Ja, marrëveshja

[Llapi]

http://www.gazetaexpress.com/repository/images/large/B_227388_thumb_large.JPG





Ja, marrëveshja

Zëvendëskryeministrja Edita Tahiri thotë se në fillim të korrikut do të arrihen gjashtë marrëveshje me Beogradin. Ajo, për gazetën Express, shpalos detajet e këtyre marrëveshjeve, të propozuara nga Ndërmjetësi Robert Cooper.
Nga Valmir Klaiqi më 27 qershor 2011 në ora 04:48
Prishtina dhe Beogradi kanë bërë hapa të rëndësishëm drejt nënshkrimit të marrëveshjeve të para mes dy vendeve.

Të paktën, këtë e thotë Edita Tahiri, Shefe e delegacionit kosovar në dialogun teknik me Serbinë.

Në një prononcim për Express, të dielën, ajo ka thënë se gjithçka mund të finalizohet më 2 korrik, në raundin e radhës të dialogut, derisa ka shpalosur detaje të pakos që përfshin gjashtë marrëveshje, të cilat janë disenjuar nga ndërmjetësi i BE’së, Robert Cooper.

Kjo marrëveshje u është bërë e ditur palëve më 6 qershor, ndërsa tani ekipet e ekspertëve po bëjnë finalizimin e detajeve.

“Mendimi im është se janë afruar shumë pikëpamjet. Po ashtu, që pala jonë tashmë ka dhënë pëlqimin në parim për propozimet që i ka paraqitur më 6 qershor ndërmjetësi Robert Cooper. Ne mendojmë se ato propozime janë mjaft të mira dhe japin zgjidhje të mirë për çështjen e lëvizjes së lirë të qytetarëve, pra vendosjen e një reciprociteti në fushën e lëvizjes së lirë”, ka thënë Tahiri, për Express.

Për Shefen e delegacionit kosovar, propozimmarrëveshjet që kanë dalë më 6 qershor nga zoti Cooper, përfshijnë idetë e të dyja palëve dhe idetë europiane.


“Kjo është një bazë e mirë, e cila siguron marrëveshje të qëndrueshme. Ne nuk do të bëjmë pra lëshime, do të qëndrojmë te pozicioni i propozimmarrëveshjeve të datës 6 qershor”, ka thënë ajo.

Qeveria e Kosovës dhe Tahiri si përfaqësuese në bisedime kanë insistuar që marrëveshjet të arrihen gjatë korrikut, në mënyrë që të fillojë menjëherë zbatimi i tyre.

Disa prej këtyre marrëveshjeve mund të fillojnë menjëherë të implementohen, siç është çështja e lëvizjes së lirë, apo e njohjes së vulave të doganave.

“Pra kjo, në mënyrë që ditën e nesërme, pas marrëveshjes mund të fillojë reciprociteti në tregtinë e lirë, përkatësisht, Kosova fillon të eksportojë në Serbi apo të përdorë territorin serb si transit për eksportime në destinacione europiane. Kështu që, disa nga marrëveshjet, pra mund të fillojnë së zbatuari menjëherë pas nënshkrimit”.

Arritja e pakos së marrëveshjeve, përveç që i jep rast implementimit, ajo, sipas Tahirit, do t’i kontribuojë Kosovës për përafrim me Bashkimin Europian.

“Ne kemi kërkuar nga BE’ja që të dyja vendet duhet në mënyrë të balancuar të përparojnë drejt BE’së. Kërkesat tona janë që në këtë periudhë, Kosova të fitojë liberalizimin e vizave dhe të hyjë në marrëdhënie kontraktuale me BE’në. Ne vlerësojmë se dialogu teknik duhet t’i kontribuojë pra afrimit substancial të Kosovës me BE’në”.

E pyetur nëse arritja e marrëveshjes me Serbinë do të kalojë nëpërmjet Kuvendit të Kosovës, Kryenegociatorja Tahiri ka thënë se përgjigjja e saj për këtë fazë është që modalitetet e marrëveshjeve do t’i propozojë ndërmjetësi Robert Cooper.

“Ne ende nuk kemi marrë nga ai ndonjë propozim zyrtar, prandaj nuk dua të paragjykoj në këtë drejtim”, ka thënë ajo.

Por, çka përmban kjo pako?

Në këtë pyetje përgjigjet Edita Tahiri.

Lëvizja e lirë
Edita Tahiri thotë se dialogu për lëvizjen e lirë është bazuar në dy parime: 1. Për ta mundësuar lëvizjen e lirë të njerëzve mes dy vendeve dhe 2: Parimi i reciprocitetit.

Qytetarët e Kosovës hyjnë në Serbi me letërnjoftim të Republikës së Kosovës dhe po ashtu qytetarët e Serbisë hyjnë në Kosovë me letërnjoftim të Republikës së Serbisë.

Kur një qytetar i Kosovës dëshiron të kalojë transit përmes Serbisë për të udhëtuar drejt një shteti të tretë, atëherë ai në kufirin mes Serbisë dhe vendit të tretë e paraqet pasaportën e Republikës së Kosovës. E njëjta gjë do të aplikohet edhe në Kosovë, për qytetarët e Serbisë.

“Pastaj, me këtë marrëveshje njihen edhe dokumentet e tjera të Republikës së Kosovës, siç janë patentë shoferët, targat e automjeteve. Me këtë rast, rregullohet çështja e sigurimit të automjeteve. Pra, gjithë dokumentacioni që ka të bëjë me lëvizjen e lirë të qytetarëve dhe automjeteve. Unë mendoj se ky zhvillim i ri e afron edhe Kosovën, edhe Serbinë drejt BE’së”, ka thënë Tahiri.

Sa i takon çështjes së targave, Tahiri tha se do të përdoret modeli sikur mes Greqisë dhe Maqedonisë, dy vende këto që kanë marrëdhënie jo të mira politike mes vete.

Detajet, siç ka thënë ajo, do të dihen më vonë, por ka shtuar se çdo gjë do të shkojë me parim të reciprocitetit.

Po ashtu, me këtë propozim të marrëveshjes do të rregullohet edhe çështja e targave të paraluftës, të lëshuara nga Serbia.

Sipas draftmarrëveshjes, Qeveria e Kosovës do t’ua vazhdojë validitetin targave KS për qytetarët serbë dhe të tjerët që jetojnë në Kosovë, e që aktualisht refuzojnë të pajisen me targa të reja RKS.

“Marrëveshja për lëvizjen e lirë i jep fund përdorimit të targave të ish-Jugosllavisë, apo çfarëdo targash ilegale që janë në Kosovë nga ajo periudhë. Po ashtu, me këtë projektmarrëveshje shuhen të gjitha zyrat paralele që kanë prodhuar dokumente udhëtimi apo automjetesh. Ndërsa një transicion që kemi pasur për targat nga KS në RKS, pra do të vazhdojë ende, por përkohësisht. Qytetarët të cilët kanë targa të paraluftës, do të marrin tabela ose RKS direkt, ose do të mund të përdorin transicionin - KS. Por në fund të transicionit, ata do të kenë tabela RKS”, ka thënë Tahiri.

Marrëveshja përfshin edhe polisën e sigurimit për vetura.

Deri më tani, dëmet e shkaktuara në trafik nga vozitësit me targa të paraluftës të lëshuara nga Serbia, nuk kanë paguar kurrfarë dëmshpërblimi, duke shkaktuar dëme prej miliona euro për shtetin e Kosovës.

Kjo çështje është menduar të zgjidhet përmes një marrëveshjeje mes Shoqatës së sigurimeve të Kosovës dhe asaj të Serbisë.

Telekomunikacioni
Sa i përket fushës së telekomunikacionit, Zëvendëskryeministrja Tahiri ka treguar se projektmarrëveshja parasheh një bashkëpunim në këtë fushë.

“Marrëveshja parasheh ndërprerjen e operatorëve ilegalë dhe arritjen e një marrëveshjeje roaming midis operatorëve të telekomunikacionit të Kosovës dhe të Serbisë, në mënyrë që qytetarëve t’u mundësohen shërbime telekomunikuese cilësore dhe me tarifa të favorshme”, ka treguar Tahiri.

Marrëveshja e telekomunikacionit parasheh shuarjen e operatorëve ilegalë mobilë, por edhe ndërhyrjen e telekomit serb në telefoninë fikse të Kosovës.

“Siç e dini, në pjesën veriore të Kosovës, aktualisht veprojnë ilegalisht Telenori dhe MTS Serbia, por edhe ka interferime në telefoninë fikse. Kjo marrëveshje u jep fund këtyre ndërhyrjeve ilegale”, ka thënë ajo.

Duke folur për vështirësitë në të cilat mund të hasë marrëveshja Kosovë-Serbi për Veriun e Kosovës, Tahiri ka përmendur modelin e integrimit të serbëve në Kroaci, veçmas atyre të Sllavonisë Lindore.

“Të gjithë e dimë se edhe atje ka pasur njëlloj përpjekjeje pra që serbët e Kroacisë të mos integrohen, por pas një periudhe rreth dhjetëvjeçare, ka ndryshuar realiteti dhe sot ata janë të integruar. Edhe Kosova, pra, me këto marrëveshje në fakt do të vendosë një bashkëpunim ndërshtetëror me Serbinë, por në anën tjetër, ky bashkëpunim do të nënkuptojë ndërprerjen e ndërhyrjeve që Serbia i ka bërë në Kosovë deri tash, si dhe integrimi i një pjese të vogël të serbëve që kanë mbetur jashtë, do të ndodhë me sukses, siç ka ndodhur me pjesën më të madhe të serbëve që sot janë pjesë e institucioneve të Kosovës”, ka shtuar Tahiri.

Energjia
Projektmarrëveshja për energji, sipas Tahirit, parasheh vendosjen e bashkëpunimit Kosovë-Serbi në fushën e energjetike.

“Do të vendosen pra sigurisht të gjitha rregullat që i përcakton Traktati i Athinës, për bashkëpunimin rajonal. Do të fillojë koha kur transmisionet që Serbia i krijon në Kosovë gjatë bartjes së energjisë elektrike, të fillojë t’i kompensojë. Kjo sepse nuk i ka bërë deri tash. Do t’i kompensojë pra në mënyrë financiare”, ka thënë Tahiri, duke shtuar se pas kësaj marrëveshjeje, do të fillojë normalizimi i pagesave për KEK’un.

Marrëveshja parasheh një plan për normalizim të pagesave për energjinë elektrike nga ana e të gjithë serbëve të Kosovës.

Përfitimet në këtë pikë të marrëveshjes, për Kosovën, do të jenë përfitime financiare.

Deri tani, siç ka bërë të ditur Tahiri, KEK’u ka humbur rreth 2 milionë euro në muaj si pasojë e mospagesës së energjisë së shpenzuar.

“Me këtë marrëveshje, KEK’u do të mund të inkasojë rreth 24 milionë euro më shumë për një vit. Mos të flas pastaj edhe për shifrat që do të jenë në planin e transmisionit”, ka thënë ajo.

Vula doganore
Propozimmarrëveshja për vulat doganore, sipas Zëvendëskryeministres Edita Tahiri, është që vulat e Doganave të Kosovës që i ka njohur Bashkimi Europian, para tri viteve, t’i njohë edhe Serbia.

“Këto janë vulat e Republikës së Kosovës që janë valide pas shpalljes së pavarësisë”, ka thënë Tahiri.

Tregtia e Lirë

Projektmarrëveshja për Tregtinë e Lirë, sipas Tahirit, do të jetë zgjidhje në përputhje me parimet evropiane dhe të reciprocitetit.

Dokumentacioni

Çështja e dokumentacionit kadastral dhe Regjistrave Civilë, sipas Zëvendëskryeministres Tahiri, është po ashtu në fazën finale.

Ajo ka treguar se është formuar një grup i udhëhequr nga EULEX’i, ku përfshihen ekspertët nga Kosova dhe Serbia, të cilët janë duke punuar për të bërë vërtetimin e besueshmërisë së dokumenteve që janë marrë nga Kosova gjatë kohës së luftës, për t’i parë mos ka vakuume apo ndryshim të dhënash në periudhën sa kanë qëndruar në Serbi.

[Zero Cool]

Në bisedime me Serbinë, delegacioni i Kosovës pranon kompromisin në dëm të pavarësisë së vendit Zëvendës-kryeministrja Edita Tahiri, kryesuese e ekipit të Kosovës në bisedime me Serbinë, në një intervistë për “Koha Ditore”, ka pranuar edhe lëshimet që i ka bërë Serbisë, duke arsyetuar se kjo qenka një marrëveshje evropiane për ta ofruar Serbinë dhe Kosovën në BE. Edita Tahiri, e cila flet për marrëveshjen, sikur Kosova të ishte një çiflig i saj, ka bërë të ditur se lëvizja e lirë, çështja e tregtisë së lirë, çështja e telekomunikacionit, e energjisë, si dhe kthimi i dokumenteve kadastrale dhe civile, janë gjashtë çështjet, për të cilat Kosova dhe Serbia do të arrijnë marrëveshje gjatë muajit korrik. >>> Sipas marrëveshjes, që pritet të arrihet, me pajtimin e Edita Tahirit, sigurisht edhe me bekimin e Qeverisë së Kosovës,(!) duke anashkaluar Kuvendin, qytetarët e vendit tonë do të mund të udhëtojnë në Serbi, vetëm me letërnjoftim. Ata nuk guxojnë ta tregojnë pasaportën e tyre, meqë Serbia shqiptarët e Kosovës i trajton si qytetarë të vet, dhe kjo, për Edita Tahirin dhe një segment të Qeverisë së Kosovës duket se është e pranueshme, ashtu sikur do të jetë e pranueshme për ata shqiptarë, që janë pajisur në të kaluarën dhe hiq pa të keq pajisen edhe sot me pasaportat e Serbisë. Ujdia mes dy delegacioneve në bisedime parasheh që Doganat e Kosovës të mbajnë vulat “Dogana e Kosovës”, dhe në dokumentet përcjellëse, kurdoherë të anashkalohet fjala “Republikë”. Qytetarëve serbë të Kosovës do t`u hiqen tabelat e Serbisë, por do t’u mundësohet mbajtja e tabelave me targat KS të kohës së UNMIK-ut, meqë veriu i vendit edhe ashtu nuk qeveriset nga Republika e Kosovës. Serbia, ka arritur që fjalën “Republikë” ta heq nga marrëveshja, duke pranuar emërtimin “Kosovo” që shënon provincën e Serbisë, të cilën Beogradi zyrtar e trajton si pjesë integrale edhe me kushtetutën në fuqi, në të cilën mbështetet Beogradi zyrtar në bisedime me delegacionin e Kosovës. Kjo marrëveshje na sjellë në kujtesë kohën e ndërrimeve kushtetuese, në vitin 1988-1989, kur Serbia kishte filluar t’ia kufizonte Kosovës autonominë dhe disa politikanë poltronë e shpirtshitur, si: Rrahman Morina, Kolë Shiroka, Ilaz Ramajli, Syrja Popovci e të tjerë deklaronin se Kosova nuk po humbet asgjë, përkundrazi po e forconte pozitën e saj nën Serbi. Duket se zonja Tahiri dhe të gjithë ata që janë të gatshëm të pranojnë këtë kompromis të turpit, në dëm të pavarësisë së Kosovës, kur Beogradi zyrtar trumbeton se Serbia kurrë nuk do ta pranojë pavarësinë e Kosovës, nuk janë të vetëdijshëm as të përgjegjshëm për aventurat e tyre, në të cilat ata do të jenë të parët që do të pësojnë. Edhe një kompromis tjetër po ndodh para syve tanë, ashtu sikur kompromisi për pakon e Ahtisarit, për të cilën kreu i atëhershëm dhe i sotëm Kosovës kishte pranuar se nën presionin ndërkombëtar ishte arritur një kompromis i dhembshëm, por pa harruar të përmendte se ky do të ishte edhe kompromisi i fundit. Koha po tregon se me këtë klasë politikanësh poltronë, kompromiset janë të vetmet të arritura të tyre, gjithsesi në dëm të interesit kombëtar të Kosovës, por në përforcim të pozitave të tyre dhe të favoreve që do t’ iu sjellë edhe ky kompromis, edhe pse zonja Tahiri po mundohet të na bind se nuk është fjala për kompromis, por për disa lëshime, për një fasadë e ngjashme me “shminkën” e saj për të fshehur moshën e pleqësisë, e cila nuk fshihet dot me asnjë lloj “shminke” dhe as me mbajtjen e fytyrës në pozitë të ngrirë me turirin e hequr para. Kompromiset në dëm të interesit kombëtar të Republikës së Kosovës, nuk mund të kalojnë pa ndëshkimin qytetar, qoftë me revolta e protesta, qoftë me zgjedhje të jashtëzakonshme, në instancë të fundit pse jo edhe me kryengritje të armatosur. Kosova nuk është çiflig i një pashai as i pashallarëve të sotëm, nuk është as banovinë serbe, sikur ishte në kohën e Sinan Hasanit e Azem Vllasit, nuk është as vilajet i errët dhe pa identitet kombëtar, sikur e përcakton pakoja e zezë e Ahtisarit. Kosova, më 17 janar 2008 ka shpallur pavarësinë, të cilën e kanë pranuar 76 shtete të botës dhe të gjithë ata që për përfitime të ndryshme politike, pranojnë t’i bëjnë kompromise Serbisë, qoftë edhe duke qenë të shantazhuar, bëjnë gabime fatale për veten e tyre, sepse gjaku i derdhur për liri nuk bëhet ujë, as “shlivovicë” Shumadie për të ngrehë dollinë e pajtimit, për hir të ruajtjes së paqes në rajon, në dëm të Kosovës dhe të shqiptarëve përgjithësisht. Kompromisi, në rastin konkret përforcon idenë e domosdoshmërisë së bashkimit kombëtar të shqiptarëve në Ballkan, ashtu sikur kompromisi i vitit 1989, i degradimit të autonomisë, që çoi në formimin e Ushtrisë Çlirimtare të Kosovës dhe çlirimin nga Serbia hegjemoniste, okupatore, në qershor të vitit 1999. Të gjitha rrugët e trojeve shqiptare sot çojnë drejt Prizrenit, kryeqytetit historik të bashkimit kombëtar, Piemontit ende të mbetur peng të shqiptarisë. Sot, ky qytet i lashtësisë dardane, anë e kënd është stolisur me flamujt kombëtar, në përkujtim dhe mos-harrim të Motit të Madh, të 133-vjetorit të Lidhjes Shqiptare të Prizrenit. Atëbotë kreu intelektual dhe ushtarak i kombit, nga jugu në veri nga lindja në perëndim, ishte dyndur në Prizren për të demonstruar mendjen dhe fuqinë kombëtare dhe për t’i bërë me dije Lindjes e Perëndimit se toskë e gegë e katër vilajetet tok e përbënin Shqipërinë e vërtetë dhe jo shprehjen gjeografike, as Turqinë evropiane. >>> 133 vjet më parë, kreu i Lidhjes shpalosi programin e qartë kombëtar, me kërkesa programatike, të cilat u pranuan unanimisht si domosdo historike në rrethana të caktuara kohore, për ta ruajtur kombin, gjuhën territoret, që po i grabitnin fqinjët me lejen e Turqisë dhe me bekimin e qarqeve antishqiptare të Evropës e më gjerë. Lidhja Shqiptare e Prizrenit i vuri themelet kombësisë shqiptare, e cila për qindra vite në robëri rrugën e gjatë dhe të mundimshme të historisë e kishte çarë me kryengritje të njëpasnjëshme, duke ruajtur njësinë etnike, gjuhësore e fetare dhe duke luftuar në të katër anët, për të mbrojtur katër vilajetet, Vilajetin e Janinës, të Manastirit, të Shkodrës dhe të Kosovës. Tubimi historik në Prizren, më 10 qershor 1878, i kryesuar nga Abdyl Frashëri, Imer Prizreni dhe rreth 300 delegatë nga të gjitha viset e Shqipërisë, shënoi kthesën më të rëndësishme kombëtare të kohës, në një moment vendimtar historik, kur fati i kombeve nuk varej nga e drejta e natyrshme për vetëvendosje, por nga konferencat dhe pretendimet kolonialiste të krerëve politikë dhe ushtarakë të Evropës e të Azisë. Aspiratat e Lidhjes Shqiptare të Prizrenit, edhe pse u lanë me gjak në vitin 1881, ato u bënë burim frymëzimi në betejat në vazhdim, deri kur Ismail Qemali, më 28 nëntor të vitit 1912, shpalli pavarësinë e Shqipërisë. Edhe pas copëtimit të Shqipërisë nga gjitonët grabitqarë dhe nga Fuqitë e Mëdha kolonialiste të Evropës e të botës, Lidhja Shqiptare e Prizrenit rrezatonte besë-betimin për bërjen e Shqipërisë, një dhe të pandarë. Programi kombëtar i Lidhjes, mbeti alfa dhe omega e angazhimit dhe luftës së të gjithë patriotëve shqiptarë deri në Epokën e Legjendarit Adem Jashari, deri në ditët tona, kur kanë dalë në sipërfaqe forca retrograde, që pretendojnë të na kthejnë prapa, që pretendojnë të krijojnë kombe e gjuhë mushke, që pretendojnë të na shlyejnë trurin nga e kaluara lavdiplote. Sot, në Prizren u rishfaq idealizma shqiptare, e stolisur kuqezi, jo për të demonstruar ekskluzivitet, as për të thirrur në ndihmë “shpirtërat e së kaluarës”, as për të zgjuar “demonët”, por thjesht për të përkujtuar hapin historik që kemi bërë prej vitit 1878 e deri sot dhe për t ia bërë me dije, UNMIK-ut, EULEX-it, Serbisë dhe BE-së, se ne jemi këtu, ashtu sikur kemi qenë 133 vjet më parë, ashtu sikur kemi qenë 1330 vjet më parë. Dhe do të jemi këtu e gjithandej në trojet shqiptare me bukë, kripë e zemër, derëhapur për mikun e sinqertë, por barotin e thatë për të gjithë ata që synojnë të na kthejnë prapa, në ferrin skëterrë të së kaluarës. Realizimi i plotë i aspiratave të Lidhjes Shqiptare të Prizrenit, sot është më afër se kurrë më parë. Ora e historisë po shënon tik-taket e pandalshme të vullneti fisnik të një populli. i cili edhe pse i ndarë në pesë shtete, nuk u gjunjëzua, as gjunjëzohet dot, derisa të realizojë qëllimin që kanë realizuar kombet e tërë botës.

[jadore]

asgje e re nga fronti ..
kjo dhe pritej bile .. megjithate qe mos te ju hyme ne hak te gjithe pushtetareve qe mirren me politike ... se mjaft kane mekate tjera ,
.. nje te vertet duhet ta pranojme ..te gjithe jane te gozhduar ne kete rast me shpatulla pas murit ..ndjekin vetem me perpikeri skenarin e moti pregatiture qe ju servohet me mundesi manovrimi shume te vogel nga paaftesia profesionale ..

[Llapjani_HH]

Në Serbi as me targa, as me pasaporta të Kosovës
Shefi i ekipit negociator serb në bisedimet me Kosovën Borko Stefanoviq ka deklaruar se "Kosova për Serbinë nuk është shtet, as që do të jetë ndonjëherë".

Sipas tij, marrëveshja e Brukselit me Prishtinën do të lehtësojë jetën e përditshme të popullit serbë në Kosovës, por nuk do të thotë njohje indirekte e pavarësisë së Kosovës, ka thënë Stefanoviq në një intervistë për gazetën "Veçernje novosti".

"Pasaportat që si zgjidhje na imponoi Prishtina, nuk kaluan. Nëpër rrugët tona nuk do të ketë makina ne stemën e të ashtuquajturës Republikë e Kosovës", siç e citon “Novosti” të jetë shprehur Stafanoviq, duke i numëruar "përparësitë" e marrëveshjes për palën serbe.

"Do të vazhdojmë të kryejmë funksionin e shtetit ndaj komunave tona dhe qytetarëve tanë në Kosovë. Serbët edhe më tutje normalisht mund të shfrytëzojnë dokumentet e Republikës së Serbisë, nëse këtë e duan", thotë Stefanoviq.

Siç shkruan kjo gazetë gazetë, qytetarët e Kosovës që në linjën administrative me Serbinë vijnë me makina, në të cilat janë targat me stemë të Kosovës dhe të cilët kanë me vete vetëm pasaportat e Kosovës, por nuk do të mund të vazhdojnë rrugën.

Mirëpo, nëse kanë letërnjoftim, mund të vazhdojnë më tutje, por me atë rast do të marrin një karton identifikues, ndërsa targat do të ndërrohen me ato të përkohshme.

Targat e UNMIK-ut me singlën KS nuk do të bëjnë pengesa.
Në dalje të Serbisë udhëtari ua kthen aurtoriteteve kufitare serbe kartonin identifikues, i cili shërben si dëshmi se ka hyrë në Serbi.
Udhëtari pastaj në shtetin tjetër mund të tregojë pasaportën e Kosovës.
Koha.net

[Zero Cool]

Hollësi të marrëveshjeve midis Kosovës e Serbisë


Nga disa sqarime të dhëna nga disa burime lidhur me tri marrëveshjet e arritura të shtunën, “Koha Ditore” ka mësuar disa detaje rreth tyre, të cilat i sjell në këtë tekst, por me vërejtjen se për udhëzime zyrtare duhet pritur që vetë Qeveria e Kosovës t’i bëjë publike detajet dhe t’i njoftojë qytetarët se çfarë mund e çfarë nuk mund të bëjnë për të shfrytëzuar frytet e këtyre marrëveshjeve të arritura në Bruksel.
Ekipi i Robert Cooperit, i cili “lehtëson“ dialogun mes Prishtinës dhe Beogradit, sot pritet t’ua dërgojë palëve në letër të gjitha detajet rreth tri marrëveshjeve të arritura të shtunën. Këto do të jenë të shkruara në një dokument të quajtur “konkluzione të kryesuesit”, ndërsa palët do të marrin përgjegjësi politike ndaj BE-së për t’i zbatuar ato.

Në BE thonë se “u takon palëve të vendosin se si t’i njoftojnë qytetarët për detaje të marrëveshjes”, ndërkohë pritet që Qeveria e Kosovës t’i bëjë publike të gjitha këto dokumente. Tri fushat e para për të cilat është arritur marrëveshja të shtunën janë: liria e lëvizjes, regjistri civil dhe njohja e diplomave universitare.

Me letërnjoftim në xhep dhe me “letër“ të Policisë së Serbisë

Të gjitha palët kanë konfirmuar se kufiri në mes të Kosovës dhe Serbisë, ose “kufiri administrativ” siç e quajnë Serbia dhe një pjesë e BE-së, do të mund të kalohet me karta identiteti, ndërsa nuk është kërkuar asnjëherë nga Serbia që të njohë edhe pasaportat me shenjën e Republikës së Kosovës. Si kompromis mësohet se qytetarët e Kosovës do të mund të kalojnë kufirin duke treguar së pari letërnjoftimin e tyre, ndërsa policia serbe do t’u japë një letër të veçantë, që do të thotë se nuk njihet dokumenti i lëshuar nga autoritetet e Kosovës si dokument i pranuar zyrtar në territorin e Serbisë.

Targat në mënyrë reciproke

Si kompromis për përdorimin e targave është arritur marrëveshja, sipas së cilës në Kosovë do të ketë dy lloj targash, një lloj sikur ato që deri më tash i ka lëshuar UNMIK-u me shenjën KS, dhe targat e reja me shenjën RKS. Në Serbi, pa pasur nevojë të ndërrojnë tabelat e veturave, do të mund të kalojnë të gjitha veturat me shenjen KS, ndërsa në kufi do të duhet të paguajnë vetëm sigurimin e veturave. Pala serbe ka premtuar se “do të bëjë çmos që ky çmim të jetë sa më i ulët që të jetë i mundur“. Ata që në vetura i kanë targat me shenjën RKS nuk und të kalojnë në Serbi me to, por në kufi do të marrin targa të përkohshme që do t’u vlejnë brenda territorit të Serbisë.

Me rëndësi është të thuhet se edhe targat me shenjën KS do t’i lëshojnë autoritetet e Kosovës, ndërsa Kosova ka të drejtë në masa reciproke. Kjo në praktikë do të thotë se Kosova mund të kërkojë nga shtetasit e Serbisë të paguajnë sigurimin e veturave për të hyrë në Kosovë dhe që Policia e Kosovës t’ua lëshojë një letër në vend të patentë shoferit, ashtu siç bën Serbia me kosovarët. Në BE pohojnë se “Kosova ka të drejtë në këtë reciprocitet në bazë të marrëveshjes, por i takon asaj të vendosë nëse do t’i përdorë ato apo jo”. Disa diplomatë që tani pohojnë se do të ketë një lloj „presioni miqësor“ ndaj Kosovës që të mos e shfrytëzojë këtë të drejtë që e ka, në mënyrë që të tregohet “më konstruktive“.

Kosova ka insistuar në origjinalet, por Serbia nuk ka lëshuar pe

Një fushë ku Serbia nuk ka lëshuar pe është ajo që ka të bëjë me origjinalet e regjistrave civilë. Edhe pala serbe, edhe ata të BE-së kanë konfirmuar se delegacioni i Kosovës ka insistuar deri më tash tërë kohën që Kosovës t’i kthehen origjinalet, ndërsa pala serbe ka bërë të ditur se nuk e pranon një gjë të tillë, sepse kjo do të kuptohej sikur heqje dorë nga sovraniteti ndaj territorit të Kosovës. Në fund pala serbe ka dalë këtu si fituese, sepse BE-ja është shprehur se “detyrimi i Serbisë që t’i kthejë origjinalet është jashtë mandatit të BE-së në këtë dialog“.

Ndryshe, kadastrat, telekomi, vulat dhe energjia janë marrëveshjet që priten në takimin e radhës. Këto marrëveshje janë shumë afër përmbylljes dhe në BE pohojnë se aty rreth 20 korrikut edhe mund të formalizohen. Pos këtyre janë hapur në takimin e fundit edhe disa tema të reja, si trashëgimia fetare e kulturore dhe anëtarësimi në nismat rajonale. Dy këto tema vetëm sa janë prekur në takimin e shkuar dhe nuk pritet që të ketë ndonjë lëvizje të madhe për para vjeshtës.

[Zero Cool]

Ekuacioni me tri të panjohura


http://www.telegrafi.com/fo/kosove/f.0705085449710_m.jpg


Tri marrëveshje, që u ngjasojnë formulave me tri të panjohura, të arritura si rezultat i dialogut Prishtinë-Beograd, vazhdojnë të jenë tema qendrore të debateve e diskutimeve në qendrat e këtushme politike. Përmbajtja e tyre mbetet e panjohur për institucionet e Kosovës, përjashtuar këtu kabinetin e kryeministrit dhe atë të zëvendëskryeministres Edita Tahiri.

Opozita këmbëngul që qeveria t’i sjellë ato marrëveshje në Kuvend dhe t’i shpalosë në detaje përmbajtjet e tyre. Por, partia më e madhe në pushtet, PDK-ja, i vlerëson si pozitive këto marrëveshje, pavarësisht faktit se ato janë të panënshkruara dhe ende nuk dihet përmbajtja e saktë e tyre, shkruan Zëri.

Nënkryetari i Kuvendit të Kosovës nga radhët e Partisë Demokratike të Kosovës, Xhavit Haliti, thotë se opozita është e prirë të kritikojë. Por, sipas tij, këto marrëveshje shënojnë përpjekjet e para të Kosovës dhe Serbisë që t’i normalizojnë marrëdhëniet aspak të mira për vite të tëra.

Partia më e madhe opozitare, Lidhja Demokratike e Kosovës, nuk i cilëson fare marrëveshje, por konkluzione arritjet e fundit në dialogun Kosovë-Serbi në Bruksel.

Deputetja e LDK-së, Vjosa Osmani, thotë se vetë organizatori dhe ndërmjetësuesi i bisedimeve, Bashkimi Evropian, nuk po i quan ato marrëveshje, por konkluzione.

Ajo thotë se procesi i bisedimeve i ka definuar qartë përftimet e Serbisë, por jo edhe të Kosovës, e cila në këtë rast, sipas saj, vetëm po e ndihmon Serbinë në rrugën e saj drejt BE-së.

Nënkryetari i Kuvendit të Kosovës nga radhët e lëvizjes Vetëvendosje, Glauk Konjufca thotë se marrëveshjet e Brukselit u ngjajnë marrëveshjeve gjentëllmene. Ai i cilëson këto si marrëveshje të njëanshme dhe të dëmshme për Kosovën.

Në anën tjetër Aleanca për Ardhmërinë e Kosovës vlerëson se përmbajtja e marrëveshjeve nuk është bërë publike, ngase ajo që u tha publikisht nuk shtjellon në thelb se për çfarë janë pajtuar Prishtina dhe Beogradi në marrëveshjet e tyre të panënshkruara.

Sekretari i Përgjithshëm i AAK-së dhe deputeti i kësaj partie, Burim Ramadani thotë se kryenegociatorja Edita Tahiri dhe qeveria, duhet të dalin para Kuvendit dhe të prezantojnë çdo detaj të këtyre marrëveshjeve në mënyrë që ato të mund të zbatohen.

Kryenegociatorja Edita Tahiri, ka bërë të ditur se zbatimi i marrëveshjeve nën mbikëqyrjen e BE-së fillon nga 1 nëntori, duke mos e përmendur ratifikimin e tyre në Kuvend, siç po kërkon opozita.

[GURI SYLAJ]

Humbesi me i madh ketu nuk eshte as Serbia e as Kosova por Zonja KUSARI qe Megallomanine e saje te pa mbulese duhet shty deri ne Nentore ,nese edhe atehere nuk arrihet ndonje Ma(e)rre- Veshe tjeter e Zonjess Tahiri!!
Ne Politike ,Ngreh e mos kput ,po nuk e tjerre mire ,te qon drejt e ne LESH !!

[Zero Cool]

LDK kërkon marrëveshjet në Kuvend


http://www.telegrafi.com/fo/kosove/f.0705154222270_m.jpg



Pretendimi i Qeverisë së Kosovës se ka arritur tri marrëveshje me Serbinë, nëpërmjet konkluzioneve të kryesuesit të BE-së Robert Cooper, sipas Lidhjes Demokratike të Kosovës, nuk është në përputhje me Kushtetutën e Republikës së Kosovës dhe me Rezolutën e Kuvendit për Bisedimet me Serbinë.

Sipas LDK-së, pa ratifikimin e Kuvendit, këto marrëveshje janë të pazbatueshme.

Nëse këto marrëveshje janë vërtet në të mirë të Kosovës, atëherë sipas LDK-së është e pakuptueshme pse Qeveria anashkalon Kuvendin dhe Kushtetutën, sepse Kuvendi gjithsesi do të ratifikonte çdo marrëveshje që është në dobi të qytetarëve të Kosovës.

Po ashtu, sipas kësaj partie, edhe mungesa e transparencës, mosinformimi dhe anashkalimi i tërësishëm i Kuvendit në procesin e dialogut, është në kundërshtim me Kushtetutën dhe me Rezolutën e Kuvendit për bisedimet me Serbinë.

“Ky terr informativ rikonfirmon brengën e LDK-së, të Kuvendit dhe të qytetarëve të Kosovës se Qeveria e Kosovës asnjëherë nuk është përgatitur seriozisht për këtë dialog, ende nuk ka platformë konkrete dhe as vetë nuk e di saktësisht se çfarë rezultatesh dëshiron të arrijë për temat që diskutohen”, thuhet në komunikatë.

Me këto të ashtuquajtura marrëveshje, Qeveria e Kosovës, sipas LDK-së, konfirmoi se Kosova nuk është palë e barabartë në këtë dialog.

LDK-ja njëkohësisht kërkon që Qeveria urgjentisht të paraqesë tekstin e këtyre konkluzioneve (të ashtuquajtura marrëveshje) në Kuvendin e Republikës për ratifikim. Kjo parti po ashtu kërkon që të bëhet afatizimi i procesit të negociatave, duke caktuar datën e përfundimit të këtij procesi.

[Zero Cool]

Konkluzionet e Cooperit


http://www.telegrafi.com/fo/kosove/f.0706082400341_m.jpg


Dokumenti me tri marrëveshjet mes Kosovës dhe Serbisë u është dërguar palëve nga Robert Cooper. Por, as Prishtina, as Beogradi nuk e kanë publikuar.

Ndërkaq, gazeta Express mëson se lëvizja e lirë fillon brenda disa javësh. Targat e vjetra vlejnë vetëm deri më 1 nëntor. Ndërsa, çdo masë që aplikon Serbia për kalimin e kufirit për kosovarët, zbatohet edhe nga Prishtina për qytetarët serbë.

Marrëveshjet me shkrim për liri të lëvizjes, regjistrat civilë dhe pranimin e diplomave universitare kanë mbërritur në Prishtinë dhe në Beograd.

Ato janë dërguar nga lehtësuesi i dialogut, Robert Cooper në adresë të zëvendëskryeministres Edita Tahiri dhe shefit të delegacionit serb, Borislav Stefanovic.

Zyrtarë të Qeverisë së Kosovës ende nuk kanë vendosur se kur do t’i publikojnë këto dokumente. “Marrëveshjet kanë ardhur zyrtarisht nga Cooper në emër të BE-së. Për procedimin e tyre, Qeveria do të vendosë së shpejti”, ka thënë Visar Xani, zëdhënës i zëvendëskryeministres Tahiri.

Megjithatë, Express ka arritur t’i sigurojë këto dokumente nga diplomatë evropianë.
Dokumenti të cilin Cooper e quan “Konkluzionet e Kryesuesit”, përmban 11 pika për Lëvizjen e Lirë, për të cilat palët janë pajtuar në Bruksel.

Në pikën e parë thuhet se qytetarët e të dyjave palëve duhet të kenë mundësi të udhëtojnë lirshëm brenda ose përmes territorit të njëra-tjetrës.

BE-ja që është organizatë që nuk e njeh pavarësinë e Kosovës për shkak të refuzimit të pesë anëtarëve të saj, kur flitet për qytetarët e të dyja vendeve në dokument, përdoret fjala angleze “residents”, që e ka kuptimin banorë me vendbanim të përhershëm.

Në pikën 2, thuhet se secila palë do të zbatojë një sistem të kalimit të kufirit të qytetarëve të palës tjetër me letërnjoftime. Krahas fjalës kufi (border), përdoret edhe shprehja kufi administrativ (boundary).

[Zero Cool]

Marrëveshjet s’kalojnë në Kuvend



http://www.telegrafi.com/fo/kosove/f.0706084831185_m.jpg



Kuvendi i Kosovës nuk do të mund të ratifikojë marrëveshje që nuk janë nënshkruar nga qeveria, siç është rasti me marrëveshjet Prishtinë-Beograd të arritura në Bruksel.


Këto marrëveshje garantohen dhe mbikëqyren nga BE dhe misioni i tij në Kosovë për sundim të ligjit- EULEX, shkruan Zëri.

Përderisa Qeveria e Kosovës duhet të nxjerrë vendime që lejojnë zbatimin e dispozitave të marrëveshjeve që janë arritur dhe atyre që do të arrihen.

Kështu kanë bërë të ditur burime qeveritare në Prishtinë, sipas të cilave, BE-ja dhe ndërmjetësi Robert Cooper kishin ardhur në përfundim se po të kërkoheshin marrëveshje të nënshkruara, pala serbe do të lëshonte bisedimet pasi që nuk do të nënshkruante me Kosovën si palë-shtet.

Si kompromis, palës kosovare i është ofruar reciprociteti, thonë këto burime, që nënkupton se marrëveshjet obligojnë njësoj të dyja vendet. Ajo që karakterizon këto marrëveshje është pajtimi për to, pa u finalizuar detajet.

Se Kuvendi nuk ka informacione në lidhje me këto marrëveshje, kjo është konfirmuar edhe nga vet kryetari i Kuvendit, Jakup Krasniqi. Megjithatë, Krasniqi ia ka bërë të qartë qeverisë se nëse ekziston ndonjë dokument i nënshkruar me Serbinë, atëherë ai duhet të vijë në Kuvend.

[Zero Cool]

Stefanovic: Ne kemi fituar


http://www.telegrafi.com/fo/kosove/f.0706103250943_m.jpg


Fjalët e kryenogociatores Edita Tahiri, se Kosova po përfiton nga bisedimet me Serbinë, se arritja e marrëveshjeve është rrugë drejt njohjes së pavarësisë nga Serbia, demantohen plotësisht nga kryenegociatori serb Borko Stefanovic.

Në një intervistë dhënë gazetës serbe “Blic”, Stefanovic jep detaje të arritjes së marrëveshjeve, ku tregon se Serbia vazhdon të mos i njoh as tabelat RKS, as pasaportat e Kosovës e as diplomat e Universitetit të Prishtinës, për të cilat para disa ditësh është arritur marrëveshja mes të dyja palëve.

Ai madje ka thënë se gjatë bisedimeve me palën shqiptare i është dukur se po flet me njerëz të një planeti tjetër, duke i quajtur kërkesat e Kosovës të papranueshme e të parealizueshme. “Nganjëherë më është dukur që po flas me njerëz të një planeti tjetër. Pala shqiptare ka kërkuar që të pranohen si shtet, që Serbia të mos ekzistojë në Kosovë, as nëpërmes kompanive, as nëpërmes institucioneve apo kodit telefonik. Por, në fund ne kemi fituar”, është shprehur Stefanovic, transmeton Zëri.

Serbia ka pranuar marrëveshjen për lëvizjen e lirë, por jo duke njohur dokumentet e Kosovës, pra sipas Stefanovic, qytetarët e Kosovës do të mund të përdorin në Serbi letërnjoftimin e Kosovës, por vetëm nëse atij dokumenti në ndalesën administrative do t’i bashkëngjitet edhe një karton i lëshuar nga Ministria e Brendshme e Serbisë.

“Ne do të pranonim pavarësinë e njëanshme të Kosovës, vetëm sikur të kishim arritur marrëveshje që në dokumentet e Kosovës të vendosim vulën serbe, por kjo nuk ka ndodhur”, tha ai.

E sa u përket tabelave, ai ka thënë se marrëveshja parasheh që në Serbi të mund të përdoren vetëm tabelat që janë nxjerrë nga UNMIK-u, e në të cilat shkruhet “KS” kurse ato me “RKS” nuk mund të përdoren.

Po ashtu, ai thotë se pala shqiptare ka kërkuar që t’iu kthehen librat origjinalë të regjistrit civil, ndërkohë që marrëveshja është arritur vetëm për kopje. Duke folur për diplomat, Stefanovic tha “Në asnjë mënyrë Serbia nuk pranon që të njohë diplomat me nënshkrimin Republika e Kosovës – Universiteti i Prishtinës. Ne duam që diplomat e tilla të nostrifikohen nga ndonjë universitet, si p.sh. ai i Podgoricës, nëpërmes të cilit institucionet tona do të njihnin nostrifikimin e jo diplomën”.

Sa i përket kadastrit, një temë që është dashur të bisedohet në takimin e fundit, Stefanovic ka thënë se kjo temë do të bisedohet takimin e radhës pasi që Beogradi njëherë ka kërkuar që të formohet një ekip punues lidhur me këtë.

[Zero Cool]

Dështimi i radhës


http://www.telegrafi.com/fo/opinione/f.0706162118932_m.jpg
Ardian Azemi


Bisedimet mes Prishtinës e Beogradit, por jo edhe mes Kosovës e Serbisë, të cilat kanë filluar tani e disa muaj, pa pasur asnjë bazë a platformë të qartë, ishin të destinuara të dështojnë. Nëse dikush ka pas mëdyshje se a do dështojnë apo jo, tani u vërtetua me marrëveshjet që u bënë në raundin e fundit.

Janë katër faktor kryesor që dërgojnë tek “kallëpu” i dështimit të bisedimeve.

E para është se, këto bisedime nuk u nisën si domosdoshmëri dhe vullnet i qytetarëve të Kosovë, me verdiktin e të cilëve institucionet e Kosovës janë formuar e këta të fundit e kanë për obligim të japin llogari qoftë edhe për veprimet më të vogla të mundshme, e lëre më për diçka aq madhore siç janë bisedimet nga të cilat duhet të dalin zgjidhje që krijojnë “tharmin” e stabilitetit dhe qëndrueshmërisë afatgjate.

E dyta është se palët në bisedime, kanë qëndrime diametralisht kundërthënëse, ngase Kosova në parim duhet ose do të duhej të mbroj më çdo kusht realitetin e krijuar që nga shpallja e pavarësisë, në fakt juridiksionin kushtetues e shtetëror, ndërsa pala serbe vazhdon me “avazin” e vjetër, ku Kosova vazhdon të jetë pjesë e rëndësishme e kushtetutës së saj, duke aluduar se kjo e fundit është pjesë e saj dhe e territorit të saj.

Faktor i tretë është se, institucionet e Kosovës, gjegjësisht, kryenegociatorja Edita Tahiri dhe grupi i saj, nuk kanë bërë kushte ndaj bashkësisë ndërkombëtare për tu futur në bisedime. Nëse do të ishte pala serbe në vend të palës së Kosovës, sinqerisht them se do t’i bombardonte mekanizmat vendimmarrës evropian e perëndimor me kushte nga më të ndryshmet për tu future në bisedime. Nëse Kosova do të nxjerrte në pahë kushte si: caktimi i datave për marrjen e udhërrëfyesve për liberalizim të vizave dhe integrime ne strukturat euroatlantike, kthimi i dokumenteve kadastral, dëmshpërblimi i shkatërrimeve që Serbia ka bërë në Kosovë gjatë shekullit të kaluar, kthimi i të pagjeturve dhe në fund që institucionet e Serbisë të kërkojnë falje për gjenocidin ndaj Kosovës dhe popullit të saj, atëherë do të duhej të hynin në bisedime.

E katërta është se, institucionet e Kosovës tani e dymbëdhjetë vite pas luftës lëngojnë nga strukturat paralele në veri, por edhe në disa qytete të tjera të banuara me serb, ku edhe janë formuar komuna të reja, ose thënë më qartë, janë formuar enklava të dala si pasojë e procesit të dhimbshëm të decentralizimit i udhëhequr nga institucionet tona. Kosova do të duhej që përmes pranisë ndërkombëtare këtu, të bëjë trysni të vazhdueshme dhe këmbëngulëse që të shuaj strukturat paralele dhe autoritetin e saj administrative shtetëror ta shtrij edhe në pjesën veriore.

Arritja e marrëveshjeve të fundit, edhe më tepër thellon shqetësimin për humbjen e kredibilitetit të Kosovës si shtet, zbeh imazhin e saj nga shtetet që ia duan të mirën vendit tonë, por më e keqja është se ia rritë jetën dhe forcon deklaratat e zyrtarëve serbë se Kosovës është pjesë territoriale e Serbisë. Kur e them këtë, duhet ta argumentoj pse mendoj kështu.

Marrëveshja për lirinë e lëvizjes së lirë të qytetarëve vetëm me letërnjoftime, është akt që favorizon palën serbe dhe injoron kushtetutshmërinë në Kosovës. Kjo për faktin se, element për shtetësi dhe lëvizje mbi parime shtetërore është Pasaporta, e cila me rastin e kalimit të qytetarëve në kufi, bëhet identifikimi i tyre me anë të saj, por kur ndodh e kundërta, vetëm me letërnjoftime, atëherë kemi të bëjmë me diçka tjetër, në fakt, me mosnjohje të realitetit të ri, shtetit.

Është arritur edhe marrëveshja për dokumentacione, ku pala shqiptare, në vend që të kërkoj kategorikisht në kthimin e dokumenteve origjinale, ajo pranon me lehtësi kopjet, ngase pala serbe e di që me kthimin e dokumenteve origjinale, nënkupton heqje dorë nga Kosova dhe apetiti për të ruajtur idetë e vjetra karshi Kosovës dhe realitetit të ri të krijuar në këtë pjesë të Ballkanit. Në fakt, çështja e dokumentacioneve që Serbia mban peng, nuk është dashur të futet në bisedime fare lidhur me këto, ka qenë dashtë, siç e thashë më lartë, të vihet kusht për kthimin e tyre para se të futemi në bisedime.

Më e keqja është se, sipas disa burimeve zyrtare, janë mbi pesë komuna në Kosovë ku sistemi serb në atë kohë nuk ka arritur të marr dokumentacionet, tani pala shqiptare mendon të ia jap edhe ato, që për shkëmbim të marr kopjet edhe për këto. Po ashtu edhe targat e automjeteve është çështje për të cilën janë dakorduar palët në bisedime. Edhe kjo nënkuptohet dështim për Kosovën, ngase në kufi me Serbinë, duhet të hiqen targat me RKS dhe të vendosen targat Proba, ku me automatizëm injoron institucionet dhe pavarësinë e Kosovës.

Nga dita në ditë qytetarët e Kosovës po e shohin se as me shpalljen e pavarësisë së Kosovës dhe as me aktin më të lartë juridik të Kosovës, Kushtetutën, nuk e kanë përmirësuar gjendjen në teren. Forca opozitare në parlamentin e Kosovës e kanë ngritur zërin kundër këtyre padrejtësive që po i bëhen qytetarëve të Kosovës, por asnjëherë nuk është marrë parasysh fjala e tyre. Është shqetësuese se neglizhenca jonë për të përmirësuar jetën e qytetarit, shtrirjen e autoritetit institucional e shtetëror në gjithë territorin e Kosovës, dhënia e privilegjeve nga institucionet vendore e ndërkombëtare për etnitetet pakicë dhe injorimin e shumicës, është shkelje flagrante e të drejtave të njeriut dhe parimeve të shumicës.

[Fshatari]

Matoshi: Konkluzionet e kthejnë Kosovën në vitet ‘90Artikujt tjerëMatoshi: Konkluzionet e kthejnë Kosovën në vitet ‘90“Ngopja e syve nuk ka limit”“Dua ta takoj Xhafer Devën – dhe ta pyes: çfarë zori pate me ma vra gjyshin?”Visar Zhiti: Shkrimtarët që bënë dosjen time mbajnë pozicione të ndjeshme “Në hapësirën shqiptare po zhduket çdo simbol i antifashizmit”“Të kthehemi kah e mira, vlera dhe e vërteta”Pyetje për Skënderbeun: ‘Pse ti mbete ende në kalë e Amerika arriti në Hënë?’Petifer: Bisedimet me Beogradin - të gabuara Nojkiq: Ideja për ndarje përçan serbët “Ëndrrat e mëdha më duken të rrezikshme”Publikuar: 08.07.2011 - 18:15Kosova e pranon Serbinë brenda strukturës së saj shtetërore në Kosovë dhe Serbia e pranon pavarësinë e brendshme të Kosovës, por kurrsesi dhe me asgjë pavarësinë e jashtme të saj.

Sipas këtyre marrëveshjeve që po quhen konkluzione, Kosova e pranon Serbinë brenda strukturës së saj shtetërore në Kosovë dhe Serbia e pranon pavarësinë e brendshme të Kosovës, por kurrsesi dhe me asgjë pavarësinë e jashtme të saj. Shihet qartë se këto bisedime i shkojnë në favor pushtetit personal të Qeverisë së Kosovës, zotit Thaçi, dhe normalisht shtetit të Serbisë, por kurrsesi shtetit të Kosovës, tha në një intervistë për Radion Evropa e Lirë, publicisti Halil Matoshi.

REL: Pritet që në javën e ardhshme të mbahet një seancë e jashtëzakonshme, meqë deputetët mblodhën nënshkrimet e nevojshme për këtë seancë. Çfarë mendoni se mund të kontribuojnë deputetët në këtë drejtim, meqenëse marrëveshjet nuk do të ratifikohen nga Kuvendi?

Matoshi: Ç’është e vërteta, Kuvendi është shumë i vonuar në krejt këtë çështje, për arsye se Kuvendi i Kosovës është dashur që të informohet për platformën e bisedimeve, mirëpo po del se Qeveria dhe shefja e delegacionit kosovar, zonja Edita Tahiri, as që kanë pasur fare platformë. Në këtë rast, unë nuk e di se çfarë mund të bëjë Kuvendi kur objektivisht Kosova nuk ka nënshkruar kurrfarë marrëveshje me askënd, sepse, së paku në publik, nuk po paraqiten si marrëveshje, por si konkluzione të ndërmjetësit të Bashkimit Evropian, zotit Kuper.
Në këtë situatë, praktikisht ne vetëm mund të flasim kot. Këto konkluzione mund të them se janë dëshpëruese për stadin e zhvillimit të shtet-ndërtimit, sepse besoj se marrëveshje të tilla Kosova do të mund t’i arrinte qysh në vitet ’90, kur në qarqet e ndryshme serbe - në të vërtetë, kur në Serbi ka qarkulluar opsioni për autonomi substanciale të Kosovës - do të thotë më shumë se autonomi e më pak se pavarësi.
Tash, sipas këtyre konkluzioneve, ne, në raport me Serbinë, kthehemi në pozicionin fillestar të viteve ‘90. Sipas këtyre marrëveshjeve - konkluzione siç po quhen, Kosova e pranon Serbinë brenda strukturës së saj shtetërore në Kosovë. Serbia e pranon pavarësinë e brendshme të Kosovës, por kurrsesi dhe me asgjë pavarësinë e jashtme të saj, e cila është e njohur tashmë nga 76 kombet e botës.

REL: Cila palë, në këtë rast, mendoni se ka bërë një hap drejt Bashkimit Evropian?

Matoshi: Natyrisht se Kosova as që është në korridoret e Bashkimit Evropian, ndërsa Serbia është shumë afër për të marrë statusin e vendit kandidat për në BE.
Këto bisedime, objektivisht, e kanë ngritur imazhin e saj kinse pro-evropian dhe pro-bashkëngjitjes së bllokut të vendeve evropiane, ndërkaq Kosova absolutisht nuk fiton asgjë në kontekstin e shtet-ndërtimit, përpos që fiton falënderime nga qarqe të ndryshme të politikë-bërjes evropiane dhe amerikane për mbajtjen e pushtetit. Mirëpo, në esencë substancialisht është dëmtuar shtet-ndërtimi, pavarësia, e mbi të gjitha sovraniteti i vendit tonë.

REL: Megjithatë, zyrtarët evropianë, por edhe ata amerikanë, i kanë theksuar të rëndësishme këto, siç i quajnë ata, marrëveshje, duke thënë se duhet të nisë menjëherë zbatimi i tyre. Zbatimi është paralajmëruar të nisë nga një tetori. A mendoni se mund të jenë pozitive për Kosovën e qytetarët e saj këto konkluzione apo marrëveshje?

Matoshi: Unë mendoj se konkluzionet në esencë janë të pazbatueshme për arsyen e thjeshtë se mund të ndërrojnë konjukturat politike edhe në Beograd, e edhe në Prishtinë. Atëherë, kush është garantues për zbatimin e tyre?
Sa i përket, për shembull, dokumentacionit të gjendjes civile në Kosovë: ky dokumentacion ligjshëm i përket Kosovës, e jo vetëm sipas strukturës aktuale shtetërore, por edhe sipas strukturës dhe ligjit të 1974-s, kur Kosova ka qenë pronare e ligjshme dhe e vetmja pronare e dokumentacionit të ligjshëm të gjendjes civile. Kështu do të ndodhë edhe me kadastrën, për të cilën Kosovës i ofrohen vetëm kopjet, ndërkaq origjinalin e mban Serbia si shtet amë i Kosovës. Kjo çështje mendoj se u takon gjykatave ndërkombëtare të drejtësisë, sepse kjo është një pronë e ligjshme dhe nuk do të duhej as të diskutohej.
Sa i përket qarkullimit të lirë: problemi qëndron në atë se qytetarët e Kosovës, kushtimisht po them, vetëm se do të gjobiten në kufi, sepse do të paguajnë taksë ose para për t’i ndërruar tabelat RKS për t’i vënë ato KS, të cilat objektivisht burojnë nga rezoluta 12 44, e madje edhe nga gjashtë-pikëshi i Ban Ki Munit.
Në këtë situatë, kufiri shtetëror i Kosovës nuk është më kufi, por është kufi administrativ, i cili është njohur qysh me Kushtetutën e vitit ’74, nga Serbia. Shihet qartë se këto bisedime i shkojnë në favor pushtetit personal të Qeverisë së Kosovës, zotit Thaçi, dhe normalisht shtetit të Serbisë, por kurrsesi shtetit të Kosovës.

REL: Bisedimet do të vazhdojnë, megjithatë. A mendoni se, sipas vlerësimit tuaj për ecurinë e deritashme të tyre, ato do të duhej të ndërpriteshin?

Matoshi: Praktikisht, doli se konkluzionet janë të marsit të këtij viti, ndërsa bëhen publike para të zgjedhurve të popullit tek në korrik. Ne ende nuk e dimë, as Kuvendi i Kosovës, e as vetë presidentja e Kosovës nuk e di se çfarë marrëveshjesh apo konkluzionesh të tjera përmban pakoja e këtyre bisedimeve.
Në këtë situatë, mendoj se Kuvendi i Kosovës do të duhej të mos pranonte asgjë nga këto konkluzione, për të cilat nuk di askush në Kosovë. Prandaj, duket se megjithatë, Kuvendi i Kosovës do t’ia rikthejë vetes fuqinë dhe imazhin, për të cilin ekziston dhe mendoj se bisedimet po hyjnë në një krizë të thellë, në mos edhe të ndërpriten fare.

REL: Ka gjasa që të ndodhë një gjë e tillë?

Matoshi: Mendoj se përderisa Qeveria e Kosovës nuk ndërton një platformë me konsensus me partitë politike dhe Kuvendin e Kosovës, se për çfarë mund dhe për çfarë nuk mund të bisedohet me Serbinë si shtet fqinj, objektivisht edhe mund të ndërpriten.

_______________________________________
http://www.kohaditore.com/index.php?page=1,10,61745

[Llapjani_HH]

Krasniqi: Qeveria hoqi dorë nga elementet e shtetësisë (e plotë)
Qeveria e Kosovës ka hequr dorë nga disa elemente të shtetësisë, në momentin kur ka marrë zotimin për t’i respektuar konkluzionet që kanë dalë nga tri marrëveshjet me palën serbe, të cilat janë arritur fundjavën e kaluar në Bruksel.

Këtë konstatim e ka nxjerrë kryetari i Kuvendit të Kosovës, Jakup Krasniqi, në një intervistë ekskluzive për “Kohën Ditore”, vetëm pak çaste pasi i ka lexuar konkluzionet e ndërmjetësit të BE-së, Robert Cooper.

Në intervistë, Krasniqi ka thënë se pala vendëse nuk është dashur të pranonte që qytetarët e Kosovës të lëvizin nëpër Serbi vetëm me karta identiteti, e jo edhe me pasaporta që mbajnë mbishkrimet e Republikës së Kosovës, ashtu sikur që nuk është dashur të pranonte që kufiri mes dy shteteve, të cilësohej si “kufi administrativ”.

Njeriu që e udhëheq Kuvendin, për dallim nga bashkëpartiaku i tij që e drejton Qeverinë, Hashim Thaçi, e ka cilësuar të papranueshme edhe marrjen e fotokopjeve të regjistrave civilë në vend të atyre origjinalë, duke mos e fshehur shqetësimin se e njëjta gjë mund të përsëritet edhe me regjistrat kadastralë.

Ka thënë se Kosova i ka pasur origjinalet e këtyre regjistrave qysh kur ka qenë krahinë autonome në kuadër të ish-Federatës jugosllave, kështu që edhe BE-ja është dashur të bënte presion mbi Serbinë që t’ia kthente ato pronarit legjitim.

Kryeparlamentari Krasniqi ka ngjallur dyshime edhe rreth çështjes së nostrifikimit të diplomave universitare të shqiptarëve që jetojnë në Serbi e që studimet i kanë mbaruar në Kosovë, për vetë faktin se nostrifikimi i është lënë një vendi të tretë.

Pas “lëshimeve” të para të ekipit vendës, ai ka thënë se u takon grupeve parlamentare të vendosin, nëse duan ta lënë Qeverinë të bëjë kompromise të tjera, apo ta ndalojnë të bëjë marrëveshje që nuk janë në favor të qytetarëve të Kosovës.

Krasniqi e ka thënë hapur se shefja e delegacionit të Kosovës në bisedimet me Serbinë, Edita Tahiri, është treguar e papërgjegjshme në raport me obligimet që i ka ndaj Kuvendit dhe Presidencës, për t’i informuar me rrjedhën e bisedimeve.

Në intervistë, Krasniqi flet edhe për angazhimin e Kuvendit në procesin e përmbushjes së obligimeve që kanë dalë nga Raporti i Progresit si dhe për prishjen e marrëveshjes ndërmjet Qeverisë dhe FMN-së. Flet edhe për Ligjin për veteranët e UÇK-së.

KD: Zoti kryetar, fundjavën e kaluar në Bruksel u arritën tri marrëveshjet e para mes palës vendëse dhe asaj serbe, të cilat në fakt nuk u nënshkruan por u përmblodhën në të ashtuquajturat “konkluzione të kryesuesit”. I keni parë ju ato konkluzione?

Krasniqi: E kam thënë edhe me herët se ky proces jo vetëm se ka qenë i panjohur për opinion e gjerë, por ka qenë i panjohur edhe për ne si përfaqësues të jetës institucionale. E kam fjalën për ne që veprojmë brenda Kuvendit të Kosovës, apo organit më të lartë të shtetit. Faktikisht është dashur që të kishim informacione më të shumta rreth procesit të bisedimeve. Ne si Kuvend, ndoshta në procedura të përshpejtuara, megjithatë e kemi nxjerrë një Rezolutë, dhe përmes saj i kemi vendosur disa korniza të atyre bisedimeve. Mendoj se ajo që është vendosur me atë Rezolutë ka vendosur korniza të mira. Është qartësuar se çka nuk mund të bisedohet dhe çka mund të bisedohet.

KD: A janë brenda kornizave që i ka përcaktuar Kuvendi edhe marrëveshjet e fundit?

Krasniqi: Unë mendoj se ka diçka që nuk është brenda atyre korniza, as të Rezolutës, as të Kushtetutës, e as të strategjisë që e ka Qeveria për këto bisedime. Thjesht është bërë një anashkalim.

KD: Konkretisht, çka ka dalë jashtë kornizave?

Krasniqi: Ne e kemi ditur se Serbia nuk është pajtuar me elementet e shtetësisë së Kosovës, por çështje shqetësuese është që me këto marrëveshje nuk njihen disa elemente të shtetësisë së Kosovës dhe çka është më e keqja është që me këtë është pajtuar edhe delegacioni që i ka zhvilluar bisedimet në Bruksel.

Pra, kemi të bëjmë me elementin kryesor të shtetësisë, që është Republika e Kosovës. Kemi të bëjmë me elementin e simboleve të shtetit dhe kemi të bëjmë me dokumentet zyrtare që janë elemente të shtetësisë siç është pasaporta.

Ky dokument i shtetësisë, sipas marrëveshjes del se nuk njihet nga Serbia. Ndërkohë që ne me këtë dokument i kalojmë të gjitha shtetet e tjera, përfshirë Maqedoninë, Malin e Zi e Shqipërinë. Edhe pse në këtë të fundit gjatë periudhës verore qytetarët kosovarë mund të shkojnë edhe me letërnjoftim.

Edhe kufiri me Serbinë, nuk njihet si kufi shtetëror, por më tepër si kufi administrativ. Këto janë anët e dobëta të kësaj marrëveshjeje.

KD: Të gjitha këto lëshime që ju po i përmendni, a nuk paraqesin argumente të mjaftueshme për të ardhur në përfundim se pala vendëse paska hequr dorë nga shtetësia, për vetë faktin se ka pranuar të hyjë në kompromise për heqje të mbishkrimeve të Republikës së Kosovës?

Krasniqi: Nuk do të thosha nga shtetësia, por nga disa elemente të shtetësisë. Dhe, kjo është një heqje dorë, në favor të arritjes së një marrëveshjeje, e cila në disa vende e parasheh reciprocitetin mes dy vendeve. Kjo mund të merret si një karrem i pranueshëm, por në fakt, Kosova s’e ka mohuar asnjëherë shtetësinë e Serbisë, dhe nuk i ka penguar asnjëherë elementet e shtetësisë serbe.

Qytetarët serbë kanë kaluar me dokumente e tyre nëpërmes kufirit të Kosovës.

Ne kemi qenë shumë tolerantë, jo pse ishim shtet i ri, por pse kishim edhe një prezencë të madhe ndërkombëtare, e cila po ashtu ishte tolerante në këtë drejtim. Kështu që dua të them se kjo marrëveshje është vetëm një pjesë e marrëveshjeve që mund të arrihen në këtë proces të bisedimeve.

KD: Ju konsideroni se duhet lejuar Qeverinë që të vazhdojë edhe më tej dialogun, me gjithë këto lëshime që i ka bërë qysh në marrëveshjet e para?

Krasniqi: Ndoshta nuk është lehtë për të folur për këtë çështje, pasi nuk dihet se si do të bëhet përfundimi final i bisedimeve, por pajtimi i palës sonë që kjo periudhë e bisedimeve të zgjasë deri në pesë vite, përsëri është një kohë e gjatë, dhe kjo mund të merret si një pikë e dobët e këtyre konkluzioneve që janë dhënë nga kryesuesi i këtyre bisedimeve, zoti Cooper.

KD: E kemi dëgjuar kryeministrin Thaçi duke i vlerësuar marrëveshjet si të “modelit evropian”, po ju të paktën a mund të gjeni diçka pozitive nga gjithë ajo që është arritur mes palëve?

Krasniqi: Ndoshta i vetmi element pozitiv që mund të merret në këtë rast, është nostrifikimi i diplomave të universiteteve të Kosovës për qytetarët shqiptarë që jetojnë në Preshevë, Medvegjë e Bujanovc. Por as kjo nuk është pranuar në kuptimin më të mirë të fjalës, pasi është lënë që nostrifikimin ta bëjë një vend i tretë. Edhe kjo nuk është në plotësinë e saj si njohje e universiteteve të Kosovës, nga ana e Serbisë, dhe nuk është ndonjë lehtësim për ata njerëz që i kryejnë studimet në Kosovë.

KD: Nga këndvështrimi juaj, prapë po del se asnjëra prej tri marrëveshjeve nuk është në favor të qytetarëve të Kosovës, e as të shqiptarëve në Serbi?

Krasniqi: Të paktën nga ajo që e kam parë, sepse as konkluzionet e kryesuesit nuk i paraqesin në tërësi detajet e marrëveshjeve.

KD: Ju pyeta edhe më herët, nëse i keni parë ju konkluzionet?

Krasniqi: Po i kam parë para pak çastesh.

KD: A është dashur pra pala vendëse që të hyjë në obligime për zbatimin e marrëveshjeve që e zhveshin nga elementet e shtetësisë. Pra, të heqë dorë nga mbishkrimi RKS në targa të automjeteve, të mos i ndryshoj vulat e Doganave por t’i lë si në kohën e UNMIK-ut, të pranoj mosnjohjen e pasaportave të reja nga ana e Serbisë, e njëkohësisht t’i pranojë fotokopjet e regjistrave civilë?

Krasniqi: Realisht nuk është dashur të hiqte dorë nga të gjitha këto elemente të shtetësisë. Nuk është dashur të hiqte dorë as nga dokumentacioni origjinal i regjistrave civilë, për faktin se ato dokumente janë të Kosovës. Ato dokumente, edhe kur Kosova ka qenë Krahinë autonome në kuadër të ish-Federatës jugosllave kanë qenë në Kosovë dhe jo jashtë saj.

Ato dokumente, Kosovës i duhen në origjinal dhe jo në kopje. Kështu që nëse vazhdohet edhe me dokumentet kadastral të shkohet në këtë formë, unë jam i bindur se ai dokument do të jetë jovalid dhe jo i përdorshëm për Kadastrën e Kosovës.

Prandaj, as ky dokumentacion nuk është dashur t’i mbetet Serbisë. Mendoj që presioni është dashur të jetë i BE-së dhe BE-ja nuk është dashur ta lejojë Serbinë ta mban një pronë të Kosovës dhe Kosovës t’ia japë fotokopjet e dokumentacionit që në asnjë rast nuk e zëvendëson dokumentacionin origjinal.

vazhdon-->

[Llapjani_HH]

vazhdimi -->

KD: Çka duhet të bëjë Kuvendi për ta ndaluar Qeverinë që të mos hyjë në kompromise të tjera të dëmshme për qytetarët e Kosovës, meqë gjithmonë është thënë se Pakoja e Ahtisaarit është kompromisi më i madh që është bërë për ta fituar shtetësinë?

Krasniqi: Ndoshta nuk është lehtë të flitet në kuptimin më të mirë të fjalës në këtë gjysmë marrëveshjeje. Këto konkluzione i obligojnë palët por palët nuk i nënshkruajnë ato dhe ne si Kuvend, mendoj se nuk kemi shumë hapësirë për të vepruar në këtë mes. Megjithatë, shumëçka varet nga ajo se çka do të kërkojnë grupet parlamentare, sepse kjo bëhet me kërkesën e tyre.

Realisht, Kuvendi mund të japë mendimin qoftë pozitiv qoftë negativ për këtë formë të komunikimit dhe këtë formë të dialogimit që është zhvilluar në Bruksel, por gjithsesi unë mendoj se ky rezultat është pasojë i disa zhvillimeve që kanë ndodhur në gjysmën e dytë të vitit të kaluar, pas aktgjykimit të Gjykatës Kushtetuese dhe tërheqjes së Fatmir Sejdiut nga posti i presidentit, pas prishjes së koalicionit, pas zgjedhjeve, që i zhvilloi Kosova dhe pas disponimit jo të mirë që u krijua për Kosovën nga raporti i Dick Martyt.

Të gjitha këto pak a shumë e kanë vështirësuar pozicionin e Kosovës, në raport me faktorin ndërkombëtar por edhe e kanë vështirësuar edhe dialogun që është zhvilluar mes Kosovës dhe Serbisë nën mbikëqyrjen e BE-së.

KD: A mund të merren këto zhvillime nga ekipi negociator vendës si arsye për të hyrë kompromise të dëmshme për shtetin?

Krasniqi: E tash! Ndoshta si Kosovë është dashur që ta kemi një qëndrim më të unifikuar për të thënë se rrethanat e krijuara nga ato që i thashë më lartë, janë të pafavorshme për Kosovën dhe ne duhet të kemi një klimë më të favorshme edhe për bisedime, edhe për vendimmarrje në arritjen e marrëveshjeve. Është ditur se ne në asnjë fazë nuk kemi qenë kundër bisedimeve, por këto bisedime është dashur të zhvilloheshin në interesin e dy vendeve. Kështu siç janë, nuk mund të themi se ato kanë krijuar favore për qytetarët e Kosovës. E në fakt kanë krijuar favore për qytetarët serbë.

KD: E përmendet me herët Rezolutën që e ka nxjerrë Kuvendi për bisedime. Ajo Rezolutë e parasheh që shefja ekipit negociator të vijë në Kuvend për të raportuar mbi rrjedhat e bisedimeve. Por sië u pa, zëvendëskryeministrja Edita Tahiri, me t’u kthyer nga Brukseli udhëtoi për në Kanada. A nuk ka qenë e nevojshme që ajo t’ju tregojë juve se çka ka sjell nga Brukseli?

Krasniqi: Udhëheqësja e delegacionit është dashur ta informonte drejtpërdrejt presidenten. Nuk e di a e ka informuar!. Është dashur që ta informojë kryetarin e Kuvendit dhe komisionet përkatëse të Kuvendit. Gjë që nuk e ka bërë. Ne i kemi tash konkluzionet, mirëpo, personi më adekuat për t’i arsyetuar, nëse mund të arsyetohen ato, është udhëheqësja e delegacionit të Kosovës në këto bisedime, zëvendëskryeministrja Edita Tahiri.

Kjo mendoj se është edhe një papërgjegjësi tjetër e njeriut që ka një përgjegjësi institucionale, ligjore dhe kushtetuese.

KD: Kryeministri, Hashim Thaçi, para tri ditësh është kthyer optimist nga Brukseli për perspektivën evropiane të Kosovës, mirëpo nuk ka ngurruar që t’ia bartte përgjegjësinë Kuvendit në rast të ndonjë dështimi eventual në procesin e dialogimit për liberalizim të vizave? Konsideroni se ai ka pasur të drejtë, kur e ka thënë këtë?

Krasniqi: Shiko!. Tash ne mund ta hedhim përgjegjësinë nga njëri institucion në tjetrin, mirëpo, ne e dimë se raportet e Progresit janë shumë gjithëpërfshirëse dhe sfera e ligjeve, edhe pse është shumë e rëndësishme nuk është e vetme. Ne edhe në të kaluarën kemi qenë pjesë e Raportit, edhe pse nëse krahasohet ajo që është shkruar në to për Kuvendin e Kosovës me institucionet e tjera, për Kuvendin ka qenë më pozitive. Natyrisht se kanë pasuar vërejtja edhe rekomandime, por sa i përket miratimit të ligjeve, vlerësimet në Raportin e Progresit kanë qenë pozitive.

KD: Sivjet, si është gjendja?

Krasniqi: Edhe këtë vit, sipas identifikimit që ka bërë zyra jonë dhe Komisioni për integrime evropiane ne kemi për obligim që t’i miratojmë 32 ligje që janë pjesë e Raportit të Progresit.

Nga ato 32 ligje, në Kuvend deri tani kanë ardhur vetëm 13. Prej tyre pesë janë të miratuara, ndërsa tetë janë në procedura të shqyrtimit nëpër komisione. Mendoj se brenda dy apo tri jave më së largu do të miratohen edhe ato. Kështu mbesin edhe 19 ligje të tjera, që në fakt nuk kanë ardhur në Kuvend dhe presim që ato të vijnë. Prandaj edhe për vonesat në kompletimin e pakos së nevojshme legjislative, përgjegjësia nuk është vetëm e Kuvendit, por edhe e Qeverisë. Kuvendi furnizohet me ligje nga ekzekutivi. Ne do të përpiqemi si Kuvend që t’i kryejmë obligimet tona. Ne jemi të obliguar që ligjet që i kalojmë të kenë një cilësi sa më të mirë.

KD: A nuk janë 49 ligje që duhet t’i miratojë Kuvendi para 1 shtatorit, aq sa ka kërkuar ministrja e Integrime, Vlora Çitaku?

Krasniqi: Unë nuk e di se çka dhe si ka menduar ministrja Çitaku, por e di se edhe ne jemi marrë me këtë çështje, pasi edhe Kuvendi e ka zyrën që e bën identifikimin e ligjeve që kërkohen nga BE-ja. Dhe, zyra jonë, bashkë me komisionet kanë identifikuar që Raporti i Progresit ka kërkuar ndryshime dhe miratime në 32 ligje. Por, nëse është numri 49, atëherë menjëherë shtohen edhe 17 ligje të tjera.

KD: Atëherë, kujt po i bie ta dinamizojë punën, Qeverisë apo Kuvendi?

Krasniqi: Qeverisë i duhet ta dinamizojë procesin e procedimit të projektligjeve në Kuvend.

KD: A do të ketë nevojë që Kuvendi ta shfrytëzojë edhe muajin e pushimeve për t’i kryer obligimet e veta?

Krasniqi: Kuvendi punon në dy sesione, pranveror dhe vjeshtor. Sesioni pranveror përfundon më 30 korrik, edhe pse parlamentet e tjera kanë kohë më të gjatë të pushimeve. Ka plot vende që e kanë dy muaj kohën e pushimeve. Ne e kemi vetëm një muaj. Nëse kemi një ardhje të projektligjeve, atëherë duhet që grupet parlamentare të vendosin nëse duan ta ngushtojnë periudhën e pushimeve. Pra nëse e shohim të nevojshme që t’i shkurtojmë pushimet për t’i miratuar ligjet, atëherë Kuvendi do ta marrë edhe këtë përgjegjësi.

KD: Një ditë më herë ministri i Financave, paralajmëroi se nuk do të ketë rishikim të buxhetit për këtë vit. A nuk është e nevojshme që të bëhet një rishikim i tillë, kur kemi parasysh faktin se buxheti i këtij viti është hartuar duke u mbështetur në të hyrat nga FMN-ja, por që tash nuk mund t’i ketë për shkak të prishjes së marrëveshjes me këtë institucion financiar?

Krasniqi: Nëse buxheti është shfrytëzuar mirë dhe nëse nuk ka kërkesa nga njësitë buxhetore, atëherë nuk është i nevojshëm rishikimi i buxhetit.

KD: U nisa nga fakti se kur është shqyrtuar Korniza afatmesme e shpenzimeve është thënë se gjatë muajve korrik dhe gusht do të bëhet rishikimi i saj, për shkak se nuk mund të bëhen planifikime duke u bazuar në fondet e FMN-së. Si ka mundësi që të bëhet rishqyrtimi i KASH-it, e të mos bëhet rishikimi i buxhetit vjetor?

Krasniqi: Rishikimet e buxhetit bëhen vetëm atëherë kur janë nevojat. Nëse ka nevoja dhe kërkesa mendoj se duhet të bëhet. Por, këtë më së miri e dinë në Ministrinë e Financave.

KD: Muajin e kaluar FMN-ja e prishi marrëveshjen “Stand By” me Qeverinë dhe si rrjedhojë Kosova e humbi, qoftë edhe përkohësisht, të drejtën për të përfituar mbi 150 milionë euro në formë të kredive?

Krasniqi: Kam biseduar me ministrin për këtë çështje dhe ai më ka thënë se në shtator do të bëhet një rivlerësim nga FMN-ja për mënyrën e shfrytëzimit të buxhetit, dhe ndoshta FMN-ja do ta marrë një qëndrim tjetër. Ne tash duhet ta presim këtë rivlerësim dhe pastaj ta kemi një qëndrim më konkret dhe më të qartë.

KD: Megjithatë, a pajtoheni se prishja e asaj marrëveshjeje ka ardhur si rrjedhojë e politikave të gabuara të Qeverisë në shpërndarjen e parave publike?

Krasniqi: Me siguri FMN-ja ka dhënë orientimet veta dhe ato kërkesa nuk i ka respektuar Qeveria e Kosovës. Kjo ka sjellë edhe mosmarrëveshjen mes dy palëve.

KD: FMN-ja tash po e paralajmëron Qeverinë që të mos hyjë në obligime ndaj veteranëve të UÇK-së, përmes nxjerrjes së projektligjit që e rregullon statusin e tyre, për sa kohë që para Qeverisë, veteranët ka gati dy muaj që janë grevë për këtë ligj?

Krasniqi: Nuk e di sa është e qëndrueshme kjo me FMN-në. Ligji në formën që është tani, nuk ka ndonjë kosto që do të duhej të vonohej, për faktin se duhet shpërblimi të jepet me një ligj tjetër, përmes të cilit do të bëhet kategorizimi i kategorive të luftës, veçmas i veteranëve, i cili kështu siç është tani, është shumë i madh dhe është i papërballueshëm për buxhetin e Kosovës. Por edhe nëse do të bëhej me numrin e tashëm të veteranëve nuk do të kishte farë zgjedhjeje kushedi çfarë. Duhet definohet saktë se kush është veteran i luftës. Pa u bërë kjo nuk mund të bëhet as kompensimi i këtyre kategorive për faktin se është shumë vështirë të caktohet kostoja e këtij ligji.
Koha.net

[Zero Cool]

Akuzon Kosovën se po zbaton marrëveshjet para kohe


http://www.telegrafi.com/fo/kosove/f.0708181932698_m.jpg


Shefi i ekipit serb për bisedime me Kosovën, Borislav Stefanoviq, ka deklaruar sot se policia e Kosovës, duke ua marrë serbëve letërnjoftimet dhe targat e lëshuara nga Serbia, përpiqet të ndryshojë situatën në terren para fillimit të zbatimit të marrëveshjes për lirinë e lëvizjes, të arritur më 2 korrik në Bruksel.

Ai ka paralajmëruar se do të shkojë në Kosovë për të sqaruar situatën rreth marrëveshjeve të arritura. “Nuk kam problem të takohem me të gjithë serbët, pos me ata që marrin pjesë”, siç është shprehur ai, “në të ashtuquajturën Qeveri të Kosovës”.

Stefanovic ka thënë se në lidhje me këtë Serbia po ndërmarr të gjitha veprimet e duhura: po bisedojnë me faktorët ndërkombëtarë dhe me autoritetet në Kosovë, që kjo të ndërpritet dhe që në afatin sa më të shkurtër të mundshëm të lirohen pesë të rinjtë serbë, të arrestuar në festën e Vidovdanit në Gazimestan.

Ai i ka ftuar serbët në Qeverinë e Kosovës të ndikojnë që të ndalohet marrja e dokumenteve nga serbët dhe që të rinjtë e arrestuar të lirohen, sepse, ka thënë ai, ata mund ta bëjnë këtë, pasi që, sipas tij, “serbët mbajnë çelësat e qeverisë së kryeministrit Hashim Thaçi”.

[taraku-1]

Hajde Edita hajde e kemi dite qe tu ka kalle ..... p..... plemja por qe shkon e ta rrasin shkjet kurr skishim menu , paj kan than rraspijat e bajn e prishin shpin mahetin e edhe shtetin

Faj ka kurva ( thaqi )qe e cakton per bisedime,...,

me dit po dime, po demokracia perendimit pe lyp keshtu po dojn shfjalerka si ne krye shtetit si ne bisedime....

Bon vaki, qe ne zgjedhjet e ardheshme...,dell ju thot thaqit e mustafes,grat e juve me u inkuadrue ne inst politike ne takime me dell edhe korin diplomatik ne ks...,si donika me stiven shukin e qeso far rrospash

me p..-leme e kan fitue shkijet gjithmon, na shnollat i kem veq......,Zoti hajr e boft.

Albin Kurtit ja rrofsha qoqet VV

[Zero Cool]

Presidenca pa qëndrim për marrëveshjet



http://www.telegrafi.com/fo/kosove/f.0710095415745_m.jpg

Presidentja e Kosovës, Atifete Jahjaga, për dallim nga dy krerët e tjerë institucionalë, Jakup Krasniqi dhe Hashim Thaçi, vazhdon të mos ketë qëndrim për konkluzionet e marrëveshjeve të para mes ekipit dialogues të Kosovës dhe atij të Serbisë, të cilat i ka nxjerrë ndërmjetësi i BE-së, Rober Cooper, më 2 korrik, shkruan Koha Ditore.

Këshilltari për media i presidentes, Arbër Vllahiu, nuk ka dhënë asnjë shpjegim për ketë çështje të shtunën. Presidentja Jahjaga, e cila është e thirrur për ta garantuar rendin kushtetues në vend, i ka marrë konkluzionet e Cooperit, të enjten, në të njëjtën ditë kur ato i janë dorëzuar edhe kryetarit të Kuvendit, Jakup Krasniqi.

Dhe, për sa kohë që asaj nuk i kanë mjaftuar tri ditë për ta artikular një qëndrim të vetin, Krasniqi brenda pak minutave ka dalë me një qëndrim. Ai ka thënë haptas se Qeveria e Kosovës ka hequr dorë nga disa elemente të shtetësisë, për faktin se nuk është dashur të pranonte që qytetarët e Kosovës të lëvizin nëpër Serbi vetëm me karta identiteti, e jo edhe me pasaporta që mbajnë mbishkrimet e Republikës së Kosovës, ashtu sikur që nuk është dashur të pranonte që kufiri mes dy shteteve, të cilësohet si “kufi administrativ”. Kreu i Kuvendit e ka cilësuar të papranueshme edhe marrjen e fotokopjeve të regjistrave civilë në vend të atyre origjinalë.

Për dallim nga bashkëpartiaku i tij që e drejton Qeverinë, Hashim Thaçi, i cili marrëveshjet e 2 korrikut i ka cilësuar të “modelit evropian”, Krasniqi ka ngjallur dyshime edhe rreth çështjes së nostrifikimit të diplomave universitare të shqiptarëve që jetojnë në Serbi e që studimet i kanë mbaruar në Kosovë, për vetë faktin se nostrifikimi i është lënë një vendi të tretë.

Të alarmuar nga “konkluzionet” e Cooperit, deputetët opozitarë, të premten, kanë kërkuar që Kuvendi të mblidhet me urgjencë për t’i shqyrtuar detajet e të tria marrëveshjeve. Për kryeministrin Thaçi, konkluzionet e ndërmjetësit të BE-së janë vetëm konkluzionet që kanë dalë nga takimet që janë zhvilluar në Bruksel në mes të delegacionit shtetëror të Kosovës dhe atij të Serbisë, dhe rrjedhimisht Kuvendi i Kosovë ka nevojë që t’i ratifikojë ato.

[Zero Cool]

Klinton-Ashton: Kosove-Serbi, marreveshje te reja


http://www.infoalbania.org/thumbnail.php?file=clinton_ashton_649272920.jpg&size=article_medium



BRUKSEL - Sekretarja Amerikane e Shtetit, Hillary Clinton dhe perfaqesuesja e larte e Bashkimit Evropian per Politike te Jashtme te Sigurise, Catherine Ashton kane thene se normalizimi i marredhenieve dhe krijimi i besimit permes dialogut te Beogradit e Prishtines hap te ardhmen evropiane per te dy palet.

“Marreveshjet e fundit ndermjet Kosoves e Serbise nen perkujdesjen e BE-se lehtesojne dialogun dhe ky eshte hap i ndersjelle eshte i dobishem e pozitiv”, thuhet ne deklaraten e Departamentit te Shtetit Amerikan. Sekretarja Clinton ka deklaruar se tani marreveshjet duhet te zbatohen dhe duhet te verehet nje perparim me i madh sidomos ne veri te Kosoves.

“Presim nga te dy palet te vazhdojne punen e tyre te veshtire dhe te arrijne marreveshje praktike me qellim te permiresimit te jetes se perditshme te te gjithe njerezve, normalizim te marredhenieve dhe kjo gje te dy vendet do t’i afroje tek aspirata e tyre evropiane”, ka thene Clinton. Nderkohe qe Ashton ne konferencen per shtyp pas takimit me Hillary Clintonin ka folur per takimin e saj me kryeministrin e Kosoves, Hashim Thacit ne Bruksel.

"Kemi biseduar per mundesite qe me negociatat vertet dhe praktikisht te lehtesohet jeta per njerezit ne veri te Kosoves", ka thene Ashton. Ajo ka theksuar se eshte folur per gjetjen e menyres se bisedimeve ndermjet dy popujve. “Keshtu mund te shkohet perpara drejt te ardhmes e cila te te dy palet gjendet ne BE”, ka thene Ashton.

[Zero Cool]

Mediet dhe diplomacia serbe ende në luftë

Shkruan : Adem Nimani


Borko dhe jashtëtokësorët nga Kosova

Çka tha përfaqësuesi serb pas raundit të fundit të bisedimeve në Bruksel, me përfaqësuesen shqiptare të Republikës së Kosovës?

Dikush mund të thotë se gazetari e ka nxjerrë nga konteksti titullin e shënimit i cili u botua në faqen e parë të një gazete serbe. Diplomati i Beogradit, tekstualisht tha: “Më bëhej sikur po bisedoja me (jashtëtokësorët) njerëz të një planeti tjetër.

Diplomacia e tij e mesjetës u shfaq serish si në kohen e Car Dushanit, kur murgjit serbë vizatonin harta të mbretërisë së tyre serbe (e cila çuditërisht e krahason vetën me atë britanike apo ruse), dhe e cila nuk pati asnjë primesë të behej ashtu siç u bë, dhe të jetë ashtu siç ishte për shumë vite,veçanërisht gjatë gjithë shekullit të kaluar, pas kapitullimit të Perandorisë Osmane. Përfaqësuesi serb i mbeti besnik shkollës së tij të diplomacisë, të cilën e kishte themeluar Nikolla Pashiqi, i cili shqiptarët i kishte paraqitur në Evropë njerëz me bishta, apo si V.Qubrilloviqi, që kishte zyrtarizuar planin për dëbimin apo shfarosjen definitive të shqiptarëve nga trojet e tyre.

Ai harroi se të parët e tij, fara e të cilëve erdhi nga Karpatet, nuk kishin shijuar asnjëherë pemë të buta dhe ishin ushqyer më shumë me mish të papjekur ndërsa tokat e reja i hapnin duke djegur çdo gjë para vetës.

Përfaqësuesi serb e din mirë anën tjetër të historisë të cilën nuk e lanë të shkruhet asnjëherë “pogllavarët” e Kishës Ortodokse serbe. Jeton ai ende me mendje në mesjetë duke harruar se shqiptaret më nuk nënshkruajnë dokumente të shkruara nga kuestorët serb si dikur, duke vendosur gjurmë të gishtit, pa ditur shkrim lexim. Beogradi duhet ta ketë të qartë se shqiptarët më nuk do mund t’i mashtrojë askush, e aq më pak pushtuesi i deridjeshëm serb.

Harroi të thotë përfaqësuesi zyrtar i Beogradit se historia serbe u ndërtua mbi historinë dhe monumentet ilire-shqiptare. Diplomati serb e di mirë se, ato kisha, të cilat nuk i heq asnjëherë nga goja, janë ndërtuar e ruajtur me dekada e shekuj nga shqiptarët autokton. E di mirë Borko Stevanoviq se Patriarkanën e Pejës deri vonë e kanë ruajtur familje të njohura të malësorëve të Rugovës, ashtu siç e ruajtën kishën e Deviçit shqiptarët e Llaushës. Nuk do t’i gjendeshin as gjurmë kishave e manastireve serbe po të mos ishin shqiptarët gjatë gjithë pushtimit osman, por edhe më vonë. Pse i kanë ruajtur shqiptarët ato monumente kulti, kjo le të mbetet temë tjetër dhe për një herë tjetër.

Mediet dhe politika serbe po vrasin për së dyti viktimat e luftës

Paraqitjen skandaloze e të akuzuarit për gjenocid ndaj popullatës boshnjake në Srebrenicë, kriminelit R.Mladiq, mediet serbe e transmetuan si fitore të madhe mbi Gjykatën ndërkombëtare te drejtësisë. Thjeshtë GJND-ja u vu në lojë, ndërsa Mladiqit, pas përjashtimit nga salla e gjyqit, mediet serbe ngarendën t’i thurin himne përsëri.

Kështu, mediet dhe politika serbe vazhduan të vrasin për së dyti viktimat e luftës. Njësoj si në kohën e Vozhdit, në masë dhe vëllim të njëjtë, shkruhet për serbët që ranë për mbrojtjen e atdheut të tyre, duke mos përmendur asnjëherë, se si gjithandej, nga kaluan ushtria dhe policia serbe, mbeti vetëm hiri. Edhe në rastet kur botohet një shënim për krime lufte, ai bëhet në mënyrë djallëzore, sa gjithnjë fitohet përshtypja se fajtor ekskluziv për gjithë tragjedinë që ndodhi në Ballkan janë, jo kasapët serbë, por shqiptarët, boshnjakët e kroatët.

Për mediet dhe politikën serbe, fajtor ishin dhe mbetën mijëra fëmijë, nën moshën pesë vjeçare, të cilët i dogji e poqi soldateska serbe.

Qeveria serbe financon libër të ri për vozhdin

“Të tillë e kam njohur” mban titullin libri më i ri kushtuar S. Milosheviqit, i botuar e financuar nga qeveria serbe dhe i promovuar ditë më parë në Beograd, nga një Ministër aktual i qeverisë serbe. Politika e Beogradit edhe më tutje vazhdon te promovojnë vozhdin duke e krahasuar me Car Lazarin dhe Sveti Saven. Serbia me të gjitha mënyrat dhe mjetet po vazhdon shndërrimin në mit të kriminelit më të madh në Ballkan.

Janë botuar e vazhdojnë të botohen pa ndërprerë libra e shkrime me të cilat mohohet masakrimi i mbi 8367 boshnjakëve nga çetnikët në Srebrenicë. Tragjedia e popullit boshnjak të Srebrenicës vazhdon të mohohet nga politika dhe mediet serbe. Mohohet skajshëm vetë origjina e popullit malazez, ndërsa KOS-i serb nuk po ia ndan zullumin Republikës se Malit të Zi.

Tash për tash, së paku kur është fjala për shqiptarët e Kosovës, lëre më pavarësia, por as barazia e tyre, në rend të parë si qytetar, as që mund të paramendohet nga Serbia.

Lëvizja liberal-demokrate qytetare serbe, numerikisht ende nuk ka gjasa të promovojë as demokracinë e as qytetërimin evropian në Serbi. Ideja e liberal demokratëve serbë për demistifikimin e politikes se vozhdit ende mbetet larg realizimit. Kjo lëvizje botoi këto ditë librin me titull “Keqpërdorimi i Institucioneve” ose “Kush ishte çka në Serbi, 1987 -2000”.

Promovimi i librit shkaktoi reagime të mëdha të audiencës serbe, vetëm dy ditë pas botimit. Në libër përmenden emrat e më shumë se njëmijë njerëzve të periudhës së Millosheviqit, të cilët kishin pozita të larta dhe ishin pjesë e regjimit. Në atë libër përmenden emra të njohur politikanësh e biznesmenësh që edhe sot mbajnë pozita të larta politike ose janë bërë milioner. Ata me njëmijë makinacione sot gëzojnë mijëra privilegje. Në libër përmenden midis të tjerëve edhe Vladika Irinej, biznesmeni serbo amerikan Milan Paniq dhe Vuk Drashkoviq, i cili nga ujku i dikurshëm çetnik i Ravna Gorës, tani paraqitet si engjëll.

Libri ua sjell ndërdije të gjithëve, se, ata që sot shtihen demokrat, nuk janë asgjë tjetër përveç bashkëpunëtorë, shërbëtor e zbatues të dikurshëm e të sotëm të politikës së vozhdit. Gjenden në ketë libër edhe shumë emra gazetarësh në mesin e të cilëve edhe sekretari i përgjithshëm i tanishëm i shoqatës së gazetarëve të Serbisë, Nino Brajoviq, që edhe më tutje është aktiv ne mediet serbe dhe nuk është çudi se si edhe sot ato vazhdojnë të njëjtën politikë. Ata që dikur me penë vranë po aq njerëz sa edhe paramilitarët e Arkanit e të Sheshelit, sot, pa kërkuar falje dhe pa u dënuar për shkrimet e tyre të tmerrshme luftënxitëse, vazhdojnë edhe të shpërblehen.

Fashizmi ende jeton e vepron në Serbi

Evropa duke ledhatuar Serbinë nuk mund të realizojë kurrë asnjë pretendim te saj për demokratizimin e fqinjit tonë veri-lindor.

Nëse dikush mendon se ka ndryshuar diçka në politikën serbe atëherë ai nuk e ka të qartë se fashizmi ende jeton në Serbi. Kjo dëshmohet edhe me faktin se dita e kryengritjes serbe kundër fashizmit moti është hequr nga kalendari, ndërsa qeveria, tashmë ka rehabilituar Drazha Mihajloviqin, kreun famëkeq të çetnikëve, të cilët bënë kërdi veçanërisht mbi popullatën e pambrojtur boshnjake. Çetniket e Mihajlloviqit të cilët bënin gara se kush ka prerë më shumë koka boshnjakësh myslimanë, apo kush ka nxjerrë më shumë sy e ka prerë vesh myslimanësh, sot janë rehabilituar në Serbi. Reagimet lidhur me këto dukuri në Serbi, ende janë të vogla e të pa fuqishme, ndërsa gjasat për ndryshimin e gjendjes mbetën minimale. Synimet e Evropës që me ledhatime, Serbinë ta kthej në rrugën e demokracisë, tash për tash janë krejt utopi.

Nëse SHBA-ja nuk inkuadrohet vendosmërisht në të gjitha lëvizjet në Ballkan, ketë rajon e pret një e ardhme e pasigurt. Analist eminent euro-amerikanë potencojnë edhe më tutje se, Ballkani me politikën e tashme serbe edhe më tutje mbetet vatër potenciale, jo e krizës, por e një lufte reale edhe më të tmerrshme, në të cilën, sipas të gjitha gjasave, do të digjet vetë Serbia. Popujt e Ballkanit, nëse nuk kanë mësuar edhe pas të gjitha tragjedive që pësuan, zoti ua bëftë dermanin.

[Zero Cool]

Rreth marrëveshjeve të arritura


http://www.zeri.info/fotot/32371/thumb_xhavit_haliti1.jpg
Shkruan: Xhavit Haliti


Në rundin e pestë të bisedimeve Kosovë-Serbi, më 2 korrik u arritën tri marrëveshje mes tyre. Reagimi vlerësues ndaj këtyre marrëveshjeve nga faktorë të ndryshëm, madje edhe të kundërt politikë, ka qenë i menjëhershëm dhe publik. Duke bërë një parashtrim të faktorëve politikë sipas përkatësisë shtetërore dhe duke ballafaquar vlerësimet e bëra prej tyre për të tri marrëveshjet e arritura, do të përpiqem të jap mendimin tim për ecurinë e mëtejshme të bisedimeve Kosovë-Serbi.

1. Bashkëbiseduesit dhe vlerësimi i tyre i ngjashëm në kundërshti

- Përfaqësuesja e Kosovës, znj. Edita Tahiri, është deklaruar se arritja e marrëveshjes është një hap i parë drejt njohjes së pavarësisë së Kosovës nga ana e Serbisë.

- Shefi i ekipit serb në negociatat me Kosovën në Bruksel, B. Stevanoviq, u deklarua, njëkohësisht me znj. Tahiri, se marrëveshjet kanë shmangur në mënyrë implicite dhe eksplicite njohjen e Pavarësisë së Kosovës nga Serbia.

- Kryenegociatori i BE-së për bisedimet Kosovë-Serbi, Robert Kuper, pas arritjes së tri marrëveshjeve falënderoi përfaqësuesit zyrtarë të Kosovës dhe Serbisë, për këto bisedime, duke veçuar një tipar të përbashkët të tyre: “negociuan të dy ekstremisht fort!”.

2. Faktorët politikë opozitarë në Kosovë dhe në Serbi

- Partitë kryesore opozitare në Kosovë, dukshëm dhe zyrtarisht janë shfaqur kundër pranimit dhe nisjes së negociatave Kosovë-Serbi, tashmë, që janë aritur këto tri marrëveshje, jo vetëm deklarohen kundër, por edhe kërkojnë “penalizim” të qeverisë, që u hapi rrugë atyre. LDK-ja, partia më e madhe opozitare, i denoncoi si antikushtetuese këto marrëveshje, dhe ka kërkuar ratifikimin e tyre në Kuvendin e Kosovës me shumicë të cilësuar votash (me 2/3 e deputetëve).

- Koshtunica, lideri i Partisë Demokratike të Serbisë, e konsideron arritjen e këtyre marrëveshjeve: “Goditje të rëndë për Serbinë”. Të nesërmen e arritjes së marrëveshjeve, ish-kryeministri serb konkludon: “Serbia gjatë historisë ka patur ngritje dhe rënie, fitore dhe humbje, por kjo është hera e parë që regjimi e shpall fitore kapitullimin dhe mashtron popullin”.

3. Struktura shtetërore, qeveritarët e Kosovës dhe të Serbisë

- Deklarohen njëherësh “fitimtarë” dhe të kënaqur me arritjen e tri marrëveshjeve. Çdo palë i cilëson marrëveshjet si hapa diplomatikë në favor të vet, duke akuzuar njëherësh e publikisht njëra-tjetrën për keqkuptim dhe keqinterpretim të marrëveshjeve të arritura.

- Kryenegociatori serb në Bruksel, z. Stefanoviq, nxitoi për të dytën herë të theksonte idenë se Prishtina vazhdon “njëanshëm që të ndryshojë realitetin në Kosovë”. Dhe u “nxitua” për t’iu kundërvënë ministrit tonë të Brendshëm, z. Rexhepi, që paralajmëroi se zbatimi i marrëveshjeve të 2-korrikut do të përajshtojë, në kuadër të ligjeve të Kosovës, përdorimin e dokumenteve biometrike serbe, që duhet të zëvendësohen me dokumente të Kosovës dhe së deri më 1 nëntor duhet të shpërbëhen strukturat paralele serbe në Kosovë.

- Stefanoviq, në vazhdim të kundërvënies ndaj deklarimit të z. Rexhepi, u shfaq qartë dhe aspak diplomatikisht për arsyen e kësaj kundërvënije: Me keqinterpretimin zyrtar, Kosova synon të shmangë implementimin e plotë të marrëveshjeve të arritura më 2 korrik.

4. Faktori shqiptar, tej kufijve shtetërorë të Kosovës

- Ministria e Punëve të Jashtme e Republikës së Shqipërisë, vetëm një ditë më pas arritjes së marrëveshjeve në Bruksel, përmes një deklarate përshëndeti arritjen e marrëveshjeve .Në këtë deklaratë zyrtare, thuhet: “Marrëveshjet, janë në përputhje me frymën e bashkëpunimit dhe integrimit evvropian të rajonit dhe i afrojnë këto dy vende e gjithë rajonin më afër me BE-në”.

- Lideri i Partisë për Veprim Demokratik, ekzistuese dhe aktive në Luginën e Preshevës, z. Riza Halimi, po të nesërmen e arritjes së marrëveshjeve në Bruksel, pasi vlerëson këto, thotë se me to: “përfundon getoizimi i shqiptarëve në Luginën e Preshevës, që u krijua pas vitit 1999 dhe mundësojnë lidhje më të lira me Kosovën”.

5. Faktori ndërkombëtar

- BE-ja; ndërmjetëse, e pranishme dhe garantuese e zbatimit të tri marrëveshjeve të arritura më 2 korrik e ka mirëpritur dhe përshëndetur arritjen e tyre. Katerine Ashton, në takimin me Kryeministrin tonë, z. Thaçi kërkoi prej tij, në emër të BE-së, jetësimin e shpejtë të marrëveshjeve të arritura ndërmjet Kosovës dhe Serbisë.

- Zëvendëspresidenti i ShBA-së, Xh. Bajden, pas takimit të shkurtër që zhvilloi në Romë me presidenten tonë, ka përshëndetur arritjen e marrëveshjeve të 2 korrikut, duke theksuar nevojën për përparimin e mëtejshëm në çështje që sjellin përfitime praktike për qytetarët e të dyja vendeve.

E bëra gjithë këtë parashtrim për të qenë mirëkuptueshëm në kundërshtimin tim ndaj kërkesës së LDK-së që kërkon miratimin dhe ratifikimin e tri marrëveshjeve të arritura në Kuvendin e Kosovës. E kuptoj ndjesinë “patriotike” të LDK-së, që kërkon “ratifikimin” e marrëveshjeve në Kuvend. Nuk dëshiroj të gjykoj për argumentet motivuese të kësaj kërkese dhe ca më pak, për synimet e saj.

Por, gjithsesi, një parti e madhe ish-qeverisëse dhe pretendente kryesore për të qeverisur, nuk shfaqet e arsyeshme në kërkesën për ratifikimin e tri marrëveshjeve mes Kosovës dhe Serbisë nga Kuvendi i Kosovës. E them këtë nisur nga: Marrëveshjet e arritura në Bruksel u bënë nën supervizionin dhe garancinë e implementimit nga BE-ja.

Kosova dhe Serbia, institucionet shtetërore që u ulën për të biseduar dhe arritën të përfundonin tri marrëveshje, kanë qenë dhe vazhdojnë të përballen me ndjesi në shumicë nacionaliste dhe politike kundër marrëveshjeve: Mendoj se në këtë situatë është i dëmshëm ratifikimi i marrëveshjeve të 2 korrikut në Kuvend, sepse: Autorët, supervizorët dhe garantuesit e bisedimeve në Bruksel nuk kemi qenë ne: (shteti i Kosovës, apo faktori shqiptar). Bisedimet në Bruksel u organizuan, u supervizuan dhe garantohen nga BE-ja.

Bisedimet Kosovë-Serbi u tejkaluan me një rezolutë të pavotuar nga opozita, që sot kërkon ratifikimin në Kuvend. Serbia synon dhe kërkon që ne t’u kundërvihemi marrëveshjeve. Kërkuesit e ratifikimit të tri marrëveshjeve në Kuvendin e Kosovës pa dashur të paragjykoj, me ose pa dashje rrezikojnë: Politika le të përballet dhe të zgjedhë mes interesave politike dhe shqiptarizmit!

[Zero Cool]

Tahiri e fton Kurtin të ulet me Stefanovicin


http://www.telegrafi.com/fo/kosove/f.0715110854303_m.jpg


Ka vetëm një mënyrë që Albin Kurti mund ta kuptojë se çka thuhet e diskutohet prapa dyerve të mbyllura në bisedimet Kosovë – Serbi. Kjo është pjesëmarrja e tij në bisedime dhe ulja në një tavolinë me kryenegociatorin serb, Borko Stefanovic.


“Unë e ftoj të vijë në Bruksel dhe të jetë e bisedimeve dhe mund ta kuptojë se çfarë po flitet. Transkriptet nuk mund të bëhen publike, është çështje konfidenciale e diplomacisë”, ka thënë kryenegociatorja Edita Tahiri, në emisionin Interaktiv të KTV-së.

Tahiri ka insistuar se marrëveshjet janë në dobi të qytetarëve të Kosovës dhe nuk e mohojnë pavarësinë. Ajo ka shpjeguar se në Serbi mund të udhëtohet edhe me targat RKS, por pjesa e emblemës së Kosovës duhet të fshihet me një “sticker” të veçantë, dhe e njëjta gjë do të ndodhë edhe me makinat që hyjnë nga Serbia, ku do të mbulojnë pjesën me flamurin serb, transmeton Indeksonline.

Tahiri ka thënë që nga 1 nëntori strukturat paralele në Kosovë do të shuhen, dhe nuk do të lëshohen më dokumente paralele serbe, kurse do të konfiskohen edhe targat serbe, duke përfshirë ato të para luftës.

Zv/kryeministrja ka paralajmëruar rundin e ri të negociatave për javën e ardhshme, ku priten marrëveshje për 4 fusha të reja, duke përfshirë pranimin e vulave të Doganave të Kosovës, si dhe krijimin e një sistemi roaming për serbët, që do të nënkuptonte sipas saj, ndalimin e operatorëve ilegalë serbë të telefonisë mobile.

[Zero Cool]

Nuk do të flitet për borxhet ndaj KEK-ut



http://www.telegrafi.com/fo/ekonomia/f.0716181228689_m.jpg


Shefi i ekipit negociator serb, Borko Stefanoviq, ka hedhur poshtë mundësinë që në raundin e gjashtë të bisedimeve me Prishtinën të bisedohet për borxhin 12- vjeçar, që serbët e veriut i kanë Korporatës Energjetike të Kosovës (KEK).


Stefanoviq ka thënë se borxhi për energjinë elektrike nuk është paraparë në plan dhe se, sipas tij, kryenegociatorja Edita Tahiri po "shfrytëzon mundësinë që me deklarata të tilla të kontribuojë në pozicionimin më të mirë të ekipit të Prishtinës dhe të vetë asaj".

Nga bisedimet e zhvilluara deri më tash, Beogradi dhe Prishtina kanë arritur pajtim për lirinë e lëvizjes, për librat amzë dhe për nostrifikimin e diplomave universitare.

Sipas Qeverisë së Kosovës, në raundin e gjashtë të dialogut në Bruksel do të diskutohet për telekomunikacionin, energjinë, tregtinë e lirë dhe kadastrat.

[Zero Cool]

Analistët: Edhe temat politike pjesë e dialogut



http://www.telegrafi.com/fo/kosove/f.0717200658515_m.jpg


Është hera e parë që një proces negociator, siç është procesi i dialogut ndërmjet Kosovës dhe Serbisë, të përcillet me shumë kundërthënie, ku gjysma e deputetëve të Kuvendit të Kosovës shprehin kundërshtim ndaj këtij procesi, vlerësojnë analistët e çështjeve politike në Kosovë.


Ata theksojnë se hedhja poshtë nga Kuvendi i Kosovës e kërkesës së tri partive opozitare, Lidhjes Demokratike të Kosovës, Lëvizjes “Vetëvendosje” dhe Aleancës për Ardhmërinë e Kosovës, për ndërprerjen e bisedimeve me Serbinë, nga Qeveria e Kosovës mund të kuptohet si sinjal për vazhdimin e dialogut. Por, në këtë rast, sipas tyre, Qeveria e Kosovës duhet të jetë shumë e kujdesshme lidhur me zhvillimet në këtë proces.

Analisti Ismajl Hasani, profesor në Universitetin e Prishtinës, vlerëson se debatet në Kosovë nuk do të ndikojnë në rrjedhën e procesit të dialogut.

“Situata e krijuar dhe dhënia e legalitetit ekipit negociator për bisedimet, nuk e zhvendos agjendën e faktorit ndërkombëtar për bisedat. Kështu që, pritjet janë se diskutimet, përkatësisht bisedat e natyrës së nxehtë politike, janë të paevitueshme. Këtë edhe ekipi negociator e di prej fillimit. Këtë e din edhe Qeveria e Kosovës. Këtë e dinë edhe subjektet politike opozitare, të cilat, mbase do të thosha, pa ndonjë maturi të madhe kanë bërë përpjekje që ta kontestojnë legalitetin. Legaliteti i këtyre bisedimeve nuk është kërkuar nga Kuvendi, nuk është kërkuar nga qeveria”, vlerëson Hasani.

Por, analisti Ylli Hoxha nga Klubi për Politikë të Jashtme, vlerëson se jo çdo çështje legale është edhe legjitime. Sipas tij, në një proces shtet-formues siç është Kosova, do të duhej të ruhej kohezioni shoqëror, sidomos në çështjet që kanë të bëjnë me procese shtet-formuese, siç janë bisedimet për të ardhmen e vendit.

“Në këtë drejtim, qeveria do të duhej të ishte e kujdesshme ashtu siç ishin edhe qeveritë paraprake, që në të përfshihet edhe opozita shumë më aktivisht dhe të mos ketë kundërshti të mëdha, çfarë i kemi pasur. Unë besoj që qeveria, me atë që ka treguar në tre muajt e fundit, do të vazhdojë me kokëfortësinë e vet, sepse nuk ka rrugë tjetër dalëse. Pra, do të vazhdojë në këtë rrugë, duke shënuar rezultate mediokre, të cilat do të mund të jenë bukur të dëmshme për rregullimin e brendshëm të Kosovës në të ardhmen”, thotë Hoxha.

Hoxha shton se bisedimet ndërmjet Kosovës dhe Serbisë, të cilat siç thotë ai, po thuhet se po bëhen për çështje teknike, do të prekin edhe tema politike mjaft të nxehta. Këtë sipas tij, e konfirmon edhe deklarata e përfaqësuesit civil ndërkombëtar Pieter Feith, që siç thotë ai, ka paralajmëruar që veriu i Kosovës do të jetë një nga temat e dialogut.

Profesor Hasani vlerëson se temat, siç i quan ai, të nxehta politike, janë të pashmangshme.

“Janë të pashmangshme. Kur thuhet ‘biseda të nxehta politike’ nënkuptohet gjithçka që është e mundshme, përjashto rastin e zhbërjes së Kosovës, sepse Kosova është realitet. Është njohur nga numri i konsiderueshëm i shteteve që kanë fuqi botërore, në të gjitha aspektet. Të tjera çështje, absolutisht, ekipi negociator i Kosovës është i vetëdijshëm se nuk mund t’i përjashtojë nga tryeza e bisedimeve. Edhe qeveria jonë është e vetëdijshme për këtë punë”, shpjegon Hasani.

Ndërkaq, analisti Hoxha vlerëson se bisedimet ndërmjet Kosovës dhe Serbisë janë absolutisht politike dhe deri më tash janë trajtuar çështjet e lehta në mënyrë që të shkohet drejt çështjeve të cilat janë probleme reale. Problemi real, sipas tij, është futja e veriut të Kosovës nën kontroll dhe instalimi i rendit dhe ligjit në atë pjesë të vendit.

“Kjo çështje, sipas të gjitha gjasave do të vihet në tavolinë. Po që se modeli i zgjidhjes së tri problemeve paraprake do të zbatohet në zgjidhjen e çështjes së veriut, atëherë do të jemi shumë larg nga premtimi që ka dhënë qeveria se do të kemi një sistem unik kushtetues, ligjor, në tërë territorin e vendit. Është shumë më i afërt një paralajmërim, që po e bëjnë ish-negociatorët e Kosovës apo njohës, ekspertë të lëmisë së dialogut, të cilët flasin për tejkalimin e të drejtave të ofruara përmes pakos së Ahtisaarit”, thotë Hoxha.

Sidoqoftë, në bisedimet e zhvilluara deri më tash, Prishtina dhe Beogradi janë pajtuar për lirinë e lëvizjes, librat amzë dhe nostrifikimin e diplomave universitare.

[Zero Cool]

Tahiri: Çështja e borxhit ndaj KEK-ut e pashmangshme


http://www.telegrafi.com/fo/ekonomia/f.0718135855856_m.jpg


Kryenegociatorja Edita Tahiri ka kundërshtuar deklarimet e homologut të tij serb Borislav Stefanoviq, i cili ka deklaruar se në raundin e gjashtë të bisedimeve me Prishtinën, nuk të bisedohet për borxhin 12-vjeçar, që serbët e veriut i kanë Korporatës Energjetike të Kosovës (KEK).


Kryenegociatorja Tahiri, ka thënë se çështja e borxhit do të jetë e pashmangshme. Sipas saj grupet punuese gjatë diskutimeve, do të përcaktojnë modalitetet e kompensimit të borxhit.

Stefanoviq ka theksuar, se Tahiri po shfrytëzon mundësinë që me deklarata të tilla të kontribuojë në pozicionimin më të mirë të ekipit të Prishtinës dhe të vetë asaj.

Ndërkohë, në një intervistë për media serbe, Stefanovic nuk e ka përjashtuar mundësinë që në raundet e ardhshme të bisedimeve me Kosovën, të bisedohet edhe për mundësinë e ndarjes së Kosovës.

[Zero Cool]

Nuk preferohet reciprociteti i Kosovës me Serbinë


http://www.telegrafi.com/fo/kosove/f.0720094758672_m.jpg


Burimet nga BE-ja jozyrtarisht kanë thënë se ndër arsyet kryesore pse është anuluar raundi i ri i dialogut ka qenë mosgatishmëria e Beogradit që të pranojë kompromisin për vulat e Doganave të Kosovës. BE-ja nuk ka dashur të vazhdohet me tema tjera pa u zgjidhur kjo, sepse BE-ja e konsideron “lëvizjen e lirë të mallrave” si parim themelor të saj.


Serbia, siç thonë disa diplomatë, e ka parë pranimin e marrëveshjes si mundësi që dikush të sugjerojë se po pranon “elemente të shtetësisë së Kosovës”, ndërkohë që zyrtarët e BE-së kanë thënë se edhe UNMIK-u kishte dhënë mendimin pozitiv për vulat e Doganave të Kosovës.

Tash në BE druajnë se Kosova vërtet do të mund të niste së shpejti masa reciproke tregtare ndaj Serbisë, diçka që në BE thonë se “nuk do të shihet me simpati”, ndonëse e kuptojnë “frustrimin e Kosovës”, shkruan Koha Ditore.

Disa burime në BE kanë thënë se “dialogu ka pasur edhe për qëllim që të heqë arsyet për ndonjë masë unilaterale tregtare të Kosovës ndaj Serbisë”. Edhe tash, kur është e qartë se marrëveshja për të lejuar kalimin e mallrave të Kosovës (me vula të Doganave të Kosovës) nëpër Serbi nuk do të arrihet së paku deri në vjeshtë, e edhe nëse arrihet atëherë askush nuk e di kur do të hynte në fuqi. Në BE thonë se “ndaj masave unilaterale të Serbisë, e cila mban një lloj bllokade tregtare ndaj Kosovës, Prishtina nuk duhet të përgjigjet me masa unilaterale”.

Por në insistimin se është Kosova ajo që me vite humb nga një gjendje e tillë dhe askush një shteti të pavarur nuk mund t’ia ndalojë të mbrojë parimet e veta, zyrtarët e BE-së kanë thënë se “nuk përzihemi në atë se a ka apo jo Kosova të drejtë të veprojë në atë mënyrë, por themi se një veprim i tillë nuk do të pëlqehej”.

Por disa diplomatë të disa shteteve anëtare pohojnë se edhe BE-ja ka qenë tepër tolerante ndaj Serbisë sa i përket pjesëmarrjes së Kosovës në nismat rajonale dhe në CEFTA dhe se, ndonëse nuk e pëlqejnë, “askush nuk mund t’ia mohojë Kosovës të drejtën që të japë shenja se është shtet i pavarur”.

Por përderisa disa shtete të BE-së do ta kuptonin Kosovën nëse ajo ndërmerr masa reciproke dhe ndalon hyrjen e mallrave të Serbisë në tregun e saj, një gjë e tillë nuk do të pëlqehej nga nëpunësit në Komisionin Evropian dhe në Këshillin e BE-së.

[Zero Cool]

Bllokimi i produkteve serbe dëmton bisedimet


http://www.telegrafi.com/fo/kosove/f.0720140319367_m.jpg


Kreu i delegacionit të Serbisë në bisedimet me Kosovën, Borislav Stefanovic ka thënë të mërkurën në një intervistë për Radio Dukagjinin se dialogu vetëm është shtyrë dhe jo ndërprerë, pasi sipas tij, ndërmjetësi Robert Cooper Cooper ka vendosur duke e parë se që të dyja palët e kanë të vështirë të pajtohen ndërmjet vete për temat që ishin paraparë me agjendë.


Sipas tij, asnjëra palë nuk duhet të fajësohet për shtyrjen e dialogut, pasi tha se bisedimet thjeshtë janë shtyrë për në shtator në mënyrë që të ketë më shumë kohë që të gjinden zgjidhje më të mira.

Kreu i delegacionit të Serbisë duke folur rreth deklaratave të liderëve kosovarë se edhe Kosova do t’i bllokojë produktet serbe pas shtyrjes së marrëveshjeve, tha se shpreson që Qeveria e Kosovës nuk do ta bëjë një veprim të tillë, pasi sipas tij nuk është një veprim i zgjuar dhe do tu shkaktojë dëme njerëzve që jetojnë në Kosovë për nevojat e tyre të përditshme.

“Do të sjellë efekte të panevojshme edhe në procesin e dialogut. Besoj në zgjuarsinë e qeverisë suaj, që do të presin deri në arritjen e marrëveshjeve në fillim të shtatorit. Nëse qeveria juaj merr vendim të tillë besoj që një gjë e tillë do të sillte dëme të mëdha për të dyja palët në këtë proces”, tha ai.

Mirëpo, se a ka kërkuar, presidenti serb, Boris Tadic që të mos arrihen marrëveshjet e radhës me Prishtinën, Stefanovic tha se “natyrisht që jo”. “Unë isha në rrugë për në aeroport, për të qenë i sinqertë kur u informova për shtyrjen. Mendoj se është shumë i mençur vendimi për shtyrje sepse kemi më shumë kohë që të gjejmë zgjidhje më të mira. Ne do të vazhdojmë konsultat dhe konferencat për të gjetur zgjidhje”, tha ai.

Se a qëndron problemi me vulat e Kosovës, Stefanovic tha nuk është e vërtetë sepse të gjitha temat janë të vështira, por do shohin se si do ta bëjnë këtë në mënyrë që të dyja palët të jenë të kënaqura. Sipas tij, pala serbe do t’i pranojë vulat që janë në përputhje me Rezolutën 1244 dhe dokumentet që mbajnë qëndrim neutral karshi statusit.

Duke folur rreth qëndrimit të eurodeputetes, Ulrike Lunacek e cila ka theksuar se Serbia po bllokon procesin e dialogut dhe për këtë Serbia po e humb mundësinë që të merr statusin e kandidatit të BE-së, Stefanovic tha se këtë deklaratë e kundërshtojnë plotësisht.

“Është një gjë e pritshme nga zonja Lunacek përderisa është raportuese për Kosovën dhe është njëra nga ato që është avokate e fuqishme për çështjen tuaj. Por ajo nuk e ka mirë. Serbia nuk e ka bllokuar këtë raund të bisedimeve. Nuk ka asnjë afat që na përcakton se kur duhet të arrihen marrëveshjet...” tha ai. Ai u shpreh i sigurt se qeveritë e shumicës së vendeve të BE-së do ta përkrahin Serbinë në marrjen e statusit kandidat, përderisa sipas tij janë duke i plotësuar të gjitha kriteret.

[Zero Cool]

Embargoja kosovare shqetësuese për Serbinë


http://www.telegrafi.com/fo/kosove/f.0720194155823_m.jpg


Qeveria e Serbisë është duke pritur reagimin e Bashkimit Evropian, pas vendimit të marrë të mërkurën nga Qeveria e Kosovës për masa reciprociteti të plotë për produktet e Serbisë, ndërsa për Bosnjë e Hercegovinën taksë doganore prej 10 për qind.


Sekretari shtetëror në të ashtuquajturën Ministri serbe për Kosovën në Qeverinë e Serbisë, Oliver Ivanovic, ka deklaruar se Beogradi pret reagim të shpejtë të Bashkimit Evropian në lidhje me vendimin e qeverisë kosovare për vënien e embargos ndaj produkteve serbe.

“Mendoj se ky vendim nuk do të mbijetojë. Pres që Bashkimi Evropian do të reagojë shpejt. Nëse vendimi mbijeton, çmimin do ta paguajnë shqiptarët e Kosovës, të cilët edhe më tej do të blejnë produkte të parapëlqyera, por me çmim më të shtrenjtë”, ka thënë Ivanovic.

Zëvendëskryeministrja, njëherësh ministrja e Tregtisë dhe Industrisë, Mimoza Kusari-Lila, pas mbledhjes së rregullt të Qeverisë së Kosovës, tha të mërkurën se Kosova nuk kishte rrugë tjetër veç vendosjes së masave të reciprocitetit me Serbinë, shtet ky i cili nuk lejon importin dhe as kalimin transit të mallrave të prodhuara në Republikën e Kosovës.

Edhe pse nuk preferohet reciprociteti i Kosovës me Serbinë, burimet nga BE-ja jozyrtarisht kanë thënë se ndër arsyet kryesore pse është anuluar raundi i ri i dialogut ka qenë mosgatishmëria e Beogradit që të pranojë kompromisin për vulat e Doganave të Kosovës. BE-ja nuk ka dashur të vazhdohet me tema tjera pa u zgjidhur kjo, sepse BE-ja e konsideron “lëvizjen e lirë të mallrave” si parim themelor të saj.

[Zero Cool]

Bogdanovic: Prishtina ka thelluar mosbesimin


http://www.telegrafi.com/fo/kosove/f.0721084733677_m.jpg


Ministri për Kosovën në Qeverinë e Serbisë, Goran Bogdanovic ka akuzuar autoritetet në Prishtinë, të cilat kanë marrë vendim për t’iu vënë embargo produkteve serbe.


“Me këtë lëvizje irracionale, Qeveria e Kosovës i humb kuptimin dialogut dhe kontribuon në një mosbesim më të madh ndërmjet serbëve dhe shqiptarëve”, ka thënë Bogdanovic, duke paralajmëruar se pasojat e këtij vendimi “do t’i ndjejnë të gjithë qytetarët e Kosovës edhe shqiptarët, edhe serbët”.

“Në të njëjtën kohë, ky vendim do të përkeqësojë edhe më shumë situatën katastrofale të ekonomisë në Kosovë”, ka thënë Bogdanovic, njofton Evropa e Lirë.

Qeveria e Kosovës ka marrë vendim për masa reciprociteti të plotë për produktet e Serbisë, ndërsa për Bosnjë e Hercegovinën taksë doganore prej 10 për qind. Dy shtetet kanë bllokuar produktet kosovare që nga viti 2008.

[Zero Cool]

Edita – Albinit: Ti ke banesë, unë jo


http://www.telegrafi.com/fo/kosove/f.0721111259745_m.jpg


Aksioni i djeshëm i Lëvizjes Vetëvendosje para ndërtesës së qeverisë, ku kryengociatorja Edita Tahiri është vlerësuar më notën 10 për siç thanë ata kompromise me Serbinë, nuk ka kaluar pa reagimin e protagonistes së ngjarjes.
Edita Tahiri e cila udhëheqë me delegacionin e Prishtinës në bisedimet me Beogradin, u është kundërpërgjigjur këtyre akuzave. Ajo gjatë një prononcimi për “Epokën e Re”ka thënë se opinionin e ka të qartë se kush është hajn e kush i korruptuar.

“Kur flitet për dukurinë e hajnisë desha t’i them zotëri Albin Kurtit, se opinionin e di mirë sa ka punuar për çlirimin dhe pavarësimin e vendit, dhe sot ai ka banesë, ndërsa unë si politikane që kam punuar në kohë të rënda për lirinë dhe pavarësinë e Kosovës ende nuk kam. Prandaj mendoj se opinionin e ka mjaftueshëm këtë informatë për të parë se kush është kush në drejtim të hajnisë dhe korrupsionit”, ka thënë Tahiri.




Vetëvendosje: Diplomohet Edita Tahiri!



http://www.telegrafi.com/fo/kosove/f.0720123744596_m.jpg


Aktivistë të lëvizjes Vetëvendosje ndërmorën para ndërtesës së Qeverisë aksionin simbolik, me ç’rast zëvendëskryeministres Edita Tahirit iu nda “diploma e Universitetit të Hajnisë dhe kompromiseve me Serbinë”. Diplomë kjo, siç tha Vetëvendosje për kursin “Negociatat dhe koncesionet marramendëse me Serbinë”, për të cilin kryenegociatorja është vlerësuar me notë maksimale 10.
Aktivisti Frashër Krasniqi, me këtë rast tha se nuk do shumë mend për të vërejtur se si Qeveria dhe pushtetarët e Kosovës, përveç që janë të shitur e të korruptuar, janë edhe shumë të paditur.

“... Megjithatë, problemi kryesor nuk po na del të jetë padituria e tyre. Në fund të fundit, njeriu kur ka vullnet për të fituar dije e fiton atë. Kështu, Qeveria e Kosovës, përveç që nuk po di me zhvillu ekonominë e vendit, me shtri sovranitetin e shtetit, me rritë mirëqenien e qytetarëve, ajo as nuk po ka vullnet t’i bëjë këto. E megjithatë, ka plot gjëra tjera për bërjen e të cilave kjo Qeveri është shumë e vullnetshme. Dhe është aq e vullnetshme sa që është bërë profesioniste. Ajo ka shumë vullnet ta pasurojë veten, duke e shitur Kosovën”, tha Krasniqi.

“Ka kohë që në vendin tonë është themeluar një universitet i ri: ai i Hajnisë dhe Kompromiseve me Serbinë. Atyre që i ndjekin mësimet në të u mësohet për teknikat më të zhvilluara të vjedhjes së pasurisë publike, u mësohet për mënyrat më të sofistikuara të keqpërdorimit të pushtetit... Një kurs special dhe shumë intensiv, që ofrohet në këtë universitet, i pajisë pjesëmarrësit me shprehinë e servilitetit dhe kompromiseve të vazhdueshme me Serbinë. Rektori i këtij universiteti, kryeministri Hashim Thaçi, po kujdeset vazhdimisht që t’i edukojë në këtë frymë studentët që i ka përreth vetes dhe t’i bëjë ata sa më të përshtatshëm për t’i kryer punët e ndyta në saje të së cilave ky rektor ia ruan pushtetin vetes”, u shpreh më tej aktivisti i Vetëvendosjes.

Sipas tyre, e diplomuara më e re në Universitetin e Hajnisë dhe të Kompromiseve me Serbinë është zëvendëskryeministrja Edita Tahiri. “Kjo e fundit, me rezultat maksimal – notë 10.00 – arriti ta kalojë kursin e negociatave dhe koncesioneve marramendëse me Serbinë”, tha ai.

Sipas tij, Tahiri së bashku me kryeministrin Hashim Thaçi, treguan zell të pashoq në përmbushjen e kërkesave të shtetit që për çdo ditë e cenon sovranitetin dhe pavarësinë e Kosovës.

[Zero Cool]

Beogradi përgatit dy skenarë ndaj Kosovës



http://www.telegrafi.com/fo/kosove/f.0722134658759_m.jpg


Në Beograd thuhet se me aplikimin e ndalimit të mallrave të Serbisë nga Kosova, Prishtina ka "rrezikuar tmerrësisht" procesin negociator.

Siç mëson gazeta "Vecernje novosti", transmeton lajmin QIK-u, Qeveria e Serbisë po përgatit dy skenarë. Siç theksohet fillimisht "do t'i japë shans" Brukselit, OKB-së dhe SHBA-së që të ushtrojnë presion mbi Prishtinën, që të tërheqë vendimin për reciprocitetin, në mënyrë që nëpërmjet bisedimeve të arrihet kompromisi rreth vulave doganore.

Sipas gazetës në fjalë opsion rezervë, që do të aktivizohej nëse shterohen të gjitha mundësitë diplomatike, është që Beogradi t'i përgjigjet Prishtinës me ndonjë kundërmasë.

Kabineti i kryeministrit serb ka ngarkuar në mbledhjen e së enjtes Ministrinë e Ekonomisë që të informojë hollësisht CEFTA-n për “vendimin e njëanshëm të Prishtinës dhe që të kërkojë të ushtrojnë presion mbi”, siç thuhet, "shqiptarët e Kosovës".

Ndërsa, Ministria e Jashtme është ngarkuar që të informojë qendrat më të mëdha në botë - OKB, SHBA, Rusinë, BE për veprimet e Prishtinës, të cilat, siç thuhet, mund të rrezikojnë negociatat.