[napoleoni]

Postimi origjinal është bërë nga Zero Cool

A din ti zotni me fjale tua e pa asnje citim te bibles apo kuranit me me tregu, shkurt e trup:
A vdiq ne kryq Jezusi (Isa, biri Mejremes) apo jo ?
Dhe nese jo atehere si vdiq ?
Po e perseris pa asnje citim sepse keto qe i ban copy/paste mundemi me i lexu edhe vete e ska nevoje te na sjellesh ketu por te shkembejme mendimet e tona origjinale.
Flm.

Pasi që pyetja që bëni ju, përngjan në një pyetje të paindoktrinuar, rrjedhimisht kërkon edhe një përgjigje të tillë. Të i përgjigjesh kësaj pyetjeje, në shikim të parë shumë e thjeshtë, duhet njohur shumë gjëra të asaj epoke, duke filluar nga historia e ebrenjve, rrymat ebraike të asaj periudhe, jetën e përditshme të një banori të Jerusalemit, botëkuptimet e tij mbi jetën e vdekjen, rrethanat politike, qëllimet politike të romakëve, .... dhe dalëngadalë duhet shtrirë njohurinë edhe mbi gjithe botën arabe dhe rrethanat e përhapjes së fesë islame. Nëse i njohim mirë këto gjëra, gjë e cila nuk është e thjeshtë, dhe duke mos qenë i influencuar nga doktrina e njërës apo tjetrës fe, mund të japim një përgjigje e cila patjetër që do të gjenerojë një varg pyetjesh tjera... E dijmë se disa nga doktrinat e krishtera, kanë origjinë romako-pagane, si argument mbështetës të kësaj thënie mjafton të thuhet se romakët u bënë të krishterë me anë të një dekreti perandorak. Mjafton të logjikohet se si vepron një popull kur i imponohet besimi me dekret. Mendoj se besimeve pagane iu janë shtuar disa elemente që kanë të bëjnë me predikimin dhe të bëmat e Jezusit, modeomos të mistifkuara, dhe si rezultat kemi krishterizmin. Doktrina islame u mundua të demistifikojë doktrinën, duke e bërë më të kapshme për njerëzit, dhe duke eliminuar hierarkinë fetare. Eliminimi i hierarkisë fetare justifikohej me rrespektimin e identiteteve, kulturave dhe dokeve të ndryshme tek grupet e njerëzve, fiset dhe popujt. Natyrisht se nga aspekti doktrinor kemi të bëjmë me një avansim të mendimit dhe nocionit të besimit, lirisë, kundrejt doktrinave te krishtera. Pyetja se a vdiq a jo Jezusi, ka vetëm një përgjijge pa i pasur parasysh të dhënat e mësipërme. Ai vdiq, ne kryq apo jo, ai vdiq sepse nuk është mes nesh. Nëse thuhet se ai nuk vdiq, por shkoi te Zoti dhe u ul në anën e djathtë të tij, të njejtën mund ta themi edhe për të tjerë, sepse në këtë rast vdekja nuk qenka e kundërta e jetës... Nëse vdekja për ne njerëzit është e kundërta e jetës, dmth. të jetuarit në Tokë, atëherë ai paska vdekur. Po thuhet se ai u ringjall ! Në kohën e Jezusit, qarkullonin shumë magjistar të cilët ishin në gjendje të bënin shumë nga mrekullitë që bënte Jezusi vetë. Kishte edhe nga ata që ringjallnin të vdekurit duke përdorur substanca nga rrënjat e disa bimëve , por në të vërtetë këto konsumoheshin nga personi që duhej të vdiste për tu ringjallur pas tri ditëve. Parashtrohet pyetje: Jezusi sa ishte në kryq, apo shtyllë ( që nuk duhet marrë me misticizëm, por vetëm si një mënyrë ekzekutimi romak ) ç` përmbante ajo që ushtari romak i lagi buzët teksa ai vuante? Kjo ishte vetëm një shembull që na bënë së paku të besojmë se ai nuk vdiq në kryq, por më vonë. Apo se ai vdiq, por u ngjall pas tri ditëve. Shumë gjëra janë larg të kuptuarit njerëzor, por njeriu ka zhvilluar natyrën e tillë që të besoj në gjëra të pakapshme, sepse ato që i kuptojmë nuk na joshin, nuk na duken interesante sepse i kemi përditshmëri. Padyshim se mësimet dhe këshillat e profetëve kanë lënë gjurmë në botkuptimet e njerëzimit, në të shumtën e rasteve në aspektin pozitiv. Nëse në pyetjen qe i drejtuan nxënësit e tij Jezusit se pse ne nuk po mundemi të bëjmë mrekullira, ai u përgjigj: sepse ju nuk keni besim, nuk besoni. Në çka? Në Zot, në Jezusin, apo në rezultatin e mrekullirës ? Forcën e besimit dhe bindjes në një aksion, si kusht për sukses e vërteton edhe shkenca përmes psikanalizës, mjeksisë.... Prandaj ajo që ndodhi në Jerusalem para 2000 vjetëve përkon me besimin tonë, bindjen tonë... Nëse duke u bazuar në mësimin se ai vdiq ne kryq ne zhvillojmë dashurine dhe paqen me vetveten dhe tjerët, ose nëse duke u bazuar në mësimin se ai i shpëtoi vdekjes në kryq ne zhvillojmë dashurinë dhe paqen me vetveten dhe të tjerët, atëherë mirë do të ishte t`u besojmë që të dyja versioneve. Unë jam i prirë tu besoj gjërave që truri im i percepton më mirë. Shpresoj të jesh i kënaqur me përgjijgen, Zero Cool.