[4peace]

***

Mësimi më i madh rrjedh nga pësimi.

Si reaksionarë kemi filluar para shumë shekujsh, si reaksionarë do të vdesim nëse vazhdojmë të veprojmë njëjtë sikur atëherë.
Gjat periudhës së sundimit të Perandorisë Osmane, ne kemi qenë ndër të rrallët në Ballkan, të cilët ia kanë bërë shërbimin më të mirë kësaj Perandorie. Megjithëse në historinë që e mësojmë sot nuk përmenden shumë të dhëna me shumë peshë, është më se e vetëkuptushme që në, në këtë mënyrë, kemi vrarë, prerë, torturuar… popuj tjerë në emër të asaj Perandorie.

Njashtu, shikuar në përgjithësi, kemi vepruar dhe gjat LPB-së dhe gjat LDB-së (kur krijuam të ashtuquajturën „Shqipëri të madhe“) duke i shërbyer okupatorit nacist. Sot kemi filluar t’i shpallim heronj shërbyesit e asaj kohe, të ashtuquajturit „ballistë“. „Balli Kombëtar“ ka qenë reaksionare dhe, si e tillë ka qenë në anën e gabuar.

Ndërsa sot i kemi ata që nuk bëjnë dot gjë pa lejen e „miqve“ ndërkombëtar.

Pra, përderisa të vazhdojmë të jemi shumica në anën reaksionare, gjendja jonë vështirë se do të përmirësohet ndonjëherë.
Gjendja e një populli fillon të përmirësohet vetëm atëherë kur agjitohet, në vend që të reagohet.

Tre shembujt e reaksionit (Per. Osmane, LDB dhe sot) i përmenda në mënyrë që ta kuptojmë më mirë Ligjin më të madh hyjnor: „Aksion – reaksion“.
Ta ripërsëris:
Është e njëjta gjë:
„Sy për sy, dhëmb për dhëmb“ (Bibla, Dhjata e Vjetër“
„Çfarë të mbjellësh, atë dhe do ta korrësh“ (Bibla, Dhjata e Re, haset edhe në Hadithe)
„Çdo aksion shkakton një reaksion“ (shkenca)
„Gjarpëri mbytet në kokë e jo në bisht“ (popullore).

Pra, të gjitha të këqiat që e kemi bërë (aksioni) më herët do t’i paguajmë (reaksioni) me të keqe (gjendja aktuale e kombit). Dhe, me siguri do t’i paguajmë edhe në të ardhmen nëse vazhdojmë me të njëjtin avaz.




***