[4peace]

***

Kush nuk ka sigurim shëndetësor dhe është i varfër në SHBA, ai s’mund t’ia lejojë vetes të vejë dhëmbë të ri apo të operohet kur është e domosdoshme për jetë. Sistemi i tashëm shëndetësor është më i padrejti në gjithë historinë amerikane. Kush nuk ka mundësi për sigurim shëndetësor apo s’mund t’i paguajë faturat e mjekut duhet të vuajë. Ju duhet të shqeponi, për ju s’ka implantate të zemrës, përkrahës (aparat që rregullon rrahjen e zemrës) të zemrës apo çfarëdoqoftë trajtimi tjetër që është urgjentisht i domosdoshëm mjekësor. Sejcili shtet duhet t’i ofrojë popullatës së vet përkujdesje shëndetësore. Njësoj, ndër pjesët ekzistenciale përbërëse të jetës njerëzore bëjnë pjesë dhe ushqimi, kulmi mbi kokë dhe arsimi.

***

1. konkurenca nuk eshte gje e padurueshme, aty ku ka konkurence ka edhe vlera

„konkurrenca sjell kualitet“ është moto e globalistave neo-liberal.

Në shikim të parë, ashtu duket. Mirëpo, për t’i bërë konkurrencë një tregu (a tregtari) të fortë, duhet të ofrojmë produkt sa më të lirë e më kualitativ. Për ta arritur këtë në rend të parë duhet të sigurojmë fuqi (me çmim) të lirë punëtore. Për të ardhur deri te kjo duhet…
…të punojnë familje të tëra, së bashku me fëmijët që nga mosha 7-vjeçare në Indi, dhe prapseprap, megjithëse angazhohet e tërë familja, mezi arrijnë ta shuajnë etjen e urinë me ato të ardhura. Këta, pra, thejnë gurë, që nga lindja e deri në perëndim të diellit, ashtuqë të imtësojnë gurë për tregun perëndimor, që shërbejnë për zbukurimin e oborreve e kopshteve, duke i bërë konkurrencë konkurrentëve tjerë.
…apo të punojë dikush nëpër plantazhet e kafesë a çajit në Afrikë, për një rrogë minimale (që s’mjafton as për të jetuar e as për të vdekur), ashtuqë afaristi europian ta shesë atë kafe o çaj me çmime marramendëse
…apo të punojë nëpër plantazhet e Greqisë a Spanjës për një rrogë (1-2 euro për orë) minimale, vetëm e vetëm që pronari të bëjë konkurrencë…
dhe, siç është përmendur në pjesët tjera të shkrimit, pasurohet një pjesë e vogël në shpinë/llogari të një pjese të madhe. Që don të thot: Një pjesë e vogël po pasurohet gjithnjë e më shumë, kurse, pjesa tjetër, pjesa më e madhe, e cila shkon gjithnjë e duke u shtuar në numër – varfërohet. Edhe punë edhe i varfër. Kjo është konkurrenca në praktikë. Ajo në teori le t’iu mbetet atyre që punojnë vetëm me laps, pa dalur kurrnjëherë në terren.
Meqë edhe ti shkruan tek feja. Asnjëra nga fetë, e as feja islame, në thelb nuk e proklamojnë luftën konkurruese. Sepse, nëse nuk e ke ditur, është pikërisht „filozofia“ e konkurrencës ajo që ka sjellë dhe do të sjellë luftëra. Pra, kur konkurrenca nuk ia del në krye me mjete më pak të këqia ia krisë me luftë. Konkurrenca është e kundërta e bashkëpunimit/kooperimit.

Shul e shqip: Ky mendim yti nuk përkon aspak me fenë islame. Meqë erdhëm tek feja. „Filozofia“ e konkurrencës është e pranishme edhe nëpër religjione, gjegjësisht atyre që flasin në emër të tyre. Në këtë mënyrë, në të gjitha religjionet punohet për t’i bërë konkurrencë njëri-tjetrit. Numërohen konvertimet nga një fe në tjetrën, vetëm e vetëm për ta ngritur veten dhe, njëkohësisht (si qëllim primar) për ta dobësuar tjetrën…Kush fitoi këtu? Disa „mendimtarë“ janë pasuruar duke i shitur librat me muhalife, kurse besimtarët (shumica e njerëzimit) jetojnë në përçarje…
Tash, për të mos e zgjatur shumë, t’i kthehemi një pyetjeje nga më themeloret:
A ka ardhur Jezusi (Isa a.s.) për t’i bërë konkurrencë Mojsiut (Musait a.s.)?
Dhe, e ka ardhur Muhammedi (a.s.) t’i bëjë konkurrencë Jezusit (Isait a.s.)?
Përgjigja ndaj të dyja pyetjeve është, summa summarum, JO!
Po atëherë, si na qenka puna e konkurrencës? Dobia?

2. fusha e tensionuar politko-ekonomike me teper ka te beje me ballafaqimin e fakteve dhe parimeve qe sjellin
3. Kriza shpirterore vjen atehere kur njeriu nuk kupton qellimin, ai beson se eshte i paprekshem, e ne fakt i del e kunderta

Këto dy pikat tjera dëshmojnë për mosinformim apo keqinformim dhe lidhen me pikën nr. 1.


Cdo te mire.


...vaz