A po eksperimentohet edhe më tej me Kosovën

[luan_i]

Në një dokument sekret të përpiluar nga ekspertë juridik të BE-së, që tashmë po qarkullon nëpër duar të zyrtarëve të Brukselit, konstatohet se “Rezoluta 1244 do të mbetet në fuqi edhe pas shpalljes së pavarësisë nga Kuvendi i Kosovës”, sepse sipas interpretimit të tyre “ 1244 nuk e parandalon shpalljen e pavarësisë së Kosovës”(!!!).

Psh. Në parimin 5 të Aneksit 2 të Rezolutës 1244 thuhet (po citoj):“ 5. Vendosja e një administrimi të përkohshëm për Kosovën si pjesë e pranisë ndërkombëtare civile në bazë të të cilit populli i Kosovës të mund të gëzojë një autonomi substanciale brenda Republikës Federale të Jugosllavisë, autonomi që do të vendoset nga Këshilli i Sigurimit të OKB-së...” etj...,etj...

A mund ta paramendojmë Pavarësinë e Kosovës me Rezolutën 1244? Unë, për veten time, jo!

[Shpati]

Eksperimentet e metejme do te ndodhin,ne Kosove do te ket vezhgues ne te ardhmen e jo administrues qfar kemi tash.
Pamvarsimi do te behet ate e lejon Karta e Kombeve te Bashkuara-; veshtro te drejtn e Vetvendosjes.

[Arb]

Rezoluta 1244 nuk parandalon pavarësinë e Kosovës, thuhet në një dokument të ekspertëve evropianë

Bruksel, 17 dhjetor - Në një dokument të përpiluar nga ekspertët juridikë evropianë dhe i cili ka karakter sekret, janë paraqitur të gjitha argumentet kyçe legale, sipas të cilave rezoluta 1244 nuk parandalon pavarësinë e Kosovës. Elementi më diskutabil në Rezolutën 1244 çështja e integritetit territorial të Jugosllavisë e më pas Serbisë, sipas këtij dokumenti i referohet vetëm periudhës tranzitore gjatë përcaktimit të statusit. Në dokument thuhet se referenca e integritetit territorial përmendet vetëm në preambullën e Rezolutës 1244. Preambullat e rezolutave të KS nuk janë legalisht obliguese, thuhet nël dokument. Në letrën sekrete që qarkullon tek vendet anëtare të BE së theksohet më tutje se pavarësisht nga dokumentet ndërkombëtare joparaqitja e një etniteti sipas të drejtës ndërkombëtare, mund të merret vendim politik për njohjen. Shtetësia, thuhet në dokument varet nga njohja e më shumë se një shteti. Bashkimit Evropian i rekomandohet që të pajtohet në parim të njohë pavarësinë e Kosovës, ndërsa t'ua lërë vendeve anëtare që të vendosin për aspektin kohor dhe procedurat tjera në lidhje me këtë veprim. Sa i përket misionit të BE së në Kosovë, që kontestohet nga pala serbe dhe ruse, ekspertët ligjorë evropianë e shpjegojnë me faktin se Rezolut 1244 parasheh praninë civile e cika nuk e specifikon nëse kjo duhet të jetë eksluzivisht e Kombeve të Bashkuara. Shpjegimi më i thjeshtë i këtij dokumenti i referohet KFOR it i cili edhe ashtu vepron me mandat 1244 it. Sipas këtij dokumenti reomandohet që autoritetet kosovare pas shpalljes së pavarësisë t'i bëjnë thirrje Misionit të BE së që të instalohet në Kosovë dhe KFOR it që të mbetet në vend dhe në këtë mënyrë i jepet edhe një bazë e fuqishme ligjore.

QIK-u

[luan_i]

Se çfarë pengesash ka paraqitur dhe paraqet rezoluta 1244 në aspektin e ndërtimit dhe funksionimit të “institucioneve të Kosovës”, kjo tashmë dihet nga të gjithë qytetarët e Kosovës, por edhe nga faktorët relevant ndërkombëtarë. Për këto tetë vjet e ca të administrimit nga UNMIK-u, në të vërtet të sundimit të tmerrshëm në të gjitha sferat e jetës nga kjo ngrehinë tutorësh të KS të OKB-së, në Kosovë janë bërë shumë eksperimente politike, ekonomike etj etj., ndërsa “institucionet e Kosovës” edhe pse kishin dalur nga zgjedhjet “verdikti i popullit”, në kontinuitet do të demonstrojnë vullnetin dhe gadishmërinë për t´i shërbyer interesave gjeopolitike - strategjike të faktorëve të ndryshëm jashtë Kosovës, se sa vetë qytetarëve të Kosovës!


Pse ka ndodhur dhe pse ndodhë kjo?!

Kjo ka ndodhur dhe ndodhë, sepse vetë sistemi i administrimit në Kosovë i ndërtuar mbi bazën e rezolutës 1244, prej ku kanë gjeneruar pastaj “korniza kushtetuese”, qindra rregullore e “urdhërash ekzekutiv” etj., kanë bërë që gjithë superstruktura pushtetore në Kosovë (vendore dhe ajo ndërkombëtare) të përqëndrohet tek sovrani UNMIK!


Prandaj, kur kihen parasysh këto fakte, është i çuditshëm, vërtet shumë i çuditshëm interpretimi i ekspertëve ligjor të BE-së, se rezoluta 1244 nuk e parandaloka shpalljen e pavarësisë së Kosovës (!!!)


Sa për ilustrim, po i referohem pjesëve të kësaj rezolute.


Në pikën 10 të rezolutës 1244 tekstualisht thuhet, (po citoi): ”10. Të autorizojë Sekretarin e Përgjithshëm që me ndihmën e organizatave përkatëse ndërkombëtare të vendosë një prani ndërkombëtare civile në Kosovë për të siguruar një administrim të përkohshëm për Kosovën nën të cilin populli i Kosovës të mund të gëzojë një autonomi substanciale brenda Republikës Federale të Jugosllavisë, prani që do të sigurojë një administrim kalimtar ndërkohë që edhe do të themelojë institucionet e përkohshme demokratike vetëqeverisëse si dhe do të mbikëqyrë zhvillimin e tyre për të krijuar kushtet për një jetë paqësore e normale për të gjithë banorët e Kosovës;”


Pastaj “Aneksi I” i rezolutës 1244 - parimi i gjashtë i G8-tës ndër të tjera saktëson (Po citoi): “Një proces politik drejt arritjes së një marrëveshjeje për një kuadër politik të përkohshëm që do të sigurojë një vetëqeverisje substanciale për Kosovën duke marrë plotësisht parasysh marrëveshjen e Rambujesë dhe parimet e sovranitetit dhe të integritetit tokësor qoftë të Republikës Federale të Jugosllavisë, qoftë të vendeve të tjera të rajonit, si dhe çmilitarizimin e UÇK-së;”


Ndërkaq në parimin 5 të Aneksi 2 të kësaj rezolute thuhet (po citoi): “ 5. Vendosja e një administrimi të përkohshëm për Kosovën si pjesë e pranisë ndërkombëtare civile në bazë të të cilit populli i Kosovës të mund të gëzojë një autonomi substanciale brenda Republikës Federale të Jugosllavisë, autonomi që do të vendoset nga Këshilli i Sigurimit të OKB-së...” etj etj


Për më tepër në këtë rezolutë specifikohen edhe modalitetet shtesë ( për rikthim të forcave serbe), përfshirë këtu rolin dhe funksionet e personelit jugosllav/serb në Kosovë, saktësisht, përcaktohen (po citoi): “ Pajisjet që bashkëshoqërojnë personelet që do të rikthehen; Referenca e kushteve për përgjegjësitë e tyre funksionale; Grafiku kohor i rikthimit të tyre; Konturimi i zonave gjeografike për operacionet e tyre; Rregullat që qeverisin raportet e tyre me praninë ndërkombëtare të sigurisë dhe me misionin ndërkombëtar civil.”...(!!!) ( Për më tepër lexoni të plotë rezolutën).

Kjo besoj nuk do koment tjetër.

Pa u futur në elaborimin e zhvillimeve të shumta që kanë ndodhur ditëve të fundit në Kosovë dhe rreth saj, me këtë rast vë në spikamë vetëm një ngjarje ogurzezë: hapjen e zyrave nga Qeveria serbe në Mitrovicën veriore, në enklavat e sforcuara serbe ( edhe me pakon e Ahtisarit) si dhe në Sharr ( ish – Dragash) nga komuniteti goran pro-serb, e cila tregon qartë se kah po shkon Kosova.

Më 10 dhjetor me rastin e hapjes së zyrës në Mitrovicën veriore, ministri për Kosovë në qeverinë serbe Sllobodan Samarxhiq, pati deklaruar se Serbia do të “instaloi një paralelizëm të plotë institucional në Kosovë" .

Se është kështu shihet edhe në dokumentin që po qarkullon duarve të zyrtarëve të lartë të BE, që tashmë nuk është sekret, në të cilin autorizimet

Edhe misioni i ri që pritet të instalohet në Kosovë, e që do të monitorohet nga BE, do të jetë edhe më i fuqishëm dhe më i rreptë në kopmpetencat që do ti ketë. Përfaqësuesi civil ndërkombëtar do ta ketë fuqinë dhe të drejtën që ta përjashtoj secilin zyrtar të zgjedhur me votën e qytetarit të Kosovës. Gjithashtu ai do të ketë të drejtë që ti ndryshoj dhe anulojë ligjet që miratohen në Kuvendin e Kosovës nga të zgjedhurit e popullit. Këto kompetenca, si dhe plot të tjera, gjithsesi të disfavorshme për Kosovën, flasin qartë për pavarësinë që pritet ta kemi.