“Secili komunist është qen”. dedikuar shokut E. Hoxha

[Dilaver]

Për t’i kursyer lexuesit nga shkrimet e gjata, shkëputa ca fragmente nga shkrimi i Agron Hamzës në të përditshmën Ekspress: Megjithatë, fantazma (lugati) do të sillët.


Agon Hamza


“Secili komunist është qen” – ky ishte titulli i ballinës në njërën nga gazetat franceze, rreth viteve të 60’ta.

Fantazma kurrë nuk ka pushuar së qenuri mbi ne – problemi është që Batoni (dhe të tjerët) nuk e paskan ditur këtë. Problemi tjetër është se është dashur të festohet ditëlindja e Enver Hoxhës, për t‘i bërë disa të vetëdijshëm për praninë e saj. A nuk është pikërisht kjo arsyeja pse komunistët janë qej?
Domethënë, edhe të vdekur, ata vazhdojnë të qëndrojnë si fantazma (lugeten) mbi kokat tona dhe të na shqetësojnë pamëshirshëm në gjumin tonë të thellë neoliberal.

Qeni i vjetër komunist nuk paska vdekur tërësisht: dhe kjo është ajo pjesa që ngjallë tmerrin gjithandej.



************************************************
http://www.youtube.com/watch?v=jN4A6mRTSmU (http://www.youtube.com/watch?v=jN4A6mRTSmU)
Shihni çmendurinë e lugatit
************************************************


Ai vdiq (biologjikisht), u varros, u mallkua, u linçua, u shpall diktator, tiran, e çka jo tjetër.

Por, Enver Hoxha u ringjall në Prishtinë. Kjo ringjallje e tij, kaq madhështore dhe megjithatë traumatike, më së miri shpjegohet nëpërmjet modelit të tij ideologjik: Stalinit. Në fjalimin e tij të famshëm në varrimin e Lenint, Stalini e lancoi projektin e tij. Ai tha se komunistët kanë trup tjetër, trupi i tyre është i përbërë nga një material tjetër, etj. Por, pjesa më e rëndësishme e fjalimit ishte kjo: komunistët nuk vdesin kurrë. Thënë ironikisht, edhe fantazma është e tillë – asaj mund t’i bësh gjithçka, por ajo përsëri kthehet. Fatkeqësia e këtij iluminimi është se u deshtë xhaxhi Enver ta (ri)sjellë fantazmën.

Por, për dallim prej shumë kolegëve të tyre partiak e jo partiak, ata u treguan të sinqertë në bindjet e tyre. Problemi me Hysenin dhe Luzhën, e edhe i Jakup Krasniqit është që, nëse Enveri do të ishte gjallë, ata do t’i nënshtroheshin autokritikës dhe pastaj do të pushkatoheshin për tradhëti ndaj klasës punëtore, sepse janë anëtarë të PDK-së, sepse e kanë votuar për dhe e kanë pranuar këtë sistem neokolonial dhe veprojnë në te si deputetë, e madje edhe si kryetar i Parlamentit.

[Dilaver]

Rekuiem për krimet komuniste


Bedri Blloshmi*


Teksa disa fanatikë të diktaturës po bëhen gati të kremtojnë 100 vjetorin e lindjes se Neronit shqiptar, Enver Hoxhës, do të ishte mirë të risilleshin në kujtesë disa prej masakrave të tij të pangjashme:
- Të ekzekutuar burra: 5557 persona
- Të ekzekutuara gra: 457 persona
- Të dënuar politikë burra: 26768 persona
- Të dënuar politikë gra: 7367 persona
- Të çmendur: 308 persona
- Të internuarit janë aq shumë sa është e pamundur t'i nxjerrësh përafërsisht e jo saktësisht.
- Të varurit, nuk dihen
- Të zhdukurit, nuk llogariten.

Për të kuptuar fytyrën e komunzimit shqiptar, do tju lexonim vargjet e mëposhtme:


Enver-Koçi pa një ëndërr
Shqipninë - nuse, Titon – dhëndërr
N'nj'i shpi t'bukur, n' nji shpi të gjanë
Që nga Beogradi deri në Tiranë.


Ka me mijëra deklarata dhe dëshmi për mizoritë e diktaturës, por unë do të ndalem në dy prej tyre.

Deklarata e oficerit të Sigurimit Naun Bezhani:
Unë i nënshkruari Naun Bezhani, oficer sigurimi, deklaroj si më poshtë. Gjatë veprimtarisë sonë janë përdorur këto tortura:

1. Jeleku (tortura më e tmerrshme).
2. Kamzhiku prej druri.
3. Lënia pa bukë dhe pa ujë për ditë të tëra.
4. Elektroshoku deri sa u bintë të fiktit.
5. Hedhja në qafë e zinxhirëve me peshë të rëndë.
6. Lidhja me duar prapa në dritare, në dru të varur në lartësinë sa të preknin majat e gishtrinjve.
7. Thyerja e kockave dhe ndukja e mishit me darë (e përdorur pas dënimit të Shqefqet Bejës dhe të tjerë).
8. Kripë në gojë.
9. Stimulim varje ose pushkatim.
10. Tortura morale për familjen. Në Shkodër për të thyer rezistencën e Dulo Kalit, në dhomën ngjitur me të çuam dy vajza të burgosura dhe dy të burgosur; ato bënë sikur gjoja ishin vajzat e tij që I kishin prurë atje për t'i çnderuar.
11. Futja kokëposhtë në një fuçi me ujë.
12. Fekale në gojë. Një herë Myftar Tarja e bëri këtë ndaj një Toptanasi.

Deklaratë e kapiten Lefter Lakrori, oficer i Sigurimit:
"Në atë kohë ishte zhvilluar gjyqi i deputetëve dhe si u dha vendimi për të gjithë ata që u dënuan me vdekje, jemi ngarkuar t'I torturojmë për të njerrë ç'a kishin. Naum Bezhani, Siri Çarçani dhe unë. Shoku nesti shkoi me komandantin në jug. Në vend të tij ishte Zihni Muço. Gjithë materialin që nxorrëm nga ata e mbajta unë deri sa erdhi Nesti (Kerenxhi) dhe për gjithë elementin që implikohej janë zhvilluar hetime. Aty ka apsur edhe anëtarë të partisë që implikoheshin dhe janë survejuar. Më kujtohet Shevqet Musaraj, Mark Ndoja dhe të tjerët s'më kujtohen edhe nga deputetët që s'janë të organizuar. Materialin të dënuarit e kanë shkruar me dorën e tyre, ku edhe sot e kanë në dosje".

Vendimi i gjykatës i dhënë më 27 shtator 1947, ishte si më poshtë:

- Me varje: Shefqet Beja, Sulo Klosi dhe Riza Alizoti
- Me pushkatim: Sheh Selim karbunara, Dr. Enver Sazani, Selim Kokalari, Selaudin Toto, Muhamed Prishtina, Paolo Sgiatti, Irfan Majuni, Tefik Deliallisi, Hysen Shehu, Beqir Çela, Abdyl Kokoshi, Pertef Karagjozi dhe Agathokli Xhitomi.
- Me burgim të përjetshëm: Ramazan Tabaku, Gjovalin Vlashi, Foto Bala, Ram Marku.
- Me 20 vjet burg: Rustem Sharra, Xhevat Xhafa dhe Shefki Minarolli.
- Me 15 vjet burg: Sulo Konjari.

Por gjyqet dhe krimet nuk u ndalën këtu, shqiptarë të ndershëm u vranë ose u burgosën pa faj për hir të miqësisë shqiptaro-jugosllave, shqiptaro-sovjetike, shqiptaro-kineze, shqiptaro – kozmopolite, etj:

- Dënohet grupi i patriotit Riza Dani. Me pushkatim: Riza Dani, Faik Shehu, Islam Radovicka, Uan Filipi, Hilmi Hipi, Syrja Selfo dhe Hasan Reçi; me burgim të përjetshëm: Kosta Boshnjaku, Isuf Hysenbegasi, Mestan Ujaniku, Nexhmi Ballka, Ivzi Kokalari dhe Demir Kallarati; me 20 vjet burg: Adem Prela, Arif Gjyli dhe Bexhet Shehu; me 15 vjet burg: Halit Gjoleka dhe Kamber Backa.

- Një ndër provokacionet komuniste të "serisë" ishte edhe gjyqi kundër klerit katolik të Shkodrës, me preteksin e fshehjes së armëve. "Ne Hys Zaja, prokuror publik i prefekturës Shkodër, urdhëroj ndalimin…". Në Shkodër numëroheshin 10 burgje, ndërsa sipas funizuesit të bukës duhet të ishin 17. Ishin kthyer në burgje Kuvendi i Franceskanëve, ndërtesa e Jezuitëve, shtëpitë e tregtarëve, i Prelës, i Pogut, i Ulqinakut përvec burgjeve të njohur si Burgu i Madh, Burgu i Gestapos, Burgu i Prefekturës…

"Ishim shumë të dënuar me vdekje në një dhomë, dëshmon Rakip Meta. Ja lista:
1. Hafiz Dërguti (pushkatuar)
2. Ëngjëll Deda
3. Rrok Mirashi
4. Mikel Koliqi
5. Mark Hasi
6. Ndue Suma
7. Mark Harapi
8. Karlo Serreqi
9. Agostin Ashiku
10. Marjan prela
11. Alek Baqli
12. Zef Pllumi
13. Filip Mazreku
14. Frano Kiri
15. Anton Luli
16. Gaspër Suma
17. Injac Gjoka
18. Jak Zekaj
19. Lekë Dredhaj
20. Ciril Cani
21. Mëhill Cani
22. Bonat Gjecaj
23. Toëm Laca
24. Nikollë Shelqeti
25. Gjon Karma
26. Mëhill Karaj
27. Donad Kurti
28. Leon Kabashi
29. Pjetër Gruda
30. Pal Dedaj

Autori është ish i burgosur politik dhe vëllai i poetit të pushkatuar Vilson Blloshmi.

[Dilaver]

Fytyra e Absurdit ne Kosove
Sami Repishti
New York. Manifestimi perkujtimor i lindjes se diktatorit, satrapit aziatik EHO, ne Prishtine dhe disa vende tjera te Kosoves, nuk ashte thjesht i pabesueshem; ai ashte bizarr, grotesk, padyshim absurd. Ndersa Nena Shqiperi renkon akoma nga plaget e perhershme te shkaktueme nga nji rregjim shtazarak, si ai i PKSH/PPSH dhe kryetarit te tyne maniak, ne Kosoven e martirizueme nga komunistet jugosllave, krysisht serbe, festohet me thirrje histerike ditelindja e njenes nga figurat ma te shemtueme te historise shqiptare, ndoshta ma e shemtuemja.

Qe nga nandori 1944 deri ne mars 1992, ma shume se 6.000 burra a gra jane vra me gjyq e pa gjyq, ma shume se 26.000 shqiptare jane arrestue, torturue dhe burgose, kryesisht per "faje verbale" ma shume se 12.000 familje, pleq, gra dhe femij te prindve te persekutuem kane kalue vite te gjata ne kampe perqendrimi, e pune te randa nen kerbacin e policit te kuq; me qindra mijera vellazen e motra shqiptare jane persekutue ne menyren ma te eger, per 45 vjet me rradhe e me format ma shnjerezore qe Sigurimi famkeq i Shtetit Shqiptar mesoi nga te tjeret, ose zbuloi ne kerkimet e tia me perfeksionue persekutimin. Vuejtja u ba ushqimi i perditshem; genjeshtra fitoi statusin e komunikimit social, terrori u perqafue me entuziasem si mjeti ma i lehte e ma efektiv me vulose nji status quo ku liria ishte vra me plumb, ku e verteta quhej krim, dhe ku dashunia per vellaun e motren shqiptare ishte mbyte nga zhurma e nji propaganade qe kerkonte thellimin e perhershem te "luftes se klasave", sinonim i pabarazise sociale dhe i arbitraritetit pa rekurs.

Per 45 vjet me rradhe, Nena Shqiperi u izolue nga bota e jashteme; familjet ne te dy anet e kufinit u ndane per jete. Qindra te rij e te reja qe kerkuen lirine u vrane nga rojet e kuqe ose u coptuen nga qente e tyne. Vetem "udheheqja" udhetonte per "sherbim". "kura mjeksore" dhe defrim. Nena Shqiperi u ba sinonim i nji vendi ekzotik, te cmendun, dhe te rrezikshem per racen njerezore. Te vorfen pa kufi, te cveshun, te lodhun deri ne kocke, tremiljone shqiptare perkulen kurrizin ne pune te randa te planeve te cmenduna pesevjecare, per nji cope buke, per nji pras, per nji domate...!

Kur me 1991, mbas permbysjes se turpshme te rregjimit gjakatar komunist ne Shqiperi, nji popuill i raskapitun nga frika e uria u versul si i cmendun me u largue nga vendlindja, larg nga toka nane qe u ndrrue ne njerke, te rij e te reja shqiptare, shpresa e vendit, u arratisen me rrezikun e jetes, ne vende te panjohuna, ne shtete qe nuk i deshirojshin, ne mes te popujve te huej qe i perbuzeshin dhe i percmojshin, e sot jetojne ne mergim.

Vellazen e motra shqiptare te indoktrinuem te Kosoves! Ne qofte se nuk keni turp qe "respektoni" kujtimin e nji tirani monstruoz, te pakten kini meshire per viktimet e pafajshme qe ai krijoi dhe shtypi pa meshire. Mos harroni se "shqiptaret e Shqiperise" jane vellaznit dhe motrat tueja qe ju duen, qe ju ndihmojne, dhe qe deshirojne vetem te miren tuej. Me mijra jane vra nga EHO qe ju sot nderoni, vetem sepse kundershtuen politiken e tij pro-jugosllave qe persekutonte "Shqiperine lindore" sic e quejme ne. "Edhe flamuri kuq e zi/ Do te valoje perseri/ Ne Kosove e Cameri/ Plot me gaz, me gaz e ne liri!" ka qene kanga jone djaloshare e mbytun nga pushka partizane e komunisteve shqiptare. Ju lutem, mos harroni mijerat e te rijve dhe te rejave kosovare qe u vrane ne 1944-45 atje tek ju ne Kosove, e qe u torturuen, u burgosen per vite te gjata nga Sigurimi i Shtetit, e qe une i kam pa ne burgjet shqiptare, i kam ndigjue, i kam preke me dore, dhe kam qare kur kane vdeke ne burgjet e erreta komuniste, dhe ma ne fund i kam varrose ne vende te panjohuna, pa shenj, pa gjurme. Fytyrat e tyne te zverdhuna nga uria e kamxhiku i rojes se kuqe shqiptare me ndjekin akom sot, e syte e thelle te kufomes sikur me thojne : "Mos na harroni! Erdhem se deshem Nenen Shqiperi. Kjo Nene na vrau. Ju lutem mos na harroni!"

Por manifestimet e fundit enveriste ne Kosove tregojne se ata viktima jo vetem qe jane harrue, por vriten sot per here te dyte; kesaje rradhe nga vellaznit e morat e tyne kosovare. Manifestimet e fundit enveriste ne Kosove jane padyshim fytyra e absurdit kosovar. Ata jane turpi i Kosoves, dhe i kombit shqiptar. Ata jane cfaqja ma monstruoze dhe imorale e nji pjese te popullit shqiptar te Kosoves qe nuk njeh te drejten e cdo individi me jetue i lire dhe me dinjitet, dy anmiqt ma te medhej te komunizmit. Ata perfaqesojne klasen qe ka humbe arsyen dhe qe ashte cveshe nga ndergjegja. Zani i arsyes dhe i ndergjegjes ka vdeke ne mendjet e tyne te turbullta dhe ne zemrat e tyne te akullta, sepse ata mohojne sakrificat e shqiptareve ne luften kunder komunizmit, ne te dy anet e kufinit. Kam shume frike se keta jane fanatike te pareparueshem, dhe elementi i hjedhun perfundimisht jashte kuadrit te shoqenise njerezore te qytetnueme.

Vellazen e motra shqiptare te Kosoves: Ju lutem kini meshire per ne, viktimat e komunizmit gjakatar. Denoni diktatorin!

Sami Repishti, Ph.D
City University of New York
ish i burgosun politik ne
Shqiperine komuniste (1946-56)
dhe Jugosllavine komuniste (1959-60)
aktivist per te drejtat e njeriut.

[Dilaver]

“Më akuzojnë, se kam thënë, që komunistët i hanin fëmijët, por po t’a lexoni: “Libri i Zi i Komunizmit”, do të zbuloni, se në Kinën e Maos, ata nuk i hanin fëmijët, por i zienin, për t’i përdorur si pleh për arat.”

Mr. Silvio Berlusconi Kryeministër i Italisë“L’America Oggi”3/30/06, New York

[Etnical]

Terrori Enverist

Kampet:

Kampi shfarosës i Maliqit.- 1947-1952, 2000 të burgosur. Punohej për tharrjen e kënetës së Maliqit, të zhytur në baltovinat e kënetës deri në kërthizë. Këmbët ua çanin kallamat dhe gjakun ua thithnin ushunjëzat. Midis torturave ishte futja në gropën e fekaleve gjer në fyt, groposja e gjallë e të riut Virtyt Gjylbegaj që gjatë rrugës nga uria hante ndonjë copë panxhari, por e paguante me hu kurrzit gjersa binte në tokë pa ndjenja. 62 vetë vdiqën.

Kampet e Borshit dhe Shën Vasisë.- 1966-1991, me mijëra vetë kanë punuar për taracimin e bregdetit, nga Borshi në Sarandë 50 km Kristina von Kohl, anëtare e Komitetit të Helsinkit kur e pa këtë kamp tha se “kampet naziste të Dahaut dhe Mat-hauzenit kanë qenë shumë më të mira”

Kampi skëterrë i Spaçit.- 1968-1990. Me mijëra të burgosur politikë kanë nxjerrë miliona ton bakër dhe pirit nën kamxhikun e gardianëve shpirtkazëm, në kushte të ashpra malorë( -15 gradë Celsius) Më 1973 ata bënë një revoltë, por kjo u shtyp mizorisht

Kampi i Qafë-Barit.- 1982-1990. 21 km afër Fushë Arrëzit, 400-500 të burgosur politikë nxirrnin bakër dhe pirit. Më 1984 pati një revoltë që u shtyp mizorisht.

Kampi i Valiasit, 12 km pranë Tiranës.- Që nga viti 1945, 400 vetë punonin për sistemimin e tokavë të fermës së Kamzës. U mbyll më 1946, por u mbajtën të internuar politikë.

Kampi i stadiumit në Tiranë.- 1945.

Kampi i Jubës, më 1946, 800 të burgosur hapën një kanal me gjerësi 6 m e thëllësi 10 m 5 km të gjatë.

Kampi i Kozarës.- 1948 punuan 700 të burgosur politikë në kanalë bonifikimi të Myzeqesë.

Kampi i Gosës.- 1949, 600 të burgosur politikë, sistemonin tokat bujqësore.

Kampi i Bedenit.- 1950-1952 1000 të dënuar politikë, hapën një kanal 15 km të gjatë në terren kodrinor me gurë shtufi. Vdiqen 20 vetë.

Kampi i Urës së Bonës.- 1950, 700 të burgosur politië, punoi në hekurudhë.

Kampi i Bishqemit.- 900 të burgosur, hapën tunelin 400 m të gjatë.

Kampi për hapjen e kanalit Peqin-Kavajë.- 2000 të burgosur, hapën kanalin 50 km të gjatë.

Kampi i Vlashukut.- 1500 të burgosur, hapën kanal 2 km të gjatë e 30 m të thellë. Punonin si skllevërit e Egjiptit të lashtë. U ndërtua për tërheqjen e ujrave të lumit Devoll. Vdiqen 40 vetë.

Kampi i Urës Vajgurore.- 2000 të burgosur, punuan për ndërtimin e aeroportit të Kuçovës.

Kampi nr 4 në Tiranë.- 1953-1955 600 të burgosur ndërtuan blloqe pallatesh te “Agimi”.

Kampi i Rinasit.- 1955-1957, 1500 të burgosur ndërtuan aeroportin.

Kampi i Varibobës.- 700 të burgosur gjatë 1955-1956, bonifikuan fushëm e Fierit.

Kampi i Tërbufit.- 1955-1957, 900 të burgosur, thanë kënetën, detyroheshin të punonin të zhytur në baltë gjer në mes, sëmureshin e vdisnin nga piskimet e ushunjëzave të infektuara.

Kampi i Zadrimës.- 800 të burgosur nga të cilët 300 ushtarakë grekë të dënuar në Shqipëri. 1955 1957.

Kampi i “Dinamos”.- 500 të burgosur për ndërtimin e pishinave.

Kampi i Thumanës.- 500 të burgosur 1960-1963.

Kampi i bllokut “Puna” Tiranë.- 400 të burgosur ndërtuan 500 apartamente.

Kampi i sanatoriumit Tiranë.- 350 të burgosur.

Kampi i Kombinatit Ushqimor Tiranë.- 300 të burgosur 1959-1961.

Kampi i Laçit.- 1963-1967, 700 të burgosur ndërtuan uzinën.

Kampi i Rubikut.- 1963-1965, 400 të burgosur, ndërtuan uzinën.

Kampi i Fushë-Krujës.- 1965-1966, 600 të burgosur, ndërtuan fabrikën e çimentos.

Kampi i Elbasanit.- 1966-1968, 1000 të burgosur, ndërtuan fabrikën e çimentos.

Kampi i Repsit.- 1968-1970, 350 të burgosur ndërtuan uzinën.

Kampi i Skrofotinës, Vlorë.- 1967-1971, 700 të burgosur, thanë kënetën e Nartës pjesërisht.

Kampi i Ballshit.- 1971-1984, 1000 të burgosur ndërtuan uzinën.

Kampi i Torovicës.- 1968-1991, 400 të burgosur punuan në bujqësi.

Kampi i kompleksit “Dinamo”.- 1977-1987, 400 të burgosur ndëruan qindra apartamente për ministinë e brendëshme.

(Të dhënat janë marrë nga libri “Mandelët e Shqipërisë”, të Agim Mustës, Shtëpia Botuese “Naim Frashëri”, tetor 1992)

[sherri]

Secili komunist është qen.......ata qe edhe sote i perkrahin,jane;Hiena t'ndyra

[Guri i madh]

enveri kishte than se serbet i kemi vllezer te idealit masakrat e tivart ndaj kosovarve i kishin ber serbet po kishin qen ne njohohuri edhe partizanet e enver hoxhes


enver hoxha e mauceduni sikur buka e nji brumi kujt i kruhen vesh e brina let ja msyjn andej nga kina kshtu u knojke nji keng ktyne here

[Dilaver]

Krimet enveriste*



Republika Popullore e Shqipërisë/Gjykata e Naltë Ushtarake/Prokurorija

Tiranë, 3/VII/1946
Landa: Mbi ekzekutimin dhe vullnetin e fundit së denuarvet. Gjykatës së Naltë Ushtarake. Këtu.
Sot më datën 3 Korrik 1946 n’ora 5 të mëngjesit, u ekzekutuan të dënuarit me Vdekje, Qenan Dibra, Hivzi Golia, Sami Çeribashi, Talat Drini, Tut Këniku, Xhahit Koka, Mehmet Ali Beshiri, Shaban Balla dhe Ali Kavaja.

Fjala e fundit e secilit në çastin e ekzekutimit ishte:
1) Talat Drini: Rroftë Shqipërija me Kosovën.
2) Hivzi Golia: Rroftë Shqipërija me Kosovën.
3) Tut Këniku: Rroftë Shqipërija me Kosovën.
4) **Qenan Dibra: Rroftë Shqipërija me Kosovën.
5) Xhahit Koka: Rroftë Shqipërija me Kosovën.
6) Mehmet Ali Beshiri: Rroftë Shqipërija me Kosovën.
7) Shaban Balla: Ju lë kujdes fëmijën.
8) Ali Kavaja: Rroftë Zogu I-rë Mbret i Shqipëtarëvet. Rroft Shqiperija me Kosovën. Vdekjen e kemi hak.
9) Sami Çeribashi: Më në fund t’u plotësua dëshira o Prokuror. Edhe ti një ditë do t’a paguash si unë. Rroftë Shqipërija me Kosovën.
** Qenan Dibra: dorëzoj një letër të drejtuar familjes, me lutje qe t’i dorëzohet.

Prokuror i Gjykatës së Lart Ushtarake Kapiten I-rë Nevzat Hasnedari

* Dokumenti autentik Nr.
Extra. Prot. 3/VII/ 1946

[FeratPolaci]

Ishte Enver Hoxha ai i cili ne kushtetuten e Shqiperise e la nje zbrazetine enkas vetem per bashkimin e Kosoves me Shqiperine por Xhaxhin e tradhetuan Jugosllavet , ishte ky Enver Hoxha i cili i prishi mardhenjet me Rusine Staliniste ishte ky Enver Hoxha qe diti ti mbaje shqiptaret te mbrojtur nga armiqet qe e rrethonin Shqiperine ishte ky pra vellezer dhe motra Enver Hoxha qe ne kohen e kumunizmit shkalla e analfabetizmit ishte 0 ishte ky qe me hapjen e univerzitetit te Prishtines dergoj Profesore ne Kosove per te nxjerrur Profesora e Dr ne Kosove ,qe te gjitha i beri Enver Hoxha sot shahet quhet qen dhe te gjitha pra fjalet me te keqija a eshte e drejt ti thuhet nje njeriu si xhaxhi Enver Hoxha keto fjale jo andaj vellezer dhe motra duke mos ju thene shoke edhe shoqe ta krahazojme rolin e Enver Hoxhes dhe ate te Titos , Shqiptaret vetem dy rruge kan pasur ne kohen e Enver Hoxhes pra njera me Xhaxhin Enver Hoxha Shqipetar dhe tjetra me Titon Jugosllavin pra rruga me e mire ka qene me xhaxhin Enver Hoxha .

[sherri]

Secili komunist është qen. dedikuar shokut E. Hoxha

Ju lutem mose i ofendoni qen't!