi i GP të AAK-së, tha se Gani Buçinca i shtyrë edhe nga dikush tjetër, po e prishë qëllimisht demokracinë parlamentare duke e futur pa kontekst AAK-në, pas protestës së djeshme të ish-luftëtarëve të UÇK-së.

“Ky Kuvend nëse e ka minimumin e njerëzisë dhe demokracisë, duhet të distancohet menjëherë nga deputeti Gani Buçinca, i cili asnjë fije nderi nuk ka fytyrën e vet”, u shpreh Gjini, i cili kërkoi edhe nga kryeministri Hashim Thaçi, që të distancohet nga deputeti i tij.
Gazeta expres

Publikimi i dështuar

Dështon publikimi i një raporti të EULEX-it për gjendjen në polici, dogana dhe drejtësi. Shkas ishte mungesa e zyrtareve të qeverisë. Raporti ka 152 faqe, tregon anët e forta dhe të dobëta të këtyre tri shtyllave dhe jep 70 rekomandime.

Qeveria e Kosovës ia ka dështuar EULEX-it publikimin e një raporti, i cili flet për gjendjen në polici, dogana dhe drejtësi.

Ky raport është planifikuar të publikohet të enjten pasdite, pasi ministrat përkatës të qeverisë së vendit ta kishin këtë dokument disa orë më parë.

Por, takimi ndërmjet zyrtarëve të EULEX-it dhe ministrave kosovarë në orët e paradites ka dështuar nga mungesa e këtyre të fundit.

Për këtë arsye, zëvendëskryeministri Hajredin Kuqi ia ka dërguar një letër sqaruese zyrtarëve të misionit të EULEX-it.

Ai ka shpjeguar arsyet e mungesës së ministrave të kabinetit qeveritar në pranimin e këtij raporti, i cili ka edhe shumë rekomandime.

“Nuk mund të them se cilat janë arsyet e dhëna, por kemi marrë kërkim falje nga zëvendëskryeministri”, thotë Christophe Lamfalussy, shef i Zyrës për Informim në misionin e EULEX-it.

Ndërkohë, kontakti me zyrtarët e qeverisë të enjten ka qenë i pamundur për të shpjeguar së cilat kanë qenë arsyet që i kanë shtyrë ata të bojkotojnë këtë takim.

Sa i përket përmbajtjes së raportit, burime të Expressit sqarojnë se dokumenti është i përbërë prej 152 faqeve.

Në të janë të përfshira gjashtë muaj mbikëqyrjeje të 400 monitoruesve të ndryshëm, të cilët kanë kontrolluar punën e sistemit të drejtësisë, policisë dhe të doganave.

Ky dokument përmbledh pikat më të dobëta dhe më të forta që kanë këto sisteme, duke përfshirë edhe dhënien e 70 rekomandimeve të ndryshme.

“Ka pjesë ku flitet për policinë, ku njëra ndër pikat më të dobëta të saj është koordinimi”, thotë burimi i gazetës.

Sipas tij, ky raport jep edhe këshilla profesionale se çfarë duhet bërë ndërkohë që monitoruesit kanë dhënë edhe detaje të disa rasteve.

Tash pas kësaj shtyrjeje që i është bërë publikimit të këtij raporti, ende nuk dihet se kur ky dokument do të jetë i gatshëm për publik.

“Nuk mund të themi se kur do të mbahet ndonjë konferencë për këtë raport, por dua të them se kjo është një punë gjashtë muajsh e monitoruesve”, thotë Christophe Lamfalussy, shef për informim në EULEX.

Përndryshe, ky dokument i cili tash nuk dihet e kur do të publikohet, titullohet “Raporti i EULEX-it mbi programet” dhe është vlerësimi i parë gjithëpërfshirës i anëve të forta dhe atyre të dobëta të institucioneve të sundimit të ligjit në Kosovë që nga fillimi i misionit evropian në dhjetor të vitit të kaluar.

Monitorues të EULEX-it janë vendosur nëpër gjykata, stacione policore, shërbime korrektuese dhe zyra doganore të Kosovës, të cilët në bashkëpunim me kolegët e tyre vendorë gjatë muajve të fundit kanë kryer më shumë se 2 mijë e 500 vlerësime.

Ndërkohë, në prezantimin e këtij raporti ishte planifikuar të merrnin pjesë edhe zëvendësshefi i misionit, Roy Reeve dhe shefi i zyrës për programe në EULEX, Alessio Zuccarini.
Gazeta expres

[Llapjani_HH]

Prokuroria nuk pritet të nisë hetimet për akuzat e PDK- AAK

Akuzat publike ndërmjet kryetarit të AAK-së, Ramush Haradinaj, dhe zëvendësministrit të transportit, Adem Grabovci, duket të mos i ketë marrë askush seriozisht. Madje, as prokuroria. Askush deri më tash nuk ka nisur hetimet për akuzat e shkëmbyera publikisht në media.

Kryetari i Prokurorisë së Qarkut në Prishtinë, Osman Kryeziu, i ka thënë KTV-së nëpërmjet telefonit se organi i akuzës po pret që palët t’i paraqesin rastet vullnetarisht. Për të, nuk është detyrë e prokurorisë të përzihet në politikën ditore.

Por, Agjencia Kosovare Kundër Korrupsionit mendon të kundërtën. Drejtori Hasan Preteni, thotë se prokuroria nuk duhet t’i presë vetëm palët, por t’i iniciojë vetë ato, sidomos kur raportohet në media. Edhe organizatat joqeveritare që trajtojnë luftën kundër korrupsionit shprehen të befasuara me qëndrimet e prokurorisë.

Të qetë kanë qëndruar edhe dy eksponentët e PDK-së dhe AAK-së. Kryetari i Deçanit, Musa Berisha, nuk e ka deponuar ende padinë e tij ndaj kryeministrit Hashim Thaçi. E, organeve të drejtësisë nuk u është drejtuar as zëvendësministri i transportit, Adem Grabovci.
KTV

Aviacioni italian patrullim ne kufijte e Shqiperise

Me kerkese te NATO-s, Aviacioni Ushtarak italian do te filloje patrullimin e hapesires qiellore kombetare shqiptare.

Aleanca Atlantike ka angazhuar edhe Greqine ne dhenien e nje kontributi per te garantuar vigjelimin e qiejve te partnerit te ri te saj, Shqiperise.

Aktiviteti qe i eshte kerkuar Italise eshte praktikisht perdorimi i avioneve zbulues ne kohe paqeje, me qellim ruajtjen e integritetit te nje hapsire te caktuar kombetare ajrore.

Per te kryer keto vigjelime duhet nje organzim mjaft kompleks njerezish, mjetesh dhe procedurash. Ne rastin e Shqiperise do te perdoren avione Euroflighter te repartit te 36-te te Gioia del Colle te Barit dhe avione F16 te forcave greke, te koordinuar nga grupet e radareve te Otrantos e Napolit.

Prej vitit 2007 aeronautika italiane garanton vigjelimin e ruajtjen edhe te hapesires kombetare ajrore te Sllovenise./top-channel/
Mesazhi.com

[Llapjani_HH]

Haradinaj: Qeveria ka ndërtuar një sistem të hajnive

Kryetari i Aleancës për Ardhmërinë e Kosovës, Ramush Haradinaj ka akuzuar qeverinë e vendit se ka nderuar një “sistem të hajnive që po e ngulfat vendin”.

Në një intervistë për Rrokum TV, Haradinaj ndër të tjera ka folur edhe për “duelin” e tij zv/ministrin Adem Grabovci, të cilin e pati akuzuar si arkëtar të SHIK-ut, ndërsa ky i fundit ishte përgjigjur me akuza ndaj Haradinajt – për posedim të madh të pasurisë së paluajtshme.

“Vështirë është me zhvillu debat me individ të caktuar, për shkak se ata nuk i obligohen ndonjë etike, rregulli ose të vërteteje, por është zor sot me zhvillu debat për fenomene, dukuri, ta zëmë për hajni në qeverisjen Thaçi, që është një sistem i hajnive që po e ngulfat vendin, jetën e vendit, dhe është ka e rrëshqet në drejtim të gabuar”, ka thënë Haradinaj.

“Për me ju vërtetu këtë” – ka shtuar ai – “mundem me ju shpjegu vetëm raportin e fundit, të qershorit, të Fondit Monetar Ndërkombëtar (FMN), ku shprehen shqetësimet deri në atë shkallë sa Kosova po shkon në bankrotim”.

Rezultat i kësaj mosdicipline buxhetore dhe i hajnisë – sipas Haradinajt - bëjnë që investimet apo donacionet nuk i jepen Kosovës, por mbahen pezull prej atyre që i kanë premtuar ose kanë hyrë në obligim.

“Domethënë, kjo qe unë i obligohem qytetarëve të Kosovës, është demaskimi i një humbje të madhe që po i shkaktohet Kosovës dhe në raste të caktuara edhe me dhënë shembuj konkret të individëve. Ju e dini nuk është se z.Grabovci emri i parë që kam përmendur. Kam shkuar me radhë, për të shpjeguar se një qeveri kur është e korruptuar, kjo buron nga kryetari i qeverisë”, ka thënë ndër të tjera ai.
Telegrafi

Ivanoviq i dyshuar për vepra të rënda

Njëri nga liderët e serbëve në veri të Kosovës, Milan Ivanoviq, ka deklaruar se prokurorja e EULEX-it e qarkut të Mitrovicës, Neti Amir, ka kërkuar që ai të paraqitet në polici për t’u marrë në pyetje.

Në një konferencë për shtyp ai ka shpërndarë një letër me të cilën dëshmohet kjo kërkesë e prokurores Neti Amir. Në këtë letër thuhet se Milan Ivanoviq është i dyshuar për pjesëmarrje në disa veprime kriminale, organizim dhe mbështetje të grupeve terroriste, nxitje të urrejtjes nacionale, raciale dhe fetare, rrezikim të personelit të EULEX-it dhe pjesëmarrje në masën që kishte bërë vepra penale.

Në letër vihet në pah se prokurori do të shqyrtojë urdhëresën për arrestim nëse Ivanoviq refuzon të dëgjohet në polici.

Vet Ivanoviq i ka hedhur poshtë të gjitha akuzat dhe ka paralajmëruar se nuk do ti përgjigjet kësaj ftese. “Ato të gjitha janë të pavërteta, me qëllim të eliminimit tim nga ky rrafsh”, ka thënë Ivanoviq.

Ai ka pohuar se “nuk i njeh institucionet e Kosovës” dhe i ka porositur përfaqësuesit e EULEX-it, që duhet të jenë neutral ndaj statusit.

“Këto gënjeshtra do t’i demantojë para institucioneve tona të cilat punojnë në veri të Kosovës dhe ato le të më ftojnë”, deklaroi ai duke shtuar se do të kërkojë mbrojtje nga shteti i Serbisë pasi atij dhe familjes së tij iu janë cenuar të drejtat themelore njerëzore për jetë dhe punë.

“Nuk ndihem i sigurt dhe për këtë do të njoftojë partitë relevante politike në Serbi, ndërsa pres mbrojtje edhe nga ambasadorët e vendeve mike në shtetin tonë”, përfundoi ai.
Telegrafi

Serbia po e shtyn Luginën e Preshevës drejt Kosovës

Kryetari i Komunës së Preshevës, Ragmi Mustafa ka akuzuar pjesëtarët e xhandarmerisë serbe se, në mënyrë brutale po hyjnë në shtëpitë e shqiptarëve në Komunën e Preshevës dhe po i maltretojnë madje edhe fëmijët e vegjël.

"Nëse vazhdojnë aksionet brutale të xhandarmerisë, secili oborr dhe shtëpi në Preshevë dhe rrethinë do të jenë të hapur, pasi nuk dëshirojmë që ata të thyejnë dyert dhe dritaret për të hyrë. Çdo gjë do të jetë e hapur dhe në disponim të tyre”, ka thënë Mustafa, transmeton agjencia Fonet.

Mustafa po ashtu është shprehur se, “nuk do të ketë arsye që pushteti lokal të punojë, nëse vazhdon ky represion”. "Do të hapim godinën e Kuvendit dhe institucioneve të tjera, dhe le ta vendosë policia dhe xhandarmeria pushtetin e vet. Ne nuk do të jemi pjesë e kësaj”, është shprehur ai.

“Në situatën kur xhandarmeria në mënyrë brutale futet në shtëpitë e njerëzve, dhe maltreton madje edhe fëmijët e vegjël, nuk kemi çfarë të themi tjetër pos që - nëse vazhdon kjo gjë - do të tërhiqemi nga organet zyrtare të pushtetit komunal”, ka thënë Mustafa.

Sipas tij, gjëra të tilla kanë ndodhur gjatë dekadës së kaluar në Kosovës. "Policia njësoj është sjellë edhe në Kosovë, dhe e dimë se çfarë ka ndodhur atje. Serbia e ka humbur Kosovën. Mos në këtë mënyrë po e shtyn edhe Luginën e Preshevës drejt Kosovës”, ka pyetur ai.

Mustafa po ashtu ka vlerësuar se, është problem i madh që përfaqësuesit e pushtetit lokal nuk mund të arrijnë deri të përfaqësuesit e Qeverisë së Serbisë. "Askush nuk flet me ne – vetëm në gazeta lexojmë deklaratat e tyre. Këtu ekziston një problem i madh dhe dikush duhet të flasë me njerëzit, të shohim si ta zgjidhim atë”, është shprehur ai.
Telegrafi

[Llapjani_HH]

Beteja me fjalë

Parlamenti është shndërruar në një arenë përplasjesh të mëdha politike mes PDK’së dhe AAK’së, të premten. Deputeti i PDK’së, Gani Buçinca, akuzoi AAK’në se qëndron prapa veteranëve të luftës që sulmuan ndërtesën e Qeverisë. Për këtë, Ardian Gjini e quajti Buçincën “të pafytyrë”. Beteja me fjalë dhe akuza po vazhdon...

Partia Demokratike e Kosovës dhe Aleanca për Ardhmërinë e Kosovës e kanë gjetur veten përsëri në pozicion beteje, të premte, një ditë pasi një grup protestuesish nga veteranët e ish-Ushtrisë Çlirimtare të Kosovës hodhën granata dore dhe koktej molotovi në oborrin e qeverisë së Kosovës.

Një ditë më parë, qeveria e Kosovës vlerësoi se sulmi i protestuesve kishte “motive politike”.

Në fakt, është hera e tretë që PDK shfaq aludimet e veta ndaj AAK’së në situata të tilla.

Herën e parë këtë e bëri në qershor të vitit të kaluar kur u sulmua shtëpia e Kryeministrit Hashim Thaçi në lagjen “Arbëria”.

Të dytën, muaj më parë kur u dyshua për një mjet shpërthyes në afërsi të objektit qeveritar në sheshin “Nënë Tereza”.

E djeshmja ka qenë më e drejtpërdrejtë dhe ka shkaktuar polemika të ashpra në sallën e Kuvendit të Kosovës ku deputetët ishin mbledhë të shqyrtonin pikat e rendit të ditës.

Deputeti i PDK’së, Gani Buçinca e akuzoi të premten AAK’në opozitare se qëndron prapa protestës së dhunshme të veteranëve dhe invalidëve të ish-UÇK’së. Madje ai kërkoi nga AAK që ta dënojë këtë “akt vandal, këtë dhunë... në vend që të shtrojë dolli dhe gosti për vandalistët, falangistët”.

Kjo ngjalli kundër-reagimin e Shefit të Grupit Parlamentar të AAK’së, Ardian Gjini, i cili e quajti Buçincën “të pafytyrë” dhe kërkoi nga PDK dhe Kuvendi që të distancohen nga deklarata e tij.

Ky i fundit ka refuzuar të ofrojë ndonjë fakt që do ta precizonte akuzën për “dolli dhe gosti”, ndërsa lidhjet e sulmit me AAK’në i sheh nga një vrojtim i tij logjik.

“Sipas logjikës që unë e ndjek, AAK është parti e sherreve, parti e shantazhit, parti e presionit të pabazuar dhe të paargumentuar ndaj qeverisë. Bile Lideri i saj dëshiron të përfitojë nga fatkeqësia e të tjerëve. Ai nuk ka mësuar as nga fatkeqësia e tij personale”, ka thënë ai, pas seancës.

Deklarata e tij në Kuvend është kaluar në heshtje.

Shefi i Grupit Parlamentar të PDK’së, Ramë Buja thotë se komentet e Buçincës janë personale dhe nuk përfaqësojnë qëndrimin e deputetëve të kësaj partie.

“Preka sustën për të reaguar, për të thënë se ky nuk është qëndrim i PDK’së”, ka thënë Buja.

I pyetur pas seancës nëse do t’i kërkohet Gani Buçincës ta tërheqë fjalën, ai e ka quajtur këtë si “të vonshme”.

“Tash iku ajo. Ka qenë dashur të detyrohet ta tërheqë fjalën aty për aty. Tashmë kjo është e kaluar dhe ai mund ta tërheqë fjalën në rrethana tjera”, është shprehur Buja.

Ardian Gjini, Shef i Grupit Parlamentar të AAK’së, thotë se kjo parti është e indinjuar me fjalimin e Buçincës.

“Ky deputet nuk e ka asnjë fije nderi në fytyrën e vet”, u shpreh Gjini, i cili fajësoi Kryeministrin Hashim Thaçi, se qëndron prapa deputetit të tij.

“Kryeministri Thaçi, përmes poltronëve të vet që i dirigjon me SMS e nxit fjalorin e dhunës në Kosovë pa asnjë nevojë përveç se për ta kënaqë egon e vet dhe për ta rregulluar frustrimin e vet të brendshëm, e përmend AAK’në në një kontekst totalisht të panevojshëm i cili nuk i bën shërbim dhe nder vendit”, u shpreh Ardian Gjini.

Ai ka mohuar çdo mundësi që partia e tij të ketë lidhje me atë që ndodhi të enjten para ndërtesës së qeverisë dhe për ato që Gani Buçinca thotë se kanë ndodhur në mbrëmjen e së enjtes.

“Strukturat e AAK’së nuk kanë kohë të festojnë sepse jemi në punë. Me qindra herë e kemi dëshmuar, në rastet më të zorshme, se jemi këtu për t’i mbrojtur institucionet e vendit”, ka thënë Gjini.

Sipas analistit Mufail Limani, skenat e fundit të akuzave mund ta tensionojnë situatën politike në Kosovë, pasi që koha e zgjedhjeve po afrohet.

Në një situatë të tillë, Limani shprehet se opinioni i gjerë në Kosovë duhet të qëndrojë anash garës politike në Kosovë ndërmjet Thaçit e Haradinajt, të stilit “kush është më i forti”.

“Unë besoj se publiku kosovar do të jetë aq i mençur sa që do të largohet plotësisht nga këta dy protagonistë që kohëve të fundit i kanë sjellë skenës politike demonizim, gjuhë të dhunës, gjuhë të urrejtjes dhe shkëputje të komunikimit politik”, thotë ai.

Por për analistin kosovar, situatat e krijuara në skenën politike kosovare duken të çuditshme për faktin se muskujt politikë po ia tregojnë njëra tjetrës dy parti të dala nga lufta (PDK e AAK) dhe dy tjera që kanë prezantuar profilin paqësor (LDK e LDD).

“Në të dy rastet bëhet fjalë për parti simotra, për parti që përngjajnë si veza-vezës dhe nuk ka asnjë dallim real konceptual ose filozofik-politik. I tërë problemi edhe në konfliktin LDK-LDD edhe në atë PDK-AAK është kryekëput i rrafshit personal dhe pse jo i rrafshit të kontrollit të bizneseve të ndryshme”, thotë Mufail Limani.


Buçinca kundër gazetarëve

Kur është lutur ta sqarojë deklaratën e tij dhënë brenda në seancë, deputeti Buçinca është marrë më shumë me gazetarët se me fjalët e tij.
Ai i ka porositur gazetarët që ta luajnë rolin e tyre “e jo të prokurorit as të hetuesit”.
Madje nuk ka përtuar ta hapë edhe një front tjetër akuzash. “Komentet ua lë juve (gazetarëve) kurse për çështje tjera ka organe më kompetente se ju gazetarët të cilët në shumicën e rasteve jeni të instrumentalizuar dhe bëni vetë politikë, jeni instrumente të politikës”, është shprehur ai.
Nëse u besohet fjalëve të Buçincës, puna e politikanit me karrige deputeti është që të flasë pa u bazuar në fakte. Për të e rëndësishme është që opinioni t’i konsumojë ato që një politikan thotë.
“Kur të bëheni politikanë, mund të flisni si unë. Kurse ju duhet të flisni me gjuhën e argumenteve. Në mungesë të argumenteve ju bëni politikë. Unë jam politikan dhe nga ky pozicion kam bërë një deklaratë”, ka thënë Gani Buçinca
Gazeta expres

[Llapjani_HH]

Frika nga ekstradimi në Serbi

Ish-luftëtari i UÇK-së, Muharrem Gashi, i arrestuar në Itali nga Interpoli, pas një fletarresti të lëshuar nga Serbia, ka afat të mos ekstradohet për në Serbi deri më 24 gusht. Familjarët kërkojnë ndihmën e institucioneve që Muharremi të mos përfundojë në burgjet e Serbisë

Kanë kaluar një javë dhe familja Gashi nga fshati Drejë i Istogut po shtyn ditët nën stres për fatin e djalit të tyre Muharrem Gashit, 36 vjeç, i cili është arrestuar të shtunën e kaluar nga autoritetet italiane, bazuar në një fletë-arrest ndërkombëtar të lëshuar nga Serbia. Sipas këtij fletë-arresti, Gashi kërkohet për krime lufte.

Muharrem Gashit, i cili jeton në Rimini të Italisë që tetë vite, papritmas të shtunën e kaluar autoritetet italiane i kanë hyrë në shtëpi dhe e kanë arrestuar.

Familja Gashi e befasuar me arrestimin e Muharremit, ish epror në brigadën 122 “Arben Haliti”, të Ushtrisë Çlirimtare të Kosovës në zonën e Drenicës, krejt çka tani duan është që djali i tyre të ekstradohet në Kosovë e të mos dërgohet për në Serbi.

Frika e kësaj familje përveç mërzisë tani është ekstradimi i Muharremit për në Serbi. “Le ta gjykojnë në Kosovë, le ta gjykojnë edhe në Hagë nëse duan, vetëm jo në Serbi”, fliste e shqetësuar nëna e Muharremit , Rrahime Gashi.

Avokati i Muharremit në Itali, i angazhuar nga gruaja e tij, ka njoftuar këtë familje se Italia atë do ta mbajë vetëm deri më 24 gusht të këtij viti dhe nëse Qeveria e Kosovës nuk bën asgjë për ta marrë deri në atë kohë, ai do të dërgohet për në Serbi.

“Avokati italian po thotë se nuk po mundet me bo kurgjo, pasi që Qeveria e Kosovës nuk ka dërgu akoma asgjë zyrtare në Itali për të kërkuar ekstradimin e tij për në Kosovë”, shprehet Rrahimja.

Baba i Muharremit, Musë Gashi, nuk ka lënë vend pa kërkuar ndihmë për djalin e tij, qoftë në Shoqatë të Veteranëve të Luftës, qoftë në Ministri të Drejtësisë e kudo tjetër, tregon kjo familje.

Të premten kur Express vizitoi këtë shtëpi, Musa gjendej në Prishtinë duke kërkuar ndihmë prej institucioneve kosovare që djali i tij të mos dërgohet në Serbi.

Ai një ditë më herët ka akuzuar qeverinë që nuk po bën asgjë në këtë drejtim. “Qeveria e Kosovës nuk bën të rrijë duarkryq dhe të shikojë nga larg arrestimin e djalit tim, i cili ka luftuar për këtë vend, vetë pse Serbia po e quan kriminel”, është shprehur ai.

Menjëherë pas ditës së parë të arrestimit të Muharremit, familja Gashi tregon se kanë marr mbështetje të mëdha institucionale, si nga veteranët e luftës ashtu edhe nga Ministria e Drejtësisë, Nekibe Kelmendi e nga të tjerë, por sipas kësaj familjeje, duke e parë që ka kaluar java dhe asgjë nuk është ndërmarr, përkrahjet po mbesin vetëm fjalë të zbrazëta.

Por, Qeveria e Kosovës bën t’ ditur se janë duke punuar në këtë drejtim. Hajredin Kuqi, zëvendëskryeministër, tha për Express se qeveria ka bërë tri veprime për Muharrem Gashin.

“Veprimi i parë i joni është kontakti ynë me Interpolin që të mos marrë për bazë akuzat e rrejshme të Serbisë në lidhje me Muharremin. Pastaj veprimi i dytë është kontakti me mekanizmat ndërkombëtarë ku është kërkuar që të shtohet presioni mbi Interpolin që të mos ngrihen akuza të rrejshme”, bën të ditur Kuqi, duke shtuar se veprimi i tretë i qeverisë është se Ministria e Drejtësisë ka dërguar shkresë zyrtare Italisë që çdo ekstradim i shtetasve të Kosovës të bëhet në Kosovë.

”Ne shpresojmë dhe besojmë se Muharrem Gashi nuk do të dërgohet për në Serbi, pasi që është shtetas kosovar, por vonesat mund të ndodhin pasi që Kosova nuk është në Interpol dhe Serbia po”, u shpreh Kuçi.

Akuza e Serbisë për Muharrem Gashin është se ai bashkë me dy ushtarë të ish UÇK-së, në qershor të vitit 1999, në një fshat të Klinës, kanë vrarë një serb dhe kanë plagosur familjarët e viktimës. Këto akuza edhe qeveria edhe familja Gashi i quan të rrejshme.

“Muharremi ka luftuar për lirinë e Kosovës dhe nuk ka mbytur civil”, shprehet nëna e tij.
Ajo tregon për djalin e saj se si ka shkuar në Itali para tetë vjetëve shkaku u kushteve të rënda ekonomike.

“Për të gjithë këto vite ne kemi ngrënë bukë nga Muharremi. Para se me shku ai atje kemi heq shumë prej kushteve të rënda. Por me ndihmën e tij ne këto vite të fundit kemi jetuar mirë”, shprehet ajo.

Tani gruaje e Muharremit bashkë me vajzën e saj 4 vjeçare po qëndron në Itali gjatë kësaj kohe për të gjetur ndihmë për burrin e saj, e cila edhe e ka kontraktuar avokatin italian.

Beogradi bën presion

Mediat serbe lajmërojnë se Prokuroria Serbe për krime të luftës po pret që autoritetet italiane t’i dorëzojnë Serbisë Muharrem Gashin, i cili nga gjyqësia serbe është akuzuar për krime lufte kundër civilëve në Kosovë në vitin 1999.
Sipas zëdhënësit të Prokurorisë për krime të luftës Bruno Vekariq, Serbia ka shpërndarë 160 fletarrestime për ish-pjesëtarët e UÇK-së, të cilët dyshohen për krime mbi popullsinë serbe. Vekariq është i bindur se në rastin Gashi autoritetet italiane nuk do të sillen sikur Bullgaria kur ish-kryeministrin Agim Çeku e liroi nga paraburgimi.
Agim Çeku vetëm para disa jave ishte arrestuar në Bulgari nga Interpoli, nën akuzën e Serbisë për krime lufte. Por me ndihmën e Qeverisë Kosovës ai u lirua dhe erdhi në Kosovë.
Para Çekut rast i tillë ka ndodh edhe me Mahmut Ukshinin dhe Faruk Noshajn, për të cilët po ashtu Serbia nuk ka arritur që t’i ekstradojë për në vendin e tyre.
Gazeta expres

[Dani11]

Demonstrim i dhunës policore në Preshevë
Në rajonin e Preshevës sërish po manifestohet demonstrim i dhunës policore dhe injorim i pushtetit lokal.
E diel, 19 Korrik 2009 10:33



Kryetarët e komunës dhe kuvendit komunal të Bujanocit, Shaip Kamberi dhe Jonuz Musliu, kanë shfaqur kundërshtinë e tyre për çfardo forme të dhunës në Luginën e Preshevës dhe kanë akuzuar policinë se po injoron institucionet dhe organet e pushtetit lokal.

Në një letër dërguar ambasadorëve të SHBA-ve, Britanisë së Madhe, Francës, Gjermanisë dhe misionit të OSBE-së, ata kanë vënë në pah se incidentet e fundit dëshmojnë se në këtë hapësirë sërish po manifestohet demonstrim i dhunës policore dhe injorim i pushtetit lokal.

[Llapjani_HH]

AAK fajëson Qeverinë për dështim në liberalizimin e vizave me BE-në

Drejtues të Aleancës për Ardhmërinë e Kosovës kanë kritikuar Qeverinë se ka dështuar në procesin e liberalizimit të vizave të BE-së, ndërsa shprehën shqetësime edhe për shkak të mos zbardhjes së skandalit të vjedhjes së provave në polici, gati tre muaj më parë. Në një konferencë për media sekretari i AAK-së, Burim Ramadani, vlerësoi se me përjashtimin e Kosovës nga procesi i liberalizimit të vizave më së shumti janë dëmtuar qytetarët e Kosovës, për çka fajësoi ekzekutivin e vendit.

Qeveria e Kosovës ka dështuar në këtë proces dhe fatkeqësisht për qytetarët e Kosovës, dështimi i një qeverie nuk është kriter për Bashkimin Evropian që t’i fusë ata në liberalizimin e vizave shtoi Ramadani. Ai tha se duhet të konstatojmë se sikur të ishte kriter dështimi i një qeverie me politikat e saj për liberalizimin e vizave, atëherë Kosova do të udhëhiqte rajonin në futjen e Kosovës në vendet me këtë proces.

“Me qeverisjen e ardhshme të AAK-së, çështja e punës në liberalizimin e vizave do të jetë prioritet i arsyeshëm i qeverisë dhe përkushtimi do të jetë i pakontestueshëm dhe ne jemi të sigurt në bazë të analizave që kemi bërë deri më tash se brenda periudhës së parë të qeverisë së ardhshme të AAK-së qytetarët e Kosovës do të mund të lëvizin në mënyrë të lirë, pa viza në vendet e Bashkimit Evropian”, ka theksuar z. Ramadani.

Ramadani tha se AAK kërkon sqarime nga Qeveria e Kosovës në lidhje me atë se sa ka punuar për implementimin e kritereve për përfshirje në procesin e liberalizimit të vizave dhe kur do të arrihet marrëveshja e lehtësimit të vizave me BE-në, si dhe kur do të hyjë Kosova në Shëngenin e Bardhë.

Ndonëse janë bërë gati tre muaj që skandali i vjedhjes në dhomën e provave, policia ende nuk ka ndriçuar rrethanat dhe të dyshuarit e mundshëm të përfshirë në këtë rast. Kjo, sipas sekretarit të përgjithshëm të AAK-së, është dëshmi se qeveria e vendit është e interesuar që të heshtë rastin, andaj pret që në lidhje me rastin të merret EULEX-i.

“Qeveria e Kosovës nuk është e interesuar për zbardhjen e këtij rasti, së dyti Qeveria e Kosovës dëshiron të heshtë rastin dhe jemi dëshmitarë se ky rast më as nuk përmendet në agjendën e Qeverisë, së treti puna e të ashtuquajturës “Task Forcës” nuk ka dhënë ndonjë rezultat, sepse ka qenë e ndikuar nga drejtime të ndryshme dhe ka qenë e anshme, nuk ka qenë e paanshme, nuk ka qenë profesionale. Policia e Kosovës vlerësojmë se ka pësuar një goditje jashtëzakonisht të rëndë, sidomos me imazhin dhe vetëbesimin e saj. Me këtë rast është treguar se në këtë Qeveri të Kosovës nuk ekziston vlera e përgjegjësisë politike, morale dhe profesionale në institucionet që udhëheqin dhe së gjashti që ka qenë kërkesë edhe e AAK-së, tashme do të duhet të shohim veprimin e EULEX-it për të marrë këtë rast”, ka thënë Ramadani.

Ndryshe, zyrtarët e AAK-së thanë se kjo parti ende nuk është përcaktuar për kandidatin e mundshëm në garën për kryetar komune të Prishtinës në zgjedhjet lokale të 15 nëntorit, ndërkohë që janë në procedurë të shqyrtimit të këtij emri, të cilin AAK do të bëjë publike më vonë.
RTK

Haradinaj: Përplasjet e fundit në kuvend kanë qëllim zhvendosjen e vëmendjes nga TC Kosova e Re

Lideri i Aleancës për Ardhmërinë e Kosovës Ramush Haradinaj ka deklaruar se përplasjet e fundit në Kuvendin të Kosovën bëhen me qëllim të zhvendosjes së vëmendjes nga vendimi i Qeverisë për ndërtimin e TC “Kosova e Re”. Më mirë është qeveria t’i tregojë qytetarëve sa përfitojnë ata nga “Kosova e Re”, dhe a ka rrymë ose energji me çmim më të lirë”, ka thënë Haradinaj në një takim të Forumit të Gruas së AAK-së në Vushtrri

Lideri i AAK-së Ramush Haradianj të shtunën në Vushtrri ka marrë pjesë të shtunën në një takim të degës së gruas së AAK-së me ç’rast u ka shpërndarë libreza anëtareve të reja femra të kësaj partie, kurse pasi ka shëtitur nëpër qytetin e Vushtrrisë dhe ka pirë çaj në një kafene, në një takim me gazetarë Haradinaj ka folur edhe për ngjarjet e fundit në Kosovë, për të cilat ka shprehur shqetësimin e tij.

"Janë tri tema për të cilat AAK-ja i ka shprehur shqetësimet e saj, siç janë problemi i importimit të mishit, vendimi rreth ndërtimit të termocentralit “Kosova e Re” dhe protesta e veteranëve dhe invalidëve të luftës së UÇK-së.

Për këto probleme tha Haradinaj tha se u ka shkruar edhe krerëve të shtetit, presidentit, kryeministrit, kryeparlamentarit dhe ministres së energjisë.

Ndërkaq në pyetjen e gazetarëve se pse po i bëhen gjithë këto akuza AAK-së, Haradinaj u përgjigj se Qeveria në vend se të pranojë fajin për keq-qeverisje, ajo fajin ia hedh dikujt tjetër në këtë rast AAK-së. Ai ka thënë se distancohet nga të gjitha ato sulme që i bëhen AAK-së, sepse nuk janë të qëndrueshme - janë shpifje.

Lidhur me rastin e fundit të akuzave të deputetit të PDK-së, se AAK qëndron prapa protestës së dhunshme të veteranëve dhe invalidëve të UÇK-së, Haradinaj është shprehur se reagimi i kryeparlamentarit e pastaj edhe i kryetarit të grupit parlamentar të PDK-së japin sinjale se demokracia ngadalë po vjen edhe tek ne.
RTK

Partia e Drejtësisë përshëndetë ndërtimin e termocentralit të ri – kritikon Ministrinë e Jashtme

Partia e Drejtësisë përshëndet fillimin e ndërtimit të kapaciteteve të mirëfillta energjetike të shtetit të Kosovës, duke kërkuar nga institucionet e vendit shkallën më të lartë të përgjegjësisë dhe të transparencës me këtë rast. Kjo parti po ashtu vlerëson se është i papranueshëm pasiviteti i vazhdueshëm i Ministrisë së Punëve të Jashtme me rastin e tubimeve të mëdha ndërkombëtare, siç ishte samiti i te painkuadruarve.

Përmes një komunikate për opinion Partia e Drejtësisë kërkon që gjatë procesit të vendim-marrjes për ndërtimin e termocentralit Kosova e Re, si minimum, të sigurohet:

Respektimi i standardeve më të larta ndërkombëtare për ruajtjen e mjedisit duke e bërë ndërtimin gradual të kapaciteteve të planifikuara energjetike në pajtim me sugjerimet e ekspertëve;

Ruajtja maksimale e fondit të ujit për qytetarët dhe sektorin e bujqësisë;

Së paku 51 % e pronësisë së shtetit të Kosovës në termoelektranën e re, duke siguruar përfitimin maksimal ekonomik nga resursi kryesor natyror i vendit, si dhe pamundësimin e monopolit në sektorin e energjetikës nga ana e investitorit të huaj.

Kjo mund të bëhet me realizimin e të drejtës kushtetuese të qytetarëve të Kosovës që të jenë investitor në termoelektranën e re, në kushte të barabarta me investitorët e huaj; si dhe me investimin e parasë publike, në vend që të investohet jashtë vendit, siç është rasti me paratë nga privatizimi; kursimet e punëtorëve në Trustin e pensioneve; profiti i PTK-së, etj.

Partia e Drejtësisë vlerëson të papranueshëm pasivitetin e vazhdueshëm të Mistrisë së Punëve të Jashtme

Partia e Drejtësisë ia tërheqë vërejtjen Qeverisë së Kosovës se para disa ditësh u lëshua edhe një rast tejet i mirë për lobimin e pavarësisë së shtetit të Kosovës në samitin e Lëvizjes së Shteteve të Painkuadruara, që u mbajt në Sherm-i-Shejh të Egjiptit, me 15 dhe 16 korrik, ku morën pjesë 118 shtete, 20 prej të cilave tashmë e kanë njohur Kosovën.

Samiti i 15-të me radhë i kësaj organizate, anëtarë të së cilës janë 118 shtete, ishte rast shumë i volitshëm që të promovohet e vërteta për shtetësinë e Kosovës dhe për të penguar drejtpërdrejtë aktivitetin kundër njohjes së pavarësisë që në mënyrë intensive e bëri delegacioni serb i udhëhequr nga kryetari i tyre Tadiq.

Partia e Drejtësisë konsideron se ka pasur mundësi që me angazhim të organizuar diplomatik, nëpërmjet SHBA, miqve të tjerë ndërkombëtar, si dhe njëzet shteteve të kësaj organizate që e kanë njohur shtetësinë e Kosovës të sigurohet prezenca e Kosovës në këtë samit me rëndësi. Pasiviteti i vazhdueshëm i Ministrisë së Punëve të Jashtme me rastin e tubimeve të ngjashme është i papranueshëm.

Partia e Drejtësisë kërkon nga Qeveria e Kosovës, parandalimin e ekseseve të ngjashme me ato që ndodhën me rastin e protestës së veteranëve të Ushtrisë Çlirimtare të Kosovës, nëpërmjet angazhimit të organizuar dhe të vendosur institucional për sigurimin e mirëqenies për të gjithë ata që ishin në gjendje të vihen në ballë të luftës për mbrojtjen e lirisë dhe pavarësisë në momentet më të vështira për vendin, thuhet në një kumtesë për opinion të lëshuar nga Zyra për informim pranë Partisë së Drejtësisë.
RTK

[Llapjani_HH]

Koha Ditore: EULEX-i negocion marrëveshjet mes Prishtinës e Beogradit

Misioni i BE-së për sundim të ligjit përfshihet në negociata për problemet kufitare me Serbinë. Zyrtarët e misionit të BE-së për sundimin e ligjit insistojnë se çështjet për të cilat ndërmjetësojnë janë teknike. Një ndër to është menaxhimi i kufijve, çështje që i ka shkaktuar EULEX-it probleme të vazhdueshme në veri të Kosovës dhe që disa herë i ka nxitur zyrtarët e këtij misioni të bëjnë thirrje për zgjidhje politike të tyre.

Zyrtarët e lartë të misionit EULEX i kanë deklaruar kësaj të përditshme se “EULEX-i është tejet i interesuar për gjetjen e zgjidhjeve të pranueshme për Beogradin dhe Prishtinën rreth çështjeve të natyrës teknike, siç janë çështja e menaxhimit të kufijve, pastaj çështja e të pagjeturve dhe bashkëpunimi mes policive të Kosovës dhe Serbisë”.

Burimet e gazetës kanë thënë se ekspertët e EULEX-it rregullisht udhëtojnë në Beograd ku takohen me përfaqësuesit e Serbisë, duke shtuar se fillimisht bisedimet zhvilluar për çështje të cilat konsiderohen më pak politike, siç është fati i të pagjeturve.

Gazeta po ashtu thekson se vizita e fundit e përfaqësuesit të Bashkimit Evropian për politikë të jashtme dhe siguri, Javier Solana, në Beograd dhe Prishtinë, “ka shërbyer edhe si fillim i bisedimeve rreth vendosjes së pikave të përbashkëta doganore mes Kosovës dhe Serbisë”.

Sipas kësaj të përditshme pak javë më parë çështja e doganave nuk ka qenë në rend dite të takimeve, duke theksuar se të dy palët kanë biseduar vetëm rreth “bashkëpunimit kufitarë dhe policorë”.

Përfaqësuesit e misionit të EULEX-it i kanë pohuar të përditshmes “Koha Ditore” se bisedimet janë zhvilluar. “Si mision teknik ne jemi të interesuar të gjejmë zgjidhje të përbashkëta mes Prishtinës dhe Beogradit rreth këtyre çështjeve” , ka deklaruar zëdhënësi i EULEX-it Kristofer Lamfalusi, por nuk ka dëshiruar t’i komentojë detajet e bisedimeve mes përfaqësuesve të EULEX-it dhe Beogradit.
Duke u thirrur në burime ndërkombëtare gazeta thekson se EULEX-i ka kontakte të përhershme me Qeverinë e Kosovës rreth bisedimeve që zhvillon me Beogradin.

“Shefi i EULEX-it, Yv De Kermabon ka konsultime të rregullta me kryeministrin e Kosovës Hashim Thaçin rreth bisedimeve që misioni zhvillon me Beogradin”, kanë deklaruar burimet në kushte anonimiteti për të përditshmen Koha Ditore.

Zëdhënësi i Qeverisë së Kosovës, Memli Krasniqi ka thënë se çdo aktivitet i EULEX-it në suaza të mandatit të këtij misioni është legjitim, mirëpo ka mohuar se ai mandat ka të bëjë edhe me zhvillimin e bisedimeve rreth doganave.

“Nuk ka bisedime rreth kufijve dhe doganave. Nuk mund të ketë kurrfarë aktivitetesh me të cilat do të shkelej Kushtetuta e Kkosovës”, ka theksuar zëdhënësi Krasniqi

Koha Ditore përkujton se Serbia ka marrë “dritën e gjelbër”për liberalizimin e vizave, mirëpo njëri ndër kushtet e BE-së për këtë proces është që Serbia deri në fund të vitit t’i vendosë pikat e përbashkëta doganore në kufirim me Kosovën.
RTK

Sindikalistët e QKUK-së paralajmërojnë grevë në shtator

Kryesia e Sindikatës së punëtoreve shëndetësor të Qendrës Klinike Universitare të Kosovës paralajmëron grevë në shtator. Ata ndihen të mashtruar nga Federata Sindikale e Shëndetësisë së Kosovës për mosrealizimin e kërkesave për përmirësim e kushteve të punës dhe ngritjen e pagave në bazë të marrëveshjes së nënshkruar në tetor të vitit të kaluar, mes FSSHK-së dhe Qeverisë së Kosovës.

Punëtorët shëndetësorë disa herë kanë protestuar në forma të ndryshme për rritje të pagave dhe përmirësimin e kushteve të punës. Kryetari i sindikatës së QKUK-së, Xhemajl Selmani, tha se kësaj radhe greva e punëtorëve shëndetësorë nuk do t’i ngjajë grevave të mëparshme.

“Pritet kah shtatori do të jetë nxehtë edhe për ne edhe për ata. Kërkesat janë për greva, jo si deri me tani, do të jen me të vështira. Kërkesat janë edhe për me e bllokua punën edhe në emergjencë edhe qaty ku u jepet ndihma njerëzve për jetë”, ka thënë Selmani.

Ndërsa, dr Blerim Syla, shprehet se paga shtesë prej 44-euro është realizuar vetëm për tre muaj, e jo me shumë.

“Do të thotë prej janarit punëtorët nuk i kanë marrë. Ne jemi vetë fajtor që kemi mbetë në këtë nivel dëshpërues, e jemi bërë raste sociale dhe mendoj se greva e ardhshme nuk do te jete si greva tjera”, thekson dr. Syla.

Ndërsa, kryetari i sindikatës së QKUK-së, Xhemjl Selmani, thotë se janë të mashtruar nga Federata Sindikale e Shëndetësisë se Kosovës, duke theksuar se fajtorë janë pikërisht kryesindikalistët e FSSHK-së, sepse e kanë mashtruar opinionin publik, sepse ajo marrëveshje nuk është nënshkruar prej kryeministrit e as prej kryetarit.

Ndërsa, zëdhënësi i FSSHK-se, Jeton Demi, thotë se realizimi i marrëveshjes së tetorit tani nuk është përgjegjësi e FSSHK-së, po e Qeverisë së Kosovës.

“Ne nuk jemi të detyruar ta arsyetojmë pjesën që i takon qeverisë për ta plotësuar, që është realizimi i marrëveshjes sipas përmbajtjes së sajë, që nënkupton miratim të gjashtë pikave, si dhe një page shtesë prej 44-euro”, thotë zëdhënësi Demi.

Ai pohon se janë në kontakt të vazhdueshëm me zyrtarë të qeverisë, duke sqaruar se gjithë kohen kanë pasur komunikime jo-zyrtarë dhe jo formal me qeverinë dhe se ata kanë vazhduar të premtojnë se marrëveshja do të realizohet.

Ndërsa zëdhënësi i Qeverisë, Memli Krasniqi, thotë se grevat nuk janë rruga e duhur për zgjidhjen e problemeve

“Ne besojmë se nuk do të vjen deri të greva. Besoj se ekziston mirëkuptimi i përbashkët që tashmë është i dëshmuar, se nuk ka mundësi që të zgjidhen problemet me greva, protesta apo tjetër. Ne kemi mirëkuptim shumë të madh për kërkesat e tyre, ato që janë të arsyeshme dhe reale”, thotë zëdhënësi i qeverisë, Krasniqi.

Si do që të jetë, sindikalistet e QKUK-se janë ne pritje të vendimit se në çfarë forme do të organizohet greva. Ajo është e pashmangshme, vetëm presim të përfundojnë pushimet verore, thonë ata.
RTK

EULEX punon për kthimin e gjykatësve në veri

Përfaqësuesit e EULEX-it kanë njoftuar se po bisedojnë me përfaqësuesit e Beogradit dhe të Prishtinës për kthimin e gjykatësve serbë dhe shqiptarë në Gjykatën e Qarkut në Mitrovicë.

Zëdhënësja e EULEX-it, Christina Herodes, ka thënë për agjencinë e lajmeve Tanjug se qëllimi i bisedimeve të EULEX-it me Beogradin dhe Prishtinën është që të shkohet përpara, ashtu që gjykatësit serbë dhe shqiptarë të kthehen në gjykatat e Mitrovicës.

“Nuk mund ta themi datën e saktë kur dhe si do të ndodhë kjo, sepse jemi në bisedime. Jemi duke punuar në këtë drejtim dhe po bisedojmë me Beogradin dhe Prishtinën”, ka thënë Herodes.

Gjykata e Qarkut dhe ajo Komunale në veri të Mitrovicës ka rifilluar punën në tetor të vitit 2008, pasi që nga shpallja e Pavarësisë së Kosovës për më shumë se shtatë muaj kanë qenë të mbyllura. Tani në to punojnë vetëm gjykatës dhe prokurorë të EULEX-it.
Telegrafi

Kosova nuk i di kufijtë e vet

Vija kufitare e shtetit të Kosovës nuk është e shënuar dhe nuk dihen saktë kufijtë me asnjërin shtet fqinj, ndërsa institucioneve të Kosovës nuk u bëhet vonë për definimin dhe shënimin e vijës kufitare me asnjërin nga shtetet fqinje, përderisa shtetasit kosovarë në brezin kufitar çdo ditë përballen me autoritetet e disa prej vendeve fqinje që i konsiderojnë ato territore si të vetat, shkruan e përditshmja "Koha Ditore".

Procesi i demarkacionit nuk ka përfunduar as me Maqedoninë, ndërsa gazeta shkruan se sipas kryetarit të Grupit për demarkacion, Behar Selimi, i cili njëherit është edhe shef i Policisë kufitare, ka mbetur edhe rreth 2% e vijës kufitare pa u definuar dhe kjo pritet të ndodhë shumë shpejt.

Përveç me Maqedoninë, vija kufitare e Kosovës është e padefinuar edhe me Shqipërinë, Malin e Zi dhe Serbinë. Sipas Selimit, me Shqipërinë dihet përafërsisht vija kufitare, mirëpo problematike mbetet vija kufitare me Malin e Zi dhe me Serbinë, ku për shkak të paqartësive shpesh janë paraqitur probleme mes banorëve të zonave kufitare dhe autoriteteve kufitare.

Nga ana tjetër, Qeveria e Kosovës, sipas zëdhënësit Memli Krasniqi, nuk e ka fare në agjendë sanimin e gjendjes dhe shmangien e konflikteve. Duke thënë se çështja e kufijve është pjesë teknike dhe me demarkacion do të rregullohet, Krasniqi nuk ka folur për afate apo për punën që është duke bërë Qeveria në këtë drejtim.

“Kufijtë janë të definuar dhe të njohur ndërkombëtarisht, kështu që pjesa teknike me demarkacion do të ndodhë edhe me Shqipërinë, edhe me Malin e Zi, e në të ardhmen edhe me Serbinë. Vija me Serbinë ekziston, është definuar shumë më herët, me siguri që ka pjesë që duhet të definohen, por nuk mundemi të bëjmë proces me Serbinë kur Serbia nuk na pranon si shtet”, është shprehur Krasniqi.

As KFOR-i nuk është prononcuar për çështjen e kufijve, ndërsa edhe faktorët tjerë ndërkombëtarë në Kosovë, EULEX dhe ICO, janë të distancuar sa i përket demarkacionit me shtetet fqinje.
Telegrafi

[Llapjani_HH]

Rrimë në temë

Kryetari i AAK’së, Ramush Haradinaj thotë t’u ketë shkruar letër Presidentit, Kryeministrit dhe Kryetarit të Kuvendit të Kosovës rreth projektit “Kosova e Re”. Ai thotë se PDK po mundohet ta tërheqë vëmendjen e opinionit nga mossukseset e saj përmes akuzave ndaj AAK’së. Arsyeton kërkesat e veteranëve të UÇK’së, por jo edhe mjetet e përdorura nga ta për t’i arritur qëllimet

Lideri opozitar në Kosovë, Ramush Haradinaj ka thënë të shtunën se i ka shkruar letër Presidentit të Kosovës, Fatmir Sejdiu në të cilën ka shprehur kundërshtimin e tij dhe të partisë që drejton rreth mënyrës së marrjes së vendimit të qeverisë së Kosovës për Termocentralin “Kosova e Re”.

Letra është postuar kah mesi i javës, por Haradinaj ka lënë të kuptohet se akuzat që u ringjallën ndërmjet PDK’së dhe AAK’së ditëve të fundit, e kanë lënë në hije këtë zhvillim.

Një kopje e kësaj letre, ai ka thënë t’ia ketë dërguar Kryeministrit Hashim Thaçi, Kryetarit të Kuvendit të Kosovës, Jakup Krasniqi dhe Ministres së Energjisë dhe Minierave Justina Shiroka-Pula.

Këtë letër te Thaçi, Krasniqi e Shiroka-Pula e ka dërguar sa për t’i vënë ata “në dijeni”.
Ai ka thënë se vendimi i qeverisë për Termocentralin e ri ka qenë “i shpejtë, i befasishëm dhe që nuk shpjegon kush është Kosova”.

“Ka një tendencë që të largohet vëmendja nga temat me rëndësi përmes incidenteve parlamentare, si rasti i djeshëm. Do të ishte mirë që ne ta ruajmë fokusimin në tema”, ka thënë Haradinaj.

Një ditë pasi salla e Kuvendit ishte bërë arenë akuzash ndërpartiake ndërmjet deputetëve të dy krahëve, kreu i AAK’së ka thënë se PDK po mundohet ta tërheqë vëmendjen e opinionit nga ato që ai i quajti politika të pasuksesshme në qeverisje të partisë që drejton koalicionin qeveritar.

Në këtë mënyrë, Haradinaj ka thënë se ai vetë do të qëndrojë në temë, duke i bërë thirrje edhe partisë rivale që ta bëjë të njëjtën gjë.

“Qytetari i Kosovës tashmë e din pse po ndodh kjo. Disa nga lajmet e para në media janë shqetësuese për qytetarin dhe të cilat i adresohen politikave jo të mira të qeverisë, prandaj kërkohet një fajtor. Qeveria e vendit në vend se ta pranojë përgjegjësinë për politikat e pasuksesshme qeverisëse, gjen një fajtor kujdestar në këtë rast te Aleanca”, ka thënë Ramush Haradinaj të shtunën gjatë një vizite që bëri në Vushtrri.

Ai është përpjekur të mos e bëjë të madhe atë që ndodhi të premten në Kuvend pas akuzave të deputetit të PDK’së, Gani Buçinca.

Fakti se Shefi i Grupit Parlamentar të PDK’së, Ramë Buja është distancuar nga këto deklarata mjafton për Haradinajn që ta konsiderojë këtë çështje si kapitull të mbyllur.
Sipas kryetarit të AAK’së, protesta e veteranëve të ish UÇK’së është legjitime, por jo edhe mënyra se si ata po mundohen t’i realizojnë kërkesat.

“Në cilëndo rrethanë, nëse rrijnë dy ditë para qeverisë, dikush duhet t’i pyesë ata pse janë këtu. Shqetësimi është legjitim, por AAK distancohet nga çdo formë e arritjes së qëllimeve në mënyrë të jashtëligjshme dhe në rrethana që i bëjnë dëm vendit”, ka thënë Haradinaj.
Gazeta expres

Pyetjet e AAK’së

AAK konsideron se mospërfshirja e Kosovës në Shengenin e Bardhë, është një prej dështimeve të mëdha të Qeverisë Thaçi. Partia më e zëshme në opozitë, të dielën, ka shtruar edhe një sërë pyetjesh për Qeverinë, e që lidhen me procesin e liberalizimit të vizave me Bashkimin Europian.

Aleanca për Ardhmërinë e Kosovës e ka bërë përgjegjëse Qeverinë Thaçi për mospërfshirjen e vendit tonë në procesin e liberalizimit të vizave me Bashkimin Europian.

Sipas tyre, ky është një prej dështimeve më të mëdha të Qeverisë aktuale.

Burim Ramadani, Sekretar i përgjithshëm i AAK’së, tha se papërgjegjësia e institucioneve ka shkuar aq larg saqë ato nuk kanë marrë mundin as të japin shpjegime para qytetarëve se pse ata nuk mundë të udhëtojnë lirshëm në Europë, ashtu sikurse serbët, malazezët dhe maqedonasit.

“Qytetarët e Kosovës janë dënuar edhe njëherë gjatë kësaj periudhe, duke mbetur mbrapa vendeve tjera të rajonit sa i përket çështjes së lëvizjes pa viza në vendet e Bashkimit Europian”, tha Ramadani, të dielën në një konferencë për media.

“Ndërsa, Qeveria e Kosovës nuk ka marrë mundin që të paktën të jep përgjigje të sakta, konkrete dhe obliguese për veprimet që do të duhej t’i ndërmarrin institucionet e Kosovës për t’u mundësuar qytetarëve lëvizjen e lirë me vendet e BE’së”.

Më pas, ai ka renditur dështimet e Qeverisë së Kosovës.

“Po flasim për një proces ku Kosova nuk ekziston në hartë. Po flasim për një proces ku Kosova nuk ka përmbushur asnjë kriter. Po flasim për një çështje që Qeveria e Kosovës në fakt është duke u bërë pengesë. Po flasim për një çështje që ndikon drejtpërdrejt në jetën e qytetarëve të Kosovës”, tha Sekretari i Përgjithshëm i AAK’së.

Për çështjen e liberalizimit të vizave, AAK ka ngritur disa pyetje për Qeverinë e Kosovës.

Sa kushton procesi për përmbushjen e kritereve për liberalizimin e vizave? (A është bërë vlerësimi i kostos së veprimeve të nevojshme qeveritare?)

Me sa vende deri më tash është nënshkruar Marrëveshja për Ri-Atdhesim (si pjesë e domosdoshme për të filluar procesi)?

Kur do të arrihet Marrëveshja e Lehtësimit të Vizave me BE-në (si fazë paraprake për Liberalizimit e Vizave)? Kur do të hyjë Kosova në Shëngenin e Bardhë?.

“Ne presim që përgjigjet e Qeverisë në këto pyetje të jenë publike, konkrete, të detajuara dhe teknike, duke përjashtuar këtu psiko-analizat e zakonshme që Qeveria bën për qytetarët e Kosovës”, ka thënë Sekretari i Përgjithshëm i AAK’së.

Burim Ramadani ka shfrytëzuar rastin për të shpalosur platformën e AAK’së për procesin e liberalizimit të vizave.

“AAK zotohet para qytetarëve të Kosovës dhe partnerëve ndërkombëtarë se në qeverisjen e saj të ardhshme do të ketë përkushtim të plotë dhe të pakontestueshëm në të gjitha aspektet punën për përmbushjen e kritereve të BE’së drejt anëtarësimit të Kosovës në BE. Ne jemi të sigurt se brenda periudhës së parë të qeverisjes së ardhshme të AAK’së, qytetarët e Kosovës do të lëvizin lirshëm drejt vendeve të BE’së”.

Në këtë konferencë, Sekretari i Përgjithshëm i AAK’së sërish ka ngritur çështjen e vjedhjes së provave në Dhomën e Dëshmive në Policinë e Kosovës.

“AAK konstaton me keqardhje se të gjitha paralajmërimet tona rreth rastit të vjedhjes së rëndë në Polici kanë dalë të jenë të vërteta. Qeveria e Kosovës nuk është e interesuar të zbardh rastin. Qeveria e
Kosovës dëshiron të heshtë rastin dhe të manipulojë opinionin”, ka thënë Ramadani.
Gazeta expres

Themeluesit e Kllokotit

Përfaqësuesi Civil Ndërkombëtar, Pieter Feith, ka emëruar nëntë serbë dhe vetëm një shqiptar në ekipin që do ta themelojë Komunën e Kllokotit. Ky ekip ka për detyrë të merret me të gjitha përgatitjet e nevojshme rreth sigurimit të burimeve, pasurisë dhe strukturës administrative që duhen për ta themeluar këtë komunë të re

Një ekip prej nëntë serbëve dhe një shqiptari do të fillojnë punën gjatë ditëve të ardhshme për ta përgatitur Kllokotin që të hyjë në listën e komunave të Kosovës.

Ndonëse është zyrtarizuar para disa ditëve, ekipi nuk ka filluar ende takimet pasi që pritet të bëhet kompletimi i tij me përfaqësues nga institucionet tjera të përfshira në procesin e decentralizimit.

Svetlana Stefanovic, Slavisa Marinkovic, Refik Halili, Zoran Bogdanovic, Dragisa Kojic, Bozidar Dejanovic, Divna Bojic, Goran Marinkovic, Momcilo Stojkovic dhe Ljubomir Przic janë personat e emëruar nga Shefi i Zyrës Civile Ndërkombëtare gjatë kësaj jave, listën e të cilëve e ka siguruar gazeta përmes burimeve të saj.

Ekipi Përgatitor Komunal ka për detyrë të merret me të gjitha përgatitjet e nevojshme rreth sigurimit të burimeve, pasurisë dhe strukturës administrative që duhen për ta themeluar dhe vënë në funksion komunën e re të Kllokotit-Vërbovcit.

I kontaktuar nga gazeta, anëtari i vetëm shqiptar i ekipit përgatitor, Refik Halili, nuk ka dashur të japë asnjë koment me arsyetimin se nuk i lejohet një gjë e tillë.

“Nuk jap informata se nuk kam të drejtë të jap informata. Këtë mund ta bëjë vetëm Ministria”, thotë Halili.

Ai thotë se ekipi ende nuk e ka mbajtur mbledhjen inauguruese, pasi është emëruar vetëm tri ditë më parë.

Në Ministrinë e Administrimit të Pushtetit Lokal thonë se nuk ka qenë i paracaktuar ndonjë kriter etnik për përbërjen e ekipit përgatitor të Kllokotit dhe ekipeve të komunave tjera të reja që pritet të themelohen.

“Nuk ka qenë kriter përkatësia etnike. Të gjithë kanë pasur të drejtë të konkurrojnë dhe konkursi ka qenë i hapur për dy muaj rresht”, thotë Lumnije Demi, Zëdhënëse në MAPL.
Sipas saj, dy aplikantë shqiptarë janë tërhequr nga gara gjatë kohës sa konkursi ka qenë në procedurë.

Pakoja e Ahtisaarit për zgjidhjen e statusit të Kosovës parashikon themelimin e pesë komunave të reja në të cilat komuniteti serb do të përbënte shumicën. Sipas kësaj pakoje, statusin e komunave do ta përfitojnë Graçanica, Kllokoti-Vërboci, Parteshi, Ranillugu dhe Mitrovica Veriore, ndërsa komuna ekzistuese e Novobërda parashihet të zgjerohet me disa zona kadastrale.

Të emëruarve të Feith për ekipin përgatitor të Kllokotit do t’u bashkëngjiten edhe nga një përfaqësues i Ministrisë së Administrimit të Pushtetit Lokal, një përfaqësues nga komuna “amë” (Vitisë) dhe një nga Zyra Civile Ndërkombëtare.

Brenda komunës së re të Kllokotit do të hyjnë edhe zonat kadastrale Gërnçar, Letnicë, Mogillë, Shashare, Vërbovc, Vërnez e Vërnakollë që aktualisht bëjnë pjesë në komunën e Vitisë.
Gazeta expres

[Llapjani_HH]

Në zonën e territ

Që nga e marta, komuna e Shtërpcës është në terr të plotë. Katër OJQ të komunitetit shqiptar kanë protestuar për këtë. Kthimi i dritës në këto anë varet nga ndërkombëtarët

“Po bimë dhe po zgjohemi me pulat. Mbrëmë kam rënë në ora 21 dhe jam zgjuar në ora 06”, tregonte aktivistja e OJQ “Sharri”, Florie Rrustemi, absolvente e Fakultetit Ekonomik, e cila kalimtarëve u dhuronte nga një qiri dhe nga një udhëzues për kalimin nëpër zonën e territ. Dielli përcëllues nuk i pengonte aktivistët e katër OJQ-ve në aktivitetin e tyre kundër territ. “Nuk po na pengon dielli, përkundrazi po na ndihmon, sepse po na jep dritë. Mirë që këtë nuk mund të na e ndalin”, shprehej aktivisti i OJQ “Paqja”, Jonuz Ahmeti, tek ndalte të gjitha automjetet që ishin nisur të shkonin për vikend në zonën turistike të Brezovicës.

Rrjeti i OJQ-ve, i përbërë nga OJQ-të “Sharri”, “Paqja”, “Lisi” dhe “Tradita”, të shtunën kanë organizuar një aktivitet në shenjë proteste kundër mungesës totale të rrymës, kundër mungesës totale të mjeteve të informimit, kundër territ politik të shkaktuar nga strukturat paralele të Shtërpcës dhe kundër territ ekologjik, përkatësisht degradimit të tmerrshëm të kësaj ane turistike më të rëndësishme të Kosovës.

Që nga fshati Doganaj i komunës së Kaçanikut dhe deri në hyrje të komunës së Shtërpcës, aktivistët joqeveritarë kanë vendosur pankarta me mbishkrimin: “Bëni kujdes! Ju po hyni në një zonë ku ka shumë errësirë! Vozitni ngadalë!” Te vendi i quajtur “Ura e Haxhisë”, në fshatin Brod të komunës së Shtërpcës, aktivistët joqeveritarë kanë ndalur automjetet në prani edhe të policisë së Kosovës. Qytetarët nga anë të ndryshme të Kosovës, që kanë kaluar nëpër këtë rrugë për në zonën turistike, kanë përkrahur këtë aktivitet të joqeveritarëve dhe madje e kanë përshëndetur. Një aktivitet të tillë e ka përkrahur edhe serbi Sasha Stankoviq, nga Shtërpca, i cili është ndalur para aktivistëve joqeveritarë dhe policisë së Kosovës me veturën e tij, e cila mbante tabela të kohës së paraluftës, përkatësisht aso me shenjën UR.

Ai për “Express” ka thënë: “Kanë të drejtë. Nuk jetohet pa rrymë. Politika i ka fajet për të gjitha, ndërsa po e pësojmë ne qytetarët e thjeshtë”.
Rasim Arifi, një banor i fshatit Brod, shprehej shumë i mllefosur: “Krejt çka kemi pasë napër frigorifera, i kemi gjujtë. As ushqimin për fëmijë nuk kemi ku me e rujtë”.
Ai akuzonte organet më të larta të qeverisë së Kosovës. “Po ju tham me sigurinë ma të madhe se kur qeveritarët vijnë në Brezovicë, rryma lëshohet vetëm për ta të shtunën dhe të dillën. Shkoni tash kçyrni si kanë rrymë nëpër vikendica. Kjo asht turp”, shprehej Arifi.

Në emër të rrjetit të OJQ-ve për “Express” ka folur Avni Limani. Ai ka thënë se për dy javë kanë pasur rrymë të ashtuquajtur humanitare, përkatësisht kanë shfrytëzuar rrymën që u ka falur KEK-u nga ora 24 deri në orën 06. “Që na e marta, jemi në terr të plotë. Kemi kërkuar nga KEK-u që të na e bëjnë një lidhje nga fshati Sllatinë e Lepencit, i komunës së Kaçanikut, por nuk e kanë bërë një gjë të tillë. Në këtë mënyrë do të shkëputeshim nga Shtërpci, ku institucionet e KEK-ut i kontrollojnë strukturat paralele serbe”, shprehej Limani, i cili nuk e kishte të qartë si mund të barazoheshin shqiptarët që paguajnë rrymë me serbët e komunës së Shtërpcës, të cilët që nga koha e pasluftës nuk kanë paguar asnjë cent.

“Në këtë muajin e fundit është rritur pagesa deri në shkallën 80 për qind nga komuniteti shqiptar”, thoshte Avni Limani. Megjithatë, menaxheri i distriktit të KEK-ut në Ferizaj, Izet Rushiti i demantonte këto. “Pagesa e rrymës nga komuniteti shqiptar i komunës së Shtërpcës gjithnjë është sjellë rreth 10 për qind. Këtë muaj, pas shkyçjes kanë paguar më shumë, por nuk e di sa ka mundur të rritet përqindja”, thoshte menaxheri Rushiti. Për kërkesën e banorëve që të lidheshin në rrymë nëpërmjet komunës së Kaçanikut, Rushiti arsyetonte: “Terreni andej është i vështirë dhe largpërçuesi do të na kushtonte shumë. Ne kemi në plan që një lidhje ta bëjmë nga fshati Gaçkë i komunës së Ferizajt”.

Menaxheri Rushiti nuk ishte në gjendje të na thoshte se si do të zgjidhet problemi i rrymës për këtë komunë, të banuar me shumicë serbe, por burime të informuara mirë thoshin se kjo gjë do të varet nga ndërkombëtarët, të cilët po negociojnë me strukturat serbe të Shtërpcës për të arritur një marrëveshje.
Gazeta expres

Nuk ka tërheqje të xhandarmerisë nga jugu i Serbisë, thotë ministri Daçiq


Liderët lokal të Preshevës dhe Bujanocit kanë shfaqur kundërshtinë e tyre ndaj veprimeve të xhandarmërisë dhe forcave speciale serbe, gjatë bastisjeve në familjet shqiptare, me ç’rast është përdorur forcë e tepruar ndaj anëtarëve të familjeve të bastisura. Ata i kanë shprehur këto shqetësime nëpërmjet një letre drejtuar Qeverisë së Serbisë, ambasadave perëndimore në Beograd dhe OSBE-së. Ndërkohë ministri Daçiq tha se nuk do ketë tërheqje të xhandarmerisë nga rajoni i Luginës së Preshevës.

Përkundër reagimit dhe shqetësimeve të shprehura të liderëve lokal të Preshevës e Bujanocit, Shaip Kamberi dhe Jonuz Musliu, të cilët kanë vënë në pah se incidentet e fundit dëshmojnë se në këtë hapësirë sërish po manifestohet demonstrim i dhunës policore dhe injorim i pushtetit lokal, ministri serb i Punëve të Brendshme, Ivica Daçiq, ka deklaruar se nuk do të ketë tërheqje të forcave të xhandarmerisë nga ky rajon.

Ministri Daçiq ka ftuar të shtunën liderët e shqiptarëve të Luginës së Preshevës për bashkëpunim në mbrojtje të qetësisë dhe sigurisë. Ai ka porositur se tërheqja e xhandarmerisë nga ky rajon është e pamundur përderisa “ekziston rreziku nga sulmet terroriste”.

Këtë komente të ministrit Daçiq vijnë pas kërkesave paraprake të këshilltarëve dhe udhëheqësve komunal për demilitarizimin e këtij rajoni dhe përcaktimin e përgjegjësisë së Qeverisë serbe dhe Daçiqit “për shkak të tejkalimit të autorizimeve me rastin e arrestimeve të fundit në Preshevë.
RTK

[Llapjani_HH]

Kthimi i gjykatësve në veri me pëlqim të Beogradit

Funksionalizimi i doganave dhe kthimi i gjyqtarëve vendës në veri nuk mund të bëhet pa marrëveshje me Beogradin.

EULEX-i ka paralajmëruar kthimin e gjykatësve në veri. Por, zyrtarë të këtij misioni thanë se para kësaj, duhet marrëveshje me Beogradin, për të cilën lënë të kuptohet se është në proces e sipër.

Kjo është pohuar nga zëdhënësi i EULEX-it, Kristof Lamfalusi, i cili tha se bisedimet për çështje teknike të stafit të EULEX-it me zyrtarë të Beogradit po vazhdojnë që nga muaji mars. Bashkëpunimi me Beogradin, sipas tij, është i pashmangshëm.

"Pra, kemi njerëz nga të gjithë komponentët, që shkojnë në Beograd për të diskutuar çështjet teknike, për të cilat duam të marrim pajtimin e Beogradit dhe Kosovës", tha Lamfalusi.

Doganat në veri ende nuk funksionojnë tërësisht, sikurse që nuk funksionon tërësisht as Gjykata Komunale dhe ajo e Qarkut. Lamfalusi thotë se po punohet për normalizim të gjendjes.

Kryetari i Gjykatës së Qarkut, Kapllan Baruti, i tha Radios Evropa e Lirë se nuk është në dijeni për ndonjë lëvizje për kthimin e stafit në objektin e gjykatës në veri.

Që nga trazirat e marsit të vitit të kaluar, kur pati mbetur i vdekur një polic ukrainas, stafi vendor i gjykatave nuk ka mundur të kthehet në vendet e tyre të punës. Sipas Barutit, aktualisht në Gjykatën e Qarkut në veri punojnë vetëm 3 gjyqtarë të misionit evropian për sundimin e ligjit.

Situatë jo e mirë mbretëron edhe në fushën e doganave. Malli që hyn nga Serbia në Kosovë nuk zhdoganohet në pikat doganore 1 dhe 31, por vetëm regjistrohet. Edhe kjo punë po përcillet me protesta të vazhdueshme të serbëve, të cilët herë pas here bllokojnë rrugët afër këtyre pikave doganore.

Veprimet e tilla shihen si përpjekje për të mos lejuar vendosjen e sundimit të ligjit në veri.

Kreu i Këshillit Kombëtar Serb për veriun e Mitrovicës, Nebojsha Joviq, thotë se EULEX-i nuk e ka kryer atë që është detyrë e tij. Por, ai mendon se prania e tij është e domosdoshme.

Por, kritika për punën e EULEX-it nuk vijnë vetëm nga serbët. Analisti për çështje politike nga Instituti KIPRED, Ilir Deda, mendon se misioni evropian nuk ka bërë sa duhet për të kthyer gjendjen në normalitet.

Me këtë nuk pajtohet zëdhënësi i misionit evropian, Kristof Lamfalusi.

"Nuk është e vërtetë, nuk mund t'i bindni serbët në Mitrovicë me forcë, duhet t'u sillni atyre argumente, duhet t'u dëshmoni se është në interes të tyre bashkëpunimi me EULEX-in dhe me Kosovën. Ne jemi në proces të bindjes së tyre", theksoi Lamfalusi.

EULEX-i ka zbarkuar në Kosovë në dhjetorin e vitit të kaluar. Në muajin prill ka deklaruar se është bërë plotësisht operativ.

Sidoqoftë, fushat, të cilat është i mandatuar t'i mbikëqyrë ky mision - drejtësia, policia e doganat - sipas analistëve, lënë shumë për të dëshiruar, sidomos në pjesën veriore të Kosovës./REL/
Mesazhi.com

EULEX për bisedimet me Beogradin

Udhëheqës të misionit evropian për drejtësi dhe polici, EULEX, thonë se po bëjnë përpjekje për të arritur marrëveshje me Beogradin zyrtar rreth çështjeve të interesit të përbashkët, përfshirë policinë, doganat dhe drejtësinë.

Sipas tyre, marrëveshjet kanë të bëjnë me shkëmbimin e informatave ndërmjet Kosovës dhe Serbisë, për një numër çështjesh.

Një zëdhënës i EULEX-it, Christophe Lamfalussy, i tha BBC-së se autoritetet në Prishtinë janë të njoftuara me përpjekjet për arritjen e marrëveshjeve me Beogradin dhe nuk e mohoi faktin se misioni evropian po luan një rol të ndërmjetësit mes dy palëve.

Arber Vllahiu bisedoi me Lamfalussy dhe fillimisht i kërkoi më shumë hollësi për bisedimet me Beogradin.

Ch. Lamfalussy: Është vazhdimësi e një marrëveshjeje teknike që duam ta arrijmë me Beogradin. Siç e dini, shefi i misionit ka qëndruar në Beograd në muajin mars dhe kjo e nisi diskutimin teknik mbi atë se çfarë mund të arrijmë midis Kosovës, EULEX-it dhe Serbisë. Ne kemi një nivel të ngjashëm të bashkëpunimit me Tiranën, Shkupin dhe Podgoricën. Ajo që ne po provojmë të arrijmë janë marrëveshjet specifike në fushën e drejtësisë, doganave dhe policisë, kryesisht në shkëmbimin e informatave. Por duhet të bëhet një dalllim mes doganave dhe kontrollit kufitar: Kosova është një njësi doganore, ajo pra është një territor doganor që përfshinë kontrollin e mallërave dhe gjërave të ngjashme. Kontrolli kufitar është diçka tjetër dhe ka të bëjë më shumë me policinë dhe ajo që ne duam të arrijmë në këtë nivel është që të shkëmbejmë informatat mes EULEX-it dhe policisë serbe, që do të ndaheshin me policinë e Kosovës, natyrisht, sepse ne duhet të dijmë çdo gjë që ndodh në njërën anë të kufirit dhe çfarë duhet të bëhet.

BBC: Zoti Lamfalussy, kur thoni marrëveshje specifike mes Prishtinës, Beogradit e EULEX-it çfarë më konkretisht mendoni?

Ch. Lamfalussy: Kryesisht ka të bëjë në shkëmbimin e informatave. Nëse, për shembull, ndodh ndonjë sulm ose plaçkitje e ndonjë banke në Serbinë Jugore dhe ata akuzohen se kanë ikur në territorin e Kosovës, atëherë ka nevojë për një menaxhim të kufijve dhe ka nevojë për një shkëmbim të informatave mes policisë së Kosovës dhe asaj të Serbisë. Kjo është ajo që ne duam ta arrijmë.

BBC: Mund ta quajmë këtë si një lloj ndërmjetësimi mes Prishtinës dhe Beogradit?

Ch. Lamfalussy: Nëse doni. Prishtina dhe ministrat e saj janë të njoftuar mirë me atë se çfarë po bëjmë dhe ka patur takime ditëve të fundit mes zëvendësshefit të EULEX-it, zotit Roy Reeve, me zëvendëskryeministrin Kuçi, dhe gjithashtu ka edhe njoftime në nivele më teknike prandaj ajo që ne po provojmë të arrijmë është një marrëveshje me Beogradin në nivelin e njëjtë, siç e kemi arritur dhe po provojmë të arrijmë me Shkupin, Tiranën dhhe Podgoricën.

BBC: Mund të më thoni nëse këtu përfshihet edhe një takim i përbashkët dhe nënshkrim i marrëveshjes mes Prishtinës dhe Beogradit?

Ch. Lamfalussy: Me shpresë, sepse ky do të ishte një lajm i mirë, por është ende heret të thuhet. Ajo që ne tani po provojmë të bëjmë është të arrijmë një marrëveshje dhe ajo ende nuk është bërë. Prandaj ne ende po bisedojmë dhe shpresojmë se së shpejti do të arrijmë një marrëveshje. Atëherë do të kemi mundësi të themi më shumë.

BBC: Kur flasim për doganat, ju keni ende shumë probleme në veri të Kosovës. Çfarë keni bërë deri tani rreth kësaj çështjeje?

Ch. Lamfalussy: Që nga fillimi i këtij viti ne kemi lëvizur hap pas hapi. Tani ne po i kontrollojmë dokumentet e ngasësve të kamionëve dhe gjithashtu të automjeteve të tjera. Tani kemi një kontroll të hyrjes dhe daljes së mallërave në Kosovë. Është në interes të Beogradit që të kemi një lloj të tillë të marrëveshjes. Është me rëndësi të thuhet se ne nuk mbledhim taksat dhe gjithmonë e kemi thënë se kjo është një çështje politike që duhet të zgjidhet në një nivel të tillë.

BBC: Dhe, ndërkohë, keni parë ndonjë lloj relaksimi nga ana e Beogradit në marrëdhëniet me EULEX-in, posaçërisht pas propozimit për liberalizim të vizave me BE-në?

Ch. Lamfalussy: Do të thosha se kemi parë ndryshime në Beograd në muajin e fundit. Ata tani kanë vullnet të punojnë rreth çështjeve që janë të interesit të përbashkët. Prandaj kjo është e rëndësishme se nëse keni interesa të përbahskëta atëherë mund të ecet përpara dhe të arrihet një marrëveshje.
Gazeta expres

[Llapjani_HH]

Aleatët besnikë

Pos Kosovës, komentet e tyre në Gjykatën Ndërkombëtare të Drejtësisë i kanë dorëzuar edhe SHBA, Britania, Gjermania, Norvegjia, Sllovenia, Shqipëria, e ndoshta edhe Holanda. Mund të ketë edhe shtete tjera. Varësisht nga vendimi i GJND’së rreth pavarësisë së Kosovës, analistë dhe politikanë serbë parashohin skenarë të ndryshëm. Nëse vendimi do të ishte në favor të Serbisë, ata konsiderojnë se mund të shqyrtohet opsioni i ndarjes së Kosovës si dhe shkëmbimi i veriut me Luginën e Preshevës.

Gjykata Ndërkombëtare e Drejtësisë (GJND) ende nuk ka njoftuar se cilat shtete kanë deponuar komente lidhur me ligjshmërinë e pavarësisë së Kosovës, të premten e kaluar, por sipas burimeve të gazetës Express, në favor të vendit tonë kësaj here janë rreshtuar së paku gjashtë shtete.

“Përveç Kosovës, është e sigurt se komentet e tyre i kanë dorëzuar edhe Shtetet e Bashkuara të Amerikës, Mbretëria e Bashkuar, Gjermania, Norvegjia, Sllovenia, Shqipëria, e ndoshta edhe Holanda”, ka thënë për gazetën një zyrtar ndërkombëtar në Prishtinë.

Ai beson se ka edhe shtete tjera aleate të Kosovës që mund të kenë dërguar komente në Gjykatë, por këtë nuk ka mundur ta konfirmojë gjatë vikendit.
Njoftimin zyrtar për këtë do ta jap Gjykata, gjatë kësaj jave.

Burimi i gazetës thotë se “disa shtete kanë konsideruar se nuk është gjithaq e nevojshme të deponojnë edhe komente sepse në deklaratat e para të deponuara më 17 prill, i kanë dhënë të gjitha argumentet”.

“Në komentet me shkrim shtetet kryesisht kundërshtojnë burimet, keqcitimet ose citimet selektive të dokumenteve dhe raporteve që kanë të bëjnë me çështjen e Kosovës”, ka thënë ai.

Zyrtari nuk ishte i informuar se cilat shtete përveç Rusisë mund të ketë dorëzuar komente në favor të qëndrimit të Beogradit.

Në raundin e parë të procesit në Hagë, në favor të pavarësisë së Kosovës janë rreshtuar 21 shtete, përkatësisht tetë më shumë se për Serbinë, e cila ka arritur të fitojë përkrahjen e 13 shteteve.

Të premten e kaluar është mbyllur një pjesë e “betejës ligjore” përmes dorëzimit të deklaratave dhe komenteve me shkrim.

Tani është në radhë një pjesë e rëndësishme e procesit në GJND - seancat dëgjimore - ku kanë drejtë të marrin pjesë të gjitha shtetet anëtare të OKB’së, pavarësisht a kanë deponuar deklarata dhe komente me shkrim.

Sipas procedurës së përcaktuar nga Gjykata e Drejtësisë, çdo qeveri e interesuar për seanca dëgjimore në rastin e Kosovës duhet të aplikojë më së largu deri më 15 shtator.

Kosova tashmë ka dërguar zyrtarisht kërkesën që t’i mundësohet pjesëmarrja edhe në këtë fazë të procesit.

Deri më 1 dhjetor, kur pritet të mbahet seanca e parë dëgjimore, gjykatësit e Hagës duhet të vendosin për kohëzgjatjen e paraqitjes së secilës palë. Zakonisht, secilës palë i mundësohet të flasë prej 30 deri në 45 minuta.

Po ashtu, një element i rëndësishëm është radha e paraqitjes së shteteve në seancën dëgjimore. Gjykatës i mbetet të vendosë nëse renditjen do ta bëjë sipas alfabetit anglez apo frëng ose të përcaktohet që fillimisht argumentet me gojë t’i paraqesin dy palët kryesore - Kosova dhe Serbia.

Përveç avokatëve ose përfaqësuesve ligjor që shtetet i kanë autorizuar për të argumentuar qëndrimin e tyre, Gjykata Ndërkombëtare e Drejtësisë kërkon që në seanca dëgjimore të flasin edhe anëtarë të qeverive përkatëse.

Institucionet kosovare i kanë dhënë besimin juristit britanik Michael Wood, por pritet të flasë edhe Ministri i Jashtëm Skënder Hyseni, duke marrë parasysh se Ministria e Jashtme e Kosovës është autorizuar nga krerët politikë të Kosovës që të merret me Gjykatën e Drejtësisë.

Në një prononcim për Express, para disa javësh, ministri Hyseni ka thënë se Kosova prinë ndaj Serbisë në procesin rreth pavarësisë së Kosovës.

“Argumentet në favor të pavarësisë janë më të shumta dhe më të fuqishme. Ato kundër pavarësisë së Kosovës janë kryesisht deklarime të skajshme politike, por nuk kanë ndonjë përmbajtje vërtet argumentuese”.

Ndryshe, në prill të këtij viti deklarata me shkrim në favor të Kosovës kanë deponuar: Shtetet e Bashkuara të Amerikës, Britania e Madhe, Franca, Gjermania, Japonia, Çekia, Zvicra, Shqipëria, Austria, Finlanda, Polonia, Luksemburgu, Estonia, Norvegjia, Holanda, Sllovenia, Letonia, Irlanda, Danimarka, Maldivet dhe Sierra Leone.

Ndërkaq, përkrah Serbisë janë rreshtuar Rusia, Kina, Qipro, Rumania, Egjipti, Sllovakia, Libia, Spanja, Irani, Brazili, Argjentina, Azerbajxhani dhe Bolivia. Më vonë, me një deklaratë Serbisë i është bashkuar edhe Venezuela, por ajo s’ka pasur të drejtë të deponojë komente më 17 korrik.

Nga gjithsej pesëmbëdhjetë gjykatës të GJND’së, tetë prej tyre janë nga shtetet që kanë njohur pavarësinë e Kosovës.
Gazeta expres

[Llapjani_HH]

Skenarët serbë pas GJND’së

Varësisht nga vendimi i Gjykatës së Drejtësisë rreth pavarësisë së Kosovës, analistë dhe politikanë serbë parashohin skenarë të ndryshëm. Nëse vendimi do të ishte në favor të Serbisë ata konsiderojnë se mund të shqyrtohet opsioni i ndarjes së Kosovës si dhe shkëmbimi i veriut me Luginën e Preshevës.

A ka Serbia tashmë përgjigje të gatshme për cilindo vendim të Gjykatës Ndërkombëtare të Drejtësisë rreth ligjshmërisë së pavarësisë së Kosovës? Do të ishte e logjikshme që t’i ketë, por edhe të mos jetë në gjendje t’i publikojë ato sepse në marrëdhëniet ndërkombëtare nuk luhet me letra të hapura, ka shkruar të dielën e përditshmja serbe “Politika”.

Jozyrtarisht, Beogradi pret që vendimi të jetë mes zeros dhe njëshit, ku zero është treguesi për qëndrim neutral të gjykatës, ndërkaq njëshi përputhja e qëndrimit të Gjykatës me pozicionin e Serbisë.

E hapur do të jetë vetëm beteja që para vendimit të Gjykatës në terren të arrihet pozicion sa më i mirë, që do të thotë se shqiptarët dhe aleatët e tyre do të provojnë të vënë nën kontroll të plotë pjesën veriore të Kosovës, kurse pala serbe do të provojë që së paku të mbajë gjendjen e pandryshueshme në veri të Mitrovicës dhe rrethinë. Është e rëndësishme se çfarë do të ndodhë edhe në Preshevë dhe Bujanoc.

Një gjë është e qartë, çfarëdo vendimi të Gjykatës, meqenëse nuk është obligues, çështjen e Kosovës do ta bartë nga fusha ligjore në fushën politike, ose më saktë në sferën e interesit të shteteve më të fuqishme dhe matjen e fuqive të tyre në mënyrë të pandërprerë.

Çfarë do të duhej të bëjë Serbia nëse vendimi do të jetë neutral? Në këtë rast të dyja palët dhe forcat e tyre aleate, do të bënin përpjekje që vendimin ta interpretojmë në favor të tyre. Është e qartë se në këtë rast do të rritej presioni mbi Serbinë që ta njoh pavarësinë e Kosovës.

Dusan Janjic, kryetar i “Klubit 21” thotë se procesi rreth Kosovës po ecën shumë shpejt.

“Mund të pritet që vendimi të jetë neutral, që Kosovës t’i njihet e drejta për vetëvendosje, kurse neve të na shkelet integriteti territorial. Por, para vendimit, duhet të forcohet Ministria për Kosovën dhe elita në palën serbe. Duhet të keni negociator, përndryshe me këtë çështje do të merremi edhe nja dhjetë vjet”.

Edhe Slobodan Samardzic, nënkryetar i Partisë Demokratike të Vojislav Kostunices, thotë se “vështirë se Gjykata do të jetë e qartë në vendimin e saj”. Sipas tij, vendimi mund të jetë i sofistikuar dhe rrëfim i mjegullt.

“Nëse mendimi i Gjykatës nuk do të jetë i qartë do të jetë e rëndësishme kush çka kontrollon në terren (Kosovë). Ne vitin e kaluar kemi mbajtur zgjedhje komunale në 24 komuna të Kosovës. Edhe nëse merr mendim pozitiv, Serbia ka gabuar që të gjitha kartat i ka bartur në fushën diplomatike. Serbia është dashur të mbajë institucionet e veta në Kosovë, veçanërisht vetëqeverisjen lokale, sepse kjo respektohet në marrëdhëniet ndërkombëtare. Në këtë mënyrë kemi humbur hapin”, ka thënë Samardzic.

Në rast se vendimi do të jetë në favor të Prishtinës, thotë ai, dhe meqenëse se nuk është obligues, Serbia nuk detyrohet ta njoh pavarësinë e Kosovës. “Por, mendoj se kjo nuk do të ndodh. Ajo që ndodh në terren është çështje ligjore. Dhe gjithsesi duhet vazhduar luftën për Kosovën”, ka thënë Samardzic.

Ndërkaq, Janjic vlerëson se vendimi nuk do të jetë në favor të Prishtinës, por edhe në këtë situatë, nëse pasojnë bisedimet për ndarje të shqiptarëve, kjo ju shkon për shtati atyre sepse do të thotë se i njihni si palë tjetër.

Në rast se vendimi është më afër qëndrimeve të Serbisë, i tërë rrëfimi mund të kthehet në skenarin “më shumë se autonomi, më pak se shtet”, ose në bisedime për ndarje të Kosovës. Skenari i parë do të nënkuptonte pak a shumë ruajtja e gjendjes aktuale në Kosovë, me sistem të veçantë për serbët si dhe eliminim të plotë të mundësisë që Prishtina të jetë e përfaqësuar në OKB duke anashkaluar Beogradin.

Skenari i dytë i ndarjes me përcaktim të ekstra-territoreve të posaçme për manastire dhe vendbanime etnike serbe është diçka që dikush gjithsesi do të mund ta propozonte pas vendimit në Gjykatës në favor të Serbisë.

Janjic konsideron se vendimi do të merret në favor të Serbisë: “Janë të mundshëm edhe kufijtë e rinj, përkatësisht ndarja e Kosovës me pëlqim të të gjitha palëve të interesuara - Prishtinës, Beogradit, Grupit të Kontaktit, Amerikës.
Është i mundshëm që Leposaviqi të shkëmbehet me Preshevën dhe Bujanocin. Beogradi do të merrte territor më pak të rëndësishëm në aspektin ekonomik, por mendoj se kjo do të ishte më e rëndësishme për të sesa Presheva”.

Ai konsideron se Serbia duhet të hyjë në negociata me Bashkimin Europian dhe të nxjerr maksimumin e pasurisë së Kosovës, por megjithatë nuk ka mundësi të kthejë Trepçën. “Nëse Kosova merr një lloj autonomie dhe dhjetë vjet mund të flitet për këtë sepse tani jemi të dobët”.

Samardzic konsideron se “situata në Kosovë duhet të mbahet e nxehtë”. Sipas tij, në Kosovë është i rëndësishëm çdo vendbanim dhe për këtë arsye tani nuk është dashur të ndërrohet udhëheqja nëpër komuna as të politizohet vetëqeverisja lokale. “Aksioni diplomatik është i rëndësishëm, por beteja fitohet në terren”, ka thënë ai.
Gazeta expres

[Dani11]

Gripi i derrit arrin në Shqipëri
Konfirmohet rasti i parë i një të prekuri me gripin e derrit A/H1N1.
E hënë, 20 Korrik 2009 23:35


Eshte regjistruar rasti i pare i prekjes se njeriut nga gripi i derrit ne vendin tone. Behet fjale per nje student nga qyteti i Gjirokastres, i cili dy jave me pare u cilesua si rast i dyshuar.

Por analizat e kryera ne laboratoret e Rumanise, rezultatet e te cilave mberriten sot ne Shqiperi, treguan se i riu eshte prekur nga gripi i derrit, A/H1N1.

Infektimi i tij nga ky virus eshte konfirmuar nga Ministria e Shendetesise. /tch/

[Llapjani_HH]

EULEX hedh poshtë deklarimet e Beogradit se nuk ka nisma për bisedime me Prishtinën

EULEX-si hedh poshtë deklarimet e Beogradit se nuk ka nisma për bisedime me Prishtinën. Shefi i zyrës për informim Kristofer Laumfulsi tha sot se mund të thuhet se bisedimet teknike kanë filluar që në muajin mars, me vizitën e shefit të EULEX-it Iv De kermabo në Beograd. Beogradi ka përgënjeshtruar se EULEX-i po bën përpjekje për të caktuar bisedime me Prishtinën.

Beogradi përgënjeshtron EULEX-in për bisedime me Prishtinën. Zyrtarët serbë thonë se ndërmjet Beogradit dhe Prishtinës nuk ka kurrfarë bisedimesh për kthimin e gjykatësve dhe prokurorëve serbë në gjykatat e Kosovës dhe paraprakisht kërkohet që të përmbushen disa parakushte para se të nisin bisedimet rreth kësaj çështjeje.
Mirëpo, Kristofer Laumfulsi shef i Zyrës për shtyp dhe informim tha sot për Radio Kosovën se mund të thuhet se bisedimet për çështje teknike, kanë filluar që në muajin mars, me vizitën e shefit të misionit Iv de Kermabo.
“Po ne kemi bisedime që nga marsi, kur shefi i EULEX-it, Iv De Kermabo, ka shkuar ne Beograd. Ajo ka qenë një nisje e një numri të bisedimeve për çështje teknike ne nivel të komponentëve te cilat janë, doganat, drejtësia dhe policia . Ne jemi në fazë të vazhdimit të këtyre bisedimeve, në çështje të ndryshme dhe ne do të dëshironim të nënshkruanim tri protokole për doganat, drejtësi dhe polici me Beogradin", tha Laumfulsi.Zyrtarë të EULEX-it ka thënë se paraprakisht i kanë njoftuar edhe autoritet e Prishtinës për këto kontakte me Beogradin.
Ndërkaq, Sllobodan Homen, sekretar i shtetit në Ministrinë serbe të Drejtësisë, ka përgënjeshtruar këto bisedime duke thënë se para fillimit të bisedimeve Beogradi kërkon nga EULEX-i që të japë përgjigje në disa çështje thelbësore. "Para së gjithash, cilat dispozita do të zbatohen në gjykata, ato që vlejnë në Serbi, të UNMIK-ut, ato të cilat janë aplikuara deri në vitin 1999 apo eventualisht dispozitat e qeverisë së Kosovës, gjë që për ne është plotësisht e papranueshme", ka thënë Homen. Zyrtarë të EULEX-it kanë pranuar se funksionalizimi i plotë i doganave dhe kthimi i gjyqtarëve vendës në veri nuk mund të bëhet pa marrëveshje me Beogradin.
RTK

Smrekonicë: Dy serbë të alkoolizuar sulmuan fizikisht patrullën e trafikut rajonal të policisë

Dy serbë, njëri 55 dhe tjetri 29 vjeçar, janë arrestuar dhe shoqëruar në stacionin policor në Vushtrri, për mospërfillje të urdhrave, sulm fizik dhe shkaktim të lëndimeve trupore, ndaj pjesëtarëve të policisë, të cilët ishin në kryerje të detyrës zyrtare. Pas aplikimit të alko-testit ka rezultuar se sulmuesit ishin të alkoolizuar.

Sipas zëdhënësit të policisë, Besim Hotit, ngjarja ka ndodhur dje 9e hënë) rreth orës 16:45min, në rrugën magjistrale Mitrovicë - Prishtinë, në fshatin Smrekonicë, të Mitrovicës. Zyrtarët policorë të njësisë së trafikut rajonal të Mitrovicës, gjatë kontrollit të rregullt të trafikut, në fshatin Kçiq, kanë tentuar ta ndalojnë një “Ford Escort” me targa Pr, por ngasësi nuk i ka përfillur urdhrat e policisë.
Zyrtarët policor e kanë ndjekur e automjetin dhe kanë arritur, pa incidente ta ndalojnë në fshatin Smrekonicë. Në automjet, përveç ngasësit 55 vjeçar, ishte dhe një udhëtar tjetër 29 vjeçar, që të dy pa asnjë dokument identifikimi, me ç’rast 55 vjeçari i dyshuar, ka demonstruar agresivitet ndaj zyrtarëve policorë, fillimisht duke goditur me grushte automjetin zyrtar dhe më pas duke iu vërsulur fizikisht edhe zyrtarëve policor.

Me këtë rast njëri nga policët ka pësuar lëndime të lehta në duar.

Policia ka arritur me sukses ti vë nën kontroll të dyshuarit, të cilët kundërmonin alkool. Ata, janë dërguar në stacionin policor në Vushtrri, dhe pas aplikimit të testit të alkoolit, i njëjti ka rezultuar me mbi 1.74 promilë të prezencës së alkoolit.
Pas verifikimit të identitetit të personave në fjalë, 29 vjeçari, S. Stoshiq, me urdhër të prokurores komunale është liruar, ndërsa kundër të dyshuarit 55 vjeçar, B. Filiq, është caktuar ndalimi policor deri në përgatitje të
paraqitjes penale dhe dërgimit para gjykatës kompetente. /L. Voca/
RTK

“Vecernje Novosti”: Serbët mund të zhduken pas 500 vitesh http://www.kosova.de/forum/images/smilies/biggrin.gif

BEOGRAD - Serbët mund të zhduken pas 500 vjetëve, njoftoi gazeta “Veçernje Novosti”, duke cituar të dhëna nga Ministria e Punëve Sociale në Serbi. Një gjë e tillë mund të ndodhë për shkak të rënies së natalitetit nga 4,1 fëmijë për familje në 0,81.
Në vitin 2008, në Serbi kanë lindur 30. 000 fëmijë më pak. Sipas kësaj ministrie, nataliteti do të rritet në Kosovë dhe do të bjerë në Serbi. “Në vitin 2100, Serbia Qendrore do të ketë 2,1 milionë qytetarë, Vojvodina 800. 000, kurse Kosova do të ketë 4,4 milionë banorë. Do të jemi minoritet etnik në tokën tonë”, - tha ekspertja serbe e numrit të lindjeve, profesoresha nga Beogradi, Biljana Spasiç.
BalkanWeb

Nuk mund të ketë marrëveshje që cenon sistemin unik të drejtësisë

Qeveria e Kosovës thotë se ka pak informacione për bisedimet që po zhvillon EULEX-i me autoritetet e Beogradit. Një nga fushat e diskutimeve ndërmjet EULEX-it dhe Beogradit ka të bëjë me drejtësinë, sidomos me gjykatat në veri të Kosovës. Sidoqoftë, ministrja e Drejtësisë, Nekibe Kelmendi thotë se nuk beson që EULEX-i mund të lidhë ndonjë marrëveshje që cenon sistemin unik të drejtësisë.

“EULEX-i e ka një rol të caktuar këtu, ka një mision të caktuar dhe ai brenda misionit të tij përgjigjet vetë për veprimet e veta. Kurse ne, as si qeveri, as si presidencë e as si Kuvend i Kosovës, nuk pranojmë që të kemi sistem të ndarë gjyqësor”, deklaroi për Radion Evropa e Lirë ministrja Kelmendi.

Sidoqoftë, marrëveshjet teknike me Beogradin, sipas zyrtarëve të EULEX-it, janë në fazën përgatitore të diskutimeve. Këto marrëveshje thuhet se kanë për qëllim disa çështje të interesit të përbashkët.

Pas deklaratave të zyrtarëve të EULEX-it në Prishtinë se do të preferonin disa marrëveshje teknike me Beogradin, mediat serbe kanë cituar zyrtarët në Beograd, të cilët mohojnë çfarëdo marrëveshjeje me EULEX-in. Para së gjithash, Beogradi kërkon që për kthimin e gjykatësve serbë në punë, EULEX-i t’i kthejë në zbatim dispozitat ligjore të UNMIK-ut dhe jo dispozitat ligjore të Republikës së Kosovës.

Por, në anën tjetër, ministrja Nekibe Kelmendi nuk beson se në çfarëdo forme EULEX-i me këto diskutime do të pajtohej me Beogradin për këto gjykata paralele dhe ta rrezikojë kështu sistemin unik të drejtësisë, pasi që paralelizmat, sipas saj, kundërshtohen nga të gjitha institucionet e Kosovës. Telegrafi

EULEX-i nuk mund të përfaqësojë qëndrimet e Prishtinës

Autoritetet në Prishtinë thonë se Misioni i Bashkimit Evropian për Policinë dhe Drejtësinë mund të jetë vetëm lehtësues në bisedimet ndërmjet Kosovës dhe Serbisë.

Zyrtarët e EULEX-it kanë thënë se funksionalizimi i plotë i doganave dhe kthimi i gjyqtarëve vendës në veri nuk mund të bëhet pa marrëveshje me Beogradin.

Kjo është pohuar nga zëdhënësi i EULEX-it, Christophe Lamfalussy, i cili tha se bisedimet për çështje teknike të stafit të EULEX-it me zyrtarë të Beogradit po vazhdojnë që nga muaji mars. Bashkëpunimi me Beogradin, sipas tij, është i pashmangshëm.

“Është i domosdoshëm, është vazhdimësi e vizitës së Kermabonit në Beograd, më 19 mars. Që atëherë, ne kemi një bashkëpunim të vazhdueshëm teknik në tri fusha, për të cilat jemi të mandatuar - drejtësi, dogana dhe polici”, është shprehur Lamfaluss.

Ndërkohë, kanë reaguar autoritetet në Prishtinë. Sipas tyre, ky mision nuk mund të përfaqësojë qëndrimet e Prishtinës në bisedime me Beogradin. Telegrafi

Veteranët e Prishtinës reagojnë për arrestimin e Alban Asllanit

Degët e organizatave të dala nga lufta e Ushtrisë Çlirimtare të Kosovës në Prishtinë kanë reaguar për arrestimin e Alban Asllanit, djalit të dëshmorit Ismet Asllani, i cili është arrestuar para tri ditësh nga Policia e Kosovës.

Sipas degëve të këtyre organizatave, akuzat me të cilat është ngarkuar Albani janë të pabaza. Nëpërmjet një komunikate për media, ata kanë shprehur shqetësimin e tyre edhe për formën e arrestimit të Albanit që, sipas tyre, ka qenë brutale.

Tri degët: ajo e veteranëve, e invalidëve dhe e familjeve të dëshmorëve të UÇK-së, kërkojnë nga Qeveria e Kosovës dhe nga institucionet e tjera relevante që të hapet procedura hetimore për personat që kanë ushtruar dhunë ndaj invalidit të luftës së UÇK-së.

“Ne nuk jemi kundër drejtësisë ndaj cilitdo ish-luftëtar, por jemi kundër formave të trajtimit të tyre gjatë arrestimeve”, thuhet në reagimin e degëve të organizatave të dala nga lufta e UÇK-së në Prishtinë. /ktv/
Telegrafi

[Llapjani_HH]

Surroi kërkon më shumë iniciativë

Publicisti kosovar, Veton Surroi, paralajmëron se izolimi i Kosovës do të thellohet më shumë, ndërsa vendi ka mbetur jashtë projekteve të BE-së për liberalizimin e vizave për vendet e Ballkanit Perëndimor.

Surroi tha në një intervistë për BBC-në se Kosovës i duhet një proces kontraktual negociator dhe një dialog me BE-në rreth liberalizimit të vizave për qytetarët e saj.

Ai sugjeroi se Kosova dhe BE-ja duhet të përcaktojnë negociatorët e tyre që do të merren me çështjen e vizave dhe kërkoi një rishikim të vendimit "me qëllim të krijimit të një perspektive".

Surroi tha se institucionet e Kosovës nuk kanë një politikë konkrete të jashtme dhe të integrimeve evropiane që të kishte edhe miratimin e Kuvendit të Kosovës.

Të paktën 19 përfaqësues të shoqërisë civile në Kosovë i kanë bërë thirrje udhëheqësve dhe parlamentarëve evropianë që të rishikojnë vendimin për mosliberalizim të vizave me Kosovën dhe e kanë cilësuar politikë diskriminuese mbetjen e saj jashtë proceseve të integrimit. /bbc/
Telegrafi

Deficit gjyqtarësh

Gjykatat kanë mungesë gjyqtarësh. Gjykata e Qarkut në Prishtinë, e cila ka nën juridiksion gati gjysmën e territorit të vendit, ka vetëm 14 gjyqtarë. Shtatë prej tyre janë të suspenduar për dyshime të ndryshme. Ata janë zëvendësuar nga të tjerë që kanë lënë boshllëqe në gjykatat nga kanë ardhur.

Xhevat Bici, Bedri Krasniqi, Drita Hoxha, Elez Hoxha, Abdullah Robaj, Zef Prenaj apo Selman Bogiqi, të gjithë këta janë të suspenduar.

Këta emra nuk janë persona të zakonshëm, por kanë shërbyer për vite të tëra në sistemin e drejtësisë në vend.

Saktësisht, të gjithë këta janë gjyqtarë të Gjykatës së Qarkut në Prishtinë, të cilët për dyshime të ndryshme vazhdojnë të qëndrojnë në shtëpi.

Shefqet Xhelili, Adem Tasholli dhe Baki Azemi janë kryetari dhe gjyqtarët në Gjilan dhe Lipjan, të cilët Këshilli Gjyqësor i Kosovës i ka shkarkuar muaj më parë.

Ata janë dyshuar për përfshirje në korrupsion dhe thyerjen e Kodit të Etikës profesionale.

Pavarësisht nëse dyshimet për këta persona janë vërtetuar apo kurrë nuk janë dëshmuar, ata kanë lënë zbrazëti në gjykatat përkatëse.

Kështu Gjykata e Qarkut në Prishtinë ka gjithsej vetëm 14 gjyqtarë, ndërkohë që ka nën juridiksion gati gjysmën e territorit të vendit.

Juridiksioni i saj fillon nga komuna e Podujevës në veri dhe përfundon në komunën e Kaçanikut në jug.

Tërë ky rajon, i cili përfshin disa komuna të mëdha e të vogla, sipas zyrtarëve të kësaj gjykate, llogaritet të ketë rreth 1 milion qytetarë.

Në fakt edhe tash kjo gjykatë ka 14 gjyqtarë, por shtatë prej tyre do të duhej të transferohen nga gjykata të tjera të vendit.

Në gjykatat ku këta gjyqtarë kanë qenë më parë, nuk janë bërë zëvendësime, apo janë bërë në disa raste.

Në këtë mënyrë, situata është e atillë që duke mbuluar boshllëqet në një gjykatë, ato janë krijuar në gjykatën tjetër.

Në bazë të dokumentit të Njësisë së Inspektoratit Gjyqësor, të siguruar nga Expressi muaj më parë, del se nga themelimi në vitin 2001, ky institucion ka pranuar 1 mijë e 940 parashtresa me të cilat personat e ndryshëm janë ankuar për punën e gjyqtarëve.

Pas shqyrtimit të këtyre ankesave, NJIGJ-ja ka arritur në përfundim se 805 prej tyre duhet refuzuar, ngase nuk kanë bazë për hetime të mëtejshme.

Në këtë rast, totali i ankesave në të cilat NJIGJ-ja ka filluar hetimet, është 1 mijë e 24, ku dyshohet se gjyqtarët kanë shkelur ligjin ose janë përfshirë në korrupsion.

Nga kjo shifër, pas shqyrtimit të ankesave, ka dalë se në 595 raste nuk ka pasur asnjë sjellje të pahijshme nga ana e personave që ndajnë drejtësi.

Por në këtë rast, Inspektorati ka hartuar dosjet për 73 raste të tjera, të cilat i ka referuar te KGJK-ja.

Në bazë të këtij dokumenti, del se deri më tash NJIGJ-ja ka arritur që të kryejë hetimet në 212 raste, ndërkohë 297 është totali i rasteve të tjera të hapura.

Këshilli Gjyqësor është institucioni më i lartë në vend, i cili merret me punën e gjyqtarëve në të gjitha gjykatat e vendit.

Megjithëkëtë, të dhëna të sakta ky këshill nuk ka dhënë asnjëherë. Për më tepër, nga shkurti i këtij viti, KGJK-së i ka kaluar edhe mandati.

Pavarësisht kësaj, në një analizë të bërë nga ky këshill rreth një vit më parë, është konkluduar se për të mbuluar në mënyrë efikase të gjitha gjykatat e vendit, nevojiten edhe rreth 300 gjyqtarë të tjerë.

Ndërkohë, është duke vazhduar procesi i riemërimit të gjyqtarëve dhe prokurorëve, i cili pritet të përfundojë në fillim të vitit të ardhshëm.
Gazeta expres

[Llapjani_HH]

Lista e pjesëtarëve të UÇK-së që kërkohen nga Serbia


Agjencia e lajmeve INA ka siguruar listën e pjesëtarëve të UÇK-së për të cilët qeveria serbe ka lëshuar fletarrest.

Më poshtë janë emrat e 157 ish`ushtarëve të UCK`së, të cilët mund të përballen me fletë arrestet e Beogradit nëpër vendet ku udhëtojnë. Ne mesin e ermave që kërkohen nga Beogradi janë zyrtarë të lartë të institucioneve shtetërore të Kosovës.

Ne mesin e tyre është Kryeministri, Hashim Thaci, Kryepalamentari Jakup Krasniqi, Kryetari i AAK`së, Ramush Haradinaj, Komandanti i FSK`së, Sylejman Selimi, ish`kryeministri, Agim Çeku dhe shumë emra të tjerë të jetës publike.

Lista e ish`ushtarëve te UÇK`së,për të cilët qeveria serbe ka lëshuar fletarrest.

1-Hajdin Abazi-i njohur me nofken "LUMI" i lindur në Gjilan me 30.04.1959 "

2-Ekrem Avdija-me nofkë n ABUS AKEJ i lindur me 18.07.1971,në Mitrovice.

3-Alush Sokol Agushi i njohur me nofkën Magjupi-i lindur më 20.o6.1959 në Drenoc të Klinës

4-Rasim Agushi-i lindur më 17 07 1962 në Drenoc të Klinës.

5-Nazmi Ajeti-i lindur më 22 04 1972 në Podujevë .

6-Hysni Izet Ahmeti,i lindur në Shipoc të Mitrovicës.

7-Abdullah Babalija,i lindur më 22 05 1967 në Gjakovë .

8-Masar Bakija,i lindur më 18.02.1953 në Gjakovë .

9-Idriz Balaj,i lindur më 08 08 1952 në Gllarevë te Klinës.

10-Afrim Basha,i lindur më 1971 të Therandës.

11-Sokol Bashota i lindur më 07 03 1966 në Klinë .

12-Bajram Bega i lindur më 08 04 1966 në Jezerc të Ferizajt.

13-Xhemajl Bejta i lindur më 17 02 1945 në Klinë të Mesme.

14-Avni Berisha"TARKAN"i lindur më 13 08 1974 në Konushec të Podujevës.

15-Rrustem Berisha,i lindur më 18 07 1955 në Krushevc të Klinës

16-Shefik Beqiri,i lindur më 13 08 1960 në Dardanë .

17-Lah Brahimaj"MAGJUPI" i lindur më 21 01 1970 në Jabllanicë të Gjakovës.

18-Ramë BUJA,i lindur më 05 12 1958 në Lipjan.

19-Shukri Buja,27 08 1966,Lipjan.

20-Jahë Salih Bushati,i lindur më 25 02 1972 në Gë rgoc të Gjakovës .

21-Jusuf Velija,i lindu më 26 07 1957 në Prishtinë .

22-Azem Veseli,i lindur më 08 03 1964 në Pejë .

23-Kadri Veseli i lindur më 31 05 1967 në Mitrovicë .

24-Rexhep Veseli i lindur më 06 08 1970 në Gjilan.

25-Sali Veseli,i lindur më 23 07 1953 në Smolicë te Gjakovës.

26-Skender Maksut Veseli,i lindur më 16 04 1971 në Gjilan.

27-Besim Vokshi, i lindur më 23 04 1955 në Gjakovë .

28-Latif Gashi,i lindur më 12 09 1961 në Podujevë .

29-Fahrudin Gashi i lindur më 08 12 1969 në Shtime.

30-Jetullah Geci,i lindur më 17 02 1954 në LLaushë të Skenderajt.

31-Sabit Geci,i lindur më 20 98 1958 në Llaushë të Skenderajit.

32-Gani Geci,i lindur më 20 01 1960 në LLaushë të Skenderajit.

33-Adem Grabovci,i lindur më 09 04 1960 në Istog.

34-Jahir Demaku,i lindur më 06 06 1971 në Obrij të Skenderajt.

35-Milazim Derguti,i lindur më 08 10 1969 në Ferizaj.

36-Jetullah Dibrani, i lindur më 21 12 1953 në Mitrovicë .

37-Sokol Dobruna,i lindur më 22 03 1940 në Gjakovë .

38-Shaban Dragah,i lindur më 16 04 1958 në Skenderaj.

39-Florim Ejupi,i lindur më 15 06 1978 në Sekiraqë të Podujevës.

40-Agim ELSHANI,i lindur më 21 03 1963 në Pejë .

41-Xhabir Zharku"QORRI" i lindur më 1962 në Kaqanik.

42-Driton Shemsi Zhjeqi,i lindur më 01 01 1965 në Podujevë .

43-Tahir ZEMAJ,i lindur më 38 12 1958 në Sterllc të Epërm të Pejës.

44-Genc Zogaj,i lindur më 10 09 1978 në Malishevë .

45-Bislim Zyrapi,i lindur më 09 07 1962 në Studencan të Therandës.

46- Nuredin Ibishi,i lindur më 04 12 1956 në Podujevë .

47-Imri Iljazi,i lindur më 26 01 1963 në Ferizaj.

48-Gani Imeri,i lindur më 12 10 1967 në Vushtrri.

49-Eljasah Imeri,i lindur më 10 07 1971 në Gjilan.

50-Bexhet Imishti,i lindur më 06 08 1958 në Dubravë të Kaqanikut.

51-Ahmet Isufi,i lindur më 01 10 1961 në Dardanë .

52-Lirim Jakupi"NACISTI" i lindur më 01 08 1979 në Bujanoc

53-Januz Januzaj,i lindur më 01 01 1958 në Istog.

54-Bashkim Jashari,i lindur më 15 11 1977 në Prekaz të Ulë t të Skenderajt.

55-Musa Jashari i indur më 04 06 1970 në Prekaz të Ulë t të Skenderajt.

56-Rifat Jashari,i lindur më 01 12 1946 në Prekaz të Ulë t të Skenderajt.

57-Sahit Jashari,i lindur më 09 02 1965 në Prekaz të Ulë t të Skenderajit.

58-Naim Kadriu i lindur më 06 06 1974 në Turicec të Podujevë s.

59-Gyner Kamberi,i lindur më 03 01 1975 në Viti.

60-Ajvaz Karpuzi,i lindur më 21 05 1956 në Lipjan.

61-Ajet Kastrati,nga Drenica.

62-Kadri Kastrati,i lindur më 15 03 1960 në Podujevë .

63-Mensur Kasumi, ilindur më 25 06 1966 në Vushtrrri.

64-Naser Kelmendi,i lindur më 15 02 1957 në Pejë

65-Hysni Kilaj,i lindur më 19 12 1963 në Rahovec.

66-Anton Kitaj,i lindur më 20 04 1978 në Klinë .

67-Fadil Kodra,i lindur më 19 11 1965 në P.të Ulë t të Skenderajit.

68-Arif Krasniqi,i lindur më 09 04 1971 në Sibovc të Kastriotit.

69-Gani Krasniqi i lindur më 23 11 1950 në Klinë .

70-Xhemshit Krasniqi,i lindur më 12 12 1963 në Prizren.

71-Emin Krasniqi,i lindur më 15 07 1957 në Dardanë .

72-Jakup Krasniqi,i lindur më 01 01 1951 në Gllogoc.

73-Skender Krasniqi,i lindur më 29 01 1959 në Rahovec.

74-Bajram KRYEZIU,i lindur më 30 01 1955 në Dardanë .

75-Mazllum Kumnova,i lindur më 17 03 1946 në Gjakovë .

76-Mirsad Kurteshi,i lindur më 01 07 1975 në Prishtinë .

77-Agim Kuqi,i lindur më 07 10 1963 në Therandë .

78-Ramiz Lladrovci,i lindur më 03 01 1966 në Gllogovc.

79-Fatmir Limaj"CELIKU" I lindur më 04 02 1971 në Bajë të Therandë es.

80-Ekrem LLUKA, i lindur më 11 10 1959 në Pejë .

81-Isa Latifi,i lindur më 25 08 1964 në Podujevë .

82-Muhamet Latifi,i lindur më 26 05 1955 në Podujevë .

83-Lulë zim Leci,i lindur më 23 02 1974 në Dardanë .

84-Afrim Lulaj,i lindur më 12 09 1974 në Gjakovë .

85-Nuredin Lushtaku,i lindur më 27 02 1967 në P.të Ulë t të Skenderajit.

86-Sami Lushtaku,i lindur më 20 02 1961 në P.të Ulë t të Skenderajit.

87-Enver Mavriqi,i lindur më 23 01 1961 në Dardanë .

88-Naim Maloku,i lindur më 17 02 1958 në Pejë .

"ka marr pjese aktive në largimin e së rbë ve nka Kosova"

89-Faton Mehmetaj,i lindur më 24 01 1963 në Decan.

90-Nazif Mehmeti,i lindur më 20 09 1961 në Shajkovc të Podujeves.

91-Fadil Mujota,i lindur më 17 07 1969 në Shtime.

92-Shefqet Musliu,i lindur më 12 02 1963 në Koncul të Bujanocit.

93-Isak Musliu,i lindur më 31 10 1970 në Recak të Shtimes.

94-Rrustem Mustafa "REMI"I lindur më 27 02 19771 në Podujevë .

95-Salih Mustafa,i lindur më 01 01 1972 në Prishtinë .

96-Arif Mucolli,i lindur më 15 05 1952 në Podujevë .

97-Maliq NDRECAJ,"MALA" i lindur në Therandë .

98-Selamij Neziri i lindur më 05 07 1972 në Viti.

99-Jakup Nura,i lindur më 13 02 1966 në Skenderaj.

100-Enver Oruci,i lindur më 06 12 1962 në Rrezall të Skenderajit.

101-Xhimshit Osmani,i lindur në 02 05 1951 në Viti.

102-Nebih PRENIQI,i lindur më 26 08 1975 në Hade të Kastriotit.

103-Rrahman Rama,i lindur më 23 11 1970 në Vushtrri.

104-Ilmi Ramosholi,i lindur më 10 05 1964 në Ferizaj.

105-Elmi Recica,i lindur më 06 10 1961 në Ferizaj.

106-Ekrem Rexha "DRINI",i lindur më 14 08 1961 në Prizren.

107-Bedri Rexhaj,i lindur më 03 04 1962 në Shtime.

108-Ismet Sadiku,i lindur më 23 04 1941 në Ferizaj.

109-Ruzhdi Serameti,i lindur më 19 07 1950 në Prizë eren

110-Rexhep Selimi,i lindur më 15 03 1971 në Skenderaj.

111-Sulejman Selimi"SULLTANI"i lindur më 25 09 1970 në Skenderaj.

112-Abedin Sakajeva,i lindur më 26 02 1958 në Fushë Kosovë .

113-Fatmir Sopi,i lindur më 13 04 1961 në Prishtinë .

114-Azem Syla"DAJA I MADH"i lindur më 04 05 1951 në Gllogoc.

115-Shemsi Syla,i lindur më 01 07 1957 në Bresalc te Gjilanit.

116-Fadil Suleviq,i lindur më 19 10 1965 në Medvegjë .

117-Emrush Suma,i lindur më 27 05 1974 në Dimcë të Hani Elezit.

118-Rufki Suma,i lindur më 15 04 1968 në Dimcë të H.Elezit.

119-Ismet Tara,i lindur më 08 06 1963 në Rahovec.

120-Gani Thaqi,i lindur më 01 01 1958 në Skender

121-Hashim Thaqi"GJARPRI"i lindur më 24 04 1969 në Brojë të Skenderajit.

122-Ahmet Qeriqi,i lindur më 26 12 1946 në Lipjan.

123-Ramiz Qeriqi i lindur më 15 04 1962 në Lipjan.

124-Sami Ukshini"SOKOLI"i lindur më 15 10 1967 në Morinë të Gjakovë es.

125-Avni Feta,i lindur më 15 11 1974 në Podujevë .

126-Adem Hagjocaj,nga Decani.

127-Abit Haziraj,i lindur më 26 06 1956 në Llaushë të Skenderajit.

128-Sabit Halitjaha,i lindur më 07 06 1955 në Mushtisht të Therandë es.

129-Xhavit Haliti"ZEKA"i lindur më 08 03 1956 në Pejë .

130-Bujar Haradinaj,i lindur më 15 07 1976 në Gllogjan të Decanit.

132-Daut Haradinaj,i lindur më 06 04 1978 në Gllogjan të Decanit.

133-Ramush Haradinaj,i lindur më 03 07 1968 në Gllogjan të Decanit.

134-Nait Hasani-i lindur më 15 01 1965 në Prizren.

135-Safet Hasani,i lindur 23 04 1970 në Podujevë .

136-Xhavit Hasani,i lindur më 10 03 1957 në Tanushe të Shkupit.

137-Zeqir Haxhija,i lindur më 16 04 1972 në Gjakovë .

138-Gzim Haxhimusa,i lindur më 21 02 1968 në Ferizaj

139-Hekuran Hoda i lindur më 18 02 1965 në Gjakovë .

140-Fatmir Humolli,i lindur më 11 04 1965 në Lupc të Ulë t të Podujevë s.

141-Sabajdin Cena,i lindur më 13 03 1953 në Rahovec

142-Agim CEKU,i lindur më 29 10 1960 në Qyshk të Pejë s.

143-Et,hem Ceku,i lindur më 01 10 1962 në Pejë .

144-Muharrem Cerkezi,i lindur më 09 07 1979 në Prishtinë .

145-Emrush Xhemajli,i lindur më 01 05 1959 në Ferizaj.

146-Idriz Shabani,i lindur më 01 12 1958 në Podujevë .

147-Besnik Shala,i lindur më 31 05 1974 në Pejë .

148-Shaban Bekë Shala,i lindur më 15 05 1961 në Pejë .

149-Shaban Veli Shala,i lindur më 01 12 1958 në Gllogoc.

150-Naser Shatri,i lindur më 23 09 1957 në Istog.

151-Xhafer Shatri,i lindur më 10 11 1949 në Istog.

152-Mustafa Shaqiri,i lindur më 25 03 1967 në Rahovicë të Preshevë s.

153-Shaqir Shaqiri,i lindur më 01 09 1964 në Preshevë .

154-Adem Shehu,

155-Elbasan Shoshaj,i lindur më 12 12 1963 Prishtinë .

156-Bekim Shyti,i lindur më 01 05 1976 në Vushtrri.

157-Met Shyti,i lindur në 03 19 1944 në Vushtrri.

Gazeta expres

[Dani11]

EULEX hedh poshtë deklarimet e Beogradit
EULEX-si hedh poshtë deklarimet e Beogradit se nuk ka nisma për bisedime me Prishtinën.
E martë, 21 Korrik 2009 15:58

Shefi i Zyrës për informim i këtij misioni, Christophe Lamfalussy tha të martën se mund të thuhet se bisedimet teknike kanë filluar që në muajin mars, me vizitën e shefit të EULEX-it Yves de Kermabon në Beograd.

"Po ne kemi bisedime që nga marsi, kur shefi i EULEX-it, Yves de Kermabon, ka shkuar ne Beograd. Ajo ka qenë një nisje e një numri të bisedimeve për çështje teknike ne nivel të komponentëve te cilat janë, doganat, drejtësia dhe policia. Ne jemi në fazë të vazhdimit të këtyre bisedimeve, në çështje të ndryshme dhe ne do të dëshironim të nënshkruanim tri protokolle për doganat, drejtësi dhe polici me Beogradin", ka thënë Lamfalussy për Radio Kosovën.

Zyrtarë të EULEX-it ka thënë se paraprakisht i kanë njoftuar edhe autoritet e Prishtinës për këto kontakte me Beogradin.

Ndërkaq, Sllobodan Homen, sekretar i shtetit në Ministrinë serbe të Drejtësisë, ka përgënjeshtruar këto bisedime duke thënë se para fillimit të bisedimeve Beogradi kërkon nga EULEX-i që të japë përgjigje në disa çështje thelbësore.

"Para së gjithash, cilat dispozita do të zbatohen në gjykata, ato që vlejnë në Serbi, të UNMIK-ut, ato të cilat janë aplikuara deri në vitin 1999 apo eventualisht dispozitat e qeverisë së Kosovës, gjë që për ne është plotësisht e papranueshme", ka thënë Homen.

Zyrtarë të EULEX-it kanë pranuar se funksionalizimi i plotë i doganave dhe kthimi i gjyqtarëve vendës në veri nuk mund të bëhet pa marrëveshje me Beogradin. /RTK/

[Llapjani_HH]

Kacin për liberalizimin e vizave: Populli i Kosovës nuk është harruar, por është shlyer plotësisht

Anashkalimi i Kosovës nga procesi i liberalizimit të vizave me shtetet e Ballkanit Perëndimor ka të bëjë me çështjet legale brenda Bashkimit Evropian, ka thënë përfaqësuesi i presidencës së radhës me BE-në, shefi i diplomacisë suedeze, Carl Bildt. Ai ka thënë se këto çështje legale duhet të zgjidhen dhe Bashkimi Evropian mund t’ia arrijë nëse qasja do ishte pozitive.

Ministri i Jashtëm suedez i ka bërë këto komente gjatë prezantimit të presidencës së shtetit të tij në Parlamentin Evropian, ku u ballafaqua me shumë pyetje lidhur me vendimin e fundit të Komisionit Evropian që në liberalizim të vizave të futen vetëm disa vende të Ballkanit Perëndimorë.
Në këtë rrafsh, duke iu referuar porosisë së Brukselit se Kosova nuk do harrohet, deputeti slloven, Jelko Kacin tërhoqi vërejtjen se me këtë rast populli i Kosovës nuk është harruar, por është shlyer plotësisht.

Brengosjet më të mëdha të deputetëve të Parlamenti Evropian kishin të bëjnë me pasojat e këtij vendimi në Bosnjë e Hercegovinë. Me vendimin që liberalizimi i vizave të aplikohet edhe ndaj qytetarëve të entitetit serb që kanë pasaportë të Republikës së Serbisë dhe me faktin se kroatët e Bosnjës tanimë posedojnë pasaporta kroate, vendimi i Komisionit Evropian i pamundëson vetëm myslimanët e Bosnjës që të përfitojnë nga liberalizimi i regjimit të vizave.

Këtë vendim Carl Bildt, e mbështeti në arsyet e sigurisë dhe parandalimin e mundshëm të trafikimit të drogës dhe qenieve njerëzore. Ai megjithatë në rastin e Bosnjës fajësoi mbi të gjithat liderët e vendit dhe pamundësinë e tyre që të çojnë shtetin para.

Lidhur me këtë ai tha se puna në Ballkan ende vazhdon. Duke iu referuar situatës në Bosnjë dhe Kosovë, shefi i diplomacisë suedeze theksoi se ende nuk ka përfunduar shtet-formimi në hapësirën që dikur quhej Jugosllavi.
RTK

Oli Ren viziton Ballkanin

Komesari për zgjerim Oli Ren fillon sot një turn vizitash në Ballkan. Fillimisht Ren do te vizitojë sot Beogradin, nesër Podgoricën dhe pastaj Shkupin dhe Sarajevën. Ren do të bisedojë me zyrtarë të këtyre vendeve lidhur me proceset integruese dhe çështjen e heqjes së vizave. Jashtë agjendës ka mbetur Tirana, ndërsa ende nuk është e njoftuar nëse Oli Ren do ta vizitojë edhe Prishtinën.
Komisari i Bashkimit Evropian për shtrirje sot (e mërkurë) e fillon vizitën dyditëshe në rajon me qëndrimin në Beograd ku me zyrtarët më të lartë shtetëror serbë do të bisedojë mbi proceset e integrimeve evropiane të Serbisë.
Zoti Ren në Beograd mbërrin pas dite dhe menjëherë do të takohet me kryeministrin Mirko Cvetkoviq, ministrin e Jashtëm Vuk Jeremiq, ministrin e policisë, Ivica Daçiq, atë të integrimeve evropiane Bozhidar Gjeliq dhe me zyrtarë tjerë, kurse në orët e mbrëmjes edhe me presidentin Boris Tadiq.

Në fund të mandatit të vet në Bruksel, Ren do ta përcjellë gatishmërinë e BE për heqjen e vizave qytetarëve të Serbisë nga 1 janari i vitit 2010 dhe do ta mbështes edhe integrimin evropian të Serbisë. Burimet në Bruksel thonë se Ren do të përsërisë, se shpreson se ky procesi i integrimeve së shpejti do të zhbllokohet.

Ministri i Jashtëm Jeremiq ka deklaruar mbrëmë për Televizionin shtetëror (RTS) se me liberalizimin e vizave dhe me zhbllokimin e procesit të integrimeve, Serbia po vazhdon të punojë për të ardhmen në BE dhe për marrëdhënie më të mira të mundshme në rajon, që bashkë me Kosovën janë dy prioritete të politikës së jashtme të Serbisë.
RTK

Haradinaj kundërshton bisedimet mes EULEX-it dhe Beogradit për gjykatat në veri të Kosovës

Kryetari i AAK-së Ramush Haradinaj kundërshtoi bisedimet e mundshme ndërmjet zyrtarëve të EULEX-it dhe Beogradit rreth arritjes së ndonjë marrëveshjeje për rifunskionalizimin e gjykatave në veri. Ai tha se vetëm Prishtina zyrtare ka të drejtë të bisedojë me zyrtarë të EULEX-it, për funksionimin e ligjit dhe rendit Kushtetues në veri të vendit, tha Haradinaj, pas takimit me ambasadorin e Shqipërisë në Prishtinë Islam Lauka, me të cilin ka biseduar rreth situatës politike në vend.

Kreu i Aleancës për Ardhmërinë e Kosovës, Ramush Haradinaj, ka hedhur poshtë mundësinë e bisedimeve ndërmjet EULEX-it dhe Beogradit rreth arritjes së ndonjë marrëveshjeje për rifunskionalizimin e gjykatave në veri.

Pas takimit me ambasadorin e Shqipërisë në Kosovë Islam Lauka, Haradinaj tha se vetëm Prishtina zyrtare ka të drejtë të bisedojë për funksionimin e ligjit në veri.

“Për aspekte që lidhen me juridiksionin dhe rendin kushtetues në Kosovë mandat për të biseduar ka vetëm Prishtina zyrtare. Për bisedat që kanë të bëjnë me funksionalitetin ose me lehtësimin e misionit të EULEX-it në veri Kosova është në dijeni, ndërsa për aspekte të tjera që lidhen me rendin dhe ligjin dhe funksionimin e ligjit në veri, vetëm Prishtina ka të dejtë me bisedu dhe me arrit marrëveshje”, ka theksuar Haradinaj.

Ndërsa, sa i përket debatit për RTK-në, Haradinaj tha se ekziston një kontroll i vazhdueshëm mbi televizionin publik nga PDK-ja.

“Në Kosovë dihet realiteti, ka pasur një kontroll të vazhdueshëm nga PDK-ja mbi televizionin publik në mënyra të ndryshme, këtë e kemi përballuar si një realitet të jetës. Tani, meqë bëhet fjalë mbi një kontroll të pushtetit mbi një media publike ne kemi kërkuar që mos me ndodhë kjo. Do të thotë kemi kërkuar që të zbatohet ligji mbi RTK-në dhe me u ndërtu një bord jo partiak dhe jo me ndikime qeveritare për TV-në publike, dhe, njëkohësisht kërkojmë edhe një garanci të financimit të këtij televizioni, jo i varur çdoherë nga vullneti i qeveritarëve”, ka theksuar z. Haradinaj.

Ramush Haradinaj me këtë rast ka mohuar të ketë pasur presion në RTK nga ana e AAK-së.

Ndërsa ambasadori Lauka, ka përgëzuar gjithë spektrin politik për arritjet në Kosovë.

Ndërsa, sa i përket vizitës së Kryeministrit të Shqipërisë Sali Berisha në Kosovë, Lauka tha se kjo vizitë pritet në vjeshtë të këtij viti.
RTK

Kuçi merr garanci nga Kermabo se EULEX nuk po bën kurrfarë negociatash me Serbinë

Zëvendëskryeministri i Republikës së Kosovës, Hajredin Kuçi tha se e ka ftuar në një takim të veçantë shefin e EULEX-it Iv De Kermabo lidhur me disa shkrime të publikuara në gazetat e përditshme vendore për diskutimet që po zhvillon EULEX-i me Serbinë mbi Protokollet e Policisë, Drejtësisë, dhe Doganave. Kuçi tha se ka marrë garanci nga Kermabo se nuk janë bërë kurrfarë negociatash dhe se EULEX-i nuk ka të drejtë për diçka të tillë.

Zëvendëskryeministri Hajredin Kuçi tha se është njoftuar nga shefi i EULEX-it Yves De Kermabo se nuk po zhvillohen kurrfarë bisedimesh ndërmjet EULEX-it dhe autoriteteve të Serbisë mbi Protokollet e Policisë, Drejtësisë, dhe Doganave. Kuçi tha se sot e ka ftuar në një takim të veçantë shefin e EULEX-it dhe ka marrë garanci se misioni që ai drejton nuk ka të drejtë për negociata.

“Sot e kam ftuar në një takim të veçantë zotin Kermabo për t’i dhënë sqarimet e duhura. Ai më ka garantuar se EULEX-i nuk ka bërë dhe nuk ka të drejtë të bëjë negociata në emër të institucioneve të Kosovës. Ajo që duhet të them është se për Kosovën vendosin institucionet legjitime të zgjedhura nga qytetarët”, ka theksuar zv/kryeministri Kuçi.

Kuçi tha se bashkëpunimi me EULEX-it është i mirë dhe çdo gjë tjetër jashtë këtij bashkëpunimi është i papranueshëm për institucionet e Kosovës. Ai tha se janë njoftuar vetëm përmes mediave për bisedime të mundshme ndërmjet misionit të EULEX-it dhe Serbisë. Për këtë Kuçi tha se ka kërkuar informacione nga shefi i këtij misioni. Megjithatë zëvendëskryeministri Kuçi tha se për aktivitetet e EU:LEX-it nesër do të njoftohen në detaje gjatë takimit të grupit punues për rendin dhe ligjin.

Por ka qenë vetë misioni i EULEX-it që ka bërë të ditur fillimin e bisedimeve me Serbinë.

Shefi i zyrës për informim Kristofer Laumfulsi ka thënë se mund të thuhet se bisedimet teknike kanë filluar që në muajin mars, me vizitën e shefit të EULEK-sit Iv De Kermabo në Beograd. Beogradi ka përgënjeshtruar se EULEKS-i po bën përpjekje për të caktuar bisedime me Prishtinën.

Kuçi kërkoi që Kosova të informohet për takimet EULEX-Serbi

Zëvendëskryeministri i Republikës së Kosovës, Hajredin Kuçi i ka dërguar një letër shefit të Misionit të EULEX-it në Kosovë, Yves de Kermabon, lidhur me disa shkrime të publikuara në gazetat e përditshme vendore për diskutimet që po zhvillon Misioni EULEX me Serbinë mbi Protokollet e Policisë, Drejtësisë, dhe Doganave. Në këtë letër zëvendëskryeministri Kuqi kërkon që Kosova të jetë plotësisht e informuar lidhur me çdo diskutim që zhvillon EULEX me Serbinë

“Jam i sigurt se do të jeni dakord, që Kosova duhet të jetë plotësisht e informuar lidhur me çdo diskutim, që zhvillon EULEX-i me shtetin e Serbisë, lidhur me Kosovën”, thuhet, pos tjerash, në letrën e Hajredin Kuçit, dërguar zotit Kermabo.

Kjo letër u shkrua pas raporteve se misioni EULEX po zhvillon diskutime me Serbinë për Protokollet për Polici, Drejtësi dhe Dogana.
RTK

[Llapjani_HH]

Në objektin e KK të Prishtinës policia zbulon dy granata dore

Përmes një komunikate për opinion Policia e Kosovës ka njoftuar se sot në objektin e KK të Prishtinës janë gjetur dy mjete të dyshuara, granata dore të tipit F1, përderisa kontrolli është duke vazhduar edhe më tej. Lidhur me rastin policia ka arrestuar M. B. 43 vjeç nën dyshimin e bazuar se i njëjti është i implikuar në rastin në fjalë.
Në komunikatën e policisë thuhet se sot rreth orës 14:00 policia nëpërmes rrugëve operativa ka marrë një informacion lidhur me prezencën dy mjeteve shpërthyese në objektin e KK të Prishtinës. Menjëherë pas marrjes së informacionit policia ka dalë në vendin e ngjarjes dhe ka ndërmarrë të gjitha masat e nevojshme për të siguruar objektin e komunës, zonën e rrezikut dhe parandaluar ndonjë shpërthim eventual si dhe me shpejtësi ka bërë evakuimin e personelit të komunës.

Në të njëjtën kohë, përveç njësitit për de minim të PK-së, në vendngjarje janë ftuar edhe njësitë e KFOR-it për deminim të cilët kanë filluar kontrollimin në vendin e ngjarjes për të gjetur dhe konstatuar se për çfarë mjetesh eksplozive bëhet fjalë.

Deri më tani janë lokalizuar dy mjete të dyshuara, granata dore të tipit F1, përderisa kontrolli është duke vazhduar edhe më tej.
Lidhur me këtë rast policia ka arrestuar të dyshuarin M. B 43 vjeç nën dyshimin e bazuar se i njëjti është i implikuar në rastin në fjalë.

Në ndërkohë mbështetur në rezultatet e para të hetimit policia ka hedhur dyshimin se këto granata janë vendosur para dy ditësh në një saksi lulesh në objektin e kuvendit komunal.

Pas arrestimit i dyshuari është dërguar në qendrën rajonale të paraburgimit ku aktualisht policia është duke punuar për sqarimin e të gjitha rrethanave që kanë të bëjnë me rastin si dhe marrjen e të gjitha veprimeve hetimore e procedurale para se rasti t’i kaloj Gjykatës, thuhet në njoftimin e lëshuar nga Drejtoria rajonale e policisë në Prishtinë.
RTK

Çfarë di Qeveria për bisedimet EULEX - Beograd?

Qeveria e Kosovës beson se EULEX-i nuk do të lidhë asnjë marrëveshje me Beogradin në dëm të Kosovës.


Detajet e bisedimeve të kohëpaskohshme që misioni i BE-së i zhvillon me autoritetet serbe që nga marsi i këtij viti e këndej, sipas zyrtarëve qeveritarë në Prishtinë, për autoritetet kosovare janë pak të njohura.

Një nga fushat e diskutimeve ndërmjet EULEX-it dhe Beogradit ka të bëjë me drejtësinë, sidomos me gjykatat në veri të Kosovës.

Ministrja e Drejtësisë në Qeverinë e Kosovës, Nekibe Kelmendi, thotë se pavarësisht që nuk i di detajet e këtyre bisedimeve, EULEX-i nuk ka nevojë të bisedojë fare me Beogradin, por me gjykatësit dhe prokurorët serbë që duan të rikthehen në vendet e tyre të punës.

Pas deklaratave të zyrtarëve të EULEX-it në Prishtinë se do të preferonin disa marrëveshje teknike me Beogradin, mediat serbe kanë cituar zyrtarët në Beograd, të cilët mohojnë çfarëdo marrëveshjeje me EULEX-in.

Para së gjithash, Beogradi kërkon që për kthimin e gjykatësve serbë në punë, EULEX-i t'i kthejë në zbatim dispozitat ligjore të UNMIK-ut dhe jo dispozitat ligjore të Republikës së Kosovës.

Madje, autoritetet serbe kanë paralajmëruar që nga 1 janari i vitit të ardhshëm të formojnë trupa paralele të drejtësisë, ku përfshihen gjykata themelore, gjykata e lartë dhe gjykata për kundërvajtje në Mitrovicë dhe ato do të jenë gjykata amë për të gjithat degët në territorin e Kosovës.

Por, në anën tjetër, ministrja Nekibe Kelmendi nuk beson se në çfarëdo forme EULEX-i me këto diskutime do të pajtohej me Beogradin për këto gjykata paralele dhe ta rrezikojë kështu sistemin unik të drejtësisë, pasi që paralelizmat, sipas saj, kundërshtohen nga të gjitha institucionet e Kosovës.

Përderisa Beogradi deklarohet se nuk i ka nisur bisedimet me EULEX-in, zëdhënësi i këtij misioni në Kosovë, Kristof Lamfalusi, përgënjeshtron autoritetet serbe, duke thënë se ka bisedime dhe ato kanë nisur që nga pranvera e këtij viti.

Sidoqoftë, marrëveshjet teknike me Beogradin, sipas zyrtarëve të EULEX-it, janë në fazën përgatitore të diskutimeve. Këto marrëveshje thuhet se kanë për qëllim disa çështje të interesit të përbashkët.

Menaxhimi i kufijve, lëshimi i kontrolluar i pasaportave, si edhe bashkëpunimi rajonal në fushën e sigurisë – policisë, janë vënë edhe si kushte nga Bashkimit Evropian për vendet e rajonit në kuadër të procesit të liberalizimit të vizave, andaj zyrtarët evropianë besojnë se Beogradi do të tregojë fleksibilitet ose, në të kundërtën, do të përballet me probleme, marrë parasysh se përfshirja e Serbisë në liberalizimin e vizave i ka edhe kushtet e veta para se të zbatohet. /radio evropa e lire
Mesazhi.com

[Llapjani_HH]

Raporti i EULEX-it kritikon gjyqësorin dhe prokurorinë – lëvdata për Policinë e Kosovës

Sistemi gjyqësor dhe prokurorial i Kosovës është më i dobëti nga institucionet e sundimit të ligjit në Kosovë, ndërsa policia është organizatë për tu lavdëruar. Këto janë përfundimet nga raporti i i parë i EULEX-it pas monitorimit gjashtë mujor të Institucioneve të sundimit të Ligjit në Kosovës. Në raport janë bërë më se 70 rekomandime për përmirësime në këtë fushë. Zëvendësshefi i misionit, Roy Reeve tha se kjo duhet të jetë punë e institucioneve të Kosovës.

Në raportin për performancën e institucioneve të Kosovës për sundimin e ligjit, EULEX-it, lavdëron policinë e Kosovës. Megjithëkëtë edhe për këtë organizatë janë përpiluar më se 30 rekomandime për të bërë ndryshime. Më kryesorja është që Policia të krijojë një plan strategjik për zhvillimin e saj dhe për të krijuar një strukturë të mirëfilltë menaxhuese.

Po ashtu sugjerohet që Shërbimi Doganor të integrohet plotësisht me Policinë Kufitare dhe Zyrën e Prokurorit Publik për menaxhimin e integruar të kufijve, si një nga kriteret për procesin e integrimit evropian.

Dhe derisa raporti flet pozitivisht për policinë ai thotë se sistemi gjyqësor dhe prokurorial i Kosovës janë shumë të dobët në sigurimin dhe ofrimin e një sistemi të pavarur dhe efikas të ndjekjes dhe të dënimit të rasteve.

Megjithëkëtë gjatë prezentimit të raportit zëvendësshefi i EULEX-it, Roy Reeve, nuk dha përgjigje konkrete për presionet e politikës ndaj gjyqësorit, përkundër insistimit të shumtë të gazetarëve.

“Ky është një vend i vogël dhe ka presione të ndryshme që janë të natyrshme. Ajo që ne po mundohemi të bëjmë është që të krijojmë një sistem gjyqësor të pavarur”, ka thënë z. Reeve.

Reeve më tej tha se ky është një raport që bënë rekomandime, kurse janë institucionet e Kosovës ato që duhet të ndërmarrin masat për të përmirësuar gjendjen. Ai tha se ky raport i është dorëzuar edhe Qeverisë dhe do të diskutohet në vazhdim edhe me shoqërinë civile dhe donatorët për të shqyrtuar mundësitë e përmirësimit të dobësive.

Raporti është rezultat i mbi 2500 vlerësimeve individuale të përgatitura prej 400 monitoruesve dhe këshilltarëve të EULEX-it. Zëvendësshefi Reeve tha se raportet të këtilla do të bëhen në baza të rregullta gjashtëmujore.
RTK

Podujevë: Policia serbe arreston tre shqiptarë brenda territorit të Republikës së Kosovës

Korrespondenti i RTK nga Podujeva njofton se në fshatin Bellosh, i cili gjendet në brezin kufitare Kosovë –Serbi, mbrëmë rreth orës 20:00 policia serbe ka arrestuar tre shqiptare te fshatit Pollatë. Personat e arrestuar janë: Sabri, Nexhip dhe Riad Dema, të cilët në momentin e arrestimit kanë qenë duke punuar tokat e tyre brenda kufirit të Kosovës.

Lajmin e ka konfirmuar sot edhe komandanti i stacionit rajonal të Policisë kufitare, Ilmi Mehmeti, i cili ka deklaruar se ne vendin e ngjarjes sot kanë
Dalë xhandarmeria italiane për çështje të kufirit, si dhe KFOR-i, ndërkohë që edhe një ekip e policisë kufitare të Kosovës është në ne vendin e ngjarjes.

Sipas informacioneve qe kemi të arrestuarit janë dërguar ne paraburgim në serbi dhe ende po mbahen atje.
RTK

Çeku: Kosova po izolohet

Zhvillimet e fundit lënë një përshtypje se gradualisht Kosova është duke u izoluar politikisht nga Evropa, qytetarët e Kosovës janë duke u izoluar, duke u futur në geto, ka vlerësuar në një intervistë për Radion Evropa e Lirë, kryetari i Partisë Social-Demokrate, Agim Çeku.

EULEX-i, sipas Çekut, në njëfarë forme, është duke i injoruar institucionet e Kosovës, shtetin e Kosovës, duke bërë politikë në vete, duke bërë përpjekje që t’ia lehtësojë punën vetes, duke shkelur apo mosrespektuar institucionet tona apo Kushtetutën tonë.

“Vërtet, këto janë zhvillime që nuk shkojnë drejt afirmimit të shtetit të Kosovës dhe mendoj se institucionet tona duhet të jenë shumë më të vendosura me reagimet e tilla”, ka thënë ai.

Çeku ka potencuar se institucionet tona e kanë obligim kushtetues që ta afirmojnë Kosovën, ta mbrojnë Kosovën, t’i mbrojnë qytetarët, të mbrojnë Kushtetutën, të respektojnë Kushtetutën dhe – sipas tij – “nuk bën që këto gjëra të kalojnë në heshtje, apo nuk bën të reagojnë vetëm atëherë kur merret një vendim që Kosova mbetet jashtë liberalizimit të vizave, pa ndonjë perspektivë të qartë se një ditë do të hyjë në këtë proces”.

Ajo që ndodhi – sipas liderit të PSD-së - është një mesazh shumë i keq që Evropa u dha shqiptarëve, u dha boshnjakëve, e që turqit vazhdimisht janë duke pranuar një mesazh të tillë. “Thjesht, e shoh si një dobësim të entuziazmit apo të vullnetit të Unionit Evropian apo dhe të seriozitetit të tij që të integrojë tërë Ballkanin në Unionin Evropian”, ka thënë ndër të tjera Çeku
RTK

70% të punëve në urat Prishtinën -Aeroport janë nën cilësinë e kërkuar

Rreth 70% të punëve në urat që lidhin Prishtinën me aeroportin janë nën cilësinë e kërkuar, thuhet në një raport të brendshëm të Ministrisë së Transportit dhe Postë-Telekomunikacionit, të cilin e ka siguruar Kohavisioni.

Kompanitë janë duke dështuar në ndërtimin e klasave të betonit, nënvizohet në raport. “Në M9 po zhvillohen aktivitetet, por brengos ndërtimi i klasave të betonit, pothuajse 70% të kompanive janë duke dështuar në këtë drejtim, kërkohet që të definohet sa më shpejt kjo çështje dhe të merren masa për përdorimin e betonit të klasit më të lartë, në mënyrë që pllaka e urës të jetë e nivelit kualitativ.

Në trajtë ku ka dështime, me projektuesin jemi marrë vesh për disa plotësime dhe përforcime”, thuhet në një pjesë të këtij raporti të brendshëm. Në ministri i pranojnë problemet me urat, por pohojnë se ato janë zgjidhur dhe se puna vazhdon sipas dinamikës së paraparë.
KTV

Mihailoviqi i territ

Udhëheqësi i strukturave paralele serbe në komunën e Shtërpcës, radikali Zvonko Mihailloviq, le që ka detyruar zyrtarët e KEK-ut që ta lëshojnë trafostacionin në Shtërpcë, por ai nuk ka dashur të dëgjojë as për protestat e grave serbe të Shtërpcës, të cilat e kanë akuzuar Mihailoviqin si fajtorin kryesor për mbetjen e komunës së Shtërpcës në terr të plotë.

Zyrtarët e KEK-ut, të shoqëruar nga policia e Kosovës, kanë arritur që të mërkurën ta marrin trafostacionin në Shtërpcë për ta menaxhuar, por kjo gjë nuk ka zgjatur më shumë se dy orë. Udhëheqësi i strukturave paralele në Shtërpcë, Zvonoko Mihailoviq, menjëherë ka dhënë alarmin për këtë. Ai ka organizuar njerëzit e tij të cilët për një orë rresht kanë rrahur kambanat e kishës në Shtërpcë. Dhjetëra serbë janë nisur drejt trafostacionit dhe kanë nisur të shtrojnë presion në zyrtarët e KEK-ut, të cilët edhe janë detyruar të tërhiqen dhe ta lënë në duar të paralelcave trafostacionin.

Në anën tjetër rreth 100 gra serbe të Shtërpcës ia kanë zënë derën Mihailoviqit dhe nuk e kanë lënë të futet brenda në komunë. Ato e kanë fajësuar udhëheqësin e strukturave paralele si njeri që ka politizuar rastin e rrymës në këtë komunë. Veçmas të zëshme kanë qenë punëtoret e shtëpisë së shëndetit, të cilat janë ankuar se mungesa e rrymës po ndikon në prishjen e barërave dhe në pamundësinë për t’i ndihmuar të sëmurët.

I pyetur për këtë dramë të vogël mes zyrtarëve të KEK-ut dhe strukturave paralele serbe, menaxheri i distriktit ë Ferizaj, Izet Rushiti, nuk ka dashur të komentojë këtë, por ka thënë se komuna e Shtërpcës do të vazhdojë të mbetet pa dritë. Po bëhen gati një muaj që KEK-u ka ndërprerë rrymën në këtë komunë, duke kërkuar nga qytetarët e kësaj komune që të pranojnë të paguajnë rrymën. Të shtunën dhe të dielën kanë protestuar edhe qytetarët shqiptarë të kësaj komune, të cilët edhe kanë kërkuar që të kenë një lidhje tjetër që të mos varen nga trafostacioni në Shtërpcë, ndërsa në një masë ata paguajnë rrymën dhe nuk duan që të jenë viktima të strukturave paralele serbe të Shtërpcës.
Gazeta expres

[Llapjani_HH]

Xhandarmëria serbe ka arrestuar tre shqiptarë të komunës së Podujevës

Prishtinë, 24 korrik - Parmbrëmë rreth orës 20:00, në brezin kufitar Kosovë Serbi, pjesëtarë të xhandarmërisë serbe kanë arrestuar tre shqiptarë të komunës së Podujevës, të cilët ishin duke i punuar tokat e tyre brenda kufirit të Kosovës.
Të arrestuarit janë Sabri, Nexhip dhe Riad Rama nga Pollata e Podujevës. Komandanti i Stacionit Regjional të Policisë Kufitare, Ilmi Mehmeti ka thënë se në vend të ngajrjes kanë dalë edhe xhandarmëria italiane, KFOR i dhe një ekip i Policisë Kufitare të Kosovës.
Familjarët kanë njoftuar se të arrestuarit janë dërguar në paraburgim në Serbi dhe ende po mbahen atje. Policia e Kosovës bën të ditur se që nga paslufta e deri tash, forcat serbe kanë arrestuar më shumë se 25 shqiptarë nga ky rajon, të cilët për lirimin e tyre kanë paguar gjoba të mëdha parashë për organet e gjyqësisë serbe në emër të kinse kalimit ilegal të kufirit.
QIK-u

Gripi i derrave arrin edhe në vendin tonë ?

Instituti Kombëtar i Shëndetit Publik të Kosovës ka identifikuar tre raste kontakti, pa shenja klinike te gripit te ri A H1N1. Lajmin e bëri të ditur epidemiologu Isuf Dedushaj, ndërsa e konfirmoi edhe Ministria e Shëndetësisë së Kosovës, e cila sqaroi se personat e dyshimtë, si të prekur nga virusi A H1N1, janë shtetas të Kosovës, me qëndrim të përkohshëm në Zvicër. Për momentin nuk janë dhënë detaje tjera.

Sipas zyrtarëve të Ministrisë së shëndetësisë janë tri raste të dyshuara me gripin AH1N1. Drejtori i Departamentit për Komunikim në Ministrinë e shëndetësisë Faik Hoti, tha për radion tonë se në aspektin klinik epidemio-logjik rastet janë përpunuar dhe janë marrë mostrat për verifikim të cilat sot janë dërguar në laboratorët përkatës, përmes zyrës së Organizatës Botërore të Shëndetësisë në Prishtinë.

“Me 23 korrik në Institutin Kombëtarë të Shëndetit Publik të Kosovës, janë paraqitur tri raste kontakti, pa shenja klinike të Gripit të ri H1N1. Në aspektin klinik epidemiologjik dhe mikrobiologjik rastet janë përpunuar dhe janë marrë mostrat për verifikim, të cilat sot do të dërgohen përmes OBSH në laboratorët përkatës. Klinikisht nuk ka shenja të sëmundjes. Momentalisht në Klinikën Infektive nuk ka raste të hospitalizuara, si dhe raste të dyshuar në teren”, ka deklaruar Faik Hoti, drejtor i Departamentit për komunikim.

Instituti Kombëtar i Shëndetit Publik i Kosovës rekomandon që në pikat kufitare dhe në aeroport të kujdestarojnë inspektorët sanitarë, derisa zyrtarët e Ministrisë së Shëndetësisë, përkatësisht drejtori për informimin Faik Hoti, kërkojnë nga qytetarët që të jenë të kujdesshëm dhe të sillen sipas rekomandimeve të mjekëve.

“Ministria e Shëndetësisë në kontakt me institucionet vartëse po mbikëqyrë çdo ditë situatën dhe ka raporte kthyese nga tereni për situatën epidemiologjike. Tash për tash, përkundër këtyre rasteve të dyshimta, nuk ka vend për panik dhe ekspertët rekomandojnë që qytetarët të sillen në mënyrë të përgjegjshme dhe të ndjekin rekomandimet e mjekëve”, ka thënë Hoti.

Fillimisht, identiteti tre të dyshuarve se mund të jenë prekur nga gripi i derrave nuk u bë i ditur, mirëpo zyrtarë të Ministrisë së Shëndetësisë të Kosovës më vonë kanë bërë të ditur se ata janë shtetas të Republikës së Kosovës, me qëndrim të përkohshëm në Zvicër, që këto ditë kanë qenë për pushime në vendlindje – Kosovë.



(Koha 12:15) - Instituti Kombëtar i Shëndetit Publik të Kosovës ka identifikuar tre raste kontakti, pa shenja klinike te gripit te ri A H1N1. Lajmin e bëri të ditur epidemiologu Isuf Dedushaj, ndërsa e konfirmoi edhe Ministria e Shëndetësisë së Kosovës. Burimet e RTK mësuan se personat e dyshimtë, si të prekur nga virusi A H1N1, ishin duke udhëtuar jashtë shtetit të Kosovës dhe se autoritetet e atjeshme i kanë kthyer për trajtim në Kosovë.

Sipas zyrtarëve të Ministrisë së shëndetësisë janë tri raste të dyshuara me gripin AH1N1. Drejtori i Departamentit për Komunikim në Ministrinë e shëndetësisë Faik Hoti, tha për radion tonë se në aspektin klinik epidemio-logjik rastet janë përpunuar dhe janë marrë mostrat për verifikim të cilat sot janë dërguar në laboratorët përkatës, përmes zyrës së Organizatës Botërore të Shëndetësisë në Prishtinë.

“Me 23 korrik në Institutin Kombëtarë të Shëndetit Publik të Kosovës, janë paraqitur tri raste kontakti, pa shenja klinike të Gripit të ri H1N1. Në aspektin klinik epidemiologjik dhe mikrobiologjik rastet janë përpunuar dhe janë marrë mostrat për verifikim, të cilat sot do të dërgohen përmes OBSH në laboratorët përkatës. Klinikisht nuk ka shenja të sëmundjes.

Momentalisht në Klinikën Infektive nuk ka raste të hospitalizuara, si dhe raste të dyshuar në teren”, ka deklaruar Faik Hoti, drejtor i Departamentit për komunikim. Instituti Kombëtar i Shëndetit Publik i Kosovës rekomandon që në pikat kufitare dhe në aeroport të kujdestarojnë inspektorët sanitarë, derisa zyrtarët e Ministrisë së Shëndetësisë, përkatësisht drejtori për informimin Faik Hoti, kërkojnë nga qytetarët që të jenë të kujdesshëm dhe të sillen sipas rekomandimeve të mjekëve.

“Ministria e Shëndetësisë në kontakt me institucionet vartëse po mbikëqyrë çdo ditë situatën dhe ka raporte kthyese nga tereni për situatën epidemiologjike. Tash për tash, përkundër këtyre rasteve të dyshimta, nuk ka vend për panik dhe ekspertët rekomandojnë që qytetarët të sillen në mënyrë të përgjegjshme dhe të ndjekin rekomandimet e mjekëve”, ka thënë Hoti. Ndërkohë, identiteti tre të dyshuarve se mund të jenë prekur nga gripi i derrave nuk është bërë i ditur, por sipas burimeve tona tri rastet e dyshuara fillimisht janë vërejtur, derisa ishin jashtë vendit, se kanë simptome të gripit, ndërsa nga autoritetet e atij vendi janë kthyer për trajtim në Kosovë.
RTK

Faith: Çështja e bisedimeve mes EULEX-it dhe Beogradit është ekzagjeruar nga udhëheqësit kosovarë

Përfaqësuesi civil ndërkombëtar në Kosovë Pieter Feith, ka deklaruar se është në dijeni për bisedimet e EULEX-it me zyrtarët në Beograd, madje, sipas tij, për këtë janë në dijeni edhe zyrtarët kosovarë. Në një intervistë për Top Channel, Feith theksoi se çështja e bisedimeve mes EULEX dhe Beogradit është ekzagjeruar nga lidershipi kosovar.

Sipas tij, bisedimet e EULEX-it janë me qellim që të forcohet efikasiteti i këtij misioni.

“Po, unë jam në dijeni. Nuk duhet që ta ekzagjerojmë apo ta mbivlerësojmë rëndësinë e kësaj çështjeje. Këto janë instrumente teknike për të cilët po bisedohet në nivel teknik nga udhëheqësi i njësisë së policisë bashkë me homologun e vet në Beograd, me qëllimin që të forcohet efikasiteti i misionit EULEX”, ka pohuar Feith.

Për më tepër, Feith theksoi se gjithçka po bëhet në transparencë të plotë me qeverinë e Kosovës, pasi kreu i EULEX Iv de Kermabo është në kontakt të vazhdueshëm me zëvendëskryeministrin Hajredin Kuçi.

“Gjithçka po bëhet në transparencë të plotë. Shefi i EULEX, Iv De Kermabo është në kontakt të vazhdueshëm për këtë çështje me zv/kryeministrin. Unë jam i sigurt se konkluzioni do të jetë se kjo është në përputhje të plotë me pozicionin e autoriteteve të Kosovës. Qëllimi i vetëm është që të ndihmohet EULEX-i që ta bëjë punën e vet në mënyrën me efektive të mundshme”, ka theksuar Feith.
RTK

Kuçi: Kontaktet me Beogradin nuk janë njësoj si me Tiranën

Numri dy i qeverisë së vendit tha të premten se kontaktet e misionit EULEX me Beogradin nuk janë njësoj si me Tiranën.

"Mendoj se ne kemi qenë korrekt në reagimet tona. Ato reagime duhet ta ketë të qartë edhe zotëri Feith dhe gjithë të tjerët. Kontaktet me Beogradin nuk janë si me Tiranën dhe ka të stresuar trauma. Çdo gjë që bëhet me Beogradin duhet të jetë në transparencë të plotë jo vetëm të vendorëve, por edhe të ndërkombëtarëve që punojnë në Kosovë edhe zotëri Feith edhe të tjerët. Edhe vizita private nga vetë neve na shqetësojnë e le më tjerët?, ka thënë zv/kryeministri Hajredin Kuçi.

Përfaqësuesi Civil Ndërkombëtar në Kosovë, Pieter Feith, tw enjten ka deklaruar se është në dijeni për bisedimet e EULEX-it me zyrtarët në Beograd, madje, sipas tij, për këtë janë në dijeni edhe zyrtarët kosovarë.

Sipas tij, bisedimet e EULEX-it janë me qellim që të forcohet efikasiteti i këtij misioni.
Ndryshe, shefi i EULEX-it Yves de Kermabon i ka thënë zv/kryeministrit Kuçi se EULEX nuk ka bërë negociata me Beogradin në emër të Qeverisë së Kosovës për fusha të caktuara si policia, dogana dhe gjykatat.

Qeveria e Kosovës ka thënë se nuk është në dijeni për këto bisedime. /rtv21/
Telegrafi

[Llapjani_HH]

Kosova jo e gatshme për procesin e liberalizimit të vizave

Kosova ende nuk është e gatshme të përfshihet në procesin e liberalizimit të vizave, që është proces i pastër teknik, ka thënë për Radio Dukagjinin, ushtruesi i detyrës së shefit të Zyrës ndërlidhëse të Komisionit Evropian në Kosovë, Kjartan Bjornson.

Por Bjornson nuk e ka përjashtuar mundësinë që vendimi të ketë pasur edhe implikime politike.

Vendimi i Qeverisë e Kosovës që njëanshëm të implementojë kriteret e Komisionit Evropian për liberalizimin e vizave – sipas Bjornson – është një hap shumë pozitiv dhe ka shtuar se: “Nëse Kosova implementon me përpikëri dhe bindshëm vetë këto kushte, këto hapa natyrisht do t’ia lehtësojnë rrugën drejt procesit të liberalizimit të vizave”.

Por, sipas tij, me gjithë reformat e bëra Kosova nuk është e gatshme për këtë proces. “Kosova nuk është e gatshme ende për këtë proces, dhe ky është një proces i pastër teknik. Është e qartë po ashtu se ka edhe çështje politike për të cilat Kosova nuk është përfshirë në procesin e liberalizimit të vizave. Këto çështje dhe shqetësime të tjera do të përfshihen në raportin e fizibilitetit që do të publikohet në tetor”.

Ndërkohë, duke folur për vlerësimin e shoqërisë civile se Kosova po shndërrohet në një geto vizash, Bjornson ka potencuar se një vlerësim i tillë është ofendues. “Të them sinqerisht mendoj se përdorimi i fjalës geto është ofenduese. Në këtë kontekst qytetarët e Kosovës mund të udhëtojnë lirshëm me viza në shtetet e BE-së dhe në shtetet fqinje, prandaj Kosova nuk është një geto,” vlerësoi ai.

Bjornson po ashtu ka mohuar kategorikisht mundësinë që Komisioni ka bërë përjashtime të shteteve në baza religjioze në procesin e liberalizimit të vizave. /RTVD/
Telegrafi

Dhoma e Apeleve shfuqizon vendimin për Astrit Haraqinë

Në dhjetor të vitit të kaluar, Gjykata e Hagës shpalli dënimin për Ministrin e Kulturës, të Rinisë dhe Sporteve të Kosovës, Astrit Haraqija, me akuzat për ndërhyrje në drejtësi duke u përpjekur të bindë një dëshmitar të mbrojtur që të mos dëshmonte.

Gjykata e dënoi ish-ministrin Haraqija me 5 muaj burg lidhur me rastin e ish kryeministrit Ramush Haradinaj.

Dhoma e Apeleve arriti tw enjten në përfundimin se në dënimin e Haraqisë, Gjykata ishte mbështetur në mënyrë të tepruar në fakte të paprovuara duke përfshirë edhe pohime të bëra nga persona që i kishin dëgjuar ato nga njerëz të tjerë.

Dhoma e Apeleve la në fuqi dënimin për ish punonjësin e ministrisë Bajrush Morina me të njëjtat akuza. Ai ishte dënuar me tre muaj burgim. /VoA/
Telegrafi

AAK-ja kërkon nxjerrjen e Ligjit për diasporën

Aleanca për Ardhmërinë e Kosovës ka kritikuar institucionet e vendit për mostrajtim të duhur të diasporës. Udhëheqësi i grupit punues për diasporë, i kësaj partie, Jahja Lluka, ka thënë se AAK-ja në programin e vetë qeverisës parasheh krijimin e Ministrisë së Diasporës.

Sipas tij, në 10 vjetshin e fundit diaspora shqiptare është lënë anash nga institucionet e Kosovës. AAK-ja, gjithashtu, ka paraparë edhe nxjerrjen e Ligjit për organizimin e diasporës në baza institucionale dhe jo të ndarjeve partiake territoriale apo fetare.

Lluka ka thënë se diaspora duhet të përfaqësohet edhe në Parlamentin e Kosovës.
KTV

Fqinjët preken nga Gripi i Derrave, në Kosovë nuk kontrollohen udhëtarët nga jashtë

Altin Ahmeti, zyrtar për informim në Aeroportin e Prishtinës, ka thënë se për një kontroll mjekësor ndaj qytetarëve që vijnë nga jashtë është përgjegjëse Ministria e Shëndetësisë. Ai ka thënë se aeroporti ka siguruar një hapësirë për zyrtarët e ministrisë dhe për mjekët, mirëpo këta të fundit nuk kanë gjetur gatishmërinë për të qenë prezent.

Ndonëse është thënë se situata në Kosovë është nën monitorim të vazhdueshëm, qytetarët të cilët hyjnë në vend nëpërmjet aeroportit të Prishtinës nuk u nënshtrohen asnjë kontrolli mjekësor për të identifikuar se a kanë simptoma të gripit të derrave.

Zyrtarë të Aeroportit thonë se ata kanë krijuar hapësira për mjekët, por aty nuk po qëndron askush. Kurse në Ministrinë e Shëndetësisë pohojnë se janë duke e monitoruar situatën dhe se nuk ka kurrfarë arsye që gjendja të alarmohet. KTV-ja për 5 orë resht ka qëndruar në aeroport dhe nuk ka parë të jetë kontrolluar kush për virusin H1N1.

Në Aeroportin e Prishtinës nuk është ngritur asnjë strukturë mjekësore që do të kontrollonte qytetarët që hyjnë në vend, se a kanë simptoma të gripit A/H1N1. Ekipi i Kohavisionit ka qëndruar për pesë orë në aeroportin e Prishtinës duku përcjellë prej së afërmi gjendjen në terren. Mirëpo, që nga ora 10 e deri në orën 15 nuk është vërejtur askush të bëjë ndonjë kontroll mjekësor ndaj qytetarëve që hyjnë e dalin në Kosovë.

Ndërkohë, zyrtari për informim në Ministrinë e Shëndetësisë, Faik Hoti, ka thënë se Ministria është duke e monitoruar situatën dhe se nuk ka kurrfarë arsye që gjendja të alarmohet. Organizata Botërore e Shëndetësisë në raportin e fundit ka bërë të ditur se deri tash nga virusi H1N1 kanë humbur jetën rreth 700 persona në mbarë botën.

Ditët e fundit janë shënuar edhe rastet e para të infektimit në Shqipëri, duke bërë që tashmë vetëm Kosova nga vendet e rajonit të mos jetë e prekur nga ky virus. Por, duke parë nivelin e kontrollit që bëhet në pikat ku hyjnë qytetarët nga vendet e tjera në Kosovë, pyetja që mbetet është – a mund ta zbulojmë edhe nëse ndonjë i infektuar tashmë ndodhet në Kosovë?.
KTV

BE diskriminon myslimanët

Politika e regjimit të vizave e BE-së diskriminon kryesisht myslimanët. Partia e Gjelbët e Gjermanisë dhe ajo Social-Demokrate kanë kritikuar ashpër vendimin e BE-së për të përjashtuar nga heqja e regjimit të vizave shtetet si Kosovën, Shqipërinë dhe Bosnjën e Hercegovinën.

Rebecca Harms, deputete e të Gjelbërve në Parlamentin Evropian, thotë se politika e BE-së për regjimin e vizave po diskriminon popullatën myslimane në Ballkan. Në një intervistë për televizionin publik gjerman, ajo ka thënë se kjo mund të sjellë ndarje të tjera në Ballkan.

Ndërsa, Partia Social-Demokrate ka përshëndetur lehtësimin e regjimit të vizave për disa shtete të Ballkanit, por kundërshton politikën përjashtuese të BE-së për shtetet e tjera.

“Qytetarët e Shqipërisë, Bosnjës dhe Hercegovinës dhe të Kosovës janë përjashtuar nga mundësia e lëvizjes së lirë në Evropë”, ka thënë Schwall-Düren. Këto parti kritikojnë mosfutjen e Kosovës dhe Bosnjës si dy shtet më të përvuajtura në Evropë.
Gazeta expres

[Llapjani_HH]

Kermabon: Nuk po negociojmë

Yves de Kermabon thotë se me Beogradin nuk ka negociata, por vetëm takime të nivelit teknik për të cilat, sipas tij, Qeveria e Kosovës ka qenë vazhdimisht e informuar. Hajredin Kuçi i tërheq vërejtjen Shefit të EULEX’it se marrëveshje në emër të Kosovës mund të bëjnë vetëm institucionet e saj.

Shefi i Misionit të Bashkimit Europian, Yves de Kermabon, ka deklaruar të enjten se EULEX’i nuk ka pasur negociata me Beograd dhe as nuk ka mandat për këtë. Megjithatë, ai ka bërë të ditur se me Serbisë, njëjtë si me shtete tjera në rajon, EULEX’i, ka pasur dhe do të ketë takime të nivelit të teknik për të vendosur bashkëpunimin në fushën e sundimit të ligjit.

Për kontaktet me Beogradin, Kermabon ka sqaruar përfaqësuesit e Qeverisë së Kosovës në takimin e Bordit për sundim të ligjit që është mbajtur të ënjtën në Prishtinë. Përveç kreut të EULEX’it, bashkëkryesues i këtij bordi është edhe zëvendëskryeministri Hajredin Kuçi, i cili ka deklaruar se Prishtina nuk është në dijeni për diskutimet e Misionit Europian.

Në një komunikatë të përbashkët nga ky takim, Kermabon citohet të ketë thënë se nuk ka negociata me Beogradin, por vetëm takime teknike që kanë për qëllim luftimin e krimit të organizuar, trafikimin si dhe përmirësimin e shkëmbimit të negociatave në fushën e drejtësisë, policisë dhe doganave.

“Nuk kemi mandat për negociata, dhe nuk e bëjmë këtë. Mirëpo, e dini se për të qenë në gjendje që në mënyrë efikase të luftohet krimi, ka nevojë që të krijohen rrjete bashkëpunimi në nivel rajonal. Duhet të bashkëpunojmë dhe të shkëmbejmë informata e po ashtu të arrestojmë kriminelët në cilëndo anë të kufirit”, ka thënë Kermabon. “Për këto takime teknike përfaqësuesit e institucioneve kanë qenë të informuar gjatë gjithë kohës”, ka theksuar ai.

Edhe zëvendëskryeministri Kuçi ka deklaruar se EULEX’i nuk ka mandat për të negociuar me asnjë qeveri të huaj dhe as për të lidhur marrëveshje në emër të Kosovës.
“Ata mund ta provojnë, por një gjë e tillë i ka dy reperkusione; e para që ajo marrëveshje nuk do të jetë e pranueshme dhe e zbatueshme në Republikën e Kosovës dhe, e dyta, kjo do të thotë se EULEX’i bën tejkalimin e kompetencave të veta”, citohet të ketë thënë Kuçi, në një intervistë për Radion BBC.

“Por ajo që unë dua të besoj është se e gjithë kjo është më shumë një spekulim medial se sa diçka praktike. Unë do t’ia tërheq vërejtjen në mënyrë shumë serioze edhe zotit Kermabon, por edhe të tjerëve, se bisedime të tilla që prekin tërësinë territoriale të Kosovës, sovranitetin e plotë dhe karakterin unik të cilitdo sistem në Kosovë, janë të papranueshme”, ka theksuar ai.

Ndërkaq, kryetari i Partisë Socialdemokrate, Agim Çeku, konsideron se ka një paqartësi se mbi cilat dokumente mbështet mandatin EULEX’i, në Rezolutën 1244, Kushtetutën e Kosovës, dokumentin e BE’së, apo gjashtëpikshin. “Faktikisht, tani EULEX-i është duke bërë një punë jo shumë transparente, nuk i dimë cilat janë referencat, nuk e dimë përmbajtjen e bisedimeve, nuk e dimë qëllimin e bisedimeve dhe ka të drejtë zëvendëskryeministri që reagon, por më çudit pse reagon me letër”, ka thënë Çeku, për Radion Europa e Lirë.

Sipas tij, letra e Kuçit për Kermabon dëshmon se Qeveria dhe EULEX’i qëndrojnë larg njëri-tjetrit. Ne duhet të jemi këtu për një qëllim, që në Kosovë të ushtrohet, të respektohet ligji dhe rendi i Kosovës, Kushtetuta e Kosovës – ky është misioni i EULEX’it”, ka thënë ai.

Ish-Kryeministri Çeku ka ka kërkuar vendosjen e rendit dhe ligjit në gjykatat në veri dhe që kontrollimi i kufijve të bëhet vetëm me institucionet e Kosovës. “Beogradi si vend fqinj mund të informohet për veprimet, por s’ka çka të konsultohet apo të lypet pëlqimi i tij për një veprim brendapërbrenda Kosovës. Ajo është Kosovë, është territor i Kosovës dhe vetëm me institucionet legjitime të Kosovës të bisedohet”.
Gazeta expres

Goditet drejtësia

Policia e Kosovës ka goditur të enjten sistemin e drejtësisë në vend duke arrestuar kështu një gjyqtar, njëmbëdhjetë avokatë si dhe një zyrtar të sigurimeve. Arrestimi i tyre është kryer nën udhëheqjen e Drejtoratit Kundër Krimit të Organizuar, ndërsa trembëdhjetë personat janë ndaluar nën dyshimin se kanë kryer vepër penale të krimit të organizuar.

Aksioni i policisë është shtrirë në disa qytete të vendit. Pjesa dërrmuese e të arrestuarve janë nga Peja, Gjakova e Klina, ndërsa nuk kanë shpëtuar as Prishtina e Gjilani. Me gjithë numrin e madh të të arrestuarve, Policia e Kosovës të enjten ka heshtur më shumë se kurrë duke i lënë shumicën e detajeve që t’i zbulojë në konferencën e së premtes.

Megjithatë Expressi ka arritur të mësojë disa nga emrat e të arrestuarve.
Sipas burimeve të gazetës, gjyqtari i cili është arrestuar është Kolë Puka, gjyqtar në Gjykatën Komunale në Klinë. Gjithnjë sipas burimeve të gazetës, shtatë nga njëmbëdhjetë avokatët që të enjten janë arrestuar janë Prekë Pepaj, Zef Marlekaj, Lon Palushi, Xhefer Maloku, Haxhë Nikqi, Bedri Godanci e Xhavit Krreku.

Përmes një kumtese, Policia ka njoftuar shkurt se bëhet fjalë për trembëdhjetë persona të arrestuar nën dyshimin se janë të përfshirë në krim të organizuar. Jozyrtarisht, Expressi ka mësuar se tërë ky arrestim është kryer pas hetimeve të gjata rreth keqpërdorimeve në disa kompani të njohura të sigurimeve. Po ashtu, Express mëson se njëra nga këto është ish-kompania e sigurimeve “Kosova”, e themeluar në vitin 2000. Bëhet fjalë për parregullsi të brendshme financiare, për çfarë më vonë kjo kompani është marrë nën administrim të drejtpërdrejtë të Bankës Qendrore të Kosovës.

“Aksioni i udhëhequr nga Drejtorati Kundër Krimit të Organizuar ka rezultuar me arrestimin e trembëdhjetë personave në lokacione të ndryshme në territorin e Republikës së Kosovës”, thuhet mes të tjerash në komunikatën e lëshuar nga Policia. Sipas kumtesës, policia me autorizimet përkatëse të prokurorit të çështjes, kanë ndërmarrë kontrollin e shtëpive dhe lokaliteteve të ndryshme të personave të dyshuar në kërkim të elementëve dhe provave të ndryshme materiale mbi bazën e dyshimit për përfshirjen e tyre në krim të organizuar.

“Policia ka sekuestruar disa prova materiale në shtëpitë dhe lokacionet e të dyshuarve”, njoftoi për Express, zëdhënësi i policisë, Besim Hoti.
Sipas tij, trembëdhjetë personat e arrestuar me vendim të prokurorit janë dërguar në mbajtje. Policia nuk ka bërë të ditur vendin se ku janë dërguar të dyshuarit pas arrestimit.

“Klienti im nuk është arrestuar, por kidnapuar. Familja është njoftuar rreth orës 16.00 për arrestimin e familjarit të tyre dhe u është thënë se ai do të dërgohet në Prishtinë. Tek në ora 20.00 e kuptuam se ai është në Gjilan”, tha mbrojtësi i Xhavit Krrekut nga Gjakova, avokati Haxhi Millaku.

Të arrestuarit:

Kolë Puka, gjyqtar në Gjykatën Komunale në Klinë;
Prekë Pepaj, avokat;
Zef Marlekaj, avokat;
Lon Palushi, avokat;
Xhefer Maloku, avokat;
Haxhë Nikqi, avokat;
Bedri Godanci, avokat;
e Xhavit Krreku, avokat.
Muharrem R. avokat
Sadik T, avokat
Musa M, avokat
Zekë M, avokat

Gazeta expres

Dhjetëra arrestime në SHBA për korrupsion

Më shumë se 40 zyrtarë amerikanë nga pushteti lokal dhe nga organizata fetare janë arrestuar për korrupsion në Nju Xhersi.

Në mesin e të arrestuarve ka tre kryetar bashkie dhe pesë rabinë.

Vendimi erdhi pas një hetimi të madh mbi korrupsionin në publik, pastrimin e parave dhe trafikimin e organeve njerëzore.

Arrestimi dhe paraqitja në gjyq ishte pjesë e një hetimi dhjetëvjeçar, gjatë të cilit FBI tha se kishte zbuluar se marrja e rryshfetit ishte futur thellë në kulturën politike të Nju Xhersit.

Rretj 300 agjentë të FBI-së bastisën dhjetëra lokalitete në Nju Xhersi dhe Nju Jork.

Ditën e enjte, pesë rabinë hebrenj dhe një numër politikanësh të nivelit të lartë ishin në mesin e 44 të arrestuarëve, përfshirë edhe kryetarin e bashkisë të Hobokenit.

Peter Cammarano ka qenë në zyrë vetëm 23 ditë dhe tani akuzohet se ka marrë rrushfete.

Ushtruesi i detyrës së prokurorit, Ralf Marra, tha se korrupsioni ishte bërë një stil jetese për të akuzuarit dhe se ata po jetonin në një zonë të pamoralshme.

Rrjeti i pastrimit të parave ku ishin të përfshirë së paku 3 milion dollarë ishte i zgjeruar nga Shtetet e Bashkuara në Izrael dhe Zvicër.

Zoti Marra tha se takimet mes tyre kishin ndodhur në bodrume dhe banjo mes njerëzve që përdorin politikën dhe fenë për të mbuluar aktivitetin e tyre kriminal.
BBC Albanian

[Llapjani_HH]

Sa ka luftë kundër krimit të organizuar

Arrestimet e fundit të policisë ndaj një grupi që dyshohet të jetë i përfshirë në krim të organizuar, kanë nxitur debatin nëse bëhet fjalë në të vërtetë për një goditje të krimit të organizuar.

Arrestimi i 13 personave, të dyshuar se janë përfshirë në krim të organizuar, 11 nga të cilët tashmë po mbrohen në liri, ka ngjallur debate në vend.

Ndërsa subjektet politike në pushtet vlerësojnë se ky veprim paraqet një goditje kundër krimit të organizuar, opozitarët mendojnë se në fakt bëhet fjalë për arrestim spektakular.

Policia arrestoi të enjten 13 persona, 11 avokatë, një gjykatës dhe një zyrtar të një kompanie sigurimi, nën dyshimin se kanë bërë falsifikim dokumentesh, keqpërdorim të detyrës zyrtare, mashtrim e keqpërdorim të besimit. Operacioni u ndërmor në Mitrovicë, Pejë, Gjakovë, Prizren, Gjilan dhe Prishtinë.

Anëtari i Komisionit Parlamentar për Punë të Brendshme dhe Siguri, nga radhët e Lidhjes Demokratike të Kosovës, Agim Veliu, beson se me një veprim të tillë goditet krimi i organizuar.

“Unë jam i prirë t’u besoj edhe organeve të ndjekjes, edhe të drejtësisë. Sigurisht se ato janë çështje me të cilat duhet të merren organet kompetente dhe të vijnë në përfundimin e duhur”, tha Veliu.

Por, nënkryetari i Komisionit Parlamentar për Punë të Brendshme dhe Siguri, nga radhët e Aleancës Kosova e Re, Shkumbin Demaliaj, thotë se edhe kësaj here u bë një arrestim, siç e quan ai, spektakular.

“Ka qenë diçka spektakulare, por këto ndërmarrësi është dashur të ndodhin edhe më herët, sepse dihet se janë mbi 700 mijë lëndë në gjykatat e Kosovës të pazgjidhura, çka do të thotë se një e treta e popullit të Kosovës është në gjyq”.

“Personalisht, por edhe si grup parlamentar, vlerësoj se është koha e duhur, që nëse këta njerëz janë përfshirë në këto raste, duhet ta marrin dënimin e merituar. Dhe, kjo shtyllë shtetërore, që është segmenti i drejtësisë në këtë rast, ta marrë kahjen e duhur në zgjidhjen e lëndëve në favor të qytetarëve dhe jo në favor të tyrin personal dhe në favor të xhepave të tyre si të korruptuar”, tha Demaliaj.

Kryeministri Hashim Thaçi është deklaruar se Qeveria e tij i ka shpallur luftë krimit të organizuar. Megjithatë, raporti i parë monitorues i EULEX-it ka gjetur se policia madje nuk ka as strategji për të luftuar këtë dukuri negative.

“Drejtorisë për Krimin e Organizuar i mungon një dokument i hollësishëm strategjik, që i përkufizon qëllimet dhe objektivat e saj dhe, si rrjedhojë, nuk ekziston ndonjë politikë e shkruar ose strategji e përgjithshme, që i jep formë përpjekjes për t’u marrë me krimin e organizuar”, thuhet në raport.

Deputeti i Aleancës për Ardhmërinë e Kosovës, Naim Maloku, nuk beson se arrestimet e fundit do të godasin në të vërtetë krimin.

“Praktika e deritanishme ka treguar se janë arrestuar në mënyrë spektakulare dhe janë liruar brenda pak orësh. Tash të shohim nëse drejtësia po shkon në vend dhe a janë ose jo arrestime të gabuara”, shprehet Maloku.

Është thënë shpesh se lufta kundër krimit të organizuar është një nga masat kryesore, që Kosova duhet të ndërmarrë në rrugën e saj drejt integrimeve evropiane. Në të vërtetë, kjo luftë është shpallur disa herë në Kosovë, edhe atëherë kur fjalën kryesore e ka thënë administrata e OKB-së.

Por, raporte të ndryshme të grupeve qeveritare e joqeveritare pohojnë se Kosova ka edhe shumë punë për të bërë, për të çrrënjosur këtë dukuri. Ngecjet në këtë drejtim vijnë posaçërisht nga dështimet në sistemin e drejtësisë, i cili edhe nga EULEX-i u vlerësua të jetë larg përmbushjes së standardeve.

Shkumbin Demaliaj dyshon se drejtësia do të jetë e pavarur në lidhje me arrestimet e fundit.

“Në këtë rast, drejtësia nuk e dimë se si do të merret me drejtësinë. A janë në të të përfshirë edhe gjyqtarët e tjerë? Në këtë rast shihet se është një kamuflim i madh, sepse ata më në fund janë kolegë, kanë vepruar bashkë dhe tash s’dimë se si do të zgjidhet problemi mes drejtësisë me drejtësinë”, tha Demaliaj.

EULEX-i në raportin e tij të fundit ka shprehur shqetësimin për mungesë pavarësie të gjykatësve dhe prokurorëve. /Radio Evropa e Lirë/
Telegrafi

Thyhet banesa e drejtorit të AKK-së, Hasan Preteni

Është thyer banesa e drejtorit të Agjencisë Kosovare Kundër Korrupsionit, Hasan Preteni.

Sipas zëdhënësit të Policisë së Kosovës, Besim Hoti, në banesën e Pretenit përveç gjërave të tjera, janë vjedhur edhe gjësende zyrtare të Agjencisë Kundër Korrupsion, përfshirë lap top-in e tij. Ndërkohë zyrtari i Agjencisë Kosovare Kundër Korrupsionit, Mefail Bajçinovci, njofton se në banesën e Pretenit është vjedhur edhe çanta e tij zyrtare, në të cilën Preteni mban dokumente, por se aktualisht nuk mund të konfirmojnë nëse i mungon ndonjë dokument i rëndësishëm zyrtar ose jo. Deri tash nuk ka asnjë të arrestuar e as të dyshuar, bën të ditur Policia.
KTV

Dyshimet e Ganiut

Në LDK nuk kemi me kë të flasim, sepse aty nuk ka ‘zot shtëpie’. LDK sundohet nga Kryeministri Thaçi. Koalicionin parazgjedhor e pengon marrëveshja PDK-LDK. Prej LDK’së na kanë përzënë me polici civile. Fatmir Sejdiu ka gjetur një vëlla të ri dhe e ka harruar vëllanë e vjetër. E tronditur është LDK, e jo LDD. Gani Geci flet për Express

Propozimi i Berim Ramosajt nuk i mbush syrin Gani Gecit. Jo pse nuk i pëlqen, por për shkak se nuk sheh dikë në Lidhjen Demokratike të Kosovës me të cilin njerëzit e Lidhjes Demokratike të Dardanisë do të mund të bisedonin për një bashkëpunim në të ardhmen.

Politikani që shpesh del i nervozuar në foltore për të kundërshtuar politika të Qeverisë aktuale tregohet i kujdesshëm kur flet për nënkryetarin e LDD’së i cili “i doli prej dore” partisë javë më parë duke hapur një plagë që po shihet se nuk shërohet lehtë; ribashkimin e LDD’së me LDK’në.

“Është çështje e tij. Unë e respektoj atë, është një profesor mjaft i fortë në universitet dhe mund ta pyesni atë”, shprehet ai kur pyetet se çka mund ta ketë shtyrë Berim Ramosajn të dalë me këtë propozim.

Në një intervistë për “Express”, deputeti i LDD’së në Kuvendin e Kosovës ironizon me LDK’në duke thënë se kjo parti po sundohet nga “një parti tjetër”. E ka fjalën për PDK’në dhe kryeministrin e Kosovës, Hashim Thaçi.

“E them këtë duke pasur parasysh zhvillimet që kanë ndodhë brenda LDK’së me Blerim Kuqin. Ai është shkarkuar nga posti i kryeshefit ekzekutiv të LDK’së atëherë kur ka dashtë kryeministri. Aktualisht në LDK nuk ka me kë të bisedohet. Ky është realiteti. Zhvillimet në LDK i paraprin dhe i dirigjon vetë kryeministri”, thotë Gani Geci.

Sipas tij, LDK tani nuk ka një ‘zot shtëpie’ dhe fakti që ajo drejtohet nga nënkryetarët e bën më të vendosur në konstatimin e tij se “aty ka përzierje kompetencash”.

“LDK nuk ka zot shtëpie. Posti i kryetarit të LDK’së është i ngrirë dhe ky post shkrihet atëherë kur do kryeministri Hashim Thaçi”, thotë deputeti i Kuvendit të Kosovës nga LDD.

Në vitet e pasluftës, Gani Geci dhe familja e tij kanë bartur flamurin e LDK’së në Drenicë. Kjo deri në vitin 2006 kur ai u rreshtua në krah të Nexhat Dacit në garën e tij për kryetar të LDK’së.

Kur ky i fundit humbi garën nga Fatmir Sejdiu dhe themeloi LDD’në, për Gani Gecin nuk kishte dy zgjidhje.

“Kur është ndarë LDK është ndarë me polici. Edhe atë me policë civilë. Policë civilë në një kuvend të rregullt dhe normal të partisë nuk mund të ketë. Mirëpo kur përgatitet mirë një, ajo edhe ndodh”, thotë Geci duke kujtuar zhvillimet e kuvendit të LDK’së të dhjetorit 2006.

Por pavarësisht atyre që ndodhën, a ekziston ndonjë shans që LDK dhe LDD të bashkohen?

Shkrimin e plotë mund ta lexoni në numrin e sotëm të gazetës Express.
Gazeta expres

[Llapjani_HH]

Pyeten dhe lëshohen

Njëmbëdhjetë avokatët e arrestuar të enjten, pas intervistimit nga policia, janë liruar në procedurë të rregullt. Në mbajtje ka mbetur vetëm gjyqtari Kolë Puka, dhe avokati Zef Marlekaj

Nga trembëdhjetë personat e arrestuar të enjten, shumica avokatë, policia ka liruar njëmbëdhjetë prej tyre në mënyrë të rregullt. Edhe pse është intervistuar në orët e vona të së premtes edhe gjykatësi Kolë Puka dhe avokati Zef Marlekaj, ata ende kanë mbetur në mbajtje shkaku i vonesave procedurale, por edhe lirimi i tyre ka gjasa të ndodhë sot.

Trembëdhjetë personat janë arrestuar si pjesë e aksionit policor “Koalicioni”, i zhvilluar një ditë më parë nën dyshimin se janë të përfshirë në vepra penale që kanë të bëjnë me krim të organizuar.

Ndonëse policia ka vazhduar të mbajë sekret emrat e të arrestuarve, gazeta ka arritur të mësojë se bëhet fjalë për gjyqtarin e Gjykatës Komunale të Klinës, Kolë Puka (1958), zyrtarin e Shoqatës së Sigurimeve, Haki Nuza (1970) si dhe avokatët: Zef Marlekaj Haxhë Nikqi (1948), Xhafer Maloku (1948), Bedri Godanci (1959), Prenkë Pepaj (1961), SadikTanjoll (1946), Fahrie Qeku Kabashi (1953), Muharrem Ramadani (1955), Mustafë Musa (1953), Sahit Musa (1955) dhe Xhavit Krreku (1961).

“Njëmbdhjet nga avokatët janë liruar në procedurë të rregullt dhe intervistomi i të tjerëve është duke vazhduar. Vendimi mbetet te prokurori i çështjes nëse të tjerët do të mbeten në mbajtje policore apo do të lirohen”, tha për Express zëdhënësi i policisë Besim Hoti, duke mos dhënë emrat e të liruarve.

Lirimin e avokatëve e kanë konfirmuar për Express avokatët e të dyshuarve. Lirimi i tyre ka rezultuar disa orë pasi që Rexhep Fetahu nga Drejtoria Kundër Krimit të Organizuar në konferencën e rregullt policore ka shpjeguar për arsyet e arrestimit të tyre. Fetahu nuk ka dhënë dhe aq detaje, duke thënë se janë duke vazhduar me zbulimin e mëtejmë të dyshimeve, para se rasti të kalojë në gjykatën kompetente.

“Drejtoria Kundër Krimit të Organizuar, përkatësisht njësia kundër krimeve financiare, ka arrestuar 13 të dyshuar për kryerjen e veprave penale të falsifikimit të dokumenteve, mashtrimit, keqpërdorimit te detyrës zyrtare, keqpërdorim të besimit të qytetarëve, etj’, tha gjatë konferencës Fetahu.

Sipas tij, arrestimet janë kryer në gjashtë qendra të Kosovës, ndërsa janë kontrolluar edhe shtëpitë dhe lokacionet e të dyshuarve.

“Kemi arritur të konfiskojmë disa kompjuterë, ndërsa te një avokat në Klinë policia ka gjetur një revole TT me 16 fishekë’, tha më tej Fetahu.

Personat e arrestuar, sipas Fetahut, dyshohen se kanë kryer veprën penale të mashtrimit të qytetarëve, në emër të përfaqësimit të tyre në kompani të ndryshme të sigurimit rreth aksidenteve të ndryshme të komunikacionit.

Informacionet që janë përdorur për këtë rast janë mbledhur që nga viti 2003, provat janë mbledhur dhe pas intervistimit të tyre gjykata do të merret me procedim të çështjes.

Informacionet për këto dyshime, sipas Rexhep Fetahut janë mbledhur që nga viti 2003 ndërsa rasti i tashëm sipas tij drejtohet nga dy prokuror vendës dhe një ndërkombëtar.

Express ka mësuar se njëri nga prokurorët vendor është ai i Prokrorisë Speciale të Kosovës, Ali Rexha.

Rexhep Fetahu nuk ka treguar se si janë kryer veprimet joligjore nga ana e avokatëve ndërsa sa për ilustrim ka marrë një shembull që sipas tij në formë të njëjtë kanë vepruar edhe avokatët.

“Një qytetarë i drejtohet avokatit për një aksident trafiku me dëmtime të rënda trupore që mundë ta ketë, procedurat shkojnë përmes kompanive të sigurimeve, avokatët marrin autorizimin për përfaqësim, pastaj dëmpërshblimi bëhet p.sh. për 20 mijë euro, por avokati klientit i tregon vetëm për 10 mijë euro, qytetari nuk ka shkuar fare ta sheh lëndën dhe ato 10 mijë euro që i ka treguar avokati për to i kanë ndarë në dysh, ndërkohë që avokati ka fituar edhe 10 mijë euro tjera pa dijenin e klientit të tij”, njoftoi ai.

Rënie të krimit

Veç raportimit për arrestimet e një dite më herët, policia e Kosovës gjatë konferencës së rregullt për shtyp ka publikuar edhe statistikat e policisë në lidhje me veprat penale të kryera në Kosovë. Bazuar në to del se krahasuar me vitin e kaluar këtë vit në Kosovë kemi rënie të krimit.
“Krahasuar me gjashtë mujorin e parë të vitit të kaluar, në gjashtë mujorin e parë të këtij viti kemi rënie të krimit për 7 për qind”, tha drejtori i drejtoratit të analizës së krimeve, nënkoloneli Fehmi Hoti.
Në gjashtë muajt e parë të vitit të kaluar, sipas tij, ka pasur gjithsej 31117 vepra kriminale të kryera në Kosovë, derisa në gjashtë muajt e parë të këtij viti janë kryer 20025 vepra të tilla.
Nga numri i veprave të kryera nga janari e deri në qershor të këtij viti, sipas Hotit, 12736 janë të mbyllura derisa 12689 ende nën hetime.
Në kuadër të kësaj rënie të krimit është rënë edhe numri i vrasjeve, ndërsa, sipas Hotit, vetëvrasjet janë shtuar në këtë vit.
Gazeta expres

Analizat janë dërguar në Beograd

Zyrtarë të Institutit Kombëtar të Shëndetësisë Publike të Kosovës (IKSHP), gjatë ditës së sotme kanë kontaktuar qendrat rajonale të shëndetësisë publike në vend, dhe në bazë të raporteve nga terreni, nuk ka ndonjë rast të dyshuar të gripit të derrit Influenza A H1N1.

Ndërsa, analizat e tri rasteve të dyshuara me grip, për të cilët u raportua dje, janë dërguar për analiza laboratorike në Institutin Torlak të Beogradit, ka bërë të ditur Faik Hoti, drejtor i Departamentit për Komunikim në Ministrinë e Shëndetësisë.

“Përfaqësues të OBSH-së, Zyra në Prishtinë, kanë bërë të ditur se mostrat e tri rasteve të dyshuara të kontaktit, të cilat janë identifikuar në IKSHP, por të cilat nuk kanë pasur shenja klinike të gripit të virusit H1N1, janë dërguar për analiza laboratorike në Institutin Torlak të Beogradit”, thuhet në komunikatën shpërndarë medieve.

Pritet që rezultatet të kthehen sapo të kenë përfunduar analizat, dhe Ministria e Shëndetësisë do t’i komunikojë menjëherë për opinion.
Gazeta expres

[Llapjani_HH]

Shënohet rasti i parë i gripit të derrave në Kosovë :mad:


Në Kosovë është konfirmuar rasti i pare i virusit H1N1, i njohur edhe si "gripi i derrave", ka konfirmuar një zyrtar i Organizatës Botërore të Shëndetësisë. “Personi me virus arriti në Kosovë nga Britania e Madhe, pak ditë më parë", tha Sami Uka nga OBSH.

Gjendja e pacientit aktualisht është e mirë , shtoi ai. Zyrtarët medikalë kosovarë po shikojnë nëse edhe anëtarë të tjerë të familjes janë te prekur nga ai virus.

Deri më sot, Kosova ishte vendi i fundit në Ballkan ku nuk ishte shënuar prania e këtij virusi.
RTK

Konfirmohet rasti i parë i gripit në Kosovë :mad:


Ministria e Shëndetësisë konfirmoi paraqitjen e rastit të parë me virusin A-H1N1 në Kosovë. I infektuari është një kosovar, i cili është kthyer para disa ditësh nga Anglia.

Faik Hoti, zëdhënës i Ministrisë së Shëndetësisë, konfirmoi për Express se analizat e dërguara para tri ditësh në një laborator në Beograd kanë rezultuar pozitive.

I infektuari është një 9-vjeçar me banim në Londër, i cili para disa ditësh ka ardhur për pushime me familje në Kosovë.

Zëdhënësi i MSH-së, Faik Hoti, bëri të ditur se i infektuari nuk është i shtrirë në klinikë, meqë tashmë i ka kaluar fazat klinike të sëmundjes. Sipas tij, gjendja e pacientit aktualisht është e mirë.

Zyrtarët e Organizatës Botërore të Shëndetësisë (OBSH) kanë thënë se po shikojnë nëse edhe anëtarë të tjerë të familjes janë të prekur nga virusi.

Javën e kaluar, OBSH-ja dërgoi për analiza në Institutin Torlak në Beograd katër mostra të të dyshuarve se janë të prekur nga virusi A-H1N1. Dy nga mostrat janë analizuar, nga të cilat njëra ka rezultuar pozitive e tjetra negative.

Ndërsa, dy të tjerat me sugjerimin e OBSH-së, nuk janë analizuar fare, meqë të dyshuarit nuk kanë pasur shenja klinike të sëmundjes dhe nuk ka pasur nevojë të bëhen analiza të tilla.

Kosova është vendi i fundit në Ballkan, ku vërtetohet prania e virusit që ka përfshirë më shumë se 160 shtete të botës.
Gazeta expres

Maqedonia do të vendosë viza për Kosovën dhe Shqipërinë?! :redface:



Liberalizimi i regjimit të vizave për qytetarët e Maqedonisë, do të mund të rezultonte me kufizimin e hyrjeve të shtetasve të Kosovës dhe Shqipërisë në Maqedoni, shkruan sot "Koha ditore".

Gazeta bën të ditur se shtetasve të Kosovës dhe Shqipërisë ndoshta do t`u nevojiten viza për hyrje në Maqedoni prej 1 janarit, kur vendi duhet të gjendet në Listën e bardhë të Shengenit.

Nga Ministria e Punëve të Jashtme e Maqedonisë pohojnë se tani për tani nuk është marrë kurrfarë vendimi.

"Është herët të flitet për këtë. Do të jemi në kontakt të vazhdueshëm me Këshillin Evropian deri në konfirmimin përfundimtar për liberalizimin e vizave dhe qytetarët e këtyre dy vendeve do të informohen kur vendimi do të hyjë në fuqi.

Vendosja e vizave për dy vendet fqinje nuk do të jetë zgjedhje e Maqedonisë, por kjo do të varet nga rekomandimet e Bashkimit Evropian", deklaroi zëdhënësi i MPJ-së së Maqedonisë, Petar Çulev. /Makfaks/
ALSAT M

[Llapjani_HH]

Rusia tradhton Serbinë, nuk deponon në Hagë komentet kundër Kosovës

• Rusia, aleati më besnik i Serbisë, nuk ka deponuar komente rreth rastit të Kosovës në Gjykatën Ndërkombëtare të Drejtësisë në Hagë. Më 17 korrik kur ka qenë afati i fundit për dorëzimin e komenteve, Serbinë e kanë “tradhtuar” edhe dy shtete tjera të mëdha, Kina dhe Brazili, të cilat po ashtu nuk kanë deponuar komentet e tyre.

HAGE- Rusia, aleati më besnik i Serbisë, nuk ka deponuar komente rreth rastit të Kosovës në Gjykatën Ndërkombëtare të Drejtësisë në Hagë. Më 17 korrik kur ka qenë afati i fundit për dorëzimin e komenteve, Serbinë e kanë “tradhtuar” edhe dy shtete tjera të mëdha, Kina dhe Brazili, të cilat po ashtu nuk kanë deponuar komentet e tyre.
Fakti që këto tre shtete kanë abstenuar nga faza e dytë e procesit rreth rastit të Kosovës, është bërë e ditur zyrtarisht nga Gjykata e Drejtësisë në Hagë. Ndryshe , Rusia , Kina dhe Brazili kanë paraqitur deklaratat e tyre në prill dhe është oritur që të paraqesin edhe komentet.
Në favor të Kosovës, komentet i kanë dorëzuar 9 shtete, SHBA, Mbretëria e Bashkuar, Franca, Gjermania , Holanda, Sllovenia, Zvicra, Norvegjia dhe Shqipëria. Ndërkaq në favor të Serbisë janë vëtëm katër shtete, Qipro, Bolivia Argjentina dhe Spanja.

Po ashtu Gjykata e hagës ka bërë të ditur zyrtarisht se seanca dëgjimore rreth ligjshmërisë së pavarësisë së Kosovës, do të fillojë më 1 dhjetor të këtij viti. Në një kumtesë të lëshuar të mërkurën, Gjykata Ndërkombëtare e Drejtësisë ka njoftuar se përvec të gjitha shteteve anëtare të Kombeve të Bashkuara, edhe Kosovës i lejohet pjesëmarrja e plotë në seancat dëgjimore.
Shtetet që duan të marrin pjesë në këtë fazë përfundimtare të procesit, përfshirë edhe Kosovën , duhet të bëjnë kërkesë në Gjykatën e Drejtësisë deri më 15 shtator.
BalkanWeb

Kursejnë deputetët

Deputetët e Kuvendit të Sllovenisë kanë ulur shpenzimet për udhëtime zyrtare në botë. Delegacionet zyrtare më nuk përbëhen prej pesë vetave, por kanë dy më pak, shkruan e përditshmja kroate, “Vecernji list”. Është zvogëluar edhe numri i personelit përcjellës dhe i anëtarëve të delegacioneve të huaja, shpenzimet e të cilave paguhen nga arka e këtij shteti. Pos këtyre, do të udhëtohet vetëm në klasën ekonomike, kurse në raste të jashtëzakonshme, mund të shfrytëzohet ajo afariste.

Pos kursimeve për shpenzime të reprezentacionit, punësimit të studentëve dhe të atyre me honorar, sllovenët kursejnë 10 mijë euro për dekorimin e ambientit të parlamentit. Në pjesën e parë të vitit, 90 deputetët dhe 361 të punësuarit në Parlament kanë kursyer 1,6 milion euro.

Mojca Prelsnik, sekretare e Parlamentit, sqaron se në pjesën e parë të vitit për udhëtime zyrtare janë kursyer 89 mijë euro, kurse 40 për qind janë zvogëluar pagesat për punë jashtë orarit. Tani legjislativi i këtij vendi ka 12 vetura, nga 14 sa kishte dhe është shtyrë për një kohë tjetër renovimi i ambienteve të punës.

Masa të kursimit qeveria ka aplikuar edhe për përdorimin zyrtarë të telefonave. Ministrave, zëvendësve të tyre, sekretarit dhe shefit të kabinetit qeveritar, për këtë qëllim u lejohet të shpenzojnë 110 euro në muaj, nga 146 sa kishin më herët, drejtorët dhe sekretarët e ministrive mund të shpenzojnë 61euro, zëvendësit e tyre – 47, kurse stafi tjetër qeveritar vetëm nga 15 euro në muaj.
Gazeta expres

Këta janë deputet që mendojn për shtet, e jo si deputetët e Kosovës që mendojn vetëm për gjep t'vetin e kërkojn edhe në këtë krizë rritjen e rrogave etj,etj..

[Llapjani_HH]

Deputetët arabë institucioneve kosovare: Loboni më shumë për njohjen e pavarësisë

Deputetë të tri shteteve arabe kanë kërkuar nga institucionet e Kosovës që të jenë më aktive në lobimin për njohjen e pavarësisë nga bota islame. Vetëm një numër i vogël shtetesh arabe deri më tani kanë njohur Kosovën, kurse diplomacia kosovare ka vështirësi për të depërtuar në këtë pjesë të botës. Ndërsa një deputet nga Egjipti premton ngritjen në parlament të njohjes së pavarësisë së Kosovës, një deputet irakian tha se shteti i tij mund të fillojë të mendojë për Kosovën pasi situata në Irak është në përmirësim.

"Të gjitha përpjekjet tona duhet të jenë që Egjipti ta njohë Kosovën zyrtarisht si shtet i pavarur, pastaj do të pranojmë edhe delegacione zyrtare nga Kosova”, tha Gamal Zahran, Deputet nga Egjipti.

"Mendoj se këtu në Kosovë duhet të jetë një grup i cili duhet të punojë për njohjen e Kosovës nga vendet arabe, në mënyrë permanente”, u shpreh Alaa Makki Abdur-Razzak, Deputet nga Iraku. "Shumë shtete islame nuk e dijnë se çka po ndodh në Kosovë. Neve na është dhënë rasti që të bisedojmë për gjetjen e rrugëve më të mira për ndërtimin e marrëdhënieve më të mira të Kosovës me vendet arabe”, thote Moh'd Abdallah Al Hamad Abu Hdeib, Deputet nga Jordania.

Kritikat për mungesë lobimi, për kryetarin e Parlamentit Krasniqi qëndrojnë. "Ndoshta vonesa e njohjes së Kosovës nga shtetet e botës islame ka ardhur edhe si rezultat i kontakteve jo të mjaftueshme mosnjohjes së duhur të luftës dhe angazhimeve të popullit shqiptar për liri dhe pavarësi”, tha Jakup Krasniqi, Kryetar i Parlamentit të Kosovës.

Gjatë vizitës në Kosovë, delegacioni i shteteve arabe është takuar edhe me kreun e Bashkësisë Islame, myftiun Naim Tërnava dhe me Komisionin Parlamentar për Punë të Jashtme.
ALSAT

Edhe dy raste të dyshuara me gripin e derrave

Dyshohet edhe për dy raste të të infektuarve me virusin A/H1N1, deklaroi përfaqësuesi i Institutit Kombëtar të Shëndetit Publik Isuf Dedushaj. Zyrtarët e Ministrisë se Shëndetësisë thonë se ka rritje të rasteve të cilët po i nënshtrohen kontrollave mjekësore për ekzaminim

Të dy rastet, te të cilat janë marrë analizat për verifikim janë bashkatdhetarë të cilët kanë ardhur për pushime në Kosovë. Drejtori i Departamentit të informimit Faik Hoti, theksoi se në Kosovë po vërehet një rritje e numrit të qytetarëve të cilët po u nënshtrohen kontrollave mjekësore për gripin e derrit.
Epidemiologu Jusuf Dedushaj, informon se ka raste të reja të cilët dyshohen për gripin e derrit, e që janë në prije të rezultateve dhe se ende nuk ka të dyshuar që jetojnë në Kosovë.
Hoti në anën tjetër theksoi se Ministria e Shëndetësisë, po vepron në bazë të rekomandimeve të Organizatës Botërore të Shëndetësisë.
Ministria e Shëndetësisë, vazhdimisht apelon të qytetarët, se Kosova është mirë e përgatitur me doza të Tamiflus dhe se këto doza do të jepen falas për personat e prekur nga ky virus.
RTK

QKUK: Sulmohet fizikisht infermieri – shkak mungesa e qeseve urinare

Përmes një komunikate për opinion, të nënshkruar nga zëdhënësi i këtij institucioni shëndetësor, bëhet e ditur se në Qendrën Emergjente të Qendrës Klinike Universitare të Kosovës, sot në mëngjes është sulmuar fizikisht infermieri L.TH, punëtorë i ndërrimit të natës. Ngjarja ka ndodhur në orën 6:05, derisa infermieri po e kryente detyrën e tij.

Siç ka shpjeguar i sulmuari, sulmi ka ndodhur, derisa ai po i shpjegonte një familjari se në mungesë të qeseve urinare duhet blerë ato për të kryer shërbimin. Menjëherë pas kësaj, pala e revoltuar fillimisht ka sulmuar verbalisht institucionin dhe stafin. Infermieri, pas kësaj është munduar ta qetësojë palën duke i shpjeguar atij për mungesën e shumë gjërave, mes tjerave edhe qeseve urinare, mirëpo pala nuk bindej. Pas gjithë këtyre pakënaqësive, pala ka sulmuar fizikisht infermierin L.TH.

QKUK-ja vlerëson se aktet e tilla të ushtrimit të dhunës ndaj punëtorëve shëndetësorë në detyrë në institucionet publike, janë të papranueshme dhe dëmtojnë rëndë imazhin e punëtorëve shëndetësor dhe ofrimin e shërbimeve shëndetësore cilësore për gjithë qytetarët e Kosovës.

QKUK-ja, kërkon nga organet kompetente që të ndërmarrin masa për mbrojtur gjithë punëtorët shëndetësor, të cilët edhe përkundër vështirësive dhe problemeve të shumta, po tregojnë suksese në punë, thuhet në komunikatën e lëshuar sot nga zëdhënësi i QKUK-së.
RTK

[Llapjani_HH]

Kosova pa vendim rreth zgjedhjeve serbe

Qeveria e Kosovës nuk ka ndonjë vendim të prerë se si do të sillet në rastin e paralajmërimit të Beogradit për mbajtjen e zgjedhjeve serbe në dy komuna të Kosovës, më 16 gusht.

Beogradi ka paralajmëruar mbajtjen e zgjedhjeve të jashtëzakonshme për institucionet paralele serbe, për Komunën e Prishtinës (në Graçanicë) dhe atë të Pejës (në Gorazhdec). Qeveria e Kosovës thotë se ende nuk ka vendim se si do të sillet ndaj këtyre paralajmërimeve.

Zëdhënësi Memli Krasniqi tha se Qeveria do të marrë një vendim adekuat rreth këtyre zgjedhjeve të paralajmëruara në momentin më të përshtatshëm. Ndërkohë, partitë politike konsiderojnë se Beogradi nuk ka kurrfarë mandati që të organizojë zgjedhje të lira në territorin e Kosovës, qofshin ato të rregullta apo të jashtëzakonshme.

Nënkryetari i Lidhjes Demokratike të Kosovës, Lutfi Haziri, thotë se askush nuk ka autoritet që të ndërhyjë në Kosovë dhe të menaxhojë apo organizojë procese zgjedhore. Prandaj, sipas tij, Qeveria dhe institucionet e pranisë ndërkombëtare duhet të reagojnë dhe të mos lejojnë mbajtjen e tyre.

“Strukturat paralele në Kosovë, të cilitdo vend qofshin, cilësdo parti, duhet të shpërbëhen në tërësi, duhet të shkrihen, duhet të eliminohen, sepse nuk i ndihmojnë procesit, e aq më shumë që shteti serb, fqinji verior i Kosovës, po vazhdon të sjellë në Kosovë probleme të tilla. Kosova ka kapacitete mos t’i lejojë”, tha Haziri.

“Kosova i ka ftuar dhe i ka brenda shtetit të vet dy institucione evropiane me mandat të plotë, që në raste të tilla ato duhet ta ushtrojnë mandatin. Është ICO, e cila ka dy kapela të komunitetit ndërkombëtar, dhe të BE-së, por edhe forcat e sigurisë që garantojnë që të tjerët nuk mund të ndërhyjnë, sepse NATO nuk është në Kosovë që të na ruajë ne nga pretendimet territoriale dhe agresioni i mundshëm i vendeve tjera”, shton Haziri.

Një qëndrim edhe më të ashpër kundër mbajtjes së zgjedhjeve serbe në Kosovë e mban Aleanca për Ardhmërinë e Kosovës. Sekretari i Përgjithshëm i AAK-së, Burim Ramadani, thotë se lejimi eventual i mbajtjes së këtyre zgjedhjeve nënkupton lejim të shkeljes në sovranitetin e shtetit të Kosovës.

“Këto zgjedhje shkelin sovranitetin e Kosovës, janë në kundërshtim me Kushtetutën, ligjet dhe rregullat në Kosovë. Janë në kundërshtim me jetën demokratike në Kosovë dhe institucionet e vendit e kanë për obligim që të reagojnë, në mënyrë që të mos lejojnë mbajtjen e këtyre zgjedhjeve ilegale, qofshin të parakohshme apo të rregullta”, u shpreh Ramadani.

Në anën tjetër, kryetari i Këshillit Nacional Serb, Dragan Veliq, thotë se autoritetet në Beograd kanë konstatuar se për Komunën e Prishtinës dhe atë të Pejës duhet organizuar zgjedhje të jashtëzakonshme, pasi që është vërejtur se këto komuna nuk po funksionojnë. Ai po ashtu nuk pajtohet me institucionet e Kosovës se këto zgjedhje do të prodhonin struktura paralele.

“Nuk pajtohem që këto janë struktura paralele. Sigurisht që zgjedhje të tilla duhet të mbahen. Institucionet formohen që t’u dalin në ndihmë qytetarëve serbë në realizimin e të drejtave të tyre”, tha Veliq.

Ndërkohë, mungesa e qëndrimit të qartë të Qeverisë së Kosovës mendohet se mund të jetë e ndërlidhur me konsultimet shtesë që u duhen autoriteteve vendase me ato ndërkombëtare.

Sidoqoftë, Serbia edhe në të kaluarën ka organizuar zgjedhje në Kosovë, përkundër kundërshtimeve të autoriteteve kosovare, përderisa prania ndërkombëtare në vazhdimësi është deklaruar se nuk i organizon, por as nuk i pengon zgjedhjet e tilla.

Kësaj radhe bëhet fjalë për zgjedhje të jashtëzakonshme, që Beogradi parasheh për dy komuna në Kosovë. Me mbështetjen e Beogradit, serbët lokalë kanë organizuar institucione paralele, siç është ai i Kuvendit të komunave serbe të Kosovës. Radio Evropa e Lirë
Telegrafi

Kërkohet më shumë diplomaci për Kosovën

Anëtari i Komisionit për politikë të Jashtme dhe nënkryetar i LDK-së, Lutfi Haziri, i tha BBC-së se nuk ka një angazhim serioz dhe të koordinuar të institucioneve të Kosovës me vendet e botës arabe dhe islamike për të arritur njohje të reja.

Ai tha se Kosovës i duhet një diplomaci parlamentare dhe më e angazhuar në vendet islamike.

Haziri tha se duhen përpjekje më të mëdha në veçanti me Egjiptin, që ka një ndikim të madh në vendet anëtare të Konferencës Islamike.

Deklaratat e tij pasojnë vizitën në Kosovë të një delegacioni të deputetëve të Egjiptit, Jordanisë dhe të Irakut, të cilët kanë kërkuar veprime më konkrete të institucioneve të Kosovës me botën arabe dhe islame. /bbc/
Telegrafi

Edhe LDK lyp kamera, të mos përsëritet “rrjedhja e votave”

Lidhja Demokratike e Kosovës (LDK) e mbështet kërkesën, e cila së pari është shtruar nga partitë në opozitë, që nëpër vendvotime të vendosen kamerat, në mënyrë që procesi i zgjedhjeve të jetë sa më transparent.

Lutfi Haziri, nënkryetar i LDK-së, tha se në zgjedhjet e fundit ka pasur "rrjedhje të votave” dhe mijëra vota janë shpallur të pavlefshme.

“Ne e mbështesim qëndrimin e grupeve politike, që të gjitha vendvotimet, dhe komisionet komunale të jenë të pajisura me teknologji informative që përfshin kamerat në të gjitha vendvotimet në mënyrë që ky proces të bëhet transparent për qytetarët. Ky proces bëhet i domosdoshëm për të gjithë qytetarët, dhe verdikti i tyre të jetë i konfirmuar në mënyrën më të mirë të mundshme”, tha Haziri, në konferencën me gazetarë, që LDK e mban çdo të premte.

LDK konsideron se Qeveria ka kapacitete financiare dhe buxhetore që ta mbështesë këtë kërkesë. “Nuk është kosto e papërballueshme për Kosovën, kemi miratuar buxhetin e rishikuar para një jave në parlament, i dimë gjendjen dhe pasqyrat nuk janë të papërballueshme për buxhet. Nga rezervat shtetërore mund të merren dhe ka mundësi që të organizohet diçka e tillë që garanton në radhë të parë në interes qytetari me besu procesin dhe me pranu rezultatin gjithë ata që janë të thirrur të nesërmen”.

Sipas tij, pajisja me teknologji informative do të ndikonte që problemet e evidentuara në zgjedhjet e kaluara të eliminohen. “Më 17 nëntor kemi pasur rrjedhje të votave dhe probleme, njëra nga problemet kryesore ka qenë që me mijëra vota në Kosovë janë shpallur të pavlefshme. Nuk është problemi që qytetarët e Kosovës janë të paedukuar me proces zgjedhor, nuk qëndron fare absolutisht qytetarët e Kosovës në mesataren e popujve në regjion janë njëjtë të edukuar. Ky mësim i nxjerrë nga procesi zgjedhor i kaluar e ndihmon që me 15 nëntor që zgjedhjet të jenë vërtetë ato çfarë qytetari i Kosovës pret”.


LDK konsideron se kjo fazë të cilën po e kalon Kosova kërkon stabilitet. Sipas Hazirit, është shumë e rëndësishme që zgjedhjet e para të lira pas përfundimit të statusit sovran të vlerësohen mirë edhe nga institucionet ndërkombëtare.
Gazeta expres

[Llapjani_HH]

Grushte për ilaçe

Për shkak të mungesës së ilaçeve, në QKU pacientët kanë filluar të sulmojnë stafin mjekësor. Të enjten është sulmuar një infermier, pasi ka kërkuar nga pacienti që të blejë qeset urinare. Ministria e Shëndetësisë, që shtatë muaj nuk e ka bërë furnizimin gjeneral me barna. Mungesa e gjërave elementare në QKU mbetet konstante.

Infermieri L.TH. i Qendrës Klinike Universitare QKU në Prishtinë është sulmuar fizikisht, pasi ka kërkuar nga një pacient që të blejë një qese urinare.
Rasti ka ndodhur në Klinikën Emergjente të QKU-së, në orën 6 të mëngjesit, kur infermieri L.TH. ishte në ndërrim të natës.

Në atë kohë, një person rreth të tridhjetave, ka dërguar babanë e tij, për të ia ka ndërruar qesen urinare, por që në QKU ka pasur mungesë të saj. Pasi infermieri L.Th. i ka thënë që të shkojë ta blejë atë, sepse nuk ka në emergjencë, ky person është revoltuar dhe e ka sulmuar fizikisht. “Infermieri është munduar që t’i shpjegojë atij që në mungesë të qeseve urinare duhet t’i blejë për të kryer shërbimin. Mirëpo, pala e revoltuar nuk është bindur dhe ka sulmuar fizikisht infermierin L. Th.”, bën të ditur Shpend Fazliu, zëdhënës i QHU-së.

Ai bën të ditur se ky infermier ka marrë lëndime në trup, mirëpo është liruar për në shtëpi, pasi që nuk ka qenë në rrezik për jetë. Situata deri këtu ka ardhur pasi që tenderi për furnizimin gjeneral me barna që është dashur të bëhet në fillim të vitit, nuk është bërë akoma. Qysh në fillim të këtij viti, kjo ministri pati nisur përgatitjet e tenderit për furnizimin gjeneral me barna, i cili kap shifrën prej 13 milionë eurosh.

Arsyet e kësaj vonese, gati tetëmuajshe, MSh-ja i arsyeton me procedurat e tenderimit. “Vonesat është e vërtetë që ndodhin shpesh, por jo me fajin e MSh-së, por për shkak se procedurat e tenderimit, pastaj koha e shqyrtimit të ankesave, nënshkrimi i kontratave dhe fillimi i marrjes së porosive zgjat shumë”, thotë Faik Hoti, zëdhënës i MSh-së, sipas të cilit pastaj është Ligji i prokurimit publik, i cili shpesh MSh-së i krijon një konflikt ligjor dhe i shkakton telashe në ekzekutimin e vendimeve për furnizim më të shpejtë.

Mirëpo, sipas tij, procedurat e këtij tenderi tashmë janë kryer dhe brenda 20 ditëve, pritet të bëhet stabilizimi i barnave sa i përket furnizimit. “Tenderi ka përfunduar dhe në këtë fazë janë duke u kryer porositë dhe ekzekutimi i atyre që tashmë janë kryer. Brenda 20 ditëve të ardhshme pritet stabilizimi i furnizimeve, sepse llogaritet që deri në atë kohë, shumica e furnizuesve t’i sjellin barnat në Kosovë”, thotë Hoti. Kjo vonesë ka bërë që Qendra Klinike Universitare prej fillimit të vitit deri tani të ballafaqohet me mungesë të barnave, duke i detyruar pacientët që vetë t’i blejnë ato.

Problemet në salla të operacioneve, mungesa e kanillave, qeseve urinare, fllasterave, shiringave e deri tek ato më të mëdhatë, e kanë përcjellë vazhdimisht QKU-në gjatë këtyre muajve. Për çdo muaj Drejtorati i QKU-së, ka bërë kërkesa në drejtim të MSh-së, për të bërë furnizime, por që sipas tyre furnizimet kanë qenë të mangëta.

Pacientët i kanë blerë edhe gjërat prej më të thjeshtave. Ndërsa për disa ditë kanë qenë të bllokuara edhe sallat e operacioneve për mungesë të materialit shpenzues. Në klinikën tjetër, ku po ashtu zhvillohen operacione, e që është Gjinekologjia, kanë munguar kapëset për kordonin e të porsalindurve, duke e pamundësuar zhvillimin edhe të një lindjeje normale.

Me gjithë këto probleme, zyrtarët e MSh-së deklaronin se lista esenciale në QKU është e furnizuar deri në 80 për qind. Për çka vetë drejtori i QKU-së, Isuf Ulaj i pati quajtur deklarata qesharake. Deri këtë muaj, pra në korrik, në barnatoren qendrore të QKU-së, gjysma e artikujve kanë munguar, pati treguar Ulaj, sipas të cilit, prej 106 artikujve që duhet të jenë në këtë barnatore, 50 prej tyre kanë munguar.

Edhe tani zyrtarët e MSh-së thonë se sipas kërkesave të QKU-së, furnizimi është bërë muaj për muaj dhe se shumë pak ka pasur mungesa, për shkak të buxhetit të vogël që kanë. Por, zëdhënësi i QKU-së tregon se tek në muajin korrik të këtij viti është vërejtur një lëvizje pozitive me barna.

“Furnizimi ka filluar të përmirësohet tek gjatë muajit korrik, mirëpo ende vazhdon të ketë mungesa që janë të domosdoshme për mjekim të pacientëve”, shprehet Fazliu për Express. Mirëpo, sipas Fazliut, edhe pse problemet me barna janë të shumta, stafi shëndetësor nuk ka faj dhe se ajo përkundër këtyre vështirësive, po e jep maksimumin.

Fazliu, në emër të QKU-së, kërkon nga organet kompetente që të marrë masa për të mbrojtur stafin mjekësor, duke i dënuar personat e tillë, në mënyrë që të mos përsëriten të njëjtat sjellje.

Lista e barnave që mungojnë QKU

Expressi siguron listën e barnave që vazhdojnë të mungojnë në QKU: Në barnatoren qendrore të QKU-së mungojnë morfina 20 mg/ml amp, gazat metrike 90 cmX20, dorëza sterile, shiringa 50 ml luer lock, skalpera nr.15, 21, 23, qese urinare 2000ml, metroplloll 1mg/ml amp, foli kateter urinar, gjilpëra spinale dhe fasha gjysmë elastike.
Gazeta expres

[Llapjani_HH]

Kriza, BE ndihma për Ballkanin, Serbia përfituesja kryesore

• KE miratoi një paketë prej miliona eurosh në adresë të vendeve të Ballkanit Perëndimor dhe Turqisë, në kuadrin e një pakete ndihmash për krizën ekonomike. Serbia përfitoi shumën më të madhe. Brukseli ka vendosur edhe kushte te tjera specifike

BRUKSEL-Komisioni Europian ka miratuar nje pakete të konsiderueshme ndihmash financiare për vendet e Ballkanit, si Shqipëria, Kosova, Kroacia, Maqedonia, Bosnja Hercegovina, Mali i Zi, Serbia dhe Turqia.
Paketen me te madhe te ndihmes do e marre Serbia, 141 milion dollare ose 100 milionë euro per lehtesimin e krizes buxhetore dhe stabilizimin e ekonomise.

Kurse për për Kroacinë, Maqedoninë, Shqipërinë, Bosnjën, Malin e Zi, Serbinë, Kosovën dhe Turqinë Komisioni Evropian miratoi paketën e përbashkët ndihmëse prej 85 milionë eurosh ose e përkthyer ne dollarë rreth 120 milione usd.

Në deklaratën e BE-së thuhet se ndihma për Turqinë dhe për vendet Ballkanike synon të mbështesë sektorin bankar dhe shtimin e vendeve të punës. Në deklaratë thuhet se nga ndihma financiare do të përfitojë Evropa në tërësi, sepse bizneset evropiane i kanë rritur ndjeshëm investimet në rajon gjatë dekadës së fundit.

Bie ne sy fakti se për të përfituar nga kjo pakete e Komisionit Europian vendet duhet te bien dakord me programin e Fondit Monetar Ndërkombetar. Për më tepër, Brukseli ka vendosur edhe kushte te tjera specifike perpara marrjes se kesaj shume. Ato fokusohen ne reformat afatshkurtra ne menaxhimin e financave publike dhe punën e bërë per integrimin e vendit në Bllokun e 27-ës.

Serbia do të duhet të sigurojë Bashkimin Europian se ligjet e miratuara kohët e fundit mbi konkurrencën dhe kontrollin e ndihmave shtetërore po zbatohen dhe forcohen. Beogradi është zotuar për zhvillimin e kapaciteteve administrative dhe institucioneve vendase qe punojne per integrimin e Serbise ne familjen europiane. Kjo shume do te nise te shperndahet ne dy etapa, duke nisur nga vjeshta e ketij viti dhe duke perfunduar ne gjysmen e pare te vitit 2010.
BalkanWeb

Zv/ambasadorja amerikane: SHBA janë për Serbi të suksesshme

BEOGRAD-“Qëllimi kryesor i administratës së presidentit amerikan Barak Obama në Ballkan është Serbia e suksesshme në rajonin e suksesshëm dhe në Evropën e suksesshme”, ka deklaruar zv/ambasadorja e Shteteve të Bashkuara në Beograd, Xhenifer Bras në një intervistë për agjencinë Beta.

Bras ka thënë gjithashtu se Shtetet e Bashkuara do të punojnë me “tërë ndikimin, energjinë dhe kapacitetet” që Serbia sa më shpejtë të hyjë në Bashkimin Evropian.
BalkanWeb

Shkëmbim territoresh mes Kosovës e Serbisë?!

Anëtari i Dhomës së Përfaqësuesve të Kongresit amerikan, Dana Rohrabacher, i cili dikur ka qenë shkrues i fjalimeve të presidentit Ronald Regan, ka vlerësuar se e vetmja zgjidhje funksionale për stabilizimin e rajonit të Ballkanit do të ishte një shkëmbim territoresh mes Kosovës dhe Serbisë.

Rohrabacher, njëri nga të paktët anëtarë të Kongresit amerikan që ushtron serfin, sportin e rrëshqitjes mbi dallgë, është po ashtu ndër të paktët sot në Kongres që interesohet për çështjet e Ballkanit. Ai mendon se plagët në atë pjesë të Evropës nuk janë shëruar.

“Ne këtu në Amerikë që mbështetëm pavarësinë e Kosovës u përpoqëm shumë dhe unë jam krenar që isha pjesë e tyre. Por puna do të quhet e mbaruar vetëm kur në rajon të ketë normalitet, i cili ende nuk është arritur”, ka thënë Rohrabacher në një intervistë për Zërin e Amerikës, ku ka folur për gjendjen në Ballkan.

Kongresmeni thotë se ka ende disa njerëz të cilët nuk kanë arritur në përfundimin që transformimi i ish-Jugosllavisë ka marrë fund. Ai i referohet mes të tjerave edhe tensioneve që herë pas here acarohen në Luginën e Preshevës, një rajon në jug të Serbisë, i banuar kryesisht nga shqiptarët.

Zgjidhja, sipas kongresmentit Rohrabacher, do të ishte një shkëmbim i ndershëm territoresh mes Serbisë dhe Kosovës. “Është e nevojshme të arrihet një mirëkuptim i përgjithshëm, një marrëveshje mes Serbisë dhe Kosovës që të përfshijë një shkëmbim territoresh. Ato rajone që janë pranë kufirit dhe mbizotërohen nga një popullsi shqiptare, të bëhen pjesë e Kosovës. Ndërkohë, ato zona në Kosovë që ndodhen në veri të lumit Ibër dhe pranë kufirit me Serbinë e që banohen kryesisht nga serbë të bëhen pjesë e Serbisë”.

Qeveria amerikane vazhdimisht i ka hedhur poshtë idetë për ndryshime kufijsh në Ballkan, duke thënë se kjo do të sillte një reaksion zinxhir. Rohrabacher, i cili ka qenë ndër të parët që i kërkoi administratës të armatoste Ushtrinë Çlirimtare të Kosovës, nuk është dakord.

“Qeveria amerikane prej kohësh ka qenë kundër çdo ndryshimi në kufijtë e vendeve. Neve na u desh ta kapërcejmë këtë kur u bë mjaft e qartë se populli i Kosovës do të masakrohej nëse do të vazhdonim të mbanim një qëndrim të tillë”, tha ai.

Këtë qëndrim të Rohrabacherit e mbështet edhe lobistja e Lidhjes Civile Shqiptaro-Amerikane, ekspertja juridike Shirley Cloyes DioGuardi. Ajo thotë se sugjerimi i kongresmenit Rohrabacher është një ide e guximshme:

“Status-quoja nuk funksionon. 10 vjet më parë, ishte kongresmeni Rohrabacher i cili qëndronte në linjën e parë bashkë me të tjerë si kongresmenët Tom Lantosh, Ben Gilman dhe Henry Hyde, më pas edhe senatori Joe Biden të cilët bënë thirrje për pavarësinë e Kosovës në një kohë kur komuniteti ndërkombëtar, madje edhe administratat amerikane ishin kundër. Sot ai është përsëri në linjën e parë. Në qoftë se Beogradi do të insistojë për të marrë veriun e Kosovës atëherë edhe shqiptarët duhet të insistojnë për Preshevën, Medvegjën dhe Bujanocin”, ka vlerësuar ajo.

Kongresmeni Rohrabacheri referohet një dokumenti të rëndësishëm të historisë amerikane: “Një territor në vetvete nuk ka të drejta. Asnjë vend nuk ka të drejta mbi tokën. Janë vetëm njerëzit ata që kanë të drejta. Dhe nëse shumica e një populli në një territor të caktuar nuk dëshiron të jetë pjesë e një qeverie tjetër ata kanë të drejtën që u jep qenia shumicë për të marrë vendim dhe për t'u bërë të lirë e të pavarur. Mos po citoj këtu Deklaratën amerikane të Pavarësisë apo jam duke shpjeguar një parim të qeverisjes? Që të dyja. Mendoj se Amerika duhet t’i kthehet përsëri këtij parimi por ne druhemi shumë se mos bëhen ndryshime të cilat pastaj mund të dalin jashtë kontrollit”, ka thënë ai. /VoA/
Telegrafi

Ihsanoglu: Kosovës i duhet një politikë më aktive

Sekretari i përgjithshëm i Konferencës Islamikë, Ekmeleddin İhsanoglu, ka thënë se Kosova duhet të punojë më shumë në mënyrë që me vendet islamike të avancojë marrëdhëniet e ndërsjella – dhe t’i bind ato që të njohin pavarësinë e Kosovës.

“...Disa shtete islamike kanë mëdyshje mbi mënyrën e shpalljes së pavarësisë së Kosovës, për këtë mënyrë të ndarjes së një shtetit nga një grup apo një përkatësi etnike, pasi mendojnë që do të ketë efekt edhe në vendet e tyre vetjake dhe për këtë arsye këto shtete veprojnë kujdesshëm”, ka vlerësuar Ihsanoglu në një intervistë për të përditshmen “Kosova Sot”.

Megjithatë, Ihsanoglu thekson se kjo brengosje e tyre nuk është e arsyeshme, ngaqë Kosova kurrë nuk ka qenë pjesë e Serbisë dhe Kosova ka qenë krahinë në vete në kohën e Perandorisë Osmane dhe pas Luftës së Parë Botërore apo pas Luftës Ballkanike është përvetësuar në mënyrë të dhunshme nga ana e Serbisë dhe për këtë arsye – sipas tij – këto brenga të atyre shteteve janë të pavenda.

“Poenta e asaj çfarë dëshirojë t’ju them me këtë rast është që shteti i Kosovës dhe përfaqësuesit e saj zyrtarë dhe jozyrtarë duhet të punojnë në mënjanimin e këtyre brengave të këto shtete islamike dhe kërkohet të kenë një politikë më aktive...”, ka thënë ai.

Sipas Ihsanoglut – shteti i Kosovës dhe populli kosovar duhet të bashkëpunojnë me shtetet islamike dhe të avancojnë marrëdhënie të ndërsjella, e që të dëshmojnë dhe të bindin tërë botën që bëjnë pjesë në bashkësinë islame. “Të jesh evropian dhe mysliman janë dy gjëra të gërshetuara, gjëra që nuk bien ndesh njëra me tjetrën dhe nga kjo pikëpamje ne i japim shumë rëndësi të madhe”, ka thënë ai.
Telegrafi

[Llapjani_HH]

Policët serb pranojnë eprorët e Kosovës

Policët serb në veri kanë filluar të respektojnë Ligjin për Policinë dhe t’i raportojnë epërorëve të tyre sipas zinxhirit komandues.
Kështu ka bërë të ditur Ministri i Punëve të Brendshme të Kosovës, Zenun Pajaziti.

“Të gjithë policët në Kosovë janë pjesëtarë të Policisë së Kosovës, rrjedhimisht të gjitha ata e respektojnë ligjin për policinë. Kemi pasur vështirësi më tepër se një vit me disa pjesëtarë që kanë abstenuar. Fatmirësisht ju e dini se pjesa kryesore e tyre janë kthyer në vendet e tyre të punës dhe ata i raportojnë eprorëve të tyre sipas zinxhirit komandues”, thotë Zenun Pajaziti, ministri i Brendshëm kosovar.

Ministri Pajazit tha se institucionet e Kosovës kanë edhe mbështetjen e EULEX-it për të pasur një zinxhir komandues në Policinë e Kosovës, ashtu siç e parasheh edhe ligji.

“Policia e EULEX-it po na ndihmon shumë në këtë proces, pra ata janë mbështetës në respektimin e zinxhirit komandues. Kemi takime të rregullta të menaxhmentit të policisë me të gjitha regjionet dhe stacionet policore, duke përfshirë edhe ato në veri të vendit. Ky proces tani për tani shumë pozitiv, nuk kemi asnjë vështirësi në funksionimin e policisë me zinxhirin komandues ashtu siç e sheh ligji”, thekson ministri Zenun Pajaziti.

Mbi 300 pjesëtarë të policisë nga radhët e komunitetit serb patën braktisur për një vit vendet e tyre të punës, pas shpalljes së pavarësisë, duke refuzuar që të raportojnë para epërorëve të tyre shqiptar. Ata kanë marrë paga deri në qershor, kur qeveria u bëri thirrjen e fundit që të kthehen në punë, në të kundërtën paralajmëroi largimine tyre nga puna. Pas kësaj thirrje shumica e policëve serbë janë kthyer në vendet e mëparshme të punës.
Bul Salihu
ALSAT M

Prindërit akuzojnë: Zv.kryeministri Ademi doli nga fjala

Jo seriozitet i qeverisë! Zëvendëskryeministri Abdylaqim Ademi edhe dy ditë më parë paralajmëroi se do t’i priste prindërit e nxënësve që kërkojnë të regjistrohen në shkollën e mjekësisë, por doli nga fjala. Prindërit bashkë me fëmijët e tyre, kishin pritur më kot që nga ora 8 e mëngjesit e deri në orët e pasditës, madje nga nga pritja e gjatë dhe të nxehtit pësoi një nxënëse nga Luboteni. Ajo ishte alivanosur dhe kishte përfunduar në spital. Prindërit thonë se ky është një jo seriozitet i qeverisë në zgjidhjen e problemeve të qytetarëve.

“Ngel e pabesueshme se kjo është edhe një lojë se na kanë lënë ditën e premte, domethënë ditën e fundit para se të shkojnë në pushim. Porosia e jonë do të jetë mos të luajnë me fëmijët mos luajnë me popullin se populli i ka zgjedh ashtu që ky popull nuk do të ndalet edhe me këto loja që dikush mundohet me na i bë mbrapa shpinës”, theksoi një prind.

“Ose le ta zgjidhin problemin ose le të dalin le të tregojnë se nuk janë të aftë ta zgjedhin problemin”, shtoi një prind tjetrë.

“Veprimi i qeverisë dhe qeveritarëve ministrit dhe zëvendësministreshës nuk është aspak serioz. E mira e atyre është që të ulen edhe ta shqyrtojnë dhe ta vendosin këtë problem njëherë e përgjithmonë, mos të na i lënë fëmijët tonë nëpër rrugë”, theksoi një prind i revoltuar.

“Fëmija i ndonjë ministri shkon rrin nëpër plazhet e Ohrit Strugës ose dikujt a fëmijët tonë alivanosen këtu… do ta paguaj dikush se kush do ta shohim prej të hënës e tutje”, tha një prind.

Edhe pse tentuam të kontaktojmë zëdhënësin e qeverisë Shefik Duraku për t’a sqaruar situatën, ai ishte i pakapshëm në telefon. Prindërit thonë se nëse problemi nuk zgjidhet do të radikalizojnë protestat.

“Ne prej të hënës do ti bllokojmë rrugët kryesore në Autokomadë, Saraj. Shkupi do të bllokohet... atëherë ata vetë prej pushimit do të vijnë dhe do të na lusin neve, mjaft ne që u kemi bërë apele, por nuk ka zgjidhje me këta. Këta po shikojnë vetëm interesin e vet, për popull aspak nuk iu intereson”, u shpreh një prind.

Prindërit kërkojnë që të 262 nxënësit, të pranohen në shkollën e mesme të mjekësisë ‘Dr Pançe Karagjozov’ të Shkupit, pasi të gjithë i plotësojnë kushtet e kërkuara me ligj.

Meral Ismaili
ALSAT M

Prindërit e nxënësve të Mjekësisë do të bllokojnë rrugët

Përfundon pa sukses mbledhja qeveritare në të cilën është debatuar çështja me paralelet në gjuhën shqipe në shkollën e mesme të Mjekësisë 'Pançe Karagjozov' në Shkup. Kërkesat e Këshillit të prindërve për regjistrimin e të gjithë të interesuarve në shkollën 'Pançe Karagjozov' mbeten pezull. Ndërsa këshilli edhe një herë i ka tërhequr vëmendjen Qeverisë, se nëse deri të hënën nuk merret ndonjë vendim konkret, atëherë ata do të radikalizojnë protestat e tyre.

“Brenda ditës presim përgjigje, nëse jo nesër në ora 10 e kemi tubimin e zakonshëm në shkollë dhe aty do të dihet vendimi se çfarë hapa do të marrim. Hapat e parë që do t'i marrim janë bllokimi i qytetit, hyrja nga ana e Sarajit do të jetë e bllokuar”, kërcënon Enver Miftari, anëtarë i Këshillit të prindërve.

Nga Këshilli i prindërve i bëjnë apel Qeverisë që këtë çështje ta zgjidh sa më shpejt. Në të kundërtën, thonë se në shtator mund të rritet edhe më shumë numri i prindërve dhe nxënësve që do të protestojnë.

“Ne nuk do të shkojmë deri në shtator se shtatori dihet se do të jetë shumë i nxehtë. Vetëm prind të mblidhen, do të thotë janë 300 fëmijë dhe nga dy prind bëhen 600. Nëse vjen puna e shtatorit, ky numër do të bëhet me mijëra sepse vetë nxënësit që mësojnë në atë shkollë do të bashkangjiten dhe ne nuk do të lejojmë që ata fëmijë të mbeten jashtë shkollës”, këmbëngul Enver Miftari.

Dje zëvendëskryeministri Abdulaqim Ademi tha se në Qeveri ka gatishmëri për zgjidhjen e këtij problemi, mirëpo sot përkundër tentimeve të shumta, ai nuk pranoi të zbardh detaje nga mbledhja e djeshme e qeverisë, ku çështja e mjekësisë ishte në rend të ditës.

Prindërit kërkojnë që të gjithë 262 nxënësit të pranohen në shkollën e mesme të Mjekësisë Pançe Karagjozov të Shkupit, pasi edhe i plotësojnë kushtet e kërkuara sipas ligjit. Kërkesat e nxënësve dhe prindërve të tyre bazohen në regjistrimin e të gjithë nxënësve që kanë aplikuar në këtë shkollë duke hapur kështu 8 paralele, e jo siç kishte propozuar Ministria e Arsimit, 5 paralele dhe plus dy të tjera në shkollën e mesme të Kimisë ‘Marija Kiri’.
Nevzat Mamuti
ALSAT M

Britani, MI5 rekrutoi militantë të Al-Qaedas

Shërbimi britanik i sigurisë MI5 është përfshirë në një stuhi skandali, pasi ka rekrutuar në radhët e tij 6 simpatizantë të rrjetit terrorist të Al-Qaeda-s.

Ngjarja ka ndodhur nga nxitimi për të rekrutuar persona me origjinë myslimane, pas atentateve në metrotë e Londrës, në vitin 2005, ku humbën jetën 52 persona.

Sipas edicionit on line të “Daily Mail”, dy nga rekrutet kane kaluar në shërbimin sekret britanik disa javë, ndërsa 4 të tjerë disa muaj, por të gjashtë më vone u përjashtuan. /tch/
Telegrafi

[Llapjani_HH]

Krasniqi : Investimet e Serbisë në Kosovë janë te panevojshme


Zëdhënësi i qeverisë së Kosovës, Memli Krasniqi tha se janë të panevojshme investimet e Serbisë në Kosovë, duke shtuar se qeveria e Kosovës ka investuar më shumë në veri, apo në zonat tjera të banuara me serbë se sa në pjesë tjera të Kosovës.
Ai tha se deklarimet për investime në zona të banuara me serbë janë eksperimente të Serbisë dhe janë të papranueshme për qeverinë e Kosovës.
RTK

KE fillon hetimin për trafikim organesh


Këshilli i Evropës e ka filluar një hetim lidhur me akuzat serbe, sipas të cilave luftëtarët shqiptarë kanë rrëmbyer civilë serbë gjatë luftës në Kosovë dhe i kanë shitur organet e tyre, njofton agjencia e lajmeve AP nga Beogradi. Udhëheqës i këtij hetimi është senatori zviceran, Dick Marty.

Gjatë vizitës së tij dyditore në Beograd, Marti pritet të takohet me zyrtarë të drejtësisë dhe ata për krime lufte të Serbisë.

“Çfarëdo që të jetë e vërteta, ne na mungojnë 300 e deri në 500 njerëz dhe kjo është ajo që ata që synojnë drejtësi duhet ta kenë parasysh”, tha Bruno Vekariq, zëdhënës i Prokurorisë për Krime të Luftës në Serbi.

Këto akuza janë hedhur poshtë nga përfaqësues të institucioneve të Kosovës, të cilët thonë se akuzat janë pjesë e propagandës së Serbisë kundër pavarësisë së Kosovës. /REL/
Telegrafi

Rritet numri i vetëvrasjeve në Kosovë


Të dhënat statistikore të raportit gjashtëmujor i Policisë së Kosovës për gjysmën e parë të vitit 2009 tregojnë se ka rritje të vetëvrasjeve krahasuar me periudhën e njëjtë të vitit 2008.

Gjatë kësaj periudhe gjashtëmujore të vitit 2009, janë shënuar diku rreth 37 raste të vetëvrasjeve, ndërsa në periudhën e ngjashme të vitit paraprak kanë qenë 32 raste të shënuara.

Në këtë periudhë kohore të vitit 2009, numri më i madh i vetëvrasjeve është shënuar në rajonin e Pejës, ndërsa në vitin paraprak në periudhën e njëjtë kohore, rajoni i Mitrovicës ka qenë ai i cili ka prirë me numrin më të madh të rasteve të vetëvrasjeve.

Psikiatri Ferid Agani vë në dukje se femrat janë ato që bëjnë tentim vetëvrasjeje tri deri në katër herë më shumë sesa meshkujt, ndërsa meshkujt bëjnë vetëvrasje tri deri në katër herë më shumë sesa femrat.

Duke thënë se motivet e vetëvrasjes janë të ndryshme, meqë shkaqet janë mjaft komplekse, psikiatri Agani vë në spikamë se disa nga shkaktarët, që çojnë deri te kryerja e kësaj vepre janë shkalla e lartë e papunësisë, paperspektiva, ndjenja se jeta në njëfarë mënyre nuk ka kuptim, veçanërisht në mesin e të rinjve.

Në raportin e policisë rikujtohet fakti se në gjysmën e parë të këtij viti numri më i madh i vetëvrasjeve është shënuar në rajonin e Pejës. Ndërsa në të njëjtën periudhë të vitit të kaluar numri më i madh i vetëvrasjeve u shënua në rajonin e Mitrovicës. /rtv21/
Telegrafi

Shtyhet për tetor gjykimi ndaj Shasivarit dhe Bahtijarit


Është shtyrë për në muajin tetor gjykimi ndaj dy ish-punonjëseve të zyrës së presidentit të ndjerë, Ibrahim Rugova, Shefka Shasivari dhe Suzana Bahtijari.

Avokati i mbrojtës i të akuzuarës, Shasivari ka thënë se shtyrja bëhet për shkaqe procedurale. Avokati Kolë Ramaj ka hedhur poshtë akuzat ndaj klientes së tij.

KTV-ja ka mësuar se shtyrja e gjykimit ka ndodhur pas kërkesës së palës mbrojtëse për ndërrimin e gjyqtarit vendas, pasi procesi udhëhiqet edhe nga gjyqtarë të EULEX-it.

Ish punonjëset akuzohen për shpërdorim të detyrës zyrtare dhe mashtrim.

Përndryshe, Shefka Shasivari, ish-pronare e një kompanie, akuzohet edhe për keqpërdorimin e parasë publike në vlerë prej 236 mijë eurosh, të cilat janë përdorur për blerjen e një veture të ish-kryeparlamentarit Nexhat Daci, e cila edhe pse ishte porositur asnjëherë nuk ishte sjellë në Kosovë.

Shasivari ishte arrestuar në dhjetor të vitit 2006, por ishte liruar pas ofrimit të kaucionit prej 100 mijë eurosh. /ktv/
Telegrafi

KQZ - organizon e vetme zgjedhjet lokale në Kosovë


Vendimi i misionit të OSBE-së që këtë vit për herë të parë të mos jetë i përfshirë në përgatitjen dhe monitorimin e zgjedhjeve lokale të 15 nëntorit, ka ngjallur shqetësim ndër partitë politike në Kosovë.

Ato thonë se ky është lajm i keq për demokracinë në vend dhe kërkojnë që gjatë rrjedhës së këtij procesi patjetër të përfshihen organizata ndërkombëtare.

Por, kryetarja e Komisionit Qendror të Zgjedhjeve, Nesrin Lushta thotë se ky komision me tërë kapacitet e veta, është i përgatitur që të organizojë zgjedhje të suksesshme.

Lushta vlerëson se tërë këto shqetësime të partive politike nuk qëndrojnë.

Megjithatë përfaqësues të partive opozitare thonë se organizimi i zgjedhjeve vetëm nga Komisioni Qendror i Zgjedhjeve ngre dyshime për parregullsi dhe manipulime të mundshme, me çka nuk pajtohet shefja e KQZ-së, Nesrin Lushta.

Mësohet se kryetarja e Komisionit Qendror të Zgjedhjeve është duke pritur një përgjigje nga Komisioni Evropian, pasi atij i është drejtuar me një kërkesë zyrtare për monitorim të zgjedhjeve lokale në Kosovë. /rtv21/
Telegrafi

Në Graçanicë keqpërdoret uji, Ajvalia tash e një muaj mbetet pa ujë

Rreth 100 shtëpi në dalje të fshatit Ajvali, tash e një muaj nuk kanë ujë të pijshëm. Të lodhur me këtë gjendje, ata tashmë kanë gjetur mënyra alternative të furnizimit me ujë duke hapur puse të përkohshme. Ujësjellësi rajonal “Prishtina” thotë se kjo gjendje është shkaktuar për shkak të keqpërdorimit të ujit nga një pjesë e banorëve të kësaj ane.

Edhe vet qytetarët, në mesin e të cilëve ka edhe serbë, pranojnë se gjendja është krijuar për shkak të keqpërdorimit të ujit nga qytetarët e Graçanicës. Serbi Lubinko Paviq ka thënë se shumica e qytetarëve të Graçanicës nuk e paguajnë ujin, e si rrjedhojë po pëson edhe Ajvalia.

Ndryshe, Komuna e Prishtinës ka shpallur gjendje emergjente të ujit të pijshëm që nga 2 qershori i kësaj vere, gjendje kjo që do të zgjasë deri më 15 tetor. Gjoba e cila shqiptohet nga inspektorët e Komunës së Prishtinës për personat fizikë të cilët keqpërdorin ujin e pijshëm është 100 euro, ndërsa për personat juridikë 300 euro.
KTV

Maqedoni, shqiptarët kërkojnë zyrtarizimin e gjuhës shqipe


• Shqiptaret e Maqedonise kerkojne qe gjuha shqipe te zyrtariyohet ne nivel kombetar ne vendin ku ata jetojne. Zera nga politika shqiptare ne Maqedoni dhe analiste e specialiste te gjuhes kerkojne qe gjuha shqipe te perdoret ne cdo isnstitucion maqedons

SHKUP-Faktori politik shqiptar në Maqedoni kërkon zyrtarizimin e gjuhës shqipe në nivel shtetëror.
“Ligji për përdorimin e gjuhës shqipe në Maqedoni është i cunguar dhe është më se e nevojshme që nëpërmjet rregullave parlamentare të mundësohet një ligj i ri me të cilin do të mund të rregullohet përdorimi paralel i gjuhës shqipe me atë maqedonisht në mbarë territorin e Maqedonisë. Kjo nënkupton se ende duhet punuar në këtë drejtim. Pse e votuam ligjin e tillë? Pasi që nuk ekzistonte fare ky ligj. Pasi që i tërë opinioni ishte i bundur se nuk mund të miratohej një ligj i tillë", është shprehur Ermira Mehmeti nga rradhët e BDI-së, duke shtuar se kristalizimi i çështjes për implementimin e ligjit të gjuhëve është më se i domosdoshëm.

Lideri i PDSH-së Menduh Thaçi i ka ofruar kryetarit të Parlamentit Trajko Veljanovski ndryshimet e ligjit për përdorimin e gjuhëve, tanimë të miratuara, me të cilat ndryshime gjuha shqipe do të trajtohej si gjuhë zyrtare edhe në ato vendbanime ku përqindja e shqiptarëve arrin deri 20 %. Nëse nuk ka disponim për këtë iniciativë, PDSH-ja paralajmëron tërheqjen e grupit parlamentar nga Parlamenti.

Shkrimtari Resul Shabani vë theksin se shqiptarët kudo që jetojnë pa marrë parasysh numrin e banorëve në atë rrethinë, duhet të fitojnë të drejtën që me pushtetin qëndror, organet dhe institucionet shtetërore të komunikojnë në gjuhën shqipe. Në këtë kontekst Shabani thekson: "Gjuha shqipe duhet të përdoret në tërë territorin e Maqedonisë, por jo edhe në Vallandov, ku nuk ka shqiptarë. Por atë ta përdorin institucionet dhe ministritë".

Profesori i katedrës së gjuhës maqedonisht Ludmill Spasov në fakultetin filozofik të Shkupit, paralajmëron se është i mundur „ federalizimi linguistik dhe politik i Maqedonisë. "Nëse në tërë territorin e Maqedonisë, edhe atje ku nuk ka banorë shqiptarë të përdoret gjuha shqipe si gjuhë e dytë zyrtare, atëherë kjo nuk mund të ketë arsye poltike, por lë të nënkuptohet si federalizim linguistik të shtetit" .
BalkanWeb

[Llapjani_HH]

Presheva bashkim me Kosovën?! Debate për shkëmbim territoresh


• Perfaqesues politikë të Luginës së Preshevës e kanë lënë të hapur mundësinë e bashkimit të saj me Kosovën. Deklarata e tyre pason qëndrimin e një ligjvënësi amerikan për shkëmbim territoresh mes Kosovës dhe Serbisë, gje qe ka shkaktuar debate te reja

BUJANOVC-PRISHTINE-Përfaqësuesit politikë të Luginës së Preshevës e kanë lënë të hapur mundësinë e bashkimit të saj me Kosovën, në rast të një ndryshimi të qëndrimit të bashkësisë ndërkombëtare. Cështja kë lindur debatin për shkëmbim territoresh për të cilën ka patur pohime dhe kundërshtime.
Kryetari i komunës së Bujanocit, Shaip Kamberi, tha se në rast të ndryshimit të qëndrimit të bashkësisë ndërkombëtare Lugina e Preshevës do të riaktivizonte referendumin e vitit 1992, me të cilën kërkohet bashkimi me Kosovën.
Deklarata e Kamberit pasoi qëndrimin e një ligjvënësi amerikan, Dana Rohrabacher, për shkëmbim territoresh mes Kosovës dhe Serbisë, me qëllim të arritjes së një zgjidhjeje të qëndrueshme në Ballkan.

Anëtari i Dhomës së Përfaqësuesve të Kongresit amerikan, Dana Rohrabaher, ka thënë se zgjidhja e vetme funksionale për stabilizimin e rajonit të Ballkanit do të ishte një shkëmbim territoresh në mes të Kosovës dhe Serbisë.
“Ne në Amerikë që mbështetëm pavarësinë e Kosovës u përpoqëm shumë dhe unë jam krenar që isha pjesë e tyre. Por, puna do të quhet e mbaruar vetëm kur në rajon të ketë normalitet, i cili ende nuk është arritur”. Por, deklarata solli edhe kundërpërgjigjen e parë.
Ish i dërguari i BE-së për Kosovën, ambasadori Wolfgang Petrich i tha BBC-së se edhe shqiptarët, por edhe serbët duhet të mësojnë se si ta pranojnë diversitetin në shoqëritë e tyre. Ai tha se ideja e shkëmbimit të territoreve mes Kosovës dhe Serbisë, nuk është një zgjidhje në kohën e integrimeve evropiane.
Sipas tij, kjo ide ndoshta mund të nxiste një dialog më të gjerë rajonal, me përfshirjen e politikanëve dhe të shoqërisë civile në Luginën e Preshevës dhe në Mitrovicë.

Deklaratat e tij pasuan qëndrimin e një ligjvënësi amerikan, Dana Rohrabacher, për shkëmbim territoresh mes Kosovës dhe Serbisë, me qëllim të arritjes së një zgjidhjeje të qëndrueshme në Ballkan
BalkanWeb

[Llapjani_HH]

Verfikohet kufiri Maqedoni -Kosovë

Kombet e Bashkuara kanë verifikuar vijën kufitare ndërmjet Maqedonisë dhe Kosovës, beri te ditur sot zedhenesi i Ministrisë së Jashtme maqedonase , Petar Çulev.“Demarkacioni i kufirit ka përfunduar me sukses. Të gjitha shtyllat kufitare janë nënshkruar nga komisioni maqedonaso-kosovar për demarkacionin e kufirit, kurse i gjithë procesi është realizuar në bazë të Planit të Martti Ahtisarit” njoftoi Çulev

Ndërkohë, Qeveria e Maqedonise ka përgënjeshtruar pohimet e një mediumi nga Kosova , i cili kanë thënë se Maqedonia do të kërkoj ndihmën e Gjykatës ndërkombëtare, për të zgjidhur çështjen e kufirit me Kosovën.

Permes nje kumtese , Qeveria e Maqedonise ka njoftuar se janë vendosur simbolet e Republikës së Maqedonisë dhe Republikës së Kosovës neper shtyllat kufitare , me cka kane perfundojuar edhe pergaditjet teknike per regjistrimin me aeroplan te vijes kufitare .

Mënyra se si është shënuar vija kufitare ndërmjet Maqedonisë dhe Kosovës, paraqet një shembull te mirë për zgjidhjen e çështjeve të këtilla edhe në vende të tjera” ka theksuar Qeveria e Maqedonisë, duke shprehur perkushtimin e sajë per zhvillim të marrëdhënieve të mira me të gjithë fqinjët.

Ndryshe, kufiri ndërmjet Republikës së Maqedonisë dhe Republikës së Kosovës kap gjatësinë prej rreth 170 kilometrash. Ai numëron 70 shtylla kryesore dhe 351 ndihmese.

Pas zyrtarizimit të vijës kufitare , që parashihet të ndodh së shpejti, pritet të pasoj menjeher edhe vendosja e marrdhenieve diplomatike ndermjet dy shteteve
RTK

Kundërshtarit të pavarësisë së Kosovës i është lënë në duar hetimi për torturimet e supozuara ana e UÇK-së

Ish-prokurori zviceran, Dick Marty, që Kosovën gjithmonë e ka parë si qendër të trafikut njerëzor dhe të drogës, do të mundohet të dëshmojë torturimet e supozuara të serbëve nga ana e UÇK-së. Ai e ka nisur vizitën e parë në rajon, në atë që e quan mision faktmbledhës, për të dëshmuar hipotezat e Carla del Pontes se pjesëtarë të UÇK-së u kanë nxjerrë dhe më pas i kanë shitur organet e civilëve serbë.

Marty ka qëndruar dy ditë në Serbi, ku ka takuar ministra serbë dhe prokurorë të Prokurorisë për Krime Lufte në Beograd, me të cilët ka biseduar për këto çështje. Pas një takimi dyorësh me prokurorin serb për krime lufte, Vladimir Vukqeviq, është thënë se kjo prokurori i ka dorëzuar Martit dëshmitë e veta për të ashtuquajturën ‘Shtëpia e verdhë” në Shqipëri.

Zëdhënësi i Prokurorisë, Bruno Vekariq, ka thënë se Marti ka qenë shumë i kënaqur me dëshmitë që i janë ofruar. Marti ka takuar edhe ministren e Drejtësisë së Serbisë, Snezhana Maloviq, e cila ka thënë se shpreson që pas raportit të Martit edhe shtete të tjera do të angazhohen në hetime.

Martty do të vazhdojë vizitën e tij në Shqipëri, ku nuk do të pritet në formën e njëjtë. Kryeprokurorja Ina Rama dhe ministri i Drejtësisë, Enkelejd Alibeja, pritet t’ia përsërisin Martit qëndrimin e shtetit shqiptar se hetimet e Prokurorisë shqiptare nuk kanë dhënë asnjë rezultat për krimet e supozuara.

Ende nuk është e qartë nëse ai do të vijë në Prishtinë. Por, kush është Dick Martty?
Zvicerani nuk ka lënë vend e hapësirë pa folur kundër Kosovës. Për të vendi ynë është burim e transit i trafikut me njerëz, armë e drogë si dhe qendër e krimit të organizuar. “Unë nuk besoj që Ushtria Çlirimtare e Kosovës ka qenë e pafajshme. Nuk mund ta mohoj se Kosova është bërë në një nga qendrat më të mëdha të krimit të organizuar, trafikimit me qenie njerëzore, trafikimit me armë dhe qendër e drogës”, pati thënë Marrti në një intervistë për “TagesAnzeiger”, më 20 shkurt 2008.

Në intervistën me titull “Imazhi i serbëve të këqij nuk është i vërtetë”, pati nxitur Zvicrën që në asnjë mënyrë të mos e njohë pavarësinë e Kosovës. Në një tjetër intervistë në gjuhën frënge për Voltairenet.org, Marty ka thënë se bombardimi i Serbisë ka qenë i gabueshëm, se nga Kosova janë larguar me dhunë 250.000 njerëz, dhe se me pavarësinë e Kosovës është shkelur rëndë e drejta ndërkombëtare.

Ai është deleguar nga Këshilli i Evropës, një organizatë prej 47 shtetesh, shumica e të cilave e kanë njohur pavarësinë e Kosovës. Vetë udhëheqja e kësaj organizate që merret me të drejtat e njeriut, nëpërmjet sekretarit të përgjithshëm, britanikut Terry Davis, ka dalë publikisht kundër pavarësisë së Kosovës.
KTV

Serbia vendos që zgjedhjet komunale të mbahen edhe në Prishtinë dhe Pejë -Qeveria e Kosovës ende pa qëndrim

Brenda dy javëve serbët kosovarë do të mund të votojnë në komunat e Prishtinës dhe Pejës. Kosmisioni republikan zgjedhor në Serbi ka theksuar se në zgjedhjet e 16 gushtit do të marrin pjesë 6 parti politike dhe kandidatë të pavarur, në mesin e të cilëve edhe Partia Demokratike e presidentit serb, Boris Tadiq, si dhe ajo Demokratike e Serbisë e ish-kryeministrit Vojisllav Koshtunica.

Por, lajmi i ardhur nga Beogradi është pritur ftohtë në Prishtinë. Qeveria e Kosovës, edhe pse nuk ka marrë vendim për lejimin apo jo, nuk i njeh zgjedhjet si legjitime. Hajredin Kuçi – Zëvendëskryeministër i Kosovës u ka bërë thirrje serbëve të mos marrin pjesë në zgjedhjet e shpallura nga Beogradi. Sipas autoriteteve serbe, të drejtë vote në Prishtinë kanë 26 mijë e 65 persona, kurse në Pejë 8 mijë e 308.
KTV

Suzana Bahtijari, e akuzuar për keqpërdorim të detyrës zyrtare vazhdon punën në zyrën e presidentit Sejdiu

Presidenti i Kosovës, Fatmir Sejdiu, në zyrën e tij vazhdon të gëzojë ndihmën e një të akuzuare për keqpërdorim të detyrës zyrtare dhe mashtrim. Bëhet fjalë për Suzana Bahtijarin, e akuzuar për veprat e lartpërmendura në vitin 2004, kur punonte në zyrën e presidentit të ndjerë, Ibrahim Rugova.

Pavarësisht se e akuzuara Bahtijari është ulur një ditë më herët në bankën e të akuzuarve, marrëdhënia e punës së saj me zyrën e presidentit nuk është shkëputur asnjëherë. Avokati i saj mbrojtës, Nikë Shala, pranon se kilentja punon në zyrën e presidentit Sejdiu.

Sipas avokatit, klientja e tij nuk e mohon faktin që ka nënshkruar tërë dokumentacionin për blerjen e 90 gomave, për çka edhe akuzohet. Por Shala thotë se ajo ka qenë e urdhëruar nga Shefka Shasivari për të nënshkruar këtë dokumentacion. KTV-ja ka qëndruar fizikisht në ndërtesën e Kuvendit të Kosovës për të komunikuar me Suzana Bahtijarin, po ka qenë e pamundur. Ajo pos që nuk ka pranuar të prononcohet, nuk është përgjigjur as në telefon.

Të njëjtën gjë e kanë bërë edhe zyrtarët për informim të presidencës kosovare. Ka qenë e pamundur të kontaktohet zëdhënësi Xhavit Beqiri. Shefka Shasivari dhe Suzana Bahtjari akuzohen për keqpërdorim të detyrës zyrtare dhe mashtrim me rastin e blerjes së 90 gomave për zyrën e presidentit. Procesi gjyqësor ndaj tyre do të rifillojë në tetor për shkak të kërkesës së Shefka Shasivarit për të zëvendësuar gjykatësin shqiptar me një serb.
KTV

[Llapjani_HH]

Shyqri Haxha rezulton ende profesor në Universitetin e Kentit – aty ku 40 punëtorëve të PTK-së u pagoi 400 mijë euro trajnim

Universiteti i Kentit në Britaninë e Madhe e ka pranuar me kënaqësi një kërkesë të PTK-së që të dërgojë atje 40 punonjës të saj për t’i trajnuar. Në këtë letër që e ka Kohavisioni, Nathan J Gomes, nga Departamenti i Elektronikës, i konfirmon PTK-së marrjen e emrave të punonjësve dhe agjendës së trajnimit që do të realizohej në Universitet.

Agjenda trijavëshe përfshinte trajnime në fushën e telekomunikacionit, 5 ditë në javë, me dy ditë pushim vikendi. Shumë komoditete janë ofruar për këta kosovarë që shkonin në Londër.

Arsyeja: Drejtori i tyre është profesor në Universitetin e Kentit. Sipas faqes zyrtare të këtij universiteti, dhe e cila është përditësuar së fundi më 27 korrik, drejtori i PTK-së, Shyqri Haxha, vazhdon të mbetet profesor i Sistemit të Komunikimeve. Aty përshkruhet biografia e Haxhës, fusha e angazhimit të tij në këtë universitet prestigjioz, si edhe vendosja që e ka ai në këtë objekt.

Kohavisioni ka thirrur në Universitetin e Kentit, por zyrtarë të tij kanë thënë se nuk mund të japin informacione për stafin e vet, duke mos konfirmuar kështu nëse ai vazhdon të jetë profesor aty. Haxha vazhdon t’i ketë numrat telefonikë në zyrën në Britaninë e Madhe, por zëdhënësi i PTK-së, Menduh Abazi, i ka thënë KTV-së me telefon se Haxha nuk është më punonjës i këtij universiteti.

Trajnimi i këtyre punëtorëve të PTK-së në Londër është ndër më të kushtueshmit në Kosovë, dhe ka arritur totalin deri në 400 mijë euro. Një person ka marrë 6 mijë e 600 euro për këtë trajnim, që i bie se një person gjatë qëndrimit të tij 3-javor i ka pasur në dispozicion 314.29 euro brenda ditës. Sipas Ligjit anti korrupsion, kreu III, neni 24, Haxha ka shkaktuar konflikt interesi kur i ka çuar për trajnim në universitetin ku punon punëtorët e tij dhe duke vepruar në dëm të interesit të përgjithshëm, siç e parasheh neni. Si dhe nuk ka pasur shpallje për të pranuar ofertat e institucioneve të tjera të interesuara.

Në nen thuhet: 24.1. Në rast të një konflikti mes interesave personale dhe të përgjithshme, personi zyrtar duhet të veprojë në pajtim me interesin e përgjithshëm. Haxha është emëruar drejtor i PTK-së në dhjetor të vitit 2008.
KTV

Zyrtarë të PTK-së konfirmojnë marrjen e mijëra eurove bonus, edhe pse në mënyrë antiligjore

Udhëheqja e kompanisë publike, Postës dhe Telekomit të Kosovës, e ka vlerësuar kaq të suksesshme punën në muajt e fundit, saqë ka vendosur të vetëshpërblehet jashtë çdo norme ligjore. Në periudhë të pushimeve verore mijëra euro janë dhënë si bonuse për të shpërblyer drejtorë, asistentë e shoferë në PTK.

Gazeta “Koha Ditore” ka raportuar dje se kryeshefi ekzekutiv i PTK-së, Shyqeri Haxha, e ka shpërblyer veten me 10.000 euro bonuse.
Drejtori i Financave në PTK, Nuredin Krasniqi, është shpërblyer me 3500 euro, drejtori i Valës, Driton Halili, me 2000 euro. Xhevdet Smakiqi, menaxher i Rregullatorit dhe këshilltar i lartë juridik në zyrën e drejtorit dhe Arian Gashi, këshilltar i lartë për resurse njerëzore në zyrën e drejtorit, janë shpërblyer me nga 3500 euro. Në familjen Xhaferi bonuse për këtë verë kanë shkuar në total 4500 euro. Anisa Mjeku Xhaferi, asistente e drejtorit, është shpërblyer me 2000 euro, ndërsa bashkëshorti i saj, Arben Xhaferi, po ashtu zyrtar në PTK, është shpërblyer me 2500 euro. Zëdhënësi Menduh Abazi ka marrë shpërblim 2500 euro dhe në krejt këtë dorëshlirësi nuk është harruar as shoferi i kryeshefit ekzekutiv, Shyqeri Haxha, Ilir Tolaj, i cili ka marrë 2000 euro bonus.

Në total, bonuset e kanë arritur shifrën e 31.500 eurove.

Në një konferencë të jashtëzakonshme shtypi, njëri nga përfituesit e shpërblimeve të dhëna nga drejtori Haxha, zëdhënësi Menduh Abazi, e ka pranuar t’i ketë marrë paratë, sikurse edhe të tjerë zyrtarë. Megjithatë, Abazi ka thënë se vetë kryeshefi ekzekutiv, Shyqeri Haxha, ka menduar vetëm për punëtorët dhe jo për veten, sepse nuk ka marrë asnjë cent shpërblim.

PTK-ja do të padisë nesër gazetën Koha Ditore për shkak të pretendimeve se gazeta po zhvillon fushatë të qëllimshme kundër figurës së Shyqeri Haxhës. I bindur në profesionalizmin e shkrimeve që ka bërë, kryeredaktori i gazetës më të madhe në vend, Agron Bajrami, thotë se Koha Ditore do ta fitonte çdo gjyq me PTK-në. Bajrami thotë se shkrimet e gazetës janë në funksion të interesit të taksapaguesve kosovarë, paratë e të cilëve i merr në shfrytëzim kjo kompani publike.

Në vend të padisë kundër Kohës Ditore, Bajrami thotë se PTK-ja duhet të merret me veprimin ilegal në Kosovë të Postës dhe Telekomit të Serbisë. Për shkak të raportimeve të vazhdueshme për keqpërdorime në këtë kompani publike, PTK që nga prilli i ka ndalë reklamat për gazetën më të lexueshme në vend, “Koha Ditore”. Më vonë, kundërligjshëm dhe në dëm të interesit publik, PTK-ja i ka ndalë reklamat edhe për televizionin kombëtar, Kohavision.

Keqpërdorimet në Postën dhe Telekomin e Kosovës nuk janë asgjë e re për shoqërinë civile, e cila ka ngritur publikisht shqetësimin për këtë disa herë. Më i zëshmi për të vënë në pah keqpërdorimin e parasë publike nga PTK-ja, udhëheqësi i organizatës antikorrupsion “Çohu”, Avni Zogiani, ka thënë se është i jashtëligjshëm presioni që PTK-ja po i bën gazetës së pavarur “Koha Ditore”.

Ndërkohë, sipas ekspertit të ekonomisë, Shpend Ahmeti, çështja e bonuseve për kompanitë publike është diçka që duhet të rregullohet nga qeveria. Ahmeti thotë se PTK-ja po i përngjan më shumë një kompanie private, që s’jep përgjegjësi. Por, marrja e mijërave eurove bonus nuk janë keqpërdorimet e vetme që rëndojnë mbi PTK-në.

Drejtori i PTK-së, Shyqri Haxha, është akuzuar edhe më herët për keqpërdorim të fondeve të PTK-së. Organizata “Çohu” pati ngritur dy akuza në Prokurorinë Speciale ndaj tij për shkelje ligjore dhe keqpërdorim të parave të taksapaguesve kosovarë.

Në rastin e parë, kjo organizatë e pati akuzuar drejtorin e PTK-së se i kishte dërguar rreth tridhjetë veta për trajnim në Universitetin e Kentit, në Britani të Madhe, ku kishte punuar vetë më parë, duke shpenzuar mijëra euro të buxhetit pa kurrfarë procedure.

Ndërsa, në rastin e dytë, për shkak të futjes së PTK-së si operator mobil në Shqipëri, pa bazë ligjore dhe pa respektimin e procedurave që kërkon Ligji për Prokurimin Publik.
Po ashtu, drejtori Shyqri Haxha është akuzuar edhe se në dhjetor të vitit 2008, ditën e parë të punës, sapo e kishte nënshkruar kontratën, i kishte marrë 11 mijë euro për udhëtim zyrtar në Londër, ku jeton së bashku me familjen.

Edhe politika është e infiltruar në një mënyrë në këtë kompani publike. Në të punojnë vëllai i ministrit të Transportit dhe i Postë-Telekomunikacionit, Fatmir Limaj, Demir Limaj, si edhe djali i presidentit të Kosovës, Fatmir Sejdiu, Bardhyl Sejdiu.

Para disa muajsh, organizata joqeveritare FOL ’08 pati reaguar për mënyrën e emërimit të këtyre dy personave në pozitat që mbajnë. Limaj është bërë drejtor i Shitjes dhe Distribuimit, nga pozita e ushtruesit të detyrës, sikurse edhe Sejdiu që është bërë Drejtor i Shërbimeve Mbështetëse nga pozita e ushtruesit të detyrës. Për asnjërën nga këto pozita PTK-ja asnjëherë nuk kishte shpallur konkurs, dhe vendet janë plotësuar nga të afërm të Presidentit dhe ministrit. PTK e ka fituar të drejtën që të jetë operatori i katërt i telefonisë mobile në Shqipëri, dhe më shumë sesa përmbushje kriteresh, akti është parë si vepër patriotike e kryeministrit shqiptar, Sali Berisha.
KTV

[Llapjani_HH]

Hetimet e KE janë të njëanshme dhe të motivuara politikisht, thotë avokati Susuri

Vazhdojnë reagime kundër hetimeve të Këshillit të Evropës për gjoja shitje të organeve të njerëzve gjatë luftës në Kosovë. Avokati Hazer Susuri thotë se këto hetime janë të njëanshme dhe të motivuara politikisht. Ndërsa shoqëria civile kërkon angazhim të institucioneve për t’u përballur me kundër argumente ndaj akuzave të ngritura.

Nisma e Këshillit të Evropës për hetimet e kërkuar nga Serbia për gjoja shitje të organeve të njerëzve gjatë luftës ka konotacione politike dhe është e rrezikshme për palët, thotë avokati Hazër Susuri, i cili është marrë me hetime të krimeve të luftës në Kosovë. Ai thotë se nuk ka asnjë fakt që mund të arsyetojë hetimin e iniciuar nga KE, por këtë nismë e cilëson si një formë tjetër e manipulimeve të Serbisë për të bërë presion në Gjykatën ndërkombëtare të Drejtësisë ku e ka iniciuar edhe çështjen e legjitimitetit të pavarësisë së Kosovës.

“Sa i përket rastit konkret në këtë drejtim nuk ka kurrfarë prova konkretet që çojnë në atë hetim që e ka iniciuar KE. Me këso forma manipuluese të Serbisë që njihen mirë, Serbia dëshiron të depërtojë në GJND ku e ka hapur edhe çështjen e legjitimitetit të shpalljes së pavarësisë së Kosovës”tha Susuri.

Susuri e cilëson si një vardisje të KE ndaj Serbisë, në përpjekje të gjetjes së një konsensusi që kjo e fundit të njohë pavarësinë e Kosovës. Por ai thotë se kjo mënyrë e shtrimit të çështjeve është shumë e rrezikshme.


“Kjo është një çështje e rrezikshme dhe thikë me dy teha, e cila në këtë formë nuk mund të qëndrojë. Për të iniciuar një çështje për të cilën nuk ka prova konkrete relevante ajo është një rrezikshmëri e madhe dhe e dyta një vardisje e tillë ndaj Serbisë si ish kriminele dhe shkaktare e të gjitha luftërave në Kosovë dhe rajon ajo nuk i përgjigjet realitetit dhe fakteve juridike.


Shoqëria civile në Kosovë fajëson institucionet se nuk kanë marrë asnjë veprim për ta parandaluar këto hetime që i cilësojnë gënjeshtra. Përfaqësuesi i organizatës “Zgjohu”, Avni Zogiani thotë se institucionet e Kosovës duhet të përballen me kundër argumente ndaj këtij procesi hetimor.


“Përgjithësisht institucionet e Kosovës janë duke vepruar në atë mënyrë se si i mësojnë ndërkombëtarët. Pra nuk guxojnë të flasin për krimet që kanë ndodhur ndaj shqiptarëve në Kosovë”,tha Zogiani.

Përfaqësues të organizatave thonë se misioni hetues i Këshillit të Evropës i kryesuar nga ish-prokurori zviceran, Dick Marty është i njëanshëm dhe i motivuar politikisht. Me kërkesë të Serbisë Këshilli i Evropës ka iniciuar hetimet për gjoja kidnapimin dhe trafikimin e organeve të serbëve të rrëmbyer gjatë luftës në Kosovë nga ish-ushtarë të UÇK-së.
RTK

KMDLNJ kritikon qeveritë e Shqipërisë dhe Kosovës

Këshilli për Mbrojtjen e të Drejtave dhe Lirive të Njeriut vlerësoi se qeveritë e Republikës së Shqipërisë dhe asaj të Kosovës nuk kanë marrë asnjë veprim për ta parandaluar gënjeshtrat për gjoja kidnapimin dhe trafikimin e organeve të serbëve të rrëmbyer kinse gjatë luftës në Kosovë nga ish-ushtarë të UÇK-së.

Drejtori ekzekutiv i KMDLNJ-së, Behxhet Shala, tha se misioni hetues i Këshillit të Evropës i kryesuar nga ish-prokurori zviceran, Dick Marty është i turpshëm, i njëanshëm dhe politikisht i motivuar, ngase kriter për hetime po përdoret përkatësia etnike dhe viktimat nuk po trajtohen si viktima, por si serbë, romë etj.
RTK

Tirana zyrtare përgjigje Martit: Kërkesa serbe e pabazuar në prova

Tirana zyrtare i ka komunikuar të derguarit te Këshillit të Evropes, Dik Marti se nuk mund te hetohet ne Shqiperi mbi akuzat e Karla Del Pontes dhe autoriteteve te Beogradit rreth pretendimeve se UCK-ja ka trafikuar organet e serbeve gjate luftes ne Kosove. “Te drejten per te hetuar ne teritorin e Shqiperise e ka vetem Prokuroria shqiptare”, mesohet ti kete thene Ministri i Drejtesise Enekeljed Alibeaj, senatorit zviceran qe kryeson grupin e hetimit ne emer te Keshillit te Europes, ne takimin e zhvilluar ne Tirane.

“Une refezoj te besoj se keto jane te verteta, por do te na pelqente qe kjo ceshtje te hetohej”, i ka thene Marty, ministrit shqiptar te Drejtesise. Por pergjigjia e Alibejt ka qene se “Une refuzoj ti pergjigjem leter porosise se Ministrise serbe te Drejtesise, pasi pretendimet jane pa baze dhe nuk ka prova mbi keto akuza”. Argumenti ka vijuar me tej kur Ministri ka shpjeguar se “Ne asnjë rast shtetasit e huaj nuk kane te drejte te kryejne veprime procedurale hetimore ne territorin shqiptar. Hetimet mund te kryhen nga prokuroria shqiptare vetem me kerkese, leter porosi qe vjen nga shtete e huaja. Ne keto raste prokuroria kryen te gjitha veprimet per zbardhjen e ceshtjes”.

E njëjta bisede është zhvilluar pak a shume edhe me Ministrin e Brendshem Bujar Nishani dhe me drejtues te Prokurorisë së Përgjithshme. Qëndrimi zyrtar i institucioneve shqiptare rreth hetimit per akuzat e Karla del Pontes është ai i shprehur në një përgjigje qe i eshte kthyer Prokurorise serbe në tetor të vitit 2008. Kjo kërkesë është paraqitur në formën e një akti të quajtur "Letër porosi" ku autoritetet e Beogradit kërkonin vënien në dispozicion të provave dhe dokumentave.

“Por një kërkesë për ndihmë hetimi do të duhet të tregojë në mënyrë të qartë dhe të saktë se cilat janë aktet konkrete kriminale të kryera dhe veç këtyre cilat janë burimet e provave. Madje, vetë kërkesa e bërë nga Prokuroria serbe thotë: deri më tani nuk ka njohuri të sigurta mbi llojet dhe format e torturave”, ka deklaruar edhe publikisht dite me pare gjate nje interviste per BBC, Ministri Alibeaj . Pra sipas tij, ishte thjesht dhe vetëm një kërkesë e bazuar në asnjë lloj fakti të marrë në formë ligjore.

“Sipas rendit juridik serb ishte thjesht dhe vetëm një kërkesë e cila nuk është gjë tjetër veçse pasojë e thënies në librin e zonjës Del Ponte. Sigurisht që serioziteti i një bashkëpunimi juridik midis institucioneve shtetërore apo ndërkombëtare kërkon seriozitet më të madh sa kaq, sepse një hetim nëse do të donim të ishte i suksesshëm edhe para gjykatave siç pretendon Prokuroria serbe, duhet që dhe procesi i hetimit të ishte po kaq serioz”, ka thene Alibeaj.
ALSAT

PD-AAK nënshkruajnë Memorandum Bashkëpunimi

Aleanca për Ardhmërinë e Kosovës dhe Partia Demokratike e Shqipërisë në nivel të kryetarëve të partive kanë nënshkruar Memorandumin e Bashkëpunimit si parti të qendrës së djathtë të të dy vendeve.

Kryetari i Aleancës për Ardhmërinë e Kosovës dhe ish-kryeministri i Kosovës, Ramush Haradinaj, me bashkëpunëtorë u prit të enjten nga kryeministri i Republikës së Shqipërisë, Sali Bersiha. Gjatë takimit me kryeministrin Berisha, Haradinaj e njoftoi atë me zhvillimet e përgjithshme në Kosovë, gjendjen politike, situatën ekonomike dhe interesat e përbashkëta të qytetarëve të Kosovës dhe Shqipërisë.

Haradinaj – siç thuhet në një komunikatë të AAK-së – shprehu bindjen e thellë të tij dhe të Aleancës për Ardhmërinë e Kosovës se Shqipëria do të vazhdojë rrugën e saj të zhvillimit të gjithmbarshëm, rritjen ekonomike dhe integrimet evropiane gjatë viteve të mandatit të ri të kryeministrit Berisha.

Duke folur për periudhën e tashme në prag të procesit për zgjedhjet lokale të 15 nëntorit 2009 në Kosovë, Haradinaj shpjegoi përgatitjet që janë duke u bërë në nivel të përgjithshëm për këtë proces të rëndësishëm të vendit. “Ai po ashtu informoi kryeministrin Berisha me përgatitjet që po bën AAK-ja për të fituar zgjedhjet lokale të këtij viti”, thuhet më tej në komunikatë.

Kryeministri Berisha ndërkaq, siç thuhet më tej, shprehu mirënjohjen e tij për angazhimin e Haradinajt dhe AAK-së në bashkëpunimin brenda spektrit politik kosovar dhe mbarë-shqiptar. “Ai vlerësoi lart rolin dhe kontributin e z. Haradinaj dhe AAK-së në rrugën e Kosovës drejt të pavarësisë dhe integrimeve ndërkombëtare”.

Kjo është vizita e dytë zyrtare e kryetarit të AAK-së në Tiranë, pas zgjedhjeve të fundit parlamentare të Shqipërisë. Gjatë kësaj vizite, Aleanca për Ardhmërinë e Kosovës dhe Partia Demokratike e Shqipërisë, në nivel të kryetarëve, përkatësisht Ramush Haradinaj dhe Sali Berisha, kanë nënshkruar Memorandumin e Bashkëpunimit, në bazë të orientimit të përbashkët programor të përkatësisë në familjen politike të qendrës së djathtë të të dy vendeve.
Telegrafi

Mali i Zi kushtëzon marrëdhëniet diplomatike me Kosovën

Mal i Zi vazhdon të kushtëzojë vendosjen e marrëdhënieve diplomatike me Kosovën. Ministri i Jashtëm malazez, Millan Roçan, ka thënë se vendi i tij do ta emërojë ambasadorin në Kosovë në momentin që palët pajtohen t’i përmbushin kushtet, për të cilat janë dakorduar.

"Mund të them se ne e kemi hapur çështjen e pozitës së komunitetit tonë në Kosovë, për të cilën janë pajtuar të gjithë", ka thënë ai. Përpos kësaj kërkese të Podgoricës, për palën kosovare është edhe kthimi i të zhvendosurve në shtëpitë e tyre.

Kryediplomati malazez ka përmendur edhe zotimin e Prishtinës për kthimin e rreth 1500 pjesëtarëve të komunitetit rom në shtëpitë e tyre, të cilët janë shpërngulur nga Kosova në Mal të Zi, gjatë kohës së luftës. /ktv/
Telegrafi

[Llapjani_HH]

Kelmendi: Nisja e hetimeve nga KE me prapavijë politike

Ministrja e Drejtësisë, Nekibe Kelmendi ka thënë se nisja e hetimeve nga Këshilli i Evropës lidhur me pretendimet serbe për trafikim organesh të civilëve serbë nga kryengritësit shqiptarë gjatë luftës, ka prapavijë politike.

Ministrja Kelmendi tha se hetimet e Tribunalit të Hagës kanë dëshmuar se akuzat e ngritura nga Beogradi janë të pavërteta. Ministrja Kelmendi tha se nisja e hetimeve nga Këshilli i Evropës për krime lufte në Kosovë përbën precedent në praktikat e kësaj organizate.
RTK

Situatë e tendosur në lagjen "Kroi i Vitakut"

Punimet për rindërtimin e shtëpive në lagjen Kroi i Vitakut në Mitrovicë janë shtyrë për javën e ardhshme. Zëdhënësi i policisë Besim Hoti tha se këto punime nuk kanë filluar për shkak të paqartësive që mund të kenë pronarët e shtëpive me autoritetet komunale. Ndërtimi i shtëpive të shqiptarëve në atë lagje është penguar nga grupe të serbëve lokalë.

Në të njëjtin vend janë duke vazhduar punimet e serbëve për ndërtimin e ndërtesave, të cilat janë pa leje të autoriteteve komunale.
RTK

KEK-u nuk ka plane të shkyçë konsumatorët borxhlinj të veriut të Kosovës

Zotimet e KEK-ut për detyrimin e konsumatorëve borxhlinj në veriun e Kosovës që të paguajnë detyrimet ndaj Korporatës nuk pritet të zbatohen së shpejti. I vetmi plan konkret të cilin KEK-u e prezanton është ai i ndërtimit të një nënstacioni 110 kilovoltësh, në pjesën jugore të Mitrovicës që do t’i mundësonte shkyçjet selektive edhe për veriun.

Tenderi për ndërtimin e kësaj linje do të shpallet javën e ardhme. Por, ndërtimi i kësaj linje merr kohë të paktën një vit. Kjo do të bëhet në bashkëpunim me KOSTT-in. Borxhet e enklavave ndaj KEK-ut llogariten të jenë rreth 110 milionë euro.

Ndërkohë që veriu i Mitrovicës është zona e vetme në Kosovë në të cilën nuk aplikohet as plani ABC i furnizimit me rrymë, dhe sipas të dhënave nga KEK-u, ajo shpenzon më së shumti energji, 35 megavat orë gjatë muajve të verës dhe deri në 70 megavat gjatë muajve të dimrit.
KTV

Policia e Kosovës nuk zbaton urdhëra të strukturave paralele


Policia e Kosovës thotë se nuk ka zbatuar asnjë kërkesë nga strukturat paralele në pjesën veriore të Mitrovicës. Pas raportimeve në media se organi i rendit ka pranuar dhe zbatuar një kërkesë nga strukturat paralele serbe te Mahalla e Boshnjakëve në pjesën veriore të Mirtovicës, zëdhënësi i Policisë së Kosovës, Arbër Beka u shpreh se policia ka marrë një informatë se disa qytetarë po tentonin të hynin me dhunë në një ndërtesë të saporinovuar në veri të Mitrovicës për t’a përdorur atë për qëllim banimi.

“Nuk është zbatim i urdhrave që vijnë nga strukturat jo legjitime. Ka qenë një informatë dhe së pari ajo merret si informatë që ka të bëjë me çështje të sigurisë. Çdo informatë e tillë trajtohet me vigjilencë nga pjesëtarët e Policisë së Kosovës”, sqaron zëdhënësi Arbër Beka.

Ndërkohë mediat në Prishtinë kanë raportuar se kërkesa për ndërhyrje të policisë ka ardhur nga i ashtuquajturi kryetar i Komunës së Mitrovicës, Nenad Topliçeviq, që vjen nga radhët e Partisë Radikale të Serbisë. Por policia thotë se ka ndërhyrë duke marrë parasysh ndjeshmërinë e lokacionit për të cilin bëhet fjalë.

“Kemi edhe patrulla mikse që janë të angazhuara në Lagjen e Boshnjakëve në pjesën veriore të Mitrovicës që të mos ketë incidente, sidomos incidente me motive ndëretnike. Dihet mirë situata në këtë pjesë dhe në lagjen 7 Shtatori në pjesën veriore të Mitrovicës”, thekson Arbër Beka.

Ndërtesa për të cilën bëhet fjalë është rinovuar nga komuna paralele e Mitrovicës së Veriut dhe është financuar me fonde të qeverisë së Serbisë.
ALSAT M

Tadiq: Grupe ekstreme shqiptare stërviten në Maqedoni

Presidenti serb Boris Tadiq siç njofton agjencia e lajmeve FONET duke folur për incidentet e fundit në Luginën e Preshevës ka thënë se kjo është vepër e grupeve ekstreme shqiptare të cilët intensivisht përgatiten për veprime të mëtejme jo vetëm në territorin e Serbisë, por edhe atë të Maqedonisë.

“S’ka asnjë dilemë se terroristët përgatiten në trekëndëshin ndërmjet krahinës sonë Kosovës dhe Metohisë, Maqedoninë Veriore dhe komunat jugore të Serbisë në rajonin e Preshevës dhe Bujanovcit” thotë Tadiq.

Sipas presidentit serb kur është në pyetje terrorizmi në Serbi para se gjithash ka të bëjë me terrorizmin ekstrem shqiptar në komunat e jugut në vend. Ai paralajmëron se Serbia gjendet para sulmit të krimit të organizuar rajonal, dhe shton se për herë të parë në histori ballafaqohet me krim të organizuar transkontinental në hapësirat e Ballkanit perëndimor.
ALSAT M

Ademi: Tadiç të dorëzojë Mlladiqin, jo të njollos shqiptarët

Asgjë e re, kështu zëvendëskryeministri Abdulhaqim Ademi e ka vlerësuar deklaratën e djeshme të presidentit serb Botris Tadiç se në territorin e Maqedonisë stërviten grupe ekstremiste shqiptare. Më këtë deklaratë presidenti serb sipas Ademit dëshiron vetëm të fus huti në opinionin shqiptar.

Ademi u bëri thirrje banorëve të Luginës , Maqedonisë dhe Kosovës që të mos bien pre e deklaratave të këtilla provokuese të autoriteteve serbe dhe përpjekjeve të vazhdueshme të tyre për të njollosur shqiptarët.

“Unë mendoj se shqiptarët dhe udhëheqësia e vendeve që përmenden në deklaratën e zotit Tadiç nuk do të bie nën provokimet e tyre dhe do të vazhdojnë me aktivitetet e rregullta dhe do të vazhdojnë me proceset e integrimit të rajonit në Bashkimin Europian, dhe mendoj që shqiptarët tani më nuk kanë nevojë që të shqetësohen sepse deklaratat e tilla janë dëgjuar edhe më herët nga funksionarë të lartë të Serbisë. Mendoj se Serbia gjithmonë ka dashur të njollosë, veçanërisht t'i njollos proceset politike të shqiptarëve në rajon, dhe këtë deklaratë të zotit Tadiç e shoh në këtë vijë”, vlerëson zëvendëskryeministri Abdylaqim Ademi.

Sipas Ademit, Tadiç nuk ka kredibilitet e as të drejtë morale që të jep deklarata për gjendjen e sigurisë në vendet fqinje, ngase është president i një vendi që pas luftës është shndërruar në strehimore kriminelësh të kërkuar nga Gjykata e Hagës.

“Në radhë të parë nuk ka të drejtë të jap deklaratë për gjendjen e sigurisë ose për gjendjen politike, për ndonjë vend fqinjë, ai nuk ka të drejtë sepse Tribunali i Hagës tanimë disa vite po kërkon nga Serbia t'i dorëzoj kriminelët e luftës. Serbia është bërë vend ku strehohen kriminelët e luftës nga ish Jugosllavia, prandaj në çdo deklaratë e shohim tendencën e tyre për të defokusuar opinionin ose për të njollosur opinionin, për të njollos proceset politike dhe demokratike që ndodhin në vendet e rajonit” thekson Abdylaqim Ademi.

Ka reaguar edhe Ministria e Brendshme duke përgënjeshtruar deklaratat e Tadicit. Në Maqedoni nuk ekzistojnë grupe ekstremiste, kështu ka deklaruar zëvendësministri i Brendshëm Xhevat Buçi.

“Po të kishim njohuri sigurisht se do të ishit të informuar, poqëse do të kishte raste të tilla. Nuk ka asi përgatitje, dhe meqë thash se nuk ka, do të thotë se jemi në rrjedhë e sipër dhe nuk kemi informata se ka ndonjë ndodhi të atillë. Ato informata nuk janë të sakta dhe ne jemi në rrjedhë dhe nuk ka kurrfarë asi trajnimesh apo grupe terroristësh në Republikën e Maqedonisë” mohon Xhevat Buçi.

Presidenti serb Boris Tadiq, duke folur për incidentet e fundit në Luginën e Preshevës, tha se ato janë vepër e grupeve ekstreme shqiptare të cilët përgatiten intensivisht për veprime të mëtejshme jo vetëm në territorin e Serbisë por edhe në atë të Maqedonisë. Ai tha se një pjesë e këtyre grupeve është duke u stërvitur në territorin e Maqedonisë.
ALSAT M

Incidentet në Preshevë, Tadiç: Vepër e grupeve ekstreme shqiptare

Presidenti i Serbise duke folur për incidentet e fundit në Luginën e Preshevës ka thënë “se kjo është vepër e grupeve ekstreme shqiptare të cilët intensivisht përgatiten për veprime të mëtejme jo vetëm në territorin e Serbisë, por edhe atë të Maqedonisë. S’ka asnjë dilemë se terroristët përgatiten në trekëndëshin ndërmjet krahinës sonë Kosovës dhe Metohisë, Maqedoninë Veriore dhe komunat jugore të Serbisë në rajonin e Preshevës dhe Bujanocit”, citon agjensia e lajmeve FONET, presidentin serb.

”Kur është në pyetje terrorizmi në Serbi para se gjithash ka të bëjë me terrorizmin ekstrem shqiptar në komunat e jugut në vend”, deklaron Tadic. Ai paralajmëron se Serbia gjendet para sulmit të krimit të organizuar rajonal dhe shton se për herë të parë në histori ballafaqohet me krim të organizuar transkontinental në hapësirat e Ballkanit perëndimor. Keto deklarata te ashpra te Tadicit kunder shqiptareve vijne ne kohen kur situata ne Luginen e Presheves ne jug te Serbise eshte e veshtire.

Përfaqësuesit politikë të Luginës së Preshevës kane kërkuar largimin e xhandarmërisë serbe nga komunat shqiptare dhe i kane bere apel nderkombetareve që të nderhyjne per te zgjidhur situatën.

Ata kane kerkuar ndërprerjen e akteve brutale, largim pa kushte të xhandarmërisë, si dhe të fillojnë bisedimet mes faktorit shqiptar dhe qeverisë serbe me ndërmjetësim ndërkombëtar, për tejkalimin e situatës. Por pergjigjia e autoriteteve te Beogradit ka qene kategorike per te tërhequr xhandarmërinë nga Presheva.
ALSAT

[Llapjani_HH]

Durrës, vriten 4 policë dhe 1 civil. I kërkuari Dajti i plagosur. Jehonë dhe në median e huaj

Nje masakër e vertetë ka ndodhur në orët e pasdites ne qytetin e Durrësit ku i shumëkërkuari Dritan Dajti ka vrare 4 punonjës të policisë, ndërsa disa persona te tjere dhe kalimtare te rastit kane mbetur te plagosur. Ngjarja ka ndodhur afer rruges qe te con tek Pista e Vogel ne qytetin e Durresit. Forcat e Operacioneve Speciale ishin ne nje operacion ne ndjekje te Dritan Dajtit, nje nga 8 personat me te kerkuar te Interpolit dhe nje nga emrat me te lakuar te botes se krimit. Ne momentin qe ata kane qene prane automjetit me te cilin udhetonte Dajti, ky i fundit ka nxjerre armen dhe ka qelluar mbi forcat e policise.

Uniformat blu konfirmojne zyrtarisht emrat e kater policeve te vrare. Ata jane Fatos Xhani, Shefi i Forcave te Operacioneve Speciale: Altin Dizdari 33 vjec: Sajmir Duckollari 32 vjec dhe Kastriot Feska 40 vjec. Nderkohe i vrari i peste eshte civil dhe eshte kunati i Dritan Dajtit, Ledion Mara. Vete Dajti nga shkembimi i zjarrit me forcat e policise ka mbetur i plagosur dhe fillimisht u mjekua ne Spitalin e Durresit dhe me pas u transportua ne Spitalin Ushtarak ne Tirane.

Nderkohe ne spitalin e Durrësit mbëriten edhe të afërm dhe familjarë të 4 policëve të vrarë. Nderkaq, Ministri i Brendshëm Bujar Nishani shkoi ne drejtorine e policise se Durresit ku zhvilloi nje mbledhje me drejtuesit e uniformave blu ne qytetin bregdetar. Po ashtu në spitalin e Durresit janë edhe 6 persona te tjere të plagosur, te cilet kane qene kalimtare te rastit. Por kush eshte Dritan Dajti.

Policia sqaron rrethanat e ngjarjes se rende

Policia ka dhene dhe informacionin paraprak zyrtar rreth ngjarjes. Sipas policise, ne ngjarjen e ndodhur ne 13:45 ne pisten "Iliria" ne Durres, Forcat e operacioneve speciale ishin organizuar pas informacionit te marr per vendndodhjen e Dajtit. "Rreth ores 13.45 nga sherbimet e vendosura eshte konstatuar se personi shume i kerkuar eshte afruar me nje makine Volkswagen tip "Tuareg" me ngjyre te erret, me targa te huaja CR 535 FR. Kur makina kishte ndaluar trupa e operacioneve speciale e ngarkuar me kete detyre ka bere rrethimin e mjetit per te mundesuar arrestimin tij. Gjate nderhyrjes, i shumekerkuari Dritan Dajti ne menyre te menjehereshme ka qelluar me arme ne drejtim te punonjesve te policise dhe si pasoje kane mbetur te vrare 4 punonjes policie, eshte plagosur rende i shumekerkuar Dritan Dajti si dhe ka mbetur i vrare shtetasi Ledion Mara i datelindjes 1986 lindur ne Lushnje, person me precedente kriminale si dhe eshte arrestuar drejtuesi i mjetit te lartpermendur Erges Sotir Xhaxhi, i datelindjes 1987, banues ne Tirane", thuhet ne njoftimin e policise.

Nderkaq, behet e ditur se ne vendin e ngjarjes jane sekuestruar dy pistoleta dhe dy radio policie. Sipas policise hetimet vazhdojne nga nje grup prokuroresh i Prokurorise se Pergjithshme dhe Prokurorise se Krimeve te Renda.

Tragjedia e Durrësit jehonë dhe në mediat e huaja

Masakra e ndodhur sot në qytetin e Durresit është pasqyruar edhe në median ndërkombëtare. Gazeta italiane TG com shkruan se krimineli në arratisje vrau katër agjentë të policisë në Shqipëri. Gazeta shton se mes të shumkërkuarit dhe forcave policore është zhvilluar një konflikt i armatosur me armë zjarri, ndërsa forcat policore ndiqnin të arratisurin. Krimineli i kërkuar që prej vitit 2003, pasi arriti të largohej nga forcat e policisë gjatë një seancë gjyqësore të procesit të tij për akuzën e vrasjes, u plagos e më pas u transportua në spital.

Agjencia italiane, Libero – News, gjithashtu i kushton rëndësi lajmit për vrasjen e 4 agjentëve të policisë që po përpiqeshin të arrestonin në qytetin e Durrsit të shumkërkuarin. Një tjetër agjenci italiane, Agjencia e Gazetarisë së Italisë, komenton: terror dhe vdekje në një zonë të frekuentuar pushimesh në qytetin e Durrsit. Pesë persona kanë mbetur të vdekur dhe dy të plagosur nga shkëmbimi i zjarrit në plazh. Sipas kësaj gazete, policia po përpiqej të vinte në pranga një person të dyshuar për një vrasje të kryer në vitin 1999. Dritan Dajti, ka reaguar menjëherë përballë forcave policore. Gazeta Iris Press thekson se krimineli tenton t’i arratiset policisë, duke i vrarë, e më pas arrestohet. Sipas gazetës italiane, në qytetin e Durrsit, një kriminel në arratisje vret katër policë që përpiqeshin ta arrestonin.

Gazeta spanjolle, ADN.es komenton se të paktën katër policë gjetën vdekjen në një shkëmbim zjarri në qytetin e Durrsit, gjatë një operacioni për të kapur një nga kriminelët më të kërkuar të vendit. Ndërsa gazeta polake, Telegram, citon deklaratën e zëdhënësit të Policisë, Klodian Branka, duke shkruar se të paktën 5 persona, duke përfshirë katër policë, u vranë ndërsa dy të tjerë u plagosën në plazhin e Durrsit gjatë një operacioni policor. I kërkuari për vrasje, Dritan Dajti hapi zjarr ndaj oficerëve të forcave speciale që po përpiqeshin ta arrestonin. Sipas të njëjtës gazetë, Dajti, i cili është plagosur gjatë shkëmbimit të zjarrit, është akuzuar për vrasjen e një biznesmeni në shkurt të vitit 1999. Gazeta polake tregon se Dajti u arrestua disa ditë pas vrasjes, por arriti të arratisej nga gjyqi i tij që mbahej në Tiranë, në vitin 2003.
ALSAT

[Llapjani_HH]

Mat, hetimet për organet, banorët bllokojnë hetuesit e KE

• Hetuesit e KE udhëtonin në drejtim të fshatit Gurrë të Matit për të vërtetuar akuzat serbe për trafik organesh. Pasi u bllokuan për rreth dy orë nga banorët e fshatit, ata jane detyruar të kthehen mbrapsht.

MAT- Hetues të Këshillit të Evropës janë bllokuar për rreth dy orë nga banorë të fshatit Gurrë në Mat teksa ishin nisur për të hetuar akuzat e Serbisë në lidhje me trafikun e organeve, sipas tyre të kryer nga UÇK-ja.
Përfaqësuesit e KE-së me në krye kryesuesin e misionit, Dik Marti sot ne mesdite kanë hasur në bllokimin e banorëve të Gurrës të cilët kundërshtuan me forcë hyrjen në banesën në Gurrë ku sipas akuzave të qeverisë serbe aty janë kryer operacione me qëllim trafikun e organeve të kryer nga ushtarët e UÇK-së ndaj civilëve dhe ushtarëve serbë.
Banorët u kanë kërkuar të huajve dokumenta identifikimi, pasi dyshonin në atë cfarë komunikuan ata me gojë rreth qëllimit të ardhjes së tyre në fshat. Banorët u kërkuan hetuesve mandat për kontrollin që dëshironin të kryenin në banesën e dyshuar si dhe shoqërimin e prokurorëve të huaj nga një prokuror i Matit.
Në vendngjarje ka mbërritur menjëherë policia, porse nuk ka mundur të "çajë" rrethimin e banorëve për tua liruar rrugën hetuesve drejt "shtëpisë së damkosur". Pas kësaj hetuesit e Këshillit të Evropës, të cilët udhëtonin me automjete te Ministrisë shqiptare të Drejtësisë, kanë qenë të detyruar të largohen nga fshati Gurrë.
Keshtu hetuesit e KE jane kthyer neTirane pa mundur te kryejne misionin e tyre.

Akuzat e Del Pontes

Sipas akuzatorëve (qeveria serbe dhe Carla del Ponte) bëhet fjalë për serbë të Kosovës, të mbajtur të burgosur, që u zhdukën gjatë apo pas bombardimeve të vitit 1999.
Sipas këtyre burimeve një numër i pacaktuar trupash janë trafikuar në Shqipëri.
Gjykatësja Del Ponte në librin e saj “The Hunt” të botuar në Itali i mëshon këtyre rasteve. Për këtë qeveria e Kosovës ka reaguar ashpër duke hedhur poshtë çdo akuzë.
“Disa hetues të UNMIK dhe gazetarë kanë zbuluar shtëpinë në Burrel (pikërisht banesa në fshatin Gurrë) ku bëheshin këto operacione”, bën të ditur gjykatësja Del Ponte.
“Hetuesit gjetën pajisje mjekësore të përdorura gjatë operacioneve si dhe shenja gjaku në muret e shtëpisë dhe në dysheme”, rrëfen ajo.
Më pas Del Ponte shton se këto hetime u mbyllën sepse po bëheshin gjithnjë e më të vështira, thuajse të pamundura.
Kosova dhe Shqiperia i kane kosnideruar akuzat e Del Pontes te pabaza.
BalkanWeb

Polonia duhet të vendosë marrëdhënie me Kosovën

Eurodeputeti polak, Pawel Zaleski ka thënë se vendi i tij duhet të vendos marrëdhënie me Kosovën, në të gjitha fushat.

"Në qoftë se tashmë e kemi njohur pavarësinë, pavarësisht prej politikës, jemi të obliguar edhe të bashkëpunojmë në të gjitha sferat e mundshme, para së gjithash në sferat që kanë të bëjnë me shërbimet për qytetarët e të dyja vendeve", ka thënë Zaleski, deputet i Parlamentit Evropian nga radhët e Partisë Liberale Qytetare, e cila është në pushtet në Poloni.

Ai ka thënë se Polonia nuk ka vendosur ende marrëdhënie diplomatike me Kosovën, për shkak të mosmarrëveshjeve të ashpra midis presidentit Leh Kaçinski dhe qeverisë së vendit rreth njohjes së Kosovës. Kaçinski ka paralajmëruar se do të vërë veto ndaj të gjitha përpjekjeve të qeverisë për hapjen e Ambasadës së Polonisë në Prishtinë dhe për dërgimin e ambasadorit në Kosovë.

Vendosja e marrëdhënieve midis Polonisë e Kosovës është shtruar pas një incidenti që ndodhi në postën kryesore në kryeqytetin polak, Varshavë. Reporterët e të përditshmes "Zheçpospolita" nuk kanë mundur ta dërgojnë një pako në Kosovë, pasi një sporteliste e postës nuk e ka gjetur emrin e Kosovës në listën e vendeve me të cilat bashkëpunon posta polake.

Reporterëve u është thënë se paketat që dërgohen në Kosovë do të kthehen prapa, në qoftë se në to nuk shkruhet Serbia/UNMIK. "Problemi i dërgesave tregon se është e nevojshme që sa më parë të vendosen lidhjet midis Polonisë dhe Kosovës. Duhet të jemi parimorë', ka thënë eurodeputeti Pavel Zaleski.

Polonia ka qenë ndër vendet e para që e kanë njohur pavarësinë e Kosovës. Qeveria e këtij vendi e ka njohur shtetin e Kosovës vetëm 9 ditë pas shpalljes së pavarësisë. /QIK/
Telegrafi

Reportazh, çfarë historie do të mësojnë serbët e Kosovës


Marko Bojdaniviç luan me top, në oborrin e shtëpisë së tij në Kllokot, një fshat që brenda pak muajsh do të jetë një nga 5 komunat e reja me shumicë serbe, që pritet të formohen sipas propozimit të Ahtiaarit. Në shkollën e tij, e cila financohet nga Qeveria e Beogradit, ai ka mësuar një histori krejtësisht ndryshe nga ajo që mësojnë bashkëmoshatarët e tij shqiptar, me të cilët i ndanë vetëm një rrugë. Në librat serb të historisë Kosova trajtohet si pjesë e Serbisë. Ndryshe nga Marko, bashkëmoshatari i tij Altin Emini ka mësuar një histori krejtësisht të ndryshme për Kosovën, e cila dikur sipas librit të historisë që ai mëson, kishte qenë pjesë e Shqipërisë.

“Dardanët kishin mbretërinë e tyre. Dardanët kishin formuar shtetin e tyre”, thotë Altin Emini, nxënës i klasës së IV në fshatin Zhiti të Vitisë.
Shuarja e strukturave paralel në arsim dhe integrimi i nxënësve serb në sistemin arsimor të Kosovës, do të jetë një ndër sfidat më të vështira për Ministrinë e Arsimit. Për të harmonizuar kurrikulat shkollore është formuar edhe një komision i përbashkët prej 7 anëtarësh, nga të cilët 3 janë shqiptarë, 3 serbë dhe 1 ndërkombëtar.

“Gjatë muajve në vijim ekspertët tanë do të punojnë në harmonizimin e kurrikulave dhe në momentin kur t’i kemi të harmonizuar kurrikulat me Republikën e Kosovës, për nxënësit në gjuhën serbe atëherë këta nxënës do të jenë në gjendje të jenë pjesë e sistemit tonë arsimor. Kuptohet që kjo varet më tepër edhe nga procesi i decentralizimit, i krijimit të komunave të reja, i shuarjes së strukturave paralele dhe i shtrirjes së pushtetit të Republikës së Kosovës në tërë territorin e ri dhe në përputhje me këtë do të kem një gjendje tjetër në fushën e arsimit”, deklaron Enver Hoxhaj, ministër i Arsimit në Kosovë.

Misioni duket i pamundur. Serbët e Kosovës mendojnë ndryshe, edhe pse realiteti dikton situatë të re. Ata vazhdojnë ti mbeten historisë dhe të ardhmes paralele.

“Nxënësit shqiptarë duhet të kenë shkollat e tyre dhe të mësojnë historinë e tyre, ndërsa nxënësit serb shkollat dhe historinë e tyre. Ndërsa të gjithë të jetojmë së bashku’, shprehet Milivoje Bojdaniviç, banor serb në Kllokot të Vitisë.

Qeveria e Beogradit financon ende strukturat paralele në arsim, ku nxënësit serb mësojnë sipas plan-programeve të Ministrisë serbe të Arsimit, duke mos përfillur institucionet e Kosovës. Ata kanë edhe Universitetin e tyre në Veri të Mitrovicës, i cili po ashtu, punon sipas plan-programeve të Qeverisë së Beogradit.
ALSAT M

Kthehet në punë, kryetari i Ferizajt

Qindra punonjës të administratës së Ferizajt dhe qytetarë, e kanë pritur të hënën paradite kthimin në punë të kryetarit të komunës, Bajrush Xhemaili, i cili ishte lënduar rëndë më 21 maj të këtij viti, në një aksident trafiku në Veternik të Prishtinës.

Kryetari Xhemaili nuk është prononcuar për media, por merret vesh se ai do ta fillojë punën e përditshme në fillim të shtatorit, pas një kurimi shtesë.

Për nesër është paralajmëruar një konferencë me gazetarë, për hollësi rreth angazhimeve të mëtejshme të kryetarit të Ferizajt. (KosovaLive)
Gazeta expres

Pa kamera në vendvotime, vendos KQZ

Komisioni Qendror i Zgjedhjeve (KQZ) nuk e ka miratuar kërkesën e disa prej partive opozitare për vendosjen e kamerave në vendvotime në zgjedhjet komunale të 15 nëntorit.

KQZ-ja konsideron se transparenca e votimit duhet të sigurohet në forma të tjera.

“Vendimi i KQZ-së është negativ sa i përket vendosjes së kamerave, pra nuk ka kamera në vendvotime. Transparenca do të sigurohet në mënyra tjera, përmes KKZ-ve dhe KVV-ve. Kemi mbi 3000 vendvotime prandaj vendosja e kamerave nuk është e nevojshme dhe se do të jetë pengesë për rrjedhjen normale të procesit të zgjedhjeve”, tha kryetarja e KQZ-së, Nesrin Lushta.

Duke folur pas takimit që zhvilloi sot KQZ-ja, Lushta garantoi se pavarësisht që kamerat nuk do të vendosen që qendrat e votimit do të ketë transparencë gjatë tërë rrjedhës së procesit.

Pavarësisht premtimit të qeverisë së do të përmbushë të gjitha kërkesat e KQZ-së, Lushta ka thënë se vendimi pro kamerave do të ishte i pazbatueshëm për shkak se do të duhej të ndryshohej ligji për buxhet.

Ndërsa Betim Gjoshi nga radhët e PDK-së ka thënë se vendosja e kamerave do të ndikonte në privatësinë e votuesve dhe nuk ka të bëjë asgjë me transparencën e procesit zgjedhor.
Gazeta expres

Air Dardania i lë pa fluturuar drejt Gjermanisë rreth 300 udhëtarë

Rreth 300 udhëtarë kanë mbetur pa fluturuar për në Gjermani për shkak se kompania spanjolle PRON AIR ka ndërprerë bashkëpunimin me Agjencinë e fluturimeve “Air Dardania” ngase kjo e fundit nuk i ka paguar detyrimet financiare në vlerë prej 240 mijë euro për kompaninë spanjolle.

Qytetarët të cilët kanë paguar deri në 440 euro për një biletë janë ankuar se askush nuk u ka dhënë sqarime çfarë po ndodh.

Drejtuesit e Aeroportit të Prishtinës kanë deklaruar se ky është problem i “Air Dardania” dhe se agjencionit në fjalë nuk do t`i lejohet operimi i mëtutjeshëm në aeroporti.

Ministria e Transportit ka premtuar kompensimin e të hollave të biletës. /ktv/
Telegrafi

[Llapjani_HH]

Nga 92 shkolla, vetëm 2 me emra shqip

Edhe iniciativat e ndryshme për pavarësi të shkollave kanë hasur në veshin e shurdhër të Ministrisë së Arsimit.

Nga gjithsej 92 shkolla të mesme në tërë territorin e Maqedonisë, vetëm dy mbajnë emra shqip. Gjimnazi "Dr.Ibrahim Temo" në Strugë dhe "Zef Lush Marku" në Shkup janë dy shkollat e mesme që kanë emra shqip, ndërkohë që në Tetovë, 6 shkolla të mesme dhe me nxënës gati etnikisht të pastër shqiptar, kanë emra të personaliteteve të etnikumit maqedonas. Gjimnazi "Kiril Pejçinoviq", shkolla e tekstilit "Goce Stojçevski", ajo e bujqësisë "Mosha Pijade", ekonomia "8 Shtatori", mjekësia "Nikolla Shtejn" dhe shkolla "Todor Skaloski-Tetoec", janë shkollat e mesme ku mësimi vijohet në shqip, ndërsa emrat janë në maqedonisht.


Në Komunën e Tetovës arsyetohen se në adresë të Ministrisë së Arsimit, janë dërguar kërkesa për ndërrimin e emrave të disa shkollave, megjithëse përgjigje nuk kanë pranuar.
"Kemi dorëzuar kërkesa zyrtarë për ndërrimin e emrave të shkollave të mesme, pasi nga gjashtë objekte shkollore të mesme, asnjë nuk mban emër të ndonjë personaliteti ose ngjarje me karakter shqiptar. Përgjigje nuk kemi marrë deri tani, ndërsa sigurojmë se këtu nuk do të ndalemi", kanë thënë në Komunën e Tetovës.


Situatë e njëjtë është edhe në Gostivar, Kumanovë, Dibër dhe Kërçovë. Në Gostivar, gjimnazi ka emrin "Gostivari", ndërsa të njëjtin emër e mban edhe shkolla e mesme e ekonomisë, si dhe ajo e tekstilit. Ndërkohë, në kryeqytet, nga gjithsej 26 shkolla të mesme vetëm një figuron me emër shqip, edhe atë "Zef Lush Marku".


Në Komunën e Çairit, territor në të cilin funksionon vetëm shkolla e mesme tregtare "Cvetan Dimov", thonë se nën ingerencë të Komunë bëjnë pjesë vetëm shkollat fillore, dhe jo ato të mesme. "Megjithëse do të parashtrojmë kërkesë në Qytetin e Shkupit për emërimin e ndonjë shkolle me emër shqip, së paku në ato ku nxënësit shqiptarë janë me shumicë".

Ndërkohë, në kabinetin e kryetarit të Qytetit të Shkupit, Koce Trajanovski, askush nuk dëshiron të komentojë pse në kryeqytet, vetëm një shkollë nga gjithsej 26 mban emër shqip.

Ndërkaq, në Kërçovë, gjimnazi mban emrin "Mirko Milevski, ndërsa në Kumanovë, edhe pse funksionojnë katër shkolla të mesme, asnjë nuk figuron në gjuhën shqipe. Madje, në këtë qytetet ku shqiptarët kanë më shumë paralele në shkollat e ndara se maqedonasit, assesi të arrihet që së paku, gjimnazi të pavarësohet nga shkolla qendrore. Në këtë qytete janë shënuar edhe problemet më të mëdha me arsimin shqip të mesëm, pasi nga paslufta e vitit 2001, nxënësit shqiptarë ndjekin procesin arsimor në kushte të tmerrshme. Edhe iniciativat e ndryshme për pavarësi të shkollave kanë hasur në veshin e shurdhër të Ministrisë së Arsimit.

Në Kumanovë, aktualisht funksionojnë tetë objekte të ndara për katër shkolla të mesme. Ekonomia mban emrin "Pero Nakov", ajo profesionale "Kiro Burnaz", gjimnazi "Goce Dellçev", ndërsa teknika "Nace Bugjoni".

Në Dibër funksionon vetëm një shkollë e mesme "Zdravko Çoçkovski", në të cilën përfshihet edhe gjimnazi dhe ekonomia.
Ndërkohë, në Ministrinë e Arsimit fajin ua hedhin statusit të shkollave dhe udhëheqjes së saj.
Agim Rushiti, përgjegjës për arsim të lartë në Ministrinë e Arsimit, shprehet se çështja e emrit të një shkolle të mesme duhet të rregullohet në bazë të statutit të vetë shkollës, dhe iniciativa duhet të dale pikërisht nga to, pastaj të shkon në Komunë, e cila tanimë është edhe përgjegjëse, themeluese dhe menaxhuese për shkollat e mesme, e pastaj ai propozim duhet të sillet në ministri. "Sepse, Ligji i vetë ministrisë është shumë i qartë ku thotë se Ministria miraton vetëm statutin e shkollës, në të cilën duhet të përfshihet edhe emri. E njëjta procedurë është edhe për shkollat e fillore", ka thënë Rushiti.
Vedat MEMEDALIU, gazeta Koha Maqedoni
Mesazhi.com

[Llapjani_HH]

Hetimet për akuzat e Del Pontes, Islami: KE ka të drejtë të hetojë

Trafiku i organeve të serbëve në Gurrë të Matit nuk është më një problem individual, por një cështje mes shtetesh. Ish ministri i jashtëm dhe njëkohësisht një prej përfaqësuesve të delegacionit shqiptar në Këshillin e Europës, thotë se Shqipëria është e detyruar të lejojë hetimet që ndërrmer vete Strazburgu.

"Problemi eshte me i komplikuar se kaq, nuk behet thjesht se zonja Del Ponte ka bere nje deklarate dhe familja duhet te lejoje hetimin, por kjo tani ka kaluar nepermjet KE, ku Shqiperia eshte anetare dhe eshte e detyruar te pranoje komisione te ndryshme investigimi qe vijne ne Shqiperi, per te bere investigimin mbi bazen e nje vendimi qe ka marr Asambleja Parlamentare e KE", thote Kastriot Islami.

Familja Katuci në Gurrë të Matit, u bë e famshme pas akuzave të ish kryeprokurores së Hagës Karla del Ponte. Kjo e fundit në kujtimet e saj pretendon se është kryer transplant i organeve të serbëve. Islami thotë se qeveria shqiptare duhet të angazhohet për të dëmshpërblyer të prekurit nga ky hetim.

"Eshte ne detyren e qeverise te marr persiper te gjithe krijimin e kushteve per misionin e KE, por nga ana tjeter duhet te krijoje te gjitha kushtet qe te mos ndodhe asgje me individin, aq me teper nese do te kishte demtime nga investigimi te merrte persiper kompensimin e te gjithe demtimeve eventuale qe mund te vini nga ky investigim", vijon Islami.

Një ditë më parë grupi i hetimit nuk u lejua të hynte në familjen Katuci, ndërsa javën e shkuar kryetari i delegacionit të KE, Dik Marti bisedoi me autoritete më të larta të shtetit shqiptar për këtë cështje.
ALSAT

Xhemaili do të rikandidojë për kryetar

Kryetari i Komunës së Ferizajt, Bajrush Xhemaili, ka paralajmëruar se do të kandidojë sërish për kryetar të kësaj komune, në zgjedhjet komunale që zhvillohen më 15 nëntor.

“Ka qenë ky një mandat xhuxh, do të thosha. Për këto dy vjet kemi punuar mjaft, por për ta rrumbullakësuar vizionin që kam për Ferizajn, më duhet edhe një mandat”, tha Xhemaili, një ditë pasi i është kthyer punës, pas një ndërprerjeje gati tremuajshe, për shkak të aksidentit në trafik.

Kryetari i Ferizajt ishte përfshirë në një aksident trafiku në Veternik të Prishtinës, më 21 maj të këtij viti, në të cilin një person kishte humbur jetën dhe tre të tjerë ishin lënduar rëndë e lehtë.

Ai sot ka shprehur dhembjen e thellë për humbjen që ka pësuar në aksident, sidomos një familje nga komuna e Lipjanit. “Me keqardhje e dhembje të thellë, kam mësuar se në aksidentin, viktimë e të cilit kam qenë edhe vetë, ka pasur edhe humbje jete. Me sinqeritetin më të madh, familjes Rrustemi nga fshati Banullë, e cila ka humbur djalin Labinot Rrustemi, i shpreh ngushëllimet më të thella, me besimin se jemi pjesë e një dhembjeje të përbashkët dhe dua sinqerisht të jem edhe pjesë e përballimit të asaj dhembjeje”, u shpreh të martën Xhemaili.

Kryetari i Ferizajt është paraqitur në punë një ditë më parë, por ai do të ushtrojë funksionin e tij nga fillimi i shtatorit, pas një trajtimi shtesë mjekësor, raporton KosovaLive.
Gazeta expres

Boshnjakët kosovarë kërkojnë nga Bosnja të njohë Kosovën

Forumi i Boshnjakëve të Kosovës ka kërkuar nga Bosnja e Hercegovina të njohë pavarësinë e Kosovës, thuhet në një komunikatë të këtij forumi, të lëshuar për opinion pas vizitës së Mustafa Ceriqit, kryetar i Bashkësisë Islame të BeH në vendin tonë.

Bashkësia e boshnjakëve të Kosovës po ashtu ka kërkuar që shteti i Bosnjës e Hercegovinës sa më parë të njohë dokumentet e Kosovës, në mënyrë që boshnjakët dhe banorët të tjerë të Kosovës të mund të udhëtojnë lirshëm në këtë shtet.

"Angazhohemi që Bosnja e Hercegovina të njohë Republikën e Kosovës, ashtu siç kanë bërë shtetet tjera që janë krijuar nga njësitë federative të ish-RFSJ-së, dhe të përcjellë (vendimin) e shumicës së shteteve të BE-së dhe të SHBA-ve", thuhet në komunikatën e botuar në agjencinë informative MINA, të Bashkësisë Islame të BeH.
Mesazhi.com

Vritet edhe një muslimane

Një afariste e suksesshme turke vritet mizorisht në kryeqytetin e Holandës, Amsterdam.

Arzu Erbash Çakmakçë, pronare e çerdhes për fëmijë "Moedres Schoot", në Amsterdam, ka humbur jetën si pasojë e një sulmi me thikë. 12 goditje vdekjeprurëse me thikë kanë lënë të vdekur në vend të ngjarjes këtë afariste turke e cila ishte 33 vjeçare dhe nënë e dy fëmijëve.

Arzu Erbash Çakmakçë në vitin 2006 ishte shpallur afaristja më e suksesshme e muajit dhe kishte zënë faqet e para të një reviste ekonomike holandeze. Në çerdhe të saj janë të punësuar 60 punëtorë. Para katër muajsh ajo ishte pritur edhe nga familja Mbretërore e Holandës.

Babai i të ndjerës ka deklaruar për gazetat turke se vajza e tij ndihmonte shumë të varfrit. Vetëm gjatë vizitës së saj të fundit në Rize të Turqisë, që kishte ndodhur para 2 jave, ajo kishte ndihmuar 50 familje për ta përballuar dimrin me artikuj ushqimorë, veshmbathje dhe mjete për nxehje. /Gazeta Hurriyet/
Mesazhi.com

[Llapjani_HH]

Policia ka arrestuar një qytetarë serb të dyshuar për krime lufte

Policia e Kosovës ka arrestuar në afërsi të Prizrenit një qytetar serb të Kosovës, të dyshuar për krime lufte në periudhën 1998-1999. Zëdhënësi i policisë, Arbër Beka, ka thënë se i dyshuari është Goran Vuçkoviq, 33 vjeç, i cili po mbahet në qendrën e paraburgimit në Prizren. Zëdhënësi i policisë, Arbër Beka, po ashtu ka thënë se për këtë rast është njoftuar edhe policia dhe prokuroria speciale e EULEX-it.

Zëdhënësi Arben Beka ka sqaruar se të arrestuarit Goran Vikçeviq gjykatësi hetues ia ka shqiptuar masën e paraburgimit në kohëzgjatje prej 48 orësh.
Zëdhënësi Beka ka sqaruar se më 8 gusht policia ka pranuar kallëzim ndaj Voçkoviqit me që ka kërcënuar dikë.

“Pas kësaj në saje të verifikimeve nga ana e Policisë së Kosovës dhe Policisë së EULEX-it për hetimin e krimeve të luftës, është konstatuar se Vuçkoviq gjendet në listën e të dyshuarve për krime lufte të kryera në Kosovë”, ka thënë zëdhënësi Beka. I dyshuari Vuçkoviq është arrestuar në fshatin Mushnikovë, afër Prizrenit.
RTK

RTK ka emetuar xhirime ekskluzive të bisedave të tre spiunëve serbë të arrestuar dy muaj më parë

Radiotelevizioni i Kosovës ka siguruar xhirime ekskluzive ku shihen tre spiunët serbë duke biseduar rreth blerjes së dëshmive të rrejshme. Nga bisedat vërtetohet se të arrestuarit ofronin shuma të mëdha parash në këmbim të dëshmive të rrejshme për transplantim organesh, për të cilat ata thonë se Qeveria e Serbisë do të paguaj deri në 100 mijë euro.

Në xhirimet ekskluzive të Radio Televizionit të Kosovës, të emetuara në lajmet qendrore të datës 11 gusht (mbrëmë) shumë qartë paraqiten tre spiunët e arrestuar serbë duke iu premtuar shumat e parave personave për të cilët ata kanë shpresuar se do të dëshmojnë rrejshëm për gjoja transplantimin e organeve.

Në pyetjen e një “dëshmitari” se kush do i paguaj paratë, individi apo shteti, spiunët serbë përgjigjen shumë qartë se këtë do ta bëjë shteti i Serbisë, respektivisht Serbia. Kjo është çështje e kryer, thotë njëri prej tyre dhe se nuk do të ketë kurrfarë problemesh, por se për këtë është e domosdoshme njëfarë procedure.

Igor Juçinac, serb kosovar, Millutin Radonoviq dhe Predrag Zheljkoviq – shtetas të Serbisë, të arrestuar si spiunë tash më edhe përmes fakteve vizuale, vërtetohet t’iu kenë ofruar personave shuma të majme parash në këmbim të deklaratave të rrejshme për transplantim organesh.


Tërë materiali ekskluziv mund të shikohet në web faqen tonë, duke klikuar në linkun Lajmet qendrore 19:30.
RTK

[Llapjani_HH]

Zgjedhjet serbe forcojnë strukturat paralele?

Zgjedhjet serbe, që janë paralajmëruar të mbahen këtë fundjavë në Kosovë, nuk do të pengohen nga institucionet kosovare. Përfaqësues të shoqërisë civile thonë se mbajtja e tyre forcon strukturat paralele serbe.

Autoritetet në Prishtinë thonë se nuk do të ndërmarrin asgjë për të penguar mbajtjen e zgjedhjeve serbe këtë të diel në Komunën e Prishtinës dhe atë të Pejës, të cilat, nën organizimin e Qeverisë së Serbisë, po mbahen sërish për shkak të parregullsive në këto dy qendra votimi gjatë zgjedhjeve të kaluara.

Zëdhënësi i presidencës së Kosovës, Xhavit Beqiri, thotë se ato janë një mjet tjetër në vazhdën e politikës së Beogradit karshi qytetarëve serbë të Kosovës, por thekson se nuk do të ndërhyhet në zhvillimin e tyre në dy komuna, për shkak të stabilitetit në vend.

“Fakti që këto zgjedhje nuk pranohen nga institucionet legale të Kosovës as ato ndërkombëtare që veprojnë në Kosovë, i bën tërësisht ato zgjedhe të pavlefshme, andaj dhe nuk janë marrë veprime, të cilat në çfarëdo forme mund të krijonin tensione të panevojshme”, tha Beqiri.

Përfaqësues të institucioneve kosovare, ata të opozitës, por edhe të misioneve ndërkombëtare, kanë inkurajuar serbët që të marrin pjesë në zgjedhjet lokale të 15 nëntorit në Kosovë.

Beqiri rikujton se, në bazë të Kushtetutës së Kosovës, këto zgjedhje janë zgjedhjet e vetme legale në Kosovë.

“Ato janë zgjedhjet e vetme legjitime, në të cilat, për fat të mirë, do të marrin pjesë edhe subjekte të rëndësishme të bashkësisë etnike serbe ne Kosovë, ashtu siç marrin pjesë edhe partitë e tjera etnike në Kosovë”, theksoi ai.

Mbajtja e zgjedhjeve serbe më 16 gusht në Kosovë vështrohet me një sy më kritik nga përfaqësues të shoqërisë civile.

Aktivisti i Lëvizjes Vetëvendosje, Glauk Konjufca, mendon se zhvillimi i këtyre zgjedhjeve në Graçanicë të Prishtinës dhe në Gorazhdec të Pejës ndikon në forcimin e strukturave paralele serbe në Kosovë dhe, siç shprehet ai, i mundëson Beogradit të manipulojë më lirshëm në zona të caktuara të vendit.

Konjufca e quan të gabueshme qasjen e faktorëve vendimmarrës vendorë dhe ndërkombëtarë në lidhje me këto zgjedhje, por edhe në lidhje me strategjinë promovuese për zgjedhjet lokale të shtetit të Kosovës.

“Strategjia e institucioneve kosovare dhe e bashkësisë ndërkombëtare për t’i joshur serbët që të marrin pjesë në zgjedhjet lokale, niset nga premisa e pasaktë, madje kundërproduktive, sipas së cilës, sa më shumë që ne t’i ofrojmë Serbisë, atëherë do ta bindim atë që t’i urdhërojë serbët që të kyçen në institucionet e Kosovës”, u shpreh Konjufca.

Konjufca tërheq vërejtjen se injorimi, siç e quan ai, i organizimeve të tilla të Beogradit në Kosovë do të pengojë dhe integrimin e serbëve në jetën institucionale dhe shoqërore në Kosovë.

“Duke iu përgjigjur strategjisë së Serbisë nëpërmjet koncesioneve të ardhshme, unë mendoj që nuk do të mund t’i integrojmë serbët në Kosovë dhe strukturat paralele nuk do të zhduken”, tha ai.

Që nga shpallja e pavarësisë së Kosovës vitin e kaluar, Qeveria e Serbisë ka organizuar dy herë zgjedhjet e saj nëpër zonat e banuara me serbë në Kosovë.
Radio Evropa e Lirë

Zgjedhjet serbe, nuk pengohen

Ndonëse vlerësohen si akt jolegjitim dhe provokim i radhës nga Beogradi zyrtar, “për hir të stabilitetit në Kosovë”, zgjedhje lokale serbe në Graçanicë dhe Gorazhdec, nuk do t’i ndalojë askush.

Në bazë të fjalëve të përfaqësuesve të institucioneve kosovare dhe atyre ndërkombëtare, zgjedhjet lokale serbe në Graçanicë dhe në Gorazhdec të Pejës, të paralajmëruar për këtë diel, nuk do të pengohen.

Ndonëse vlerësohen si akt jolegjitim dhe provokim i radhës nga Beogradi zyrtar, “për hir të stabilitetit në Kosovë”, edhe këto zgjedhje nuk do t’i ndalojë askush.

Kjo është hera e dytë që Serbia organizon zgjedhje në Kosovën e pavarur, megjithëse zgjedhjet e fundit, në maj të vitit të kaluar, janë mbajtur para hyrjes në fuqi të Kushtetutës së Republikës së Kosovës.

Autoritetet e Serbisë kanë bërë të ditur se për shkak të parregullsive në zgjedhjet e fundit, në komunën e Prishtinës dhe të Pejës do të mbahen zgjedhje të jashtëzakonshme më 16 gusht.

Zëdhënësi i Presidencës, Xhavit Beqiri, ka thënë se qëndrimi i të gjitha institucioneve të Republikës së Kosovës, por edhe i Presidentit Fatmir Sejdiu, është që zgjedhje në Kosovë nuk mund të organizojë askush përveç institucioneve kosovare.

Megjithëkëtë, nga fjalët e tij mund të kuptohet se komuniteti serb në Graçanicë dhe Gorazhdec nuk do të pengohet të dalë në zgjedhje të organizuara nga shteti fqinj.

“Siç e dini, institucionet e Republikës së Kosovës vazhdimisht kanë ndjekur një politikë shumë të kujdesshme në raport me minoritete, për hir të stabilitetit në vend, por edhe për krijimin e një fryme të re të bashkëpunimit të rajonit”, ka thënë Beqiri, për Express.

Ai konsideron se organizimi i këtyre zgjedhjeve është edhe një truk i ri në vazhdën e manipulimeve politike që bën Beogradi zyrtar me qytetarët e komunitetit serb në Kosovë.
“Institucionet e Kosovës nuk do të marrin karremin e Beogradit, as kësaj radhe, pra nuk do bien pre e provokimeve që bën Beogradi zyrtar”, ka thënë ai.

Ai thotë se këto zgjedhje janë absolutisht jolegjitime dhe nuk do të kenë kurrfarë efekti në Kosovë. “Për institucionet e Kosovës të ashtuquajturat zgjedhje janë krejtësisht të paqena dhe nuk përcaktojnë gjë”, ka thënë Beqiri.

Ndërkaq, zëdhënësi i Zyrës Civile Ndërkombëtare Kai Mueller-Berner ka thënë se Presidenti i Kosovës e ka caktuar 15 nëntorin si datë për zgjedhjet lokale, në përputhje me Kushtetutën e Kosovës dhe ligjet e saj. “Kjo do të jetë një mundësi e shkëlqyeshme për të gjithë qytetarët e Kosovës nga të gjitha komunitetet që të shfrytëzojnë të drejtën e tyre demokratike për të votuar dhe për t’u dëgjuar zëri i tyre”.

Nga ana tjetër, analisti politik Ramush Tahiri vlerëson se zgjedhjet serbe janë një agresion politik dhe juridiko-ligjor mbi Kosovën. “Për zgjedhjet presidenciale dhe parlamentare ( të Serbisë) mund të jemi pak fleksibilë, mirëpo për zgjedhjet lokale jo, sepse, domethënë, është pushtet i Serbisë në Kosovë. Kjo nuk lejohet me asnjë normë. Përndryshe, kjo është kundër vetë sovranitetit dhe pavarësisë së Kosovës dhe Kosova nuk mund edhe të jetë e pavarur, edhe të ketë komuna të pushtetit serb ose të Serbisë në Kosovë”, ka thënë ai për radion Europa e Lirë.
Gazeta expres

[Llapjani_HH]

Edhe Presidenca

Në të gjitha kontratat që ka testuar Auditori në Zyrën e presidentit të Kosovës, Fatmir Sejdiu, ka gjetur shkelje të prokurimit. Ligji është shkelur me rastin e furnizimit me derivate, telefona mobilë, servisim dhe mirëmbajtje të automjeteve. Tenderët në këtë zyrë jepen pa qenë tre operatorë, e në rastin më të keq, edhe kur është operatori i vetëm, si dhe ka mungesë dokumentesh.

Zyra e presidentit të Kosovës, Fatmir Sejdiu, nuk i ka rezistuar joshjes për të shkelur Ligjin i prokurimit. Në këtë zyrë, tenderët jepen nga zyrtarët e prokurimit pa qenë tri kompani të përgjegjshme.

Ka raste edhe kur firmat fituese të tenderëve nuk kanë kompletuar dokumentacionin e kërkuar në bazë të Ligjit të prokurimit. Së paku kështu thotë raporti i Auditorit për vitin 2008 për Zyrën e presidentit të Kosovës.

Raporti tregon se në prokurim janë gjetur shkelje të mëdha në disa raste kur auditorët kanë testuar kontrata të ndryshme. Përveç kësaj, Zyra e presidentit ka shkelur ligjin duke mos hapur fare tenderë në shuma që e kalojnë vlerën e 10 mijë eurove.

“Përzgjedhja e operatorëve ekonomikë, në katër lëndë të testuara nga auditorët është bërë në mungesë të tre operatorëve të përgjegjshëm. Në katër lëndë të testuara, pjesëmarrës në komisione obligative kanë qenë personat joadekuatë”, thuhet në raport.

Në tenderin për polirimin e veturave të Zyrës së presidentit të tipit “Toyota”, tenderi ka përfunduar pa qenë tre operatorë të përgjegjshëm. Ngjashëm ka ndodhur edhe në tenderin tjetër që ka të bëjë me mirëmbajtjen dhe servisimin e veturave “Chevorlet Suburban” të presidentit.

Auditori ka gjetur se njëri nga operatorët që ka konkurruar nuk e ka dorëzuar fare dëshminë për sigurimin e tenderit, edhe pse një gjë e tillë është kërkuar. Përveç kësaj, edhe gjatë përpilimit dhe nënshkrimit të kontratës ka pasur mjaft parregullsi që çojnë në dyshime për keqpërdorimin e parasë publike.

“Kontrata e nënshkruar më 26 shkurt 2008 është e paqartë dhe e tipit kornizë, sipas çmimit për automjet. Në pikën 17, vlera e kontratës është 7.500 euro, ndërsa në pikën 17.1 çmimi për një automjet është 2.900 euro. Nuk është përdorur forma standarde e kontratave. Shuma e pagesave të kryera sipas urdhërpagesës ka qenë 18 e 400 euro”, vlerëson Auditori Gjeneral i Kosovës.

Zyrtarët e prokurimit të ZPRK-së nuk janë ndalur vetëm me këto shkelje. Ata kanë vazhduar shkeljet edhe në tenderin për furnizimin me derivate.
Auditori vlerëson se lënda për furnizim me derivate të naftës është e pakompletuar, ku i kanë munguar dokumentacionit si kërkesa për përcaktimin e disponueshmërisë, vendimi për emërimin e komisionit për hapjen e ofertave, proces verbali i shtypur dhe nënshkruar nga zyra e prokurimit.

“Me këtë rast, operatorët ekonomikë kanë qenë të papërgjegjshëm, ngase iu kanë munguar dëshmitë e dokumenteve, si pagesa e energjisë elektrike, vërtetimi nga Administrata Tatimore e Kosovës, mungesa e dëshmisë së sigurimit të tenderit e të tjera”, thotë ZAGJ-i.

Gjatë tenderit për mirëmbajte dhe servisim të automjeteve “Toyota” për Zyrën e presidentit, zyrtari që ka bërë kërkesën për furnizim ka qenë kryesues i komisionit për vlerësim të ofertave dhe të njëjtën kohë i ka pranuar furnizimet – shërbimet.

Zyrtarë të prokurimit edhe në rastin me të keq, kanë pranuar furnizime nga operatori ekonomik, edhe pse nuk kanë qenë fare të specifikuara në ofertën e kontraktonit.
“Është bërë furnizimi me artikuj që nuk kanë qenë në specifikacion teknik dhe që nuk janë në ofertën e kontraktorit. Në këtë mënyrë janë bërë furnizime dhe pagesa të paautorizuara. Shuma e pagesës është 3700 euro”, thuhet në raport.

Për shtypjen e materialit për Konferencën shkencore për hir të 130-vjetorit të Lidhjes së Prizrenit, zyra e prokurimit e Presidencës nuk ka hapur fare tender, edhe pse vlera ka qenë mbi 10 mijë euro. “Shtypja e materialit për Konferencës shkencore të Lidhjes së Prizrenit e ka tejkaluar shumën mbi 10 mijë euro, e në këtë rast ajo konsiderohet kontratë me vlerë mesatare. Me këtë rast janë paguar 12 e 300 euro pa u respektuar fare procedurat e prokurimit”, thotë ZAGJ-i.

Të gjitha tejkalimet e mundshme për shfrytëzimin e telefonave fiksë dhe mobilë, zyrtarët e Presidencës i kanë bërë. Në raport saktësohet se edhe përdoruesit e telefonave roamingë janë furnizuar me mbushje telefoni.

“Dy zyrtarë të komisionit për vlerësimin e ofertave kanë marrë telefona mobilë si dhe kryetari i komisionit për vlerësimin e ofertave nuk ka qenë zyrtar i ZKRP-së. Kontrata e nënshkruar nuk ka të precizuar çmimin si dhe sasinë e telefonave mobilë”, tregon raporti.

Krejt në fund Zyra e presidentit të Kosovës nuk ka respektuar rekomandimet e dhëna nga ZAGJ-i. Gjashtë nga rekomandimet e dhëna nga vitit 2007 , ZPRK-ja i ka zbatuar vetëm dy.

Zyra e presidentit të Kosovës ka kthyer komentet e saj në lidhje me gjetjet e Auditorit, por që në shumicën e rasteve ZAGJ-i nuk ka ndryshuar qëndrimin.
Gazeta expres

[Llapjani_HH]

Auditori gjen shkelje në zyrën e kryeministrit – qeveria i quan lëshime të vogla


Në zyrën e kryeministrit pagat dhe mëditjet në vitin 2008 në krahasim me një vit më herët ishin rritur 13,5 për qind. Arsyeja për këtë mund të jetë se nga 256 njerëz të angazhuar në zyrën e kryeministrit në vitin 2007, ishin punësuar rreth 40 njerëz më shumë në 2008-ën.

Kurse të paktën tri raste të udhëtimeve zyrtare jashtë shtetit nga zyra e kryeministrit figurojnë si gjetje në zyrën e auditorit të përgjithshëm që nuk i kanë arsyetuar mjetet e shpenzuara. Sipas gjetjeve të auditorit, mungojnë faturat e hotelit, të aeroplanit dhe shumica e këtyre shpenzimeve janë të paqarta dhe me plot gabime. Kjo është në kundërshtim me udhëzimet e Thesarit për shpenzimet e parave publike.

Por, të gjitha këto për zëdhënësin e qeverisë, Memli Krasniqi, janë lëshime të vogla. Sipas tij, ky është një raport pozitiv i vlerësimit të ZAGJ-it. Gjetje të tjera në këtë raport janë se shpenzimet në emër të reprezentacionit nga zyra e kryeministrit janë nënshkruar nga shefi i kabinetit të kryeministrit, i cili nuk është i autorizuar për këtë punë.

Zyra e kryeministrit gjatë vitit 2008 nuk kishte mbajtur një regjistër të qartë të pasurive. Dhe, pasuritë e blera nuk janë regjistruar në kontablin përkatës. Mjetet e parapara për subvencione dhe transfere nuk ishin shpenzuar më shumë se 82 për qind e tyre.

Nga më shumë se 1 milion e 400 mijë, janë shpenzuar pak më shumë se 200 mijë euro. Zyra e kryeministrit është rekomanduar që ta përvetësojë sistemin e saj për menaxhimin e parave.
KTV

Zhduket dokumenti origjinal i Marrëveshjes së Ohrit

Eshtë zhdukur dokumenti origjinal i nënshkrimit të Marrëveshjes së Ohrit .Ekzistimi i tij është mohuar nga Arkivi shtetëror dhe nga kabineti i presidentit të Maqedonisë.


Arkivi Shtetëror i Maqedonisë ka njoftuar se nuk i është dorëzuar dokumenti origjinal i Marrëveshjes, që kishte qenë në gjuhën angleze. Sipas ligjeve për arkivim, Arkivi Shtetëror është kompetentë për t`u kujdesur për materiale shtetërore.

Në dokumentin original të nënshkrimit të Marrëveshjes së Ohrit ,e cila i dha fund konfliktit të armatosur të vitit 2001 në Maqedoni, kanë qenë të vendosura edhe nënshkrimet origjinale të ish kryetarit të Maqedonisë, Boris Trajkovski, ish- liderit të VMRO-DPMNE-së dhe kryeministër I mëparshëm , Lubço Georgievski, dhe të kryetarëve të atëhershëm të LSDM-së Branko Cërvenkovski, të PPD-së Imer Imeri dhe PDSH-së Arbën Xhaferi. Në dokument, nënshkrime si dëshmitarë zyrtar kishin vendosur edhe ndërmjetësuesit ndërkombëtar Fransoa Leotar dhe Xhejms Perdju.
RTK

Ceremonia për 8-vjetorin e Marrëveshjes së Ohrit. Nuk marrin pjesë krerët e shtetit

Me rastin e tetë vjetorit të firmosjes së Marrëveshjes së Ohrit, në Mavrovë Sekretariati për zbatimin e këtij dokumenti organizoi një pritje solemne, ku morën pjesë një numër i madh të ftuarish nga pushteti qendror dhe lokal, përfaqsues të partive politike si dhe përfaqsues të trupit diplomatik të akredituar në vend. Por në mesin e 600 të ftuarve, munguan Presidenti i Maqedonisë, Gjorgje Ivanov, Kryeministri Nikolla Gruevski dhe Kryetari i Parlamentit Trajko Veljanovski. Ndërkohë nga nënshkruesit e këtij dokumenti historik, mori pjesë vetëm lideri i LSDM-së, Branko Cërvenkovski. Në këtë pritje morën pjesë edhe ambasadori i Shteteve të Bashkuara të Amerikës, Filip Riker dhe ai i Bashkimit Evropian Ervan Fuere.

Tetë vjet më parë me firmosjen e Marrëveshjes së Ohrit, iu dha fund konfliktit të armatosur të vitit 2001 në Maqedoni. Marrëveshja synonte të ruante integritetin territorial të vendit, të përmbushte kërkesat e shqiptarëve për vetëqeverisje vendore, si dhe të kryente ndryshime kushtetuese dhe ligjore që përcaktonin qartë të drejtat e popujve që jetojnë në Maqedoni. Marrëveshja Kornizë për zgjidhjen e situatës politike dhe asaj të sigurisë, u firmos nga ish Presidenti Boris Trajkovski, ish kryetari i VMRO-DPMNE-së dhe ish Kryeministri Lubço Georgievski, kryetari i LSDM-së Branko Cërvenkovski, kryetari i PPD-së Imer Imeri dhe ai i PDSH-së Arbën Xhaferi. Dokumenti u nënshkrua nga dëshmitarë zyrtarë si dhe nga përfaqsuesit e komunitetit ndërkombëtar, Fransoa Leotar dhe Xhejms Perdju.
ALSAT

[Llapjani_HH]

Koha Ditore: Marrëveshje mes EULEX-it dhe Beogradit, pa Prishtinën ? :redface:

Misioni i EULEX-it dhe Ministria e Punëve të Brendshme (MUP) të Serbisë janë në prag të nënshkrimit të marrëveshjes lidhur me bashkëpunimin policor, në të cilën nuk janë të përfshira institucionet e Kosovës, shkruan sot e përditshmja “Koha Ditore”. Gazeta shkruan se protokolli, i cili vetëm sa pret të nënshkruhet, përmban rregullat rreth bashkëpunimit policor dhe këmbimit të informatave më qëllim të luftës kundër krimit të organizuar dhe atij ndërkufitarë, si dhe aktiviteteve tjera ilegale.

Gazeta në shkrimin e saj thekson se ky protokoll do ta rregullojë bashkëpunimin me EULEX-it dhe MPB të Serbisë, “në harmoni me rezolutën e 1244 dhe vendimin e Këshillit të ministrave të Bashkimit Evropian, nga i cili buron edhe mandati i misionit EULEX.

“Si dokument relevant për këtë bashkëpunim në protokoll përmendet edhe raporti i sekretarit të përgjithshëm të OKB-së, i 24 nëntorit të viti 2008, i cili evidenton dialogun me Beogradin në gjashtë lëmenj: polici, dogana, drejtësi, komunikacion dhe infrastrukturë, kufij dhe trashëgiminë serbe”, shkruan “Koha Ditore”.

Përfaqësuesit e EULEX-it nuk e kanë përjashtuar mundësinë e nënshkrimit, dhe, sipas theksimeve të së përditshmes “Koha Ditore”, kanë përkujtuar se EULEX ka disa autorizime të caktuara për të cilat në fillim të misionit është arritur ujdia.

“Protokolli për bashkëpunimin e policor me Serbinë, sikundër edhe ata qeë do të nënshkruhen me vendet tjera, kanë për qëllim lehtësimin e këmbimit të informatave në nivelin policor”, ka deklaruar zëdhënësi i EULEX-it Kristofer Lamfalusi.
Ai ka shtuar se bashkëpunimi i tillë është i domosdoshëm sepse do ta lehtësojë këmbimin e informatave mes policive të Kosovës dhe Serbisë, me të cilin do të pengohej që kriminelët dhe kryesit tjerë të vrasjeve të kalojnë nga njëri në territorin tjetër, duke iu shmangur kështu daljes përpara drejtësisë.
Ndërkohë, Qeveria e Republikës së Kosovës ka deklaruar se EULEX-i nuk ka mandat për nënshkrimin e marrëveshjeve ndërkombëtare dhe se nuk është informuar lidhur me nënshkrimin e marrëveshjes me MPB të Serbisë.
RTK

Analistët: EULEX nuk ka të drejtë të nënshkruajë marrëveshje me shtete tjera

Pas shkrimeve se EULEX-i pritet të nënshkruajë marrëveshje bashkëpunimi policor me Serbinë, pa institucionet e Kosovës, Analisti Ramush Tahiri thotë se EULEX -i është mision monitorues dhe nuk ka të drejtë të nënshkruajë marrëveshje të tilla. Ndërkaq, juristi Muhamet Kelmendi, thotë se nënshkrimi i një marrëveshje të tillë do të thotë shkelje e sovranitetit të Kosovës.

EULEX -i nuk ka të drejtë të nënshkruajë kurrfarë marrëveshje me shtete të tjera në emër të Kosovës. Kështu shprehet për Radion Blue Sky (RTK) analisti Ramush Tahiri pas paralajmërimeve se EULEX do të nënshkruajë me Serbinë marrëveshje për bashkëpunim policor.
“EULEX është mision monitorues dhe nuk ka të drejtë të nënshkruajë marrëveshje me shtete të tjera”, thekson Ramush Tahiri. Sipas tij EULEX- i nuk duhet të marrë rolin e UNMIK-ut, sepse është mision i cili ka ardhur me dëshirën e institucioneve të Kosovës.

“Pala kosovare duhet të jetë nënshkruese gjithmonë. Jo ta zëvendësojë UNMIK-un, sepse është mision i cili ka ardhur me dëshirën e Kosovës", thotë Tahiri.

Juristi Muhamet Kelmendi, thotë se nënshkrimi i një marrëveshje të tillë do të thotë shkelje e sovranitetit të Kosovës dhe sipas tij EULEX- i dhe asnjë mekanizëm tjetër ndërkombëtar nuk ka të drejtë të lidhë asnjë marrëveshje me shtete tjera.

Sipas profesor Kelmendit Qeveria e Kosovës duhet të intervenojë në mënyrë urgjente që marrëveshja mos të nënshkruhet.

“Marrëveshje të tilla ka bërë edhe UNMIK-u, por s’kanë qenë të suksesshme, sepse bëhet pa palën kosovare. Pa marrë parasysh suksesin apo jo, Qeveria nuk duhet të lejojë nënshkrimin e një marrëveshje, aq më pak me Serbinë, e cila është përgjegjës për enklava dhe institucione paralele”, thotë juristi Kelmendi.

Marrëveshja të cilën pritet ta nënshkruajë EULEX-i, ka të bëjë me bashkëpunimin policor me Serbinë. Protokolli në fjalë synon bashkëpunimin policor dhe shkëmbimin e informatave me qëllim luftimin e krimit të organizuar dhe krimit kufitar.

Ndërkohë, Qeveria e Republikës së Kosovës ka deklaruar se EULEX-i nuk ka mandat për nënshkrimin e marrëveshjeve ndërkombëtare dhe se nuk është informuar lidhur me nënshkrimin e marrëveshjes me MPB të Serbisë
RTK

Banorët thonë se zona kufitare, ku shtrihet fshati Debellde, mbetet ende e pa shënuar

Shënimi i vijës kufitare mes Kosovës dhe Maqedonisë vazhdon të mbetet proces i papërfunduar, përkundër deklarimeve javën e kaluar të zyrtarëve maqedonas se është zyrtarizuar vija e re e kufirit. Banorët e Debelldesë së Vitisë, shprehin shqetësimet e tyre pas këtyre deklarimeve, duke pohuar se në këtë zonë nuk figurojnë shtyllat që përcaktojnë vijën kufitare.

Procesi i demarkacionit të kufirit, respektivisht shënimi i vijës kufitare mes Kosovës dhe Maqedonisë, është dashur të përfundojë më së largu deri në muajin maj të këtij viti, por as 3 muaj pas këtij afati, përfundimi i këtij procesi nuk është definitiv, përkundër deklarimeve të zyrtarëve maqedonas se vija kufitare mes këtyre dy vendeve është zyrtarizuar.

Zona kufitare e komunës së Vitisë, ku shtrihet fshati Debellde, mbetet e pa shënuar, pasi që nuk figurojnë shtyllat që përcaktojnë vijën kufitare.

Përfaqësuesi i fshatit Debellde, Zymri Ilazi, i cili është edhe anëtarë i komisionit për kufirin - në cilësinë e vëzhguesit - hedhë poshtë deklarimet e palës maqedonase se ka përfunduar shënimi i kufirit në tërësi.

Ndërkohë, banorët e këtij fshati kufitar, shprehin shqetësimet e tyre në lidhje me zhvillimet e fundit. Pronat të cilat iu cenohen atyre për 9 vite, vazhdojnë të mbesin të pashfrytëzuara.

Sali Abdullahu, banor i Debelldesë, thotë se ai personalisht ka qenë i bindur se sivjet banorët do të kenë mundësinë që t’i punojnë tokat e tyre, mirëpo kjo gjë edhe këtë vit nuk ndodhi. Kurse lidhur me deklarimet për përfundimin e këtij procesi, ai shprehet se është njoftuar vetëm përmes mediave.

Si do që të jetë, anëtarët e komisionit për kufirin të Qeverisë së Kosovës, kanë garantuar banorët e Debelldesë se nuk do të cenohen pronat e tyre dhe në një mënyrë kanë mohuar të ketë përfunduar shënimi i vijës kufitare, pasi që zyrtarizimi do të aprovohej në Parlamentin e Kosovës.
RTK

Jep dorëheqje drejtori i TKK, Arian Krasniqi – reagon MKRS

Përmes një komunikate për media Drejtori i Përgjithshëm i Teatrit Kombëtar të Kosovës, Arian Krasniqi, ka njoftuar se jep dorëheqje të parevokueshme për shkak të, siç thuhet, “ngushtimit të hapësirës për veprim të mëtutjeshëm konform kompetencave që jep Ligji për Teatër dhe fillimit të ndërhyrjeve politike në punët e menaxhmentit të TKK-së. Ndërkohë MKRS konsideron se akti i dorëheqjes së Arian Krasniqi nga pozita e Drejtorit të Përgjithshëm të Teatrit Kombëtar të Kosovës është një veprim i nxituar.

“Me anë të kësaj shkrese Ju njoftojmë se: për shkak të ngushtimit të hapësirës për veprim të mëtutjeshëm konform kompetencave që jep Ligji për Teatër, për shkak të fillimit të ndërhyrjeve politike në punët e menaxhmentit të TKK-së, si dhe për shkak të shtimit të presionit burokratik të zyrtarëve të MKRS-së, jap dorëheqje të parevokueshme nga detyra e Drejtorit të Përgjithshëm të TKK-së. Kjo dorëheqje hyn në fuqi ditën e nënshkrimit”, thuhet në shkresën dërguar opinionit, të nënshkruar nga Arian Krasniqi.

Ndërkohë përmes një komunikate për opinion, rreth kësaj dorëheqjeje, Ministria e Kulturës, Rinisë dhe Sportit thekson se çmon dhe e vlerëson punën, angazhimin dhe veprimin e deritashëm profesional të Drejtorit të Përgjithshëm të Teatrit Kombëtar të Kosovës, z. Arian Krasniqi dhe, njëkohësisht, shpreh keqardhje për aktin e dorëheqjes së Tij. Në këtë kontekst, Ministria e Kulturës, Rinisë dhe Sportit konsideron se akti i dorëheqjes së z. Arian Krasniqi nga pozita e Drejtorit të Përgjithshëm të Teatrit Kombëtar të Kosovës është një veprim i nxituar dhe në shpërputhje me veprimet dhe përpjekjet e përbashkëta të Ministrisë dhe të menaxhmentit të Teatrit për të krijuar rend dhe rregull profesional në institucionin e Teatrit Kombëtar të Kosovës.

Në komunikatë pasi theksohen një varg hapash në përkrahje materiale dhe morale ndaj Teatrit Kombëtar të Kosovës (rritja e buxhetit 100 %, etj.), kjo ministri deklaron publikisht se me asnjë nga veprimet e veta nuk ka ndërhyrë politikisht në politikat e repertorit e as në politikat menaxhuese të Teatrit Kombëtar të Kosovës. Diskursi i komunikimit të zyrtarëve të Ministrisë me drejtuesit e Teatrit Kombëtar të Kosovës ka qenë dhe do të vazhdojë të jetë diskurs i komunikimit zyrtar në funksion të mbështetjes së punës, të projekteve dhe të ideve artistike. Qëndrimet burokratike nuk janë pjesë përbërëse e komunikimit të përgjithshëm zyrtar dhe, si të tilla, nëse ekzistojnë individualisht, ato nuk mund të identifikohen me qëndrimet, me veprimet e as me politikat e përgjithshme kulturore të Ministrisë së Kulturës, Rinisë dhe Sportit.

Ministria e Kulturës, Rinisë dhe Sportit do ta shqyrtojë me seriozitet dorëheqjen e z. Arian Krasniqi dhe, në përputhje me ligjin, në një afat kohor të përshpejtuar, do të ndërmarrë veprimet dhe masat e nevojshme konkrete për të mos lejuar vakum institucional në Teatrin Kombëtar të Kosovës, thuhet mes tjerash në komunikatën e MKRS.
RTK

[Llapjani_HH]

Rregullorja e Kuvendit, opozita akuzon pushtetin për bllokim

Kuvendi i Kosovës funksionon me Rregulloren e punës të miratuar në kohën e UNMIK-ut e bazuar atë kohë në Kornizën Kushtetuese. Edhe pse Rregullorja e re është hartuar dhe miratuar në lexim të parë në Kuvend, ajo nuk ka arritur të kalojë më tej.

Sipas opozitës, rregullorja është hequr nga rendi i ditës me propozim të grupit parlamentar të PDK-së, pa u dhënë asnjë sqarim.

Kryetari i komisionit përkatës parlamentar, Ahmet Isufi, ka deklaruar se motivet politike kanë ndikuar që rregullorja e re e punës të mbetet në pikën zero. Sipas opozitarëve, arsyet janë se me rregulloren e re parashihet krijimi i tre komisioneve, prej të cilave dy do ty takonin atyre.
KTV

Shqiptarët shtohen për 68 mijë banorë, maqedonët për 3 mijë :smile:


Tendencat për kontestimin e përqindjes së shqiptarëve në Maqedoni vazhdojnë. Demografi Asllan Selmani hedh poshtë pretendimet e demografëve maqedonas se përqindja e shqiptarëve në Maqedoni nuk e kalon 16 - 17 për qind. Ai thekson se numri i shqiptarëve sipas të dhënave të Entit Shtetëror për Statistika nuk është as 25 për qind, por duhet të jetë mbi 30 për qind.

“Vetë fakti që Enti Shtetëror Republikan ka botuar, dhe boton çdo vjet statistikën vitale për lindjet dhe vdekjet, shihet shumë qartë se shqiptarët marrin pjesë në shtimin e numrit të përgjithshëm të popullsisë mbi 80 për qind. Kështu për shembull në periudhën prej vitit 1994 deri në vitin 2002 numri i popullsisë shqiptare ka të shënuar shtim natyror prej 68 mijë banorëve, ndërsa numri i maqedonasve ka qenë diçka më pak se 3 mijë.’, tregon demografi Asllan Selmani.

Nga ana tjetër duke u bazuar edhe në faktin se numri i nxënësve shqiptarë në shkollat fillore është mbi 34 për qind, ekspertët shqiptar mendojnë se ky numër duhet të jetë më i madh edhe se 25 për qind.

“Duke e ditur këtë kontingjent se numri i popullsisë së re, pra popullsisë së nxënësve tani ka kaluar në popullsinë e pjekur numri i shqiptarëve në Maqedoni duhet të jetë mbi 30 për qind. Dhe ky fakt argumentohet me shumë dokumente që vet shteti gjegjësisht Enti Statistikor Republikan i boton si raporte vjetore”, thekson Asllan Selmani.

Me kritikat ndaj Entin Shtetëror të Statistikës, pajtohet edhe zëvendëskryeministri për implementimin e Marrëveshjes së Ohrit Abdylaqim Ademi, i cili paralajmëroi edhe përgatitjet për regjistrimin e popullsisë, diku gjatë vitit 2011.

“Shikuar nga perspektiva e tanishme, por të preokupuar me sfidat e mundshme, qartësisht e theksojmë nevojën për qasjen serioze dhe me kohë ndaj përgatitjeve për organizimin e ndërmarrjes kapitale në vitin 2011: regjistrimin e popullsisë, amvisërisë dhe banesave. Institucioni që është përgjegjës për këtë projekt–Enti Shtetëror i Statistikës është identifikuar si shembull për moszbatim të duhur të përcaktimeve për përfaqësim adekuat”, thotë zëvendëskryeministri Abdylaqim Ademi.

Sipas regjistrimeve të vitit 1994, 23 për qind e popullsisë ishte shqiptare, ndërkohë që nga regjistrimi i vitit 2002, numri i shqiptarëve u rrit edhe me 68 mijë, diku 25 për qind. Regjistrimet e ardhshme në vitin 2011 pritet të japin pasqyrën e qartë për përqindjen e shqiptarëve në vend.
ALSAT M

Pr/ligji Malazez: Komuna Tuz nën vartësinë e Podgoricës

• Komuna Tuz në Malin e Zi nuk ka mundur të marrë dot pavarësinë prej Podgoricës edhe pas projektligjit më të fundit të qeverisë Malazeze për ndarjen e re administrative. Kreu i kesaj komune Smajl Cunmulaj thotë se në bazë të këtij projektligji disa fshatra rrezikojnë ti hiqen kësaj komune.

PODGORICE- Qeveria malazeze ka hartuar projektligjin e ri për ndarjen e re territoriale të njësive administrative të saj. Në këtë projektligj nuk është parashikuar dhënia e statusit Komunë për Tuzin, duke qëndruar në statusin e mëparshëm si komunë urbane e varur nga Podgorica.
Kreu i kësaj komune Smajl Cunmulaj, përmes një deklarate për shtyp ka denoncuar këtë vendim të qeverisë malazeze si dhe projektligjin që nuk parashikon për Tuzin statusin komunë me të drejta të plota, kur këtë status e gëzonte deri në vitin 1957.

Fshatrat e kësaj komune ku pjesa më e madhe banohet nga shqiptarë, në bazë të këtij projektligji të ri rrezikojnë ti hiqen kësaj komune, dhe për Cunmulajn kjo është një prapaskenë e politikës sllave për të zbehur influencën e shqiptarëve në këtë zonë, pa lënë mënjanë problemin e toponimeve të disa fshatrave ku parashikohet emërtimi i tyre me emra serbë.

Kreu i komunës, ka kërkuar mbështetjen e qeverisë Shqiptare në këtë kërkesë të shqiptarëve të Tuzit për statusin e komunës së pavarur nga Podgorica si dhe mbrojtjen e territorit të kësaj njësie administrative. Në të kundërt tha Cunmulaj do të organizohen protesta dhe do të ndiqen të gjithë rrugët paqësore dhe demokratike.

Tuzi aktualisht ka 12 mijë banorë me shumicë dërrmuese të popullsisë shqiptare dhe prej 5 vitesh kërkon dhënien e statusit të komunës së pavarur.
Balkanweb

[Llapjani_HH]

Serbët sot votojnë për struktura paralele në Graçanicë dhe Gorozhdec


Burime serbe nga Kosova raportojnë se në Graçanicë dhe në Gorazhdevc, janë hapur vendvotimet për, siç thuhet, “zgjedhjet lokale të serbëve për komunat Prishtinë dhe Pejë”. Këto zgjedhje, që i organizon qeveria e Serbisë, nga institucionet e Kosovës konsiderohen jolegjitime, ndërsa “rezultatet e tyre nuk do të jenë të vlefshme dhe nuk kanë kurrfarë fuqie politike”.

Zgjedhjet e sotme të serbëve në Kosovë, do të injorohen, thonë në policinë e Kosovës. Policia e Kosovës tha se nuk do të ofrojë sigurinë për zgjedhje. Zëdhënësi Arbër Beka i tha sot Radio Kosovës se policia mund të ndërhyjë në rast se do të ketë prishje të rendit dhe të qetësisë publike”.

Mbajtja e zgjedhjeve lokale serbe në Kosovë është veprim i gabuar, që nuk do të ndihmojë në krijimin e rrethanave të volitshme për një bashkëjetesë të komunitetit serb me komunitetin shumicë shqiptar, kanë thënë për RFE disa përfaqësues serbë të Kosovës.

Organizimi i zgjedhjeve lokale të Serbisë në Komunën e Prishtinës dhe në atë të Pejës, është veprim i gabuar i autoriteteve serbe, i cili nuk do të ndihmojë në krijimin e rrethanave të volitshme për një bashkëjetesë të komunitetit serb me komunitetin shumicë shqiptar në Kosovë.

Kështu vlerëson përfaqësuesi i subjektit politik serb, pjesëmarrës në institucionet e Kosovës, si dhe ai i iniciativës qytetare serbe për një Kosovë shumetnike.

Petar Miletiq, sekretar i Partisë së Pavarur Liberale, thotë se kjo parti nuk do të marrë pjesë në zgjedhjet lokale serbe, pavarësisht se këto zgjedhje janë, siç i quan ai, realitet.

“Unë mendoj se këto zgjedhje, si të tilla, janë një gabim, ashtu siç kanë qenë të gabueshme edhe zgjedhjet e organizuara më 11 maj, vitin e kaluar, dhe ato janë duke krijuar ndasi edhe më të madhe në mes të bashkësive serbe dhe shqiptare”, ka deklaruar Miletiq për RFE.

“Por, megjithatë, ajo që duhet të konstatojmë dhe të themi, është se këto zgjedhje janë realitet dhe se në fund të fundit ato japin disa përfaqësues të serbëve të Kosovës, pavarësisht se nuk pritet që institucionet e Kosovës, qoftë kryetari ose kryeministri, do t’i pranojnë ndonjëherë këta liderë”, tha Miletiq.

Ai shtoi se zgjedhjet serbe të organizuara në Kosovë mund të interpretohen si reaksion i serbëve karshi pozitës së tyre politike në Kosovë.

Edhe Radomir Dimiq, lider i Lëvizjes “Kosova Shumetnike Evropiane”, e vlerëson veprim të gabuar organizimin e zgjedhjeve lokale serbe në Kosovë. Ai shpreh mendimin se këto zgjedhje më shumë janë në funksion të një politike që, sipas tij, nuk është e mirë për serbët që jetojnë në Kosovë, si dhe për ata që janë zhvendosur dhe jetojnë jashtë Kosovës.

“Unë mendoj se në esencë këto zgjedhje janë një tentim që edhe një herë serbët t’i largojnë sa më shumë dhe sa më larg nga një bashkëjetesë e vërtetë me bashkëqytetarët, me të cilët jetojnë në Kosovë, si dhe paraqesin një ikje nga zgjidhja e problemeve themelore të serbëve në Kosovë”, ka deklaruar Dimiq për RFE.

“Unë mendoj se këto zgjedhje janë një veprim absolutisht i huqur”, tha Dimiq, duke shtuar se ato nuk mund t’u sjellin serbëve asgjë të mirë, përveç, siç u shpreh, vetizolimit, getoizimit dhe një jete në kushte virtuale.

Zoti Dimiq shpreh mendimin se zyrtarët në Beograd po tentojnë që përmes organizimit të zgjedhjeve në Kosovë, t’u dërgojnë sinjale serbëve se shteti serb ekziston dhe funksionon në Kosovë. Me këtë veprim, siç thotë Dimiq, Serbia po përpiqet t’iu hedhë pluhur në sy serbëve në Kosovë dhe jashtë saj.

“Kjo, në njëfarë mënyre, është vetëm një tentim i disa qarqeve të caktuara politike, të cilat absolutisht ende nuk e shohin se në Kosovë ka ndryshime thelbësore dhe se ajo faktikisht është shtet i pavarur, për të cilin nuk mund të bisedohet dhe nuk ka dilema”, theksoi Dimiq.

Sidoqoftë, zoti Miletiq tha se është e pritshme dalja masive e serbëve në këto zgjedhje. Se a duhet dalë në to ose jo, kjo, sipas tij, u mbetet vetë qytetarëve serbë të vendosin sipas ndërgjegjes së tyre.
RTK

Reagime: Zgjedhjet lokale serbe -ndërhyrje në punët e brendshme të Kosovës

Në Graçanicë dhe në Gorazhdec, janë hapur vendvotimet për, siç thuhet, zgjedhjet lokale të serbëve për komunat Prishtinë dhe Pejë. Këto zgjedhje, që i organizon qeveria serbe, nga institucionet e Kosovës konsiderohen jolegjitime, ndërsa rezultatet e tyre nuk do të jenë të vlefshme dhe nuk kanë kurrfarë fuqie politike. Lëvizja Vetëvendosje dhe analistët e konsiderojnë këtë si një ndërhyrje në punët e brendshme të Kosovës.

Derisa Qeveria e Kosovës ka deklaruar se këto zgjedhje janë edhe një pseudospektakël i Serbisë në Kosovës, duke i konsideruar ato jolegjitime, Lëvizja Vetëvendosja ka akuzuar sot lidershipin e vendin që ka lejuar mbajtjen e këtyre zgjedhjeve. Aktivistët e kësaj lëvizjeje në Prishtinë dhe në disa qendra të tjera të Kosovës kanë ngjitur posterë ku shihet kryeministri Thaçi, një kuti votimi me shkronja cirilike dhe në fund mbishkrimi “Bëhu pjesë e së ardhmes”. Lideri i Vetëvendosjes, Albin Kurti, thotë se “heshtja dhe pasiviteti i shtetit të Kosovës është leje dhe inkurajim për zgjedhjet e Serbisë në Kosovë”.

“Nuk mund të jetë edhe Kosova sovrane edhe të mbahen zgjedhjet e Serbisë. Dikush po gënjen. Është e qartë kush – krerët politikë të Kosovës, të cilët reagojnë vetëm atëherë kur iu cenohen bizneset apo iu rrezikohen votat, por jo edhe kur cenohet a rrezikohet Kosova”, ka deklaruar Kurti.

Drejtori i Qendrës kosovare për studime të sigurisë, Ramadan Qehaja, thotë se qëllimi i këtyre zgjedhjeve është që të destabilizojnë situatën politike në Kosovës dhe përmes tyre Beogradi dëshiron të tregojë se ne nuk jemi shtet që mund ta refuzojmë një gjë të tillë.

“Kësaj here, d.m.th., pas pavarësisë së Kosovës, pas aprovimit të Kushtetutës, ne është dashur në një mënyrë, si shtet, t’i tregojmë dhëmbët, kushtimisht të them, dhe të mos lejojmë që të mbahen këto zgjedhje. Së paku të tentojmë të mos lejojmë të mbahen këto zgjedhje. Mirëpo kjo nuk ka ndodhur, pse nuk ka ndodhur është çështje e lidershipit tonë”, ka deklaruar Ramadan Qehaja.

Qehaja shprehet edhe kundër deklarimit të policisë se nuk do të bëjë sigurimin e këtyre zgjedhjeve. Ai vlerëson se policia do të duhej që në këto dy enklava të shtojë masat e sigurisë, që të mos të ndodhë diçka e papritur e që mund të ketë pasoja në situatën e tërësishme të sigurisë
RTK

Opozita: Marrëveshje me shtetet fqinje mund të nënshkruajnë vetëm institucionet kosovare

Opozita kosovare reagon ndaj paralajmërimeve për nënshkrimin e një marrëveshje protokolli ndërmjet EULEX-it dhe Ministrisë së Brendshme të Serbisë, e cila lë jashtë autoritetet kosovare. Sipas opozitarëve, marrëveshje me shtetet fqinje mund të nënshkruajnë vetëm institucionet kosovare. Analistët vlerësojnë se EULEX-i është mision monitorues dhe nuk ka të drejtën e nënshkrimit të marrëveshjeve.

Reagimet vijnë pas paralajmërimeve se është në prag të nënshkrimit një protokoll bashkëpunimi në mes të EULEX-it dhe Ministrisë së Brendshme të Serbisë, që përmban rregullat rreth bashkëpunimit policor dhe këmbimit të informatave më qëllim të luftës kundër krimit të organizuar dhe atij ndërkufitarë, si dhe aktiviteteve tjera ilegale, por që lë anash institucionet legjitime të Republikës së Kosovës.

Pas paralajmërimeve për mundësinë e nënshkrimit të një marrëveshje të[ tillë, pa institucionet e Kosovës, dje kanë reaguar edhe analistë e ekspertë të cilët kanë theksuar se EULEX -i është mision monitorues dhe nuk ka të drejtë të nënshkruajë marrëveshje të tilla dhe se nënshkrimi i një marrëveshje të tillë do të thotë shkelje e sovranitetit të Kosovës.
RTK

Berisha: Bashkimi i kombit, projekti i së ardhmes

Tiranë - Në një intervistë televizive, Kryeministri Sali Berisha u ndal në marrëdhëniet Shqipëri-Kosovë, si dhe shpalli bashkimin e kombit si projektin e së ardhmes, në mënyrë që siç tha ai "shqiptarët në Shqipëri, Kosovë dhe kudo që ndodhen në trojet e tyre të ndjehen njëlloj".

Kreu i Qeverisë konfirmoi se "numri i turistëve kosovarë në Shqipëri është mbi 10 fishuar pas ndërtimit të rrugës Durrës-Kukës", duke theksuar se "Qeveria është përqëndruar në ndërtimin e një infrastrukture moderne në të gjithë bregdetin".

Në kulmin e sezonit turistik veror, Berisha shprehu mirënjohjen ndaj të gjithë turistëve kosovarë që vijnë në Shqipëri për të kaluar pushimet e tyre vjetore.

"Shpreh kënaqësinë time të madhe sepse jashtë çdo parashikimi, numri i turistëve krahasuar me muajin korrik të vitit 2008 është rritur me 36 për qind. Mendoja që zgjedhjet do të ngadalësonin turizmin dhe se kriza botërore do të kishte një ndikim negativ mbi turizmin, por e vërteta është se 'bumi' turistik i këtij viti është më i madhi se kurrë", tha më tej Kryeministri Berisha, duke shtuar se "Qeveria duhet të punojë shumë për forcimin e kapaciteteve tona turistike".

Kryeministri Berisha shprehu bindjen se "në mirëkuptim të plotë me qeverinë e Kosovës, dy pikat kufitare mes dy vendeve nuk duhet të ekzistojnë, më në mënyrë që kosovarët të vijnë në Shqipëri si në vendin e tyre dhe e anasjellta".

"Shqipëria duhet të ofrojë shumë më tepër në drejtim të turizimit", tha Kryeministri Berisha, duke shtuar se "brenda vitit 2010 do të sistemohet dhe asfaltohet çdo rrugë që të çojnë drejt bregut".
Gazeta Start

[Guri i madh]

Serbët sot votojnë për struktura paralele në Graçanicë dhe Gorozhdec




Burime serbe nga Kosova raportojnë se në Graçanicë dhe në Gorazhdevc, janë hapur vendvotimet për, siç thuhet, “zgjedhjet lokale të serbëve për komunat Prishtinë dhe Pejë”. Këto zgjedhje, që i organizon qeveria e Serbisë, nga institucionet e Kosovës konsiderohen jolegjitime, ndërsa “rezultatet e tyre nuk do të jenë të vlefshme dhe nuk kanë kurrfarë fuqie politike”.

Zgjedhjet e sotme të serbëve në Kosovë, do të injorohen, thonë në policinë e Kosovës. Policia e Kosovës tha se nuk do të ofrojë sigurinë për zgjedhje. Zëdhënësi Arbër Beka i tha sot Radio Kosovës se policia mund të ndërhyjë në rast se do të ketë prishje të rendit dhe të qetësisë publike”.

Mbajtja e zgjedhjeve lokale serbe në Kosovë është veprim i gabuar, që nuk do të ndihmojë në krijimin e rrethanave të volitshme për një bashkëjetesë të komunitetit serb me komunitetin shumicë shqiptar, kanë thënë për RFE disa përfaqësues serbë të Kosovës.

Organizimi i zgjedhjeve lokale të Serbisë në Komunën e Prishtinës dhe në atë të Pejës, është veprim i gabuar i autoriteteve serbe, i cili nuk do të ndihmojë në krijimin e rrethanave të volitshme për një bashkëjetesë të komunitetit serb me komunitetin shumicë shqiptar në Kosovë.

Kështu vlerëson përfaqësuesi i subjektit politik serb, pjesëmarrës në institucionet e Kosovës, si dhe ai i iniciativës qytetare serbe për një Kosovë shumetnike.

Petar Miletiq, sekretar i Partisë së Pavarur Liberale, thotë se kjo parti nuk do të marrë pjesë në zgjedhjet lokale serbe, pavarësisht se këto zgjedhje janë, siç i quan ai, realitet.

“Unë mendoj se këto zgjedhje, si të tilla, janë një gabim, ashtu siç kanë qenë të gabueshme edhe zgjedhjet e organizuara më 11 maj, vitin e kaluar, dhe ato janë duke krijuar ndasi edhe më të madhe në mes të bashkësive serbe dhe shqiptare”, ka deklaruar Miletiq për RFE.

“Por, megjithatë, ajo që duhet të konstatojmë dhe të themi, është se këto zgjedhje janë realitet dhe se në fund të fundit ato japin disa përfaqësues të serbëve të Kosovës, pavarësisht se nuk pritet që institucionet e Kosovës, qoftë kryetari ose kryeministri, do t’i pranojnë ndonjëherë këta liderë”, tha Miletiq.

Ai shtoi se zgjedhjet serbe të organizuara në Kosovë mund të interpretohen si reaksion i serbëve karshi pozitës së tyre politike në Kosovë.

Edhe Radomir Dimiq, lider i Lëvizjes “Kosova Shumetnike Evropiane”, e vlerëson veprim të gabuar organizimin e zgjedhjeve lokale serbe në Kosovë. Ai shpreh mendimin se këto zgjedhje më shumë janë në funksion të një politike që, sipas tij, nuk është e mirë për serbët që jetojnë në Kosovë, si dhe për ata që janë zhvendosur dhe jetojnë jashtë Kosovës.

“Unë mendoj se në esencë këto zgjedhje janë një tentim që edhe një herë serbët t’i largojnë sa më shumë dhe sa më larg nga një bashkëjetesë e vërtetë me bashkëqytetarët, me të cilët jetojnë në Kosovë, si dhe paraqesin një ikje nga zgjidhja e problemeve themelore të serbëve në Kosovë”, ka deklaruar Dimiq për RFE.

“Unë mendoj se këto zgjedhje janë një veprim absolutisht i huqur”, tha Dimiq, duke shtuar se ato nuk mund t’u sjellin serbëve asgjë të mirë, përveç, siç u shpreh, vetizolimit, getoizimit dhe një jete në kushte virtuale.

Zoti Dimiq shpreh mendimin se zyrtarët në Beograd po tentojnë që përmes organizimit të zgjedhjeve në Kosovë, t’u dërgojnë sinjale serbëve se shteti serb ekziston dhe funksionon në Kosovë. Me këtë veprim, siç thotë Dimiq, Serbia po përpiqet t’iu hedhë pluhur në sy serbëve në Kosovë dhe jashtë saj.

“Kjo, në njëfarë mënyre, është vetëm një tentim i disa qarqeve të caktuara politike, të cilat absolutisht ende nuk e shohin se në Kosovë ka ndryshime thelbësore dhe se ajo faktikisht është shtet i pavarur, për të cilin nuk mund të bisedohet dhe nuk ka dilema”, theksoi Dimiq.

Sidoqoftë, zoti Miletiq tha se është e pritshme dalja masive e serbëve në këto zgjedhje. Se a duhet dalë në to ose jo, kjo, sipas tij, u mbetet vetë qytetarëve serbë të vendosin sipas ndërgjegjes së tyre.
RTK

Reagime: Zgjedhjet lokale serbe -ndërhyrje në punët e brendshme të Kosovës

Në Graçanicë dhe në Gorazhdec, janë hapur vendvotimet për, siç thuhet, zgjedhjet lokale të serbëve për komunat Prishtinë dhe Pejë. Këto zgjedhje, që i organizon qeveria serbe, nga institucionet e Kosovës konsiderohen jolegjitime, ndërsa rezultatet e tyre nuk do të jenë të vlefshme dhe nuk kanë kurrfarë fuqie politike. Lëvizja Vetëvendosje dhe analistët e konsiderojnë këtë si një ndërhyrje në punët e brendshme të Kosovës.

Derisa Qeveria e Kosovës ka deklaruar se këto zgjedhje janë edhe një pseudospektakël i Serbisë në Kosovës, duke i konsideruar ato jolegjitime, Lëvizja Vetëvendosja ka akuzuar sot lidershipin e vendin që ka lejuar mbajtjen e këtyre zgjedhjeve. Aktivistët e kësaj lëvizjeje në Prishtinë dhe në disa qendra të tjera të Kosovës kanë ngjitur posterë ku shihet kryeministri Thaçi, një kuti votimi me shkronja cirilike dhe në fund mbishkrimi “Bëhu pjesë e së ardhmes”. Lideri i Vetëvendosjes, Albin Kurti, thotë se “heshtja dhe pasiviteti i shtetit të Kosovës është leje dhe inkurajim për zgjedhjet e Serbisë në Kosovë”.

“Nuk mund të jetë edhe Kosova sovrane edhe të mbahen zgjedhjet e Serbisë. Dikush po gënjen. Është e qartë kush – krerët politikë të Kosovës, të cilët reagojnë vetëm atëherë kur iu cenohen bizneset apo iu rrezikohen votat, por jo edhe kur cenohet a rrezikohet Kosova”, ka deklaruar Kurti.

Drejtori i Qendrës kosovare për studime të sigurisë, Ramadan Qehaja, thotë se qëllimi i këtyre zgjedhjeve është që të destabilizojnë situatën politike në Kosovës dhe përmes tyre Beogradi dëshiron të tregojë se ne nuk jemi shtet që mund ta refuzojmë një gjë të tillë.

“Kësaj here, d.m.th., pas pavarësisë së Kosovës, pas aprovimit të Kushtetutës, ne është dashur në një mënyrë, si shtet, t’i tregojmë dhëmbët, kushtimisht të them, dhe të mos lejojmë që të mbahen këto zgjedhje. Së paku të tentojmë të mos lejojmë të mbahen këto zgjedhje. Mirëpo kjo nuk ka ndodhur, pse nuk ka ndodhur është çështje e lidershipit tonë”, ka deklaruar Ramadan Qehaja.

Qehaja shprehet edhe kundër deklarimit të policisë se nuk do të bëjë sigurimin e këtyre zgjedhjeve. Ai vlerëson se policia do të duhej që në këto dy enklava të shtojë masat e sigurisë, që të mos të ndodhë diçka e papritur e që mund të ketë pasoja në situatën e tërësishme të sigurisë
RTK

Opozita: Marrëveshje me shtetet fqinje mund të nënshkruajnë vetëm institucionet kosovare

Opozita kosovare reagon ndaj paralajmërimeve për nënshkrimin e një marrëveshje protokolli ndërmjet EULEX-it dhe Ministrisë së Brendshme të Serbisë, e cila lë jashtë autoritetet kosovare. Sipas opozitarëve, marrëveshje me shtetet fqinje mund të nënshkruajnë vetëm institucionet kosovare. Analistët vlerësojnë se EULEX-i është mision monitorues dhe nuk ka të drejtën e nënshkrimit të marrëveshjeve.

Reagimet vijnë pas paralajmërimeve se është në prag të nënshkrimit një protokoll bashkëpunimi në mes të EULEX-it dhe Ministrisë së Brendshme të Serbisë, që përmban rregullat rreth bashkëpunimit policor dhe këmbimit të informatave më qëllim të luftës kundër krimit të organizuar dhe atij ndërkufitarë, si dhe aktiviteteve tjera ilegale, por që lë anash institucionet legjitime të Republikës së Kosovës.

Pas paralajmërimeve për mundësinë e nënshkrimit të një marrëveshje të[ tillë, pa institucionet e Kosovës, dje kanë reaguar edhe analistë e ekspertë të cilët kanë theksuar se EULEX -i është mision monitorues dhe nuk ka të drejtë të nënshkruajë marrëveshje të tilla dhe se nënshkrimi i një marrëveshje të tillë do të thotë shkelje e sovranitetit të Kosovës.
RTK

Berisha: Bashkimi i kombit, projekti i së ardhmes

Tiranë - Në një intervistë televizive, Kryeministri Sali Berisha u ndal në marrëdhëniet Shqipëri-Kosovë, si dhe shpalli bashkimin e kombit si projektin e së ardhmes, në mënyrë që siç tha ai "shqiptarët në Shqipëri, Kosovë dhe kudo që ndodhen në trojet e tyre të ndjehen njëlloj".

Kreu i Qeverisë konfirmoi se "numri i turistëve kosovarë në Shqipëri është mbi 10 fishuar pas ndërtimit të rrugës Durrës-Kukës", duke theksuar se "Qeveria është përqëndruar në ndërtimin e një infrastrukture moderne në të gjithë bregdetin".

Në kulmin e sezonit turistik veror, Berisha shprehu mirënjohjen ndaj të gjithë turistëve kosovarë që vijnë në Shqipëri për të kaluar pushimet e tyre vjetore.

"Shpreh kënaqësinë time të madhe sepse jashtë çdo parashikimi, numri i turistëve krahasuar me muajin korrik të vitit 2008 është rritur me 36 për qind. Mendoja që zgjedhjet do të ngadalësonin turizmin dhe se kriza botërore do të kishte një ndikim negativ mbi turizmin, por e vërteta është se 'bumi' turistik i këtij viti është më i madhi se kurrë", tha më tej Kryeministri Berisha, duke shtuar se "Qeveria duhet të punojë shumë për forcimin e kapaciteteve tona turistike".

Kryeministri Berisha shprehu bindjen se "në mirëkuptim të plotë me qeverinë e Kosovës, dy pikat kufitare mes dy vendeve nuk duhet të ekzistojnë, më në mënyrë që kosovarët të vijnë në Shqipëri si në vendin e tyre dhe e anasjellta".

"Shqipëria duhet të ofrojë shumë më tepër në drejtim të turizimit", tha Kryeministri Berisha, duke shtuar se "brenda vitit 2010 do të sistemohet dhe asfaltohet çdo rrugë që të çojnë drejt bregut".
Gazeta Start



ktyne shkjeve kush nuk guxon me ju prish timin e duhanit , bile qeveria e jon veq ka me i pergdhel bile edhe me llopt ka me lue me zojt e shkavit

[Llapjani_HH]

EULEX konfirmon se do ta nënshkruajë marrëveshjen me Policinë e Serbisë


EULEX-i ka konfirmuar se do të nënshkruajë një protokoll bashkëpunimi me policinë e Serbisë. Ndërkaq presidenti Sejdiu vlerëson se vetëm institucionet e Kosovës janë kompetente të nënshkruajnë çfarëdo marrëveshje për Kosovën dhe interesat e saj. Kështu deklaroi për radion tonë zëdhënësi Xhavit Beqiri, duke komentuar këtë nismë të EULEX-it. Edhe Qeveria e Kosovës e ka kundërshtuar këtë nismë duke thënë se i takon asaj të rregullojë marrëdhëniet me shtete tjera.

EULEX-i ka konfirmuar se do të nënshkruajë një protokoll bashkëpunimi me policinë e Serbisë. Përmes një komunikate EULEX-i thotë se kjo është një marrëveshje që do të nënshkruhet edhe me vendet tjera, dhe ka për qëllim që të shkëmbehen informatat në nivelin e policisë, pjesë e të cilave do të jetë edhe Policia e Kosovës.

“Krimi i organizuar, kontrabanda, kalimi ilegal i kufijve dhe trafikimi i njerëzve janë çështje rajonale, jo të kufizuara brenda kufijve të ndonjë shteti, dhe, në përpjekje për të trajtuar këto probleme me sukses, kërkohet shpërndarja dhe shkëmbimi i evidencave. Në këtë fushë, EULEX-i ka tani një mandat ekzekutiv të ndjekë kriminelët dhe të sjell ata para gjyqësisë në Kosovë”, thuhet në komunikatën e EULEX-it.

Më tutje në komunikatë, EULEX-i kujton se mban disa kompetenca të cilat janë në pajtueshmëri me fillimin e misionit, sipas një letre që i është dërguar Havier Solnës nga Presidenti i Kosovës, në shkurt të viti 2008. Është pjesë e mandatit tonë thotë EULEX-i, ndërsa ndryshe shprehen në presidencë.

Zëdhënësi Xhavit Beqiri thotë se sa i përket marrëveshjeve dhe çështjeve të cilat prekin interesat kruciale të Kosovës, kompetente janë vetëm institucionet e Kosovës.

“Letra që presidenti Sejdiu i ka dërguar BE-së për vendosjen e një misioni të saj në Kosovë, ka qenë për mbështetjen që kanë nevojë institucionet nga Bashkim Evropian, në rend të parë për sundimin e ligjit. Besojmë se EULEX-i edhe funksionon ne këtë frymë dhe presidenti e çmon aktivitetin e EULEX-it”, ka deklaruar zëdhënësi Beqiri.

I pyetur drejtpërdrejtë nëse presidenti e kundërshton një marrëveshje bashkëpunimi mes EULEX-it dhe Beogradit, zëdhënësi Beqiri shprehet:

“Ne nuk po përdorim tash shprehje të tilla, mirëpo po themi që presidenti vlerëson se vetëm institucionet e Republikës së Kosovës, të shtetit sovran dhe të pavarur janë kompetente për të nënshkruar marrëveshje për Kosovën”, përgjigjet Beqiri.

Qeveria ndërkaq në reagimin e saj ka thënë se nuk ka konsultim paraprak për këtë duke shtuar se çdo marrëveshje është e papranueshme pa pëlqimin e institucioneve të Kosovës. Ndërkohë, EULEX-i thotë se çështjen e bashkëpunimit e ka diskutuar edhe me homologët në Shkup, Tiranë dhe Podgoricë dhe ka arritur marrëveshje preliminare të cilat do të procedohen më tej.
RTK

Gjyq për veten

Shpresa Hasaj, gjyqtare e Gjykatës Komunale të Prishtinës, ka aplikuar për të qenë gjyqtare në Gjykatën Supreme. Ajo vazhdon punën e saj, ndonëse burrin e ka të akuzuar për kontrabandim me emigrantë, e djalin të paraburgosur për grabitje. Ligji nuk ia ndalon punën gjyqtares, por konform etikës ajo nuk do duhej të vazhdonte punën e saj

Ndonëse parashihet integritet i lartë moral, gjyqtarja aktuale e Gjykatës Komunale në Prishtinë, Shpresa Hasaj pa hezituar, ka aplikuar për pozitën e gjyqtares në Gjykatën Supreme të Kosovës.

Ajo ka aplikuar ndërsa familjarët e saj, përkatësisht bashkëshorti dhe djali, vazhdojnë të përballen me drejtësinë e burgjet për shkak të shkeljeve të tyre flagrante të ligjit.

Ligjet aktuale në Kosovë nuk e ndalojnë një gjë të tillë, mirëpo konform etikës, gjyqtarja në fjalë do duhej të tërhiqej nga pozita e saj aktuale.

Kështu së paku bëjnë me dije dokumentet që posedon Express.

Bashkëshorti i gjyqtares është avokati Ismajl Hyseni. Ky i fundit akuzohet për kryerjen e veprës penale të kontrabandimit me emigrantë. Gjykimi ndaj tij pritet të fillojë gjatë kësaj jave në Gjykatën e Qarkut në Prishtinë.

Djali i saj ndërkaq është Driloni, 22 vjeç, që nga prilli është në paraburgim bashkë me pesë persona të tjerë nën dyshimin se kanë kryer pesë grabitje të armatosura. Paraburgimi i tij është caktuar dhe më pas ka vazhduar në Gjykatën e Qarkut në Pejë.

Tërë këto pika të zeza të familjes nuk e kanë penguar gjyqtares Hasaj që të synojë piedestalin e gjyqësisë në vend, Gjykatën Supreme të Kosovës.

Hasaj ka kaluar testin e etikës, test në të cilin kanë rënë shumë kolegë të saj. Ajo tashmë ka aplikuar për pozitë konkrete tek Komisioni i Pavarur Gjyqësor dhe Prokurorial (KPGJP).

Kjo e fundit do të organizojë testin për të dhe kolegët tjerë të saj që pretendojnë pozita të njëjta. Paralelisht me këtë, komisioni do të hetojë tërë veprimtarinë e gjyqtares dhe të familjes së saj, një pjesë e së cilës kohëve të fundit ka mjaftë punë me gjykatat.

Neni 3.1 i Urdhëresës Administrative 2008/2 bën me dije se “gjatë procesit të emërimit do të zbatohen kriteret e parapara në nenin 6 të Rregullores së UNMIK-ut nr. 2005/52 edhe për gjyqtarët edhe për prokurorët.”

Kriteret e parapara në Rregulloren e UNMIK-ut 2005/53 përfshijnë edhe kushtin që aplikuesit për shërbim si gjyqtarë “të kenë integritet të lartë moral.”

Mirëpo, integriteti moral si dhe cenueshmëria e tij në raport me marrëdhëniet familjare nuk parashihen me Kodin e Etikës për Gjyqtar dhe Prokuror. Edhe ashtu ky kod nga ekspertë të shumtë është cilësuar si i mangët dhe se si i tillë sipas tyre ka nevojë për përmirësime.

Megjithatë, KPGJP është duke e bërë punën e saj në riemërimin e gjyqtarëve. Më 24 gusht të këtij viti, bazuar në faqen zyrtare të këtij institucioni, parashihet intervistimi i kandidatëve të fazës së parë, pra intervistimi i kandidatëve që kanë aplikuar për pozita në Gjykatë Supreme dhe Prokurorinë e Kosovës. Në mesin e tyre pritet të jetë edhe gjyqtarja Hasaj.

Bashkëshorti i saj është hetuar nga Prokuroria e Qarkut në Prishtinë, përkatësisht prokurorja Sevdije Morina.

Pa filluar punën mirë në këtë rast, Morina pati kërkuar nga kryeprokurorja ndërkombëtare Annunziata Ciaravolo që të merr rastin e avokatit. Prokuroria Speciale e kishte refuzuar një gjë të tillë

“Në letrën tuaj ju keni kërkuar të caktohet një Prokuror Special nga Zyra e Prokurorisë Speciale të Kosovës, pasi që gruaja e të dyshuarit është e punësuar si gjyqtare në Gjykatën Komunale në Prishtinë. Ju brengoseni se kjo lidhje mund të ndikoj në zhvillimin e hetimeve”, thuhet mes të tjerash në përgjigjen e kryeprokurores Ciaravolo të cilën e posedon Express.

Sipas saj, kërkesa nuk ofron informata dhe dokumente të mjaftueshme për ta përkrahur atë.

Me gjithë këtë, prokurorja vendore Sevdije Morina ka përpiluar aktakuzën e cila si e tillë është konfirmuar.

Burri i gjyqtares, avokati Ismajl Hyseni akuzohet se ka bërë dallavere në disa dokumente me qëllim të sjelljes së disa personave nga Shrilanka e Bangladeshi se kinse do të punojnë në Kosovë.

Avokati nga këta persona akuzohet se ka marrë para ndërsa disa nga personat janë kthyer me të arritur në Aeroport për shkak se sipas aktakuzës, policia ka vërejtur parregullsi në to.

Avokati ndonëse i akuzuar është mbrojtur në liri derisa djali i tij është në paraburgim. Avokati shumë shpejt do të përballet me drejtësinë derisa aktakuza ndaj djalit të tij sipas burimeve të gazetës, ende nuk është konfirmuar.
Gjyqtarja ndërkaq vazhdon punën e saj si gjyqtare penaliste në Gjykatën Komunale të Prishtinës. Ajo vazhdon me dënimet “në emër të popullit”, derisa pjesë e popullatës janë edhe familjarët e saj.
Gazeta expres

Komitët rrahën banorët e Nerezit

Qytetarët nga lagja e Nerezit sot u keqtrajtuan nga një grup i tifozëve të quajtur “Komiti”. Sipas banorëve para ndeshjes fudbollistike Makedonija Gj. P dhe Vardar rreth orës 3 tifozët kanë kaluar urën OKB-së dhe kanë filluar të gjuajnë me gurë dhe sende tjera, drejt qytetarëve dhe makinave.

Sipas dëshmitarëve okularë vandalët kanë hyrë nëpër shtëpi dhe oborret dhe fizikisht kanë sulmuar banorët të cilët kryesisht janë shqiptarë.
“Unë kam qenë duke fjetur në shtëpi, tani erdha dhe nuk di se çka ka ndodhur”, tregon një qytetarë.

Sulmuesit, kanë dëmtuar edhe një pjesë të madhe të makinave në këtë lagje.
“Unë nuk isha këtu. Më thanë që ta largojë makinën që mos ta thyejnë. Por jam vonuar dhe ma kanë thyer një dritë dhe një pasqyre. Ne, nuk kemi pasur kësi lloj probleme. Jetojmë 100 vjet këtu. Me siguri këto janë fëmijë që kanë shkuar për të përcjellë ndeshje fudbollistike.”, rëfen një qytetar tjetër.

“Nuk di në detaje se ç’kishte ndodhur. Por, di se policia ka qenë e detyruar ta kontrolloj masën dhe MPB-ja është përgjegjëse për këtë sepse ky vend është i qetë dhe asnjëherë nuk kanë ndodhur incidente të tilla. Në komunë ka një bashkëjetesë të shkëlqyer ndërmjet maqedonasve dhe shqiptarëve. U habita kur mësova se ka pasur njerëz edhe nga lagjet tjera, të cilët kanë ardhur këtu dhe kanë shkaktuar incidente”, tha Stefçe Jakimovski, kryetar i komunës së Karposhit.
Rreth orës 15
në qendrën urgjente të spitalit janë pranuar 7 persona me lëndime të lehta trupore. Nga policia pohuan se grupi i tifozëve kanë qenë komitët. Nga MPB-ja thonë se rreth orës 15 ata prishur rendin. Sipas MPB-së policia punon në zbardhjen e rastit.
ALSAT M

[Llapjani_HH]

Tetë kallxime penale kundër tifozëve të Vardarit


Policia vazhdon edhe metej hetimet rrerth incidentit të djeshëm në lagjen Nerez, ku një grup huliganësh, tifoz të klubit fudbollistik Vardar, të njohur si Komitët, sulmuan banorët e kësaj lagje duke mos kursuer as gratë e as fëmijët. Deri tani janë ngritur tetë kallxime penale për antarët e grupit të tifozëve, të cilët akuzohen për ushtrim dhune dhe prishje të rendit dhe qetësisë publike. Jankullovska ka paralajmëruar se do të ndërmeren masa edhe ndaj pjestarëve të policisë nëse vërtetohet fajsia e tyre në mos parandalimin e incidentit.

"Përderisa ndonjëri nga policët të cilët kanë qenë të detyruar të sigurojnë vendin ku dhe ka ndodhur incidenti dhe më gjërë, nuk kanë reaguar se si duhet dhe me kohë, edhe kundër tyre do të shqiptohen masa përkatëse", paralajmëron Gordana Jankullovska, ministre e Punëve të Brendshme.

Jankullovska para mediave sot doli me verzionin të cilën e mbronin dje kryesia e klubit Vardar dhe tifozët e saj, se situatën e kanë provokuar pikërishtë banorët shqiptarë të Nerezit, 7 prej të cilëve përfunduan në spital me lëndime trupore. Janë paralajmëruar padi edhe ndaj të gjithë të përfshirëve në incidentin e djeshëm përfshirë edhe banorët e Nerezit.

"Gjithsesi se jemi duke punuar deri në zbardhjen e plotë të rastit, dokumentimin e tij dhe në fund të fundit, nxjerrjen e të gjithë pjesëmarrësve në këtë incident, para gjykatës. Megjithatë, bëhej fjalë për një situatë, ku ishin të përfshirë një numër i madh i personave dhe ishtë çështje minutash dhe mos të them sekondash kur duhej të bëhet analizë dhe të reagohet", premtoi Gordana Jankullovska.

Edhe avokatja e grupit të dyshuar si thyes të rendit publik Rozita Xhartovska pohon se Komitët nuk kanë provokuar incidentin.

"Është filluar me gjuajtje të gurëve në drejtim të Komitëve, dhe këta të fundit reaguan në mënyrë të njëjtë", tha Rozita Xhartovska, avokate e Komitave.
Ky grup tifozësh në reagimin e tij identifikon veten si mbrotësit e fundit të nderit dinjitetit kombëtar maqedonas në këtë shtet. “Ne si grup tifozësh vazhdojmë të përkrahim antarët tanë gjithmon dhe gjithkundi. Për ne Maqedonia dhe nderi kombëtar maqedonas janë të shenjta, kështu ka qenë dhe kështu do të mbetet, kemi mbrojtur dhe do ta mbrojmë, thuhet në reagimin e grupit të tifozëve të quajtur Komitët.
ALSAT M

Partitë shqiptare kërkojnë përgjegjësi nga Jankullovska


Subjektet politike shqiptare dhe ato opozitare maqedonase kanë kërkuar përgjegjësi nga ministrja e brendshme për incidentin e djeshëm në lagjen Nerez të Shkupit dhe shkarkimin e menjëhershëm të kryeshefit të stacionit policor në Karposh.

Xhevat Ademi nga BDI në pushtet porositi të gjithë ata që kanë mbështetur financuar dhe nxitur siç i quan ai huliganët, të mos hyjnë në lojëra rrezikshme që marrin sfond etnik.

“I drejtohem kryeminstrin Nikolla Gruevski, që si Qeveri të ndërrmarrë të gjitha masat, keqbërësit, rrugaçët, delinkuentët, t’i identifikojë, t’i nxjerr para drejtësisë dhe të marrin dënimin e merituar. Ndërsa, minstrja e MPB-së Gordana Jankullovska, të paktën që duhet të bëjë është që komandantin dhe zëvendëskomandatin e stacionit policor të Karposht urgjentisht t’i shkarkojë, sepse policia dje ka bërë sehir, ka parë se si rrihen, malterohen, dhunohen qytetarët të cilët kishin vetëm një faj, ishin shqiptarë”, deklaroi Xhevat Ademi, deputet i BDI-së.

Edhe PDSH-ja edhe DR opozitare kërkojnë përgjegjësi nga institucionet shtetërore për incidentin e djeshëm ku viktim ishin banorët e pafajshëm shqiptar të lagjes Nerez.

“Rasti i mbrëmshëm, ku një grup huliganësh maqedonas i rrahin shqiptarët në mes të Shkupit, dëmtojnë vetura dhe shtëpi, maltertojnë gra e fëmijë, ngjanë me Natën e Kristaltë në Berlin, ku nazistët sulmonin gjithçka që nuk ishte gjermane, demoluan vetura e shtëpi, malltretonin dhe vritnin njerëz", tha Iljaz Halimi, nënkryetar i PDSH-së.

“Nëse nuk zbardhet rasti shumë shpejt, atëherë normalisht që ne do të konstatojmë se ky incident kjo ngjarje është e organizuar mirë dhe hap shtigje të reja të konflikteve ndëretnike në këto hapsira.”, vlerësoi Besim Dogani, deputet i DR-së.

Përgjegjësi nga MPB kërkon edhe LSDM-ja opozitare.
“Kompetentët në MPB duhej të parashikonin se gjatë një ngjarje të tillë ekziston rrezik i madh nga incidentet dhe t'i ndërmarrin të gjitha masat e duhura që ato të parandalohen. Evidente është që policia këtë dje nuk e bëri”, konstatoi zëdhënësi i LSDM-së, Emiljan Stankoviç.

Por kështu nuk mendon kryeministri Gruevski. Ai dënoi incidentin e djeshëm, por theksoi se policia me kohë ka parandaluar përshkallzimin e mëtejm të situatës.

“MPB ishte aktivisht e kyçur dhe duket se në kohë ka intervenuar. Mbetet tash Ministria të analizojë situatat, t'i gjejë fjatorët dhe të ngrisë procedura gjyqësore kundër atyre të cilët shkaktuan problemet. Në shikim të parë dukeshte se kishte moment të incidentit me prapavijë etnike, por për një gjë zyrtare të themi apo të vërtetojmë do të duhet MPB të bëjë analizë, të na paraqesë në Qeveri dhe atëherë të dijmë saktë cilat ishin motivet dhe arsyet, se a ishin të natyrës etnike e kështu me rradhë”, tha kryeministri Nikolla Gtruevski.

Ndaj incidentit të djeshëm në Nerez të Shkupit ka reaguar edhe BDK e Hysni Shaqirit. "Ajo që iriton më tepër është fakti se rrahja e shqiptarëve në Nerez ka ndodhur para syve të policëve, të cilët nuk kanë ndërmarrë asgjë për ta penguar rrahjen e qytetarëve shqiptar në oborret e shtëpive të tyre.Kjo dëshmon se shqiptarët në Maqedoni para organeve të këtij shteti nuk trajtohen si qytetar të barabart me maqedonasit, thuhet në reagimin e BDK-së së Hysni Shaqirit.
ALSAT M

Ali Ahmeti kundër Menduh Thaçit: Tirana, jo "veto" për Maqedoninë

Shqipëria është lobistja më e mirë e Maqedonisë për në NATO dhe partitë shqiptare në Maqedoni nuk mund t’i imponohen politikës së saj të pavarur. Kështu deklaroi kryetari i Bashkimit Demokratik për Integrim Ali Ahmeti, duke komentuar deklaratën e kryetarit të Partisë Demokratike Shqiptare Menduh Thaçi, se do të kërkojë nga Shqipëria që të vendosë ‘veton’ ndaj Maqedonisë për anëtarësimin në NATO.

“Shqipëria ka politik autonome dhe politikë të cilësisë së mirë dhe Shqipëria është një nga vendet që ka kontribuar për paqen dhe stabilitetin në rajon, dhe unë nuk mendoj që cilidoqoftë nga ne këtu t’i imponojmë Shqipërisë një politikë ndryshe nga ajo Shqipëria po e ndërton. Maqedonia njërin nga lobistët kryesorë për anëtarësim të Maqedonisë në NATO e ka Shqipërinë”, u shpreh Ali Ahmeti, Kryetar i BDI-së, Maqedoni.

Kryetari i PDSH-së Menduh Thaçi pas vizitës zyrtare në Tiranë dhe në Prishtinë, ka bërë të ditur gjithashtu se do të zhvillojë edhe një vizitë zyrtare në Sofje. Vizitat e Thaçit në vendet fqinje kanë për qëllim ndërgjegjësimin e faktorit politik rajonal për gjendjen diskriminuese të shqiptarëve në Maqedoni.
ALSAT

[Llapjani_HH]

Haradinaj: Prishtina të vendosë juridiksionin e vet në veri


Kryetari i AAK-së, Ramush Haradinaj, ka kritikuar Qeverinë e Kosovës për mungesë plani për integrimin e veriut, duke thënë se paralajmërimi për nënshkrimin e protokollit të bashkëpunimit ndërmjet EULEX-it dhe Serbisë ndodh për shkak të mos vendosjes së juridiksionit në gjithë territorin e Kosovës nga ana e Prishtinës zyrtare.

"Pse ndodh marrëveshja, sepse Prishtina zyrtare nuk ka arritur me qenë prezente në veri edhe gjithsesi për këtë ka marrëveshje EULEX -Ministri e Brendshme e Serbisë. A duhet të ndodhë kjo marrëveshje? Natyrisht që jo. Në Kosovë është e nevojshme që Prishtina zyrtare të vendosë juridiksionin e vet në veri, në mënyrë që të mos ketë askush tjetër, jo vetëm nevojë, por as argumente që të shkoj me marrëveshje të tilla", ka thënë Haradinaj.

Sipas kreut të AAK-së, paralajmërimi i nënshkrimit të marrëveshjes ndërmjet EULEX-it dhe Ministrisë së Brendshme së Serbisë ndodhë për shkak se Qeveria e Kosovës nuk ka plan për integrimin e veriut.

"Shpallja e pavarësisë pa një plan për veriun, mos harroni 17 shkurti 2008 nuk ka pasur një plan për veriun, më shumë ka pasur një plan dekorativ, Kush sa do të flas e çka do të thotë edhe prej asaj ditë pasojat janë të njëpasnjëshme. Kam thënë në vazhdimësi më 4 prill po në këtë vend, qe kjo qeveri po i shkakton dëme vendit në integritetin territorial dhe në sovranitetin e vet” ka thënë ai.

Sa i përket mundësisë që institucionet të mos lejojë nënshkrimin e marrëveshjes pa pëlqimin e tyre, Haradinaj tha se udhëheqësit e shtetit të Kosovës do të bëjnë folklorin e zakonshëm, si me rastin e 6 pikëshit.
Telegrafi

EULEX-i i referohet letrës dërguar Solanës


Misioni i Bashkimit Evropian në Kosovë, EULEX, ka konfirmuar se do të nënshkruajë protokollin e bashkëpunimit me policinë e Serbisë, pavarësisht kundërshtimeve të palës shqiptare.

Nëpërmjet një komunikate shtypi, ky mision ka njoftuar se kjo është një marrëveshje që do të nënshkruhet edhe me vende të tjera dhe ka si qëllim të shkëmbehen informacione në nivelin e policisë, pjesë e të cilave do të jetë edhe Policia e Kosovës.

EULEX-i u rikujton palëve se mban disa kompetenca, të cilat janë në pajtueshmëri me fillimin e misionit, sipas një letre që i është dërguar Javier Solanës nga presidenti i Kosovës, në shkurt të vitit 2008.

Por, në presidencë e thonë të kundërtën. Zëdhënësi Xhavit Beqiri ka thënë se sa i përket marrëveshjeve dhe çështjeve, të cilat prekin interesat kruciale të Kosovës, kompetente janë vetëm institucionet e Kosovës.

“Letra që presidenti Sejdiu i ka dërguar BE-së për vendosjen e një misioni të saj në Kosovë ka qenë për mbështetjen që kanë nevojë institucionet nga Bashkim Evropian, në rend të parë për sundimin e ligjit”, ka thënë Beqiri.
Telegrafi

Haziri: Nuk do të bëjmë kompromise në dëm të LDK-së


Nënkryetari i LDK-së, Lutfi Haziri ka thënë se Lidhja Demokratike e Kosovës, në zgjedhje do të garojë si subjekt i vetëm politik. Në një intervistë për të përditshmen “Epoka e Re”, Haziri ka thënë se kjo është “pjesë e besimit në politikën që ne udhëheqim”.

I pyetur nëse LDK-ja do të kishte pranuar të hyjë në zgjedhjet parlamentare, në një aleancë të partive të djathta, me kryetarin e AAK-së, Ramush Haradinaj? – Haziri ka thënë: “Ne konkurrojmë si subjekt politik, i vetëm”.

“Në proceset paszgjedhore ne kemi treguar afinitet për ta ndërtuar shtetin duke bërë kompromise në dëm të LDK-së. Të djathtën, me LDK-në dhe në LDK unë e shoh gjithmonë dhe për këtë do të punoj deri në fund”, ka thënë Haziri.

LDK-ja, sipas Hazirit, për njëzet vjet ka bërë kompromise të mëdha në dëm te vet. “Në të ardhmen nuk kemi ndërmend të vazhdojmë ta dëmtojmë subjektin tonë, besimin e qytetarëve tanë”, është shprehur nënkryetari i LDK-së.

Natyrisht, vijoi ai, që tani boshti ideologjik do të ketë ndikim në ndërtimin e koalicioneve paszgjedhore. Dhe, sipas Hazirit, “do të ketë jashtëzakonisht ndikim”.
Telegrafi

KQZ: Nëse nuk paguhen borxhet, harroni zgjedhjet!


Partitë politike në Kosovë zotohen se brenda afatit ligjor i cili përfundon me 15 shtator, do t'i paguajnë borxhet që i kanë ndaj Komisionit Qendror të Zgjedhjeve, që nga zgjedhjet e kaluara. Drejtuesit e Komisionit Qendror të Zgjedhjeve nga ana tjetër zotohen se nuk do të lëshojnë pe për asnjë subjekt politik i cili ka borxh.

Sipas listës të Komisionit Qendror të Zgjedhjeve, PDK ka borxh 93 mijë euro, LDK 20 mijë euro, AKR 12 mijë euro LDD 8 mijë euro, PDASHK 6 mijë e 300 euro, AAK 5 mijë euro, ORA 4 mijë e 300 euro e kështu me radhë.

Në bazë të ligjit për zgjedhjet në Kosovë afati i fundit për kryerjen e këtyre obligimeve është 60 ditë para mbajtjes së zgjedhjeve. Përfaqësuesit e disa prej partive të cilat kanë borxh deklarojnë se brenda afatit të paraparë ligjor do t'i kryejnë obligimet që i kanë, ndërsa vonesat i arsyetojnë si çështje procedurale dhe teknike.

Borxhe ndaj KQZ-së kanë 14 parti politike 4 kandidatë të pavarur dhe dy iniciativa qytetare. Në mesin e tyre ka edhe parti nga radhët e komuniteteve./rtv21/
Telegrafi

http://www.gazetaexpress.com/images/gexGallery/13457/cache/a_visar.kryeziu-490x320.jpg

Bashkazi në balotazh?

Raundi i dytë i zgjedhjeve lokale mund t’i bashkojë dy partitë e koalicionit qeverisës. PDK dhe LDK ka gjasë ta mbështesin njëra-tjetrën në balotazh, nëse njërës prej tyre i duhet ta vazhdojë betejën. Hashim Thaçi dhe Fatmir Sejdiu po e shqyrtojnë mundësinë për një marrëveshje të tillë.

Lideri i PDK’së Hashim Thaçi dhe ai i LDK’së Fatmir Sejdiu duket se kanë një marrëveshje interne për zgjedhjet lokale të 15 Nëntorit.

Ajo mund të rrjedhë nga Pika III e Marrëveshjes për formimin e Qeverisë së re, e nënshkruar në janar të vitit 2008 nga Thaçi dhe Sejdiu. Burime të Express thonë se dy liderët kryesorë të vendit janë pajtuar që PDK dhe LDK të garojnë ndarazi për zgjedhjet lokale, por nëse njëra parti dështon të hyjë në balotazh, atëherë ajo mbështet parterin që vazhdon të jetë në lojë.

“Kryeministri dhe Presidenti janë pajtuar plotësisht rreth kësaj marrëveshje. Ideja është kjo: ne konkurrojmë ndarazi në fushatë, por nëse, bie fjala, kandidati i LDK’së hyn në balotazh me një kandidat të AAK’së, atëherë PDK mbështet kandidatin e LDK’së. Ose e kundërta”, ka thënë një burim gazetës, i afërt me bisedimet që janë zhvilluar mes Thaçit dhe Sejdiut dy javë më parë.

Gjithnjë sipas këtij versioni, nëse ndodhë që në një komunë kandidati i PDK’së të përballet me atë të LDK’së, atëherë gara nuk ndikohet fare nga partneriteti që kanë këto dy subjekte.

“Në shumicën e komunave pritet që kandidatët e PDK’së të përballen në balotazh me ata të LDK’së. Në këto raste, dy partitë do të zhvillojnë normalisht fushatën e tyre, pavarësisht partneritetit”, ka thënë burimi i Express’it.

Zyrtarisht, PDK dhe LDK nuk japin informacione rreth kësaj marrëveshje. Nënkryetari i PDK’së, Rrustem Mustafa ka thënë të mos jetë në dijeni të një marrëveshjeje të tillë.
“Deri tash nuk jemi të informuar për një marrëveshje të tillë”, ka thënë Mustafa për Express, të hënën.

“Aktualisht nuk ka ndonjë marrëveshje. Kjo çështje do të sqarohet në muajin shtator”, ka shtuar ai.

Zëdhënësi i LDK’së, Vehbi Miftari, ndërkaq, thotë se çështja e marrëveshjeve do të jetë në rend dite atëherë kur të fillojë fushata për raundin e dytë të garës për kryetarë të komunave. “Unë nuk kam asnjë informacion rreth kësaj marrëveshje. LDK do të konkurrojë e vetme në të gjitha komunat dhe natyrisht se do t’i fitojë shumicën prej tyre. Sa për balotazh, kjo çështje do të shtrohet atëherë kur të është koha”, ka thënë Zëdhënësi i LDK’së, në një prononcim për Express.

Për shkak të ruajtjes së stabilitetit qeverisës, PDK dhe LDK, në Marrëveshjen e formimit të Qeverisës së re, kishin precizuar qartë se dy partitë do të garojnë të vetme në zgjedhjet lokale.

“PDK dhe LDK obligohen që në zgjedhjet lokale të radhës në vitin 2009 dhe në zgjedhjet nacionale të radhës të garojnë si të vetme dhe pa ndonjë koalicion paraprak”, thuhet në Pikën III të kësaj marrëveshje.

Marrëveshje mes Thaçit dhe Sejdiut do të ishte një pikë e fortë e LDK’së në zgjedhjet e sivjetme lokale.

Në shumicën prej komunave pritet që kandidatët e PDK’së të përballen me ata të LDK’së, por në ato komuna ku LDK mendohet se do të përballet me kandidatët e ndonjë subjekti tjetër - siç mund të jetë Gjakova apo Peja - atëherë mbështetja e PDK’së do të jetë jashtëzakonisht e rëndësishme.

Po ashtu, kjo marrëveshje do të jetë një ndihmesë e madhe për LDK’në, pasi që ajo do të jetë e sigurt se PDK në asnjë rast nuk do të mbështet kandidatët e Aleancës Kosova e Re që udhëhiqet nga Behgjet Pacolli.
Gazeta expres

[Llapjani_HH]

Kermabon kërkon takime me autoritetet

Kreu i Misionit Evropian për Sundim të Ligjit në Kosovë, Yves de Kermabon ka kërkuar një takim urgjent me presidentin dhe kryeministrin, pas reagimeve të këtyre të fundit lidhur me nënshkrimin e një protokolli bashkëpunimi ndërmjet EULEX-it dhe Serbisë.

I sapokthyer nga pushimet, zoti Kermabon ka lëshuar një deklaratë në të cilën thotë se ka pasur një mori keqkuptimesh dhe keqinterpretimesh lidhur me çështjen e Protokollit për Bashkëpunim Policor që pritet të nënshkruhet ndërmjet EULEX-it dhe Ministrisë së Punëve të Brendshme të Serbisë.

Ai sqaron se EULEX-i nuk ka nënshkruar dhe nuk mund të nënshkruajë çfarëdo lloj protokolli në emër të Kosovës, por si mision teknik për sundimin e ligjit, thotë z.Kermabon, EULEX-i mund të nënshkruajë protokolle vetëm në emër të tij dhe për çështjet që lidhen me sundimin e ligjit, sipas pajtimit të arritur nga 27 vendet anëtare të BE-së.

Shefi i EULEX-it thotë se nënshkrimi i marrëveshjeve për bashkëpunim me ministritë përkatëse të rajonit nuk është e pazakontë, pasi marrëveshje të ngjashme janë nënshkruar edhe më Maqedoninë, Malin e Zi dhe Shqipërinë.

Shefi i misionit evropian thekson se nënshkrimi i marrëveshjeve për bashkëpunim me ministritë përkatëse të rajonit nuk është e pazakontë, pasi marrëveshje të ngjashme janë nënshkruar edhe më Maqedoninë, Malin e Zi dhe Shqipërinë.

“Krimi i organizuar, kontrabanda dhe trafikimi me qenie njerëzore, drogat dhe armët, të gjitha paraqesin krime serioze të cilat mund të zgjidhen vetëm përmes bashkëpunimit rajonal. Në mënyrë që kriminelët të sillen përpara drejtësisë nevojitet të ketë paraqitje dhe shkëmbim të provave në rajon, ndërsa për ta mundësuar këtë nevojitet krijimi i mekanizmave”, thuhet në deklaratën e z.Kermabon.

Sipas tij, autoritetet e Kosovës kanë qenë të informuara për të gjitha bisedimet që janë zhvilluar ndërmjet EULEX-it dhe zyrtarëve në Beograd si dhe do të vazhdojnë të jetë njoftuara për të gjitha hollësitë.

Por udhëheqësit kosovarë kanë thënë se EULEX-i nuk mund të nënshkruajë asnjë marrëveshje me Serbinë në emër të Kosovës dhe pa praninë e Prishtinës, duke nënvizuar se roli i këtij misioni është mbështetja dhe mbikqyrja e institucioneve të vendit e jo zëvendësimi i tyre.

Ndërkohë ministri i Brendshëm serb, Ivica Daçiq, ka deklaruar se teksti i protokollit për bashkëpunim policor në mes të EULEX-it dhe Serbisë është afër përfundimit dhe se së shpejti do të nënshkruhet nga palët.

Sipas tij, nënshkrimi i këtij protokoli do të bëhet mbi bazën e rezolutës 1244 të OKB-së (e cila nuk e njeh pavarësinë e Kosovës) dhe ai është i rëndësishëm për paqen dhe stabilitetin në Kosovë e në pjesë të tjera të Serbisë. Ministri Daqiq ka theksuar se shqiptarët kanë shprehur pakënaqësinë e tyre, meqë nuk do të jenë palë nënshkruese të protokollit.
BBC

Herodes:Për këtë pushtet ka ekzistuar pajtimi që në fillim të misionit të EULEX-it

Zëdhënësja e EULEX-it, Kristiina Herodes, ka përsëritur se EULEX-i ka pushtet ekzekutiv në disa çështje, andaj është i vendosur në nënshkrimin e Protokollit për bashkëpunim me Policinë e Serbisë. Sipas saj, për këtë pushtet ka ekzistuar pajtimi që në fillim të misionit të EULEX-it.

Ndërsa, Koha Ditore ka siguruar letrën e presidentit Sejdiu dërguar Javier Solanës më 17 shkurt 2008, ku fton misionin evropian të vendoset në Kosovë, bazuar në pakon e Ahtisaarit. Letra e presidentit Sejdiu kishte bërë të qartë se EULEX-i do të ketë mandat ekzekutiv, por nuk ka sqaruar se deri ku shkon limiti i përgjegjësive ekzekutive.
KTV

Tirana i përgjigjet Beogradit: Bashkimi i shqiptarëve në kuadër të integrimit


MJ e Shqipërisë reagoi ndaj akuzave të Beogradit për provokime nga kryeministri Berisha, që sipas tyre, cenojnë integritetin territorial të saj. Burime në MPJ, konfirmuan se palës serbe iu kthye menjëherë përgjigjja dhe iu bë e qartë se nuk bëhet fjalë për kurrfarë provokimi ndaj Serbisë. Deklarata vë në dukje se bashkëpunimi mes Republikës së Shqipërisë dhe Republikës së Kosovës, bazohet në respektin e ndërsjellë, i cili vjen natyrshëm dhe ka për yll polar, integrimin evropian.

Kryeministri Sali Berisha dhe qeveria e Republikës së Shqipërisë, janë të vendosur që të ecin përpara me liberalizimin e lëvizjes së lirë të njerëzve dhe mallrave dhe uljen e barrierave, thuhet në notën pasuese të MPJ shqiptare.

Politika e jashtme e Republikës së Shqipërisë, ndjek në politikën e saj të jashtme, në mënyrë konsekuente objektivat e përbashkëta për integrimin euroatlantik të vendit dhe Republikës së Kosovës, thuhet më tej në reagimin zyrtar të MPJ, i cili iu ka mbërritur autoriteteve në Beograd.

Republika e Shqipërisë, beson dhe mbështetet fort në idenë se bashkëpunimi dhe integrimi rajonal, është parakusht për integrimin evropian të vendeve të Ballkanit, është një tjetër pikë e notës zyrtare.

Republika e Shqipërisë, është e hapur për çdo nismë që synon integrimin rajonal dhe në këtë kuptim, ajo ka aplikuar heqje të njëanshme të regjimit të vizave për qytetarët e Republikës së Serbisë, përgjatë sezonit turistik, - thuhet në pikën tjetër të notës zyrtare të qeverisë shqiptare.

Ndërsa evidentohet edhe fakti se në këtë kuadër, me Malin e Zi po aplikohet një pikë e vetme kufitare, duke besuar se lëvizja e lirë e njerëzve, mallrave dhe ideve, është mënyra më e mirë për të ecur drejt integrimit evropian të qytetarëve të rajonit.

Në fund të notës zyrtare të MPJ, nuk harrohet të ftohet edhe Republika e Serbisë, si vend fqinjë, që të bashkëpunohet në drejtimin e liberalizimit të lëvizjes.
RTK

[Llapjani_HH]

Kramer: BE-ja dërgon burokratë në Kosovë

Eksperti për Ballkanin në Universitetin e Vjenës, Helmut Kramer, ka sugjeruar një ribërje të strategjisë së përgjithshme të BE’së për Kosovën, përfshirë atë të EULEX”it. Ai ka thënë për Europën e Lirë se strategjia e BE’së për momentin është shumë kontradiktore.

REL: Zoti Kramer, bazuar në njohjen tuaj, a mund t’i bëni një përshkrim përmbledhës gjendjes aktuale në Kosovë?

HELMUT KRAMER: Gjendja në Kosovë vazhdon të jetë e paqëndrueshme dhe kritike. Kjo vihet re më së shumti në fushën ekonomike e sociale, por edhe në problemet me kriminalitetin. Përveç këtyre, ka një pakënaqësi të thellë të Qeverisë në Prishtinë ndaj politikave të fundit të EULEX-it.

REL: Le të mbetemi tek raportet Qeveri - EULEX. EULEX-i po përpiqet të arrijë marrëveshje me Beogradin rreth bashkëpunimit policor, çfarë është kundërshtuar nga Qeveria, pasi nuk është përfshirë në proces. A besoni se prania evropiane dhe BE-ja në përgjithësi kanë strategji të qartë ndaj Kosovës?

HELMUT KRAMER: Jo, nuk mendoj se kanë. Politika e Bashkimit Evropian në Kosovë është politikë reaguese ndaj atyre që ndodhin dhe që dominohet nga parimi i stabilitetit. Kjo do të thotë që BE-ja është e butë me Serbinë, çfarë është shumë negative për Qeverinë në Prishtinë.

REL: Në këto kushte, çfarë duhet të bëjë Qeveria e Kosovës dhe BE-ja që të ndryshojnë gjendjen?

HELMUT KRAMER: Prishtina zyrtare nuk është shumë aktive. Aty vazhdon të sundojë politika bazuar në idenë se kanë mbështetjen e plotë të Shteteve të Bashkuara. Klasa politike në Kosovë është më shumë e shqetësuar për të siguruar e forcuar zonat e pushtetit dhe ndikimit personal, sesa të ndërmarrë nisma aktive e konstruktive.

REL: Mbetemi tek mënyra e qeverisjes në Kosovë. Në raportin tuaj të pak kohëve më parë thoni se korrupsioni është ndër problemet kyçe. Sipas jush, në çfarë shkalle është i përhapur korrupsioni dhe çfarë kërcënimi paraqet për demokracinë në Kosovë?

HELMUT KRAMER: Korrupsioni është problem thuajse në çdo vend, përfshirë dhe vendet e zhvilluara. Do të kujtoja këtu rastin e Italisë. Në Kosovë, korrupsioni po pengon klasën drejtuese që të orientohet drejt qëllimeve të përbashkëta të shoqërisë dhe të vendit.
Ekzistojnë këtu dhe disa ndikime nga tradita. Tek korrupsioni ndikon dhe mënyra klanore e të menduarit apo e zonave të ndikimit. Është një gjendje vërtet katastrofike.

REL: Përcaktimi katastrofik është një përcaktim i rëndë. A mund ta elaboroni më konkretisht mendimin tuaj?

HELMUT KRAMER: Po. Të zhvillosh një vend si Kosova, që cilësohet si shtet i papërfunduar, ku një pjesë e territorit kontrollohet nga Serbia, është një punë shumë e vështirë. Nëse shtojmë këtu nivelin shumë të ulët të zhvillimit ekonomik dhe perspektivën po ashtu të dobët të këtij zhvillimi, situata bëhet më e qartë. Ekziston nevoja për një politikë realiste nga Qeveria, çfarë nuk po ndodh në realitet.

REL: A shihni ndonjë shpresë në mesin e klasës politike në Kosovë? A ka të tillë që do të sillnin qasje të re në qeverisje dhe në zhvillimin e vendit?

HELMUT KRAMER: Për fat të keq, jam pesimist. Këtu ndikon së tepërmi dhe strategjia e Bashkimit Evropian, e cila për momentin është shumë kontradiktore. Misioni i EULEX-it po përpiqet të zhvillojë rendin dhe ligjin pa pranuar pavarësinë e vendit. Ka dhe shumë elemente të tjera që e bëjnë pamjen të zymtë.

REL: Sipas jush, a ka dëmtuar në ndonjë mënyrë prania ndërkombëtare mënyrën se si është zhvilluar demokracia në Kosovë pas vitit 1999?

HELMUT KRAMER: Nga një anë kemi të bëjmë me një rast të suksesshëm në kuptimin që janë ngritur institucionet politike të pranuara nga popullsia dhe zgjedhjet janë mbajtur rregullisht. Megjithatë, mungon një kulturë politike demokratike dhe aktive.

REL: Përmendët se Kosova është shtet i papërfunduar dhe i ndarë. Cilat janë gjasat që Kosova të shndërrohet në shtet unik?

HELMUT KRAMER: Mendoj se shpresat që të ndodhë një gjë e tillë janë në afat të mesëm apo të gjatë. Është shumë e rëndësishme që Qeveria serbe të pranojë procesin në Kosovë. Bashkimi Evropian ka mundësi që të ushtrojë presion mbi Beogradin, pasi Serbia është shumë e interesuar të anëtarësohet në BE. Kemi të bëjmë me një situatë të vështirë, ku nga një anë kemi pavarësinë e Kosovës dhe nga ana tjetër kemi humbjen e krenarisë serbe. Këtu duhet thënë se Beogradi ka pasur disa suksese në raport me Kosovën. Mbetet të shpresojmë se Beogradi do të zhvillojë një politikë më realiste dhe pragmatike në raport me Kosovën.

REL: A shihni ndonjë sinjal që BE-ja po zhvillon politikë kushtëzuese ndaj Serbisë në raport me qasjen e Beogradit ndaj Kosovës?

HELMUT KRAMER: Jo, nuk e kemi një politikë të tillë. Kjo nuk e ndihmon as Qeverinë në Prishtinë, e cila sheh se ka marrëveshje sekrete mes Beogradit dhe BE-së. Së fundi, kemi përpjekje për marrëveshje në fushën e policisë, çfarë ka rritur shqetësimin e Prishtinës, pasi nuk janë informuar apo këshilluar për një gjë të tillë. Në raportin tonë të para pak javëve themi se duhet të ketë një ribërje të strategjisë evropiane në Kosovë, si ajo e EULEX-it, por dhe strategjia e përgjithshme e BE-së.

REL: Përse nuk po ndodh një gjë e tillë? A është shumë naive politika evropiane, me gjithë faktin që prej dy dekadash është e përfshirë në terren? A nuk ka nxjerrë BE-ja mësime nga përvojat e shkuara, përfshirë dhe atë në Bosnje?

HELMUT KRAMER: Besoj se është e trishtueshme. Këtu do të kujtoja shprehjen se me sa pak mençuri qeveris buldozeri. Diplomatët dhe politikanët përgjegjës janë shumë të shkëputur nga realiteti në Kosovë. Ata, madje, ende besojnë se po e sjellin Ballkanin Perëndimor drejt lirisë dhe demokracisë. Problemi është se ata nuk kanë njohuri për kulturat vendore apo historinë e rajonit. BE-ja po dërgon në terren një klasë burokratësh, që janë në pozitë të privilegjuar atje, por që nuk e kuptojnë pse janë atje dhe nuk e dinë se çfarë po bëjnë.
Gazeta expres

Sulmohet mjeku në QKUK, MSH dënon sulmin


Ministria e Shëndetësisë dhe Qendra Klinike Universitare e Kosovës e kanë dënuar ashpër sulmin që ka ndodhur të mërkurën në Klinikën Interne të QKUK-së, ku internisti dr. Ibrahim Rrudhani, është sulmuar në orar të punës nga dy individë civilë, të cilët dyshohet se janë pjesëtarë të Policisë së Kosovës.

Rasti ka ndodhur të mërkurën në mëngjes dhe në kohën kur mjeku i sulmuar ka qenë në orar të punës, ndërsa QKUK i ka njoftuar për këtë sulm organet e rendit, të cilave u është kaluar rasti.

“Për Ministrinë e Shëndetësisë, janë të papranueshme rastet e kërcënimeve dhe sulmeve fizike ndaj personelit të QKUK-së dhe institucioneve të tjera shëndetësore në vend”, thuhet në reagim.

Ministria e Shëndetësisë ka kërkuar nga organet e rendit që të zbardhin këtë rast dhe rastet e tjera, të sulmeve ndaj mantelbardhëve, duke sjellë para drejtësisë sulmuesit, ndërkohë që nga qytetarët kërkohet që të kenë mirëkuptim dhe respekt për punën dhe dinjitetin e punëtorëve shëndetësor, të cilët brenda kushteve dhe mundësive që kanë po ofrojnë shërbime shëndetësore për të gjithë qytetarët e vendit pa dallim.
Telegrafi

Izraeli i tërbuar nga artikulli i gazetës Suedeze

Zyrtarë Izraelit dhe Suedez u përgjigjen me tërbim të mërkurën ndaj artikullit të gazetës Suedeze Aftonbladet ku thuhej se Izraelitët vrisnin Palestinezët dhe merrnin organet e tyre për trafikim.

Ky artikull i publikuar në të përditshmen më të shitur në Suedi paraqet lidhjen në mes të këtyre të akuzuarve dhe arrestimet e kohës së fundit në SHBA të rabinjëve çifut amerikan për trafikim ilegal të organeve.

Me titullin "Djemtë na u morën për organet e tyre," lajmi bëri bujë në Izrael, ku disa komentues krahasonin këto vrasje me ato për të cilat akuzohen çifutët e Mesjetës nga të Krishterët për vrasjen e fëmijëve të tyre nga ana e çifutëve për gjak.

Shkrimtari i këtij artikulli Donald Bostrom, u bazua në dëshminë e Palestinezëve në Bregun Përendimor dhe në Gazë të cilët i identifikonte vetëm me emrat e tyre të parë. Po ashtu citohet një zëdhënës ushtarak Izraelit i cili mohon akuzat duke thënë se Palestinezët e vrarë nga forcat Izraelite kalojnë nëpër autopsi të rregullta.

Bosrtom gjithashtu shkruan për mungesën e organeve për transplantim në Izrael dhe cekë fushatën e vitit 1992 nga qeveria për rekrutimin e donorëve të rinj.

"Dhe në të njëjtën kohë sa zgjaste kjo fushatë djem të rinj Palestinez zhdukeshin dhe ktheheshin pas disa ditëve në fshatrat e tyre të vdekur me trupat e tyre të prerë e të hapur," shkruan ai.

Zyra e jashtme Izraelite e quajti këtë artikull racist dhe se mund të nxiste krime urrejtjeje dhe se autoritetet duhej të kujdeseshin për këtë gjë.

Ndërsa ambasada Suedeze e quajti artikullin si shokues dhe të tmerrshëm si për Suedezët ashtu edhe për qytetarët izraelit." /forbes.com/
Mesazhi.com

[Llapjani_HH]

Për Kosovën vendosin vetëm institucionet e saj, thonë Sejdiu e Thaçi


Presidenti Fatmir Sejdiu dhe kryeministri Hashim Thaçi deklaruan sot se "vetëm institucionet e Kosovës mund të nënshkruajnë marrëveshje që kanë të bëjnë me Kosovën". Këto komente, krerët shtetërorë i bënë pas takimit me shefin e EULEX-it Iv de Kermabo. Ky i fundit, duke mos precizuar nëse do të nënshkruhet apo jo ky protokoll, ka thënë se “EULEX-i nuk nënshkruan asgjë në emër të Kosovës”.

Nuk ka ndryshim qëndrimi të palëve as pas takimit të të parit të EULEX-it, Iv de Kermabo, presidentin Fatmir Sejdiu dhe kryeministrin Hashim Thaçi. Udhëheqësit e Kosovës i thanë shefit të EULEX-it se ata angazhohen për bashkëpunim të ngushtë me praninë ndërkombëtare në Kosovës, dhe për bashkëpunim me shtet fqinje, por thanë se për Kosovën vendosin institucionet e saj.

“Qëndrimi jonë është i qartë . Do të vazhdojmë bashkëpunimin shumë të thellë në të gjitha proceset, por gjithmonë duke qenë të zotuar për zbatimin e asaj që Kosova është shtet sovran, i pavarur dhe duke zbatuar Kushtetutën dhe ligjet e saj”, tha presidenti Sejdiu.

Ngjashëm është shprehur edhe kryeministri Thaçi. Ai theksoi bashkëpunimin shumë të mirë që ka Kosova me vendet tjera të rajonit por tha se për këtë mungon vullneti i Beogradit.

“ Në asnjë rrethanë Beogradit nuk do t’i jepet hapësirë e as autoritet në territorin e Republikës së Kosoës përmes asnjë mekanizmi qoftë ai vendor apo ndërkombtar. Vendimet për Prishtinën i marrin institucionet e Republikës së Kosovës”, tha kryeministri Thaçi.

Shefi i EULEX-it, Iv de Kermabo tha se ka dallime për sa i përket protokollit të bashkëpunimit me policinë e Serbisë, por ai tha se të gjithë pajtohen se bashkëpunimi rajonal është i rëndësishëm. Mirëpo ai tha se nuk do të anashkalon institucionet e Kosovës .

EULEX-i nuk mund dhe nuk do të nënshkruaj asnjë lloj protokolli në emër të Kosovës. Por po shikojmë për bashkëpunim operacional i cili konkretisht është i ndryshëm nga gjashtë pikshi”, tha Kermabon.

Kermabo nuk dha ndonjë përgjigje të saktë nëse do të nënshkruhet protokolli i bashkëpunimit me Serbinë por shtoi se EULEX-i do të vazhdoj të punoj për të gjetur mënyra që të tejkalohen dallimet, siç u shpreh, në interpretim.
RTK

[Llapjani_HH]

KQZ nuk miraton kërkesën për vendosjen e kamerave në vendvotime


Komisioni Qendror Zgjedhor gjatë rishqyrtimit të vendimit për vendosjen e kamerave nëpër vendvotime përsëri ka vendos kundër. Pro vendosjes ishin LDK, AKR, AAK edhe LDD përderisa kundër ishin PDK, partitë minoritare, si dhe kryetarja e KQZ-së. Ky vendim i KQZ-së është përfundimtarë, ndërsa mbetët të diskutohet edhe njëherë vetëm vendosja e kamerave në Qendrën e numërimit të votave.

Kërkesa e AKR-së për rishqyrtimin e vendimit për vendosjen e kamerave në 3 mijë vend-votime nuk u miratua nga Komisioni Qendror Zgjedhor, theksoi pas takimit kryetarja e komisionit, Nesrin Lushta.

“Ata që u shprehën kundër thanë se ky projekt nuk mund të implementohet sepse është koha e shkurtë, kostoja, pastaj KQZ jo vetëm që vendosë për vendosjen e kamerave ose jo, por duhet edhe vet me implementu...”, ka deklaruar Lushta.

Lushta potencoi se ky vendim është përfundimtar, përderisa do të rishqyrtohet edhe njëherë kërkesa e LDD-së për vendosjen e kamerave vetëm në qendrën e numërimit të votave.

LDD kishte kërkuar që kamerat të vendosen bile edhe në 6 komuna, por as kjo kërkesë nuk u miratua.

Anëtari i KQZ-së nga radhët e AKR-së, Fadil Maloku, theksoi se edhe njëherë u votua kundër transparencës, llogaridhënies dhe përgjegjësisë së këtij institucioni shumë të rëndësishëm, që në zgjedhjet lokale e ka testin e parë.

Ai tregoi se pro ishin LDK, AKR, AAK edhe LDD, apo mbi 50 % e vullnetit të qytetarëve të Kosovës.

Sipas tij, kundër paskan votuar PDK, partitë minoritare si dhe kryetarja Lushta.

Maloku e kritikoi mënyrën e përfaqësimit në KQZ, gjë që sipas tij po pengon në marrjen e vendimeve të rëndësishme.
“Institucioni i KQZ-së buron nga plani i Ahtisarit që ka një defekt shumë të madh, ka hapësirë të madhe të interpretimit, si dhe përfaqësohet nga mbi 40 % minoritete. Kjo është një hendikep, për shkak se kanë me u kontestua shumë vendime në të ardhmen që do të jenë shumë të rëndësishme”, ka thënë Maloku.

Gjatë mbledhjes së sotme, nuk u lejua prania e gazetarëve për të përcjellë diskutimet rreth vendosjes së kamerave. Ky vendim i irritoi gazetarët të cilët u detyruan të pritnin mbi katër orë pa ditur se çka po ndodhë brenda. Por kryetarja Lushta, duke iu përgjigjur pyetjes së gazetarëve lidhur me moslejimin e pjesëmarrjes së tyre në takim, kishte arsyet e veta; “Ishte sepse ishte çështje shumë sensitive, vetëm për këtë.., ju lutem mos e ngritni zërin”, ka thënë Lushta.

Zgjedhjet lokale në Kosovë janë paraparë të mbahen me 15 nëntor të këtij viti.
RTK

Gjilan: Xhandarmeria serbe sërish provokon banorët e brezit kufitar


Banorët e komunës së Gjilanit, të brezit kufitar me Serbinë, janë provokuar sërish nga xhandarmëria serbe. Ata kanë shprehur sot shqetësimin e tyre te Bujar Nevzadi, kryesuesi i kuvendit komunal. “Xhandarmëria serbe që ishin me dy lloj uniformash nuk më kanë lejuar të shkoj në shtëpinë time, ku kanë jetuar babë e babagjysh,”, ka treguar Pajazit Zahiri, nga lagja e Zahirjave të fshatit Sllubicë.

“Autoritet komunale së bashku me ato policore dhe me KFOR-in do të rishikojnë provokimet e shpeshtuara në brezin kufitar”, ka thënë Bujar Nevzadi, kryesuesi i kuvendit Komunal të Gjilanit, pas ankesave të sotme të qytetarëve.
RTK

Ivanov, asnje plan per te vizituar Kosoven

Presidenti i Maqedonise, Gjorgje Ivanov nuk ka ndermend te vizitoje Kosoven ne muajt e ardhshem.

gjate publikimit te axhendes se tij per 100 ditet e para te marrjes se detyres, Ivanov nuk e ka permendur fare Kosoven.

Kreu i shtetit maqedonas do te vizitoje Gjermanine, si vend me peshe ne radhet e BE-se, si dhe Shtetet e Bashkuara, ku do te marre pjese ne Asamblene e Pergjithshme te OKB-se.

Ne axhende parashikohen edhe vizita ne vende te tjera, por Kosova nuk shfaqet ne asnje pike te saj, pavaresisht premtimit qe iu be presidentit Sejdiu gjate vizites se tij ne Shkup./top-channel/
Mesazhi.com

Trepça, e ndarë me letra

Auditori Gjeneral nuk ka pasur qasje në raportet e Trepçës në pjesën veriore të Kosovës. Mungesa e tyre ka bërë që edhe auditimi të jetë i mangët.

Auditori Gjeneral ka pasur problem të auditojë raportet financiare të kompleksit Trepça gjatë vitit të kaluar. Ai nuk ka mundur te sigurojë raportet financiare dhe ato për mjetet e shfrytëzuara nga buxheti i Kosovës. Por, edhe këto pak raporte i kanë mjaftuar të konstatojë një varg parregullsish, pasi që ajo nuk ka një sistem informativ kontabël, nuk ka hartuar politika të kontabilitetit si dhe i mungojnë shpalosjet për pasqyrat financiare.

Mirëpo, zyrtarët e kompleksit arsyetohen se Trepça është vetëm juridikisht një entitet, praktikisht është e ndarë. Çdo tentim i krijimit të një sistemi unik informative ka qenë i pamundur. Kjo është ashpërsuar edhe me tepër pas 17 shkurtit, kur menaxhmenti i pjesës veriore pothuajse ka ndërprerë kontaktet me atë të pjesës jugore dhe me AKM-në, respektivisht AKP-në.

Auditori ka konstatuar se Miniera në Stan Tërg nuk ka kontroll të brendshëm të mirë për komunikim mes njësisë punuese dhe Departamentit të Financave të kompleksit. Të hyrat nuk janë të harmonizuara.

Në gjysmën e parë të vitit, “Trepça” ka pasur të hyra afër 5,5 milionë euro, prej të cilave rreth 2,5 milionë euro janë realizuar nga shitja e koncentrateve dhe qiratë, kurse gati tre milionë euro kanë ardhur nga buxheti i Kosovës. Por, nuk dihet se çfarë ka ndodhur në veri.

Pensione të parakohshme kanë marrë 1.516 veta në një shumë totale mbi 274 mijë eurosh. Por, auditori ka evidentuar disa persona që në emër të pensioneve nga “Trepça” marrin 30, euro nga Ministria e Punës dhe e Mirëqenies Sociale 50 euro dhe njëherë janë të punësuar në institucionet e tjera publike.

Shkrimin e plotë mund ta lexoni në gazetën Express...
Gazeta expres

[Llapjani_HH]

Shoferi i pazareve

Agim Ahmeti është shoferi i Kryetarit të Gjykatës së Qarkut në Prishtinë, Anton Nokaj. Ky njeri, i cili pohon se është lidhja më e mirë me Nokajn, ka mundur të hapë rrugë për në Gjykatë. Express ka siguruar një video dëshmi, në të cilën Agim Ahmeti negocion kthimin e 60 mijë eurove që ua kishte marrë disa personave, por të cilëve nuk u kishte kryer punë. Kjo dëshmi skandaloze implikon edhe vetë Anton Nokajn.

Në provat dhe dokumentet që posedon Express, Anton Nokaj bashkë me shoferin e tij, Agim Ahmeti, duket të jetë i përfshirë në pazarllëqe të mëdha. Krejt kjo duke premtuar nxjerrjen e vendimeve gjyqësore sipas porosisë së klientit, respektivisht kundrejt pagesës së bërë nga ana e vetë klientit.

“Në gjykatë kryhen punët në dy mënyra, ja me të njohshëm ja me pare”, pohon Agim Ahmeti në bisedë me disa persona.

Kjo bisedë është e filmuar. Në pikë të natës, Ahmeti bën pazare dhe mundohet të iu arsyetohet personave që kanë dhënë para për kryerjen e një pune në gjykatë e paratë nuk u janë kthyer. Gjatë një ore të qëndrimit të tij në një lokal në njërin nga qytetet e Kosovës, ai mundohet të arsyetohet, ndërsa veten e prezanton si personin kryesor që mund të kryejë punë në Gjykatën e Qarkut në Prishtinë.

Jo vetëm si një punëtor i thjeshtë që në fakt ka qenë vozitës, por Agim Ahmeti te personat tjerë jashtë gjykatës është paraqitur si njëri me nam, gjithnjë duke përmendur kryetarin e gjykatës Anton Nokajn.

“Lidhje ma të fortë se unë për Anton Nokaj nuk ka...”, thotë Agim Ahmeti në incizimin qe e posedon Express.

Incizimi mendohet të jetë bërë tetë muaj pas marrjes së një shume të majme parash nga ana e Agim Ahmetit. Ky i fundit u kishte premtuar disa personave që do t’u kryente punë në gjykatë në rast se ata do ia jepnin 60 mijë euro para hua për biznes dhe në emër të Anton Nokajt.

Meqë nuk kishte kryer punë, ata kishin kërkuar që t’u kthehen të hollat.

Ahmeti 40 mijë ua kishte kthyer herë pas here dhe atë jo para, por të kompensuara në material ndërtimor në vlerë të atyre parave. Gjatë incizimit kuptohet se edhe materialin ndërtimor të kthyer në shenjë borxhi e ka marrë te dy firma të ndryshme, tek njëra beton e tek tjetra blloka dhe krejt kjo në formë kompensimi për kryerjen e punëve në gjykatë.

Agimi në këtë takim zotohet se ai dhe kryetari Anton Nokajn kanë persona që kryejnë punë edhe në Gjykatën Supreme të Kosovës.

“Atje ja çojna landën ni gjyqtarit që e njohim edhe kryhet puna”, thotë më tej ai, duke përmendur edhe emrin e kryetarit të Shoqatës së Gjyqtarëve të Kosovës, Ymer Huruglicës si lidhje të tyre. Po ashtu edhe Huruglica është nën hetime.

“Unë sot fola me Ymerin edhe ai më tha që kryhet puna”, thotë më tej Agimi.

Tërë ky incizim është në fazën e transkriptimit, ndërsa do t’i dërgohet kryeprokurorit të EULEX-it, Thoe Jakobs dhe atë me dy kushte.

Kushti i parë është që këtë rast ta hetojë prokuroria e EULEX-it për shkak se të dëmtuarit nuk kanë besim te vendorët, duke u bazuar në ndikimin që e ka Anton Nokaj. Kushti i dytë ndërkaq është që t’u ofrohet imunitet të dëmtuarve të këtij rasti. Konform ligjit, personat që ofrojnë ryshfet duhen të arrestohen, mirëpo personat në këtë rast kanë kërkuar imunitet në kompensim të shpalimit të një pjese të marrëzirave që bëhen në gjykatat tona.

Me gjithë përpjekjet e Express, Anton Nokaj ka zgjedhur shmangien e hapjes se telefonit. Ndonëse në pushim vjetor, ai vazhdon të jetë përditë në Gjykatën e Qarkut në Prishtinë e jo në shtëpinë e tij, materialin e së cilës dyshohet se e ka marrë te persona të ndryshëm në kompensim të zgjidhjes së çështjeve gjyqësore.

Anton Nokaj mbanë pozitën e kryetarit të Gjykatës në disa vitet e fundit. Nga kjo gjykatë në Kosovën e pasluftës janë suspenduar katër gjyqtarë për shkak të shkeljeve të ndryshme ligjore. Një nga gjyqtarët, Ekrem Agushi, ndërkaq është i akuzuar nga Prokuroria e Prizrenit. Një tjetër gjyqtar i Gjykatës së Qarkut në Prishtinë ka dhënë dorëheqje për shkak se nuk e ka kaluar testin e etikës në kuadër të procesit të riemërimit. Edhe tre punëtorë të tjerë të Gjykatës janë suspenduar nga Gjykata e Qarkut në Prishtinë që nga koha kur këtë gjykatë e udhëheq Anton Nokaj.

Ndonëse nën hetime, Nokaj vazhdon punën në gjykatë. Ai nuk e ka komoditetin e deritashëm për shkak se më 17 gusht i është paraburgosur vozitësi Agim Ahmeti, pasi që ka kërcënuar me armë gruan e tij. Për këtë arsye, policia e ka bastisur shtëpinë dhe veturën zyrtare që e ka vozitur Agim Ahmeti. Këtë veturë në fakt në shumicën e kohës e vozit vetë Nokaj. Në të policia nuk ka gjetur armë, por, sipas burimeve të Express, janë gjetur gjashtë tonerë të printerit, tre nga ta të zbraztë e tre të plotë. Askush në Gjykatë nuk ka shpjegim se çfarë i janë nevojitur.

Për Agim Ahmetin kjo nuk është hera e parë që arrestohet. Kryeprokurori i Prokurorisë Komunale në Prishtinë konfirmoi për Express se Agim Ahmeti qe arrestuar për shkak se nuk e kishte lëshuar një pronë që ishte privatizuar. Ahmeti, sipas Lumezit, nuk e kishte lëshuar një pronë me arsyetimin se “jam shofer i Anton Nokajt dhe nuk ka kush çka më bon”.

Prokuroria nuk ka të dhëna më shumë rreth këtij arrestimi, duke u arsyetuar me faktin se Ahmeti është liruar sa ka qenë në polici dhe si e tillë lënda nuk ka ardhur në Prokurori Komunale.

Por, as policia në data-bazën e saj nuk ka të dhëna nëse Ahmeti është arrestuar më herët.

Sido që të jetë, ai është në paraburgim të caktuar deri më 17 shtator të këtij viti, derisa për shefin e tij, Anton Nokajn, policia është duke grumbulluar informata nga shumë pista hetimesh.
Gazeta expres

[Llapjani_HH]

Punimet në Kroin e Vitakut nisin me përleshje


Pesë punëtorë shqiptarë dhe dy protestues serbë janë lënduar sot nga hedhjet e gurëve në lagjen Kroi i Vitakut, derisa banorët shqiptarë po tentonin të rifillonin punimet në shtëpitë e tyre.

Zëdhënësi i policisë në Mitrovicë, Sami Mehmeti, ka bërë të ditur se punimet për rindërtimin e shtëpive në këtë lagje shqiptare në veri të Mitrovicës kishin nisur rreth orës 9. “Në ndërkohë në njërën anë janë mbledhur rreth 100 protestues të nacionalitetit serb, të cilët kanë kundërshtuar rifillimin e punimeve dhe në anën tjetër rreth 20 punëtore shqiptarë që kanë punuar në këto shtëpi”.

Policia ka vendosur kordonin policor për të mos ardhur deri te kontakti fizik ndërmjet protestuesve dhe rreth 20 punëtorëve palëve, të cilat kanë filluar të hedhin gurë në njëra-tjetrën.

Kanë intervenuar njësitet speciale të EULEX-it, të cilat kanë përdorur gaz lotsjellës për të shpërndarë protestuesit dhe shume shpejt situata është vënë nën kontroll.

Rreth orës 10 është gjuajtur një mjet shpërthyes në këtë lokacion dhe janë dëgjuar të shtëna nga armë zjarri.

Në këtë incident nga hedhja e gurëve, lëndime të lehta kanë marrë 5 punëtore shqiptarë dhe 2 protestues serbë.

Rreth mesditës, raportohet se situata është e qetë dhe se punimet në rindërtimin e shtëpive po vazhdojnë pa problem.

Rinisin punimet

Puna për ndërtimin e shtëpive të shqiptarëve në lagjen Kroi i Vitakut do të rikthehet përsëri të martën, pas stopimit të tyre për shkak të treagjedisë që kishte ndodhur në Suhodoll. Kështu është vendosur në takimin e Komitetit për Siguri që është mbajtur të hënën.

Me këtë rast, kryetari i Mitrovicës, Bajram Rexhepi thotë se procesi i rindërtimit të shtëpive nuk është proces politik dhe atij nuk duhet t’i jepen konotacione të tilla.

”Serbët janë duke punuar pa asnjë problem që kur kanë filluar, andaj edhe shqiptarët duhet të punojnë po ashtu, kudo qoftë. Nëse dikush për motive politike të papranueshme do që ky proces të pengohet, që të ngrihen tensionet apo të shkaktohen trazira, atëherë ndaj atyre policia e Kosovës, ajo e EULEX-it dhe KFOR-i, duhet të ndërmarrin masa energjike, në mënyrë që punët të mos ndërpriten për asnjë çast”, shton ai.

Në këtë takim u vlerësua se situata e qetë dy javët e fundit i ka kontribuar vazhdimit të procesit të rindërtimit të shtëpive në këtë lagje.

Kryetari Rexhepi përsëriti se në qershor ishte arritur një marrëveshje midis përfaqësuesve të komunës dhe atyre ndërkombëtarë, që rindërtimi i shtëpive të shkatërruara gjatë luftës të fillojë pa asnjë procedurë tjetër, përkatësisht pa leje tjetër të ndërtimit.

Ndërsa që për objektet e reja, sikur që janë ato që po i ndërtojnë serbët, të merret leja nga organet përkatëse. Ai thotë se komuna ka qenë e obliguar të bëjë vetëm një informatë, ku do të shihej se cilat shtëpi do të fillojnë të rindërtohen dhe ajo t’u dorëzohet të gjithëve, duke përfshirë këtu edhe KFOR-in dhe EULEX-in.

Më parë, serbët dhe UNMIK-u kishin penguar vazhdimisht meremetimin e shtëpive të shqiptarëve në veri të Mitrovicës. Në të njëjtën kohë, UNMIK-u kishte ndihmuar serbët në ndërtimin e objekteve kolektive në vendet me shumicë shqiptare.

Por, edhe tragjedia, e cila mori jetën e tre fëmijëve në lagjen Suhodoll të Mitrovicës, kishte ndikuar që punimet të zvarriten për një kohë të shkurtër. Shtëpitë e ndërtuara për disa familje shqiptare në këtë lagje thuajse kanë përfunduar. Përveç tyre, me ndihmën e Komunës dhe të Qeverisë së Kosovës po ndërtohen edhe shumë shtëpi të tjera, të cilat shpejt priten të përfundojnë.

Tani kur të gjithë duket se kanë filluar të binden se kthimi i të zhvendosurve në shtëpitë e tyre është i mundshëm, banorët e kësaj lagjeje kërkojnë që edhe shtëpitë e tyre të rinovohen apo të rindërtohen. Ata synojnë kodrën përballë kalasë së qytetit të minatorëve.

Para luftës, aty kanë jetuar më shumë se 95 familje shqiptare. Një pjesë e këtyre familjeve ndihmojnë në ndërtimin e shtëpive të fqinjëve të tyre, derisa nga distanca shikojnë gërmadhat e shtëpive të tyre me shpresë që një ditë edhe ato të rindërtohen.

Sipas banorëve të kësaj lagjeje, shtëpitë e shqiptarëve që kanë mbetur deri më tash të pashitura janë 124 sosh dhe të gjithë ata presin të kthehen në pronat e veta.

Nëse ky numër llogaritet me banorë, atëherë del se rreth 1 mijë e 300 shqiptarë presin të kthehen në lagjen Kroi i Vitakut, përkatësisht në shtëpitë dhe pronat e tyre. Ndërtimi i gjashtë shtëpive të para në përgjithësi ka kapur vlerën e 148 mijë e 999 eurove dhe kontrata ishte që ato të përfundojnë brenda 60 ditësh.
Gazeta expres

S’ka vendvotime për shqiptarët në veri

Ramadan Kelmendi, kryetar i Degës së LDD-së në Mitrovicë, ka reaguar ndaj vendimin e komisionit komunal të zgjedhjeve 2009 për pushtet lokal me rastin e përcaktimit të qendrave të votimit dhe të vendvotimeve, duke konsideruar se Mitrovica si qytet dhe në veçanti qytetaret shqiptarë si shumicë që nga paslufta e këndej po përjetojnë dëmet e diskriminimit më të madh në të gjitha segmentet e jetës politike, ekonomike, shëndetësore, arsimore, sportive, kulturore, fetare etj.

Komisioni Komunal Zgjedhor i Mitrovicës, ka propozuar 17 qendra votuese me 100 vendvotime në Mitrovicë. “Më këtë propozim nuk është parapare fare qendra votimi dhe vendvotime në Mitrovicën veriore, pothuajse kjo pjesë e qytetit përtej lumit Ibër nuk është pjesë e Republikës së Kosovës, duke paragjykuar se atje fare nuk ka shqiptarë, gjegjësisht në mënyrë të vetëdijshme pranon pushtetin lokal serb të dalë nga zgjedhjet e Serbisë, pranon ndarjen e qytetit dhe pranon se as KQZ dhe as KKZ nuk e shtrijnë pushtetin në tërë Republikën e Kosovës”, thotë Kelmendi.

Ai shton se Komisioni Komunal zgjedhor duhet ta dijë fortë mirë se në Mitrovicën veriore kanë ekzistuar dhe duhet të ekzistojnë Qendrat e Votimit dhe vendvotimet në Ibër (Lagjia e Boshnjakëve) dhe “Kodrën e Minatorëve”, “Kroi i Vitakut” dhe në Qendrën tek ish Stacioni Policor.
Gazeta expres

44 shtëpi për ashkalinj http://www.kosova.de/forum/images/smilies/mad.gif

“Kryeqendra” e ashkalinjve të Kosovës, fshati Dubravë i komunës së Ferizajt, do të bëhet me 39 shtëpi të reja. Nga projekti që përfshinë 44 shtëpi të reja për komunitetin e ashkalinjve, në vlerë prej 440 mijë eurove, 5 shtëpi do të ndërtohen në qytetin e Ferizajt.

Ky është projekti më i madh për këtë komunitet. “Dje është nënshkruar memorandumi i mirëkuptimit ndërmjet Zyrës së Kryeministrit, Ministrisë për Kthim dhe asaj për Mirëqenie Sociale. Neve na mbetet vetëm ta rregullojmë dokumentacionin për këto 44 shtëpi”, tha për “Express”, Rexhep Bajrami, zëvendëskryesues i Kuvendit Komunal të Ferizajt, njëherazi kryetar i Degës PDAK-së në Ferizaj.

Meritën për realizimin e këtij projekti kaq të madh, Bajrami ia ka faturuar deputetes së PDAK-së në Parlamentin e Kosovës, Hafize Hajdinit, e cila vjen nga fshati Dubravë.

“Deri tash asnjë deputet nga komuniteti ynë nuk është angazhuar kështu si deputetja Hajdini, e cila ka kohë që vrapon pas këtij projekti”, ka thënë Bajrami.

Ndërsa vetë Bajrami është angazhuar që t’i bëhet shtëpia edhe Bekim Berishës në lagjen “Halit Ibishi”, në Ferizaj. “Ndërtimin e kësaj shtëpie në lagjen e ashkalinjve, ku asnjëherë nuk është investuar asgjë, do ta ndihmojnë Zyra e Kryeministrit, Kuvendi Komunal i Ferizajt dhe CFD”, ka thënë kryetari i PDAK-së për Ferizaj.

Me këtë projekt të madh, lideri i ashkalinjve të Ferizajt, Rexhep Bajrami, beson se do të zhduken ato pamje tmerruese të banimit në fshatin Dubravë, ku njerëzit jetojnë të pambrojtur nga era dhe shiu.
Gazeta expres

T'lumtë qeveria e Kosovës.
Përderisa ka shumë familje Shqiptare që nuk kan kulm mbi krye, e nuk din si ti ushqejn fëmijët e tyre ju u ndërtoni shtëpia magjupve bashkpuntorve të shkiev, që kan vra e pre Shqiptar.
Pse vall deri më tani kurr nuk ju ndërtuat Shqiptarëve shtëpia?
Vetëm përpara qeveria e vllazrim bashkimit me shkie e magjup.

[Llapjani_HH]

Protokolli, sebep i protestës së “Vetëvendosjes”

Aktivistë të Lëvizjes “Vetëvendosje” kanë ndërmarrë sot një “aksion simbolik” duke përmbysur dhe dëmtuar rreth 30 vetura të EULEX-it, të parkuara prapa Pallatit të Rinisë.

Disa prej veturave të Misionit të Bashkimit Evropian për Drejtësi dhe Sundim të Ligjit janë rrokullisur, disa të tjerave u janë thyer xhamat dhe u janë shfryrë gomat.

Policia ka shoqëruar në stacion policor 22 aktivistë të kësaj organizate.

Aksioni pa dyshim më seriozi kundër EULEX-it, që prej vendosjes së këtij misioni në tetor të vjetëm, vjen në kohën kur Yves de Kermabon, ka paralajmëruar nënshkrimin e një protokolli bashkëpunimi policor me Beogradin.

“Protokolli ka qenë sebep i protestës së sotme, por problemi kryesor është mandati i EULEX-it...”, i tha Express-it, Glauk Konjufca, një nga drejtuesit e “Vetëvendosjes”.

Sipas tij, protokolli është pasojë e thellimit të bashkëpunimit të EULEX-it me Serbinë. “Pasojë e mandatit të EULEX-it, i cili ka zbarkuar në Kosovë duke i pranuar tri kushtet e Serbisë: që të veprojë sipas rezolutës 1244, të mos pranohet Pakoja e Ahtisaarit, por plani 6-pikësh (në territoret serbe) dhe të jetë neutral ndaj statusit”.

Por Konjufca thotë se EULEX-i madje nuk është as neutral ndaj statusit. “Në protokollin policor EULEX-Serbi, kufiri Kosovë-Serbi quhet ‘kufi administrativ, e jo kufi ndërshtetëror’”.

Drejtuesit e "Vetëvendosjes" thonë se mandati i EULEX-it nuk ndryshon shumë nga ai që ka pasur UNMIK-u. Sipas Konjufcës, edhe EULEX-i është nën ombrellën e OKB-së dhe po e vazhdon mandatin e UNMIK-ut. “EULEX-i ndoshta investon më shumë në imazh por me u dok më i mirë, por 90 për qind është i njëjtë me UNMIK-un”.

Konjufca tha se policia po vazhdonte t’i ndiqte aktivistët e tyre për t’i arrestuar, duke mos i kursyer as disa të lënduar që kanë ndihmë në Emergjencën e QKUK-së. “Policia i ka konfiskuar disa aparate fotografike dhe në bazë të tyre po i kërkon për t’i arrestuar artistët tanë”.

“Vetëvendosja” thotë se disa aktivistë janë lënduar gjatë aksionit. “Ky intervenim i policisë la të lënduar aktivistin Skender Blakaj nga Burimi, i cili është dërguar në klinikën emergjente në QKUK-së, ku po qëndron policia në pritje për ta arrestuar. Aktivistët e Lëvizjes Dardan Molliqaj dhe Fatmir Haziri janë rrahur keq nga policët gjatë rrugës për në staconin policor dhe brenda tij. Fatmir Haziri është rrahur nga polici me numër 8062. Po ashtu është rrahur edhe aktivisti Kujtim Kosumi nga polici me numër 8676, si dhe aktivisti Salih Mehmeti nga polici me numër 8272”, thuhet në një komunikatë të lëshuar pas aksionit nga “Vetëvendosja”.

Agron Borovci, zëdhënës i Policisë së Kosovës për Prishtinë, konfirmoi se rreth orës 11, policia ka marrë informatën se në parkingun prapa Pallatit të Rinisë disa pjesëtarë të lëvizjes “Vetëvendosje” kanë filluar dëmtimin e veturave të EULEX-it. "Policia ka dalë në vendin e ngjarjes dhe ka konstatuar se bëhet fjalë për dëmtimin e 28 veturave, prej tyre 22 kanë qenë të rrotulluara", tha ai.

EULEX-i, nëpërmes një deklarate për shtyp, ka dënuar ashpër veprimin e ndërmarrë sot në qendër të Prishtinës ku u dëmtuan një numër makinash të EULEX-it.

EULEX-i ka lavdëruar përgjigjen e shpejtë dhe efikase të Policisë së Kosovës. “Ndërkohë që EULEX-i mbështet idenë e protestave paqësore si një element i rëndësishëm në cilëndo shoqëri demokratike, shkaktimi i dëmit kriminal nuk i çon përpara interesat apo argumentet e cilitdo prej protestuesve të tillë”, thuhet në deklaratën e EULEX-it.

Aktivistët e arrestuar:
Salih Zyba, Ramadan Veliu, Naser Shatri, Frashër Krasniqi, Dardan Molliqaj, Kujtim Kosumi, Salih Mehmeti, Fatmir Haziri, Asdren Peci, Arbër Nuredini, Kasim Uka, Bujar Voca, Rron Gjinovci, Faruk Daka, Skënder Mërtyri, Flamur Arifi, Pajtim Demaj, Lirim Gashi, Fatmir Kurti, Kushtrim Zeqiri, Arbër Vokrri, Skender Blakaj.
Gazeta expres

Hesht Nokaj

Kryetari i Gjykatës, ku dënohen krimet më të rënda në Kosovë, Anton Nokaj, është duke u hetuar për shumë vepra penale. Dosjes së tij i është shtuar edhe arrestimi i shoferit të tij, i cili dyshohet se bashkë me shefin kanë bërë dallavere. Por, këto ngjarje nuk ia kanë prishur fare pushimet verore Nokajt. Ai vazhdon të heshtë për akuzat që e ngarkojnë.

Kryetari i Gjykatës së Qarkut në Prishtinë, Anton Nokaj është duke i vazhduar pushimet verore, pa drojën se mund të prangoset apo të përballet me drejtësinë për veprimet që dyshohet se i ka kryer.

Duke përfituar nga ngathtësia e sistemit të drejtësisë në Kosovë, Nokaj ka ndërmend t’i vazhdojë pushimet verore. “Jam në pushim dhe kur të kthehem do të flas për këtë çështje”, ka thënë Nokaj.

Një ditë më parë Express publikoi transkripte të një videoje, ku shoferi i Anton Nokajt, Agim Ahmeti bën pazare me disa persona për t`iu rregulluar punët në gjykatë. Ai vetën e cilëson si njeriun e vetëm që mund të kryejë punë në gjykatën, ku dënohen krimet më të rënda në Kosovë. Për dallim prej shefit të tij, Ahmeti tashmë gjendet në paraburgim pasi ka kërcënuar gruan e tij.

Sidoqoftë, as hetimet e zhvilluara kohë më parë në adresë të Nokajt nga Prokuroria e Kosovës e më pas nga ajo e Prizrenit nuk e kanë shty të mendojë të largohet nga pozita që e mbanë.

Ndërsa përgjegjësi kryesor për ngritjen e aktakuzave në Kosovë, kryeprokurori, Hilmi Zhitia nuk ka dashur të flasë për rastin Nokaj, ndonëse ai ishte pjesë e ekipit që ka punuar në përgatitjen e dosjes për kryetarin Nokaj.

“Nuk flas për këtë rast”, ka thënë Zhitia shkurt.

Kryeprokurori i Kosovës, Hilmi Zhitia ka kompletuar dosjen e Nokajt dhe e ka dërguar në Prokurorinë e Prizrenit, e cila është duke hetuar veprimet e Nokajt.

Këto hetime janë duke u zhvilluar nën dyshimin se ai ka prishur një vendim të Kolegjit të Gjykatës së Qarkut dhe krye në veti kishte marrë vendim të ri për lirimin e një biznesmeni.

Por, të bëmat e Nokajt nuk përfundojnë me kaq. Ai para disa muajsh ka kërkuar rikthimin e kompetencave të UNMIK`ut në sferën e drejtësisë. Kjo ide ishte kundërshtuar ashpër nga ministrja e Drejtësisë, Nekibe Kelmendi, e cila e pati thënë se rikthimi i kompetencave nga vendorët tek UNMIK`u është njësoj sikur kthimi nën kompetencat e Beogradit.

Por, Nokaj ka shpresuar se rikthimi i kompetencave të drejtësisë nën autoritetin e UNMIK`ut mund ta shpëtojë atë nga veprimet që dyshohet se i ka kryer.

Gjykata e Qarkut në Prishtinë, kryetar i së cilës është Anton Nokaj, është kompetente të gjykojë në shkallën e parë dhe për veprat penale për të cilat parashihet të paktën pesë vjet burgim. Po ashtu kjo gjykatë vendos edhe për ankesat kundër vendimeve të gjykatave komunale. Këto janë ndër kompetencat kryesore të Gjykatës së Qarkut, e cila ka nën kompetencë pothuaj se gjysmën e popullsisë së Kosovës, nëse kemi parasysh Prishtinën me mbi gjysmë milioni banorë, pastaj komunën e Podujevës, Fushë-Kosovës, Obiliqit, Lipjanit, Drenasit, Ferizajt, Shtimes, Kaçanikut dhe Hanit të Elezit.
Gazeta expres

Buçkovski kritikon politikën e Shkupit ndaj Kosovës

Ish-kryeministri i Maqedonisë, Vllado Buçkovski, e ka kritikuar qëndrimin e presidentit e të qeverisë së vendit të tij lidhur me vendosjen e marrëdhënieve diplomatike me Kosovën.

Ai e ka cilësuar politikën e Shkupit si "një lojë që po zhvillohet prapa kuintave mes Maqedonisë e Serbisë".

"Unë nuk mund të kuptoj cila është politika e Maqedonisë ndaj shtetit të Kosovës. Përmirësimi i marrëdhënieve me Beogradin më bën të mendoj se në prapa skenë zhvillohen disa lojëra serbo-maqedonas", ka thënë Buçkovski.

Ky reagim i ish-kryeministrit maqedonas vjen pas deklaratës së Presidencës së Maqedonisë se marrëdhëniet diplomatike me Prishtinën nuk do të vendosen para përfundimit të procesit të demarkacionit të kufirit midis dy vendeve.

Edhe deputeti i partisë Demokracia e Re, Abedin Zyberi, e ka kritikuar Qeverinë e Maqedonisë lidhur me qëndrimin e saj ndaj Kosovës. /QIK/
Mesazhi.com

[Llapjani_HH]

Kush janë ultranacionalistët antishqiptar përreth Gruevskit


Urrejta ndëretnike e manifestuar nga një pjesë e politikanëve maqedonas vjen kryesisht nga klani i organizuar përreth kryeministrit Gruevski.

Janë shumë emra të njohur si ultranacionalist sllavomaqedonas, akademikë dhe personalitete të tjera politika me dosje të dyshimta, që tani për tani i mban gjallë Nikolla Gruevski, duke i përfshirë në ekipin e ngushtë të bashkëpunëtorëve dhe duke qenë hartues të skenareve të ndryshme që po ekzekutohen sot në mënyrë institucionale

Urrejta ndëretnike e manifestuar nga një pjesë e politikanëve maqedonas vjen kryesisht nga klani i organizuar përreth kryeministrit Nikolla Gruevski, i cili ka tubuar rreth vetes të gjitha rrymat nacionaliste.

Opinioni maqedonas është i njohur për veprimet dhe skenaret që po kanë involvuar figura deri tani të margjinalizuara në demokracinë postranzicionale, të cilët tanimë janë zgjuar dhe ngritur në këmbë me ndihmën e Gruevskit. Janë shumë emra të njohur si ultranacionalist sllavomaqedonas, akademikë dhe personalitete të tjera me dosje të dyshimta, që tani për tani i mban gjallë Gruevski.

Todor Petrov nga Kongresi Botëror Maqedonas (KBM), Vanço Shehtanski nga TMRO, akademikët Bllazhe Ristevski, Tito Beliçanec, Gjorgje Marjanoviç, bashkëpunëtori i ish-kryekriminelit serb Lubisav Ivanov-Cingo, etj, janë emrat e njohur për vite me radhë që kanë shprehur doza antishqiptare dhe skenare të errëta ultranacionaliste, por me teza antishqiptare, të cilat po ekzekutohen dhe realizohen edhe në planin institucional.

KBM e udhëhequr nga Petrov ishte një nga organizatorët e nismës së referendumit kundër ndarjes territoriale, kundër Marrëveshjes së Ohrit por edhe kundër të gjitha projekteve të tjera antishqiptare, që ishin kurdisur nga kjo organizatë, e cila tashmë qëndron tejet e afërt me kryeministrin Gruevski. Poashtu edhe TMRO një organizatë e shëndrruar në parti ultranacionaliste është pjesë e koalicionit dhe drejtuesi i saj është një zyrtar i lartë qeveritar. Shehtanski është pjesë e grupit udhëheqës të „Komitëve", të cilët sulmuan nëpër shtëpitë e tyre banorët shqiptarë të lagjes së Nerezit.

Kjo parti disa herë ka shfaqur projekte dhe skenare antishqiptare për Strugën, Kërçovën dhe zonat shqiptare në Shkup. Në taborrin e Gruevskit është edhe Lubisav Ivanov – Cingo, miku i ngushtë i ish-diktatorit dhe ish-kriminelit serb, Sllobodan Millosheviç. Por si e vlerësojnë këtë analistët shqiptarë, të cilët nënvizojnë se roli i këtyre personaliteteve dhe organizatave është tejet aktiv në politikat qeveritare.

Analisti shqiptar dhe ligjëruesi universitar Osman Kadriu thekson se është e pranishme fryma ultranacionaliste e instaluar në kuadër të institucioneve aktuale qeveritare. Sipas tij, kjo dëshmon se kjo Qeveri hapur po anashkalon çështjen shqiptare dhe po diskriminon edhe ate që është arritur deri diku.

"Veprimet e kryeministrit Gruevski dhe njerëzve përreth tij qartë tregojnë se po bëhen skenare dhe lojëra jofavorizuese për shqiptarët. Po zbatohet një politikë e ashpër diskriminuese kundër shqiptarëve, që është e ndihmuar nga rrethi i ngushtë i kryeministrit Gruevski, që tashmë po e shef edhe opinioni", ka theksuar Kadriu.

Ai apelon që të ngritet zëri shqiptarë në Maqedoni në forma të ndryshme, sepse kështu po sillet në pikëpyetje statusi politik dhe juridik i shqiptarëve në këtë shtet.

Edhe analisti dhe publicisti Nijazi Muhamedi vlerëson se përreth Gruevskit ka një makineri të tërë të elementëve antishqiptarë.

"Gruevski dhe skota e tij nacionaliste po bën atë që do ta bënte cilido pushtues dinak-katarzën e histerisë identitare kolektive, të legjitimuar në projektin e shtet-kombit maqedonas. Para tij ecën magjistari i paqes barbare, Ahmet ]lirimtari i rremë dhe i`a shtron udhën barbarisë së qetë ndër shqiptarë me ligjërimet dredhake të sllavosura", ka theksuar analisti Muhamedi. Sipas tij, kjo histeri identitare që herë-herë shpërthen si barbari publike, s'është vetëm çeshtje mentaliteti, por çështje deliri albanofob të një Gruevski dhe të një skote të tij.

"Kjo është çështje e projektit nacionalist të kombformimit maqedonas,e një naçertanie sllave të europianizuar ndër këto kohë...!!!", ka theksuar analisti Nijazi Muhamedi.

Edhe bashkësia ndërkombëtare në mënyrë indirekte ka kritikuar këto veprime të kryeministrit Nikolla Gruevski, që ushqehen nga elementët nacionalist maqedonas. (INA)
Mesazhi.com

[Llapjani_HH]

Reagim i KMDLNJ-së përkitazi me Protokollin për Bashkëpunim Policor EULEX - Serbi


Përmes një komunikate për opinion, përkitazi me mundësinë e nënshkrimit të protokollit të bashkëpunimit mes EULEX-it dhe MPB-së të Serbisë, KMDLNJ thotë se ky protokoll bashkëpunimi nuk është befasues sepse, siç thuhet, është në kuadër të kompetencave që ka EULEX-i sipas Planit të Veprimit të Përbashkët, të miratuar nga Këshilli i BE-së, që është baza e këtij misioni, si dhe Rezolutës 1244, të cilës i referohet ky plan. Në vazhdim po japim tekstin e plotë të KMDLNJ-së.

Më 17 shkurt 2008, Kuvendi i Kosovës votoi Deklaratën e Pavarësisë, sipas të cilës Kosova u shpall shtet i pavarur në pajtueshmëri të plotë me Propozimin Gjithëpërfshirës për Zgjidhjen e Statusit të Kosovës, të hartuar nga i Dërguari Special i Kombeve të Bashkuara, Martti Ahtisaari. Deklarata e Pavarësisë mirëpret mbështetjen e vazhdueshme të bashkësisë ndërkombëtare, por "nëpërmjet të pranive ndërkombëtare të themeluara në Kosovë në bazë të Rezolutës 1244 për të zbatuar përgjegjësitë që i janë dhënë sipas Rezolutës 1244 dhe Planit të Martti Ahtisaarit".

Deklarata për Pavarësinë e Kosovës afirmon në mënyrë të qartë se Kosova do të veprojë në pajtueshmëri me parimet e së drejtës ndërkombëtare dhe rezolutat e Këshillit të Sigurimit të Kombeve të Bashkuara, përfshirë Rezolutën 1244 (1999). Sikundër dihet, Rezoluta 1244 e garanton sovranitetin dhe integritetin territorial të RFJ-së, e cila nuk ekziston më, por ekziston Serbia. E, neni 60 i Kartës për krijimin e Unionit Serbi-Mali i Zi thotë se në rast të shpërbërjes së këtij unioni, Serbia do të jetë trashëgimtare e Rezolutës 1244 dhe të gjitha dokumenteve ndërkombëtare që kanë të bëjnë me Kosovën.

Trembëdhjetë ditë para shpalljes së pavarësisë së Kosovës, pra më 4 shkurt 2008, Këshilli i Bashkimit Evropian ka miratuar Veprimin e Përbashkët për vendosjen e Misionit të Bashkimit Evropian për Sundim të Ligjit në Kosovë (EULEX) në përputhje me Rezolutën 1244. Sipas Veprimit të Përbashkët, EULEX-i duhet të plotësojë mandatin e tij përmes monitorimit, mentorimit dhe këshillimit, por duke ruajtur për vete edhe disa përgjegjësi të caktuara ekzekutive.

Protokolli për Bashkëpunim Policor, që pritet të nënshkruhet mes EULEX-it dhe MPB-së së Serbisë, thotë shprehimisht se palët dakordohen të bashkëpunojnë në pajtim me Rezolutën 1244, Veprimin e Përbashkët të Këshillit të BE-së dhe Raportin e Sekretarit të Përgjithshëm të Misionit të Kombeve të Bashkuara në Kosovë të 24 nëntorit 2008.

Ky protokoll thotë se palët do të ndihmojnë njëra-tjetrën rreth aktiviteteve të palejuara, kriminale apo aktiviteteve tjera të paligjshme në vijën kufitare/kufirin administrativ. Pra, për Serbinë dhe Misionin e BE-së në Kosovë (EULEX) kufiri mes Kosovës dhe Serbisë është kufi administrativ, sepse i tillë është edhe për Rezolutën 1244.

Për KMDLNJ-në Protokolli për Bashkëpunim Policor mes EULEX-it dhe MPB-së së Serbisë, është në kuadër të kompetencave që ka EULEX-i sipas Planit të Veprimit të Përbashkët, që është baza e këtij misioni dhe Rezolutës 1244, të cilës i referohet ky plan. Për KMDLNj-në ky protokoll për bashkëpunim policor nuk është aspak befasues, ashtu sikurse që nuk do të jetë befasuese kur në të ardhmen e afërt Forca e Sigurisë së Kosovës dhe Ministria e Mbrojtjes e Republikës së Serbisë do të themelojnë Komisionin e Përbashkët Implementues, apo kur do të fillojë bashkëpunimi mes komunave të caktuara të Republikës së Kosovës me komuna, institucione apo agjenci qeveritare të Republikës së Serbisë, ashtu siç parasheh Propozimi Gjithëpërfshirës për Zgjidhjen e Statusit të Kosovës, i hartuar nga i Dërguari Special i Kombeve të Bashkuara, Martti Ahtisaari.
RTK

AAK-ja e cilëson vendim politik moslejimin e vendosjes së kamerave në vendvotime

Aleanca për Ardhmërinë e Kosovës ka reaguar sot kundër vendimit të KQZ-ës për mos vendosjen e kamerave, duke e quajtur atë vendim politik të ndikuar nga ana e Partisë Demokratike të Kosovës. Këto komente i bëri Burim Ramadani, sekretari i përgjithshëm i AAK-ës në një konferencë për media.

Vendimi destruktiv i Komisionit Qendror të Zgjedhjeve, sa i përket mos vendosjes së kamerave në qendrat e vendvotimeve është i papranueshëm për AAK-ën, sepse me këtë bihet në kundërshtime me parimet e transparencës gjatë procesit zgjedhor, u shpreh Burim Ramadani. Ai tha se vendimi i fundit i KQZ-ës është vendim i drejtpërdrejt i Partisë Demokratike të Kosovës.
Sipas Ramadanit kryetarja e KQZ-ës, Nusrete Lushta, sa i përket çështjes së kamerave, ka mbajtur anën e PDK-ës dhe me këtë ka humbur rolin e saj si institucion i pavarur.

Sipas Ramadanit, Aleanca për Ardhmërinë e Kosovës konstaton se arsyetimet për mungesë të kohës, përgatitje teknike apo për shkelje të privatësisë së qytetarëve nuk qëndrojnë dhe nuk kanë bazë në asnjë aspekt.

Sekretari i përgjithshëm i AAK përmendi pesë kërkesat e kësaj partie drejtuar KQZ-ës dhe Institucioneve tjera të Kosovës.

Komisioni Qendror Zgjedhor në mbledhjen e tij të fundit, gjatë rishqyrtimit të vendimit për vendosjen e kamerave nëpër vendvotime, përsëri ka vendosë kundër. Pro vendosjes ishin LDK, AKR, AAK edhe LDD përderisa kundër ishin PDK, partitë minoritare, si dhe kryetarja e KQZ-së. Ky vendim i KQZ-së është përfundimtarë, ndërsa mbetët të diskutohet edhe njëherë vetëm vendosja e kamerave në Qendrën e numërimit të votave.
RTK

LDD-ja thotë se KQZ-ja po i bën favore PDK-së


Kryesia e Lidhjes Demokratike të Dardanisë në takimin e radhës me përfaqësuesit e degëve të saj ka shprehur indinjatë të thellë me vendimin e fundit të KQZ-së për të mos pasur kamera nëpër vendvotime, si dhe në dhomën e numërimit te votave. Kjo tregon qartë se KQZ-ja nuk po merr në konsideratë vullnetin e shumicës së partive, apo subjekteve politike, të cilat ishin pro vendosjes së kamerave për të siguruar zgjedhjet fer në Kosovë.

KQZ-ja në bazë të këtij vendimi ka demonstruar qartë se mund edhe t’i bëjë favore dikujt, siç është rasti i fundit ndaj PDK-së.
Për LDD-në arsyetimi se, për shkak të kostos financiare dhe kohës së shkurtër, nuk mundë të sigurohen kamerat është qesharake dhe jo serioz, si dhe garanton një kosto te lartë të këtyre zgjedhjeve të cilat rrezikohen te manipulohen.
Lidhja Demokratike e Dardanisë është duke i bërë parapërgatitjet e saj për të hyrë në zgjedhjet lokale në të cilat është e bindur se do të dalë me rezultate pozitive, të cilat do të jenë surprizë për shumë kë, sidomos për koalicioni qeverisës.
Kryesia e LDD-se së shpejti do te fillojë edhe me nominimet e radhës për kryetar të komunave nga radhët e Lidhjes Demokratike të Dardanisë, thuhet në kumtesën e lëshuar nga Zyra për informim pranë LDD-së.
RTK

Rindërtimi i shtëpive të shqiptarëve në Mitrovice, nuk lejohet vazhdimi i punimeve

Pjestarët serbë të policisë së Kosovës EULEX nuk kanë lejuar punëtorët shqiptare që të vazhdojnë punimet për rindërtimin e shtëpive të tyre në lagjen “Kroi i Vitakut”, në Veri të Mitrovicës. Policia ka vendosur bllokada në rrugë për të parandaluar përleshjet ndëretnike midis shqiptarëve që tentonin të vazhdonin punimet dhe serbëve që pak metra më tej protestonin me flamuj të Serbisë në duar.

“E shihni se ka protestues nga njëra palë dhe tjetra. Dje nuk kam qenë këtu por kam dëgjuar. Jam informuar se ka patur incidente dhe se njerëzit duke tentuar të evakuohen kanë shkaktuar të lënduar. Një marrëveshje e tillë nuk është respektuar dhe ne na është dashur të marrim masa parandaluese para se diçka e tillë të ndodhë pavarësisht nëse bëhet fjalë për shqiptarë apo serbë” shprehet Milja Milloshevic, komandant i policisë së Kosovë në Veri.

Për kryetarin i komunës së Mitrovicës, Bajram Rexhepi pjesëtarët serbë të policisë së Kosovës kanë qenë të njëanshëm në kryerjen e detyrës së tyre: “Policia, stacioni në veri nuk i ka përmbushur obligimet e veta, por ke lejuar që serbët të hyjnë në pronën e individëve, njerëzve që dje kanë punuar në atë pjesë. Edhe EULEX ka mbajtur një pozicion neutral dhe nuk kanë përmbushur obligimin. Kjo i bie si shpërblim për ata dje shkaktuan dhunë. Duhet ta rikonsiderojmë performansën e tyre dhe të marrin përgjegjësinë policia regjionale, ata që e kryejnë punën në mënyrë të paanshme dhe që vendosin sigurinë për vazhdimin e punime. Ne si komunë do të vazhdojmë”.

Shtatë persona kanë mbetur të lënduar, pesë shqiptarë dhe dy serbë, një ditë më pare kur një grup serbësh kanë përdorur armë automatike dhe kanë hedhur gurë mbi punëtorët shqiptarë të cilët ishin duke punuar për rindërtimin e shtëpive të tyre. EULEX përmes një komunikate ka dënuar ashpër veprimet e dhunshme të një dite më parë ndërsa ka bërë të ditur se policët e këtij misioni po qëndrojnë të gatshëm për të reaguar ndaj çfarëdo kërcënimi ndaj ligjit dhe rregullit.
ALSAT

[Llapjani_HH]

Policia bllokon punimet te Kroi i Vitakut

Punëtorët shqiptarë tentuan sot të vazhdojnë punimet në rindërtimin e shtëpive në lagjen “Kroi i Vitakut”, por nuk u lejuan nga policia.

Pjesëtarë serbë të Policisë së Kosovës dhe ata të policisë së EULEX-it, kanë vendosur kordone në rrugë, për të parandaluar përleshjet ndëretnike.

Serbët, të cilët dje hodhën gurë dhe shtinë me armë në drejtim të shqiptarëve, edhe sot kanë dalë në vendin ku duhej të nisnin punimet.

Sikur raporton KosovaLive, një grup serbësh, me flamuj në duar po qëndronin paradite në truallin e Shahin Vitakut, ku ishte planifikuar që punëtorët shqiptarë të pastrojnë rrënojat e shtëpisë së vjetër.

Banorët shqiptarë kanë treguar se policët serbë u kanë thënë se nuk kanë të drejtë t’i lejojnë që të vazhdojnë punimet. Ndërsa zyrtarë të urbanizmit në atë pjesë të qytetit kanë deklaruar se është duke u punuar në rregullimin e dokumentacionit e më pas do të vendoset se çka do të bëhet.

Banorë të lagjes, sikurse edhe punëtorët e Kompanisë “ISO 999”, kanë thënë se janë të vendosur të vazhdojnë punët në rindërtimin e pronave shqiptare, por pa e provokuar askë dhe pa shkaktuar ndonjë incident.
Gazeta expres

Kroi i fesateve

Shtatë persona janë lënduar nga protestuesit serbë te Kroi i Vitakut në Mitrovicë. Serbët kundërshtuan rifillimin e punimeve të shtëpive të shqiptarëve. Përpos gurëve që gjuajtën në drejtim të punëtorëve shqiptarë, ata përdorën edhe armë zjarri dhe mjete shpërthyese.

Rreth 100 protestues serbë kanë gjuajtur me gurë, me armë dhe me mjete shpërthyese në drejtim të punëtorëve shqiptarë, të cilët rifilluan punimet në ndërtimin e shtëpive të tyre në Kroin e Vitakut në Mitrovicë.

Nga hedhja e gurëve janë lënduar 5 punëtorë shqiptarë e dy serbë dhe po ashtu janë dëmtuar makineritë me të cilat punonin shqiptarët.

Kjo ndodhi të martën te Kroi i Vitakut në Mitrovicë, pasi që shqiptarët me lejen e kryetarit të Komunës, Bajram Rexhepi rifilluan ndërtimin e shtëpive të tyre të martën rreth orës 9 paradite.

Por, menjëherë ata u penguan nga protestuesit serbë, që filluan me hedhjen e gurëve në drejtim të tyre.

“Punimet për rindërtimin e shtëpive në këtë lagje kanë nisur në orën 9, në ndërkohë në njërën anë janë mbledhur rreth 100 protestues të nacionalitetit serb për të kundërshtuar rifillimin e punimeve, ku kanë filluar të gjuajnë me gurë dhe janë gjuajtur pesë punëtorë shqiptarë”, tha zëdhënësi i policisë në Mitrovicë, Sami Mehmeti.

Sipas tij, menjëherë kanë intervenuar njësitet speciale të EULEX-it, të cilat kanë përdorur gaz lotsjellës për të shpërndarë protestuesit dhe shume shpejt situata është vënë nën kontroll.

“Pastaj rreth orës 10 është gjuajtur një mjet shpërthyes në këtë lokacion dhe janë dëgjuar të shtëna nga armë zjarri, por që fatmirsisisht nga mjetet shpërthyese dhe të shtënat me armë zjarri nuk është lënduar askush”, bën të ditur Mehmeti.

Banorët dhe punëtorët shqiptarë, pas këtij incidenti, për Express e tregojnë pak më ndryshe ngjarjen.

Sipas tyre, policët kosovarë të nacionalitetit serbë, që ishin në momentin e ngjarjes dhe Eulexi, vetëm e kanë shikuar ngjarjen prej së largu duke mos marrë kurrfarë hapash, deri në momentin kur kanë filluar të gjuajnë me mjetet shpërthyese.

“Eulex dhe policët serbë i kanë duartrokitur protestuesve. Ata asgjë nuk kanë bërë gjatë hedhjes së gurëve e armëve, derisa erdhi edhe deri tek hedhja e mjeteve shpërthyese, e cila nuk do kishte ndodhur sikur të kishin ndërhy prej fillimit”, thotë Musa Haliti, kontrollues i punimeve të shtëpive të shqiptarëve dhe banor i lagjes Kroi i Vitakut.

“Eulexi na konsideron neve sikur ne të ishim ata që kemi bërë krim, kemi kall, kemi vjedh e kemi mbyt e jo serbët. Kjo është tmerr dhe për neve banorëve të kësaj ane shumë pak është bërë, kryesisht nga komuna e Mitrovicës”, tha Haliti.

Në ndërkohë punimet filluan përsëri pas këtij incidenti, derisa erdhi urdhër nga EULEX’i, që punimet të ndërpriten të martën për të vazhduar të mërkurën, sot.

Kjo edhe më shumë i irritoi punëtorët dhe banorët e kësaj lagjeje, sipas të cilëve për një gjë të tillë është dashtë të pyeten edhe ata.

“Si erdhi ky vendim papritmas, pa ditur ne asgjë? Është dashtë të na pyesin edhe neve. Nuk shkon kështu. Punëtorët do të lodhen një ditë prej këtyre incidenteve”, u shpreh Xhafer Ibrahimi, përfaqësues i lagjes Kroi i Vitakut, pasi mori lajmin për ndërprerjen e punimeve diku rreth orës 14.00.

Halim Brahimi, njëri prej pronarëve të kompanisë “Isa 999”, që po kryen punimet e ndërtimit të shtëpive, tha se makineritë e dëmtuara nga granatat nuk dihet se a do të punojnë më. Ai më pas bashkë me punëtorët tjerë e banorët u larguan nga aty, për t’u rikthyer të mërkurën në mëngjes.

Janë vetëm shqiptarët ata që po përcillen me këtë problem gjatë ndërtimit të shtëpive të tyre, në ndërkohë serbët afër tyre po punojnë në ndërtimin e shtëpive të veta pa kurrfarë problemi.

Pas dy jave ndërprerjeje, të martën ishte paraparë rifillimi i punimeve të shtëpive të shqiptarëve për çka u vendos në një takim të Komitetit për Siguri.

”Serbët janë duke punuar pa asnjë problem që kur kanë filluar, andaj edhe shqiptarët duhet të punojnë po ashtu, kudo qoftë. Nëse dikush për motive politike të papranueshme do që ky proces të pengohet, që të ngrihen tensionet apo të shkaktohen trazira, atëherë ndaj atyre policia e Kosovës, ajo e EULEX-it dhe KFOR-i duhet të ndërmarrin masa energjike, në mënyrë që punët të mos ndërpriten për asnjë çast”, ka bërë të ditur pas këtij takimi Bajram Rexhepi, kryetari i Mitrovicës.

Në këtë takim ishte vlerësuar se situata e qetë dy javëve të fundit i ka kontribuar vazhdimit procesit të rindërtimit të shtëpive në këtë lagje, e që ditën e martë ndodhi e kundërta.

Reagimi i Presidnecës: Dhuna e shkaktuar nga Beogradi

Presidenti Fatmir Sejdiu tha të martën se veprimet e këqija të serbëve në veri të Mitrovicës kundër ndërtimit të shtëpive të shqiptarëve janë të nxitura nga Beogradi. Ai e ftoi shtetin fqinj të mos krijojë tensione, të cilat rrezikojnë paqen dhe stabilitetin.
Gazeta expres

Haradinaj përsëri para Gjykatës së Hagës

Një seancë apeli në rastin e Rasmush Haradinaj, Lah Brahimaj dhe Idriz Balaj, është planifikuar të mbahet me datën 28 tetor. Kjo është paralajmëruar që të jetë proceduar e shkallës së dytë para gjykatës se Hages, njofton Tanjug.

Para gjykatës pritet të paraqet fakte prokuroria, e cila herën e parë pati dështuar t`i argumentoj faktet për rastrin e Ramush Haradinajt dhe Idriz Balajn. Por, për Lah Ibrahimaj, Gjykata e Hagës pati dëshmuar akuzat e prokurorisë, duke e dënuar me 6 vite burgim.
Gazeta expres

Thaçi shpall të vdekur protokollin, Sejdiu jep shpresë

Krerët e shtetit me deklarata kundërthënëse për protokollin EULEX - Serbi

Presidenti Sejdiu dhe kryeministri Thaçi kanë bërë komente të kundërta për protokollin EULEX - Serbi në dy paraqitje të ndara për media.Përderisa kryeministri Thaçi e ka shpallur të vdekur protokollin, presidenti Sejdiu ka dhënë shenjat e para të ndonjë kompromisi nga ana e Prishtinës. Burime të gazetës thonë se procesi për gjetjen e kompromisit për protokollin po vazhdon
Koha Ditore

Pas policisë, EULEX-i do marrëveshje me Serbinë edhe për doganat

Misioni i BE-së për sundim të ligjit kërkon edhe për doganat negocim me Serbinë

EULEX-i pas negociatave për protokoll policor me Serbinë i ka bërë një kërkesë tjetër Qeverisë së vendit që t’i lejojë bisedimet me Serbinë në fushën e doganave në emër të lehtësimit në fushën e tregtisë së lirë. Përderisa zëvendëskryeministri Hajredin Kuçi thotë se kërkesa do të shqyrtohet, kreu i doganave, Naim Huruglica, paralajmëron se EULEX-it do t’i lejohet qasje në të dhënat vetëm për nevoja të monitorimit jo edhe për të biseduar me Serbinë
Koha Ditore

[Llapjani_HH]

Agjentët serbë operojnë nëpër Maqedoni


Një numër i madh i agjentëve serbë janë të strehuar nëpër Maqedoni dhe aktivitetet e tyre i realizojnë në forma të ndryshme.

Një numër i madh i agjentëve serbë janë të strehuar nëpër Maqedoni dhe aktivitetet e tyre i realizojnë në forma të ndryshme, nëpërmjet përfaqësive të bizneseve, diplomatë dhe nën petkun e kamuflimeve të tjera. Për praninë e agjentëve serb, kryesisht nga ata që kishin vepruar gjatë regjimit të kryekriminelit serb Sllobodan Millosheviq janë alarmuar edhe përfaqësuesit të disa ambasadave perëndimore në Shkup.

"Prania e tyre është tejet me një mision të caktuar që ka për qëllim vetëm destabilizimin. Kjo konsiston edhe me disa deklarata që vijnë nga kuluare zyrtare të Beogradit për të krijuar një situatë destabilizuese dhe për të goditur imazhin e shqiptarëve", ka theksuar një diplomatë perëndimor ekskluzivisht për gazetën "24 orë", duke apeluar që kjo çështje të ngrihet edhe në nivel të politikave.

Në mision zyrtar në Maqedoni është edhe ish-zëvendësshefi i shërbimit sekret serb BIA, Milorad Bradanoviç, në cilësinë e një zyrtar për çështje sigurie në ambasadën serbe në Shkup. Ai është një nga figurat më të afërta me klanin e njerëzve të ish-kryekriminelit serb, Sllobodan Millosheviq, të cilët operacionalizuan aktivitete të ndryshme në luftën në Kosovë.

Derisa Bradanoviq kryen misionin e tij në Shkup, ai në Beograd nga gjykatat akuzohet për krim të organizuar, i dyshuar për vrasjen e ish-presidentit serb Ivan Stamboliç dhe veprime të tjera kriminale dhe të dhunës në Kosovë, sepse gjatë kësaj periudhe ai ishte në krye të detyrës së shërbimit sekret BIA në Serbi.

Deklarata ndërlidhet me lansimin e lajmeve të ndryshme nga media të Beogradit, ku si qëllim është krijimi i një klime destabilizimi në Maqedoni, por edhe në Luginën e Preshevës. Në të njëjtën vijë ishte edhe deklarata e fundit e presidentit serb Boris Tadiq, i cili ka nënvizuar se "ekstremistët shqiptarë tentojnë të destabilizojnë Maqedoninë".

Deri tani nuk është ngritur asnjë nismë për të shqyrtuar këto elemente destruktive që janë të pranishme në Maqedoni dhe që paraqesin rrezik për vendin. /INA/
Mesazhi.com

[Llapjani_HH]

Policia dhe EULEX-i vazhdojnë t'i pengojnë shqiptarët në rindërtimin e shtëpive në veri

Banorët shqiptarë të lagjes Kroi i Vitakut po qëndrojnë para policisë në pritje të vendimit për lejimin e punës në rindërtimin e shtëpive të tyre, ndërkohë që Dragan Spasojeviq, i ashtuquajturi drejtor i urbanizmit në pjesën veriore të Mitrovicës, thotë se pa arritjen e një marrëveshje nuk do të mund të rifillojnë ndërtimet, derisa Rasim Veseli drejtori i shërbimeve publike ne KK të Mitrovicës thotë se për rindërtimin e shtëpive të djegura nuk nevojitet lej ndërtimi.

Përkundër deklaratave të Qeverisë dhe pritjeve të banorëve që të arrihet një marrëveshje për vazhdimin e punimeve për rindërtimin e shtëpive në lagjen veriore “Kroi i Vitakut”, edhe sot kordonët e policisë së EULEX-it dhe policët e Stacionit policor në veri, vazhdojnë ta pengojnë procesin e rindërtimit të shtëpive dhe kthimit të shqiptarëve në shtëpitë e tyre.

Agim Vitaku, banor i kësaj lagje shprehet i vendosur që të vazhdojë punët në rindërtimin e shtëpisë së tij dhe sot kishte marrë me vet edhe tapitë mbi 200 vjeçare të pronave të veta.

Dragan Spasojeviq, i ashtuquajturi drejtor i urbanizmit në pjesën veriore të Mitrovicës thotë se pa arritjen e një marrëveshje të përbashkët nuk do të mund të rifillojnë ndërtimet në këtë pjesë të Mitrovicës.

“Ne kemi kërkuar që me marrëveshje të përbashkët të përgatiten dokumentet e nevojshme, të cilat nevojiten për rindërtimin e shtëpisë. Nëse pjesa jugore është e gatshme për dialog kjo çështje do të përfundojë shumë shpejt”, i ka deklaruar reporterit të RTK-së, Spasojeviq.

Ndërkaq drejtori i shërbimeve publike ne komunën e Mitrovicës, Rasim Veseli, thotë se punimet do të fillojnë sapo të tërhiqet kordoni i policisë.

Sipas Veselit kjo do të ndodhë së shpejti ndërkaq për rindërtimin e shtëpive të djegura gjatë luftës nuk nevojitet lej ndërtimi.

“Shtëpitë që janë të djegura gjatë luftës, nuk parashihet të ketë leje ndërtimi, andaj nuk nevojitet leje. Territori i Kosovës është i pandarë. Qeveria e Kosovës ka pushtetin në gjithë territorin e saj. Komuna e Mitrovicës ka vullnetin e plotë që të ndihmojë qe të gjithë banorët të kthehen në shtëpitë e tyre. Për shtëpitë e djegura gjatë luftës nuk ka pasë nevojë për leje ndërtimi, nuk ka pasë nevojë për leje as në fshatin Frashër, ku janë ndërtuar mbi 100 shtëpi të sotme dhe nuk ka nevojë as për këto”, ka theksuar Veseli

Deri në një vendim tjetër të policisë, po vazhdon të mbajë kordonin më mes shqiptarëve dhe serbëve në atë lagje, banorët shqiptarë duhet të presin që të shkojnë në pronat e tyre.

12:36 Në pritje të vendimit për vazhdimin, apo jo të punimeve në pronat e Vitakëve

As sot, deri në kohën e shkrimit të këtij raporti, nuk po lejohet vazhdimi i punimeve në pronat e Vitakëve, Reporterët e RTK-së raportojnë sot për situatat më të qetë, ndërkohë që po vazhdon prezenca e forcave të shtuara të Policisë së Kosovës dhe të EULEX-it, të cilat kanë vendosur kordonë në rrugë, ndërsa hetohet edhe prezenca e forcave të KFOR-it. Përgjegjësit e komunës së Mitrovicës thonë se janë në pritje të një zgjidhjeje nga instancat më të larta të Republikës së Kosovës

Familjaret e shtëpive të djegura dhe të rrënuara gjatë luftës, dhe punë-kryerësit në lagjen Kroi i Vitakut, e cila gjendet në pjesën veriore të Mitrovicës, as sot nuk u lejuan të punojnë nga pjesëtarë e Policisë së Kosovës - Stacioni Veri, Policët serbë, të këtij stacioni, kanë vendosur kordonë në rrugë si edhe ata të njësitit special të EULEX-it, të cilët sot janë në prezencë më të madhe, ndërsa hetohet edhe prezenca e forcave të KFOR-it. Në anën tjetër, para shtëpive të Vitakëve, ku është dashur të punojnë shqiptarët, edhe sot në heshtje po qëndron numër i vogël i serbëve duke vëzhguar rrjedhën e situatës. Me gjithë insistimin e familjarëve shqiptarë që po qëndrojnë para kordonëve dhe gatishmërinë e punë-kryerësve për të shkuar dhe për të punuar në pastrimin e gërmadhave të shtëpive, ata nuk po lejohen, me arsyetimin se kjo do të mund të shkaktonte trazira midis shqiptarëve dhe serbëve dhe se në nivelet e institucioneve më të larta t ë Kosovës është duke u biseduar për gjetjen e zgjidhjes, dhe, derisa kjo të ndodhë ata nuk do të mund të kenë qasje dhe as të punojnë atje. Këtë e ka konfirmuar sot edhe drejtori i drejtorisë komunale për infrastrukturë dhe ndërtim në Mitrovicë, Rasim Veseli, duke theksuar se edhe përgjegjësit e komunës janë në pritje të një zgjidhjeje nga instancat më të larta të Republikës së Kosovës.

09:16 As sot nuk janë duke u zhvilluar punime te pronat e Vitakëve në veri të Mitrovicës

As sot nuk po zhvillohen punimet në pronat e Vitakëve, por një gjë të tillë nuk janë duke e bërë as serbët të cilët gjatë ditës së djeshme kishin vazhduar punimet e tyre në lokacionin me shumicë shqiptare pa ndonjë problem. Reporterët e RTK-së raportojnë sot për situatat më të qetë, ndërkohë që po vazhdon prezenca e forcave të shtuara të sigurisë. Rruga drejt shtëpive të Vitakëve është e bllokuar dhe nga forcat speciale policore po kontrollohet çdo hyrje-dalje për në atë lagje.

Ndryshe, dje (e enjte) strukturat vendore e ndërkombëtare të sigurisë kanë kërkuar, pas takimit të djeshëm nga Policia e Kosovës, stacioni veri, që në bazë të rrethanave, të marrë vendimin për të lejuar ose jo punëtorët shqiptarë për rindërtimin e shtëpive te Kroi i Vitakëve. Zëdhënësi i UNMIK-ut Rasell Giki ka thënë për “Evropën e lirë” se UNMIK-u përkrah qytetarët, por, sipas tij, ndërtimi duhet të bëhet në bazë të rregullave dhe në një ambient të sigurt. Ky është vendimi i takimit të djeshëm (e enjte) mbajtur në Mitrovicë, i cili lë dilemë të hapur nëse shqiptarët sot do të mund të rifillojnë punimet në shtëpitë e tyre. Ndryshe, dje paradite, Policia e Kosovës dhe ajo e EULEX-it, nuk kanë lejuar vazhdimin e punës për rindërtimin e shtëpive të shqiptarëve në lagjen Kroi i Vitakut, në pjesën veriore të Mitrovicës. Agim Vitaku banor i kësaj lagjeje thotë se “policia nuk i ka lënë të shkojnë në shtëpitë tyre”. “Ne përditë do të vijmë..po mundohemi me u kthy në pronat tona. E Ekstremistë serbë janë të paguar me bo probleme..,policia duhet ti pengojë ata, e jo neve. Policia e veriut p punon në favor të popullatës së vet..,janë fol fjalë të mëdha nga liderët”, ka deklaruar Agim Vitaku. Besim Hoti zëdhënës i Policisë në Mitrovicë, tha të enjten se gjendja e sigurisë është e qetë, pasi që punimet në pjesën shqiptare të lagjes kroi i Vitakut nuk po zhvillohen sot. “Situata a e sigurisë nuk ka ndryshim është nën kontroll, marrë parasysh faktin se nuk po zhvillohen punimet”, ka deklaruar Hoti.
RTK

Policia do të bëjë vlerësimet e veprimit të pjesëtarëve të saj në lagjen “Kroi i Vitakut”

Zhvillimet e fundit në lagjen “Kroi i Vitakut” në veri të Mitrovicës ka shtyrë Drejtorinë e Përgjithshme të Policisë së Kosovës të bëjë vlerësimet për veprimet e zyrtarëve të saj të ndërmarra në zhvillimet e fundit në lagjen “Kroi i Vitakut”. Zëdhënësi Arbër Beka tha se policia do të ruajë zinxhirin komandues, dhe, në qoftë se vërehen devijime të mundshme do të merren masa.

Policia e Kosovës së bashku me mekanizmat ndërkombëtarë, siç është EULEX-i dhe KFOR-i, janë në gjendje gatishmërie që në Kosovë të garantojë sundimin e rendit dhe ligjit.

Zyrtari për informim, Arbër Beka, tha se Policia e Kosovës po kryen detyrat e saj të përcaktuara me ligj që të mos ketë incidente, të lënduar dhe sa më pak kriminalitet. Ndërsa, duke folur për respektim urdhrash në veri, ai tha se ekziston vetëm një zinxhir komandues.

“Është një zinxhir unik komandues, ashtu siç është e paraparë në Ligjin për Policinë. Në |Drejtorinë e përgjithshme të Policisë është duke u bërë një vlerësim sa i përket veprimeve policore në veri të Mitrovicës, që janë ndërmarrë. Në rast se rezultatet e këtij vlerësimi tregojnë se ka pasur ndonjë devijim, sa i përket zinxhirit komandues, atëherë do të formohet një ekip i veçantë hetimor ose rasti do t’i përcillet tek Inspektorati Policor i Kosovës”, ka deklaruar zëdhënësi Beka.

Beka nuk përjashtoi mundësinë që rreth zhvillimeve të fundit në Mitrovicë të ketë edhe të arrestuar.

“Nuk do të thotë se nuk do të ketë arrestime ditëve në vijim. Është iniciuar rasti në stacionin policor për shkaktim të rrezikut të përgjithshëm dhe hetuesit tanimë janë duke kryer punën e vet”, ka sqaruar Beka.

Zëdhënësi i Policisë së Kosovës Arbër Beka, këto komente i bëri gjatë takimit të rregullt javor me gazetarë.

Zhvillimet e ditëve të fundit tek Kroi i Vitakut kanë ngritur pikëpyetje rreth funksionimit të zinxhirit komandues të policisë dhe respektimit të Komandës qendrore të Policisë nga ana e policëve serbë në pjesën veriore.
RTK

Beogradi, megjithatë thotë se pret nënshkrimin e protokollit të sigurisë


Beogradi pret që protokolli ndërmjet EUELEKS-it dhe Serbisë për bashkëpunim policor të arrihet, pavarësisht nga kundërshtimi i Prishtinës. “Megjithë kundërshtimin e institucioneve të Kosovës, besoj se ai protokoll do të do të nënshkruhet”, tha i ashtuquajturi ministër për Kosovën në Qeverinë e Serbisë, Goran Bogdanoviq.

Presidenti Fatmir Sejdiu dhe kryeministri Hashim Thaçi, tashmë e kanë bërë të qartë se i konsiderojnë të përfunduara debatet dhe bisedat e mëtejme rreth protokollit. EULEX-i ndërkohë, ka thënë se në situatën e krijuar pret udhëzime nga Brukseli.
RTK

[Llapjani_HH]

Komandanti serb injoron urdhrin e Prishtinës


Policia dhe EULEX-i vazhdojnë t'i pengojnë shqiptarët për rindërtimin e shtëpive në veri. Përkundër deklaratave të “forta” të kreut të qeverisë dhe pritjeve që të arrihet një kompromis për vazhdimin e punimeve për rindërtimin e shtëpive në lagjen veriore “Kroi i Vitakut”, edhe të premten kordonët e policisë së EULEX-it dhe policët e Stacionit policor në veri, vazhdojnë ta pengojnë procesin e rindërtimit të shtëpive dhe kthimit të shqiptarëve në shtëpitë e tyre.

Kordonët e Policisë së Kosovës dhe ata të EULEX-it ndajnë edhe sot punëtorët shqiptarë që janë të interesuar të vazhdojnë punimet dhe banorët serbë që kundërshtojnë kthimin në shtëpitë e tyre të fqinjëve shqiptarë.

Musa Haliti, njëri nga përfaqësuesit e lagjes “Kroi i Vitakut”, tregon se arsyetimi i policëve të stacionit verior, të cilët kanë bllokuar rrugën edhe të premten në mëngjes, për të mos i lejuar punëtorët shqiptarë të punojnë në shtëpitë e vitakëve, është se nuk ka urdhër të prerë nga Prishtina për lejimin e punimeve.

“Ne jemi të vendosur që t’i vazhdojmë punimet, në mënyrë që njerëzit të kthehen në tokat e tyre dhe do të vazhdojmë të kërkojmë një gjë të tillë që e konsiderojmë të drejtë tonën”, thotë Haliti.

Ai nuk e ka të qartë pse Policët e Kosovës dhe ata të EULEX-it pengojnë shqiptarët në punët e tyre, duke ua mohuar të drejtën për kthim në shtëpitë e tyre, në vend se të ndërmarrin masa ndaj serbëve që kundërshtojnë këtë proces pa ndonjë arsye.

Pas takimit me zëvendëskomandantin e Policisë rajonale të Kosovës, Ergin Medic, banorët e lagjes kanë shpresuar se të enjten pasdite do të lejohen të vazhdojnë punimet dhe ata kanë pritur kot deri në orët e mbrëmjes.

Milija Milosevic, komandant i Stacionit verior të Policisë së Kosovës, ka deklaruar se posedon dy urdhra, njëri për lejimin dhe tjetri për moslejimin e punëve në atë lokalitet.

Mësohet se nga Prishtina ishte urdhri jo aq i prerë, që të zhvendosen kordonët e policisë dhe punëtorë të lejohen të punojnë nëse janë krijuar kushtet, derisa urdhri nga EULEX-i ka qenë që të mos lejohen punimet.

Policët e stacionit të veriut, duke mos shprehur gatishmërinë për zbatimin e urdhrit të Prishtinës, kanë pritur derisa në lokalitetin e vitakëve ku janë tubuar dhjetëra serbë që kundërshtojnë këtë proces.

Kjo u ka shërbyer policëve të stacionit veri që të arsyetohen se nuk ka kushte për vazhdimin e punëve.

Ndonëse në vendin e ngjarjes kanë arritur forca shtesë të policisë së EULEX-it, mbrëmë rreth orës 17:00, Medic ka deklaruar përmes telefonit se janë duke pritur përforcime nga Njësit speciale të policisë për largimin e protestuesve serbë, pasi që sipas tij, përveç 50 serbëve që shiheshin te pronat e vitakëve, qëndronin edhe rreth 300 të tjerë në afërsi.

Njësitë speciale të policisë janë nisur në drejtim të lagjes, mirëpo ata janë ndalë te ura e Suhadollit, pasi që EULEX-i nuk i ka lejuar që të shkojnë në lagje.

Banorët e lagjes “Kroi i Vitakut” sikurse edhe punëtorët e kompanisë ndërtimore “Iso 999” që në mëngjes kanë dalë në vendin e ngjarjes, ku janë penguar nga kordoni i policisë që të vazhdojnë punimet në rindërtimin e shtëpive të vitakëve, të djegura gjatë luftës nga forcat serbe të sigurisë, ndërkohë që në këtë lokacion përsëri janë tubuar dhjetëra serbë për të kundërshtuar procesin e rindërtimit dhe kthimit. (KosovaLive)
Gazeta expres

Vija kufitare Maqedoni-Kosovë - çështjet teknike përfundojnë pas 3 vjetësh

Që të përfundojë zgjidhja e çështjes së kufirit mes Maqedonisë dhe Kosovës do të duhet të kalojnë edhe dy ose tre vjet. Edhe pse Komisioni para disa muajve përfundoi me demarkacionin e kufirit, çështjet teknike të cilat do t’i jepnin fund zgjidhjes së problemit do të zgjasin edhe disa vjet.

Nga komisioni kosovar dhe maqedonas thonë se do të duhen së paku edhe dy vjet që të përfundojnë këto çështje teknike. "Demarkacioni i kufirit ka përfunduar para disa muajve. Ne tani po merremi me çështje teknike, të cilat edhe pse janë çështje të vogla, duan kohë që të përfundojnë", tha kryetari i Komisionit të Maqedonisë Teodor Nanev.

Sipas tij do të duheshin edhe 2-3 vjet që të përfundonin këto çështje të vogla teknike si përgatitja e dokumentacionit, fotografimi i terrenit, pastrimi i terrenit, etj. "Në si komision i kemi përfunduar në kohë të gjitha proceset që kishin të bënin me demarkacionin, ndërsa këto çështjet teknike, edhe pse janë të imëta zgjasin, por çështja kryesore e kufirit është përfunduar me kohë", sqaroi Nanev.

Ndërkaq kryetari i Komisionit Kosovar Murat Meha tha se komisioni deri më tani ka realizuar rreth 98 për qind të demarkacionit. "Po punojmë intensivisht që ta përfundojmë komplet demarkacionin", tha Meha, duke mos caktuar asnjë datë se kur do të përfundojë ky proces. "Nuk mund të flasim me data, por që të dyja palët janë të interesuara që demarkacioni të përfundojë sa më shpejt", tha Meha.

Ai sqaroi se për momentin janë duke punuar në përgatitjen e dokumentacionit përkatës, ndërkaq që fotografimi i kufirit është lënë që të bëhet në shtator. Zgjidhja e çështjes së kufirit mes Maqedonisë dhe Kosovës, është edhe një nga kushtet që Maqedonia ia ka vënë Kosovës për ta njohur atë. Ndërkaq, Debëlldeja ka qenë një nga pikat më të nxehta të kufirit. Banorët e fshatit Debëllde të Vitisë, disa herë i kanë shkulur gurët që përcaktojnë vijën kufitare, të vendosur nga komisionet ndërkufitare të Kosovës dhe Maqedonisë. /lajmpress/
Telegrafi

[Llapjani_HH]

Vdesin dy fëmije të një familjeje kosovare në Gjermani

Dy fëmijë te moshës 4 dhe 9- vjeçare, anëtar të një familjeje kosovare, nuk kanë mundur të mbijetojnë nga një zjarr që ra në pallatin e tyre në një qytet të Gjermanisë, njofton agjencia e lajmeve DPA.

Dy fëmijë, pjesëtar të një familjeje kosovare kanë mbetur të vdekur kur apartamenti i tyre u përfshi mbrëmë nga flakët në qytetin Sangerhausen të Gjermanisë bëri të ditur sot policia.

Zjarret rrezikuan dhe një familje serbe që jetonin në një kat më poshtë. Ndërsa mësohet se disa nga pjesëtarët e familjes kosovare ndodhen në spital. /dpa/bw/
Telegrafi

Zeneli: Kosova nuk ka nevojë t’i krijojë favore Serbisë


Dalja në opinion apo hapja e dokumentit të famshëm (dikur nga Qeveria e Kosovës i konsideruar i vdekur) përmes një fizionomie të re, implementim praktik, të ashtuquajtur protokoll bashkëpunimi EULEX-Serbi dhe zhvillimet e fundit në pjesën veriore të Mitrovicës, janë porosi brengosëse për qytetarët e Kosovës- është shprehur Sekretari i përgjithshëm i LDD-së, Lulzim Zeneli.

LDD vlerëson se reagimi i Qeverisë së Kosovës lidhur me protokollin e bashkëpunimit EULEX-Serbi, ka qenë i vonshëm duke pasur parasysh se Qeveria e Kosovës ka qenë në dijeni në të gjitha fazat e bisedimeve që EULEX-i ka zhvilluar me Serbinë.

“Kosova nuk ka nevojë, apo dikush tjetër në emër të Kosovës, t'i krijojë favore Serbisë në rrugën e integrimit në Bashkimin Evropian”, shton Sekretari i përgjithshëm i LDD-së.

Sloganet ditore të Qeverisë së Kosovës për pacenueshmërinë e pronës së qytetarëve, duhet të ndërpriten derisa mungojnë veprimet konkrete. Strukturat paralele të Serbisë në veri të vendit, së bashku me strukturat e UNMUK-ut në veri janë bashkëdyzuar, po pengojnë kthimin e qytetarëve të Kosovës në pronat e tyre.

Lidhja Demokratike e Dardanisë vlerëson se është momenti i fundit që Institucionet e Kosovës, në bazë të përgjegjësive Kushtetuese, t'i implementojnë politikat shtetërore të Kosovës, është momenti i fundit për të garantuar funksionalitetin e shtetit, lirinë e qytetarëve dhe pacenueshmërinë e pronës.
Telegrafi

Gallack: Çështja e protokollit ende nuk ka përfunduar


Zëdhënësja e përfaqësuesit të lartë të BE-së Javier Solana, Christina Gallack, ka deklaruar se nuk ka përfunduar çështja e nënshkrimit të protokollit ndërmjet EULEX-it dhe Beogradit.

Në një intervistë për RTK-në, Gallak ka thënë se po punohet për të arritur marrëveshje me autoritetet e Kosovës në mënyrë që të arrihet një përfundim i mirë.

Reagimi nga Brukseli vjen pas qëndrimit të shprehur nga presidenti Fatmir Sejdiu dhe kryeministri Hashim Thaçi, të cilët kanë thënë se “çështja e protokollit ndërmjet EULEX-it dhe Beogradit, është çështje e mbyllur për Kosovën”.
Telegrafi

ORA: Qeveria krijon hapësirë për përdorimin e dhunës


Vetëm përdorimi i dhunës ndaj automjeteve të ndërkombëtarëve, si mjet politik, kuptohet seriozisht dhe duket se është e vetmja mënyrë e cila është në gjendje të nxjerrë nga letargjia Qeverinë që të mos ketë vetëm dënime verbale por edhe masa konkrete- është thënë në konferencën e rregullt për media të Partisë Reformiste ORA.

Duke përmendur mosveprimet konkrete të Qeverisë në rastet e përdorimit të armëve në Kroin e Vitakut kundër qytetarëve që dëshirojnë të ndërtojnë shtëpitë e tyre, hapat që po ndërmerr EULEX-i “për marrëveshje bilaterale me një shtet tjetër”, vjedhjen e pazbardhur në zyrat qendrore të policisë, ardhjen e serbeve në Gjakovë, sundimin e korrupsionit nëpër institucionet shtetërore etj.,

ORA ka kërkuar kërkon nga Qeveria dhe institucionet shtetërore të jenë në nivel të detyrës dhe të dëshmojnë se janë në gjendje të qeverisin dhe të reagojnë me veprime, aty ku pritet prej tyre e të mos krijojnë hapësirë për përdorimin e dhunës si mjet politik nga ana e qytetarëve.
Telegrafi

Beogradi dhe Shkupi skenarë për të nxirë imazhin e Kosovës


Shtyrja e vendosjes së marrëdhënieve diplomatike me Kosovën ka nxjerrë në pah edhe shumë dilema dhe prapaskena për lojën Shkupit dhe Beogradit për të rrënuar imazhin e shtetit të ri fqinj, njofton agjencia e lajmeve INA.

Qarqe politike opozitare kanë detektuar lojërat dhe skenarët e rrezikshme të këtyre dy vendeve për të izoluar Kosovën në mënyrë të heshtur. Rrënimi i imazhit të këtij vendi fqinj sidomos është një mision i ndërmarrë së fundi nga vizitat e fundit të Gruevskit në Beograd, ku ai zhvilloi takime kokë më kokë larg mediave me presidentin Boris Tadiq dhe krerët e lartë qeveritar serb, ku siç bëhet e ditur në agjendë ka qenë pikërisht edhe Kosova.

Ish-kandidati presidencial maqedonas nga radhët e LSDM-së opozitare, Lubomir Fërçkovski gjithashtu vlerëson se vizita e fundit e Gruevskit në Beograd është pjesë e skenarit që të margjinalizohen marrëdhëniet me Kosovën.

“Vizita e fundit e ekipit qeveritar në Beograd, është një kusht i dhënë aty që të mos zhvillohen marrëdhëniet me Kosovën dhe të lihen anash. Ky është një moment politik që duhet të vlerësohet se përse kjo Qeveri po e bën këtë“, ka theksuar profesori universitar Fërçkovski.

Të vërtetën për kalkulimet midis Beogradit dhe Shkupit për Kosovën e konfirmuan drejtuesit e dy forcave më të mëdha politike opozitare PDSH-ja nga partitë shqiptare dhe LSDM-ja nga partitë maqedonase.

Nënkryetari i PDSH-së, Abdyladi Vejseli alarmoi qartë se Maqedonia në mënyrë tendencioze po shtyn mosvendosjen e marrëdhënieve diplomatike me Kosovën, ndërsa kjo sipas tij po bëhet për hir të Beogradit dhe inskenimeve të tjera me këtë vend fqinj.

Po ashtu tre ditë më parë edhe deputeti dhe anëtari i lartë i LSDM-së, Vllado Buçkovski deklaroi hapur lojën e qartë midis Beogradit dhe Shkupit kundër Kosovës. ”Është e qartë se Maqedonia po kalkulon me vendosjen e marrëdhënieve të plota diplomatike me Kosovën.

“Sipas mendimit tim, kjo ndodh për shkak të ngrohjes së marrëdhënieve me Beogradin dhe pas dërgimit të sërishëm të ambasadorit maqedonas atje”, ka theksuar ish-kryeministri Buçkovski.

Qeveria e Maqedonisë ende nuk i është përgjigjur këtyre vlerësimeve dhe pohimeve alarmuese të dhëna nga faktorë relevantë politik, por edhe nga qarqet analitike. Partitë shqiptare opozitare kërkuan sqarime për këto çështje pikërisht nga faktori politik shqiptar në qeveri, në këtë rast BDI-ja, e cila gjithashtu po vazhdon të jetë e heshtur. /INA/
Telegrafi

PDK pro vendosjes së kamerave


Edhe pse anëtarët e Komisionit Qendror të Zgjedhjeve nga Partia Demokratike e Kosovës kanë votuar kundër vendosjes së kamerave në qendrat e votimit, zyrtarë të kësaj partie thanë se mbështesin vendosjen e kamerave në këto qendra.

Nënkryetari i kësaj partie, Hajredin Kuçi, u shpreh se PDK-ja mbështet çdo iniciativë që siguron proces zgjedhor transparent e demokratik. Por, Kuçi tha se vendimi i KQZ-së është marrë në bazë të llogaritjeve teknike për vendosje të kamerave.

Sipas nënkryetarit, Hajredin Kuçi, PDK e mbështet vendosjen e kamerave në qendrat e numërimit dhe votimit dhe çdo kosto buxhetore që kërkon instalimi i kamerave.

Por, ky qëndrim vjen në kohën kur Komisioni Qendror i Zgjedhjeve tashmë ka marrë vendimin definitiv që nuk mund të kthehet më prapa.

Sipas Kuçit, vendimi i KQZ-së është marrë në bazë të llogaritjeve teknike për mundësinë e instalimit të kamerave në qendrat e votimit. Ai nuk e sheh të nevojshme që kësaj çështjeje t'i jepej karakter politik. Kuçi tha se Partia Demokratike e Kosovës kërkon që KQZ të organizojë proces zgjedhor të dinjitetshëm, në mënyrë që rezultati i zgjedhjeve të jetë në përputhje me vullnetin e qytetarëve dhe të mos kontestohet.
Telegrafi

[Llapjani_HH]

Kuçi: Qëndrimi i krerëve të shtetit për protokollin e EULEX-it me Serbinë është kushtetues dhe në mbrojtje të sovranitetit territorial

Zëvendëskryeministri i Kosovës, Hajredin Kuçi, ka thënë se qëndrimi i krerëve të shtetit për protokollin e EULEX-it me Serbinë është kushtetues dhe plotësisht në mbrojtje të saj dhe sovranitetit territorial të shtetit.

Kështu i është përgjigjur ai Zyrës ligjore të EULEX-it, e cila nëpërmjet një dokumenti për të cilin ka shkruar e përditshmja “Koha ditore” ua ka tërhequr vërejtjen liderëve kosovarë se dy dokumentet më të larta të shtetit, Kushtetua dhe Paketa e Ahtisaarit i japin kompetenca EULX-it të bëjë protokolle bashkëpunimi me shtete të ndryshme përfshirë edhe Serbinë.

Siç shkruan “Koha ditore”, shefi i ELEX-it dhe përfaqësuesi i BE-së në Kosovës kanë përdorur argumentet e këtij dokumenti në takimin e përbashkët me presidentin Sejdiu dhe kryeministrin Thaçi. Por, zëvendëskryeministri Kuçi, ka theksuar se Paketa e Ahtisarit rregullon çështjen e brendshëm të Kosovës në veçanti të drejtat e minoriteteve në raport me Kosovën dhe në asnjë rast nuk ka të bëjë me raportet Kosovës –Serbi dhe aq më pak që t’i jepet e drejta dikujt që në emër të Kosovës të bëjë marrëveshje ndërkombëtare.

Nga ana tjetër Kristina Gallak, zëdhënëse e përfaqësuesit të lartë të Bashkimit Evropian Javier Solana, ka deklaruar se nuk ka përfunduar ende çështja e nënshkrimit të protokollit ndërmjet EULEX-it dhe Beogradit. Ajo ka thënë se po punohet për të arritur marrëveshje me autoritetet e Kosovës në mënyrë që të arrihet një përfundim i mirë.

Ajo ka thënë se përfaqësuesi i lartë i BE-së Javier Solana është në kontakt të vazhdueshëm me shefin e ICO-së Piter Feith dhe me shefin e EULEX-in Yves de Kermabo për të bërë konsultimet e nevojshme për të bindur autoritetet e Kosovës për ta pranuar protokollin. Reagime për këtë çështje vazhdojnë të vijnë edhe nga subjektet politike, të cilët e konsiderojnë të papranueshëm nënshkrimin e protokollit.
KTV

As sot nuk nis rindërtimi në lagjen “Kori i Vitakut”

Banorët e lagjes ‘Kroi u Vitakut” dhe punëtorët e kompanisë ndërtimore që ka marrë përsipër rindërtimin e pronave shqiptare, edhe sot nuk u është lejuar të punonin në rindërtimin e shtëpive.

Por, dallim nga ditët e kaluara, kur kordoni i Policisë së Kosovës nga stacioni në veri, printe në bllokimin e rrugës që çon në lokalitetin e vitakëve, për të penguar punëtorët shqiptarë në procesin e rindërtimit të shtëpive të tyre, këtë sot e bënte vetëm policia e EULEX-it, e barrikaduar në po të njëjtin vend.

Disa nga banorët shqiptarë po qëndrojnë para kordonit të policisë së EULEX-it, ndërkaq rreth 200 metra më larg janë disa serbë që po qëndrojnë te pronat e shqiptarëve.
Por, për dallim nga ditët e mëhershme, këtu nuk ka asnjë pjesëtarë të Policisë të Kosovës, as të stacionit të veriut e as të jugut.
Ndërkaq, në shtëpitë që ndodhen në hyrje të lagjes së “Kroit të Vitakut”, po punojnë serbët, por edhe shqiptarët.

Ndërkohë kryetari i AAK-së Ramush Haradinaj ka thënë se Qeveria nuk ka vizion për zgjidhjen e këtij problemi.
“Mungesa e këtij vizioni në vazhdimësi e sjellë Kosovën në momente çfarë i kemi kaluar si 6- pikëshin dhe tashti protokollin, ose dhe me vështirësitë për t’i ndërtuar 5 shtëpi në një rajon i banuar krejtësisht me shqiptarë”, ka thënë Haradinaj.
Ndërsa Kryetarja e Partisë Reformiste ORA, Teuta Sahatçia, e ka akuzuar Qeverinë e Kosovës se pos deklaratave liturgjike frazeologjike, nuk po merr asnjë hap konkret për të dëshmuar fuqinë e kapaciteteve shtetërore, kryesisht në pjesën e rebeluar të Mitrovicës, ku ekstremistët serbë më armë po e pengojnë kthimin e shqiptarëve atje.
KTV

EULEX: Kundërshtimi i Prishtinës antikushtetues


Zyra ligjore e EULEX-it jep argumentet pro protokollit, Prishtina nuk pranon të flasë për këtë

Misioni i BE-së në Kosovë, ndonëse nuk e njeh pavarësinë e saj, ua tërheq vërejtjen liderëve kosovarë se dy dokumentet më të larta të shtetit të tyre, Kushtetuta dhe Pakoja e Ahtisaarit i japin EULEX-it kompetenca të bëjë protokolle bashkëpunimi me Serbinë
Koha Ditore

[Oqeani]

OBSH: Gripi i derrit po përhapet tepër shpejt


Drejtoresha e përgjithshme e Organizatës Botërore të Shëndetësië, Margaret Çen ka thënë se gripi i derrave është përhapur katër herë më shpejt sesa viruset tjera, ndëra 40 për qind e të vdekurve janë të rinj me shëndet të mirë.
Çen i tha gazetës së përditshme franceze Le Monde se “virusi po udhëton me një shpejtësi të pabesueshme, gati të padëgjuar më parë”.

Më shumë se 2180 njerëz në tërë botën kanë vdekur nga virusi, që kur u zbulua në muajin prill.

[Llapjani_HH]

AAK: PDK-ja të bëjë kërkesë zyrtare për kamerat

Aleanca për Ardhmërinë e Kosovës e ka vlerësuar tallje me qytetarët e Kosovës, qëndrimin e djeshëm të PDK-së se është pro vendosjes së kamerave në vendvotime.

Sekretari i Përgjithshëm i kësaj partie, Burim Ramadani, ka rikujtuar se kanë qenë dy anëtarët e kësaj partie në KQZ, që kanë votuar kundër propozimit për kamera.

Ramadani ka thënë se nëse qasja e PDK-së për kamerat është e vërtetë, kjo mund të vërtetohet shumë lehtë, në mënyrë që kjo parti qysh nesër duhet të dërgojë në KQZ kërkesën zyrtare për vendosjen e kamerave në vendvotime dhe t’i lejojë dy përfaqësuesit e saj në KQZ që të votojnë pro vendosjes së tyre.
KTV

[Llapjani_HH]

Rrëfimi nga Prizreni


Familjarët e personave të arrestuar në Prizren, tri ditë më parë, thonë se djemtë e tyre janë të pafajshëm. Dy prej katër të arrestuarve janë liruar. Ata pohojnë se janë arrestuar për shkak se i kanë bërë konak Bekim Kazit nga Maqedonia. Burime të policisë besojnë se akuzat kundër këtyre personave mund të zgjerohen edhe për përfshirjen e tyre në akte terroriste.

Ramadan Berishës që prej dy ditësh nuk i është kthyer në shtëpi djali i tij, Bajrami. Arsyeja e kësaj është që ai është arrestuar nga Policia e Kosovës, ku më pas nga Gjykata e Qarkut në Prizren i është caktuar masa e paraburgimit prej 30 ditësh.

Duke qëndruar në oborr të shtëpisë së tij, në lagjen Tusus të Prizrenit, se bashku me fëmijët e djalit të arrestuar, plaku 75 vjeç, nuk beson se djali i tij të ketë kryer ndonjë krim. Ai beson se të gjitha janë shpifje të kurdisura kundër tij.

“Djali im është i pafajshëm. Për çka do që e akuzojnë, unë jam sigurt që ai nuk ka bërë asgjë. Unë besoj që i vetmi dyshim që i ka lindur policisë është se ne i kemi ofruar konak një djali shqiptar nga Maqedonia e që kish lindë në Amerikë (Bekim Kazi)”, rrëfen babai i Bajramit të arrestuar.

Ai sqaron se djali i tij nuk kishte njohur kurrë më parë Bekim Kazin, por se ata ishin njoftuar para pak ditësh, gjatë lutjeve fetare në një prej xhamive të Prizrenit.

“Gjithkush që vjen tek ne, sidomos në muajin e Ramazanit, gjithmonë është i mirëseardhur. Ashtu ka ardhur edhe ai djalë. Nuk më është dukur asgjë i dyshimtë, kishte një lap top të vetin me të cilin ka luajtur bashkë me fëmijët.
Nuk e kam ditë se ai po ndiqet nga policia, se nuk e kisha pranu në shtëpi”, shton ai.

Plaku Ramadan Berisha pohon se pas qëndrimit prej një natë në shtëpinë e tij, Bekim Kazi kishte shkuar të nesërmen në xhami, ku më pas ai është arrestuar nga Policia e Kosovës.

Më pas, ai thotë se ky person ishte pyetur nga policia se te kush ishte duke qëndruar në Prizren, ndërsa ai ka treguar se ka qenë në shtëpinë e Bajram Berishës.

“Kanë ardhur në shtëpinë time shume vetura të policisë edhe ma kanë marrë djalin. Ashtu, pa faj i kanë arrestuar edhe dy shokët e tij, Iljaz Islamin edhe Shaban Dilin. Edhe ata janë të pafajshëm, nuk kanë bërë asgjë”.

Sa i përket akuzës për armëmbajtje pa leje, Ramadan Berisha arsyetohet se armët e gjetura janë që prej kohës së luftës, pasi që tre djemtë e tij kanë qenë pjesëtarë të UÇK-së, ndërsa njëra nga armët thotë se i përket atij dhe se atë e përdorë për në gjueti. Ai thotë se që prej më shumë se 30 vjetësh është pjesëtar aktiv i shoqatës së gjuetarëve.

Pas qëndrimit prej 48 orësh në arrest, me urdhër të Gjykatës së Qarkut në Prizren, nga akuzat janë liruar Iljaz Islami dhe Shaban Dili.

Tashmë deri sa Bajram Berisha dhe Bekim Kazi po qëndrojnë në burg, deri në përfundim të masës së paraburgimit prej 30 ditësh, këta të fundit i janë kthyer jetës së tyre normale.

Deri sa qëndronte në shitoren e tij në qendër të Prizrenit, Iljaz Islami thotë se arrestimi i tij është bërë gabimisht dhe se ai nuk i përfshirë në kurrfarë grupi kriminal. Ai pohon se shokët e tij janë Bajram Berisha dhe Shaban Dili, ndërsa për shqiptarin nga Maqedonia, Bekim Kazin thotë se nuk e ka njohur kurrë më parë.

“E gjitha ka qenë gabim, nuk kam bërë unë asgjë. Askujt nuk jam në gjendje t’i bëj diçka keq. Më kanë arrestuar pa faj, për atë edhe unë jam tani i liruar. Vetëm pse kam shkuar të pyes se çka ka ndodh me shokun tim Bajramin, policia më kanë arrestuar. Ashtu edhe shokun tjetër, Shaban Dilin. Ne të tretë jemi shokë, e atë djalin e Maqedonisë nuk e kemi njohur kurrë”, thotë Islami.

Ndërsa shoku i tij, i cili nuk do të identifikohet, beson se arsyeja e vetme që Islami është arrestuar është për shkak se ai ka lëshuar mjekrën dhe se për këtë e vë në dyshim policinë se është i përfshirë në ndonjë sekt fetar.
“Ky njeri është shumë njeri i mirë, është i pastër si loti. Nuk e di se çka i ka pengu disa personave, apo me siguri që i pengon mjekra e Iljazit”, thotë ai.

Express ka tentuar të kontaktojë përmes telefonit edhe me të liruarin tjetër, Shaban Dilin, mirëpo ai nuk është përgjigjur.

Ndërsa një kushëri i tij, në kushte anonimiteti pohon se Shaban Dili, pas lirimit i kishte thënë se është arrestuar vetëm për shkak se pas arrestimit të të dyshuarit Bajram Berishës, policia kishte zbuluar se numrin e tij kishte qenë i fundit në thirrjet telefonike të Berishës.

Ky person mohon çdo përfshirje të mundshme të Dilit në ndonjë grup kriminal apo në ndonjë sekt fetar.

“Shabani është fetar si çdo mysliman tjetër. Nuk bën pjesë në ndonjë grup ekstremist. Ashtu janë edhe dy shokët e tij, Bajrami me Iljazin. Shpresoj që të gjithë të lirohen se askujt nuk i kanë bërë keq”, thotë ky person.

Gjatë ditës së premte, Policia e Kosovës ka arrestuar në Prizren Bekim Kazin me orgjinë nga Dibra dhe me shtetësi amerikane, shqiptarët: Bajram Berisha dhe Iljaz Islami si dhe boshnjakun Shaban Dili.

Pas qëndrimit prej 48 orësh, këta të fundit janë liruar në mungesë provash, ndërkaq të dyshuarit, Kazi dhe Berisha janë ndaluar për 30 ditë qëndrimi në paraburgim me akuzën për “armëmbajtje pa leje” dhe “shkaktim të rrezikut të përgjithshëm”.

Burime të policisë besojnë se akuzat kundër këtyre personave mund të zgjerohen edhe për përfshirjen e tyre në akte terroriste.

Po ashtu, këto burime kanë pohuar se përmes dhënies së informatave, në arrestimin e tyre ishte e involvuar edhe FBI.

Hetimet për këtë rast nuk janë mbyllur, ndërkohë që policia e rajonit të Prizrenit po punon në verifikimin dhe ekzaminimin e provave tjera materiale të gjetura në lokacionet e të dyshimtëve, për të dalë me rezultate konkrete.
Po këto burime kanë konfirmuar se të arrestuarit dyshohet t’i përkasin sektit fetar Wahabi.
Gazeta expres

PDSH kundër maqedonishtes nga klasa e parë


Partia Demokratike Shqiptare ka kritikuar vendimin e Qeverisë që nxënësit shqiptarë gjuhën maqedonase të fillojnë ta mësojnë që nga klasa e parë. Sipas PDSH-së, vendimi i këtillë i ndërmarrë nga Qeveria është i njëanshëm. Partia e Thaçit konsideron se në këtë mënyrë, kryeministri Gruevski edhe një herë ka marrë një vendim që bie ndesh me Kushtetutën.

“Partia Demokratike Shqiptare reagon ashpër ndaj një vendimi të këtillë jashtëkushtetues, tendencioz dhe me prapavijë – pra, mësimit të gjuhës maqedonase, duke filluar nga klasa e parë fillore nga ana e nxënësve shqiptarë, dhe jo edhe mësimin e gjuhës shqipe nga ana e nxënësve maqedonas, gjithashtu nga klasa e pare fillore - andaj dhe apelon që Qeveria urgjentisht ta tërheqë këtë vendim.

BDI, si pjesëmarrëse në Qeveri t’i ndërpret format e këtilla të lojalitetit të skajshëm ndaj projekteve djallëzore antishqiptare që vazhdimisht i promovon Gruevski”, deklaroi Iljas Halimi – nënkryetar i PDSH-së.
ALSAT M

[Llapjani_HH]

Punimet në lagjen Kroi i Vitakut sot kanë vazhduar pa probleme


Kanë rifilluar sot punimet në ndërtimin e shtëpive të shqiptarëve në lagjen Kroi i Vitakut, pas disa ditë ndërprerjesh. Punimet filluan në prani të një numri të shtuar të forcave të policisë dhe të KFOR-it. Zyrtarët komunalë të Mitrovicës dhe autoritetet e rendit thanë se punimet janë duke vazhduar pa probleme.

Banorëve shqiptarë të lagjes “Kroi i Vitakut”, në veri të Mitrovicë, iu është lejuar sot që t’i rifillojnë punët përgatitore për rindërtimin e shtëpive të tyre. Agim Vitaku e Xhafer Brahimi shprehen të kënaqur që sot atyre iu është lejuar që të jenë në pronat e veta.

Procesi i fillimit të rindërtimit të shtëpive në pronat e familjes Vitaku është shoqëruar nga masa të jashtëzakonshme të sigurisë që ishin ndërmarrë nga njësitet speciale të policisë së EULEX-it. E tërë zona ku punonin punëtorët shqiptarë ka qenë e rrethuar nga forca të shumta policore. Policinë e EULEX-it e kanë ndihmuar edhe njësitet speciale të policisë së Kosovës të cilat ishin vendosur në hyrje të lagjes “Kroi i Vitakut”, duke iu pamundësuar hyrjen në atë zonë atyre që nuk kanë punë.

“Nga takimi i fundit që ka pas shefi i misionit ndërkombëtar të EULEX-it me kryetarin e komunës (Zannier –Rexhepi) është ri-konfirmuar edhe njëherë e drejta e pronarëve për tu kthyer në pronat e tyre. Në takim është darkorduar që organet e policisë duhet të ofrojnë siguri për banorët derisa ndërtojnë shtëpitë e tyre. Kjo ka ndodhë dhe kanë filluar punimet”, ka deklaruar sot Rasim Veseli, drejtor i shërbimeve publike në komunën e Mitrovicës.

Gjatë kohës sa vazhdonin punimet një grup i vogël i serbëve ka protestuar afër vendit të ngjarjes. Por njësitet speciale të policisë së EULEX-it janë përkujdesur që mos të lejojnë incidente.

Njeri prej përfaqësuesve serb të lagjes “Kroi i Vitakut”, Nebojsha Miniq tha se serbët po kundërshtojnë kthimin e fqinjëve të tyre shqiptarë pasi sipas tij serbëve nuk po u ofrohet kushte për kthim në pjesët tjera të Kosovës.

Ndërsa, një serb tjetër që është edhe zyrtar për urbanizëm në administratën e UNMIK-ut në veri ka thënë se procesi i rindërtimit të shtëpive shqiptare në lagjen Kroi i Vitakut është i jashtëligjshëm.

“Nëse Zanier dhe Rexhepi janë marrë vesh për këtë atëherë kjo është çështje politike që nuk ka të bëj asgjë me ligjin. Nëse pronarët e shtëpive nuk i nënshtrohen procedurave ligjore atëherë nuk përjashtohet mundësia që ndonjëherë këto shtëpi edhe të rrënohen”, ka thënë zyrtari për urbanizëm në administratën e UNMIK-ut, Dragan Spasojeviq.

Por, këto deklarime të serbëve janë cilësuar jo serioze nga ana e zyrtarëve komunal të Mitrovicës. Ata thonë se rindërtimi në këtë lagje do të vazhdojë.

“Deri tani në lagjen Kroi i Vitakut janë ndërtuar rreth 25 shtëpi shqiptare me mjete të ndara nga komuna e Mitrovicës dhe Qeveria e Kosovës. Me fillimin e punimeve në pronat e familjes Vitaku ka nisur faza e dytë e rindërtimeve gjatë së cilës prite të rindërtohen edhe dhjetëra shtëpi të tjera”, ka thënë drejtori i shërbimeve publike në komunën e Mitrovicës, Rasim Vesli.

Megjithë grumbullimin e një grupi të vogël serbësh, të pakënaqur për fillimin e punëve, situata konsiderohet e qetë, vlerëson zëdhënësi policor Besim Hoti.

“Situata konsiderohet të jetë e qetë me gjithë faktin se sot kanë filluar me pastrimin e shtëpive të cilat kanë qenë të kontestuara ditë më parë. Policia ka ngritur prezencën e masave të sigurisë këtu me përkrahjen e forcave policore të EULEX-it dhe KFOR-it”, ka thënë zëdhënësi Besim Hoti.

Nesër në këtë lagje, punimet do të vazhdojnë në pastrimin e gërmadhave, ndërkaq për ditët e ardhshme, është paraparë që ato të zgjerohen më thellë në zonën e fshatit.
RTK

Rohan: EULEX nuk mund të nënshkruajë marrëveshje pa pëlqimin e Prishtinës

Një nga hartuesit kryesorë të dokumentave që përbëjnë bazën e sovranitetit të Kosovës së pavarur, Albert Rohan, thotë se misioni evropian për drejtësi dhe polici, EULEX, nuk mund të nënshkruajë asnjë marrëveshje me vendet e rajonit pa pëlqimin e qeverisë në Prishtinë.

"EULEX i është krijuar që të ndihmojë autoritetet e Kosovës në fushën e drejtësisë dhe të sigurisë, por është e qartë se nuk mund të marrë përsipër pjesë të sovranitetit të tyre. Është e vërtetë se ka disa fuqi ekzekutive, por sovraniteti i qeverisë së Prishtinës dhe autoriteteve atje nuk vihet në dyshim", tha Rohan në një intervistë për BBC-në. Rohan theksoi se qeveria e Kosovës duhet të përfshihet në hartimin e të gjitha marrëdhënieve dhe duhet të pajtohet plotësisht rreth substancës së bashkëpunimit me vendet e rajonit. Ain tha se EULEX i nuk mund ta detyrojë qeverinë e Kosovës të nënshkruajë asgjë, por duhet të bëjë përpjekje që ta bindë atë për dobinë e këtyre marrëveshjeve dhe së bashku të gjejnë mënyrën se si t'i zbatojë ato.
RTK

Prishtina mbanë qëndrimin kundër protokollit edhe pas sugjerimeve të BE-së

Një ditë pas sugjerimit të Bashkimit Evropian për vazhdimin e konsultave rreth protokollit, është deklaruar Presidenti i vendit Fatmir Sejdiu, duke thënë se Prishtina vazhdon me qëndrimin e mëhershëm- kundër protokollit. Kundër këtij protokolli po sot është shprehur edhe Komisioni për Punë të Brendshme dhe Siguri i Kuvendit të Kosovës, i cili ka debatuar për situatën e sigurisë në vend.

Ndonëse BE- i ka sugjeruar dje përfaqësuesit të tij në Kosovë, Piter Faith që të vazhdojnë konsultimet për siç janë shprehur, aranzhime teknike me Beogradin, në Prishtinë, liderët shtetëror thonë se për Prishtinë kjo mbetet çështje e mbyllur.
Presidenti Sejdiu tha se institucionet e Kosovës vazhdojnë të shprehin gatishmërinë për bashkëpunim me EULEX-in për të mirën e Kosovës, ndërsa qëndrimi për protokollin është i pandryshueshëm.

“Kemi mbyllur debatin për protokollin, por do të bashkëpunojmë me EULEX-in për të mirën e Kosovës”, ka thënë sot presidenti i vendit, Fatmir Sejdiu. Duke komentuar pëlqimin e dhënë nga Brukseli për nënshkrimin e marrëveshjes së protokollit në mes të EULEX-it dhe Serbisë, Sejdiu ka thënë se EULEX-i do të mbetet vetëm partner mbështetës për Kosovën. Ndërkohë Komisioni për Siguri i Kuvendit të Kosovës ka kërkuar që organi legjislativ të thotë fjalën e fundit për nënshkrimin e mundshëm të protokollit me Serbinë.
RTK

Feith paraqet progresin e Kosovës në Parlamentin Evropian


Përfaqësuesi i BE-se për Kosovën, Pieter Feith është paraqitur sot para Komitetit për Politike te Jashtme te Parlamentit Evropian duke lexuar raportin për zhvillimet e muajve të fundit ne Kosovë. Feith e ka nisur raportin me progresin e arritur duke mos harruar edhe sfidat e shumta qe mbesin pjesë e Kosovës. Të dëgjosh të flitet serbisht rrugëve të Prishtinës sot nuk është diçka e rrallë, tha Pieter Feith, ne cilësinë e përfaqësuesit evropian për Kosove.

Feith gjithashtu përmendi një rast tjetër të progresit në jetën e përbashkët në qytezën e Kamenicës dhe disa raste tjera, ndërsa pjesë të progresit përmendi edhe anëtarësimin e Kosovës në FMN dhe Banke Botërore, krijimin e Gjykatës Kushtetuese etj.

Sidoqoftë, për Pieter Feith ajo që vazhdon të këtë nevojë për përmirësim është puna e Parlamentit, njëjtë sikur herën e kaluar, kur ai ka raportuar para Parlamentit Evropian.

Ne këtë pikë ka reaguar edhe deputetja gjermane e parlamentit, Doris Pack, e cila ka kërkuar dërgimin e përfaqësuesve të Parlamentit të Kosovës në Bruksel për të marrë mësim nga përvojat evropiane.

Ata duhet ta kenë te qartë që Parlamenti e kontrollon qeverinë, deklaroi në reagimin e saj deputetja Pack.

Zgjedhjet lokale gjithashtu kanë zënë një pjesë të rëndësishme të raportit të z. Feith duke kërkuar përkrahje dhe monitorim të zgjedhjeve lokale, pasi që OSBE-ja dhe Këshilli i Evropës nuk mund ta bëjnë një gjë të tillë për shkak të çështjes së pavarësisë.

Disa deputetë të Parlamentit Evropian menjëherë premtuan se ata do vazhdojnë t`i japin rëndësi mbajtjes se zgjedhjeve te lira e demokratike në Kosovë.
RTK

BE shpreson të arrijë një marrëveshje me autoritetet e Prishtinës


Bruksel, 2 shtator Bashkimi Evropian ka shprehur bindjen se do të arrijë një marrëveshje me autoritetet e Prishtinës lidhur me protokollin e bashkëpunimit midis EULEX it dhe Serbisë. Kristina Galak, zëdhënësja e përfaqësuesit të BE së për politikën e jashtme e sigurinë, Havier Solana, tha në një intervistë për BBC në se BE ja do të vazhdojë konsultimet me autoritetet e Kosovës për të arritur në një zgjidhje për këtë çështje.

Galak sqaroi se të gjithë ambasadorët e Bashkimit Evropian u informuan dje nga i dërguari i posaçëm Peter Feith lidhur me zhvillimet më të fundit dhe ata diskutuan lidhur me çështjen e marrëveshjes së propozuar teknike me Beogradin.

"Mund t'ju them fare qartë se të gjithë rreth tryezës, ashtu siç bëri edhe zoti Solana javën e shkuar, dënuan vandalizimin e makinave të EULEX it, dhe të gjithë rreth tryezës mbështetën plotësisht punën e Bashkimit Evropian në Kosovë, përfshirë marrëveshjen e propozuar teknike. Ne mendojmë se ky është një element i domosdoshëm në procesin e mbështetjes së Kosovës për të luftuar krimin e organizuar dhe për të pasur struktura solide të sundimit të ligjit", theksoi Galak.

Galak ka transmetuar mbështetjen e plotë të të 27 vendeve anëtare për punën e bërë nga Peter Feith, për rolin e kryer nga EULEX i me kreun e saj të misionit, dhe angazhimin e Bashkimit Evropian për popullin e Kosovës. "Ne mendojmë se ata kanë nevojë dhe meritojnë struktura shumë solide të sundimit të ligjit dhe EULEX i prandaj është atje, për të ndihmuar", tha zëdhënësja e Solanës.
QIK-u

[Llapjani_HH]

Në anën e EULEX’it

Ambasadorët e Bashkimit Europian i kanë dhënë mbështetje të plotë planeve të EUELX’it për aranzhime teknike me Beogradin në fushën e sundimit të ligjit. Qëndrim të njëjtë ka shprehur edhe Pieter Feith, por me një gjuhë më të sofistikuar. Në një fjalim para eurodeputetëve, ai ka folur për të arriturat në Kosovë, por ka përmendur edhe shumë sfida me të cilat përballet shteti i ri.

Zyrtarë të Bashkimit Europian i kanë dhënë mbështetje planeve të EULEX’it për të vendosur bashkëpunim policor me Beogradin, por kanë kërkuar që për këtë çështje të ketë konsultime mes faktorëve relevantë.

Kjo temë është ngritur në dy takime veç e veç në Bruksel të martën.

I pari është mbajtur në mëngjes prapa dyerve të mbyllura, në të cilin ambasadorë të 27 shteteve anëtare kanë shprehur qëndrimet rreth kundërshtimit të liderëve të Kosovës ndaj protokollit policor me Serbinë.

Duke shprehur përkrahje për nismën e EULEX’it, zyrtarët europianë kanë përdorur termin “aranzhime teknike” në vend të termit “protokoll”.

“Ambasadorët e Komitetit për Politikë dhe Siguri i kanë dhënë mbështetje të plotë punës së pranisë së Bashkimit Europian, EULEX’it dhe EUSR’së, përfshirë aranzhimet teknike me Beogradin. Ky është një element kritik për luftimin e krimit të organizuar dhe do të jetë në dobi të të gjithë qytetarëve të Kosovës. Konsultimet me të gjithë faktorët do të vazhdojnë”, ka thënë Cristina Gallach, zëdhënëse e Javier Solanës.

Situata në Kosovë ka hyrë në rend dite të takimit të ambasadorëve evropianë, pasi kanë marrë raporte me shkrim nga Yves de Kermbabon dhe Pieter Feith lidhur me vendimin e liderëve kosovarë se më nuk pranojnë të debatojnë rreth protokollit të EULEX’it me Serbinë.

Kufij shtetërorë dhe administrativë!

Cristina Gallach, zëdhënëse e Javier Solanës, ka bërë të ditur se diplomatët e BE’së “kanë dënuar vandalizmin e automjeteve të EULEX’it si dhe kanë shprehur keqardhje për zhvillimet e fundit në veri të Kosovës”.

Takimi tjetër në Bruksel -ku është folur për situatën në Kosovë- është mbajtur pasdite në selinë e Parlamentit Europian. Në Komisionin për Punë të Jashtme të parlamentarëve europianë ka raportuar përfaqësuesi apecial i BE’së, Pieter Feith. Edhe ky i ka dhënë mbështetje bashkëpunimit policor me Serbinë, por me një fjalor më të sofistikuar.

Ai ka vlerësuar se përpjekjet për të frenuar krimin e organizuar dhe korrupsionin mbesin sfidë e veçantë për autoritetet e Kosovës.

“Kjo kërkon përkrahjen e plotë të udhëheqësve politikë të Kosovës si dhe natyrisht edhe përqendrimin e vazhdueshëm të shteteve anëtare të BE’së. Krimi i organizuar nuk ndalet në kufij shtetërorë ose administrativë; përparimi i vërtetë në luftën kundër krimit të organizuar ka nevojë të bëhet në bazë të një qasjeje më të gjerë rajonale”, ka thënë Feith.

Diplomati holandez, i cili në Kosovë mban dy poste, ka dëshmuar se si përfaqësues special i BE’së ai është neutral ndaj statusit të Kosovës sepse për të vendi ynë nuk ka vetëm kufij shtetërorë, por edhe administrativë.

Gjatë fjalës së tij para eurodeputetëve, Feith ka potencuar edhe çështjen e stabilitetit të Kosovës, që, sipas tij, është objektiv strategjik që duhet ndjekur në partneritet me autoritetet e Kosovës. Por, sipas tij, megjithëse nuk ka pasur gjithmonë harmoni të përkryer, ky partneritet është zhvilluar në bashkëpunim solid, në të cilin autoritetet e Kosovës kanë investuar shumë angazhime.

“Nëse institucionet demokratike mund të vazhdojnë të ofrojnë stabilitet politik dhe mekanizma për menaxhimin dhe zgjidhjen e dallimeve në Kosovë, unë besoj se rreziku i tensioneve do të vazhdojë të ulet edhe më shumë”, ka thënë ai.

Polarizimet politike

Megjithatë, i dërguari i BE’së ka thënë se është i preokupuar me polarizimin e thellë mes liderëve politikë në Kosovë, duke iu referuar deklaratave të zyrtarëve të PDK’së dhe AAK’së, si dhe për perceptimin e publikut lidhur me deklaratat që janë kritike ndaj pranive ndërkombëtare në Kosovë, përfshirë ato të BE’së.

“Kjo lehtësisht çon në vandalizëm dhe dhunë në një atmosferë të ngarkuar dhe të paqëndrueshme, e kemi parë para disa ditësh”, ka thënë Feith.

Ai ka folur edhe rreth përgatitjeve për mbajtjen e zgjedhjeve lokale më 15 nëntor, duke i njoftuar parlamentarët europianë se Komisioni Qendror i Zgjedhjeve ka kërkuar nga disa organizata europiane dhe rajonale të monitorojnë zgjedhjet e ardhshme.

“Unë shpresoj shumë që kjo do të ndodhë për shkak se procesi demokratik, transparent edhe i drejtë i zgjedhjeve ka rëndësi kritike kur bëhet fjalë për zhvillimin e Kosovës si shoqëri moderne, demokratike dhe shumetnike”, ka thënë ai.

Feith shpreson fuqimisht se Qeveria e Serbisë do të inkurajojë serbët e Kosovës të dalin në zgjedhjet e 15 nëntorit, duke theksuar se në konsultim të ngushtë me bashkësinë ndërkombëtare, autoritetet e Kosovës tani për tani janë duke e vlerësuar se sa prej komunave të reja me shumicë serbe janë në gjendje të marrin pjesë në zgjedhje.

Një pjesë e konsiderueshme e raportit të përfaqësuesit të BE’së i është kushtuar të arriturave të institucioneve të Kosovës si dhe përmirësimit të marrëdhënieve ndëretnike në vend.

“Kosova ka bërë përparim të vërtetë në themelimin e institucioneve dhe mekanizmave demokratikë, si dhe në përmirësimin e jetës së qytetarëve të saj. Ajo ka filluar rrugëtimin e saj drejt konsolidimit të këtyre arritjeve përmes reformës së pushtetit lokal, projekteve të infrastrukturës dhe përmirësimeve në qeverisjen ekonomike. Ajo e ka mirëpritur dhe ka filluar të ndërtojë partneritet të vërtetë me Misionin Europian për Sundimin e Ligjit. Këto arritje do të përballen me testin e tyre të parë për zgjedhje në muajin nëntor të këtij viti”, ka thënë ai.

Megjithëkëtë, Feith ka theksuar se institucionet e Kosovës kanë ende shumë punë dhe sfida para vetës. Ai ka vlerësuar se Kuvendi i Kosovës duhet të avancojë përfshirjen e tij në vendimmarrje si dhe të përmirësojë mbikëqyrjen e qeverisë nga ana e tij, duke siguruar kështu transparencën dhe llogaridhënien.
Gazeta expres

Përgjigjie e mediave për RTV Ramazanin


Kot e keni o 'ju të fes Islame ' ne nuk ju transmetojmë asgjë dhe nuk keni se çfarë bëni.

Ja e zbuluat se nuk ka ndonjë pengesë juridike dhe rregullative për mos transmetimin e programeve me tematik fetare.

Na kritikuat në të gjitha format për mos realizimin e kërkesave dhe dëshirav tuaja dhe çfarë ?!

Kot e keni o 'ju të fes Islame ' ne nuk ju transmetojmë asgjë dhe nuk keni se çfarë bëni.
Ju prap se prap do të duhet të paguani tarifën e RTK-ës, prap se prap reklamat tuaja tek ne do ti publikoni dhe çfarë, a mendoni se do të ju dëgjojë dikush a ?

Po lodheni kot.

Nuk e kuptojë se nga e keni këtë guxim të kërkoni kaq zëshëm, kaq hijshëm, kaq arfumentueshëm. Ju e dini si e keni si e keni imazhin në botë .

Kush do që insiston në këtë kërkesë do të shpallet për mbrapanik dhe terroristë.

Tani nuk është krjetë e kjartë kjo puna e terrorit, spo dihet kush ndaj kujt po ushtron terror në situata të tilla.

Megjithat respekti, shikueshmëria ndaj medive kombëtare ka humbur deri në pik të fundit.

Falë Zotit tani kemi alternativë disa nga mediet lokale dhe disa medie që janë hapur në rrjetet kabllovike dhe në net të cilat për pak kohë kan arritur shikueshmëri rekordë.

Dikur ankoheshim nga pushteti i dhunshëm serbo-sllavë, por sistemi i psedopatriotëve po duket të jetë më i pashpirti. I këtyre njerëzve që syt dhe mendjet u vezullojnë vetëm Euro.
I të tillëve që shkelin njerëzit e vet vetëm pse në një kohë të jetës së tyre i u është ofruar fati të jenë në pozit udhëheqëse .

Zoti dhashtë mend aty ku .

Ky vend kish pas vetëm një Avni Rrustem se për Esat Pashaja kish pas plotë
Mesazhi.com

[Llapjani_HH]

Krasniqi: Pas vizës nga BE, EULEX-i nënshkruan protokollin

“Protokolli që pretendohet të nënshkruhet, dhe sigurisht se do të nënshkruhet pasi ka marrë vizën nga Bashkimi Evropian, nuk është problem për fushat, ku EULEX-i do që të luftojë krimin”, thotë kryetari i Kuvendit, Jakup Krasniqi.

RADIO EVROPA E LIRË
Zoti Krasniqi, Bashkimi Evropian i ka dhënë mbështetje EULEX-it në aranzhimet e bëra teknike me Serbinë, ndërkohë që dihet kundërshtimi i këtyre protokolleve apo aranzhimeve teknike nga ana e Prishtinës zyrtare. Si i shihni këto zhvillime dhe si i parashihni tash raportet me misionin e EULEX-it në Kosovë?

JAKUP KRASNIQI
Është e kuptueshme që Bashkimi Evropian e mbështet EULEX-in, sepse, në fund të fundit, EULEX-i është një trup i Bashkimit Evropian në Kosovë, për të ngritur kapacitetet e institucioneve të Kosovës, sidomos të Qeverisë së Kosovës, në tri fusha mjaft të rëndësishme.

Dhe, në fakt, situata e krijuar është pasojë nëse jo e mungesës së një komunikimi të mirëfilltë, është pasojë e një menaxhimi jo të mirë, ndoshta të dyanshëm, edhe nga institucionet e Kosovës, në mënyrë të veçantë nga Qeveria dhe presidenti që kanë takime mjaft të rregullta me shefin e EULEX-it, dhe natyrisht edhe nga EULEX-i.

Në anën tjetër, realisht, protokolli që pretendohet të nënshkruhet, dhe sigurisht se do të nënshkruhet pasi ka marrë vizën nga Bashkimi Evropian, nuk është problem për fushat, ku EULEX-i do që të luftojë krimin e organizuar politik dhe ekonomik, do që të luftojë kontrabandën, trafiqet e ndaluara.

Realisht, kjo do të ishte krejt normale sikur Serbia të mos ishte ajo që nxit kontrabandën, nxit trafiqet e ndaluara, ose i kontrabandon ato në Kosovë në forma të ndryshme, përmes strukturave paralele që janë krijuar në Kosovë.

Sikur Serbia të kishte një gatishmëri për t’i luftuar këto struktura paralele dhe kriminale në Kosovë, që janë të nxitura nga Serbia, institucionet e Kosovës nuk do të kishin ndonjë arsye ta kundërshtonin, sepse, në fund të fundit, qëllimi ynë është që jo vetëm në atë pjesë të Kosovës, por në çdo pjesë të Kosovës të sundojë rendi dhe ligji.

RADIO EVROPA E LIRË
Mirëpo, nëse Qeveria dhe presidenti kanë thënë se nuk mund të ketë zbatim të asnjë marrëveshjeje që nuk nënshkruhet nga institucionet e Kosovës, si do të veprohet në këtë rast? Do të lejojë Kosova që të zbatohet kjo marrëveshje?

JAKUP KRASNIQI
Nëse kjo është në shërbim të vendosjes së sundimit të rendit dhe të ligjit në atë pjesë të Kosovës, nëse kjo marrëveshje ka për qëllim të ndërpresë kontrabandën që bëhet në doganat e asaj pjese të Kosovës dhe që e dëmton buxhetin e Kosovës, mendoj që as Qeveria dhe as qytetarët e Kosovës nuk duhet të kenë reagim.

Të gjithë duhet ta dimë se në këto momente institucionet e Kosovës e kanë të vështirë t’i kontrollojnë këto tri fusha që ka EULEX-i në atë pjesë të Kosovës. Në këtë drejtim, unë kërkoj që të ketë një bashkëpunim më të fuqishëm mes EULEX-it dhe Qeverisë së Kosovës.

Në anën tjetër, unë nuk dëshiroj që EULEX-in në atë pjesë të Kosovës ta shoh si palë të tretë dhe jashtë interesit të Kosovës dhe qytetarëve të Kosovës. Unë besoj që EULEX-i është në atë pjesë të Kosovës për t’i ndihmuar institucionet e Kosovës, për të vendosur sundimin e rendit dhe të ligjit dhe në këtë rrafsh mendoj që duhet mbështetur.

RADIO EVROPA E LIRË
A konsideroni se mund të vijë deri te përplasjet mes kosovarëve dhe EULEX-it? Kemi parë këtu edhe demolim të veturave të këtij misioni. Të gjitha këto zhvillime a mund të sjellin tensione mes kosovarëve në njërën anë dhe misionit të BE-së në anën tjetër?

JAKUP KRASNIQI
Realisht, ishin dy lloj protestash dhe kundërshtimesh që janë zhvilluar kundër EULEX-it dhe kundër sundimit të rendit dhe ligjit në Kosovë.

Së pari, kjo ka ndodhur në pjesën veriore të Kosovës dhe mendoj që intervenimi edhe i EULEX-it, por edhe i forcave të tjera të sigurisë, edhe i institucioneve të Kosovës, nuk ka qenë në nivelin e duhur.

Unë e kuptoj që ndoshta ende në atë pjesë ligji dhe gjyqësia s’mund t’i zgjidhin problemet, pra duhet të kemi një zgjidhje politike. Por, realisht, veprimet me dy kute, me dy standarde nuk e ndihmojnë demokracinë.

Mendoj që veprimi i “Vetëvendosjes” në Kosovë, me shkatërrimin e veturave të EULEX-it, është veprim i ngutshëm, i papranueshëm dhe nuk do të duhej të përsëritej në Kosovë, për faktin se EULEX-i nuk është një palë e tretë, nuk ka ardhur këtu pa ftesën e përfaqësuesve institucionalë të Kosovës; do të thotë, ka ardhur me ftesën tonë.

Ndoshta jo gjithmonë i merr veprimet më të mira për të vendosur rendin dhe ligjin në pjesën veriore të Kosovës, por është në këtë shërbim dhe sigurisht se do të punohet në këtë drejtim.

Qytetarët e Kosovës dhe asnjë segment i shoqërisë së Kosovës, në asnjë formë, nuk do të duhej të konfrontohet me EULEX-in. Mendoj që shoqëria kosovare, institucionet e Kosovës, qytetarët e Kosovës, por edhe shoqëria civile, qoftë dhe protestuesit, duhet të mendojnë që në Kosovë mjaft është sulmuar, mjaft është shkatërruar, mjaft është luftuar. Këtu duhet të krijohet hapësirë për ndërtim dhe zhvillim.

RADIO EVROPA E LIRË
Jeni njëri prej liderëve kosovarë që jeni deklaruar në lidhje me idenë për raportet Kosovë – Shqipëri, integrimin e dy popujve. Kishte dhe një deklaratë të kryeministrit Sali Berisha në anën tjetër. Si e shihni të ardhmen e dy vendeve dhe sa është i mundshëm ky integrim mes dy popujve?

JAKUP KRASNIQI
Ideja e bashkimit kombëtar nuk është një ide e re. Është një ide që gjithnjë ka qenë e gjallë, gjithnjë ka qenë prezente te lëvizjet politike në Kosovë pas vitit 1912-13, e në mënyrë të veçantë pas Luftës së Dytë Botërore. Do të thotë, nuk kemi pasur një zbehje të kësaj aspirate, por kemi pasur një ngritje, një angazhim.

Mendoj që e gjithë lëvizja politike klandestine pas Luftës së Dytë Botërore, në programet e saj politike ka pasur idenë e bashkimit kombëtar.

Do të thotë, të gjitha veprimet që janë bërë në kohën kur janë vendosur kufijtë e Shqipërisë londineze, që quhet me të drejtë nga Konferenca e Londrës, një pjesë e madhe e kombit dhe hapësirat shqiptare padrejtësisht kanë mbetur jashtë Shqipërisë. Prandaj, kjo është një aspiratë e vjetër.

Unë, duke qenë një anëtar i lëvizjes klandestine me vite të tëra, mos të them dhe me dekada, kemi pasur në programet e organizatave tona politike idenë e bashkimit kombëtar. Natyrisht, kjo lëvzije politike sa herë është masovizuar, sa herë i ka shpërthyer kufijtë e ilegales, e pak a shumë ndoshta i ka rrudhur kërkesat e veta për të fituar atë që ka kërkuar.

Kjo ka ndodhur edhe me luftën e fundit, ku në bashkëpunim me kërkesat e komunitetit ndërkombëtar, ne e kemi pranuar kërkesën që Kosova t’i ruajë kufijtë e saj administrativë dhe të bëhet republikë.

Mendoj që kjo ide fuqizohet edhe tani për shumë arsye, për faktin se të gjithë popujt e rajonit tonë po pretendojnë të integrohen në Bashkimin Evropian dhe kur qëndron integrimi i gjithë rajonit në BE, pse të mos ketë edhe një integrim ndërshqiptar, sepse, në fund të fundit, tani të gjitha kominitetet, të gjithë popujt e Ballkanit nuk do të kenë interesa të sundojnë ose të grabisin hapësira të njëri-tjetrit, por të zhvillojnë një partneritet të ri.

Dhe, mendoj që edhe ideja e bashkimit kombëtar ka kaluar nga organizimet ilegale, nga organizimet e ngushta. Ndoshta institucionet e Shqipërisë edhe të Kosovës, por ndoshta edhe ndonjë pjesë tjetër, duhet të mendojnë për integrimet dhe për bashkimin e kombit dhe mendoj se në Evropën e bashkuar bashkimi i shqiptarëve s’e pengon askend.

RADIO EVROPA E LIRË
Sa mund të bie ndesh me parimet programore të bashkësisë ndërkombëtare kjo ide, se Kosova, për shembull, është një shtet shumetnik, për dallim prej Shqipërisë? Sa bie ndesh me parimin e shumetnicitetit?

JAKUP KRASNIQI
Nëse në gjithë Ballkanin zhvillohet demokracia, formohen shoqëri dhe shtete demokratike, mendoj që aty ku ka zhvillim demokratik, ku ka shoqëri demokratike, ku ka shtet demokratik, ka edhe respektim të komuniteteve tjera. Mendoj që kjo absolutisht nuk e pengon çështjen e jetës, zhvillimit të komuniteteve pakicë.

Gjatë gjithë historisë, do të thotë e gjithë historia, mos të shkoj më herët, e shekullit 20, dhe këto vite dëshmojnë se shqiptarët dëshirojnë të jetojnë në paqe me të gjithë popujt që jetojnë bashkë me ta, qofshin aty ku janë shumicë, qofshin aty ku janë pakicë.

RADIO EVROPA E LIRË
Dhe përfundimisht zoti Krasniqi, në një të ardhme, i shihni Shqipërinë dhe Kosovën të bashkuar?

JAKUP KRASNIQI
Varet shumë nga zhvillimet politike, por nëse zhvillohet demokracia dhe bëhet integrimi i gjithë rajonit në Bashkimin Evropian, nuk shoh arsye që të pengohet integrimi i shqiptarëve të Kosovës dhe atyre të Shqipërisë.

RADIO EVROPA E LIRË

[Llapjani_HH]

Mbrëmë në Mitrovicë përleshje dhe shpërthime

Në lagjen "Kodra e Minatorëve" në veri të Mitrovicës, mbrëmë kanë ndodhur përleshje dhe dy shpërthime. Në një njoftim për media, policia e Kosovës thotë se incidenti i parë i përleshjes mes dy grupeve të personave, shqiptarë dhe serbë ka ndodhur rreth orës 19.00 dhe besohet se është nxitur nga grupi serb që ka hedhur gurë në drejtim të shtëpive shqiptare.

Si kundërpgjigje, grupi shqiptar ka hedhur gurë në drejtim të grupit serb. Po në këtë lagje, sipas policisë rreth orës 22,00 janë regjistruar dy shpërthime të fuqishme. Policia dhe KFOR i nuk kanë arritur që të përcaktojnë as vendin e as mjetin e shpërthimit. Policia, e cila ka nisur hetimet, beson se shpërthimet janë të motivuara pas dy incidenteve të përleshjeve në mes të rinjve shqiptarë dhe serbë të kësaj lagje në dy ditët e kaluara.
QIK-u

Server: Institucionet e Kosovës me të drejtë shqetësohen me aranzhimet e BE-së

Daniel Server, nga Instituti Amerikan për Paqe në Uashington, konsideron se institucionet e Kosovës "kanë të drejtë të jenë të shqetësuara për aranzhimet e Bashkimit Evropian me Beogradin", duke shtuar se Prishtina "duhet të mësojë të sillet si e pavarur".

"Mendoj se ato (institucionet e Kosovës) duhet të shikojnë në çdo aranzhim të këtij lloji me qëndrimin për mbrojtjen e asaj, që ato e shohin si sovranitet të tyre, ashtu sikur që Beogradi e shikon çdo aranzhim të këtij lloji, në përpjekje për ta mbrojtur pretendimin e tij në sovranitet", theksoi Server në një intervistë për Radion Evropa e Lirë.

Në lidhje me lëvizjen e fundit të EULEX it, Server tha se për aq kohë sa BE ja nuk është unike në njohjen e sovranitetit dhe pavarësisë së Kosovës, duhet pritur që do të sillet në atë mënyrë dhe nuk do t'u pëlqejë autoriteteve në Prishtinë.

Duke komentuar pohimet e bashkësisë ndërkombëtare se është e vendosur që Kosovën ta mbajë të plotë, Server tha se tek komuniteti ndërkombëtar nuk ka parë vendosmëri të fuqishme në përpjekje për të evituar ndarjen de facto të Kosovës.

Ndërkaq në lidhje me numrin e njohjeve të Kosovës, ai tha se "nuk është numër i keq (62), por nuk është i mjafuteshëm" dhe sipas tij, ky numër duhet të shkojë në më tepër se 100. "Kjo mund të arrihet me diplomaci. Duhet të zhvillohen negociata me çdo vend", theksoi Server.
QIK-u

Institucionet e Kosovës qëndrojnë prapa reagimeve të bëra më herët, thotë Thaçi

Qeveria e Kosovës do të marrë përgjegjësi për bashkëpunim rajonal por vetëm duke respektuar Kushtetutën e Kosovës. Kështu deklaroi kryeministri Hashim Thaçi në lidhje me paralajmërimet se misioni i EULEX-it do të nënshkruaj me Serbinë edhe dy protokolle tjera për bashkëpunim në dogana dhe gjyqësi. Sipas Thaçit institucionet e Kosovës do të vazhdojnë bashkëpunimin e ngushtë me misionin e EULEX-it.

Pas paralajmërimeve se misioni i EULEX-it ka përgatitur edhe dy draftë protokolle të bashkëpunimit me Serbinë në fushën e doganave dhe të gjyqësisë, kryeministri Hashim Thaçi reagoi duke thënë se pala kosovare do të marrë përgjegjësi të bashkëpunimit rajonal por vetëm duke respektuar Kushtetutën e vendit. Sipas Thaçit marrja e këtyre përgjegjësive do të bëhet me këshillat dhe rekomandimet e EULEX-it dhe ICO-së.

“Diçka krejt tjetër janë çështjet teknike diçka tjetër janë ato teknike. Ne do ta respektojmë plotësisht Kushtetutën e Republikës së Kosovës. Bashkëpunimi rajonal nënkupton marrjen e përgjegjësive nga ana jonë me këshillat dhe rekomandimet e ICO dhe EULEX-it. Institucione e Kosovës do ta respektojnë Kushtetutën dhe ligjet e Kosovës, tha kryeministri Thaçi.

Megjithatë kryeministri tha se sa i përket protokolleve për bashkëpunim ndërmjet EULEX-it dhe Serbisë, institucionet e Kosovës qëndrojnë prapa reagimeve të bëra më herët.

Sot u paralajmërua se misioni i EULEX-it po përgatit edhe dy protokolle tjera bashkëpunimi me Serbinë. Megjithatë zyrtarë të misionit evropian kanë sqaruar se nuk bëhet fjalë për protokolle që nënshkruhen midis dy shteteve por për aranzhime teknike për shkëmbim informacionesh, të njëjta me ato që janë nënshkruar me Maqedoninë, Shqipërinë dhe Malin e Zi.

Ndërkohë deklaratat e kryeministrit Thaçi u bënë sot pas mbledhjes së qeverisë në të cilën u diskutua për situatën në veri të vendit. Kabineti miratoi kërkesën për 300 mijë euro shtesë për të ndihmuar ndërtimin e shtëpive në Mitrovicë nga ana e gjitha komuniteteve. Kryeministri Thaçi tha se ndërtimi do të vazhdojë dhe se askush nuk do të mund ta ndalojë atë.

“Asnjë ekstremist nuk do të mund ta ndalë të drejtën e njerëzve për të punuar e vazhduar jetën në Kosovën e pavarur. Unë e kam theksuar se procesi i kthimit në Mitrovicë është i pandalshëm. Ka pasur pengesa e zvarritje për 10 vjet por kjo qeveri ka mundësuar fillimin e punës në veri. Janë investuar mbi 6 milion euro”, tha Thaçi.

Qeveria miratoi sot edhe rekomandimet e komitetit ndërministror për autostradën Morinë-Merdare. Kryeministri Thaçi tha se ky është projekti më i rëndësishëm i shtetit të Kosovës pasi ndihmon në qarkullimin e lirë dhe zhvillimin ekonomik të vendit.
RTK

Debellde: Qytetarët thonë se nuk do lejojnë që tokat e tyre t' i jepen Maqedonisë

Qytetarët e fshatit kufitar Debellde kanë deklaruar sot se nuk do të lejojnë që tokat e tyre, tek vendi i quajtur Kodra e Furrës, t’i jepen dhuratë Qeverisë së Maqedonisë, si kusht për vendosje të marrëdhënieve diplomatike me Kosovën. Ata shprehen se për asnjë çmim nuk do të pajtohen që kjo zonë të kalojë në territorin maqedonas.

Shënimi i vijës kufitare mes Kosovës dhe Maqedonisë konsiderohet të jetë i përfunduar rreth 98 %, ndërkohë që i gjithë procesi është bllokuar në zonën e quajtur Kodra e Furrës, që nënkupton se pikësynim kryesor i gjithë marrëveshjes Shkup-Beograd në vitin 2001 për kufirin, ishte pikërisht kjo zonë.

Ndonëse vlerësohet që Kodra e Furrës është një nga pikat më gjeostrategjike, banorët e fshatit kufitar Debellde posedojnë pronat e tyre private në këtë pjesë.
Bejtullah Ferati është njëri nga 14 pronarët e atjeshëm të cilit i rrezikohet humbja e 8 hektarëve tokë, të cilën nuk e ka shfrytëzuar për 9 vite me radhë.

Përfaqësuesi i fshatit Debellde Zymri Ilazi, potencon faktin e posedimit të pronave të banorëve në vendin Kodra e Furrës dhe se për asnjë çmim ata nuk do të pranojnë që kjo zonë ti dhurohet Maqedonisë.

Ndërsa, Sali Abdullahu përfaqësues i Debelldeut në KK të Vitisë, thotë se kjo tokë e cila po kontestohet, kurrë s’ka qenë e Maqedonisë.

Pakënaqësitë e banorëve të Debelldeut, vijnë si rezultat i deklarimeve të zyrtarëve maqedonas, të cilët janë shprehur se nuk do të vendosen marrëdhëniet diplomatike me Kosovën përderisa të shënohet edhe milimetri i fundit i kufirit mes këtyre dy vendeve
RTK

Daci nuk e kundërshton iniciativën e Bashkësisë Islame


Kreu i Bashkësisë Islame të Kosovës, myftiu Naim Tërnava kërkoi sot nga kryetari i LDD-së Nexhat Daci mbështetjen për aplikimin e lëndës fetare nëpër shkollat publike. Ky i fundit premtoi se nëse kjo çështje diskutohet në parlamentin e Kosovës, nuk do ta kundërshtojë.

Lidhja Demokratike e Dardanisë angazhohet rrënjësisht për ndërrime, tha Daci.

“Për ndërrime nga brenda, për ndryshime nga shpirti edhe pastaj ato me kalua në vepër sepse jemi ndoshta populli i vetëm që është rob i një tradite që tjetër kush e ka mbjellë gjatë gjeneratave të ne shqiptarët, tha Daci.

Aplikimi i lëndës fetare nëpër shkollat publike, tha myftiu Tërnava është e drejtë e garantuar me të gjitha konventat ndërkombëtare që fëmijët të dijnë për besimin që ai i takon dhe të pajiset me njohurinë elementare të besimitm. Ne jemi pjesë e Evropës tha Tërnava dhe kjo çështje nëpër shtetet e saj është zgjidhur dikund me kushtetutë e dikund me ligje.

“Ne po e shohim se një pjesë e rinisë sonë fatkeqësisht është po them e shoqëruar nga vepra të shumta negative, dhe se tash kemi 38 vetëvrasje vetëm gjatë këtyre gjashtë- shtatë muajve në Kosovë, pastaj përdorimi i substancave narkotike, trafikimi me qenie njerëzore, alkooli, droga,” tha Ternava.

Qëllimi i BI nuk është vendojsa e shamive apo ferexheve por është njohja e brezit të ri me besimin e tyre. Ata duhet t’i njohin të gjitha besimet që ekzistojnë në Kosovë e jo vetëm atë islam. Në shkollat shqipe në vendin tonë ende nuk ka filluar aplikimi i mësimit islam dhe atij katolik, ndërsa në ato serbe aplikohet mësimi i besimit ortodoks, tha myftiu Tërnava.
RTK

[Llapjani_HH]

Doris Pack: Pa Qeverinë e Kosovës nuk ka protokoll të Euleksit me Serbinë


“I propozoj Euleks-it që ta ftojë Qeverinë e Kosovës ta nënshkruajë protokollin në mënyrë që në marrëveshje të figurojnë tre nënshkrimet: i Kosovës, i Euleks-it dhe i Serbisë. Nëse kjo nuk bën, atëherë, s’ka ç’na duhet ai farë protokolli, atëherë nuk kemi nevojë për të, sepse pa nënshkrimin e Qeverisë së Kosovës protokolli është i pavlefshëm.” Kështu thotë në një intervistë ekskluzive për Radio Kosovën euro-deputetja gjermane Doris Pack.


Zonja Pack, Bashkimi Evropian është konsultuar lidhur me çështjen e mundësisë së nënshkrimit të protokollit midis Euleksit dhe Serbisë. Institucionet e Kosovës që frikësohen se me këtë veprim preket shtetësia e vendit kanë kundërshtuar me vendosmëri qëllimin e Euleks-it. Ju si mendoni?

Unë mendoj se Euleksi duhet të mbajë kontakte me vendet fqinje të Kosovës dhe natyrisht duhet të përpiqet të ndihmojë Qeverinë e Kosovës në tejkalimin e vështirësive dhe problemeve që ekzistojnë midis Kosovës dhe Serbisë. Në këtë kuadër ndoshta ka nevojë për bashkëpunim me policinë e Serbisë, mirëpo këtu nuk guxon të përjashtohet Kosova, prandaj në një protokoll të tillë duhet të jetë patjetër palë nënshkruese edhe Kosova. Me një fjalë marrëveshja duhet të nënshkruhet nga tre palët, nga Institucionet kompetente të Kosovës (policia e Kosovës), Euleksi dhe policia e Serbisë. Për mendimin tim vetëm nëse protokolli nënshkruhet nga të tria palët, marrëveshja është e pranueshme.

Kjo do të thotë se Euleski nuk guxon të nënshkruaj protokollin me policinë e Serbisë pa lejen, pajtimin dhe miratimin e Institucioneve të Kosovës?

Jo pra, prandaj unë i propozoj Euleksit që ta ftojë Qeverinë e Kosovës që ta nënshkruajë protokollin në mënyrë që në marrëveshje të figurojnë tre nënshkrimet, siç thashë i Kosovës, i Euleksit dhe i Serbisë. Nëse kjo nuk bën, atëherë, s’ka çka na duhet ai farë protokolli, atëherë nuk kemi nevojë për të, sepse pa nënshkrimin e Qeverisë së Kosovës protokolli është i pavlefshëm.

Begradi këto ditë ka proklamuar se nënshkrimi i protokollit me Euleksin vërteton faktin se BE-ja nuk e njeh pavarësinë e Kosovës.

Kjo është marrëzi, Beogradi gjithmonë po shtrembëron gjërat ashtu si ia ka qejfi. Euleksi nuk është organizatë me karakter shtetëror. Euleksi është organizatë që punon për Bashkimin Evropian dhe për shtetet e ndryshme të BE-së, dhe në Kosovë është për të ndihmuar forcimin e shtetit ligjor, pra ndodhët për të ndihmuar Kosovën. Fakti që Euleski ka dashur të ndihmojë në tejkalimin e vështirësive midis Kosovës dhe Serbisë përmes këtij protokolli, që nuk është nënshkruar, nuk do të thotë fare se pavarësia e Kosovës guxon të preket nga kush do qoftë. Euleksi nuk është aty për ta njohur apo mos njohur pavarësinë. Të drejtën për njohjen e pavarësisë së Kosovës e kanë shtetet e Bashkimit Evropian ashtu siç edhe kanë bërë.

Ka një javë që po flitet për tensione midis Bashkimit Evropian dhe Kosovës. A është e vërtetë kjo zonja Pack?

Për zhvillimet e fundit në Kosovë biseduam dje me zotin Piter Feith në Komisionin për Punë të Jashtme. Mund të ju them se zoti Feith ka raportuar shumë pozitivisht për zhvillimet në Kosovë. Ai ka raportuar se në Kosovë janë bërë shumë përparime. Natyrisht, ka raportuar edhe për vështirësitë me të cilat po përballet Kosova edhe sot e kësaj dite. Mendoj se gjërat janë shumë më mirë se sa që flasin disa, që përpiqen ti shohin zi. Prandaj, unë uroj dhe dëshiroj që Qeveria e Kosovës edhe më tej të punojë në të mirë të të gjithë atyre që Kosovën e kanë atdhe të përbashkët.

Çështja e protokollit është bërë shkak që Lëvizja Vetëvendosje të nxjerrë njerëzit në rrugë. Lideri i saj Albin Kurti jo vetëm që kundërshton protokollin por ai është edhe kundër mandatit të Euleksit.

Albin Kurti që nga fillimi ka kundërshtuar edhe planin e Ahtiasrit. Unë mendoj se e rëndësishme për popullin e Kosovës është që kjo qeveri që është në pushtet ta bëj punën e saj dhe e porosis Albin Kurtin që të përmbahet. Besoj se nuk është gjë e mirë të nxitësh njerëzit të dalin në rrugë, ti dëshprosh ata dhe të mbjellësh farën e mosbesimit tek ta. Mendoj se ai nuk ka të drejtë. Misioni Euleks është atje për të ndihmuar Qeverinë e Kosovës, është aty për të forcuar shtetin ligjor të së drejtës. Në asnjë mënyrë Euleksi nuk mund të krahasohet me misionin e UNMIK-ut. Atë kohë Kosova nuk ishte e pavarur, kurse tani ajo është e pavarur edhe pse me një pavarësi të kushtëzuar sipas planit të Ahtiasarit. Kosova mund të them se po punon me përkushtim sipas planit të Ahtisaarit mbi bazën e të cilit po bëhet edhe procesi i decentralizimit. Tani kemi edhe zgjedhjet lokale në cilat shpresoj shumë se do të marrin pjesë edhe serbët e Kosovës, të cilët Kosovën duhet ta pranojnë për
shtet të tyre. Ata nuk mund të jetojnë në një vend e të mos marrin pjesë në politikën e atij vendi, prandaj me këtë rast u kërkoj serbëve të Beogradit të lënë rehat serbët e Kosovës në punën e tyre, të bëhen pjesë e institucioneve të Kosovës. Shpresoj shumë se në zgjedhjet komunale që i kemi përpara kjo do të realizohet.

Zonja Pack, qytetarët e Kosovës së fundi po ndihen të lënë pas dore për shkak se BE-ja ka marrë vendim të heq vizat për Serbinë, Malin e Zi dhe Maqedoninë por jo për Kosovën. A do të na leni të izoluar nga bota?

Jo, jo, nuk është vetëm Kosova, është edhe Shqipëria edhe Bosnja e Hercegovina që kanë mbetur pa hyrë në listën e bardhë Shengen. Në të tria rastet nuk janë plotësuar kushtet teknike, të cilat Bashkimi Evropian i kërkon një vend për ti hequr vizat. Unë uroj dhe dëshiroj që Bashkimi Evropian pikërisht këtyre tre vendeve t’u ndihmojë që sa më shpejtë të plotësojnë kriteret teknike për heqjen e vizave, siç janë prodhimi i pasaportave biometrike. Sapo këto vende të plotësojnë këto kushte teknike, Bashkimi Evropian do të heq vizat edhe për këto tri shtete. Nuk është mirë që të përdorën dy kute për këtë çështje, sepse kjo shkakton pakënaqësi. Unë ju them se në këtë çështje ju keni mbështetjen e shumicës së Parlamentit Evropian.
RTK
Dënohet ashpër akti i hedhjes së mjetit shpërthyes në Kolegjin “Mehmet Hakif “në Banullë të Lipjanit

Ministri i Arsimit Shkencës dhe Teknologjisë, Enver Hoxhaj, Ambasadori i Turqisë në Kosovë z Metin Husrev Unler, Ministri Mjedisit dhe Planifikimit Hapësinorë, Mahir Yagcilar dhe Ministri i Punëve të Brendshme, Zenun Pajaziti, vizituan sot Kolegjin “ Mehmet Hakif” në Banullë të Lipjanit, me rastin hedhjes nga jashtë të një mjeti shpërthyes në objektin e këtij institucioni shkollor, dje (e mërkurë) rreth orës 23:00.

Sipas drejtorit të Kolegjit , z Tyrgai Shen, për fat janë shkaktuar vetëm dëme materiale që kanë filluar menjëherë të sanohen dhe ku mësimi do të vazhdojë të mbahet nga dita e nesërme, 4 shtator 2009.

Ministri Hoxhaj, në emër të Qeverisë së Republikës së Kosovës ka shprehur keqardhje për atë që ka ndodhur duke e dënuar fuqishëm këtë akt.

”Jemi këtu së bashku m ministrat tjerë të Qeverisë së Kosovës që të dënojmë këtë akt dhe të dëshmojmë se kjo shkollë është shkollë e Republikës së Kosovës dhe është njëra ndër institucionet më të mira arsimore qe kemi dhe si e tillë e gëzon dhe do ta ketë mbështetjen e vazhdueshme nga Ministria e Arsimit Shkencës dhe Teknologjisë dhe institucionet tjera të vendi”, ka thënë ministri Hoxhaj.

Turqia është vendi që në kohët më të vështira ka ndihmuar popullin e Kosovës, e para që ka njohur shtetin e Kosovës dhe është njëra nga investitorët më të mëdhenj në fushën e arsimit në Kosovë. Ne jemi të gatshëm dhe shumë të interesuar që edhe më tej të kultivojmë, ruajmë dhe thellojmë bashkëpunimin e ndërsjellë në mes të dy vendeve tona theksoi Ministri Hoxhaj.

Ambasadori i Turqisë në Kosovë z. Metin Husrev Unler, gjithashtu ka shprehur shqetësimin dhe keqardhjen për atë që ka ndodhur. Dëshiroj që ky akt të ketë ndikim sa më të vogël në marrëdhëniet tona dhe që aktet e tilla të mos përsëriten. Ne shprehim besimin tonë që kjo të mos përsëritet, ashtu që bashkëpunimi ynë të vazhdojë edhe më tej në interes të nxënësve dhe të dy vendeve tona mike, ka thënë ambasadori Unler.

Ndërkaq ministri Pajaziti njoftoi se kanë filluar procedurat hetimore dhe do të bëjë përpjekje që sa më parë të gjenden akterët dhe të nxjerrën para organeve të drejtësisë.
Së pari do të zbulohet rasti dhe së dyti do të ofrojmë mbështetje sigurie që të mos përsëritën rastet e tilla dhe që mësimi në të ardhmen të mbahet në kushte normale, ka thënë ministri Pajaziti.

Për vizitë këtij institucioni, me rastin e kësaj ngjarje shqetësuese, ndodhej edhe kryetari i komunës së Lipjanit, Shukri Buja me bashkëpunëtorë, thuhet në njoftimin e Zyrës për informim pranë MASHT-it.
RTK

[Llapjani_HH]

Vazhdojnë reagimet rreth protokollit EULEX-Serbi

Konfirmohet mbështetja e Bashkimit Evropian për nënshkrimin e protokollit të bashkëpunimit në mes të EULEX-it e Serbisë. Komisari për zgjerim i Bashkimit Evropian, Olli Rehn, ka folur në Parlamentin Evropian për dobitë që sjell nënshkrimi i një marrëveshjeje të tillë.

“Bashkëpunimi në mes të EULEX-it dhe Serbisë është i rëndësishëm për kontrollin e vijës së kufirit administrativ, për luftë kundër krimit të organizuar në rajon dhe është kusht për Serbinë për të arritur liberalizimin e vizave“, ka thënë Rehn, i pyetur për çështjen nga euro-deputetja gjermane, Doris Pack.

Ai ka shprehur kënaqësinë që EULEX dhe Serbia po arrijnë marrëveshje sipas propozimit të Komisionit Evropian. Por, qëndrimi i Brukselit se përkrah nënshkrimin e protokollit nuk ndryshon asgjë në qëndrimin e lidershipit kosovar. Së paku kështu thonë presidenti Fatmir Sejdiu dhe kryeministri Hashim Thaçi. Sejdiu ka thënë se tashmë është mbyllur tema e protokollit, porse me EULEX-in do të vazhdojë bashkëpunimi i ngushtë.

Kurse, kryeministri Hashim Thaçi thotë se Kosova është e gatshme për bashkëpunim edhe me Serbinë, por çdo lloj marrëveshjeje duhet bërë duke respektuar Kushtetutën e Kosovës. Lideri i “Vetëvendosjes”, Albin Kurti, nuk e beson kundërshtimin e liderëve institucionalë. Ai thotë se deklaratat e Sejdiut e Thaçit bëhen për efekte mediale dhe se ata në heshtje do të pranojnë nënshkrimin e protokollit.

Për çështjen e protokollit ka folur edhe ish-zëvendësi i ndërmjetësuesit për negociatat për statusin, Albert Rohan. Ai i ka thënë BBC-së se EULEX-i nuk mund të nënshkruajë asnjë marrëveshje me vendet e rajonit pa pëlqimin e qeverisë në Prishtinë. “Ky mision nuk mund të marrë përsipër asnjë pjesë të sovranitetit të qeverisë së Kosovës”, ka thënë Rohan. Ambasadorët e 27 vendeve të BE-së në një takim joformal dje i kanë thënë mbështetje EULEX-it të nënshkruajë ato që i ka quajtur “aranzhmane teknike” me Beogradin. Brukseli shpreh gatishmëri t’ia shpjegojë Prishtinës dobitë që sjell protokolli dhe bashkëpunimi për luftimin e krimit në kufi.
KTV

Protokolle apo aranzhime teknike?


Kryeministri Hashim Thaçi ka përsëritur se pozicioni i Prishtinës në raport me marrëveshjet e EULEX-it me Serbinë mbetet i njëjtë. Analistët vlerësojnë se transformimi i protokolleve politike në marrëveshje apo aranzhime teknike, mund ta shtensionojë gjendjen e krijuar me këto marrëveshje.

Definimi i marrëveshjeve të bashkëpunimit në fushat e policisë, doganave dhe gjykatave, që EULEX-i synon t’i nënshkruajë me Serbinë, nga emërtimi protokolle në aranzhime teknike është pragmatik dhe i zhvesh nga ngarkesat politike, vlerësojnë analistët.

Në anën tjetër, Qeveria e Kosovës vazhdon ta kërkojë rolin e vet kushtetues në çështjet që kanë të bëjnë me marrëveshjet e Kosovës me vendet tjera.

Kryeministri Hashim Thaçi edhe sot ka përsëritur se qëndrimi i Kosovës në raport me marrëveshjet e EULEX-it me Serbinë mbetet i njëjtë. Sipas tij, në Kosovë do të zbatohet vetëm Kushtetuta e Republikës dhe institucionet vendase do të jenë ato që do t’i marrin përgjegjësitë që u takojnë.

“Diçka tjetër janë çështjet teknike, e krejt tjetër janë çështjet politike. Ne do ta respektojmë plotësisht Kushtetutën e Republikës së Kosovës. Bashkëpunimi në nivel rajonal me të gjitha vendet e rajonit nënkupton marrjen e përgjegjësive edhe nga ana jonë dhe këshillat, rekomandimet edhe prej ICO-së dhe EULEX-it”.

“Ne do ta vazhdojmë bashkëpunimin tonë të ngushtë për Kosovën në agjendën evropiane. Jemi në kontakte edhe me BE-në, edhe me SHBA-në për të gjitha çështjet që kanë të bëjnë me Kosovën dhe rajonin”, tha Thaçi.

Ndërkohë, analisti Ramush Tahiri tha se transformimi i marrëveshjeve politike në aranzhime teknike është mjaft pragmatik dhe bën një shtensionim politik për institucionet e Kosovës.

Sidoqoftë, edhe analisti Tahiri pohoi se nënshkruese dhe palë në këto marrëveshje do të duhej të ishte Qeveria e Kosovës, por kjo pamundësohet për shkak të pozicionit të Serbisë që nuk e njeh Kosovën e pavarur.

“Pres që qëndrimi i Qeverisë dhe i zyrtarëve të Kosovës të qartësohet, domethënë të hiqet frika se dikush në emër të tyre po nënshkruan dhe se dikush po ua merr sovranitetin dhe gjithashtu, në konkretizim të marrëveshjes, institucionet e Kosovës do ta pranojnë rolin e vet që e kanë, rolin suprem, sepse bëhet fjalë për marrëveshje për territor të Kosovës”.

“Duhet një marrëveshje... më mirë do të ishte që të ketë marrëveshje ndërmjet institucioneve të Kosvës me Serbinë, por derisa nuk ka pranim, pak a shumë gjendja është sikurse në Bosnje”, theksoi Tahiri.

Misioni i EULEX-it ka konfirmuar tashmë se janë në përgatitje tri aranzhime teknike me Serbinë, ku përfshihet jo vetëm bashkëpunimi policor, por edhe ai gjyqësor dhe doganor.

Një zëdhënëse e EULEX-it në Prishtinë, Karin Limdal, tha se misioni i BE-së në Kosovë është në kërkim të marrëveshjeve teknike me të gjitha shtetet fqinje të Kosovës.

“EULEX-i është në kërkim të bashkëpunimit teknik në të gjitha fushat që parashihen me mandatin e tij, përkatësisht në polici, gjyqësi dhe dogana, dhe deri më tash kemi arritur t’i formulojmë marrëveshjet me Maqedoninë, Malin e Zi dhe Shqipërinë dhe jemi duke shqyrtuar mundësinë që këto marrëveshje t’i kemi edhe me vendet e tjera të rajonit”, tha Karin Limdal.

Ajo konfirmoi po ashtu se për këto marrëveshje, misioni për sundim të ligjit në Kosovë ka përkrahjen e 27 vendeve anëtare të Bashkimit Evropian.
Përderisa institucionet e Kosovës mbajnë qëndrim tejet të ngurtë në lidhje me marrëveshjet, analisti Tahiri tha se me disa përmirësime që mund t’i bëjnë vetë institucionet në kontaktet e tyre me BE-në, marrëveshjet e tilla mund të jenë të paanashkalueshme.

“Tash mbetet që Kosova ta gjejë formën e marrëveshjes, e cila nuk prek sovranitetin, të themi të vendimmarrjes, jo integritetin, sepse integriteti është i garantuar, ngase bëhet fjalë për kufirin, kufirin administrativ ose shtetëror. Nuk është me rëndësi si i thuhet, se është me rëndësi pika ku përcaktohet. Por, institucionet e Kosovës duhet të ndihmojnë në implementimin e kësaj marrëveshjeje”, pohoi Tahiri.

Sidoqoftë, paqartësitë rreth tri marrëveshjeve të synuara teknike ndërmjet EULEX-it dhe Serbisë vazhdojnë, marrë parasysh pozicionin e institucioneve të Kosovës.
Radio Evropa e Lirë

[Llapjani_HH]

Protokolle edhe për dogana e gjyqësi

Protokolli EULEX-Serbi për bashkëpunim policor nuk do të jetë i vetmi që do të nënshkruhet midis zyrtarëve evropian në Prishtinë dhe autoriteteve të Beogradit.

Zyrtarët e EULEX-it kanë konfirmuar se bashkëpunimi i tyre me Serbinë do të zgjerohet edhe në fushën e doganave dhe të gjyqësisë.

Por zëdhënësja e misionit të BE-së për sundim të ligjit, Karin Limdal ka thënë se nuk pritet nënshkrimi i shpejtë i këtyre marrëveshjeve

“Marrëveshjet teknike në gjyqësi dhe dogana me Serbinë kanë qenë pjesë e bisedimeve, por nuk ka shenja se ato do të formalizohen tani”, tha zëdhënësja Limdal.

Ajo theksoi se EULEX-i është i interesuar që të ketë bashkëpunim për polici, drejtësi dhe gjyqësi me të gjitha vendet e rajonit dhe se formalizimi i marrëveshjeve të bashkëpunimit nuk po bëhet vetëm me Serbinë.

Dy ditë më parë ministrat e 27 vendeve anëtare të BE-së, i dhanë mbështetje misionit të EULEX-it në nënshkrimin e marrëveshjeve me Beogradin që thuhet se kanë për qëllim kryesor luftimin e krimit të organizuar.

Misioni evropian ka thënë se do të vazhdojë bisedimet me autoritetet e Kosovës, të cilat janë shprehur kundër nënshkrimit të marrëveshjeve ndërmjet EULEX-it dhe Serbisë, pa përfshirjen e palës kosovare.

Kryeministri Hashim Thaçi nuk ka dhënë një përgjigje të qartë kur është pyetur nëse Prishtina do të pranojë nënshkrimin e marrëveshjeve të reja ndërmjet EULEX-it dhe Serbisë.

Ai ka përsëritur se institucionet e Kosovës do ta respektojnë Kushtetutën e vendit.

“Diçka krejt tjetër janë çështjet teknike, diçka krejt tjetër janë ato politike, ne do ta respektojmë plotësisht Kushtetutën e Republikës së Kosovës.

Bashkëpunimi rajonal me të gjitha vendet e rajonit nënkupton marrjen e përgjegjësive edhe nga ana jonë dhe këshillat e rekomandimet prej ICO-së (Zyrës Civile Ndërkombëtare) dhe EULEX-it”, u shpreh kryeministri Thaçi.

Megjithëse udhëheqësit kosovarë i kanë shpallur të mbyllura bisedimet me EULEX-in për çështjen e protokollit të debatueshëm mes misionit evropian dhe Beogradit, kryeministri ka përsëritur se bashkëpunimi i Prishtinës zyrtare me mekanizmat ndërkombëtarë në Kosovë do të vazhdojë si edhe deri tani.

Formalizimi i marrëveshjeve për bashkëpunim ndërmjet EULEX-it dhe Beogradit në fushën e policisë, drejtësisë dhe gjyqësisë pritet të bëhet më së largu muajin e ardhshëm, para se Komisioni Evropian të vlerësojë përmbushjen e kritereve nga ana e Serbisë për liberalizimin e vizave me BE-në.

Një prej këtyre kritereve është edhe bashkëpunimi i Serbisë me të gjitha vendet e rajonit, përfshirë Kosovën, në kontrollimin e kufinjëve dhe luftën kundër krimit të organizuar e kontrabandës.
BBC Albanian

EULEX nuk merret me protokolle?


Misioni i BE-së thotë se do të nënshkruajë aranzhime teknike me Serbinë, të cilat dallojnë nga protokollet, që, sipas zyrtarëve të këtij misioni, nuk mund të nënshkruhen nga EULEX-i. Ekspertët për çështje juridike thonë se me nënshkrimin e dokumenteve të tilla, EULEX-i do të anashkalonte institucionet e Kosovës.

Përfaqësues të misionit të Bashkimit Evropian për forcimin e sundimit të ligjit në Kosovë ritheksojnë se nuk kanë ndërmend të anashkalojnë Prishtinën zyrtare në lidhje me nënshkrimin e të ashtuquajturave aranzhime teknike me Serbinë.

Pas këmbënguljes së autoriteteve kosovare se në raport me vendet fqinje do të merren parasysh këshillat e misioneve evropiane në Kosovë, ndërsa do të veprohet në përputhje me Kushtetutën e Kosovës, EULEX-i thekson se, si mision teknik që është, nuk mund të veprojë si shtet. Zëdhënësja e EULEX-it, Karin Limdal, shprehet:

“Ne nuk po merremi me një protokoll, me një marrëveshje ndërkombëtare apo me ndonjë gjë të ngjashme. Këto gjëra nënshkruhen ndërmjet shteteve. EULEX-i nuk është shtet. Ajo që ne përpiqemi të formalizojmë është një aranzhim teknik për shkëmbimin e informatave, të ngjashme me ato që kemi nënshkruar në të kaluarën me Maqedoninë, Shqipërinë dhe Malin e Zi”, thekson Limdal, për të shtuar se në lidhje me aranzhime të tilla do të përfshihen të gjitha palët në proces.

Pak kohë para se komiteti për politikë dhe siguri i BE-së i ofroi mbështetjen e plotë misionit EULEX për nënshkrimin e aranzhimeve teknike me Qeverinë e Serbisë, mospajtimet ndërmjet EULEX-it dhe institucioneve të Kosovës kishin të bënin me protokollin për bashkëpunim policor ndërmjet EULEX-it dhe Ministrisë së Brendshme të Serbisë.

Eksperti për çështje juridike, Kujtim Kërveshi, mendon se përmbajtja e një aranzhimi eventual teknik ndërmjet EULEX-it dhe Serbisë për policinë nuk do të ndryshojë nga ajo e protokollit të mëparshëm.

Kërveshi pohon se nënshkrimi i një dokumenti të tillë mund të pasojë me aranzhime të ngjashme edhe për gjyqësinë dhe fusha të tjera, të cilat, sipas tij, kristalizojnë planin 6-pikësh të kreut të OKB-së, Ban Ki Mun.

“Gjithsesi se aranzhimi është teknik, sepse bashkëpunimi është teknik. Pra, nuk bëhet fjalë për një bashkëpunim tjetër pos atij në nivelin teknik që lidhet me funksionimin e policisë, atë të doganave nesër dhe të gjyqësisë gjithsesi. Marrëveshje janë të gjitha, që nga konventat, traktatet, protokollet, shtojcat -të gjitha janë marrëveshje ndërkombëtare, por përmbajtja nuk do të ndryshojë”, thotë Kërveshi.

Ndonëse mandati i EULEX-it e përcakton atë si mision këshillues, mentorues dhe monitorues në Kosovë me disa fuqi ekzekutive, Kërveshi mendon se në instancë të fundit ky mision nuk mund të vendosë në emër të Qeverisë së Kosovës, kur bëhet fjalë për bashkëpunime me shtetet fqinje.

“EULEX-i mund të luajë rolin e lehtësuesit, por assesi nuk mund të jetë titullar i këtyre marrëveshjeve. Titullarë të këtyre marrëveshjeve janë qytetarët e Republikës së Kosovës dhe institucionet e Kosovës. E gjithë ajo që mund të bëjë EULEX-i, është lehtësimi i arritjes së marrëveshjes me Serbinë”, thotë ai, duke theksuar se kjo aktualisht është e pamundur, marrë parasysh faktin që Serbia nuk e njeh Kosovën si shtet.

Në lidhje me këtë temë, ndërkohë, politikanë dhe analistë ndërkombëtarë kanë shprehur shqetësimet e tyre, duke thënë se në lidhje me aranzhimet eventuale EULEX-Serbi, Kosova duhet të veprojë si shtet.
Radio Evropa e Lirë

Pajaziti: “Urdhrat e policëve të veriut nuk janë shkelje e zinxhirit komandues”

Bindja e policëve të Stacionit Veri të Mitrovicës ndaj urdhrave të Administratës së UNMIK-ut në Veri për ministrin e Brendshëm, Pajaziti, nuk është shkelje e zinxhirit unik komandues të Policisë së Kosovës.

Edhe pse thotë se Administrata e UNMIK-ut në Veri nuk ka të drejtë të urdhërojë policinë, Pajaziti ka pranuar se Policia e Kosovës dhe e EULEX-i kanë rënë në “lajthitje” të një zyrtari serb që pretendon se përfaqëson Urbanizmin në Veri.

Autoriteti i institucioneve të Kosovës ishte sfiduar seriozisht në veri të Mitrovicës ditët e fundit, kur policët serbë të stacionit veri të Policisë së Kosovës kishin zbatuar urdhrat e një zyrtari serb të Urbanizmit të Administratës së UNMIK-ut në Veri, për të mos lejuar shqiptarët të rindërtonin shtëpitë e tyre në “Kroin e Vitakut”.

Pavarësisht kësaj, ministri i Brendshëm, Zenun Pajaziti, konsideron se Administrata e UNMIK-ut në Veri nuk ka të drejtë të urdhërojë intervenimin e Policisë së Kosovës, edhe pse një gjë të tillë e ka bërë hiç më larg se sa javën e kaluar. Madje, kur pyetet nëse ka qenë i informuar se Stacioni Veri do të intervenojë në bazë të urdhrit nga Administrata e UNMIK-ut në Veri, ministri Pajaziti ka thënë se kjo është çështje shumë “operative” e Policisë së Kosovës, e cila do të bëjë hetime nëse ka pasur shkelje të zinxhirit komandues në Mitrovicë.

Ndërkaq, shefit të Qeverisë, Hashim Thaçi, si duket nuk i pëlqen aspak të përgjigjet nëse në vend ekziston një zinxhirit unik komandues policor a jo.

Sherri për të mos lejuar shqiptarët të nisin rindërtimin e shtëpive të tyre kishte plasur javën e kaluar, pas protestave të serbëve dhe të një letre të cilën e kishte lëshuar drejtori i Urbanizmit në Administratën e UNMIK-ut në Veri, Dragan Spasojeviq, i cili kërkonte që shqiptarët të pajisen me leje për të ndërtuar shtëpitë e tyre.
Por pas këmbënguljes së shqiptarëve në “Kroin e Vitakut” dhe pas takimit të kryetarit të Mitrovicës, Bajram Rexhepi, me shefin e UNMIK-ut, Lamberto Zannier, pastrimi dhe rindërtimi i shtëpive në këtë lagje nisur dje.
KTV

[Llapjani_HH]

OVLUÇK: EULEX-i nuk ka të drejtë të thirret në Rezolutën 1244

Organizata e Veteranëve të Luftës së UÇK-së i ka dërguar një letër të hapur shefit të misionit EULEX Iv de Kermabo, përmes të cilës shpreh qëndrimin kundër nënshkrimit të protokollit eventual ndërmjet EULEX-it dhe Serbisë, duke rikujtuar se askush tjetër nuk mund të marrë vendime në emër të Kosovës, me përjashtim të institucioneve të saja legjitime.

"OVL të UÇK-së është kategorike në mosrespektimin e cilitdo protokoll eventual EULEX-Serbi dhe është kundër politikës dyanësore të EULEX-it kur janë në pyetje shqiptarët dhe serbët, siç qe rasti i demonstratave të "Vetëvendosjes" dhe ndërtimeve në "Kroin e Vitakut" në Mitrovicë.

OVLUÇK konsideron se EULEX-i nuk ka të drejtë të thirret në Rezolutën 1244, pasi që ky akt nuk është i BE-së, por i OKB-së, nisur nga fakti se shumica dërrmuese e shteteve të BE-së e kanë njohur shtetin e pavarur të Kosovës.

OVL të UÇK-së është e paluhatshme në qëndrimet e saj, sepse përfaqëson interesat kombëtare të luftës së UÇK-së. Nëse këtë nuk e kuptoni dhe mirëpritni, dijeni se kundër vullnetit tonë, Ju po i stimuloni tribunët nacionalist e fashist të Serbisë, të cilët mezi presin që sërish Evropën Juglindore të fusin në një labirint të ndër revanshizmave, i cili do të jetë vërtet humnerë e civilizimeve botërore", thuhet në letrën e Kryesisë së OVL të UÇK-së.

OVLUÇK përkujton se Evropa përmes ca makinacioneve të termave të jurisprudencës ndërkombëtare, kinse me të ashtuquajturat marrëveshje teknike dhe protokolle, po tenton që Kosovën ta konsiderojë ende si territor të Serbisë, duke eliminuar të drejtën në nënshkrimin e Paktit të Stabilitetit në Evropën Juglindore.

"Të gjithë popujt e Evropës Juglindore kanë qenë viktima të një sistemi dhe ideologjie shtetërore, tragjike për të gjithë. Veçanërisht kjo tragjedi kombëtare reflektoi për shqiptarët jashtë shtetit amë", theksohet në letër
Bota Sot

Sulmit në shtëpinë e kryeministrit Thaçi - dyshime për tentim vrasje


Në Gjykatën e Qarkut në Prishtinë u mbajt seanca ndaj të pandehurit Fazli Sejdiu, i ngarkuar për tentim vrasjeje ndaj familjes së kryeministrit, Hashim Thaçi në qershor të vitit 2008. Së bashku me të gjatë kësaj seance janë paraqitur edhe të pandehurit Alban e Kushtrim Geci dhe Orgest Prelvukaj.

Prokuroria Publike e Qarkut ka grumbulluar të gjitha provat në lidhje me Fazli Sejdiun. Avokatët mbrojtës ndërkaq kanë shprehur besimin se seanca konfirmuese nuk do të mbahet, pasi sipas tyre, nuk ka prova bazë për atë çka akuzohen të pandehurit.

Gjatë seancës për konfirmim të aktakuzës, prokurori publik i Qarkut Osman Mehmeti ka ngarkuar Fazli Sejdiun me veprat penale vrasje e rëndë në tentativë dhe armëmbajtje pa leje.

Shefqet Bytyqi, avokat mbrojtës i të pandehurit Fazli Sejdiu, pas përfundimit të seancës tha që shpreson se aktakuza e prokurorisë nuk do të konfirmohet nga gjyqtari i procedurës paraprake, pasi që, sipas tij, nuk ekzistojnë faktet dhe provat se klienti i tij ka kryer veprat penale, që i janë vënë në barrë.

Ndaj tre të pandehurve të tjerë Alban e Kushtrim Geci dhe Orgest Prelvukaj, prokurori ka propozuar që akuza të ndërtohet mbi veprat penale moslajmërim i kryerjes së veprës penale neni 304 dhe dhënia e ndihmës pas kryerjes së veprës penale neni 305.

Aktakuza ndaj Fazli Sejdiut dhe tre të pandehurve të tjerë, Alban e Kushtrim Geci dhe Orgest Prelvukaj pritet të konfirmohet ose të hidhet poshtë gjatë kësaj jave nga gjyqtari i procedurës paraprake.
Telegrafi

Seks e pare për Mister

Shërbime seksuale dhe para. Në rast të plotësimit të këtij kushti, një i ri nga Gjakova ka mundur të shpallet Mister-Internacional Kosova 2009. Drejtori i OJQ “Arti”, Kreshnik H. nga Gjakova, është arrestuar nga policia, nën dyshimin se i ka kërkuar një të riu 1300 euro dhe seks, në këmbim të zgjedhjes së tij Mister Internacional Kosova 2009.

I vetmi kusht që një i ri nga Gjakova të zgjidhet Mister-Internacional Kosova për vitin 2009, ka qenë që ai të bëjë seks dhe të ofrojë para për drejtorin e një OJQ-je që ka organizuar spektaklin.

Kreshnik H. nga Gjakova është arrestuar nga Policia e Kosovës për shkak se një qytetari nga Gjakova i ka kërkuar shumën prej 1300 eurosh në këmbim të zgjidhjes së tij Mister- Internacional Kosova 2009.

Ky i arrestuar, në cilësinë e të dyshuarit ka qenë drejtori – koordinator i një OJQ-ja që ka organizuar spektaklin, i cili ishte planifikuar të mbahej nesër në Gjakovë.

Policia thotë se ka gjetur fakte të mjaftueshme se i arrestuari ka kërkuar të holla nga viktima, me qëllim që ai të zgjidhej mister në spektaklin e bukurisë Mister-Internacional Kosova 2009.

“I dyshuari është arrestuar nën dyshimin e bazuar se ka kryer veprën penale marrje e ryshfetit nga neni 343 dhe tentim të shpërdorimit seksual duke keqpërdorur pozitën, autoritetin apo profesionin nga neni 200 i KPK-së, ndaj qytetarit- viktimës”, tregojnë zyrtarë për media nga Policia e Kosovës.

Arrestimi i këtij personi që ka kërkuar para dhe shërbime seksuale nga një qytetar i Gjakovës, është bërë nga Drejtoria për Hetime të Krimeve Ekonomike dhe Korrupsionit në Prishtinë me urdhër të Prokurorisë, rreth orës 11 të paradites.

Burime të gazetës thonë se emri i organizatës joqeveritare është ”Arti” nga Gjakova dhe se Kreshnik H. është 28-vjeçar (1981).

”Viktima pas asaj që i ka kërkuar drejtori i kësaj OJQ-je, ka paraqitur rastin në polici, ku pas konsultave me Prokurorinë dhe me urdhër të prokurorit, është vendosur që ai të arrestohet”, thotë një burim i gazetës.

Sipas këtij burimi, i gjithë aksioni për arrestimin e Kreshnik H. është bërë duke u simuluar i gjithë aksioni për dhënien e të hollave nga viktima për drejtorin e OJQ-së.

“Policia ka arrestuar këtë të dyshuar duke simuluar të gjithë ngjarjen me urdhër të prokurorit. Të arrestuarit i janë dhënë të hollat e kërkuara, ku e gjithë ngjarja ka qenë nën përcjelljen e policisë. Pas kësaj, ai edhe është arrestuar”, tregon ky burim.

Drejtorit të OJQ ”Arti”, Kreshnik H., me urdhër të Prokurorisë Komunale në Prishtinë, i është caktuar masa e ndalimit prej 48 orësh në polici.

Viktima që kishte konkurruar për Mister Internacional Kosova 2009, sipas burimeve të gazetës, nuk ka qenë i mitur.

Ky është rasti i parë i raportuar në Kosovë që të rinj që konkurrojnë për mister të kenë telashe të tilla. Shpeshherë, organizatorët e spektakleve të bukurisë për femra nuk i kishin mbajtur të gjitha premtimet për vajzën më të bukur të zgjidhur gjatë ceremonisë.
Gazeta Expres

Ujgurëve në Kinë iu ndalohet agjërimi


Autoritetet Kineze të Krahinës Xinjiang kanë lëshuar një njoftim që thotë se çdo punëtor apo kuadro që nuk hanë drekë gjatë këtij muaji të Ramazanit do ta humb punën e tij.

Kjo është pjesë e fushatës së autoriteteve kineze në Xinjiang për ta detyruar popullin Ujgur për të hequr dorë nga ritualet e tyre fetare gjatë muajit të Shenjtë të Agjërimit.

"Dreka falas, qaj dhe kafe po u ofrohet punëtorëve në departamentet dhe kompanitë qeveritare nën moton "Përkujdesje nga qeveria". Por kjo duket të jetë një dredhi e përdorur nga ta për të parë se kush po agjëron," tha Dixat Raxit, zëdhënës i Kongresit Ujgur në Botë.

Sipas tij, kuadrot e Partisë Komuniste Ujgure në Xinjiang kanë qenë të detyruar të nënshkruajnë "letrat e përgjegjësisë" duke premtuar shmangien e agjërimit dhe aktiviteteve tjera fetare. Ata gjithashtu janë përgjegjës për zbatimin e këtyre politikave në fushat e tyre të veprimit, dhe do të përballen me dënime nëse dikush agjëron në këto fusha.

Për herë të parë, Dilxat thotë se kjo fushatë është zgjeruar edhe tek anëtarët në pension të Partisë Komuniste. Kuadrot aktuale duhet që të i vizitojnë ata për ti parandaluar ata për të agjëruar. Nëse dikush shkel këtë ndalim, udhëheqësit vendas do të mbahen përgjegjës dhe do të dënohen rëndë.

Pronarët e restoranteve muslimane janë të detyruar të nënshkruajnë një dokument që ti mbajnë lokalet e tyre të hapura dhe të vazhdojnë shitjen e alkoolit gjatë Ramazanit përndryshe do tu merren lejet e punës, tha ai.

Ujgurët e arrestuar gjatë trazirave të qershorit në Urumqi gjithashtu po ndalohen për të agjëruar; dhe kush provon të agjëroj do të ushqehet me forcë, ushqim ky që përcillet me fyerje të vazhdueshme, tha ai në intervistën dhënë sajtit Epoch Times.

Imamët e xhamive janë të detyruar të predikojnë se agjërimi është një "veprimtari feudale" dhe e dëmshme për shëndetin, thotë Dilxat.
Përndryshe, do tu merren certifikatat e tyre fetare.

Në lidhje me vizitën e presidentit të Partisë Komuniste në Xinjiang, Dilxat tha: "Gjendja në Xinjiang nuk është kthyer ende në normale. Në vend se të kërkonte nga Hanët Kinez respektimin e fesë dhe kulturës së popullit Ujgur, Hu Jintao inkurajoi përdorimin e trupave ushtarake për të shtypur edhe më tej dhe për të kufizuar liritë fetare të Ujgurëve. Regjimi komunist shpesh flet për bisedimet për "ruajtjen e stabilitetit", por çka ata bëjnë është gjithmonë e ndryshme nga ajo qe e thonë. Ata në të vërtetë po e prishin stabilitetin.

Reporteri i sajtit Epoch Times kontaktoi me Komisionin Shtetëror për Çështje Etnike për të parë se nëse këto kufizime të pretenduara nga Dilxat janë të sakta, ose çfarë qëndrimi zyrtar kishin ata për Ramazanin. Por nga ky Komision nuk u fol për këto çështje, dhe në vend të kësaj iu dhanë dy numra ku ai do të mund të thërriste për të mësuar më shumë. Të dy numrat ishin vazhdimisht të zënë, dhe kur ai thirri prapa në Komisionin Shtetëror telefoni iu mbyll. /theEpochTimes
Mesazhi.com

[Llapjani_HH]

Iftari i Obamës - Mungojnë muslimanët


Presidenti i SHBA-ve shtroi një iftar për të festuar muajin e shenjtë të ramazanit, po gjersa ai përdori këtë rast për të lavdëruar muslimanët amerikan për kontributin në shoqëri, mungesa e liderëve musliman ishte tejet prezente.

"Së bashku kemi përgjegjësi të çojmë përpara angazhimin e bazuar në interesin dhe respektin e ndërsjellë. Ky është një nga përkushtimet e mia fundamentale si president edhe brenda edhe jashtë vendit. Kjo është kryesore për një fillim të ri, që unë kam kërkuar mes SHBA-së dhe muslimanëve kudo në botë. Ky është një përkushtim që ne mund ta ripërtërijmë edhe njëherë gjatë kësaj periudhe të shenjtë", ka thënë Obama gjatë darkës.

Ky iftar në Shtëpinë e Bardhë u përdor për të nderuar kontributin e muslimanëve për kulturën amerikane.

Por, ndërsa fjalët e lavdërimit vazhdonin, mungesa e udhëheqësve të komuniteteve muslimane dukej e madhe në këtë iftar.

Krerët nga Këshilli për Marrëdhënie Amerikano Islame (CAIR), e që është grupi me i madh musliman për të drejtat civile dhe mbrojtjen e muslimanëve në Amerikë thonë se nuk morën pjesë në iftar për shkak se nuk ishin të ftuar.

Përveç kësaj organizate edhe shumë organizata të tjera nuk kishin marrë ftesë për iftarin në Shtëpinë e Bardhë.

Tjetër befasi është se gjersa udhëheqësit e muslimanëve munguan, ambasadori Izraelit në Uashington dhe një grup nga rabinët hebrenj ishin të ftuar.

Udhëheqësit musliman paralajmëruan se mos ftesa e tyre sinjalizon një vazhdim të politikave të ish-presidentit Bush, i cili shmangej shumë nga takimet me muslimanët.

Derisa Obama po vazhdon me premtime për tu angazhuar për rregullim të marrëdhënieve me muslimanët, premtimet e tij mbesin të pazbatuara.

Deri tani ai ende nuk është takuar me udhëheqësit musliman për të dëgjuar prej tyre dhe për të ju adresuar shqetësimeve të tyre.

"Ne frikohemi se kjo shënon një përsëritje të politikave të mos angazhimit të presidentit Bush me komunitetin tonë," tha për Aljazeera Nihad Avad Drejtor Ekzekutiv i CAIR-it.

"Nëse e njëjta qasje ndaj komunitetit tonë vazhdon, kam frikë se nuk do të ketë asnjë shpresë për ndryshim."
Mesazhi.com

[Llapjani_HH]

MPB e Serbisë dhe EULEX nënshkruajnë Protokollin e bashkëpunimit gjatë shtatorit?

Beograd.- Ministria Punëve të Brendshme (MPB) e Serbisë pritet që gjatë shtatorit ta nënshkruajë Protokollin mbi bashkëpunimin me Misionin EULEX në Kosovë, si "edhe një kanal tè bashkëpunimit", pas ndryshimit të strukturës së prezencës ndërkombëtare në Kosovës, njoftojnë mediat serbe.

Shefi i Byrosë për Punë të Jashtme dhe Integrime evropiane i MPB të Serbisë, Drazhen Maraviq ka deklaruar për mediat serbe se fjala është për çështjen teknike, sepse kontaktet dhe bashkëpunimi veç ekzistojnë prandaj nevojitet formalizimi i tyre.

“Nga njëra anë EULEX ka mandat që t’i ushtrojë disa punë në fushën e sigurisë dhe zbatimin e ligjit në territorin e Kosovës, e ne, nga ana tjetër, tashmë kemi pasur bashkëpunim me UNMIK dhe nuk ka arsyeje tash të mos bashkëpunojmë edhe me UNMIK edhe me EULEX”, ka saktësuar Maraviq, dhe ka shtuar se nënshkrimi i tij pritet gjatë shtatorit.
Ai ka shtuar se propozimi konkret i tekstit është dërguar nga pala serbe, ndonëse iniciativa ka qenë e dyanshme dhe ka rikujtuar se edhe bashkëpunimi me UNMIK “ka qenë i shprehur me një tekst që e kanë nënshkruar Qeveria e Serbisë e MPB me UNMIK”.

„Kur u bënë ndryshimet e strukturës së prezencës ndërkombëtare në Kosovë, ishte e logjikshme që bashkëpunimit ekzistues t’i shtohet edhe një kanal – midis policisë tonë dhe EULEX-it. Aty s’ka pasur asgjë kontestuese, bashkëpunohet në fushën e kompetencave të këtij Misioni si pjesë e bashkësisë ndërkombëtare që ka marrë përgjegjësi për sigurinë në territorin e Kosovës”, saktëson Maraviq.

Sipas fjalëve të tij, me EULEX janë mbajtur shumë takime në shkallë të ndryshme, si të drejtorisë ekzistuese bashkërenduese për Kosovën ashtu edhe në nivel të policisë, janë këmbyer informatat... Maroviq vë në dukje se fjala është për një aranzhman tipik pune që lidhet në fushat e tilla.

Ministri serb i policisë, Ivica Daçiq në fillim të gushtit paralajmëroi nënshkrimin e Protokollit mbi bashkëpunimin me EULEX dhe ka rikujtuar faktin se marrëveshja e nënshkruar më herët mbi bashkëpunimin policor të MPB dhe UNMIK-ut që në të vërtetë është vetëm protokoll mbi bashkëpunimin e domosdoshëm operativ. Daçiq ka cekur se është e domosdoshme që kontrolli i “linjës administrative me Kosovën” të jetë i mirë e që, sikurse ka nënvizuar, është esenca e Protokollit me EULEX.

Daçiq pat cekur atëherë se Protokolli mbështetet në Rezolutën 1244, në vendimet përkatëse të BE dhe është në harmoni me Raportin e Sekretarit të Përgjithshëm të KB prej gjashtë pikave, që tashmë u është prezantuar qytetarëve.
RTK

Zannier: UNMIK-u nuk do të largohet nga Kosova


Shefi i misionit të Kombeve të Bashkuara në Kosovë, Lamberto Zanier, ka theksuar se UNMIK-u e ka mbështetjen e të gjitha shteteve anëtare të Këshillit të Sigurimit të OKB-së. Në këtë aspekt, ai ka thënë se UNMIK-u vetë nuk do të largohet nga Kosova, megjithëqë këtë e kërkojnë autoritetet në Prishtinë.

“Më shqetëson situata në veri të Kosovës”, i ka thënë Zanier gazetës beogradase Danas. Ai ka shtuar se “kthimi i të zhvendosurve, në të cilin po punojnë shqiptarët, nuk bën ta rrezikojë stabilitetin, ndërsa serbët kanë të drejtë të kthehen në pjesën jugore të Mitrovicës”. Ai shton se për serbët e Kosovës “do të ishte mirë që të dalin në zgjedhjet lokale në nëntor”.
KTV

Grafitë nacionaliste serbe në shtëpitë e shqiptarëve


Përfaqësuesi i lagjes veriore “Kroi i Vitakut”, Musa Haliti, të shtunën në mëngjes, ka vërejtur në muret e jashtme dhe të brendshme të shtëpisë së pa meremetuar të Agim Vitakut, e cila gjendet në këtë lagje, grafitë nacionaliste, të shkruara gjuhën serbe dhe në alfabetin cirilik.

Haliti tha se rreth orës nëntë të mëngjesit, bashkë me Hashim Behramin, ka shkuar për të kontrolluar shtëpinë e Agimit, meremetimin e së cilës ekstremistët serbë po e kundërshtojnë duke bërë pengesa të ndryshme dhe me atë rast ka vërejtur në muret e jashtme dhe të brendshme grafitë nacionaliste të shkruara me ngjyra të ndryshme.

Grafitët e shkruar kishin përmbajtje po ashtu të ndryshme, siç janë “Srbia”, “Kjo është e jona”, “Po vijmë”, “Kosova është Serbi”, “EULEX shko në shtëpi” etj., si dhe ishte vizatuar simboli serb me katër “S” dhe ishte vizatuar portreti i Shahin Vitakut, babai i pronarëve Vitaku që po u rindërtohen shtëpitë, me shajkaçë dhe kokardë në të, thuhet në një komunikatë të Zyrës për Informim të Komunës së Mitrovicës.

Haliti, tha po ashtu se në ndërkohë aty kishte arritur një patrullë e policisë së Kosovës, e cila nuk dinte asgjë për grafitet dhe se e kishte njoftuar për rastin drejtorin e Drejtorisë për Shërbime Publike dhe Infrastrukturë, Rasim Veseli.

“Këto janë provokime të ekstremistëve serbë, të cilët që prej fillimit po mundohen të na pengojnë në rindërtimin e shtëpive tona, por nuk do të kenë sukses.. Ne jemi të gatshëm të vazhdojmë tutje dhe kurrsesi nuk do të ketë kthim prapa”, tha Haliti.

Drejtori i Drejtorisë për Shërbime Publike dhe Infrastrukturë, Rasim Veseli, me të dëgjuar për rastin ka dalë në vendin e ngjarjes dhe e ka dënuar këtë provokim të ekstremistëve serbë.

“Shkrimi i grafiteve është në vazhdën e provokimeve dhe problemeve që disa serbë të lagjes po i shkaktojnë, fatbardhësisht ata janë një pakicë minore, sepse të tjerët banorë nuk po ju bashkëngjiten, me qëllim që të pengojnë procesin e kthimit të shqiptarëve në pronat e tyre. Këto përpjekje mjerane dhe kërcënime të ekstremistëve serbë nuk do të kenë sukses kurrsesi. Ne jemi duke i zbatuar me përpikëri planet tona për rindërtim dhe do të vazhdojmë të hënën punën normalisht, kuptohet nëse në ndërkohë nuk do të ketë probleme”, tha Veseli.
Telegrafi

Kosova pret ambasadë, Maqedonia investitorë serb


Autoritetet e Shkupit së paku edhe për gjysmë viti do ta prolongojnë vendosjen e marrëdhënieve diplomatike me Kosovën.

Autoritetet e Shkupit së paku edhe për gjysmë viti do ta prolongojnë vendosjen e marrëdhënieve diplomatike me Kosovën, sepse presin që disa kompani të njohura serbe së shpejti të investojnë në Maqedoni, njofton gazeta "Vreme", duke u thirrur në burime të besueshme brenda disa qarqeve në Shkup dhe Beograd.

Sipas gazetës kjo mundësi është paralajmëruar pas vizitës së fundit të kryeministrit Gruevski në Beograd në të cilën kanë marrë pjesë dhjetëra biznesmenë maqedonas nga Maqedonia. "Në këtë takim është thënë se kompanitë serbe janë të gatshme të hyjnë në tregun maqedonas, nëse Maqedonia nuk i vendos marrëdhëniet diplomatike me Kosovën", shkruan gazeta.

Analisti, Albert Musliu thekson se Qeveria e Maqedonisë në periudhën e fundit në mënyrë aktive është duke punuar në përmirësimin e marrëdhënieve me Beogradin edhe në planin ekonomik, në llogari të marrëdhënieve me Kosovën.

"Kjo aspak nuk është mirë nëse merret parasysh fakti se Kosova është njëra nga shtetet e rralla me të cilat Maqedonia realizon suficit në shkëmbimet tregtare. Nuk mendoj se për ne Serbia është një "parajsë investuese", sepse edhe vet kërkon investime të huaja", ka thënë Musliu.

Derisa zëvendëskryeministri Abdilaqim Ademi në intervistën për gazetën kosovare "Epoka e Re" ka thënë se shumë shpejt do të vendosen marrëdhëniet midis dy vendeve, shefi i diplomacisë maqedonase, Antonio Milloshoski gjatë kësaj jave ka refuzuar të përgjigjet rreth çështjes së zvarritjes së vendosjes së marrëdhënieve diplomatike me Kosovën.

Autoritetet zyrtare pranë presidentit të Kosovës, Fatmir Sejdiu kanë theksuar për agjecinë e lajmeve INA se presin vendosjen e marrëdhënieve diplomatike me Shkupin dhe hapjen e ambasadës së Maqedonisë në Prishtinë, e cila aktualisht vepron si zyrë për ndërlidhje. (INA)
Mesazhi.com

[Llapjani_HH]

Zgjidhja brenda muajit?


Ambasadori i SHBA’së në Prishtinë, Christopher Dell dhe Shefi i ICO’së, Pieter Feith, kanë takuar të premten Presidentin Fatmir Sejdiu dhe Kryeministrin Hashim Thaçi. Ata kanë biseduar rreth çështjes së bashkëpunimit policor mes EULEX’it dhe Beogradit. Zyrtarët europianë presin që një zgjidhje e kënaqshme të arrihet brenda këtij muaji.

Përfaqësuesi special i Bashkimit Europian në Kosovë, Pieter Feith, dhe krerët e institucioneve, Presidenti Fatmir Sejdiu dhe Kryeministri Hashim Thaçi, janë duke zhvilluar konsultime intensive për të parë se a ka mundësi të gjendet një zgjidhje për vendosjen e bashkëpunimit policor mes EULEX’it dhe Beogradit, e cila do të ishte e pranueshme për Prishtinën zyrtare, ka thënë të premten për Express, një zyrtar i BE’së, me kusht anonimiteti.

Sipas zyrtarit europian, aktualisht të gjitha opsionet janë të hapura për të arritur te formula e përshtatshme.

Ai ka thënë se është prioritet i Bashkimit Europian që zgjidhja për aranzhime teknike mes EULEX’it dhe autoriteteve serbe të arrihet gjatë këtij muaji.
Një takim i paparalajmëruar për media mes Feith’it dhe Sejdiut e Thaçit është mbajtur edhe të premten, në Zyrën e Presidentit të Kosovës. Aty ka marrë pjesë edhe Ambasadori i SHBA’ve në Kosovë, Christopher Dell.
Shefi i EULEX’it, Yves de Kermabon, nuk është ftuar në këtë mbledhje.
Zëdhënësi i Presidentit, Xhavit Beqiri ka thënë se ky takim mes këtyre zyrtarëve ka qenë rutinor.

I pyetur për zhvillimet rreth bashkëpunimit policor mes Misionit të BE’së dhe Beogradit, ai ka përsëritur qëndrimin e udhëheqësve kosovar.
“Në emër të Kosovës marrëveshje të tilla bashkëpunimi mund të nënshkruajnë vetëm institucionet e Kosovës. Njëkohësisht është gjithmonë dera e hapur për bashkëpunim. Ne kemi bashkëpunim të mirë me ICO’në, EULEX’in dhe gjithë mekanizmat tjerë ndërkombëtar”, ka thënë Beqiri për Express, të premten.

Mbajtjen e këtij takimi e ka konfirmuar edhe Zëdhënësi i Zyrës Civile Ndërkombëtare, Andy McGuffie.

“ICO dhe institucionet e Kosovës pajtohen se është shumë e rëndësishme që të ketë mekanizma të duhur për të forcuar sundimin e ligjit në Kosovë. Është e qartë se EULEX’i ka nevojë të ketë mjetet për të kryer punën e vet. Do të vazhdojnë përpjekjet për të gjetur shtegun e duhur për këtë, me të cilin secili do të ndihej rahat”, ka thënë ai.

Qëndrimi i liderëve kosovar i përsëritur në vazhdimësi gjatë dy javëve të fundit është se marrëveshje që kanë të bëjnë me Kosovën mund të nënshkruajnë vetëm përfaqësuesit e institucioneve shtetërore të vendit.
Në mesin e zyrtarëve europianë në Prishtinë spekulohet se zyrtarizimi i bashkëpunimit për shkëmbim të informatave policore mes EULEX’it dhe Beogradit mund të bëhet edhe pa nënshkrim të palëve.

Institucionet e Kosovës kanë refuzuar debatin për protokollin policor, por tani diplomatët europianë nuk e përmendin më këtë fjalë që ka nxitur debat polemizues deri në nivel emocional.

Ndryshe, për dallim prej zyrtarëve kosovarë dhe atyre europianë, përfaqësuesit e Qeverisë amerikane nuk janë deklaruar asnjëherë, publikisht, për bashkëpunimin EULEX-Serbi.
Gazeta Expres

Nuk e pranon akuzën


Fazli Sejdiu ka dalë të premten para gjyqtarit të procedurës paraprake, duke kundërshtuar akuzën me të cilën e ngarkon prokurori i çështjes Osman Mehmeti. “Nuk jam fajtor për këto vepra penale dhe nuk e pranoj fajësinë”, është shprehur Fazli Sejdiu para gjyqtarit të procedurës paraprake, Sylejman Hajredini, në Gjykatën e Qarkut në Prishtinë. Sipas akuzës së përpiluar, e të cilën e posedon edhe Express, ky 20 vjeçar, në qershor të vitit të kaluar, ka tentuar ta vrasë Kryeministrin Hashim Thaçi dhe në të njëjtën kohë ka pasur armë pa leje.

Por, derisa prokurori, pala e paditur dhe avokatët e tyre, shumica të caktuar sipas detyrës zyrtare, kanë marrë pjesë në këtë seancë, ka munguar Tomë Gashi, i cili është mbrojtës ligjor dhe këshilltar për çështje juridike i Kryeministrit Hashim Thaçi “Ju kam thënë se nuk më ka ardhur asnjë ftesë dhe për këtë arsye nuk kam çfarë kërkoj në një seancë që nuk më kanë ftuar”, thotë avokati Gashi për Express.

Ndërkohë, derisa ka kundërshtuar dy akuzat për tentim-vrasje dhe armë mbajtje pa leje, avokati Shefqet Bytyci, mbrojtës ligjor i Fazli Sejdiut, ka pranuar se klienti i tij mund të akuzohet për vjedhje në tentativë. Këtë e ka pranuar edhe vetë Fazli Sejdiu, i cili në deklaratën e dhënë në prokurori ka treguar tërë rrugën që ka bërë më 6 qershor të vitit të kaluar, përfshirë edhe tentimin për të vjedhë.

ha as letra”, thotë Bytyci për Express, duke qenë i bindur se gjyqtari i procedurës paraprake nuk do ta konfirmojë akuzën aktuale. “Ose duhet që ky rast të mos konfirmohet ose duhet që akuza të ndryshohet. Kjo për faktin se nuk ka asnjë provë. Përndryshe, vetë policia në denoncimin e parë të rastit e ka paraqitur si tentim vjedhje”, shprehet avokati Shefqet Bytyci.

“Krejt çfarë ka pasur atë natë klienti im, ka qenë një paketë me cigare dhe një telefon celular. Asgjë tjetër. Kurse prokurori e akuzon për armëmbajtje pa leje, ndërkohë që nuk ka prova”, shpjegon Bytyci për Express.

Së bashku me të dyshuarin kryesor për këtë rast, në këtë seancë janë paraqitur edhe tre personat e tjerë të dyshuar për dhënie ndihmë Fazli Sejdiut, pas plagosjes së tij nga rojet e Kryeministrit Thaçi.
Ata janë përfaqësuar nga avokatë të caktuar sipas detyrës zyrtare, të cilët janë shprehur të habitur me këtë akuzë të përpiluar nga prokurori Osman Mehmeti.

“Nuk ka asnjë provë, asnjë fakt nuk i materializon dispozitat e aktakuzës. Mjerisht të akuzuarit nuk mund të angazhojnë as avokatë”, thotë Ramë Dreshaj, avokat i caktuar sipas detyrës zyrtare për të mbrojtur Kushtrim Gecin.

“Avokatët, sipas detyrës zyrtare, angazhohen aty për aty. Krejt çfarë munda të bëj në këtë rast është fal asaj çka dimë nga mediet”, thotë Dreshaj për Express.

Sa i përket aktakuzës, në të shkruan se në natën e 6 qershorit të vitit të kaluar, rreth orës 23 e 15 minuta, Fazli Sejdiu me dashje ka dashur të privojë nga jeta Kryeministrin e Kosovës, Hashim Thaci.

“Ai ka kaluar rrethojën 4-5 metra të lartë duke hipur në ballkonin prej 2-3 metra, i pajisur me armë zjarri të tipit të panjohur dhe me një shkop 25 centimetra, ka dashur të futet përmes dritares në shtëpinë e Kryeministrit”, thuhet në aktakuzë.

“Duke ecur nëpër ballkon, ai është vërejtur nga roja i sigurimit i cili i ka thënë ‘ndalu’, por i pandehuri nuk është ndal dhe kthehet në drejtim të rojës”, vazhdon më tej aktakuza.

Sipas këtij dokumenti, në atë rast, roja shtie një herë në ajër, por pasi dëgjon një të shtënë në drejtim të tij, nga ku ka qenë i kthyer i pandehuri Fazli Sejdiu, atëherë sigurimi i Kryeministrit shtie në drejtim të këtij personi duke e qëlluar në pjesën e djathtë të krahut të dorës.

“Duke i rrjedhur gjak nga dora, i pandehuri vazhdon rrugën nëpër ballkon, kalon rrethojën aty ku kishte hyrë dhe largohet nëpër oborret e shtëpive të tjera në drejtim të veriut rreth 100 metra dhe kur vëren 2 -3 persona, kthehet mbrapa në drejtim të rrugës kryesore te ura e Arbërisë”, saktëson akuza e prokurorisë.

Sa i përket personave të tjerë, Alban Geci, Kushtrim Geci dhe Orges Prelvukaj, prokuroria i ngarkon ata për bashkëkryerje të veprës panel dhe moslajmërim të kryerësit të saj.

“Fazli Sejdiu në natën kur ka ndodhur ngjarja i ka thirr ata në telefon duke iu treguar rastin dhe iu ka kërkuar ndihmë. Ata janë takuar në qytezën ‘Pejton’ dhe nuk e kanë lajmëruar rastin”, thuhet në këtë dokument.

Sipas aktakuzës, të nesërmen paradite Fazli Sejdiu ka shkuar te shtëpia e Alban dhe Kushtrim Gecit, të cilët së bashku kanë shkuar në një shtëpi të pabanuar, pronë e këtyre dy të fundit.

“Edhe pse i pandehuri Sejdiu u kishte treguar këtyre të dyve për rastin, ata e kanë strehuar dhe pas një kohe të tre janë larguar nga aty”, thuhet në aktakuzën e prokurorisë.

Në këtë dokument janë të përfshirë edhe emrat e personave, të cilët prokuroria i kërkon të dëshmojnë në lidhje me këtë rast, në mesin e të cilëve që nga koha kur ka ndodhur rasti e deri më tash, disa prej tyre kanë vdekur.
Për konfirmimin ose jo të kësaj aktakuze, palët duhet të presin disa ditë derisa gjyqtari të marrë një vendim.
Gazeta Expres

[Oqeani]

17 turistë të mbytur në Liqenin e Ohrit


Sipas agjencive, janë të paktën 17 persona të mbytur në Liqenin e Ohrit, në afërsi të autokampit “Eleshec”, ndërsa lundronin me anijen turistike “Ilinden”. Konsiderohet se numri i viktimave mund të jetë më i madh sepse në anije, sipas të dhënave të para, jozyrtare, gjendeshin rreth 50 turistë nga Bullgaria.

[Llapjani_HH]

BE-ja e vendosur për protokollin

Zëvendësshefi i Departamentit suedez për Bashkimin Evropian, Lars Wahlund, i tha BBC-së se protokolli i bashkëpunimit ndërpolicor ndërmjet EULEX-it dhe Beogradit zyrtar do të nënshkruhet së shpejti.

Ai tha se në Bruksel nuk ka vullnet për ndryshim të asnjë pjese të protokollit.

Sipas tij, ajo është marrëveshje teknike ndërmjet BE-së dhe Beogradit për bashkëpunimin përreth kufirit.

Zoti Wahlund shfaqi bindjen e tij se BE-ja do ta ndryshojë qëndrimin e Prishtinës zyrtare ndaj protokollit përmes bisedimeve dhe dialogut.

Autoritetet në Prishtinë kanë ripërsëritur qëndrimin e tyre se debatet për protokollin EULEX-Serbi janë të mbyllura, por thonë se do të vazhdojnë bashkëpunimin me misionet ndërkombëtare në Kosovë.

Ndërkohë misioni i EULEX-it ka paralajmëruar nënshkrimin e dy protokolleve të tjera, atë të doganave dhe të drejtësisë.

Çështjen e protokollit për policinë zëvendësshefi i departamentit suedez për BE-në e cilësoi të jetë në interes të Prishtinës zyrtare.

Ai nënvizoi se udhëheqësit politikë të Kosovës kanë qenë në dijeni të plotë për të gjitha bisedimet e misionit evropian për drejtësi dhe polici me Beogradin për protokollet.

Me zotin Wahlund bisedoi korrespondenti i BBC-së në Prishtinë, Arbër Vllahiu, dhe fillimisht e pyeti nëse për shkak të qëndrimit refuzues të Prishtinës bisedimet për marrëveshjet me Beogradin kanë arritur në një pikë të vdekur.

Z. Wahlund: Nuk mendoj ashtu. Më lejoni që të them diçka para se t'i përgjigjem pyetjes suaj.
Duhet të fillojmë me incidentin dhe sulmet mbi EULEX-in.
Ne jemi të shqetësuar për këtë dhe presim nga qeveria e Kosovës që të gjejë përgjegjësit dhe t'i nxjerrë ata para drejtësisë. Kjo është përgjegjësi e autoriteteve të Kosovës.

Sa i përket protokollit të policisë ndërmjet EULEX-it dhe Serbisë, ne e shohim këtë si një marrëveshje teknike ndërmjet Bashkimit Evropian dhe Serbisë.

Ne gjithashtu e dimë se qeveria e Kosovës ka premtuar që të mbështesë EULEX-in në punën e tij dhe, gjithashtu, mendojmë se protokollet teknike janë vërtetë në interes të Kosovës. Kjo ka të bëjë me bashkëpunimin përgjatë kufijve, të cilët Serbia nuk i njeh.

Dhe këto protokolle, nëse qeveria e Kosovës i merr parasysh, janë në të mirë të Prishtinës.
Gjatë bisedimeve për protokollin e policisë qeveria në Prishtinë ka qenë plotësisht e informuar për të gjitha hapat dhe ne shpresojmë se qeveria në Prishtinë do t'i çojë gjërat përpara. Ne mendojmë se është e rëndësishme që protokolli të nënshkruhet dhe mendoj se BE-ja është e gatshme të ecë përpara në këtë çështje. Gjithashtu nuk mund të jetë në interes të qeverisë në Prishtinë që të jetë në kundërshtim ose në konflikt me BE-në rreth kësaj çështjeje.

BBC: Kur e përmendët incidentin në Prishtinë dhe Lëvizjen Vetëvendosja, zoti Wahlund, a nuk e besoni se incidenti ishte pasojë e protokolleve që për qytetarët nuk ishin shumë të kuptueshme?

Z. Wahlund: Mund të jetë ashtu. Por, ata që qëndrojnë prapa këtyre sulmeve, kanë protestuar edhe më parë dhe, me sa e kuptoj unë, duan që të gjithë ndërkombëtarët të largohen nga Kosova. Nuk mendoj se kjo është në interes të Kosovës dhe, gjithashtu, nuk mendoj se ky mendim përkrahet nga qeveria e Kosovës. Mendoj se Kosova si një shtet në fillimet e saj me këtë status, ka nevojë për ndihmë dhe mbështetje nga bashkësia ndërkombëtare. Dhe ne jemi të pranishëm atje për të ofruar mbështetje.

BBC: Ju thatë se Prishtina zyrtare ishte në dijeni të plotë të bisedimeve për protokollet me Beogradin. Por zyrtarët në Prishtinë thonë se nuk janë në dijeni të ndonjë bisede politike me Serbinë dhe se nuk janë në dijeni të plotë për këto protokolle që pritet të nënshkruhen?

Z. Wahlund: Këtë pyetje duhet t'ia adresoni qeverisë në Prishtinë. Unë vetëm mund të them se ne si Bashkim Evropian, përfaqësuesit tanë ndërkombëtarë në Prishtinë, e kanë njoftuar qeverinë e Kosovës.

BBC: E kanë informuar plotësisht?

Z. Wahlund: Plotësisht.

BBC: Për çdo gjë që është bërë me Beogradin?

Z. Wahlund: Po.

BBC: Zoti Wahlund, Prishtina zyrtare këmbëngul se të gjitha debatet për protokollet janë të mbyllura. Si mendoni ta ndryshoni këtë qëndrim të saj?

Z. Wahlund: Natyrisht që do ta ndryshojmë përmes bisedimeve me ta, përmes dialogut. Sërish nuk e mendoj se është në interes të Prishtinës që të mos i zgjidhë këto opinione të ndryshme.

BBC: A do të thotë kjo se do të ndryshoni protokollet, do të ndryshoni ndoshta emërtimin e tyre, ose thjesht diçka që ta bindni Prishtinën që të ecë më tutje?

Z. Wahlund: Nuk mendoj se ndryshimi i protokollit është rruga e drejtë sepse ai është marrëveshje teknike ndërmjet BE-së dhe Beogradit për bashkëpunimin përreth kufirit. Rruga përpara është të sqarojmë, të bisedojmë dhe të bindim qeverinë në Prishtinë.

BBC: Pra, ju po thoni se nuk ka ndryshime por do t'i bindni autoritetet në Prishtinë se kjo është e drejtë?

Z. Wahlund: Ne jemi kryesues të Bashkimit Evropian dhe flasim në emër të tij. Ju e dini që BE-ja ka 27 vende anëtare. Mënyra se si unë e lexoj disponimin e BE-së, është se nuk ka absolutisht vullnet për të ndryshuar protokollin.

BBC: Por nëse Prishtina nuk e ndryshon qëndrimin e saj, a do të bëni ndonjë presion mbi të që ta mundësojë nënshkrimin e protokollit?

Z. Wahlund: Presioni që mund të bëjmë është të bisedojmë me ta. Nuk dua të spekuloj shumë. Kur zyrtarët në Prishtinë të ulen e ta shohin këtë çështje, nuk mendoj se është në interes të tyre që të jenë në konflikt me BE-në rreth kësaj çështjeje.

BBC: Pra, ju thoni se BE-ja është përkushtuar fuqishëm që t'i nënshkruajë këto protokolle?

Z. Wahlund: Po, ashtu mendoj. Unë kështu e kutpj këtë çështje.

BBC: Kur mendoni se do të nënshkruhet protokolli?

Z. Wahlund: Nuk mund të them me saktësi se kur por, ashtu si e kam kuptuar unë, kjo do të bëhet në një të ardhme jo fort të largët.

BBC: Dhe së fundi, nëse Prishtina nuk e ndryshon qëndrimin e saj, nëse ju vazhdoni të thoni se BE-ja është e përkushtuar për të nënshkruar protokollet me Beogradin, a nuk po rrezikojmë kështu që të përshkallëzohet situata e sigurisë në Kosovë?

Z. Wahlund: Bashkësia ndërkombëtare, posaçërisht Bashkimi Evropian është në Kosovë për të ndihmuar dhe Kosova ka aspirata evropiane . Protokollet janë në interes të Kosovës dhe mendoj se do të kemi mundësi që ta zgjidhim këtë çështje.
BBC Albanian

[Llapjani_HH]

Prishtina zyrtare po diskuton për protokollin

Presioni ndërkombëtar duket t’i ketë detyruar krerët e shtetit, presidentin Sejdiu dhe kryeministrin Thaçi të ulen dhe të diskutojnë për modalitetet për të gjetur zgjidhje për vendosjen e bashkëpunimit ndërmjet EULEX-it dhe Serbisë, e cila do të ishte e pranueshme për Prishtinën zyrtare.

Sejdiu e Thaçi edhe pse e kanë deklaruar të mbyllur debatin për këtë çështje, ata dje janë takuar me shefin e ICO-së Pieter Faith dhe me ambasadorin amerikan në Prishtinë, Christopher Dell.

Merret vesh se thelb i takimit ka qenë nënshkrimi i protokollit nga ELUEX-i me Serbinë.

Zyrtarë qeveritarë nuk kanë pranuar të jetë zhvilluar ndonjë takim i veçantë. Ata kanë thënë se takimi ka qenë rutinë, por nuk kanë pranuar të prononcoheshin pra mediave. Por merret vesh se një takim i tillë pritet të zhvillohet edhe gjatë javës së ardhshme.

Derisa përfaqësuesi special i Bashkimit Evropian në Kosovë, Pieter Feith, po bisedon për zgjidhjen e këtij problemi me udhëheqës të shtetit, kryesuesja e Bashkimit Evropian, Suedia, ka kritikuar sjelljet e Qeverisë së Kosovës dhe kundërshtimet e kësaj qeverie për protokollin e EULEX-it me Serbinë, duke thënë se këto sjellje nuk i përmbushin aspiratat evropiane të Kosovës.

Zëdhënësja e Ministrisë së Jashtme e shtetit kryesues të BE-së Suedisë, Cecilia Julin, i ka deklaruar “Kohës ditore”, së shtetet e Bashkimit Evropian, presin që Kosova të bashkëpunojë me BE-në. “Ne presim që Kosova, si një vend me aspirata evropiane, të ketë bashkëpunim të plotë me BE-në. Është vështirë të mendohet së sjelljet e fundit të Qeverisë së Kosovës, janë në shërbim të këtyre aspiratave”, ka thënë zëdhënësja e ministrit të Jashtëm suedez, Carl Bildt, Cecilia Julin.

Përfaqësues të misionit të Bashkimit Evropian për forcimin e sundimit të ligjit në Kosovë ritheksojnë se nuk kanë ndërmend të lënë anash Prishtinën zyrtare lidhur me nënshkrimin e të të ashtuquajturve aranzhime teknike me Serbinë.

“Ne nuk po merremi me një protokoll, me një marrëveshje ndërkombëtare, apo me ndonjë gjë të ngjashme. Këto gjëra nënshkruhen ndërmjet shteteve.EULEX-i nuk është shtet”, i ka deklaruar radios Evropa e Lirë zëdhënësja e EULEX-it, Karin Limdal.

Nënshkrimi i protokollit ndërmjet EULEX-it dhe Serbisë, ekspertët thonë se ka ardhur si pasojë e neglizhencës së Kuvendit të Kosovës.

Nuredin Ibishi, Ekspert i Sigurisë, ka theksuar se nuk ka kthim mbrapa. Sipas tij, protokolli do të nënshkruhet. Mirëpo ai kërkon që udhëheqësit vendës të kërkojnë përfshirje në proces.

Nga ana tjetër, Komisioni i punëve të brendshme dhe sigurisë i Kuvendit të Kosovës tashmë ia ka dorëzuar Ministrisë së Brendshme, Policisë së Kosovës dhe përfaqësuesve të EULEX-it një shkresë në të cilën kërkon sqarime për protokollin.

Gjithashtu është mësuar se po këtyre institucioneve, komisioni ua ka dërguar edhe nga një kërkesë me të cilat kërkohet të sqarohen edhe nënshkrimet e mëhershme me shtetet e tjera fqinje.

Ndërsa partitë politike thonë se janë institucionet e vendit ato që nuk do të duhej të lejonin nënshkrimin e protokollit me Serbinë, pa praninë e tyre. Nuk është i vetmi protokoll që EULEX-i paralajmëron të nënshkruajë me Serbinë.

Pak ditë më parë gjithashtu është njoftuar për përgatitjen që po bëhen për nënshkrimin edhe të dy protokolleve të tjera që kanë të bëjnë me dogana dhe gjyqësi.
E nga ana tjetër, përfaqësuesit më të lartë të institucioneve të vendit, zyrtarisht, janë duke kundërshtuar nënshkrimin e protokolleve të tilla pa praninë e tyre.
KTV

[Llapjani_HH]

Xhuda: Kosova nuk mund ta pengojë marrëveshjen


Analisti britanik, Tim Xhuda, thotë se Kosova s'mund ta pengojë marrëveshjen EULEX-Serbi, meqë atë e ka mbështetur edhe presidenca suedeze e BE-së. Sipas tij, kundërshtimet e Prishtinës kanë të bëjnë me çështje të brendshme politike në Kosovë.

RADIO EVROPA E LIRË
Sa mund të ndikojë kundërshtimi i Prishtinës ndaj protokollit në rritjen e tensioneve në këtë pjesë të rajonit?

TIM XHUDA
Mendoj se bëhet mjaft zhurmë për asgjë, për sa i përket nënshkrimit të protokollit ndërmjet EULEX-it e Beogradit dhe kjo në Kosovë po bëhet për shkaqe të brendshme politike. Mendoj se Kosova nuk do të mund të bëjë shumë rreth kësaj dhe EULEX-i këtë marrëveshje do ta realizojë. Nervoza të cilën e kemi parë në Kosovë nuk do të zgjasë gjatë dhe në fund do të qetësohet.

RADIO EVROPA E LIRË
Disa analistë ndërkombëtarë, sikur ata në agjencinë amerikane STRATFOR, parashohin rritje të tensioneve në relacionin Prishtinë – EULEX...

TIM XHUDA
Jo, mendoj se nuk ekziston një rrezik i tillë. Nëse nuk gaboj, edhe kryesia suedeze e Bashkimit Evropian e ka mbështetur nënshkrimin e këtij protokolli dhe mendoj se kjo marrëveshje do të kalojë, çkado që Kosova të mendojë për të.

Mendoj se këtu është shumë me rëndësi të kuptohet konteksti në të cilin shprehet pakënaqësia në Prishtinë. Në radhë janë zgjedhjet lokale në Kosovë, ku secili dëshiron që sa më shumë t’i dëgjohet zëri. Jam i sigurt se të gjitha që po ndodhin rreth këtij protokolli, janë më tepër të lidhura me këtë se sa më gjërat e tjera.

Mendoj se Kosova nuk do të ketë kurrfarë ndikimi në nënshkrimin e këtij protokolli. Kosova është një pikë e vogël në hartën e Evropës dhe Bashkimi Evropian do ta bëjë atë për të cilën ka mandat, i pëlqeu kjo Kosovës apo jo.

RADIO EVROPA E LIRË
Thoni që Kosova nuk mund ta pengojë nënshkrimin e marrëveshjes EULEX – Serbi, por çfarë është çmimi politik, nëse do të ndodhte ndonjë dhunë?

TIM XHUDA
Rrezik nga ndonjë dhunë më të madhe, sipas mendimit tim, nuk ka. Mendoj se përmbysja e 24 veturave të EULEX-it nga ana e aktivistëve të lëvizjes “Vetëvendosje” nuk është akt i dhunës serioze.

Siç thashë, duhet të shihet si shprehje e politikës së brendshme. Pos kësaj, aktivistët e Vetëvendosjes dëshirojnë të tregojnë se ende ekzistojnë. Pa aksione të këtilla njerëzit thjeshtë do t’i harronin.

Pra, nuk shoh paralajmërime të ndonjë dhune dramatike dhe nuk ka arsye për frikë nga kjo. Përfundimisht, nëse diçka e tillë ndodhë, ajo do të ishte në dëm të Kosovës.

Më duket se gjasët për një skenar të tillë praktikisht janë kurrfare. Atë që e kemi parë para do kohe, duhet ta shohim vetëm në pozicionimin për zgjedhjet e ardhshme lokale.

RADIO EVROPA E LIRË
A shihni diçka kundërthënëse apo problematike në këtë protokoll ndërjmet EULEX-it e Serbisë për bashkëpunim policor?

TIM XHUDA
Jo gjithaq, pasi ai protokoll, në masën më të madhe, thjesht është vazhdim i marrëveshjeve të mëparshme për bashkëpunim policor ndërmjet Serbisë e Kosovës, nëpërmjet UNMIK-ut. Pra, UNMIK-u më herët ka nënshkruar marrëveshje të këtillë dhe ajo ishte shumë e mirë.

Ky është vazhdim i bashkëpunimit të njejtë, por në formë tjetër.
Radio Evropa e Lirë

Krasniqi: Pos EULEX-it, për protokollin janë përgjegjëse edhe institucionet e Kosovës

Në mbledhjen e sotme të Kryesisë së Kuvendit të Kosovës, ka kanë marrë pjesë edhe shefat e grupeve parlamentare, është përcaktuar rendi i ditës për seancën e 17 shtatorit. Ndërsa duke folur, pas mbledhjes, për çështjen e protokollit kryetari Krasniqi edhe një here përsëriti se fajtor të për krijimin e kësaj gjendje janë vetë institucionet e Kosovës, duke përmendur këtu Qeverinë dhe Presidencën, por duke mos anashkaluar as EULEX-in.

Duke folur pas mbledhje së sotme të Kryesisë, kreyparlamentari Jakup Krasniqi, përveç EULEX-it, i bën përgjegjëse edhe institucionet e Kosovës për çështjen e protokollit.

“Konsideroj se nuk është menaxhuar mirë kjo çështje nga të dyja palët”, tha Krasniqi pas takimit të sotëm të përbashkët kryesisë së Kuvendit dhe shefave të grupeve parlamentare, në të cilën nuk është shqyrtuar cështja e protokollit për mungesë të kërkesës së deputetëve.

Ndryshe, Kryesia ka vendosur që në seancën e parë vjeshtore e Kuvendit të Kosovës, pas pushimit, e cila do të mbahet më 17 shtator, pikë e parë e rendit të ditës të jenë pyetjet parlamentare për punën e Qeverisë së Kosovës, për të proceduar pastaj me projektligjet.

Do të shqyrtohen për herë të parë: Projektligji për Qeverinë e Republikës së Kosovës, ai për Shërbimin Civil të Republikës së Kosovës dhe Projektligjit për pagat e nëpunësve civilë, projektligje këto të tërhequra nga Qeveria e Kosovës në seancën e 28 majit të këtij viti (për konsultime me faktorë ndërkombëtarë për koston financiare të implementimit të tyre). Po për herë të parë do të shqyrtohet edhe Projektligji për turizmin dhe shërbimet turistike. Për herë të dytë, ndërkaq, do të shqyrtohen: Projektligji nr. 03/L-128 për auditimin e brendshëm, Projektligji për ruajtjen e rendit dhe të qetësisë publike, si dhe Projektligji për armët.

Në të njëjtën seancë do të shqyrtohet propozimi i Qeverisë së Kosovës për emërimin e anëtarëve të Bordit të Autoritetit Rregullativ të Telekomunikacionit.

Kryesia ka vendosur që si pikë e fundit e seancës së 17 shtatorit të jetë debati lidhur me lirinë e medies në Kosovë (sipas kërkesës së grupit prej njëmbëdhjetë deputetësh).

Në mbledhjen e sotme anëtarët e Kryesisë janë njoftuar me komentin e deputetit Naim Rrustemi lidhur me konfliktin e interesit të deputetit. Ata janë njoftuar edhe me vendimin e deputetit Vladimir Todoroviq për t’iu bashkëngjitur Grupit Parlamentar të SLS-së dhe për kalimin e deputetit Shkumbin Demaliaj nga Grupi Parlamentar i AKR-së në Grupin Parlamentar të AAK-së.
RTK

Kuçi: Në rast të nënshkrimit të protokollit nuk duhet bërë veprime që dëmtojnë imazhin e Kosovës

Zëvendëskryeministri Hajredin Kuqi ka ftuar të gjithë qytetarët dhe lëvizjen “Vetëvendosje” të mos bëjnë veprime që dëmtojnë imazhin e Kosovës, edhe nëse nënshkruhet protokolli ndërmjet EULEX-it dhe Serbisë. Pas një takimi me anëtarët e Komisionit për Integrime Evropiane të Kuvendit të Kosovës, Kuçi theksoi se Qeveria e Kosovës do të angazhohet për bashkëpunim rajonal, por vetëm nëse trajtohet si shtet i pavarur dhe sovran.

Anëtarët e Komisionit për Integrime Evropiane kritikuan qeverinë për mos-transparencë sa i përket çështjes së protokollit për bashkëpunim policor ndërmjet EULEX-it dhe Serbisë.
Kryetarja e këtij komisioni, Zylfije Hundozi, tha se deputetët është dashur të informohen me kohë për përmbajtjen e protokollit.
Megjithatë ky komision ka mbështetur qeverinë në kundërshtimin për nënshkrimin e protokollit nga ana e EULEX-it:

“Ne e përkrahim qeverinë në gjitha këto qëndrime që të ruhet sovraniteti i Qeverisë së Kosovës, por njëherit të ruhet edhe bashkëpunimi me institucionet evropiane, gjegjësisht EULEX-in pasi gjitha institucionet e Kosovës e kanë qëllimin përfundimtarë integrimin në BE”, ka thënë Zylfije Hundozi.

Pasi njoftoi anëtarët e Komisionit për kundërshtimin që institucionet po i bëjnë nënshkrimit të protokollit, zëvendëskryeministri Kuçi ftoi qytetarët, e në veçanti Lëvizjen “Vetëvendosje”, që në rast të nënshkrimit të protokollit EULEX - Serbi të mos bëjnë veprime të cilat dëmtojnë imazhin e Kosovës.

“Unë i ftoj gjithë qytetarët dhe pjesëtarët e Lëvizjes “Vetëvendosje” që të respektojnë rendin dhe ligjin në Kosovë dhe të mendojnë gjithmonë për perspektivën e vendit. Dhe, kësaj radhë të mos e qesim veten në pozitën e atyre që kundërshtojnë dike, që është ndërkombëtare. Ne kemi qëndrim që kundërshton raportin në dilema me Serbinë. Jam i bindur se rendi do të ruhet dhe vetëdija qytetare dhe e “Vetëvendosjes” është të mos prishet imazhi. I ftoj të jenë të vëmendshëm, jo në veprime emocionale dhe të mbështjellura me ndjenjën nacionale. Të shohim, jo vetëm veprimet afatshkurtra por edhe ato afatgjata”, ka theksuar zv/kryeministri Kuçi.

Anëtarët e Komisionit për Integrime Evropiane kërkuan që në ndonjërën prej seancave të ardhshme të Kuvendit të diskutohet çështja e protokollit ndërmjet EULEX-it dhe Serbisë.
Në mbledhjen e këtij komisioni, zëvendëskryeministri Hajredin Kuçi raportoi edhe për planin e ri të veprimit për Partneritet evropian.

Komisioni pati vërejtje për vëllimin e këtij plani pasi në të parashihen 598 veprime për të cilat anëtarët e komisionit thanë se institucionet nuk kanë kapacitete zbatuese.
Zv/kryeministri Kuçi theksoi se plani parasheh periudhën deri në vitin 2011 prandaj përgjegjësitë që dalin nga plani e kanë afatin e zbatimit.

”Kosova po përparon prandaj raporti i fizibilitetit me BE-në do të jetë pozitiv”, theksoi Kuçi.
RTK

Banorët shqiptarë të lagjes “Kroi i Vitakut” nuk po lejohen të nisin rindërtimin e shtëpive

Edhe pse kanë bërë pastrimin e rrënojave dhe matjen e pronave të tyre, banorët shqiptarë të lagjes “Kroi i Vitakut” në veri të Mitrovicës nuk po lejohen të nisin rindërtimin e shtëpive të tyre.

Përfaqësuesi i lagjes, Musa Haliti, ka deklaruar se po pengohen nga forcat policore të EULEX-it që të bëjnë bazamentin e shtëpive. Sipas Halitit, EULEX-i po i zbaton urdhrat e misionit të UNMIK-ut, të cilët po kërkojnë marrjen e lejeve për rindërtimin e shtëpive.

Ndërkohë, në “Kroin e Vitakut” sipas banorëve të lagjes sot nuk ka asnjë siguri nga Policia e EULEX-it, por që në lagje është vetëm një veturë e Stacionit Veri të Policisë së Kosovës, derisa situata konsiderohet të jetë e qetë.
KTV

[Llapjani_HH]

Knaus: Në “këmbim” të protokolleve, Kosova të fitojë udhërrëfyesin për liberalizimin e vizave

“Protokollet apo aranzhimet teknike me Serbinë janë të nevojshme, por në këmbim të tyre Kosova do të duhej të fitonte udhërrëfyesin për liberalizimin e vizave”, tha në intervistën ekskluzive për emisionin “Pika mbi i” të Radio Kosovës, ekspertja e Iniciativës Evropiane për Stabilitet Verena Knaus. Sipas saj, EULEX-i ka një varg të fuqive ekzekutive, por vitet e ardhshme kjo do të tregohet e rrezikshme dhe do të shtrohet çështja e mandatit të vërtetë të EULEX-it dhe të ICO-s.

Radio Kosova: Dua të filloj këtë intervistë me një pyetje ndoshta të thjeshtë, apo ndoshta thelbësore: a janë çështje teknike apo politike protokollet e paralajmëruara ndërmjet EUELEX-it dhe Serbisë ?

Verena Knaus: Kjo është pyetje e vështirë që mbase tingëllon shumë e thjeshtë, por në të njëjtën kohë mendoj se ka një përgjigje të thjeshtë – është njëkohësisht edhe çështje teknike edhe politike.

Ajo që më prek mua si vëzhguese e reagimeve në Kosovë dhe njëkohësisht e reagimeve në Bruksel për diskutimet këtu, është se duket se ka shumë keqkuptime se për çfarë janë në realitet këto protokolle, apo marrëveshje teknike.

Sipas meje këtu esencialisht bëhet fjalë për Serbinë dhe procesin e Serbisë drejtë liberalizimit të vizave, dhe, kjo është çështja që deri tani nuk është fokusuar edhe aq në Kosovë.

Kur shikojmë çështjen e liberalizimit të vizave, Komisioni Evropian dhe pas tij të gjitha vendet anëtare të BE-së, kanë përcaktuar katër kushte të cilat Serbia duhet t’i plotësojë për të fituar liberalizimin e vizave.

Njëra prej tyre është protokolli apo marrëveshja e bashkëpunimit me EULEX-in.

Pra, kur Bashkimi Evropian e shikon këtë çështje, atëherë e shikon nga këndvështrimi se ajo është parakusht për Serbinë që të sigurojë liberalizimin e vizave.

Por, gjithashtu, dhe mendoj se kjo nuk është kuptuar mirë në Kosovë, kjo është njëfarë mënyre për të “paketuar” njëfarë marrëveshje për Serbinë që të pranojë sërish kufijtë në veri, t’i hapë ata dhe t’i bëjë sërish funksionalë, të funksionojnë sërish normalisht doganat ashtu si para pavarësisë dhe në të njëjtën kohë për të operuar si më parë, por me EULEX-in si partner tani.

Radio Kosova: A po e përdorë Bashkimi Evropian misionin e tij në Kosovë për të vendosur raportet me Serbinë, apo EULEX-i thjeshtë po e bën punën e tij ?

Verena Knaus: Në përgjithësi, Bashkimi Evropian dhe vendet anëtare të tij që qëndrojnë pas EULEX-it, normalisht që kanë interes të madh në vendosjen e raporteve të mira me Serbinë.

Kjo, normalisht është edhe në interesin e Kosovës.
Është e qartë se as Kosova e as Serbia nuk do të përparojnë drejtë anëtarësimit në BE, apo të kenë sukses në luftimin e problemeve të veta : korrupsionit, krimit të organizuar, përmirësimit të shërbimeve doganore apo përmirësimit të jetës së qytetarëve të tyre, pa njëfarë niveli bashkëpunimi, të paktën praktik. Kjo është shumë e qartë.

Mendoj se EULEX-i është dizajnuar, si mënyrë, për vendet që kanë qenë skeptike për pavarësinë e Kosovës, që t’i mundësojë Kosovës të bëhet e pavarur dhe në të njëjtën kohë për të bindur vendet anëtare skeptike se do të ketë diçka atje, pra mision të BE-së për sundimin e ligjit, që do të marrë përsipër disa funksione të caktuara nga UNMIK-u.

Pra ky ishte dizajnimi fillestar: EULEX-i në konceptin e tij fillestar nuk kishte të bënte me raportet me Serbinë. Tani është bërë “mjeti” përmes të cilit Kosova do të flasë, apo të vazhdojë të flasë me Serbinë, pas ndërprerjes së bisedimeve ndërmjet Prishtinës dhe Beogradit, por kjo nuk ka qenë ideja fillestare.

Radio Kosova: Këto protokolle vërtetë janë kusht për Serbinë në procesin e liberalizimit të vizave. Por, a po përpiqet Serbia të shfrytëzojë këtë situatë edhe në lëmin e ruajtjes së ndikimit të saj në pjesën veriore të Kosovës, përmes këtyre protokolleve ?

Venera Knaus: Po dhe jo. Normalisht që Serbia po provon që të ruajë ndikimin e saj mbi veriun e Kosovës. Mendoj se ky është fakt, i cili, sipas meje është në kontradiktë me aspiratat e Serbisë për t’iu bashkuar Bashkimit Evropian. Mendoj se është shumë e qartë dhe unë plotësisht pajtohem me Marti Ahtisarin, i cili vazhdimisht e thekson se nëse Serbia vërtetë aspiron që t’i bashkohet Unionit Evropian, duhet të pranojë realitetin në Kosovë, dhe, realiteti i ri është se Kosova është e pavarur, në kufijtë aktualë që përfshijnë edhe veriun.

Nuk mendoj se Serbia po e përdor këtë protokoll për të rivendosur apo rikthyer kontrollin. Ka shumë mënyra përmes të cilave Serbia mundohet të ruajë kontrollin: njëra është duke kërkuar gjithnjë rifillim të bisedimeve, mënyra tjetër është që të mbajë në të njëjtën “rrugë” pesë vendet anëtare të BE-së që ende nuk e kanë njohur Kosovën, që të mos ndërmarrin hapa përpara dhe ta njohin Kosovën.

Pra, ka shumë mënyra sipas të cilave Serbia mundohet të mbajë një nivel të intervenimit politik dhe të kontrollit politik mbi komunitetin serb në Kosovë në veçanti në veri. Mendoj se kjo është kontradiktore dhe është e rrezikshme për interesat vetanake të Serbisë dhe posaçërisht është e rrezikshme për të ardhmen evropiane të të dyjave: Kosovës dhe Serbisë.

Radio Kosova: Kohët e fundit ka shumë diskutime rreth fuqive ekzekutive të EULEX-it. Sipas jush, cilat janë fuqitë ekzekutive të EULEX-it ?

Verena Knaus: Në letër, dhe në rastin e Kosovës, gjithnjë ekziston problemi se ajo që është në letër dhe ajo që ndodhë në realitet nuk janë gjithnjë të njëjta, mirëpo në letër EULEX-i ka një varg të fuqive ekzekutive.

Ato shtrihen që nga marrja e përgjegjësive direkte në lëmin e policisë, përgjegjësi direkte në sistemin e drejtësisë e deri tek ndërhyrjet në procesin politik nëse EULEX-i apo ICO në bashkëpunim e vlerësojnë se është e domosdoshme.

Mendoj se kjo është shumë e rrezikshme. Kosova e pavarur, demokratike, Kosova evropiane duhet të jetë 100 përqind përgjegjëse për çështjet e saja të brendshme. Mendoj se ky pozicion që kemi tani: pra me Qeverinë e Kosovës e Kushtetutën e Kosovës dhe me EULEX-in dhe ICO-n dhe të gjitha prej tyre me fuqi ekzekutive, mendoj se kjo nuk është e qëndrueshme për një afat të gjatë.

Kjo ka qenë e domosdoshme si mënyrë dhe si parakusht për Kosovën që të arrijë pavarësinë, por vitin e ardhshëm, në 2010, në tavolinë do të shtrohet çështja se cili është mandati i EULEX-it në të ardhmen dhe cili do të jetë mandati i ICO-së në dritën e faktit se plani i Ahtisarit nuk ka marrë aprovimin e Këshillit të Sigurimit, se jo të gjitha vendet anëtare të BE-së qëndrojnë pas tij, pra shumëçka ka ndryshuar.

Për t’u kthyer tek pyetja juaj rreth fuqive ekzekutive në praktikë: në jug, për shembull në Prishtinë, Gjilan, Pejë etj. EULEX-i ka qenë shumë i butë dhe i kujdesshëm për të mos përdorur fuqitë ekzekutive. Në veri ndërkaq ku policia e EULEX-it është çdo ditë në rrugë. Për shembull tek Kroi i Vitakut, atëherë përdorë fuqitë e veta ekzekutive. Apo mund të flasim për pjesën plotësisht veriore, në portat 1 dhe 31, ku keni policët dhe doganierët e EUELEX-it duke vepruar në kufi në emër të qeverisë së Prishtinës.

Sërish është EULEX-i duke aplikuar fuqitë e tij ekzekutive. Pra në këto dy raste Prishtina është e lumtur që EULEX-i përdor fuqitë e tij ekzekutive, kështu që duhet të jemi të kujdesshëm për të thënë nëse është njësoj mirë ndokund. Pra, është një “po e kualifikuar” si përgjigje për këtë pyetje.

Radio Kosova:Institucionet e Kosovës deri tani i kanë thënë jo protokollit me Serbinë. A mundet kjo çështje të ndikojë në raportet e përgjithshme ndërmjet institucioneve të Kosovës dhe EULEX-it dhe në një aspekt më të gjerë ndërmjet institucioneve të Kosovës dhe Bashkimit Evropian ?

Verena Knaus: Po natyrisht. Mendoj se raportet nuk janë të mira tani për tani.
Lidershipi i Kosovës ka dalë shumë fuqishëm kundër protokollit. Personalisht mendoj dhe ky është edhe qëndrimi i Iniciativës Evropiane për Stabilitet se ato mund të jenë më taktike. Qeveria e Kosovës mund të veprojë më me taktikë dhe të kërkojë atë për të cilën Kosova vërtetë ka nevojë.
Mendoj se ekziston një çështje shumë konkrete që është e rëndësishme për Qeverinë e Kosovës, mbi të gjitha për publikun, e kjo është liberalizimi i vizave për kosovarët.
Mendoj se Qeveria e Kosovës duhet të ketë qasje më taktike në raportet e saj me EULEX-in dhe të thotë: ne vërtetë kemi nevojë për EULEX-in në terren, ne vërtetë e duam EULEX-in këtu për të na asistuar, për të na monitoruar, për të na mentoruar e këshilluar, por me të vërtetë e duam EULEX-in këtu për të na ndihmuar në zbatimin e të gjitha atyre kushteve që janë të domosdoshme për Kosovën që të fitojë liberalizimin e vizave.
Kjo mendoj se është pika kyçe ku misioni për sundimin e ligjit do të jetë i dobishëm dhe ndihmë për Kosovën dhe marrëdhëniet vërtetë do të jenë ato të partnerëve dhe jo ato të konkurrentëve.

vazhdon--->

[Llapjani_HH]

vazhdimi--->

Radio Kosova: Pesë vende të Bashkimit Evropian nuk e kanë njohur ende Kosovën. Si influencon kjo perspektivën evropiane të Kosovës ? A e dëmton atë ?

Verena Knaus: Absolutisht. Është shumë e qartë se në këtë moment është e pamundur për Kosovën dhe për Komisionin Evropian, në emër të vendeve anëtare, për të pasur marrëdhënie kontraktuese dhe për të ndërmarrë ata hapa të nevojshëm në avancimin drejtë anëtarësimit në BE.

Kjo fillon me studimin e fizibilitetit si hap i parë drejtë Marrëveshjes së Stabilizim - Asociimit. Disa vende e kanë bllokuar progresin duke thënë se nuk duan studimin e fizibilitetit. Nëse shkoni tutje ato gjithashtu do të bllokojnë Marrëveshjen e Stabilizim - Asociimit.
Edhe në rast se nuk do të bllokojnë Marrëveshjen, do të bllokojnë ratifikimin e saj. Do të ketë gjithnjë shumë mënyra për të bllokuar progresin e Kosovës drejtë Bashkimit Evropian.
Shembull tjetër është udhërrëfyesi për liberalizimin e vizave. Komisioni Evropian i ka duart e lidhura në rastin e Kosovës, sepse nuk ka mandat në aspektin juridik, siç ka bërë me vendet tjera.
Deri tani miqtë e Kosovës, dhe Komisioni është mik i Kosovës, po përpiqen të gjejnë rrugë kreative dhe disa zgjidhje që janë neutrale ndaj statusit, por në të vërtetë pa ato pesë vende, apo pa të paktën qëndrimin e tyre se nuk do të bllokojnë progresin dhe procesin evropian të Kosovës, do të jetë e vështirë, apo e pamundur për Kosovën që të bëjë hapa të rëndësishëm dhe të qëndrueshëm drejtë BE-së.

Radio Kosova: Problemet më të mëdha politike për Kosovën vlerësohet se janë në pjesën veriore të saj. Nga këndvështrimi juaj, përse institucionet e Kosovës nuk po arrijnë ende të shtrijnë autoritetin e tyre në atë pjesë të vendit ?

Verena Knaus: Për dhjetë vite institucionet e Kosovës nuk kanë qenë në gjendje që të vetme të shtrijnë autoritetin e tyre në veri të lumit Ibër. Për tre vitet e para kjo ka ndodhur shkaku i mungesës së mjeteve dhe autoritetit. Në dy tre vitet e fundit, sidomos nga shpallja e pavarësisë, kjo ndodh për shkak të kundërshtimit të hapur të popullatës serbe në veri dhe obstruksionit të hapur nga Beogradi. Nuk është shkaku i EUELEX-it që Prishtina nuk e kontrollon veriun. Kjo ka qenë e metë që në shpalljen e pavarësisë. Nuk është fer të fajësojmë EULEX-in, protokollin, Iv De Kermabon apo të tjerët.

Radio Kosova: Ju jeni çdo ditë në terren në mbarë Kosovën. A shihni ndonjë zgjidhje praktike për ta bërë pjesë integrale të Kosovës pjesën veriore ?

Verena Knaus: Tri gjëra mendoj se duhet të ndodhin që procesi të vazhdojë.

Së pari: institucionet e Kosovës duhet të bëjnë atë që pritet në zbatimin e planit të Ahtisarit. Kjo do të thotë se duhet të vendosen të gjitha strukturat, ligjet, përkushtimet dhe burimet për të zbatuar gjithçka që del nga plani Ahtisari, e që institucionet e Kosovës mund ta zbatojnë.
Shumë gjëra nuk do të jenë të mundura për shkak të mungesës së mbështetjes nga pala serbe, apo nga Beogradi, por vetë Kosova duhet të bëjë atë që mundet të bëj.

Së dyti: Bashkimi Evropian, në formën e EULEX-it, ICO-s dhe vendeve anëtare, duhet të këmbëngul në përkushtimet e veta. Përkushtimet janë shumë të qarta dhe ato dalin nga parimet e Grupit të Kontaktit që thonë: nuk ka ndarje, Kosova shumetnike dhe nuk ka kthim në gjendjen e mëhershme. Tani 22 vende e kanë njohur Kosovën e pavarur në kufijtë e saj.
Pra Bashkimi Evropian duhet të jetë i qartë dhe të ri-sigurojë Prishtinën, por edhe Beogradin, dhe, të thotë se kjo është situata dhe le të ecim përpara. Beogradit i duhet thënë qartë: harroni idenë e ri-negocimit rreth veriut, treni ka ikur dhe stacioni është mbyllur.
Mesazhi ndaj Prishtinës duhet të jetë: ne qëndrojmë pas parimeve tona dhe qëndrojmë pas parimeve brenda marrëveshjes Ahtisari dhe realiteti për Kosovën e pavarur ekziston dhe nuk mund të kthehet pas asnjëherë më. Në praktikë kjo nënkupton shumë gjëra të ndryshme, por mendoj se ky duhet të jetë mesazhi.
Në një afat më të gjatë mendoj se është e qartë që Serbia dhe Kosova nuk do të mund t’i bashkëngjiten Bashkimit Evropian derisa të zgjidhin çështje të marrëdhënieve të tyre. Mendoj se Bashkimi Evropian është i lodhur nga vende si Sllovenia e Kroacia, që sjellin çështjet e tyre të brendshme dhe i shndërrojnë në çështje evropiane.
Pra, mendoj se Bashkimi Evropian do të jetë edhe më i kujdesshëm në Ballkan kur bëhet fjalë për vende të tjera në mënyrë që të mos përsërisë gabimet nga rasti i Qipros, apo të Maqedonisë dhe Greqisë. Pra Serbia dhe Kosova do të duhet të zgjidhin problemet e tyre.

Por natyrisht çështja e tretë është se çfarë me Beogradin ? Mendoj se është shumë e qartë se për veriun e Kosovës dhe për të mirën e popullatës serbe që jeton në Kosovë, Beogradi vërtetë duhet të ndryshojë politikën e tij ndaj Kosovës. Beogradi nuk do ta njoh Kosovën as sot, as nesër e as në një të ardhme të afërt. Por është diçka ndërmjet njohjes dhe gjetjes së zgjidhjeve praktike me një vend fqinj. Nuk mendoj se politika aktuale e mbajtjes së serbëve jashtë institucioneve të Kosovës, duke i parandaluar nga pjesëmarrja në zgjedhje dhe duke forcuar strukturat paralele, është ajo e duhura që u shërben serbëve të cilët jetojnë në Kosovë, apo të cilët dëshirojnë të jetojnë apo të kthehen në Kosovë.

Radio Kosova: Për të gjitha këto duket se nuk ka zgjidhje të shpejta, mirëpo për çështjen e protokolleve sidoqoftë duhet të ketë një zgjidhje. Sipas jush cila është zgjidhja për gjendjen e krijuar rreth protokolleve ?

Verena Knaus: Pavarësisht nëse i quani aranzhmane teknike apo protokoll, një formë e tij është e nevojshme sepse e lejon EULEX-in të veprojë në veri, sidomos në kufij dhe lejon bashkëpunimin policor ndërmjet Serbisë dhe EULEX-it këtu.
Po ashtu ky është parakusht edhe për Kosovën në përmbushjen e disa kushteve të saj në procesin e liberalizimit të vizave. Por, në këmbim Prishtina duhet të fitojë diçka. Ky mund të jetë, për shembull, udhërrëfyesi për liberalizimin e vizave.
Pra, do të ishte një përkushtim i qartë nga ana e Bashkimit Evropian: po EULEX-it, me bashkëpunimin dhe kompromiset, kur bëhet fjalë për rolin e tij neutral ndaj statusit, por gjithashtu EULEX-i do të jetë aty për të ndihmuar Kosovën për të arritur diçka që është shumë e rëndësishme për publikun dhe për qeverinë, dhe, ky është liberalizimi i vizave – jo në një të ardhme të largët, por në 2010, apo 2011
RTK

[Oqeani]

PSD e Kosovës kërkon ndryshimin e trasëse së autostrades Vërmicë-Prishtinë–Merdare

Pak dite pasi Ministria e Transportit publikoi listën e ngushtë të kompanive që do të marrin pjesë në tenderin për ndërtimin e pjesës kosovare të autostradës, partia e udhëhequr nga ish kryeministri, Agim Ceku propozon që rruga të mos shkojë deri në Merdare, vend ky që lidhe Kosovën me Serbine, por të lidhe një pikë tjeter kufitare, atë të Dheut të Bardhë, pikë kjo që lidh Luginën e Preshevës me Kosovën dhe Shqiperinë.
“Infrastruktura është një element kyJ në këtë integrim. Traseja e re do te lidhte më shpejt shqiptarët e Luginës së Preshevës me Prishtinën dhe Tiranën. Qellimi i autostradës është që të lidhe portin e Durrësit me Evropën. Përmes Dheut të Bardhë autostrada lidhet me arterien kryesore te rajonit Selanik-Kumanovë-Beograd-Zagreb dhe në Evropë. Lidhja e autostrades me këtë arterie është 6-7 km, kurse nga Merdarja lidhja me këtë arterie ka me shumë se 100 km”, shprehet, Gëzim Kasapolli, zëdhënës i Partisë Social Demokrate.

Por, zv/ministri i Transporteve, Adem Grabovci hodhi poshtë idenë e ndërhyrjes në projektin e autostradës Prishtinë–Vërmice, aq me pak tani që gjithcka është në fazën finale dhe projekti pritet të filloje. Grabovci la të hapur mundësinë e ndryshimeve në një fazë të mevonshme, gjithmone nëse kompania konsulente e sheh të nevojshme një gjë të tillë.

Sipas social demokrateve, kostoja dhe gjatësia e autostradës që do të përshkonte trasenë e re nuk do të jete më e madhe se e variantit ekzistues dhe ky projekt nuk e përjashton në të ardhmen vazhdimin e autostradës deri në Merdare. Partia Social Demokrate, kërkon që vazhdimi i autostradës deri në Merdare duhet të fillojë pas ndertimit të autostradës deri në Dheun e Bardhë.
http://www.presheva.com/foto/tendryshme/2009/autostrada-psd.jpg
Ilustruar përafërsisht nga presheva.com

[Llapjani_HH]

GNK: EULEX-i dhe Prishtina përgjegjëse për situatën e krijuar rreth protokollit

Bashkimi Evropian synon të arrijë një përparim të dukshëm në marrëdhëniet me Serbinë dhe është bërë tepër i ndieshëm ndaj interesave serbe. Prandaj ka fyer dhe destabalizuar auoritetet e Kosovës, konsiderojnë në Grupin Ndërkombëtar të Krizave.

Drejtori për Ballkanin i GNK Marko Prelec thotë se përgjegjësinë për situatën e posakrijuar duhet kërkuar edhe në anën e EULEX-it edhe në anën e Prishtinës, sepse sipas tij, kanë vepruar shumë keq në situatën rreth nënshkrimit të protokollit për bashkëpunimit policor të Serbisë dhe EULEX-it.

Aty është edhe pala e tretë, Beogradi, i cili përfaqëson pozicionet e tij, ndërsa BE-ja në situatën konkrete ishte "tepër e ndieshme ndaj interasave serbe", thotë Prelec për "Dojçe velen".

Meqenëse BE dëshiron të arrijë një progres të dukshëm në marrëdhëniet me Serbinë, që do të thotë aktualizim të regjimit të vizave, Beogradi "duhet të përmbushë të gjitha kushtet e mbetura, të cilat kryesisht kanë të bëjnë me Kosovën", thotë Prelec.

Kështu Serbia vjen në situatën që ajo mund të kushtëzojë BE-në. Sipas drejtorit për Ballkanin në Grupin Ndërkombëtar të Krizave, sikur harrohet fakti se EULEX-i nuk është aty për të çuar përpara stabilizimin e Serbisë dhe Ballkanin Perëndimor, por Kosovën, "ndërsa aty nuk po shoh shumë progres", thotë Prelec. Në GNK konsiderojnë se në situatën konkrete nuk ka shumë hapësirë manovruese në trekëndëshin Beograd-Prishtinë-Bruksel.

Kështu Beogradi vështirë se mund të pranojë protokollin i cili formalisht e përmend Kosovën. Në anën tjetër Kosova nuk e do protokollin i cili nuk e përmend atë, ndërsa Brukseli synon një marrëveshje. Drejtori për Ballkanin në GNK Marko Prelec është i mendimit se kjo çështje nuk do të çojë drejt përshkallëzimit të konfliktit, por gjithashtu nuk mund të parashohë se si do të zgjidhet kjo nyje e Gordit.
RTK

Lejohet pastrimi dhe rindërtimi i shtëpive të shqiptarëve në lagjen Kroi i Vitakut

Banorëve të lagjes Kroi i Vitakut do t`iu lejohet pastrimi i gërmadhave të shtëpive dhe rindërtimi në katër prona që ndodhen në komunën e Zveçanit, ka konfirmuar kryetari i kësaj komune, Dragisha Milloviq. Sipas tij, komuna e Zveçanit përmes administratës së UNMIK-ut ka marrë 16 kërkesa për rindërtim. Prej tyre, sipas tij, katër e kanë të plotësuar dokumentacionin ndërsa për 12 të tjera nevojiten dokumente shtesë. Përndryshe situata në lagjen kroi i Vitakut sot ka qenë e qetë.

Komuna e Zveçanit nuk do të pengojë banorët shqiptarë të lagjes “Kroi i Vitakut”, të cilët i kanë pronat në këtë komunë, që të fillojnë me procesin e rindërtimit të shtëpive të tyre, të djegura gjatë luftës. I dalë nga zgjedhjet lokale të Serbisë, që janë mbajtur edhe në Kosovë me 11 maj të vitit të kaluar, kryetari i Zveçanit Dragisha Milloviq që herët në mëngjes ka dalë në lagjen “Kroi i Vitakut” për të paraqitur qëndrimin pro kthimit të të zhvendosurve në pronat dhe shtëpitë e tyre.

“Drejtoria jonë për urbanizëm ka konstatuar se 4 pronar të shtëpive e kanë të kompletuar dokumentacionin dhe me një aprovim formal të komunës sonë ata mund të fillojnë rindërtimin. 12 pronarët tjerë, që nuk e kanë kompletuar dokumentacionin, do të hyjnë në procedurë të rregullt sikur qytetarë tjerë të komunës së Zveçanit”, ka thënë Miloviq.

Milloviq ua ka prezantuar dokumentacion kadastral edhe zyrtarëve të pranisë së EULEX-it, të cilët bëjnë sigurinë në lagjen “Kroi i Vitakut”, ndërsa ka zhvilluar një takim joformal edhe me zyrtarë të komunës së Mitrovicës.

Jo nuk kemi asgjë kundër kthimit. Përkundrazi jemi të interesuar që ky proces të jetë prioritet i të gjithëve, ka thënë Milloviq.

Ndonëse i dalë nga një proces që konsiderohet ilegal nga Qeveria e Kosovës, Milloviq ka thënë se për zonën e Kroit të Vitakut aplikohen ligjet e UNMIK-ut.

E respektojë ligjin e UNMIK-ut në këtë zonë dhe nuk ka kurrfarë problemi, ka deklaruar Milloviq.

Zyrtarët komunal të Mitrovicës thonë se takimi joformal me kryetarin e Zveçanit është zhvilluar pasi konsiderohet se ai ka legjitimitet për faktin se mandati i tij është vazhduar fillimisht nga UNMIK-u e më pas nga Presidenti i Kosovës.

Sipas Veselit, në bashkëpunim me banorët komunës së Zveçanit, do t`i dërgohet dokumentacioni i nevojshëm edhe për 12 pronat tjera në mënyrë që edhe atje të fillohet me procesin e rindërtimit.

Pas zhvillimeve të sotme pritet që së shpejti të fillojë pastrimi i gërmadhave të shtëpive në 4 pronat që ndodhen në komunën e Zveçanit.

Në anën tjetër, fillimi i rindërtimit në pronat e familjes Vitaku pritet të vazhdojë gjatë ditëve të ardhshme, për faktin se dokumentacioni pronësor është duke u shqyrtuar ende nga administrata e UNMIK-ut.
RTK

Ivanoviq: Marrëveshje me EULEX-in edhe për Doganat dhe Gjyqësinë

Ndërkohë edhe sekretari i shtetit në Ministrinë për Kosovën në qeverinë e Serbisë, Oliver Ivanoviq, ka thënë se përveç marrëveshjes për Policinë ndërmjet EULEX-it dhe Ministrisë së Brendshme të Serbisë, Beogradi duhet të harmonizojë dhe të nënshkruajë edhe dy marrëveshje të tjera teknike me EULEX-in. Ivonoviq ka thënë se këto dy marrëveshje, njëra për doganat dhe tjetra për gjyqësinë, janë duke u përgatitur. Sipas tij, asnjëra prej marrëveshjeve nuk ka ndonjë domethënie politike - ato janë thjesht teknike.
KTV

Protokolli EULEX-Serbi në fund të këtij muaji

Beogradi paralajmëron se marrëveshja në mes të EULEX-it dhe Serbisë do të nënshkruhet nga fundi i shtatorit dhe se me këtë dokument duhet të përkufizohet lufta kundër të gjitha formave të kriminalitetit. Sipas ministrit për Kosovën në Qeverinë e Serbisë, Goran Bogdanoviq, Prishtina gjoja nuk është e interesuar që çështjet e krimit të zgjidhen.

“Kosova është si një vrimë të zezë e tregtisë me armë, narkotikë dhe me njerëz”, ka deklaruar Bogdanoviq për të përditshme beogradase “Blic”. Ai ka potencuar se marrëveshja me EULEX-in është në frymën e rezolutës 1244 dhe ka hedhur poshtë pohimet se nënshkrimi i saj do të thotë njohje direkte e pavarësisë së Kosovës.
KTV

Xhevat R. nga Deçani humbi jetën tragjikisht afër Novi Sadit

Novi Sad, 9 shtator - Në një aksident trafiku që ka ndodhur të hënën në rrugën Novi Sad Beograd ka humbur jetën 34 vjeçari Xhevat R. nga Deçani, ndërsa janë lënduar lehtë vozitësi 45 vjeçar Bajram Ç. nga Deçani dhe 26 vjeçari Eljon K. nga Prishtina. Policia e Novi Sadit ka njoftuar se nga shkaqe të panjohura deri më tani, vozitësi ka humbur kontrollin ndaj automjetit dhe ka dalë nga rruga. Njoftohet se Xhevat R. ka ndërruar jetë në vendin e ngjarjes. Policia ka ndaluar Bajram Ç. nën dyshimin se ka kryer vepër të rëndë ndaj sigurisë së trafikut publik dhe kundër tij do të ngritet akuzë penale.
QIK-u

[Llapjani_HH]

KOSTT plaçkitet nga Serbia

Serbia, në emër të rrjetit transmetues të Kosovës, vazhdon të përfitojë nga 5 milionë euro në vit. Ky rrjet, edhe pas 83 milionë eurosh investime, ende nuk është në gjendjen më të mirë. Aktualisht mund t’i bartë 930 MW, kurse KOSTT shpreson që fuqia e tij të rritet edhe për 320 MW

Edhe po të prodhohet në Kosovë energji elektrike për furnizim 24:0, sërish konsumatorët do të mbeteshin në terr! Kjo do të ndodhte për shkak të rrjetit të vjetër, i cili ka kapacitet të kufizuara, krahasuar me kërkesat e tregut. Krahas këtij problemi, Kosova ende nuk ka krijuar legjitimitet ndaj këtij rrjeti, ashtu që ai të mos shfrytëzohet nga askush pa pyetur Operatorin e Sistemit, Transmisionit dhe Tregut (KOSTT), i themeluar para tri vjetësh. Për shfrytëzimin ndërkombëtar të këtij rrjeti edhe më tej bisedohet në Beograd. Serbia vazhdon të prezantohet si pronare e aseteve transmetuese të Kosovës, duke përfituar nga transiti i energjisë elektrike nëpër Kosovë miliona euro.

“Nga tranziti nëpër Kosovë, Serbia përfiton rreth 2 milionë euro në vit në emër të Operatorit të Sistemit, Transmisionit dhe Tregut të Kosovës, kurse nga alokimi i kapaciteteve interkonektive të Kosovës përfiton edhe rreth 3 milionë euro të tjera”, ka deklaruar për “Express” Fadil Ismajli, drejtor i KOSTT-it.

Po ashtu, operatori i transmisionit nga Serbia shkakton dëme indirekte në rritjen e çmimit të importit të energjisë. Sipas vlerësimeve të KOSTT, ky dëm në total vjet ka implikuar një kosto prej 15 milionë eurosh, të cilën e kanë bartur konsumatorët e Kosovës.

Kjo kaptinë në një masë është e ndërlidhur me problemet politike, përkatësisht me statusin. Prandaj edhe KOSTT-i, përkatësisht sistemi energjetik i Kosovës nuk gëzon subjektivitet të plotë në tregun ndërkombëtar të energjisë elektrike.
Me qëllim të lirimit nga varshmëria e rrjetit të Serbisë, preokupim më i madh i KSTT-it është lidhja e rrjetit transmetues të Kosovës me atë të Shqipërisë. Aktualisht kjo lidhje bëhet përmes një linjë interkonektive 220 kv, kurse e reja do të jetë me kapacitet dy herë më të madh - 400 kv.

“Projekti pritet të fillojë në mot dhe do të kryhet më së voni për 22 muaj. Ai konsiston me ndërtimin e një linje të tensionit të lartë 400 kv, e gjatë 238 kilometra, prej të cilëve 85.5 kilometra janë në territorin e Kosovës”, ka thënë Ismajli.

Mirëpo, KOSTT-i ka edhe shumë punë për të aftësuar rrjetin e brendshëm, sado që fuqia bartëse rritet për çdo vjet. Madje, më shpejt se oferta e Korporatës Energjetike të Kosovës, si me prodhim,ashtu edhe me energji të importuar. Në këtë rrjet nuk është investuar me vite të tëra. Këtë e ka vërejtur edhe ministrja e Energjisë dhe e Minierave, Justina Pula – Shiroka, duke arsyetuar mungesën e energjisë elektrike, thotë se kapacitetet transmetuese të KOSTT-it janë të kufizuara.
“Mos të harrojmë se edhe kapacitetet transmetuese të KOSTT-it i kemi të kufizuara”, Ndërkaq, Fadil Ismajli me plot bindje thotë se që nga viti 1990, kur ky rrjet ishte në dorë e të regjimit serb, aty nuk ka pasur investime serioze.

“Prej vitit ’90 deri më 2003 nuk ka pas investime në rrjetin e transmisionit. Kjo bën që asetet e transmisionit të kenë një moshë mesatare me të lartë se sa duhet”, shton Ismajli.

Aktualisht ky rrjet ka fuqi bartëse për 930 MW, mirëpo me implementimin e disa projekteve deri në pjesën e parë të vitit 2010, kapacitetet bartëse rriten deri në 1250 MW. Për të arritur deri në këtë gjendje, këtu janë investuar 83 milionë euro. Në proces janë edhe rreth 28 projekte të financuara nga donacionet që kanë ardhur nga Komisioni Evropian, Qeveria gjermane, Banka Botërore dhe nga buxheti i Kosovës.

“Sipas bilancit elektro-energjetik, në vitin 2007 ngarkesa e lejuar ishte 850 MW, ndërkaq në pik është realizuar 933 MW. Vjet nga 880 MW të lejuar është arritur deri në 976 MW, kurse sivjet është lejuar ngarkesa 930 MW”, thotë drejtori i KOSTT-it.

Përmirësime në furnizim nga aspekti i transmisionit, sipas KOSTT-it, do të ketë në rajonin e Dukagjinit me përfundimin e paket projektit Peja 3, i cili deri së bashku me rajonin e Anamoravës ka qenë fyt i ngushtë.

Mirëpo, as Korporata Energjetike e Kosovës aktualisht nuk ka kapacitete prodhuese aq të mëdha. Sipas zyrtarëve të saj, furnizuesi i vetëm me energji në vend e harmonizon kërkesën e vet me fuqinë bartëse të rrjetit të transmisionit. “Ka përpjekje për ta rritur kapacitetin transmetues në bazë të projekteve”, ka thënë Viktor Buzhala, zëdhënës në KEK.

Sipas raportit të fundit, Korporata Energjetike e Kosovës të martën ka ofruar 632 MW. Nëse në prodhimi aktivizohet edhe një bllok i TC ”Kosova A”, atëherë oferta do të rritet edhe për 200 megavate, që nuk paraqet ngarkesë për rrjetin e transmisionit.
Gazeta Expres

[roadrunner]

Në rrahjen e hoxhës kanë marrë pjesë edhe dy pjesëtarë të Policisë së Kosovës, të cilët gjendeshin jashtë detyrës. Hoxha i ri, përkatësisht B.R. 23 vjeç, nga kjo rrahje ka kaluar me lëndime të lehta trupore.

Rasti ka ndodhur në fshatin Mollopolc të komunës së Shtimes, ditën e martë, rreth orës 16.45 minuta. Për këtë rast është njoftuar policia në stacionin e Shtimes dhe menjëherë ka dalë në vend të ngjarjes. Ata kanë konstatuar se në oborrin e xhamisë së fshatit, nga katër persona është sulmuar B:R. 23 vjeç, të cilit, sipas policisë, i janë shkaktuar lëndime të lehta trupore.

Drejtori rajonal i policisë në Ferizaj, me t’u njoftuar se në këtë rrahje janë involvuar edhe dy pjesët arë të policisë, në bazë të ligjit dhe kompetencave, ka marrë vendimin për suspendimin e tyre me pagesë. Ndaj dy policëve të involvuar në rrahjen e hoxhës është ngritur procedurë disiplinore dhe lënda për ta do t’i dërgohet Inspektoratit Policor për hetim të mëtejshëm.

Me rastin është njoftuar edhe prokurori komunal. Me urdhrin e tij, personat e involvuar në këtë rrahje janë shoqëruar në polici. Pas intervistimit të tyre, prokuroi ka dhënë urdhrin e ndalimit për R.S. 36 vjeç dhe të njëjtit i është caktuar masa e ndalimit për 48 orë. Tre të tjerët janë liruar, ndërsa lënda për ta do të procedohet në mënyrë të rregullt.

Rastin e ka konfirmuar edhe zëdhënësi rajonal i policisë në Ferizaj, rreshteri Behxhet Krasniqi, i cili nuk ka treguar identitetin e viktimës dhe as të personave që e kanë shkaktuar këtë rrahje, sikundër as motivit për këtë. Burime të sigurta nga policia thonë se viktimë e këtij rasti është hoxha i xhamisë së fshatit Mollopolc. Sipas këtyre burimeve, deri rrahja ka ndodhur pas një zënke të hoxhës me një fëmijë të familjes së dy policëve vëllezër, që ndodheshin jashtë detyrës atë çast.

[GjIlAnAsI_cSi]

He Hoxhen e nanes qysh u dal mu rre me thmi. Mjer ajo Xhami cfar llaskuca osht ka mban..

[Murgesha]

Paska me u ba problem i madh nderkombëtar kjo rrahje http://www.dardania.de/vb/upload/images/icons/icon10.gif

[roadrunner]

Un e di ket rast kshtu per s'afermi. Aj thmija ka knu ozanin ne qat gjami kur i ka pas 9 vjet. Osht nip i qatij katuni. Kur e kan shti shkijet baben e tij ne burg, aj ka nejt te dajt edhe ka knu ilahi. Dajt e tyne qaty ngjit me xhami e kan shpijen. Aj ka shku ne xhami qysh ka shku gjith me ju lut zotit. Pardje kur ka hy ne oborr hoxha e ka sha edhe e ka perzan pej xhamije, ska ven per shejtana. Se thmija u fal si babgjyshi vet,e jo si hoxha vahabist qe e kishin perzan pej ni katunit ku kish knue. Masi e rreh thmijen, aj vje te shpija tu kajt. Qohet daja i thot qu dil kerkoj falje. Kur ka shku mi kerku aj thmija falje qe u rrok ne xhami me hoxhen, edhe pse ka hanger rre, hoxha u kthy e ka rre apet, edhe e ka njek dej ne shpi me arm edhe tu e fy. Kur kan dal dajt e tij me e nda pej thmis qe e ka rre, aty ka kris stupci hoxhes per kreje. E valla un ni send e di: Me ma prek mu thmijen, shum ma keq ja kish qit. Po po ishin ne bela te madhe bile se te njofshum i kam.

[Shpati]

Un e di ket rast kshtu per s'afermi. Aj thmija ka knu ozanin ne qat gjami kur i ka pas 9 vjet. Osht nip i qatij katuni. Kur e kan shti shkijet baben e tij ne burg, aj ka nejt te dajt edhe ka knu ilahi. Dajt e tyne qaty ngjit me xhami e kan shpijen. Aj ka shku ne xhami qysh ka shku gjith me ju lut zotit. Pardje kur ka hy ne oborr hoxha e ka sha edhe e ka perzan pej xhamije, ska ven per shejtana. Se thmija u fal si babgjyshi vet,e jo si hoxha vahabist qe e kishin perzan pej ni katunit ku kish knue. Masi e rreh thmijen, aj vje te shpija tu kajt. Qohet daja i thot qu dil kerkoj falje. Kur ka shku mi kerku aj thmija falje qe u rrok ne xhami me hoxhen, edhe pse ka hanger rre, hoxha u kthy e ka rre apet, edhe e ka njek dej ne shpi me arm edhe tu e fy. Kur kan dal dajt e tij me e nda pej thmis qe e ka rre, aty ka kris stupci hoxhes per kreje. E valla un ni send e di: Me ma prek mu thmijen, shum ma keq ja kish qit. Po po ishin ne bela te madhe bile se te njofshum i kam.

Ky lajm esht i pabesueshem.
Arsyeja!
Forumisti nga Gjilani i cili nderron Nickat vazhdon te hape Tema porvokuese ku fyen Muslimanet.

[roadrunner]

Forumistja nga Gjilani nuk ka nick tjeter se veq sa jam antarsu....spo di per qka e ke fjalen po ska lidhje sme mbren aspak ky akuzim i joti. Mundet me u pa ne server prej kahit po shkruj. Tema nuk eshte provokuese por eshte lajm. E spjegova sektin se qysh u fal hoxha, e qysh aj thmija u fal (dmth qysh e ka msu babgjyshi), e kjo si bjen fyerje, po kan dallime sekti i uahabismit me at qysh jan fal babgjysht e tan. E sa i perket temes, un me ma rre thmijen dikush pse ka hy ne shpi te zotit, un femer jom, e ket rast jam edhe prind po du me ta cek, po nuk me kish interesu a osht hoxh, a prift, a bij mreti, e kisha bo gjys qaty e kisha lan. Kaq kom per ket tem :D. Kerkush ska evlad me qu me eduku ne xhami e me dal me rre hoxha. Hoxha osht msus, e jo polic. Bile as polici sguzo me te rre pa faj. Xhamija osht shpi e Zotit, kejt kem drejt me shku aty, nuk osht pron private e Hoxhes as e kerkujt hiq. At Xhami e ka maru katundi e jo Hoxha :d


Ky lajm esht i pabesueshem.
Arsyeja!
Forumisti nga Gjilani i cili nderron Nickat vazhdon te hape Tema porvokuese ku fyen Muslimanet.

[Murgesha]

Ky lajm esht i pabesueshem.
Arsyeja!
Forumisti nga Gjilani i cili nderron Nickat vazhdon te hape Tema porvokuese ku fyen Muslimanet.


E kish dhënë Gazeta Express o Shpat.

Të jetë vallë roadrunner-i kryeredaktori i expressit?? http://www.dardania.de/vb/upload/images/icons/icon10.gif

[roadrunner]

Hahaha mos ma pruft Zoti Murgeshe, boll mir i kam punt qetu ku jam, nashta sa Pacolli si marr, po bile sa Thaqi boll em dalin hahahah


E kish dhënë Gazeta Express o Shpat.

Të jetë vallë roadrunner-i kryeredaktori i expressit?? http://www.dardania.de/vb/upload/images/icons/icon10.gif

[Llapjani_HH]

Protokolli EULEX-Serbi çështje ditësh - Prishtina zyrtare në tension


Protokolli EULEX-Serbi për policinë mund të nënshkruhet brenda kësaj jave, i kanë thënë KTV-së burime ndërkombëtare, duke shtuar se ekziston mundësia që kjo të ndodhë edhe pa u bërë fare publike për opinionin.

Nga ana tjetër, të njëjtat burime kanë thënë se kjo çështje ka çuar në tensionim të situatës në bisedat e Prishtinës me zyrtarë të lartë të Bashkimit Evropian, duke detyruar kryeministrin Thaçi të deklarojë se mund të shqyrtojë edhe mundësinë e dorëheqjes.

Ndërkohë, as në EULEX, e as në Qeverinë e Kosovës nuk shprehen të gatshëm të flasin në hollësi për bisedat e ndërsjella për çështjen e protokollit. Por, Pieter Feith jep paralajmërime se një vendim përfundimtar mund të merret shpejt. Përfaqësuesi i BE-së thotë se po punohet për zgjidhjen.

Edhe pse i takon gati çdo ditë, Feith duket të mos i ketë lëkundur nga qëndrimi i tyre krerët kryesorë të shtetit, presidentin e kryeministrin. Madje, sot më qartë se të tjera ditë, kryeministri ka thënë se Prishtina nuk është pjesë e aranzhmaneve teknike për të cilat po flitet.

Por, kundër të gjithëve ka dalë, si zakonisht, kreu i Kuvendit, Jakup Krasniqi.

Ai ka thënë se s’ka asgjë të keqe në pranimin e një protokolli, i cili lufton krimin dhe korrupsionin. Komentet kryeparlamentari i ka bërë pas takimit me ambasadorin gjerman, Hanz Dieter Steinbach.

“Pozicioni i nënshkrimit të marrëveshjes në mes të EULEX-it dhe Serbisë nuk do ta dëmtojë sovranitetin e Kosovës,” ka thënë Stenibach. Ambasadori gjerman tha se Qeveria gjermane, e cila ka njohur Kosovën ndër vendet e para, nuk do të mbështeste masat që shkojnë në dëm të shtetit më të ri në botë.

Ka reaguar edhe Lidhja Demokratike e Dardanisë. Sekretari i saj i përgjithshëm i saj, Lulzim Zeneli, ka thënë se është koha e fundit që institucionet e vendit t’ i marrin përgjegjësit e duhura. Ai ka thënë se sjellja e institucioneve të vendit për këtë çështje është duke e pamundësuar zbatimin e kushtetutës.
KTV

Nënshkrimi i protokollit, çështje orësh

Marrëveshja me Prishtinën për t’i dhënë dritën e gjelbër nënshkrimit të protokollit EULEX-Serbi është çështje orësh dhe jo ditësh, bën të ditur e përditshmja Koha Ditore, duke u thirrur në deklaratën e një zyrtari të lartë evropian.

Burime të kësaj gazete kanë bërë të ditur se konsultimet mes presidentit Sejdiu dhe kryeministrit Thaçi me përfaqësuesin e BE-së në Kosovë, Pieter Feith, kanë afër përfundimit, me pajtimin që Prishtina zyrtare të tërheqë kundërshtimin për protokollin.

Takimet mes liderëve kosovarë dhe diplomatëve evropianë, gjithnjë sipas kësaj gazete, janë mbajtur vazhdimisht, ndërkaq fundi i kësaj jave pritet që të përmbyllë debatin rreth protokollit, me pranimin e tij.

Zyrtari i lartë i BE-së ka bërë të ditur se, bashkësia ndërkombëtare do të japë siguri të mjaftueshme se protokolli nuk do të cenojë sovranitetin e Kosovës.
Telegrafi

[Llapjani_HH]

Di Lellio: Plani Ahtisari–mbikëqyrje e përhershme

“Kosova mund të bëhet plotësisht e pavarur vetëm nëse përmbushen të gjitha kushtet e Planit Ahtisari. Por, këto kushte, janë formuluar në mënyrë të tillë që nuk mund të përmbushen kurrë. Kjo do të thotë që do ketë gjithmonë nevojë për përfaqësuesin civil”, thotë Anna Di Lellio, autore dhe eksperte për Ballkanin.

RADIO EVROPA E LIRË
Kemi një prani të shtuar ndërkombëtare në Kosovë, në kohën kur udhëheqësit e Kosovës kanë përcaktuar demokratizimin si përparësi të tyre. A është kjo prani ndërkombëtare ndihmë, apo barrë, në këtë proces?

ANNA DI LELLIO
Kosova pas pavarësisë paraqet një rast interesant për studiuesit e misioneve ndërkombëtare dhe për ata që merren me analizat mbi sovranitetin dhe humbjen e tij nga një shtet. E kam thënë dhe më herët, në vitin 2007 kur diskutohej Plani Ahtisari, se ishte gabim të vazhdohej të mbahej Kosova nën mbikëqyrjen e pranisë ndërkombëtare. Plani i Ahtisarit me praninë e tij evropiane dhe EULEX-in në Kosovë ishte, gjithashtu, gabim. Gabimi qëndron në faktin se bëhet fjalë për një zgjidhje që është e pazbatueshme.

Nga ana tjetër, nuk bëhet fjalë vetëm për një gabim, por edhe për një pengesë në demokratizimin e Kosovës dhe legjitimitetin e krerëve të saj. Kjo, pasi plani i Ahtisarit u merr legjitimitetin njerëzve që janë zgjedhur me vota të lira e demokratike. Pasojat e planit të Ahtisarit po i shohim aktualisht.

Tashmë kemi një situatë shumë të vështirë, me ndarjen ‘de facto’ të Kosovës, me pamundësinë e zbatimit të decentralizimit, pamundësinë për të vendosur kontrollin dhe shtetin ligjor në veri të Kosovës, dhe me organizatat e misionet ndërkombëtare që nënshkruajnë pakte me Serbinë pa i përfshirë autoritetet e Kosovës. Kjo është shumë problematike për demokratizimin.

RADIO EVROPA E LIRË
Përmendët paktet apo aranzhimet teknike që EULEX-i po nënshkruan me Serbinë, të cilat janë kundërshtuar nga institucionet e Kosovës. Vende si Britania apo Gjermania kanë kërkuar nga Prishtina që t’i pranojnë dokumentet në fjalë. Ky konflikt, ndonëse po mbahet në tone të buta, ku mund të çojë?

ANNA DI LELLIO
Ky konflikt çon në delegjitimimin dhe dobësimin e udhëheqësve të Kosovës. Është e qartë se publiku i gjerë nuk e mbështet protokollin EULEX-Serbi, por udhëheqësit kosovarë duhet t’i pranojnë marrëveshjet, e për më tepër janë të ekspozuar ndaj presionit të qeverive që e kanë njohur pavarësinë e Kosovës.

Kjo i vë udhëheqësit e Kosovës në një pozicion të paqëndrueshëm. Nëse ata do të sillen në përputhje me ato që i kërkon bashkësia ndërkombëtare, do ta humbin fuqinë dhe legjitimitetin para popullit të tyre.

Nëse nuk veprojnë sipas kërkesave të ndërkombëtarëve, e humbasin legjitimitetin para bashkësisë ndërkombëtare. E gjithë kjo i vë drejtuesit e Kosovës në pozicion të palakmueshëm dhe nuk çon askund.

RADIO EVROPA E LIRË
Gjendja aktuale dhe këto raporte, a janë edhe pasojë e sjelljeve të mëhershme? Nëse udhëheqësit e Kosovës do të ishin sjellë ndryshe, a do të kishte gjasa të mos ishim në kushtet e sotme?

ANNA DI LELLIO
Gjithmonë ekziston mundësia e zgjedhjes së një rruge tjetër. Më duhet të them se një mundësi e tillë është shumë e vështirë, pasi udhëheqësit e Kosovës e kanë nënshkruar zgjidhjen Ahtisari, që është dhe origjina e gjithë problemeve. Për më tepër, drejtuesit e Kosovës e kanë bërë Planin Ahtisari pjesë të Kushtetutës, çfarë i obligon ata para bashkësisë ndërkombëtare. Është një problem politik.

Përfaqësuesi civil ndërkombëtar, EULEX-i dhe Bashkimi Evropian, me përpjekjet e tyre për të qetësuar Serbinë krijojnë destabilitet në rajon. Kjo do të shkaktojë probleme në Bosnjë dhe në Kosovë. Evropianët janë sjellë kështu në vitet e ’90-ta dhe vazhdojnë ta bëjnë të njëjtën gjë dhe sot.

Nuk e kuptoj se cilat janë arsyet e kësaj sjelljeje. Por, duhet theksuar se Serbia nuk është kyçi i stabilitetit, së paku jo kjo Serbi e papërgjegjshme, jo kjo Serbi që vazhdon me të veten në marrëdhëniet ndërkombëtare.

RADIO EVROPA E LIRË
A mund të themi se protokollet e sotme që diskutohen mes EULEX-it dhe Serbisë janë rezultat direkt i planit Ahtisari?

ANNA DI LELLIO
Po, janë direkt rezultat i planit Ahtisari, në kuptimin që pushteti i EULEX-it përcaktohet nga ky plan. Autoriteti që plani i Ahtisarit u jep këtyre misioneve, Përfaqësuesit Civil Ndërkombëtar dhe EULEX-it, është problematik. Nga ana tjetër, edhe vetë EULEX-i e gjen veten në një pozitë të paqëndrueshme.

Ky është një mision që do të duhej të ndihmonte në vendosjen e shtetit ligjor në Kosovë, por ama nuk e njeh Kosovën si shtet të pavarur. Për mua janë të pakuptueshme marrëdhëniet mes EULEX-it dhe synimit të tij për rend e ligj nga njëra anë, si dhe ligjeve të miratuara në Republikën e Kosovës, që është një shtet i pavarur.

Fakti se EULEX-i nënshkruan marrëveshje me vendet e treta për juridiksionin në Kosovë, që është një vend tjetër, më krijon paqartësi.

RADIO EVROPA E LIRË
Sjelljet e tilla të misioneve ndërkombëtare çojnë drejt destabilitetit. A mendoni se është koha që udhëheqësit e Kosovës dhe Brukseli të diskutojnë edhe një herë bazën e raporteve aktuale?

ANNA DI LELLIO
Kjo do të ishte, vërtet, e mirëpritur. Por, duhet të theksojmë se bëhet fjalë për një problem tjetër politik. Siç e dini, nga leximi i planit të Ahtisarit, Kosova mund të bëhet plotësisht e pavarur vetëm nëse përmbushen të gjitha kushtet e planit të Ahtisarit.

Por, këto kushte, ashtu si standardet e UNMIK-ut dikur, janë formuluar në mënyrë të tillë që nuk mund të përmbushen kurrë. Kjo do të thotë që do ketë gjithmonë nevojë për përfaqësuesin civil. Ky i fundit ka mandat deri në zbatimin e plotë të Planit Ahtisari.

Nga ana tjetër, pa bashkëpunimin e serbëve në Kosovë dhe pa bashkëpunimin e Serbisë për plotësimin e kushteve të vëna nga Plani Ahtisari, mes të cilave dhe decentralizimi, përfaqësuesi civil do të rrijë në Kosovë pafundësisht. Kjo nuk është mbikëqyrje e përkohshme, por ka për të qenë mbikëqyrje e përhershme.

RADIO EVROPA E LIRË
A do të thotë kjo që e ardhmja e Kosovës nuk varet nga kosovarët, por nga pakica serbe dhe Serbia?

ANNA DI LELLIO
Natyrisht e ardhmja Kosovës është edhe në duart e kosovarëve. Vazhdoj të besoj se ata bënë gabim me pranimin e planit të Ahtisarit. Mjafton të kujtojmë këtu detaje të tilla si, për shembull, ndryshimi i Kushtetutës. Kushtetuta nuk mund të ndryshojë pa miratimin e pakicës serbe dhe pakicave të tjera, ç’gjë shkakton shumë probleme.

Është e rëndësishme që udhëheqësit e Kosovës të ndërmarrin nisma të fuqishme diplomatike në këtë drejtim, pasi besoj se situata është e paqëndrueshme. Besoj se gjendja është potencialisht shpërthyese, ndaj duhet vepruar që situata të diskutohet më thellësisht dhe me sy më të hapur.
Radio Evropa e Lirë

[Oqeani]

Nënshkruhet protokolli EULEX-Serbi EULEX-i dhe Qeveria e Serbisë kanë nënshkruar sot protokollin e shumëpërfolur për bashkëpunim policor. Nënshkrimi i marrëveshjes është konfirmuar nga zëdhënësi i misionit të BE-së, Kristof Lamfalusi.
“Po, sot kemi nënshkruar këtë marrëveshje, këtë protokoll. Marrëveshja është nënshkruar nga komponenta teknike, siç kemi thënë edhe më herët, përkatësisht nga ana e kreut të policisë së EULEX-it, Rainer Kuehn”, tha Lamfalusi.

Protokolli i EULEX-it dhe Serbisë është kundërshtuar nga Prishtina zyrtare, përderisa Bashkimi Evropian dhe vendet e Kuintit e kanë mbështetur EULEX-in në nënshkrimin e tij.

Askryetari i Kuvendit te Kosoves nuk ka lexuar dokumentin e nenshkruar !!!!
Qeveri se jo mahi !

[Llapjani_HH]

EULEX-i përshëndet deklaratën e Sejdiut dhe të Thaçit

EULEX-i ka përshëndetur deklaratën e përbashkët të Presidentit të Kosovës, Fatmir Sejdiu dhe Kryeministrit Hashim Thaçi.

Përmes një komunikate për media, misioni evropian në Kosovë, është shprehur i kënaqur me vullnetin e institucioneve të Kosovës për të punuar me EULEX-in dhe institucionet tjera evropiane në vend.

“Siç kemi thënë më herët , marrëveshjet për bashkëpunim policor me Beogradin janë të karakterit teknik dhe është me rëndësi të theksohet se EULEX është këtu për të mbështetur Kosovën në zbatimin e ligjit dhe asnjëherë nuk do të ndërmerrte ndonjë hap, i cili do të dëmtonte Kosovën”- thuhet në komunikatën e lëshuar në orët e vona nga EULEX
KTV

Reagime negative për protokollin

Opozita në Kosovë ka reaguar pas nënshkrimit të protokollit për bashkëpunim policor mes EULEX-it dhe Serbisë, duke i kritikuar institucionet e Kosovës se nuk po e tregojnë të vërtetën para qytetarëve. Ndërkohë, përfaqësues të institucioneve ripërsërisin se Kosova nuk është palë në këtë, siç e quajnë, aranzhim teknik mes EULEX-it dhe Serbisë.

Pas nënshkrimit të marrëveshjes EULEX-Serbi, përfaqësuesit e institucioneve të Kosovës kanë reaguar, duke ritheksuar pozicionin e Prishtinës zyrtare se Republika e Kosovës nuk është palë në aranzhimet teknike ndërmjet EULEX-it dhe Ministrisë së Brendshme të Serbisë, për bashkëpunim në fushën e policisë.

"Qëndrimi i presidentit është ai i përhershmi dhe ky qëndrim është bërë i ditur për opinionin gjatë gjithë kësaj kohe”.

“Presidenti bashkë me kryeministrin, sërish kanë pohuar se Republika e Kosovës nuk është palë në aranzhimet teknike midis EULEX-it dhe Ministrisë së Brendshme të Republikës së Serbisë për bashkëpunim në fushën e policisë”, thotë zëdhënësi i Presidencës, Xhavit Beqiri.

Nga ana tjetër, edhe partitë opozitare e kanë kritikuar Qeverinë dhe Presidencën e vendit për lejimin e një marrëveshjeje të tillë ndërmjet EULEX-it dhe Qeverisë së Republikës së Serbisë.

Nënkryetari i AAK-së, Ahmet Isufi, vlerëson se kjo gjendje e krijuar me nënshkrimin e protokollit, është një dobësi e institucioneve dhe, sipas tij, kjo marrëveshje do të ketë edhe pasoja për vendin.

“Ky nënshkrim i marrëveshjes ka sjellë pasojat e njohura dhe është dobësi për institucionet e vendit, të cilat në vend që të ndërmarrin iniciativë për të ofruar nënshkrim të protokollit me vendet fqinje, po i lejohet që EULEX-i të luajë sikur dikur rolin që e ka luajtur UNMIK-u, e që ka qenë në një administrim ndërkombëtar Kosova”.

“Prandaj, një neglizhencë e tillë ka shkaktuar edhe dëmin, edhe në aspektin e përfaqësimit të Kosovës dhe funksionimit të institucioneve të saj”, thotë Isufi.

Zoti Isufi pohon se krerët më të lartë të vendit nuk po e tregojnë të vërtetën për qytetarët e Kosovës.

Ai, madje, thekson se imazhi i Kosovës po dëmtohet çdo ditë e më shumë, sepse, siç shprehet ai, të tjerët po vendosin për Kosovën.

“Presidenti dhe kryeministri nuk po i tregojnë të vërtetën qytetarëve të Kosovës dhe po lejojnë që vendimet, të cilat ndërmerren nga të tjerët, të ndikojnë në pasoja për Kosovën”.

“Kjo mënyrë e sjelljes po e dëmton imazhin e Kosovës, sepse po lejohet që të tjerët të marrin iniciativa siç ka ndodhur me gjashtë-pikëshin; edhe ky element është vazhdimësi e përmbushjes së Planit 6-pikësh. Pasojat janë në shumë aspekte. Aspekti i parë është dobësimi i institucioneve të Kosovës në një vend të pavarur dhe sovran”, shpjegon Isufi.

Lideri i lëvizjes “Vetëvendosje!”, Albin Kurti, i cili deri më tash e ka kundërshtuar ashpër nënshkrimin e protokollit për policinë ndërmjet EULEX-it dhe shtetit serb, thotë se përmes këtij protokolli po zbatohet plani 6-pikësh i OKB-së për rikonfigurimin e pranisë ndërkombëtare në Kosovë.

Kurti shpreh bindjen se kundërshtimi i Prishtinës zyrtare është vetëm formal.

“Nga ky protokoll për bashkëpunim policor në mes të EULEX-it dhe Serbisë, Serbia përfiton në mënyrë të trefishtë”.

“E para, fiton informata të vlefshme të natyrës policore nga Kosova nëpërmjet EULEX-it; e dyta, e trashë lidhjen e varësisë së Kosovës nga Serbia, nëpërmjet sforcimit të Rezolutës 1244 dhe zbatimit të gjashtë-pikëshit; dhe, e treta, e largon kushtin e parë dhe më të rëndësishmin për liberalizimin e vizave”, thotë Kurti.

Zëdhënësi i Presidencës, Beqiri, nga ana e tij rithekson se si presidenti, ashtu edhe kryeministri, që nga fillimi kanë qenë shumë të hapur rreth kësaj çështjeje.

“Qoftë presidenti, por edhe kryeministri kanë qenë shumë transparentë dhe të hapur me këtë çështje. Kanë kundërshtuar të ashtuquajturin protokoll që në fillimet e tij dhe kanë mbajtur këtë qëndrim në mënyrë konsekuente. Edhe deklarata e djeshme e presidentit dhe kryeministrit e dëshmon këtë”.

“Por, duhet të ritheksojmë se institucionet e Republikës së Kosovës ripohojnë se ky kundërshtim i protokollit në asnjë mënyrë nuk do ta zbehë përkushtimin e institucioneve të Kosovës për ta luftuar krimin e organizuar”, thekson Beqiri.

Përderisa kundërshtimet e Prishtinës ndaj këtij protokolli, tashmë, janë shprehur hapur, EULEX-i konfirmon angazhimet edhe për dy marrëveshje të tjera me Serbinë.

Ndryshe, presidenti dhe kryeministri, pas një takimi ditë më parë me krerët e misioneve ndërkombëtare, e patën quajtur të mbyllur çështjen e protokollit EULEX-Serbi.
Radio Evropa e Lirë

Si do të zbatohet protokolli në terren?

Mënyrat e zbatimit të protokollit për policinë ndërmjet misionit të BE-së për forcimin e sundimit të ligjit dhe Serbisë, do të përcaktohen në ditët e ardhshme, thonë përfaqësues të EULEX-it. Analistët për çështje politike, në Prishtinë, nuk e hedhin poshtë mundësinë që gjatë zbatimit të protokolleve të tilla, të përfshihen edhe institucionet e Kosovës.

Pas nënshkrimit të protokollit për bashkëpunim policor ndërmjet EULEX-it dhe Qeverisë së Serbisë, përfaqësues të EULEX-it thonë se është ende herët të flitet për mënyrat se si do të zbatohet marrëveshja në fjalë në terren.

Zëdhënësi i EULEX-it, Kristof Lamfalusi, thotë se hollësitë për zbatimin e kësaj marrëveshje duhet të precizohen në të ardhmen.

“Është shumë herët, sepse protokolli ka për qëllim vënien e kanaleve (të kontakteve), ndërmjet EULEX-it dhe policisë serbe mbi krimin kufitar dhe shkëmbimin e informatave”.

“Kështu që, të gjitha detajet e zbatimit duhet të organizohen dhe të diskutohen”, shprehet Lamfalussy.

Përfaqësues të Bashkësisë Ndërkombëtare në Kosovë kishin paralajmëruar se pas nënshkrimit të protokollit për polici, gjasat janë të mëdha që të nënshkruhen protokolle të ngjashme edhe për dogana dhe gjyqësi.

Zbatimi i marrëveshjeve të tilla, sipas analistit Valon Murati, nuk do t’i përjashtojë medoemos institucionet e Kosovës.

“Ndonëse në opinionin publik është krijuar përshtypja e një refuzimi të fuqishëm të institucioneve të Kosovës ndaj këtyre protokolleve, në të vërtetë mendoj se, nëse nënshkruhen këto protokolle dhe ka shumë gjasa që ato të nënshkruhen, në terren do të ndodhë një zbatim praktik i tyre edhe me ndihmën e institucioneve të Kosovës, pa u bërë bujë e madhe për pjesën që i takon Qeverisë së Kosovës”, thotë Murati.

Ai shton se, as EULEX-i nuk do të pengohet nga Prishtina zyrtare gjatë zbatimit të marrëveshjeve të tilla në territorin e Kosovës.

Sipas Muratit, zbatimi i protokollit për polici me Serbinë dhe protokolleve eventuale për dogana e gjyqësi, do të përqendrohet në pjesën veriore të Kosovës, për të rikthyer sundimin e ligjit atje.

Sidoqoftë, ai thotë se është e vështirë të bëhen prognoza për mënyrën e operimit të EULEX-it dhe institucioneve të Serbisë bazuar në të tilla marrëveshje.

“Përmes këtij protokolli, EULEX-i do të mundohet ta shtrijë pushtetin e tij në veri, t’i kontrollojë kufijtë, t’i kontrollojë doganat, të ketë më shumë akces në gjyqësi e polici në veri të Kosovës”.

“Kjo është ajo që EULEX-i e thotë herë hapur, herë indirekt për përfitimin që do të ketë Kosova. Por, çka do të përfitojë në realitet, është vështirë të prognozohet”, thekson Murati.

Analistët vendorë dhe ata ndërkombëtarë kishin tërhequr vërejtjen se zbatimi në praktikë i protokollit për polici dhe atyre që mund të pasojnë për dogana e gjyqësi, do të mund të bëhej në përputhje me planin 6-pikësh të OKB-së për rikonfigurimin e pranisë civile ndërkombëtare në Kosovë.

Kjo gjë ishte hedhur poshtë sikurse nga përfaqësuesit evropianë, ashtu edhe nga Prishtina zyrtare, e cila e cilëson këtë plan si të vdekur.
Radio Evropa e Lirë

[Llapjani_HH]

Problemet për anëtarësim në OBT
Kosova i ka bërë të gjitha përgatitjet e duhura për të aplikuar në Organizatën Botërore të Tregtisë, por problem, sipas zyrtarëve qeveritarë, mund të paraqesë numri i pamjaftueshëm i vendeve që deri më tash e kanë njohur Republikën e Kosovës. Ekspertë ekonomie thonë se, përveç këtij problemi, Kosova ende s'i ka plotësuar parakushtet e nevojshme për aplikim.

Me gjithë përgatitjet e deritashme të Kosovës për aplikim në Organizatën Botërore të Tregtisë, problem në këtë drejtim mund të paraqesë numri i pamjaftueshëm i vendeve që deri më tash e kanë njohur Republikën e Kosovës. Kështu pohon ministri i Tregtisë dhe Industrisë, Lutfi Zharku.

Ai, ndërkaq, thotë se pas anëtarësimit të Kosovës në Bankën Botërore dhe në Fondin Monetar Ndërkombëtar, pranimi në këtë mekanizëm është një ndër synimet kryesore të Qeverisë.

“Gradualisht, ne po përgatitemi për atë çështje, ashtu siç e përmenda, më shumë është problemi i rritjes se njohjeve të Kosovës si shtet i pavarur.Në OBT janë 153 shtete, kurse numri i njohjeve tona është 62. Logjikisht, ne duhet të kemi gjysmën e shteteve që na kanë njohur”, pohon Zharku...

Edhe pse numri i vendeve që kanë njohur shtetësinë e Kosovës, nuk është ndonjë parakusht për anëtarësim, ministri Zharku shprehet se Ministria po pret për aplikim, në mënyrë që të jenë të sigurt për pranim pas procesit të aplikimit.

Edhe ekspertë të ekonomisë e shohin problem kryesor numrin jo të mjaftueshëm të shteteve që deri më tash e kanë njohur pavarësinë e Kosovës.

Agim Shahini, kryetar i Aleancës Kosovare të Biznesit, thekson se në bazë të procedurave, anëtarësimi në këtë institucion bëhet me vota, dhe në këtë aspekt, problem mund të paraqesin vendet që ende nuk e kanë njohur shtetësinë e Kosovës.

"Dhe, me siguri që, ato vende që Kosovën nuk e kanë njohur politikisht dhe ato vende që ende kanë një botëkuptim të së kaluarës për Kosovën, do të tentojnë të pengojnë”.

“Por, fuqitë e tjera që mbështesin e Kosovën dhe reformimi i sistemit ligjor në vend, do t’u japë mbështetje partnerëve tanë që të na mbështesin anëtarësimin e Kosovës në këtë mekanizëm të rëndësishëm”, shprehet Shahini

Nga ana tjetër, ministri i Tregtisë dhe Industrisë, Lutfi Zharku, pohon se Qeveria e Kosovës i ka përfunduar të gjitha përgatitjet administrative dhe teknike për aplikim në këtë organizatë botërore.

“Nga ana administrative janë të gatshme, që nënkupton aplikacionin, po ashtu edhe politikat tregtare, të cilat janë aprovuar në Qeveri në fund të gushtit, anëtarësimi në OBT shihet si një ndër synimet e Kosovës. Do të thotë, nga ana teknike dhe administrative nuk kemi asnjë problem”, thekson Zharku

Mirëpo, Agim Shahini thotë se Kosova ende nuk i ka krijuar të gjitha parakushtet për të filluar një proces të mirëfilltë të aplikimit formal.

Institucionet kosovare, thotë ai, duhet t’i shqyrtojnë në mënyrë emergjente rrugët për t’u anëtarësuar në OBT.

“Kjo organizatë kërkon kritere dhe kriteret Kosova ende nuk i ka plotësuar.”

“Prandaj, Kosova duhet të futet në reforma të thella të politikave ekonomike, të disiplinohen rrethanat ekonomike, tatimore dhe të gjitha këto do t’i mundësojnë Kosovës në ngritjen e infrastrukturës ligjore që Kosova të jetë pjesë e këtij mekanizmi të rëndësishëm”, thekson Shahini

Sidoqoftë, të tjerë ekspertë ekonomie, mendojnë se është iluzion të thuhet që Kosova do të anëtarësohet shpejt në Organizatën Botërore të Tregtisë.

Sipas tyre, një ndër parakushtet që një vend duhet të plotësojë për të aplikuar, është që vendi të ketë tërësi unike doganore dhe, duke pasur parasysh problemin e mosfunksionimit të plotë të doganave në disa pjesë të territorit, sipas tyre, Kosovës i vështirësohet aplikimi.

Aktualisht, në Organizatën Botërore të Tregtisë bëjnë pjesë 153 vende të botës, kurse 30 të tjera janë në proces të anëtarësimit, që përfaqësojnë mbi 97 për qind të shkëmbimeve tregtare botërore.
Radio Evropa e Lirë

Pastori i lutet Zotit të vdes Obama


Pastori Steven Anderson pohon se Barak Obama është "vrasës dhe mysliman" dhe si i tillë ai është një njeri i ligë.

Një prift protestant, të cilit me sa duket nuk i pëlqen politika e presidentit të SHBA-ve, lutet në kishën e tij në Arizona për vdekjen e Barak Obamas.

Pastori Steven Anderson pohon se Barak Obama është "vrasës dhe mysliman" dhe si i tillë ai është një njeri i ligë, përcjell lajmin Zëri i Amerikës.

Diskutimet pas meshës së tij ndonjëherë zhvillohen në forma shumë të ashpra. Para kishës së këtij pastori mblidhen aktivistë të organizatës së posa formuar "Qytetarët kundër priftërinjve që përhapin urrejtje" të cilët kundërshtojnë aktivitetet e këtij pastori protestant.

Prifti i njëjtë dyshohet për zhvillim të biznesit privat në hapësirat e kishës.
Mesazhi.com

[Llapjani_HH]

EULEX do memorandum mirëkuptimi me PK

Misioni Evropian për sundimin e ligjit, EULEX, ia ka adresuar Policisë së Kosovës një kërkesë përmes së cilës kërkon arritjen e një marrëveshjeje të mirëkuptimin, e cila do të mundësonte qasjen në të dhënat që janë në pronësi të forcave kosovare të rendit, bën të ditur e përditshmja Koha Ditore, duke u thirrur në burime të saj.

Kërkesa, sipas kësaj të përditshmeje, ka të bëjë me sigurimin e qasjes në informatat mjeko-ligjore të inteligjencës dhe ato të sigurisë. “EULEX-i është në kërkim të vendosjes së një sistemi të përhershëm, i cili do të evitonte kërkesat e vazhdueshme ad-hoc për qasje në informatat e Policisë së Kosovës”, ka thënë ky burim.

Këto pretendime të misionit evropian janë konfirmuar edhe nga zyrtarë të Policisë së Kosovës.
Telegrafi

Barrot: Asnjë dialog me Kosovën për vizat

Komisionari evropian për drejtësi, Jacques Barrot, ka deklaruar në Strasburg se Maqedonia i ka plotësuar të gjitha kushtet, ndërsa Serbia dhe Mali i Zi kanë bërë "përparime domethënëse" në reformat për heqjen e vizave nga ana e Bashkimit Evropian nga janari i vitit 2010.

Ndërsa për Kosovën ai ka thënë se deri më tani nuk ka asnjë lloj dialogu.

“Për Serbinë mbetet që të sigurojë vërtetësinë e dokumenteve për personat që jetojnë në Kosovë, apo të personave nga Kosova që jetojnë jashtë vendit, kur kërkohet që atyre t’u jepen pasaporta biometrike”, ka thënë Barrot në Parlamentin Evropian.

Ai ka thënë se, që nga viti 1999, qeveria e Serbisë nuk mund të kontrollojë personat që jetojnë në Kosovë.

“Komisioni Evropian nuk mund të marrë përgjegjësi për rrezikun e sigurisë që kjo kategori njerëzish paraqet për komunitetin (BE), si dhe për faktin se asnjë lloj dialogu për liberalizim vizash nuk është nisur me Kosovën”, ka thënë Barro.

Barro ka thënë se kushti i dytë për Serbinë është kontrollimi i kufijve me Kosovën në bashkëpunim me EULEX-in si dhe hartimi i strategjisë kombëtare për migrim.
Telegrafi

[Llapjani_HH]

Redaktorët shqiptarë të Enciklopedisë, i ikin përgjegjësisë /video/

Akademikët shqiptarë pohojnë se që nga fillimi i punës për Enciklopedinë janë distancuar nga përmbajtja e saj. Kështu për Alsat ka deklaruar akademiku Alajdin Abazi. Përgjegjësinë për përmbajtjen e dyshimtë të historisë shqiptare në këtë enciklopedi nuk e merr as Shukri Rahimi i cili figuron si redaktor i enciklopedisë në pjesën e historisë shqiptare.
“Projekti tregohet që është projekt pak a shumë politik që është ndikuar prej politikës ditore dhe nuk ka të bëj me realitetin shkencorë dhe që mund të ndikoj në keqësimin e marrëdhënieve të popujve, të njerëzve, të intelektualëve të përkatësive të ndryshme dhe në përgjithësi është një bote apo jo që merret me këto çështje siç janë ato që mirën me historinë, kulturën dhe gjuhën”, deklaroi Alajdin Abazi, anëtar i akademisë.
Shukri Raimi për Alsat thotë se ka qenë i propozuar nga Akademia e arteve dhe shkencave të Maqedonisë për redaktor të enciklopedisë, por një gjë të tillë nuk e ka pranuar, gjë të cilën e përgënjeshtron akademiku Bllazhe Ristovski.
“Unë duke e ditur se me kë duhet me bashkëpunuar nuk kam pranuar të bëhem redaktor për çështje historike të historisë shqiptare, pse plotë shkencëtarë maqedonas nuk pranojnë atë që ne e dimë, a ne nuk e pranojmë atë që ata e propozojnë. Kam qenë i propozuar ndaj qëndron aty, atë është dashtë ata me hjekë se nuk kam punuar. Le ta gjejnë ata një mbledhje pos asaj mbledhjes dytë kur kam hjek dorë që kam qenë prezent aty, unë në asnjë mbledhje më skam shkuar atje. Ata e kanë bërë vet, asnjë shqiptarë nuk ka qenë aty me marr pjesë për historinë shqiptare, ajo është vepër e akademikëve maqedonas”, tha Shukri Raimi – historian.
“Më vjen keq, e kam mik Raimin, por ai për fat të keq ai ka dezinformuar se si e para unë asnjëherë nuk kam pasur dorëheqjen e tij dhe e dyta ai gjithmonë bashkëpunonte dhe bashkë kemi shkruar histori për shkollat e mesme një ndër autorët ishte edhe ai. Tjetra ai ka shikuar pjesë më të madhe të materialeve që kishin të bëjnë për disa shqiptarë dhe probleme shqiptare, nuk është e vërtetë ajo, ndoshta njeriu është frikësuar nga pyetjet e juaja, por ai tërë kohën ka marrë edhe honorar çdo muaj për pjesamrrejne tij në enciklopedinë”, tha Bllazhe Ristovski – anëtar i ASHAM.
Redaktori tjetër shqiptar i kësaj enciklopedie Agim Poloska i angazhuar për pjesën e gjuhës, letërsisë dhe kulturës shqiptare thotë se ajo nuk është e përkryer dhe se ka hapësirë për ndërhyrje në pjesë të caktuara.
“Ndoshta nuk jam edhe unë i kënaqur edhepse jam redaktor, mundet edhe më shumë, mundet edhe më mirë të jetë, këtu të jemi të realtë pa paragjykime, kjo është një nismë një fillim dhe vet te maqedonasit po të njejtat probleme ballafaqohen, po diçka është bërë diçka është hedhur në letër dhe kjo besoj në botimet e ardhshme, në punën e ardhshme do të kompletohet do të përsoset”, tha Poloska.
Si do të përsoset mbetet të shifet. Akademiku Bllazhe Ristovski vazhdon me pohimet e tij dhe atë që shkruan në këtë enciklopedi se shqiptarët janë ardhacak në këto troje.
“Shqiptarët duhet të dinë se ata nuk kanë qenë këtu gjithmonë ashtu siç interpretohet, ato janë interpretime të lira, atë askush nuk ua pranon. Shqiptarët kanë ardhur shumë më vonë si shqiptarë, ne mund të flasim atje pas shekullit XIV pas islamizimit posaçërisht pas shekullit XVI e posaçërisht intensivisht në shekullin e XVIII ato janë realitetet, a duam ne apo ajo nuk varet nga dëshirat tona”, shtoi Ristoski.
Akademiku Ristovski tha se tash pas publikimit të enciklopedisë, akademia është duke grumbulluar faktet plotësuese dhe përmirësimin e gabimeve eventuale dhe për të bërë gati botimin e dytë të enciklopedisë, ndërsa nuk tha se do të përmirësohen të dhënat për shqiptarët e Maqedonisë.

Video: http://alsat-m.tv/index.php/lajme/vendi/18810.html

ALSAT M

Në veri të Kosovës asnjë shenjë identiteti të Republikës së Kosovës


Mungojnë tabelat 'Republika e Kosovës' në të gjitha pikat kufitare

Prishtinë, Tabela me mbishkrimin “Mirë se vini në Republikën e Kosovës”, janë vendosur në të gjitha pikat kufitare përreth kufirit të Kosovës por jo edhe në pikën kufitare në Myqybabë që ndanë Kosovën nga Serbia, apo Komunën e Gjilanit nga ajo e Preshevës.(Tekstin e plotë mund ta lexoni në numrin e ditës së shtunë të gazetës "Bota sot").
Bota Sot

[bert]

Gjykata e Beogradit liron të akuzuarit për vrasjen e tre vëllezërve Bytyçi
Shekulli Online | 22/09/2009 | Rajoni | 0 KOMENTE | SHARE | - +
Një gjykatë për krime lufte në Beograd, la të lirë sot dy ish pjesëtarë të Ministrisë së Punëve të Brendshme të Serbisë,që akuzoheshin për ndihmë në vrasjen e tre shtetasve amerikane me origjinë shqiptare, pak ditë pas përfundimit të luftës në Kosovë. Sreten Popoviç nga Nishi dhe Millosh Stojanoviç nga Krushevci një qytet jugor i Serbisë, akuzoheshin për përfshirje në vrasjen e vëllezërve Ylli, Agron dhe Mehmet Bytyqi, në vitin 1999, trupat e të cilëve u gjetën në një varrezë masive në Petrovo Sello në lindje të Serbisë, në vitin 2001.
Të tre vëllezërit ishin pjesëtarë të ish Ushtrisë Çlirimtare të Kosovës, të batalionit Atlantiku i përbërë nga shqiptarë të Amerikës. Në fund të korrikut 1999 ata u arrestuan nga forcat serbe nën akuzat për kalim të paligjshëm të kufirit të ish Jugosllavisë. Një gjykatë në qytetin e Prokupljes i kishte dënuar me nga 15 ditë heqje lirie. Katër ditë para përfundimit të dënimit ata u morën nga burgu dhe u dërguan në Petrovo Sello ku janë vrarë nga një distancë e afërt.
Dy të akuzuarit, sipas prokurorisë, ua kishin dorëzuar vëllezërit Bytyqi pjesëtarëve të panjohur të Ministrisë së Punëve të Brendshme të Serbisë, të cilët më pas i kanë vrarë. Trupat janë gjetur në një varrezë masive me duar të lidhura me tela.
Gjykata në Beograd tha sot se akuzat ndaj tyre nuk janë vërtetuar. Procesi kundër dy ish policëve serbë filloi më 13 nëntor 2006 dhe zhvillimi i tij u përcoll me reagime të veprimtarëve humanitarë të cilët janë shprehur të pakënaqur me mënyrën e trajtimit të çështjes. Shefja e Fondit për të Drejtën Humanitare me seli në Beograd Natasha Kandiç, e cila përfaqësonte familjen Bytyqi, u tërhoq nga procesi në muajin qershor të këtij viti duke thënë se "autoritetet po mbrojnë ata që urdhëruan vrasjet".
Familja dhe veprimtarët e Fondit Humanitar kanë shprehur bindjen se në këtë vrasje ishin përfshirë edhe ish zyrtarë të lartë serbë, mes tyre ish komandanti i Njësisë së Posaçme Antiterroriste të Serbisë, Goran Radosavljeviç, i njohur me nofkën Guri./VOA/

[uliksi31]

Gjykata e Beogradit liron të akuzuarit për vrasjen e tre vëllezërve Bytyçi
Shekulli Online | 22/09/2009 | Rajoni | 0 KOMENTE | SHARE | - +
Një gjykatë për krime lufte në Beograd, la të lirë sot dy ish pjesëtarë të Ministrisë së Punëve të Brendshme të Serbisë,që akuzoheshin për ndihmë në vrasjen e tre shtetasve amerikane me origjinë shqiptare, pak ditë pas përfundimit të luftës në Kosovë. Sreten Popoviç nga Nishi dhe Millosh Stojanoviç nga Krushevci një qytet jugor i Serbisë, akuzoheshin për përfshirje në vrasjen e vëllezërve Ylli, Agron dhe Mehmet Bytyqi, në vitin 1999, trupat e të cilëve u gjetën në një varrezë masive në Petrovo Sello në lindje të Serbisë, në vitin 2001.
Të tre vëllezërit ishin pjesëtarë të ish Ushtrisë Çlirimtare të Kosovës, të batalionit Atlantiku i përbërë nga shqiptarë të Amerikës. Në fund të korrikut 1999 ata u arrestuan nga forcat serbe nën akuzat për kalim të paligjshëm të kufirit të ish Jugosllavisë. Një gjykatë në qytetin e Prokupljes i kishte dënuar me nga 15 ditë heqje lirie. Katër ditë para përfundimit të dënimit ata u morën nga burgu dhe u dërguan në Petrovo Sello ku janë vrarë nga një distancë e afërt.
Dy të akuzuarit, sipas prokurorisë, ua kishin dorëzuar vëllezërit Bytyqi pjesëtarëve të panjohur të Ministrisë së Punëve të Brendshme të Serbisë, të cilët më pas i kanë vrarë. Trupat janë gjetur në një varrezë masive me duar të lidhura me tela.
Gjykata në Beograd tha sot se akuzat ndaj tyre nuk janë vërtetuar. Procesi kundër dy ish policëve serbë filloi më 13 nëntor 2006 dhe zhvillimi i tij u përcoll me reagime të veprimtarëve humanitarë të cilët janë shprehur të pakënaqur me mënyrën e trajtimit të çështjes. Shefja e Fondit për të Drejtën Humanitare me seli në Beograd Natasha Kandiç, e cila përfaqësonte familjen Bytyqi, u tërhoq nga procesi në muajin qershor të këtij viti duke thënë se "autoritetet po mbrojnë ata që urdhëruan vrasjet".
Familja dhe veprimtarët e Fondit Humanitar kanë shprehur bindjen se në këtë vrasje ishin përfshirë edhe ish zyrtarë të lartë serbë, mes tyre ish komandanti i Njësisë së Posaçme Antiterroriste të Serbisë, Goran Radosavljeviç, i njohur me nofkën Guri./VOA/

Bert, coje nje rubrike ma posht te, lajme aktuale. Perndryshe ti rrou dreqi temat.:biggrin:

[bert]

mjer familja bytyqi cfare e ka gjete. mjer shqiptaret qe po vriten dhe vrasesit levizin lirisht neper serbi e mitrovice

[Jana]

Sejdiu falënderon Obama-n

Presidenti i Republikës së Kosovës, Fatmir Sejdiu ka zhvilluar të mërkurën një takim të shkurtër me presidentin e Shteteve të Bashkuara të Amerikës, Barack Obama, në një pritje të organizuar nga presidenti i SHBA-ve.

Presidenti Sejdiu e ka falënderuar presidentin Obama për mbështetjen e deritashme që SHBA i kanë dhënë dhe po i japin Kosovës, si dhe shprehu besimin se marrëdhëniet e veçanta mes Republikës së Kosovës dhe SHBA-ve do të forcohen edhe më tutje, thuhet në një njoftim të Presidencës së Kosovës.

Sejdiu gjithashtu u takua edhe me James Jones, këshilltar i presidentit Obama për Siguri Kombëtare, si dhe me përfaqësues të lartë të Departamentit të Shtetit, ndër të cilët edhe ndihmës-sekretari i shtetit për Evropë, Phillip Gordon.

Gjatë kësaj pritjeje, siç njofton në komunikatë, presidenti Sejdiu pati biseda të frytshme edhe me shumë burrështetas të tjerë, ndër të cilët edhe me kryeministrin e Spanjës, presidentin e Qipros, kryeministrin e Nepalit, kryeministrin

e Grenadës, zëvendëskryeministrin e Xhamajkës, ministrin e Jashtëm të Portugalisë, kryeministrin e Malit të Zi, presidentin e Maqedonisë dhe kryeministrin e Turqisë.

Në vijim të vizitës në SHBA, presidenti Sejdiu do të vazhdojë takimet bilaterale me burrështetas të tjerë të cilët marrin pjesë në Asamblesë Përgjithshme të OKB-së.

Sejdiu mbajti fjalë rasti në Pritjen Vjetore të Liderëve Ballkanikë
Presidenti i Republikës së Kosovës, Fatmir Sejdiu, në kuadër të aktiviteteve gjatë vizitës së Shtetet e Bashkuara të Amerikës, ka mbajtur një fjalë rasti në Pritjen Vjetore të Liderëve Ballkanikë, të organizuar nga Rutgers Institute.

Të pranishëm në takim ishin Ekmeleddin Ihsanoglu, sekretar i Përgjithshëm i Organizatës së Konferencës Islamike, Ilir Meta, ministër i Jashtëm i Shqipërisë, Stjepan Mesiq, president i Kroacisë, Haris Silajxhiq, anëtar i presidencës së Bosnjës dhe Hercegovinës, Ahmet Davutoğlu, minister i Jashtëm i Turqisë e liderë të tjerë.

Sejdiu foli para liderëve ballkanikë në Rutgers Institute për zhvillimet dhe të arriturat e rëndësishme në vendin tonë pas pavarësimit të Republikës së Kosovës. Ai vuri theksin në përpjekjet e rëndësishme që po i bëjnë liderët dhe institucionet e Republikës së Kosovës për të siguruar sa më shumë njohje për shtetin e ri, anëtarësimin në shumë institucione të rëndësishme dhe synimin për anëtarësim në sa më shumë institucione të rëndësishme ndërkombëtare.

Presidenti Sejdiu gjithashtu theksoi rëndësinë e qasjes paqësore dhe integruese të të gjitha shteteve të Ballkanit. Në këtë kontekst ai përmendi edhe rëndësinë e madhe që ka bashkëpunimi rajonal, si një kusht shumë i rëndësishëm për stabilitet në rajon dhe për ecje të përbashkët drejt integrimeve në institucionet euroatlantike.

Gjithashtu, nisur nga shembulli i Republikës së Kosovës, Sejdiu ka theksuar si një faktor shumë të rëndësishëm të stabilitetit dhe prosperimit të rajonit respektimin e komuniteteve pakicë në çdo shtet ballkanik.

[Llapjani_HH]

EULEX nënshkruan protokollin e doganave vetëm me Serbinë

EULEX-i do të nënshkruajë protokollin për dogana vetëm me Serbinë e jo me shtetet tjera fqinje, i ka thënë Radio Dukagjinit zëdhënësi i këtij misioni, Christophe Lamfalussy.

Edhe pse fillimisht ishte paralajmëruar që protokollet që EULEX do t’i nënshkruajë me Serbinë, të njëjtat do të nënshkruheshin edhe me shtetet tjera fqinje, sot zëdhënësi i EULEX-it Lamfalussy i tha Radio Dukagjinit se protokolli për dogana do të nënshkruhet vetëm me Serbinë.

“Jo ne nuk do të nënshkruajmë protokolle për doganat me Shqipërinë apo Malin e Zi, sepse kjo është përgjegjësi e doganave të Kosovës. Këto shtete e kanë njohur Kosovën. I vetmi protokoll për doganat që do të nënshkruhet nga ne është me Serbinë i cili ka të bëjë me shkëmbim informatash”, ka thënë Lamfalussy.
Telegrafi

[Llapjani_HH]

Policia maqedonase harton 'skenar' kundër shqiptarëve

Një skenar tjetër i ngjashëm me atë të Brodecit përgatitet të ndodhë në malësinë e Tetovës, ndërsa përmendet se në shënjestër të policisë maqedonase është fshati Gjermë.

Paralajmërimet fillimisht në mënyrë publike erdhën nga ish-deputeti Xhezair Shaqiri – Hoxha gjatë një interviste për gazetën "Lajm" të Maqedonisë, ndërsa më vonë i ka zbardhur këto pohime edhe Gafur Adili, ish-zëdhënësi i AKSH-së.

Në një intervistë Xhezair Shaqiri tha: "Po ju them edhe këtë se kemi informatë se shumë shpejt pritet të sulmohet një fshat në Tetovë ose sërish të sulmohet Tanusha nga policia maqedonase".

Përveç tij, Gafurr Adili, aktualisht kryetar i Frontit Demokratik për Bashkim Kombëtar, ish-zëdhënës i AKSH-së, kohë më parë paralajmëroi një aksion policorë në malësinë e Tetovës, duke precizuar se kjo pritet të ndodh në fshatin Gjermë. Ai këtë e përsëriti edhe një herë në një deklaratë për "Lajm" dhe sipas tij aksioni në fjalë pritet të ndodh nga dita në ditë.

"Kam pasur dhe kam informacione të mjaftueshme se prej shumë kohësh në Gjermë të Malësisë së Tetovës është duke u përgatitur skenari i llojit të Kondovës dhe të Brodecit", tha Adili. Ai për këto skenarë akuzon kryeministrin Gruevski dhe Akademinë e Shkencave të Maqedonisë.

Kryeorganizatori i të gjitha këtyre skenarëve ka qenë dhe mbetet Nikolla Gruevski dhe satelitët e tij, prapa të cilit ka qëndruar dhe qëndron e ashtuquajtura ASHAM, që nuk është asgjë tjetër përveç se një filiale e ASHA të Serbisë", tha Adili.

Nga Ministria për Punë të Brendshme e Maqedonisë, as nuk pohojnë por edhe nuk mohojnë informacionet e këtilla, por thonë se kjo ministri do ta vazhdojë luftën kundër kriminalitetit.

"MPB as nuk ka lajmëruar e as që do të paralajmërojë aksione dhe punë të këtilla në kompetencë të saj deri sa ata nuk realizohen. MPB ka vepruar dhe vepron kryesisht në përputhje me përgjegjësitë ligjore për luftë kundër kriminalitetit", tha për "Lajm" Ivo Kotevski, zëdhënës i MPB-së.

Sipas burimeve të kësaj të përditshmeje, arsyetimet për një intervenim të tillë policor në fshatin Gjermë janë që të tërhiqet vëmendja nga gjendja aktuale me enciklopedinë, me pretekstin e ngjashëm sikur në Brodec se sillen grupe të armatosura kriminele shqiptare.

Gruevski me politikën e tij po kërkon edhe një "fije kashte" që të dëshmojë se shqiptarët janë destabilizues të rajonit, konstaton kjo gazetë.

Më 7 nëntor të vitit 2007, policia maqedonase pas një aksioni të quajtur "stuhia malore" vrau 6 persona dhe u arrestuan 13 të tjerë.
BotaSot.info

[Oqeani]

Në UP filloi viti i ri akademik 2009 / 2010 http://www.rtklive.com/new/img/vija_lajmi.jpg


Në Universitetin e Prishtinës dhe në kolegjet private filloi sot viti i ri akademik 2009/2010. 13 mijë studentë të rinj janë pranuar në UP.

[Llapjani_HH]

Marrëveshja detare me Greqinë, ushtarakët: Stop ratifikimit. Po dhurojmë detin

• Ushtaraket shqiptarë kërkojnë nga Kuvendi që të mos ratifikojnë në seancën e 19 Tetorit marrëveshjen shqiptaro- greke për delimitimin e kufijve detare. Ushtarakët: Marrëveshja shkel sovranitetin e Shqipërisë.

TIRANE-Shoqata “Aleanca Kombëtare e Ushtarakëve të Shqipërisë”, u kerkon drejtruesve më të lartë të shtetit shqiptar të mos ratifikojne në parlament marreveshjen shqiptarogreke për delimitimin e kufijve detarë.
Ne një leter shkruar ne emer te disa shoqatave si ajo e Flotës Luftarako Detare, e Aviacionit, e Zbulimit, e Xhenios, e Ndërlidhjes, e Prapavijës, e Autotraktorëve, e Topografëve, e Skënderbegasve dhe e Historianëve Ushtarakë, shprehet shqetësimi i thellë lidhur me marrëveshjen e nënshkruar në heshtje te plote nga Qeveria Shqiptare, me Qeverinë e Greqisë për kufirin detar midis dy vendeve. Ushtaraket shprehen të tronditur nga e verteta që nxjerr në pah studimi shkencor i publikuar këto ditë në Gazetën Shqiptare nga kolonel Myslim Pasha. Sipas tyre ky studim shkencor me llogaritje të sakta e argumente tregon se Shqipëria ka humbur një sipërfaqe të madhe detare, përfshirë edhe hapësirën ajrore me vlera ekonomike, politike, gjeostrategjike dhe kulturore, duke i krijuar vetvetes një izolim dhe bllokim, nëpërmjet ngushtimit të hapësirës dhe të rrugëve të komunikimit. “Sipërfaqja detare që eshte humbur në ngushticën e Korfuzit, në ujrat e Arkipelagut të Korfuzit, në Gjirin e Sarandës e sidomos në Ngushticën e Otrantos llogaritet në 354.4 kilometra katrore. Është ndërprerë Deti Shtetror dhe Hapësira e Afërt Vijimore e Shqipërisë. I është privuar Shqipërisë statusi i të drejtës si shtet përballë Italisë. Ujërat e brendshme të Gjirit të Sarandës janë konsideruar si “Free bay” (gji i lirë), për t’u ndarë me Greqinë, i cili është Gji Historik i Shqipërisë. Ushtaraket I kerkojne presidentit te Republikes zotit Bamir Topi, kryetares se kuvendit Jozefina Topalli , deputeteve te kuvendit te Shqiperise te njihen thellesisht me kete marreveshje , per te kuptuar qarte cenimin e rëndë qe ajo I ben sovranitetit dhe integritetit territorial të Shqipërisë”, shprehen ushtarakët në letër. Me kete marreveshje arsyetojne ushtaraket, duke i dhuruar siperfaqen ujore ne humbim gjithashtu dhe ate tokesore, ku sipas informacioneve janë bërë studime shpresëdhënëse për rezerva të naftës dhe të gazit. Ushtaraket shprehin edhe njëhere revolten e tyre per fshehtësine, shpejtësine gjatë procedurave të hartimit dhe të miratimit të kesaj marreveshjeje qe sipas tyre ul dinjitetin dhe krenarinë tonë kombëtare, cenon gjeohistorinë iliroshqiptare dhe hapat e sotëm të integrimit te vendit.
BalkanWeb

EULEX-it i jepet qasja në të dhënat e Policisë së Kosovës

EULEX-i ka arritur marrëveshjen me Policinë e Kosovës që të ketë qasje të plotë në të dhënat e Forenzikës, sektorit që hulumton krimet e rënda, bën të ditur e përditshmja Koha Ditore, duke u thirrur në burime të saj brenda EULEX-it.

Sipas të njëjtave burime, pritet që këto ditë të bëhet edhe një marrëveshje tjetër që do të kompletonte qasjen e EULEX-it në të gjitha të dhënat e PK-së.

Sipas të këtyre burimeve, marrëveshja në qasjen në të dhënat e Forenzikës ka qenë jetike, pasi që ky sektor përmban të dhënat kryesore për krimet e rënda, ndërkaq marrëveshja për qasjen e plotë në databazën e Policisë së Kosovës, do të ndodhë këto ditë pas disa konsultimeve teknike që do të kenë zyrtarë të misionit të BE-së me ata të Policisë së Kosovës.
Telegrafi

[Oqeani]

Presidenti Sejdiu premton angazhim për të pagjeturithttp://www.rtklive.com/new/img/vija_lajmi.jpg


Presidenti Fatmir Sejdiu u angazhua për vazhdimin e përpjekjeve për zbardhjen e fatit të të pagjeturve. “Do të angazhohemi që këtë brengë të madhe ta zbusim sa më shumë” tha Sejdiu në takimin që zhvilloi dje në Gjakovë me shoqatën “Thirrjet e nënave”...

[Llapjani_HH]

Dy maqedonas ndalohen për helmimin e nxënësve


Dy shtetas të Maqedonisë dhe një shtetas serb janë ndaluar në lidhje me helmimin e nxënësve shqiptarë në Fushë Kosovë.

Dy shtetas të Maqedonisë dhe një shtetas serb janë ndaluar gjatë fundjavës në Prishtinë, duke u hetuar lidhur me helmimin misterioz të nxënësve shqiptarë në Fushë Kosovë.

Policia e Kosovës ka ngritur shkallën e vigjilencës pas helmimit misterioz të nxënësve të shkollës së mesme "Hivzi Sulejmani" në Fushë Kosovë. Nga operacionet e ndërmarra janë arrestuar një grup personash, mes të cilëve dhe dy shtetas të Maqedonisë.

"Tani për tani janë ndaluar persona të dyshuar, mes të cilëve edhe shtetas të huaj. Ndërsa në lidhje me atë se kush e shkaktoi këtë helmim, jemi në pritej të analizave që po i bëjnë personat përgjegjës të shëndetësisë ", ka theksuar Baki Kelani, shef i zyrës për informim në Policinë e Kosovës.

Bëhet e ditur se me çështjen e analizave po merret Qendra Klinike Universitare QKU e Prishtinës, saktësisht Emergjenca, për të kuptuar se nga erdhi helmimi i 123 nxënësve të Fushë Kosovës. Gjithçka dyshohet se erdhi përmes ajrit.

Pothuaj të gjithë nxënësit janë vajza dhe mosha e tyre sillet prej 14 deri në 16 vjeç. Simptomat që këta nxënës kanë pas kanë qenë vështirësi në frymëmarrje, lodhje, shtrëngime në bark dhe frikë. (INA)
Mesazhi.com

[roadrunner]

Niva ne radio se e kishin shkarku at enciklopedistin maqedonas Blazhe rriqnovski a sdi qysh e pat emrin....

[Llapjani_HH]

Mali i Zi futet në territorin e Kosovës


Dy tabela me mbishkrimet “Mirë se vini në Malin e Zi” dhe “Mirupafshim”, janë vendosur me urdhrin e Ministrisë së Punëve të Brendshme të Malit të Zi, thellë në territorin e Kosovës, pikërisht në vendin ku fillon brezi neutral kufitar gati tri kilometra brenda në pjesën e shtetit tonë.

Vendosja e këtyre dy tabelave, një ditë më parë nga shteti malazias, ka krijuar indinjatë te qytetarët e komunës së Pejës, që e kanë vërejtur atë derisa kanë kaluar andej, e të cilët menjëherë i kanë informuar krerët institucionalë të komunës së Pejës.

Për tu informuar më mirë për këtë veprim të fqinjëve malazias, kryetari i komunës së Pejës, Ali Berisha, i shoqëruar edhe nga komandanti i policisë rajonale të Pejës, koloneli Ahmet Hasi dhe drejtori i Policisë Kufitare për rajonin perëndim, majori Azem Mala, është takuar të enjten me kryeinspektorin e policisë kufitare të Malit të Zi, Predrag Kukaj.

Në takimin e zhvilluar në brezin kufitar, oficeri malazias është arsyetuar se policia malaziase ka pasur kompetencat e saj qe 10 vjet në këtë pjesë, ngase sipas tij, në vendin ku janë vendosur tash tabelat, kanë qenë më herët tabelat e UNMIK-ut dhe KFOR-it.

Derisa majori Azem Mala, përmbahej dhe hezitonte të fliste më tepër për këtë shkelje territoriale nga Mali i Zi, ndërsa kryetari i Pejës, Ali Berisha, ia tërhoqi vërejtjen majorit Mala, se Policia Kufitare e Kosovës nuk duhet të heshtë dhe të hezitojë të flasë se tabelat janë vendosur në territorin tonë.

Berisha u tha atyre se ajo tokë nuk është vetëm territor i Kosovës, por edhe territori i Komunës së Pejës, prandaj, siç iu tha ai, është drejtë e tij si kryetar që të informohet se çka po ndodh me territorin e komunës që ai drejton.
Gazeta Expres

Kufijtë e Kosovës janë të njohur ndërkombëtarësisht


“Kufijtë e Republikës së Kosovës janë të ditur dhe këta kufij janë të njohur ndërkombëtarësisht. Për ne është e papranueshme çdo qasje e kujtdo qoftë që në një formë apo formë tjetër ka intencën e lëvizjes së kufirit”, ka theksuar të premten presidenti Fatmir Sejdiu, gjatë një vizite në komunën e Pejës – duke komentuar vendosjen e tabelës me mbishkrimin “Mirë se vini në Malin e Zi” nga autoritetet malazeze thellë në territorin e Kosovës – në brezin kufitar të Kullës.

“Ne dëshirojmë që të kemi marrëdhëniet më të mira me Malin e Zi dhe ato janë dëshmuar në ecje praktike të deritashme”, tha presidenti Sejdiu, duke shtuar se organet kompetente që merren me çështjen e shënimit të kufijve ndërshtetërorë apo vendkalimeve të rëndësishme kufitare, që janë të nevojshme për komunikimin e qytetarëve dhe të mallrave, do ta bëjnë punën si duhet.

“Kosova i ka kufijtë e vet të qartë dhe nëse ka ndonjë ngatërresë të vogël në kuptimin e pretencës së dikujt, jashtë asaj që është normale në relacionet ndërshtetërore, sigurisht që do të ketë përgjigjen e vet”, vijoi Sejdiu.

“Për ne me rëndësi është që edhe Mali i Zi edhe Kosova kanë miqtë e përbashkët. Të dy vendet janë tepër të interesuara të lëvizin shpejt në proceset ne integrimeve euroatlantike dhe të dy vendet në bashkëpunimin rajonal kanë pjesën e bashkëpunimit të tyre”, tha ai.

Gjatë ditës së premte, presidenti Sejdiu, i shoqëruar nga ministri i Tregtisë dhe Industrisë, Lutfi Zharku, ka vizituar Komunën e Pejës, ku nga kryetari i komunës, Ali Berisha është njoftuar me zhvillimet në këtë komunë dhe me problemet e të arriturat e pushtetit lokal.
Telegrafi

Berisha u nderua me diplomë false


Universiteti që i ka dhënë gjithmonë frymëzim kryeministrit Sali Berisha e ka pajisur atë me një diplomë false.

Pikërisht, në ceremoninë e laureimit të tij me titullin "Doctor Honoris Causa", në të cilën deklaroi se Universiteti i Prishtinës është Harvardi, Sorbona dhe Kembrixhi i lirive të tij.

Siç bën të ditur e përditshmja "Koha Ditore", diploma që i është dhënë të martën, e që dëshmon këtë titull nderit të Universitetit, nuk është ajo që bartë vulën apostile dhe e cila është firmosur nga ish-rektori Enver Hasani, menjëherë pasi përbërja e vjetër e Senatit, më 22 janar të 2008-s, vendosi ta laureonte me këtë titull kryeministrin shqiptar,

Berishës, sipas kësaj të përditshmeje, i është dhënë një diplomë tjetër, që ndryshon në përmbajtje. Një që nuk ka vulë apostile, që ka një arsyeshmëri diçka më ndryshe se origjinalja dhe me një datë tjetër nga ajo kur është marrë vendimi.

Kjo mban firmën e rektorit të tanishëm, Mujë Rugova, të cilën e ka hedhur më 6 tetor. Në këtë diplomë nuk i është shkruar posti i Berishës, pos që shkruan mbi emër "Shkëlqesisë së Tij. Ndërkaq, në diplomën e parë shkruan "Kryeministër i Shqipërisë".

Ish-rektori Enver Hasani ka konfirmuar për KD se ai kishte firmosur diplomën e titullit të nderit "Doctor Honoris Causa", që më 22 janar të 2008-s Senati ia ka ndarë Berishës. Ai nuk ka dashur të komentojë ndërrimin e diplomës, pos që ka thënë se duhet të pyetet rektori i ri për këtë veprim. Ndërkaq, rektori i ri, Rugova, i është shmangur përgjigjes në këtë pyetje. /KohaDitore/Telegrafi/
Mesazhi.com

[Oqeani]

Edhe zyrtarisht filloi gara zgjedhore për pushtetin lokalhttp://www.rtklive.com/new/img/vija_lajmi.jpg

Subjektet politike në Kosovë filluan fushatën për zgjedhjet lokale të 15 nëntorit, ndonëse disa sosh ka ditë që kanë filluar aktivitetet parazgjedhore, për çka KZ për Ankesa e Parashtresa ka pranuar të paktën katër ankesa për shkelje të mundshme të rregullave të zgjedhjeve. ...Postuar: 11:04:11 / 15.10.2009Në këto zgjedhje do të marrin pjesë 74 subjekte politike nga të cilat 37 janë shqiptare, 21 serbe dhe të tjerat nga komunitetet pakicë. Tashmë shumica e partive kanë hapur fushatat e tyre parazgjedhore duke prezantuar kandidatët për kryetarë të komunave.

Dy partitë më të mëdha në vend, Partia Demokratike e Kosovës dhe Lidhja Demokratike e Kosovës, kanë hapur fushatën e tyre për zgjedhjet lokale të 15 nëntorit, simbolikisht mbrëmë - një minutë pas mesnatës.

Partia e Kryeministrit Hashim Thaçi e ka bërë këtë në një lokal të Prishtinës, me ca gota verë, ndërsa partia e Presidentit Fatmir Sejdiu me një prezantim në njërën prej lagjeve të qytetit, rrethuar me të rinj.

Ndryshe për zgjedhjet lokale të 15 nëntorit do të garojnë 74 subjekte politike, ndërsa në Komisionin Qendror të Zgjedhjeve thonë se shpejti do të dihet edhe numri i saktë i votuesve në Kosovë.

[Llapjani_HH]

Hashim Thaçi të mos bëhet kurban i Gruevskit për tokat tona


Banorët e fshatit Debellde nuk duan që tokat e tyre të jenë pazar për kryeministrin Thaçi dhe ate maqedonas Gruevski.

Derisa pritet që të arrihet marrëveshja mes Qeverisë së Kosovës dhe asaj të Maqedonisë për kufirin, banorët e fshatit Debellde janë deklaruar se nuk duan që tokat e tyre të jenë pazar për kryeministrin Hashim Thaçi dhe ate maqedonas Nikolla Gruevski

Marrëveshja për definimin e vijës kufitare mes Kosovës dhe Maqedonisë e cila pritet të zyrtarizohet nga kryeministrat e të dy vendeve Hashim Thaqi e Nikolla Gruevski, ka ngjallur reagime tek banorët e fshatit kufitar Debellde të cilët deklarojnë se nuk janë në dijeni se për çfarë marrëveshje bëhet fjalë. I pyetur nëpërmjet linjes telefonike, nënkryetari i komisionit qeveritar të Kosovës për kufirin, Murat Meha, është shprehur se edhe ai nuk është në dijeni se ku do të vendoset definitivisht vija kufitare dhe nuk ka njohuri rreth marrëveshjes së arritur mes dy vendeve.

Përfaqësuesi i fshatit Debellde Zymri Ilazi, ka kërkuar nga institucionet që të mos kushtëzohet prona private e banorëve me vendosje të marrëdhënieve diplomatike.

"Kisha kërkuar nga kryeministri Thaqi që mos të merr ndonjë vendim të gabueshëm ngase prona private e Debelldeut të mos vihet kusht për marrëdhënie diplomatike. Edhe pse kam qenë anëtarë i komisionit, nuk jam informuar se qka do të përmbajë marrëveshje. Nuk pajtohemi me vendime që na dëmtojnë neve, ngase mund të ketë pasoja të paparashikueshme", ka theksuar përfaqësuesi i fshatit, Zymri Ilazi.

Isa Hasani banorë i këtij fshati, shprehet se përkundër kërkesave të shumta , kryeministri Thaçi nuk ka gjetur kohë që të vizitoj fshatin Debellde si pikë delikate në procesin e demarkacionit të kufirit.

"Kryeministri Thaçi asnjëherë nuk na ka vizituar, edhe pse ne shumë herë këtë e kemi kërkuar nga ai dhe bashkëpunëtorët e tij. Në të kundërtën, çfarëdo marrëveshje që arrihet, përgjegjësia shkon tek ata që firmosin vendimet dhe vendosin për tokat private të banorëve", ka theksuar Isa Hasani. Edhe përfaqësuesi në Kuvendin Komunal në Viti nga ky fshat Sali Abdullahu, kërkon që të mos politizohen tokat e shenjta të banorëve.

Procesi i demarkacionit të kufirit Kosovë Maqedoni, ishte paraparë të përfundoj deri në muajin maj të këtij viti, mirëpo pas disa mosmarrëveshjeve tek zona kodra e Furrës ku banorët e debelldeut posedojnë pronat e tyre private ka zvarritur këtë process deri më tani. (INA)
Mesazhi.com

[Oqeani]

Mirell: Kosova duhet ta luftojë korrupsionin dhe krimin e organizuar http://www.rtklive.com/new/img/vija_lajmi.jpg

Raporti i progresit është real, që paraqet zhvillimin, ngecjet dhe sugjerimet që BE i drejton Kosovës, tha kryeministri Thaçi gjatë takimit me Drejtorin për Ballkanit Perëndimorë, Pierr Mirrel. Mirell tha se Kosova duhet të luftojë korrupsionin dhe krimin e organizuar....

Postuar: 13:41:01 / 15.10.2009Raporti i progresit vlerëson stabilitetin institucional dhe politik, respektimin e të drejtave të minoriteteve de integrimin e tyre në jetën institucionale në Kosovë vlerësoi kryeministri Hashim Thaçi. Ai një theks të veçantë vendosi në luftën që po bëjnë institucionet e Kosovës për luftimin e korrupsion dhe krimin e organizuar në Kosovë.

Kryeministri Thaçi vlerësoi hapjen e perspektivës evropiane për Kosovën, në përfshirjen e procesit të liberalizimit të vizave dhe ndërtimin e marrëdhënieve tregtare midis Kosovës dhe BE-së.

Ndërsa Drejtori për Ballkanit Perëndimorë në Komisionin Evropian, Pierr Mirrel përsëriti edhe një herë qëndrimet e tija për të arriturat në Kosovë, por tha se duhet bërë më shumë në luftimin e dukurive negative, në bashkëpunim edhe me mekanizmat ndërkombëtarë që veprojnë në Kosovë.

“Studimi ynë është për një vizion për Kosovën. Nënvizon perspektivën evropiane me dy qëllime kryesore; njëri është dialogu për liberalizimin e vizave dhe tjetri është një proces që çon drejt marrëveshjes tregtare, Dhe për këto dy qëllime kryesore Kosova duhet të plotësojë disa kushte, që janë sfida për Kosovën”, ka theksuar Pierr Mirell.

Pierr Mirell tha se çështja e vetme që nuk është përmendur në raport është demarkacioni i kufirit me Shkupin ku, sipas tij, është një çështje e rëndësishme për bashkëpunim rajonal.

Sa i përket dukurive negative që përmenden në raportin e progresit si korrupsioni, krimi i organizuar dhe jotransparenca në prokurim publik, kryeministri Thaçi tha se përkushtimi - Zero tolerancë për këto dukuri duhet të luftohet së bashku me gjithë faktorët relevant, ndërsa Mirell tha se me mos luftimin e këtyre dukurie në gjitha shtetet e rajonit, atëherë BE s’do të ketë sukses për të promovuar idenë se ky rajon duhet të jetë pjesë e Bashkimit Evropian.

Mirell ka sjell dje në Kosovë raportin e progresit në të cilin janë paraqitur të gjitha zhvillimet, ngecjet, problemet, shqetësimet si dhe sugjerimet për autoritetet e Kosovës.


| s.b & RTK staff |

[Oqeani]

http://www.presheva.com/report/2009/dorzimicelsave-161009.html

[Guri i madh]

Hashim Thaçi të mos bëhet kurban i Gruevskit për tokat tona




Banorët e fshatit Debellde nuk duan që tokat e tyre të jenë pazar për kryeministrin Thaçi dhe ate maqedonas Gruevski.

Derisa pritet që të arrihet marrëveshja mes Qeverisë së Kosovës dhe asaj të Maqedonisë për kufirin, banorët e fshatit Debellde janë deklaruar se nuk duan që tokat e tyre të jenë pazar për kryeministrin Hashim Thaçi dhe ate maqedonas Nikolla Gruevski

Marrëveshja për definimin e vijës kufitare mes Kosovës dhe Maqedonisë e cila pritet të zyrtarizohet nga kryeministrat e të dy vendeve Hashim Thaqi e Nikolla Gruevski, ka ngjallur reagime tek banorët e fshatit kufitar Debellde të cilët deklarojnë se nuk janë në dijeni se për çfarë marrëveshje bëhet fjalë. I pyetur nëpërmjet linjes telefonike, nënkryetari i komisionit qeveritar të Kosovës për kufirin, Murat Meha, është shprehur se edhe ai nuk është në dijeni se ku do të vendoset definitivisht vija kufitare dhe nuk ka njohuri rreth marrëveshjes së arritur mes dy vendeve.

Përfaqësuesi i fshatit Debellde Zymri Ilazi, ka kërkuar nga institucionet që të mos kushtëzohet prona private e banorëve me vendosje të marrëdhënieve diplomatike.

"Kisha kërkuar nga kryeministri Thaqi që mos të merr ndonjë vendim të gabueshëm ngase prona private e Debelldeut të mos vihet kusht për marrëdhënie diplomatike. Edhe pse kam qenë anëtarë i komisionit, nuk jam informuar se qka do të përmbajë marrëveshje. Nuk pajtohemi me vendime që na dëmtojnë neve, ngase mund të ketë pasoja të paparashikueshme", ka theksuar përfaqësuesi i fshatit, Zymri Ilazi.

Isa Hasani banorë i këtij fshati, shprehet se përkundër kërkesave të shumta , kryeministri Thaçi nuk ka gjetur kohë që të vizitoj fshatin Debellde si pikë delikate në procesin e demarkacionit të kufirit.

"Kryeministri Thaçi asnjëherë nuk na ka vizituar, edhe pse ne shumë herë këtë e kemi kërkuar nga ai dhe bashkëpunëtorët e tij. Në të kundërtën, çfarëdo marrëveshje që arrihet, përgjegjësia shkon tek ata që firmosin vendimet dhe vendosin për tokat private të banorëve", ka theksuar Isa Hasani. Edhe përfaqësuesi në Kuvendin Komunal në Viti nga ky fshat Sali Abdullahu, kërkon që të mos politizohen tokat e shenjta të banorëve.

Procesi i demarkacionit të kufirit Kosovë Maqedoni, ishte paraparë të përfundoj deri në muajin maj të këtij viti, mirëpo pas disa mosmarrëveshjeve tek zona kodra e Furrës ku banorët e debelldeut posedojnë pronat e tyre private ka zvarritur këtë process deri më tani. (INA)
Mesazhi.com




edhe votimi ju imponue delegatve nuk ishte votim demokratik

[Llapjani_HH]

U ratifikua


Parlamenti i Kosovës i dha mbështetje marrëveshjes për demarkacion të kufirit me Maqedoninë, megjithëse votat u siguruan me vështirësi. Parlamentarët maqedonas zhvilluan debat maratonik polemizues para votimit. Më nuk ka asnjë pengesë që Kosova dhe Maqedonia të vendosin marrëdhëniet diplomatike. Pajtimi i dy vendeve fqinje për kufirin u përshëndet nga SHBA dhe BE.

Pa kurrfarë entuziazmi, deputetët e Kuvendit të Kosovës e kanë ratifikuar marrëveshjen e parë ndërkombëtare, në një seancë parlamentare të jashtëzakonshme, të shtunën. Pas disa tentimesh të dështuara, ligjvënësit kosovarë i dhanë mbështetje marrëveshjes për demarkacion fizik të kufirit me Maqedoninë, duke i dhënë fund një procesi të gjatë të përcaktimit të vijës kufitare që ishte bërë pengesë për vendosjen e marrëdhënieve diplomatike mes dy vendeve.

Edhe Kuvendi i Maqedonisë ka filluar të shtunën seancën e jashtëzakonshme parlamentare, por për dallim nga deputetët kosovarë, të cilët votuan pa hapur debat, deputetët maqedonas kanë zhvilluar një debat maratonik, ku ka pasur edhe përplasje mes opozitës dhe pozitës. Parlamenti i Kosovës, i mbledhur me kërkesë të presidentit Fatmir Sejdiu dhe kryeministrit Hashim Thaçi, i dha vetëm 67 vota “për” marrëveshjes, gjatë votimit të parë elektronik nga gjithsej 87 deputetë të pranishëm. Shtatë deputetë ishin kundër, ndërkaq nëntë abstenuan. Katër të tjerë nuk morën pjesë në votim.

Kuvendi mund të ratifikojë marrëveshje ndërkombëtare vetëm me së paku dy të tretat e votave “për”. Kjo detyroi kryeparlamentarin Jakup Krasniqi që të kërkojë pauzë për të zhvilluar konsultime me shefat e grupeve parlamentare dhe anëtarët e Kryesisë së Kuvendit. Pas një orë e gjysmë, seanca filloi sërish.

Fillimisht e mori fjalën kryeministri Hashim Thaçi i cili foli për rëndësinë që ka kjo marrëveshje për Kosovën. “Qytetarët e Republikës së Kosovës do të mund të vazhdojnë ta punojnë tokën e tyre pa frikë, pa u penguar dhe me qasje të pandërprerë. Kjo do mundësohet me formimin e komisioneve përkatëse ndërshtetërore, të cilat do të themelohen menjëherë pas vendosjes së marrëdhënieve diplomatike ndërmjet dy shteteve”, ka thënë ai.

Jozyrtarisht, thuhet se janë 22 hektarë tokë në pronësi private që kanë mbetur në territorin maqedonas. Kryeministri tha se fshatarët të cilët nuk kanë pasur mundësi të shfrytëzojnë tokat e tyre prej vitit 2001 do të kompensohen.

Kryeparlamentari Krasniqi u dha mundësinë shefave të grupeve parlamentare që të marrin fjalën, po asnjëri nga ta nuk doli në foltore. Dy përpjekje të reja për votim elektronik dështuan për shkaqe teknike. Krasniqi kërkoi që deputetët të deklarohen duke ngritur dorën. Kësaj here marrëveshja u ratifikua me 81 vota për, 3 kundër dhe 2 abstenime. Naim Rrustemi i PDK’së, Melihate Tërmkolli e LDK’së dhe Esat Brajshori i AKR’së ishin të vetmit që votuan kundër.

Presidenti Fatmir Sejdiu ka thënë se çështja e demarkacionit të kufirit me Maqedoninë është pjesë e planit të Ahtisaarit, që paraqet obligim për institucionet kosovare.
“Ky moment i deklarimit tuaj për të përfunduar këtë proces, që është pjesë e barrës dhe e debateve të deritashme, do të përmbyllë një kapitull që nënkupton sqarimin e detajuar të vijës kufitare mes Republikës së Kosovës dhe Republikës së Maqedonisë”, ka thënë Sejdiu. Ai shprehu bindjen se me ratifikimin e marrëveshjes, fillon një epokë e re e zhvillimit të marrëdhënieve të mira me Maqedoninë.

Polemikat në Maqedoni

Në foltoren e Kuvendit maqedonas, deputetët opozitarë kanë akuzuar pushtetin se marrëveshja për shënimin fizik të kufirit është kundërkushtetuese dhe me të Kosova i merr më shumë se 150 metra të territorit të Maqedonisë. Ata kanë vlerësuar se është e nevojshme procedurë e re për ndryshimin e kufijve me 2/3 e shumicës në Kuvend.
Por ministri i Jashtëm, Antonio Milososki, ka deklaruar se arritja e marrëveshjes për kufirin me Kosovën është një hap shumë i rëndësishëm pasi përmbyllet një çështje e vogël, por mjaft të rëndësishme.

“Vlerësoj se kjo është diçka që mbron interesat tona kombëtare, përparon interesat bilaterale mes Maqedonisë dhe Kosovës si dhe ka rëndësi rajonale dhe europiane meqë Maqedonia të jetë shteti i rrallë në Evropën Juglindore që do të ketë kufijtë e saj të qartë dhe të shënuar me fqinjët e saj”, ka thënë ai.

Ndërkaq, në një prononcim për media, kryeministri Nikola Gruevski, i ka hedhur poshtë pohimet e opozitës se me marrëveshjen e re ka lëvizje në vijën kufitare mes Kosovës dhe Maqedonisë.“Nuk kam kurrfarë arsye të frikohem, sepse me këtë marrëveshje, shteti nuk humb asnjë milimetër nga territori. Dua t’ju siguroj se kurrë, me asnjë çmim, nuk do të kisha nënshkruar diçka me të cilën do të humbnim një milimetër të territorit të Maqedonisë”, citohet të ketë thënë ai nga mediat e Shkupit.

Deputeti i Lidhjes Socialdemokrate, Andrej Petrov, ka theksuar se LSDM’ja nuk është kundër demarkacionit të kufirit dhe ka kërkuar që deputetëve t’u dorëzohen hartat demografike të kufirit verior që të konfirmohet se dëmtohet apo jo territori i Maqedonisë.
“LSDM’ja vlerëson se seanca e sotme është dhunim i Kushtetutës, si akt mbi të gjitha aktet dhe proceduara e tillë është e dyshimtë dhe e palejueshme në Parlamentin e Maqedonisë.

Nuk mund të kuptojmë pse nevojitet aq urgjencë, pse seanca caktohet në mbrëmje për ditën e nesërme, pse parlamenti për herë të parë në 18 vitet e pavarësisë punon ditën e shtunë. Po ashtu, në materiale nuk kemi hartën topografike që të shihet nëse bazohet frika dhe spekulimet se bëhet fjalë për ndryshim të kufijve të Maqedonisë nga ana e Kosovës”, ka thënë Petrov, sipas TV Alsat.

Ndërkaq, Andrej Zernovski nga Partia Liberaldemokrate, konsideron se Marrëveshja për demarkacionin është kundërkushtetuese dhe nëse ajo ratifikohet paralajmëroi se do të kontestohet në Gjykatën Kushtetuese. Bashkimi Demokratik për Integrim (BDI) shpreson që edhe opozita maqedonase të demonstroj edhe në vepër konstruktivitetin e saj të deklaruar dhe të mos bëjë marketing politik. “Në fund do të shpresojmë dhe presim se do të dominojë, do të ngadhënjejë konstruktiviteti dhe do të arrijmë ta përfundojmë procesin me sukses”, ka thënë deputetja e BDI-së, Ermira Mehmeti.

Deputeti i Demokracisë së Re, Sulejman Rushiti, deklaroi se vonesa për vendosje të marrëdhënieve diplomatike me Kosovën nuk është në dobi të askujt. Votimi i marrëveshjes në Parlamentin maqedonas është pritur të bëhet në orët e vona të së shtunës.
Ratifikimi i kësaj marrëveshje është përshëndetur nga Qeveria e SHBA’ve, Bashkimi Europian, ICO, Qeveria e Shqipërisë, etj.
Gazeta expres

[Llapjani_HH]

Historia e vëllait tim


Vëllanë e vet e përshkruan si njëri që ka punuar si agjent sekret për KFOR-in amerikan. Dënimin me 25 vjet burg e quan hakmarrje të krerëve të lartë të Policisë së Kosovës, sepse ua ka zbuluar trafiqet ilegale. Betohet se Shpend Qerimi nuk ka të bëjë asgjë me policin e vrarë Triumf Riza, apo shpërthimin në lokalin e të shumëkërkuarit Enver Sekiraqa. Ilir Qerimi, vëllai i të dënuarit Shpend Qerimi, flet për Express.

Express: A e di vëllai juaj për këtë intervistë?

Ilir Qerimi: Po, ai më ka autorizuar për intervistë dhe më ka thënë se duhet të dalë e vërteta.

Express: Në natën kur ka ndodhur shpërthimi, a e dini ju, ku ka qenë Shpendi?

Ilir Qerimi: Po, unë e marr përgjegjësinë e plotë, si vëlla, si qytetar, si prind. Rreth mesnatës së asaj nate, unë kam shkuar në shtëpinë e Shpendit për të kërkuar një hap për dhimbje koke. Ai vetë ma ka hapur derën, ashtu i përgjumur dhe më ka thënë të shikojë nëse ka. E kam marr hapin kafetin dhe e kam pirë. Prandaj gjithçka për të është montim. Kur është arrestuar Shpendi, unë kam ardhur në Prishtinë me avokatin Avni Ibrahimi. Kur avokati ka takuar Shpendin më ka thënë se bëhet fjalë për një shpërthim. Mua më është dukur qesharake. Por pastaj kam kuptuar se për çfarë shpërthimi bëhet fjalë.

Express: A keni pritur që vëllai juaj do të dënohet me 25 vjet burg?

Ilir Qerimi: Jo, sepse ky gjykim është i padrejtë, i pabazë dhe pa prova. Shpendi nuk është i përfshirë në këtë rast. Me këtë kanë ndodhur dy krime. I pari është shpërthimi dhe i dyti është vendimi i gjykatës së EULEX-it për dënimin e tij dhe Besnik Firajës, me nga 25 vjet burg secili. Këtë gjykim të cilin unë e kam përcjellë, e që ka zgjatur rreth 17 seanca, e ka udhëhequr gjykatësi Francesko Florit, i cili pa kurrfarë baze, e ka dënuar. Kanë qenë rreth 30 dëshmitarë, në mesin e të cilëve edhe Mona Ismajli (nëna e këngëtares Adelina Ismajli). E gjykatësi në fund, vendimin e vet e ka mbështetur në mesazhin e Mona Ismajlit. Por këtu ka të bëjë politika. Ata janë dënuar politikisht.

Express: Pse politikisht?

Ilir Qerimi: Shpendi i përket gjeneratës së 19-të të Policisë së Kosovës dhe për një kohë shumë të shkurtër, ka mbërritur shumë lart. Pastaj më vonë ka dalë në Njësitin për Hetime Rajonale.

Express: Çfarë ka hetuar?

Ilir Qerimi: Fillimisht ka qenë në Njësitin Anti-Drogë. Më vonë ka ardhur Destan Thaçi, komandant për rajonin e Ferizajt. Shpendi ka bërë shumë hetime për të sepse, sipas tij, Thaçi ka qenë i përfshirë në krim...

Express: Shpendi e ka hetuar eprorin e vet?

Ilir Qerimi: Po, ai e ka hetuar atë, eprorin e vet.

Express: Kujt ia ka dhënë ato informacione?

Ilir Qerimi: Inteligjencies amerikane, përkatësisht KFOR-it amerikan. Kanë qenë katër persona, të cilët unë kam pasur rast t’i takojë. Njëri është quajtur Majk, kurse tjetri Kent, si dhe dy të tjerë. Në mesin e tyre ka qenë edhe një i pestë, një polic amerikan me uniformë amerikane të Policisë së UNMIK-ut.

Express: Ku janë takuar?

Ilir Qerimi: Në shtëpinë e Shpendit. Unë e di se Shpendi iu ka dhënë shumë informacione.

Express: Sipas kësaj që thoni, a ka qenë Shpendi spiun i KFOR-it amerikan?

Ilir Qerimi: Jo nuk ka qenë spiun, por ka bashkëpunuar shumë ngushtë në luftimin e krimit, sidomos i ka hetuar nivelet e larta. Ky ka qenë bashkëpunim shumë sekret.

Express: A e ka ditur për këtë kolonel Destan Thaçi?

Ilir Qerimi: Nuk besoj se e ka ditur. Por besoj se ka mundur t’i marrë ato informacione dorë pas dore. E di se kanë bërë hetime shumë rreth kufirit, kryesisht për drogë. Në Kaçanik i kanë zënë 10 kilogramë, e në fshatin Zaskok 23 kilogramë drogë. E di se Besniku i ka dhënë shumë informacione, shumë foto, shumë numra të telefonit që Destan Thaçi ka qenë i përfshirë në krim. Besniku ia ka dhënë Shpendit këto informacione, e ai ua ka dorëzuar ato ndërkombëtarëve.

Express: A është paguar Shpendi për këto informacione?

Ilir Qerimi: Nuk jam në dijeni. Nuk e di. Me sa duket jo. Unë i kam dhënë shpesh Shpendit para, sepse kishte rast që nuk kishte as për kafe. Po të ishte e kundërta, nuk besoj se ai do të kërkonte para nga unë.

Express: A e ka njohur Shpendi, policin e vrarë Triumf Riza?

Ilir Qerimi: E di që vëllai im Shpendi, pas vrasjes së atij polici, ka qenë një herë për ngushëllime. Por kurrë Triumf Rizën nuk e ka përmendur. Ai ka mundur të jetë koleg me të, por shok nuk ka qenë. Nuk e kam parë kurrë Shpendin me Triumf Rizën. Me të tjerë po. E di që me të tjerë dhe Besnikun kanë pasur raporte të mira. Shpendi nuk ka pasur lidhje me shpërthim. Më vjen shumë keq nga familjarët e viktimave, por ai nuk ka të bëjë me atë shpërthim. Ju garantoj. Ashtu si nuk besoj se as Besniku ka të bëjë diçka me këtë. Kjo është vetëm një montim i klikës së Destan Thaçit, bashkë me gjyqtarin Francesko Florit.

Express: Por policia ka kryer hetimet e brendshme ndaj kolonel Destan Thaçi dhe rezultatet tregojnë se ai nuk ka lidhje me këtë punë. Pse ju e besoni të kundërtën?

Ilir Qerimi: Nuk e di se si janë kryer hetimet apo në çfarë rrethanash janë bërë. Shpendi më ka treguar se ai (Destan Thaçi) është një kriminel shumë i fortë, i cili merr shume para nga Enver Sekiraqa, dhe e bën sigurimin e transportit nga Hani i Elezit deri në Prishtinë. Ne nuk kemi probleme personale me askënd, por kemi probleme me drejtësinë.

Express: Pse merr para nga Enver Sekiraqa, për çfarë?

Ilir Qerimi: Sekiraqa më së shumti e ka përdorur Thaçin për mbrojtje, në mënyrë që atij të mos i vendosen prangat, e të mos dalë para drejtësisë. Kam dëgjuar nga Shpendi se ai është kriminel shumë i fortë. Shpendi ka qenë agjent i mbuluar nga ana e ndërkombëtarëve. Ku kanë shkuar ato dokumente, nuk e di. Kam pasur rast t’i shikoj ato dokumente që u janë dhënë ndërkombëtarëve, por se kush i ka zhdukur dhe ku kanë përfunduar, nuk e di.

Express: Nëse Shpendi ka pasur gjithë ato prova, nuk i ka ruajtur asnjë prej tyre?

Ilir Qerimi: Ai e ka përmendur edhe në gjyq se ka incizimet me zë, ka fotografi, ka treguar se ku i ka dorëzuar, por se çfarë kanë bërë ndërkombëtarët me to nuk dihet.

Express: A i ka kërkuar gjykata ato dokumente nga KFOR-i?

Ilir Qerimi: Avokati ynë ka insistuar për këtë, por gjykatësi Francesko Florit ka treguar se nuk do drejtësi, por vetëm montime. Nuk i ka pranuar ato prova, dhe prokuroria i ka fshehur apo zhdukur. Besoj se KFOR-i amerikan duhet t’ia japë Policisë së Kosovës dhe gjykatës ato prova, që të zbardhet kjo çështje.

Express: Mbi çfarë marrëveshje Shpendi e ka furnizuar KFOR-in me informacione apo ka qenë punëtor i dyfishtë, edhe i policisë edhe i KFOR-it?

Ilir Qerimi: Nuk kisha më thënë se ka qenë punëtor i dyfishtë, por Shpendi ka qenë agjent i mbuluar. Nuk besoj se policia e ka ditur për Shpendin se punon edhe për KFOR-in. Me sa di unë për këtë ka qenë i informuar vetëm njësiti i quajtur QSB, i themeluar nga Steineri (ish-shefi i UNMIK-ut, Michael Steiner). Ai u ka dhënë informacione atyre dhe është marrë me zbulimin e krimeve nga zyrtarët e lartë të policisë. Informacionet e mbledhura ku përfshihen edhe të dhënat e Besnikut, Shpendi ia ka dorëzuar KFOR-it amerikan dhe Policisë ndërkombëtare. Nëse ka prova se vëllai im e ka bërë këtë, jo 25 por 100 vjet le ta dënojnë.
Gazeta expres

[Llapjani_HH]

Debëlldasit të pakënaqur me marrëveshjen e kufirit /video/

Marrëveshja e arritur mes Maqedonisë dhe Kosovës për shënimin e vijës kufitare nuk është mirëpritur nga banorët e fshatit Debëllde, të cilët pretendojnë se më të u merren 22 hektarë tokë ashtu sic parashihej edhe me marrëveshjen e vitit 2001 mes Maqedonisë dhe ish Republikës Federale të Jugosllavisë. Banorët thonë se kërkesat e tyre për kthimin e pronave dhe kompensimin e dëmeve që pësuan gjatë 9 viteve të kaluara janë injoruar nga autoritetet e të dyja vendeve.
“Çdo marrëveshje, viktimë po janë banorët lokal të Debedehit. Me marrëveshjen e 2001 drejtpërsëdrejti viktima më e madhe ka qenë fshati Debellde. Por lirishtë mund të them se edhe me këtë marrëveshjen e fundit sërish Debelldeja është viktime më 22 hektarë”, thotë Zemri Elezi, kryetar i Bashkësisë Vendore.
Edhe banorët e tjerë të Debëlldes shprehen të revoltuar nga marrëveshja për shënimin e vijës kufitare. Ata kanë pritur që me këtë marrëveshje të përmirësohet ajo që u është bërë gjatë 2001 me marrëveshjen mes Maqedonisë dhe Serbisë, por kanë mbetur të zhgënjyer
“Unë personalisht i kam 2 hektar tokë në Kodrën e Furës. Në pastë Thaçi tokë të veten le t’ia fal në Prishtinë ose ku ka lindur. E jo tokën time në Debellde që ma ka lanë gjyshi dhe babagjyshi jem. Po në qoftë nevoja do ta mbroj edhe me jetë”, kërcënohet Afrim Beqiri, banor i fshatit Debellde.
“Nuk janë në pyetje 22 hektarë, janë 69 hektarë. Rren kryeministri hashim Thaçi, thot janë 22 hekterë, 69 janë. Na a kemi shumë tokë që ti falim Maqedonisë,. Për çdo ekces që ndodh do ta bartin qeveria dhe ata nënshkrues që janë. Se ne nuk do të lejojmë të coptohen tokat tona ”, thotë Amdi Hasani, banor i fshatit Debellde.
“Ai që e ka qitë firmën për me u dhan tokat e fshatarëve të Debelldes, ai ka gabuar se na nuk kemi tokë me shit, nuk jem kundër kufijve, nuk jemi kundër shtetit Maqedonisë, nuk jemi kundër shtetit Shqipërisë, as Serbisë na kërkojmë miqësi me të gjithë, por nuk kemi tokë me i dhanë askujt, se këta banorë jetojnë këtu, nuk kanë tokë tjetër edhe nuk kanë vend tjetër, qëtu i ka fal zoti”, shprehet Sali Avdullahi, banor i fshatit Debellde.
Një ditë më parë parlamenti i Maqedonisë dhe ai i Kosovës miratuan ligjin për shënimin fizik të vijës kufitare mes Maqedonisë dhe Kosovës. Miratimi i këtij ligji hap rrugën për vendosjen e marrëdhënieve diplomatike mes këtyre dy vendeve. Krejt kjo pasoi një vit pas njohjes së Kosovës si shtet i pavarur nga ana e Maqedonisë.
http://alsat-m.tv/index.php/lajme/rajoni/19708.html <--video
ALSAT M

Kosova nuk tërhiqet nga ndërtimi i hidorcentralit në Llukovë

Edhe pse Fusha e Llukovës, pas shënimit të vijës kufitare i takoi Maqedonisë, Kosova nuk heq dorë nga ndërtimi hidrocentralit të përbashkët në këtë rajon.
Në linje telefonike për ALSAT, ministrja e Energjetikës dhe minierave në Qeverinë kosovare, Justina Pula Shiroka, tha se ekipe ekspertësh nga dy shtetet janë duke hartuar projektet për ndërtimin e hidrocentraleve të përbashkëta në zonat malore mes dy vendeve. Ministri i Ekonomisë Fatmir Besimi, tha se për çdo projekt energjetik në këtë rajon do të kërkohet leje edhe nga Shqipëria dhe Kosova për shkak se përdoren ujërat e maleve Sharr dhe Korab, të cilat vijnë edhe nga dy shtetet fqinjë.
“Vetë projekti i “Fushës së Llukovës" është një projekt i cili do të rritë kapacitet shfrytëzuese dhe kapacitetet e hidrocentraleve në Mavrovë dhe Vrutok, dhe gjithashtu ky projekt do të krijojë një mundësi për zhvillimin e turizmit në viset malore”, thotë Fatmir Besimi, ministër i Ekonomisë.
Ndërtimi i hidrocentralit në Fushën e Llukovës arrin vlerën prej 40 milion euro. Dy shtetet kanë paralajmëruar intensifikimin e investimeve kapitale në ndërtimin e linjave të tensionit të lartë 400 kilovoltësh, si dhe importimin e linjitit nga minierat kosovare në Maqedoni. Për fillimin e bashkëpunimit më intensiv në fushën e energjetikës, së shpejti do të firmoset memorandum për bashkëpunim.
ALSAT M

[Llapjani_HH]

Tash me malazezët

Me lëvizjen e njëanshme të kufirit nga Mali i Zi, 500 familje të pesë fshatrave kanë mbetur pa tokat e tyre. Ata paralajmërojnë tensione. Autoritetet në Prishtinë nuk presin probleme me malazezët. KFOR-i që ka përgjegjësi ruajtjen e kufijve të Kosovës, kërkon më shumë kohë të japë përgjigje se çfarë po ndodh.

Me zhvendosjen e kufirit në mënyrë të njëanshme nga Mali i Zi në dëm të Kosovës, në gjatësi prej gjashtë kilometrave, së paku 500 familje nga 21 fshatra të kësaj ane, humbin pronat e tyre.

Me këtë lëvizje të kufirit nga ana e autoriteteve malazeze, më të prekurat janë pesë fshatra, të cilave mund t’iu mbetet përgjithmonë toka në anën tjetër të kufirit.

Banorët e fshatrave Radavc, Alba e Madhe dhe e Vogël (ish-Jabllanica e Madhe dhe e Vogël), Fierza (ish-Novosella) dhe Lipa nuk do të kenë më arsye as të jetojnë në ato pjesë, pa pronat që kanë.

Mulla Sadri Zeka është përfaqësues i këtyre pesë fshatrave. Ai rrëfen se me këtë zhvendosje të kufirit, në rast se shkohet në një diagonale, atëherë përveç tokave të këtyre pesë fshatrave, në anën malazeze do të mbesin edhe pronat e së paku dhjetë fshatrave të Deçanit.

“Edhe varret i kemi në ato toka, edhe varret e dëshmorëve të luftës së fundit i kemi atje. Me këtë lëvizje, gjithçka mbetet andej”, thotë Zeka për Express.

Me ardhjen e trupave të NATO-s në Kosovë në vitin 1999, banorët tregojnë se ata janë vendosur në vendin ku është vendosur tabela me mbishkrimin ‘Mirë se vini në Mal të Zi’.
“Kjo zonë shpesh bllokohej nga bora dhe nuk e pastronte as Kosova dhe as Mali i Zi, sepse ishte shpallur si zonë neutrale”, thotë Rrahman Jashari, nga Shoqata e Vëllazërisë Kosovë-Malësi e Madhe “Marin Dreshaj”.

Ai tregon se mbishkrimi i autoriteteve malazeze është vendosur vetëm një kilometër larg doganës së Kosovës, ndërkohë që pika doganore e Malit të Zi, është gjashtë kilometra prapa tabelës.

Banorët janë ankuar dhe në vend të ngjarjes ka dalë edhe kryetari i Komunës së Pejës, Ali Berisha së bashku me Ahmet Hasin, komandantin e Policisë së Pejës.

“Ata kanë pasur konflikt verbal me policët malazezë, të cilët nuk kanë pranuar as të dëgjojnë për këtë çështje, pasi kanë thënë se me këtë punë merren qeveritë e shteteve, e jo kryetarët e komunave apo policia”, thotë një burim i gazetës, i afërt me këtë takim.

Zëdhënësi i Qeverisë, Memli Krasniqi, thotë se demarkacioni me Malin e Zi duhet të ndodhë së shpejti, pa e precizuar se kur pritet të ndodhë kjo.

“Qeveria e Kosovës do të formojë Grupin për demarkacion me Malin e Zi në momentin që dy shtetet merren vesh për këtë çështje”, thotë Krasniqi.

Sipas tij, Kosova dhe Mali i Zi kanë raporte të mira dhe ka marrëveshje që në një të ardhme të afërt të vendosen marrëdhëniet ndërshtetërore dhe të fillohet me shënimin e vijës kufitare.

“Nuk presim probleme për shënimin e vijës kufitare me shtetin fqinj. Janë ekspertët e dy shteteve ata që në bazë të dokumentacionit dhe shënimeve do të përcaktojnë vijën kufitare. Ne nuk presim të ketë probleme”, ka sqaruar Memli Krasniqi, zëdhënës i Qeverisë së Kosovës.

Kufijtë e vendit sigurohen nga trupat e KFOR-it, të cilët, sipas banorëve të kësaj ane, vetëm patrullojnë nganjëherë në këtë pjesë, por nuk ndalen.

Por zyrtarë të KFOR-it nuk pranojnë të japin ndonjë përgjigje në lidhje me këtë çështje. “Neve na nevojitet më shumë kohë që t’iu përgjigjemi pyetjeve tuaja”, thonë zyrtarët për informim të KFOR-it në Prishtinë.

Ndërkohë, për këtë lëvizje të kufirit, mbi 200 banorë të 21 fshatrave nga komuna e Pejës dhe Deçanit, në shenjë revolte kanë bllokuar të hënën në mesditë magjistralen që shpie në pikën kufitare në Kullë të Pejës.

Ky problem ka filluar vetëm dy ditë pasi Kosova ka arritur marrëveshjen me Maqedoninë në lidhje me përcaktimin e vijës kufitare.
Gazeta expres

[Llapjani_HH]

Përleshje fizike mes simpatizantëve të PDK dhe PSK

Prishtinë, 22 tetor - Koalicioni i OJQ ve vendore "Demokracia në veprim" reagon ndaj incidenteve të regjistruara nga monitoruesit e këtij koalicioni. Sipas monitorueseve të vet, dje rreth 19:30, në fshatin Biti e Epërme, ka ndodhur një përleshje fizike në mes të simpatizantëve të Partisë Demokratike të Kosovës (PDK) dhe Partisë Socialiste të Kosovës (PSK) e cila ka ndodhur si pasojë e zënkës në lidhje me vendosjen e posterëve të këtyre dy partive politike. Incidenti tjetër ka ndodhur të martën (20 tetor) afër Shtëpisë së Kulturës në Kaçanik, gjatë kohës kur është mbajtur tubimi i Partisë Demokratike të Kosovës (PDK), simpatizuesit e së cilës janë provokuar nga disa persona të panjohur, me ç'rast ka ndodhur një përleshje fizike në mes të simpatizuesve të PDK së dhe këtyre personave. Këto dy incidente, ndonëse të lokalizuara dhe pa pasoja të mëdha, i qesin hije të keqe procesit parazgjedhor që është duke u zhvilluar. Me këtë rast, Koalicioni i OJQ ve "Demokracia në veprim" apelon tek partitë politike që në tubimet e tyre elektorale si dhe në konferencat për media t'u bëjnë thirrje simpatizuesve të tyre që të mos angazhohen në aktivitete të dhunshme dhe të bëjnë një anim të drejtë dhe të qetë.
QIK-u

[Oqeani]

GJYQI ISHTE SOT I MBYLLUR

Trupi Gjykues, në Gjyqin e Qarkut në Beograd mori vendim që gjyqi kundër nëntë, përkatësisht shtatëmbëdhjetë shqiptarëve të Luginës së Preshevës, të akuzuar për krime lufte ndaj serbëve dhe joshqiptarëve të tjerë të vazhdojë sot me dëgjimin e dëshmitarëve jashtë syve të opinionit, pra i mbyllur.
Edhe pse dy dëshmitaret e mbrojtura C1 dhe C2, rome nga Gjilani, nga ana e kësaj gjykate më herët ishin refuzuar për dëshmitë e tyre të mundshme ato megjithatë papritmas dje u paralajmëruan për të dhënë “dëshmitë” e tyre dhe me kërkesën e palës mbrojtëse për shtyerje njëditëshe njëra prej tyre (C1) sot doli para trupit gjykues.
Informatat flasin se ajo doli dëshmitare e montuar dhe se gjatë ditës së sotme çdo fjalë e saj ka dalë huq.
Nesër është paralamëruar se do të përmbyllet me këtë dëshmitare dhe se do të vazhdohet me dëshmitaren tjetër të mbrojtur C2.

[Llapjani_HH]

Demarkacioni i (pa) kontestueshëm Kosovë - Mali i Zi



http://gdb.rferl.org/A6204E1C-F750-4C4E-B9EC-C9E2B46AE046_w393_s.jpg

Hartë e publikuar nga Lëvizja Vetëvendosje



Ende pa nisur bisedimet për demarkacionin e kufirit me Malin e Zi, Lëvizja Vetëvendosje thotë se Kosovës do t’i merren të paktën 6,600 hektarë tokë. Autoritetet nuk komentojnë shifrat.

Gjashtëmijegjashtëqind deri në shtatëmijenjëqind hektarë të territorit të Kosovës, sipas Lëvizjes Vetëvendosje, mund t’i kalojnë Malit të Zi. Sipas “Vetëvendosjes”, ky do të ishte një ndryshim i kufijve të përcaktuar në Kushtetutën e vitit 1974.

Aktivisti Liburn Aliu tregon vendet në të cilat, sipas tij, është dëmtuar Kosova.

“Në vitet e 90-ta, kufiri është lëvizur deri në pjesën që përfshin pjesën mbi Liqenat dhe malin e Liqenatit komplet në territorin e Kosovës dhe si kufi ka qenë lumi Bjelluha. Tash, me Marrëveshjen e Kumanovës, Kosova i humb 3,700 hektarë të tjerë. Pra, për 2,900 bëhej fjalë pas viteve të 90-ta dhe pastaj 3,700 hektarë të tjerë”, thotë Aliu.

Por, për Qeverinë e Kosovës, shënimi i vijës kufitare me Malin e Zi është i lehtë. Zëdhënësi Memli Krasniqi nuk parasheh probleme siç kishte në rastin me Maqedoninë.

“Ne nuk kemi asnjë çështje kontestuese me Malin e Zi sa i përket demarkacionit. Ky është një proces teknik, i cili do të përcaktohet pas caktimit të një afati kohor me pajtimin e të dyja palëve”, thotë Krasniqi.

Në Planin e Ahtisarit, çështja e kufirit me vendet fqinje, përveç me Maqedoninë, parashihet të zgjidhet duke marrë parasysh “vijën kufitare të Krahinës Socialiste Autonome të Kosovës brenda Republikës Socialiste Federative të Jugosllavisë, ashtu siç kanë qenë këto vija kufitare më 31 dhjetor, 1988”.

Drejtori i Policisë Kufitare, Behar Selimi, i cili ka qenë anëtar i Komisionit për demarkacion me Maqedoninë, thotë se është herët të flitet për shifra. Pa u shënuar kufiri, sipas tij, nuk mund të përcaktohet qartë se cili territor kujt i takon. Por, ai pranon se ka shqetësime të banorëve.

Sidoqoftë, deri më tash, sipas Selimit, me Malin e Zi vazhdon të respektohet vija administrative, e përcaktuar me Kushtetutën e vitit 1974.

“Me Malin e Zi akoma nuk është shënuar fizikisht vija e kufirit. Me Malin e Zi vazhdon të respektohet vija e dikurshme administrative”, pohon Selimi.

Por, frika e mosrespektimit të Kushtetutës së 1974-ës ka alarmuar banorët e brezit kufitar dhe Lëvizjen Vetëvendosje. Drejtuesi i kësaj lëvizjeje, Albin Kurti, është i bindur se Marrëveshja e Kumanovës, që, sipas tij, dëmton për mijëra hektarë Kosovën, do të dominojë mbi Planin e Ahtisarit.

“Ajo që na bën neve të besojmë se harta e Marrëveshjes së Kumanovës po e dominon hartën e Kushtetutës së vitit 1974, është situata në terren. Pra, policia serbe në Karaçevë, policia malazeze në Bjeshkët e Rugovës po zbret në terren të Kosovës, në kundërshtim me Kushtetutën e 1974-ës”, thekson Kurti.

Në anën tjetër, autoritetet malazeze kanë konfirmuar se nuk kanë pretendime territoriale ndaj Kosovës.

“Mali i Zi udhëheq një politikë të mençur diplomatike. Mali i Zi nuk ka pretendime as tash, e as që ka pasur në të kaluarën dhe është e qartë se këto çështje dhe mosmarrëveshje eventuale do t’i zgjidhin ministritë tona të Punëve të Jashtme”, ka thënë ditë më parë në Prishtinë, drejtori i Policisë së Malit të Zi, Veselin Veloviq.

Megjithatë, insistimi i Veloviqit se shenja lajmëruese “Mirë se vini në Mal të Zi”, e vënë para pak kohësh nga autoritetet malazeze, gjendet në territorin malazez, e komplikon situatën.

“Tabela gjendet në territorin e Malit të Zi. Këto janë hapësira kadastarale administrative të territorit të Malit të Zi”, pati thënë Veloviq.

Banorët e brezit kufitar kanë protestuar, duke thënë se kjo tabelë gjendet 5 kilometra brenda territorit të Kosovës. Ndërkaq, kjo deklaratë e ka habitur edhe drejtorin e Policisë Kufitare, Behar Selimi. Ai thotë se tabela mbase mund të jetë edhe në territorin e Kosovës.

“Sidoqoftë, kolegu nga Mali i Zi e kishte mendimin bazuar në disa të dhëna kadastrale, se shenja është në territorin e Republikës së Malit të Zi. Ndërkaq, të dhënat tona që i kemi kadastrale, flasin se kjo mund të jetë ndryshe, domethënë mund të jetë edhe në territorin e Republikës së Kosovës”, thotë Selimi.

Megjithëse Qeveria e Kosovës nuk parasheh konteste kufitare me Malin e Zi, Behar Selimi nuk mendon se demarkacioni do të jetë i lehtë.

“Ndonëse do të kishim dëshirë të jetë i lehtë, demarkacioni i vijës kufitare me Malin e Zi nuk do të jetë as i lehtë e as i shpejtë. Megjithatë, shqetësimet se kjo punë nuk është kryer, nuk qëndrojnë, sepse ajo ende nuk ka filluar”, thekson Selimi.

Ditë më parë, Kosova ratifikoi marrëveshjen për demarkacion me Maqedoninë, pas muaj të tërë negociatash. Edhe me këtë marrëveshje, jo të gjithë kanë mbetur të kënaqur, meqë banorët e fshatit kufitar Debëllde vazhdojnë të insistojnë se janë dëmtuar, meqë pronat e tyre kanë kaluar në territorin maqedonas.
Radio Evropa e Lirë

Gruevski: Ligj për ish ushtarët e UÇK-së, është spekulim!


Kryeministri Nikolla Gruevskli i ka quajtur spekulime deklaratat se po përgatitet një ligj i posaçëm për ish ushtarët e UÇK dhe invalidët e luftës dhe se për ta do të ketë përfitime. Ndërsa, zëvendësministri i Punës dhe Politikës Sociale ka mohuar formimin e grupeve të punës për përgatitjen e një ligji të posaçëm për këtë kategori. Këto komente u bën në seancën parlamentare ku u shtruan pyetjet e deputetëve për anëtarët e kabinetit Gruevski.
“Sa i përket akuzave dhe spekulimeve se do të japim të drejta speciale, ligje të reja etj. etj. për pjesëtarët e të ashtuquajturës UÇK edhe njëherë do të përsëris atë që tha edhe zëvendësministri i Punës dhe Politikës Sociale, se ato janë të pavërteta dhe spekulime”, theksoi Gruevski.
ALSAT M

Aksione policore në Kumanovë, bastisje dhe arrestime


Në një aksion të policisë, në qytetin e Kumanovës, në disa familje, nën dyshimin për kryerjen e veprave të rënda penale, janë arrestuar disa persona. Jo zyrtarisht mësohet se në këtë aksion janë arrestuar rreth 10 persona në disa vende të ndryshme.

Femi Latifi nga Kumanova, vëllai i njërit prej të arrestuarve, rrëfen për ALSAT se policia ka hyrë në shtëpi me forcë.

“Aty ka ora 4:30 jam zgjuar prej gjumit, kur dikush, jo me trokit, por ka filluar ti thyejë dyert. Kur kam dalë ashtu i shqetësuar, kur i pashë njësitë speciale, menjëherë me automatikë mu kanë drejtuar - duart lart edhe mi kanë lidhur duart, më kanë lënë në oborr shtrirë. Më pas kanë hipur lartë edhe pse fëmijët kanë qenë në gjumë dhe kanë bërë kontroll. Ajo që është për shqetësim është se nuk e di pse kanë hyrë, nuk kanë paraqitur kurrfarë arsyetimi, fëmijët mi kanë traumatizuar. Ajo që është më kryesorja se nuk kanë gjetur as armë e as asgjë”, theksoi Femi Latifi – familjar i të arrestuarve.

Për shkak të aksionit të zgjeruar, nga MPB-ja thonë se detaje do të japin nesër. Ndërsa për ALSAT vërtetojnë se kanë arritur të arrestojnë disa persona. “Në disa vende në Kumanovë dhe rrethinë nën dyshimin për kryerjen e veprave të rënda penale, janë arrestuar disa persona. Gjatë aksioneve policia ka arritur të sekuestrojë mjete të cilat do të dërgohen për ekspertizë dhe të cilat mund të përdoren për të dëshmuar veprën e kryer, thuhet nga MPB-ja.
ALSAT M

[AlbaSoft]

Studentët turq gjuajnë me vezë ambasadorin izraelit
Policia turke dje arrestoi rreth 20 studentë pasi ata hodhën vezë në makinën e ambasadorit izraelit.

http://www.mesazhi.com/images/news/14167.jpg



Studentët po protestonin kundër sulmeve të Izraelit mbi palestinezët, duke e detyruar ambasadorin ta anulojë vizitën në atë universitet.
Protesta u zhvillua para Universitetit të Prabzonit në Detin i Zi, me të arritur të ambasadorit Gabi Levy me makinën e tij.

Televizioni turk shfaqi studentët duke brohoritur "Izraeli është vrasës."

Përktheu: Abdullah Obërtinca


Burim i lajmit

http://www.mesazhi.com/news_detail.php?id=16140

[admin]

AlbaSoft a i ke lexu regullat mire ?!

ne titull mos ben reklam mjafton te caktohet burimi

tung

[Oqeani]

TË BURGOSURIT VIZITOHEN NGA LKSH-ja

Lëvizja Kombëtare Shqiptare vizitoi sot në burgun qendëror të Beogradit nëntë të burgosurit shqiptarë, të gjithë nga Presheva, të kidnapuar më 26 Dhjetor 2008 nga ana e xhandarmërisë serbe.
Në delegacionin e LKSH-së ishin Kryetari i saj Orhan Rexhepi pastaj Alifet Nuredini i cili gjithashtu është edhe këshilltarë në Kuvendin komunal të Preshevës si dhe Aktivisti i denjë i këtij subjekti Selami Memishi.
U vërejt qartë se Agush Memishi, Faton Hajdari, Ahmet Hasani, Nazif Hasani, Samet Hajdari, Ferat Hajdari, Kamber Sahiti, Selimon Sadiku dhe Burim Fazliu tashmë ishin rikuperuar krejtësisht nga pasojat e veprimeve brutale të ushtruara nga ana e organeve përkatëse serbe. ATA tashmë kanë besim të plotë në vendosmërinë e tyre, besim të plotë se drejtësia megjithatë do të dale në shesh, sepse thjeshtë JANË TOTALISHT TË PAFAJSHËM.
Koordinimi i deritashëm i tyre perfekt me Avokatët mbrojtës gjatë procesit gjyqësor tregon qartë se në ç’drejtim po ecin punët. Atyre iu tha se vetëm duhet të vazhdojnë mënyrën e procesuimit të deritashëm të mbrojtjes dhe se shumë lehtë mund të dalë e vërteta në sipërfaqe mu ashtu siq doli me gjashtë dëshmitarët e pare të përzgjedhur nga ana e Prokurorisë serbe.

ATA PËRSHËNDETËN TË GJITHË NJERËZIT E MIRË TË LUGINËS SË PRESHEVËS . . .

[Llapjani_HH]

Shembet tuneli i Thirrës, punëtorët: Kemi frikë


KUKES- Shembja masive të dy netëve më parë në tunelin e bllokuar të Thirrës në Kalimash, ka bërë që masive të mëdha gurësh e dherash të mbulojnë një gjatësi prej dhjetëra metrash linearë, ndërkohë që punëtorët e turnit kanë mundur të largohen duke evituar një tragjedi të rëndë.

Shembja është konfirmuar nga vetë punëtorët të cilët janë ndodhur brenda në tunel por që fatmirësisht nuk janë dëmtuar.

Një prej punonjësve rrëfen për tv NEWS24 se shembjet kishin nisur më 5 nëntor dhe se vetë përgjegjësi i firmës kishte kontaktuar me ta për ti informuar për shembjen duke i paralajmëruar për rrezikun.

Sipas punëtorëve shembja ndodhi në kilometrin e dytë të hyrjes së tunelit të Thirrës, duke krijuar përshtypjen e një tërmeti disaballësh. Gurë e dhera të shkëputura nga masivi i malit ishin shtrirë në një sipërfaqe prej afro 80 metrash linearë

Gjatë prononcimit punëtori nuk pranon të japë as emër dhe as të dalë me fytyrë para kamerave. Ai ka frikë të hyjë sërish në tunel për të punuar, por ka 5 fëmijë që e presin në shtëpi për tu ushqyer.

"Kemi frikë. Nuk mund të hyjmë më. Por kam pesë kalamaj për të rritur”- thotë punëtori për mikrofonin e NEWS24.

Ndërkohë, firma ndërtuese, “Bechtel-Enka” e quan këtë ngjarje si “rënie masivi shkëmbor si pasojë e fenomeneve gjeologjike të tokës”, pasojë e së cilës “nuk ka sjellë dëme në njerëz e makineri”. Që nga momenti i incidentit të rëndë, tuneli është i bllokuar dhe ruhet në të dy anët nga forca të policisë.

Tuneli i Kalimashit u përurua në prag të zgjedhjeve parlamentare të qershorit nga kryeministri Berisha. Pak kohë më parë me urdhër të ministrit të Transporteve tuneli është mbyllur për një periudhë pa afat.
BalkanWeb

[Llapjani_HH]

Hidrocentrali, Maqedonia përjashton Kosovën


Maqedonia ka përjashtuar Kosovën nga projekti për ndërtimin e hidrocentralit në Lukovo Pole, duke vendosur që këtë projekt ta realizojë e vetme.

Lajmin e bëjnë të ditur mediat maqedonase, sipas të cilave vendimi u mor pasi me shënimin e vijës kufitare, zona ku do të ndërtohet hidrocentrali i ka kaluar plotësisht Maqedonisë.

Drejtori i ndërmarrjes elektroenergjetike maqedonase, Vllatko Cingovski ka refuzuar të përmendë marrëveshjet e nënshkruara mes dy vendeve, duke theksuar se projekti do të realizohet me investime nga ELEM dhe nëpërmjet kredive.
Telegrafi


Kur do të nisë ndërtimi i autostradës?


Me gjithë premtimet e Qeverisë se autostrada Morinë-Prishtinë-Merdar do nisë këtë vit, proceset për ndërtimin e saj po vonohen. Sipas zyrtarëve të Ministrisë së Transportit dhe Postë-Telekomunikacionit, këtë vit mund të bëhet vetëm përzgjedhja e kompanisë fituese, ndërkaq në fillim të vitit të ardhshëm pritet të nisë ndërtimi i autostradës së parë kosovare.

Autostrada Morinë-Prishtinë-Merdar nuk do të fillojë të ndërtohet këtë muaj, ashtu siç ishte paralajmëruar, por një gjë e tillë mund të ndodhë tek në vitin tjetër.

Kështu thotë Xhevdet Pozhari, zëdhënës në Ministrinë e Transportit dhe Postë-Telekomunikacionit, duke shtuar se gjatë këtij viti mund të bëhet vetëm përzgjedhja e kompanisë fituese.

Nga 30 kompani, sa kanë qenë konkurrente për këtë projekt, në listën e ngushtë janë përzgjedhur shtatë prej tyre.

“Presim që përzgjedhja të ndodhë në muajin dhjetor, të shpallet edhe kompania fituese nga shtatë kompanitë që janë në listën e ngushtë. Ato janë kompani shumë serioze, që janë të dëshmuara me punën e tyre dhe do të shpallet ajo që do t’i përmbushë të gjitha kriteret”, thotë Pozhari.

Mirëpo, se kur do të fillojë të ndërtohet autostrada Morinë-Merdarë , e cila direkt lidh Kosovën me bregdetin shqiptar, Xhevdet Pozhari shpjegon:

“Në këtë rast, s’ka dyshim që menjëherë pas 30 ditësh, posa të shpallet fituesi, kompania fituese do t’i fillojë edhe punimet në këtë autostradë”.

Autostrada e parë kosovare Morinë-Prishtinë-Merdar, ka një gjatësi prej 117 kilometrash dhe është një komponent kyç i rrjetit ballkanik të transportit, që lidh Evropën juglindore me bregdetin e Shqipërisë.

Traseja e autostradës, sipas MTPT-së, parashihet të kalojë në tetë komuna dhe me asfalt do të mbulohen 1062 hektarë tokë.

Por, nga kjo ministri mbetet ende e paqartë se sa është kostoja përfundimtare e këtij projekti.

Xhevdet Pozhari shpjegon se kostoja e këtij projekti do të dihet kur të bëhet publike kompania që do ta ndërtojë këtë autostradë.

“Faktikisht, kostoja do të bëhet e ditur pasi që të shpallet kompania. Një kosto ekziston, mirëpo varet edhe se çfarë ofrojnë kompanitë, të cilat janë konkurrente”.

“Ju, tashmë jeni të informuar se kompania duhet t’i përmbushë 50 për qind të kritereve financiare, që do të thotë çmim më të favorshëm, si dhe 50 për qind të kritereve teknike”, sqaron Pozhari.

Deri më tani janë dhënë disa versione të kostos së kësaj rruge, që kapin shifrat nga 650 milionë deri në mbi një miliard euro.

Në anën tjetër, ekspertë për çështje ekonomike, thonë se kur janë shpallur kompanitë konkurrente për ndërtim, është dashur të dihet edhe çmimi i kësaj rruge.

Muhamet Sadiku, profesor në Universitetin e Prishtinës, thotë se mospublikimi i kostos, tregon mungesën e përvojës për organizimin dhe menaxhimin e një projekti të madh.

“Bërja e studimit të fizibilitetit është shumë i rëndësishëm dhe pjesë përbërëse e këtij fizibiliteti është dashur të jetë edhe kostoja e kësaj autostrade. Unë, me sa di, qeveria disa herë është deklaruar se ka një studim të tillë. Por, unë besoj se opinioni ka nevojë të njihet me detajet e studimit, nëse është bërë”, shprehet Sadiku.

Problem tjetër në këtë segment mbetet edhe shpronësimi i tokave private, edhe pse zyrtarë qeveritarë kanë deklaruar se procedurat e shpronësimit të tokave të rreth 600 pronarëve, nëpër të cilat pritet të kalojë autostrada, tashmë kanë filluar.
Radio Evropa e Lirë

Priten arrestime për afera korruptive


Zyrtarë të Agjencisë Kosovare Kundër Korrupsionit thonë se janë në pritje të vendimeve nga misioni i EULEX-it, për arrestimin e disa zyrtarëve të lartë në Kosovë, të cilët dyshohen se janë të përfshirë në afera korruptive.


Agjencia Kosovare Kundër Korrupsionit bën të ditur se janë rreth 40 raste, të cilat janë paraqitur te prokurorët e misionit për forcimin e sundimit të ligjit në Kosovë.

Mentor Borovci, nga departamenti i hetimeve në këtë agjenci, thotë se pas shqyrtimit të rasteve nga prokurorët ndërkombëtarë, priten edhe rezultatet e para në luftën kundër korrupsionit.

Deklarata e Borovcit vjen pas paralajmërimeve të zyrtarëve të EULEX-it për arrestimin e figurave të mëdha, të përfshira në afera korruptive, në dy muajt e ardhshëm.

“Janë rreth dyzet raste që i kemi proceduar në EULEX. Natyra e këtyre rasteve, është shumë ‘e ndjeshme’, ashtu siç i quajmë ne. Rastet e zakonshme ne i dërgojmë në prokurori të qarkut, varësisht nga kompetenca e territoriale që kanë”.

“Vlerësojmë se është prokuroria e EULEX-it ajo që mund t’i trajtojë në mënyrën se si duhet të trajtohen. Ne shpresojmë që do të ketë lëvizje pozitive në këtë drejtim”, thotë Borovci.

Borovci shpjegon se, krahas këtyre rasteve të ndjeshme, të cilat janë marrë në shqyrtim nga EULEX-i, në prokuroritë e tjera të vendit janë edhe rreth 150 raste të tjera të dyshuara për korrupsion.

“Janë rreth 150 raste që i kemi dërguar në prokuroritë gjegjëse, qoftë në prokurorinë në nivel qendror, qoftë në prokuroritë e qarkut, varësisht prej kompetencës territoriale. Aspektet statistikore janë çështje që ndryshojnë nga dita në ditë, varësisht nga dinamika e punës”, sqaron Borovci.

Këtë informatë e konfirmon për Radion Evropa e Lirë kryeprokurori publik i Prishtinës, Osman Kryeziu, i cili shpjegon se prokurorët kosovarë janë duke punuar për verifikimin e informatave të dhëna nga Agjencia Kosovare Kundër Korrupsionit për rastet e dyshuara që janë paraqitur në institucionet e tyre.

“Normalisht që janë duke punuar në atë drejtim. Të gjitha fletëparaqitjet janë që kanë të bëjnë me krimet ekonomike. Janë informata paraprake dhe është duke u punuar në atë drejtim. Prokurorët e kanë regjistrin, në të cilin po punohet. Dhe, nga viti në vit janë diku rreth 20 -30 raste”, thotë Kryeziu.

Kritikat e mëhershme për vonesa në gjykimin e personave të përfshirë në afera korruptive, Kryeziu i cilëson si të pabaza duke shtuar se për secilin rast të dyshuar duhet të ketë informata të verifikuara mirë.

“Janë duke u punuar; ne akoma asnjë akuzë nuk e kemi ngritur, sepse janë në polici dhe duhet të merren informatat paraprake”, tha Kryeziu.

Para pak ditësh kryeprokurori i Kosovës, Himli Zhitia, ka bërë të ditur se edhe në sistemin e gjyqësisë ka dyshime për korrupsion dhe se për ketë qëllim ka hetime në procedurë.

Siç ka thënë ai, bëhet fjalë për rreth 50 raste të përfshira në afera korruptive.

Ndryshe, në raportin e fundit të Komisionit Evropian për Kosovën është thënë se nuk ka luftë të mjaftueshme ndaj korrupsionit dhe krimit të organizuar.
Radio Evropa e Lirë

[Llapjani_HH]

Në buxhetin e 2010-tës, asnjë denar për statusin e UÇK-së


Megjithë paralajmërimet për zgjidhjen brenda këtij viti të statusit të ish pjesëtarët e UÇK-së, Alsat mëson se në propozim buxhetin për vitin 2010, asnjë denar nuk është parashikuar për këtë çështje.
Statusi i kësaj kategorie qytetarësh, duket se është i destinuar të vazhdoj të mbetet pa zgjidhje.

Partia shqiptare në qeveri, arsyetohet dhe thotë se mjetet për këtë çështje nuk parashikohen në projekt buxhet, të paktën për aq kohë sa statusi i ish pjesëtarëve të UÇK-së nuk është zgjidhur së pari ligjërisht.

Megjithatë askush nga funksionarët e lartë të kësaj partie nuk deshi të prononcohej dhe të sqaronte mediat, se si do të gjejë zgjidhje kjo çështje.

Premtimet e BDI-së për këtë çështje, u frenuan edhe nga kryeministri Gruevski pak ditë më parë, kur tha se nuk kishte të drejta të veçanta apo pensioni për ish pjesëtarët e UCK-së.

Më herët u fol se grupe pune të partive në pushtet, BDI-së dhe VMRO DPMNE-së po punonin për harmonizimin e një zgjidhje adekuate, gjithmonë, në kuadër të ligjeve ekzistuese. Por, Gruevski hodhi poshtë edhe ndryshime ligjesh.
ALSAT M

[Llapjani_HH]

Gruevski respekton Jadrankën, nënçmoi Hysenin


Kryeministri i Maqedonisë vazhdon retorikën e tij anti-shqiptare duke u munduar që sa më shumë t'i nënçmoj shqiptarët.

Kryeministri i Maqedonisë, Nikolla Gruevski nuk i trajton njëjtë delegacionet e ndryshme shtetërore që vizitojnë Shkupin. Ai vazhdon retorikën e tij anti-shqiptare duke u munduar që sa më shumë t'i nënçmoj ata.

Përderisa Gruevski nuk deshi dhe nuk lejoi që të fotografohet me ministrin e punëve të jashtme të Kosovës, Skënder Hyseni gjatë vizitës së tij të fundit në Shkup, ai ka dërguar fotoreporterë dhe kameramanë special që nga aeroporti i Shkupit ta presin kryeministren e Kroacisë, Jadranka Kosor.

Gjithashtu në protokollin e saj, qeveria këtë pritje e ka vlerësuar të nivelit më të lartë, ku janë paraparë të gjitha nderimet shtetërore.

Analistët këtë veprim të kryeministrit e shohin si normale në politikën që ai e udhëheqë deri më tani. "Personalisht asgjë nuk më habitë nga Gruevski. Të pyesësh se pse Gruevski sillet në këtë mënyrë, është njëjtë sikur dikush të tentojë sërish ta shpik ujin e nxehtë. Madje po të mos ishte presioni nga jashtë, Gruevski nuk do të takohej me askënd. Por fatmirësisht politika e tij shpesh duhet t'i nënshtrohet presionit nga jashtë dhe si rrjedhojë e kësaj ai detyrimisht zhvillon takime me homologët e tij", tha Ismail Sinani, analist.

Sipas tij, Gruevski egocentrizmin e vet e shpreh edhe në takimet me të huajt. "Kur ai mendon se mund t'i rrënohet rejtingu politik ndaj të cilit është i lidhur jetësisht, takohet me diplomatët e huaj vetëm sa për sy e faqe. Dhe kjo më së miri u vërejt në takimin e fundit që pati me shefin e diplomacisë kosovare z.Skënder Hyseni. Po të kishte pasur mundësi as që do t'i ftonte mediat ta ndiqni atë zhvillim politik-diplomatik", tha Sinani.

Në takimet e tilla të niveleve më të larta shtetërore, shtrohet tapeti i kuq, këndohen himnet e dy shteteve, renditet garda shtetërore dhe bëhen të gjitha nderimet më të larta. "Kjo mënyrë delitante bëhet me qëllim që marrëdhëniet e Maqedonisë dhe partisë së tij, me Kosovën dhe Shqipërinë të mbeten nën hije, të mos kenë publicitet, duke menduar se me këtë do ta humb përkrahjen që e ka te popullata maqedonase. Ai e din që zhvillimi i kontakteve intensive me dy shtet shqiptare te maqedonasit nuk shihet me simpati", tha Naser Zyberi, ish-deputet.

Ai ka veçuar se Gruevski në veçanti ndaj Kosovës mban marrëdhënie sa më të ngurta për ta ruajtur miqësinë me Beogradin. "Trajtimi nënçmues që iu bë presidentit Sejdiu, si dhe rasti me ministrin Hyseni, janë në dëm të vet Maqedonisë. Në një farë mënyrë ai dëshiron Serbisë t'i tregon se ne e kemi njohur Kosovën sepse ishim të detyruar", tha Zyberi.

Për analistin Ismail Sinani do të vijë dita, kur kjo sjellje e Gruevsit, do t'i hakmerret shumë keq Shkupit zyrtar. "Shikoni se sa vizita realizon Gruevski jashtë vendit. Për tre vjet sa gjendet në pushtet, vizitat jashtë vendit mund t'i numërohen me gishta", tha Sinani.

Ndërkaq, Naser Zyberi ka kërkuar nga partia politike shqiptare në pushtet që të jetë më këmbëngulëse në kërkesat e tyre dhe mos të lejojë një sjellje të pahijshme të Gruevskit nga personaliteteve shqiptare.

Si të veprojnë shqiptarët!

"Në Shqipëri mendoj se mund të diskutohet kjo çështje. Eventualisht Shqipëria të vendoset në raport të reciprocitetit, ndërsa Kosova ende nuk është në situatë për t'u sjellë në atë mënyrë, pasi ngecë procesi për inkuadrim në NATO dhe BE. Kosovarët e hetojnë këtë dhe ju mirë e dini se cili ishte reagimi i Sejdiut kur iu bë një nënçmim i tillë nga pala maqedonase", tha Naser Zyberi. /Lajmpress/
Mesazhi.com

Aeroporti i Prishtinës, me koncesion, por nuk do të gabohet si Shqipëria


Prej më shumë se 6 muajsh, qeveria e Kosovës ka vendosur të japë me koncesionin aeroportin e Prishtinës, të vetmin dhe ndërkombëtar. Edhe pse me fitime të konsiderueshme, pala kosovare e shikon të arsyeshme dhënien me koncesion një kompanie private, si mundësi e mirë për të zgjeruar transportin ajror dhe zhvillimin ekonomik të vendit.

Agron Mustafa, drejtori i aeroportit, tregon për "Shqip" ecurinë e procesit të tenderit, i cili po shkon shumë mirë. Duke folur për koncesionin e aeroportit të Tiranës, "Nënë Tereza", Mustafa thotë se e njeh mirë, madje do të jetë më i kujdesshëm që të mos përsëritet "e drejta ekskluzive".

"Kritika më e zëshme apo që më së shumti është përmendur pas përfundimit të procesit, çka konsiderohet edhe një prej problemeve më të mëdha të vetë procesit, me ndikim edhe për zhvillimin potencial të zonave tjera të Shqipërisë, veçmas atyre turistike, është ekskluziviteti i fluturimeve ndërkombëtare që ju garantua operatorit të TIA. Ky ekskluzivitet e bën të pamundur ndërtimin dhe operimin e ndonjë aeroporti tjetër brenda Shqipërisë për fluturime ndërkombëtare", tha Mustafa. Megjithatë, ai shton se para koncesionit, Aeroporti i Rinasit nuk ishte në gjendje të mirë, duke detyruar palët të vendosin kushte.

"Gjendja në të cilën gjendej TIA para koncesionimit, ka qenë një gjendje e mjerueshme. Kjo gjendje pa dyshim edhe ka mundur të diktojë disa nga kushtet e kontratës me operatorin privat, çka ne në Kosovë nuk e kemi të njëjtën situatë, ANP është në një gjendje tërësisht tjetër, apo më mirë të them në një gjendje shumë të mirë dhe stabël", shpjegon për gazetën drejtori i Aeroportit të Prishtinës.

Mustafa ngre një tjetër problem në raport me palën shqiptare, sa i takon taksës së kalimit Prishtinë-Tiranë. Me fillim të vitit 2009, autoritetet kosovare vendosën të heqin në tërësi taksën aeroportuale në shumë prej 20.53 eurosh për të gjithë pasagjerët e linjës Prishtinë-Tiranë. Kjo taksë u hoq me qëllim uljen e kostos së biletave dhe rritjen e fluksit të udhëtarëve.

"Një hap i tillë pritej edhe nga autoritetet shqiptare, por në vend të një veprimi të njëjtë sikurse ne që morëm në Kosovë, autoritetet shqiptare vendosën një taksë të re për kalim kufiri, e cila është ende në fuqi dhe me sa kujtoj është në shumë prej 10 eurosh", tregon Mustafa, i cili shton se taksa 10 euro mblidhet nga TIA për llogari të buxhetit të shtetit shqiptar.

Sipas tij, nga Aeroporti Ndërkombëtar i Tiranës nuk pati asnjë lëvizje në këtë drejtim. "Me fjalë të tjera, mungoi vullneti nga ana shqiptare për ndërmarrjen e hapave në zbritjen e tarifave në mes Shqipërisë dhe Kosovës", thotë shefi i aeroportit të Kosovës.

Aeroporti i Kosovës e hoqi taksën 20.53 euro, por nga pala shqiptare nuk u ndoq i njëjti shembull, madje u rrit. /gazeta shqip/
Telegrafi

[AlbaSoft]

Djali i ministrit kroat të Shëndetësisë, Darko Milinoviq është i sëmurë nga gripi H1N1.
Siç lajmëruan mediumet kroate, ministri Milinoviq në mënyrë parandaluese ka vizituar një saunë, me qëllim që në temperaturë prej 90 gradëve celsiusë t`i shkatërrojë të gjitha viruset e mundshme.
“Djali im është i sëmurë nga gripi i derrave, por tashmë ndihet më mirë. Shpresoj se anëtarët tjerë të familjes time nuk do të sëmuren. Unë vizitoj saunë, ku asnjë virus nuk mund të mbijetojë”, tha Milinoviq.
Ai konsideron se nuk ka nevojë që në Kroaci të shpallet epidemi, ndonëse numri i të sëmurëve nga gripi i ri tejkaloi 2.500 persona. /makfaks/

[Oqeani]

Vizat Schengen me 19 dhjetor: Kjo vizë nuk lejon punësim apo studim

Beograd, 12 nëntor (presheva.com) - - Qytetarët e Serbisë prej datës 19 nëntor do të mund të udhëtojnë në Bashkimin Europian pa viza. "Tashmë është e qartë se me 19 dhjetor do të hiqen vizat" tha në një intervistë në Bruksel Bozhidar Gjeliq, nënkryetar i qeverisë së serbisë për integrime evropiane . Ai tha se Serbia do të kërkojë që deri në fund të vitit të kandidojë për antarsim në Bashkimin Europian, edhe nëse nuk vjen deri te debllokimi i marrëveshjes tregatare me BE.

Pa viza vendqëndrim deri 90 ditë

Me 30 nëntor do të mblidhen këshilli i ministrave të punëve të jashtme të shteteve të BE dhe me 12 dhjetor Parlamenti Europian ku duhet të pranohet nga këshilli i ministrave të punëve të Brendshme të vendeve antare të Bashkimit Europian.
Qytetarët e Serbisë, Malit të zi dhe Maqedonisë do të mund të udhëtojnë në 25 shtete pa viza.
Qëndrimi pa viza në këto shtet do të jetë i kufizuar vetëm në 90 ditë në kuadër të 6 muajve, pa marrë parasysh se a qëndrohet me kohë të caktuara apo përnjëherë, çka do të thotë se nëse qëndroni në ndonjë shtet evropian 3 muaj, ju nuk do të keni të drejtë që 3 muajt e ardhshëm të hyni në shtetet që i përfshinë viza Schengen.
http://www.presheva.com/foto/tendryshme/2009/schengen.jpg

Kjo vizë nuk lejon punësim apo studim

Pasi bëhet fjalë për ardhjen e Serbisë në "Listën Shengen" e jo hyrjen e saj në të ashtuquajturën "Rreth i Shengenit", kjo vizë nuk siguron lejën për punësim apo studim por lehtësim për bashkëpunim eknomomik, shkencor, kulturor e të tjera të ngjajshme. Ata që kapen duke punuar apo studiuar në shtetet Evropiane, do të kthehen në shtetin e tyre, prandaj ata që dëshirojnë të punojnë apo studiojnë duhen të pajisen me viza të tipit "DE" që janë të obliguar ta tregojnë në shtetin të cilin hyjnë.
Përveç 25 shteteve antare të BE, qytetarët me pasaportë pa viza mund të udhëtojnë edhe në Zvicër, Island dhe Norvegji edhe pse këto shtete nuk janë antare të BE, por kanë pranuar rregullat shengen për heqjen e kufijve. Viza do të duhen për Britaninë e Madhe dhe në Irlandë.
Gjithashtu edhe shtetet si Bullgaria, Rumunia dhe Qipro edhe pse formalisht nuk janë pranuar në listën e Shengenit, për udhëtim në këto shtetet nuk do të nevojitet viza.

[Oqeani]

Nga sot hyrja në Republikën e Kosovës vetëm me pasaporta

Radha e gjatë e automjeteve nga qytetarët e këtij rajoni prisnin me orë të tëra për të kaluar kufirin me Republikën e Kosovës, në pikën kufitare në Muçibabë. Shkaku i pritjes së kolonës së gjatë ishte se punëtorët e policisë së Kosovës në këtë pikë kufitare kërkojnë pasaportat për qytetarët e Republikës së Serbisë dhe Malit të Zi. Edhe pse prej sot ka hyrë në fuqi një gjë e tillë qytetarët e komunës sonë ende nuk janë të informuar për këtë vendim. Andaj prej sot për të gjithë qytetarët e Republikës së Serbisë nevojiten pasaportat, kështu deklaroi për televizionin tonë zëdhënësi i policisë së Kosovës për rajonin e Gjilanit zoti Ismet Hashani. Ai thekson se nëse qytetarët në fjalë kalojnë për të parën herë dhe nuk ka pasaportën atëherë do të bëhen lëshime, mirëpo për herën tjetër duhet patjetër
të posedojë dokumentin përkatës, pasaportën. Prandaj ditëve të ardhshme të gjithë qytetarët që kalojnë në këtë pikë kufitare duhet të jenë të pajisur me pasaporta për të kaluar kufirin.
(TVP)

[Llapjani_HH]

LDK e shqetësuar me disa kontrata të dyshimta të KQZ


Prishtinë, 12 nëntor Shtabi Zgjedhor i Lidhjes Demokratike të Kosovës (LDK) është i shqetësuar me tri kontrata pune që kanë të bëjnë me zgjedhjet e 15 nëntorit. Por, siç tha në një konferencë të jashtëzakonshme të shtypit, kryetari i SHZ të LDK së, Lutfi Haziri, këto shqetësime të LDK-së janë shpërfillur.

"Ne jemi të shqetësuar në masë të madhe nga disa të dhëna që u zbuluan këtë javë lidhur me ndërmarrjet e kontraktuara nga Qeveria e Kosovës dhe nga KQZ ja për të kryer këtë proces zgjedhor. Ne kemi kontaktuar me KQZ në dhe me disa ambasada të huaja, por shqetësimet tona kryesisht janë injoruar. Prandaj, ne besojmë se është e rëndësishme që këto informacione të bëhen publike", tha Haziri në fillim të takimit me gazetarë.

Siç shpjegoi ai, bëhet fjalë për kontratën për transportimin e fletëvotimeve, për kontratën për transportimin e stafit të KQZ së dhe për kontratën për mbrojtjen e fletëvotimeve në qendrën e numërimit dhe paraqiti të dhëna që flasin për parregullsi të qarta në procesin e përzgjedhjes së kompanive.

Haziri shprehu habinë që transporti i fletëvotimeve iu besua një kompanie që nuk është marrë kurrë me këtë punë. "NTSH 'G&H' është kompania që e ka fituar kontratën për të transportuar fletëvotimet. Sipas regjistrimit të biznesit, kjo kompani merret me instalime elektrike dhe pajisje, me riparimin e pajisjeve elektrike shtëpiake, me ondulime dhe trajnime të tjera për bukuri.
Pse KQZ ja i jep kontratë për transportimin e fletëvotimeve një kompanie për ondulim dhe për punë elektrike??, tha ai.

Ai paraqiti edhe shqetësimet e SHZ të LDK së lidhur me kompaninë që ka fituar kontratën për transportimin e stafit dhe për mbrojtjen e fletëvotimeve, në veprimtarinë e së cilës nuk përfshihen fare punë të këtij lloji. "Ndërmarrja tregtare shërbyese 'Vëllezërit Thaçi' e fitoi kontratën për të transportuar stafin e KQZ së dhe për mbrojtjen e transportit të fletëvotimeve në Fushë Kosovë.

Sipas regjistrimit të biznesit, kjo kompani merret me shitje me pakicë të karburanteve, me shërbime hotelierike dhe me ndërtimtari. Pse KQZ ja ia jep kontratën për të mbrojtur dhe transportuar fletëvotimet një kompanie që nuk merret me këtë punë", tha më tutje z. Haziri. Ai paraqiti shqetësimet edhe lidhur me kontratën me kompaninë CETIS, për shkak se partneri i saj, kompanie kosovare "Partner Trade", e cila i ka vetëm dy punëtorë, është regjistruar si ndërmarrje 16 ditë pas njoftimit për dhënien e kontratës.

"CETIS është kompani e respektuar dhe e njohur ndërkombëtarisht që prodhon materiale të ndjeshme, por ne kemi shqetësime serioze në lidhje me partnerin e saj lokal, 'NT Partner Trade'. Së pari, sipas njoftimit të dhënies së kontratës, botuar më 7 shtator 2009, kontrata i ishte dhënë kompanisë CETIS dhe partneres së saj 'Partner Trade' nga Prizreni, më 3 gusht 2009. Por, sipas dokumentit të regjistrimit të biznesit në Agjencinë e Bizneseve të Kosovës, regjistrimi i biznesit ishte bërë më 19 gusht 2009. Pyesim, si e kanë fituar ata kontratën 16 ditë para se të regjistrohen si ndërmarrje".

Sipas aktiviteteve të regjistruara, kjo kompani merret me shitjen me shumicë të mallrave, me shitja e pjesëve të automjeteve motorike dhe të aksesorëve, me shitjen me shumicë të tekstilit, me shitjen me shumicë të veshjeve dhe mbathjeve, me shitjen me pakicë të tekstileve, me shitjen me pakicë të veshjeve, me shitjen me pakicë të këpucëve, artikujve të lëkurës, bojërave, qelqit, etj.", tha Haziri.

Në këtë kontekst, kryetari i SHZ të LDK së shtroi një sërë pyetjesh: Pse KQZ ja i jep kontratë kompanisë CETIS, kur partneri i saj lokal nuk ishte fare biznes i regjistruar në kohën kur është dhënë kontrata? Pse i besohet një partneri lokal të biznesit, i cili në asnjë mënyrë nuk ka të bëjë me prodhimin dhe shpërndarjen e fletëvotimeve? Si mund t'i besohet një detyrë e tillë një kompanie që ka vetëm dy punëtorë?, pyeti Haziri duke shtuar se përgjigjet në këto pyetje duhet t'i japin kryeministri i Kosovës, Hashim Tha[i, dhe KQZ.

"I bëjmë thirrje kryeministrit dhe KQZ së që të adresojnë shqetësimet tona deri nesër, në fund të ditës", theksoi Haziri, duke theksuar se zgjedhjet e së dielës duhet të zhvillohen "konform ligjit". Gjithashtu shefi i Shtabit Zgjedhor të LDK së shprehu qëndrimin e palëkundur kundër njollosjes së procesit zgjedhor, në të gjitha fazat e saj, nga kushdo qoftë. "E diela është ditë historike për demokracinë dhe askush, pa marrë parasysh përkatësinë politike, nuk mund të ngacmojë votën e lirë, pa marrë parasysh sa të dëshpëruar janë. E diela i takon popullit - askujt tjetër", theksoi kryetari i Shtabit Zgjedhor të LDK së, Lutfi Haziri.
QIK-u

LDK-ja, AAK-ja dhe ORA të shqetësuara për mbarëvajtjen e procesit zgjedhor


LDK-ja, AAK-ja dhe ORA kanë ngritur shqetësimet e tyre për mbarëvajtjen e procesit zgjedhor. AAK-ja ka thënë se kryeministri Thaçi ka tendencë për t’i manipuluar votat. Sekretari i AAK-së, Burim Ramadani, ka thënë se Kompania “G&H”, e cila do të merret me transportimin e materialit është kompani joprofesionale për këtë punë dhe është e regjistruar për veprimtarinë e riparimit të aparateve elektrike shtëpiake dhe sallone ondulimi dhe zbukurimi”.

Po ashtu, sipas AAK-së, shtypja e fletëve dhe broshurave për zgjedhjet 2009 iu është dhënë kompanive “CETIS DD“ nga Sllovenia dhe “PARTNER TRADE” Prizren. Kompania është regjistruar 16 ditë pasi ka marrë kontratën Për këtë gjë ka reaguar edhe Partia Reformiste ORA, e cila ka thënë se këto gjëra dhe disa parregullsi të tjera mund të ndikojnë negativisht në rezultatin e zgjedhjeve.

Sipas ORA-s, jo serioziteti në këto gjëra le hapësirë për vjedhjen e votave dhe rrezikon demokracinë. Për këto procese ka reaguar edhe LDK-ja. Këto parti politike kanë kërkuar që policia të monitorojë procesin e zgjedhjeve të dielën.
KTV

Feith-Thaçi: Koha për të hapur kanal televiziv në serbisht


Planet për një kanal televiziv të serbisht-folësve të Kosovës dhe i cili do të jetë për serbisht-folësit e Kosovës duhet tani të realizohen, kanë thënë të enjten përfaqësuesi civil ndërkombëtar, Pieter Feith dhe kryeministri i Kosovës, Hashim Thaçi.

Zyra Civile Ndërkombëtare dhe Qeveria e Kosovës mbeten të angazhuara për ta themeluar një kanal televiziv të pavarur në gjuhën serbe me transmetim anembanë Kosovës.

Feith me këtë rast ka thënë: “Puna në sektorin medial gjatë vitit të kaluar ka dëshmuar se serbisht-folësit në Kosovë dëshirojnë të kenë informim dhe argëtim i cili realizohet këtu në Kosovë në gjuhën e tyre. Do të ketë mjaft dobi për qytetarët në një kanal në gjuhën serbe, të cilët mund të lidhin komunitetet dhe të cilët do të punojnë në mënyrë plotësuese me mediat vendore në gjuhën serbe që veç ekzistojnë”.

“Tani, unë dhe kryeministri kemi ndërmend të punojmë me palët përkatëse të interesit për formimin e një grupi drejtues në lidhje me këtë projekt. Ne presim nga ai grup të sjellë një kanal televiziv me një redaksi të pavarur, që buron nga Kosova dhe me standarde të larta profesionale”, ka shtuar Feith.

Edhe kryeministri Thaçi i ka dhënë mbështetje të plotë hapjes së një kanali për serbisht-folësit e Kosovës. “Një kanal televiziv i pavarur në gjuhën serbe është mbështetur nga të gjitha nivelet e Qeverisë së Republikës së Kosovës. Ai do të përkrahet fuqishëm, duke pasur parasysh që liria e shprehjes në gjuhën amtare të secilit është obligim kushtetues dhe një e drejtë njerëzore e patjetërsueshme për të gjithë”, ka thënë Thaçi.

“Mbetem i bindur se ky projekt medial do të rrisë akoma frymën e komunitetit dhe që të gjitha komunitetet jo-shqiptare në përgjithësi, e veçmas komuniteti serb, të ndjehen se janë pjesë e Kosovës. Mirëpresim bashkëpunimin me të gjitha palët e interesit në këtë proces me rëndësi dhe e çmojmë mbështetjen e ICO-së dhe ICR-së”, është shprehur ai.
Telegrafi

[Llapjani_HH]

Serbët lirohen, shqiptarët mbesin në burg :redface:

Afrim Ymeri, Artan Jelliq, Haki Jonuzi, Abedin Beka e Sami Makolli do të jenë në paraburgim edhe për një muaj tjetër. Tre serbë të dyshuar, po ashtu për krim të organizuar e vjedhje të rëndë, e që janë arrestuar bashkë me pesë shqiptarët, janë liruar në procedurë të rregullt

Pesë personave të dyshuar për krim të organizuar dhe vjedhje të rëndë, Gjykata e Qarkut në Prishtinë të mërkurën ua ka vazhduar paraburgimin edhe për një muaj, derisa ditë më parë ka liruar tre serbët që kanë qenë pjesë e këtij grupi.

Grupi prej tetë vetash është arrestuar tre muaj më parë, pas aksionit policor të quajtur “Urithi”. Personat në fjalë qenë arrestuar në një hotel në qytetin e Vushtrrisë, ndërsa në momentin e arrestimit atyre iu ishte gjetur sasi e konsiderueshme e stolive të arit, orë dore, telefona, para, revole, disa fishekë, etj. Vlera e mallit të gjetur kap shumën prej gjysmë milioni.

Tetë personat qenë arrestuar nën dyshimin se ata kanë kryer veprën penale krim të organizuar, përdorim dhe shitblerje të narkotikëve si dhe veprën penale të vjedhjes së rëndë.
Pas marrjes në pyetje, të gjashtë nga tetë të arrestuarit, prokurorja e EULEX-it, Emanuell Duko ka hequr dorë nga ndjekja për veprën penale të përdorimit dhe shitblerjes së narkotikëve.

Ndonëse që të gjithë të pandehurit tashmë akuzohen vetëm për krim të organizuar dhe vjedhje të rëndë, prokurorja ka bërë ndasi në kërkesat për ndërprerje përkatësisht vazhdim të paraburgimit.

Me kërkesë të prokurores, të enjten e kaluar, gjyqtari i procedurës paraprake, Gani Zabeli ua ka ndërprerë paraburgimin tre serbëve të këtij grupi, Erhan Brniçanin, Nebojsha Bojoviç si dhe Dushan Kadijeviç.

Pas kërkesës së bërë nga e njëjta prokurore për vazhdim të paraburgimit ndaj Afrim Ymerit, Artan Jelliqit, Haki Jonuzit, Abedin Bekës e Sami Makollit, të mërkurën është mbajtur seanca për vazhdim paraburgimi. Në të, prokurorja ka paraqitur arsyet se pse personat në fjalë edhe më tej duhet mbajtur prapa grilave, derisa mbrojtja i ka paraqitur argumentet kundërshtuese.

Prokurorja pretendon se personat në fjalë kanë vjedhur në Suedi arin e gjetur në Vushtrri. Një gjë e tillë është kundërshtuar nga avokatët.

“Prokurorja pretendon se kinse vjedhja e stolive ka ndodhur në Spanjë e në atë drejtim nuk ofron asnjë provë”, tha mbrojtja e Haki Jonuzit, avokati Mexhit Syla.
Kërkesën për vazhdim paraburgimi, prokurorja Duko e ka mbështetur në faktin se ende nuk është marrë në pyetje Artan Jelliq.

Një gjë të tillë, sipas avokatit Syla, prokurorja nuk e ka marrë parasysh kur ka kërkuar që të ndërpritet paraburgimi ndaj tre serbëve. Dallimi i bërë nga prokurorja ka shfaqur pakënaqësi të shumta te të pandehurit.

Erhan Brniçanin, Nebojsha Bojoviç si dhe Dushan Kadijeviç janë liruar të enjten e kaluar. Mahmut Halimi, avokat i Nebojsha Bojoviqit, tha për Express se është kristalizuar situata dhe, sipas tij, prokurorja ka vërtetuar faktin se personat në fjalë nuk kanë të bëjnë me veprimtari kriminale për të cilat kanë qenë të dyshuar.

Ai sqaroi se klienti i tij është ekspert me katër licenca ndërkombëtare për verifikimin e metaleve fisnike dhe si i tillë ka ardhur për të verifikuar arë në Kosovë dhe jo për të kryer veprimtari kriminale. Edhe dy serbët e tjerë, sipas tij, kanë qenë bashkë me klientin e tij, njëri si shoqërues, e tjetri si vozitës.
Gazeta Expres

[Llapjani_HH]

Jetimi rrëfen për abuzimet seksuale

Fëmija tmerron gjykatën, tregon perversitetet seksuale që vuajti te jetimorja e misionarëve anglezë.



Tiranë - Një jetim i mitur ka treguar sot se është detyruar të kryejë seks oral nga Robin Arnold, duke tronditr gjykatësit me rrëfimin e tij rrënqethës.

Gazmend B. 17-vjeç ka deklaruar para gjykatës me videokonferencë se i pandehuri e ka detyruar që të kryejë marrëdhënie homoseksuale me të.

"Robin Arnold më merrte dhe lahej në dush me mua. Gjatë momentin që ne laheshim ai më... (jetimi përshkruan në detaje veprimet çnjerëzore ...) Pas dushit më shpinte në krevat. Pasi shtriheshim në krevat ai kryente marrëdhënie homoseksuale me mua. Ka pasur raste që në një krevat kam fjetur edhe me Deivid Braun dhe Robin Arnold, të cilët më pas kanë kryer me mua marrëdhënie. Robin abuzonte me mua çdo natë dhe më ka detyruar që të mos tregoja asnjë gjë", ka treguar sot dëshmitari.

Për katër orë me radhë i mituri i ka shpjeguar gjykatës atë çfarë i kishte ndodhur gjatë kohës që kishte qëndruar në qendrën e misionarëve "His Children" (Fëmijët e tij) në Tiranë, përpara se të birësohej nga një çift anglez.

Dëshmitari i dytë që ka dhënë sot shpjegime para trupit gjykues të kryesuar nga gjyqtarja Shefkie Demiraj ishte Xhon Pankrast, i cili ka birësuar fëmijën 17-vjeçar.

"Gazmendi më ka treguar se është abuzuar seksualisht nga Robin Arnold, ndërkohë që nuk ka pasur shenja abuzimi seksual në trup, por ka pasur vetëm shenja të dhunës fizike. Unë e kam birësuar atë më 20 maj të vitit 2008, ndërkohë që e kam njohur në tetor të vitit 2005. Kur kam marrë vesh për abuzimet kam shkuar tek Deivid Braun dhe i kam treguar për ngjarjen. E kam pyetur për Robin dhe ai më është përgjigjur që ishte larguar para 6 muajsh nga qendra", - ka treguar sot dëshmitari.

Më tej ai ka shpjeguar se i ka ndenjur afër djalit të tij pasi është vënë në dijeni për të gjitha ato që i kanë ndodhur.

Dy të pandehurit e këtij procesi janë Ronin Arnold dhe Dino Kristodoulu, të cilët akuzohen nga prokuroria e Tiranës për veprën penale të "marrëdhënie homoseksuale me dhunë me të mitur".
/noa/mesazhi/

http://www.mesazhi.com/news_detail.php?id=16457

[Llapjani_HH]

Kosova rrezikon presidencën në CEFTA


Komuniteti i biznesit në Kosovë ngre shqetësimin se, nëse Kosova nuk arrin ta përmirësojë pozitën në kuadër të Marrëveshjes për Tregti të Lirë të Evropës Qendrore (CEFTA), rrezikon ta humbë presidencën e radhës së CEFTA-s në vitin 2011. Nga moszbatimi i kësaj marrëveshjeje, thuhet se Kosova vazhdon të ketë humbje të mëdha, si ekonomike, ashtu edhe politike.

Nga janari i vitit 2010, presidencën e radhës së CEFTA-s do ta udhëheqë Serbia.

Sipas Komunitetit të biznesit, nëse Qeveria e Kosovës nuk gjen një zgjidhje deri në fund të këtij viti, do të jetë e vështirë të zgjidhen problemet e akumuluara, gjatë kohës kur Serbia merr udhëheqjen në CEFTA.

Sekretari i përgjithshëm në Odën Ekonomike të Kosovës, Berat Rukiqi, thotë se kanë pritur qe një vit që autoritetet kosovare të ndërmarrin diçka për përmirësimin e situatës së krijuar.

Por, siç shprehet ai, autoritetet kosovare janë treguar shumë pasive në gjetjen e zgjidhjes së këtij problemi.

“Situata më e keqe është që Serbia e merr kryesimin, po një situatë më e keqe është se ne mund të humbim udhëheqjen e CEFTA-s, që e kemi për vitin 2011. Mund të humbet mundësia të udhëheqim CEFTA-n nëse nuk jemi aktiv gjatë vitit 2010”.

“Në mënyrë që të merret udhëheqja për vitin 2011, ne duhet të jemi aktivë, të dëshmojmë kapacitete institucionale, që ne jemi vend i denjë për ta marrë këtë udhëheqje. Nëse nuk gjendet zgjidhja, atëherë humbjet janë të mëdha, si në aspektin ekonomik, ashtu edhe në atë politik”, sqaron Rukiqi.

Rukiqi thotë se Kosova ka pasur probleme që nga fillimi me të gjitha vendet e rajonit.

Por, këto probleme u theksuan më shumë në fund të vitit të kaluar, kur Serbia dhe Bosnja, pas pavarësisë së Kosovës dhe pas ndërrimit të vulave dhe dokumentacionit nga UNMIK-u në atë të Kosovës, kanë vendosur bllokadë për mallrat e Kosovës.

Gjithashtu, kanë vendosur edhe disa probleme tjera, barriera të tjera, jo vetëm për produktet, por edhe për transit të mallrave.

“Kosova, realisht ka eksportuar shumë pak në këto vende, por ajo që humb Kosova është primati. Në raport me vendet e rajonit, në ende konsiderohemi si treg i izoluar. Duke i pasur këto probleme, në syrin e investitorëve ne ende jemi një vend i izoluar, pa një perspektivë të bashkëpunimit me vendet tjera”.

“Ideja që CEFTA do ta bënte Kosovën të mos konsiderohej më treg prej 2 milionësh, po treg më i madh prej 27 milionësh duke përfshirë vendet e rajonit, është zbehur, duke pasur parasysh që i kemi këto bllokada dhe pengesa nga vendet e rajonit”, thekson Rukiqi.

Kur Kosova pati nënshkruar marrëveshjen e CEFTA-s, ishte konsideruar si një hap i rëndësishëm që e integron vendin në rrjedhat e bashkëpunimit rajonal, sidomos në aspektin ekonomik.

Kryeshefi i Agjencisë për Investime në Ministrinë e Tregtisë dhe Industrisë, Mustafa Hasani, i cili ishte i pranishëm në takimin e fundit të CEFTA-s, të mbajtur në Podgoricë, thotë se në përputhje me rregullat, Kosova duhet të jetë e ftuar edhe në takimet që do t’i organizojë Serbia, pasi që të marrë udhëheqjen.

“Në pjesën tek eksporti i mallrave, ekzistojnë probleme. Gradualisht, është një trysni që po bëhet nga organizmat ndërkombëtarë, që Serbia ta pranojë realitetin dhe ta pranojë Kosovën në organizmat ndërkombëtarë dhe profesionalë, ku janë edhe ata anëtarë”.

“Besoj që edhe ata kur ta marrin radhën e CEFTA-s, në përputhje me rregullat, duhet ta ftojnë edhe Kosovën në takimet, të cilat i kanë. As ata nuk kanë interes që të bëjnë bllokimin e mallrave”, thotë Hasani.

Ndërsa, Salih Hoda nga Doganat e Kosovës, shprehet:

“Është e vërtetë që ne kemi probleme politike, sa i përket zbatimit të kësaj marrëveshjeje me Serbinë dhe Bosnjën, por ne nuk i kemi vetëm këto dy vende që nuk e kanë njohur Kosovën”.

“Ne kemi edhe pesë vende të Bashkimit Evropian që nuk e kanë njohur Kosovën dhe kjo është pengesë për të hyrë në një marrëveshje të re dhe për të hyrë në proceset integruese të BE-së”.

Pavarësisht se Kosova është nënshkruese e marrëveshjes për Tregti të Lirë të Evropës Qendrore (CEFTA), prodhimet vendore ka gati një vit që ballafaqohen me embargo nga Serbia dhe Bosnjë e Hercegovina.

Ndërsa, Qeveria e Kosovës nuk ka arritur ta zhbllokojë një embargo të tillë.
Radio Evropa e Lirë

[Llapjani_HH]

Serbia hap bazën e saj më të madhe ushtarake në kufi me Kosovën :redface:


Sot në Kosovën Lindore krerët më të lartë shtetëror serb kanë hapur bazën e saj më të madhe ushtarake në Cepotin, ndërtimin e të cilës e kundërshtojnë institucionet e shqiptarëve të Preshevës dhe të Bujanocit, duke e vlerësuar atë të panevojshme dhe se me këtë shqiptarët e këtij rajoni do të jenë okupuar në shtëpitë e tyre.

Sot në Kosovën Lindore krerët më të lartë shtetëror serb kanë hapur bazën e saj më të madhe ushtarake në Cepotin, ndërtimin e të cilës e kundërshtojnë institucionet e shqiptarëve të Preshevës dhe të Bujanocit, duke e vlerësuar atë të panevojshme dhe se me këtë shqiptarët e këtij rajoni do të jenë okupuar në shtëpitë e tyre.


Në Kosovën Lindore sot po qëndrojnë përfaqësuesit më të lartë shtetërorë e ushtarak të Serbisë, si kryetari Boris Tadiq, kryeministri Cvetkoviq, ministri i Mbrojtjes Dragan Shutanovac etj., ku kanë bërë përurimin e bazës ushtarake Cepotin, lokacioni i së cilës është në komunën e Bujanocit, afër kufirit me Kosovën.

Sipas krerëve shtetërorë të Serbisë kjo bazë ushtarake është e një rëndësie të veçantë për ruajtjen e stabilitetit në rajonin e Preshevës. Kjo bazë ushtarake përfshin një hapësirë të madhe prej dhjetëra hektarësh, e dislokuar vetëm nja 15 kilometra larg Bujanocit, në drejtimi të kufirit me Kosovën.

Baza e quajtur "Jug" është ndërtuar në 35 hektarë sipërfaqe, në të cilën janë investuar 1 miliardë e 700 milion dinarë. Në te janë 66 objekte me një sipërfaqe prej 22 mijë m2, ku do të mund të vendosen 1000 ushtarë profesional. Në të ardhmen planifikohet që në këtë bazë të ndërtohen anekse në një sipërfaqe prej 60 hektarësh.

Presidenti serb Boris Tadiq, që mori pjesë në hapje, tha se Serbia i ka dy qëllime kryesore strategjike: hyrjen në Bashkimin Evropian dhe ruajtjen e integritetit territorial dhe të sovranitetit në Kosovë. Ai theksoi se Serbia kurrë nuk do të tërhiqet nga këto dy qëllime.

Lidhur me përurimin e sotëm të kësaj baze ushtarake, po edhe më herët, ka reaguar prefekti i komunës së Preshevës Ragmi Mustafa, i cili ka deklaruar se me këtë bazë ushtarake tani e tutje shqiptarët e Kosovës Lindore janë të okupuar në shtëpitë e tyre dhe ka shtuar se ka kaluar koha e konflikteve të armatosura dhe se ndërtimi i kësaj baze është e panevojshëm.

Ndërkaq prefekti i Bujanocit Shaip Kamberi ka thënë se ndërtimi i kësaj baze ushtarake në Kosovën Lindore, paraqet militarizim të këtij rajoni dhe se me këtë edhe më shumë vihet në pah gjendja e jashtëzakonshme në Kosovën Lindore.
Bota Sot

Vazhdojnë sprovat


Pavarësisht mbështetjes fillestare, të Grupit Parlamentar të LDK-së, deputetë të kësaj partie kushtëzojnë miratimin e projekt-buxhetit të paraqitur nga qeveria me kalimin e ligjit për kryeqytetin. Kjo shihet si një sprovë tjetër e koalicionit PDK-LDK.

Megjithëse Grupi Parlamentar i Lidhjes Demokratike të Kosovës, e mbështeti në parim projektbuxhetin e vitit 2010, të paraqitur nga kryeministri Hashim Thaçi, miratimi i plotë i tij, është vënë në pikëpyetje nga partneri i koalicionit qeveritar.

Deputeti i LDK-së, Sabri Hamiti, ka kushtëzuar miratimin e projektligjit për buxhetin, me kalimin e Ligjit për kryeqytetin, ligj ky i cili ka qenë temë debatesh gjatë fushatës parazgjedhore të LDK-së.

“Ligji duhet të hyjë në procedurë. Unë e njoh Parlamentin, sepse jam parlamentar i vjetër këtu, i njoh procedurat; unë e di, që ai ligj pa dy muaj nuk kalon. Unë thashë të niset procedura”.

“Ligji duhet të kalojë dhe kjo është domosdo. Dhe, këtu unë për vete nuk heq dorë”, tha Hamiti, duke vënë në pah se është qëndrim unik i Grupit Parlamentar të LDK-së, që këtë dhe propozimet tjera t’i shtrojë në formë amendamentesh për projektligjin e buxhetit.

Me Ligjin për kryeqytetin, Prishtina, që drejtohet nga LDK-ja, ndër të tjera, do të merrte më shumë buxhet, sesa që i ndahet me planifikimet aktuale për vitin fiskal 2010.

Kushtëzimi i LDK-së, vjen pak ditë pasi që jetëgjatësia e koalicionit mes Partisë Demokratike të Kosovës dhe Lidhjes Demokratike të Kosovës u vu seriozisht në pikëpyetje.

Por, zëvendëskryeministri Hajredin Kuçi, i cili mbrëmjen e së enjtes i kishte komunikuar homologut nga LDK-ja, Ramë Manajt, prishjen e koalicionit me LDK-në dhe lidhjen me LDD-AKR-në (Lidhja Demokratike e Dardanisë –Aleanca Kosova e Re), tha sot se më, as që duhet vënë në dyshim stabilitetin e koalicionit qeverisës.

“Unë besoj se më nuk do të jetë temë çështja e stabilitetit të koalicionit. Ka pasur konsultime, ka pasur risqarim të pozicioneve dhe gjërat po ecin ashtu si duhet”, tha Kuçi.

Megjithatë, kushtëzimet e LDK-së nuk i kanë pëlqyer kryetarit të Kuvendit Jakup Krasniqi, i cili, po ashtu, është nga radhët e PDK-së.

“Kushtëzimi me Prishtinën. Mendoj se askush nga ne nuk mund të themi se Prishtina është më pak, apo më shumë imja”.

“Kosova është tepër e vogël që ne të mendojmë se dikush është i Prishtinës, e dikush më pak i Prishtinës. Prandaj, nuk e shoh të arsyeshme, që dikush në këtë Kuvend bëhet më i zëshëm për kryeqytetin tonë", tha Krasniqi.

Këtij komenti të Krasniqit, i paraprinë vërejtjet e mëhershme të deputetëve, madje edhe të partnerit të koalicionit, të cilët kërkuan ndarje proporcionale të buxhetit.

Deputeti Naser Osmani duke paraqitur qëndrimin e LDK-së, tha se janë favorizuar ministritë, që drejtohen nga PDK.


“Do të dëshiroja që qeveria të jetë e bindur, që ky buxhet u përket të gjithë qytetarëve të Kosovës dhe mbi bazë të kësaj, të kemi një buxhet aq sa është e mundur proporcional në të gjithë Kosovën”.

“Kjo nuk ka ndodhur, veçanërisht me dy ministritë, që kanë shuma më të mëdha të investimeve kapitale. Fjala është për Ministrinë e rrugës dhe atë të Arsimit”, tha Osmani.

Sidoqoftë, kryeministri Hashim Thaçi, theksoi se buxheti është i të gjithëve dhe në shërbim të të gjithëve.

“Ky është buxhet i zhvillimit ekonomik, i vazhdimit të reformave dhe integrimit evropian. Në këtë kohë, kur bota po ballafaqohet me efektet e krizës ekonomike globale, ne presim, që ekonomia jonë gjatë vitit 2010 të shënojë një rritje, që paraqet një sukses të konsiderueshëm”, theksoi Thaçi.

Buxheti për këtë vit do të jetë 1 miliard e 461 milionë euro dhe paraqet një rritje prej 6 për qind, krahasuar me buxhetin e vitit të kaluar.

Ministri i Ekonomisë dhe i Financave, Ahmet Shala theksoi se planifikimi i buxhetit për vitin fiskal 2010 mund të quhet ambicioz, meqë tejkalon nivelin e të hyrave të rregullta.

Përfaqësues të opozitës, duke paraqitur vërejtjet e tyre për mënyrën e planifikimit të buxhetit, thanë se nuk do ta votojnë atë.

Seanca e sotme është vazhdim i seancës së të premtes së kaluar, e cila u ndërpre, meqë u tha se grupet parlamentare të PDK-së dhe LDK-së kërkonin kohë më shumë për të shqyrtuar projektbuxhetin.

Por, këtë shtyrje analistët e panë si blerje të kohës për të zbutur tensionet e rritura pas njoftimeve për prishjen eventuale të koalicionit PDK-LDK.

Kryesitë e të dy partive në mesditën e së premtes patën rikonfirmuar vazhdimin e koalicionit PDK-LDK.
Radio Evropa e Lirë

[Llapjani_HH]

.....

[Llapjani_HH]

Qeveria shqiptare me iniciativa konkrete për të ndihmuar komunitetin serb, tha Meta


Kryeministri Hashim Thaçi pas takimit me zëvendëskryeministrin dhe ministrin e Jashtëm të Shqipërisë Ilir Meta, theksoi se "Kosova e pavarur dhe Kosova evropiane, janë në interes jo vetëm të qytetarëve të Kosovës pa asnjë dallim etnik, por janë në interes edhe të të gjithë fqinjëve të Kosovës".

"Ky realitet është mirë të njihet nga të gjithë, sepse çdo qëndrim tjetër nuk i shërben momentit të ri përshpejtues të integrimit të Ballkanit Perëndimor në Bashkimin Evropian" tha pas takimit kryeministri Thaçi.

Ndërkaq duke folur për marrëdhëniet mrs dy vendeve Thaçi tha se është inkurajuese perspektiva euroatlantike për Kosovën si pjesë e NATO s dhe e Bashkimit Evropian në të ardhmen e afërt dhe perspektiva e integrimit në Bashkimin Evropian të Shqipërisë.
"Reformat do të vazhdojnë në të dy vendet, reforma demokratike edhe në legjislacion, edhe në politikë dhe ekonomi. Kontributi është për paqe, stabilitet, bashkëpunim rajonal dhe perspektivë evropiane e dy vendeve dhe dy qeverive tona", theksoi Thaçi.

Ndërkaq zëvendëskryeministri Ilir Meta theksoi se "një shumicë e padiskutueshme e vendeve të NATO s dhe Bashkimit Evropian e kanë njohur Kosovën", duke vlerësuar sidomos anëtarësimin e Kosovës në Fondin Monetar Ndërkombëtar dhe në Bankën Botërore, si "një ngjarje tepër premtuese, në mënyrë që Kosova shumë shpejt të arrijë edhe progresin e dëshiruar ekonomik dhe social dhe njëkohësisht edhe zhvillimet e tjera".
Po ashtu Meta vlerësoi në mënyrë të veçantë, siç tha, kurajën dhe vizionin e Qeverisë së Kosovës për të zgjidhur çështjen e kufirit me Maqedoninë, e cila solli edhe njohjen diplomatike. Kjo, shtoi ai, tregon se Kosova ka idenë e qartë për fqinjësi të mirë, që në themelet e veta ka integrimin evropian edhe të Kosovës dhe gjithë rajonit tonë.

Meta me këtë rast shprehu vlerësimin më të mirë për standardet e zgjedhjeve të fundit në Kosovë, duke thënë se "këto zgjedhje ishin një test i shkëlqyer i formimit të institucioneve në Kosovë dhe në mënyrë të veçantë vlerësoj rritjen e dukshme dhe premtuese të pjesëmarrjes së komunitetit serb në këto zgjedhje".

Po ashtu Meta shprehu angazhimet e Qeverisë shqiptare për të ndihmuar edhe për të kontribuuar në plotësimin e disa shërbimeve të komunitetit serb me iniciativa konkrete.

"Kosova e pavarur dhe Kosova evropiane, janë interes jo vetëm të qytetarëve të Kosovës pa asnjë dallim etnik, por janë në interes edhe të të gjithë fqinjëve të Kosovës", tha Meta. Gjatë kësaj vizite, zëvendëskryeministri dhe ministri i Jashtëm shqiptar, Ilir Meta dhe ministri i Jashtëm i Kosovës, Skënder Hyseni, kanë nënshkruar një protokoll bashkëpunimi, si shprehje e thellimit të partneritetit ndërmjet dy vendeve dhe në funksion të proceseve integruese.
QIK-u

Privatizimi, bllokohet nga politika


Zyrtarët e AKP-së thonë se kanë tërhequr nga tenderi disa ndërmarrje në Shtërpcë dhe në Brezovicë për të mos çrregulluar procesin e zgjedhjeve lokale dhe pjesëmarrjen e serbëve. Oliver Ivanoviq thotë se kjo s’ka lidhje me zgjedhjet, por me disponimin e Serbisë

Privatizimi i kompleksit në Brezovicë nuk po mund të nisë pa pëlqimin e politikës. Agjencia Kosovare e Privatizimit dy herë e ndryshoi agjendën e punës për të mos ua prishur qejfin serbëve lokalë të komunës së Shtërpcës. Ajo hoqi nga lista e shitjeve tri objekte të vogla, që do të shënonin fillimin e procesit të privatizimit në këtë anë.

Ngjashëm si paraardhësi i kësaj agjencie, AKM, që nuk mund të çonte në privatizim kompleksin pa pëlqimin e Beogradit, edhe AKP-ja ka ngecur për shkak të zgjedhjeve lokale. Së paku kjo është arsyeja publike, sipas anëtarëve të Bordit të AKP-së, përse “Kafeteria Shtërpcë”, “Restorant Kasollja Brezovicë” dhe “Kasollja e vogël me trungje Murzhicë-Brezovicë”, u hoqën së pari nga vala e 40, e më vonë edhe nga ajo e 41-të e privatizimit.
Megjithatë, e vërteta është ndryshe, sipas sekretarit për Kosovën në Qeverinë e Serbisë, Oliver Ivanoiviq, i cili thotë se AKP-ja nuk ka marrë pajtimin e komunitetit serb për të filluar privatizimi në Brezovicë.

Sipas tij, serbët e Shtërpcës e shprehin qëndrimin e Beogradit dhe kërkesa e tyre për shtyrjen të privatizimit nuk ka qenë e lidhur me zgjedhjet, por me faktin se kush duhet ta bëjë privatizimin e ndërmarrjeve në këtë anë.
“Ne nuk e kemi lidhur këtë çështje me zgjedhjet, por kemi menduar se Serbia ka investuar aty dhe duhet të pyetet kur dhe si të bëhet privatizimi”, pohon Ivanoviq për “Express”.

Megjithatë, ai thotë se Serbia nuk do të ndërhyjë në këtë proces dhe nuk do të mundohet t’i shesë objektet në këtë anë. Por, do ta kundërshtojë procesin, nëse duhet edhe në Gjykatën Ndërkombëtare të Drejtësisë.

“Unë mendoj se privatizimi do të ndodhë njëherë, por me këtë nuk duhet ngutur. Para se të nisë procesi, duhet të merret pajtimi i serbëve. Përndryshe, ai mund të provokojë ngjarje të shumta”, ka thënë Ivanoviq.

Burime të gazetës “Express” thonë se në adresë të Bordit të AKP-së ka ardhur një shkresë nga komuniteti serb i kësaj ane me kërkesë që të shtyhet privatizimi deri në përfundim të balotazhit për zgjedhjet lokale.

Megjithatë, zyrtarisht nga kjo agjenci nuk jepet arsyeja përse është bllokuar privatizimi, edhe pse kohë më parë për këtë ishte arritur marrëveshje mes udhëheqësve të Kuvendit Komunal të Shtërpcës, kompanisë “Inex” të Beogradit dhe AKP-së.

“Privatizimi në Brezovicë nis kah fundi i dhjetorit, ose më së largu deri kah mesi i janarit, pasi të kalojnë këto zhvillimet politike”, thotë një anëtar i Bordit.

Ndërkaq, zëdhënësja e AKP-së, Arta Gosalci vlerëson se i takon Bordit të vendosë çfarë të bëjë në këtë drejtim.

“Se çfarë do të ndodhë dhe kur do të privatizohen këto ndërmarrje, i mbetet Bordit të AKP-së të vendosë”, thekson Gosalci.

Edhe media ndërkombëtare shkruajnë se shumica e qytetarëve dhe udhëheqësit e Shtërpcës janë kundër privatizimit. Sipas radios “Deutche Welle”, arsyeja kryesore për këtë është se sipas serbëve, pronar i kompleksit është Qeveria e Serbisë dhe vetëm ajo ka të drejtë të vendosë për të ardhmen e tij.

"Kjo është grabitje e pronës shtetërore të Republikës së Serbisë. Unë shpresoj se me ndihmën e qeverisë serbe do të ketë sukses për të ndalur këtë proces të privatizimit", thotë Zvonko Mihajlloviq, lider i strukturave paralele në këtë komunë.

Në anën tjetër, zvarritja e procesit të privatizimit, sipas komunitetit të biznesit, është një mesazh i keq për investitorët. Berat Rukiqi, nga Oda Ekonomike e Kosovës, thotë se ndërhyrja e politikës në punët e AKP-së do të trembë investitorët që janë të interesuar t’i blejnë këto ndërmarrje shoqërore.

“Me këto sjellje ne dërgojmë sinjale tek investitorët e huaj se në Kosovë ka risk të lartë politik”, pohon Rukiqi.
Gazeta Expres

Çahet asfalti i rrugës "patriotike"


Pa kaluar as pesë muaj nga përfundimi i punimeve në një pjesë të rrugës, vihen re disa plasaritje në trotuarin e segmentit rrugor Kukës-Morinë. Mësohet se punimet në këtë pjesë janë ndërtuar kryesisht nga kompani shqiptare. Në pjesë të caktuara, shembjet e dheut të skrapatës dhe çarjet paraqesin rrezik për makinat dhe udhëtarët, por edhe për reputacionin e një vepre kaq të madhe siç është autostrada Durrës-Kukës-Morinë.

Ndërsa tuneli i Kalimashit, i cili me shembjen e galerisë jugore ende pa u vënë në punë shkaktoi shumë debate politike dhe profesionale, çarjet që vihen re në segmente të ndryshme të autostradës duket se po kalojnë pa zhurmë.

Çarja e parë vërehet në afërsi të godinës së ish-divizionit ushtarak të Kukësit, ku sot ndodhet një repart i forcave tokësore të ushtrisë.

Për shkak të strukturës së butë dhe lagështirës së tokës, në rreth 50 metra linearë, asfalti ka pësuar një çarje me thellësi gati disa metra. Çarjet e asfaltit, si dhe rrëshqitjet e mureve mbajtëse në këtë pjesë të autostradës, ndodhën vetëm pak muaj pas fillimit të funksionimit të aksit, ndonëse ende nuk është inauguruar si pjesë rruge.

Por plasaritjet e asfaltit nuk janë i vetmi problem që vihen re. Përgjatë këtij segmenti janë shfaqur rrëshqitje të dherave dhe rënie të gurëve në korsitë e kësaj autostrade. Në këtë pjesë të rrugës, ku shpejtësia e mjeteve shkon më shumë se 120 kilometra në orë, rënia e gurëve mund të shkaktojë aksidente tragjike për drejtuesit e automjeteve.

Specialistët tregojnë se shpejtësia minimale në këtë pjesë të autostradës është 80 km/orë, shpejtësi kjo mjaft e lartë për të shtuar probabilitetin e aksidenteve nëse në rrugë ndodhen gurë të rënë prej skrapatës.

Ndërkohë janë vërejtur shembje të trasesë në autostradë dhe në pjesë të tjera, por edhe rrëshqitja dhe dëmtimi i 20 metrave bankinë dhe korsi të emergjencës, që ndodhet rreth 2.4 km pranë pikës doganore të Morinit.

Sidoqoftë mësohet se vepra në fjalë ende nuk është dorëzuar nga ndërtuesit, ndërsa duket se edhe aftësia paguese e shtetit për punën e kryer nuk ka qenë shumë e mirë. Siç mësohet nga punëtorët e kompanive shqiptare, që kanë punuar në këto segmente, ende nuk janë paguar për katër muajt e fundit të punës.
Telegrafi

[Llapjani_HH]

Gjyshja e Obamas në Mekë


Gjyshja e presidentit amerikan, Barack Obama ka mbërritur ne Arabine Saudite per te marre pjese ne pelegrinazhin islamik te Haxhit.

Lajmin e vizitës se veçantë te Sarah ne Meke e ka publikuar gazeta saudite “Okaz”, qe shton se ajo eshte shoqëruar nga nje prej nipërve. Sarah Onyango Obama eshte e ema e babait te Barackut qe aktualisht jeton ne nje fshat te Kenias.

Ditet e fundit ishte folur shume per te pasi e shtyu pelegrinazhin per vitin tjeter, por mesa duket ka ndryshuar mendje. Omran, kusheri i kreut te Shtepise se Bardhe eshte ai qe do ta shoqeroje gjyshen ne Meke.

Ditet e fundit kane mberritur ne Meke rreth 2 milione besimtare nga e gjithe bota per te kryer pelegrinazhin me te madh ne vendin me te shenjte per myslimanet e mbare botes. /tch/
Gazeta Expres

[Llapjani_HH]

Pentagoni hesht për takimin me ministrin serb


Sekretari amerikan i Mbrojtjes, Robert Gates, pranoi të martën në Pentagon ministrin serb të Mbrojtjes, Draga Sutanovac, i cili ndodhet për vizitë në SHBA.

Gates dhe Sutanovac biseduan kryesisht rreth çështjeve rajonale të sigurisë, sqaroi Pentagoni, prej nga u publikua një foto nga takimi, por pa asnjë kumtesë rreth përmbajtjes së bisedës.

Ministri Sutanovac ndërkaq deklaroi pas takimit se u bisedua për aktivitetet e mëtutjeshme të Ushtrisë së Serbisë (US) në programin e NATO’s Partneriteti për Paqe, dhe se e njoftoi sekretarin amerikan për pjesëmarrjen e pjesëtarëve të sanitetit të US në misionin paqësor në Çad, si dhe për gatishmërinë për pjesëmarrje në misione tjera. Gjithashtu, Sutanovac pohoi se Gates’it ia prezantoi planin për profesionalizimin e US.

Ministri serb të mërkurën vizitoi shtetin Ohio, Garda Kombëtare e të cilit është partner i Serbisë në Partneritetin për Paqe.
Gazeta expres

[Llapjani_HH]

Paralajmërohen protesta për të martën


Prishtinë, 3 dhjetor - Pas ngjarjeve të fundit të cilat ndodhen në vendin tonë dhe tronditën opinionin, disa qytetarë dhe organizata të ndryshme janë të mendimit që të protestohet kundër dhunës. Nexhmendin Llapashtica, nga Liga e Qytetarëve të Prishtinës, paralajmëron se do të mbajnë një protestë të martën në orën 12.00 në qendër të Prishtinës, ndaj ngjarjeve të fundit të cilat kanë ndodh. “Në realitet çdo gjë ka përfunduar në momentin kur institucionet e Kosovës nuk reaguan me kohë dhe po heshtin të gjitha ato institucione. Kjo në realitet i përngjan një parapërgatitje të një lufte qytetare, e cila është në prag”, tha Llapashtica. Ai shtoi se një nga ato të cilat qytetarët kanë të drejtë është që të bëjnë diçka, mirëpo nga frika mund të ndodh ndonjë gjë tjetër. “Kur pushteti nuk mundet mi realizuar ato çfarë shfaqen në skenë, atëherë qytetarët për vetëmbrojtje nga frika se mund ti vrasin njerëzit e përmendur”, tha Llapashtica. Sipas tij Liga e Qytetarëve të Prishtinës në bashkëpunim me disa institucione, ku do të ftohen edhe partitë politike dhe të cilat së pari duhet të kërkojnë votëbesimin në Parlamentin e Kosovës, në mënyrë që të gjithë ata emra të cilët janë përmendur të largohen nga parlamenti dhe skena politike. Nexhmedin Llapashtica, tha se nëse kryetari i Kuvendit ka përmend se aty nuk është vendi për të biseduar për ato “tema” institucionet, atëherë qytetarët mendojnë se a thua a janë ata njerëzit e popullit, të cilët duhet ta ngritin këtë çështje. Motot e protestës do të jenë: “Evropë nuk qëndrojmë prapa këtyre njerëzve; Evropë na ndihmoni dhe kryeni obligimet e juaja; zbardhni rastet e vrasjeve”.
Bota Sot
http://www.botasot.info/home.php?category=43&id=39227

[Llapjani_HH]

Një letërnjoftim të Kosovës për kryeministrin Thaçi!



http://www.koha.net/repository/images/leternjoftim-thaci3_4.jpg

Në jo pak raste kryeministri Hashim Thaçi ka thënë se koha e UNMIK-ut ka perënduar dhe se ky mision nuk ka asnjë rol në Kosovë. Por, ka qenë vetë Thaçi që e ka gjallëruar UNMIK-un, dhe këtë ditën kur Kosova organizoi për herë të parë zgjedhjet e veta si shtet dhe e pavarur nga ndërkombëtarët.
Teksa votoi në shkollën fillore “Faik Konica” në kryeqytet, Thaçi nxori nga xhepi letërnjoftimin e UNMIK-ut për të gjetur veten në listë. Meqë xhirimet nuk e tregojnë qartë, Kohavisioni ka siguruar këtë foto në të cilën shihet se si kreu i qeverisë e përdori letërnjoftimin e misionit të OKB-së për të votuar.
Akti i tillë i kryeministrit vjen pas shumë thirrjeve të tij dhe qeverisë që udhëheq drejtuar popullit të Kosovës për pajisjen me letërnjoftime të Republikës.
E Ministria e Punëve të Brendshme që në tetor të vitit 2008 ka nisur zyrtarisht pajisjen me letërnjoftimet e reja. Mbase, kryeministri Thaçi i duhet t’i çojë njerëz ministrit të Brendshëm, Zenun Pajaziti, që t’ia mundësojë sa më shpejt edhe atij - një letërnjoftim të Kosovës.
Koha Net
http://www.koha.net/index.php?cid=1,22,3660

[Dani11]

Papa i turpëruar nga abuzimet e kishës në Irlandë
Papa i turpëruar nga abuzimet e kishës në Irlandë.
E premte, 11 Dhjetor 2009 15:18


Papa Benedikti XVI tha sot se ai i ndan ndjenjat e "zemërimit, tradhtimit dhe turpit" me popullin irlandez për raportin e qeverisë se për 30 vjet udhëheqësit e Kishës i kanë heshtur abuzimet e shumta seksuale të fëmijëve.

Në deklaratën e lëshuar pas takimit të tij me kryepeshkopët e Kishës së Irlandës, Vatikani poashtu tha se papa ishte "i shqeztësar dhe i tronditur" nga përmbajtja e raportit.

Raporti u bë publik në Dablin në nëntor pas një hetimi të urdhëruar nga qeveria e Irlandës./rel/

[lirik]

Vlorë, 15 thika të dashurës 15-vjeçare


Anila Peçi | 25/12/2009 | Kronike (http://www.shekulli.com.al/kronike/) | http://www.shekulli.com.al/zotmedia/images/ico_come.gif 0 KOMENTE (http://www.shekulli.com.al/2009/12/25/vlore-15-thika-te-dashures-15-vjecare.html#comments) | http://www.shekulli.com.al/zotmedia/images/share.png SHARE (http://javascript%3Cb%3E%3C/b%3E:;) | -http://www.shekulli.com.al/zotmedia/images/-.gif (http://javascript%3Cb%3E%3C/b%3E:ts%28%27font%27,-1%29) +http://www.shekulli.com.al/zotmedia/images/+.gif (http://javascript%3Cb%3E%3C/b%3E:ts%28%27font%27,1%29)

http://www.shekulli.com.al/zotmedia/images/mby.gif

(http://javascript%3Cb%3E%3C/b%3E:;) Një 21-vjeçar ka tentuar të vrasë me thikë të dashurën e tij pasi ajo vendosi t'i japë fund lidhjes

E mitura ndodhet në spital në gjendje të rëndë, ku mjekët i kanë hequr njërën veshkë dhe presin mbijetesën

VLORË - "Më mirë të të zhduk, sesa të të kenë të tjerët". Këto kanë qenë fjalët që i ka thënë vajzës që dashuronte, teksa e ka goditur disa herë me thikë në trup. Historia e dashurisë mes dy të rinjve, duket se ka përfunduar në vrraga gjaku për vajzën, finalizuar nga i dashuri i saj.

Gjithçka është vendosur nga thika, që ka përshkuar disa herë trupin e vajzës, ndërsa gjurmët e gjakut kanë mbetur në divanin e dhomës së ndenjies, ku ishte ulur vajza.
Historia e ndodhur në orët e drekës së djeshme në periferinë e Vlorës, duket se ka lënë pa frymë banorë të lagjes "Kushtrimi" e "11 Janari", në kufi mes të cilave ndodhet shtëpia e vajzës, që kanë qenë të tmerruar nga ajo që kanë parë dhe dëgjuar.
Duke u futur në lagjen "Kushtrimi", të tregojnë menjëherë një shtëpi në ndërtim e sipër. Në shtëpinë njëkatëshe, njëri prej xhamit të dyerve është i thyer, ndërsa brenda saj kanë mbetur njolla të mëdha gjaku në divan dhe dysheme, si dhe televizori ndezur.
Siç tregojnë banorë të zonës, ngjarja ndodhi kur vajza ishte vetëm në shtëpi. Djali ka hyrë brenda dhe pak kohë më pas debatet janë ashpërsuar, teksa janë dëgjuar më pas të bërtitura dhe ulërima.

Disa herë thikat kanë përshkuar trupin e vajzës dhe pas kësaj 21-vjeçari ka lënë banesën e së dashurës dhe atë në një pellg gjaku dhe ka përshkuar me vrap lagjen, duke humbur rrugicave të saj.

Fqinjët sqarojnë se vajza ka dalë vetë nga shtëpia, duke thyer edhe xhamin e derës, ndërsa më pas është ndihmuar nga një nga djemtë e lagjes dhe nga një punonjës policie, që rastësisht ka qenë duke kaluar aty. Ka qenë ky i fundit që ka njoftuar kolegë të tij dhe ambulancën, ndërsa e ka nxjerrë pranë rrugës që lidh lagjen periferike me qytetin. 15-vjeçarja madje ka arritur të komunikojë me të duke i treguar mbi ngjarjen, si dhe emrin e djalit dhe marrëdhënien që kishte pasur me të.

Të dy të rinjtë njiheshin me njëri-tjetrin. Ata kishin pasur një lidhje, por duket se marrëdhëniet e tyre kishin ndryshuar. 15-vjeçarja Milena Shene mësohet t'i ketë komunikuar djalit se do të ndërprisnin gjithçka, çka jo vetëm nuk është mirëpritur nga 21-vjeçari, por ka mjaftuar që të arrijë deri në kërcënime. Përkeqësimi i raporteve ka arritur kulmin në orët e drekës së djeshme.

Djali ka behur në shtëpinë e vajzës dhe pasi nuk ka gjetur me të gjuhën e përbashkët, ka folur me tehun e thikës. 21-vjeçari me origjinë nga Kukësi dhe me banim në Spitallë të Durrësit e ka qëlluar minorenen 6 herë me thikë, në grykë, në kraharor, në shpatull dhe në bark, ndërsa plagët te vajza janë shtuar edhe në krah e duar gjatë rezistencës që ka bërë.

Prej pak kohësh vajza kishte lënë shkollën. Ajo paraditeve rrinte në banesën e saj, ndërsa i ati shkonte të punonte. Prindërit e saj ishin të divorcuar dhe 15-vjeçarja jetonte vetëm me të atin.

Aktualisht ajo ndodhet në spitalin rajonal të Vlorës, ku i është nënshtruar ndërhyrjeve, ndërkohë që mjekët ende nuk janë shprehur për jetën e saj. Autori i krimit është i identifikuar, si një 21-vjeçar me inicialet A.A., me origjinë nga Kukësi dhe me banim në Spitallë të Durrësit. Efektivët e policisë vijojnë hetimet për ngjarjen, si dhe punën për kapjen e autorit.

[lirik]

gjëra te tilla te bejne te mendosh se me disa shqiptar nuk esht diqka ne rregull

krime dhe agresivitete deshmojne se ky absurd kjo sjellje e tille te ben te mendosh thell se si ka mundsi qe ne ket komb ka njerz te tille
dhe te ben te mendosh se diqka duhet ndryshuar shkenca e mjekeesia sepse nuk esht normale kjo q enjerzit te jen kaq agresiv por ka diqka ne
fakt diqka ka te jashtzakonshme si ka mundesi qe vrasja te shqiptart agresioni dhe sjellja konfliktuoze te jet pojese e jetes esht ne pyetje sektesia dhe varfria e mendjes apo ka diqa ne gjen agresivitetit te lindur

ne ket civilizim ne te cilin normal do te duhej jete krejt tjeter njeriu qe jeton me ket komb shef keso rastesh
qe te habisin

[lirik]

Tiranë, 4 të plagosur për femra dhe borxhe
http://www.shekulli.com.al/zotmedia/images/mby.gif

(http://javascript%3Cb%3E%3C/b%3E:;) Katër të plagosur në kryeqytet nga përplasjet mes disa të rinjve pas grindjeve për motive femrash dhe borxhesh. Policia arrestoi dy persona e shpalli në kërkim një të tretë si të dyshuar të këtyre krimeve. Ngjarja e parë ka ndodhur në Institutin Bujqësor në Kodër Kamëz, në banesën e familjes Kurti. Ermal Ceka dhe Shano Kamberi, mësohet se i kishin dhënë një sasi parash borxh dy vëllezërve Hasan e Pëllumb Kurti. Për këtë shkak ata kanë shkuar në banesën e kësaj familjeje për të marrë paratë, por kanë nisur të grinden e përleshen. Në grindje e sipër Ceka dhe Kamberi kanë qëlluar me gruashta e thika dy vëllezërit duke iu shkaktuar atyre plagë të rënda në trup. Për shkak të plagëve të marra, dy vëllezërit kanë përfunduar në spitalin ushtarak në kryeqytet, ku u është dashur të operohen nga mjekët kirurgë. Policia e komisariatit nr.5, në Kamëz është vënë në lëvizje duke arrestuar dy të dyshuarit me akuzën e vrasjes së mbetur në tentativë dy herë dhe atë të plagosjes së vëllezërve me sende të ftohta. Të plagosurit, sipas policisë, ndodhen jashtë rrezikut për jetën. Ndërkaq, ngjarja e dytë ka ndodhur dje pranë shkollës së mesme "Petro Nini Luarasi", në Tiranë, dy të rinj janë plagosur të qëlluar me thika. Donald Mërtiri dhe Erald Hoxha, janë dërguar në spitalin ushtarak, për shkak të plagëve të marra në një grindje. Sipas mjekëve, i pari kishte katër plagë të rënda nga goditjet me thikë dhe i dyti dy plagë. Policia identifikoi dhe shpalli në kërkim 20-vjeçarin me iniciale K.K, të dyshuar për krimin me motive femrash ndërsa të dëmtuarit, sipas burimeve, ndodhen në spital në gjendje të rëndë.

[lirik]

Agresiviteti Nuk Ka Te Ndalur Ne Trojet Shqiptare Mashtrimet Dhe Punet E Liga Si Ka Mundesi Keto Sjellje Kaq Te Qoroditura

PERSE KAQ EKOMPLIKUAR JETA NE KET KOHE TE INFORMIMEVE

[GURI SYLAJ]

Ata qe nuk e kuptojne titullin e temes "Arena nderkombtare " edhe mund te pyesin !
Ose,mund te hapim edhe nje rubrike te re -
"Kronika e zeze!"
Si duket dikujt i mungon kjo rubrike!!

[Estella]

Ata qe nuk e kuptojne titullin e temes "Arena nderkombtare " edhe mund te pyesin !
Ose,mund te hapim edhe nje rubrike te re -
"Kronika e zeze!"
Si duket dikujt i mungon kjo rubrike!!

ahhahahhahhhahahhahhahahaahhahaahhahahhaha le lot kam qesh.......

se njeher u konzetrova me lart tu lexu tani ky postim yti me bani shume me kesh

[Llapjani_HH]

Policia e Kosovës faturat e veriut ia paguan Telekomit të Serbisë


Mitrovicë, 18 janar 2010 - Policia e Kosovës i ka paguar Telekomit të Serbisë 8 mijë e 211 euro gjatë vitit 2009, për shërbime të telefonisë fikse.

Kjo pagesë është bërë për shkak të shfrytëzimit të rrjetit fiks të Telekomit të Serbisë, gjë që nuk e bën vetëm Policia eKosovës por e gjithë pjesa veriore e Kosovës. Sipas shtypit, që nga viti 2002, Posta dhe Telekomi i Serbisë është operatori i vetëm i telefonisë fikse në pjesën veriore të Kosovës. Duke mos pasur një zgjidhje tjetër, edhe policia është kyçur në këtë rrjet. "Pjesa veriore e vendit tonë nuk është e furnizuar me numra fiks të PTK së. Në pjesën veriore të Mitrovicës kemi paguar faturat për telefonat fiks, në vlerë prej 8.211,20 euro", ka deklaruar për "Kohën ditore" zëdhënësi i Policisë, Brahim Sadria. Policia e Kosovës është e rregullt edhe në pagesën e faturave të energjisë elektrike, për dallim nga banorët e pjesës veriore të Kosovës, mirëpo këto shërbime i ofrohen nga Korporata Energjetike e Kosovës.
QIK-u

[Llapjani_HH]

Tërmkolli kërkon prishjen e koalicionit PDK-LDK


Kryetarja e Forumit të Gruas të Lidhjes Demokratike të Kosovës, Melihate Tërmkolli, ka kërkuar prishjen e koalicionit midis Partisë Demokratike dhe Lidhjes Demokratike, duke kërkuar mbajtjen e zgjedhjeve të përgjithshme brenda këtij viti.

Këto komente zonja Tërmkolli i ka bërë në një takim me gazetarët në Prishtinë.

“Personalisht nuk ndihem në asnjë rast pjesë e kësaj politike, e cila është duke u zhvilluar që dy vite në Kosovë. Përndryshe anëtarësia e Lidhjes Demokratike të Kosovës e ka treguar qartë se nuk don të jetë pjesë e këtij koalicioni. E ka treguar qartë pikërisht në zgjedhjet e fundit të vitit 2009. Unë mund të them se koalicioni duhet të ndërpritet menjëherë, absolutisht duhet të ndërpritet menjëherë”, ka thënë Tërmkolli.

Ajo e ka cilësuar si tmerruese “deklaratën e kryeministrit të Kosovës, Hashim Thaçi, se 'Prizreni është Jerusalem për PDK-në'”.

“Papërgjegjësia e drejtuesve të institucioneve dhe disa subjekteve politike në këtë proces është e paprecedent. Nuk është e njohur deri më tani në historinë politike të vendit tonë, dhe kjo kulmon me deklaratën e fundit të kryeministrit për Prizrenin, ‘si Jerusalem për PDK-në’, ashtu siç kanë informuar mediat dhe mund të themi se është më shumë se tmerruese”.

“Kjo ringjallë mitet apo korrespondon me mitet e Serbisë për Kosovën, një alibi e politikës së dhunshme që ka ushtruar Serbia ndaj shqiptarëve të Kosovës për shekuj me radhë”, ka thënë zonja Tërmkolli.
Radio Evropa e Lirë

Policia e Kosovës siguron Martyn


Policia e Kosovës është duke u përkujdesur për sigurinë personale të Dick Martyt, gjatë qëndrimit në Kosovë.

I dërguari i Këshillit të Evropës arriti mbrëmë për të hetuar akuzat e Serbisë se Ushtria Çlirimtare e Kosovës ka bërë trafik organesh me serbë të burgosur gjatë konfliktit të vitit 1999.

Zëdhënësi i Policisë së Kosovës, Baki Kelani, i tha Radios Evropa e Lirë, se për sigurinë personale të zotit Marty, gjatë eskortës dhe qëndrimit të tij në Kosovë, është duke u përkujdesur Njësiti i Mbrojtjes së Afërt të Policisë së Kosovës.

Zëdhënësi i EULEX-it, Christophe Lamfalussy, tha se Dick Marty do të takohet me zyrtarët më të lartë të misionit evropian për rend dhe ligj dhe me persona të tjerë në Kosovë.

Dick Marty është këtu
Nga Jeton Musliu

Dick Marty erdhi në Kosovë, bashkë me policë. I Dërguari i Këshillit të Europës për të hetuar dyshimet se ish-UÇK ka kryer trafikim organesh të serbëve, do të qëndrojë për dy ditë në Kosovë. Ai do të takojë zyrtarë të EULEX’it dhe vendorë.

Pa zhurmë dhe pa asnjë njoftim publik, në Kosovë ndodhet një zyrtar shumë i rëndësishëm i Këshillit të Evropës. Ky është Dick Marty, personi prej të cilit në të ardhmen e afërt, mund të varet edhe opinioni që do të krijohet, kryesisht te të huajt, për luftën e ish-Ushtrisë Çlirimtare të Kosovës (UÇK).

Marty ka ardhur në Prishtinë të hënën pasdite, rreth orës 16, dhe do të qëndrojë deri të mërkurën. Ai nuk është vetëm. Martyn e shoqërojnë edhe dy zyrtarë të tjerë. Të tre ata, sigurohen nga policë zviceranë, të veshur me rroba civile.

Dick Marty është hetuesi i cili do të verifikojë pretendimet e kryeprokurorit të Serbisë për krime lufte, Vladimir Vuçkeviç. Ky i fundit, mbështetur edhe në librin e ish-kryeprokurores së Tribunalit të Hagës, Carla Del Ponte, do të verifikojë nëse ish-UÇK-ja ka kryer trafikim të organeve të serbëve, të zënë robër gjatë luftës së vitit 1999.

Agjenda e hetuesit të Këshillit të Evropës mbahet shumë e fshehur. Për agjendën e tij, nuk tregojnë as zyrtarët e Misionit Evropian për Sundimin e ligjit-EULEX.

“Vizita e tij mund të jetë përgatitur nga vetë grupi i tij dhe ne nuk kemi të bëjmë asgjë me këtë vizitë”, thotë Christophe Lumfusly, shef për komunikim me media në EULEX.

Burime të Expressit nga Aeroporti i Prishtinë tregojnë se Dick Marty ka mbërritur i shoqëruar me disa persona të tjerë dhe atë e kanë pritur veturat e EULEX-it.

“Ai erdhi me shumë persona dhe jashtë u prit nga veturat e EULEX-it dhe Policisë së Kosovës. Aeroplani i tij ateroi në orën 15 e 20 minuta dhe erdhi nga Vjena me kompaninë Austrian Airlines”, thotë burimi i gazetës.

Ardhjen e Dick Martyt në Kosovë e konfirmon edhe Christophe Lumfusly, i cili shpjegon se ai do të takohet me zyrtarë të lartë të këtij misioni.

“Po, mund të konfirmoj se Dick Marty ka mbërritur në Kosovë. Ai do të ketë takime me zyrtarë të EULEX-it dhe persona të tjerë në Kosovë. Kaq mund të them”, thotë Lumfusly për Express.

Pavarësisht ardhjes së tij në Prishtinë, kontaktet me këtë hetues janë të pamundura. Gjatë ditës së hënë, Expressi ka mundur që përmes zyrtarëve përkatës për komunikim në Këshillin e Evropës, të kontaktojë tërthorazi me Dick Martyn.

“Sapo kam kontaktuar me z. Dick Marty, i cili nuk është i gatshëm të japë asnjë intervistë në këtë fazë të punës së tij”, thotë një nga zyrtaret e Këshillit të Evropës, duke sqaruar se e ka të ndaluar të japë çfarëdo sqarimi tjetër.

Pavarësisht kësaj, nga burime ndërkombëtare, Expressi ka mundur të kuptojë se për dy ditë të qëndrimit të tij në Kosovë, Dick Marty do të ketë takime të shumta, duke përfshirë edhe zyrtarët më të lartë të Prishtinës dhe Misionit të EULEX-it.

“Ai do të ketë takime me zyrtarët seniorë dhe ata të EULEX-it”, thotë ky zyrtar për Express.

Por Memli Krasniqi, zëdhënës i Qeverisë së Kosovës, e mohon se Kryeministri i vendit Hashim Thaçi, ka në agjendën e tij takim me këtë person.

“Nuk ka në agjendën e tij takim me këtë person as sot, as nesër dhe as në ditët e tjera”, thotë zëdhënësi Krasniqi për Express.

Ndërkohë, takimet e këtij hetuesi përgatiten vetëm pak orë para se ato të mbahen.
Përveç kësaj, çështjen të cilën e heton, duket se Marty e cilëson si shumë të ndjeshme dhe arsyeja e marrjes me vete të policëve, nuk ka të bëjë vetëm me ruajtjen e tij. “Gjatë ditës së hënë, disa prej këtyre policëve, kanë kontrolluar përreth objektin ku ndodhet Departamenti për Mjekësi ligjore, i cili vepron në kuadër të Ministrisë së Drejtësisë”, shpjegon për Express, zyrtari ndërkombëtar.
Sipas tij, brenda këtyre dy ditëve, ka mundësi që ai të vizitojë këtë institucion, kurse vizita e këtyre “tipave”, ka qenë për të parë se mos ka diçka që cenon sigurinë e tij.

Arsim Gërxhaliu është drejtor në këtë departament. Por ai e mohon se ka të caktuar ndonjë takim me këtë zyrtar. “Mua askush nuk më ka thënë se mund të kem apo kam takim me të”, thotë Gërxhaliu për Express.

Në fakt, Dick Marty e di se në Prishtinë nuk e do askush. Rreth dy muaj më parë, në kohën kur ishte në vizitë në Beograd, kishte planifikuar të vizitojë edhe Kosovën.

Por askush në Prishtinë nuk deshi të takohet me të. Për të mbuluar këtë, ai u sëmur. Së paku kështu deklaroi në arsyetimin zyrtar.

Me të nuk kishte pranuar të takohet as ministrja e Drejtësisë, Nekibe Kelmendi. Nga të gjithë zyrtarët e drejtësisë së Prishtinës, takimin e vetëm që ai kishte mundur ta caktojë, ka qenë në Departamentin për Persona të Zhdukur dhe Mjekësi ligjore.

Takimin e paralajmëruar, por të dështuar me Dick Martyn, e konfirmon edhe drejtori Arsim Gërxhaliu. “Para dy muajve është lajmëruar nga zyra e Dick Marty se ai do të ketë takim me mua, por e njëjta është anuluar për arsye shëndetësore të z. Marty. Nga ajo kohë unë nuk di më asgjë. Edhe nëse kam ndonjëherë takim me të, nuk kam asgjë më shumë për t’i thënë, sesa atë që kam mësuar nga mediat dhe libri që e kam lexuar të shkruar nga Carla Del Ponte”, thotë Arsim Gërxhaliu, drejtor i Departamentit për Persona të Zhdukur dhe Mjekësi ligjore.

Në fakt, zyrtarët e Ministrisë së Drejtësisë janë personat kryesorë me të cilët Dick Marty do të duhej të kontaktonte.

Por Astrit Kolaj, drejtor i Zyrës për Informim në këtë ministri, thotë se në agjendën e ministres Nekibe Kelmendi, nuk ka të shënuar ndonjë takim me këtë person.
“Ndonëse ministrja është shumë e zënë, në Ministrinë e Drejtësisë nuk është paraparë ndonjë takim me këtë person”, thotë Kolaj për Express.
Gazeta Expres

[Llapjani_HH]

AAK: Autostrada është orientuar kah arat e Fatmir Limajt

“Kompania amerikano-turke ‘Bechtel&Enka’ është përzgjedhur të jetë punëkryese e vazhdimit të Rrugës së Kombit, nga Vërmica në Merdar. Ky projekt jashtëzakonisht i rëndësishëm zhvillimor, i kalon përmasat e vendimeve të rëndomta të një qeverie, andaj ka qenë me rëndësi të posaçme transparenca dhe debati publik në lidhje me të”, ka thënë në konferencën për media, anëtari i Kryesisë së AAK-së dhe këshilltari i kryetarit të kësaj partie Ramush Haradinaj, Avni Arifi.



Arifi ka potencuar se, “fatkeqësisht, për qytetarin e Kosovës, paqartësitë janë tepër të mëdha, duke përfshirë jo vetëm burimet e financimit, por edhe të gjitha vendimet që janë marrë në lidhje me këtë projekt nacional”. Kjo qeveri, me këtë projekt, sipas Arifit, jo vetëm që nuk ka qenë transparente në formë të kulturës politike, por, edhe më shumë, kjo e ka anashkaluar vendimin e mëparshëm të Kuvendit të Kosovës për koston dhe trasenë e parapërcaktuar nga ekspertët.

“Ky projekt është edhe një shembull se si projekti më i madh i vendit shfrytëzohet në mënyrën më të paskrupullt për interesa të individëve”, ka definuar Arifi.

Më tej, ai ka përcjellë qëndrimin se “AAK i kundërshton devijimet që i janë bërë planit origjinal, pa asnjë sqarim dhe pa asnjë debat valid”, duke i dhënë në fund edhe arsyet e këtij kundërshtimi:

“E para: Nuk është kjo autostrada Vërmicë-Merdare, por Vërmicë-Besi (Prishtinë). I tërë rajoni i Llapit është riizoluar. Pyesim Qeverinë: Pse është përjashtuar i tërë rajoni i Llapit nga benificionet e kësaj autostrade. Ky rajon, në mënyrë të vazhdueshme po diskriminohet nga kjo Qeveri, edhe pse është zone strategjike me rreth 94 km zonë kufitare me Serbinë. Asnjë projekt zhvillimor nuk ekziston në këtë rajon dhe shpresat e llapjanëve që me këtë autostradë do të ringjallet ekonomia, janë venitur me një vendim te padrejtë politik. Duhet të gjithë ta dinë se, duke marrë parasysh dendësinë e trafikut aktual, pas tri vitesh, më shpejt do te shkohet nga Prishtina në Prizren sesa nga Prishtina në Podujevë”.

E dyta, sipas AAK-së, është devijimi i rrugës kah Malisheva. “Kemi vetëm një pyetje. A është ky version i rrugës me të vërtetë më i liri apo është më i miri, vetëm sepse kalon kah arat e Fatmir Limajt. Arsyetimi se është më i lirë, është vështirë të besohet, duke pasur parasysh se versionet e mëparshme janë kryer pikërisht nga ekspertë të kësaj fushe. Për më tepër, kjo qeveri nuk ka dhënë asnjë argument për të besuar se kostoja financiare do të jetë më e lirë, ka thënë në konferencë të mërkurën Arifi.
Telegrafi

Autostrada u devijua për interesa të pushtetarëve


Lidhja Demokratike e Dardanisë (LDD) akuzoi sot ministrin e Transportit dhe drejtues të tjerë të institucioneve të Kosovës për devijimin e trasesë së autostradës Vermicë-Merdar, për interesa të ngushta personale.

Adem Salihaj, nënkryetar dhe deputet i LDD-së, tha se devijimi i trasesë nga drejtimi Prizren-Suharekë-Shtime-Prishtinë, siç është paraparë më herët, në drejtim të Arllatit, është bërë për qëllime personale të kryeministrit Thaçi, kryeparlamentarit Krasniqi, zëvendëskryeministrit Kuçi dhe ministrit të Transportit, Limaj.

“Mos të harrojmë se në relacionin Duhël-Arllat, gjendet diku vendlindja e ministrit të Postë-Telekomunikacionit. Pastaj andej në atë pjesën tjetër vijnë kryeministri dhe kryetari i Parlamentit. Po ashtu autostrada lidhet me aksin rrugor Prishtinë-Pejë prej nga vjen zëvendëskryeministri... Pra, unë mendoj që arsyet mund të jenë më shumë aty sesa diku që realisht do duhej të ishin”, ka thënë Salihaj, transmeton KosovaPress.

Sipas tij, edhe rruga nëpër Grykën e Carralevës është e rrafshët njësoj, sikurse ajo që kalon nëpër Arllat.

Akuzë tjetër e opozitës është se çmimi i ndërtimit të kësaj autostrade është jashtë normave dhe lë dyshime të mëdha për manipulime. Salihaj tha se një kilometër e autostradës së Shqipërisë ka kushtuar 6 deri në 6,4 milionë euro, ndërkaq në Kosovë ku terreni është më i rrafshët një kilometër autostradë do të kushtojë 7 deri 8 milionë euro.

“Ne e dimë se për ndërtimin e autostradës Durrës-Kukës-Morinë është dashur të shemben kodra të tëra shkëmbore dhe të hapen tunele dhe ka kushtuar më lirë sesa një kilometër autostradë e Kosovës, e cila shkon nëpër terren pothuajse të rrafshët. Pra me çmimin nuk është diçka në rregull dhe në anën tjetër mosdefinimi i çmimit jep mundësi për manipulime të tjera përveç kësaj që është thënë”, ka thënë ai.

Nënkryetari i LDD-së, gjithashtu ka vlerësuar se ndërtimi i autostradës duket të mos jetë serioz, për faktin se për ndërtimin e saj, për vitin 2010, 2011 dhe 2012, janë ndarë vetëm 21 milionë euro.

Salihaj akuzoi qeverinë për tendencë që Rrafshi i Kosovës të shndërrohet në “zorrë qorre”, duke investuar më shumë në pjesën e Drenicës.
Gazeta Expres

[Llapjani_HH]

Fillon aplikimi online për dokumentet e gjendjes civile


Projekti i përbashkët i Ministrisë së Administratës Publike dhe Ministrisë së Punëve të Brendshme “Sistemi i Menaxhimit të dokumenteve të Gjendjes Civile” , është promovuar të enjten.

Me realizimin e këtij projekti, siç u tha me këtë rast, do të lehtësohen procedurat për të aplikuar për dokumente të Gjendjes Civile nga ana e qytetarëve dhe në anën tjetër, administratës i krijohen mundësi që të jetë shumë më efikase dhe më efektive në këtë aspekt.

Me praninë e ministrit të MAP-së, Arsim Bajrami dhe ministrit të MPB-së, Zenun Pajaziti, është bërë edhe demonstrimi i aplikimit nga ana e qytetarit dhe puna e zyrtarit në zyrën e gjendjes civile, duke ofruar para të pranishmëve në mënyrë të drejtpërdrejtë certifikatën e parë për të cilën është aplikuar në mënyrë elektronike.

Përmes këtij sistemi, të gjithë qytetarët e Republikës së Kosovës do të kenë mundësi që përmes internetit, duke shfrytëzuar e-Portalin shtetëror të vendit tonë, nga çdo pikë e Kosovës apo çdo pikë e botës, të aplikojnë për certifikata të ndryshme për të cilat kanë nevojë në Gjendjen Civile.

Ky projekt është zhvilluar në kuadër të Strategjisë së e-Qeverisjes 2009-2015 dhe Planit të Veprimit për implementimin e kësaj Strategjie, dy dokumente të cilat janë miratuar nga ana e Qeverisë së Republikës së Kosovës.

Bartës i realizimit të projektit ka qenë Departamenti i e-Qeverisjes dhe Proceseve Administrative në MAP, në bashkëpunim me departamentin përkatës të Gjendjes Civile në Ministrinë e Punëve të Brendshme.
Telegrafi

MPJ: Hyseni nuk ka pasur ftesë për samitin e Unionit Afrikan


Ministria e Punëve të Jashtme të Kosovës ka demantuar lajmin e dhënë nga mediat serbe se, shefit të diplomacisë kosovare Skender Hyseni, nuk i është lejuar pjesëmarrja në samitin e Unionit Afrikan, për shkak se autoritetet etiopiane nuk deshën t’ia jepnin vizën në pasaportën e Kosovës.

Zëdhënësja e MPJ-së, Albana Beqiri ka deklaruar për portalin Telegrafi.com se as ministri Hyseni dhe asnjë zyrtar nga kjo ministri nuk ka tentuar të shkonte në këtë samit, pasi që, siç tha ajo, as që ishin ftuar për të marrë pjesë.

Agjencia serbe e lajmeve FoNet e Beogradit, kishte raportuar se ministrit Hyseni dhe anëtarëve të tjerë të delegacionit nga Kosova autoritetet etiopiane nuk iu kishin dhënë viza me kërkesë të Serbisë.
Telegrafi

[Llapjani_HH]

Përgatiten 120 padi kundër Serbisë për krime lufte


OJQ-ja “Ngritja e Zërit” në Skenderaj, është duke mbledhur dëshmi humbjet njerëzore dhe materiale gjatë luftës së fundit të shkaktuara nga forcat pushtuese serbe. Jahir Bejta, përfaqësues i kësaj organizate, thotë se janë 433 lëndë në kompletim e sipër, kurse 120 padi janë në fazën finale, për çka duhet një konsultim shtesë me ekspertë vendorë dhe ndërkombëtarë. “Presim që dëmet materiale të jenë mbi 200 milionë euro. Nga 430 aplikacione, 338 sosh kanë të bëjnë me dëme në njerëz, kurse 92 lëndë kanë të bëjnë me dëme materiale”, tha ai. Sipas ti, numri i familjeve me një anëtar të vrarë, të cilat i janë përgjigjur kësaj nisme, është 113 sosh, me 2 anëtarë të vrarë janë dy familje nga Skenderaj, po aq sa ka me 3 anëtarë të vrarë, kurse me katër anëtarë të vrarë janë katër familje. Siç tha ai, kjo çështje do të kërkohet të trajtohet edhe në gjykatën ndërkombëtare në Strasburg, në mënyrë që familjet të cilat janë dëmtuar gjatë luftës nga Serbia, të kompensohen.

Bota Sot

[Llapjani_HH]

Automjetet me targa të vjetra edhe këtë vit


Në Ministrinë e Brendshme thonë se automjetet me regjistrimet e vjetra si Pr, Gl, Ur etj., do të vazhdojnë të qarkullojnë edhe këtë vit, sepse vetëm në fund të vitit do të fillohet dhënia e targave të reja të Republikës së Kosovës. Të gjitha dëmet e shkaktuara nga këto automjete paguhen nga kompanitë vendëse të sigurimeve, ndonëse kryeministri Thaçi u kishte premtuar kompanive që vitin e kaluar se do t'i lirojë nga kjo ngarkesë

Edhe këtë vit targat e vjetra të Kosovës me emrat e qyteteve, nuk do të tërhiqen nga qarkullimi, ndërsa kompanitë vendore të sigurimeve do të vazhdojnë të paguajnë për dëmet e tyre që i shkaktojnë në komunikacion.
Ministria e Punëve të Brendshme nuk do t'i lëshojë në qarkullim targat e reja të Kosovës më herët sesa fundi i këtij viti.

Targat civile do të mbeten në fund të vitit, ndërsa prioritet do të kenë targat diplomatike të cilat pritet të shpërndahen në tremujorin e parë të këtij viti, ndërsa më pas u vjen radha targave zyrtare.
Për targat e vjetra me emrat e qyteteve të Kosovës (Pr, Gl, Ur etj), në Ministrinë e brendshme thonë se ato lejohen me një vendim ekzekutiv që e ka nxjerrë përfaqësuesi special vite më parë, ndërsa Qeveria disa vendime të përfaqësuesit special i ka vazhduar me automatizëm deri në nxjerrjen e një vendimi tjetër.

Heqja nga qarkullimi i këtyre targave do të ndodhë pasi të fillojë shpërndarja e targave të reja të Republikës së Kosovës, e me këtë, të gjitha qytetarët obligohen që të pajisen me to.
Në anën tjetër dëmet në komunikacion të cilat i shkaktojnë këto automjete vazhdojnë t’i paguajnë kompanitë vendëse të sigurimeve, ndonëse një vit më parë kryeministri Hashim Thaçi u kishte premtuar kompanive se “do tua heqë këtë barrë të rëndë”.

Janë më shumë se një milion euro dëme të shkaktuara nga automjetet me targat e vjetra të cilat i mbajnë kryesisht minoritarët serbë, të cilat dëme i ka paguar Fondi i Garancisë së Kosovës, i përbërë nga kompanitë e sigurimeve.
Fisnik Rexhepi, këshilltar i lartë politik në Ministrinë e Punëve të Brendshme, tha se janë në finalizim të procesit të lëshimit të targave të reja të Kosovës, ku kanë kompletuar infrastrukturën e nevojshme ligjore, instalimin e sistemit online të regjistrimit të automjeteve, në kuadër të projektit qeveritar për qeverisje elektronike.

“Në tremujorin e parë të këtij viti do të fillojnë lëshimin e targave diplomatike, ndërsa në të dytin do të vazhdojnë me targat e institucioneve shtetërore, ndërsa në fund të vitit do fillojnë me ato të rëndomta”.
Ndërkohë për vonesën e targave të reja, ai konsideron se procesi ka qenë më i rëndësishëm se afati kohor dhe thotë se kanë qenë të prirë që te kenë një proces të besueshëm.

“Nuk kemi dashur që të lëshojmë me nguti këto targa dhe pastaj qytetarët të hasin në vështirësi gjatë lëvizjes në vende të ndryshme jashtë vendit. Jemi siguruar që të gjitha targat të jenë në përputhje me të gjitha standardet ndërkombëtare dhe që te kemi legjislacion apo bazë ligjore për lëshimin e këtyre targave. Për këtë kemi marrë vlerësim pozitiv nga partnerët ndërkombëtar”, tha ai.
Në anën tjetër, Rrustem Mustafa, kryetar i Komisionit parlamentar për siguri, jep kritika për vonesën e lëshimit të targave të reja. “Për këtë çështje nuk mund të them më shumë, përveç faktit se te ne mungojnë kapacitetet e njerëzve që punët t'i organizojnë më mirë dhe të kryhen punët në kohë më të shpejtë”, tha ai.
Ndërkaq, Ministria e Punëve të Brendshme që gjatë vitit të kaluar kishte premtuar se në qershorin e vitit 2009 nuk do të lejojë më qarkullimin e automjeteve me targa të vjetra, qarkullimi i tyre do të mbetet edhe këtë vit. UNMIK-u lejonte qarkullimin e këtyre automjeteve me urdhër të përvitshëm, ndërsa urdhri për qarkullimin e tyre nuk është vazhduar më që nga prilli i vitit 2008. Por, edhe pas përfundimit të mandatit të UNMIK-ut dhe dy vjet pas pavarësisë së shtetit, këtyre targave që bartin elemente të një sovraniteti joekzistues, ende nuk ju thuhet "stop".(lajm)
Telegrafi

[Llapjani_HH]

UNMIK u përpiqet ta bëjë të pavlefshëm rastin e 10 shkurtit 2007


Prishtinë 3 shkurt 2010 - Halim Sylejmani, përfaqësues ligjor i familjeve të Mon Balajt dhe Arben Xheladinit, bëri publike sot një letër nga UNMIK u rreth rastit të 19 shkurtit 2007 të Panelit Këshillues për të Drejtat e Njeriut (PKDNJ). Rreth këtij rasti, Sylejmani thotë se më 28 janar kishte pranuar përgjigjen më të re të UNMIK ut drejtuar Panelit në lidhje me rastin e 10 shkurtit 2007. Në letrën e tij UNMIK u thotë se rasti nuk është i vlefshëm më te PKDNJ ja për shkak të Udhëzimit të ri Administrativ të PSSP së të shpallur më 17 tetor 2009. Neni 2 e bën të pavlefshëm çdo rast që është duke u shqyrtuar për dëmshpërblim në OKB dhe kërkon nga Paneli që t'i rishqyrtojë vendimet e mëparshme për pranueshmërinë. Në këtë letër PSSP ja tregon se, sa i përket atij, PKDNJ ja nuk ka pavarësi fare. Ai shkruan: "Nga Paneli pritet të veprojë në përputhje me UNMIK/AD/2009/1 dhe që brenda një kohe të shkurtër të përcaktohet për zbatimin e duhur të këtij vendimi". Ndërkaq Sylejmani në komentin e tij thotë se kjo është një përpjekje më e fundit e UNMIK ut për të bllokuar rrugën drejt drejtësisë. "Vitin e kaluar UNMIK u ka ndërhyrë në mënyrë të vazhdueshme për të na penguar në mbajtjen e një dëgjimi publik. Përveç kësaj, ai pastaj i ka fyer familjet duke u ofruar kompensim me kusht që të heqin dorë nga e drejta e tyre për të mbajtur UNMIK un përgjegjës". Sipas Sylejmanit, pas dështimit për të bllokuar rastin, PSSP ja shfrytëzoi pushtetin e tij ekzekutiv për të shpallur një Udhëzim Administrativ, qëllimi i vetëm i të cilit është të bëjë rastin tonë të pavlefshëm. "UNMIK u po bën gjithçka që është e mundur për të bllokuar përpjekjen me dinjitet të familjeve për të kërkuar drejtësi për vrasjen e bijve të tyre, Mon Balaj dhe Arben Xheladini, në një demonstratë paqësore, si dhe për plagosjen e rëndë të Zenel Zenelit dhe Mustafë Nerjovajt. Ne nuk do të heqim dorë nga lufta jonë për drejtësi dhe nga kërkesa për një hetim penal të pavarur", thotë Sylejmani.
QIK-u

S’ka rivotim në Gjilan, vendos Gjykata Supreme


Gjykata Supreme e Kosovës ka anuluar vendimin e KZAP-it për përsëritjen e zgjedhjeve në komunën e Gjilanit. Burime të Kosovapress-it bëjnë të ditur se këtë vendim e posedon edhe KQZ-ja. Kosovapress ka siguruar edhe faksimilen e vendimit të Gjykatës Supreme, ku jepen sqarimet e vendimit të marrë.

Vendimi për anulim është marrë të martën, nga kolegji i gjyqësor në përbërje Vjosa Nimani – Zylfiu, kryetare, Xhyran Dema dhe Shahdane Agani, anëtarë.

“Anulohet vendimi i Komisionit për Ankesa dhe Parashtresa me numër 508/2009, të datës 19 dhjetor 2009, vetëm në pjesën në të cilën është udhëzuar KZQ të urdhërojë përsëritjen e votimeve për kryetar komune në Gjilan”, thuhet në vendimin e trupit gjykues.

Në arsyetimin e Gjykatës Supreme, thuhet se pasi shqyrtojë vendimin e kundërshtuar dhe të gjitha shkresat e kësaj çështje, si dhje pas vlerësimit të thënieve në padi, kolegji ka gjatë se padia është e bazuar.

Sipas vendimit, Gjykata Supreme ka konstatuar, se aktvendimi i kundërshtuar përmban të meta të tilla, për shkak të të cilave nuk mund të shqyrtohet ligjshmëria e tij, këto të meta qëndrojnë në shkeljen thelbësore të dispozitës së nenit 84.2c të Ligjit të procedurës administrative.

Padia ndaj vendimit të KZAP-it është ngritur nga kandidati i PDK-së në Gjilan, Qemajl Mustafa, i cili në dy raundet zgjedhore është votuar më shumë se kundërkandidati i tij nga LDK, Fatmir Rexhepi.

Kryetarja e KQZ-së, Nesrin Lushta ka thënë të martën se nuk mund të përgjigjet sa i përket vendimit të Gjykatës Supreme, ngase një vendim i tillë ende nuk ka ardhur në KQZ.

“Nuk di se si t’iu përgjigjem. Ju dëgjuat sot se paska qenë në mjetet e informimit se Gjykata Supreme paska marrë një vendim. Unë anëtarët e KQZ-së i njoftova se ne kemi marrë një vendim të Gjykatës Supreme, mirëpo ky vendim nuk kishte të bëjë me rastin e Gjilanit. Andaj unë nuk jam në dijeni se kur Gjykata Supreme do të na dërgojë këtë vendim”, ka thënë Lushta.

Lushta ka theksuar se në momentin kur vendimi nga Gjykata Kushtetuese do të vijë në KQZ, ajo do t’i njoftojë anëtarët e KQZ-së.

Ndërkohë, në mbledhjen e sotme të Komisionit Qendror të Zgjedhjeve, koordinatori i Qendrës së Numërimit dhe Rezultateve, Burim Ahmeti, ka prezantuar një raport të detajuar për zgjedhjet e 31 janarit në komunën e Prizrenit dhe atë të Lipjanit.

Me rekomandimin e QNR-së në disa vendvotime janë hequr disa fletëvotime të pavulosura, për të cilat anëtari i PDK-së ka thënë se nuk do duhej të miratohej një rekomandim i tillë, por do duhej të anulohej ai vendvotim.
Gazeta expres

[Llapjani_HH]

Malli i dyshimtë, sërish në qarkullim


Analizat e lëngjeve të prodhuara në Serbi, që u konsideruan të dyshimta, kanë rezultuar të rregullta dhe është lejuar qarkullimi i tyre në tregun kosovar, bëjnë të ditur zyrtarë të Agjencisë së Veterinës dhe Ushqimit të Kosovës.

Disa lloje të lëngjeve që prodhohen në Serbi, e të cilat ishin bllokuar përkohësisht në tregun kosovar, për shkak të dyshimeve se përmbajtja e tyre është e rrezikshme për shëndetin, kanë filluar përsëri të qarkullojnë në tregun e Kosovës.

Drejtori i Agjencisë së Veterinës dhe Ushqimit të Kosovës, Çaush Kabashi, shpjegon arsyet e zhbllokimit të këtyre lëngjeve.

“Mostrat e këtyre lëngjeve kanë qenë në super-analiza, si rezultat i kësaj, disa prej tyre që kanë qenë në rregull, janë lejuar për qarkullim”.

“Që nga 7 janari, për shkak të dokumentacionit jo të rregullt, e kemi ndërprerë importin nga Serbia. Deri në momentin që Serbia nuk i përgjigjet dokumentacionit relevant, sipas ligjit, nuk do t’i lejohet futja e lëngjeve në Kosovë”, thekson Kabashi.

Llojet e lëngjeve që prodhohen në Serbi, e që ishin bllokuar janë: “Fruvita”, “La Vita”, “Zdravo”, "Takovo”, “Nektar”.

Analizat e këtyre lëngjeve qenë bërë nga Instituti Kombëtar i Shëndetësisë Publike të Kosovës, me ç’rast disa nga këto produkte nuk përputheshin me deklaracionin.

Mirëpo, importuesit e këtyre lëngjeve e shfrytëzuan të drejtën e tyre për të bërë super-analizën e këtyre lëngjeve jashtë Kosovës.

Drejtori i kompanisë “Prizren Commerc”, Florent Kabashi, thotë se veprimi i institucioneve kosovare për bllokimin e këtyre mallrave ka qenë i nxituar.

“Janë bërë analizat; është bërë edhe super-analiza. Të gjitha analizat kanë qenë mirë. Këto analiza janë dërguar në agjencitë e ushqimit dhe të veterinës në Shkup dhe Shqipëri”.

“Ky ka qenë vetëm një dëm për ne. Baza që ka thënë inspektorati sanitar që këto lëngje janë kancerogjene, nuk vjen në konsiderim”, thotë Kabashi.

Kabashi tregon se gjatë javës së kaluar në Kosovë ka hyrë një sasi e lëngjeve “Nektar” dhe “Takovo” dhe shitja e tyre po vazhdon me ritëm shumë të mirë.

Sidoqoftë, Aleanca Kosovare e Biznesit reagon pas një vendimi të tillë.

Kryetari i AKB-së, Agim Shahini, thotë se këto produkte, të cilave u është lejuar hyrja në Kosovë, janë të papërdorshme në Serbi.

“Lobimi i përfaqësuesve të Serbisë në Kosovë, është bërë më i fuqishëm dhe ky ka ndikuar që pas një muaji të ndryshojnë këto vendime”.

“Madje, të ndryshojnë edhe opinionet publike, në favor të prodhimeve të Serbisë, gjë që shkon drejtpërsëdrejti në disfavor të prodhimeve të Kosovës dhe në rrezikim të shëndetit të qytetarëve të Kosovës”, shprehet Shahini.

Ky vendim i autoriteteve kosovare, thotë Shahini, e vë në dyshim tërë sistemin e kontrollit sanitar në Kosovë.

Megjithatë, ai thekson se e gjithë kjo mbetet në ndërgjegjen e qytetarëve të Kosovës se a do t’i konsumojnë prodhimet vendore, apo ato të Serbisë.

Sipas të dhënave të Doganave të Kosovës, vetëm gjatë periudhës janar-nëntor të vitit që lamë pas, nga Serbia për në Kosovë janë importuar mbi 21 milionë litra lëngje të prodhuara.

Derisa Serbia eksporton mallra në Kosovë, shteti i ri nuk mund të eksportojë asnjë produkt të tij në Serbi.

Madje, bizneseve kosovare nuk u lejohet që të kalojnë as transit me mallrat e tyre nëpër territorin e Serbisë.
Radio Evropa e Lirë

Qeveria zoton 2.1 milionë euro për Graçanicën dhe Shtërpcën


Qeveria e Kosovës ka ndarë shumën prej 2.1 milionë eurove për funksionimin e komunës së Shtërpcës dhe të Graçanicës, për realizimin e projekteve kapitale në këto komuna, duke i shtuar edhe një shumë prej 150 deri në 250 mijë euro për rregullimin e lumit në Graçanicë.

Zëvendësministri i Ekonomisë dhe Financave, Bedri Hamza, ka thënë se zotimi i mjeteve për komunën e Graçanicës dhe Shtërpcës bëhet me qëllim të mbështetjes dhe përkrahjes së komunave të reja sidomos atyre me popullsi të përzier.

"Qeveria ka premtuar zotimin e shumës prej 2.1 milionë eurove. Zotimi i kësaj shume bëhet nga rezerva e paparashikuar e Qeverisë, ndërsa me rishikimin e buxhetit kjo shumë do të ndahet në ministritë e caktuara. Këto mjete, të cilat propozohen të ndahen për komunën e Shtërpcës dhe Graçanicës ndahen për projekte të ndryshme", ka thënë Hamza.

Ministri i Punës dhe Mirëqenies Sociale, Nenad Rashiq, ka përmendur premtimin e kryeministrit Hashim Thaçi për përkrahjen e komunave të reja, në mënyrë që të tregohet niveli i lartë i demokracisë.

"Nga ato 1 milionë euro, 500 mijë janë të zotuara nga ana juaj. Nga ana tjetër e kam përmendur se e di se kryeministri ka qenë prezent dhe ka thënë se do të rregullohet lumi. Ju vetë keni thënë se ne i përkrahim ato komuna të reja që janë shumë me rëndësi që të tregojnë sa demokratikë jemi ne", ka thënë Rashiq.

Mirëpo zv/ministri Hamza, ka thënë se janë lënë 500 mijë euro si shumë fleksibile që mund të përdoren për projekte, të cilat përfaqësuesit e këtyre komunave i konsiderojnë si projekte të rëndësishme që duhet të realizohen në këtë fazë.

Ministri i Punës dhe Mirëqenies Sociale (MPMS), Nenad Rashiq, ka ngritur çështjen e rritjes së pensioneve për ish pjesëtarët e UÇK së dhe invalidët e luftës, duke thënë se duhet të gjinden mjetet për ligjin për këto kategori, sepse është një problem delikat.

Zv/ministri Hamza ka bërë të ditur se është propozim i Qeverisë që invalidët e luftës të kenë ngritje të pensioneve duke filluar nga janari 2010 dhe për këtë MEF i ka ndarë një fond shtesë, i cili ekziston në kuadër të MPMS.
Bota Sot

[Llapjani_HH]

Qeveritarët-deputetë, nga 13 mijë euro retroaktivisht


Prishtinë, 5 shkurt -Kryeministri Hashim Thaçi mund të ankohet se nuk ka mjete buxhetore për t’i rritur pagat e policëve dhe të punëtorëve shëndetësorë, por jo të njëjtën ankesë mund ta bëjë kur janë në pyetje të ardhurat e tij dhe të anëtarëve të tjerë të kabinetit qeveritar, shkruan sot “Koha Ditore”.

Pikërisht në kohën e rritjes se pakënaqësive sociale, shefi i Qeverisë i ka dhënë leje ministrit për Ekonomi dhe Financa, Ahmet Shala, që 13 ministrave dhe zëvendësministrave, të cilët janë edhe deputetë të Kuvendit të Kosovës, t’ua kompensojë retroaktivisht gjysmat e pagave mujore që ligjërisht u kanë takuar t’i merrnin në cilësinë e deputetëve nga janari i vitit 2008. Në bazë të këtij vendimi, shumica e ministrave-deputetë i kanë marrë përafërsisht nga 13 mijë euro.

Retroaktivi është llogaritur duke i marrë për bazë nivelet e pagave të deputetëve në dy vjetët e fundit. Niveli i pagës bazë të deputetit qysh nga viti 2008 ka ndryshuar tri herë. Fillimisht ka qenë 980 euro, pastaj është bërë 1078 euro dhe aktualisht është rritur në 1.488 euro.

Bazuar në këtë kriter, kryeministri Thaçi, dy zëvendësit e tij, Ramë Manaj e Hajredin Kuçi, dhe 10 ministra e zëvendësministra, i kanë marrë për vitin 2008 nga 5.400 euro, kurse për vitin 2009 nga 7.400 euro. Pos kompensimit retroaktiv të pagës së deputetit, shefat e Qeverisë bashkë me ministrat dhe zëvendësministrat, që kanë të drejtë vote në Kuvend, do të fillojnë të paguhen në mënyrë të rregullt me gjysmën e rrogës së deputetit, nga janari i këtij viti.
Vendimin për pagesë retroaktive të anëtarëve të Qeverisë kryeministri Thaçi e ka marrë më 4 dhjetor të vitit të kaluar, mirëpo më pas e kishte pezulluar atë në mënyrë verbale. Në faqen zyrtare të Qeverisë nuk figuron as vendimi për lejimin e marrjes së 50% të pagës së deputetit, e as vendimi për shfuqizimin e tij. Zyrtarë të Qeverisë kanë njoftuar se kryeministri Thaçi e ka lënë pezull vendimin, nga droja e reagimit negativ të opinionit publik.

Gazeta shkruan se ka insistuar të vërë kontakt me zëdhënësin e Qeverisë, Memli Krasniqi, dhe me zyrtarë të tjerë të Qeverisë, por asnjëri nga ta nuk ka pranuar ta hapte telefonin. Njësoj kanë vepruar edhe zyrtarët e Ministrisë për Ekonomi dhe Financa. As zv.ministri Bedri Hamza e as zëdhënësi Muharrem Shahini nuk janë treguar të gatshëm t’u përgjigjen thirrjeve të “Kohës Ditore”.
Koha Ditore

Regjistrimi etniko- fetar, At-Nikolla: Zgjon "Vorio Epirin"


ELBASAN- At-Nikolla Marku, kreu i Kishës Orthodokse Autoqefale Kombëtare Shqiptare, “Shën-Maria”, me qendër në Elbasan kundërshton me forcë projektin e regjistrimit të popullsisë mbi bazë etnike dhe fetar. Projekti ka ngjallur reagime të mëdha dhe mes kundërshtarëve është dhe prifit At Nikoll Marku i cili në një intervistë për NEWS24 deklaron se një regjistrim i tillë do ti shërbente ultranacionalistëve grekë. At Nikolli shkon më tej duke e quajtur “tradhti kombëtare” që do të motivojë kishën greke për ëndrrën e Vorio Epirit.

At Nikolla Marku shprehet i shqetësuar se një regjistrim i tillë nuk do të ishte përshtatshëm për momentin pasi njerëzit të motivuar nga kushtet ekonomike nuk do të bënin një vetëdeklarim të saktë të besimit të tyre fetar.

“Nuk është momenti i përshtatshëm për të bërë këtë lloj regjistrimi mbi bazën e etnisë dhe përcaktimit fetar. Nuk është letra ajo që përfaqëson besimin e një njeriu, Nëse sot bëjmë një regjistrim të dytë, këto njerëz mbi bazën e ekonomisë së vështirë që kanë sot dhe mbi lëvizjet që kanë bërë në shtetet fqinje ato e ndryshojnë dhe do bëhet një kaos i madh lëvizjesh, emrash, datëlindjesh dhe datash. Regjistrat e kanë kombësinë,etnicitetin e cdo njeriu. Ne s’kemi të drejtë ta ndryshojmë.
Me ligj mund të ndryshosh besimin pasi është cështje dëshire, ndërsa në parlament etniciteti është i çmuar.

Prifti i Kishës Orthodokse Autoqefale Kombëtare Shqiptare, “Shën-Maria" shkon më tej duke shprehur bindjen se një regjistrim i tillë është motivuar nga ultranacinalistëve grekë për të ringjallur ëndrrën e Vorio Epirit.

“Kjo i shërben ultranacionalistëve grekë. Priftërinjtë grekë dhe kisha greke, që e motivon, besoj e motivon patjetër këtë cështje ka një qëllim që të marrë këto të dhëna për të realizuar ëndrrën e tyre me sy hapur të Vorio Epirit, i cili është si të thuash një arrë gur që i ka mbetur në fyt e spo e kapërdijnë dot. Ato kanë dëshirë që Shqipëria e Jugut të tjetërsohet dhe të marri një pamje tjetër. Kjo është një tradhti kombëtare”- thotë At Nikollë Marku.

Ai shprehet i indinjuar për faktin se kryetarët e komuniteteve fetare myslimane, bektashije, dhe katolike e përqafojnë këtë ide.
“Me indinjatë e them se si Zoti Janullatos, bashkë me kryetarin i bektashizmit, me kreun e kishtës katolike përqafojnë këtë ide. Ëndrra e kryepeshkopit grek po realizohet sepse Shqipëria do dalë 1 milionë ortodoksë, 2 mln do dalin turq dhe shqiptarë sdo ketë më. Kjo ështe një gjë e pavyer për shqiptarët”

Qeveria ka ngritur një komision të posacëm i cili në vitin 2011 do të nisë regjistrimin e popullsisë shqiptare bazuar në deklaratat individuale për përkatësinë e gjithkujt për fenë dhe etninë e tij.

Një vendim i tillë ka hapur debate pasi më së shumti mendohet se ky regjistrim rrit artificialisht minoritetet apo komunitetet e ndryshme fetare në vendin tonë. Ish presidenti Rexhep Meidani dhe historiani i njohur Pëllumb Xhufi pak ditë më parë u shprehën se ky regjistrim hkel hapur Kushtetutën por dhe ligjet ndërkombëtare.

Ministri i Shtetit Pollo i cili do të drejtojë Komisionin Qendror për Regjistrimin e Popullsisë dhe Banesave pat deklaruar se regjistrimi është një standard evropian, i cili i shërben respektimit të pakicave. Sipas tij regjistrimi do të bëhet absolutisht në mënyrë profesionale nga Instituti i Statistikave i mbështetur edhe nga ekspertë evropianë”
Balkanweb

Kuvendi paralajmëron deputetët: Dorëzoni makinat


TIRANË- Sekretari i Përgjithshëm i Kuvendit Marlind Myftiu nëpërmjet një deklarate për shtyp i ka kërkuar ish-deputetëve të dorëzojnë makinat. Në deklaratë theksohet se Kuvendi do të bëjë publik emrat e ish- deputetëve që ende nuk kanë dorëzuar makinën pranë këtij institucioni, në rast se nuk dorëzohen.

Kërkesa vjen pas hyrjes në fuqi të ligjit nr. 10.160 "Për rregullimin e shërbimit të transportit për funksionarët e lartë dhe nëpunësit civilë. Kjo kërkesë iu adresohet ish deputetëv apo atyre që kanë marrë mandate nga KQZ.

Në deklaratë theksohet se iniciativës së Dpeputetëve socialistë Erion Breace dhe Arta Dade, për të dorëzuar makinat, i është shtuar edhe një tjetër deputet.
BalkanWeb

[Llapjani_HH]

Veriu, mes injorimit dhe integrimit


“Inatet” mes strukturave legale të shtetit të Kosovës dhe atyre jolegale që i përgjigjen shtetit serb shuhen sa herë që bie ndonjë zjarr në veri të vendit. Autoritetet shtetërore të Kosovës nuk ngurrojnë ta kërkojnë ndihmën e “zjarrfikësve të veriut” kurdo që alarmohet për ndonjë zjarr në atë zonë të vendit.

Zëdhënësi i Policisë për rajonin e Mitrovicës, Besim Hoti, e pranon që Policia e Kosovës ka bashkëpunim të mirë me zjarrfikësit serbë, të cilët janë të stacionuar në pjesën veriore të qytetit, shkruan në numrin e sotëm Koha Ditore.

Ai thotë se bashkëpunimi me këta zjarrfikës është i domosdoshëm, për arsyeje se kolegët e tyre nga jugu nuk kanë qasje në veri, përveç në lagjet e banuara me shqiptarë, siç është Suhodolli dhe Lagjja e Boshnjakëve. “Është shumë e vërtetë që ata reagojnë në rastet kur i thërrasim”, konfirmon Hoti, pa dashur të saktësojë se nga kush paguhen zjarrfikësit serbë të veriut.

“Është shumë e vërtetë që ata janë aty, funksionojnë, i kanë mjetet, pajisjet. Kur kemi nevojë për ta i thërrasim dhe ata intervenojnë”, shprehet zëdhënësi Hoti.
Bashkëpunimi me zjarrfikësit e pjesës veriore nga Hoti shihet më tepër si nevojë.

“Sigurisht që s’ke qare pa i thirrur ata, në mungesë të tjerëve”, thotë ai. Hoti veçon si rast konkret intervenimin e zjarrfikësve të veriut në lagjen “Suhadoll”, kur humbën jetën tragjikisht tre fëmijë nga përplasja e një kamioni në shtëpinë ku ata jetonin.

“Ishin zjarrfikësit e veriut ata që reaguan aty dhe që ndihmuan në atë proces”, ka saktësuar Hoti.

Në komunat veriore të vendit operojnë edhe mekanizmat e tjerë, që nuk e njohin realitetin e krijuar në Kosovë pas 17 shkurtit 2008.

Edhe pse po bëhen dy vjet shtetësie, Kosova ende nuk ka arritur që ta shtrijë rendin kushtetues edhe në atë pjesë të territorit të vet.

Partitë opozitare, muajin e kaluar, kanë kërkuar ta mësojnë arsyen pse shteti i ri po e vazhdon këtë trend të funksionimit.

Me kërkesë të Grupit parlamentar të Lidhjes Demokratike të Dardanisë, Kryesia e Kuvendit të Kosovës qysh në mbledhjen e parë të këtij viti, të cilën e ka mbajtur më 19 janar, ka kërkuar nga Qeveria që brenda afatit dyjavor ta përgatisë një informatë lidhur me zbatimin e Kushtetutës në komunat veriore të shtetit, mbi bazën e së cilës më pastaj të zhvillohej një debat parlamentar. Informata e Qeverisë është kërkuar të pasurohet edhe me hapat që parasheh ekzekutivi për t’i shuar paralelizmat e shtetit serb që funksionojnë brenda territorit të Kosovës.

Mirëpo Qeveria e Kosovës nuk i është përmbajtur afatit të përcaktuar nga Kuvendi, dhe si rrjedhojë Kuvendi i Kosovës ka pak gjasa që të debatojë rreth këtyre çështjeve në seancën e radhës, e cila do të caktohet nga Kryesia në mbledhjen e javës së ardhshme.Më gjerësisht në lexoni në numrin e sotëm të Kohës Ditore.
Koha Ditore

[Llapjani_HH]

Telegraf anglez: Gruevski me pazare deshi ta anëtarësojë Maqedoninë në NATO


Londër, 7 shkurt - Kryeministri Nikolla Gruevski në vitin 2007 ka bërë pazare me konservatorët britanik, të cilëve u kishte premtuar dhënien e lejes për ndërtimin e një hoteli në Shkup në shkëmbim të angazhimit të palës britanike për anëtarësimin e Maqedonisë në NATO.

Kjo akuzë është bërë nga gazeta britanike "Telegraf", e cila zbulon se Endru Felldman, ndihmës i liderët të partisë konservatore Dejvid Kamerun, ka fituar tenderin për ndërtimin e hotelit në qendër të qytetit, ndërsa britaniket kanë marrë përsipër të ndihmojnë Maqedoninë të hyjë në NATO.

Sipas gazetës, kryeministri Gruevski ka qenë drejtpërdrejt i involvuar në këtë pazar dhe është fotografuar me Felldmanin në hedhjen e gurëthemelit të hotelit.

Lidhja mes të dy politikanëve ka funksionuar përmes Felldmanit dhe biznismenit maqedon Orce Kamcev, të cilët me vite bashkëpunojnë në fushën e tekstilit. Konservatorët britanik mohojnë se Filldman ka ndikuar në politikën britanike ndaj Maqedonisë ose që ka qenë i përzier për takimin e Kamerunit me Gruevskin, në Londër vitin e kaluar.

Gazeta shkruan se Kamerun ka qenë mbështetësi më i fortë i anëtarësimit të Maqedonisë në NATO, ndërsa ka lobuar edhe te administrata amerikane, që ta përkrahin anëtarësimin e vendin në Aleancën veriatlantike.

"Hyrja në Bashkimin Evropian vlen një miliardë paund, për një vend të vogël të Evropës lindore", pohon gazeta. Nga kabineti i kryeministrit Gruevski i kanë përgënjeshtruar shkrimet e gazetës.
Bota Sot

[Llapjani_HH]

Spastrime në FSK


Brenda javës, 14 pjesëtarë të FSK-së janë përjashtuar nga FSK. Për një vit, që nga krijimi, janë përjashtuar rreth 200 pjesëtarë të kësaj force. Arsyetimi është i njëjtë për të gjithë - mungesë suksesi në procesin e verifikimit. Dyshohet se po përjashtohen ish pjesëtarët e TMK-së dhe UÇK-së. KFOR-i e Ministria e FSK-së bëjnë përgjegjës njëra-tjetrën.

Kapiten Izet Aliu nga Dragashi, në mëngjesin e së enjtes, pa vullnetin e tij, dorëzoi uniformen e Forcës së Sigurisë së Kosovës.

Bashkë me të, brenda javës, edhe 13 pjesëtarë të tjerë kanë bërë të njëjtën gjë. Të gjithë këta janë përjashtuar nga kjo forcë.

Përjashtime të tilla ka kohë që vazhdojnë të bëhen në mënyrë të heshtur, kurse atyre që i largojnë, zyrtarët e FSK-së lajmin ua japin një nga një.

Vetëm brenda një viti, nga krijimi i kësaj force, nga ky institucion dyshohet se janë përjashtuar rreth 200 pjesëtarë të saj.

Për muaj të tërë Izeti është përgatitur si pjesëtar i G2 ose i inteligjencës së FSK-së, deri para tri ditësh kur zyrtarisht i thanë se nuk është më pjesë e kësaj force.

“Nuk e di pse. Nëse unë paskam pasur diçka që nuk shkon, pse po i përjashtojnë të tjerët?”- thotë Izeti për Express.

Në bllokun tij të shënimeve ai ka shkruar disa data kur janë larguar edhe para tij pjesëtarë të kësaj force. Izeti shpjegon se spastrimet e tilla kanë filluar kohë më parë.

“Vetëm unë sa di, përjashtime janë bërë më 8 qershor 2009, 23 shtator, 23 nëntor dhe tash më 3 shkurt 2010”, shpjegon ish kapiteni i FSK-së.

Të përjashtuarit janë nga vende dhe rangje të ndryshme, ndërkohë që spastrimi vazhdon të bëhet në kohën kur FSK-ja vazhdon të pranojë kandidatë të rinj.

Përjashtimi i këtyre pjesëtarëve bëhet pasi ata janë pranuar në punë dhe kanë kaluar të gjitha testet e parashikuara për t’u bërë pjesë e FSK-së.

Përveç kësaj, sipas Izet Aliut, çudia në këtë rast është se pjesa dërmuese e të përjashtuarve kanë qenë më parë pjesëtarë të ish TMK-së, e para saj të UÇK-së.

Arsyetimet zyrtare për këto përjashtime janë të njëjta dhe ndryshojnë vetëm emrat e personave, të cilëve u ndërpritet marrëdhënia e punës në FSK.

“Kemi pranuar njoftimin e datës (data) i cili informoi se juve ju është refuzuar certifikata e verifikimit. Në mungesë të suksesit në përfundim të verifikimit, shërbimi juaj në FSK do të ndërpritet dhe ju do të largoheni (shkarkoheni) nga FSK-ja”.

Kjo është fjalia e arsyetimit për përjashtimin e këtyre pjesëtareve nga kjo forcë, nënshkruar nga Gjeneral Sylejman Selimi, komandant i FSK-së.

Por, në asnjë rast, askund nuk shkruan se çfarë është gjetur pas verifikimit të së kaluarës së këtyre kandidatëve.

Zyrtarët e Ministrisë së FSK-së as që i konfirmojnë këto përjashtime, duke thënë se nuk kanë informacione dhe se për diçka të tillë përgjegjësinë ia hedhin KFOR-it.

“Ne nuk kemi përjashtuar askënd. Nuk e kemi këtë informacion. Me këto çështje është i ngarkuar KFOR-i”, thotë Ibrahim Shala, drejtor i Zyrës për Marrëdhënie me Publikun në Ministrinë e FSK-së, për Express.

Por, zyrtarët e trupave të NATO-s në Kosovë janë kategorikë se përgjegjësia për veprime i takon FSK-së dhe ministrisë së saj.

Një nga zyrtarët, përgjegjës për media në KFOR, shpjegon për Express se misioni i tyre në këtë rast është thjesht monitorues dhe puna e tyre është t’i trajnojnë pjesëtarët e saj bazuar në programet e parashikuara.

“Për këtë çështje ju duhet të pyesni në Ministrinë e FSK-së. Ata dinë për këto çështje e jo ne. Nuk duam të spekulojmë se sa janë përjashtuar pasi me këtë punë nuk merremi ne”, thotë zyrtari i KFOR-it.

Derisa zyrtarët nuk pranojnë të japin shpjegime, këta të përjashtuar nuk kanë të drejtë as të ankohen.

“Por, unë do të shkoj te Avokati i Popullit dhe Ambasada britanike se ata kanë bërë verifikimin tonë gjatë marrjes në FSK”, thotë ish kapiten Izeti.

Ai thotë se ka kryer punën e tij me nder dhe është i gatshëm të ballafaqohet edhe me drejtësi dhe se ka raportuar shumë herë me shkrim për ato që ndodhin brenda FSK-së.

“Unë jam i gatshëm për gjithçka të jap përgjegjësi para institucioneve të Kosovës dhe popullit tim. Në FSK ka shumë parregullsi dhe pakënaqësi”, thotë ky i përjashtuar, duke sjellë shembuj.

Sipas tij, në FSK sillen pjesëtarë të minoriteteve, të cilët ka raste që mezi e shkruajnë emrin e vet dhe gradohen, kurse pjesëtarët shqiptarë me fakultete i dërgojnë të shërbejnë në depo.

Të përjashtuarit
Izet Ali tregon se përveç tij, nga grupi i tij të sapo përjashtuar janë edhe 14 pjesëtarët, 8 prej tyre i njeh me emra dhe mbiemra. Ata janë: Major Petrit Hajrizi, Kapiten Daut Xhemajli, rreshterët Fazli Arifi, Driton Kolshi, Agim Gashi, tetari Halil Hoxha, ushtarët Përparim Curri dhe Emrush Lika.
Gazeta expres

[Llapjani_HH]

Tuta e taksistëve të Prishtinës


Kompania e re e taksive London Taxi, ka shqetësuar autotaksitë e kryeqytetit. Ata thonë se nuk i frikësohen konkurrencës, por pronarit të kësaj kompanie. Shemsi Veseli, shef i grupit parlamentar të PDK’së në KK Prishtinë, është i bindur se prapa saj qëndron djali i Presidentit të Kosovës, Fatmir Sejdiu. Por, taksitë klasike londineze janë sjellë nga Luan Berisha, që thotë të jetë pronar i vetëm i kompanisë.

Pak Londër në Prishtinë së shpejti mund të shijohet përmes dhjetëra taksive, model krejt tjetër nga këto që njohim këtu. Të veçanta ato i bën dizajni i tyre, që është i njëjtë me ato që shihen nëpër rrugët e kryeqytetit anglez.

Taksitë e zinj do të mbushin shumë shpejt rrugët e përbaltura të kryeqytetit. Dhjetëra prej tyre tashmë janë të parkuara prapa Pallatit të Rinisë në Prishtinë, në pritje të licencës për qarkullim. Ato janë sjellë nga Luan Berisha, banor i Londrës për një kohë të gjatë. Ai thotë të jetë pronar i vetëm kompanisë London Taxi.

Nëse ky lajm mund t’i gëzojë ata që preferojnë të përdorin taksitë klasike londineze, për kompanitë e tjera të kryeqytetit sjellja e tyre ka ngjallur shqetësim.

Krahas trazimeve që u ka sjellë gjithë kompanive të taksive, sjellja e taksive të zeza është tentuar të debatohet edhe në Kuvendin Komunal të Prishtinës. Këtë e pohon Shemsi Veseli, shef i grupit parlamentar të PDK’së në KK Prishtinë. Por, sipas tij, kjo çështje është injoruar nga këshilltarët tjerë komunalë.

Si për partitë opozitare në kryeqytet, ashtu edhe për autotaksitë e licencuara, shqetësimi vjen ngase dyshohet se pronar i kompanisë është djali i Presidentit të Kosovës, Fatmir Sejdiu.

“Sipas informacioneve që kemi, pas gjithë kësaj qëndron djali i Presidentit të Kosovës, Bardhyl Sejdiu, por i cili kalkulon dhe manipulon me një emër tjetër që e ka regjistruar si pronar të kompanisë”, thotë i bindur Veseli.

Sipas tij, gjithçka është duke u bërë në mënyrë jo transparente.

“Të them të drejtën, që nga fillimi për neve ka qenë shqetësuese, sepse kemi dëgjuar mjaft pakënaqësi. Shqetësim të madh kemi dëgjuar edhe nga vetë pronarët që punojnë me dokumentacion të rregullt si auto-taksi, të cilët i paguajnë të gjitha tatimet komunale”, shton Veseli.

Por, Muhamet Gashi, zyrtar për media në KK të Prishtinës, nuk e di kush është pronar i kësaj kompanie.

“Një kërkesë ka ardhur në komunë me emër të biznesit, mirëpo leja është akoma në shqyrtim. E sa për pronarin ne nuk posedojmë informata të tilla, edhe nuk figuron emri i djalit të presidentit në asnjë dokument. Regjistrimi i biznesit bëhet në Ministrinë e Tregtisë dhe Industrisë, jo në komunë, këtu shqyrtohen vetëm kërkesat”, deklaron Gashi.
Në anën tjetër, Luan Berisha, pronar i taksive të zeza, pohimet se prapa kompanisë së tij qëndron djali i Presidentit i quan shpifje të kulluara.

“Gjithçka mund të vërtetohet në dokumentet e biznesit, të cilat unë i kam nxjerrë. Aty shkruan se vetëm unë jam pronar i kompanisë dhe pronar i taksive. Bardhyl Sejdiu nuk është as ortak i imi”, sqaron Berisha.

Dita se kur do të shfaqen këto makina nëpër rrugët e Prishtinës nuk dihet akoma, mirëpo Berisha tregon se emrin e biznesit e ka rezervuar në Ministrinë e Tregtisë dhe Industrisë dhe po pret përgjigje nga ana e Komunës për të filluar punën.

“Unë akoma po e pres vendimin e Komunës për lejimin e qarkullimit të makinave, të cilat po qëndrojnë të parkuara prapa Pallatit të Rinisë”.

Express nuk ka mundur të kontaktojë me djalin e Presidentit Sejdiu, Bardhyl Sejdiu.
Blerim Vitia, pronar i kompanisë “Victory”, nuk frikësohet nga konkurrenca që erdhi prej Londrës.

“Unë nuk e di se kush është pronar i kësaj kompanisë të re, por sa po flitet pronar është i biri i një politikanit që vepron në Kosovë”, tregon Vitia.

Vitia ka vërejtje edhe në komoditetin që mund të ofrojnë ato.

“Edhe pse makinat janë të bukura për sy, nuk do të thotë që të njëjtën kohë ofrojnë një komoditet për pasagjerin, sepse kjo makinë është një mashtrim për popullatën. Thuhet se është makinë angleze, por në fakt është e prodhuar në Kinë”, shton Vitia.

Sipas tij, nëse shikohet brendia e makinës, atëherë vërehet se ulëset e makinës janë identike si pajtonet e shumë kohëve më parë.

Kurse Berisha, pronari i “London Taxi” deklaron se makinat nuk janë vetëm të bukura për sy, por janë komode, përfshirë edhe për personat me aftësi të kufizuara.

“Unë e kam edhe eksluzivitetin, sepse kam nënshkruar kontratë edhe me Handikapin për t’i bartur personat me aftësi të kufizime me 30% zbritje”.

Në lidhje me vendin e prodhimit të makinave, Berisha sqaron se marka LTI është e vetmja makinë që prodhohet qind për qind në Angli.

“15 veturat të cilat i kam blerë kanë kushtuar më shumë sepse jam detyruar që t’i kthej timonët në anën e majtë”.

Edhe Gëzim Bariqi, pronar i kompanisë së taksive “Beki”, nuk ankohet për konkurrencën e mundshme, por më shumë tek mosrespektimi i afateve ligjore.

Derisa të gjitha kompanitë në kryeqytet është dashur të aplikojnë për licencë deri më 31 dhjetor 2009, gjë që është bërë nga të gjitha, kompania e re ka bërë kërkesë për licencë tek pas kësaj date.

“Kompania ka bërë kërkesë në mënyrë jo të ligjshme, pas Vitit të Ri, sepse data e vazhdimit të licencës ka qenë 31 dhjetori. Aty është marrë vesh kush e ka vazhduar kontratën ose kush nuk e ka vazhduar atë”, thotë pronari i “Beki”’it, Bariqi.

Sipas Muhamet Gashi, zyrtar i KK për Prishtinë, data e 31 dhjetorit ka qenë vetëm një thirrje për ata që kanë pasur leje të punës e të cilët kanë dashur ta vazhdojnë atë.
“Nuk ka qenë kjo data e fundit për aplikim, sepse nuk ka ndonjë datë të përcaktuar për këtë punë.”

“Komuna vazhdon të ketë kërkesa të shumta, të cilat akoma nuk janë shqyrtuar. Gjatë këtyre ditëve do të rishqyrtohen të gjitha lejet e punës, të cilat kanë ardhur nga shoqata e taksistëve”, shton Gashi.

Sikurse kompanitë tjera të radio taksive, edhe pronari i kompanisë së re Luan Berisha, thotë se akoma është në pritje të përgjigjes për licencë.
Gazeta expres

[Llapjani_HH]

Lirohet “përkohësisht” Driton Hajdari, i arrestuar në rastin Bllaca


Gjykata Supreme në Prishtinë e ka liruar përkohësisht Driton Hajdarin, të dyshuar për dy tentimvrasje, e që po mbahej nga 19 janari në paraburgim, pas arrestimit nga policia e EULEX-it, si vazhdimësi e hetimeve në “rastin Bllaca” ka bërë të ditur të premten Ramiz Krasniqi, avokati mbrojtës i të akuzuarit.

Driton Hajdari, i cili arrestua më 12 janar, i cili fillimisht u mbajt në arrest shtëpiak, është një prej të dyshuarve në “rastin Bllaca”. Ai akuzohej se ka kryer dy tentimvrasje, ndaj deputetit Adem Salihaj dhe në Prishtinë ndaj Ismet Kryeziut nga “Devet Jugoviq”, tani fshati Bardhosh, i cili më vonë është ekzekutuar.

Emri i Hajdarajt është përmendur disa herë në deklaratën e të dyshuarit Nazim Bllaca, i cili pretendon të ketë qenë ish agjent i SHIK-ut. Në CD-në “e famshme” të Bllacës, emri i Driton Hajdarit ndërlidhet me disa veprime të paligjshme e kriminale që Hajdari i kishte ndërmarrë gjatë kohës sa ishte pjesëtarë i SHIK-ut.

Sipas avokatit mbrojtës Ramiz Krasniqi, klienti i tij Driton Hajdari megjithatë e ka të ndaluar që të ketë takime me persona të caktuar dhe flasë për media për procesin.

Muaj më parë policia e EULEX-it arrestoi Driton Hajdarin dhe i shqiptoi atij masën e “arrestit shtëpiak”. “Rasti Bllaca” ka qenë një prej “top temave” në fund të muajit nëntor dhe ka vazhduar për disa javë, ndërsa autori i këtij rasti, Nazim Bllaca është duke u mbajtur tashmë tre muaj në arrest shtëpiak dhe ai po mbikëqyret nga policia e EULEX-it.
Telegrafi

EULEX-i hedh poshtë aktakuzën kundër katër serbëve


Gjyqtari i EULEX-it sot ka hedhur poshtë si të pabazë akuzën kundër katër serbëve të dyshuar se me anë të dhënie së mitës janë përpjekur të nxisin dëshmitarë të rrejshëm për gjoja tregtinë me organe të serbëve të zhdukur në të ashtuquajturën “Shtëpi e verdhë” në Burrel të Shqipërisë, thanë avokatët e të akuzuarve.

Ata i thanë agjencisë Beta se të liruarit janë vëllezërit Jashinac nga Shtërpca, si dhe Predrag Zhelkoviq dhe Milutin Jaganoviq nga Novi Sadi, të cilët në qershor të vitit 2009 qenë arrestuar afër Çagllavicës. Aktpadia kundër tyre është ngritur në dhjetor 2009.

Sipas Policisë së Kosovës, këta të akuzuar kanë dhënë mitë dëshmitarëve në mënyrë që të pohojnë se kanë qenë viktima të tregtisë me organe. Mediet kosovare patën publikuar atëherë se në katër të arrestuarit dy ishin pjesëtarë të shërbimit sekret serb BIA.

Avokatët e serbëve të liruar thanë se gjyqtari i EULEX-it ka hedhur poshtë aktakuzën për shkak të mungesës së dëshmive, duke konsideruar se procedura e mëtejshme është e pakuptimtë.
“Dëshmitë për këtë rast ishin të bazuara në fjalët e policëve dhe të disa dëshmitarëve të privilegjuar, dëshmitarëve me identitet të mbrojtur, por gjyqtari erdhi në përfundim se kjo nuk është e mjaftueshme dhe katër serbët e arrestuar u liruan, thanë avokatët e tyre.
Telegrafi

I mban pezull


Ministrat deputetë ende nuk i kanë marrë nga rreth 15 mijë euro, sipas vendimit të Qeverisë të marrë në fund të vitit 2009. Kryeministri Hashim Thaçi e ka bllokuar ekzekutimin e këtij vendimi. Ministrat deputetë i duan paratë, të cilat, sipas tyre, janë të ligjshme. Kryeministri Thaçi të premten ka hequr dorë nga posti i deputetit, gjegjësisht nga paga sekondare

Kryeministri Hashim Thaçi ka mbetur mes dy zjarresh. As nuk e lejon procedimin e pagave retroaktive të ministrave të tij deputetë, e as nuk e tërheq mbrapa vendimin e tij që bie në kundërshtim me legjislacionin në fuqi.

Kreu i ekzekutivit nuk ka preferuar të premten pas mbledhjes së Qeverisë që të japë përgjigje konkrete rreth vendimit në fjalë.

“Unë kam deklaruar edhe më herët se çdo lëshim teknik që ka ndodhur, do të evitohet”, ka thënë ai.

Ministri i Tregtisë dhe Industrisë, Lutfi Zharku, i cili para pak ditësh është bërë edhe deputet i Kuvendit të Kosovës, është rasti më i freskët që dëshmon se vendimi për pagat retroaktive është pezull.

Ai kur është dashur të pajiset me kartelën e deputetit dhe të deklarohet për pagën bazë dhe atë sekondare, nuk ka mundur të zgjedhë në Sekretariatin e Kuvendit, ngase i është thënë se vendimi i Qeverisë për këtë çështje ende nuk ka hyrë në fuqi. Zharku tha për Express se i dëshiron të dy pagat, siç i takojnë me ligj.

“Unë ende nuk kam mundur të bëj deklarimin se për cilën pagë, por besoj se kjo çështje do të zgjidhet shumë shpejt për të gjithë në paketë. Unë dëshiroj t’i marr dy pagat. Ligji e lejon që të paguhemi, por kjo është edhe çështje morale. Kryesorja, shkelje ligjore nuk ka dhe kjo është krejt sipas vendimeve të Qeverisë”, tha ai.

Sekretari i Kuvendit, Ismet Krasniqi, tha të premten për Express se i ka treguar zyrtarisht Qeverisë, gjegjësisht Ministrisë së Ekonomisë dhe Financave se Kuvendi nuk ka mjete për t’i kompensuar pagat retroaktive të ministrave deputetë.

“Unë u kam treguar se nuk kemi mjete të planifikuara as për këtë vit që t’i paguajmë ministrat deputetë dhe nuk kemi marrë ende asnjë përgjigje për këtë”, tha Krasniqi.
Burime të Expressit brenda Kryeministrisë kanë thënë në kushte anonimiteti se vendimi për marrjen e pagave retroaktive do të zbatohet për shkak se ai ka bazë ligjore.

“Vendimi i vitit 2008 që e ka marrë Qeveria për moslejimin e marrjes së dy pagave nga ministrat deputetë, ka qenë i ngutshëm ngase legjislacioni në fuqi nuk ua ndalon ministrave deputetë që të marrin njërën pagë primare e tjetrën sekondare. Ai vendim ishte marrë me qëllim të mirë për të treguar se Qeveria dëshiron ta kursejë buxhetin, por rregullorja që është dashur ta pasojë atë vendim nuk është bërë dhe vendimi si i tillë ka qenë në kundërshtim me ligjet”.

I njëjti burim konfirmon se vendimi i ri i Kryeministrit për marrjen e pagave retroaktive do të ekzekutohet në ditët në vijim, pas qetësimit të gjendjes sociale në të cilën aktualisht ndodhet vendi.

“Vendimi do duhej të ekzekutohet deri tani, por grevat dhe protestat e punonjësve të sektorëve të ndryshëm e kanë shtyrë Kryeministrin që ta mbajë pezull ekzekutimin vendimit derisa të qetësohet pak gjendja”.

Ministrat deputetë do të vazhdojnë t’i kontrollojnë herë pas here kontot e tyre për të parë nëse u kanë mbërritur dhuratat për vitin e kaluar.

Kush përfiton?

Ministrat dhe zëvendësministrat që njëkohësisht janë edhe deputetë dhe sipas vendimit u takon të marrin nga rreth 15 mijë euro përnjëherë janë: Hashim Thaçi, Hajredin Kuçi, Ramë Manaj, Skënder Hyseni, Vlora Çitaku, Fehmi Mujota, Fatmir Limaj, Adem Grabovci, Arsim Bajrami, Enver Hoxhaj, Nekibe Kelmendi, Alush Gashi dhe Mahir Yagcilar.

Dorëheqje nga posti i deputetit

Përmes një letre, drejtuar Kryeparlamentarit Jakup Krasniqi, Kryeministri Hashim Thaçi ka bërë të njohur dorëheqjen e tij nga pozita e deputetit e legjislativit kosovar. Ai thotë se këtë veprim e ndërmerr duke pasur parasysh përkushtimin e tij ndaj Qeverisë dhe përmbushjes në mënyrë sa më efikase të detyrave si kryeministër.
“Duke u bazuar në nenin 70 paragrafin 3 (2) të Kushtetutës së Kosovës si dhe në pikën 5 të Rregullës nr. 14 të Rregullores së Punës së Kuvendit, ju paraqes dorëheqjen time nga pozita e deputetit. Këtë veprim e kam ndërmarrë duke pasur parasysh përkushtimin tim ndaj Qeverisë, si dhe të përmbushjes në mënyrë sa më efikase të të gjitha detyrave të mia si kryeministër”, thuhet në letrën e Thaçit.
Shefi i Qeverisë ka thënë se kjo do të ndihmojë edhe vetë Kuvendin në rritjen e efikasitetit në punë dhe krijimin e mundësisë për deputetë të rinj që do të jenë të përkushtuar vetëm në punët dhe detyrat që përkojnë me funksionin e deputetit.
Pas dorëheqjes së Thaçit nga posti i deputetit, në vend të tij, sipas votave të marra në zgjedhjet e vitit 2007, në Kuvend pritet të futet Abdyl Imeri.
Gazeta expres

[Llapjani_HH]

Tre ministra pranojnë se kanë marrë nga 13 mijë euro retroaktive


Prishtinë, 13 shkurt - Pas nëntë vjetësh si deputet, kryetari i PDK-së, Hashim Thaçi do të futet në Kuvendin e Kosovës vetëm si kryeministër vendi. Ai ka vendosur ta dorëzojë mandatin e deputetit vetëm pak ditë pasi ishte kritikuar nga kryeparlamentari Jakup Krasniqi se brenda dy vjetësh i ka marrë dy vendime të kundërligjshme përkitazi me pagesat mujore të ministrave-deputetë.

Dorëheqjen nga posti i deputetit Thaçi e ka bërë publike me anë të një letre, që ia ka drejtuar Krasniqit, një ditë më herët, shkruan Koha Ditore e së shtunës. Shefi i Qeverisë e ka arsyetuar këtë akt, me përkushtimin që ka për t’i përmbushur në mënyrë sa më efikase të gjitha detyrat që i ka si kryeministër.

Gazeta ka mësuar se me këtë vendim është njoftuar të enjten në mbrëmje edhe presidenti Fatmir Sejdiu. Kreu i shtetit, konform kompetencave të tij kushtetuese, do të duhej ta emërojë Abdyl Imerin në vendin e liruar në Kuvend nga kryetari i PDK-së. Imeri që nga viti 2007 e kryen funksionin e nënkryetarit të Komunës së Skenderajt.

Sakrifikimi i postit të deputetit nga ana e Thaçit ka ardhur pikërisht në kohën kur partitë opozitare dhe një pjesë e shoqërisë civile janë duke vazhduar të kritikojnë anëtarët e Qeverisë se kanë marrë paga retroaktive për dy vjet.
Krejt kjo për faktin se shefi i Qeverisë, më 4 dhjetor, ka marrë vendim që 13 anëtarëve të kabinetit qeveritar, përfshirë veten e tij, t’u kompensoheshin retroaktivisht gjysmat e pagave mujore që ligjërisht u kanë takuar t’i merrnin në cilësinë e deputetëve, nga janari i vitit 2008.

Në bazë të këtij vendimi, shumica e ministrave-deputetë i kanë marrë në mënyrë retroaktive përafërsisht nga 13 mijë euro. Dy vjet më herët, përkatësisht në fillim të mandatit qeverisës, ai ua kishte ndaluar të gjithë qeveritarëve-deputetë që të merrnin paga edhe nga Qeveria, edhe nga Kuvendi.

Si vendimi për ndalim të pagës së dyfishtë, ashtu edhe vendimi për lëshim të pagesës retroaktive janë kritikuar nga kryeparlamentari Krasniqi. Ai ka thënë se kryeministri nuk është dashur t’ua ndalonte ministrave që ta marrin 50% të pagës së deputetit, për sa kohë që ligji ua lejon këtë gjë. I kundërligjshëm, sipas tij, është cilësuar edhe vendimi për pagesë retroaktive, për faktin se mjetet që është dashur t’i merrnin ministrat për dy vjet janë shpenzuar për qëllime të tjera.

Ai ka bërë të ditur se Kuvendi nuk ka para për t’ua dhënë ministrave 50 % të pagës së deputetit, pasi pagesa e tyre nuk është paraparë gjatë planifikimit të buxhetit të Kuvendit për këtë vit. Pagesa e 50-përqindëshit të pagës së deputetit për këtë kategori të zyrtarëve parashihet t’i shkaktojë telashe buxhetit të Kuvendit të Kosovës për së paku 200 mijë euro.

Kryeministri Hashim Thaçi as të premten nuk ka pranuar se vendimi i tij i 4 dhjetorit është implementuar, ndonëse, së paku tre nga anëtarët e kabinetit të tij qeveritar kanë pranuar për “Kohën Ditore” se i kanë marrë gjysmëpagat e deputetit për dy vjet.

“Ju e dini, tashmë unë nuk jam deputet qe një kohë”, ka thënë Thaçi, kur është pyetur nëse vendimi i tij është jetësuar.

Megjithatë, as Thaçi nuk e ka hedhur poshtë mundësinë që të ketë përfituar njësoj si vartësit e tij. Ai ka ripërsëritur deklaratën e mëhershme se mund të jetë bërë ndonjë lëshim teknik rreth pagave retroaktive, duke e lënë të mjegullt se çka në fakt do të ndodhë me ato paga.

“Unë e kam deklaruar edhe më herët se çdo lëshim teknik që ka ndodhur do të evitohet”, ka thënë Thaçi.

Ndryshe prej tij, disa prej ministrave që vazhdojnë të jenë deputetë të Kuvendit të Kosovës, nuk e kanë mohuar se kontot e tyre janë rënduar për mbi 13 mijë euro.

“E vërteta është se i kam marrë paratë qysh javën e kaluar”, ka thënë një ministër, me kusht që të mos i përmendet emri në gazetë.
Ky ministër e ka arsyetuar anonimitetin me faktin se nuk dëshiron të ketë telashe me shefat në Qeveri.

“Përderisa shefat nuk po pranojnë se pagat retroaktive janë lëshuar, nuk dëshiroj që unë ta marrë përsipër këtë barrë. Unë as nuk kam kërkuar që të më paguhet paga e deputetit, e as nuk jam pyetur për këtë çështje nga askush”, ka thënë ai.

Arsyetime pothuajse të njëjta kanë dhënë edhe dy ministra të tjerë. Njëri prej tyre është shprehur i habitur pse në Qeveri nuk është duke u bërë publike kjo gjë.

“Më mirë do të kishte qenë sikur publikisht të thuhej se janë lëshuar paratë, sesa të mbetej e paqartë kjo çështje, dhe si rrjedhojë opinioni të lihet në kërkim të së vërtetës”, ka thënë ky ministër.

Jozyrtarisht mësohet se pagat retroaktive të qeveritarëve-deputetë, të cilat janë llogaritur për periudhën janar 2008, janar 2010, i kanë kushtuar buxhetit të Kosovës rreth 150 mijë euro. Kësaj shume parashihet t’i shtohen edhe pagat e deputetit që do t’i marrin ministrat këtë vit. Me vendimin e kryeministrit të 4 dhjetorit është paraparë që mjetet financiare për pagat retroaktive të sigurohen nga fondi rezervë i Qeverisë. Kryeministri Thaçi të paktën nuk do të jetë ngarkesë për buxhetin e Kuvendit të Kosovës.

Si kryetar i partisë më të madhe në vend, ai e ka mbajtur postin e deputetit që nga krijimi i legjislaturës së parë, e cila është krijuar pas zgjedhjeve të vitit 2001.

Praktika e dorëzimit të mandateve të deputetit nga ana e personaliteteve partiake dhe qeveritare nuk është e re. Ish-kryetari i Partisë së Drejtësisë, Sylejman Çerkezi e pati dorëzuar këtë mandat dhe në vend të tij pati shkuar kryetari aktual i PD-së Ferid Agani. Po ashtu, në zgjedhjet e fundit parlamentare, kryetari i AAK-së, Ramush Haradinaj, për shkak të procesit gjyqësor në Tribunalin e Hagës, ia pati liruar vendin deputetit të tanishëm Ethem Çeku.

Në aspektin juridik është e lejueshme që një anëtar i kabinetit qeveritar të jetë njëkohësisht edhe deputet i Kuvendit të Kosovës. Pozitat e dyfishta të zyrtarëve qeveritarë pritet të shuhen tek pas zgjedhjeve të ardhshme parlamentare. Kështu parashihet me dispozitat kalimtare të Kushtetutës së Kosovës.

Deri në zgjedhjet e reja mbetet në vullnetin e qeveritarëve nëse duan ose jo t’i lirojnë karriget në Kuvend.

Ministrat e PDK-së të paktën tash kanë ku të marrin shembull. Ata të LDK-së kanë pasur rastin që ta demonstrojnë të njëjtin veprim pas zgjedhjeve të fundit lokale, por nuk e kanë bërë këtë gjë.

Ministri për Tregti dhe Industri, Lutfi Zharku nuk është treguar i gatshëm që ta mbajë vetëm postin në Qeveri, por e ka marrë edhe postin e deputetit pas fitores së Agim Veliut për kryetar të Komunës së Podujevës.
Koha Ditore / Koha.net

[Llapjani_HH]

Athinë, 12 fëmijë shqiptarë abuzohen seksualisht nga një grek


Ngjarja që ka tronditur opinionin grek në kryeqytetin Athinë, ka precipituar për tre vjet rresht në rajonin Kato Patision, ku 47-vjeçari grek, një ish-polic emri i të cilit nuk u bë publik nga zyrtarët e policisë, u arrestua për katër akuza fillestare dhe dyshime për disa të tjera. Ai akuzohet se ka abuzuar me 12 fëmijë shqiptarë, ndërsa hetimet vazhdojnë dhe për shfrytëzimin edhe të disa të tjerëve.

“Shtetasi grek 47-vjeçar akuzohet se në periudhë të vazhdueshme disa mujore, ka abuzuar me fëmijë shqiptarë të moshës nga 13 deri në 16 vjeç të cilët i detyronte të shihnin materiale me përmbajtje pornografike dhe më tej kryente me to vepra të turpshme dhe ushtronte terror psikologjik në mënyrë që ata të mos tregonin ato që ndodhnin dhe njëkohësisht u jepte sasi të hollash dhe sende e shërbime të tjera”, njoftojnë burime zyrtare nga Policia e Greqisë.

Oficerët e nën-divizionit për mbrojtjen e fëmijëve në Policinë e Greqisë në Athinë, konfirmuan se ish-polici përballet aktualisht me akuzat e “shfrytëzimit dhe fyerjes së dinjitetit seksual”, “pornografinë e fëmijëve”, "korruptimin e të miturve për qëllime homoseksuale” dhe "abuzim seksual me të mitur”.

Nga hetimi, doli se 47-vjeçari i përcillte fëmijët shqiptarë, që të gjithë nxënës në shkollat shtetërore greke të ciklit të ulët, duke i zënë “miq” ata në një internet-kafe e cila ndodhet në zonën e Kato Patision ku edhe banonin pedofili dhe të vegjlit shqiptarë me familjet e tyre.

Pasi i fuste në shtëpi dhe kishte fituar besimin e tyre, 47-vjeçari u servonte përmes televizorit, DVD me përmbajtje të fortë pornografike dhe në këtë fazë, shfrytëzonte trupin e djemve shqiptarë, duke abuzuar me ata seksualisht, duke kryer vepra të turpshme dhe marrëdhënie homoseksuale me ta.
Telegrafi

S’ka heqje vizash pa riatdhesimin e kosovarëve


Qeveria e Kosovës po përmbyll marrëveshjet për riatdhesim me të gjitha vendet e BE-së. Riatdhesimi i kosovarëve me status të parregulluar në vendet perëndimore, është një nga kushtet bazë në procesin e liberalizimit të vizave. Pavarësisht kësaj, grupet e të drejtave të njeriut e kundërshtojnë procesin e riatdhesimit, për shkak të gjendjes së rëndë ekonomike e sociale në Kosovë.

Kosova ka nënshkruar marrëveshjet për riatdhesim me Francën, Belgjikën dhe Zvicrën. Në proces e sipër janë të tjera marrëveshje me shtetet evropiane, ku janë të strehuar qindra mijëra kosovarë.

Riatdhesimi nga ana e autoriteteve kosovare, është i pranueshëm, meqë shihet si një nga hapat kryesor drejt liberalizimit të vizave.

Artan Duraku, nga Ministria e Punëve të Brendshme, shpjegon:

“Në procesin e liberalizimit, kriteri kryesor është riatdhesimi dhe kjo nënkupton se duhet të nënshkruhen marrëveshjet e riatdhesimit me gati të gjitha shtetet e BE-së, me ato që na kanë njohur”.

“Ndërsa, me ato që nuk na kanë njohur, jemi duke e përgatitur rregulloren e brendshme ligjore dhe është duke u bërë gati ligji për riatdhesim. Pritet së shpejti të nënshkruhen marrëveshjet me Gjermaninë, Suedinë, Danimarkën dhe Norvegjinë”.
Riatdhesimi nënkupton kthimin me vullnet, apo të detyrueshëm, të shtetasve kosovarë nga vendet përkatëse.

Derisa autoritetet e shohin këtë si një hap më afër liberalizimit të vizave, organizatat për të drejtat e njeriut ngrenë zërin se me këtë veprim po shkelen të drejtat e njeriut.

Ka qenë vetë komisionari për të Drejtat e Njeriut i Këshillit të Evropës, Tomas Hamarberg, ai që ka kërkuar nga BE-ja, që të mos i bëjë presion Prishtinës për të pranuar fluks të madh të azilkërkuesve.

“Kam qenë i shqetësuar në lidhje me këto zhvillime, dhe nga bisedat që pata në Kosovë, vetëm sa më është përforcuar ky shqetësim. Ne kemi një situatë ku brenda Kosovës ende janë rreth 20 mijë të zhvendosur, të cilët ende nuk mund të kthehen në shtëpitë e tyre”.

“Kemi krizë në të dy kampet në veri. Kemi një papunësi në shkallë prej 50 për qind. Nuk është koha për një kthim të tillë”, ka thënë gjatë një vizite që i ka bërë Kosovës, Tomas Hamarberg.

Në të njëjtën frymë shprehen edhe aktivistët kosovarë për të drejtat e njeriut.

Behxhet Shala nga Këshilli për Mbrojtjen e të Drejtave dhe Lirive të Njeriut, thotë se marrëveshjet kryesisht janë të imponuara, ndërsa Kosova nuk ka kushte për t’i pranuar shtetasit e saj.

“Kosova me gjendje të rëndë ekonomike-sociale, me një pa-perspektivë, me mungesë të një strategjie për hapjen e vendeve të reja të punës, nuk ka kurrfarë kapaciteti për të pranuar numër kaq të madh refugjatësh, ngase ka probleme me vetë qytetarët e saj që janë këtu”.

“Ne vlerësojmë se është një shkelje e rëndë e të drejtave të njeriut, ngase nga një situatë, ku e kanë të siguruar një ekzistencë, qoftë ajo minimale, po i sjellin në një situatë ku nuk kanë të siguruar asgjë ”, thekson Shala.

Ministria e Punëve të Brendshme, e cila i nënshkruan marrëveshjet, nuk i merr parasysh rrethanat se ku do të kthehen refugjatët.

Artan Duraku thotë se puna e tyre është që të vërtetojnë se personi që do kthehet, është shtetas kosovar.

“Ne verifikojmë shtetësinë e të kthyerve dhe nëse vërtetojmë se ai person që do të kthehet, është shtetas i Kosovës, atëherë e japim dritën e gjelbër”.

“Ndërkohë, vepron Ministria e Punës dhe e Mirëqenies Sociale dhe pushteti lokal. Ky proces është duke vazhduar me vite të tëra. Deri më tash nuk kemi hasur në vështirësi të mëdha dhe besojmë se do të vazhdojmë me ritëm të njëjtë”, thotë Duraku.

Duraku shpjegon se çdo vit pranojnë rreth tre mijë persona, të cilët kthehen pa vullnetin e tyre nga shtetet evropiane.

Eksperti për çështje të integrimeve evropiane, Avni Mazreku, thotë se procesi i riatdhesimit dhe ai i liberalizimit bien ndesh me njëri-tjetrin.

Por, sipas tij, nëse Kosova do të shkojë përpara në procesin e regjimit të lirë të vizave, nuk bën pa marrëveshjet për riatdhesim.

“Normalisht që dikush nga ky kontingjent i madh i njerëzve që jetojnë jashtë vendit, do të duhej të rregullonte statusin e tij legal. Pa rregullimin e këtij statusi, asnjë qeveri nuk mund t’i qaset rregullimit të pozitës së tyre”.

“Prandaj, normalisht që për ne, si kosovarë, për ekonominë më të varfër evropiane, kjo çështje ka pasoja të këtilla, mirëpo është nevojë e domosdoshme, që të rregullohet ky status”, vlerëson Mazreku.

Por, aktivistët për të drejtat e njeriut alarmojnë se ata të kthyer, që nuk mund të integrohen në shoqërinë kosovare, do të kërkojnë sërish rrugë për të dalë jashtë vendit, qoftë edhe në mënyrë ilegale.

Ata apostrofojnë si shembull negativ, rastin tragjik në lumin “Tisa”, ku disa kosovarë humbën jetën në lumë, në përpjekje për të kaluar ilegalisht kufirin Serbi - Hungari.
Radio Evropa e Lirë

Përpjekja për komb “kosovar”, përçan popullin shqiptar


Krizë e identitetit kombëtar?!


Po biem në “kurthin” terminologjik të serbëve. Kjo është ideja e përgjithshme për identitetin shqiptar, atë që me shekuj nuk e bën dot pushtuesit e huaj, po e bëjmë ne vetë.

Në një kohë që fituam pavarësinë me idealin një gjuhë, një histori, një komb, sot vetëquhemi ose ka përpjekje për të na quajtur “kosovarë”. Intelektualë, politikanë, qytetarë janë në një mendje se identiteti shqiptar po përplaset me kriza të shumta, për faktorë të ndryshëm ndër kryesorët, ai ekonomik, pa përjashtuar edhe tendencat antikombëtare që ende veprojnë në mbarë trojet shqiptare. Shqipëria, Kosova, Kosova Lindore, shqiptarët në Mal të Zi dhe ata në Maqedoni kanë qenë dhe janë vazhdimisht nën presion për ta zbehur identitetin kombëtar, çfarëdo epoke që shkon e vjen shqiptarët janë në “shënjestër” të fqinjëve të tyre për t’u zhdukur.

(Tekstin e plotë mund ta lexoni në numrin e nesërm të gazetës, “Bota sot”)
Bota Sot

[Llapjani_HH]

Bizneset e Kosovës, lamtumirë CEFTA-s


Bizneset nga Kosova që nga shpallja e pavarësisë janë duke i humbur miliona euro për shkak se Serbia dhe Bosnja, nuk i lejojnë që në vendet e tyre të hynë produkte me logo të Republikës së Kosovës. Nënkryetari i Odës Ekonomike të Kosovës (OEK), Safet Gerxhaliu, ka deklaruar se Kosova duhet të përpiqet që ta fitojë betejën e CEFTA-s, në të kundërtën, humbja e kësaj beteje për shtetin më të ri do të thotë humbje e madhe.

Nënkryetari i Odës Ekonomike të Kosovës (OEK), Safet Gerxhaliu, ka ftuar institucionet e Kosovës që të mendojnë mirë se çfarë duhet të ndërmarrin për problemin me të cilat po ndeshet Kosova nga shpallja e pavarësisë me CEFTA-n.

“Është koha që të kemi nj qasje të re në rrafshin diplomatik dhe në atë të lobimit, sepse ky është një proces angazhimi dhe jo neglizhencë, CEFTA është një betejë e rëndësishme për neve si shtet”, ka theksuar ai për gazetën.

Gerxhaliu nuk e sheh të arsyeshme që Kosova të rrijë në CEFTA pa asnjë përfitim, “s’kemi nevojë që të jemi pjesë e një organizate dhe të rrimë aty, “falë”, ka porositur ai.

Kosova duhet të përpiqet që ta fitojë betejën e CEFTA-s, në të kundërtën, sipas ekspertit Gerxhaliu, humbja e kësaj beteje për shtetin më të ri do të thotë humbje madhe.

“Serbia me gjithë arsenalin e vet, do të përpiqet që Kosovën ta pengojë në proceset integruese dhe nëse ajo do të mund ta fitoj betejën për CEFTA, nuk do të ishte një gjë e mirë për neve”, ka vlerësuar ai.

Edhe drejtori i Klubit për Politikë të Jashtme (KPJ), Ylli Hoxha, ka deklaruar se problemet e Kosovës me CEFTA-n kanë bërë që të bien investimet e huaja direkte dhe rritet deficiti tregtar.

“Opstrukcionet që bëhen nga ana e Serbisë fillojnë po kanë efektin e vet ekonomik brenda Kosovës, gjendja është e paqëndrueshme Kosova po ngulfatet kurse Serbia po zë pozicion statik”, ka thënë ai.

Ndërsa redaktorja e buletinit të “Periskopisë” Besa Luci, është shprehur se investimet në Kosovë kanë pasur rënie, nga viti në vit, për shkak të cetfat dhe sipas saj, institucionet e Kosovës, duhet të marrin vendim që të bëjnë bllokadë për Serbinë.

Ndryshe që nga shpallja e pavarësisë para dy viteve, Kosova po përballet me probleme rreth pjesëmarrjes së saj në takimet e CEFTA-s , kryesisht me dy shtete Serbinë dhe Bosnje Hercegovinën. Këtë vit kryesuese e sekretariatit të CEFTA-s është Serbia.
Telegrafi

UNMIK-u jep shenja për lejimin e rindërtimit në Lagjen e Boshnjakëve


Administrata e UNMIK-ut që ende është përgjegjëse për pjesën veriore të Mitrovicës, ka treguar shenja të fleksibilitetit sa i përket procesit të rindërtimit të shtëpive që janë djegur e shkatërruar gjatë luftës në atë pjesë të qytetit, shkruan sot Koha Ditore.

Së paku, kështu pohojnë disa nga banorët shqiptarë të veriut, të cilët kanë takime të rregullta me zyrtarët e misionit të OKB-së në atë pjesë të lumit Ibër.
Adem Mripa, përfaqësues i Lagjes së Boshnjakëve, thotë se zyrtarët e administratës së UNMIK-ut në veri kanë kërkuar që të bëhet një listë e shtëpive të djegura dhe të shkatërruara në luftë, me qëllim të rindërtimit të tyre. Ai thotë se ka marrë vetë përsipër që të merret me këtë çështje dhe tashmë ka dorëzuar një regjistër prej 52 banorëve që kanë shtëpitë e djegura, por thekson se ende ka vështirësi në këtë proces.

Sipas tij, deri tani zyrtarët e UNMIK-ut nuk janë marrë shumë me rindërtimin e shtëpive shqiptare në këtë lagje të veriut.

Mripa thotë se ish-administratori i UNMIK-ut, Gerard Galluci, i njohur me qëndrime kontroverse, i kishte thënë një herë se në këtë lagje ekziston një vijë e kuqe, mbi të cilën shqiptarët nuk mund të rindërtojnë shtëpitë e tyre.

Sipas tij, moslejimi i shqiptarëve për të rindërtuar shtëpitë ka ndikuar që gjatë kësaj kohe ata të detyrohen t’i shesin pronat e tyre.

Në të njëjtën kohë, serbët janë lejuar që në pronat e blera nga shqiptarët të ndërtojnë objekte për banim kolektiv, ku janë vendosur edhe refugjatë serbë nga Bosnja dhe Kroacia.

Në anën tjetër, zyrtarët e UNMIK-ut e kanë lejuar deri tani në këtë lagje ndërtimin e së paku 9 objekteve të larta kolektive të ngritura nga serbët, ku janë vendosur shumë familje, duke u ndryshuar përbërja etnike e lagjes.

Mripa sqaron se qe dhjetë vjet për banorët aty nuk është bërë gjë sa i përket rindërtimit, duke përmendur si përjashtim, vitin e kaluar kur me ndihmën e komunës dhe qeverisë vendore është bërë e mundur që të rindërtohen pesë shtëpi.

Gazeta, me gjithë përpjekjet, nuk ka mundur të marrë deklaratë nga zyrtarët e UNMIK-ut që janë të përqendruar kryesisht në veri të Mitrovicës.

Në anën tjetër, zyrtarët komunalë në Mitrovicë thonë se procesi i rindërtimit do të vazhdojë në të gjitha pjesët ku ka shtëpi të djegura nga koha e luftës. Rasim Veseli, drejtor për Infrastrukturë dhe Shërbime Publike, thotë se komuna me ndihmën e qeverisë ashtu si në vitin e kaluar do të përkrahë procesin e rindërtimit në mënyrë që të gjithë të zhvendosurit të kenë mundësi që të kthehen në shtëpitë e tyre. Sipas tij, ku proces nuk ka të bëjë fare me politikën, por është një projekt për të krijuar kushte më të mira për të gjithë qytetarët pa dallim të përkatësisë së tyre etnike.
Koha.net

[Oqeani]

Ndeshen dy trena ne Bruksel

Sot ne ora 08h30 ne Bruksel u ndeshen dy trena ku jeten e humben 18 persona. Simbas informatave te fundit behet e ditur se rreth 20 persona jane me lendime te renda, dhe rreth 100 me te lehta.
Simbas eksperteve ende nuk dihen shkaqet e ngjarjes, por sypozohet se njeri nga drejtuesit e trenit nuk ka respektuar shenjat e komunikacionit!
Kryeministri i Belgjikes, Iv Leterm, anuloi sot viziten ne Prishtine, per shkak te aksidentit ne Bruksel.

[Llapjani_HH]

Dyqani patriotik i Frashërit, asnjë produkt nga Serbia


Endriti dhe e dashura e tij Blerina dolën nga dyqani duke u konsultuar mes vete këtë të hënë. Ata shfaqën habinë kur në njërin prej dyqaneve të lagjes “Dardania” në Prishtinë nuk gjetën asnjë produkt të prodhuar në shtetin serb. Por, ata gjetën atë që kërkuan.

Qeset e tyre ishin të mbushura me produkte të cilat ata i blenë, pa vërejtur asnjë mangësi në zgjedhje. Atyre nuk u mbeti në hak pronari i dyqanit “Arjeta” në “Dardani”, Frashër Krasniqi. Në mungesë të produkteve serbe këta dy konsumatorë u furnizuan pa pengesë me produkte të vendit dhe produkte të importuara nga vendet e tjera të rajonit të përdorura si alternativë dhe zëvendësim i produkteve me barkodin “860”.

Në dyqanin e Frashërit zënë vend mbi 2 mijë artikuj ushqimorë, por jo edhe ato nga Serbia. Të gjitha produktet që nisin me barkodin “860” në hyrje të dyqanit ndalohen me një mbishkrim në të cilin thuhet: “Nuk mbajmë produkte të Serbisë”.

Qëkur kishte hapur dyqanin tregtar, më 2008, Frashëri ishte i mendimit që t’ua kthejë hakun e bllokimit të produkteve nga Kosova shtetit serb dhe atij boshnjak. Për të nuk ka vështirësi gjetja dhe rivendosja e prodhimeve serbe me ato vendëse dhe nga vendet përreth. Për rreth 99 për qind të produkteve serbe ai ka gjetur zëvendësimin.

“Është lehtë me gjet zëvendësime nga Maqedonia, Turqia, Shqipëria, por edhe me prodhime vendore”, thekson Frashëri për Kohën Ditore.
Ai thotë se klientët e kanë pritur mirë nismën për bojkotimin e produkteve të Serbisë, dhe se mungesa e këtyre produkteve nëpër raftet e dyqanit ka ndikuar pozitivisht në numrin e klientëve.

“Ka raste kur konsumatorët vijnë nga qendrat më të largëta vetëm pasi kanë dëgjuar se nuk mbaj produkte serbe”, thotë ai.
Frashëri tregon se shpërndarësit e mëdhenj të mallrave shumicën e artikujve i kanë të importuara nga Serbia. Jo rrallëherë këto mallra i janë ofruar edhe atij, por Frashëri i ka kthyer mbrapsht.

Kjo nismë e Frashërit nuk po përkrahet edhe nga institucionet shtetërore. Nga Ministria e Tregtisë dhe Industrisë është thënë se problemi me bojkotimin e produkteve serbe është më shumë problem politik sesa tregtar.

Në kohën kur timonin e marrëveshjes CEFTA e mban në dorë Serbia, Republika e Kosovës e ka edhe më të vështirë eksportimin e prodhimeve të veta në vendet pjesëmarrëse të kësaj marrëveshjeje. Në këtë marrëveshje Kosova ende është e prezantuar si UNMIK, e jo si shtet në vete. Mallrat me vulë të Kosovës nuk lejohen të kalojnë as transit nëpër Serbi e Bosnjë-Hercegovinë, ndërsa prodhuesit kosovarë detyrohen që mallrave të tyre t’u shtojnë tiketa ekstra për t’i kaluar nëpër këto shtete apo edhe t’i kalojnë nëpër rrugë të reja duke rritur kështu koston e prodhimit të tyre.

Ekspertët e ekonomisë janë të mendimit se nismat për bojkotimin e produkteve serbe nuk mund të jenë shumë të efektshme të arritjen e kthimit të borxhit ndaj shtetit serb për bllokadën e bërë prodhimeve të Kosovës.

Berat Rukiqi, sekretar në Odën Ekonomike të Kosovës, thekson se furnizimi i tregut vendës me produkte të prodhuara në Serbi është vazhdimësi e relacioneve të gjata mes tregtarëve të vendit dhe prodhuesve serbë. Ai thekson se duhet të merren shembuj nga Kroacia e cila, sipas tij, për një kohë të gjatë kishte bllokuar të gjitha produktet e prodhuara në Serbi.

Por, konsumatorët gjithmonë kanë alternativë tregun e lirë. Sipas Rukiqit, furnizimi me gjërat elementare nuk shikohet shumë për nga prejardhja e produktit. Ai thekson se çmimi është indikatori kryesor, i cili përcakton se cilat lloje të produkteve kërkohen më shumë në treg.

“Vendi ynë ka relacione të gjata tregtare me Serbinë, mirëpo nëse institucionet do të ishin më të vendosura sidomos pas bllokadës serbe, ky do të ishte momenti i zvogëlimit të tregut të produkteve serbe në Kosovë dhe rritja e prodhimit vendor, si dhe furnizimi nga vendet e tjera alternative të rajonit”, thotë Rukiqi.

Ai shpjegon se për bllokimin e produkteve serbe, njësoj sikurse shteti serb që vazhdon të veprojë me produktet “Made in Kosova”, duhet të merren institucionet e vendit.

“Duhet një vendim institucional në këtë drejtim. Nuk mundemi t’ia imponojmë askujt të drejtën e furnizimit, por duhet një vendim institucional për bllokimin e mallrave në raport me CEFTA-n”, thotë ai.

Mbishkrimi në dyqanin e Frashërit: “Nuk mbajmë produkte të Serbisë”, nuk është vënë rastësisht.

“Këtë moto e kam vënë jo që të kem përparësi ndaj dyqaneve përreth, por që edhe ato të bashkëngjiten në këtë nismë”, ka thënë Frashëri.
Koha.net

Ministrisë së Transportit mund “t’i flenë në arkë” 6 milionë euro


Ministrisë së Transportit gjatë vitit 2010 do “t’i flenë” në arkë rreth 6 milionë euro, nëse dinamika e punimeve në projektin e autostradës shkon siç e kanë planifikuar drejtuesit e kësaj ministrie, shkruan Koha Ditore.

Këtë shumë të mjeteve Ministria e Ekonomisë dhe e Financave në buxhetin e vitit 2010 ia ka alokuar Ministrisë së Transportit për t’i kompensuar shpronësimet që do të bëhen në trasenë e autostradës Vërmicë - Besi. Por, sivjet drejtuesit e ministrisë së rrugëve pritet t’i kryejnë punimet vetëm në segmentin e Prizrenit, për të cilin paratë për shpronësime janë të siguruara qysh në buxhetin e vitit 2009 – gjithsej 13 milionë euro.

Në vitin 2011 pritet të kryhen punimet në zonën Prizren - Arllat e tek më 2012 planifikohet të kryhet traseja e mbetur, e cila shkon deri në Besi të Komunës së Prishtinës.

Drejtuesit e Ministrisë së Transportit ende nuk kanë ide sesi do ta përdorin këtë shumë prej 6 milionë eurosh më 2010.

“Ndarja e buxhetit bëhet në bazë të kërkesave të ministrive. Nuk dihet se në cilin segment do të përdoren këto mjete”, ka theksuar Adem Grabovci, zv.ministër i Transportit.

Sipas tij, komisioni për shpronësimet, i cili është trup i përbashkët i Ministrisë së Transportit, Financave dhe komunave, të cilat përshkohen nga traseja e autostradës, ende nuk ka bërë vlerësimin final të pronave, të cilat pritet të shpronësohen.

Verifikimi i pronave, sipas Grabovcit, është kryer vetëm në segmentin e Prizrenit nga pritet të nisin punën buldozerët e konsorciumit amerikano-turk “Bechtel-Enka”. Ndërsa 13-milionëshi i ndarë në vitin 2009, sipas Grabovcit, do të nisë të shpenzohet për të bërë shpronësimin në segmentin e Prizrenit, ku edhe do të punohet në ndërtimin e autostradës Vërmicë - Besi. Grabovci nuk ka bërë të ditur nëse këto mjete prej 6 milionë eurosh do të përdoren si mjete shtesë për segmentin e Prizrenit apo edhe sa do të jetë shuma e mjeteve që do të kërkojë Ministria e Transportit për vitet 2011 dhe 2012.

“Nuk dihet se sa do të jetë kostoja totale për shpronësimet pasi këtë do ta vlerësojë komisioni i përbashkët për këtë punë”, ka thënë Grabovci, duke shtuar se interesimi i ministrisë është që të ecë mirë procesi i ndërtimit të projektit të autostradës dhe krahas saj do të lëvizin gjërat edhe për sa u përket shpronësimeve.

Në anën tjetër, zyrtarët e Ministrisë së Ekonomisë dhe të Financave nuk e kanë komentuar arsyen pse janë ndarë mjetet prej 6 milionë eurosh edhe pse Ministria e Transportit i ka paratë të gatshme për shpronësimet që do të kryhen gjatë vitit 2010 në segmentin e Prizrenit.

Ndërkaq, për sa u përket pagesave për shpronësime, Ministria e Ekonomisë dhe e Financave ka planifikuar që pronat të kompensohen në bazë të çmimit të tregut dhe për këtë do të krijohet një komision i përbashkët ndërmjet Ministrisë së Transportit, asaj të Financave, si dhe të komunave përkatëse në territorin e të cilave i bie traseja e autostradës.

Ministria e Financave, për të definuar shumën e kompensimit, do të marrë për bazë tri kontrata valide nga shitblerjet e fundit që janë bërë në një zonë kadastrale.

Më së shumti prona do të kompensohen në segmentin e Prizrenit ku për 22,5 kilometra autostradë në këtë komunë do të shpronësohen 239 hektarë tokë.
Në atë të Fushë Kosovës do të shpronësohen 4 zona kadastrale me 91 hektarë.

Në zonën e Prishtinës planifikohet të shpronësohen 9 zona kadastrale me gjithsej 177,9 hektarë. Kurse në atë të Obiliqit do të shpronësohen 3 zona kadastrale me 17,5 hektarë.

E vetmja pjesë e autostradës, për të cilën nuk dihet sa hektarë tokë do të shpronësohen, është segmenti Malishevë-Arllat. Kjo pasi traseja e autostradës ishte paraparë t’i binte nga Qafa e Duhles së Komunës së Suharekës, por është ndryshuar pasi konsorciumi “Bechtel-Enka” kishte bërë një propozim të tillë.
Ndërkaq, nga rreth 100 mijë hektarë tokë, sa planifikohen të kompensohen nga Buxheti i Kosovës, rreth 400 hektarë janë pronë shoqërore, ndërsa mbi 600 hektarë janë në pronësi private.

Për pronat shoqërore Qeveria e Kosovës ende nuk ka lidhur ndonjë marrëveshje me Agjencinë Kosovare të Privatizimit, por ka kërkuar që këto prona për interesa nacionale t’i falen Qeverisë.
Koha.net

[Llapjani_HH]

Dështimi me targa


Ka dështuar prodhimi i targave të reja me stemën e Kosovës, për shkak të tenderit. Qytetarët po presin me javë sërish për targat e vjetra. Por, as të tilla nuk ka. Procesi i pajisjes me targa është bllokuar. Tash, MPB-ja thotë se ka filluar furnizimi i qendrave të regjistrimit me targa të vjetra, pas disa problemeve teknike.

Qytetarët që kanë blerë vetura të reja, kanë mbetur pa targa. Radhët e gjata para qendrave të regjistrimit janë larguar përkohësisht. Të paktë janë ata njerëz që marrin targa KS. Ka qytetarë që presin tash e një muaj për të marrë një palë tabela për veturë. Ata që janë më pak të durueshëm kanë filluar të ngasin makinat edhe pa targa.

Krejt ky kaos i ka rrënjët në fund të vitit 2009. Asokohe ishte ndërprerë prodhimi i targave KS. Ishte paralajmëruar se do të dalin targat e reja me stemën e Republikës së Kosovës. Por, duket se Ministria e Punëve të Brendshme u bë pishman. Ajo ka autorizuar përsëri kompaninë për prodhimin e targave që të vazhdojë me targa të vjetra.

F.S. pothuajse çdo ditë pune vjen në Qendrën e Regjistrimeve në Prishtinë. Në 20 ditët e shkruara ai ka marrë gjithmonë të njëjtën përgjigje: “Hajde nesër se sot nuk ka tabela”.

Megjithëkëtë, ai shpreson se deri në fund të javës, më në fund do t’i ketë targat e veturës. “Deri në fund të javës na kanë thënë që nuk mund t’i merrni targat”, rrëfen F.S. nga Prishtina, i cili nuk pranon të flasë me emër, nga frika se dikush mund t’ia shtyjë deri në pafundësi marrjen e targave.

Por, sipas këshilltarit të ministrit të Punëve të Brendshme, Fisnik Rexhepi, për këtë nuk ka nevojë të shqetësohet askush. Sipas tij, periudha kur nuk janë prodhuar targat, ka kaluar. Rexhepi shpjegon se ka pasur vetëm reduktime të targave, po jo edhe vonesa

“Të gjitha qendrat e regjistrimit të automjeteve i kemi furnizuar me sasi të mjaftueshme me targa, derisa të fillojmë me targa të reja”, vlerëson ai.

Sipas tij, kompania që ka qenë e ngarkuar për prodhimin e targave nuk ka pasur mundësi të plotësojë kërkesat e shumta të qytetarëve për t’u pajisur me targa.

“Tash është tejkaluar ajo dhe të gjitha qendrat e regjistrimit të automjeteve i kemi furnizuar me sasi të mjaftueshme targash”, shton Rexhepi. Kompania do të vazhdojë të prodhojë targa të vjetra deri në fund të këtij viti, kur pritet të dalin targat e reja me stemën e Republikës së Kosovës.

Megjithëkëtë, ata që ende nuk kanë pasur fatin të marrin as targa të reja, e as të vjetra, po vazhdojnë t’i ngasin veturat e tyre pa targa, me rrezikun se mund të dënohen nga policia. E, policia është shumë rigoroze. Atyre nuk iu intereson nëse qendrat e regjistrimit kanë apo nuk kanë targa të mjaftueshme për qytetarët.

Zëdhënësi i Policisë së Kosovës, Baki Kelani thotë se edhe në raste të tilla nuk do të ketë përjashtime. Sipas tij, ligji do të zbatohet në të gjitha rastet. “Në momentin që një qytetar shihet pa targa, ai do të dënohet”, paralajmëron Kelani.

Sipas tij, mospajisja me targa të veturave nuk është problem i Policisë së Kosovës. “Çdo rast konkretisht në çdo veturë të çdo ngasës, i cili bën shkelje ligjore dhe nuk iu përmbahet rregullave të trafikut, edhe në këtë rast tek automjetet të cilat nuk posedojnë targa, është procedura ligjore që i sanksionon personat që nuk posedojnë targa”, vlerëson ai.

Gjatë dy viteve të shkuara, Ministria e Punëve të Brendshme kishte premtuar se do të dalin me targa të reja. Ato me vite ndërruan formë, ngjyrë dhe stema. Tash është hera e tretë që paralajmërohet një shtyrje e re. Deri më sot zyrtarët e kësaj ministrie nuk kanë pranuar që bëhet fjalë për probleme politike, por gjithmonë teknike.
Gazeta expres

[Llapjani_HH]

Ylli Pango, Berisha e rikthen ne shtet

http://balkanweb.com/gazetav5/upload/images/1266324910.pjpeg
(Dërguar më: 16/02/10)

Më në fund, pas gati një viti, ish ministri i Kulturës, Ylli Pango rikthehet në një detyrë të lartë në administratën shtetërore, madje brenda botës akademike, madje edhe asaj të fushës shkencore. Pango është emëruar drejtor i Komitetit të Shkencave në ministrinë e Arsimit.
Lajmi bëhet i ditur nga burime zyrtare të qeverisë, dhe vendimi për emërimin e Pangos është bërë pikërisht me vendim të Këshillit të Ministrave në datën 3 shkurt.
Por për çudi, ndryshe nga vendimet e tjera të qeverisë, ky vendim i emërimit të Pangos, nuk është publikuar në faqen zyrtare të qeverisë në internet.
Pango, menjëherë pas shkarkimit nga detyra e ministrit, u përjashtua edhe nga fakulteti i shkencave sociale, ku ai ishte dekan, por e përjashtuan edhe nga mësimdhënia në fakultet.
U desh të kalojë një vit që ish-ministri të kthehej në administratë. Kështu, sipas vendimit, ai është emëruar direkt nga kryeministri Berisha në detyrën e Drejtorit të Komitetit të Shkencave në Ministrinë e Arsimit, duke u marrë kështu pothuajse me të gjitha kurrikulat, madje edhe të proferorëve dhe pedagogëve të tjerë.
Gudar Beqiraj, kreu i Akademisë së Shkencave tha dje për “GSH” se nuk dinte gjë për këtë vendim, sepse institutet kanë kohë që në vitin 2007, që nuk janë pjesë më e këtij institucioni.
Por, nuk është e njëjta situatë në ministrinë e Arsimit. Aty, njerëzit thonë, se emërimi i Ylli Pangos vërtet është bërë në datën 3 shkurt, por që prej javësh, edhe pa një vendim qeverie që të kishte hyrë në fuqi, ai kishte filluar punën.
Puna e Ylli Pangos, si drejtor i Komitetit të Shkencave në Ministrinë e Arsimit, do t’i japë mundësinë ish-ministrit që të ketë tashmë kthimin pothuajse të të gjithë punës së tij pedagogjike, pse jo, edhe rikthimin në punë në fakultet.

SKANDALI SEKSUAL

Ish-ministri i Kulturës u përfshi 1 vit më parë në një skandal seksual pasi emisioni “Fiks Fare” e shfaqi atë duke i kërkuar një vajze që kërkonte punë, të zhvishej në shtëpinë e tij. Pak minuta pas transmetimit të pamjeve televizive, kryeministri Berisha e shkarkoi atë nga detyra. Në mes të marsit, parlamenti diskutoi dhe miratoi largimin e Pangos nga qeveria. Më e ashpra në reagimin e saj ka qenë kryetarja e Parlamentit, Jozefina Topalli. Sipas saj, ish-ministri Pango, të cilin ajo e cilësonte vazhdimisht si “zotëria në fjalë” dhe nuk preferoi t’ia zërë emrin në gojë, ka tradhtuar interesat dhe moralin e Partisë Demokratike, të qeverisë dhe të shqiptarëve që e kanë zgjedhur atë. Madje në cilësinë e nënës, ajo tha se ndiente frikë për fëmijët e saj nga tipat si Pango.
Gazeta Shqiptare Online
http://balkanweb.com/index.php?id=73443

[Llapjani_HH]

Më shumë kontroll ndaj Qeverisë së Kosovës


Përderisa Qeveria gjermane mundohet të ruajë mirësjelljen, ish-sekretari i shtetit gjerman për Evropën, Gernot Erler, kritikon Qeverinë e Kosovës. Ai kërkon më shumë kontroll ndaj aktiviteteve ekonomike të qeveritarëve.

Duke e vlerësuar gjendjen në Kosovë, dy vjet pas shpalljes së pavarësisë – Erler, në një intervistë për radion Deutsche Welle, ka thënë se, “pozitiv është fakti që nuk ka pasur ndonjë ngjarje dramatike negative”,

Por në anën tjetër, Erler thotë: “Kemi 45 për qind papunësi, numri i investimeve nga jashtë është shumë i vogël, kultura e ndëshkimit të krimit mungon, gjë që e solli ambasadorin amerikan para disa kohësh të fliste për rrezikun e një ‘shteti të dështuar’”.

“Për fat të keq konstatojmë se ka qenë e gabuar pritja se shumë probleme do të zgjidheshin vetvetiu, pas zgjidhjes së statusin. Ne duhet të shikojmë me kujdes, se çfarë bën kjo qeveri dhe para së gjithash, cilat janë aktivitet e saj në jetën ekonomike. Këtu kemi disa shembuj që na e kanë ulur besimin ndaj Qeverisë dhe na detyrojmë të ushtrojmë më shumë kontroll ndaj saj”, ka thënë Erler.

Erler ka përmendur faktin se, “ka shumë gazeta që shkruajnë për aktivitetet ekonomike të anëtarëve të Qeverisë, disa prej të cilave nuk janë brenda kuadrit ligjor”.

“Ajo çka konstatoj unë është se shpresat e varura tek EULEX-i ishin shumë më të mëdha se sa është arritur tani dhe se në disa pjesë të Kosovës krime të tilla si dhuna, korrupsioni, mashtrimi, të cilat nuk ndëshkohen. Kjo është diçka vendimtare dhe parakusht për të krijuar besimin tek popullsia. Prandaj duhet rritur kontrolli ndaj Qeverisë”, ka thënë ai.
Telegrafi

(S’)Ka nevojë për strategji lobimi


Në Prishtinë ekzistojnë mendime të kundërta në lidhje me formën e lobimit për njohjen e shtetit të Kosovës. Autoritetet thonë se s’ka nevojë për një strategji të fiksuar lobimi, kurse forcat në opozitë pohojnë të kundërtën.

Lidershipi i Kosovës ka paralajmëruar këto ditë, në disa raste, shtimin e njohjeve ndërkombëtare të Kosovës pas procesit në Gjykatën Ndërkombëtare të Drejtësisë.

Opozita dhe shoqëria civile i bëjnë thirrje Ministrisë së Jashtme dhe Qeverisë që të hartojë një strategji për mënyrën e lobimit menjëherë pas procesit në Gjykatën Ndërkombëtare të Drejtësisë, pavarësisht nëse do të ketë një mendim pozitiv, neutral apo edhe në rastin më të keq, negativ për pavarësinë e Kosovës nga kjo instancë ndërkombëtare e drejtësisë.

Mirëpo, Albana Beqiri, zëdhënëse në Ministrinë e Punëve të Jashtme, thotë se nuk ka nevojë për një strategji të tillë, pasi që, sipas saj, nuk pritet më valë njohjesh në bllok nga një numër i shteteve përnjëherë, por njohje nga vendet që kanë vendosur që ta respektojnë GJND-në para se të marrin vendimin për të njohur shtetin më të ri.

“Nuk mund të kemi një strategji, sepse Ministria e Jashtme përditë ndeshet me lobim. Nuk mund të kemi një strategji uniforme lobuese pasi që vendet, të cilat e kanë pasur interes të tyre parësor Kosovën, tashmë e kanë kryer procesin e njohjes dhe ne, në asnjë rast nuk mundemi që edhe vendeve tjera t’ua ofrojmë të njëjtën strategji, do ta quaja, uniforme të lobimit”, thotë Albana Beqiri.

Një mendim të kundërt me zyrtaren e Ministrisë së Jashtme shpreh Ibrahim Gashi nga Aleanca Kosova e Re.

Sipas Gashit, diplomacia kosovare ka nevojë për një strategji, e cila do të përfshinte në vete edhe figura vendore e ndërkombëtare në shërbim të rritjes së numrit të njohjeve.

“Në radhë të parë duhet të ketë një strategji për ta rritur numrin e njohjeve. Strategji, e cila në vete do të duhej të përmbante angazhimin e gjithë resurseve, potencialit që ka, edhe vendor edhe ndërkombëtar,që do të mund të angazhohej në lobim. Kurse, Ministria e Punëve të Jashtme do të duhej të ishte një koordinatore që të mblidhte të gjithë ata faktorë relevantë që mund të ndikojnë në rritjen e numrit të njohjeve”, thekson Gashi.

Deputeti i AKR-së, Ibrahim Gashi, i sugjeron Ministrisë së Jashtme të jetë më shumë e pranishme edhe në tryeza e forume tjera rajonale, apo të karakterit më të gjerë ndërkombëtar, në mënyrë që në çdo forum të dëgjohet edhe zëri i shtetit të Kosovës.

Ndërkohë, Ylli Hoxha drejtor ekzekutiv i Klubit për Polikë të Jashtme, thotë se vendimi i GJND-së do të jetë një moment shumë i rëndësishëm për Kosovën dhe procesin e njohjeve.

Por, Hoxha shprehet skeptik se lidershipi i Kosovës është i përgatitur për fazën pas GJND-së, pavarësisht se premton njohje të reja.

“Dy vitet e kaluara kemi parë se kemi lidership, i cili është i paaftë t’i zbatojë premtimet e veta, është i paaftë që ta përmbyllë një proces ndërkombëtar i cili është i domosdoshëm jo vetëm për pozicionin tonë ndërkombëtar por edhe për funksionalitetin e brendshëm të Kosovës. Bukur shpesh ato paralajmërime të këtij lidershipi dalin të zbehta, pa ndonjë rezultat”, thotë Hoxha.

Opozita dhe shoqëria civile i kanë rekomanduar disa herë Qeverisë që të angazhojë personalitete ndërkombëtare që kanë ndihmuar në krijimin e shtetit të Kosovës, edhe në procesin e lobimit për njohje.

Por, nga Ministria e Jashtme thonë se tashmë ka një numër ndërkombëtarësh që lobojnë aktivisht për këtë qëllim, por ata nuk preferojnë që t’u përmenden publikisht emrat.

Në dyvjetorin e pavarësisë, Kosova numëron 65 njohje ndërkombëtare.

Kurse, një moment i rëndësishëm për shtimin e këtij numri, sipas zyrtarëve më të lartë vendorë, do të jetë përfundimi i procesit në GJND.
Radio Evropa e Lirë

“Elektrokosmet” dhe “Elektroprivreda Srbije” vjedhin KEK-un


Prishtinë, 18 shkurt - Korporata Energjetike e Kosovës u bëri thirrje qytetarëve të pjesës veriore të Mitrovicës të mos bëjnë asnjë pagesë për faturat e pranuara nga kompanitë “Elektrokosmet” dhe “Elektroprivreda Srbije” pasi që KEK-u është operatori i vetëm i licensuar i sistemit të shpërndarjes dhe furnizimit me energji elektrike për të gjithë territorin e Kosovës.

KEK-u përmes një njoftimi për media njoftoi se në muajt e fundit KEK-u ka mësuar se dy entitete të pa licencuara, që nuk janë kompani të regjistruara në Kosovë, përkatësisht “Elektrokosmet” dhe “Elektroprivreda Srbije (EPS)” janë duke operuar ilegalisht në pjesën veriore të Lumit Ibër.


Sipas KEK-ut, provat e mbledhura tregojnë qartë se “Elektrokosmet” dhe “Elektroprivreda Srbije (EPS)” me mbështetjen e “Elektromreža Srbije” janë së bashku duke kryer aktivitetet e një operatori të sistemit të shpërndarjes së energjisë dhe të furnizuesit të energjisë pa ndonjë bazë ligjore apo autoritet.

“Sipas kornizës ligjore dhe rregullative të vendosur në vitin 2004, KEK-u është operatori i vetëm i licensuar i sistemit të shpërndarjes dhe furnizues publik për të gjithë territorin e Kosovës. Asnjë entitet tjetër nuk është licencuar të kryej ndonjërin prej këtyre aktiviteteve”, thuhet në njoftim.

KEK-u në përputhje me këtë vlerësoi se asnjë pagesë nuk duhet të bëhet nga shfrytëzuesit e energjisë elektrike në Kosovë te “Elektrokosmet” apo “EPS”, dhe konsumatorët duhet të shpërfillin faturat e pranuara nga këto entitete.

Sipas KEK-ut, kjo është një çështje e “sundimit të ligjit” dhe presin që të gjitha organet për zbatimin e ligjit në Kosovë të marrin veprimet e duhura për të siguruar mbajtjen e sundimit të ligjit.
Koha.net

[Llapjani_HH]

Qeveria e dhuron edhe traktorin e dytë për serbët lipjanas


http://www.koha.net/repository/images/19traktori4.jpg


Dushan Jorgiqi, pjesëtar i komunitetit serb nga Lipjani, është përfituesi i dytë i një traktori të ri nga ekzekutivi i vendit.

Qeveria e Kosovës, të premten ka dhuruar edhe traktorin e dytë për serbët e kësaj komune, pas atij që kishte dhuruar dy vjet më parë në Rubovc, kur përfitues kishte qenë Slavisha Slavkoviq.

Për dallim prej herës së parë, të premten në dorëzimin e traktorit të ri nuk ishte prezent kryeministri, Hashim Thaçi, ndërsa dhuratën e dorëzoi këshilltari i kabinetit të tij për komunitete, Sergjan Sentiq. “Falemnderit për këtë traktor, kjo është një dhuratë e madhe për mua dhe tashti po bindem se Qeveria e Kosovës është e vërtetë”, ka thënë Jorgiq, pasi ka pranuar traktorin e ri.

Traktori për këtë kryefamiljar erdhi pas një kërkese që ai personalisht i kishte bërë shefit të Qeverisë, Thaçi, më 4 nëntor të viti të kaluar. Atëkohë, Thaçi bashkë me shefin e Ambasadës së SHBA-së në Kosovë, Christopher Dell, e kishin vizituar familjen Jorgiq, prej nga patën bërë thirrje për dalje në votime të komunitetit serb. Jorgiq, nga ana tjetër pati premtuar se do të votojë në zgjedhje, ndërsa me këtë rast pati kërkuar edhe diçka nga makineria bujqësore, e që aludonte në një traktor.

“Do ta kesh traktorin”, kishte qenë përgjigjja e shkurtë e Thaçit pas kësaj kërkese, ndërsa në ato momente edhe ishte ngritur dolli me raki shtëpie.

Rakinë “Vinjak”, që e kishte hapur më 4 nëntor Thaçi për dolli, deri të premten e kishte ruajtur Dushan Jorgiqi,për ta servuar prapë të njëjtën, pjesën e mbetur të shishes. “Vinjakun” që e ka hapur kryeministri para 4 muajsh e kam ruajtur me respekt dhe sot po e pimë për gëzim”, ka thënë Jorgiqi.

“Më mbetet merak pse nuk qëlloi sot kryeministri këtu që t’ia them disa fjalë.

Por, dëshiroj që t’ia përcillni porosinë se këtu po jetojmë pa probleme, është një bashkëjetesë e mirë dhe unë e pranoj Thaçin për kryeministër”, ka deklaruar Jorgiq.

Ndërkohë, Florent Hoxha, nënkryetar i Lipjanit ka deklaruar me këtë rast se traktori – dhuratë është një realizim i një premtimi që ka bërë kreu i ekzekutivit kosovar.

“Kryeministri e pati premtuar traktorin dhe kjo është një dëshmi që ai premtimet nuk i lë boshe, por i përmbush.

Unë siguroj familjen Jorgiq, por edhe të gjithë qytetarët e Lipjanit pa dallim, se edhe ne si komunë jemi të përkushtuar që t’u krijojmë atyre jetë të rehatshme”, ka thënë Hoxha.
Koha.net

Padit Gjeneralin


Gjeneral Sylejman Selimin e ka paditur ish-pjesëtari i FSK-së, Izet Aliu. Ky kapiten pretendon se është larguar nga puna pa të drejtë, me vendim të nënshkruar nga kreu i kësaj force. Drejtësinë thotë do ta kërkojë deri në Strasburg. Zyrtarët e FSK-ë dhe KFOR-i përgjegjës bëjnë njëri-tjetrin për këto përjashtime

Nëse pjesëtarët e tjerë të përjashtuar nga Forca e Sigurisë së Kosovës janë pajtuar të mos e veshin kurrë uniformën ushtarake, Izet Aliu nga Dragashi e ka ndarë mendjen të veprojë ndryshe.

Ai ka angazhuar një avokat nga Prizreni dhe të enjten, në Gjykatën Komunale në Prishtinë, ka dorëzuar një padi ndaj FSK-së dhe komandantit të përgjithshëm të saj, Gjeneral Sylejman Selimi.

Padia e Izetit, në këtë rast, ka të bëjë me vendimin e nënshkruar nga Gjeneral Selimi, për largimin e tij nga puna. Ish Kapiten Izeti thjesht kërkon rikthim në vendin e punës, ngase pretendon se përjashtimi i tij është bërë pa asnjë arsye.

Në fakt, ai beson se përjashtimi i tij nga detyra është bërë për shkak të raporteve që ka hartuar në lidhje me keqpërdorimet e mëdha që janë bërë në këtë forcë.

“Janë shitur veturat e TMK-së për hekur dhe kjo ka ndodhur gjatë epopesë së UCK-së në vitin 2009”, thotë Izeti për Express.

Përveç kësaj, sipas tij, rasti më i tmerrshëm që ka ndodhur në FSK është ajo çfarë kanë bërë me veturën e ruajtur si relikt të luftës, për të cilën për dhjetë vjet janë kujdesur ish Trupat Mbrojtëse të Kosovës (TMK).

“Vetura të cilën dëshmori Tahir Sinani ua kishte marrë forcave serbe, për dhjet vjet ka qëndruar në Zonën e Dytë Mbrojtëse në Prizren për t’u vendosur në muze. Por, në mars 2009, bashkë me të tjerat, ajo është shitur për hekur”, shpjegon Izeti.

Edhe këtë rast ai pretendon se e ka paraqitur në raportet e tij dhe mendon se ky është edhe një shkak më shumë pse e kanë larguar nga FSK-ja.

“Në gjykatë do të tregoj emrat e atyre personave, të gjithëve, çfarë kanë bërë e si kanë vjedhur”, deklaron ish Kapiteni i FSK-së, i bindur se një ditë gjykata do ta shqyrtojë rastin e tij.

Edhe pse në vendimin për largim nga puna i shkruan qartë se nuk ka të drejtë ankese, para se të shkojë në gjykatë, Izeti është ankuar në zyrën e Avokatit të Popullit dhe Këshillin për Mbrojtjen e të Drejtave të Njeriut (KMDLNJ).

“E kanë regjistruar rastin, por më kanë thënë se fillimisht duhet t’i drejtohem gjykatës. Këtë e kam bërë. E nëse këtu nuk gjej drejtësi, do të shkoj deri në Strasburg”, thotë Izet Aliu. Ai thotë se për këtë është i vendosur deri në fund.

“Dua që drejtësia të dalë në shesh e të mos luhet me dinjitetin tonë”, shprehet Izet Aliu, duke sqaruar se tërë veprimi i tij ka vetëm një qëllim.

“Drejtësia të dalë në shesh sepse e ndiej vetën se nuk jam fajtor dhe dua të kthehem në vendin tim të punës”, thotë Izet Aliu.

Por, vetë zyrtarë të Ministrisë së FSK-së kanë deklaruar se kjo çështje nuk është kompetencë e tyre, edhe pse në fund të vendimit për largim të Izetit dhe 13 ish pjesëtarëve të tjerë të kësaj force qëndron nënshkrimi i kreut të FSK-së.
“Kjo është kompetencë e KFOR-it dhe ne nuk dimë asgjë as për largim të këtyre personave”, është shprehur ditë më parë Ibrahim Shala për Express.

Por, zyrtarë të KFOR-it thonë se me këtë çështje merret vetë FSK-ja duke mos pranuar se kanë gisht në përjashtimin e këtyre pjesëtarëve, të cilëve në vendim u shkruan se rezultatet e verifikimeve të të kaluarës së tyre për ta kanë dalë të jenë negative.

Në lidhje me këto largime nga FSK-ja, ka reaguar edhe Behxhet Shala, kryetar i KMDLNJ-së. Me një letër të hapur drejtuar Gjeneral Selimit, Shala ka deklaruar se vendimi për ndërprerjen e punësimit, që u është dhënë këtyre ish pjesëtarëve, është shumë i paqartë dhe aspak arsyetues. “Nuk i tregoni arsyet e vërteta pse shkarkohen pjesëtarët e FSK-së, apo nuk ju lejohet nga ata që e bëjnë procedurën e verifikimit” ta bëni këtë?!”, ka thënë Shala.

Sipas tij, meqë verifikimi i aftësive psikofizike të kandidatët bëhet në fillim dhe ky është kusht i domosdoshëm për rekrutim të suksesshëm, pse është e nevojshme që procedura e verifikimit të zgjasë më shumë se një vit, e pastaj rekrutët të hidhen në rrugë.
Gazeta expres

[Llapjani_HH]

Fadil Sulejmanit i ndalohet hyrja në Universitetin e Tetovës


Themeluesi dhe ish-rektori i Universitetit të Tetovës, Fadil Sulejmani, bëri të ditur të martën se i ishte ndaluar hyrja në objektet e Universitetit Shtetëror të Tetovës nga ana e të punësuarve në sigurimin e objektit.

Ai më tej shtoi se rojet i kishin thënë se urdhri për ndalesën e hyrjes së tij në USHT kishte ardhur nga rektori aktual, Agron Reka, duke e akuzuar këtë të fundit se nuk ka guxim që vetë ta bëjë këtë, por përmes rojeve.

“Sot kur kam ardhur të hyj në ndërtesën e Universitetit, rroja më ka ndaluar që të futem brenda duke më thënë se kanë urdhër të drejtpërdrejtë prej rektorit Agron Reka. Kjo më ka habitur mjaft, meqë këta njerëz nuk kanë zemër që këto punë vet t’i bëjnë, por mundohen nëpërmjet rojeve, këtyre djelmoshave, të cilët i kanë kërcënuar me bukën e gojës, që të më ndalojnë që të futem brenda”, deklaroi ish rektori Sulejmani.

Arsye për këtë, sipas ish rektorit Fadil Sulejmani, është themelimi i Këshillit të pavarur për ndryshime jopolitike në USHT, që siç shprehet ai, ka për qëllim largimin e politikës nga ky institucion i lartë arsimor dhe formimin e organeve të reja drejtuese të pavarura nga politika, partitë dhe qeveria.

Themeluesi dhe rektori i parë i Universitetit Shtetëror të Tetovës, Fadil Sulejmani, shprehet i shqetësuar nga kjo sjellje e organeve udhëheqëse të USHT-së dhe të njëjtën e quan më të egër se ajo e pushtetit të vitit 1995.

“Jam i shqetësuar sepse atë që nuk arritën ta bëjnë forcat speciale policore në themelimin e UT-së, e bëjnë sot përmes shqiptarëve. Unë atë kohë kam kaluar kordonët e policisë duke rrezikuar edhe jetën, ndërsa sot nuk arrij ti kalojë dy rroje shqiptare”, deklaroi Fadil Sulejmani, i cili më tej shtoi se shpreh keqardhje për këto veprime ndaj tij.

Rektori aktual i Universitetit Shtetëror të Tetovës, Agron Reka, nuk komentoi aspak akuzat e Sulejmanit.
Koha.net

Sejdiu mund të takohet me Tadicin


Presidenti i Kosovës, Fatmir Sejdiu dhe presidenti i Serbisë, Boris Tadic, ka mundësi të takohen në Slloveni, gjatë muajit mars, në konferencën e përbashkët që do të mbahet mes krerëve të Bashkimit Evropian dhe liderëve të shteteve të Ballkanit Perëndimor.

Mundësia e takimit të presidentit kosovar dhe atij serb është bërë e ditur nga shefi i diplomacisë sllovene, Samuel Zhbogar, gjatë takimeve të tij në Bruksel.

Sipas tij, Boris Tadic ka premtuar se do të marrë pjesë në këtë takim, ndërsa nikoqiri, Sllovenia, por edhe zyrtarët nga Brukseli, synojnë që aty të jetë i pranishëm edhe presidenti kosovar, Sejdiu.
Telegrafi

[Llapjani_HH]

http://www.gazetaexpress.com/web/images/gexGallery/25503/cache/fisnik_dobreci_gjyqtari-tahir-rrecaj30-490x320.jpg
Riemërimet e paligjshme


Tahir Rrecaj, gjyqtar në Gjykatën Supreme, e quan të paligjshëm vendimin e KGJK-së që atij dhe disa kolegëve t’iu vazhdohet mandati pa kaluar testet si gjithë të tjerët. Procesin e riemërimeve të larta në sistemin e drejtësisë e cilëson të mbushur me parregullsi.

Pesë gjyqtarë të Gjykatës Supreme të Kosovës nuk kanë qenë fare prezent më 19 shkurt, në ceremoninë e dekretimit nga ana e Presidentit të Republikës.
Ata nuk kanë pasur fare nevojë, ngase mandatin e tyre, përmes një vendimi, ua ka vazhduar Këshilli Gjyqësor i Kosovës (KGJK).

Disa prej tyre janë gjyqtarët Meleqe Behxheti, Avdi Dinaj, Tahir Rreci dhe njësoj sikurse këta, në atë ceremoni ka munguar edhe prokurori i shtetit, Vesel Jashari.

Në fakt, këta janë zyrtarët të cilët nuk kanë pasur fare nevojë të lodhen as për të kaluar testet e organizuara nga Komisioni i Pavarur Gjyqësor dhe Prokurorial i Kosovës (KPGJP).

Por me këtë vendim të KGJK-së duket se nuk ka mundur të pajtohet Tahir Rrecaj, i cili sapo ka kuptuar se çfarë ka ndodhur, ka dhënë dorëheqje nga pozita e gjyqtarit të Gjykatës Supreme.

Sipas tij, mënyra e zgjedhjes së kryetarit të Gjykatës Supreme dhe vazhdimi i mandateve të disa prej tyre pa hyrë as në testin e etikës, ka qenë e papranueshme dhe e paligjshme.
Bazuar në ligj, të gjithë është dashur të hyjnë në këtë test, ashtu siç kanë vepruar edhe gjyqtarë dhe prokurorë të të gjitha niveleve të sistemit të drejtësisë, edhe pse kjo nga shumë gjyqtarë është parë si gjë banale.

Pas tridhjetë vjet përvojë pune, atyre u është dashur t’iu përgjigjen pyetjeve për etikën profesionale dhe personale, duke bërë që shumë nga ta të mos arrijnë ta kalojnë.

Por Tahir Rrecaj, edhe pse i është vazhduar mandati si gjyqtar në Gjykatën Supreme të Kosovës, nuk ka pranuar të punojë në këtë mënyrë, kur tërë kolegët e tij është dashur të kalojnë në shumë teste.

Rrecaj të mërkurën nuk ka dashur të japë asnjë sqarim shtesë, duke deklaruar se krejt çfarë ka pasur të thotë, u është shpërndarë medieve përmes një deklarate.

Kjo letër e shpërndarë nga Rrecaj, bën përgjegjës, përveç të tjerëve, edhe kreun e shtetit, Fatmir Sejdiun, për të cilin thotë se ka dekretuar zyrtarë të drejtësisë që kanë kaluar në një proces me plotë parregullsi edhe ligjore.

Në këtë deklaratë, ai ka sqaruar se ka konkurruar si të gjithë të tjerët për dy pozita, edhe pse ajo për kryetar të Gjykatës Supreme të Kosovës, ka qenë në kundërshtim me Kushtetutën e vendit.

Sipas tij, kryetarin e Gjykatës Supreme të Kosovës e emëron dhe e shkarkon Presidenti, e ai duhet të jetë njëri nga anëtarët e Gjykatës dhe i cili ka mandat shtatëvjeçar.

Duke përmendur edhe ligjet dhe nenet përkatëse, Rrecaj ka deklaruar se nuk ka dashur të punojë si gjyqtar në Gjykatën Supreme të Kosovës duke u bazuar edhe për një arsye tjetër.

Rrecaj sqaron se duke u bazuar në ligj, të gjithë pa përjashtim, është dashur të hyjnë në testin e etikës, edhe pse një provim i tillë nuk do të thotë se me përgjigje të mësuara përmendësh, gjyqtari apo prokurori ka etikë profesionale apo personale.

“Pastaj, mund të gjendesh në ndonjë situatë kur ndonjë palë, me qëllim apo pa të do të thotë se nuk mund ta gjykosh kur nuk e ke të kaluar as provimin etikës”, ka sqaruar ndër të tjera në letrën e tij, Tahir Rrecaj, tash ish-gjyqtar në Gjykatën Supreme të Kosovës.

Derisa Rrecaj duket se është i qetësuar me vendimin e tij, ky proces i mbajtur jashtëzakonisht sekret nga KPGJP, duket se ka nisur të shkaktojë tensione.

Burime të Expressit brenda Gjykatës Supreme tregojnë se tetë të dekretuarit e tjerë ndjehen të fyer me tërë ato procedura që është dashur t’i ndjekin për të mbërritur aty, ndërkohë që gjyqtarët e tjerë, thjesht kanë shikuar.

“Kur është kuptuar se jo të gjithë gjyqtarët në Gjykatën Supreme kanë qenë të trajtuar njësoj nga KPGJP-ja dhe Këshilli Gjyqësor i Kosovës, atëherë situata është tensionuar”, thotë ky burim për Express.

Përveç Gjykatës Supreme, as në Prokurorinë e Shtetit, situata nuk është më mirë.

Sherri aty ka plasur edhe për faktin kur është parë se kush është emëruar si prokuror.

Sipas këtij zyrtari, kur është parë se prokurorë janë edhe të atillë që kanë shërbyer deri në vitin 1999 ose që kanë marrë pjesë në tubimin e Milosevicit në Gazimestan, në vitin 1989, atëherë ka nisur të tensionohet situata.

“Aty janë vendosur edhe prokurorë që kurrë nuk kanë punuar në këtë punë, por vetëm si bashkëpunëtorë”, thotë ky burim i gazetës.

Derisa të mërkurën ka qenë e pamundur të kontaktohet Lirie Osmani, kryetare e KGJK-së, një ditë më herët, në deklarimin për media, ka pranuar se ekzistojnë tensionet ndërmjet këtij këshilli dhe KPGJP-së të drejtuar nga ndërkombëtarët.
Gazeta expres

[Llapjani_HH]

EULEX-i përgatit akuza të reja për krimet e luftës, kërkon shpërbërjen e strukturave paralele


Përfaqësuesi civil ndërkombëtar në Kosovë Pieter Feith ka hedhur poshtë akuzat se ka standarde të dyfishta ndaj krimeve në Kosovë.

“Kjo nuk është e vërtetë, pyetni Ive de Kermabonin sa njerëz do t’i akuzojë EULEX-i për krime të luftës në një ë ardhme të afërt.

Kjo do të jetë një ndërmarrje e madhe", ka thënë Feith, duke shtuar se dëshiron të shohë “të përgjigjen për veprimet e këqija madje sa më parë edhe kriminelët nga UÇK-ja”.

Feith ka thënë se është i bindur se të gjithëve që kanë bërë krime ndaj serbëve pas ardhjes së KFOR-it do të gjykohen para gjykatave kosovare.

“Askush nuk është mbi ligjin dhe këtë ia përsëris autoriteteve çdo ditë. Do të dëshiroja të shoh, e jam i sigurt se edhe Iv de Kermabon e dëshiron të njëjtën. Kjo është e vështirë, nevojitet shumë kohë për hetime dhe ngritje të akuzës. Të jem i sinqertë, në shoqërinë shqiptare, e cila është mjaft e mistershme, është e vështirë të gjenden dëshmitarët, ka thënë ai.

Përfaqësuesi ndërkombëtar tha se integrimi i veriut të Kosovë në institucione nën kontrollin e Prishtinës do ta varet nga ajo se a e pranojnë këtë serbët e Kosovës apo jo. Në një intervistë dhënë RTS-së, Feith shtoi se plani (strategjia për veriun) nuk e ka mbështetjen formale të Brukselit dhe hodhi poshtë akuzat se me zbatimin e tij rrezikohet stabiliteti i rajonit.

Qëllimi është të depërtojmë deri te qytetarët, të përpiqemi të gjejmë njerëz të cilët do të jenë përfaqësues të popullit nga veriu, dhe të kuptojmë se çka ata në të vërtetë dëshirojnë. Për këtë është i nevojshëm një debat publik, pasi deri tash nuk është dëgjuar zëri i popullit, por vetëm i kujdestarëve të dyshimtë”, tha ai duke menduar në Milan Ivanoviqin dhe Marko Jakshiqin. “Unë dua që populli në pjesën veriore të shprehet për ardhmërinë e vet, dhe kjo është e tëra”. .

"Është e vërtetë se edhe presidenti Tadiq ka folur për planin, por unë edhe më tutje shpresoj se ai do të pajtohet se është e domosdoshme që me disa probleme e gjëra në veriun e Kosovës të ballafaqohemi përfundimisht, sidomos me ato probleme që ekzistojnë tash e 10 vjet”.

Feithi theksoi se status quoja nuk është e qëndrueshme, se sundimi i ligjit duhet të vendoset, se duhet të ekzistojë bashkëpunimi më i madh i të gjitha palëve me EULEX-in, dhe se gjykata në veriun e Mitrovicës duhet sërish të punojë.

"Duam që sërish të punojnë doganat. Këto janë kërkesa për të cilat mendoj se janë fare të matura dhe se i mbështesin të gjitha anëtaret e BE-së”.
Në këtë intervistë, përfaqësuesi special i BE-së organet e pushtetit serb në veriun e Mitrovicës i ka quajtur paralele dhe ka kërkuar shpërbërjen e tyre.
Feith tha se është e pamundur të përmirësohet qeverisja me vendin nëse ekzistojnë strukturat paralele dhe ku komunitetet nuk jetojnë në mënyrën si do të duhej.

"Andaj unë i shpërbëj strukturat paralele, por dëshiroj që ato t’i zëvendësojnë lidhjet e qarta dhe të besueshme me Beogradin”, shoti ai.
Sipas Feithit, edhe Serbia edhe Kosova kanë perspektivë evropiane.
Koha.net

Serbia, në veri, vëzhgon edhe KFOR-in amerikan


“Koha Ditore” ka mësuar se në një takim të mbajtur të martën, në pjesën veriore të Mitrovicës, krerët e MPB-së së Serbisë për veriun e Kosovës u kanë dhënë një varg urdhrash komandantëve serbë të Policisë së Kosovës, përfshirë ato për vëzhgimin dhe përcjelljen e KFOR-it amerikan, monitorimin e aktiviteteve të ekipit përgatitor për komunën e re të Mitrovicës veriore, mosbindjen ndaj zinxhirit komandues me seli në Prishtinë, si dhe shmangien nga përdorimi zyrtar i shenjave të Republikës së Kosovës. Gjerësisht në numrin e sotëm të gazetës.
Koha.net

Serbia shet pronën e Kosovës, zyrtarët vendorë nuk dinë asgjë


Kush është pronar i objektit të OSBE-së?

Objektit të njohur nga qytetarët si ndërtesa e OSBE-së, më parë Banka Lubjanës e shfrytëzuar nga OSBE-ja që nga paslufta, nuk i dihet akoma zyrtarisht titullari i pronësisë. Që nga paslufta pronarët “legjitimë” ish-banka e Lubjanës (Banka Kreditore) si dhe OPPB Investmetali Prishtinë, Marketingu, Inzhnjeringu dhe Banka Interne janë ankuar në të gjitha institucionet përkatëse vendëse e ndërkombëtare (gjykata, AKM, AKP, Avokati i Popullit, OSBE Kosovë e Vjenë e etj) për lirimin e objektit të tyre dhe pagesën e qirasë për shfrytëzim, por asnjëherë kërkesat nuk janë marr parasysh. Në ndërkohë Institucionet e Kosovës nuk janë marr me zgjedhjen e statusit të këtij objekti, ndërsa OSBE-ja ka vazhduar me shfrytëzimin e objektit mbi pesë mijë metra në katrorë. Disa burime tona thonë se OSBE-ja i ka paguar edhe qira edhe një kohë pas lufte Serbisë, por zyrtarët e OSBE-së e mohojnë këtë.

(Tekstin e plotë mund ta lexoni në numrin e nesërm të gazetës, “Bota sot”)
Bota Sot

EULEX-i do të dështojë! Nuk mund ta bëjë politikën e jashtme të Kosovës


Ekspertë dhe analistë nuk i japin asnjë të drejtë EULEX-it që ta bëjë politikën e jashtme të Kosovës dhe aq më pak, që të vendos vetë për çështje të ndjeshme si veriu apo drejtësia.

Çështja e protokolleve apo marrëveshjeve me Serbinë po rihapet sërish. Së shpejti do të shkojë në Beograd kreu i EULEX-it të diskutojë me zyrtarët serb. Edhe pse nuk është qartësuar shumë kjo vizitë, të paktën zyrtarët e EULEX-it, kanë deklaruar se në top agjendë do të jetë, çështja e drejtësisë.

Mundësinë e nënshkrimit të një protokolli për drejtësinë e ka mohuar në vazhdimësi Ministria e Drejtësisë, por të premten nuk kanë pranuar të flasin se për se do të ndodhet në Beograd Iv de Kermabo.

Misioni i EULEX-it, i deklaruar si neutral ndaj statusit, përkatësisht pavarësisë së Kosovës, po vazhdon ta trazojë dhe ta vë në mëdyshje ekzistencën e shtetit dhe të pavarësisë së vendit...

(Tekstin e plotë mund ta lexoni në numrin e nesërm të gazetës, “Bota sot”)
Bota Sot

[Llapjani_HH]

Dell: Manastiri i Graçanicës "dëshmi e gjallë e pranisë së Serbisë në tokën e Kosovës"


Ambasadori amerikan në Prishtinë, Christopher Dell, dhe zëvendësndihmëssekretari i Shteteve të Bashkuara të Amerikës, Stewart Jones, e kanë vizituar të premten Manastirin e Graçanicës dhe kanë premtuar vazhdimin dhe intensifikimin e përpjekjeve që UNESKO-ja përsëri të angazhohet në renovimin e manastireve, në mënyrë edhe më të fuqishme.

"E kemi vizituar manastirin, sepse është dëshmi e gjallë e pranisë së Serbisë në tokën e Kosovës.

Natyrisht, jemi thellësisht të përkushtuar në mbrojtjen e manastireve të këtilla, të religjionit dhe të kulturës. Kolegu im ka ardhur nga Washingtoni që t'i vizitojë këto vende", ka thënë Dell.

Me rastin e takimit në manastir me ministrin për religjion në Qeverinë e Serbisë, Bogoljub Shijakoviq, ambasadori amerikan në Prishtinë ka thënë për "Zërin e Amerikës" se kjo është "rastësi absolute".

"Nuk e kemi ditur se është këtu, derisa jemi takuar", ka thënë Dell.
Zëvendësndihmësi i sekretarit amerikan të shtetit, Stewart Jones, ka biseduar në Prishtinë edhe me zyrtarët më të lartë të Kosovës, megjithatë shumica e mediave që raportojnë në gjuhën serbe nuk kanë qenë të njoftuara për vizitën e zyrtarit amerikan në Kosovë, ka konstatuar "Zëri i Amerikës".
Koha.net
Presidenti negociator


Presidenti Fatmir Sejdiu sërish e ka shkrirë postin e tij të ngrirë si kryetar i LDK’së. Ai ka zhvilluar katër herë takime me Teuta Sahatqinë për shkrirjen e ORA’s në LDK. Po ashtu, Sejdiu akuzohet nga LDD’ja se ka bërë përpjekje për ‘trafikimin’ e deputetëve dardanë dhe aktivistëve tjerë të LDD’së.

Presidenti Fatmir Sejdiu, të cilit Kushtetuta ia ndalon të ushtrojë poste tjera, herë pas here po e shkrinë postin e ngrirë të kryetarit të LDK’së dhe po merret me çështje të partisë së tij.

Kreu i shtetit ka zhvilluar disa takime me liderë të partive, deputetë dhe aktivistë partiak, për t’i bindur ata që të aderojnë në Lidhjen Demokratike të Kosovës.
Disa ditë pas shkrirjes së Partisë ORA në LDK, zyrtarë të partisë së shuar tashmë konfirmojnë negociatat mes Fatmir Sejdiut dhe Teuta Sahatqisë, ish- kryetare e ORA’s.
Nazim Jashari, ish deputet i Partisë ORA ka deklaruar se Sahatqija është takuar katër herë me Sejdiun për të negociuar kushtet e shkrirjes së ORA’s në LDK.
Sipas Jasharit, mbajtjen e këtyre takimeve Sahatqija i ka konfirmuar në mbledhjen e Këshillit të Përgjithshëm të ORA’s.

“Sipas atyre që ka deklaruar Sahatqija në Këshillin e Përgjithshëm të ORA’s ajo është takuar katër herë me presidentin Fatmir Sejdiu së bashku edhe me Isa Mustafën për të negociuar shkrirjen e ORA’s në LDK”, tha Jashari për Express.

Përveç këtij rasti, edhe zyrtarë të Lidhjes Demokratike të Dardanisë deklarojnë se presidenti Sejdiu ka kontaktuar deputetë dhe zyrtarë tjerë të kësaj partie për t’i joshur ata të kalojnë në LDK.

“Presidenti Sejdiu është shkelësi i parë dhe më i madh i Kushtetutës. Krejt ai tregimi i vjetër që ka qenë për ngrirje e shkrirje të postit të tij, ka qenë manipulim i opinionit. Ai po shihet se vazhdimisht vazhdon ta shkel Kushtetutën duke bërë negociata për LDK’në”, tha të shtunën për Express Lulzim Zeneli, sekretar i përgjithshëm i LDD’së.

Ai tha se partia e tij e ka denoncuar edhe më herët Presidentin kur bënte takime në Presidencë me deputetë dhe aktivistë të LDD’së për t’i joshur të kalojnë në LDD.

“Veprimet e tij janë skandaloze. Zyra e Presidentit të vendit shndërrohet në zyrë ku trafikohen njerëzit prej një subjekti në subjekt tjetër. Apo në atë zyrë shantazhohen njerëzit dhe bëhen pazare politike”.

Sipas Zenelit, realiteti në Kosovë tregon se jo që nuk respektohet asnjë normë etike kushtetuese por mungon edhe morali politik i institucioneve të vendit.
“Në këtë drejtim shoqëria kosovare duket se është e pafuqishme për ta ndryshuar këtë kurs që është aktualisht”, tha Zeneli për.

Por, zëdhënësi i Presidencës Xhavit Beqiri mohon se Presidenti në kabinetin e tij pret lider të partive për të biseduar për koalicione dhe përforcim të LDK’së.
Sipas tij, Sejdiu të gjithë i takon si President i Kosovës, e jo si kryetar partie.

“Përfaqësuesit e AAK’së që ishin tash së fundi, kanë bërë kërkesë për takim dhe presidenti i ka takuar si President i vendit. Për të gjitha temat që ngritën për subjekte politike, Presidenti i orienton në Kryesinë e LDK’së. Edhe kërkesa e Haradinajt ka qenë e qartësuar se dëshiron të takohet me Presidentin e Republikës”.

Por, presidenti Sejdiu ditëve ka negociuar jashtë funksionit shtetëror me përfaqësuesit më të lartë të Partisë ORA.

Zëdhënësi Beqiri nuk e konfirmon as këtë duke thënë se negociatat për koalicione i bëjnë anëtarët e Kryesisë e pastaj ata e informojnë Presidentin.
“Nuk dua t’i komentojë deklaratat e atyre që kanë thënë se kanë biseduar me presidentin për koalicione. Por mund të them se presidenti i takon përfaqësuesit politik në kuadër të përgjegjësive të veta shtetërore. Unë nuk po e përjashtoj mundësinë që tek presidenti drejtohen letra politike për koalicione të ndryshme, sepse ato tashmë dihet se diskutohen në LDK jo, në Presidencë”, tha Beqiri.

Presidenti Sejdiu ka përvojë të gjatë në negociata. Gjatë bisedimeve për zgjidhjen e statusit politik të Kosovës ai ka qenë shef i Ekipit të Unitetit.
Gazeta expres

Pazari politik


Shkrirja e ORA’s në LDK është ambicie e Teuta Sahatqisë dhe Gazmend Muhaxhirit. Nuk i përjashtoj edhe pazaret tjera. Veton Surroi ka sugjeruar afrimin me AAK’në. Negociator i LDK’së ka qenë Isa Mustafa, por është përfshirë edhe Fatmir Sejdiu. Përmes Sahatqisë synohet edhe mënjanimi i Melihate Tërmkollit nga kreu i Forumit të Gruas. Ish-deputeti i ORA’s, Nazim Jashari, flet për Express

Ish-Deputeti i Partisë Reformiste Ora, Nazim Jashari, është i dëshpëruar që partia e tij u shua pa u përfillur as kriteret demokratike nga dy bashkëpartiakët e tij, kryetarja Teuta Sahatqija dhe nënkryetari Gazmend Muhaxhiri, të cilët, sipas tij, e bënë këtë për të realizuar ambiciet e tyre ndoshta jo krejtësisht politike.
“Ma mirë të kishte vdekur vetë, se me vra me dorën tonë”, shprehet Jashari, i cili ka qenë edhe sekretar i ORA’s.

Javën e kaluar, partia e themeluar nga Veton Surroi është shkrirë në Lidhjen Demokratike të Kosovës pas dështimit të dytë në zgjedhje. Projekti Ora ka filluar me ambicie të mëdha në vitin 2004, kur arriti të marrë 43 mijë vota dhe të futet në Parlament me shtatë deputetë. Tatëpjeta filloi në zgjedhjet e radhës nacionale, më 2007, kur dështoi të kalojë pragun zgjedhor, sepse tuboi 20 mijë vota më pak se tri vjet më herët.

Kulmi i mossuksesit ishin zgjedhjet e fundit lokale. Nën drejtimin e Teuta Sahatqisë, ORA humbi edhe 13 mijë votues tjerë.

Këtu nisë koketimi i Sahatqisë dhe Muhaxherit me përfaqësues të partive tjera, megjithëse edhe me herët ka pasur ide për ndryshime.
Tri parti ju turrën Orës. LDK, AAK por edhe PSD’ja e Agim Çekut.

Nazim Jashari beson se vendimi për shkrirje në LDK është marrë para mbajtjes së zgjedhjeve lokale në nëntor të vitit të kaluar, sepse dështimi në zgjedhje, sipas tij, ka qenë i parashikuar për shkak të mungesës së energjisë, reformave, etj, në ORA. “Për këtë arsye AAK kurrë nuk ka qenë opsion”, thotë Jashari.
Sipas tij, jo vetëm Sahatqija, por edhe Gazmend Muhaxhiri ka qenë promotor i procesit të lëvizjes së ORA’s drejt LDK’së, pavarësisht se ai ka deklaruar se ka qenë i interesuar për shkrirje në një subjekt tjetër politik. “Ka qenë jetësisht i angazhuar për bashkëngjitje me LDK’në”.
Jashari jep versionin e vet se përse ata u përcaktuan për LDK’në e jo për AAK’në.

“Që të dy kanë qenë me origjinë nga LDK-ja ose së paku votues të LDK’së nëse nuk kanë qenë të strukturuar”.

Në partinë e re, për Sahatqinë parashikohet një karrige në kryesinë e LDK’së, kurse për Muhaxhirin, posti i kryetarit të degës së LDK’së në Pejë. “Nuk i përjashtoj edhe pazaret tjera. Ka spekulime edhe për poste ambasadorësh’, thotë ai.

Jashari tregon se negociatori kryesor në emër të LDK’së gjatë tërë kohës ka qenë Isa Mustafa, kryetar i Prishtinës. Por, ai thotë se në katër raste, në negociata me Teuta Sahatqinë është përfshirë edhe presidenti Fatmir Sejdiu.

“Kanë qenë të motivuar shumë nga LDK sepse Partisë së Sejdiut i është nevojitur shumë mesazhi që do të dërgonte bashkimi me ORA’n për t’u prezantuar në opinion si një parti atraktive”, ka thënë Jashari.

Ai mendon se ata që kanë ofruar Sahatqinë në LDK synojnë edhe mënjanimin e Melihate Tërmkollit nga posti i kryetares së Forumit të Gruas së LDK’së
Jashari vlerëson se pavarësisht marrëveshjes, elektorati i ORA’s nuk kalon me automatizëm në LDK. “Edhe LDK ka qenë opsion për votuesit, por ata e kanë votuar ORA’n”.

Edhe AAK’ja ka bërë çmos të shtie në dorë ORA’në. Një zyrtar i Aleancës ka thënë për Express se në negociata kanë qenë të angazhuar kryetari Ramush Haradinaj dhe nënkryetari Blerim Shala.

Opsioni që ORA të bashkohet me AAK’në, thotë Jashari, është përkrahur nga Veton Surroi, por nuk është marrë seriozisht nga Sahatqija dhe Muhaxhiri. “Surroi deri në momentin e fundit ka qenë ithtar i afrimit me AAK’në”, thotë ai.
Kur u bë e qartë tendenca që ORA po shkon drejt LDK’së, Nazim Jashari thotë se AAK rriti pazarin duke i ofruar Sahatqisë edhe postin e nënkryetares, por gjithçka ishte e kotë.

Ish-deputeti Jashari nuk është i sigurt nëse Surroi, në fund, ia dha bekimin ORA’s që megjithatë të shkrihet në LDK. “Nuk e di nëse në këtë projeksionin më të ri a është llogaritur edhe Vetoni. Mbetet të shihet se çfarë do të sjellë e ardhmja. Megjithëse unë dyshoj shumë”.
Megjithëse i mbetur pa parti, Nazim Jashari thotë se nuk do të largohet nga politike.
Gazeta expres

[Llapjani_HH]

Raportet KFOR-FSK, të paqarta


Ministria e Forcës së Sigurisë së Kosovës bën të ditur se mosmarrëveshja me KFOR-in, në lidhje me pjesëmarrjen e Gardës së FSK-së në manifestimin e Epopesë së UÇK-së, është tejkaluar. Në anën tjetër, KFOR-i nuk komenton deklaratën e FSK-së. Ky mision thotë se është duke zhvilluar bisedime për të gjetur zgjidhje.

Raportet mes KFOR-it dhe FSK-së nuk janë qartësuar plotësisht. Ndërsa Forca e Sigurisë së Kosovës thotë se mosmarrëveshja me KFOR-in është tejkaluar, misioni ndërkombëtar ushtarak nuk e pohon këtë, por thotë se janë duke zhvilluar diskutime në nivele të ndryshme për të kapërcyer situatën.

Dy ditë më parë, komandanti i KFOR-it, Markus Bentler, ngriu raportet me FSK-në, për shkak se Garda e armatosur e FSK-së mori pjesë në manifestimin Epopeja e UÇK-së. Sipas KFOR-it, kjo nuk ka përkuar me statusin joushtarak të FSK-së.

“KFOR-i nuk e komenton deklaratën që është lëshuar sot nga FSK-ja. Ne jemi duke zhvilluar bisedime në nivele të ndryshme, në përpjekje për të zgjidhur çështjen. Jemi optimistë se do të kemi zgjidhje të mirë në të ardhmen”, i tha Radios Evropa e Lirë, zëdhënësi i KFOR-it, Hans Peter Buh.

Në anën tjetër, në një komunikatë për media, Ministria e Forcës së Sigurisë së Kosovës thotë se e "çmon bashkëpunimin me KFOR-in dhe NATO-n si të domosdoshëm për paqen dhe stabilitetin në Kosovë dhe rajon".

Në komunikatë thuhet se bashkëpunimi me KFOR-in e NATO-n në ngritjen e kapaciteteve të FSK-së, është i shkëlqyeshëm.

"Çështjen e diskutuar në lidhje me pjesëmarrjen legjitime të Gardës së FSK-së në manifestimin e Epopesë së UÇK-së, tanimë e vlerësojmë të tejkaluar", thuhet në komunikatë.

Por, zëdhënësi i KFOR-it, Hans Peter Buh, pohoi se gjërat nuk janë siç kanë qenë para 5 marsit, kur edhe u paraqit Garda e FSK-së në ceremoninë për Epopenë e UÇK-së.

“Kjo është e vërtetë. Por, ne jemi duke biseduar dhe duke u përpjekur që ta zgjidhim çështjen”, tha Buh.

KFOR-i është në pritje të sqarimit nga ana e autoriteteve të Kosovës të, siç e ka quajtur, incidentit të së premtes. KFOR-i ka kërkuar veprime korrigjuese, si dhe garanci se veprime të tilla nuk do përsëriten.

Në prononcimet e mëhershme të ditës së sotme, zyrtarët e FSK-së kanë thënë se kjo forcë nuk ka shkaktuar asnjë incident. Zëdhënësi i FSK-së, Ibrahim Shala, u shpreh:

“Paraqitja e Gardës Ceremoniale në ceremoninë e Epopesë së UÇK-së nuk ishte incident, sepse pjesëmarrja e FSK-së ka qenë që në këshillin organizativ të ceremonisë. Kjo ceremoni kishte karakter shtetëror, sepse mbahej nën patronatin e kryeministrit dhe Qeverisë”.

“FSK-ja i është përmbajtur një agjende qeveritare. Kudo, në pritje të saj, Garda Ceremoniale shkon edhe me armët e veta. Në formacion të tillë ajo ka pritur shumë ministra, ka pritur presidentë dhe personalitete të larta ushtarake”, tha Shala.

Por, KFOR-i ka pohuar të kundërtën, ndërkaq ka kritikuar edhe praninë e flamurit të NATO-s gjatë ceremonisë, duke thënë se “kjo nuk është e pranueshme për atë se KFOR-i është neutral ndaj statusit”.

Vendimi për pezullimin e përkrahjes, mentorimit dhe trajnimit të Forcës së Sigurisë së Kosovës është marrë nga komandanti i KFOR-it. Nuk është saktësuar ndonjë afat pezullimi.

Partia opozitare, Aleanca për Ardhmërinë e Kosovës, i ka sugjeruar kryeministrit të Kosovës dhe ministrit të Forcës së Sigurisë së Kosovës të adresojnë kërkim-falje ndaj NATO-s për keqkuptimet e krijuara ditëve të fundit.

“AAK-ja kërkon nga liderët e institucioneve të vendit që të punojnë seriozisht në ruajtjen dhe zhvillimin e besimit me NATO-n, në ndërtimin dhe zhvillimin e vendit dhe popullit të Kosovës”, thuhet në një komunikatë për media të kësaj partie.

Në anën tjetër, eksperti për çështje ushtarake, Ramadan Qehaja, tha se udhëheqësit e vendit duhet sa më parë të ulen dhe të bisedojnë me komandantin e KFOR-it, apo edhe me vetë sekretarin e përgjithshëm të NATO-s për daljen nga kjo situatë.

“Ne, këtë situatë duhet ta tejkalojmë, duhet urgjentisht të ulemi me komandantin e KFOR-it - udhëheqja jonë, presidenti, kryeministri... Nëse ka nevojë, edhe me zotin Rasmusen të bëhet një bisedë dhe t’i shpjegojnë gjërat se si kanë ecur”.

“Ne nuk jemi të interesuar që t’i prishim marrëdhëniet me NATO-n assesi, sepse jemi të varur prej tyre dhe duhet të jemi falënderues për kontributin që kanë dhënë për formësimin e FSK-së”, theksoi Qehaja.

Plani i Ahtisarit, në bazë të të cilit është shpallur pavarësia e Kosovës, parasheh që NATO-ja të ketë autoritet ekzekutiv ndaj FSK-së, derisa ajo të arrijë kapacitetin e plotë operacional.
Radio Evropa e Lirë

ICO përkrah vendimin e KFOR-it për pezullimin e bashkëpunimit me FSK-në


Zyra Civile Ndërkombëtare në Prishtinë ka mbështetur vendimin e misionit paqëruajtës të NATO-s për pezullimin e përkohshëm të bashkëpunimit me Forcën e Sigurisë së Kosovës.

Ky vendim u mor pas paraqitjes së gardës së nderit të kësaj FSK-së, me pjesëtarë të armatosur, në një parakalim në qendër të Prishtinës në kuadër të manifestimit të 12 vjetorit të fillimit të luftës në Kosovë.

Zyra Civile Ndërkombëtare, autoriteti që mbikqyr zbatimin e marrëveshjes së statusit të Kosovës, nuk e ka komentuar paraqitjen e pjesëtarëve të armatosur të FSK-së në shënimin e asaj që njihet si “Epopeja e Ushtrisë Çlirimtare të Kosovës”.

Po ajo ka mbështetur hapat e ndërmarrë nga KFOR-i në raport me këtë forcë.

Ndërkaq, komandanti i forcave paqeruajtëse të NATO-s në Kosovë, Gjenerali Markus Bentler, e ka cilësuar paraqitjen me armë të FSK-së 'në shpërputhje' me statusin jo-ushtarak të saj.

KFOR-i ka reaguar edhe ndaj shpalosjes së flamurit të NATO-s në këtë ceremoni, për shkak të 'qëndrimit neutral' të Aleancës ndaj statusit të Kosovës.

Por qeveria e Kosovës, nën organizimin e së cilës është mbajtur ceremonia, ka thënë se pret t’i sqarojë sa më shpejt 'keqkuptimet' me ndërkombëtarët si dhe të normalizojë marrëdhëniet me KFOR-in.

Zëvendëskryeministri Hajredin Kuçi tha se nga Kosova nuk duhet të kërkohet që ajo të mos sillet si shtet sovran dhe demokratik.
Bota Sot

[Llapjani_HH]

Daçiq konteston, kurse Pajaziti dëshmon pjesëmarrjen e Kosovës në Konferencën e Tiranës


Ministri i Brendshëm i Kosovës ka mohuar fjalët e homologut të tij serb, i cili ka thënë se në konferencën në Tiranë Kosova ka marrë pjesë vetëm si mysafire.

Ministri i Brendshëm i Serbisë, Ivica Daçiq, ka theksuar të shtunën në Beograd se në Konferencën VII Ministrore mbi Bashkëpunimin në Fushën e Sigurisë së Kufijve në Evropën Juglindore ka qenë e përmbushur kërkesa e Beogradit që në konferencë të marrë pjesë përfaqësuesi i UNMIK-ut.

Sipas tij, në konkluzat e fundit të konferencës, Kosova nuk është nënshkruese fare, pasi që ka qenë vetëm mysafire.

"Kosova dhe Metohija nuk është pjesë e procesit që ka të bëjë me sigurinë kufitare në Evropën Juglindore dhe deri tash nuk ka marrë pjesë në asnjë konferencë në organizim të Qendrës zvicerane për kontroll demokratik të forcave të armatosura (DCAF).

Deri tash janë mbajtur shtatë konferenca të tilla dhe të gjitha në fushën e bashkëpunimit ndërkufitar në Evropën Juglindore”, ka theksuar në një njoftim të Ministrisë së Brendshme të Serbisë, transmeton agjencia e lajmeve Beta.

Ministri i Brendshëm i Kosovës, Zenun Pajaziti, ndërkaq, siç shkruan sot “Koha Ditore”, thotë se në konferencë Kosova ka marrë pjesë si shtet dhe pjesëmarrës i barabartë me shtetet e tjera.

“Kosova ka qenë e ftuar si shtet. Ne kemi qenë pjesëmarrës të barabartë në konferencën që ka pasur të bëjë me menaxhimin të integruar të kufijve”, ka theksuar të dielën Zenun Pajaziti.

“Unë e kam pasur minutazhin e njëjtë sikurse edhe pjesëmarrësit e tjerë. Ne kemi prezantuar si shtet qëndrimin tonë, ndërkaq aty ka qenë edhe flamuri i Kosovës, si shtet pjesëmarrës i konferencës. Këtë e dëshmon edhe fotoja e përbashkët e pjesëmarrësve, të cilës fatkeqësisht zoti Daçiq i iku.

Kjo nuk është konferencë e parë rajonale ku Kosova merr pjesë si shtet. Kanë qenë edhe disa të tilla e që organizohen nga BE-ja. Ne nuk do të merrnim pjesë as në këtë konferencë e as në ndonjë tjetër në rast se nuk do të ishim të ftuar si shtet”.

Në datat 4 dhe 5 mars është mbajtur në Tiranë, në hotelin “Sheraton”, Konferenca e shtatë Ministrore mbi Bashkëpunimin në Fushën e Sigurisë së Kufijve në Evropën Juglindore, e cila duhet të vazhdojë edhe sot. Kjo konferencë kryesohej nga ministri i Brendshëm i Shqipërisë, Lulzim Basha, si dhe nga bashkëkryetarët Ivica Daçiq, ministër i Brendshëm i Republikës së Serbisë dhe ambasadori dr.Theodhor H. Winkler, drejtor i DCAF-it (Qendra e Gjenevës për Kontroll Demokratik të Forcave të Armatosura).

Në Konferencë merrnin pjesë ministrat e brendshëm të Ballkanit Perëndimor, përfshirë edhe ministrin e Brendshëm të Republikës Kosovës, Zenun Pajaziti, si dhe përfaqësues të vendeve të Bashkimit Evropian.

Kjo konferencë kishte si synim rikonfirmimin e vullnetit të vendeve të rajonit, për të bashkëpunuar me njëri-tjetrin, në rritjen e sigurisë së kufijve të përbashkët, si edhe angazhimin maksimal të këtyre vendeve në përpjekjet për garantimin e lëvizjes së lirë dhe të sigurt të mallrave dhe njerëzve në këta kufij.

Ministri nga Serbia, Ivica Daçiq, i cili njëherësh ka qenë edhe bashkëkryesues i Konferencës, ka pranuar të ulej në të njëjtën tryezë me ministrin kosovar, por nuk ka pranuar që në fund të takimit të dalë në fotografinë e përbashkët të të gjithë ministrave e ku do të ishte edhe ministri kosovar, Zenun Pajaziti.

Serbi, njëherësh, ka lëshuar sallën, kur ka marrë fjalën ministri kosovar.

Organizatorët e takimit kanë bërë një kompromis, duke mos lejuar vënien e flamujve të shteteve pjesëmarrëse në tryezë.

Po ashtu, Daçiq ka dalë nga salla, në momentin kur ka mbajtur fjalën e tij ministri i Kosovës.

Në agjencinë e lajmeve Beta, Daçiq ka theksuar se deklaratën përfundimtare të konferencës në fushën e sigurisë kufitare e kanë nënshkruar vetëm Serbia, Bosnjë-Hercegovina, Maqedonia, Mali i Zi dhe Shqipëria, por jo edhe Kosova.

Ministri kosovar, Pajaziti, e konfirmon këtë, por thotë se kjo ka qenë deklaratë e punimeve të mëhershme.

“Ka pasur një deklaratë të përbashkët, e cila ka qenë e përgatitur në konferencën paraprake. Konferenca në Tiranë ka qenë e para pjesëmarrje e Kosovës, andaj nuk ka qenë e përfshirë në deklaratë, pasi që siç thashë deklarata ka qenë e përgatitur në konferencën paraprake.

Megjithatë, unë në fjalimin tim i kam dhënë mbështetje deklaratës. Ne do të jemi pjesëmarrës edhe në konferencën e radhës të karakterit të njëjtë”, ka theksuar të dielën ministri Pajaziti.

Daçiq për opinionin serb ka deklaruar se Kosova në konferencë ka marrë pjesë vetëm si mysafire.

“Shqipëria e ka respektuar kërkesën e Serbisë, sepse kusht për praninë tonë ka qenë prania e përfaqësuesit të UNMIK-ut, i cili në konferencën e Tiranës është ulur pranë ambasadorit të DCAF-së, Theodore Winkler”, thuhet në kumtesën e Ministrisë së Brendshme të Serbisë.

Si përfaqësues i UNMIK-ut në Tiranë ka qenë Anto Laho.

Kjo është konfirmuar edhe nga Zyra e OKB-së në Kosovë.

Zëdhënësi i misionit të OKB-së në Kosovë, Russell Geekie, ka thënë se UNMIK-u ka marrë pjesë me ftesë të organizatorit.

“Ne kemi qenë të ftuar nga organizatori dhe përfaqësuesi ynë ka qenë prezent atje”, ka thënë Geekie.

Pjesëmarrja e Kosovës në konferencat ndërkombëtare është diskutuar shumë nga Serbia. Sipas qëndrimit serb, Kosova mund të paraqitet në konferencat rajonale vetëm në “përputhje me Rezolutën 1244 të Këshillit të Sigurimit të OKB-së” dhe jo si shtet i pavarur.

Kosova, ndërkaq, refuzon të marrë pjesë në konferenca rajonale pa qenë e barabartë me shtetet e tjera.

Një çështje e tillë është shfaqur në konferencën rajonale që do të mbahet në Bërdo të Sllovenisë, më 20 mars. Presidenti i Serbisë është takuar gjatë javës me organizatorët e konferencës, kryeministrat e Sllovenisë dhe të Kroacisë për ta shqyrtuar pjesëmarrjen e Serbisë dhe të Kosovës.

Ministri i Jashtëm i Sllovenisë ka deklaruar se kompromisi i ofruar është që shtetet të paraqiten pa flamur dhe emrat e shteteve të veta, por vetëm me emrat e përfaqësuesve të tyre. Presidenti i Serbisë ka theksuar se ky kompromis nuk është i pranueshëm.
Koha.net
Shkarkohet pse arrestoi policin vrasës të shqiptarit?


Kryeshefi i Drejtporisë së policisë në Vrajë, Stole Filipoviq është shkarkuar sot nga detyra, transmetoi sonte edicioni on line i gazetës “Blic”, komunikatën e MPB-së së Serbisë. Sipas kësaj komunikate, shkarkimi i kryepolicit të Vrajës është bërë pas konstatimeve të kontrollit inspektues të MPB-së. “Mbi bazë të konstatimeve të kontrollit është vlerësuar se rezultatet nuk kanë qenë në nivelin e pritur”.

Filipoviqi në detyrën e kryeshefit ka qenë nga viti 2005.
Mediet beogradase më herët kanë shkruar se Filipoviqi është shkarkuar 24 orë pas arrestimit të policit të kësaj drejtorie Zoran Memaroviq nga Presheva, i dyshuar për vrasjen e shtetasit të Maqedonisë, Mahir Jakupit nga Gostivari.
Jakupi është vrarë mç 3 mars, në shiritin ndalës të rrugës magjistrale Nish – Shkup te fshati Zhunicë.
Koha.net

[Oqeani]

Shkarkohet pse arrestoi policin vrasës të shqiptarit?

MEqe ka te beje diç qe eshte 2 km nga vendlindja - simbas informatave i ndjeri ishte nisur per ne Gjermani ku punonte, dhe se ne urelidhesen e Presheves - (500 m nga vndlindja ime ) kishta marrun policin qe pritete !

Tani ka te thena se polici nuk ishte mire ne gjendje psiqike !!!
PEr te u punesuar pati kontrollin mjekesor ?

Normal se eshte me te meta psiqike, qe nga i pari - Daçiq - e gjer tek i fundit te tille jane kur bejne dem ne dem te shqiptareve !

[Llapjani_HH]

NATO: Veprimet e FSK-së, sinjale të gabuara


KFOR-i ka marrë mbështetjen e diplomatëve të NATO-s në Bruksel lidhur me mosmarrëveshjen me FSK-në. Vendimi i komandantit të KFOR-it për pezullimin e raporteve me FSK-në ka qenë plotësisht i bazuar, pasi “veprime të tilla si të FSK-së dërgojnë sinjale të gabuara”, tha zëdhënësi i Aleancës, James Appathurai.

Edhe diplomatë të Aleancës e kanë cilësuar të gabuar parakalimin e trupave të Forcës së Sigurisë së Kosovës me armë dhe me flamur të NATO-s në manifestimin “Epopeja e UÇK-së”.

Të njëjtat burime pohojnë se FSK-ja nuk duhet të shihet si ushtri, pasi ajo është menduar si forcë civile e sigurisë, me përbërje shumetnike dhe e trajnuar nga vendet anëtare të NATO-s.

Edhe Zyra Civile Ndërkombëtare në Prishtinë ka mbështetur vendimin e misionit paqeruajtës të NATO-s për pezullimin e përkohshëm të bashkëpunimit me Forcën e Sigurisë së Kosovës.

Por qeveria e Kosovës, nën organizimin e së cilës është mbajtur ceremonia, ka thënë se pret t’i sqarojë sa më shpejt “keqkuptimet” me ndërkombëtarët si dhe të normalizojë marrëdhëniet me KFOR-in.

Ndërkaq, Ministria e Forcës së Sigurisë së Kosovës, nëpërmjet një komunikate për media, të hënën ka bërë të ditur se çmon bashkëpunimin me KFOR-in dhe NATO-n si të domosdoshëm për paqen dhe stabilitetin në Kosovë dhe rajon – ndërsa çështjen e diskutuar në lidhje me pjesëmarrjen legjitime të Gardës së FSK-së në manifestimin e Epopesë së UÇK-së, MFSK e vlerëson ”të tejkaluar”. Telegrafi

Feith flet për pushtetarët e korruptuar, reagojnë Kuçi e Krasniqi


“Z.Feith është udhëheqës zyrtar më i larët ndërkombëtar me përgjegjësi më të shumta politike se në fushën e drejtësisë, prandaj ndoshta ka informacione që ne nuk i kemi”, tha kreykuvendari Krasniqi

Deklarata e shefit të ICO-së Pieter Feith, se Kosova nuk mund t’i afrohet Bashkimit Evropian pa luftuar dhe pa zhdukur të keqen e krimit të organizuar dhe korrupsionit dhe se njerëzit e apostrofuar apo që janë nën hetime për korrupsion, të mos jenë pjesë e strukturave të pushtetit, i ka “trazuar” pushtetarët në Kosovë. Ndaj kësaj deklarate kanë reaguar kryetari i kuvendit Jakup Krasniqi dhe zëvendëskryeministri Hajredin Kuqi.

Kryetari i Kuvendit Jakup Krasniqi, tha se ndoshta shefi i ICO-së ka informacione që institucionet e Kosovës nuk i kanë. Ndërsa sa i përket nivelit të përgjithshëm të korrupsionit në institucione, ai tha se këtë e përcakton sistemi i drejtësisë. “Ai sigurisht ka informacion me shumë sepse ai është udhëheqës zyrtar gati më i lartë ndërkombëtar me përgjegjësi ndoshta më shumë politike se në fushën e drejtësisë. Megjithatë ndoshta ka informacione që ne nuk i kemi. Unë nuk jam ai që përcaktoj të korruptuarit, është sistemi i drejtësisë dhe sistemi gjyqësor që përcaktojnë nivelin e korrupsionit”, tha Krasniqi.

Ndërsa, zëvendëskryeministri Hajredin Kuqi, tha se nuk merret me deklaratat e të tjerëve por, sipas tij çdo deklaratë merret seriozisht nga Qeveria e Kosovës dhe se Qeveria është e interesuar që t’i luftojë të gjitha dukuritë negative në vend. “Unë zakonisht nuk i komentoj deklarata e tjerëve, por ajo çka dua të them është se Qeveria është e interesuar për të luftuar korrupsionin, krimin e organizuar dhe dukuritë tjera negative. Ne i marrim seriozisht çdo deklaratë për këto çështje”, tha Kuqi. I pyetur se kush janë emrat e personave të korruptuar brenda qeverisë, ai tha se për këtë duhet pyetur atë që kanë deklaruar, duke aluduar në shefin e ICO-së. “Unë nuk e di një përgjigje të tillë, ndoshta ai që e ka thënë mund ta jap, atëherë mund ta pyetni atë”, u shpreh Kuqi.

Ndërsa, sa i përket shkuarjes se kryeministrit Thaçi në konferencën që do të mbahet në Brdo të Sllovenisë, ai tha se kjo çështje është duke u shqyrtuar dhe akoma nuk ka një vendim, sepse duhet që të qartësohen edhe disa gjera. Këto deklarata Kuqi i bëri pas takimit me disa studentë të vendeve që nuk e kanë njohur pavarësinë e Kosovës. Ai tha se i ka njoftuar këta studentë me zhvillimet në Kosovë para dhe pas pavarësisë. “Në emër të Qeverisë së Kosovës i shpreha qëndrimet tona për zhvillimet tona që kanë qenë më herët dhe pas pavarësimit të vendit dhe synimet e vendit që të jemi pjesë e botës së moderuar.

Unë besoj se me qëndrimin e tyre në Kosovë do të fitojnë pasqyrën e tyre të drejtë për zhvillimet në Kosovë dhe për nevojën që Kosova të fitojë njohje edhe nga vendet nga vijnë këta persona edhe pse nuk janë përfaqësues të qeverive të tyre por me siguri e kanë ndikimin në shtete e tyre”, theksoi Kuqi.
Bota Sot

Pjesëmarrja e Kosovës në Samitin e Bërdos ende problem i pazgjidhur


Kryeministri i Sllovenisë, Borut Pahor, ka vizituar pasditen e së hënës Prishtinën, për të takuar homologun e tij kosovar, Hashim Thaçi. Por, dy kryeministrat nuk kanë mundur që të konfirmojnë se a është zgjidhur problemi i mënyrës së pjesëmarrjes së Kosovës në samitin e krerëve të shteteve të Evropës Juglindore, që do të mbahet më 20 mars.

Përderisa autoritetet e Republikës së Serbisë kanë kushtëzuar pjesëmarrjen e tyre edhe në këtë samit, me mosprezantimin e Kosovës si shtet të dy kryeministrat, Pahor e Thaçi, kanë ritheksuar rëndësinë e samitit, ndërkaq kanë thënë se “problemet teknike” të pjesëmarrjes janë duke u shqyrtuar.

Pahor, i cili ka qëndruar në Prishtinë pas takimit që javën e kaluar ka zhvilluar me presidentin e Serbisë, Boris Tadiq, dhe me kryeministren e Kroacisë, Jadranka Kosor, ka lënë të kuptohet se problemi është tek mënyra e paraqitjes së Kosovës në një deklaratë të përbashkët, që shtetet pjesëmarrëse të samitit duhet ta bëjnë në fund të konferencës.

“Ne po mundohemi ta zgjidhim këtë problem. Unë dua të kem atje presidentin Tadiq dhe kryeministrin Thaçi. Nuk është ky problemi i vetëm që e kemi. Ne në fund të ditës duam që të miratojmë një deklaratë të përbashkët për perspektivën evropiane të Ballkanit Perëndimor, andaj duhet ta mendoni se çfarë pune duhet ta bëjnë këshilltarët tanë dhe ne si liderë që të arrijmë suksesin e kësaj konference”, ka thënë Pahor.

Sipas tij, përpjekjet e Sllovenisë dhe të Kroacisë si bashkorganizatore të kësaj konference kanë të bëjnë me pjesëmarrjen e të gjithë liderëve të rajonit.
“Të jem i sinqertë me ju. Nuk mund të them në këtë moment se të gjitha problemet për suksesin e konferencës janë zgjidhur. Por ne po mundohemi dhe jemi në një pozitë të mirë që t`i zgjidhim problemet në javët e ardhshme.

E rëndësishme është se ne si liderë duhet të kemi besim të ndërsjellë se po veprojmë për të mirën e popujve tanë. Ne jemi liderë të përgjegjshëm. Jam shumë i lumtur se i kemi zgjidhur gati të gjitha problemet. Por problemi i simboleve dhe i emrave dhe i gjërave të tilla, nuk është i vetmi që e kemi. Problemi tjetër është se ne sapo kemi filluar të diskutojmë përmbajtjen e deklaratës”, ka shpjeguar Pahor.

Edhe kryeministri Thaçi, në prononcimin e tij, është përkujdesur që në pjesën ku ka folur për marrëdhëniet ndërfqinjësore, të përmendë rëndësinë e lidershipit të mirë dhe orientimit kah e ardhmja. Pasi ka vlerësuar se Kosova ka “ndërtuar raporte të shkëlqyeshme” me Maqedoninë, Shqipërinë, dhe me Malin e Zi, Thaçi ka thënë se Kosova ka vullnet për raporte të mira edhe me Serbinë.

“Duam dhe kemi vullnet si Kosovë që të punojmë për fqinjësi të mirë edhe me Serbinë, që të kemi bashkëpunim rajonal dhe të interesave të përbashkëta për popujt tanë. Në të njëjtën kohë ne si liderë të vendit duhet që para së gjithash të shikojmë nga e ardhmja, dhe nga vlerat që na ofrojnë, na bashkojnë dhe na krijojnë mundësi për zhvillimin ekonomik dhe perspektivë evropiane. Andaj edhe përkushtimi i kryeministrit Pahor ka qenë gjithmonë për paqe dhe stabilitet”, ka thënë Thaçi.

Megjithatë, kryeministri kosovar nuk e ka sqaruar nëse ka paraqitur ndonjë pozicion të prerë të Kosovës lidhur me pjesëmarrjen e Kosovës në Bërdo si shtet i barabartë.

“Qeveria e institucionet e Kosovës do të jenë në krye të përgjegjësive që dalin edhe me Kushtetutën, ligjet dhe dokumentin e presidentit Ahtisaari dhe angazhimet tona të mëtutjeshme. Pra, ne do të jemi prezentë në angazhimet tona për bashkëpunim rajonal, por edhe për perspektivë evropiane e euroatlantike”, ka thënë Thaçi, duke shtuar se e çmon rëndësinë e konferencës në Kranj, ndaj së cilës, siç ka thënë Thaçi, Kosova do të jetë e përgjegjshme.

Të dy kryeministrat janë përkujdesur që gjatë paraqitjes për media të përdorin terma miqësorë, t`i drejtohen me emër njëri-tjetrit dhe ritheksojnë rëndësinë e lidershipit, mirëpo asnjëri nga ta nuk ka pranuar pyetje nga gazetarët, me arsyetimin e “mungesës së kohës”.

Të dy kryeministrat kanë vlerësuar se marrëdhëniet mes Kosovës dhe Sllovenisë janë shumë të mira, ndërkaq kanë ritheksuar përkushtimin për bashkëpunim edhe më të ngushtë.

Për shkak të kushtëzimit nga Serbia që Kosova të mos paraqitet si shtet, organizatorët e samitit, që do të mbahet në Bërdo afër Kranjit në Slloveni, kanë vendosur para disa ditësh që të mos ketë simbole dhe shtetet pjesëmarrëse të prezantohen vetëm me emrat e kryeministrave.
Koha.net

[Llapjani_HH]

Në Slloveni, vetëm si shtet


Kosova, ose do të përfaqësohet si shtet, ose nuk do të shkojë fare në konferencën rajonale të liderëve të Ballkanit Perëndimor, thonë zyrtarët në Prishtinë. Sipas tyre, i takon Sllovenisë që t’i tejkalojë mosmarrëveshjet me Serbinë.

Kosova duhet dhe do të përfaqësohet si shtet në konferencën e liderëve të rajonit, që pritet të mbahet më 20 mars, në Bërdo afër Kranjit, thonë zyrtarët në Prishtinë.

Sipas tyre, i takon organizatorit, në këtë rast Sllovenisë, që t’i tejkalojë mosmarrëveshjet me Serbinë, pas kundërshtimeve të këtij vendi lidhur me praninë e Kosovës si shtet i barabartë i rajonit në këtë konferencë.

Zëdhënësi i Qeverisë, Memli Krasniqi, thotë se nuk mund t’u shtojë shumë deklaratave që një ditë më herët i ka paraqitur kryeministri i Kosovës dhe ai i Sllovenisë, se diplomacia vazhdon në zgjidhjen e problemeve rreth organizimit të konferencës rajonale.

Por, sidoqoftë, ai thotë se Kosova do të jetë atje vetëm si shtet i barabartë me vendet tjera.

“Qeveria e Kosovës ka qenë shumë e qartë në deklarimet e mëhershme, si edhe kryeministri personalisht, dhe në çdo rast Kosova do të përfaqësohet si shtet”, thekson Krasniqi.

Ndërkohë, opozita dhe analistët inkurajojnë institucionet, në këtë rast Qeverinë, që përfaqësimi i Kosovës jashtë të jetë i karakterit dhe nivelit të barabartë me të gjitha vendet tjera.

Avni Arifi, anëtar i Kryesisë së Aleancës për Ardhmërinë e Kosovës, thotë se që nga shpallja e pavarësisë e këndej, Kosova nuk ka pse të hezitojë lidhur me përfaqësimin e saj.

Ajo është shtet i pavarur dhe si e tillë duhet të përfaqësohet në çdo takim, thekson Arifi.

“Kosova e ka shpallur pavarësinë e saj. Kosova nuk ka vetëm liderë politikë, por ka institucione. Shtetet që e ftojnë Kosovën, duhet ta dinë se duhet të ftojnë kryetarin e shtetit apo kryeministrin e Kosovës”.

“Të gjitha teknikat që janë përdorur për ta evituar këtë titull, duhet të perëndojnë, apo, në të kundërtën, Kosova duhet të mos marrë pjesë fare në konferenca të tilla”, thotë Arifi.

Arifi thotë se, pavarësisht kundërshtimeve të Serbisë, Kosova nuk duhet të shërbejë për ndryshimin e agjendave të konferencave rajonale.

Ndërkaq, analisti Ramush Tahiri thotë se i takon Sllovenisë që t’i zgjidhë problemet organizative. Në të kundërtën, nëse Kosova do të prezantohej ndryshe nga vendet tjera, Tahiri beson se ndoshta kjo do t’ia pamundësonte asaj pjesëmarrjen në këtë konferencë.

“Kosova do të përfaqësohet si shtet. Serbia dëshiron që Kosova të jetë në kuadër të delegacionit të UNMIK-ut, mirëpo UNMIK-u nuk ka ingerenca. Kosova mund të mos shkojë fare dhe Bashkimi Evropian, apo në këtë rast Sllovenia, do të ishte e interesuar për Serbinë dhe mundet që në këtë fazë të shkojë vetëm Serbia”, thekson Tahiri.

Gjatë një vizite të shkurtër në Kosovë, kryeministri slloven, Borut Pahor, ka deklaruar se ende nuk janë tejkaluar problemet në lidhje me këtë konferencë, ku ai ka veçuar si problematike çështjen e përdorimit të emrave të shteteve, sidomos të Kosovës, pas kundërshtimeve të Serbisë, përdorimit të simboleve shtetërore dhe miratimit të një deklarate të përbashkët, e cila do të tregonte orientimin pro-evropian të Ballkanit Perëndimor.

Konferenca në Bërdo afër Kranjit, sipas organizatorit, ka për qëllim të tregojë perspektivën evropiane të këtij rajoni dhe zotimin e liderëve se do të bashkëpunojnë në të mirën dhe mbarëvajtjen e këtij procesi.
Radio Evropa e Lirë

[Llapjani_HH]

Salihaj: Nderimet nga Garda e Nderit e FSK-së bëhen me seleksionime


Anëtari i Komisionit për mbikëqyrjen e FSK-së dhe njëherësh deputet i LDD-së Adem Salihaj ka akuzuar sot Qeverinë e Kosovës se po bën seleksionimin e njerëzve dhe ngjarjeve që duhet t'i nderojë Garda e Nderit e FSK-së.

Ai ka thënë se derisa Garda e Nderit paraqitet në "Epopenë e UÇK-së", duke nderuar familjen Jashari dhe komandantin legjendar Adem Jashari, ajo nuk paraqitet në përvjetorin e vdekjes së ish-presidentit Ibrahim Rugova dhe as në Ditën e Pavarësisë së Kosovës më 17 shkurt, këto komente i bëri sot Salihaj në një konferencë për media.
Bota Sot

[Llapjani_HH]

SHBA, kritika Kosovës për korrupsionin


Departamenti amerikan i Shtetit në raportin vjetor për gjendjen e të drejtave të njeriut thekson se korrupsioni, ndërhyrja e qeverisë në forcat e rendit e sigurisë dhe në gjyqësor, mbeten ndër problemet kryesore në Kosovë. Raporti nënvizon se ka rënie të dhunës ndëretnike, por problem mbeten strukturat paralele të Serbisë.


Legjislacioni në Kosovë në masën më të madhe ofron mbështetjen e nevojshme për respektimin dhe mbrojtjen e të drejtave të njeriut në shumë fusha; nga respektimi i lirive themelore, atë për lirinë e shprehjes dhe mediave, mbrojtjen për pakicat, gratë e fëmijët.

Megjithatë, korrupsioni dhe gjyqësori mbeten problemet kryesore lidhur me gjendjen e të drejtave të njeriut në vend - janë vlerësimet e raportit më të fundit të Departamentit të Shtetit për gjendjen e të drejtave të njeriut në botë.

Ashtu si për çdo vend tjetër, raporti analizon një mori aspektesh të të drejtave të njeriut në Kosovë.

“Ligji parasheh ndëshkime rreth korrupsionit të zyrtarëve, por Qeveria nuk e ka zbatuar ligjin në mënyrë efikase. Zyrtarë të përfshirë në praktika korruptive kanë kaluar pa u ndëshkuar. Bazuar në raportet e Bankës Botërore, korrupsioni ishte problem serioz”.

“Ekziston një përshtypje e përgjithshme për ekzistencën e korrupsionit në qeveri. Organizatat ndërkombëtare dhe OJQ-të, në vazhdimësi kanë raportuar se korrupsioni mbetet një problem serioz. Mungesa e një sistemi efikas juridik dhe dobësitë në shtetin ligjor kanë kontribuar në korrupsionin e qeverisë”, thuhet në raportin e Departamentit të Shtetit.

Sipas të njëjtave burime, korrupsioni dhe ndikimi i qeverisë mbeten problem dhe për forcat e sigurisë dhe rendit në Kosovë.

Korrupsioni është i pranishëm dhe në gjyqësor, derisa sistemi i gjykatave nuk është efikas, vlerëson Departamenti amerikan i Shtetit.
Të njëjtat burime pohojnë se problem për Kosovën paraqesin dhe strukturat paralele të Qeverisë së Serbisë, mes të cilave dhe gjyqësori paralel.

Për pasojë, vlerëson raporti, gjykatat në Mitrovicë, Leposaviq dhe Zubin-Potok kanë qenë të mbyllura që pas protestave të marsit të vitit 2008.

Sistemi i drejtësisë në Kosovë, në vlerësimin e Departamentit të Shtetit vuan nga zgjatja e procedurave dhe proceseve gjyqësore.

Lidhur me lirinë e fjalës dhe të mediave raporti konstaton se nuk ka pasur censurë të drejtpërdrejtë mbi mediat e shkruara, apo ato elektronike.

Por, pavarësisht këtij fakti, gazetarët kanë raportuar për presione nga politikanët apo krimi i organizuar, të cilat shpesh kanë rezultuar në forma indirekte të censurës, thuhet në raport.

Raporti i Departamentit të Shtetit për të drejtat e njeriut vlerëson se dhuna në shoqërinë kosovare ka njohur rënie, me gjithë faktin se tensionet ndëretnike mbeten të larta, në veçanti në veri të Mitrovicës.

Një tjetër problem për Kosovën mbeten personat e zhvendosur. Nga 19,695 të zhvendosur, 52 për qind janë serbë të Kosovës dhe 38 për qind shqiptarë të Kosovës.

Departamenti i Shtetit i referohet UNHCR-së, sipas së cilës mbi 15 mijë persona të zhvendosur gjenden në Mitrovicë.

Raporti vlerëson se, megjithëse Kosova nuk është nënshkruese e Konventës së vitit 1951, legjislacioni i miratuar nga Kuvendi i Kosovës i referohet konventës në fjalë.

Të njëjtat burime nënvizojnë se ka vazhduar diskriminimi ndaj serbëve të Kosovës, romëve, ashkalinjve, egjiptianëve sa i përket punësimit, arsimimit, shërbimeve sociale, përdorimit të gjuhës, lirisë së lëvizjes dhe të drejtave të tjera bazike.

Burimet pranë Qeverisë së Kosovës, të cilave iu referohet raporti, pranojnë se punësimi i pakicave në sektorin publik ka njohur rënie në vitin e fundit.

Qeveria është angazhuar që aktivisht të adresojë probleme të pakicave dhe t’ua shtrijë atyre dorën e bashkëpunimit për t’u ofruar mundësi të barabarta.

Raporti thekson se në Kosovë nuk kanë ndodhur vrasje, të dënuar dhe të zhdukur për motive politike.

Kosova vazhdon të përballet me problemin e personave të pagjetur që nga koha e luftës.

Raporti ndalet dhe në çështje të tjera si trafikimi i qenieve njerëzore, gjendja e grave dhe e fëmijëve. Edhe për këto sfera vlerësohet ekzistenca e legjislacionit, por vërehen mangësi në zbatimin efikas të tij.
Radio Evropa e Lirë

Kryeparlamentari e largon Gjinin nga salla për fyerje


Kryeparlamentarit Jakup Krasniqi i është dashur të shfrytëzojë autoritetin e tij prej drejtuesi të Kuvendit të Kosovës që t’i kërkojë shefit të Grupit Parlamentar të Aleancës për Ardhmërinë e Kosovës, Ardian Gjini, që ta lëshojë sallën për shkak të përdorimit të fjalorit joparlamentar.

Ka qenë fjala “rren”, më të cilën i është drejtuar Gjini, ministrit të Ekonomisë, Ahmet Shala, ajo që ka nxitur debatin në Kuvend, duke shtyrë Krasniqin që të kërkojë nga Gjini tërheqjen e fjalës, ose largimin nga salla.

Krasniqi ka thënë se të gjithë deputetët duhet të mësohen me sjelljet parlamentare dhe të përdorin fjalë që janë brenda etikës parlamentare, në të kundërtën duhet të dalin jashtë.

“Ata që e kanë shkelë etikën parlamentare dolën jashtë dhe duhet të jenë jashtë. Duhet të mësohen të jenë të edukuar dhe ta respektojnë etikën e Kuvendin dhe fjalorin parlamentar. Nëse ata nuk kanë fjalë, shprehje dhe nuk dinë të debatojnë nuk kam faj, por duhet ta përdorin fjalorin parlamentar”, ka thënë Krasniqi.

Një reagim i tillë ka ardhur pas deklaratës replikuese të shefit të GP të AAK-së, Ardian Gjini, i cili është nervozuar nga deklarata e ministrit Shala, kur ky i fundit i ka thënë se nuk ka nevojë të nervozohet, derisa i ka sqaruar se pse është i nevojshëm të miratohet Projektligji për ndryshimin dhe plotësimin e Ligjit për tatimin mbi vlerën e shtuar.

“Mos e rreni Kuvendin palidhje dhe me ardhur këtu me thanë mos u bëni nervoz. Për neve është shqetësuese, si është kaq i relaksuar ministri duke e parë çfarë masakre është duke u bërë në financat publike”, ka thënë Gjini, duke iu drejtuar ministrit Shala se nuk bën t’i drejtohet atij me “i nderuar Gjini”, por i nderuari deputet, apo i nderuar Ardian.

Kjo ka shtyrë kryeparlamentarin Krasniqi që t’i kërkojë Gjinit ose ta lëshojë sallën, ose ta tërheq fjalën “rren”, gjë e cila ka rezultuar me largimin e Gjinit dhe të deputetëve tjerë të AAK-së.

Sidoqoftë, pavarësisht kundërshtimeve dhe reagimeve nga opozita, përkatësisht nga AAK-ja dhe LDD-ja, ligjvënësit kanë miratuar Projektligjin për ndryshimin dhe plotësimin e Ligjit për tatimin mbi vlerën e shtuar.

Ndërkohë, me propozim të Lidhjes Demokratike të Kosovës, shqyrtimi i Strategjisë së energjisë për periudhën 2009-2018 është lënë të shqyrtohet si pikë e veçantë, në seancën, e cila është caktuar të mbahet të enjten e ardhshme.

Legjislativi i vendit në seancën e sotme ka miratuar në parim Projektligjin për Avokatin e Popullit, Projektligjin për ndryshimin dhe plotësimin e Ligjit për procedurën administrative dhe Projektligjin për shpëlarjen e parave dhe financimin e terrorizmit, ndërsa ka shqyrtuar edhe rekomandimin e Komisionit për legjislacion dhe gjyqësi për emërimin e një anëtari të Komisionit për kërkesa pronësore.
Bota Sot

[Oqeani]

Mire paska thene - MASAKRA ... ashtu eshte !

[premium]

Vetëm titullin e ketyre lajmeve i lexova , e më bëhet zemra zehër ..
po të lexoj me detaje , gjaku neper damaret nuk em hec !

na sillni do lajme të mira breh !!!

send nuk po shkon si duhet ...
ekonomia zehër
politika zehër..
ka mbet edhe ajrin të na zehërosin .

hajt me det -hajt me det
sa zamoni i keq paska ardh hej!

përveq faqeve të parafunditfundit të gazetave nuk kam me lexu asgjë mo ...
vetëm aty i besoj dhe janë të vërteta kush paska vdek !;(
edhe qat fjalkryqin me plotsu
send tjetër nuk paska mbet neper botimet e ditës.

[Llapjani_HH]

Eulex-i po bisedon me Beogradin për gjyqësinë në Kosovë


Ndihmësministri serb i Drejtësisë, Vojkan Smiq ka thënë se përfaqësuesit e Eulex-it dhe ata të ministrisë së Drejtësisë ende nuk i kanë afruar qëndrimet lidhur me funksionimin e gjyqësorit në veri të Kosovës.

Simiqi i tha TV Most në Zveçan se bisedimet po zhvillohen rreth tri çështjeve kyçe – kompetencës së gjykatave, zgjedhjes së gjykatësve dhe zbatimit të dispozitave ligjore.

“Nuk ka përparime më të rëndësishme dhe duhet theksuar se shteti i Serbisë insiston që marrëveshjet të jenë në përputhje me rezolutën 1244 të KS të KB-ve”, tha ai.

Bisedimet mbi funksionimin e gjykatave në veriun e Kosovës kanë filluar javën e kaluar, kur në Beograd qëndroi shefi i Eulex-it Yves de Kermabon.

Kryetari i gjykatës së lartë në Mitrovicë, Nikola Kabashiq tha për TV e Zveçanit se politika shtetërore në domenin e drejtësisë është e qartë dhe se në bisedime me Eulex-in nuk do të hiqet dorë nga ajo politikë.

Ndihmësministri Simiq ka vizituar institucionet e drejtësisë serbe në veriun e Kosovës dhe ka vlerësuar se ato punojnë në kushte jashtëzakonisht të vështira.
Koha.net

Feith dhe EULEX-i “të padëshiruar” në Viti


Pieter Feith dhe EULEX-i janë shpallur të “padëshiruar” për Komunën e Vitisë, nga nënkryetari i saj Xhevat Bislimi, si rezultat i kundërshtimit të decentralizimit nga Vitia.

Madje, ai ka akuzuar ICO-në dhe EULEX-in se po bëjnë shantazh dhe dhunë politike ndaj Komunës së Vitisë për decentralizim. Ndaj kësaj çështjeje kanë reaguar ICO-ja dhe EULEX-i, por jo para kamerës.
Koha.net

Kontrabandues serbë sulmojnë policinë e EUELX-it në pikën kufitare 31


Pika kufitare 31 në Zubin Potok është sulmuar me granatë dhe me breshëri armësh automatike, ndërsa cak i sulmit ka qenë një automjet i blinduar i EULEX-it.

Pika kufitare 31, që ndodhet në fshatin Bërnjakë të Komunës së Zubin Potokut, që shënon kufirin midis Kosovës dhe Serbisë, është takuar natën, në orët e para të ditës së shtunë, nga grupe kriminale serbe.

Sulmi ndaj pikës kufitare dhe dëmtimi i makinës së EULEX-it dhe kontejnerëve është konfirmuar edhe nga zëdhënësi i policisë rajonale në Mitrovicë, togeri besim Hoti.

Ai ka thënë se sulmi ka ndodhur të shtunën në orët e parë të mëngjesit në pikën kufitare 31 në Bërnjakë dhe se janë dëmtuar një makinë e EULEX-it si dhe kontejnerët që janë të vendosur aty.

“Policia është duke i kryer hetimet dhe deri më tani nuk ka ndonjë të dyshuar për këtë akt kriminal”, ka thënë Hoti. Ndërkaq, burime nga komuna e Zubin Potokut thonë se sulmi në pikën doganore 31 është kryer nga grupe kriminale serbe që merrem me kontrabandimin e mallrave dhe që janë të përkrahura strukturat paralele që veprojnë në Kosovë.

Ky burim ka thënë se pritet që ky incident të trajtohet në mbledhjen e Komitetit për Siguri të komunës së Zubin Potokut, të martën, kur ky komitet mbanë mbledhjet e rregullta, në të cilat marrin pjesë edhe përfaqësuesit e KFOR-it, të UNMIK-ut dhe të policisë së Kosovës..

Mirëpo, si duket aktivitetet kriminale në këtë pikë kufitare dhe në atë në komunën e Albanikut, por edhe përgjithësisht në veri të vendit, janë pjesë e strategjisë së ekstremistëve serbë për të destabilizuar Kosovën dhe janë në shtim e sipër, pas bërjes publike të Strategjisë së Qeverisë së Kosovës dhe ICO- s për veriun Kosovës.

Të gjitha aktivitete që ndërmerren nga grupet kriminale, janë të koordinuara nga krerët e Ministrisë së Punëve të Brendshme të Serbisë për veriun e Kosovës.

Madje, ka pas informacione se krerët e këtyre grupeve kriminale dhe strukturave paralele u kanë dhënë një varg urdhëresash komandantëve serbë të policisë së Kosovës, përfshirë ato për përcjelljen e aktiviteteve të KFOR-it amerikanë, një njësi e të cilit është e vendosur në kampin “Nothing Hill”, në afërsi të Albanikut, monitorimin e aktiviteteve të Ekipit përgatitor për formimin e komunës së re të Mitrovicës veriore, mosbindjen ndaj zingjirit komandues me seli në Prishtinë dhe aktivitete, sipas tyre, destabilizuese, që nuk janë pjesë e strategjisë së Serbisë pë veriun e Kosovës.

Sulmi i mbrëmshëm në pikën kufitare 31, më parë mund të jetë pjesë e kësaj strategjie të Serbisë, për të destabilizuar nismat e Qeverisë së Kosovës dhe të ndërkombëtarëve, për shtrirjen e pushtetit në pjesën veriore të vendit.

Lajmin për sulm në vijën kufitare pika 31 afër Zubin Potokut në veri të Kosovës, e ka konfirmuar edhe EULEX-i nëpërmjet një komunikate për media.

“EULEX-i dëshiron të theksojë se ky akt kriminal dhe kundër jetës nuk i shërben interesave të qytetarëve, të të gjitha komuniteteve, në Kosovë.

Ai nuk i shërben interesave të Kosovës e as tërë rajonit të Ballkanit Perëndimor në rrugën e tyre drejt integrimeve evropiane të mëtejme. Asnjëherë dhuna nuk mund të jetë zgjidhja”, thuhet në këtë komunikatë.
Bota Sot

[Llapjani_HH]

Spanja s’e lë Kosovën të shkojë në Sarajevë


Ambasadori i Spanjës, kryesuese e radhës e Bashkimit Evropian, në Beograd, Inigo de Palacio Espana ka deklaruar se autoritetet në Prishtinë, në konferencat ndërkombëtare që i organizon BE-ja, mund të përfaqësohen vetëm dhe ekskluzivisht nën ombrellën e UNMIK-ut dhe në harmoni me Rezolutën 1244 të Këshillit të Sigurimit të OKB-së.

Espanja ka thënë se ky do të jetë kusht për ftesë autoriteteve kosovare në konferencën që është planifikuar për fillim të qershorit në Sarajevë. “Shefi i diplomacisë sonë Migel Anhel Moratinos, që nga janari po e përsërit se në konferencat që i organizojmë si kryeses i BE-së, autoritetet e Kosovës mund të përfaqësohen vetëm në harmoni me kushtet dhe kornizat që i shtrojnë të gjitha anëtaret e BE-së”.

“Duke qenë se në BE nuk ekziston konsensusi mbi pavarësinë e Kosovës, mundësia e vetme për të arritur konsensus është që ta ruajmë praktikën që autoritetet kosovare të përfaqësohen nën ombrellën e UNMIK-ut dhe në harmoni me Rezolutën 1244", ka thënë De Palacio Espana për agjencinë serbe të lajmeve Tanjug.

Ai ka shtuar se ky do të jetë kusht i ftesës spanjolle për prezencën e autoriteteve të Kosovës në konferencën në Sarajevë. “Shpresojmë që ata këtë ta pranojnë, sepse kjo do të ishte në interesin e gjithë neve”, tha ai.
Koha.net

[Oqeani]

Spanja s’e lë Kosovën të shkojë në Sarajevë


Ambasadori i Spanjës, kryesuese e radhës e Bashkimit Evropian, në Beograd, Inigo de Palacio Espana ka deklaruar se autoritetet në Prishtinë, në konferencat ndërkombëtare që i organizon BE-ja, mund të përfaqësohen vetëm dhe ekskluzivisht nën ombrellën e UNMIK-ut dhe në harmoni me Rezolutën 1244 të Këshillit të Sigurimit të OKB-së.

Espanja ka thënë se ky do të jetë kusht për ftesë autoriteteve kosovare në konferencën që është planifikuar për fillim të qershorit në Sarajevë. “Shefi i diplomacisë sonë Migel Anhel Moratinos, që nga janari po e përsërit se në konferencat që i organizojmë si kryeses i BE-së, autoritetet e Kosovës mund të përfaqësohen vetëm në harmoni me kushtet dhe kornizat që i shtrojnë të gjitha anëtaret e BE-së”.

“Duke qenë se në BE nuk ekziston konsensusi mbi pavarësinë e Kosovës, mundësia e vetme për të arritur konsensus është që ta ruajmë praktikën që autoritetet kosovare të përfaqësohen nën ombrellën e UNMIK-ut dhe në harmoni me Rezolutën 1244", ka thënë De Palacio Espana për agjencinë serbe të lajmeve Tanjug.

Ai ka shtuar se ky do të jetë kusht i ftesës spanjolle për prezencën e autoriteteve të Kosovës në konferencën në Sarajevë. “Shpresojmë që ata këtë ta pranojnë, sepse kjo do të ishte në interesin e gjithë neve”, tha ai.
Koha.net

Keta po e kerkojne qe USA - Ti beje BASKET dhe KATALLANET te pamvaruar - pastaj le te lidhen per huni !

[Guri i madh]

edhe me lejue spanja kosoven BOSNJA nuk do e fton kosoven ne at tubim



ky thaqi veq po flen kot paska simpatizue per barcelonen edhe per havier sollanen

[Oqeani]

edhe me lejue spanja kosoven BOSNJA nuk do e fton kosoven ne at tubim



ky thaqi veq po flen kot paska simpatizue per barcelonen edhe per havier sollanen

aha- Kjo po bie sikur siç thone : Gjysma e punes ikajl per fejese - DJALI eshte per !

[Guri i madh]

aha- Kjo po bie sikur siç thone : Gjysma e punes ikajl per fejese - DJALI eshte per !


po kur e pat dhan nji intervist pat than se ne kosovaret simpatizojna per barcelonen po edhe ne politik sollanen e kena si idol te politikes


une kam mendue se deri me tani spanja e ka ndryshue qendrimin

[Llapjani_HH]

Ku gjenden 260 milionë euro të buxhetit?


Mbi 200 milionë euro të buxhetit të Kosovës thuhet se gjenden jashtë sistemit bankar të Kosovës. Anëtarë të Komisionit për Buxhet dhe Financa dhe përfaqësues të organizatave joqeveritare thonë se Qeveria nuk po jep informacione për këtë shumë të mjeteve buxhetore.


Anëtarë të Komisionit Parlamentar për Buxhet dhe Financa, si dhe përfaqësues të organizatave joqeveritare shprehin shqetësimin e tyre se Qeveria e Kosovës ka depozituar rreth 260 milionë euro të buxhetit në institucionet ndërkombëtare, por që nuk dihen se ku janë vendosur dhe cili është interesi nga depozitimi i tyre.

Haki Shatri, anëtar i Komisionit për Buxhet dhe Financa në Kuvendin e Kosovës, thotë se në bazë të raportit të auditorit gjeneral, në tremujorin e parë të vitit 2008, kjo shumë e parave është depozituar jashtë vendit. Ndërsa, deri në fund të vitit të kaluar, sipas tij, nuk ka pasur informacione se a janë kthyer këto para në Bankën Qendrore të Republikës (BQK) së Kosovës.

“Fjala është për 266 milionë euro, para të buxhetit, që janë hequr prej trezorit të Bankës Qendrore të Kosovës në mënyrë të kundërligjshme dhe i janë dhënë diku në shfrytëzim investitorit të jashtëm apo ndonjë institucioni të jashtëm financiar, porse ne nuk kemi të dhëna se çka ka ndodhur dhe nuk kemi raport më të ri nëse janë kthyer në trezorin e BQK-së“, thotë Shatri.

Edhe Avni Zogiani, nga Organizata për Demokraci, Anti-korrupsion dhe Dinjitet “Çohu”, thotë se ky shqetësim është ngritur disa herë, por, deri më tani, shton ai, nuk është dhënë ndonjë sqarim nga Qeveria.

“Këto informacione kanë dalë nga kanale të tjera dhe jo kanalet që janë të obliguara për të informuar opinionin publik. Por, më e rëndësishmja është se kjo shumë kaq e madhe e parave do të duhej të paraprihej nga njëfarë diskutimi në Parlament. Është fjala për një shumë tepër të madhe, do të thotë ¼ e buxhetit të Kosovës”, shprehet Zogiani.

Në anën tjetër, zyrtarë të Ministrisë së Ekonomisë dhe Financave pohojnë se kjo shumë e mjeteve gjendet në institucionet financiare të vendeve evropiane, që tashmë kanë njohur Republikën e Kosovës.

Lulëzim Ismajli, udhëheqës i Departamentit të Thesarit në këtë ministri, thotë se ky fond është investuar konform ligjeve ekzistuese dhe se nga ky investim ka fituar buxheti i Kosovës.

“Ne e kemi një politikë me Bankën Qendrore të Kosovës, që nuk lejojmë që 15 për qind e portofolit të përgjithshëm të investohet në një vend, në mënyrë që t’i shmangemi rrezikut. Nga maturimi i këtyre investimeve, pjesë-pjesë janë kthyer në buxhetin e Kosovës dhe janë përdorur për projektet, të cilat kanë që të planifikuara me Ligjin e buxhetit”, thotë Ismajli.

Me këtë nuk pajtohet Haki Shatri, duke thënë se kjo shumë e mjeteve është investuar jashtë sistemit bankar të Kosovës, në kundërshtim me Ligjin për menaxhimin e financave publike.

“Mjetet e buxhetit nuk guxojnë të jepen me qira, e pastaj të merren fondet e kursyera të PTK-së. Kanë marrë 200 milionë euro të Post-Telekomit të Kosovës, sepse i kanë munguar paratë për buxhet, ndërsa paratë e gatshme i kanë qitur jashtë vendit, kanë bërë biznes me para të buxhetit”, deklaron Shatri.

Lidhur me këtë, Lulëzim Ismajli thotë:

“Realisht janë paraqitur në raportin vjetor të viteve përkatëse, se nuk janë të fundit të 2008-ës, mirëpo edhe më herët janë paraqitur si investime të parasë publike. Vitin e kaluar ka pasur disa zëra që janë ngritur, se është investim i paligjshëm; ka pasur edhe një auditim shtesë të këtyre fondeve dhe çdo gjë ka qenë në rregull, që është në pajtueshmëri me të gjitha ligjet përkatëse të vendit”.

Ndryshe, Banka Qendrore e Republikës së Kosovës është institucioni përgjegjës që menaxhon mjetet e buxhetit të Kosovës.
Radio Evropa e Lirë

Ish komandant Hoxha: Artim Destani ka vendosur minën në Sopot


Ish-komandant Hoxha në një intervistë për Alsat, për herë të parë edhe publikisht tregon emrin e personit që ka vendosur minën në Sopot, nga e cila humbën jetën dy ushtarë të NATO-s.

Hoxha, gjithashtu thotë se për këtë kanë qenë të njoftuar edhe ish-kryeministri Vllado Buçkovski dhe i gjithë faktori ndërkombëtar në vend.

Intervistën e plotë me Xhezair Shaqirin-Hoxha, do të mund ta ndiqni sonte në STUDIO TË HAPUR në ora 23.05. Ai në këtë intervistë flet edhe shërbimet inteligjente që e kanë organizuar këtë aksion nga i cili pësuan shumë banorë të Sopotit që u dënuan me mbi 150 vite burg.

“Bëhet fjalë për një njeri, Artim Destani nga fshati Llojan i cili ka qenë i manipular nga strukturat e atëhershme të UDB-së jugosllave dhe të DBK-së së sotme që kanë qenë të udhëhequra nga Zoran Verushevski.

Në një diskutim të deputetëve të zonës, para Hari Kostovit dhe Zoran Verushevskit në Ministrinë e Punëve të Brendshme kam qenë diku 1 orë i ashpër me këta persona dhe këtë dëshmi ia kemi prezentuar se është zbuluar rasti dhe duhet patjetër t’i përmirësoni gabimet dhe t’i ndalni këto ofensiva.

Më vjen keq por përpos Ismet Ramadanit si depuetet i zonës në atë kohë askush se tha asnjë fjalë", tha Xhezair Shaqiri, ish-komandant Hoxha.
ALSAT M

[premium]

[quote=Llapjani_HH]Ku gjenden 260 milionë euro të buxhetit?




Mbi 200 milionë euro të buxhetit të Kosovës thuhet se gjenden jashtë sistemit bankar të Kosovës. Anëtarë të Komisionit për Buxhet dhe Financa dhe përfaqësues të organizatave joqeveritare thonë se Qeveria nuk po jep informacione për këtë shumë të mjeteve buxhetore.

***
***
'' Paska hongër kuca''
kucat e madhe '' murxha''

[Llapjani_HH]

Latifi: Vendim antikombëtar


Drejtuesit e Lëvizjes për Integrim dhe Bashkim (LIB), e kanë quajtur antikombëtar vendimin e Gjykatës Kushtetuese të Kosovës, e cila vendosi kundër mbajtjes për logo të Komunës, Shtëpinë e Lidhjes Shqiptare të Prizrenit.

Ata kanë kërkuar tërheqjen sa më të shpejtë të këtij vendimi që është kundër vullnetit të popullit shqiptar, si shumicë edhe në Prizren. “Gjykata Kushtetuese e Republikës së Kosovës, e cila ka marrë përsipër të paraqesë Kosovën si shtet multietnik me anë të ligjeve të bazuara në Pakon e Ahtisarit, po ia jep këtë epitet edhe qytetit të lashtë të Prizrenit", ka thënë Latifi.

Sioas tij, ky vendim i Gjykatës Kushtetuese, bie ndesh me vullnetin e popullit të Prizrenit dhe mbarë Kosovës. Bie ndesh me vullnetin e kuvendarëve të Prizrenit, të cilët patën votuar që Komuna të ketë këtë simbol identifikues.
Gazeta expres

Serbët shesin shtëpitë e ndërtuara nga projektet e kthimit


Shtëpitë e reja të serbëve që mbeten të zbrazëta në fshatrat e Pejës, nuk flasin për mungesën e lirisë së lëvizjes të pronarëve të tyre, por janë dëshmi e interesit për përfitimeve materiale, që pjesëtarët e këtij komuniteti e shohin në procesin e kthimit.

Bazuar në statistikat e procesit të kthimit të serbëve të zhvendosur, pas luftës në Kosovë, Komuna e Pejës prinë në nivel vendi. Mirëpo, jo të gjithë serbët e evidencuar në listat e kthimit edhe jetojnë në shtëpitë e tyre të ndërtuara nga qeveritë dhe organizatat e ndryshme të huaja.

Dukurinë kur shtëpitë e ndërtuara nga projektet e kthimit për serbët mbetën të zbrazëta ose shiten, e ka të njohur edhe zyrtari komunal për Kthim në Pejë, Nexhat Kastrati, i cili pranon se serbët procesin e kthimit e shohin vetëm si mundësi përfitimi, e jo edhe të kthimit të vërtetë në pronat e veta.

“Kur dëgjohet për ndonjë projekt për procesin e kthimit, që sjellë shtëpi të reja, serbët e shpërngulur e shtojnë interesimin për t'u kthyer, por kur nuk ka projekte nga të cilat nuk përfitojnë shtëpi apo gjëra tjera materiale, interesimi për kthim te ata bie”, sqaron Kastrati për KosovaLive.

Disa nga serbët që kanë përfituar shtëpi nga projektet e kthimit i kanë shitur ato menjëherë pasi janë ndërtuar. Këtë e vërteton, në kushte anonimiteti, një avokat pejan që ka ndërmjetësuar juridikisht në shit-blerjen e shtëpive të ndërtuara për serbët e kthyer në disa fshatra të Pejës.

“Ata po presin derisa po ju ndërtohen shtëpitë dhe pastaj po i shesin ato. Kjo tregon që disa serbë të shpërngulur e shohin vetëm përfitimin në procesin e kthimit, e jo interesimin të kthehen”, thotë avokati nga Peja, zyra e të cilit vizitohet kryesisht nga serbët e interesuar për shitjen e pronave dhe personat që duan t’i blejnë ato.

Për biznesin e serbëve me shtëpitë e ndërtuara nga projektet për kthim, zyrtari komunal për Kthim, Nexhat Kastrati, thotë se zyrtarisht nuk ka dijeni. “Unë personalisht nuk jam në dijeni që serbët i kanë shitur shtëpitë e ndërtuara nga projektet e kthimit, mirëpo ne do ta bëjmë një verifikim detal në terren për këtë që flitet”, tha Kastrati.

Në procesin e kthimit ekziston një përkrahje më e madhe ndaj komunitetit serb.

“Kur është fjala një projekt për kthim, serbët çdo herë privilegjohen dhe përfitojnë më shumë sesa pjesëtarët e komuniteteve të tjera që presin të kthehen”, thotë Gani Toska, zyrtar rom në Zyrën komunale për komunitete.

Gjatë luftës në Pejë janë djegur dhe shkatërruar mbi 12 mijë shtëpi, në përgjithësi prona të shqiptarëve, prej të cilëve jo të gjithë kanë përfituar nga programet e rindërtimit të shtëpive.

Shumë prej tyre, që ende jetojnë në shtëpi apo banesa të huaja, mund të shihen çdo javë në korridorin para zyrës së kryetarit të Pejës, me kërkesë të vetme, rindërtimin e shtëpisë.

“Kam nevojë për shtëpi, por duket që për ne shqiptarët nuk po interesohet Qeveria e jonë e askush nga ndërkombëtarët, sikur që po e bëjnë për banorët serbë, të cilëve po iu ndërtohen shtëpitë dhe pastaj shumë prej tyre po i shesin dhe po kthehen serish në Serbi”, ankohet Ramë Nikçi, njeri prej dy mijë shqiptarëve të komunës së Pejës, shtëpitë e të cilëve ende nuk janë rindërtuar.
Koha.net

[Llapjani_HH]

Kompromisi i ofruar: dy gjykatës shqiptarë në veri


Frytet e bisedimeve ndërmjet shefit të EULEX-it, Ives de Kermabon, me autoritetet e Beogradit në fillim të këtij muaji kanë filluar të marrin formë. Misioni i Bashkimit Evropian për sundimin e ligjit në Kosovë u ka propozuar autoriteteve kosovare kthimin e dy gjyqtarëve shqiptarë, dy serbë dhe dy evropianë në Gjykatën e Qarkut në Mitrovicë. Ata do të punonin sipas sistemit juridik të Kosovës.

Propozimi, sipas burimeve të “Kohës Ditore”, është produkt i konsultimeve të vazhdueshme që misioni i BE-së ka pasur me Prishtinën dhe Beogradin, për atë që EULEX-i e vlerëson si çështje emergjente - kthimin e gjyqtarëve dhe të prokurorëve vendës në veri të Mitrovicës.

Ky propozim i miratuar nga autoritetet serbe që bëjnë ligjin atje ka filluar të shihet me sy të mirë edhe nga autoritetet e Prishtinës që nuk kanë qasje në atë pjesë të vendit.

Burimet kanë thënë se gjashtë gjyqtarë do të mjaftonin për fazën e parë të rikthimit të normalitetit në gjykatë dhe fillimin e shqyrtimeve gjyqësore të disa lëndëve penale kryesisht me paraburgim.

Propozimi nga EULEX-i tashmë i është bërë kryetarit të Gjykatës së Qarkut të Mitrovicës, Kapllan Baruti, i cili që prej 20 shkurtit të vitit 2008 është zhvendosur së bashku me stafin e tij në Gjykatën Komunale në Vushtrri.

Baruti i ka thënë gazetës se propozimi për kthimin e dy gjyqtarëve shqiptarë dhe dy serbë, të cilët do të punonin me dy ndërkombëtarë i është bërë javën e kaluar nga kryetarja e gjyqtarëve të EULEX-it, Maria Giuliani Civilini.

“Javën e kaluar kemi pasur një takim me kryetaren e gjyqtarëve të EULEX-it, së bashku me kolegët e EULEX-it që janë të vendosur në pjesën veriore të Gjykatës së Qarkut edhe aty dhanë propozimin që duhet nga dy gjyqtarë, shqiptarë, serbë dhe të EULEX-it në mënyrë që të fillojnë të gjykojnë lëndët të cilat janë të identifikuara si lëndët më sensitive me paraburgim”, ka thënë Baruti, për të shtuar se numri i këtyre lëndëve është rreth 50.

“Ne si ide dhe si propozim në parim e kemi pranuar, mirëpo nuk kemi pranuar që me qenë numri i njëjtë i gjyqtarëve shqiptarë dhe serbë, por ky numër me qenë në mënyrë proporcionale me numrin e banorëve në Kosovë ose në regjionin e Gjykatës së Qarkut”, ka shtuar ai.

Ky kryetar i Gjykatës së Qarkut në Mitrovicë që më 20 shkurt ka mbushur dy vjet nga dita e dëbimit nga vendi i punës, kur atëbotë serbë të revoltuar me aktin e shpalljes së pavarësisë kishin pushtuar Gjykatën për të mos lejuar sot e asaj dite kthimin e personelit shqiptar thotë se përfaqësuesit e EULEX-it kanë dalë të pakënaqur nga takimi dhe refuzimi i pranimit të kësaj oferte.

Mirëpo, Kapllan Baruti vlerëson se edhe po ta pëlqente këtë ide nuk do të mund të vendoste, ngase kthimi i gjyqtarëve dhe prokurorëve shqiptarë në veri të Mitrovicës është çështje politike, për të cilën gjyqësori nuk mund të vendosë.
“Kemi thënë që ajo nuk është detyrë e jona dhe nuk jemi organ vendimmarrës për çështje politike. Nëse organet tona politike qofshin ato të Kosovës apo të shtyllës së drejtësisë së EULEX-it vendosin një gjë të tillë atëherë ne i zbatojmë ato vendime”, ka saktësuar Baruti.

Burime të gazetës kanë thënë se ideja e kthimit të gjyqtarëve shqiptarë dhe serbë në numër të barabartë në veri është arritur gjatë vizitës së shefit të EULEX-it, Ives de Kermabon, në Beograd me 2 dhe 3 mars. Në ato takime është arritur edhe marrëveshja që në çdo trup gjykues të marrin pjesë një shqiptar, një serb edhe një gjyqtar i EULEX-it, por jo se në bazë të cilit sistem të drejtësisë të funksionojë.

Zëdhënësja e EULEX-it, Kristiina Herodes, duke mos u përgjigjur konkretisht në pyetjet e gazetës se a është arritur marrëveshje ndërmjet autoriteteve evropiane në Kosovë dhe atyre të Beogradit, ka thënë se ekziston një nevojë emergjente që të përmirësohet rendi dhe ligji në veriun e Kosovës dhe mënyra më e mirë për ta bërë këtë është gjetja e një zgjidhje pragmatike në mes të Prishtinës dhe Beogradit.

“Diskutimet për kthimin e gjyqtarëve dhe prokurorëve kosovarë serbë dhe kosovarë shqiptarë janë duke vazhduar në mënyrë që drejtësia të ndahet nga një sistem multietnik i drejtësisë”, ka thënë Herodes.

Zëvendëskryeministri i Kosovës, Hajredin Kuçi, ka pranuar se ka informacione për propozimin e EULEX-it për kthim të gjyqtarëve në numër të barabartë, duke shtuar se janë tri kritere që duhet të respektohen për të pasur gjykata funksionale atje: e para që të jetë sistemi unik gjyqësor, e dyta që të ketë ligje të aplikueshme në terë territorin e Republikës së Kosovës në mënyrë të njëjtë dhe e treta të ketë një hierarki të emërimit të gjyqtarëve dhe prokurorëve.

Kuçi ka bërë të ditur se këto kritere për kthimin e gjyqtarëve dhe prokurorëve në veri janë vënë gjatë takimeve me shefin e EULEX-it Ives de Kermabon dhe shefin e komponentit për drejtësi, Alberto Perduca.

“Jemi duke punuar me intensitet të plotë që të bëjmë një gjë të tillë dhe gjykata duhet të jenë brenda sistemit unik, nën hierarkinë dhe ligjet e aplikueshme në Kosovë”, ka thënë numri dy i ekzekutivit.

I pyetur se a është në dijeni të arritjes së kësaj marrëveshjeje në mes të Kermabonit dhe autoriteteve serbe, Kuçi nuk është përgjigjur drejtpërdrejt.

“EULEX-i mund t’i ketë zhvilluar ato bisedime edhe natyrisht që në raport me zhvillimet rajonale dhe mospendesave, por në kuptimin e brendshëm në kuptimin juridik jemi ne që përgjigjemi, natyrisht bashkë me EULEX-in dhe bashkësinë ndërkombëtare”.

Burime të gazetës kanë bërë të ditur se misioni evropian në Kosovë ka marrë pëlqimin edhe të Këshillit Gjyqësor të Kosovës, institucion ky që menaxhon gjykatat dhe prokuroritë për kthimin e dy shqiptarëve dhe dy serbëve atje.
Gazeta ka kontaktuar të mërkurën me kryetarin e këtij këshilli, Enver Peci, por nuk ka pasur kohë të flasë për këtë çështje.

Kapllan Barutit ndonëse nuk i është thënë nga përfaqësuesit e EULEX-it në takimin e javës së shkuar se plani për kthimin e gjyqtarëve në veri ka marrë pëlqimin e Beogradit ka thënë se një gjë të tillë e ka kuptuar. “Ne mendojmë se kjo është arritur në takim me përfaqësuesit e Beogradit”.

Kryetari i Gjykatës së Qarkut të Mitrovicës madje ka përmendur se janë përmendur edhe dy emra konkretë të dy gjyqtarëve serbë të cilët do të kthehen në veri. Sipas tij Elena Krivokapiq dhe Tomislav Petroviq janë propozuar që të jenë në përbërjen prej gjashtë gjyqtarësh. Ai ka bërë të ditur se ka pasur propozim që edhe përbërjet e kolegjeve gjykuese të jenë të përbëra nga një shqiptar, një serbë dhe një evropian.

Kthimi i mundshëm i gjyqtarëve shqiptarë dhe serbë në Gjykatën e Qarkut në Mitrovicë është hapi i parë konkret në normalizimin e sistemit atje.
Që prej 20 shkurtit të 2008-s, në këtë gjykatë nuk ka pasur asnjë gjykim gjyqtarët vendës. Numër i vogël gjykimesh është bërë vetëm nga gjyqtarë të EULEX-it.
Koha.net

[Llapjani_HH]

Mashtrimi i madh me “pasoshat” e Serbisë


Bashkimi nga Prizreni dhe Besniku nga Peja (emrat e njohur për redaksinë), janë takuar në një cep të stacionit kryesor të policisë në Beograd dhe ndezin cigare dhe e shkundin në një tavllë të gjatë të metaltë.

“Nëse ma japin pasaportën dua me dalë në Francë me punu një kohë të paktën…”, thotë Bashkimi, i cili ka jetuar në Lion.

“Unë du me e provu një herë kah Sllovenia edhe pse vështirë, po nëse jo e provoj ka greku se maxhart më s’po lejojnë…”, ia kthen Besniku, i cili po ashtu di gjermanisht dhe nuk ia ka ecur mirë në Kosovë pasi është kthyer nga Frankfurti kohë më parë.

Ata të dy janë pjesë e radhëve të gjata që presin për të marrë pasaportat serbe biometrike në stacionin policor në Lermontova të Beogradit.

Para linjës së verdhë që shënjon radhën e pritjes janë shumica shqiptarë. Janë zgjuar herët për të arritur në kryeqytetin serb dhe për të kërkuar atë që u takon me ligjet e Serbisë, por odiseja e burokracisë administrative nuk fillon te linja e pritjes, por arrin deri te ajo në radhë edhe më të gjata.

Dy orë larg nga Beogradi, në qendër të Shumadisë vazhdojnë të jepen letërnjoftimet për kosovarët, shqiptarë e serbë, shkruan sot :Koha Ditore”.

Në bodrumin e ndërtesës mbrapa shkruan “Pu za Pec” ndërsa në tjetrën është zona e policisë së Kragujevcit. Radhën e bëjnë ata që kanë ardhur nga Peja, njihen, përshëndeten dhe aty kanë ardhur për të njëjtin qëllim, disi problematika e nxjerrjes së pasaportave i solidarizon shqiptarët në Serbi.

Një nga ta shpreson që do të arrijë ta dërgojë nusen e djalit me fëmijë për në Gjermani. Ai e di që nuk lejohet, por i beson faktit që ashtu i kanë thënë ata që e kanë “provuar” dhe beson në këtë ëndërr të bukur.

“Disa po thonë që kanë shku e ta provojmë”, thekson burri rreth të 60-ave që halli e ka çuar sërish në qendër të Serbisë, ku një herë ishin zhvendosur dokumentet e Kosovës që njerëzit kishin menduar se do të harrohen.

Kragujevci si qendër për Pejën, Istogun, Klinën dhe Deçanin, ka pasur mjaft kërkesa në vazhdimësi. Në fakt vendet që janë më larg kufirit, si Gjakova, Prizreni, Peja dhe rajoni i saj, paguajnë dhe heqin më shumë për të marrë dokumente.

Është një autobus që vjen nga Gorazhdevci, enklavë serbe 3-4 kilometra larg Pejës, kalon nga Mitrovica e Veriut dhe pas nëntë orësh arrin në Kragujevc.

Por, shqiptarët si fillim kanë frikë se çfarë do t’u ndodhë dhe më pas përballen edhe me burokracinë serbe dhe u rritet interesimi për të dhënë para. Tani që në qendrat e vogla nuk jepen më pasaporta procedurat kanë ndryshuar.

Kosovarët marrin taksi nga Kosova dhe u kushton 50-100 euro për të udhëtuar një herë. Ata duhet të shkojnë shembull në Kragujevc dy herë dhe të nxjerrin letërnjoftimin, ndërkohë që paraprakisht kanë paguar të nxjerrin certifikatat e lindjes dhe atë të shtetësisë, ndërsa më pas paguajnë edhe dy herë të tjera për të aplikuar dhe për ta marrë pasaportën.

Por, masat e verifikimit edhe mund të zgjasin deri në disa muaj. Pastaj kosovarët nuk mund të udhëtojnë pa viza megjithatë. Ata gjejnë njerëz dhe paguajnë goxha para për të ndryshuar adresën e vendbanimit, për ta bërë në Serbi.

“Janë njerëz që paguajnë nga 1.500 euro e deri në 4-5 mijë euro”, thotë një nga personat që kryen rolin e “mikut” që ndihmon njerëzit duke ua sqaruar procedurat. Por, ai nuk merret më këtë punë. Kështu kanë shkruar afërsisht edhe tabloidet serbe, por duke alarmuar më shumë situatën. Gjithsesi bakshishet nuk janë të vogla.

Nikola Tomiq, redaktor i gazetës “Danas”, që ka shkruar për problemin, thotë se këto dokumente kanë qenë burim i korrupsionit. “Në stacionet policore si për shembull në Nish dhe vende ku shqiptarëve u janë dhënë pasaportat, kanë punuar policë që më parë kanë jetuar në Kosovë, që e njohin mentalitetin, e dinë gjuhën shqipe dhe mënyrën e komunikimit me ata që i kanë blerë ose kanë shkuar aty”, thekson Tomiq.

Por, përveç që kosovarët paguajnë shumë para ata kanë edhe interes dhe në këtë mënyrë Serbia thotë se shqiptarët po e njohin shtetin e tyre.

Janë mbi 7 mijë kosovarë që kanë aplikuar për pasaporta, ndërkaq mbi 2 mijë që janë pajisur deri në fund të vitit të kaluar.

Por tani që udhëtimi pa viza doli i vërtetë numri është rritur dukshëm. “Shtyhemi gjithmonë dhe policja na bërtet se mos ia anulojnë ditën e punës, kur hapet dera e zyrës në të gjithë turremi”, thotë një nga personat që priste në stacionin policor.

Bashkimi Evropian ka konfirmuar se shtetasit kosovarë, edhe pse mund të pajisen me pasaporta serbe nuk do të mund të udhëtojnë pa viza. Atyre që në pasaporta u shkruan, e tashmë vlen për të gjithë nga Kosova, “qendra koordinuese”, nuk mund të presin të dëgjojnë nga policët kufitarë fjali të tipit “udhëtim të këndshëm”.

Shumica thonë se kosovarët do ta kenë të pamundur t’i marrin këto pasaporta. Ata do të detyrohen të udhëtojnë për në Beograd. Kjo bëhet ilegalisht dhe më pas deri në kryeqytetin serb udhëtohet me lidhje dhe kjo ka rritur çmimin e pasaportës.

Peng i procedurave janë sidomos kosovarët që kanë kërkuar azil në vendet perëndimore në vitet e paraluftës dhe atyre u paguhet çmimi më i lartë e sidomos qoftë edhe për të marrë dokumente të zakonshme pasi ata duan të fitojnë shtetësinë e vendit ku jetojnë, por në ambasadat e Serbisë nuk arrijnë lehtë deri te to.

“Ky është tregues se Serbia nuk ka kontroll mbi Kosovën, por edhe një tregues që Bashkimi Evropian nuk është i gatshëm të lejojë udhëtimin e kosovarëve, sepse zgjidhja më e mirë do të ishte liberalizimi i vizave për të dyja etnitetet.

Por Kosova nuk është njohur ndërkombëtarisht dhe kosovarët kanë vetëm një opsion - pasaportën e Kosovës”, thekson Dushan Janjiq, nga Forumi për Marrëdhënie Ndëretnike.

Problemi është ashtu sikurse edhe në Bosnjë, askush nuk e sheh aq atraktive një pasaportë me të cilën nuk mund të udhëtohet pa viza madje as në gjysmën e shteteve fqinje. “Gjasat që Kosova të përfitojë nga liberalizimi i vizave edhe vitin e ardhshëm janë minimale”, thotë gazetari Tomiq.

Bashkimi Evropian i ka dhënë Kosovës një numër detyrash dhe institucionet kanë premtuar se do të arrijnë t’i plotësojnë ato deri në mesin e vitit 2011.

Por, pas valës së azilantëve shqiptarë dhe romë nga jugu i Serbisë dhe Maqedonia, deklaratat shpresëdhënëse nuk janë aq të mëdha. Këto parakushte nuk ka arritur t’i plotësojë as Shqipëria.

“Ata qytetarë, që nuk kanë problem personal ose politik të marrin dokumentet e Serbisë, do ta kenë më së lehti të shkojnë në Evropë duke gjetur zgjidhje të tilla”, mendon Tomiq. Por, sa prej tyre mund të arrijnë deri te këto dokumente.

Megjithatë, “procedurat janë të tilla që sa më pak shqiptarë t’i marrin këto dokumente”, mendon ai. Kosovarët nuk kanë shpresë se pasaportat e tyre do të jenë dokument udhëtimi pa vizë. Raporti i fundit i Komisionit Evropian tregoi se ka ende shumë probleme në këtë shtet të ri, dhe hapja e dyerve për lëvizjen e lirë është ende e largët. Por dëshira për të kërkuar një punë dhe jetesë më të mirë jashtë vendit, po bën që shumë kosovarë të lënë pas adhurimin për shtetin e tyre dhe të kërkojnë një pasaportë serbe.

“Çfarë të bëjmë, tërë jetën kemi paguar për të dalë në të zezën, kjo mundësi është më e lehtë tani të paktën dhe kam punuar në Kosovë, jam munduar të merrem me biznes dhe të gjithë më kanë mbetur borxh”, thekson një nga këta persona.

Bashkimi Evropian ka kërkuar nga vendet e Ballkanit Perëndimor të jepen më shumë informata për njerëzit se liberalizimi i vizave nuk nënkupton edhe leje pune. Por, ata që janë duke shkuar as që kërkojnë leje pune dhe shpresojnë se një ditë do të gjenden në cilindo vend të zonës Schengen pa pasur nevojë të dorëzojnë një tufë dokumentesh dhe të presin në radhë para ambasadave, për t’u refuzuar në fund.
Koha.net

[Llapjani_HH]

Kosova, pa hise


Banka Botërore është përkushtuar ta zgjidhë problemin e energjisë në Kosovë. Shefi i zyrës së këtij institucioni në Kosovë, Ranjit Nayak, në një intervistë për Express, thotë se kjo do të arrihet me privatizimin e KEK`ut dhe ndërtimin e Termocentralit Kosova e Re.

Në këtë projekt, ai thotë se Qeveria e Kosovës nuk do të ketë hise. Për Autostradën Morinë – Mërdare nuk do të japin pare.

Hapësira ku do të ndërtohet termocentrali Kosova e Re dhe mihja e Sibovcit, nuk janë asete të mjaftueshme për ta bërë Qeverinë e Kosovës aksionare në këtë termocentral. Megjithëse në pakon tenderuese, e cila po diskutohet me katër kompanitë pretendente për ta fituar këtë projekt, parashihet kuota minimale e aksioneve që i takojnë Kosovës. Varet nga qeveria se çfarë do të investojë shtesë për të fituar hise.

Shefi i Zyrës së Bankës Botërore në Kosovë, Ranjit Nayak, shpjegon për Express si po zhvillohet procesi për ndërtimin e termocentralit të shumëpërfolur Kosova e Re.

Ai konfirmon përkrahjen e institucionit që udhëheq për projektet madhore të Qeverisë së Kosovës, por nuk premton se do t`i përkrahë edhe financiarisht të gjitha.

Nayak pohon se, tash për tash, sektori i energjisë është prioritet kryesor për Bankën Botërore, ndërkaq për autostradën thotë se mbetet barrë e qeverisë edhe në aspektin financiar.

Problem i Qeverisë

Tani që projekti i Termocentralit Kosova e Re ka hyrë në fazën përfundimtare, Nayak tregoi se Qeveria e Kosovës po mendon si ta përgatisë mihjen dhe termocentralin në atë mënyrë që të jetë partneritet publiko-privat.

“Kështu që qeveria është e përfshirë si aksionare në tërë aranzhim. Varet sa do të investojë për t’i rritur aksionet. Nëse qeveria fut aty para kesh apo fut termocentrale, ose e zgjeron minierën, atëherë aksionet do të rriten”, thekson Nayak.

Kjo, sipas tij, do të jetë çështje që do të negociohet mes qeverisë dhe fituesit për ndërtimin e termocentralit të ri. Ai shpjegon se në kërkesën për propozim që u është dërguar katër pretendentëve për të ndërtuar Kosovën e Re, qeveria u ka bërë me dije se sa po kërkon të ketë aksione në termocentral.

“Gjatë bisedimeve do të kenë mundësi të lëvizin këto parametra, por jo dhe shumë. Kjo do të diskutohet edhe në Parlament”, pohon Nayak.

Ndërkaq, edhe paqartësitë se çfarë do t’i takojnë pronarit të ri në këtë projekt, shefi i Bankës Botërore në Kosovë thotë se janë zgjidhur.

Pronari i termocentralit, sipas tij, ka nevojë për furnizim të sigurt me linjit dhe gjithkund në botë metoda normale është se pronari i termocentralit është edhe pronar i mihjes.

Kjo garanton se pronari i termocentralit do të prodhojë energji në nivelin e kërkuar.

Shkrimin e plotë mund ta lexoni në gazetën Express.
Gazeta expres

UNMIK-u ndan kioska vetëm për serbët, jo edhe për shqiptarët


Një qendër tregtare me 52 kioska, e ngritur në afërsi të urës kryesore mbi lumin Ibër, në anën veriore të Mitrovicës, së shpejti pritet të jetë funksionale. Në këtë qendër tregtare shqiptarët të cilët banojnë në pjesën veriore kanë kërkuar hise, por kjo nuk është marrë parasysh nga zyrtarë të UNMIK-ut që ende administrojnë me atë pjesë të qytetit.

Bëhet e ditur se një komision i formuar nga UNMIK-u ka punuar në ndarjen e këtyre kioskave dhe kjo pritet të bëhet publike së shpejti.

Në anën tjetër, përfaqësuesit e shqiptarëve të veriut, që marrin pjesë në takime me zyrtarë të UNMIK-ut në veri, thonë se kërkesat e tyre që 20 për qind e atyre kioskave t‘iu takojnë shqiptarëve nuk është duke u marrë parasysh .

Shefki Imeri, përfaqësues i banorëve shqiptarë të Suhadollit, thotë se në këto takime kanë kërkuar që një pjesë e atyre kioskave t’iu jepen shqiptarëve, por përgjigja e UNMIK-ut ka qenë negative.

“Zyrtaret e UNMIK-ut në vend që të krijojnë një qendër tregtare shumetnike, e cila do t’i kontribuonte relaksimit të raporteve ndëretnike, veprojnë ndryshe, duke i ndarë vetëm për serbët”.

Sipas tij, zyrtarët e UNMIK-ut kanë thënë se ato kioska do të jepen vetëm për pjesëtarët e komunitetit serb, ku përparësi do të kenë shitësit që janë duke i shfrytëzuar disa kioska të vendosura në trotuare dhe rrugë tek qendra e qytetit në veri.

Me gjithë përpjekjet, KD nuk ka mund të marrë asnjë deklaratë të zyrtarëve të UNMIK-ut lidhur me këtë çështje, ndërsa një zyrtar serb në administratën e UNMIK-ut, Jovica Milkoviq, i cituar nga Radio Kontakt Plusi, ka thënë se një komision i UNMIK-ut do të bëjë ndarjen e këtyre kioskave me së largu deri në fund të këtij muaji.

“Sidoqoftë pronarët e lokaleve që i kanë ngritur pa leje në qytet, do të kenë përparësi me të tjerët që konkurrojnë”, ka thënë Milkoviq. Sipas tij, qëllimi i këtij projekti është pastrimi i qytetit nga shumë objekte të ngritura pa leje , veçmas në dy anët e rrugës kryesore në veri të qytetit.

Përfaqësuesit shqiptarë këtë lloj politike e quajnë të njëanshme dhe diskriminuese nga ana e UNMIK-ut.

Pas përfundimit të projektit, parashihet që menaxhimi i kësaj qendre t’i jepet ndërmarrjes shërbyese “Standard” e cila do të marrë edhe një qira simbolike nga shfrytëzuesit e kioskave prej 20-40 euro në muaj.

Financimi i këtij projekti është bërë nga Komisioni Evropian, kanë thënë më herët zyrtarët e UNMIK-ut.
Koha.net

[Llapjani_HH]

Sfidohet marketi që nuk shet produkte nga Serbia


Gati dy vjet pasi vendosi të mos shesë asnjë produkt të prodhuar në Serbi, “Plus marketi” i Ferizajt po kalon këto ditë sfidën e parë serioze, që po ia dëmton afarizmin.

Që nga fillimi i kësaj jave, ka mbetur pa pijën “Coca Cola”, pasi distributori i ka ofruar vetëm kontigjente të prodhuara në Zemun, qytet ky shumë afër kryeqytetit të Serbisë, Beogradit.

Pronari i “Plus Market”-it në Ferizaj, Sylejman Neziri, thotë të ketë qenë nervoz gjatë tërë javës, pasi nuk e ka të qartë përse oferta e distributorit të “Coca Cola”-s është kaq e ngushtë, kur dihet se “Coca Cola” prodhohet e mbushet edhe në Tiranë, Shkup e Gjilan, raporton KosovaLive.

“Më kanë thënë përmes telefonit, që ta marrë këtë produkt, ose të mbetem pa të. Por pavarësisht humbjeve, nuk i marr produktet e prodhuara në Serbi, me asnjë çmim”, është këmbëngulës Neziri.

Pronari i marketit, Sylejman Neziri, i kishte hyrë para gati dy vitesh një aventure ekonomike dhe ndër të rrallët në vend, kishte provuar që t’i joshte konsumatorët me produkte kryesisht kosovare.

Këtë hap thotë ta ketë ndërmarrë, i bindur se kështu mund të ndihmohen bizneset vendore, por edhe i indinjuar nga politkat diskriminuese të Serbisë ndaj Kosovës, sidomos pas bllokadave të shtetit serb për eksportet kosovare.
Nisma, sipas pronarit, po dilte me sukses, pasi qarkullimi ishte rritur dukshëm, kur papritur i doli vështirësia me pijën “Coca Cola”.

Nga ana tjetër menaxhmenti i distributorit për Kosovë “Coca Cola Hellenic”, pohon se furnizimi i tregut, bëhet sipas çmimeve më të favorshme, në mënyrë që të ruhet përballueshmëria në treg për konsumatorët.

Ndërsa pronari i “Plus marketit” të Ferizajt, thotë se i kupton ligjet e tregut, por se në marketin e tij edhe më tej nuk do të ketë produkte nga Serbia, pa marrë parasysh se për një kohë edhe mund të ketë dëme.
Koha.net

Sholeviq kthehet në vendin e krimit, organet tona heshtin


Ditë më parë në Çagllavicë u prezantua iniciativa për themelimin e një subjekti të ri politik të serbëve të Kosovës, me emrin “Lëvizja për Kosovën dhe Metohinë” dhe koordinator i kësaj nisme ishte Miroslav Sholeviq, i cili në Kosovë njihet si njëri prej eksponentëve kryesorë kundër çdo gjëje shqiptare.

Sholeviq njihet si organizator i tubimeve dhe mitingjeve të serbëve të njohura si “Jogurt revolucioni”, nëpërmjet të të cilave, në fund të viteve ’80, nxiste nacional-shovinizmin serb në format më ekstreme antishqiptare.

Kështu nis letra e hapur, drejtuar MPB-së dhe institucioneve përkatëse të sigurisë në Kosovë, e Shaban Kelmendit dhe Shahin Idrizit në emër të Këshillit të Familjarëve të 168 të vrarëve dhe të zhdukurve të Fushë-Kosovës.

Mitingjet e tilla patën ngritur dhe trimëruar Slobodan Milosheviqin për aplikimin e masave të dhunshme në Kosovë, për shuarjen e autonomisë së Kosovës dhe së fundi për zhvillimin e luftës në Kosovë gjatë viteve 1998 dhe 1999.

Për ne qytetarët, banorë të vjetër të Fushë-Kosovës, veprimtaria antishqiptare e Miroslav Sholeviqit (ish-banor i Fushë- Kosovës) dhe bashkëmendimtarëve të tij nuk mund të harrohet. Ne mbajmë mend të gjitha të bëmat e Sholeviqit dhe bashkëmendimtarëve e përkrahësve të tij, si Dushan Tomasheviq, Sreten Martinoviq, Mitar Baleviq, Kosta Bulatoviq, Bogdan Kecman, Boshko Budimiroviq, etj.

Mbajmë shumë mirë mend urrejtjen e tyre ndaj shqiptarëve, kërkesat për t’i përzënë shqiptarët përtej Bjeshkëve të Nemuna, kërkesat për t’iu dhënë armë serbëve shteti serb për të luftuar kundër shqiptarëve, mbajmë mend sa e sa provokime e inskenime që këta i bënin për të pasur pastaj si pretekst ushtrimin e dhunës shtetërore ndaj shqiptarëve.

Ne fushëkosovaret e dimë rolin që pati Sholeviq në tubimin maratonë të 24 prillit të vitit 1987 në Fushë-Kosovë ku ishte edhe Slobodan Milosheviq.

Këtë e dinë edhe ish-pjesëtarë të milicisë, sot udhëheqës të lartë të Policisë së Kosovës, që asokohe ishin përgjegjës për sigurimin e atij tubimi.

Provokimi i incidentit me policinë e atëhershme që e bëri Sholeviq “i dha shkas Milosheviqit” për atë thënien famoze “juve askush nuk guxon t’ju rrahë” që ishte një mesazh i hapur për t’i trimëruar fqinjët tanë serbë në veprimtarinë e tyre antishqiptare.

Dihet se nxitja e çfarëdo urrejtjeje ndëretnike, fetare, racore e të ngjashme, është krim i dënuar me të gjitha ligjet pozitive në tërë botën. Kështu do të duhej të ishte edhe në Kosovë, por kjo duket se kur është fjala për serbët nuk vlen.

Miroslav Sholeviq me rikthimin e tij në skenën politike të Kosovës, kthehet në vendin e krimit dhe organet tona heshtin!

A thua nuk po e ditkan faktorët vendorë dhe ata ndërkombëtarë që veprojnë në Kosovë, se rikthimi i Sholeviqit në skenën politike të Kosovës, është kthim në vendin e krimit?!

Asnjë popull, asnjë shtet demokratik në botë nuk do të lejonte lëvizjen e lirshme të asnjë personi si Sholeviq në atë vend ku janë vrarë, janë masakruar, janë djegur gra, fëmijë e pleq.

Çka mund të themi ne pjesëtarët e familjeve me zemra të zhuritura, ne familjarët e 168 të vrarëve, të masakruarve dhe të zhdukurve të Komunës së Fushë-Kosovës gjatë luftës vetëm se ishin shqiptarë? Ata ishin të moshave të ndryshme: fëmijë, gra e pleq.

Çka mund të themi ne që jemi dëshmitarë të shumë tmerreve në Fushë-Kosovë, ku pos vrasjeve e masakrimeve, u dogjën 90 % e shtëpive të shqiptarëve, shumica nga komshinjtë serbë, të inspiruar nga veprimtaria antishqiptare e Sholeviqit dhe bashkëmendimtarëve të tij?

Për ne familjarët e këtyre 168 personave të vrarë, të masakruar dhe të zhdukur, vetëm përmendja e emrave si Sholeviq na e ngrin gjakun, e lëre më lëvizja e lirë dhe vazhdimi i serishëm i veprimtarisë së tyre antishqiptare dhe antikosovare.

Ne ende jemi me zemra të zhuritura për të dashurit tanë, disa prej të cilëve nuk iu kanë gjetur as eshtrat. Dhe, ne nuk mund të bindemi asnjëherë se Sholeviq me bashkëmendimtarët e vet nuk do të vazhdojnë serish veprimtarinë antishqiptare dhe antikosovare lirshëm dhe të papenguar nga askush.

Prandaj, kemi të drejtë të pyesim:

Ku janë organet e hetuesisë?
Ku janë prokurorët?
Ku është Shërbimi i Inteligjencies Kosovare?

Pse nuk burgoset Sholeviq për të cilin ka fakte e argumente të mjaftueshme për veprimtarinë e tij kriminale? Sa e sa herë Sholeviq ka dëshmuar, si shumë bashkëmendimtarë të tij, se ata pretendojnë të jetojnë në një Kosovë brenda shtetit të Serbisë, në një Kosovë të shqiptarëve, por pa shqiptarët, ose me shqiptarët e nënshtruar.

Dhe fare në fund, në emër të familjarëve të 168 të vrarëve, të masakruarve dhe të zhdukurve të Komunës së Fushë-Kosovës ju bëjmë apel juve dhe gjithë forcave progresive në Kosovë ta ngrenë zërin ndaj veprimeve të këtilla, ndërsa nga organet përgjegjëse kërkojmë të marrin masat adekuate dhe të gjithë ata që kanë shkaktuar gjithë këto tmerre në Kosovë të dalin para drejtësisë.
Koha.net

[Llapjani_HH]

Një person plagoset nga krismat në një banesë në ‘Mavrovasja’


Krisma arme në një banesë në qendrën tregtare ‘Mavrovasja’. Nga ministria e Brendshme njoftojnë për një 38 vjeçar të plagosur, por pa dhënë asnjë detaj tjetër mbi këtë ngjarje që ndodhi rreth orës 15,00 në hyrje të ndërtesës pranë parkingut të qendrës tregtare ‘Mavrovasja’.

I plagosuri shumë shpejt është dërguar me ambulancë drejt qendrës urgjente në klinikën universitare. Nga policia thonë se personi është plagosur në këmbën e majtë por nuk jepet asnjë e dhënë mbi ngjarjen si dhe për identitetin e personit të plagosur.

Policia është ende në vendin e ngjarjes. Pamjet që shikoni janë bërë pak çaste pasi u dëgjuan të shtënat, dhe në to, shihet një numër i madh policësh, të armatosur rëndë.


ALSAT M

MPB nuk jep detaje për incidentin e djeshëm


Banesa në ndërtesën ku ndodhi incidenti i djeshëm, ku mbeti i plagosur një shtetas i Kosovës, siç mëson Alsat-M, është shfrytëzuar nga sigurimi shtetëror për biseda informative.

MPB nuk dëshiron të flas dhe nuk jep detaje për incidentin. Thonë se personi që ka plagosur 39 vjeçarin kosovar, është në arrati ndërsa ky i fundit nuk pranon të bashkëpunoj me policinë.

Sigurimi shtetëror nuk ka në pronsi banesa private ka deklaruar zëdhënësi I MPB-së Ivo kotevski. Indikative është edhe fakti se rasti i djeshëm në afërsi të Q.T Mavrovskja nuk figuron as në buletinin ditor të MPB.

Burime brenda kësaj ministria për Alsat-M thonë se sigurimi shtetëror nuk u ka lejuar qasje në vendin e ngjarjes pjesëtarëve të policisë së rregulltë.

Madje vetëm pak ka munguar që të vijë deri tek konfronti mi midis pjestarëve të sigurimit shtetëror dhe pjestarëve të poilicisë që kanë ardhur në vend të ngjarjes.

Me hetimet e këtij rasti meret Drejtorija e zbulimit dhe kundërzbulimit, e jo krim policija që zakonishte kryen hetimet për raste të këtilla.

Incidenti i djeshëm ndodhi në pikë të ditës në ora 14 në një banesë në rrugën Stiv Naumov nr 2 afër Qendrës Tregëtare Mavrovasja, ndërsa shumë qytetarë ishin dëshmitarë se si nxirret i plagosuri i mbuluar me çarshav.
ALSAT M

EULEX zgjedh gjyqtarët paralelë


Tensione në takimin KGJK‘së dhe Bernard Rabatel, shef i shtyllës së drejtësisë në EULEX. Rabatel propozon që në Gjykatën dhe Prokurorinë në veri të Mitrovicës të emërohen edhe Jelena Krivokatiq dhe Tomisllav Petroviq, të emëruar nga Serbia. Ai nuk po gjen gjyqtarë e prokurorë nga sistemi i drejtësisë së Prishtinës. KGJK-ja nuk pranon

Situatë shumë e tensionuar ndërmjet Këshillit Gjyqësor të Kosovës (KGJK) dhe shefit të shtyllës së drejtësisë në EULEX, Bernard Rabatel.
Në mbledhjen e së mërkurës të KGJK-së, për situatën e sistemit të drejtësisë në veri të vendit, ka raportuar shefi i shtyllës së drejtësisë në EULEX.

Pasi është konstatuar se situata atje vazhdon të mbetet e rëndë, Bernard Rabatel ka dhënë një propozim skandaloz, ndaj të cilit kanë reaguar njëzëri të gjithë anëtarët e KGJK-së.

Burime shumë të sigurta të Expressit nga takimi sqarojnë se situata ndërmjet anëtarëve të KGJK-së dhe Bernard Rabatel është tensionuar, pasi zyrtari i EULEX-it ka paraqitur një plan.

Propozimi i tij për kthimin e katër gjyqtarëve dhe dy prokurorëve serbë e shqiptarë në Gjykatën dhe Prokurorinë në veri të Mitrovicës, në fillim është mirëpritur.

Por, kur ai ka shpjeguar se nga komuniteti serb, gjyqtarë e prokurorë do të ishin ata të njëjtit që janë emëruar nga Serbia, atëherë situata është tensionuar.

Një ide dhe plan i tillë ka qenë absolutisht i papranueshëm për kryesuesin dhe anëtarët e KGJK-së, të cilët e kanë kundërshtuar ashpër.

“E para ka reaguar anëtarja e KGJK-së, Lirie Osmani, pastaj të gjithë, duke e quajtur absolutisht të papranueshme këtë ide”, thotë burimi i gazetës për Express.

Në këtë rast, arsyetimi i zyrtarit të EULEX-it, Bernard Rabatel, ka qenë se nuk është duke mundur të gjejë gjyqtarë dhe prokurorë serbë që punojnë në sistemin e drejtësisë së Kosovës.

“Edhe në këtë pikë, anëtarët e KGJK-së i thanë se të tillë ka mjaft dhe nuk ka nevojë të merren ata që janë emëruar nga Serbia”, thotë burimi i besueshëm i gazetës.

Propozimi i zyrtarit të EULEX-it, Bernard Rabatel, ka qenë që si gjyqtarë të emërohen Jelena Krivokatiq dhe Tomisllav Petroviq, të dy të emëruar edhe nga Serbia.

Por, ky zyrtar shpjegon se në fund nuk është arritur asnjë pajtim ndërmjet KGJK-së dhe zyrtarit të EULEX-it, duke bërë që kjo çështje tash për tash të mbetet pezull.

Gazeta është munduar të kontaktojë edhe Enver Pecin, kryesuesin e KGJK-së, por kjo ishte e pamundur, ndërkohë që raportimet e zyrtarit të EULEX-it në këtë institucion bëhen vazhdimisht, por pa ndonjë orar të caktuar.

Pas takimit, përmes një komunikate për media, KGJK-ja në mënyrë të përgjithshme njofton se Bernard Rabatel informoi anëtarët e Këshillit se diskutimet për të kthyer gjyqtarët dhe prokurorët shqiptarë dhe serbë të Kosovës janë duke vazhduar, pasi ekziston një nevojë urgjente për të përmirësuar situatën e sundimit të ligjit në veri të vendit.

“Është e drejtë themelore e çdo qytetari që të ketë qasje në drejtësi. EULEX-i mendon se mënyra më e mirë për të shkuar përpara është të gjendet zgjidhje pragmatike në koordinim me Prishtinën dhe Beogradin”, citon komunikata të ketë deklaruar Bernard Rabatel.

Duke cituar fjalët e zyrtarëve të KGJK-së, komunikata sqaron se pas shqyrtimit të raportit, ata konsiderojnë se gjendja në gjykatat e Mitrovicës është tejet e vështirë dhe se pajtohen me raportin e EULEX-it sa i përket kthimit të gjyqtarëve vendorë në gjykatat e Mitrovicës.

“Mirëpo, Këshilli nuk është i pajtimit që gjyqtarët, të cilët janë emëruar në sistemin gjyqësor të Serbisë, të njëjtit të kyçen në sistemin gjyqësor të Kosovës”, thuhet në këtë njoftim zyrtar, pa dhënë detaje lidhur me propozimin e Bernard Rabatel, e të papranueshëm nga KGJK-ja
Gazeta expres

[Llapjani_HH]

“Jo” gjyqtarëve serbë në veri


Përfaqësues të EULEX-it thonë se do të shqyrtojnë çdo opsion, që mundëson rifunksionalizimin e gjykatave në veri të Kosovës. Ideja për rikthimin e disa gjyqtarëve serbë të emëruar nga Serbia, u hodh poshtë nga Këshilli Gjyqësor i Kosovës.

Këshilli Gjyqësor i Kosovës nuk do ta miratojë kthimin e gjyqtarëve e prokurorëve serbë në gjykatat në veri të Kosovës, po qe se ata janë të mandatuar tashmë nga institucionet e shtetit serb, thonë përfaqësues të këtij këshilli.

Kryetari i Këshillit Gjyqësor të Kosovës, Enver Peci, thotë për Radion Evropa e Lirë se me kthimin e gjykatësve serbë, të emëruar kohë më parë nga Beogradi zyrtar, do të shkelej Kushtetuta e Kosovës - gjë që, siç thotë ai, është e papranueshme.

“Jemi (për atë) që në këtë institucion të përfshihen edhe gjyqtarët e nacionalitetit serb. Absolutisht nuk jemi kundër, mirëpo ata gjyqtarë, të cilët janë në sistemin gjyqësor të Kosovës dhe jo në sistemin gjyqësor të Serbisë, ngase me këtë rast shkelet edhe Kushtetuta e Kosovës”, deklaron kryetari Enver Peci.

Deklarata e kreut të Këshillit Gjyqësor të Kosovës pason paraqitjen e idesë që përveç dy gjyqtarëve shqiptarë, në Gjykatën e Qarkut në veri të Mitrovicës të kthehen dhe dy gjyqtarë serbë të emëruar nga Qeveria e Serbisë.

Kjo mundësi u diskutua në takimin e së mërkurës, të zhvilluar ndërmjet zyrtarëve të misionit të Bashkimit Evropian për sundimin e ligjit dhe atyre të Këshillit Gjyqësor, por pa u përmendur ndonjë emër konkret.

Zëdhënësja e EULEX-it, Karin Limdal, e cilëson si urgjent rikthimin e gjykatësve e prokurorëve vendorë në institucionet gjyqësore në veri të Kosovës.

Ajo thotë se për të arritur këtë qëllim, nevojitet fleksibiliteti dhe pragmatizmi i të gjitha palëve të përfshira në këtë çështje.

“Të gjitha opsionet janë në tryezë dhe urgjentisht duhet të gjejmë një zgjidhje. Për ta bërë këtë duhet të jesh fleksibil dhe pragmatik. Ne nuk jemi ngujuar në asnjë zgjidhje, por jemi duke biseduar me të gjitha palët e përfshira duke u përpjekur që të gjendet një zgjidhje për rikthyer funksionimin e plotë të Gjykatës së Qarkut në veri të Mitrovicës”.

“Kjo është më e rëndësishmja për ne - nuk është një çështje politike”, thotë Limdal, duke theksuar vendosmërinë e EULEX-it që përmes bisedimeve të vazhdueshme me Prishtinën dhe Beogradin të zgjidhet kjo çështje.

Mirëpo, Enver Peci shpreh bindjen sa ka alternativa të tjera, përveç asaj që është paraqitur nga ana e EULEX-it.

Ai bën të ditur se Sekretariati i Këshillit Gjyqësor të Kosovës ka identifikuar tashmë 10 gjyqtarë e prokurorë serbë, të cilët i plotësojnë kushtet dhe janë kandidatë potencialë për t’u kthyer në Gjykatën e Qarkut në veri të Mitrovicës.

“Ne e kemi treguar fleksibilitetin tonë, sepse në kuadër të sistemit gjyqësor të Kosovës, kemi identifikuar disa gjyqtarë e prokurorë të nacionalitetit serb që kanë ende statusin, i cili u mundëson të inkuadrohen në sistemin tonë”.

“Kjo do të thotë se ata janë të emëruar nga përfaqësuesi special, nuk kanë kaluar në detyrë tjetër, apo në emërim, prej Kuvendit të Serbisë. Kështu që kemi solucione dhe ata, sa na përket neve, lirshëm mund të kthehen dhe të punojnë së bashku me kolegët e tyre shqiptarë”, shprehet Enver Peci.

Gjykatat në veri të Kosovës ishin bllokuar disa ditë pas shpalljes së pavarësisë së Kosovës, si pasojë e protestave të dhunshme të serbëve lokalë.

Ato u rifunksionalizuan pjesshëm me praninë e një pjesë të gjyqtarëve e prokurorëve evropianë në mars të vitit të shkuar.

Qeveria e Serbisë, në fillim të muajit janar, kishte emëruar disa gjykatës e prokurorë serbë në gjykatën në veri të Mitrovicës, vendim ky që nga Prishtina zyrtare ishte cilësuar si ndërhyrje në punët e brendshme të Republikës së Kosovës.
Radio Evropa e Lirë
Në Zallç të Istogut sërish u protestua

http://www.koha.net/repository/images/01zallc24.jpg


Istog, 1 prillë - Nën mbikëqyrje të forcave të mëdha policore dhe të KFOR-it, të enjten kanë protestuar rreth 100 banorë të Zallçit të Istogut, me kërkesën që të largohen, siç u shprehen ata, kriminelët serbë, të cilët janë vendosur para disa ditësh në tende për të jetuar në këtë fshat.

Protestuesit, që mbanin pankarta me përmbajtje të ndryshme dhe duke brohoritur ”Jo planit të Serbisë”, “ Kriminelët prapa grilave të burgut”, “ Pa zbardhjen e fatit të të zhdukurve nuk do të ketë kthim”, “Ata që nuk janë kriminelë bën të kthehen “, e të tjera si këto, kanë marshuar nga qendra e Zallçit deri te pikat e strehimit të disa kryefamiljarëve serbë, të zhvendosur pas luftës.

Gjatë protestës para një tende është dukur edhe ministri për Komunitete dhe Kthim, Sasha Rashiq, por me të vërejtur kamerat është futur brenda dhe më nuk është parë më.

Ndërkaq, në afërsi të disa tendave, ku ishin të vendosur serbët e kthyer, masës së tubuar iu ka drejtuar Sabri Kelmendi, i cili, pasi lexoi një listë me emra të të vrarëve dhe të zhdukurve të këtij lokaliteti, ka porositur ata që kanë duart e lyera me gjak të largohen sa më parë, ndërsa ata që nuk kanë bërë krime mund të vazhdojnë të jetojnë pa frikë.

“Nuk kanë vend ata që na kanë vrarë të jetojnë këtu, bashkë me ne”, ka theksuar ai.

Sipas tij nga BL e Zallçit janë vrarë 26 civilë shqiptarë, ndërsa 6 të tjerë konsiderohen të zhdukur. Për krime të tilla Kelmendi ka pohuar se ka dhënë deklarata në polici dhe ka ngritur padi ndaj disa serbë të dyshuar për krime kundër shqiptarëve.

Naser Rraci ka kërkuar nga organet e rendit dhe të drejtësisë që të merren
seriozisht me kërkesat e tyre, në të kundërtën “do t’i radikalozojmë protestat
dhe do të marrim forma të tjera veprimi për largimin e tyre.

Të gjithë ata që kanë kryer krime e kanë vendin në burg dhe jo të jetojnë me ne” , është shprehur ai, duke akuzuar edhe kryeministrin Thaçi për lejimin e kriminelëve serbë në këtë fshat.

Protestuesve iu ka drejtuar edhe plaku Imer Berisha, i cili ka përkujtuar torturat dhe vrasjet që kanë bërë forcat serbe ndaj civilëve shqiptarë.

Protestuesit po ashtu kanë apostrofuar se të implikuar në krimet kundër shqiptarëve S. S., M. S., S. D., G. M. dhe R.S. nga kjo anë, ndaj të cilëve, siç u tha, janë ngritur edhe padi.

Protesta ka përfunduar e qetë dhe pa ndonjë eksces.
Koha.net

[Llapjani_HH]

EULEX-i bën politikë në gjyqësinë e Kosovës


Njëri nga dy gjyqtarët serbë të propozuar nga EULEX-i për t’u kthyer në Gjykatën e Qarkut në Mitrovicë, Tomislav Petroviq, thotë se ka marrë garanci nga shefi i komponentit të misionit evropian në Kosovë, Alberto Perduca, se do të paguhet edhe nga Qeveria e Kosovës, edhe nga ajo e Serbisë, nëse pranon ofertën për t’u kthyer.

Në një bisedë për “Kohën Ditore”, Tomislav Petroviq, i cili prej janarit të këtij viti ka kaluar në sistemin e drejtësisë së Serbisë të instaluar në Kosovë, ka rrëfyer takimin që ka pasur para dhjetë ditësh me Perducen në selinë e EULEX-it në Prishtinë.

Gjyqtari Petroviq ka treguar se krejt çka ka dashur ky zyrtar i EULEX-it është dhënia e pëlqimit nga ai dhe Jelena Krivokapiq për të punuar në Gjykatën e Qarkut në Mitrovicë.

“Para dhjetë ditësh na ka kontaktuar Alberto Perduca, shefi i komponentit të EULEX-it për drejtësi...më gjerësisht në numrin e sotëm të Kohës Ditore.
Koha.net

[Llapjani_HH]

Veriu i pushtuar nga shërbimi sekret serb!


Kosova vazhdon të jetë e mbërthyer nga veprimtaria e dhjetëra agjencive të inteligjencës të vendeve të huaja, si nga ato të vendeve mike, por edhe të atyre jo mike, e deri te armiqësore siç është Serbia.

Më shumë se 30 për qind e territorit vazhdon të mos kontrollohet nga institucionet shtetërore, por ato të Serbisë, të cilat sipas ekspertëve të sigurisë kontrollohen nga shërbimi sekret serb, BIA.

Në ndërkohë, Agjencia e Kosovës për Inteligjencë (AKI), edhe pse është agjencia e vetme e Kosovës, e cila bën ruajtjen e sigurisë në vend, mund të thuhet se ajo është jashtë funksionimit të saj, akoma edhe tani kur ka më shumë se një vit të formimit të këtij agjencioni, madje ky agjencion nuk është kompletuar as me stafin e tij punues, edhe pse Komisionit për Mbikëqyrjen e Agjencionit Kosovar të Inteligjencës i Kuvendit të Kosovës, deklaron se kanë konkurruar një numër i madh i kandidatëve për të qenë pjesë e stafit të punës së këtij agjencioni.

(Tekstin e plotë mund ta lexoni në numrin e nesërm të gazetës, “Bota sot”)
Bota Sot

[Llapjani_HH]

Abuzimet me tenderë, lajm bajat


Një hulumtim i “Balkan Insight”-it flet për përfitimet e miqve dhe të afërmve të ministrit Fatmir Limaj nga ndërtimi i rrugëve.

Në Ministrinë e Limajt nuk kanë folur për të. Për shoqërinë civile dhe për deputetët opozitarë informacionet për abuzime me tenderë më nuk përbëjnë lajm.

Ata apelojnë tek organet e ndjekjes që të vihen në aksion.

Gjerësisht në Kohën Ditore të së shtunës.
Koha.net

Kryedoganieri i Kosovës ndërton shtëpi pa leje në Veternik


Trendit të ndërtimeve të paligjshme të zyrtarëve të lartë të shtetit i është bashkuar edhe drejtori i Doganave të Kosovës, Naim Huruglica.

Edhe ai, si kryeministri Hashim Thaçi e zëvendësi i tij, Ramë Manaj, ka preferuar që të jetojë në qetësi larg zhurmës së qytetit. Huruglica ka ndërtuar shtëpi pa leje në Veternik, lagje kjo e paurbanizuar, për të cilin Komuna ende nuk e ka përfunduar planin rregullues.

Huruglicës sikurse Thaçit e Manajt nuk iu ka pritur derisa Komuna ta finalizojë planin për Prishtinën e re.

Për dallim prej kryeministrit, i cili ia ka dalë t'ia sigurojë vetes një leje në Komunë, ndonëse nuk ka plan rregullues, shtëpitë e Manajt e Huruglicës mbesin "ilegale".

Mirëpo kryedoganieri ka thënë se kërkesën për leje e ka bërë në të njëjtën kohë kur edhe ka filluar ndërtimin e shtëpisë, porse ka marrë përgjigje negative nga Komuna.

Më gjerësisht për këtë temë mund të lexoni në numrin e sotëm të Kohës Ditore.
Koha.net

[Oqeani]

Kryedoganieri i Kosovës ndërton shtëpi pa leje në Veternik

Sikurse ky qe i leshon kamionat pa taksa, edhe dikush ia leshon kamionat me mall !! Kush ia ndale keti ndertimin, e edeh me pake lejen, a pake letra a !!!!

[Guri i madh]

Kryedoganieri i Kosovës ndërton shtëpi pa leje në Veternik

Sikurse ky qe i leshon kamionat pa taksa, edhe dikush ia leshon kamionat me mall !! Kush ia ndale keti ndertimin, e edeh me pake lejen, a pake letra a !!!! http://img202.imageshack.us/img202/1395/10huruglica47674496.jpg
po thojn qe nuk esht zon e legalizume per ndertim

[Oqeani]

Po a - E per mometnin ato bagerat per shkaterrim a ishin prishe a !!!!

[Guri i madh]

Po a - E per mometnin ato bagerat per shkaterrim a ishin prishe a !!!!



gati krejt hyqmeti po ndertojn shpia ne Veternik lexoe shkrimin e Kohes Ditore


http://www.kohaditore.com/repository/images/10-huruglica-4.jpg



Prishtinë, 10 prill – Trendit të ndërtimeve të paligjshme të zyrtarëve të lartë të shtetit i është bashkuar edhe drejtori i Doganave të Kosovës, Naim Huruglica. Edhe ai, si kryeministri Hashim Thaçi e zëvendësi i tij, Ramë Manaj, ka preferuar që të jetojë në qetësi larg zhurmës së qytetit. Huruglica ka ndërtuar shtëpi pa leje në Veternik, lagje kjo e paurbanizuar, për të cilin Komuna ende nuk e ka përfunduar planin rregullues.
Huruglicës sikurse Thaçit e Manajt nuk iu ka pritur derisa Komuna ta finalizojë planin për Prishtinën e re. Për dallim prej kryeministrit, i cili ia ka dalë t'ia sigurojë vetes një leje në Komunë, ndonëse nuk ka plan rregullues, shtëpitë e Manajt e Huruglicës mbesin "ilegale".
Mirëpo kryedoganieri ka thënë se kërkesën për leje e ka bërë në të njëjtën kohë kur edhe ka filluar ndërtimin e shtëpisë, porse ka marrë përgjigje negative nga Komuna. Më gjerësisht për këtë temë mund të lexoni në numrin e sotëm të Kohës Ditore.

[premium]

http://www.kohaditore.com/repository/images/10-huruglica-4.jpg



.. Haj mashallah shpija e mire po duket , vetëm ende nuk paska kryer deri ne fund , runden e dytë me dyert e dritare dot vazhdon pasi sakaton personat me ryshfeta.
Taksirati i atyre kush qellon te paguaj dyert e dritaret e kryedoganerit.

[Oqeani]

Banorëve nga Lugina i kërkohet viza për të hyrë në Shqipëri


(presheva.com) - Disa studentë nga Lugina e Preshevës që studiojnë në Shqipëri, në pikën kufitare Qafë Thanë nuk iu është lejuar hyrja në shtetin shqiptarë edhe pse janë student. Sic ka mësuar presheva.com, Arben Dalipi, duke u kthyer me datë 5 prill nga pushimet në vendlindje, atij nuk iu është lejuar hyrja në Shqipëri. Sipas tij dhe sa ka arritur të informohet, që nga data 5 prill, përvec kohës sezonale verore e cila fillon nga muaji maj, kur nuk kërkohen viza për shtetasit e Serbisë, të gjithë shtetasve të Serbisë, duke përfshirë edhe shqiptarët, duhet të pajisen me viza në Ambasadën e Shqipërisë në Beograd.
Redaksia jonë kontaktoi Ambasadën e Shqipërisë në Beograd, duke na konfirmuar lajmin se banorëve nga Serbia, gjegjësisht edhe Shqiptarëve po u kërkohet viza, dhe së shpejti kjo do të rregullohet me ligj nga Republika e Shqipërisë.

Që nga viti 1992, banorët e Luginës së Preshevës kanë mundur të udhëtojnë pa viza në Republikën e Shqipërisë edhe jashtë sezonit turistik veror.
Ditë më parë, në Forumin e presheva.com, është hapur edhe temë nga një student i cili ka pasë të njejtin problem.

[Oqeani]

Pse mos tekendojme - Oj Shqipëri oj "nëna" ime !!!
Pse mos ta quajme Ilir-in )- ILIRIUM !
Veretete u angazhua per studentet tanë !!!
- Ia paskan ngre zylyfat ne Beograd !

[Llapjani_HH]

Xhevat Bislimi i pakënaqur, dorëhiqet nga nënkryetari i Komunës së Vitisë


Në një letër elektronike, drejtuar medieve dhe kryetarit të Komunës së Vitisë, nënkryetar i kësaj Komune, Xhevat Bislimi shkruan se jep dorëheqje nga pozita e nënkryetarit të Komunës me arsyetim se “ndaj dhe mbi Komunën e Vitisë është organizuar dhe zbatuar një presion, shantazh dhe dhunë politike sistematike.

Pjesë e kësaj orkestre ka qenë dhe është Gjykata (drejtësia), EULEX-UNMIK-u dhe segmente të caktuara të institucioneve qendrore”.

Në vijim ai vlerëson se në komunën e Vitisë dhe përgjithësisht në Kosovë krimi i organizuar është më i fuqishëm se sa organet komunale dhe se shteti.

“Mungon pothuajse plotësisht vullneti politik i klasës politike dhe institucionale për ta luftuar krimin e organizuar dhe korrupsionin. Ka munguar dhe po mungon vullneti politik për reformimin e drejtësisë, e cila vazhdon të jetë mbi Kosovën dhe mbi interesat e saj.

Ajo vazhdon të jetë e kontrolluar nga EULEX-UNMIK-u dhe shërbime e misione tjera anti Kosovë”, shkruan Bislimi në arsyetim për dorëheqjen e tij.

Sipas vlerësimit të tij, drejtësia dhe ligji në Kosovë, edhe dy vjet pas shpalljes së pavarësisë, interpretohet e zbatohet kundër interesave publike, komunale dhe shtetërore.

Madje, shton ai, Gjykata kushtetuese e Planit të Atisaarit po i jep vetes të drejtë e kompetencë ta gjykojë dhe dënojë edhe Lidhjen Shqiptare të Prizrenit!

Ai pastaj tërheqë vërejtjen se drejtësia dhe ligjet interpretohen dhe zbatohen në favor të krimit të organizuar dhe të njerëzve të veshur me pushtet politik e ekonomik, pastaj se AKP-AKM-ja, edhe dy vjet pas shpalljes së pavarësisë, vazhdon ta interpretojë dhe zbatojë ligjin në dëm të interesave të komunave, të qytetarëve dhe në dëm të Kosovës, se EULEX-UNMIK-u dhe Zyra e përfaqësuesit special të BE-së “po sillen si xhandarë (zotë) të Kosovës! Madje, po imponojnë vendime dhe politika edhe në shkallë Komune”.

Në arsyetimin e tij, nënkryetari në dorëheqje Bislimi pohon se edhe kryetari i Komunës, për të cilin shton se është i kërcënuar dhe i shantazhuar me shkarkim, në kundërshtim me vendimet e Kuvendit Komunal, në kundërshtim me qëndrimet, deklaratat dhe vendimet e partive dhe të shoqatave politike e jo politike, si dhe në kundërshtim me peticionin e nënshkruar nga 11 000 qytetarë të komunës së Vitisë, ka njohur dhe po e mbështet komunën politike të Kllokotit.

“Këto presione, shantazhe dhe kjo dhunë politike, e orkestruar nga EULEX-UNMIK-u dhe nga segmente e agjentë të shërbimeve sekrete serbe, kanë pasur miratimin e heshtur të institucioneve qendrore të Republikës së Kosovës.

Heshtja e tyre ka inkurajuar dhe po inkurajon krimin e organizuar, korrupsionin dhe shërbimet e politikat e ndryshme kundër interesave të Kosovës, të pavarësisë së saj dhe kundër interesave të kombit shqiptar”, shkruana në fund të dorëheqjes së tij Xhevat Bislimi, duke shtuar se do të dëshironte që kjo dorëheqje e tij të kontribuojë sadopak në vetëdijesimin e opinionit të gjerë dhe të atyre politikanëve e qarqeve që ia duan të mirën këtij vendi.
Koha.net

[Oqeani]

Kryeministri shkarkon tre kryeshefa ekzekutiv të agjencive të ndryshme


http://rtklive.com/new/img/vija_lajmi.jpg Vendimet janë pjesë e angazhimeve në kuadër të rritjes së efikasitet në punën e këtyre agjencive, me qëllim të fuqizimit të qeverisjes së mirë, sundimit të ligjit, rritjes së transparencës, si dhe në frymën e luftës kundër korrupsionit dhe krimit të organizuar, përfundon komunikata e Kryeministrisë....


Postuar: 05:03:21 / 13.04.2010




Kryeministri i Republikës së Kosovës, ka suspenduar nga detyra e Kryeshefit Ekzekutiv të Agjencisë Pyjore të Kosovës, Muzafer Luma.

Vendimi për suspendimin e Lumajt, është marrë pas konstatimit të përgjithshëm se në APK është treguar performancë e dobët në realizimin e detyrave dhe përgjegjësive të kërkuara.

Arsyet e vendimit ndërlidhen edhe me të dhënat e ofruara nga raporti i Auditorit të Përgjithshëm e që konsistojnë me vërejtje për aktivitete të prokurimit në kundërshtim me legjislacionin në fuqi, si dhe dhënie në shfrytëzim të tokës pyjore në kundërshtim me ligjin, thuhet në një njoftim të Kryeministrisë.

Më tej në njoftim thuhet se Kryeministri, po ashtu ka vendosur që të mos i vazhdohet kontrata Kryeshefit Ekzekutiv të Entit të Statistikave të Kosovës, Avni Kastrati. Vlerësimi negativ për punën e Kastratit ndërlidhet me shkeljet e vazhdueshme që janë evidentuar edhe në raportet e Auditorit të Përgjithshëm, përfshirë vërejtjet për aktivitete të dyshimta të prokurimit, në kundërshtim me legjislacionin në fuqi. Në përgjithësi, në njoftim thuet se, Kastrati ka dështuar në menaxhimin efikas të Entit të Statistikave të Kosovës dhe nuk a arritur rezultatet e kërkuara.

Gjithashtu, Kryeministri Thaçi ka vendosur që të shkarkojë nga detyra edhe Kryeshefin Ekzekutiv të Agjencisë Kadastrale të Kosovës, Hamit Basholli, si pasojë e rezultateve të dobëta në punën e kësaj agjencie si dhe mosmenaxhimit efikas të saj.

Vendimet e sotme bazohen në dëshmitë e bazuara të ofruara në Zyrën e Kryeministrit në lidhje me performansën e zyrtarëve të suspenduar si dhe në rezultatet e punës së agjencive përkatëse.

Vendimet janë pjesë e angazhimeve në kuadër të rritjes së efikasitet në punën e këtyre agjencive, me qëllim të fuqizimit të qeverisjes së mirë, sundimit të ligjit, rritjes së transparencës, si dhe në frymën e luftës kundër korrupsionit dhe krimit të organizuar, përfundon komunikata e Kryeministrisë.

[Oqeani]

Feith: Ka ardhur koha të kalohet nga fjalët në vepra http://rtklive.com/new/img/vija_lajmi.jpg

Qeveria e Kosovës duhet të kalojë nga fjalë në vepra për të dëshmuar se është e përkushtuar në luftën kundër korrupsionit në nivelet më të larta të vendit. Kështu citohet të ketë thënë të martën përfaqësues i posaçëm i BE-së në Kosovë, Pieter Feith gjatë një ligjërate në Institutin për Çështje Ndërkombëtare dhe Evropiane në Dublin të Irlandës. ...

[Oqeani]

Feith: Ka ardhur koha të kalohet nga fjalët në vepra http://rtklive.com/new/img/vija_lajmi.jpg

Qeveria e Kosovës duhet të kalojë nga fjalë në vepra për të dëshmuar se është e përkushtuar në luftën kundër korrupsionit në nivelet më të larta të vendit. Kështu citohet të ketë thënë të martën përfaqësues i posaçëm i BE-së në Kosovë, Pieter Feith gjatë një ligjërate në Institutin për Çështje Ndërkombëtare dhe Evropiane në Dublin të Irlandës. ...

Sa mire po mendon ky per neve !!!
Po punohet more FEITH - 6 Minisrtra jane nderruar- - E thaçi po punon hala !!
Kryeministri, Hashim Thaçi për shkak të dobësive në punë, ka suspenduar nga detyra e kryeshefit ekzekutiv të Agjencisë së Kosovës për Produkte Medicinale, Zehadin Gashi, ndërkaq ka vendosur të mos i vazhdohet kontrata kryeshefit ekzekutiv të Agjencisë së Ushqimit dhe Veterinarisë, Qaush Kabashi.

Veç kesaje ka shkarrkuar edhe 3 kryeshafa - te pylltarise dhe dy tjere ...- Krejte keta per korrupcion !!!
Paramendoni tash kur ti kapin keta punte nedote ne kete Pranvere - Krejte bishtat e lopatave kam me i thyer !!!

Kush i vuri keta ne pozita?
Ai qe i vuri i vuri gabim ! Do tethote se ai vete nuk ka koke per pune - andaj: Çfar dueh te beje ai ?
Ai vete duhet te shkarrkohet ne menyre qe gjerat te fillojne mbare !

[Prishtina-racing]

Policia favorizon fituesin e tenderit Selvije Bajrami | 13-04-2010 22:05 CET Prishtinë. Policët e Kosovës shumë shpejt mund të shihen duke patrulluar në rrugë me vetura të reja dhe tejet luksoze, “Audi A3”. Këto vetura pritet të blihen në kuadër të tenderit, i cili është hapur më 17 mars të këtij viti nga Policia e Kosovës.

Megjithëse afati i fundit për aplikim në tenderin që parasheh blerjen e 15 veturave patrulluese, 10 veturave për nevoja administrative dhe dy kombibusëve është 23 prilli 2010, specifikimet teknike të detyrueshme të përmendura në dosjen e tenderit të çojnë deri te fituesi i tenderit për blerjen e veturave patrulluese.

Në dosjen e tenderit, të cilën e posedon gazeta, Zyra e Prokurimit në polici ka saktësuar në detaje specifikimet e detyrueshme të tenderit, specifikime këto që i përgjigjen vetëm veturës së tipit “Audi A3” me përfaqësuesit e saj për Kosovë “Reforma”. Ndërkaq, përfaqësitë tjera që kanë aplikuar me llojet e veturave “Peugeot 308”, “VW Golf VI”, “Opel Astra”, “Citroen C4”, “Skoda Octavia” dhe “Chevrolet Lace” ka gjasë të jenë humbës të këtij tenderi qindra mijëra eurosh.

Gjithë këto specifikime të detajizuara të tenderit, janë në kundërshtim me Ligjin për Prokurimin Publik në Kosovë, ligj sipas të cilit është hapur edhe “Tenderi për furnizim me automjete për PK” me numër prokurimi 2141011111.

“Autoriteti kontraktues, do t’i përpilojë specifikimet teknike në atë mënyrë që ato të jenë në përputhje me qëllimin e prokurimit dhe të drejtuara drejt sigurimit të qasjes sa më të mirë për të gjithë operatorët e interesuar ekonomik dhe tenderuesit. Autoriteti kontraktues është veçanërisht i ndaluar që të hartojë specifikime teknike që favorizojnë ose diskriminojnë një ose më shumë operatorë ekonomikë”, bën me dije neni 28 pika dy e LPPK-së.

Dosja e tenderit mes tjerash parasheh që veturat patrulluese të policisë të kenë gjatësi minimale prej 4290 mm dhe maksimale 4297. Vetëm vetura e tipit “Audi A3” e plotëson këtë kusht me gjatësi prej 4292 mm derisa vetura “Peugeot 308” ka gjatësinë 4276, “VW Golf VI” 4199 mm, “Opel Astra” 4419 mm, “Citroen C4” 4275 mm, “Skoda Octavia” 4569 dhe “Chevrolet Lace” 4295.

Edhe gjatësisë së veturës pa retrovizor i përgjigjet vetëm “Audi A3” me gjithsej 1765 mm, derisa kërkesa e policisë është nga 1764 minimale deri në 1769 maksimale. Vetura “Audi A3” sipas dosjes së tenderit dhe specifikimeve të dhëna në të, i përgjigjet edhe lartësisë së veturës, dimensionit mes boshteve, dimensionit mes gomave të para si dhe dimensionet mes gomave të pasme. Gjashtë lloje të tjera veturash pretendente për t’u vozitur nga policia nuk plotësojnë kushtet që janë specifikuar nga Zyra e Prokurimit në PK.

Tërë këto specifikime janë bërë të ditura në
dosjen e tenderit, dosje të cilën tenderuesit kanë të drejtë ta marrin për plotësim deri më 22 prill 2010. Një ditë më pas është afati i fundit për dorëzimin e tenderëve. Të njëjtën ditë në Zyrën e Prokurimit në PK, do të mbahet takimi për hapjen e tenderëve.

Zyrtarë nga Policia e Kosovës, të hënën nuk kanë dhënë shumë detaje rreth tenderit të hapur nga policia.

Baki Kelani, zëdhënës i policisë, nuk ka përmendur specifikat e tenderit, por ka thënë se policia ka vendosur disa kritere me qëllim që veturat të jenë të përshtatshme për punën policore.

“Ne kemi vendosur kryesisht kritere sa i përket harxhimit sa më të vogël të derivateve, standardizimit të automjeteve dhe përshtatshmërisë së tyre për punën policore, ndërsa sa i përket llojit dhe tipit, varet nga ofertat që do të pranojmë”, ka thënë Kelani.

Ai ka shtuar se përmes këtij tenderi, policia do të furnizohet me vetura të vogla, me xhipa dhe me dy kombibusë, njëri me 8 ulëse dhe tjetri me 16. Derisa në dosjen e tenderit është i specifikuar numri i veturave që do të blihen, Kelani ka thënë se numri i automjeteve do të varet nga çmimi i ofruar.

Bazuar në kërkesat e policisë, “Audi A3” nuk i plotëson kushtet e përcaktuara. Ky lloj i veturës, bazuar në çmimet reale të tregut në Kosovë, ka më shumë shpenzime krahasuar me veturat e tjera, si dhe është më i shtrenjtë se veturat tjera, madje konsiderohet si veturë luksoze. Ndërkaq, policia me këso lloj veturash planifikon të mbajë rend dhe qetësi në qytetet me rrugët e groposura të Kosovës. Fundja, veturat luksoze në duar të policisë nuk janë risi për shoqërinë kosovare ngase policia në vend posedon vetura mjaft të shtrenjta dhe luksoze krahasuar me vendet e rajonit.

Anëtari i kryesisë së Aleancës për Ardhmërinë e Kosovës, Avni Arifi, lidhur me këtë tender dhe ata të mëhershmit të policisë, konsideron se në Ministrinë e Punëve të Brendshme, e cila menaxhon me policinë, diçka nuk është në rregull.

“Ne si AAK jemi për përmirësimin e kushteve të punës për Policinë e Kosovës edhe avancimin e pozicionit të tyre, mirëpo është shumë e qartë se dikush brendapërbrenda kësaj ministrie është më shumë i interesuar që të rrisë luksin e vet sesa që të forcojë pozicionin e policisë”, ka thënë ai, duke shtuar se është i domosdoshëm verifikimi i procedurave dhe çështjet që kanë të bëjnë me tenderimin në MPB.

Shpeshherë sipas tij, po hapen tenderë me qëllim të favorizimit të kompanive që bosët e tyre janë të afërt me zyrtarët e MPB-së apo të policisë.

“Por, më shqetësues është fakti se me qindra e qindra vetura të dëmtuara të policisë gjenden në hekurishte pa kurrfarë sistemi për menaxhimin e tyre. Kjo tregon më së miri se keqpërdoren detyrat zyrtare pa kurrfarë përgjegjësie dhe kjo praktikë duhet të ndërpritet”, ka përfunduar ai.

[Llapjani_HH]

Funksionalizimi i CEFTA-s?


Edhe pse ka kaluar më se një vit që kur Serbia dhe Bosnja kanë bllokuar produktet kosovare, Qeveria e Kosovës nuk ka arritur ende ta zgjidhë këtë problem. Ekspertët thonë se autoritetet po tregohen të papërgatitura karshi çështjes në fjalë.

Qeveria e Kosovës po bën përpjekje të vazhdueshme për zhbllokimin e Marrëveshjes CEFTA me Serbinë dhe Bosnjë e Hercegovinën, thonë zyrtarë qeveritarë.

Përkundër faktit se Kosova është nënshkruese e Marrëveshjes për Tregti të Lirë të Evropës Qendrore (CEFTA), ka më se një vit, produktet kosovare janë bllokuar nga Serbia dhe Bosnja.

Fatos Sahiti, këshilltar politik në Ministrinë e Tregtisë dhe të Industrisë, thotë se institucionet e Kosovës mbesin fuqimisht të angazhuara që këtë marrëveshje ta kthejnë në dobi të Republikës së Kosovës.

“Kjo marrëveshje është në fazën e zbatimit të saj. Mendojmë se me një trysni të Bashkimit Evropian, vendet që kanë marrë vendime politike, do t’i shfuqizojnë vendimet politike. Përndryshe, çështjet janë të adresuara dhe mendojmë se është koha e fundit që Serbia dhe Bosnja ta ndryshojnë qëndrimin e tyre. Ky qëndrim është politik”, shprehet Sahiti.

Por, ndryshe mendojnë njohës të çështjeve ekonomike. Ali Jakupi, profesor në Fakultetin Ekonomik në Universitetin e Prishtinës, thotë se institucionet vendore po tregohen të papërgatitura karshi këtij problemi.

Ai madje shpreh shqetësimin se autoritetet kompetente nuk kanë bërë ende ndonjë përllogaritje të dëmeve, që kjo bllokadë i ka shkaktuar komunitetit të biznesit.

“Në këtë drejtim është dashur të bëhet më shumë nga institucionet tona. Por, institucionet tona i kemi shumë të papërgatitura - të papërgatitura, po e theksoj”.

“Pa e analizuar gjendjen, ato nuk janë të përgatitura për të ndërtuar një strategji. Prandaj, këto gjëra janë komplekse”, thotë Jakupi.

Ndryshe, që nga dhjetori i vitit 2008, Serbia dhe Bosnjë e Hercegovina kanë bllokuar produktet e Kosovës, për shkak të ndërrimit të vulës së doganave nga ato të UNMIK-ut në Doganat e Kosovës.

Mallrat me këtë vulë nuk lejohen të kalojnë as transit nëpër Serbi.

Fatos Sahiti, nga Ministria e Tregtisë dhe e Industrisë, konfirmon humbjet e komunitetit të biznesit nga shkelja e kësaj marrëveshjeje dhe, sipas tij, tashmë po bëhen analizat e dëmeve.

“Dëmet janë të konsiderueshme. Tashmë i kemi analizuar dhe janë në shifra. Shumë shpejt do të dalim me një publikim, sepse ato analiza i kemi prezantuar edhe në sekretariat”, thotë Sahiti.

Sidoqoftë, ekspertë për çështje ekonomike vazhdimisht kanë kërkuar nga Qeveria e Kosovës që t’i kundërpërgjigjet Serbisë dhe Bosnjës me masa të njëjta, duke ndaluar hyrjen e mallrave të këtyre dy shteteve në Republikën e Kosovës.
Radio Evropa e Lirë

Për Qeverinë, oferta më e shtrenjtë vlerësohet lart


Ministria e Transportit e ka vlerësuar më të volitshme ofertën e kompanisë “Hill International” nga Luksemburgu, e cila e ka aplikuar për 9 milionë euro vlerë më të madhe se njëra nga kompanitë e tjera që ka konkurruar në tenderin për mbikëqyrjen e punimeve në autostradë.

Kjo kompani është vlerësuar me 99 pikë nga Komisioni Vlerësues i Ministrisë së Transportit, ani pse oferta e saj ka qenë dy-tre fish më e shtrenjtë se sa e kompanive tjera. “Hill International” ka marrë 19 pikë për çmimin, ndërsa 80 pikë për kriteret teknike, ndërsa pikë afërsisht të njëjta për çmimin ka marrë edhe kompania “Grusamar” nga Spanja, ndonëse oferta e saj ka qenë për 9 milionë euro më e lirë.

Zyrtarët e Ministrisë së Transportit nuk e kanë komentuar mënyrën e përzgjedhjes së kësaj kompanie si më e favorshme për mbikëqyrjen e punimeve edhe pse gazeta ka kontaktuar përgjegjësit e kësaj ministrie. Kjo ministri sipas burimeve të Kohës Ditore, edhe pse e ka kryer poentimin, ende nuk e ka shpallur fituesin e këtij tenderi.

Për sa i përket ofertave të kompanive të tjera, 2 milionë e 750 mijë euro për mbikëqyrjen e punimeve në autostradë i ka kërkuar kompania spanjolle “Grusamar”, e cila është vlerësuar me 80 pikë.

Ndërsa, kompania kroate “I.G.H”, që ka qenë partner i konsorciumit amerikano-turk “Bechtel-Enka” në autostradën e Shqipërisë, ka kërkuar 6 milionë e 200 mijë euro dhe është vlerësuar me 76 pikë.

Kompania austriake “IC Consulenten”, sipas procesverbalit të hapjes së këtij tenderi, ka kërkuar 5 milionë e 360 mijë euro dhe është vlerësuar me 77 pikë,

ndërsa, kompania “Louis Berger” nga Franca, e cila është vlerësuar me 86 pikë, ka ofertuar me 6 milionë e 850 mijë euro.

Data e shpalljes së këtij tenderi ka qenë më 12 shtator të vitit të kaluar, ndërsa data e mbylljes ka qenë më 3 nëntori të vitit 2009. Hapja e ofertave është bërë pesë muaj më vonë, përkatësisht më 6 prill të këtij viti.

Kompania fituese e këtij tenderi do të shërbejë si ndërmjetësues i Qeverisë së Kosovës dhe konsorciumit amerikano-turk për rreth tre vjet të punimeve në autostradën Vërmicë-Merdar, kostoja e së cilës është vlerësuar të jetë rreth 700 milionë euro.

Punimet në projektin më të madh rrugor do të nisin më 25 prill, ndërsa pritet të përfundojnë pas tre vjetësh. Kontraktuesi do të paguhet nga mjetet që do të sigurohen prej buxhetit të Kosovës dhe nga kreditë, që Qeveria pritet t’i marrë nga institucionet financiare ndërkombëtare.
Koha.net

[Llapjani_HH]

Mbi 30 zyrtarë dhe ish-ministra dyshohen për vepra korruptive


Një dokument të cilën Klan Kosova pohon ta ketë siguruar, thuhet se ish-ministri i Shëndetësisë, Alush Gashi, ka dosje në Prokurorinë e Qarkut në Prishtinë, për veprime korruptive.

Ai dyshohet se është korruptuar gjatë përzgjedhjes së kandidatëve për specializim. Gashi dhe më tepër se 30 zyrtarë të tjerë shtetërorë, sipas këtij televizioni, janë përfshirë në këtë listë, të cilën Agjencioni Antikorrupcion ia ka dorëzuar prokurorisë dhe organeve të tjera të hetuesisë.

Edhe krerët e doganës, Naim Huruglica e Ekrem Hajdari dyshohen se janë të korruptuar me rastin e blerjes së skanerit. Më këtë rast është duke u marrë prokuroria speciale.

Agjensioni ka dorëzuar lëndë edhe për zyrtar; të KEK-ut. Ali Hamiti, ish-kryetar i Bordit të kësaj korporate, së bashku me disa të tjerë, dyshohet se përvetësuan shumë ta mëdha të parave në realizimin e ndërtimit të rrjetit elektrik në rajonin e Drenicës.

Të pastër nuk duket të jenë as në PTK. Dosje në prokurori ka edhe Adnan Merovci, me dyshimin se ka lidhur kontrata të dëmshme dhe ka falsifikuar dokumente. Edhe ata që duhet t’i ndjekin keqbërësit, duket se janë zhytur në veprimtari të ndaluara. Drejtori i Sekretariatit të Këshillit Gjyqësor, Halit Muharremi, dyshohet se u korruptua gjatë emërimit të gjykatësve, ndërsa Shaban Guda nga Policia e Kosovës dyshohet se ka punësuar njerëz duke shkelur procedurat.

EULEX-i, sipas kësaj liste, do të merret me Nuhi Ukën, kryetarin e Gjykatës Komunale të Prishtinës, për transferim të paligjshëm të pronave. Policët evropianë do të hetojnë edhe drejtorin financiar të RTK-së, Bujar Spahiu, për të cilin dyshohet se falsifikoi dokumente në lidhje me të hyrat nga marketingu.

Çaush Kabashi dhe Zehadin Gashi, të cilët janë në këtë listë tanimë janë shkarkuar.
Koha.net

Kosova rrezikon të humbë miliona euro


Kosova rrezikon të humbë një fond domethënës, vetëm në fazën e parë prej 50 milionë eurosh, të cilat nuk mund t’i ndahen asaj pa marrëveshje paraprake me FMN-në, tha Kjarton Bjornson, drejtor operativ i Komisionit Evropian.


Komisioni Evropian paralajmëroi Kosovën se po rrezikon të humbë miliona euro, për shkak të mosnënshkrimit të marrëveshjeve me Fondin Monetar Ndërkombëtar.

Kjo u bë e ditur gjatë takimit të dytë të Forumit të Nivelit të Lartë, të organizuar nga Ministria për Integrime, e ku marrin pjesë struktura qeveritare vendore dhe përfaqësues të pranisë ndërkombëtare në Kosovë.

Në këtë forum diskutohen dhe shqyrtohen shpenzimet e 1.2 miliard eurove, të zotuara për Kosovën në Konferencën e Donatorëve, të mbajtur në Bruksel, në vitin 2008.

Drejtori operativ i Komisionit Evropian, Kjartan Bjornson, tha se mosnënshkrimi i marrëveshjeve me FMN-në, po rrezikon qysh në start me humbjen e një shume prej 50 milionë eurosh, të destinuara për Kosovën.

“Ne po rrezikojmë të humbim një fond domethënës, në fazën e parë 50 milionë euro, të cilat nuk mund t’i ndahen Kosovës pa marrëveshje paraprake me Fondin Monetar Ndërkombëtar”, tha Bjornson.

Ai e inkurajoi Qeverinë e Kosovës të angazhohet në nënshkrimin e këtyre marrëveshjeve, në mënyrë që mjetet e zotuara për Kosovën të mos kthehen prapa.

Në anën tjetër, udhëheqësit kosovarë ia kanë mveshur përgjegjësinë për këto marrëveshje Ministrisë së Ekonomisë dhe Financave. Kjo e fundit nuk ka dalë me asnjë sqarim zyrtar se pse nuk janë nënshkruar këto marrëveshje, që rrezikojnë me humbjen e miliona eurove, të destinuara për Kosovën.

Ndërkaq, kryeministri Hashim Thaçi i siguroi vendet donatore të zhvillimit ekonomik të shtetit të Kosovës, se shpenzimi i këtyre mjeteve do të jetë transparent dhe në funksion të zhvillimit të reformave, që do ta drejtojnë vendin kah integrimet evropiane.

“Si konkluzion i Forumit të Nivelit të Lartë, jemi dakorduar bashkërisht që transparenca e donacioneve është e një rëndësie të veçantë. Si kryeministër i Qeverisë së Republikës së Kosovës, dëshiroj të ritheksoj përkushtimin tonë për të proceduar me reformat e gjithanshme, në të mirë të qytetarëve të Kosovës, me perspektivë të sigurt për anëtarësim në Bashkimin Evropian”, tha Thaçi.

Kosova edhe sot ka nevojë për mbështetjen dhe ndihmën ndërkombëtare për t’i përballuar të gjitha sfidat, u shpreh Thaçi.

Pas Bashkimit Evropian, si donatorët më të mëdhenj për Kosovën renditen: SHBA-të me mbi 400 milionë dollarë, Gjermania me 100 milionë euro, si dhe Norvegjia, Britania e Madhe dhe Luksemburgu me nga 30, përkatësisht 15 milionë euro.

Në emër të zotimeve amerikane, Patricia Rider, drejtoreshë e USAID-it në Kosovë, tha se Qeveria amerikane mbetet e përkushtuar ta ndihmojë financiarisht zhvillimin e Kosovës. Por, ajo kërkoi edhe vazhdimin e projekteve të nisura nga Qeveria vendore.

“Ne presim që të ketë një përfundim të suksesshëm të koncesionimit të Aeroportit të Prishtinës deri në fund të muajit”, tha Patricia Rider, duke inkurajuar Qeverinë edhe në zhvillimin e reformave.

Ndryshe, Komisioni Evropian, përmes Kjartan Bjornsonit, i ka bërë me dije Qeverisë, se për të vazhduar drejt integrimeve evropiane, Kosova duhet të fillojë reformimin e administratës publike, si dhe të tregohet sa më transparente në shfrytëzimin e donacioneve të BE-së.
Radio Evropa e Lirë

Gjashtë serbe të punësuara në një dyqan shqiptari


Gjashtë serbe nga fshati Uglar i Fushë-Kosovës, që nga 19 maji i vitit të kaluar kanë gjetur burimin e ekzistencës në një dyqan gardërobe në qendër të Prishtinës, pronari i së cilës është shqiptar.

Marina Kitiq, 22-vjeçare, e martuar dhe nënë e një vajze, rrëfen historinë e fillimit të bashkëpunimit:
“Pronari erdhi në dyqanin e fshatit dhe kërkoi 6 serbe për t´i punësuar.

Ne u menduam gjatë a të pranojmë apo jo, sepse ky ishte një dyqan privat me pronar shqiptar dhe jo një institucion shtetëror, ku do të kishim edhe kolegë të tjerë serbë.

Mirëpo, kur keni familje për të mbajtur nuk duhet edhe kohë e gjatë për të vendosur. Dhe kështu, ne vendosëm të punojmë dhe që atëherë çdo gjë është në rregull si me pronarin, si me koleget shqiptare ashtu edhe me klientët dhe asnjëherë s´kemi pasur ndonjë problem“.

Sipas Maria Galiqit, 21-vjeçare, po ashtu nga Uglari, fshat disa kilometra larg Prishtinës, nuk ishte një vendim i lehtë të punonin te shqiptarët: “Në fillim disa serbëve u pengonte pse punonim këtu. Mirëpo, tash shumë gra na pyesin nëse pronari ka nevojë për punëtore, që të mund të punësohen edhe ato.

Dhe porosia ime është që të bashkohemi, të punojmë dhe çdo gjë të jetë siç ishte dikur. Se, megjithëse sot me autobus e në këmbë shkoj gjithandej, deri në vitin e kaluar unë s´kam qenë në Prishtinë, sepse dominonte frika!“

Kjo ka ndodhur për shkak të politikës së Beogradit, mendon Pajazit Jashari, drejtor i organizatës joqeveritare “Ardhmëria-Buduqnost”, e themeluar nga shqiptarë e serbë.

“Politika e Beogradit e ka acaruar gjendjen dhe serbët vërtet kanë menduar se si të dalin në qytet, se do ta pësojnë nga shqiptarët. Kjo nuk qëndron fare! Unë këtë e kam diktu se jam në mesin e këtij populli dhe e di çka mendon. Konflikte verbale të drejtpërdrejta s´kemi pasur asnjë deri më sot. Tri raste i kemi pasur që u janë drejtuar punëtoreve shqiptare: “A paskeni marrë edhe serbe, a? Ju keni me dështu!” Ndërsa ka pasur shumë raste kur na kanë përgëzuar për këtë iniciativë të guximshme në mes të Prishtinës. Por, ka pasur edhe raste me qëndrim neutral, sigurisht“.

Nga ana tjetër, edhe punësimi i gjashtë serbeve në qendër të Prishtinës nuk ishte iniciativë e lehtë për një pronar shqiptar, kujton drejtor Jashari.

“Kam llogaritur nga të dyja anët që po ia prish pazaret, si nga Beogradi ndoshta edhe dikujt nga Prishtina. Mirëpo, s’është herë e parë që unë hyj mes plumbave. Njësoj kam bërë edhe në kohën e pushtetit komunist jugosllav dhe siç kam bërë atëherë për popullin tim të shtypur, tash e bëj për njerëz të tjerë që të gjithë njerëzit që jetojnë në Kosovë të jenë të barabartë”.

Më parë se të fillonin punën, jeta nuk ishte e lehtë, thotë Natasha Galiq, 44-vjeçare, nënë e tre fëmijëve. Galiq rrëfen: “Meqë bashkëshorti s’punon askund, kjo punë vërtet ishte e mirëseardhur. Sepse, më parë gjendeshim disi, pak me tokë e pak me 100 euro që na paguante Serbia, si një lloj minimaleje për bashkëshortin që ka punuar dikur. Kështu i kam shkolluar tre fëmijë. Ndërsa tani, edhe pse pas dhjetë vjetësh që nuk e kishim parë Prishtinën s´ishte e lehtë të fillojmë edhe të punojmë këtu, falë pronarit i kemi tejkaluar të gjitha. Dhe doli fjala e tij, të cilën nuk e besonim: “Se shumë shpejt do të shëtisnim lirshëm nëpër Prishtinë. Tash le të thotë kush çfarë të dojë. Unë jam mirë. Paga më siguron jetë më të mirë dhe unë i jam shumë mirënjohëse pronarit shqiptar“.

Qëllimi i themelimit të OJQ-së “Ardhmëria“ ishte normalizimi i marrëdhënieve ndëretnike me anë të aktiviteteve konkrete. Ndërsa, pas themelimit të shoqërisë kulturore artistike shumetnike, hapi tjetër është që shqiptarë e serbë të angazhohen për përmirësimin e pozitës së romëve. Sepse, sipas drejtorit Jashari: “Fajtor nuk është vetëm pushteti për pozitën e romëve, por është një shoqëri e tërë. Është shoqëria ajo që i ka shtypur dhe nuk i ka lënë të zhvillohen“.
Koha.net

[Llapjani_HH]

Mbi 30 zyrtarë dhe ish-ministra dyshohen për vepra korruptive


Një dokument të cilën Klan Kosova pohon ta ketë siguruar, thuhet se ish-ministri i Shëndetësisë, Alush Gashi, ka dosje në Prokurorinë e Qarkut në Prishtinë, për veprime korruptive.

Ai dyshohet se është korruptuar gjatë përzgjedhjes së kandidatëve për specializim. Gashi dhe më tepër se 30 zyrtarë të tjerë shtetërorë, sipas këtij televizioni, janë përfshirë në këtë listë, të cilën Agjencioni Antikorrupcion ia ka dorëzuar prokurorisë dhe organeve të tjera të hetuesisë.

Edhe krerët e doganës, Naim Huruglica e Ekrem Hajdari dyshohen se janë të korruptuar me rastin e blerjes së skanerit. Më këtë rast është duke u marrë prokuroria speciale.

Agjensioni ka dorëzuar lëndë edhe për zyrtar; të KEK-ut. Ali Hamiti, ish-kryetar i Bordit të kësaj korporate, së bashku me disa të tjerë, dyshohet se përvetësuan shumë ta mëdha të parave në realizimin e ndërtimit të rrjetit elektrik në rajonin e Drenicës.

Të pastër nuk duket të jenë as në PTK. Dosje në prokurori ka edhe Adnan Merovci, me dyshimin se ka lidhur kontrata të dëmshme dhe ka falsifikuar dokumente. Edhe ata që duhet t’i ndjekin keqbërësit, duket se janë zhytur në veprimtari të ndaluara. Drejtori i Sekretariatit të Këshillit Gjyqësor, Halit Muharremi, dyshohet se u korruptua gjatë emërimit të gjykatësve, ndërsa Shaban Guda nga Policia e Kosovës dyshohet se ka punësuar njerëz duke shkelur procedurat.

EULEX-i, sipas kësaj liste, do të merret me Nuhi Ukën, kryetarin e Gjykatës Komunale të Prishtinës, për transferim të paligjshëm të pronave. Policët evropianë do të hetojnë edhe drejtorin financiar të RTK-së, Bujar Spahiu, për të cilin dyshohet se falsifikoi dokumente në lidhje me të hyrat nga marketingu.

Çaush Kabashi dhe Zehadin Gashi, të cilët janë në këtë listë tanimë janë shkarkuar.
Koha.net

Kosova rrezikon të humbë miliona euro


Kosova rrezikon të humbë një fond domethënës, vetëm në fazën e parë prej 50 milionë eurosh, të cilat nuk mund t’i ndahen asaj pa marrëveshje paraprake me FMN-në, tha Kjarton Bjornson, drejtor operativ i Komisionit Evropian.


Komisioni Evropian paralajmëroi Kosovën se po rrezikon të humbë miliona euro, për shkak të mosnënshkrimit të marrëveshjeve me Fondin Monetar Ndërkombëtar.

Kjo u bë e ditur gjatë takimit të dytë të Forumit të Nivelit të Lartë, të organizuar nga Ministria për Integrime, e ku marrin pjesë struktura qeveritare vendore dhe përfaqësues të pranisë ndërkombëtare në Kosovë.

Në këtë forum diskutohen dhe shqyrtohen shpenzimet e 1.2 miliard eurove, të zotuara për Kosovën në Konferencën e Donatorëve, të mbajtur në Bruksel, në vitin 2008.

Drejtori operativ i Komisionit Evropian, Kjartan Bjornson, tha se mosnënshkrimi i marrëveshjeve me FMN-në, po rrezikon qysh në start me humbjen e një shume prej 50 milionë eurosh, të destinuara për Kosovën.

“Ne po rrezikojmë të humbim një fond domethënës, në fazën e parë 50 milionë euro, të cilat nuk mund t’i ndahen Kosovës pa marrëveshje paraprake me Fondin Monetar Ndërkombëtar”, tha Bjornson.

Ai e inkurajoi Qeverinë e Kosovës të angazhohet në nënshkrimin e këtyre marrëveshjeve, në mënyrë që mjetet e zotuara për Kosovën të mos kthehen prapa.

Në anën tjetër, udhëheqësit kosovarë ia kanë mveshur përgjegjësinë për këto marrëveshje Ministrisë së Ekonomisë dhe Financave. Kjo e fundit nuk ka dalë me asnjë sqarim zyrtar se pse nuk janë nënshkruar këto marrëveshje, që rrezikojnë me humbjen e miliona eurove, të destinuara për Kosovën.

Ndërkaq, kryeministri Hashim Thaçi i siguroi vendet donatore të zhvillimit ekonomik të shtetit të Kosovës, se shpenzimi i këtyre mjeteve do të jetë transparent dhe në funksion të zhvillimit të reformave, që do ta drejtojnë vendin kah integrimet evropiane.

“Si konkluzion i Forumit të Nivelit të Lartë, jemi dakorduar bashkërisht që transparenca e donacioneve është e një rëndësie të veçantë. Si kryeministër i Qeverisë së Republikës së Kosovës, dëshiroj të ritheksoj përkushtimin tonë për të proceduar me reformat e gjithanshme, në të mirë të qytetarëve të Kosovës, me perspektivë të sigurt për anëtarësim në Bashkimin Evropian”, tha Thaçi.

Kosova edhe sot ka nevojë për mbështetjen dhe ndihmën ndërkombëtare për t’i përballuar të gjitha sfidat, u shpreh Thaçi.

Pas Bashkimit Evropian, si donatorët më të mëdhenj për Kosovën renditen: SHBA-të me mbi 400 milionë dollarë, Gjermania me 100 milionë euro, si dhe Norvegjia, Britania e Madhe dhe Luksemburgu me nga 30, përkatësisht 15 milionë euro.

Në emër të zotimeve amerikane, Patricia Rider, drejtoreshë e USAID-it në Kosovë, tha se Qeveria amerikane mbetet e përkushtuar ta ndihmojë financiarisht zhvillimin e Kosovës. Por, ajo kërkoi edhe vazhdimin e projekteve të nisura nga Qeveria vendore.

“Ne presim që të ketë një përfundim të suksesshëm të koncesionimit të Aeroportit të Prishtinës deri në fund të muajit”, tha Patricia Rider, duke inkurajuar Qeverinë edhe në zhvillimin e reformave.

Ndryshe, Komisioni Evropian, përmes Kjartan Bjornsonit, i ka bërë me dije Qeverisë, se për të vazhduar drejt integrimeve evropiane, Kosova duhet të fillojë reformimin e administratës publike, si dhe të tregohet sa më transparente në shfrytëzimin e donacioneve të BE-së.
Radio Evropa e Lirë

Gjashtë serbe të punësuara në një dyqan shqiptari


Gjashtë serbe nga fshati Uglar i Fushë-Kosovës, që nga 19 maji i vitit të kaluar kanë gjetur burimin e ekzistencës në një dyqan gardërobe në qendër të Prishtinës, pronari i së cilës është shqiptar.

Marina Kitiq, 22-vjeçare, e martuar dhe nënë e një vajze, rrëfen historinë e fillimit të bashkëpunimit:
“Pronari erdhi në dyqanin e fshatit dhe kërkoi 6 serbe për t´i punësuar.

Ne u menduam gjatë a të pranojmë apo jo, sepse ky ishte një dyqan privat me pronar shqiptar dhe jo një institucion shtetëror, ku do të kishim edhe kolegë të tjerë serbë.

Mirëpo, kur keni familje për të mbajtur nuk duhet edhe kohë e gjatë për të vendosur. Dhe kështu, ne vendosëm të punojmë dhe që atëherë çdo gjë është në rregull si me pronarin, si me koleget shqiptare ashtu edhe me klientët dhe asnjëherë s´kemi pasur ndonjë problem“.

Sipas Maria Galiqit, 21-vjeçare, po ashtu nga Uglari, fshat disa kilometra larg Prishtinës, nuk ishte një vendim i lehtë të punonin te shqiptarët: “Në fillim disa serbëve u pengonte pse punonim këtu. Mirëpo, tash shumë gra na pyesin nëse pronari ka nevojë për punëtore, që të mund të punësohen edhe ato.

Dhe porosia ime është që të bashkohemi, të punojmë dhe çdo gjë të jetë siç ishte dikur. Se, megjithëse sot me autobus e në këmbë shkoj gjithandej, deri në vitin e kaluar unë s´kam qenë në Prishtinë, sepse dominonte frika!“

Kjo ka ndodhur për shkak të politikës së Beogradit, mendon Pajazit Jashari, drejtor i organizatës joqeveritare “Ardhmëria-Buduqnost”, e themeluar nga shqiptarë e serbë.

“Politika e Beogradit e ka acaruar gjendjen dhe serbët vërtet kanë menduar se si të dalin në qytet, se do ta pësojnë nga shqiptarët. Kjo nuk qëndron fare! Unë këtë e kam diktu se jam në mesin e këtij populli dhe e di çka mendon. Konflikte verbale të drejtpërdrejta s´kemi pasur asnjë deri më sot. Tri raste i kemi pasur që u janë drejtuar punëtoreve shqiptare: “A paskeni marrë edhe serbe, a? Ju keni me dështu!” Ndërsa ka pasur shumë raste kur na kanë përgëzuar për këtë iniciativë të guximshme në mes të Prishtinës. Por, ka pasur edhe raste me qëndrim neutral, sigurisht“.

Nga ana tjetër, edhe punësimi i gjashtë serbeve në qendër të Prishtinës nuk ishte iniciativë e lehtë për një pronar shqiptar, kujton drejtor Jashari.

“Kam llogaritur nga të dyja anët që po ia prish pazaret, si nga Beogradi ndoshta edhe dikujt nga Prishtina. Mirëpo, s’është herë e parë që unë hyj mes plumbave. Njësoj kam bërë edhe në kohën e pushtetit komunist jugosllav dhe siç kam bërë atëherë për popullin tim të shtypur, tash e bëj për njerëz të tjerë që të gjithë njerëzit që jetojnë në Kosovë të jenë të barabartë”.

Më parë se të fillonin punën, jeta nuk ishte e lehtë, thotë Natasha Galiq, 44-vjeçare, nënë e tre fëmijëve. Galiq rrëfen: “Meqë bashkëshorti s’punon askund, kjo punë vërtet ishte e mirëseardhur. Sepse, më parë gjendeshim disi, pak me tokë e pak me 100 euro që na paguante Serbia, si një lloj minimaleje për bashkëshortin që ka punuar dikur. Kështu i kam shkolluar tre fëmijë. Ndërsa tani, edhe pse pas dhjetë vjetësh që nuk e kishim parë Prishtinën s´ishte e lehtë të fillojmë edhe të punojmë këtu, falë pronarit i kemi tejkaluar të gjitha. Dhe doli fjala e tij, të cilën nuk e besonim: “Se shumë shpejt do të shëtisnim lirshëm nëpër Prishtinë. Tash le të thotë kush çfarë të dojë. Unë jam mirë. Paga më siguron jetë më të mirë dhe unë i jam shumë mirënjohëse pronarit shqiptar“.

Qëllimi i themelimit të OJQ-së “Ardhmëria“ ishte normalizimi i marrëdhënieve ndëretnike me anë të aktiviteteve konkrete. Ndërsa, pas themelimit të shoqërisë kulturore artistike shumetnike, hapi tjetër është që shqiptarë e serbë të angazhohen për përmirësimin e pozitës së romëve. Sepse, sipas drejtorit Jashari: “Fajtor nuk është vetëm pushteti për pozitën e romëve, por është një shoqëri e tërë. Është shoqëria ajo që i ka shtypur dhe nuk i ka lënë të zhvillohen“.
Koha.net

[Llapjani_HH]

Familjarët e ‘sopotasve’ nuk lejohen të vizitojnë të afërmit


Familjarët e të dënuarve në rastin e Sopotit që kanë hyrë në ditën e gjashtë të grevës së urisë sot kanë shkuar para burgut të Idrizovës për tu interesuar për gjendjen shëndetësore të të afërmve të tyre e cila siç bëhet e ditur është përkeqësuar jashtë mase.

Por, ata jo vetëm që nuk janë lejuar të hyjnë brenda, por askush nga kompetentët nuk i ka takuar për ti njoftuar me gjendjen e tyre.

Familjarët edhe njëherë i bënë thirrje organeve gjyqësorë që të marrin parasysh faktet e paraqitura dhe të shpallin pafajësinë e banorëve të Sopotit.

“Gjendja e tyre po keqësohet katastrof, për çdo ditë po humbin nga 1 kilogram peshë.

Ata janë të vendosur edhe siç lajmëruan para disa ditëve, më mirë të vdekur se të qëndrojnë në burg të pafajshëm. Bëjmë edhe një apel deri tek Gjykata Supreme dhe organet kompetente, të marrin parasysh konkluzionet e grupit të punës për rastin e Sopotit meqë aty do ti gjejnë fajtorët e vërtet”, deklaroi Besnik Lutfiu, vëllai i Samet Lutfiut.

“Kërkojmë që njerëzit të dalin prej burgut, tash ka arritur që komisioni anketues të kenë dokumentacione kompetente prej sigurimeve shtetërore dhe tash nuk e kuptoj pas gjithë asaj kur ata kanë ofruar dokumente të vlefshme që e tregojnë pafajësinë e vëllezërve tonë dhe baballarëve tanë dhe gjithë fshatit Sopot, tash unë nuk e dijë se me çfarë arsye dhe me çfarë fakte i mbajnë në burg”, u shpreh Skender Klaiqi, vëllai i Zenel Klaiqit.

“Apelojmë edhe njëherë tek të gjitha organet kompetente, deri tek Gjykata e Apelit që t’i merr parasysh dokumentet e grupit të punës që drejtësia njëherë e përgjithmonë të dal në shesh.

Gjendja e tyre lirisht mund të them katastrof, ditë e më tepër nga 1 ose 2 kilogram peshë trupore i humbin”, tha Hazret Sulejmani, djali i Sulejman Sulejmanit.

Dje të burgosurit janë vizituar nga Avokati i Popullit, Ixhet Mehmeti, i cili ka kërkuar nga autoritetet e burgut të Idrizovës që të kenë kujdes për shëndetin e grevistëve.

Mehmeti gjithashtu kërkoi nga organet gjyqësore që të marrin në konsideratë provat e reja për këtë rast dhe të rikthejnë lëndën në gjykatën themelore.

Ndërkohë, ditë më parë edhe pala mbrojtëse ka paraqitur ankimimin në gjykatën supreme me bindjen se kjo instancë gjyqësore do të shqyrtoj seriozisht të gjitha faktet e paraqitura nga personalitete të ndryshe nga vendi dhe jashtë.

Për rastin e shpërthimit të minës në Sopot në vitin 2003, ku mbetën të vrarë dy ushtarë polak të forcave të NATO-s, 11 banorë të këtij fshati janë dënuar me mbi 150 vjet burg janë. 5 prej tyre vuajnë dënimin në burgun e Idrizovës ndërsa gjashtë të tjerë ndodhen në arrati.
ALSAT M

[Llapjani_HH]

Hasani: Kërkoj një distancim nga e kaluara


Deputeti i Partisë Demokratike të Kosovës (PDK), Nait Hasani ka vendosur që t’i kthehet së kaluarës komuniste duke bërë një listë të gjatë me emra të udhëheqësve të Kosovës në kohën e ish Jugosllavisë dhe pjesëtarë të aparatit shtetëror të asaj kohe, ndaj të cilëve do të ngrisë aktpadi tek Prokuroria e Kosovës dhe Prokuroria e EULEX-it, për çka e ka angazhuar avokatin, Bajram Krasnqi.

Fadil Hoxha, Sinan Hasani, Dushan Mugosha, Ali Shukriu, Rexhai Surroi, Imer Pula, Veli Deva, Xhevdet Hamza, Xhavit Nimani, Sahit Zatriqi, Mehmet Maliqi, Mehmet Shoshi, Jusuf Karakushi, Mahmut Bakalli, Azem Vllasi, Remzi Kolgeci, Rrahman Morina, Jusuf Zejnullahu, Hashim Rexhepi, Metë Kuçi, Mehmet Lumi, Hasan Mehmeti, Ibush Kllokoqi, Nazmi Mustafa, Xhemshit Gjuriqi, Hazër Susuri, Nikë Lumezi, Miftar Jasiqi, Hilmi Zhitia, Rexhep Haxhimusa dhe Vesel Latifi, janë pjesë e listës, e cila sipas deputetit Hasani do të vazhdojë edhe më tutje.

“Por listë nuk përfundon me kaq, sepse të jesh në pushtet për 45 vjet është një diçka shumë e madhe. Unë kam mbledh personat në fjalë, të cilët prej vitit 1945, kur është mbajt më 10 qershor 1945 në Prizren, Lidhja e Dytë e Prizrenit, që është vendosë që Kosova të bashkohet me Serbinë dhe prej aty kanë filluar masakrat kundër popullit shqiptar në Kosovë.

Nga këta njerëz të cilët të inspiruar nga lufta e tyre atëherë ‘liridashëse’ dhe këta kanë bërë krime kundër njerëzimit ndaj popullit të vetë. Kuvendi i Kosovës duhet të deklarohet dhe në seancat e ardhshme, pikërisht kundër të kaluarës së tyre, duhet të dal me një rezolutë, apo një vendim që të distancohen nga këto krime që i kanë bërë këta individë, që kanë qenë në pushtet për 50 vjet”, ka thënë Hasani në një konferencë për media.

Deputeti i PDK-së ka thënë se këta persona janë pjesëmarrës të masakrës së Tivarit, të Lidhjes së Dytë të Prizrenit, të Byrosë informative të njohur si Goli Otokut, të shpërnguljes masive, ose aksionit të armëve në kohën e Rankoviqit dhe mbështetës të politikës së Rankoviqit për shpërnguljen e 250 mijë shqiptarëve për në Turqi, po ashtu janë pjesëmarrës të ngjarjeve të viteve 1968, 1981, 1990 e tutje.

Ai ka kërkuar me këtë rast distancim nga krimet e komunizmit nga të gjithë, përfshi edhe Kuvendin e Kosovës, i cili sipas tij, duhet që me një rezolutë të distancohet nga krimet e këtij sistemi.

“Unë kam kërkuar dhe kërkoj një distancim nga e kaluara, pikërisht nga shoqëria civile, nga gazetarët, nga mjetet e informimit në përgjithësi dhe nga Kuvendi i Kosovës. Ta mbrosh të vërtetën është ndjesi, ta mbrosh të vërtetën është krenari, ta thuash të vërtetën në momentin e duhur që pas 10 vjetësh jemi çliruar nga Serbia dhe tash e dy vjet jemi shtet, ne kemi nevojë të nxjerrim një rezolutë sikur shtetet tjera që e kanë praktikuar të distancohen nga krimet e komunizmit. Komunizmi ka bërë krime në Kosovë dhe këta janë përfaqësues të atyre krimeve që i kanë nxitë individët e caktuar të bëjnë krime”, është shprehur ai.

Shumë prej të përmendurve në listën e deputetit Hasani më nuk janë në jetë dhe për ta ai thotë se duhet të ketë një dënim moral, ndërkaq ata që janë sot në pozita nëpër pushtet, duhet të deklarohen për krimet e bëra dhe të japin dorëheqje morale.

Hasani e ka bërë këtë kallëzim penal në mënyrë individuale, mirëpo nuk e përjashton mundësinë që të ketë padi të tjera nga Shoqata e të Burgosurve Politikë dhe nga Këshilli për Mbrojtjen e të Drejtave dhe Lirive të Njeriut.
Gazeta expres

Inspektorati e Prokuroria hetojnë Milija Milosheviqin


Dy hetime paralele kanë nisur një ditë më parë ndaj Milia Milosheviqit, por atij vazhdon t’i besohet detyra e komandantit në Stacionin e policisë në veri të Mitrovicës.

Për shkak të dyshimeve për fshehje të një tentativë vrasjeje, komandantin kontrovers që njihet në komunitetin serb me nofkën “Piksi”, paralelisht po e hetojnë inspektorët policorë dhe prokurorët në Mitrovicë.

Të parët për shkelje të rëndë disiplinore, kurse të dytët për fshehje të veprës penale. Megjithëkëtë, mungon rekomandimi i Inspektoratit Policor për suspendimin e komandantit Milosheviq nga detyra.

“Dje e kemi pranuar një inicim të procedurës disiplinore ndaj kapitenit Milija Milosheviq, komandant në Stacionin e veriut të Mitrovicës. Natyrisht, në bazë të ligjit, ne do të vazhdojmë punën”, ka thënë Valdet Hoxha, drejtor i Departamentit të hetimeve në Inspektoratin Policor.

“Vetë fakti që Inspektorati merret vetëm me shkelje të rënda disiplinore, ky inicim është bërë në kontekst të kësaj përgjegjësie disiplinore që supozohet se e ka kryer zyrtari në fjalë”.

Milosheviq dyshohet se e ka fshehur veprën penale që hetues policorë e kanë kualifikuar si tentativë vrasjeje. Fjala është për detyrim të oficerit policor, Jevto Jevtiq, për të shkruar një raport “të balancuar” për rastin kur bashkëfshatarë të këtij komandanti, në orën e parë të së dielës, me dy vetura kishin hyrë në Stacionin policor në veri, pa u bindur urdhrave për ndalim. Kur polici Jevtiq, që qëndronte te porta e oborrit të Stacionit, kishte tentuar t’i ndalte, të dyja veturat kishin shtuar shpejtësinë në të.

Megjithëkëtë, polici ishte shtrënguar të shkruante se shoferët e veturave kishin gabuar rrugën dhe gjithë atë që kishte ndodhur e kishte raportuar në vetëm 12 rreshta.

Valdet Hoxha ka thënë se Departamenti i hetimeve i Inspektoratit Policor është në kontakt me eprorët e policisë në rajonin e Mitrovicës për të parë edhe mundësinë e ekzistimit të elementeve për kryerje të veprës penale.

Elemente të këtilla tashmë ka vërejtur Policia rajonale e Mitrovicës. Zëdhënësi i policisë për këtë rajon, Besim Hoti, ka thënë të jetë iniciuar për komandantin Milosheviq edhe procesi hetimor për kryerje të veprës penale.

“Hetimet preliminare janë bërë. Sa i përket shkeljes së parimeve dhe procedurave policore, me rastin do të merret Inspektorati Policor. Por, meqë me Kodin Penal fshehja e veprës penale paraqet vepër penale, rasti është iniciuar edhe për tentativë të fshehjes së veprës penale”, ka thënë Hoti. “Rasti është iniciuar paralelisht në Inspektorat dhe në Prokurori”.

Në këtë fazë fillestare nuk ka akoma një qëndrim në Inspektoratin Policor nëse duhet rekomanduar drejtorin e Policisë për ta suspenduar komandantin Milosheviq. Këtë mund ta bëjë Inspektorati në rast të një vlerësimi se komandanti mund të paraqesë pengesë gjatë hetimeve të rastit të tij.

“Rasti është pranuar dje dhe në bazë të ligjit kemi afat 14 ditë pune për të zhvilluar një hetim preliminar, me qëllim të vërtetimit të asaj që ka ndodhur vërtet dhe pas kësaj do vendosim nëse do të fillojë hetimi zyrtar ose jo”, ka thënë Hoxha.

“Nuk kemi arsye me u ngutë dhe me e dëmtu procesin. Është fazë shumë fillestare dhe nuk guxojmë të paragjykojmë, por ajo që tash sigurojmë është se do të veprojmë në bazë të Ligjit për policinë dhe të Ligjit për Inspektoratin policor”, ka shtuar ai, kur është pyetur për mungesën e rekomandimit për suspendim.

Derisa është hera e parë që dyshohet për kryerje të veprës penale në detyrën zyrtare, komandanti Milija Milosheviq ka qenë edhe dy herë objekt hetimi në Inspektorat.

Në fund të shkurtit të sivjetmë gazeta ka raportuar se komandanti Milosheviq dhe kolegët e tij të stacioneve në Zveçan, Zubin-Potok dhe Leposaviq ishin takuar në pjesën veriore të Mitrovicës me krerët e Ministrisë së Punëve të Brendshme (MUP) të Serbisë për veriun e Kosovës, nga të cilët edhe kishin marrë një varg urdhrash.

Gazeta ka raportuar se në këtë listë urdhrash përfshiheshin ato për vëzhgimin dhe përcjelljen e KFOR-it amerikan, monitorimin e aktiviteteve të Ekipit përgatitor për komunën e re të Mitrovicës veriore, mosbindjen ndaj zinxhirit komandues me seli në Prishtinë, si dhe shmangien nga përdorimi zyrtar i shenjave të Republikës së Kosovës.

Ndërkaq në janar vetura zyrtare “Golf VI” me tabela 093 KS 653 e Milia Milosheviqit është parë e parkuar para një objekti të MUP-it serb në Lagjen e Boshnjakëve në Mitrovicë.

Ish-polici i Serbisë para vitit 1999, edhe pas hyrjes në policinë kosovare, është treguar luajal ndaj shtetit serb dhe strukturave paralele në Mitrovicë.

Në gusht të vitit të kaluar ai kishte pranuar dhe zbatuar urdhra edhe nga një i ashtuquajtur kryetar i Mitrovicës për të bërë sigurimin e një objekti pa leje, po ashtu të ndërtuar nga strukturat paralele në veri.

Tash ai hetohet nën dyshimet se e ka fshehur veprën penale që hetues policorë e kanë kualifikuar si tentativë vrasjeje. Kjo bëhet pas njoftimit me shkrim të drejtorit të Policisë për rajonin e Mitrovicës, Jahë Avdiu, dhe ku kërkohet nga hetuesia rajonale të hapet edhe rasti për tentativë vrasjeje të policit.

“Kjo është një shkelje e rëndë e rregullave që kërkon hetim të drejtë”, thuhet në raportin policor për rastin.

“Sipas të dhënave operative, personat që hyjnë në stacion janë të prirë për kryerjen e veprave penale dhe se ata janë nga Kroi i Vitakut, ku jeton kapiteni Milosheviq”.

Prandaj, aty rekomandohet që rasti të hetohet nga Njësia e hetimit, meqë “ka elemente të përpjekjes për vrasjen e oficerit të policisë”, dhe që gjatë hetimeve oficeri policor Jevto Jevtiq të transferohet përkohësisht në Stacionin e Leposaviqit, meqë druhet për pasojat që mund të kishte qëndrimi i mëtejmë i këtij polici në stacionin ku komandon Milija Milosheviq.
Koha.net

[Llapjani_HH]

Gjakova kundërshton rikolonizimin


Autoritetet zyrtare komunale të Gjakovës, të martën duke debatuar dhe shqyrtuar letrën qarkore të kryeministrit të Kosovës, Hashim Thaçi, që të caktojnë një hapësirë toke për shfrytëzim afatgjatë për të kthyerit, sipas nevojës dhe projekteve për kthim, për 99 vite, e kanë vlerësuar dhe gjykuar si një rikonalizim të ngjashëm me kolonizimet e mëhershme që janë bërë në Gjakovë e Kosovë, që nga Mbretëria Serbo Kroate Slloven e deri në rënien e pushtetit okupues serb, në vitin 1999.

Zyrtarët komunalë në Bordin e qeverisë lokale, këtë shkresë të kryeministrit të Kosovës e kanë vlerësuar edhe si kthim të kohës kaluar.

“Kemi bërë të pamundurën që t’ju ofrojmë kushte për kthim të gjithë të ikurve nga Gjakova në vitin 1999.

Kemi ndërtuar edhe objekte banimi për ta, dhe për asnjë rast nuk mund të themi se është penguar të kthehen në pronat e tyre”, ka thënë kryetari Pal Lekaj.

Ndërkohë që ky njoftim i kryeministrit për ndarjen e tokës refugjatëve për 99 vjet, sipas Lekajt është ngjashëm me një kolonizim të ri në Gjakovë dhe Kosovë.

Sipas zyrtarëve komunalë, Gjakova përkundër plagëve që ende lëngon, si pasojë e luftës, ka mundësuar lehtësimin e kthimit të sigurt dhe me dinjitet të refugjatëve dhe personave të zhvendosur.

“Por, Gjakova nuk ka toka për kolonë, ndërkaq nuk do të pengohen asnjë refugjatë për t’u kthyer në pronën e vet”, është shprehur Lekaj.

Ndërkohë që Ali Selimaj, drejtor i Gjeodezisë dhe Kadastrës, ka thënë se Qeveria e Kosovës, para se të aprovojë Parlamenti Ligjin për shfrytëzimin e tokave për 99 vjet për qytetarët e vet, apo për donatorë të jashtëm të interesuar për investime, obligon krerët e zyrtarët komunalë të veprojnë jashtë ligjit.

“Komuna është institucion dhe përderisa nuk aprovohet Ligji nga Parlamenti i Kosovës për dhënien në shfrytëzim për 99 vjet të tokës dhe pasurisë së saj, ne duhet të zbatojmë dhe veprojmë sipas Rregullores së UNMIK-ut, që saktëson se komuna ka të drejtë të japë në shfrytëzim toka vetëm për 10 vjet dhe jo për 99 vjet, sa obligon kryeministri për refugjatët apo personat e zhvendosur”, ka thënë Selimaj.

Kryetari i Komunës Lekaj ka pohuar se këtë njoftim do ta praqesë edhe në Asociacionin e Komunave, në mbledhje e radhës, për të saktësuar veprimet rreth kësaj çështje
Koha.net

Detyrime të njëanshme të Qeverisë ndaj “Bechtel-Enkas”

Publikuar: Sot, më 20 prill 2010


Penaltitë e konsorciumit amerikano-turk “Bechtel Enka” në drejtim të “portave” të buxhetit të Qeverisë së Kosovës peshojnë rreth 1 milion euro.

Kjo shumë paguhet në konton e kontraktuesit nëse për fajin e Qeverisë makineritë e këtij konsorciumi nuk punojnë vetëm për një ditë në trasenë e autostradës Vërmicë-Merdar, bën të ditur “Koha Ditore” në shkrim të botuar sot.

Kjo shifër është për 25 fish më e lartë se penaltitë e parapara në kontratën në mes “Bechtel-Enkas” dhe Qeverisë së Shqipërisë, e cila parashihte që t’i paguheshin këtij konsorciumi rreth 40 mijë euro në rast të vonesave, të cilat bëheshin nga autoriteti kontraktues - Ministria e Transportit në Shqipëri.

Rreth 40 mijë euro kanë qenë edhe penaltitë e Qeverisë së Shqipërisë, ndërkohë që Qeveria e Kosovës nuk e ka paraparë ekzekutimin e penaltive ndaj konsorciumit amerikano-turk nëse punimet ngecin me fajin e kësaj të fundit.

Në Ministrinë e Transportit nuk e mohojnë shifrën prej 1 milion eurosh që, sipas burimeve të gazetës, ekziston në kontratën për ndërtimin e autostradës, por theksojnë se Qeveria nuk do t’i lërë hapësirë për ekzekutim të penaltive konsorciumit “Bechtel-Enka”.
Koha.net

[Oqeani]

DAVIDDI: BE E SHQETËSUAR PËR KORRUPSIONIN NË KOSOVËhttp://www.dardania.de/vb/upload/img/vija_lajmi.jpgShefi i zyrës ndërlidhëse të KE në Prishtinë, Renzo Daviddi tha se Bashkimi Evropian mbetet i shqetësuar për përmasat e korrupsionit dhe krimit të organizuar në Kosovë..

[Oqeani]

Qeveria e Belgjikës jep dorëheqje


Qeveria e Belgjikës, e drejtuar nga kryeministri Iv Leterm, ka vendosur sot të japë dorëheqje pas përplasjeve të dy bashkësive gjuhësore në vend....
Postuar: 07:18:37 / 22.04.2010


Letern ia paraqiti dorëheqjen Mbretit Albert II, i cili tash duhet të deklarohet.Rënia e qeverisë e la në hije debatin e pritur parlamentar për ligjin mbi ndalimin e mbajtjes së ferexhesë në publik.
Kriza e qeverisë vjen në një kohë të papërshtatshme, sepse në 1 korrik Belgjika duhet ta marrë drejtimin e Bashkimit Evropian nga Spanja.

[Oqeani]

Tadiç: Qipro është shembull si mund të zgjidhet çështja e Kosovës? http://www.rtklive.com/img/vija_lajmi.jpg Presidenti i Serbisë, Boris Tadiç ka deklaruar në një intervistë për televizionin “Al Xhazira” të Katarit, se Serbia dëshiron zgjidhje përfundimtare për Kosovën e jo situatë të ngrirë dhe është e gatshme të ulët pranë tryezës negociatore dhe të arrijë zgjidhje kompromisi, por, jo të atillë që Serbia të humb gjithçka e që shqiptarët të fitojnë çdo gjë....



“Shembulli i Qipros është ai për çka Serbia dëshiron zgjidhej përfundimtare për Kosovën e jo situatë të ngrirë ku Kosova kurrë nuk do të bëhet anëtare e Kombeve të Bashkuara, sepse Serbia këtë nuk do ta lejojë kurrë”, ka thënë ai.

Tadiç ka thënë se rezultatet e zgjidhjes kurrë nuk i sjellë politika rigide veç fleksibile.

“Do ta vazhdojmë politikën në drejtim të arritjes së kompromisit, por, politika rreth Kosovës në kuadrin e së cilës e mbrojmë integritetin tonë dhe të dergjën ndërkombëtare nuk nënkupton se do të heqim dorë nga anëtarësimi në Bashkimin Evropian (BE). Serbia kurrë nuk do të heq dorë nga kjo, ky është objektivi ynë kryesor strategjik,” ka thënë presidenti i Serbisë.

Tadiç ka vu në dukje se pavarësinë e Kosovës kurrë nuk do ta njohin vendet si Spanja, Rumania, Sllovakia, Qiproja dhe ka nënvizuar se Serbia e respekton tërësinë tokësore të Bosnjës e Hercegovinës.(fa.)

Keta çdohere me pare e kishin te zgjedhur çeshtjen e Kosoves, por nuk po e kuptoj se si tani ju paska dalur "therre" !

[Oqeani]

Restoranti "Noma" i shqiptarit në Danimarkë më i miri në botë
27.04.2010 | 16:33:08 | 0 Komente
http://www.presheva.com/images/comment.gif
Komento (http://www.presheva.com/comments.php?ID=150&height=250&width=300)


Në listën e "The S.Pellegrini Word's 50 Best Restaurants" që publikohet çdo vit, si restoranti më i mirë në botë është shpallur "Noma", pronar i të cilit është një shqiptar nga Maqedonia.

Vendi i parë, pas mbretërimit katërvjeçar të restorantit spanjoll "El Bulli" i takoi restorantit danez "Noma". Pronari i restorantit dhe kryekuzhinieri është Rene Rexhepi, me baba shqiptar nga Maqedonia, ndërsa nënën daneze, i cili shërben kryesisht specialitete nordike. Restorani "Noma" gjendej i treti në botë deri tani.

Rexhepi (32 vjeçar), shkruan të martën gazeta britanike "The Guardian" është një kuzhinier i talentuar i cili bën mrekulli me bimët e egra dhe lulet, si dhe produktet e freskëta të detit.

Ndër dhjetë restorantet më të mirë, katër gjenden në Spanjë, tri në SHBA, si dhe nga një në Britani dhe Itali.

Adresa:

Strandgade 93
1401 Copenhagen K
Tel: +45 3296 3297
For Booking: click here
E-mail: [email protected]
CVR# 27394698

[Oqeani]

http://www.presheva.com/img-resize.php?s=images-news/Zandarmeria.jpg&w=500
Pjesëtarët e xhandarmërisë serbe në mëngjesin e të hënës me pretekst të zbulimit të personave

Arrestohen 2 persona për trafikim të qenieve njerëzore /video/
13.05.2010 | 01:16:35 | 0 Komente
http://www.presheva.com/images/comment.gif
Komento (http://www.presheva.com/comments.php?ID=385&height=250&width=300)


Pjesëtarët e xhandarmërisë serbe në mëngjesin e të hënës (rreth orës 05:00), me pretekst të zbulimit të personave që kanë kryer vepra të trafikimit me qenie njerëzore kanë bastisur, Bujanocin, Tërrnocin dhe fshatin Konçul, me ç`rast kanë arrestuar dy persona, njoftojnë burimet nga vendet e bastisura.




Ky aksion është kryer në orët e hershme të mëngjesit të së hënës, me pretekst të kapjes së kryesve të trafikimit me qenie njerëzore. Me këtë rast gjatë bastisjes së familjes Destani në Bujanoc, është arrestuar, Ridvan Destani, i cili punon si taksist. Gjatë këtij aksioni në këtë familje janë konfiskuar vetura e tij dhe një shumë parash.
http://www.presheva.com/images/back_button.gif (http://www.presheva.com/news-details.php?id=385&section=7#)
http://www.presheva.com/img-resize.php?s=banners/reklamajuaj-big.jpg&w=750 (http://www.presheva.com/news-details.php?id=385&section=7#)

[Guri i madh]

DAVIDDI: BE E SHQETËSUAR PËR KORRUPSIONIN NË KOSOVËhttp://www.dardania.de/vb/upload/img/vija_lajmi.jpgShefi i zyrës ndërlidhëse të KE në Prishtinë, Renzo Daviddi tha se Bashkimi Evropian mbetet i shqetësuar për përmasat e korrupsionit dhe krimit të organizuar në Kosovë..


kurr nuk kisha beseue qe edhe ministri i mejtebve enver hoxha korruptohet po thojn 24 meluna € I KA QALLAPIT me tendere EULEXI PO THOT

[Oqeani]

kurr nuk kisha beseue qe edhe ministri i mejtebve enver hoxha korruptohet po thojn 24 meluna € I KA QALLAPIT me tendere EULEXI PO THOT

Kishim qene te shkrumute per vatan bre !!! Mjer ne !