Lustrohet Ali Ahmedi, ish-inspektori i shërbimit sekret

[Guri i madh]

Komisioni i Lustrimit në regjistrin e personave të lustruar dhe që kanë rezultuar si ndjekës zyrtar dhe bashkëpunëtor të shërbimeve sekrete ka shpallur edhe Ali Ahmedin.
Bëhet fjalë për Ali Ahmedin, një inspektor i shërbimit sekret në të kaluarën në Kërçovë, i cili sipas vendimit të Komisionit të lustrimit gjatë periudhës së viteve të 80-ta kishte dhënë urdhra për ndjekjen dhe masa të tjera për veprimtarë të lëvizjeve kombëtare shqiptare të asaj periudhe.
Në listën e tij si persona që ndiqeshin ishin Halil Halili, Adem Maksuti, Fadil Bajrami, Xhelil Xhelili, Gafurr Adili, etj. Ali Ahmedi si inspektor i lartë përmes informatorëve të tij po siguronte informacione mbi aktivitetet ilegale të personave të lartëpërmendur, një pjesë e të cilëve ishin student në Universitetin e Prishtinës, transmeton INA.
Por aktiviteti i tij ishte edhe sigurimi i informacioneve për veprimtarët e asaj kohe që jetonin dhe vepronin në Zvicër si Fazli Veliu, Ali Ahmeti, Ismail Abdiu, Gëzim Bekteshi,Ferit Useini, Xhabir Bajrami, etj. Inspektori i shpallur përmes informatorëve të tij po siguronte të dhëna mbi aktivitetet e këtyre veprimtarëve në Zvicër.