Kosova dhe Serbia të bisedojnë si dy shtete të pavarura

[Shpat]

Uisner: http://www.rtklive.com/img/cnt/personalitetet/frank_wisner1.jpg

"Pika e hapjes së bisedimeve midis Kosovës dhe Serbisë duhet të jetë e qartë: Kosova është e pavarur. Bisedimet duhet t'i shohim si bisedime mes dy vendeve sovrane. Mbi këtë bazë ka shumë për të biseduar", ka deklaruar Frenk Uisner, ish emisar i SHBA-ve për statusin e Kosovës. Në një intervistë për Radion Evropa e Lirë, Uisneri ka thënë se 43 shtetet që e kanë njohur Kosovën, janë kyçe për të ardhmen e saj.

Do të ishte mirë të kemi një njohje më të gjerë, por kjo do të bëhet me durim, kujdes dhe punë, ka shtuar Uisner. Kosova tani duhet të fokusohet në çështjet themelore të shtetit të ri, në ndërtimin e institucioneve, zhvillimin e ekonomisë dhe që t'u japë shpresë qytetarëve të saj për një jetë më të mire" ka thënë mes tjerash, ambasadori amerikan Frenk Uisner.

[Shpat]

Intensifikohet fushata e Serbisë kundër pavarësisë së Kosovës

Shefi i diplomacisë serbe, Vuk Jeremiq, ka thënë se në shtator dhe në tetor, Serbia do të shtojë konfrontimin me diplomacinë ndërkombëtare për Kosovën.
Ai ka ripërsëritur se Serbia do të kërkojë në Asamblenë e Përgjithshme të Kombeve të Bashkuara mendimin e Gjykatës Ndërkombëtare për shfuqizimin e pavarësisë së Kosovës.

[Shpat]

Rusia dhe Indonezia mbështesin politikën e Serbisë ndaj Kosovës

Ambasadori i Rusisë në Beograd, Aleksander Konuzin ka deklaruar se Rusia do të dorëzojë një letër-proteste në Sekretariatin e Kombeve të Bashkuara dhe do të kërkojë shpjegim në mbledhjen e Këshillit të Sigurimit për shkak të vendosjes së misionit të EULEX-it në Kosovë.

"Serbia duhet të insistojë në mospranimin e hapave joligjorë, pa marrë parasysh nëse ato hapa i ndërmerr Bashkimi Evropian apo Sekretariati i KB-së. Rusia do t’i ofrojë ndihmë në këtë drejtim”, ka thënë Konuzin për mediat serbe, duke shtuar se rikonfigurimit i UNMIK-ut është duke u bërë pa vendim të Këshillit të Sigurimit.

“Shumë herë kemi thënë se prania ndërkombëtare në Kosovë bazohet në vendimin e Këshillit të Sigurimit të KB-së, që është rregulluar me Rezolutën 1244. Pra, çdo lloj ndryshimi i kësaj pranie apo formatit të saj, sikur edhe vendosja e misionit të BE-së në Kosovë, duhet të bëhet me leje të KS të KB-së dhe në pajtim me palët e përfshira”, ka thënë ai.

Dhe përderisa ambasadori rus ka bërë të ditur se Rusia do të vazhdojë të kundërshtojë vendosjen e EULEX-it në Kosovë, edhe një ambasador tjetër, sipas mediave serbe, ka deklaruar se e mbështet politikën e Serbisë ndaj Kosovës.

Sipas këtyre mediave, ambasadori i Indonezisë në Beograd, Sri Rahaju Dalimunte ka thënë se çështja e Kosovës është e natyrës politike – dhe se ky është një realitet.

"Kosova dëshiron të shkëputet nga Serbia edhe pse është pjesë e territorit të saj dhe këtu nuk ka asnjë element të konfliktit fetar. Indonezia e ka marrë pozicionin e saj duke u bazuar në këto fakte - në respektimin e integritetit territorial të shtetit tuaj. Qëndrimi ynë është kategorik dhe i qartë”, ka thënë Dalimunte, për të shtuar se “për këtë shkak Indonezia konsideron se, “Serbia është duke e mbrojtur një gjë legjitime”.

[Zero Cool]

Thaçi: Askush nuk mund të bëjë marrëveshje që bien ndesh me Kushtetutën e Kosovës




http://www.rtklive.com/img/cnt/news/thaci_170X130.gif














Kryeministri Hashim Thaçi tha sot se UNMIK-u ka të drejtë të bisedojë me Beogradin, por jo për ato çështje që mund të bien ndesh me Kushtetutën e Kosovës. Ai tha se Kosova si shtet i pavarur interesohet për fqinjësi të mirë në rajon, por ritheksoi se askush nuk mund të bëjë marrëveshje të cilat nuk janë në përputhje me Kushtetutën e Kosovës.



Kryeministri Hashim Thaçi nuk ka përjashtuar mundësinë që të ketë diskutime me Serbinë për çështje të interesit të përbashkët dhe frymës integruese, duke thënë se Kosova është shtet i pavarur dhe sovran, andaj çdo vendim që bie ndesh me Kushtetutën e saj nuk mund të implementohet në territorin e vendit tonë.

RTK 25 gusht 2008 - 15:03:54

[Alkimisti_ch]

Mendoj se bisedime duhet te kete por vetem si pale te barabarta, pra si dy shtete fqinje per interesa te perbashketa dhe ate me nje kusht qe serbia paraprakisht te kerkoj falje publikisht siç e kan ber ne rastin e kroacise dhe bosnjes..Paralel kesaj qeveria e Kosoves duhet te jete me kembengulese dhe te shfrytezoj te gjitha kanalet e mudeshme per pershpejtuar procesin e njohjes, ngaqe kjo mund te sjell probleme tjera qe pengojne zhvillimin dhe prosperimin normal...

[Fshatari]

Momentalisht, serbia ndodhet në bangën e zezë (*)të TPN në Hagë, për gjenocidin e kryer në korrik të vitit 1995 në Srebrenicë. Kjo e fundit, dhe dy enklava tjera, kanë qenë të mbrojtura me rezolutë të veçantë të OKB-së që serbia, jo vetëm e shkeli në këmbë, por u mbështet edhe nga vetë OKB-ja dhe kreu gjenocid. OKB-ja pra u diskreditua shumë keq që nga ai vit prandaj misioni i saj në Kosovë nuk besoj të jetë paqëruejtës por nxitës konfliktesh. Unmiku i sotëm përbën, pa dyshim, strukturë paralele dhe përforcon banditët serbë të pjesës veriore të Kosovës.
Kjo organizatë nuk ka mandat të bisedojë për asnjë çështje(madje as ato teknike e praktike që kanë përfunduar kaherë në Vjenë e lere më për policinë, drejtësinë e doganat)pa vendimin sovran të qeverisë kosovare. Pra qeveria e Kosovës nuk i ka vetëm banditët e veriut po i ka edhe disa huliganë e delikuentë unmikjan të cilëve u duhet treguar qartë vija e kuqe.

*serbia gjykohet sot për gjenocidin e kryer në 1995 : kurfarë bisedimesh, të asnjë natyre, nuk mund të angazhohen me këtë vend para se të mbyllet skaderi kriminal ndaj tij. Pra duhet pritur gjykimin dhe vendimin e gjykatës lidhur me r. karaxhiçin, mlladiçin, etj.

[Zero Cool]

Sejdiu nuk përjashton mundësinë e takimit me Tadicin, me një prani ndërkombëtare


http://www.rtklive.com/img/cnt/news/sejdiu_portret2%20170X130.gif



Në një intervistë për BBC-në, Presidenti i Kosovës Fatmir Sejdiu nuk ka përjashtuar mundësinë e një takimi me homologun e tij serb Boris Tadic, duke precizuar se kusht për një takim me Tadiqin do të ishte prania e rëndësishme ndërkombëtare në takim, ndërsa ka shtuar se një takim i mundshëm me homologun e tij serb do të mund të përqendrohej vetëm në çështjet e fqinjësisë dhe të raporteve mes dy vendeve sovrane, duke kundërshtuar mundësinë e rihapjes së çështjes së statusit.
Sa i përket UNMIK-ut Sejdiu ka thënë se ai nuk është më një partner që do të hyjë në ndërmjetësime të veçanta, por sipas tij, sidoqoftë UNMIK-u së bashku me EULEX-in mund të lehtësojnë dhe të ç’tensionojnë marrëdhëniet mes Prishtinës dhe Beogradit.
Presidenti i Kosovës tha se Serbia nuk mund të pengojë shtetet e ndryshme në njohjen e realitetit në Kosovë dhe shfaqi bindjen e tij se nisma e Qeverisë së Serbisë për ta shqyrtuar ligjshmërinë e shpalljes së pavarësisë së Kosovës, nuk do të japë rezultat.
Ai kundërshtoi paralelet mes Kosovës dhe Osetisë Jugore dhe Abkhazisë, duke e cilësuar Kosovën si rast të veçantë dhe nënvizoi se Rusia ka hyrë në një situatë shumë të komplikuar.
Presidenti i Kosovës gjatë intervistës ka përjashtuar çdo mundësi të përplasjeve me Serbinë, përfshirë edhe veriun e Kosovës, të cilin e cilësoi si pjesë integrale të Kosovës.
Ai foli edhe për fillimin e shtrirjes së diplomacisë kosovare në botë duke vlerësuar se përzgjedhja e diplomatëve të parë të shtetit të Kosovës, të cilët i dekretoi të martën, është e tillë që garanton cilësi.
Ai tha se për ta nxjerrë këtë listë emrash që ka dekretuar kishte zhvilluar konsulta të thella me kryeministrin dhe ministrin e Jashtëm për një periudhë të gjatë kohore. Përfaqësuesit e parë diplomatikë të Kosovës, presidenti Sejdiu i vlerësoi njerëz me një horizont të gjerë profesional dhe kulturor, ndërsa ka shprehur besimin se ata do ta prezantojnë denjësisht Kosovën në botë.

Presidenti Sejdiu tha se Kosova do ta vazhdojë rrugën e zhvillimit dhe raporteve të mira me të gjitha vendet fqinje në rajon, përfshi dhe vendet që ende nuk e kanë njohur Republikën e Kosovës.
Orientimet themelore, tha Sejdiu, janë dhe mbesin integrimi në BE dhe në NATO, si dhe partneriteti e miqësia me vendet që e kanë mbështetë gjatë Republikën e Kosovës, si janë SHBA-ja dhe BE-ja.



RTK 03 shtator 2008 - 08:49:58

[Domira]

Pash ni Zot si mundeshka Serbia me bisedu me Kosoven si me shtet kur leje qe nuk e pranon Pavaresine e Kosoves po mundohet me te gjitha menyrat me e anulu...