[Fshatari]

E tmerruar nga përleshja e armatosur në Boston
Aktorja me prejardhje shqiptare Eliza Dushku, kishte mbetur e tmerruar derisa po shikonte në televizor raportin rreth përleshjes së armatosur mes policisë dhe të dyshuarve për vënien e bombave gjatë maratonës në Boston.



Ylli i serisë ‘Buffy the Vampire Slayer’, është rritur në Watertown, një qytezë e vogël në zonën e Bostonit dhe ajo ishte tmerruar kur kishte parë lajmet për zhvillimin e përleshjeve të ashpra me armë mes policisë dhe terroristëve të dyshuar në orët e hershme të mëngjesit të së premtes.
Banorët e kësaj qyteze ishin urdhëruar që të rrinin në shtëpitë e tyre dhe mos të lëshonin brenda asnjë të panjohur, pasi të dyshuarit ishin të armatosur dhe shumë të rrezikshëm ku edhe kishin qëlluar për vdekje një polic. Dhe Dushku, e cila ende e ka familjen e saj në këtë qytezë, kishte shikuar skenat e tmerrshme dhe ishte frikuar për më të dashurit e saj.
“Është shumë afër shtëpisë sime në Watertown. Oh Zot, shpresoj se të gjithë janë mirë. Unë dërgoj lutjet e mia për policinë. Familja ime e bukur është atje, pra në lagjen ku jam rritur. Shtëpia e nënës sime. Nuk mund të besoj”, ka shkruar ylli i filmit në profilin e saj në Twitter.
Dushku në fund ishte në gjendje të kontaktonte me të afërmit e saj dhe ishte siguruar që familja e saj ishte e sigurt. “Më në fund e mora mamin dhe Jim-in në telefon dhe ata janë mirë, edhe pse duhet të qëndrojnë brenda. Ju dua të gjithëve në Watertown", ka shkruar ajo më vonë, transmeton Zëri.
Policia ka arritur të identifikoj dy të dyshuar për sulmin me bomba në maratonën e Bostonit dy ditë më parë, ku mbetën të vrarë tre person dhe mbi 200 të tjerë të plagosur. Është raportuar se njëri prej tyre është vrarë nga policia, ndërsa tjetri ende gjendet ë arrati dhe është duke u zhvilluar një kërkim masiv për të.
___________________________________
http://www.kohaditore.com/index.php?page=1,6,143286

Nje foto vlen me shume se 1 mije fjale!

E tmerrshme kjo fotoja ketu nalt !