[niemand]

Sedorf: Te Reali, unë isha një “galaktik”!


“Fëmijëria ime ka qenë shumë e bukur dhe kjo falë prindërve të mi”



Në një intervistë të dhënë për revistën spanjolle “Don Balon”, mesfushori i Milanit, Klarens Sedorf, ka kujtuar të kaluarën e tij, duke komentuar aventurën që ka kaluar te Reali i Madridit. Eshtë fituesi i katër Champions League, një me Ajaksin, një me Realin e Madridit dhe dy me Milanin. Ka fituar shumë tituj në karrierën e tij, por momentalisht po jep maksimumin për skuadrën e Milanit. Eshtë një ndër mesfushorët më të mirë në botë dhe gjithçka ka fituar e tregon shumë qartë. Kur përmendet emrin i Klarens Sedorf, të gjithëve u vjen ndërmend sinonimi i fitimtarit. Origjina e tij është nga Surinami, por luan me kombëtaren holandeze. Me klubet ku ka luajtur ka fituar gjithçka, ndërsa me Holandën nuk ka qenë po aq i suksesshëm.



? Kur ka filluar udhëtimi juaj drejt famës në botën e futbollit?

? Kur isha fëmij luaja në rrugë me shokët. Më pas, në Amsterdam,

luajta në shkollën e futbollit kur isha 16 vjeç. Kam patur një fëmijëri shumë të mirë dhe tashmë e kam kuptuar se sa shumë janë mundur prindërit e mi për mua, që unë të kem një të ardhme të shkëlqyer.

? Si erdhët nga Surinami?

? Shumë nga të afërmit e mi u larguan nga Surinami për në Holandë, në kërkim të një jete më të mirë. Babai im ishte i pari që mbërriti në Holandë për të gjetur një vend për të jetuar. Eshtë larguar përpara se unë të lindja dhe nuk munda ta shihja që kur u bëra dy vjeç e gjysëm. Ndonjëherë, kjo është një ndër arsyet se pse unë kam vlerësuar gjërat e vogla në jetë.

? Tashmë e keni arritur famën?

? Kur bëhesh një person i njohur, atëherë merr fund jeta normale.

Çdo hap që ndërmerr, çdo vendim që duhet të marrësh, varet vetëm nga ti. Megjithatë, mendoj se e kam përjetuar shumë mirë kalimin tim nga një njeri i thjesht në një person të famshëm.

? Ju shkuat në Itali (Sampdoria), por pas një viti vendosët të largoheshit për te Reali i Madridit. A keni kujtime të këqija nga aventura juaj te Sampdoria?

? Jo, është krejt e kundërta. M’u desh të mësohesha për të jetuar larg shtëpisë time. Mësova një kulturë tjetër, një mënyrë tjetër të të luajturit futboll dhe një stil jete shumë të ndryshme. Ishte një panoramë e re për mua. Eksperienca më ndihmoi të përmirësohesha si njeri dhe si futbollist. Kam kujtime shumë të mira nga Sven?Goran Erikson (teknik i Sampdorias në vitet 1992 dhe 1997).

? Duke shkuar pak më prapa, aventura juaj te Reali i Madridit ishte pikërisht para epokës së “Galaktikëve”.

? Kapelo e drejtoi skuadrën për një sezon dhe më pas erdhën

Jup Hainkes dhe Visente Del Boske. Fituam gjithçka. Reali zhvilloi një sezon shum?_?_bët përpara se vinte Kapelo dhe në vitin e parë nuk luajtëm në kompeticione europiane. Erdha te Reali në një moment kur skuadra ishte “e etur” për të fituar. Kishte futbollistë dhe talente të mëdhenj. Kështu që pata një fillim shumë të mirë.

Fituam Kupën e Europës pas 32 vjetësh. Kishim shumë yje në skuadër dhe kemi zhvilluar një sezon fantastik. Mendoj se kemi hedhur bazat përpara se të vinte komercializmi ose të themi më mirë, epoka e “galaktikëve”. Edhe ne ishim të tillë atëherë, por zhurma nëpër media nuk ishte kaq e madhe.

? Predrag Mijatoviç ka qenë shoku juaj i skuadrës, ndërsa tani shtë drejtor teknik i Realit. A jeni habitur nga kjo detyrë e tij?

? Nuk e kisha menduar se mund të ndodhte një gjë e tillë. Mijatoviç ka qenë gjithmonë shumë komprometues dhe kishte një personalitet të madh. Eshtë miku im dhe uroj që të jetë drejtor teknik i Realit për shumë vite.

? Eshtë e vërtetë që te Reali kishte shumë presion për të fituar dhe luajtur mirë?

? Kjo ndodh në shumicën e klubeve të mëdha, por ky fakt të shton dëshirën për të luajtur në këto klube. I kam dhënë shumë Realit, por edhe Reali më ka dhënë shumë mua. Ka qenë një periudhë shumë e rëndësishme në karrierën dhe jetën time.

? Ju kurrë nuk keni luajtur për vite të tëra në një klub. Pse?

? Ronald de Bur më ka thënë qëndrimi për tre vjet në një klub, të bën të largohesh nga futbolli aktual. Jam dakord me të, edhe pse unë kam gjashtë vjet që po luaj te Milani.

? Në fund, dua t’ju bëj një pyetje jashtë karrierës tuaj. Çfarë mendoni për racizmin në futboll?

? Unë kurrë nuk i kam kushtuar shumë vëmendje racizmit në futboll, sepse nuk mendoj se ka probleme me racizmin, por janë vetëm probleme me edukimin e njerëzve. Sa më shumë të flitet për ta, aq më keq është. Duhet t’i kushtojmë më shumë vëmendje gjërave pozitive dhe jo atyre negative.



Dua ta mbyll karrierën te Milani

“Kam gjashtë vjet që luaj te Milani, ku kam fituar gjithçka. Kam një kontratë deri në vitin 2011 me këtë klub dhe dëshira ime është që ta mbyll karrierën në Milano, edhe pse kurrë nuk mund të thuash kurrë. Ndihem shumë i lumtur te ky klub dhe dua të jap më të mirën time deri sa të luaj. Milani është një klub i madh dhe që gjithmonë më ka vlerësuar. Eksperienca ime më ka ndihmuar që të jem i suksesshëm te kjo skuadër edhe pse të them të drejtën ka qenë shumë e vështirë për mua të triumfoj midis lojtarëve të mëdhenj”.





Holanda ka shanse për Europian

“E dimë që jemi në një grup shumë të vështirë, ku na duhet të përballemi me skuadra të mëdha si Franca apo Italia. Gjithashtu është edhe Rumania, e cila u rendit përpara nesh në fazën e ndeshjeve kualifikuese. Jam i bindur se Holanda do të bëjë shumë në Europian dhe ka shumë shanse për ta fituar atë. Ne nuk kemi asgjë për të humbur, kështu që do të mundohemi të bëjmë detyrën tonë. Holanda ka shumë lojtarë të rinj, me pak eksperiencë, megjithatë janë shumë të talentuar”.





Jam sqaruar me Van Bastenin!

“Jam rikthyer në kombëtare pas një kohe të gjatë. Humba Botërorin, por nuk të shoh të kaluarën. Kam dqaruar çdo konflikt me teknikun van Basten dhe tani dua të bëj më të mirën time gjithashtu ëndërroj të marrë pjesë në Lojrat Olimpike. E dimë që tekniku ynë do të largohet pas Europianit, por kjo nuk do të ndikojë te lojtarët. Ata janë mësuar me ardhjet dhe largimet e trajnerëve, por gjithashtu e dimë se Europiani është shansi ynë i fundit dhe të gjithë do ta përballojmë këtë kompeticion me shumë motivim. Do të jetë e vështirë, megjithatë shpresojmë të bëjmë maksimumin tonë”.