[illyria]

Shëmtimi tjetër kombëtar,
Me siguri shumicës prej jush i ka ndodhë që duke ngarë veturën rrugëve të Kosovës,nga vetura para jush udhëtarët kanë hedhur mbeturina në mes të rrugës në stilin "sikur lopa baglën"!?
Gjuajnë njerëzit tanë pako të cigareve,qese të çipsave,konzerva pijesh,gërdhaja të mollave,kutija të zbrazta të "specijall meshavinave",shkundin shpuzoret...etj etj!
A ju ka ndodhur najher që duke ecur trotuarëve të qyteteve tona,papritmas era e fortë të përplasë për fytyre qese të najllonit,apo a keni parë arave dhe livadheve përskaj rrugëve me qindra kësi qese najlloni kurse ekstra "bukuri" natyrore vjeshtore apo dimërore janë drunjët në të cilët në vend të gjetheve virren qeset e përmendura të najllonit!?
Për grumbujt e bërllogjeve skaj rrugëve,nën dritaret e soliterëve,përskaj dhe nëpër lumenjë të mos flasim bile...ato janë bërë shenja njohëse të vendit tonë.
Një i huaj njëherë më pat hidhëruar shumë kur propozoi që flamuri i Kosovës në mes të ket një grumbull bërllogu...por pas disa çasteve erdha në vehte kur në të dyja anët e rrugës së qytetit më të bukur në Kosovë nëpër të cilën ecnim pash kontejnerë të stërmbushur të cilët mezi dukeshin nga bërllogu që i kishte mbuluar.Dhe ia fala disi këtë fyerje që ma bëri,ishte i huaj dhe nuk na kuptonte neve...fajin e kishte armiku!?