Te shkaterruarit (Te humburit) ne Kurane

[Scooby-Doo]

Vëllezër të nderuar, këtu janë përmbledhur disa ajete kuranore, në të cilat Allahu i Lartësuar na tregon për të shkatërruarit (humburit). E lusim Atë të na bëjë prej të shpëtuarve!

"Të cilët shkelin besën e Allahut, pasi e patën dhënë, ndërpresin atë që ka urdhëruar Allahu për ta mbajtur lidhur dhe bëjnë ngatërresa në Tokë; ata janë njëmend të shkatërruar." (Bekare, 27)

"Ata që u kemi dhënë Librin dhe e lexojnë ashtu siç është shpallur, ata besojnë vërtet në të. Kurse ata që nuk besojnë në të, pa dyshim, janë të humbur." (Bekare, 121)

"Ai të cilin Allahu e udhëzon, është në rrugë të drejtë, ndërsa ai të cilin Allahu e shpie në humbje, është vërtet i humbur." (A'raf, 178)

"Në të vërtetë, jobesimtarët e shpenzojnë pasurinë e tyre për t’i penguar njerëzit nga rruga e Allahut. Ata do ta shpenzojnë atë, por në fund ajo do jetë vetëm dëshpërim për ta, sepse do të jenë të mundur. Ata që nuk besojnë, në xhehenem do të tubohen, që Allahu të veçojë të keqin nga i miri; të këqijtë t’i palosë njërin mbi tjetrin, e të gjithë t’i hedhë në xhehenem. Këta, me të vërtetë, janë të humbur." (Enfal. 36-37)

"(Ju hipokritë jeni) si ata që kanë qenë para jush! Ata kanë qenë më të fortë se ju, kanë pasur më shumë pasuri dhe fëmijë. Ata janë kënaqur me pjesën e vet të kësaj bote, por edhe ju po kënaqeni me pjesën tuaj siç janë kënaqur edhe ata; edhe ju jeni dhënë pas të këqijave, ashtu siç ishin dhënë ata. Veprat e tyre do të zhduken në këtë botë dhe në tjetrën; ata janë të shkatërruar." (Tevbe, 69)

"Allahu nuk i udhëzon në rrugë të drejtë mohuesit. Këta janë ata të cilëve Allahu ua ka vulosur zemrat, të dëgjuarit dhe të parët; pikërisht këta janë të shkujdesurit. S’ka dyshim se në botën tjetër, ata do të jenë nga të humburit." (Nahl, 107-109)

"Thuaj: “Allahu mjafton si dëshmitar midis meje dhe jush. Ai di çfarë ka në qiej dhe në Tokë.” Ata që besojnë në trillime dhe nuk besojnë në Allahun, pikërisht ata janë të humburit." (Ankebut, 52)

"Të Tij janë çelësat e qiejve e të tokës! Sa për ata që i mohojnë shpalljet e Allahut, ata janë të humbur!" (Zumer, 63)

"Ata i ka vënë poshtë djalli dhe i ka bërë që të harrojnë përmendjen e Allahut. Ata janë pala e djallit; në të vërtetë, pala e djallit janë humbësit." (Muxhadile, 19)

"O besimtarë, mos lejoni që pasuria dhe fëmijët tuaj t’ju largojnë nga të përmendurit e Allahut. Ata që e bëjnë këtë, do të humbin." (Munafikun, 9)

[ALlma]

Ajete shum te qelluara shpresojm te mos jemi ne grup te tyre Lusim Allahun te na elargon ae te mallkumin(shejtanin) nga cdo musliman edhe t e eudhezoj ne rrug te drejt inshallah...