[lazdrani]

Titulli: 2011-ta ne virtualitet
Disi edhe në familje e kemi traditë që në fundviti të analizojmë të gjithat që na ndodhën gjatë vitit që po kalon.

Jadores i lumtë që po mundohet të na e bëjë edhe traditë Dardane, që të analizojmë, përkujtojmë qajmë e qeshim për të gjitha të bërat gjatë tërë një viti në këtë forum.

Çka të them më shumë pos ato që po dihen?

Vdekja e Bondit sikur paralizoi këtë forum. Të paktë ishim që e dinim se kishte problem serioz me shëndet por që luteshim ditë e natë të bënte mirë e t`a kishim në mesin tonë.
Ditën që u shpall lajmi mbi vdekjen e tij, krisën zilet në msn, mesazhet, telefonatat për t`a bind veten se jo, kjo nuk ka ndodh, nuk mundet të ndodhë se lajmi nuk është i saktë, por.. me gjithë dëshirën e të gjithëve lajmi ishte i vërtetë.
Pra të gjithë u ballafaquam me vdekjen dhe mizorinë e saj, rrëmben edhe ata të cilët janë të dëshiruar. Shumë veta e kuptuam se virtualiteti nuk qenka edhe aq shaka sa e mendonim, se edhe virtualja të jep goditje të tmerrshme. Ne që e provuam prap kishim virtualitetin për të lëshuar lotët të rridhnin lirshëm e për të ndarë dhimbjen e rëndë që na goditi.
Qanim e flisnim me njëri tjetrin, pa u ndjerë ngusht sepse ai ishte i yni e dhimbja për te ishte e përbashkët, pasi që çdokush prej nesh kishte një copë kujtimi për Te.

Nuk e deshta më Dardaninë se ajo më dhuroi e më mori vëllaun tim virtual, dëshira ime më e madhe ishte ta fshi përgjithmonë këtë forum nga PC-ja ime e mos të kyqem më kurr këtu, por e pash që deshta s`deshta akoma nuk e kam kryer misionin tim për këtë forum i thashë vetes përgjegjësia është e madhe, por do e marr e do ta mbaj aq sa të mundem...

Erdhën pushimet verore, në Kosovë më priste punë e madhe, kishim caktuar datën për martesën e vajzës...
Ca ditë para se të ikte Uliksi për vendlindje fola me te në msn, i premtuam njëri tjetrit të takohemi, të kryejmë një obligim moral me një vizitë varrit të mikut tonë të madh, si dhe më pas të më vijë në dasmë të vajzës. Folëm edhe njëherë kah fundi i Qershorit kur ai ishte atje, më siguroi se ishte mirë me shëndet dhe se ajri i freskët i vendlindjes e kishte kndell, i tregova datën kur do të jem dhe unë atje dhe e lamë që të kontaktohemi pasi të shkoja edhe unë, dhe se do shifemi në dasmë...

Mosardhja e tij në dasmë më ngjalli dyshim për shëndetin e tij, e kur u ktheva në shtëpi dhe hapa msn më priste lajmi i tmerrshëm edhe për vdekjen e tij...
E mallkova vdekjen në plotkuptimin e fjalës, mallkova edhe njëherë virtualitetin...

Tash flas për këta dy miq, me miqët e tjerë virtual, pasi që virtualja na bashkoi e virtualja po na ndan...

Sa i përket forumit.

Me përjashtim të vdekjeve të mëdha, të shumtat ishin si edhe vitet e kaluara..
Ikje, largim, bllokim, ankesa të ndryshme, fajësim të të tjerëve, gjëra të rëndomta që këtë forum e bëjnë të madh, të dashur e të vizituar.

Kam vetëm një porosi.

Çdo anëtarë në këtë forum e bënë madhështore Dardaninë.

U banë 12 vite që egziston kjo faqe jemi ne dhe vetëm kontribuesit e vetëm që ky forum gjallon e frymon. Andaj ruane ashtu siq ruani shtëpinë tuaj.
Falni sa më shumë që të jetë e mundur, mos i vëni kandar çdo fjale, bisedoni mes vete si flsini me anëtarët e familjes tuaj. Faleni njëri tjetrin edhe kur ngatërroheni mes vete.
Nuk kam asnjë dyshim, secili prej nesh e don Dardaninë më shumë se tjetri, se vetëm dashuria që kemi për këtë forum e për njëri tjetrin na bënë të kyqemi këtu e të kalojmë orë të tëra duke biseduar mes veti.

Virtualja nuk është më shaka, këtë na e dëshmoi ky vit, që po kalon.

Ju përshëndes të gjithëve që do të lexoni këtë shkrim, duke ju dëshiruar të keni lëni pas një vit të mbarë e të begatshëm, si dhe gjithë të mirat në vitin që po vjen.

Murgesha!


E nderuara Mbretereshe nga zemra te falenderoj per kete postim,lotet po me percjellin ne kete qaste....perkulem per Ty!!!Zoti te bekofte Ikona e gjalle Dardane.

Lazdrani i juaj