Windows 8

[Zero Cool]

Microsoft programeret jane duke punuar ne Windowsin e ri, sipas rradhes Windows 8.
Verzione beta mund te gjenden per shkarkim, per ata qe deshirojne te provojne.
Une per vete e kam ne nje PC testuese, nuk kam shume komentar rreth ketij sepse ende eshte ne fazen Beta.

Nese ke deshire ta provosh por nuk mund ta gjen, me ljm me mp per linkun.

http://www.alatoerka.nl/wp-content/uploads/2009/11/windows8.png

[~AnnA~]

Per mua Vista mbetet e preferuar....windoows7 dicka e ngjashme me Visten vec pak me e komplikuar me duket...

[Zero Cool]

Per mua Vista mbetet e preferuar....windoows7 dicka e ngjashme me Visten vec pak me e komplikuar me duket...

Shumë më vjen keq që e përdorë atë windows e nderuara ~Anna~ . Këtë e them për arësye sepse Windows Vista është verzioni më i dështuar, pas Windows Milenium, i Microsoftit.

[~AnnA~]

Shumë më vjen keq që e përdorë atë windows e nderuara ~Anna~ . Këtë e them për arësye sepse Windows Vista është verzioni më i dështuar, pas Windows Milenium, i Microsoftit.

A mund te behet prej Vista auf win.7 updaten, apo eshte e pamundur kjo?

[Zero Cool]

A mund te behet prej Vista auf win.7 updaten, apo eshte e pamundur kjo?

Gjithsesi ~Anna~,
Megjithate une e preferoj nje instalim te "paster" dmth formatizim te C:\ (shpeshehere kur dyshoj ne trojan, virus etj e "hudhi" particionin C:\ fare dhe e bej prap, per disa lloj virusash kjo eshte zgjidhje e vetme).

[Zero Cool]

Windows 8


http://www.alatoerka.nl/wp-content/uploads/2009/11/windows8.png


Windows 8 do të starton më shpejtë se paraardhësit e tij?


Microsoft njoftoi në një blog pos (http://blogs.msdn.com/b/b8/archive/2011/09/08/delivering-fast-boot-times-in-windows-8.aspx)t se Windows 8 do të startojë shumë, shumë më shpejtë se paraardhësit e tijë.

Sipas një ankete të zhvilluar kohë më parë nga Microsoft, 57 përqind e desktop përdoruesve, dhe 45% e përdoruesve të laptopëve plotësisht i shuajn sistemet, në vend se ti vënë ato në hibernim, kryesisht për të shmangur harxhimin e energjisë elektrike. Kjo do të thotë se sistemi operativ do të starton më ngadalë, dhe për këtë arsye Microsoft ka bërë ndryshime në sistemin e ri Windows 8 ku tani kernel sesionet do të transferohen në disk, më sakt gjat shuarjes sistemi operativ hibernon në vend se të shuet plotësisht dhe nuk duhet të lexohen sesionet e përdoruesve nga fillimi përsëri, por ato nga disku i transferohen mbrapa në memorie. Kjo rezulton me startim të sistemit, nga 30-70% më shpejtë, në varësi të asaj çfar gjëra ka të instaluar në kompjuterin tuaj.

http://blogs.msdn.com/cfs-filesystemfile.ashx/__key/communityserver-blogs-components-weblogfiles/00-00-01-29-43-metablogapi/0552.Comparing_2D00_boot_2D00_times_2D00_from_2D00 _Windows_2D00_7_2D00_and_2D00_Windows_2D00_8_5F00_ thumb_5F00_62D6F77A.jpg


http://blogs.msdn.com/cfs-filesystemfile.ashx/__key/communityserver-blogs-components-weblogfiles/00-00-01-29-43-metablogapi/2768.Relative_2D00_time_2D00_needed_2D00_for_2D00_ different_2D00_phases_2D00_of_2D00_startup_5F00_th umb_5F00_0ABE24BF.png


Ajo çfar është interesante, është se Windows publikoi një video ku starton Windows 8 për 2 sekonda. Sistemi im Windows 7 starton për rreth 1 minutë, duke bërë startimin për 2 sekonda pothuajse të pabesueshëm, por duhet të kemi parasysh se kjo është demo me një OS dhe sistem të optimizuar. Megjithatë, në qoftë se Microsoft arrin të ulë startimin deri në 20 ose 30 sekonda, më shumë se çfar është demonstruar, do të isha shumë i kënaqur.


Ivx3W2ipdeI&feature=player_embedded

[Zero Cool]

Windows 8 do të prezentohet javën e ardhshme


http://image.minoc.com/zd_images/2011/33/windows8.jpg


Microsoft në konferencën BUILD, e cila filon më 13 shtator, do të prezenton sistemin e ri operativ. Windows 8 është sistem operativ plotësisht i ridizajnuar i cili do të përdoret në desktop kompjuterët, por edhe në kompjuterët tabletë me interfejs në prekje. Vetëm për të shfaqur kompakt, Microsoft do të prezentojë “Windows 8″ në një kompjuter tabletë të kompanisë Samsung.

Pas fillimit të një sistemi tërësisht të ri mobil dhe së bashku me Nokia-n kanë synim të bëhen konkurent në tregun e telefonave të mençur, hapi i ardhshëm i Microsoft është që me sistemin e ri operativ Windows 8 të aktivizohet edhe në tregun e kumpjuterëve tabletë i cili po bëhet shumë tërheqës.

“Investitorët presin të shohin se si ato do të angazhohen në treg. Ato ishin mbrapa dhe duhet të qëndrojnë në garë, të demonstojnë se me të vërtet janë kompani inovative.”, thotë menaxheri nga HighMark Capital Menagement, Tod Lovenstejn për Reuters (http://www.reuters.com/article/2011/09/08/us-microsoft-tablets-idUSTRE78708X20110908?irpc=932).

Edhe pse Windows 8 do të prezentohet tani, megjithatë bëhet fjalë për test verzione dhe verzion me të cilën programerët do të njoftohen me sistemin që të krijojnë aplikacione. Zyrtarisht Windows 8 pritet të jetë në dispozicion për përdorim pas një viti.


p92QfWOw88I&feature=player_embedded

[Zero Cool]

Mikrosoft prezanton Windows 8


http://www.telegrafi.com/foto/softuere/f.0914105518519_210.jpg


Nën presionin e konkurencës nga sistemet e operimit të nxjerra së fundmi në treg nga Apple (X Lion) dhe Google Andorid, Mikrosoft ka prezantuar Windows 8, sistemin e operimit të gjeneratës së re.


Prezantimi është bërë gjatë një eventi në Kaliforni, nga vetë presidenti Steven Sinofsky, i cili ndër të tjera tha: “Ne kemi ridizenuar Windows në formë dhe përmbajtje. Mendojmë se kemi arritur një sistem operimi të përshtatshëm për kohën dhe vitet që do të pasojmë”.

Ky softuer do të nxirret në qarkullim në vitin 2012 dhe do të përdoret si për kompiuterat tradicionalë, kompiuterat desktop, laptopët, tabletët por edhe celularët e mençur.

Windows 8 është krijuar për tu përshtatur më shumë në ato kompiutera apo pajisje të tjera me procesor Intel, por kjo nuk do të thotë se ky sistem operimi nuk punon edhe me procesorë të tjerë.

Ai gjithashtu është i ndërtuar me çipe ARM, i cili punon automatikisht me “Power Save”, që thuajse dyfishon kohëzgjatjen e jetës së baterisë të laptopëve, tabletëve apo celularëve. Detaje të tjera të Windows 8, pritet të bëhen publike në muajt e ardhshëm. /Telegrafi/

[Zero Cool]

Shumica prej juve tash më e dini se sistemi operativ Windows 8 është në dispozicion për shkarkim. Lidhjet për të shkarkuar këtë sistem operativ mund ti gjeni më posht:

Windows Developer Preview with developer tools, 64-bit (x64)

SHKARKO (http://wdp.dlws.microsoft.com/WDPDL/9B8DFDFF736C5B1DBF956B89D8A9D4FD925DACD2/WindowsDeveloperPreview-64bit-English-Developer.iso) (4.8 GB)


Windows Developer Preview, 64-bit (x64)

SHKARKO (http://wdp.dlws.microsoft.com/WDPDL/9B8DFDFF736C5B1DBF956B89D8A9D4FD925DACD2/WindowsDeveloperPreview-64bit-English.iso) (3.6 GB)


Windows Developer Preview, 32-bit (x86)

SHKARKO (http://wdp.dlws.microsoft.com/WDPDL/9B8DFDFF736C5B1DBF956B89D8A9D4FD925DACD2/WindowsDeveloperPreview-32bit-English.iso) (2.8 GB)

[Zero Cool]

Linux nuk do të mund të startoj bashk me Windows 8?


Pas konferencës Build ku Microsoft prezenetoi Windows 8 shumica me padurim e prisnin sistemin e ri operativ. Megjithatë ato persona që përdorin dy sisteme operative nuk do të jenë edhe aq të kënaqur me politikën e Microsoft, sipas së cilës Linux nuk mund të ngritet në ato kompjutorë të cilët kanë Windows8.

Sipas zhvilluesit të Linux Metju Geret (http://mjg59.dreamwidth.org/5552.html), Microsoft kërkon nga prodhuesit të cilët dëshirojnë të kenë logon e Windows8 në produktet e tyre të mundësojnë UEFI (http://www.uefi.org/home/)(Unified Extensible Firmware Interface) boot-im të sigurtë. Sipas specifikimeve të reja të UEFI, për të punuar një sistem operativ duhet që të posedojë një çelës të nënshkruar në firmware të sistemit. Dhe kështu nëse instaloni ndonjë kartelë grafike në të cilën nuk ka të nënshkruar drajverë, ose nuk ka drajverë të cilët janë të nënshkruar me çelës i cili nuk ndohdet në firmware të sistemit, nuk do të mund të keni mbështetje për kartelën grafike në firmware të sistemit.

Secili kompjutor i cili do të mundëson ngritje(boot) të sigurtë nuk do të mund të butirat Linux, ose ndonjë verzion tjetër të pautorizuar. Në këtë mënyrë Microsoft planifikon të luftojë kundër piraterisë ndaj sistemit më të ri operativ Windows8. E vetmja gjë pozitive është se nuk do të mund të lëshohen programe keqbërëse në sistemin operativ.

Duke pasur parasysh se ka edhe shum kohë nga lansimi i Windows 8, Metju Geret në blogun e tij tha se nuk ka nevojë për panikë, por megjithatë duhet të jemi të shqetësuar. Microsoft ende nuk ka komentuar mbi fjalët e zhvilluesit Metju Geret.

[Eddi]

I nderuar zero
Ku po qendron dallimi mes Windowsave? Cfare e dallon XP nga Vista e cfare vista nga Win.7 apo 8

Nuk e lexova krejt shkrimin prandaj kerkoj falje nese eshte e permendun e nuk e vrejta ne shkrimin tend
perndryshe tema e shkelqyshme

[uck_aksh]

http://i796.photobucket.com/albums/yy244/marpanrock/win95-1.png

Windows 95
zhvillues: Microsoft
Data e leshimit: 24 gusht 1995
versioni: 4.0(Bulid 950 C: OEM sherbimi release 2.5)
Kernel lloji: Njebllokesh
Platforma mbeshtetje: IA-32
paraprir nga: windows 3.1x
pasuar nga : windows 98



http://i464.photobucket.com/albums/rr10/jonata123/MICROSOFT_WINDOWS_98-FRONT.jpg

Data e leshimit RTM : 15 maj 1998
versioni i par: 4.1(Build 2000: service pack 1)
versioni i dyt: 4.1 (Build 2222A)
kernel lloji: Kernel monolit
paraprir nga : windows 95
pasuar nga windows ME


http://i175.photobucket.com/albums/w149/muck214/windows_me.gif

Data e leshimit: 14 shtator 2000
versioni : 4.9 (Build 3000)
paraprir nga : windows 98
pasuar nga : windows XP



http://i1180.photobucket.com/albums/x411/night_casper/windows-xp.jpg

data e leshimit RTM: 24 gusht 2001
versioni: 5.1 (Build 2600: sp3
lloji: Hibrid
metoda update: windows uptade, windows server, services sistem center (WSUS), Configuration menager ( SCCM)
Platforma mbeshtetje: IA-32, x86-64 dhe itanium
paraprir nga windows ME dhe windows 2000
pasuar nga windows vista

[uck_aksh]

http://i409.photobucket.com/albums/pp172/Crazymale1/windows-vista.jpg

data e leshimit RTM: 08 nentor 2006
versioni: 6.0(Build 6002 SP2)
Kernel lloji: Hibrid
Metoda update: windows update, windows server update services, SCCM
platforma mbeshtetse: IA-32 dhe x86-64
paraprir nga windows XP
pasuar nga : windows 7


http://i230.photobucket.com/albums/ee104/mobilesphones/add/windows-7-premium.jpg

Data e leshimit RTM: 22 korrik 2009
versioni: 6.1(Build 7601 SP1
K lloji: Hibrid
metoda update; windows update
paraprir nga: vindows vista
pasuar nga windows 8

[Eddi]

Une i kerkova pergjigje hapsit temes
Ok, te faleminers UCK ;)

[Zero Cool]

Eddi, menoj që postimi i uck_aksh ishte i mjaftueshëm dhe i mirë, e falenderoj për postimin e bukur.

Kohë më parë një MIKE imja ka bërë një postim të mrekullueshëm të cilin do ta sjelli këtu.

PS: Më fal mike qe do ta përdori postimin tënd.




Microsoft Windows është emri i sistemit operativ nga Microsoft-i për personal computer. Qysh në vitin 1985 lancohet verzioni Windows 95 dhe dominon në treg, si sistemi operativ për komjuterët për përdorim personal. Në vitin 2004 Microsoft kishte 90% të tregut të kompjuterëve personal në duart e veta.krijimi i një sistemi operativ nga Microsofti (versioni i parë Windows) me siguri ishte i frymëzuar nga iniciativat e Xerox-it dhe Apple, në atë kohë në komjuterët e tyre kishin sisteme operative të cilët përmbanin grafikën.


Emri

Fjala Angleze 'Windows' do të thotë 'dritaret'. Dritaret janë një nga katër pjesët përberëse të konceptit të interface-s WIMP, (Window, Icon, Menu, Pointing device) të definuara ma herët nga Xerox PARC në fillim të viteve të 80-ta.


Kronologjia

Gjatë këtyre viteve dolën verzione të ndryshme të Windowsit nga koncerni Micrisoft. Këto verzione mund të ndahen në:

1.sistemet operative 16 bit:
Këto verzione kan GUI të kufizuar, grafikë kjo mbi bazën e MS-DOS-it. Me MS-DOS përdoruesi ka të drejtat dhe shërbimet esenciale, si qasje te hard disk dhe tastatura.
Windows 1.0 (1985)
Windows 2.0 (1987)
Windows 3.0 (1990) ishte relativisht i shpejtë, mbështeste edhe VGA-video kartën, përmbante edhe një lloj multitasking dhe arriti të kishte një limit 1 MB-memorje për DOS. Gjithashtu ishte verzioni i parë i Windowsit që tregonte 'ekrani blu' që dukej në ekran si pasojë e gabimve të pariparueshme. Ky sistem operativ gati njëkohësisht u zgjërua me Word dhe Excel.
Deri te dalja në përdorim e verzioneve Windows 3.1/3.11 (1992) pothuajse të gjithë punëtorët e Microsoftit punonin edhe vetë me sistemin operativ Xenix, një verzion i përpunuar i Microsoftit i marrë nga AT&T Unix.
Windows for Workgroups 3.11 (1993) përmbante një lehtësi të madhe për netwerk. Me këtë sistem operativ lidhjet mes PC-ve në një "netwerk" të përbashkët ishin thjeshtësuar fare.

2.sistemet operative 16/32 bit
Këto sisteme hibride kishin një lidhje të fortë mes sistemit operativ dhe grafikës. Këto verzione të Windowsit kishin edhe më tutje nevojë për MS-DOS , për “detyra” të caktuara, mirëpo kjo nuk vërehej nga përdoruesi. Ja disa shembuj:
Windows 95, katër verzione:
verzioni i parë në gusht 1995 (versioni 4.00.950, MSDOS 7.0)
Windows 95A në dhjetor 1995 (versiioni 4.00.950A, MSDOS 7.0)
Windows 95B në vitin 1996 (versioni 4.00.950B, MSDOS 7.0)
Windows 95C në vitin 1997 (versioni 4.00.950C MSDOS 7.1)
Windows 98, dy verzione:
verzioni i parë në vitin 1998 (versioni 4.10.1998 MSDOS 7.1)
Windows 98 Second Edition në vitin 1999 (versioni 4.10.2222 MSDOS 7.1)
Windows Me në vitin 2000 (versioni 4.90.3000 MSDOS 8.0)
Të gjitha këta sisteme operative kan emrin e përbashkët Windows 9x.
Me lancimin e Windows 95 në vitin 1995, për të cilin mund të thuhet se është një zgjerim i MS-DOS në treg u bë e qartë që Microsofti do të merr primatin dhe nuk do të kishte konkurrent tjetër t denjë sa i përket kompjuterëve personl (PC).I vetmi konkurrent i vërtetë i Windows 95 OS/2 nuk ishte në gjendje të përdorte programet e Windows 95 –shit dhe humbi në popullaritet dhe u bë gati i padëshiruar. Përderisa për DOS sistemet operative kishte ende konkurrent si për shembull Novell, DR-DOS dhe PC-DOS-i i IBM-it
Me Windows 98 (1998) Microsofti intergron në sistemin operativ edhe web shfletuesin Internet Explorer.
Tanimë për shkak të konkurrencës jolojale Microsoft është dënuar, nga gjykata të ndryshme, disa herë.

3.sistemet operative 32 bit
Këto sisteme janë projektuar qysh nga baza si sisteme për përdorim profesional me disponueshmërinë e lartë dhe kanë plotësisht të integruar grafikën. Ato nuk përmbajnë shumë nga gjeneratat e mëparshme. Ja disa shembuj:
Windows NT 3.1 (27 korrik 1993, i quajtur '3.1' sepse me daljen e tij Windows 3.1-erdhi një “epokë e re”)
Windows NT 3.5 (1994)
Windows NT 3.51 (1995)
Windows NT 4.0 (1996)
Windows 2000 (Windows NT 5.0) (2000)
Windows XP (Windows NT 5.1, edhe 64 bit) (2001)
Windows XP Media Center Edition (2003)
Windows Server 2003 (Windows NT 5.2)
Windows XP Media Center 2005 (2005)
Windows Fundamentals for Legacy PCs (2006)
Windows Vista (Windows NT 6.0) (2006/2007, edhe 64 bit)
Windows Home Server (2007)
Windows Server 2008 (2008)
Windows 7 (2009, edhe 64 bit)
Windows 8 (2012)
Në vitin2001, Microsoft solliWindows XP një kombinim ky i sistemeve operative të besueshme, por të kufizuara që kanë për qëllim bizneset (Windows NT, 2000), me versionet e Windowsave të cilët kishin hardware mbështetje e të cilët ishin të dedikuar për për konsumatorët (95, 98, ME). Fillimi e suksesshëm u shoqërua me protesta në media të ndryshme kundër integrimit të aktivizimit të produktit dhe Privacy sigurisë së intimitetit.
Më 30 nëntor, 2006 doli Windows Vista për kompanitë në Shtetet e Bashkuara. Versioni për kosumatorë është publikuar më 30 janar, 2007 në dyqane.

4.sistemet operative 64 bit
Ka tre versione të Windowsit 64-bit mbështetje. I pari është një 64-bit version i Windowsit NT 4.0 për DEC Alpha. I dyti është një variant i Intel Itanium-it me IA-64 "pako udhëzim" të vendosur, dhe i fundit është "64-bit extended" verzion për x86-64 "pako udhëzim". Procesorët e zgjeruar (extended-procesor) 64 bit të bërë nga AMD, përkatësisht Athlon 64 dhe Opteron. Këta procesor përdorin AMD64 një "pako udhëzim" të vendosur, i njohur edhe si x86-64. Të gjithë AMD procesorët që dolën nga Athlon 64 përdorin këtë pako udhëzim. Athlon 64 X2, Sempron dhe të gjithë pasardhësit e Barcelona, i përdorin këto "pako udhëzime". Intel përdor të njëjtën metodë në 64-bit zgjerim në Pentium 4 (6-serik) procesorët, por Intel këtë e quan x86-64 verzioni EM64T. Edhe procesorët e gjeneratave të reja Xeon procesorët për server mund të përdorin këtë opcion. Të gjithë procesorët që nga Intel Pentium 4 janë gjithashtu duke përdorur këtë teknologji.Procesori i vetëm 64-bit për Windows i cili ka mbështetje për Windows burimorë (native) në këtë kohë është Itanium Intel 2.
Qysh nga Windows 2000, Windows XP, Windows Server 2003 dhe Windows Server 2008 janë në dispozicion edhe 64-bit verzionet për procesorë x86.
Aktualisht 64-bit versionet e procesorëve janë në zhvillim e sipër.
Windows Vista
Windows 7

I tanishmi
Windows 7 doli më 22 tetor, 2009.

Mobil
Pocket PC është një version për PDA pa aftësitë e komunikimit të gjerë. Ky është një zgjerim i Windows CE.
Windows Mobile është një version për PDA dhe pajisje të tjera portative të tilla si telefona mobil me aftësitë e komunikimit të gjerë. Windows Mobile është bazuar të Windows CE.
Windows Phone 7 ka një sistem të ri operativ për Smartphone-t.

Të integruar
Windows XP Embedded është një version për sisteme te integruara.
Windows CE është një version për sisteme te integruara me mbështetje për lloje të ndryshme procesorësh.
Windows Mobile 6 është një version për sisteme te integruara.

Sistemet e fundit të Windowsit32-bit për servera
Microsoft njoftoi WinHEC se Windows Server 2008 do të jetë Windowsi i fundit 32-bit për server. Pas Windows 2008 kompania do të kaloj plotësisht në verzionet 64 bit për server. Verzioni i ardhshëm i Windows desktop i njohur si Windows 8 do të jetë vetëm në 64 bit.
Një numër i produkteve, duke përfshirë edhe Exchange Server 2007 dhe Microsoft Office Groove Server tani më janë vetëm në verzionin 64-bit.

Verzionet
Pavarësisht nga emrat të gjitha versionet e Windowsit, kanë gjithashtu një numër:
Verzioni 1.00: Microsoft Windows 1983
Verzioni 1.xx: Microsoft Windows 1.x
Verzioni 2.xx: Microsoft Windows 2.x
Verzioni 3.00: Microsoft Windows 3.0
Verzioni 3.10: Microsoft Windows 3.1
Verzioni 3.11: Microsoft Windows 3.11 For Workgroups
Verzioni 3.20: Microsoft Windows 3.2 (Verzion Kinez i Windows 3.10)
Verzioni 4.00: Microsoft Windows 95
Verzioni 4.10: Microsoft Windows 98
Verzioni 4.90: Microsoft Windows Me
Të bazuar në NT:
Verzioni 3.10: Microsoft Windows NT 3.1
Verzioni 3.50: Microsoft Windows NT 3.5
Verzioni 3.51: Microsoft Windows NT 3.51
Verzioni 4.00: Microsoft Windows NT 4.0
Verzioni 5.00: Microsoft Windows 2000
Verzioni 5.10: Microsoft Windows XP & Windows Fundamentals for Legacy PCs
Verzioni 5.20: Microsoft Windows XP, Windows Server 2003 & Home Server (I bazuar në Windows Server 2003 pasi që doli Vista)
Verzioni 6.00: Microsoft Windows Vista & Server 2008
Verzioni 6.10: Microsoft Windows 7 (Windows 7 është verzion 6.10, por quhet 7) & Windows Server 2008 R2
Verzion i panjofshëm: Microsoft Windows 8 (në zhvillim, pritet të dal në vitin 2012)

[Zero Cool]

Windows 8 kursyes


Sistemi i ardhshëm operativ Windows 8 i Microsoft mund të ndodhë të punoj shumë më mirë në kompjuterët e vjetruar në krahasim me paraardhësit e vet.


Microsoft edhe më herët ka folur për optimizimin e shpenzimeve të energjisë nga ana memories punues në sistemin e ri operativ, ndërsa ka pasur edhe demonstrime të punës me opsionet Aero dhe Metro të aktivizuara përbrenda sistemit virtual me 128 MB RAM në dispozicion.

Maius Oiaga nga Softpedia vendosi rekord të ri – Windowsin 8 ai arriti ta instaloj dhe ekzekutoj nga krejtësisht 64 MB të memories punuese. Oiaga pranon se Windows në këtë rast nuk është edhe se mund të përdoren për ndonjë gjë, nga shënimi i fjalëkalimin gjatë futjes në sistem deri te ekrani Start duheshin kaluar dhjetë minuta.

Vetë fakti se është një sistem operativ modern në ditët e sodit mund të aktivizohet me sasi më të vogla të memories punuese, në veçanti nëse merren parasysh çmimet gjithnjë e më të ulëta të RAM-it dhe kapacitetet standarde që dërgohen me kompjuterët e rinj. Disa nga teknikat e optimizimit kanë të bëjnë me menaxhimin më të mirë të memories dhe alokimin e saj për nevojat e ardhshme të aplikacioneve (varësisht nga prioriteti i tyre), siç janë për shembull memory combining dhe modeli start on demand, të cilët në mënyrë automatike de-aktivizojnë disa procese që nuk përdoren gjatë nisjes së sistemit operativ, deri tani zakonisht aktiv pa pasur parasysh nevojat e shfrytëzuesit.

[Zero Cool]

Windows 8 Transformation Pack (http://hameddanger.deviantart.com/gallery/31693895)

[Zero Cool]

Mos e pritni Windows 8

Microsoft ftoi shfrytëzuesit ndërmarrës të cilët janë ende duke përdorur Windows XP që të mos e presin paraqitjen e Windows 8 por që menjëherë të kalojnë kompjuterët në Windows 7.


Në blogun (http://windowsteamblog.com/windows/b/business/archive/2011/10/10/celebrate-a-decade-of-windows-xp-by-moving-to-windows-7.aspx) e vet zyrtar, Rich Raynolds nga Microsoft sqaroi nevojën për kalimin në Windows 7 duke pasur parasysh se Windows XP nuk do të jetë më sistem i përkrahur pas prillit të vitit 2014. Edhe pse kjo duket ende larg shfrytëzuesit ndërmarrës zakonisht kanë nevojë për mjaftë kohë për çfarëdo migrimi të madh. Planifikimi, testimi, trajnimi i shfrytëzuesve dhe vet kalimi në platformën e re mund të zgjas një vit, e nganjëherë edhe më gjatë.

Fundi i përkrahjes për Windows XP nënkupton që Microsoft më nuk do të paraqes arna të sigurisë dhe mbindërtime të tjera të sistemit operativ, për shkak të cilës gjë shfrytëzuesit do të jenë të ekspozuar ndaj softuerit malinj. Për shkak të kësaj mund të supozohet se zhvilluesit e softuerit malinj në veçanti do të godasin lëshimet në Windows XP duke ditur se ai sistem operativ më nuk do të marr arna të sigurisë.

Me supozimin se Windows 8 do të paraqitet kah fundi i vitit 2012 kjo ia lë kompanive që janë duke përdorur Windows XP pak më shumë se një vit për kalim në sistemin e ri operativ që për dikë mund të jetë periudhë shumë e shkurtër.

[Zero Cool]

Windows 8 do të mund të fshij aplikacionet


Nëse vërtetohet se aplikacioni i caktuar të cilin e keni instaluar nga Windows Store bart me vete lëshim të sigurisë ose ndonjë lloj tjetër të rrezikut, Microsoft do të ketë mundësi që ta ç’instaloj.


I ashtuquajturi “kill switch” tashmë ekziston për Android dhe iOS, e nga Microsoft thonë se të hollat e paguara për aplikacionin e dhënë do ti kthehen shfrytëzuesve pas largimit të aplikacionit, shkruan Business Insider.

Mirëpo, çfarë ndodhë me të dhënat të cilat në ndonjë mënyrë janë të ndërlidhura me aplikacionin? Nëse aplikacioni është problematik, me të do të zhduken edhe të dhënat.

“Ju jeni përgjegjës për backup të të dhënave të cilat ndodhen në kuadër të aplikacionit që e keni blerë përmes Windows Store, duke përfshirë edhe përmbajtjen që keni ngarkuar duke përdorur atë aplikacion. Nëse Windows Store, anulon cilindo aplikacion, atëherë të dhënat tuaja të shoqëruara me atë aplikacion mund të fshihen ose ndoshta më nuk do të keni mundësi të ju qaseni. Nuk kemi kurrfarë përgjegjësia për të dhënat tuaja.”

Windows Store do të jetë shitorja e aplikacioneve për Windows 8, e në të përveç aplikacioneve për tablet dhe smartphone do të gjenden edhe aplikacionet për desktop, e do të nis punën nga shkurti i vitit të ardhshëm, kur do të paraqitet edhe beta e sistemit operativ.

[Zero Cool]

Së shpejti do të lëshohet Windows 8 për konsumatorë


Microsoft është duke e bërë të qartë se kush është shënjestra për Windows 8 me një vëzhgim për konsumatorë të sistemit operativ të planifikuar për të dalë më 29 shkurt. Por a do të fillojnë bizneset ta përdorin këtë sistem të ri operativ?


Gjatë kësaj jave, pas mujave të thashethemeve dhe copëzave të informacioneve të treguara, publiku më në fund do ta shohë – dhe shkarkojë – versionin e fundit të Windows 8.

Të mërkurën, në një ngjarje që përputhet me Kongresin Botëror për Celularë që do të mbahet në Barcelonë të Spanjës, Microsoft planifikon të lëshojë versionin që vetë e quan “vëzhgim për konsumatorë” të Windows 8.

Vetë emri është mjaft domethënës. Për diçka ky version dallon nga versioni i mëhershëm testues – i quajtur “shikimi paraprak nga zhvilluesit” që doli në konferencën Build të Microsoft në muajin shtator.

Më e rëndësishmja, tani ky version i ri do të ketë si cak konsumatorët. Por a do të jetë edhe për binzeset si cak që e mbajnë ndërmarrjen Microsoft mjaft të fuqishme?

Nuk ka dyshim që Microsoft ka nevojë për të bërë një shtytje para në hapësirën e kokës së konsumatorëve. Me përjashtime të theksuara të konzollës së vet për lojëra, Xbox, dhe sensorit të lëvizjes, Kinect, Microsoft nuk ka dalë aq mirë në mesin e konsumatorëve. Windows Phone është duke çaluar sa i përket forcës tërheqëse ndaj konsumatorëve dhe ndërmarrja është mjaft prapa tabletëve.

Windows 8 – i dizajnuar nga pjesa e poshtme deri tek tabletët të ndjeshëm në prekje dhe desktopët me mi dhe tastierë dhe llaptopët – ka për qëlllim të kapë më shumë treg të konsumatorëve, veçanërisht tregun e tabletëve.

Por çfarë mund të thuhet për bizneset, të cilat kanë qenë aq të rëndësishme që shërbimet dhe prodhimet e Microsoft të jenë të pranishme aq gjerësisht në treg, duke i ndihmuar ndërmarrjes në mbërritjen e rekordeve megjithëse ishte ekonomia në rënie? A do të kalojnë ato në Windows 8? Çfarë ka për to në këtë sistem? Dhe nëse nuk kalojnë, a nuk tingëllon pak kjo si një problem i madh për Microsoft?

Ndërmarrja hulumtuese IDC bëri një parashikim gjatë fundit të vitit të kaluar për përdorimin e Windows 8 në kompjuterët personalë. IDC parashikoi që “Windows 8 do të jetë mjaft i parëndësishëm për përdoruesit e PC-ve, dhe ne presim që me të madhe të mos ketë veprimtari përditësuese nga Windows 7 në Windows 8 në atë formë të faktorit.”

Parashikimet e tjera të analistëve nuk ishin aq të tmerrshme për Microsoft. Por sipas tyre, bizneset me siguri që do të kenë një qëndrim prit-dhe-shiko me Windows 8, ose edhe madje nëse nuk kalojnë në këtë sistem, kjo nuk duhet t’i dhemb edhe aq shumë ndërmarrjes Microsoft.

Michael Silver, i cili është analist nga ndërmarrja hulumtuese Gartner, thotë që ai nuk mendon se bizneset do të fillojnë me të madhe ta përdorin Windows 8.

Çështja kryesore është lodhja për migrim,” thotë ai. Bizneset sapo kanë “shpenzuar disa vite duke provuar që ta vendosin Windows 7.”

Nëse organizatat vendosin që ta provojnë sistemin Windows 8, ato këtë mund ta bëjnë edhe në tabletë, thotë Silver. “Ne nuk i shohim ato duke kaluar në Windows 8 në çdo desktop dhe notebook.”

[Zero Cool]

Konfirmohet Chrome Për Windows 8


Pasi që nga Mozilla publikuan se ka filluar zhvillimi i Firefox për Windows 8, arriti lajmërimi edhe nga Google. Në intervistën për Mashable, zëdhënësi i Google konfirmoi se kompania është duke punuar në zhvillimin e shfletuesit Chrome për Windows 8.

Shfletuesi do të mund të përdoret në ndërfaqen Metro të SO të Microsoft, si dhe në desktopin klasik. Sipas fjalëve të zëdhënësit, qëllimi i Google është të ofroj Chromein e thjeshtë dhe të sigurt në të gjitha platformat, duke përfshirë desktop dhe Metro versionet e Windows 8. Gjithashtu, është konfirmuar se Chrome do të optimizohet për menaxhim me prekje edhe në versionin për desktop.

Supozohet se në Google, si dhe në Mozilla, kanë vendosur të përfshijnë përkrahjen për dy ndërfaqe në një aplikacion. Edhe pse shfletuesit alternativ janë të mirëseardhur në Windows 8 në ndërfaqen Metro do të mund të përdoret vetëm një shfletues i preferuar (default) në Windows.

[Zero Cool]

S`ka START :biggrin:


Pas lansimit të versionit Consumer Preview të Windows 8, është vërejtur se tipari shumë vjeçar është larguar, pra butoni Start nuk ekziston në Windows 8, për dallim nga versionet Windows 95, 98, XP, Vista dhe Windows 7.

Megjithatë edhe pa butonin Start, ju do të mësoheni shpejtë të punoni më Windows 8, pasi që ky sistem operativ është shumë i lehtë në përdorim. Pra, erdhi koha që ti themi lamtumirë edhe butonit Start, sepse teknologjia po përparon dhe butoni Start kishte dalë nga moda.

[Zero Cool]

Windows 8 do të vijë me katër versione


Microsoft ka lajmëruar në një postim të fundit të blog që sistemi i vet i ardhshëm operativ do të vijë në katër lloje, duke përfshirë një version për tablet.


Sipas ndërmarrjes Microsoft, Windows 8 (http://windowsteamblog.com/windows/b/bloggingwindows/archive/2012/04/16/announcing-the-windows-8-editions.aspx) do të ofrohet për ata që i kanë makinat e fuqizuara nga Intel në dy versione, qoftë versioni standard ose “Pro”. Microsoft shkroi gjithashtu që do të kishte një version të Windows 8 Pro për biznes.

Një tjetër version i sistemit të vet operativ të palëshuar do të jetë i gatshëm për pajisjet si tabletët që fuqizohen nga çipat e dizajnuar nga ARM. Ky verison do të njihet si Windows RT.

Microsoft e quajti sistemin operativ, që pritet të dalë në vjeshtën e vitit 2012, si ridizajnimin më të theksuar të ndërfaqes së sistemit operativ Windows që nga Windows 95.

Versioni i vet për ARM është një pasqyrim i shpresave të ndërmarrjes për të unifikuar makinat që i kanë kompjuterët desktop me tabletë dhe smartphone.

Microsoft tha që shpreson që përdoruesit do të bëjnë ndërlidhjen e televizioneve, kompjuterëve, smartphone-ëve ose tabletëve të tyre me njëri-tjetrin në mënyrë që të kryhen punët përgjatë të njëjtës platformë.

“Njerëzit janë duke filluar ta shohin të njëjtën pamje-dhe-ndjenjë përgjatë tre ekraneve dhe cloudit,” tha Craig Beilinson për CNN, i cili është drejtor i marketingut për konsumatorë në ndërmarrjen Microsoft. “E tërë kjo do të bëhet mjaft e turbullt.” Një version i mëhershëm i Windows 8 u lëshua një vit më parë dhe që atëherë mbi 100,000 ndryshime i janë bërë atij versioni i cili ishte ndërtuar posaçërisht për zhvillues.

Microsoft ka larguar butonin “Start” dhe e ka zëvendësuar atë me një meny të bazuar në panele rrëshqitëse.

Sistemi i ri operativ do të ofrojë një ndërlidhje mes touchscreen dhe ndërfaqes për përdoruesit e quajtur “Metro”, që doli gjatë vitit 2010 për Windows Phone 7.

[Zero Cool]

Windows 8 nuk do të mbështesë DVD


Microsoft publikoi (http://blogs.msdn.com/b/b8/archive/2012/05/03/making-windows-media-center-available-in-windows-8.aspx)një lajm se sistemi i ri operativ Windows 8 nuk do të vjen me Windows Media Center, siç ishte rasti me verzionet e mëparshme të Windows. Përdoruesit do të duhet veçmas të blejnë Windows Media Center.

Interesante, nëse përdoruesit dëshirojn të blejnë Windows Media Center, fillimisht do të duhet të kalojn nga Windows 8 Basic në atë Windows 8 Pro. Windows 8 Basic do të ketë Windows Media Player por nuk të mbështesë DVD. Ky veprim nga Microsoft tregon se e ardhmja e disqeve fizike me të vërtet rezikohet.

Microsoft akoma nuk ka zbuluar se sa do të jetë çmimi për të kaluar nga Basic në Windows 8 Pro, dhe Windows Media Center.

[Zero Cool]

Ballmer: Windows 8 do të sjellë ‘Rilindjen’ e Microsoft


Shefi ekzekutiv i Microsoft-it, Steve Ballmer thotë se Windows 8 do të përfaqësoj “fillimin e rilindjes” së sistemit operativ të Microsoft.

Siç transmeton agjensia e lajmeve AFP, Ballmer parashikon që deri vitin e ardhshëm, Windows 8 do të ketë rreth 500 milionë shfrytëzues.

Duke e quajtur Windows 8 “si pjesën më të rëndësishme që kemi bërë,” Ballmer thotë se zhvillimi i hapësirës kompjuterike cloud do të kontrollohet nga disa platforma kryesore, përfshirë Windows, Apple, dhe “disa forma të Linux”- një referim ky për Android.


Versioni i ri i sistemit operativ Windows 8 Consumer Preview (http://windows.microsoft.com/en-US/windows-8/faq) tani është i gatshëm për shkarkim, dhe versioni tjetër i përmirësuar “Release Preview (http://www.pcworld.com/article/254366/windows_8_release_preview_set_for_early_june.html) ” pritet të lansohet në fillim të muajit të ardhshëm.

Windows 8 do të shitet kryesisht në tregun e desktopëve dhe laptopëve tradicional, dhe shumica e kompjuterëve Windows do të vijnë me këtë sistem operativ.

Hapësira e tabletëve, aktualisht e dominuar nga iPad i Apple, është një rrëfim krejt tjetër. Redmond ka paragjykuar shumë keq kërkesën e konsumatorëve për tabletë, dhe tani është duke u përpjekur shumë që të marrë një pjesë të tregut.

Por sidoqoftë, nëse Windows 8 mbushë premtimin si sistem operativ mobil, ai megjithatë shumë shpejt mund të bëhet një lojtar i rëndësishëm në tregun e tabletëve.

[Zero Cool]

Windows 8 me mundësi degradimi në Windows 7 dhe Vista


Sipas marrëveshjes për licensim të sistemit operativ, Microsoft do t’jua mundësoj përdoruesve të Windows 8 Pro që ta degradojnë kompjuterin e tyre në Windows 7, ose madje në Vista.

Nuk është befasuese që përdoruesve nuk i'u është mundësuar kalimi në Windows XP.

Të drejtat e degradimit – që jua mundësojnë konsumatorëve të zëvendësojnë një version më të ri të Windowsit me një edicion më të vjetër pa paguar për dy kopje – janë në dispozicion vetëm në Windows 8 Pro.

Kjo përshtatet me dy praktikat paraprake: vetëm Windows 7 Professional, për shembull, kishte mundësuar për një degradim të këtillë.

“Në vend të përdorimit të softuerit të Windows 8 Pro, ju mund të përdorni njërin nga versionet e mëhershme vijuese: Windows 7 Professional ose Windows Vista Business,” thuhet në marrëveshjen për licensim të softuerit për versionin Windows 8 Pro që do të instalohet nga prodhuesit e kompjuterëve të rinj.

Windows XP Professional, që ishte njëri nga degradimet e lejueshme për Windows 7 Professional, nuk ishte emëruar.

Windows XP do të largohet nga lista e produkteve të mbështetura nga ndërmarrja Microsoft në prillin e vitit 2014.

[Zero Cool]

Në Windows 8, edhe butoni Start edhe menyja klasike Start nuk ekzistojnë më. Nëse nuk ju pëlqen ekrani i plotë, ekrani i stilit Metro, ju mund të provoni ta përdorni aplikacionin Thinix RetroUI.

Ky aplikacion u mundëson poseduesve të kompjuterëve personal me Windows 8 që të shkojnë drejt në desktop pa pasur nevojë së pari të shkojnë përgjatë ndërfaqes “Moderne” të përdoruesit.

Komunikata për shtyp rreth Thinixit zbuloi punën e vet për Windows 8, të quajtur RetroUI. Lëshimi për shtyp thotë:

Sapo të qasen, përdoruesit do të shohin desktopin klasik të Windowsit dhe mund të përdorin kompjuterin më tepër siç kanë bërë në Windows XP ose Windows 7. Përdoruesit mund të rikthehen në desktopin Metro dhe të përdorin veçoritë e Metros sipas nevojës.

Programi po ashtu mund të rregullohet që tërësisht të ndalë ndërfaqen “Modern” (dikur Metro) në Windows 8.

Thinix thotë që kjo gjë do të jetë e dobishme për përdoruesit në biznese të cilët duan të kalojnë në Windows 8 por nuk duan që të bëjnë përpjekje për ta mësuar ndërfaqen e re të përdoruesit.

RetroUI mund të përdoret edhe për aplikacionit për kontrollim të desktopit nga distanca, e po ashtu ka edhe përkrahjen për shumë-monitorë. Ai do të përkrahë një numër të gjuhëve të ndryshme.

Programi është në dispozicion për shkarkim që tani për 4.95 dollarë (por ka edhe versionin falas prej 14 ditësh), që mund të përdoret deri në 3 kompjuterë personal. RetroUI Pro për biznese është po ashtu me të njëjtin çmim.



http://www.desinformado.com/wp-content/uploads/2012/09/thinix-retroui-windows-8-to-windows-classic.jpg

[Zero Cool]

Pesë mënyra për shmangien e Windows 8


http://www.stricke.nl/wp-content/uploads/2012/07/windows-8.jpg


Windows 8 ka muaj që është e gatshme për provë, por shumë po e quajnë si versioni më i keq i Windows.

Dështim më i madh se Vista, ose edhe se Windows Millenium Edition (Me). Tani, edhe disa nga fansat më të mëdhenj të Microsoft-it nuk po e adhurojnë Windows 8. Prodhuesit e pajisjeve, nuk e mirëpritën Windows 8 në botën e tabletave. Gjithashtu Microsoft-i do të ketë punë me mësimin e klientëve se si të përdorin Windows 8 për shkak të ndryshimeve.

Shefi ekzekutiv i Valve Gabe Newell, thotë se Windows 8 do të jetë një katastrofë për hapësirën e kompjuterëve. Ai nuk është i vetmi prodhues i lojërave që flet keq për Windows 8, pasi edhe Rob Pardo zv.President tek Blizzard, kompania e cila e prodhon World of Warcraft, thotë se Windows 8 nuk punon mirë me produktet e kësaj kompanie.

Shumë përdoruesve nuk iu pëlqen, gjithashtu dhe prodhuesve e zhvilluesve. Windows 8 mund të jetë e vdekur edhe para se të arrijë. Çfarë mund të bëni që ta shmangni Windows 8 atëherë kur dyqanet mbushen me pajisje me këtë sistem operativ.


1: Vazhdoni të përdorni Windows 7 ose XP

Ju mund të vazhdoni me përdorimin e Windows 7. Nëse ju nuk e imagjinoni dot të përdorni një sistem operativ tjetër që nuk është Windows, atëherë ju mund të blini një pajisje me Windows 7.

Edhe pse Microsoft-i i shtyn përdoruesit të përdorin Windows 8 kjo nuk do të thotë që nuk mund të përdorni një version më të vjetër.

2: Përdorni Linux

Linux është alternativë më e sigurte, dhe punon shumë mirë për përdoruesit e thjeshtë, pra për përdorues që vetëm hyjnë në Skype, përdorin një browser, pra Facebook, e-mail e gjëra tjera bazike.

Mint 13 do të ishte shumë më i përshtatshëm dhe alternativë më e mirë e XP dhe adoptohesh shumë thjeshtë nëse migroni nga Windows.

3: Blini një Mac

Doni të dini një sekret të zhvilluesve të “Windows”? Shumë prej tyre kanë Macbook (http://www.pcworld.al/ulet-cmimi-i-macbookeve-te-rinj/), ose pajisje të tjera të Apple. Gjithashtu është alternativë e mirë, pak më e shtrenjtë se ajo e më përparshmja, por do të magjepseni nëse e përdorni.

4: Cloud-based computing

Google ka sjell Chromebooks. Mund ta keni dhe këtë si opsion.

5: Blini një tabletë

Tabletat janë e ardhmja, mund të gjeni një me një çmim me shumë leverdi si Nexus 7.


ps: Unë personalisht e kam instalu dhe deinstalu por së fundmi, zgjedhja është e juaja.

[Zero Cool]

dlZgcAacIxU&feature=player_embedded

[Gjumashja]

personalisht nuk m`ka pelqy, ma teper e manovroj win 7

[Zero Cool]

Windows 8 nuk është i vetmi “fajtor” i uljes së shitjeve të PC-ve



“Faji” për rënien e shitjeve të PC-ve nuk bie vetëm mbi Windows 8.
Një analist i shitjeve ka vënë në dukje për CIO.com se një nga arsyet kryesore ishin çmimet.
“Njerëzit duan pajisje të lira me prekje.

Ky është një aspekt ku Windows 8 nuk është në gjendje të konkurrojë për momentin,” u shpreh Stephen Baker, bazuar në të dhënat që firma e tij ka mbledhur lidhur me shitjet me pakicë të kompjuterëve.
Në ndryshim nga IDC, të cilët ia hodhën fajin Windows 8 për rënien e shitjeve të PC-ve, Baker tha se mungesa e pajisjeve me prekje dhe çmimet e larta për to, janë dy arsyet kryesore pse konsumatorët nuk dëshirojnë të shpenzojnë për PC-të.

Deri tani, PC-të me prekje, kanë pasur çmime relativisht të larta.

Për shembull, mesatarisht një kompjuter me prekje kushton 750 $. Për më tepër, vetëm 10% e notebook-ve me Windows 8 dhe me ekran me prekje, raportohet se janë shitur gjatë një periudhe tre mujore.

Sipas Baker, për sa kohë çmimet vazhdojnë të jenë të larta, Windows 8 do të vazhdojë të luftojë.
“Idealja do të ishte sikur pjesa më e madhe e PC-ve me prekje të kushtonin rreth 400 – 500 $.
Konsumatorët e kuptojnë vlerën e pajisjeve me prekje dhe janë të gatshëm të paguajnë më tepër për të, por jo aq shumë sa etiketat e sotme të çmimeve.

Nëse mesatarja do të ishte rreth 600 $, atëherë do të kishte më tepër interes,” u shpreh ai.
Përveç Windows 8 dhe Microsoft-it, edhe Apple është prekur nga ngadalësimi i shitjeve të Mac-ve të tij.
Madje në këtë konstatim përfshihen edhe iPad dhe iPad Mini.

[Izraeliti]

Pesë mënyra për shmangien e Windows 8
ps: Unë personalisht e kam instalu dhe deinstalu por së fundmi, zgjedhja është e juaja.

Cila çenka e meta e Windows 8 -shit? Se une kam menduar seriozisht tё kalojё nё windows 8, pas informacioneve nga Microsoft se nuk do tё suportoj mё versionin XP. Pamja e 8-shit mё duket perfekte, pastaj organizimi i skedarёve dhe aplikacioneve mё pёlqen shumё!

[Zero Cool]

Shutdown për Windows 8




http://www.pcworld.al/wp-content/themes/pcworld/includes/timthumb.php?src=http://www.pcworld.al/wp-content/uploads/2013/05/windows-8-shutdown.jpg&w=400&h=304&zc=2




Me ndryshimet që janë bërë në Windows 8, shumë përdorues e kanë ende të vështirë për t’u mësuar, prandaj shpeshherë kërkojnë të gjejnë një mënyrë më të lehtë për të aksesuar opsione të caktuara.

Një prej tyre është butoni i fikjes së kompjuterit, i cili, me pak ndryshime, mund të aksesohet më shpejt duke e shtuar si një pllakëz (tile) në ekranin e Windows 8.

Për ta bërë këtë gjë, mjafton të ndiqni hapat e mëposhtëm:

1. Pasi të jeni në Desktop mode, në të cilën mund të gjendeni ose duke shtypur pllakëzën Desktop ose duke shtypur nga tastiera Win-D (tasti i Windows-it dhe shkronja D).

2. Klikoni me të djathtën në një vend bosh në desktop dhe zgjidhni më pas New, Shortcut.

3. Do të krijojmë tani shortcut-in për fikjen e kompjuterit. Në fushën e vendndodhjes shtypni shutdown /p dhe më pas Next.

4. Për shortcut-in mund të zgjidhni edhe një emër tjetër ose mund ta lini thjesht "shutdown."Klikoni më pas Finish.

5. Klikoni me të djathtën mbi shortcut-in e ri dhe zgjidhni Pin to Start.

Gati! Herën tjetër që do të riktheni në ekranin Metro, do të shihni pllakëzën me emrin "Shutdown", ose pseudonimin që mund t’i keni vendosur. Mjafton një klikim mbi të dhe kompjuteri do të fiket.

Të njëjtën mënyrë mund ta përdorni edhe për të bërë rifillim (restart) të kompjuterit. Në hapin e tretë, në vend të shutdown /p shtypni shutdown /r /t 0

[Zero Cool]

Windows Blue preview për zhvilluesit do të vijë në fund të qershorit


Shefja e Windows-it, Tami Reller, foli gjerësisht mbi Windows Blue disa ditë më parë. Më në fund, po e kuptojmë se përse.

Julie Larson-Green, e cila është po ashtu shefe e Windows-it, foli të enjten në konferencën Wired Business, duke konfirmuar se zhvilluesit do të kenë mundësi të shohin një “preview” të Windows 8.1 – i ashtuquajtur Windows Blue – i cili do të prezantohet dhe do të jetë i disponueshëm gjatë konferencës BUILD të Microsoft-it në qershor të këtij viti.

Windows 8.1 do të vijë në formën e një përditësimi për Windows 8. Microsoft-i nuk ka dhënë informacione të detajuara mbi lançimin, por të enjten kompania konfirmoi se versioni përfundimtar do të jëtë disponueshëm në fund të vitit.

Deri tani qarkullojnë në internet disa versione fillestare të Windows Blue. Të gjitha përmbajnë një sërë përmirësimesh për Windows 8, edhe pse një pjesë e madhe e tyre i referohen më tepër uniformitetit dhe pastërtisë së ndërfaqes së përdoruesit. Versioni fillestar përmban edhe disa shtesa si kontrolle të përmirësuara të Snap, një katërshe aplikacionesh të reja (fotoja më lart) si dhe disa opsione të tjera (settings) për PC-në.

Versionet pasardhëse shfaqin rafinime më të dukshme, përmirësim dhe zgjerim të opsioneve për sinkronizim si dhe një Eksplorues Skedarësh me ndërfaqe moderne.

Nëse të gjitha këto do të përfshihen në versionin përfundimtar, do ta zbulojmë rreth datës 26 dhe 28 qershor.

[Zero Cool]

Windows 8.1 do të suportojë teknologjinë e leximit të shenjës së gishtave


http://www.pcworld.al/wp-content/themes/pcworld/includes/timthumb.php?src=http://www.pcworld.al/wp-content/uploads/2013/06/ndows-9-finger-print.jpg&w=400&h=304&zc=2


Një nga surprizat e radhës të sistemit Windows 8.1 do të jetë edhe suporti i identifikimit me anë të shenjave të gishtave.

Kjo gjë është deklaruar nga Microsoft në njërën prej seancave të Konferencës Tech-Ed ditën e hënë. Më parë kjo gjë mundësohej në sistemin Windows me ndihmën e softuerëve dytësore ndërsa tani sistemi e suporton vetë këtë teknologji.

Përdoruesit do të kenë mundësi që të logohen në kompjuterët e tyre nëpërmjet një llogarie në Microsoft, mund të blejnë aplikacione ose mund të hapin programe të ndryshme vetëm duke prekur njëherë me gisht.

Gjithashtu do të jetë e mundur që të sigurojnë skedarë të caktuar në mënyrë që të jenë të aksesueshëm vetëm nëpërmjet shenjës së gishtit.

Microsoft-i është duke punuar me dy ose tre prodhues të tjerë për të mundësuar këtë teknologji. Kompania është duke kërkuar edhe nga prodhuesit e tjerë që të pajisin laptop-ët, tabletet, tastierat apo mauset me lexues të shenjave të gishtave.

[Zero Cool]

Kalimi në Windows 8.1 beta kërkon riinstalimin nga e para të të gjithë aplikacioneve


Duke filluar nga data 26 qeshor, përdoruesit do të kenë mundësi të shkarkojnë versionin beta të Windows 8.1 (i cili do të jetë një formë "preview" i versionit të plotë që do të vijë disa muaj më vonë).

Shkarkimi do të bëhet përmes Windows Store. Lajm shumë i mirë, apo jo? Mos u nxitoni! Microsoft ka deklaruar se kalimi në versionin zyrtar përfundimtar do të ketë një problem të vogël: përdoruesve do t’ju duhet të riinstalojnë të gjitha aplikacionet.

Kjo do të thotë se përdoruesit do të detyrohen të riinstalojnë të gjitha aplikacionet e ndërfaqes “Metro” të cilat njihen ndryshe si "aplikacionet moderne", si dhe ato të desktopit. Gjithsesi, bëhet fjalë vetëm për versionin beta, i cili zakonisht instalohet nga entuziastët e kompjuterëve apo profesionistët e IT-së.

Ndërkohë, përdoruesve të zakonshëm, nuk do t’ju duhet të riinstalojnë aplikacionet në momentin që Windows 8.1 do të dalë zyrtarisht në formën e një përditësimi. Këtë lajm e ka konfirmuar po ashtu vetë Microsoft-i.

Përdoruesit kanë mundësi të zgjedhin mes opsionit të hapjes së dyfishtë (dual-boot) si dhe ekzekutimit të Windows 8.1 në një makinë virtuale, duke e izoluar atë nga gjithe pjesa tjetër e sistemit.

Ditën e mërkurë Microsoft prezantoi një video paraprake që tregon disa nga ndryshimet dhe përmirësimet kryesore që i janë bërë Windows 8 në versionin beta 8.1.



VQb5caeSo00



Një pjesë e madhe konsistojnë më tepër në anën estetike, si për shembull mundësia për të shpërndarë imazhet e sfondit mes ekraneve Start dhe Desktop. Gjithsesi, riinstalimi i aplikacioneve do të pengojë ndoshta një numër të madh përdoruesish biznesi, të cilët përfshihen zakonisht në listën e entuziastëve përsa i përket versioneve të reja të softuerëve.

[Zero Cool]

Microsoft përfundoi zhvillimin e sistemit operativ Windows 8.1


Më 23 gusht korporata Microsoft prezantoi versionin RTM (Released to Manifacturing) të Windows 8.1.

Njoftim zyrtar për RTM-version nuk ka pasur ende.

Sipas botimit ZDNet, kjo ndodhi për shkak se më 23 gusht u bë i ditur largimi së shpejti nga posti i tij i drejtorit të përgjithshëm të Microsoft, Steve Ballmer, dhe kompania preferoi të ruajë heshtjen në lidhje me lajmet e tjera.

Statusi RTM do të thotë se zhvillimi ka përfunduar dhe se sistemi operativ është gati për t'iu dërguar prodhuesve të kompjuterave. Zakonisht Microsoft gjithashtu u ofron akscesin në versionin RTM abonentëve të shërbimeve TechNet dhe MSDN. Të gjithë të tjerët do të mund ta provojnë sistemin operativ duke filluar që nga 18 tetori.

[power8]

Microsoft përfundoi zhvillimin e sistemit operativ Windows 8.1


Më 23 gusht korporata Microsoft prezantoi versionin RTM (Released to Manifacturing) të Windows 8.1.

Njoftim zyrtar për RTM-version nuk ka pasur ende.

Sipas botimit ZDNet, kjo ndodhi për shkak se më 23 gusht u bë i ditur largimi së shpejti nga posti i tij i drejtorit të përgjithshëm të Microsoft, Steve Ballmer, dhe kompania preferoi të ruajë heshtjen në lidhje me lajmet e tjera.

Statusi RTM do të thotë se zhvillimi ka përfunduar dhe se sistemi operativ është gati për t'iu dërguar prodhuesve të kompjuterave. Zakonisht Microsoft gjithashtu u ofron akscesin në versionin RTM abonentëve të shërbimeve TechNet dhe MSDN. Të gjithë të tjerët do të mund ta provojnë sistemin operativ duke filluar që nga 18 tetori.

As 8.1 nuk ndryshon shumë nga 8. E njejta nderfaqe "metro" edhe ne 8.1.
Nese deshironi t'ia ndryshoni aspektin Windows 8.1, ne kete adrese

http://www.clubic.com/telecharger-fiche424089-classic-shell.html
(Shtype Télécharger (versioni i fundit 4.0.1) e keni nje soft, Classic Shell, qe ia kethen pamjen e Windows 7.

Perndryshe, W 8 po me del pak ma i shpejt se 7-tshi.