R.I.P Enver Zymberi Heroi I Kosoves

[tipi engjellor]

http://external.ak.fbcdn.net/safe_image.php?d=AQCJpe7wgeS5BDQN&w=130&h=130&url=http%3A%2F%2Fi1.ytimg.com%2Fvi%2FHqfSNlyvSPQ%2 Fdefault.jpg (http://www.facebook.com/home.php)R.I.P Enver Zymberi Heroi I Kosoves (http://www.youtube.com/watch?v=HqfSNlyvSPQ&feature=share)
www.youtube.com (http://www.youtube.com/)I Perjetshem Do Te Jet Kujtimi Per Ty E Gjith Kosova Mban Zi Per Ty Heroi Yne Enver Zymberi All-llahu Te Shperbleft Me Xhehnet AMIN

[Hajra]

.....Lavdi vepres se Heroit te Kombit Enver Zymberi,

Homazh për policin e vrarë

Zyrtarët e Policisë së Kosovës kanë njoftuar se lidhur me vrasjen e pjesëtarit të njësisë speciale të policisë, Enver Zymberi, janë hapur hetimet.

E mërkure 27 Korrik 2011 17:00
Policia e Kosovës ka hapur hetimet mbi vrasjen e pjesëtarit të saj Enver Zymberi, i cili nga plagët e marra me armë zjarri dje, në veriun e Kosovës, ka ndërruar jetë.
Zëdhënësi i Policisë së Kosovës, Brahim Sadriu, i ka thënë Radios Evropa e lirë, se policia po heton në disa pista, lidhur me vrasjen e zyrtarit të saj.
“Lidhur me këtë rast, Policia e Kosovës, Drejtoria Rajonale e Mitrovicës, qysh dje ka iniciuar hetimet. Do të hetojë të gjitha detajet. Të gjitha pistat e mundshme janë duke u hetuar, në mënyrë që të dyshuarit lidhur me këtë rast të kapen dhe të dërgohen para drejtësisë”, tha Sadriu.
Ndryshe, siç ka thënë zëdhënësi Sadriu, Policia e Kosovës dhe drejtuesit e lartë të institucioneve të vendit, sot kanë nderuar policin e ndjerë Zymberi, duke bërë homazhe në ambientet e drejtorisë së përgjithshme të Policisë së Kosovës.
“Sot, prej orës 13 deri në orën 14, në ambientet e Drejtorisë së Përgjithshme të Policisë së Kosovës, konkretisht në hollin e ndërtesës së administratës, janë bërë homazhe për policin Enver Zymberi, i cili ka rënë dje në krye të detyrës, në rajonin e Mitrovicës. Në këtë homazh kanë marrë pjesë, përveç prestarëve të policisë së Kosovës dhe kolegëve të të ndjerit, edhe personalitetet më të larta të vendit, familjarë, miq dhe njerëz të tjerë”, sqaroi Sadriu.
Të gjitha institucionet e Kosovës dhe partitë politike e kanë ngushëlluar familjen Zymberi për humbjen anëtarit të tyre në krye të detyrës.
Në ngushëllimet për familjen Zymberi, është thënë se Enver Zymberi është shembull i sakrificës dhe profesionalizmit të lartë në vendosjen e kushtetutshmërisë në tërë territorin e republikës së Kosovës.
Ndërkaq, presidentja e Kosovës, Atifete Jahjaga, ka vendosur që policin e ndjerë Enver Zymberi, i vrarë në detyrë, ta dekorojë me Urdhrin “Hero i Kosovës”, me motivacion për “trimërinë dhe përkushtimin e treguar deri në flijim për vendosjen e sundimit të ligjit në tërë territorin e Republikës së Kosovës”.
Presidentja Jahjaga do t’ia dorëzojë medaljen familjes Zymberi në një ceremoni të veçantë.
Ndryshe, sipas zëdhënësit të policisë së Kosovës, Sadriu, në pikat kufitare 1 dhe 31 në veri të vendit, të cilat një ditë më parë ishin futur nën kontroll nga njësitë speciale të policisë së Kosovës, janë vendosur dhe po vazhdojnë punën policia kufitare dhe doganierët e Kosovës.
“Janë pjesëtar të Policisë së Kosovës, të të gjitha etniciteteve. Do të thotë, janë të vendosura njësitet e policisë kufitare qysh dje, por edhe sot janë duke punuar. Do të thotë, janë zyrtar policor dhe duhet të punojnë konform rregullave dhe ligjeve të aplikuara në vend”, bën të ditur Sadriu.
Zëdhënësi Sadriu ka theksuar se në pikat kufitare në veri të vendit janë duke qëndruar edhe njësitë e KFOR-it, të cilat, sipas tij, janë duke dhënë përkrahjen për policinë e Kosovës, në punën e tyre të përditshme.
Sadriu gjithashtu ka shtuar se situata e sigurisë në veriun e Kosovës gjatë natës ka qenë e qetë dhe pa incidente, ndonëse në disa rrugë ende qëndrojnë barrikadat, të cilat i kanë vendosur më herët serbët lokal.
Në anën tjetër, serbët lokalë, në veri të vendit edhe gjatë natës së kaluar kanë qëndruar afër barrikadave që i kanë vendosur në disa rrugë.
Këtë e konfirmon edhe njëri nga liderët politik të serbëve të veriut të Kosovës, Kërstomir Pantiq, i cili gjithashtu thotë se me gjithë tërheqjen e forcave speciale të policisë së Kosovës nga veriu, në pikat kufitare kanë mbetur njësitë e policisë kufitare, me të cilin fakt, sipas tij, serbët lokal nuk pajtohen.
“Qytetarët janë ende të tubuar në barrikada. Megjithatë rrugët nuk janë plotësisht të bllokuara. Qarkullimi është i lirë në drejtim ka pikat kufitare dhe që andej për në Mitrovicë”, ka thënë Pantiq.
Sidoqoftë, policia e Kosovës ka theksuar se njësitet e Policisë kufitare dhe doganierët do të vazhdojnë ta kryejnë punën e tyre në pikat kufitare në veri të vendit. /rel/

[LaDy_Diaspora]

Ngushëllime familjes.
Uroj që fëmijet e tij ta gëzojnë lirinë e vërtetë, për të cilën sigurisht babi i tyre ka ëndërruar... :frown:

[Besi:)]

Ngushllime familjes si dhe shpresoj qe qeveria sdo te zhgenjej familjet e tij po dot tja sjell një pension mat mir se sa paga qe kishte...
Ishalla Zoti e shperblen me Xhenet....

[Giovanni]

Dhe jeten per te atedheun tend do te jeshe gjithmone ne kujtimet tona.
Shume ngushllime per familjen Zymeri dhe per te gjith koleget e te ndjerit.
Te qofte i lehte dheu
Pushofsh ne paqe

[Zero Cool]

4adK_S_kNoE

[Honesty^uk.]

Ngushellime familjes se heroit dhe LAVDI ketij trimi qe ra per te mos vdekur kurre, per tu treguar shovinisteve okupues, por edhe udheheqesve te radhes,
gjaku i Heronjve nuk negociohet, por as nuk do te lejohet qe te shkelet apo
nenvleresohet nga disa udheheqes kukulla
qe per interes te karriges se tyre pranoje ti shtrijne doren dhe tu ferkojne shpinen
atyre qe japin urdhera per eleminimin e mbrojtesve te lirise se KOSOVES

LAVDI ENVER ZYMBERI
Shpirti yt u mprehte ne paqe, dhe do jesh fanar ndriçues per brezat.

Honesty

[Guri i madh]

ju shprehi ngushtllimet ma te sinqerta familjes Zymberi miqve dhe bashkpuntorve te ndjerit


i leht i qoft dheu i Kosoves

[Llapjani_HH]

Ngushllimet më të sinqerta familjes së Enver Zymberit

I lehtë i qoftë dheu i Kosovës

LAVDI HEROIT TË KOSOVËS ENVER ZYMBERI

[Oqeani]

E di se nuk do kem rastin qe te ju nderoj pran "shtëpisë" suaj te perhershme, por se paku nje pikë loti JU dhuroj tash !!!!

Ngushllimet me te sinqerta familjes suaj, miqëve si dhe kolegeve tuaj.

Me nderime PRESHEVERI !

[vjeshta]

Qe kufijte e nje shteti jane ne rrezike te vazhdueshem per kete kemi qene te vetedijeshem ,por me vdekjen e juaj E.Zymberi po behemi te vetedijshem qe Heroit e Kosoves nuk kan dhe nuk do te kene te mbaruar .Kjo,nga njera ane , eshte aq madheshtore dhe ,nga tjetra ane ,aq piklluese .


Te qofte i lehte dheu dhe pushofshe ne paqe .


Ngushllime !

[Idealist]

Nuk ndalet ketu, Enveri vetem na tregoi rrugen, menuren dhe si mbrohet ideali. Kufijt e Kosoves jane te shenjte, ai iku duke mbrojtur po kufijt dhe duke fituar perjetesin
Zoti e shperbleft me xhennet, vertete Ai nuk e thyen premtimin!
Lavdi!

[taraku-1]

Allahu koft i knaqur me ty dhe familjen tende.. gjasat jan te mdhaja qe po at dite.. haku i yte o nxjerr nga shokt e tu sikur te gjasht lisat e likoshanit... ne shkurt te 98-es...
6 karikator ( 180 plumba ) jan shkrep ne kerret e mup-it n e njerin prej tyre ku ishin 3 persona ne kerr....

[jEtA_1]

Dhembjen nuk mund ta shprehim as me fjalë e as me lot , sepse është diku thellë në brendinë e shpirtrave dhe zemrave tona i leht te qoft dheu i Kosoves o Heroi yne Enver Zymberi
Ngushllime familjes zoti ju lehtsoft dhimbjen per humbjen e birit bashkshortit babait dhe vllaut tuaj te dashur

[taraku-1]

Allahu koft i knaqur me ty dhe familjen tende.. gjasat jan te mdhaja qe po at dite.. haku i yte o nxjerr nga shokt e tu sikur te gjasht lisat e likoshanit... ne shkurt te 98-es...
6 karikator ( 180 plumba ) jan shkrep ne kerret e mup-it n e njerin prej tyre ku ishin 3 persona ne kerr.... 60 plumba pernje person ka qindis

Rrëfimi i dy pjesëtarëve të Njësisë Speciale të Kosovës




Luftuam ballë për ballë me serbët
Pjesëtari tjetër i Njësisë Speciale të Kosovës ka rrëfyer se si një grup i tyre është sulmuar rrugës për në pikën doganore 31, ku ka rënë polici Enver Zyberi. “Me një grup jemi nisur për të shkuar në pikën 31 për ta ndërruar grupin tjetër, por rrugës kemi hasur në një pritë të organizuar mirë nga ana e serbëve. Rruga ka qenë e bllokuar, kurse nga të dyja anët anësore të rrugës jemi sulmuar. Në atë rast edhe ne jemi kundërpërgjigjur me zjarr për ta mbrojtur veten.
Të gjithë kemi treguar profesionalizëm të lartë, kemi luftuar në afërsi të afërt me serbët e armatosur, nga të cilët dyshohet se ka edhe të vrarë, por fatkeqësisht kemi humbur edhe kolegun tonë Enver Zymberi. Enveri, i cili ndodhej në një automjet të policisë jo të blinduar, është qëlluar nga një snajperist”, tregon ai.
Në bazë të mënyrës se si janë sulmuar dhe armëve që janë përdorur nga bandat e organizuara kriminale , dyshohet se pjesë e serbëve të organizuar kanë qenë edhe njerëz të MUP-it.
Ai në vazhdim thotë se, pasi e kanë njoftuar bazën për gjendjen, kanë marrë një urdhër tjetër për t’u tërhequr nga aty. “Na erdhi urdhri nga baza, se duhet të tërhiqemi dhe u tërhoqëm, edhe pse ishim të përgatitur edhe për situata edhe më të rënda. U tërhoqëm për faktin se objektivi ynë ishte arritur: në pikat kufitare ishin kolegët tanë dhe doganierët e Kosovës”, ka thënë polici.
Përderisa tregon se edhe në terren EULEX-i nuk i ka përkrahur në operacionin e tyre për marrjen e të dy pikave doganore, ai lavdëron KFOR-in për rolin pozitiv që ka luajtur në këtë rast. “Veprimi i KFOR-it është për t’u lavdëruar”, thotë ai.

[murrizi]

Nuk na lini edhe ngushllimet ti bëjmë pa ngjyra partie, ose ato fetare.
Na e flliqet forumin .

[natyra]

Edhe se me pak vones,Erdha per t'len ni "ngushllim dhembjeje"!(mbrenda ketij forumi virtual)...mbi humbjen e Policit te "Njesitit special" te Kosoves Enver Zymberit.drejtuar familjarve te Tij,kolegve,si dhe mbar Kosoves...per kete humbje tejet te madhe, Te-(pas 12 -mbdhjet viteve te luftes)-Lirie..pran detyres se perkushtuar te Tij.Por vdekja s'pyet,ajo vjen dhe atehere kur se presim,e aqe me pak per ni djalosh te ri qe po gezonte Lirin e Kosoves!

Zoti ua dhasht durimin gjitha familjarve te Tij,per ti perballuar kesaj humbjeje kaqe te madhe,dhe shum te rend:mad:!

Lavdi ketij "Heroi" te madh Kombetar.Emri i tij u beft "Ikon' per Mitrovicen-dhe Dardanin e vjeter te Kosoves.

Kurse Armiku u shendrroft ne nje setuat te pa pare mjerimi!!!

"Lotet e nenes" U befshin rreze drite mbi Idealin e Tij Madheshtor...I qofte i lehte dheu i "Kosoves Dardane"...LAVDI

Me nderime Natyra.
Dardani-Rugov.

[Zero Cool]

Selimi: Polici Zymberi nuk u vra nga snajperi, por nga afërsia


http://www.gazetaexpress.com/repository/images/large/DSC_9381a_898316_thumb_large.jpg


Nga Express më 03 tetor 2011 në ora 16:04
Lëvizja Vetëvendosje ka vënë në dyshim se vrasja e policit Enver Zymberi më 25 korrik në veri të Kosovës është bërë me snajper. Në një konferencë për media, Rexhep Selimi, deputet i Vetëvendosjes dhe anëtar i Komisionit parlamentar për punë të brendshme dhe siguri, ka thënë me bindje të plotë se polici Enver Zymberi është vrarë nga afërsia me armë automatike nga një pritë e kriminelëve serbë.

Këto pohime, Selimi thotë se i mbështet në raporte të ndryshme, përfshi edhe raportet e institucioneve ndërkombëtare të sigurisë, të cilat, sipas tij, flasin në mënyrë klasike për një pritë nga ana e serbëve.

Ai ka thënë se vrasjes me snajper, Ministria e Punëve të Brendshme i referohet vetëm në raportin që i ka dërguar në korrik Komisionit për punë të brendshme dhe siguri.

“Ministria e Punëve të Brendshme për snajper flet vetëm në këtë raport dhe në asnjë raport tjetër. Në raportet tjera shpjegohet në mënyrë klasike si ka qenë prita, në çfarë distance ka qenë prita dhe raporte normalisht nuk i ka bërë vetëm Ministria e Punëve të Brendshme, por kanë bërë edhe faktorët tjerë që kanë të bëjnë me sigurinë, qoftë edhe raportet e mekanizmave të sigurisë ndërkombëtare, por le të mbesin ashtu siç janë. Por unë e konfirmoj edhe njëherë se Enver Zymberi nuk është vrarë me snajper, por është vrarë nga afërsia, nga një pritë klasike e njësiteve kriminale serbe”, ka thënë Selimi.

Sipas tij, plani i Qeverisë së Kosovës ka qenë pa plan dhe as policët nuk kanë qenë të njoftuar, madje ata kanë qenë të papajisur mirë për shkak se nuk e kanë ditur se ku po shkojnë.

Selimi ka thënë se ky ka qenë një veprim i pamatur i Qeverisë së Kosovës, pasi që nuk ka pasur pararojë, nuk ka pasur mjete teknike të lëvizjes dhe nuk ka pasur mbështetje medicinale, që gjë ka çuar deri tek një viktimë.

“Mendoj se mungesa e këtyre pajisjeve adekuate ka sjellur në një situatë kur policët kanë qenë vërtetë të pambrojtur, sepse polici Enver Zymberi nuk është vrarë nga një snajper, por është vrarë nga një pritë klasike në distancë të afërt, i cili ka qenë në një mjet të pablinduar, siç kanë qenë mjetet e transportit komercial”, ka thënë Selimi.

Këto komente ai i bëri në një konferencë të Lëvizjes Vetëvendosje, ku bashkë me Albin Kurtin kanë prezantuar planin 13 pikësh për zgjidhjen e situatës në veri të Kosovës. Lëvizja Vetëvendosje edhe me këtë rast ka kërkuar ndërprerjen e menjëhershme të bisedimeve dhe dorëheqjen e Qeverisë së Kosovës.

13 pikat e Vetëvendosjes për shtrirjen e sovranitetit në veri

Lëvizja Vetëvendosje ka zgjedhur konferencën për media t’i thotë të gjitha ato që kishte menduar t’i thotë në seancën e jashtëzakonshme të Kuvendit të Kosovës për veriun, për të cilën nuk kishte marrë mbështetjen, madje as të partive opozitare të përfaqësuara në Kuvend. Albin Kurti e Rexhep Selimi të hënën kanë prezantuar një plan prej 13 pikave, duke besuar se zbatimi i tij do ta bënte që Kosova ta shtrinte sovranitetin e vetë në veri të vendit.

Prezantimit të këtyre pikave, i ka parapri analizimi i raportit të Ministrisë së Punëve të Brendshme për situatën në veri, të cilin ministri Bajram Rexhepi e ka dorëzuar në Komisionin për punë të brendshme, siguri dhe mbikëqyrjen e FSK-së.

Kryetari i Vetëvendosjes, Albin Kurti ka thënë me këtë rast se ky plan operacional i Qeverisë së Kosovës përfundimisht është një përmbledhje e sygjerimeve dhe këshillave për KFOR-in dhe EULEX-in, dhe është thjesht një taktikë që nuk ka të bëjë me Serbinë, por me vetë qytetarët e Kosovës.

Duke u referuar edhe në kërkesat e Vetëvendosjes që në vitin 2008, menjëherë pas shpalljes së pavarësisë, Kurti ka lexuar 13 pikat e Vetëvendosjes si vijon:

1. FSK duhet të bëhet ushtri,
2. Në veri të ketë një prezencë të shtuar të policisë për shkak të gjendjes së rëndë atje,
3. Kosova të krijojë marrëdhënie të fuqishme bilaterale me vendet e veçanta që e kanë njohur pavarësinë, veçmas me SHBA-në, Shqipërinë, vendet e fuqishme të BE-së, Turqinë,
4. Të ndërpriten bisedimet pa kushte me Serbinë,
5. Të ndërpriten burimet financiare të strukturave kriminale të Serbisë në veri,
6. Kosova dhe Serbia të angazhohen bashkërisht për shqiptarët në Luginë të Preshevës,
7. Integrimi i serbëve të veriut mos të bëhet me privilegje, por me zhvillim arsimor e ekonomik dhe me barazi para ligjit,
8. Të revitalizohet Trepça,
9. Të ofrohen bursa nga UP-ja për shqiptarët dhe serbët e veriut,
10. Të investohet në spitalin në jug të Mitrovicës,
11. Të forcohen fshatrat shqiptare në veri,
12. Të kthehen të dëbuarit shqiptarë nga veriu dhe
13. Të mos lejohet që Qeveria e Serbisë t’i blejë pronat e shqiptarëve në veri, por nëse i shesin, ato t’i blejë Qeveria e Kosovës.

“Këto janë 13 pika, 13 hapa të integruar, të cilët ne mendojmë se në kuadër të një strategjie serioze do të mund të bënin integrimin e veriut. Me bisedimet me Serbinë, veriu i Kosovës i afrohet Serbisë, ndërkaq Serbia i afrohet Bashkimit Evropian. Këto bisedime nuk kanë të bëjnë asgjë me sovranitetin dhe pavarësinë e Kosovës, dhe mendoj se janë të dëmshme për këtë brez e të rrezikshme për brezat e ardhshme. Edhe raporti që e kanë bërë për datën 25 korrik, edhe plani operacional gjashtëmujor, janë taktika qeveritare, joserioze dhe të pasinqerta”, ka thënë Kurti.

Në konferencën për media prej 42 minutash, Kurti i ka kushtuar një vëmendje të veçantë bisedimeve me Serbinë, duke kërkuar që ato të ndërprehen menjëherë, përderisa ka thënë se plani kryesor i Qeverisë së Kosovës është pikërisht ai për fillimin e bisedimeve politike, përkatësisht takimit ndërmjet kryeministrit Hashim Thaçi dhe presidentit të Serbisë Boris Tadiç.

“Bisedimet teknike janë një lloj hyrje, parathënie e bisedimeve politike. Kryeministri Thaçi po i përdorë mediat e afërta me të që ta përgatis opinionin për takimin e tij me kryetarin e Serbisë Boris Tadiç. Pra ky është plani i vërtetë. As plani operacional, as strategjitë e propaganduara nuk janë plane të vërteta. Ato janë plani A, i cili i dedikohet qytetarëve të Kosovës. Plani i vërtetë i kësaj Qeverie është plani B, që nënkupton takimin e ardhshëm makabër midis Hashim Thaçit dhe Boris Tadiçit”, ka thënë Kurti.

Kurti e Selimi kanë kritikuar veprimet e Qeverisë së Kosovës nga 25 korriku e këtej, duke thënë se gjithçka ka shkuar në drejtim të vënies së një status quoje të re mbi status quon e vjetër.

“Ne mendojmë se fillimi i aktiviteteve të qeverisë më datën 25, nuk ka qenë fare plan dhe mungesa e planit është plan për të dështuar dhe me keqardhje ju them se plani i Qeverisë së Kosovës në veri ka dështuar plotësisht, ashtu siç shihet edhe në raportin e Ministrisë së Punëve të Brendshme”, ka thënë Rexhep Selimi.

Lëvizja Vetëvendosje ka kërkuar ditë më parë seancë të jashtëzakonshme për veriun e Kosovës, mirëpo nuk ka arritur t’i mbledh 40 nënshkrime, për shkak se në këtë kërkesë nuk e kanë mbështetur grupet tjera parlamantare, përfshi as ato opozitare, përjashtuar disa deputetë të AAK-së. Drejtuesit e Vetëvendosjes thonë se në këtë rast përgjegjësinë më të madhe për ikjen nga një seancë e tillë e ka koalicioni qeveritar, për shkak të mundësive më të mëdha për ta thirrur një seancë të jashtëzakonshme. /kosovapress/

[Guri i madh]

ku moj dardani si ke mbet me kto citime te gazetave a thua mendojn se kan krye naj pun te madhe