SKANDALI i EULEX-it

[Llapjani_HH]

Skandaloze: Leo, pjesëtari i EULEX-it që fyen shqiptarët dhe Kosovën

Stefan Loren, ose shkurt Leo, është emri i pjesëtarit të EULEX-it që për një kohë të gjatë ka terrorizuar stafin vendor të këtij misioni.

Mediet që raportuan për ngjarjen, vazhdojnë të japin detajet e sjelljeve të turpshme të këtij individi.

Në raportin e ankesës për të thuhet se Leo ka thënë se “është kënaqësi që me flamurin shqiptar të fshijë prapanicën dhe se Kosova është vend i mirë për ta pshurrur”.

Ai u ka thënë punëtorëve lokalë se “ju shqiptarët jeni të marrë, se nuk keni shtet dhe se Serbia nuk do të lëshojë kurrë Kosovën”, raportojnë mediet.

Ai ka pranuar se ka lidhje nga e kaluara me Serbinë dhe se gjyshi i tij ka luftuar me serbët kundër shqiptarëve, pasi nuk i konsideron si të edukuar. Ai raportohet të ketë abuzuar psikikisht stafin lokal dhe ka përqeshur fenë e shumicës së kosovarëve, Islamin.

Gjithashtu ka kërcënuar punëtorët lokalë me përjashtim nga puna nëse flasin duke përmendur lidhjet e forta që kishte me Brukselin.

Rezultatet e hetimit për të do të bëhen publike deri në fund të muajit.

Sipas medieve, Leo është punëtor francez i EULEX-it, i cili më herët kishte shërbyer në forcat e KFOR-it, ndërsa që prej dy vjetësh punon në EULEX.
Bota Sot

[Guri i madh]

ky qenka deklarue haptaz ne dallim nga misoni i eulexit ne kosov me 6 pikshin

eulexi tek ne ben spektakle e ne veri i toleron po ne shum raste edhe i ndihmon strukturat paralele


e ktyre strukturave parealele qeveria e kosoves ju ndan paga mujore nga taksat tona

[panta_rhei]

http://vargmal.org/ndrisa/treg/kforeulex.jpg

[Llapjani_HH]

Racizmi i francezit


Stefan Loren, shefi i sigurimit të shefit të EULEX’it, ka ofenduar rëndë shqiptarët. KMDLNJ konsideron se fyerja për ndjenjën e tyre kombëtare, fetare, simbolet kombëtare e veçmas flamurin nuk është abuzim i thjeshtë, por racizëm i pastër. Xavier Bout de Marnhac thotë se nuk mund të kontrollojë sjelljen e çdo punëtori. Ai, madje, hedh akuza ndaj shqiptarëve.

Ofendimet e punonjësit të EULEX-it, francezit Stefan Loren ndaj stafit vendor kanë ngjallur reagime të ashpra në Kosovë, përderisa shefi i misionit, Xavier Bout de Marnhac, tha të hënën se rasti i zyrtarit të suspenduar është marrë me seriozitet dhe nëse ka pasur shkelje të kodit të sjelljes, ajo sjellje do të dënohet.

Por, masën e suspendimit ndaj Loren, Këshilli për Mbrojtjen e të Drejtave dhe Lirive të Njeriut në Prishtinë (KMDLNJ) e konsideron të pamjaftueshme. Sipas kësaj organizate, një masë e tillë është mesazh i keq për qytetarin e Kosovës.

“Arsyetimi që EULEX ka dhënë në mediat e Kosovës, që ‘suspendimi është bërë për arsye sigurie’, është edhe ofendim shtesë për qytetarin. Kjo do të thotë që nëse nuk do të ishte për çështje sigurie të pjesëtarëve të misionit, atëherë rasti do të mbyllej”, thuhet në një reagim të KMDLNJ-së.

KMDLNJ konsideron se fyerja për punëtorët shqiptarë, ndjenjën e tyre kombëtare, fetare, simbolet kombëtare e veçmas flamurin nuk është abuzim i thjeshtë. “Fyerjet e tilla janë racizëm i pastër”.

Për më tepër, suspendimin e Loren KMDLNJ e quan përpjekje për moszhvillimin e hetimeve deri në fund, ndërkaq mendon se është e pamjaftueshme që rasti të hetohet vetëm nga strukturat administrative të EULEX-it.

“Nëse jo ndonjë komision i pavarur hetues, atëherë ky hetim është dhe duhet të jetë përgjegjësi e prokurorëve të EULEX-it dhe të Kosovës. Racizmi është vepër e rëndë penale dhe nuk është shkelje administrative. Një akt i tillë duhet hetuar deri në fund dhe hetimi të jetë transparent”.

Ofendimet e Loren

Loren i kishte ofenduar rëndë punonjësit vendorë me të cilët kishte punuar. Sipas një raporti të Klan Kosovës, bazuar në një kopje të dëshmisë që është bërë kundër Loren, ai në një rast kishte thënë se “është kënaqësi që me flamurin shqiptar të fshihet prapanica dhe se Kosova është vend i mirë për ta pshurrur”.

“Po ashtu, ky zyrtar, sipas dokumentit, u ka thënë punëtorëve lokalë se ‘ju shqiptarët jeni të marrë, nuk keni shtet dhe se Serbia nuk do ta lëshojë kurrë Kosovën’. Ai ka pranuar se ka lidhje nga e kaluara me Serbinë dhe se gjyshi i tij ka luftuar me serbët kundër shqiptarëve, pasi nuk i konsideron si të edukuar. Gjithashtu ai ka kërcënuar punëtorët lokalë me përjashtim nga puna, nëse flasin, duke përmendur lidhjet e forta që kishte me Brukselin”, ka raportuar Klan Kosova.

KMDLNJ ka dënuar kërcënimin ndaj stafit lokal bërë nga zyrtari i EULEX-it. Kërcënimi për stafin se nëse raportojnë rastet do t’i humbin vendet e punës, sipas organizatës, është shkelje e të drejtave dhe lirive të njeriut.
Po ashtu, Loren ka abuzuar psikikisht me stafin lokal dhe ka përqeshur fenë e shumicës së kosovarëve, islamin.

De Marnhac: S’mund ta kontrolloj sjelljen e çdokujt

Ndërkohë, shefi i EULEX-it, Xavier Bout de Marnhac, ka theksuar se ai ndihet përgjegjës për çdo veprim të secilit punëtor të EULEX-it, mirëpo nuk mund ta kontrollojë çdo sjellje të tyren. Këto komente ai i bëri pas takimit të Bordit të Përbashkët për Sundimin e Rendit dhe Ligjit. De Marnhac ka theksuar se nuk mund të japë konkluzione pa u vërtetuar akuzat.

“Unë jam udhëheqës i misionit, nuk mund të them se nuk jam përgjegjës.

Jam përgjegjës për gjithë misionin, por nuk mund të kontrolloj sjelljen e çdokujt. Tani po flasim vetëm për akuza që ende nuk janë vërtetuar dhe nuk dua të bëj konkluzione, por nëse është nevoja, do të marrim hapa”, ka thënë ai.

Të dielën, EULEX nëpërmjet një komunikate bëri të ditur se një punonjës ndërkombëtar i misionit ishte suspenduar prej detyrës, ndërsa disa të tjerë ishin transferuar përkohësisht në detyra të tjera për shkaqe sigurie.

“Të gjithë këta persona kanë qenë pjesë e Njësitit për Mbrojtje të Afërt, të ngarkuar për sigurinë fizike të shefit të Misionit, thuhet në njoftim për media të EULEX-it.
Suspendimi dhe transferimi janë marrë si masa mbrojtëse pasi që aftësia e njësitit për të kryer detyrat e tij është kompromentuar.
Një hetim i veçantë i brendshëm lidhur me akuzat për keqpërdorim të postit zyrtar dhe shkelje, i cili është pothuajse në përfundim, është i pandikuar dhe po vazhdon, ndërsa rezultatet e këtij hetimi priten para fundit të muajit”, njoftoi EULEX.

Stefan Loren, i njohur si Leo, punonte si shef i sigurimit të shefit të misionit. Inicialet e tre personave, që janë transferuar në detyra të tjera, janë M. H., E.D. dhe S.M. që të gjithë ndërkombëtarë të afërt në punë me të suspenduarin.

Kuçi: Veprim individual

Për rastin në EULEX ka thënë fjalën e vet edhe Qeveria. Zv/kryeministri Hajredin Kuçi ka theksuar se vendimi i shefit të EULEX-it për suspendimin e zyrtarit ka qenë në përputhje me rregullat e brendshme dhe në përputhje me parimet e përgjithshme demokratike.

“Veprimi i zotit Marnhac për suspendimin ka qenë i drejtë dhe është një sinjal i mirë që ka përgjegjësi për veprimin e secilit anëtar të EULEX-it. Natyrisht, procedurat tjera janë ligjore. Udhëheqësit kudo edhe në Qeveri, edhe në EULEX, kanë të drejtë të marrin masa disiplinore, përgjegjësia penale u mbetet gjykatave”, ka thënë Kuçi.

Sipas tij, veprimet individuale nuk i prishin raportet ndërmjet Qeverisë dhe EULEX-it.

Kodin e thyen edhe shqiptarët

Shefi i EULEX-it, Xavier Bout de Marnhac, beson se stafi lokal i EULEX-it ka bërë aq shkelje sa edhe Stefan Loren, punonjësi që abuzoi psikikisht me ta në baza racore e fetare për një kohë të gjatë. Sipas tij, Kodin e Mirësjelljes në EULEX e kanë thyer edhe shqiptarët, duke nxjerrë në publik informacion konfidencial.

Reagon Avokati i Popullit

Për ofendimet e rënda të Stefan Lorenit nuk ka hezituar të kërkojë sqarime edhe Avokati i Popullit, Sami Kurteshi. Ai ka thënë për Klan Kosova se Kosova duhet të rishqyrtojë kontratën me EULEX-in, në rast se vërtetohen akuzat e bëra ndaj Lorenit dhe grupit të tij.

KMDLNJ konsideron se raste të ngjashme ka pasur edhe misioni i UNMIK-ut dhe në KFOR, por që janë mbyllur apo fshehur nga këto struktura.

“Të punësuarit ndërkombëtarë në misionet si UNMIK, EULEX, KFOR kanë shfrytëzuar më të madhe gjendjen e rëndë ekonomike të qytetarit të Kosovës.
Kështu, të punësuarve në këto misione u janë shkelur të drejtat, duke u pamundësuar edhe shprehjen e lirë, duke i kërcënuar me vende pune nëse ata raportojnë rastet abuzive.

KMDLNJ i fton të gjithë të punësuarit pranë këtyre misioneve, të cilëve u janë shkelur të drejtat e njeriut, që t’i paraqesin rastet në zyrat e KMDLNJ-së në Prishtinë. Ndryshe, rastet do të mbeten të pandriçuara dhe ata që keqpërdorin pozitën e tyre do të mbesin të pandëshkuar”.
Gazeta Expres

Si gjithmon Shqiptari dejm fajtor.

[Guri i madh]

edhe ibde kermabo ishte nji anmik i shqiptarve edhe ky demarnak esht anmik i joni

po thujse te gjith jan pro serrbis kta e kan gjet edhe klasen politike te kosoves edhe e shantazhojn edhe e emrojn kryeminister

e dalngadal po shkojn te caku i tyre


po dyshoj se kan me na detyrue neve me ju kerkue falje shkjeve


me ju than na falni qe ju kena detyrue me na masakrue qashtu po e sjellin punen kta qeveritart ton me eulexin

[Neferta]

Kur mbetet shtepija pa zot dreqi pjell ne te me shpesh