Fjala e mjekëve

[Peja-Boy]

“Kemi bërë shtet, por a kemi vërtet shtet?” Këtë pyetje ua drejton me dhimbje, Sheremet Raci nga Siçeva e Klinës, të gjithëve në Kosovë. Sheremeti, të mërkurën e javës që kaloi, varrosi djalin e vet, Mensurin 21 vjeç, i cili dyshohet se u vra nga kushëriri i tij, Hasan Raci.





Një nga dëshmitë kryesore për lirim të Hasan Racit nga paraburgimi pas gjashtë muajsh, pas vrasjes së vajzës së tij 16 vjeçare, dhe shqiptimit prej dy vjetësh burg, por mbrojtje në liri, Gjykata e Qarkut në Pejë e ka marrë duke u bazuar edhe në mendimin e tre mjekëve të neuropsikiatrisë. Express sjell dokumentin e shkruar në origjinal.

Nga Jeton Musliu më 25.09.2009 në ora 8:16
Ekspertiza e mjekëve neuropsikiatër të Qendrës Klinike Universitare të Kosovës ka qenë njëra nga dëshmitë më të rëndësishme në procesin gjyqësor kundër Hasan Racit, 37 vjecarit, që ka vrarë vajzën e tij 16 vjeçare.

Trupi gjykues i Gjykatës së Qarkut në Pejë, si njërën ndër pikat bazë të marrjes së vendimit përfundimtar në lidhje me këtë rast, është mbështetur edhe në mendimin e mjekëve Dr. Fahri Drevinja, Dr. Nazife Sulejmani dhe Mr. Nada Morina.

Express ka siguruar këtë dokument të deponuar nga këta tre mjekë të Klinikës së Neuropsikiatrisë, të cilët gjatë procesit gjyqësor të kësaj çështjeje e kanë dorëzuar dhe nënshkruar pranë kësaj gjykate.

Në cilësinë e ekspertëve, tre mjekët, drejtues i të cilëve ka qenë Dr. Fahri Drevinja, gazeta është munduar t’i kontaktojë gjatë ditës së enjte thjesht për të shpjeguar ato që kanë shkruar në këtë dokument.

Kjo për faktin se mendimi i tyre i dhënë në lidhje me gjendjen psikike të Hasan Raci, është i mbushur me terminologji të cilat përveç rrethit mjekësor, vështirë se kuptohen nga njerëzit e thjeshtë.

Ky ekzaminim mjekësor, sipas këtij dokumenti, është hartuar pas rezultateve të mbajtjes në Klinikën e Neuropsikiatrisë në Prishtinë të Hasan Racit, nga data 24 mars deri më 3 prill 2009.

Derisa mjekët Fahri Drevinja dhe Nazife Sulejmani ndodhen jashtë Kosovës dhe kontakti me ta është i pamundur, gazeta ka biseduar me Mr.sci.Nada Morina.

“Unë nuk mund të them asgjë. Mjeku Fahri Drevinja ka qenë si kryesues i këtij ekipi të mjekëve dhe ju duhet të kontaktoni atë për sqarime”, thotë Nada Morina për Express.

Në të njëjtën kohë, gazeta ka provuar që “përkthimin” e këtij dokumenti ta bëjë ndonjë prej mjekëve të fushës përkatëse, por asnjë prej tyre nuk ishte i gatshëm ta bëjë këtë.

Për këtë arsye, Express sjell në vazhdim këtë dokument të shkruar në formën e vet origjinale, ndërkohë që në fund të dokumentit janë vulat dhe nënshkrimet e tre mjekëve dhe vula zyrtare e QKU-së.

Mendimi dhe konstatimi:
(Letra e mjekëve)

“Fjala është për një person i cili nuk ka histori të trajtimit psikiatrik. Ai manifeston karakteristika të presionit me reagime të shpejta impulsive, me prag të ulur të tolerancës në situatë frustrative me fleksibilitet të ulur, vetëkontroll.

Vërehen qëndrime rigjide, ngadalësim dhe kontroll më i dobët i vetvetes. Sa i përket sferës afektive dominon një disponim disforik, vështirësitë e kontrollit të afektit janë manifeste.

Nuk verifikohen çrregullime të përhershme ose të përkohshme mendore. Nuk vërehet ndonjë shkallë e retardimit mendor ose ndonjë sëmundje ose gjendje tjetër në shëndetin mendor ose fizik të tij.

Verbalisht është kritik për gjendjen në të cilën gjendet dhe manifeston pendim të thellë për veprën. Nuk pohon për ideacione suicidale. Tempore kriminis mendojmë që ngjarja është kryer në saje të reagimit të shpejta të tij, në saje të karakteristikave të tij, rigjiditetit të personalitetit të tij, në ato momente ai ka qenë mjaft i ngarkuar emocionalisht.

Ka reaguar me shpejtësi dhe pa i përpunuar mirë veprimet e tij. Do më thënë, vepra është kryer me shkaktar situacional të aty për atyshëm, pa u paramenduar më parë.

Mendojmë se vepra është kryer në afekt.

I njëjti gjatë qëndrimit në klinikë, përpos ekzaminimit psikiatrik, për nevoja të gjykatës është trajtuar me barna për qetësim, kështu që edhe nga përkrahja terapeutike tash është në gjendje më të mirë psikike.

Mund të ketë edhe momente që nga ngarkesa e lartë emocionale, dëshpërimi, humbja, mos të bashkëpunojë, por mendojmë se ajo mund të tejkalohet.

I njëjti duhet të jetë në kontroll të herëpashershëm te psikiatri për shkak të rrethanave të krijuara dhe rikujtimeve-ripërjetimeve emocionale nga ngjarja nga të cilat mund të dekompensohet.”

[Peja-Boy]

Kush e vrau Mensurin?

http://www.gazetaexpress.com/images/gexGallery/15620/cache/petrit_rrahmani_-_vrasje_ne_klin___0302-490x320.jpg

[Peja-Boy]

Kush e vrau Mensurin?
Në dhjetor të vitit të kaluar, Hasan Raci vrau vajzën e tij 16 vjeçe. Për këtë krim, çuditërisht u dënua me kusht, ndërsa u lirua pas gjashtë muajsh. Javën e kaluar, ai kreu edhe vrasjen e dytë. Kësaj radhe, vrau kushëririn, Mensurin 21 vjeç. Kush, në fakt, ia mori jetën këtij të riu? Hasani që shkrepi alltinë, apo Gjykata e Qarkut në Pejë që e liroi në mënyrë të kundërligjshme Hasanin?

Nga Jeton Musliu më 22.09.2009 në ora 8:27
“Kemi bërë shtet, por a kemi vërtet shtet?” Këtë pyetje ua drejton me dhimbje, Sheremet Raci nga Siçeva e Klinës, të gjithëve në Kosovë. Sheremeti, të mërkurën e javës që kaloi, varrosi djalin e vet, Mensurin 21 vjeç, i cili dyshohet se u vra nga kushëriri i tij, Hasan Raci.

Tash Hasani është në paraburgim, por vrasja e Mensurit është e dyta me radhë brenda nëntë muajve, që dyshohet se është kryer nga ky person. Kështu Hasani, pas vrasjes së vajzës së tij 16-vjeçare, të mërkurën, në qendër të Klinës, me gashtë plumba, dyshohet se kreu ekzekutimin e radhës.

Në dhjetor të vitit të kaluar, Hasani ka vrarë të bijën e tij në oborr të shtëpisë, duke mos lejuar që as të afërmit t’i shkojnë për vizita. Për vrasjen e së bijës, Gjykata e Qarkut në Pejë e kishte dënuar Hasanin vetëm me gjashtë muaj burg, periudhë të cilën ai e ka shlyer duke qëndruar në paraburgim.

Sistemi i drejtësisë në Pejë duket të jetë shumë efikas, kur i njëjti njeri, i gjetur fajtor për vrasjen e vajzës, arrestohet, hetohet, dënohet, mban burgun dhe të gjitha këto brenda nëntë muajve! Në pjesën tjetër të dënimit prej pesë vjetësh me kusht, sipas vendimit të gjykatës, Hasani është dashur që të mos e përsërisë veprën e njëjtë penale të vrasjes. Në këtë mënyrë, Hasani ka qenë thuajse i lirë.

Vendimi i pesë anëtarëve të trupit gjykues, të drejtuar nga gjyqtari Ukë Muçaj, i ka mundësuar Hasanit, vrasësit të së bijës, që të mund të shëtisë lirshëm.

Përgjegjësia

Përgjegjësisë në lidhje me këtë dënim të shqiptuar ndaj vrasësit të së bijës, tenton t’i largohet secili nga zyrtarët e Gjykatës së Qarkut në Pejë. Me hetimin e kësaj vrasjeje është marrë Gëzim Kollçaku, prokuror i Prokurorisë Publike në Pejë, i cili tash e disa kohë ka braktisur këtë detyrë, duke iu kthyer zanatit të avokatit.

Por sa i përket vrasjes së parë dhe dënimit që ka marrë Hasan Raci, ish-prokurori Kollçaku nuk dëshiron të flasë gjatë, me arsyetimin se është i zënë. “Etika e prokurorit e kërkon që të mos përzihemi në punët dhe vendimet e gjykatës. Duke u bazuar në prova, ai person është shpallur fajtor. Por se sa dënohet, shumë apo pak, kjo është çështje tjetër. Kjo i takon gjykatës”, thotë Gëzim Kollçaku për Express.

Avokati i Hasan Racit, për të dyja rastet, edhe për çështjen e vrasjes së vajzës, edhe tash kur ai dyshohet se ka vrarë Mensurin, kushëririn 21-vjeçar, është Haxhi Çekaj.
Pasi shpjegon se në lidhje me vrasjen e kushëririt, gjyqtari i procedurës paraprake, klientit të tij ia ka shqiptuar masën e paraburgimit prej tridhjetë ditësh, avokati Çekaj nuk dëshiron të komentojë vendimin e gjykatës në lidhje me vrasjen e parë.

“Për rastin e dytë, klienti im është mbrojtur në heshtje. Kurse për çështjen e parë, kjo është një gjë për të cilën nuk kam kompetencë të flas. Ky është një rast i kaluar dhe nuk dua të kthehem prapa”, thotë shkurt avokati Çekaj për Express.

Në fakt, Gjykata e Qarkut në Pejë ka kohë që ka mbetur pa ‘zot shtëpie’. Ky institucion nuk e ka kryetarin, që prej kohës kur ka vdekur i ndjeri, gjyqtari Esat Shala. Për disa kohë, si ushtrues detyre të kryetarit të Gjykatës së Qarkut në Pejë, ishte emëruar gjyqtari Ukë Muçaj. Por edhe ky i fundit, pas një kohe, është suspenduar nga ky post dhe detyra e gjyqtarit, pas dyshimeve për keqpërdorim të detyrës zyrtare.

Ndërkohë, gjyqtari Muçaj ka qenë kryetar i trupit gjykues, në rastin e vrasjes së parë të kryer nga Hasan Raci, i cili e ka ekzekutuar të bijën në oborr të shtëpisë së tij. “Nuk kam asnjë koment mbi këtë rast”, është krejt çfarë ka për të thënë gjyqtari Muçaj.

Ndërkaq, Expressi sipas shkresave zyrtare ka mësuar se vendimi është marrë duke u bazuar në ekspertizën e mjekëve të QKU-së, të cilët kanë vlerësuar gjendjen mendore të të akuzuarit.

Sipas shkresave, thuhet se Hasan Raci ka qenë në afekt dhe depresion në momentin e vrasjes. Vendimi ishte marrë nga anëtarët e panelit. Por, si e precizon Kodi Penal i Kosovës vrasjen e fëmijës së mitur nga prindi i tij, qoftë edhe në afekt?

Ligji

Por kapitulli i 15 i Kodit të Përkohshëm Penal të Kosovës, që merret pikërisht me vrasje, neni 146, shkruan qartë se “kushdo që e privon personin tjetër nga jeta, dënohet me më së paku pesë vjet burgim”. Në këtë rast, në kapitullin e njëjtë, neni 147, i cili i klasifikon vrasjet e rënda, pika 1, e vendos në këtë kategori edhe vrasjen e fëmijës.
Në këtë rast, personi që do të privonte nga jeta një fëmijë, dënohet “me së paku dhjetë vjet burgim apo me burgim afatgjatë”.

Ndërkohë, neni 148 i këtij kapitulli, i cili flet për vrasje të kryer në gjendje të afektit mendor, akt i cili dyshohet se është kryer nga Hasan Raci ndaj vajzës së tij 16-vjeçare, dënimi është shumë i qartë. “Kushdo që tjetrin e privon nga jeta në gjendje të afektit mendor, i vënë pa fajin e tij në gjendje të tronditjes së fortë mendore të shkaktuar nga sulmi, keqtrajtimi apo fyerja e rëndë nga ana e personit të vrarë, dënohet me burgim prej një deri në dhjetë vjet”, thuhet në këtë nen.

Siçeva

Në fshatin e Hasan Racit, në Siçevë të Klinës, banorët tregojnë se nuk kanë vërejtur asgjë të dyshimtë tek ai, vrasësi i vajzës së tij, para se ai ta kryente këtë akt. Por pas vrasjes dhe varrosjes të së bijës si dhe moslejimin për vizita ngushëllimi, ata kanë parë se Hasani thjesht nuk fliste me askënd.

Sipas banorëve, ka më shumë se një vit që Hasani, së bashku me familjen e tij, janë shpërngulur nga fshati i tyre në drejtim të qytetit të Klinës. Fshatarët e Siçevës tregojnë se vizitat e këtij personi në fshatin e tij kanë qenë të rralla, përveç ditëve të fundit para se ai të vrasë Mensurin.

Sheremet Raci është babai i Mensurit të ndjerë. Ai bën be se nuk kanë pasur kurrë mosmarrëveshje me kushëririn e tij, Hasanin. Të ulur në odën e tij, Sheremeti nis rrëfimin që nga koha kur Hasani ka vrarë vajzën e vet, kur familja e tij ka shkuar për ngushëllime dhe si kanë shkuar për ta parë kur është lëshuar nga burgu.

“Nuk e di pse e ka vra djalin tim, i cili ka qenë me agjërim. Në varrimin e Mensurit kanë ardhur të gjithë axhallarët tij”, thotë Sheremeti për Express. Sipas tij, për të marrë pjesë në varrim, sipas traditës, ka kërkuar edhe babai i Hasanit, por një kërkesë e tillë është refuzuar nga familja e viktimës.

“I kam thënë hoxhës që erdh me atë porosi se po të ndodhte vrasja aksidentalisht, sigurisht se do ta lejoja. Por jo në këtë mënyrë, sepse nuk e di pse e ka vra”, thotë Sheremeti për Express. Tash, Sheremeti thotë se më shumë se vrasja, e mundojnë fjalët e njerëzve, të cilët pëshpëritin se djali i tij ka pasur lidhje me vajzën e vrarë nga Hasani.

“I kam pyetur të gjithë për këtë, askush nuk më ka thënë se djali im ka pasur punë të tilla. Ende koka ime nuk e beson se djalin e dytë nuk e kam më. A kemi shtet”, shprehet Sheremeti, duke iu mbushur sytë me lot.

Policia

Sipas policisë, të mërkurën rreth orës 10, një 21-vjeçar nga Siçeva e Klinës është vrarë në qendër të këtij qyteti, për motive ende të panjohura. “Vrasësi besohet se është kushëriri i tij, H. R. 37-vjeçar, kurse policia rajonale në Pejë njoftoi se viktima është M. R.” ka njoftuar policia.

Sipas hetimeve të para të policisë, i vrari ka qenë duke ecur rrugës, kur është qëlluar me armë zjarri nga kushëriri i tij. Në momentin kur është kryer vrasja, siç tha policia, në afërsi të vendit të ngjarjes kanë qëlluar në detyrë zyrtare, pjesëtarët e njësisë speciale të policisë, të cilët menjëherë kanë intervenuar dhe kanë arrestuar të dyshuarin, si dhe kanë konfiskuar revolen, me të cilën është kryer vepra.

”Kryesi i veprës është arrestuar dhe po mbahet në ndalim policor, ndërkohë që policia akoma nuk ka njohuri për motivin e vrasjes, e cila ka tronditur në mëngjesin e së mërkurës banorët e Klinës”, ka njoftuar policia një ditë pas ndodhjes së këtij rasti.

[roadrunner]

Kufiri i normalitetit dhe abnormalitetit ndaj qenies njerezore ka nje pe shume te holle. Edhe pse dokumentacioni i mjekeve spjegon gjendjen psiqike te ketij idioti, kjo nuk jep kurnifar arsye qe lejoj nje kriminel te dalin nga burgu. ky eshte vetem dokumentacion qe spjegon gjendjen afatshkurter te nje krimineli qe vrau vajzen e vet. eshte shume e vertete dhe logjike se nje njeri qe privon dikend nga jeta, pa marr parasysh lidhjeve qe kane, do te kete probleme mentale per nje kohe dhe do te shprehe pendimin e tij, por kjo nuk e arsyeton lirimin e tij, ne te kunderten, ata eshte dasht qe kete bishe te e dergojne ne Shtime, nese nuk ka pas vend per te ne burg dhe nese do te kishin arsye te forte ligjore te mos e mbajne aty, kan patur se paku dokumentacion qe ky njeri per nje kohe nuk eshte ne gjendje te mire psiqike qe te kontrolloj veten ne publik. eshte vendi per persona me probleme psiqike, dhe ka patur dukuri te tjera per te parandaluar kete dukuri kriminele. Ata gjykates duhet futur ne burg, sepse me kete vendim qe nuk ka liber ne bote qe arsyeton lirimin e nje vrasesi kane marre edhe nje jete. Ne momentin qe ata gjykates liruan kete njeri, ata kane bere shkelje te ligjit vete, kane bere edhe krim te dyfisht duke dhene rastin qe ky kriminel te ket aftesine qe te marrin edhe nje jete, dhe ne kete rast ata jane bashkevrases me gjith kriminelin.

[Urata]

O My God...!!!!!!!!!!!!!!!!!

[murrizi]

.... paska qen tmerr i madhë

[Peja-Boy]

Kështu u dënua Hasani
Me arsyetimin se në momentin e vrasjes së vajzës së tij 16-vjeçare, Hasan Raci ka vepruar në afekt mendor, Gjykata e Qarkut në Pejë e ka dënuar atë vetëm për armëmbajtje pa leje. Expressi sjell pikat kryesore të këtij aktgjykimi, i cili është i mbështetur në dëshminë e vrasësit, gruas e djalit të tij dhe mjekëve të Neuropsikiatrisë

Nga Jeton Musliu më 26.09.2009 në ora 8:41

Në emër të popullit, Gjykata e Qarkut në Pejë dënoi me dy vjet mbrojtje në liri, Hasan Racin, 37 vjeç, i cili vrau të bijën L.H. rreth 16 vjeçe (saktësisht 15 vjeç e 4 muaj e 9 ditë), nxënëse e klasës së tetë të shkollës fillore. I njëjti trup gjykues, këtij personi, pas gjashtë muajsh të mbajtjes në paraburgim, i ndërprenë këtë masë ndalimi duke i mundësuar atij që të shëtisë lirshëm.

Pas këtij vendimi, Hasan Raci, tre muaj më vonë, vret kushëririn e tij, Mensurin, 21 vjeç nga Siçeva e Klinës. Expressi ka siguruar të plotë këtë aktgjykim të trupit gjykues, ku dënimin e shqiptuar me dy vjet burg ndaj Hasan Racit për vrasjen e së bijës së mitur, ata e bazojnë në katër shtylla kryesore.

E para është ekspertiza e tre mjekëve neuropsikiatër, të cilët kanë shkruar në raportin e tyre se vrasësi, në momentin e kryerjes së krimit ka qenë në afekt të rëndë mendor. Në këtë rast përfshihen edhe fotoalbumet e vendit të ngjarjes, autopsia, skicat, gëzhojat e plumbave të shkrepur, arma etj.

Pika e dytë është dëshmia e gruas së Hasanit, H.R. respektivisht nëna e viktimës, e cila deklaron se fjalët që ia ka thënë vajza babait të vet në atë moment, nuk do t’i duronte as ajo. Dhe pika e tretë është dëshmia e djalit të tyre, L.R. respektivisht vëllait të viktimës, i cili ka deklaruar se ka qenë në korridor dhe ka dëgjuar bisedën e bërë nga vajza e mitur me babanë e saj.

Gjithçka që shkruan në aktgjykim në lidhje me faktet e mundshme të ofruara nga prokurori i çështjes, Gëzim Kollçaku, është fjala e tij përfundimtare, ku ai ka mbetur në tërësi pranë akuzës së ngritur, ku përveç aktakuzës për armëmbajtje pa leje, këtë vrasje ai e cilëson si vepër të rëndë penale.

Kështu, me këtë aktgjykim, paneli i gjykatës i përbërë prej Ukë Muçajt, kryetar, Sejdi Blakajt anëtar, dhe porotëve Hasan Morina, Shaban Tahirbegolli e Hasan Berisha, e dënojnë vrasësin Hasan Raci me dy vjet burg, mbrojtje në liri.

Dita e vrasjes
Ky trup gjykues e ka gjetur fajtor Hasan Racin për vrasjen e së bijës ngase në ditën e mërkurë të datës 17 dhjetor 2008, rreth orës 19 e 35 minuta, në momentin e kryerjes së veprës penale, ai është vënë në gjendje të afektit dhe tronditjes së rëndë mendore, nga vajza e tij 16-vjeçare.

“...I vënë pa fajin e tij në gjendje të tronditjes së fortë mendore të shkaktuara nga fyerjet e rënda të së ndjerës L.H. ai e privon nga jeta vajzën e tij, tani të ndjerën 15-vjeçare...”, vazhdon më tej arsyetimi i këtij aktgjykimi. “...Në natën kritike kur i akuzuari kthehet në shtëpi, njoftohet se tani e ndjera, e cila kishte dalë nga shtëpia pa lajmëruar askënd, 2 apo 3 orë më parë dhe ende nuk ishte kthyer...”, thuhet në këtë dokument.

Për këtë arsye, i akuzuari (Hasan Raci) del në oborrin e shtëpisë me qëllim që ta kërkojë të bijën, por në këtë rast ai vëren çantën e vajzës së tij me rroba, e cila hidhet nga rruga në oborr. Sipas versionit zyrtar, Hasani e hap derën e oborrit, e cila ndodhej e mbyllur dhe e pyet tash të ndjerën se ku qenë deri në atë kohë, duke filluar në këtë mënyrë një mosmarrëveshje verbale.

“...Aty tash e ndjera i thotë të atit se ‘unë ty nuk të pyes kur dal e kur kthehem’, unë ty nuk të kam babë, ti nuk mund të më ndalesh, unë kur dua dal, ti je qen, pis’ dhe e shan dy tre herë, e pështyn disa herë...”, citohen në aktgjykim fjalët e së ndjerës L.H. të thëna pak para momentit të vrasjes. Në këtë moment, dokumenti shkruan se i akuzuari, Hasani, i vënë në gjendje të afektit mendor, esencialisht të zvogëluar e afër pa përgjegjshmërisë së tij, nxjerr nga brezi revolen TT M-57, kalibri 7.62 mm dhe shtie disa herë në drejtim të së bijës.

“...E qëllon gjashtë herë në pjesën e përparme të trupit, në abdomen (bark) dhe një herë në pjesën e majtë të gjoksit, e si pasojë e gjakderdhjes së brendshme dhe të jashtme trupore, ajo menjëherë vdes...”, vazhdon më tej aktgjykimi duke e cilësuar këtë vrasje si “vepër penale të vrasjes së kryer në gjendje të afektit mendor nga neni 148 të KPK-së”. Në këtë dokument më poshtë sqarohet dhe vepra penale të mbajtjes në pronësi të armëve pa leje, e cila i konfiskohet nga policia.

Shqyrtimi i rastit
Pasi ka shqyrtuar provat, ekspertizën e mjekëve, ka dëgjuar dëshmitarët që përveç vrasësit janë nëna dhe vëllai i viktimës, trupi gjykues ka vendosur që ta arsyetojë tronditjen e fortë mendore të Hasanit, nga fjalët e vajzës së tij. “...Duke vlerësuar mbrojtjen e të akuzuarit Hasan Raci, gjykata ka ardhur në përfundim se aprovimi i mbrojtjes së tij ka të bëjë sa i përket veprimeve për të privuar nga jeta vajzën e tij, tash të ndjerën L.H. për arsye dhe rrethana të cekura më lart dhe nuk e ka aprovuar mbrojtjen se revolen e ka mbajtur për shkaqe sigurie...”, shkruan në aktgjykimin e këtij paneli gjyqtarësh.

Në këtë mënyrë, gjykata aprovon pjesërisht kërkesën e avokatit mbrojtës, Haxhi Çekaj, i cili sipas dokumentit, ka propozuar që klienti i tij të lirohet nga akuza për veprën penale, pika 1 (vrasjen e së bijës), duke pasur parasysh se Hasan Raci ka vepruar në gjendje papërgjegjshmërisë, duke marrë parasysh edhe konstatimin e tre mjekëve.
“...Sa i përket veprës penale të mbajtjes pa autorizim të armës, kundër të akuzuarit, t’i shqiptohet një dënim sa më i butë...”, citohet në këtë aktgjykim kërkesa e avokatit Haxhi Çekaj.
“...Gjykata nuk ka aprovuar propozimin e mbrojtësit që i akuzuari të lirohet nga akuza me arsyetimin se ditën kritike ka qenë në gjendje të papërgjegjshme, ngase ndryshe kanë dhënë deklarimin tyre ekspertët...”, shkruan në dokument. Krejt në fund, gjykata e rrëzon pretendimin e prokurorit duke mos e cilësuar këtë vepër penale si vrasje të rëndë, por vetëm si vrasje e kryer nën afekt mendor.

“...Pasi Hasan Raci nuk ka dashur ta kryejë këtë veprim, por trupi gjykues nxjerr përfundimin se ky person është fajtor për veprën penale të vrasjes të kryer në gjendje të afektit mendor (neni 148 të KPK)...”, thuhet në aktgjykim. Gjykata sqaron se ka vlerësuar të gjitha rrethanat lehtësuese dhe rënduese të parapara me nenin përkatës (...), në lidhje me këtë çështje, nuk ka gjetur asnjë rrethanë rënduese, përkundër që ka konstatuar disa rrethana lehtësuese.

“...Rrethanat lehtësuese janë se i akuzuari nuk ka qenë më parë i dënuar, është familjar, baba i 3 fëmijëve, i varfër, sjellje korrekte para gjykatës dhe i penduar...” arsyeton trupi gjykues për këtë rast. Krejt në fund, gjykata thotë të jetë e bindur se këto dënime janë në harmoni me intensitetin e rrezikshmërisë shoqërore të veprave penale të kryera dhe shkallës së përgjegjësisë penale të këtij të akuzuari. “..Me këto dënime do të arrihet qëllimi i dënimit kundër të akuzuarit, i paraparë me nenin 34 pika 1 e 2 të KPK-së”.

Dëshmia e nënës
Pasi shpjegon gjendjen familjare se jetojnë në bashkësi, se burri i saj Hasani nuk ka qenë i dhunshëm, as me të, as me fëmijët, se në natën kritike kanë qenë mysafirë dhe djali i tyre i ka lajmëruar se vajza nuk është në shtëpi dhe pas ardhjes së tyre, nëna e viktimës, H.R. rrëfen momentin kritik. Ajo ka treguar para trupit gjykues se atë natë ka qenë në ballkon të shtëpisë nga ku nuk ka mundur t’i shikojë Hasanin dhe të bijën, por e ka dëgjuar bisedën e tyre. Sipas dokumentit, ajo përsërit pothuajse të njëjtat fjalë të thëna nga burri i saj, duke shtuar se nuk do ta duronte as vetë të bijën nëse do t’ia thoshte ato fjalë. Në të njëjtën kohë, ajo nuk kërkon dëmshpërblim, nuk e ndjek burrin penalisht, por deklaron se do të vazhdojë jetën sërish me burrin e saj.

Dëshmia e vëllait të viktimës
L.R. është vëllai i së ndjerës. Në natën kritike, sipas dëshmisë së tij, babai dhe nëna kanë qenë mysafirë. Ai e ka njoftuar babanë se motra nuk është në shtëpi. Në momentin kritik kur ka ndodhur fjalosja ndërmjet viktimës dhe babait të saj, vëllai i së ndjerës ka deklaruar se ka qenë në korridor të shtëpisë. Ai përmend sharjet e njëjta që motra i ka drejtuar babait dhe më vonë ka dëgjuar disa të shtëna. Kur ka dalë menjëherë në oborr, ka parë të motrën e shtrirë për tokë dhe babanë duke u larguar me veturë.

Aktgjykimi
Për veprën penale në pikën 1 të diapozitivit me dënim me burgim në kohëzgjatje prej 2 vjetësh, në këtë dënim llogaritet koha e kaluar në paraburgim me datën 17.12.08, gjer me datën 22.04.09. Për veprën penale në pikën 2 të diapozitivit me dënim me gjobë në shumë prej 450 euro, afati i pagimit të dënimit me gjobë prej 3 muaj, e në rast të mospagimit të dënimit me gjobë, do të zëvendësohet me dënim me burgim duke llogaritur çdo ditë burgu nga 15 euro. Kundër të akuzuarit konfiskohet arma dhe municioni dhe atë një revole e tipit TT, M-57, prodhim jugosllav, kalibri 7.62 mm me nr. serik 0B665si dhe një karikator. I akuzuari Hasan Raci obligohet që t’i paguajë shpenzimet e gjykatës në emër të paushallit gjyqësor me shumën prej 100 euro si dhe në emër të shpenzimeve të procedurës penale për ekspertim shumën prej 306 euro e 60 centë, të tëra këto në afat prej 15 ditësh pasi aktgjykimi të marrë formën e prerë.

Prokuroria
Pavarësisht dënimit të shqiptuar nga Gjykata, Prokuroria në këtë çështje nuk ka bërë asnjë ankesë. Arsyeja, sipas Flamur Kelmendit, kryeprokuror në Prokurorinë Publike në Pejë, është se në këtë çështje është bërë një lëshim procedural (thënë thjesht është pështjellë dosja) dhe për këtë arsye, afatet ligjore për ankesë kanë përfunduar dhe dënimi i shpallur për këtë rast është çështje e kryer.

[Peja-Boy]

Ekspertiza e mjekëve neuropsikiatër të Qendrës Klinike Universitare të Kosovës ka qenë njëra nga dëshmitë më të rëndësishme në procesin gjyqësor kundër Hasan Racit, 37 vjecarit, që ka vrarë vajzën e tij 16 vjeçare.
Trupi gjykues i Gjykatës së Qarkut në Pejë, si njërën ndër pikat bazë të marrjes së vendimit përfundimtar në lidhje me këtë rast, është mbështetur edhe në mendimin e mjekëve Dr. Fahri Drevinja, Dr. Nazife Sulejmani dhe Mr. Nada Morina.
Express ka siguruar këtë dokument të deponuar nga këta tre mjekë të Klinikës së Neuropsikiatrisë, të cilët gjatë procesit gjyqësor të kësaj çështjeje e kanë dorëzuar dhe nënshkruar pranë kësaj gjykate.
Në cilësinë e ekspertëve, tre mjekët, drejtues i të cilëve ka qenë Dr. Fahri Drevinja, gazeta është munduar t’i kontaktojë gjatë ditës së enjte thjesht për të shpjeguar ato që kanë shkruar në këtë dokument.
Kjo për faktin se mendimi i tyre i dhënë në lidhje me gjendjen psikike të Hasan Raci, është i mbushur me terminologji të cilat përveç rrethit mjekësor, vështirë se kuptohen nga njerëzit e thjeshtë.
Ky ekzaminim mjekësor, sipas këtij dokumenti, është hartuar pas rezultateve të mbajtjes në Klinikën e Neuropsikiatrisë në Prishtinë të Hasan Racit, nga data 24 mars deri më 3 prill 2009.
Derisa mjekët Fahri Drevinja dhe Nazife Sulejmani ndodhen jashtë Kosovës dhe kontakti me ta është i pamundur, gazeta ka biseduar me Mr.sci.Nada Morina.
“Unë nuk mund të them asgjë. Mjeku Fahri Drevinja ka qenë si kryesues i këtij ekipi të mjekëve dhe ju duhet të kontaktoni atë për sqarime”, thotë Nada Morina për Express.
Në të njëjtën kohë, gazeta ka provuar që “përkthimin” e këtij dokumenti ta bëjë ndonjë prej mjekëve të fushës përkatëse, por asnjë prej tyre nuk ishte i gatshëm ta bëjë këtë.
Për këtë arsye, Express sjell në vazhdim këtë dokument të shkruar në formën e vet origjinale, ndërkohë që në fund të dokumentit janë vulat dhe nënshkrimet e tre mjekëve dhe vula zyrtare e QKU-së.

[Peja-Boy]

Mendimi dhe konstatimi:
(Letra e mjekëve)
“Fjala është për një person i cili nuk ka histori të trajtimit psikiatrik. Ai manifeston karakteristika të presionit me reagime të shpejta impulsive, me prag të ulur të tolerancës në situatë frustrative me fleksibilitet të ulur, vetëkontroll.
Vërehen qëndrime rigjide, ngadalësim dhe kontroll më i dobët i vetvetes. Sa i përket sferës afektive dominon një disponim disforik, vështirësitë e kontrollit të afektit janë manifeste.
Nuk verifikohen çrregullime të përhershme ose të përkohshme mendore. Nuk vërehet ndonjë shkallë e retardimit mendor ose ndonjë sëmundje ose gjendje tjetër në shëndetin mendor ose fizik të tij.
Verbalisht është kritik për gjendjen në të cilën gjendet dhe manifeston pendim të thellë për veprën. Nuk pohon për ideacione suicidale. Tempore kriminis mendojmë që ngjarja është kryer në saje të reagimit të shpejta të tij, në saje të karakteristikave të tij, rigjiditetit të personalitetit të tij, në ato momente ai ka qenë mjaft i ngarkuar emocionalisht.
Ka reaguar me shpejtësi dhe pa i përpunuar mirë veprimet e tij. Do më thënë, vepra është kryer me shkaktar situacional të aty për atyshëm, pa u paramenduar më parë.
Mendojmë se vepra është kryer në afekt.
I njëjti gjatë qëndrimit në klinikë, përpos ekzaminimit psikiatrik, për nevoja të gjykatës është trajtuar me barna për qetësim, kështu që edhe nga përkrahja terapeutike tash është në gjendje më të mirë psikike.
Mund të ketë edhe momente që nga ngarkesa e lartë emocionale, dëshpërimi, humbja, mos të bashkëpunojë, por mendojmë se ajo mund të tejkalohet.
I njëjti duhet të jetë në kontroll të herëpashershëm te psikiatri për shkak të rrethanave të krijuara dhe rikujtimeve-ripërjetimeve emocionale nga ngjarja nga të cilat mund të dekompensohet.”
Fjala e gjyqtarit
Hasan Raci, vitin e kaluar e ka vrarë me gjashtë plumba vajzën e tij të mitur. Hasani për këtë vepër është dënuar prej një trupi gjyqtarësh në Pejë me vetëm 2 vjet burg dhe është liruar pas gjashtë muajve, ku sapo del e vret edhe një kushëri 21 vjeç. Kryetari i trupit gjykues i këtij rasti, Ukë Muçaj, në një intervistë për Express ka thënë se ky aktgjykim është mbështetur në ligj dhe në mendimin e ekspertëve të neuropsikiatrisë. Lexojeni shpjegimin e gjyqtarit Muçaj


Nga Jeton Musliu më 24.09.2009 në ora 8:22

Para një javë Expressi kishte kontaktuar gjyqtarin e Gjykatës së Qarkut në Pejë, Ukë Muçajn, për të shpjeguar një aktgjykim për një vrasje të kryer në Klinë, ku babai e kishte vrarë me gjashtë plumba çikën e tij 16-vjeçare.

Trupi Gjykues i kryesuar nga Muçaj, Hasan Racin, për këtë vrasje e kishin dënuar me 2 vjet burg me kusht. Hasani ishte liruar pas 6 muajve dhe vetëm pas pak javësh, i njëjti e ka vrarë edhe një kushëri të tij, 21 vjeç.

Fillimisht gjyqtari Muçaj kishte refuzuar të flasë për këtë rast, por pas botimit të një serie shkrimeve të gazetës Express, ai ka pranuar për t’u intervistuar, mirëpo nuk ka pranuar që intervista të incizohet, prandaj kjo intervistë është shkruar me dorë.

Lexojeni në vazhdim arsyetimin e gjyqtarit Muçaj se pse trupi gjykues për një vrasje kaq bizare e ka dënuar me një dënim kaq të ulët Hasan Racin.

Express: Si e keni marrë ju këtë lëndë?
Ukë Muçaj: Sipas rregullores së Gjykatës së Qarkut në Pejë, lënda caktohet sipas radhës që i bie trupit gjykues, sipas alfabetit. Çdo fazë të procedurës penale, gjykata është e obliguar t’i shqyrtojë me kujdes kur janë çështjet me paraburgim dhe sipas ligjit, caktohen menjëherë.

Express: Si ka mundësi që për gjashtë muaj, ky rast të përfundojë në tërësi, të kryhen të gjitha procedurat dhe të shpallet aktgjykimi?
Ukë Muçaj: Në Gjykatën e Qarkut në Pejë, lëndët që janë me paraburgim, kryetari i trupit gjykues e ka për obligim ligjor që palëve brenda tetë ditësh t’ua çojë thirrjet për shqyrtim gjyqësor. Vendimi për gjashtë muaj është marrë sepse gjyqtarët, qoftë ai i procedurës paraprake apo ai për konfirmimin e aktakuzës, dhe kryetari i trupit gjykues kanë qenë ekspeditiv, duke respektuar ligjin sikurse për rastet e tjera.

Express: Pse kaq shpejt kryhen të gjitha lëndët në Gjykatën e Qarkut në Pejë?
Ukë Muçaj: Kur është çështje me paraburgim, u jepet përparësi këtyre lëndëve.

Express: Pse i është ndërprerë paraburgimi pas gjashtë muajsh një personi që vret fëmijën e vet?
Ukë Muçaj: Në rastin konkret nuk është obligator, por sipas Kodit të Procedurës Penale, edhe në rastet e tjera.

Express: Ku jeni bazuar për lirimin e atij personi, pas gjashtë muajsh?
Ukë Muçaj: Sepse kanë pushuar arsyet ligjore të mbajtjes së tij të mëtejshme në paraburgim.

Express: Pse?
Ukë Muçaj: Kjo është çështje e gjykatës. Është vlerësim i saj.

Express: Gjyqtar, mendoni se dënimi i dhënë për këtë person që vret fëmijën e vet, ka qenë i drejtë?
Ukë Muçaj: Vendimi që ka marrë trupi gjykues është i drejtë dhe i ligjshëm. Këtë mund ta vlerësojë vetëm Gjykata e Shkallës së Dytë, pra Gjykata Supreme.

Express: Por tre muaj pas ndërprerjes së paraburgimit ndaj atij personi, i njëjti ka vrarë një njëri tjetër. Kush duhet të mbajë përgjegjësi?
Ukë Muçaj: Përgjegjësinë e mban ai person që e ka kryer vrasjen.

Express: Por ku e keni bazuar vendimin për ndërprerje të paraburgimit. Mbi cilat fakte?
Ukë Muçaj: E gjitha është e bazuar në ligj dhe mendimin e ekspertëve të Qendrës Klinike Universitare të Kosovës, Klinika e Neuropsikiatrisë, të dhëna në ekspertizë dhe shqyrtimin gjyqësor të tre ekspertëve.

Express: Kush janë ata ekspertë?
Ukë Muçaj: Ata janë Prof. Dr. Fahri Drevina- neuropsikiater, dr. Nazife Sulejmani-Hulaj- psikiatre dhe mr. Nada Morina- psikologe. Këta kanë bërë ekzaminimin e të akuzuarit në klinikën e tyre dhe kanë dhënë mendimin në ekspertizë si dhe në bazë të mendimit të tyre të përbashkët të dhënë në shqyrtimin gjyqësor. Mendimi është se llogaritshmëria e të akuzuarit mund të jetë diku ndërmjet esenciales me aftësi esencialisht të zvogëluara ose në afekt të pallogaritshmërisë së tij.

Express: Na e përkthe pak, çfarë është kjo?
Ukë Muçaj: Kjo do të thotë se ai ka qenë gati i paaftë në momentin e shkaktimit të veprimit. Këtë e parashikon edhe Kodi Penal i Kosovës, neni 12, paragrafi 2 dhe Rregullorja e UNMIK-ut 2004/34 e cila ka hyrë në fuqi me 24 gusht 2004, mbi Procedurën Penale, ku përfshihen kryes me çrregullime mendore.

Express: Meqë keni konstatuar çrregullime, pse nuk keni kërkuar në aktgjykim që ai të vendoset në ndonjë institucion me mbikëqyrje?
Ukë Muçaj: Sepse nga ana e prokurorit nuk ka pasur fare propozim të tillë.

Express: Si qëndron puna e aktgjykimit. Ia keni dërguar Prokurorisë apo jo?
Ukë Muçaj: Gjykata ua ka dërguar aktgjykimin në afatin ligjor palëve të caktuara, duke përfshirë edhe Prokurorinë dhe për këtë kemi edhe provë.

Express: Cila është kjo provë?
Ukë Muçaj: Kjo është fletëdërgesa për dorëzim personal, Prokurorisë Publike të Qarkut në Pejë, për aktgjykimin e datës 22 prill 2009, që shkrimorja e Prokurorisë e ka marrë në mënyrë zyrtare më 2 qershor 2009 dhe është nënshkruar nga punëtorja me mbiemrin Imami.

Express: Pse kryeprokurori thotë se nuk e ka marrë aktgjykimin?
Ukë Muçaj: Kjo është çështje e tij. Zyra e prokurorit e ka pranuar aktgjykimin.

Express: Në tërë këtë rast, mendoni se jeni i pastër?
Ukë Muçaj: Në këtë rast dhe në rastet e tjera, kam vendosur në suaza të ligjit.

Suspendimi?

Express: Pse jeni suspenduar nga detyra si gjyqtar?
Ukë Muçaj: Unë nuk jam i suspenduar, por kur kam kuptuar se ka akuzë ndaj meje, atëherë unë kam vendosur vetë të largohem nga vendimmarrja, deri në marrjen e një vendimi.

Kryeprokurori Kelmendi përgënjeshtron vetveten:
Një ditë më parë në prononcim për Express, kryeprokurori i Prokurorisë Publike në Pejë, Flamur Kelmendi ka thënë se përveç aktvendimit për ndërprerje të paraburgimit ndaj Hasan Racit, ata nuk kanë marrë aktgjykim nga gjykata.
“Ne e presim aktgjykimin dhe ma merr mendja se do të ushtrojmë ankesë, sepse atë shqetësim e kam pasur edhe unë, se dënimi ka qenë joadekuat për këtë rast”, thotë kryeprokurori Kelmendi për Express.
Por një ditë më vonë, të mërkurën, pasi ka shfletuar dosjet ngadalë, mes shumë shkresave ai e ka gjetur aktgjykimin e dërguar nga Gjykata e Qarkut në Pejë.
“Po, është marrë aktgjykimi më 2 qershor 2009 dhe nuk është ushtruar ankesë”, tha kryeprokurori Kelmendi.
Sipas tij, arsyeja përse Prokuroria nuk ka ushtruar ankesë ndaj vendimit të gjykatës që për vrasjen e së bijës së mitur, Hasan Raci është dënuar me dy vjet burg, mbrojtje në liri, Kelmendi e arsyeton me lëshime procedurale.
“Kjo ka ndodhur për shkak të lëshimeve procedurale në Prokurori. Megjithëkëtë, i dyshuari Hasan Raci, për veprën penale të vrasjes së Mensur Racit do të marrë dënimin e merituar, po që se vërtetohet se i njëjti këtë vepër penale e ka kryer për motive të ulëta- hakmarrje”, thotë kreu i akuzës në Pejë.
Pavarësisht kësaj, ai sqaron se nëse aktgjykimi e ka marrë formën e prerë, gjykata do të veprojë në drejtim të vuajtjes së dënimit dhe gjykata ka mundësi që këtë dënim ta unifikojë me dënimin që mund të pasojë për veprën penale të vrasjes së dytë.

[Peja-Boy]

http://www.gazetaexpress.com/images/gexGallery/15707/cache/a-490x320.jpg


Drejtësia e Dreqit
Komplikimet ligjore në rastin e Hasan Racit janë të thella. Gjyqtari Ukë Muçaj, edhe pse i obliguar, nuk ia kishte dërguar aktgjykimin Prokurorisë, që ajo ta këtë mundësinë e ankimit. Ekspertët e gjyqësisë thonë se lirimi i Racit, vetëm gjashtë muaj pasi kishte vrarë vajzën e vet, nuk ka bazë ligjore.

Nga Jeton Musliu më 23.09.2009 në ora 8:10

Në procesin gjyqësor, në rastin e vrasjes së vajzës 16 vjeçare nga fshati Siçevë i Klinës, nga babai i saj Hasan Raci, duket se ka edhe shkelje të tjera ligjore.
Pas gjashtë muajsh të mbajtjes në paraburgim të Hasanit, trupi gjykues në Gjykatën e Qarkut në Pejë, me gjyqtar kryesor Ukë Muçajn, me një aktvendim, i ka ndërprerë atij këtë masë (paraburgimin).

Në të njëjtën kohë, sipas kryeprokurorit të Prokurorisë Publike në Pejë, Flamur Kelmendit, ky person është dënuar me dy vjet burg, por në mbrojtje në liri.

Por, të premten, kur Express ka kontaktuar direkt me telefon vetë gjyqtarin kryesor të kësaj çështjeje Ukë Muçajn, ai ka thënë se ndaj Hasan Racit, në lidhje me vrasjen e të bijës, përveç që i është ndërprerë masa e paraburgimit pas gjashtë muajsh, atij i është shqiptuar dënimi prej pesë vjetësh mbrojtje në liri.

“Janë shkresat e lëndës. Nuk di përmendesh. Vendimi është marrë edhe pas mendimit të ekspertëve të ardhur nga QKU-ja se vrasja është kryer nën afeksion dhe depresion. Me kod të ri, paraburgimi nuk është i obligueshëm. Ne po shkojmë kah Evropa”, ishte shprehur Mucaj, aktualisht i suspenduar nga detyra si i dyshuar për keqpërdorim të detyrës zyrtare.

Express ka pritur për katër ditë që gjyqtari Mucaj t’i tregojë këto shkresa, duke i ofruar mundësinë e takimit apo dërgimit përmes postës elektronike, veprim që ai këtë nuk e ka marrë mundimin ta bëjë.

Në lidhje me këtë, kryeprokurori Flamur Kelmendi shprehet i habitur. “Unë e kam aktvendimin për ndërprerje të paraburgimit këtu ku shkruan se ai është dënuar me dy vjet burg, mbrojtje në liri”, thotë Kelmendi .

Pavarësisht kësaj, ndërprerja e paraburgimit pas gjashtë muajve ndaj Hasan Racit ka bërë që vrasësi i së bijës, tre muaj më vonë, të ekzekutojë në qendër të Klinës edhe kushëririn e tij 21 vjeçar, Mensurin, nga i njëjti fshat.

Pikërisht kur fillon procesi gjyqësor nis edhe ndërlikimi i situatës dhe shkeljet e ligjeve e neneve që parashikojnë procedurat përkatëse, që një gjyqtar duhet t’i ndjekë.

Në lidhje me mosankimin nga ana e akuzës për vendimin e gjykatës, që vrasësi i 16 vjeçares të lirohet nga paraburgimi pas gjashtë muajsh dhe i njëjti të dënohet me dy vjet burg në mbrojtje në liri, një shpjegim shumë të shkurtër jep ish prokurori i kësaj dosjeje, Gëzim Kollçaku.