Objektivi i zanierit: dezintegrimi i shtetit të Kosovës

[Fshatari]

Letra e ki munit drejtuar kryetarit të Republikës së Kosovës në në pikëpyetje dhe godet
drejtëpërdrejtë pavarësinë, sovranitetin dhe Kushtetutën e Kosovës.
Bile i dërguari i tij i fundit ilegjitim në shtetin e Kosovës, zanieri(emrat e zagarëve ose zanierve shkruhen si emra të përgjithshëm, banal, pa peshë e rëndësi, e ky i fundit bën pjesë në këtë kategori...)nuk e fshehu qëllimin e tij po tha haptas se do të rihap bisedime për çështje të ashtuquajtura "teknike", siç janë, psh, :policia, drejtësia, doganat, menaxhimi i vijës administrative, monumentet fetare dhe ajo e transportit dhe telekomunikacionit.
Përveç monumenteve fetare, për të cilat madje as mund të bisedohet se Kosova "është shtet laik", të gjitha pikat tjera janë mirë të përcaktuara në Kushtetutën e fuqizuar të Kosovës; nuk janë në asnjë mënyrë çështje të negociueshme sepse nuk kanë asgjë "teknike" po thjeshtë politike dhe shumë të ndieshme sepse mund të çojnë deri te acarimi i gjendjes, madje edhe lufta në Kosovë.
Çështjet e natyrës teknike kanë mbaruar në Vjenë. Duke u bazuar në të drejtën e vetëvendosjes, populli i Kosovës e ka transformuar vendin e vetë në një shtet të pavaru e sovran dhe drejtohet sot me një Kushtetutë të cilën ki mun e zanieri përpiqen ta vëjnë në pikëpyetje duke shkaktuar kështu destabilitet e luftë në Kosovë.
Besoj se autoritetet e Kosovës janë të vetëdijshme se ku mun të çojë "rihapja" eventuale e bisedimeve me serbinë. Kosova duhet të ketë vazhdimisht para sysh faktin se kushtetuta serbe e konsideron Kosovën si "pjesë përbërse të saj". NUk mund të ketë kurrë bisedime, të asnjë natyre, me serbinë për derisa kjo nuk ndryshon kushtetutën ku emri Kosovë nuk guxon të përmendet.
Nëqoftëse kjo nuk i sqarohet zanierit po i shkohet pas si zagarë dhe i thuhet se propozimet e tij pranohen, ata që na drejtojnë sot do të marrin një përgjegjësi shumë të madhe që do të ketë, pa dyshim, pasoja të paparashikueshme për gjithë shqiptarët.
Unmiku dhe euleksi kanë vetëm një objektiv: ta zhbëjnë shtetin e ri të Kosovës dhe t'ia përshtatin kushteutës serbe si pjesë e rëndomtë serbe.
Mu për këtë arësye unmiku nuk rrespektoi afatin e largimit nga Kosova më 15 qershor sepse okb-ja jo vetëm që nuk e njeh Kushtetutën e Kosovës por përpiqet të shkaktojë destabilizim, luftë, asgjësim të shtetit të Kosovës. Po, tek e fundit, Kosova ka një adut të fuqishëm në duart e veta:Kosova ka fituar pavarësinë, sovranitetin dhe ka fuqizuar Kushtetutën jasht kuadrit të kësaj organizate e cila e ka kundërshtuar me gjithë fuqinë që ka pasur.
zanier dhe përfaqësonjës tjerë të kësaj organizate dhe euleksit janë persona non grata në territorin e shtetit të pavarur e sovran të Kosovës. Nuk duhet të ketë kurfarë bashkëpunimi me ta.
Populli sovran i Kosovës duhet të ushtrojë absolutisht gjithë sovranitetin e vetë brënda territorit të vetë dhe të mbrojë vetëvetën me të gjitha mjetët.

[Fshatari]

Edhe këshilli i Evropës i bashkangjitet zanierit për minimin e shtetit më të ri në botë.
Përderisa vetë kryetari i gjykatës penale ndërkombtare ka pas përkujtuar publikisht se "dosja e trafikut të organeve nuk ekziston fare në arkivat e TPN për ish-jugosllavi sepse anketa e kryer nga ky tribunal në vitin 2003 nuk ka gjetur asnjë dëshmi materiale në vendin e ngjarjes...", këshilli i evropës "do të hetojë akuzat se "drejtuesit e Ushtrisë Çlirimtare të Kosovës, aktualisht pjesë e politikës kosovare kanë qenë të përfshirë në trafikun e organeve të rreth 300 të burgosurve serbë gjatë luftës".
Akuzat janë ngritur nga ish kryeprokurorja e Gjykatës së Hagës për ish Jugosllavinë Carla Del Ponte në librin e saj.
Këshilli i Evropës emëroi senatorin zvicëran Dick Marty të udhëtojë në Kosovë dhe të përgatisë një raport mbi këtë problem"(Radio Evropa e lirë).
Kryetari i këshillit të evropës, Terry Davis, ka shfaqur "kënaqësi të madhe për rindërtimin e kishave ortodokse serbe të shkatërruara gjat konfliktit (vini re fjalët shkatërruara dhe konflikt, po nuk precizon se u shkatërruan nga soldateska e milloshit; nuk nënvizon se termi konflikt nuk i përgjigjet situatës sepse aty ka ndoshur luftë e jo konflikt...) dhe "ka nënvizuar rolin shumë pozitiv të kishës ortodokse serbe gjatë luftrave në territorin e ish-jugosllavisë...". Davis e di shumë mirë se shkatërrimi sistematik i objekteve të kultit katolik në Kroaci(kishat katolike rreth 390 sosh) dhe i atyre katolik e musliman në Bosnje dhe Kosovë-,e këtu i duhet shtuar edhe demolimi i kishave ortodokse serbe nga vetë hunta dhe bandat paramilitare serbe, davis e di pra se e gjithë kjo është kryer sistematikisht me bekimin paraprak të popave serbë, duke u nisur nga më i madhi i tyre, pavli. Kjo kishë e ka përgjakur kryqin e Krishtit dhe ka përdhosur Biblën shenjtë në të cilën thirret. Kjo kishë ka vrarë humanizmin 400 mijë herë vetëm gjatë një dekade.
Shfajsimi dhe këthimi i kriminelit në viktimë dhe mohimi i të gjitha fakteve që ia vërbuan sytë gjithë botës brënda dhjetëvjetëshit të shekullit të kaluar në ballkan nuk i bën nder Terry Davisit; diskrediton totalisht atë këshill që ai drejton; paralajmëron ditë të zeza për evropën.
Momenti i zgjedhur për këtë anketë nuk është i rastit. Objektivi i saj nuk është qëllimmirë.
Ka gjat kohë që individ të këtillë nuk më impresionojnë hiç.
Kjo anketë dhe anketuesit e saj janë kryer pa dijen dhe pa pjesëmarrjen e autoriteteve legjitime të shtetit të pavarur e sovran të Kosovës.
Kjo anketë nuk mund të ndodh pa pëlqimin e kryetarit të këtij vendi. E kryetari, në përputhje të plotë me Kushtetutën dhe duke qenë garantues i vetëm i saj, e ka të drejtën absolute të refuzojë hyrjen e këtyre individve në territorin e shtetit të vetë. Madje ka të drejtën të anulojë thjesht anketat e kësaj natyre.
Pa i shpullë të nxehtë suratit, disa ndytësira nuk e kuptojnë kurrë gjuhën e njerzve.
E ka kuptuar kryetari se cila është fuqia e tij ? Kush i jap atë fuqi ?
Kryetari duhet të aplikojë Kushtetutën në këtë rast sikur në të gjitha rastet tjera.
Kosova nuk është antare e këshillit të evropës. Këshilli nuk e përfilli fare Kosovën as Kushtetutën e saj. Ky këshill është inekzistent për shtetin sovran të Kosovës.

[Fshatari]

Prishtina e rezervuar ndaj hetimeve për trafikimin e organeve
26.06.2008
Albana Isufi
Zyrtarë të Qeverisë së Kosovës kërkojnë që të mos ketë politizim rreth akuzave të ish-kryeprokurores së Tribunalit të Hagës, Carla Del Ponte, se kinse luftëtarët shqiptarë i kanë vrarë disa dhjetëra serbë dhe i kanë shitur organet e tyre gjatë luftës.

Zyrtarë të Qeverisë së Kosovës vazhdojnë t’i konsiderojnë të pavërteta akuzat që kinse pjesëtarët e UÇK-së kanë qenë të përfshirë në trafikun e organeve të dhjetëra të burgosurve serbë gjatë luftës.
Ndërkohë, qeveria ende nuk ka marrë ndonjë qëndrim rreth vendimit të Këshillit të Evropës për dërgimin në Kosovë të senatorit zviceran, Dick Marty, për të hetuar dhe më pas përpiluar një raport për këtë çështje. Ministri i Punëve të Brendshme, Zenun Pajaziti, kërkon që kjo çështje të mos politizohet.
“Mendoj se për këtë çështje do të duhej të merreshin institucionet përkatëse hetimore. Vendimi i Këshillit të Evropës ndoshta është marrë për shkak të influencës së ndonjë shteti apo vendi. Sido që të jetë, do të shohim diçka më konkrete se si do të jetë kjo”.
“Duhet çmuar interesimi i deputetëve evropianë për t’u marrë me këtë çështje, por assesi që këto çështje t’i trajtojmë politikisht, nga kushdo qofshin ato. Me këtë çështje duhet të merren institucionet përkatëse hetimore”, tha Zenun Pajaziti.
Asambleja parlamentare e Këshillit të Evropës miratoi kërkesën e një grupi prej 17 parlamentarëve, që ky këshill të nisë hetime rreth akuzave të Del Pontes, të bëra në librin e saj “Gjahu”.
Prishtina zyrtare ka hedhur poshtë akuzat e Del Pontes, duke konsideruar se po të kishte ndonjë në të vërtetë, ajo vetë do t’i përfshinte këto në aktakuzat që i ka bërë kundër pjesëtarëve të UÇK-së në kohën sa ka qenë kryeprokurore e Tribunalit të Hagës.
Drejtori i Këshillit për Mbrojtjen e të Drejtave dhe Lirive të Njeriut, Behxhet Shala, dyshon se Këshilli i Evropës do të mbajë qëndrim të paanshëm gjatë përpilimit të këtij raporti.
“Për ne është gënjeshtër ordinere, por meqë institucionet e Kosovës po heshtin, është lejuar një hapësirë që të implikohet Këshilli i Evropës. Kur kihet parasysh fakti se KE ka një qëndrim refuzues ndaj pavarësisë së Kosovës, atëherë ne mendojmë se këtu do ketë probleme dhe po bëhen përpjekje për t’u zhvendosur problemi nga pozicionet reale në ato imagjinare”, tha Shala.
Ndryshe, kohë më parë, kryeministri i Kosovës, Hashim Thaçi, ka deklaruar se pohimet e zonjës Del Ponte, për trafikimin e organeve të të rrëmbyerve serbë të Kosovës, janë "frustruese, qëllimkëqija dhe tendencioze" dhe kanë për qëllim ta dëmtojnë imazhin e Kosovës pas pavarësisë.
Akuzat i ka hedhur poshtë edhe ish-bashkëpunëtorja e afërt e Del Pontes, Florence Hartman, duke i cilësuar si të papërgjegjshme dhe jodinjitoze. Ministri Zenun Pajaziti shfaq shqetësimin se Këshilli i Evropës po synon të hetojë akuza të pabaza.
“Mendoj se dyshimet e bazuara të saj, nëse janë të një institucioni përkatës, duhet të trajtohen me aktivitetet përkatëse hetimore. Del Ponte do të ishte mirë që të merrej me këto çështje sa ka qenë në detyrë”.
“Këto çështje tashmë nuk po i ngrit Gjykata e Hagës, por deklarata e Del Pontes. Kështu që janë shqetësuese, sepse ne konsiderojmë se një gjë e tillë as që ka ndodhur dhe as që është përmendur dhe askush në Kosovë nuk ka dëgjuar akuza të tilla, përpos nga Del Ponte”, tha Pajaziti.
Javë më parë, Human Right Watch ka kërkuar nga autoritetet e Kosovës të hetojnë pretendimet e ish-kryeprokurores së Gjykatës së Hagës.
Ndërkohë, Qemal Minzhozi, deputet i zonës së Matit në Kuvendin e Shqipërisë, zonë ku Del Ponte pretendon se janë kryer krimet, ka deklaruar se ka ngritur një padi penale kundër Del Pontes, e cila do të drejtohet nga një zyrë ligjore në Zvicër. Edhe ministri i Jashtëm i Shqipërisë, Lulëzim Basha, ka thënë se akuzat e Del Pontes janë të pavërteta dhe me absurditete(Radio Evropa e lirë).

E shihni se si është këthyer këshilli i evropës në tribunal! Po kush i jep atë të drejtë këtij këshilli ?!
Prishtina nuk duhet të jetë e rezervuar me maskarenjë të këtij këshilli po u duhet bërë shumë e qartë se nuk është roli i tyre të bëjnë anketa në vend të tribunalit të Hagës.
Këshilli i evropës nuk i kupton "rezervat" e "moderimet" se ka bashkëpunuar gjatë, shumë gjat me mikun e vetë serb, millosheviç.