[Mendjen]

Ferguson: Për Ronaldon vetëm qielli është kufi

Trajneri i Manchester United, Sir Alex Ferguson, ka komentuar formën e shkëlqyer të Cristiano Ronaldos duke thënë se nuk ka limit për fuqinë e fenomenit portugez.
“Loja e djaloshit flet vet... Forma e tij është fantastike, nuk ka një kufi deri ku mund të arrijë ai. Ai e ka tërë botën para tij. Dëshiroj që ai të vazhdojë ashtu dhe shpresoj që ky të jetë sezon i suksesshëm edhe për skuadrën”, ka thënë bosi i Manchester United.

Ferguson ka komentuar edhe për ndeshjen me Liverpoolin në Old Trafford, të cilën United e luan të dielën.

“Nuk mund ta shmangim intensitetin, tensionin dhe atmosferën e asaj ndeshje. Ndeshja me Liverpoolin sjell emocione të shumta edhe për lojtarët. Të gjithë dëshirojnë të luajnë dhe më vjen keq që disa prej tyre do të ndihen keq që do të mungojnë nesër”.

“Liverpooli vjen tek ne, është një derbi, gjithmonë është takim i vështirë. Ata kanë një mbrojtje të fortë dhe po përgatisin një dyshe sulmuese, Gerrard-Torres. E njohim mirë Steven Gerrardin, dhe duhet të përgatitemi ta ndalojmë atë. Megjithatë ne do të luajmë ndeshjen tonë me të cilën kemi mundësi t’i fitojmë të gjithë”, ka përfunduar Ferguson.