[Pupi]

Elira Çanga

Nëse cënohet pavarësia, Kosova është e gatshme ta mbrojë atë, qoftë edhe me një luftë të re. Kryeparlamentari i Kosovës, Jakup Krasniqi nuk ka asnjë dyshim për këtë. “Çështja shqiptare nuk është zgjidhur përfundimisht, plani i Ahtisaarit ishte një mundësi kompromisi dhe jo zgjidhja më e mirë për Kosovën. Nëse cënohet edhe ai, ne duhet të mendojmë seriozisht për të ardhmen”, - deklaron ai. Por, ç’do të thotë kjo? “Do të thotë se politika shqiptare duhet të bëjë më shumë për kombin në tërësi, e kam thënë se duhet të mendojmë edhe bashkimin me Shqipërinë, ne duhet të mendojmë për vendin tonë”, - deklaron ai. Në një intervistë ekskluzive dhënë “Gazeta Shqiptare”, Krasniqi konfirmon se marrëdhëniet me Tiranën zyrtare janë të mira dhe se lobimi për njohjen e pavarësisë së Kosovës nuk ka munguar, por se duhej më shumë bashkërendim dhe në nivel më të lartë. Ai deklaron se marrëdhëniet me Beogradin janë të ngrira dhe kjo, sepse politika serbe vazhdon të mbetet peng i mendjeve të vjetra. “Kemi një ‘marrëdhënie të mira’ vetëm tregtare...falë nostalgjisë së disa tregtarëve, krimit e kontrabandës së organizuar ekonomike pas vitit 1999 e më herët”, - pohon Krasniqi, jo pa një lloj ironie.


Për më shumë në Gazeten shqiptare online: http://balkanweb.com/gazetav5/artikull.php?id=49986