[Zero Cool]

vijimi



Dashuria ndaj shtetit, ndaj këtij vendi është e vogël




EA-SK:Ka shumë mendime rreth zgjedhjes së Presidentit të vendin, sipas jush çfarë Presidenti i duhet Kosovës, i zgjedhur nga populli apo nga Parlamenti?

I.Berisha: Kam dilemë këtë për arsye se, ta zëmë kompetenca që ka tash për tashëm presidenti, krijon këto dilema. Po të vinte nga vota e popullit ndryshe, ai tani ka kompetenca të vogla. Posti i presidentit është formal sa i përket kompetencave, por nëse shkohet me vota popullore, duhet të kemi së paku një sistem gjysmë presidencial. Nuk është me rëndësi se si zgjidhet, por çfarë kompetencash ka. Problemi është se presidenti duhet të jetë një person me autoritet, i cili pasqyron kushtetutshmërinë, dijen, urtësinë. Në këtë rast është e pamundur, sepse vështirë është të kemi një president pa qenë pjesë e konjukturave klienteliste apo edhe e të strukturave të krimit.

EA-SK: Ka shumë vërejtje nga partitë politike, por edhe nga OJQ të ndryshme dhe personalitete se Kosova ka një qeveri të dobët dhe pa ndonjë vizion për ndërtimin e shtetit. Në të vërtetë çfarë qeverie ka Kosova?

I.Berisha: Çdo qeveri vlerësohet në disa shkallë, konkretisht të realizimit të programit të saj. Qeveria aktuale nuk ka program, nuk ka as një plan politik, as ekonomik, as arsimor, etj. Ne kemi një gjendje degraduese në shumë fusha të shoqërisë. Mjafton të marrim gjendjen ekzistuese në shëndetësinë kosovare. Shohim se njerëzit nga pozita e forcës shkelin ligjin kudo. Kemi një ngecje në zhvillim ekonomik, nuk ka koncept qeveritar, dhe nuk shihet ndonjë perspektivë afatgjate. Një problem tjetër është edhe cilësia e njerëzve që janë ministra e që është një cilësi shumë e ulët, sidomos në aspektin profesional. Çështja tjetër është se institucionet janë të mbytura nga konflikti i interesit. Më nuk mund të flitet për ndonjë cilësi në kuptimin e investimit dhe cilësinë e punëve, por për fitimet e grupeve të interesit, dhe aferat e shumat na dëshmojnë këtë. Dhe e fundi është mbushja e institucioneve shtetërore dhe publike me njerëz të paaftë, pa asnjë kriter dhe largimi, përkatësisht pamundësia e profesionistëve që të jenë pjesë e ndonjë projekti në këtë institucione.

Përveç qeverisë as opozita nuk ka vizion se si të dilet nga gjendja, sidomos në administratë. Madje nuk e ka as në agjendë marrjen me këto probleme, pra reformën në administratë.

EA-SK: Do të thotë se praktikisht nuk kemi një opozitë. Çfarë po ndodhë me LDK-në, a mund të presim në një ringjallje të saj?

I. Berisha: LDK- ja kurrë nuk ka qenë parti politike. Nuk ka funksionuar si parti politike. Janë disa arsye. Njëra është se ka pasur një lider shumë të fuqishme, i cili ka qenë veprues mes reales dhe ireales. Në LDK nuk kanë funksionuar organet, as kryesia e as kuvendi, po flas se vetë kam qenë në të. Përpos në vitin e parë ka funksionuar Kryesia. Por, ka funksionuar terreni. Pra barrën kryesore e ka pas terreni dhe diaspora. U pa që praktikisht qeveria e LDK-së, edhe në të gjallë të Rugovës ishte shumë e dobët dhe këtë e kam thënë qysh më 2004, se LDK-ja urgjentisht duhej t’i nënshtrohej një reforme, menjëherë pas 1999. Por nuk është bërë kjo. Faktikisht LDK-ja është një parti e pa reformuar, në të cilën grupet klienteliste, rajonale-provinciale, familjare, e dominojnë plotësisht dhe praktikisht nuk ka hapësirë për frymë të re në kuptimin e programit.

Kishte një tendencë për ta reformuar para tre- katër vjetëve nga PPE, edhe vet isha i involvuar si ekspert i jashtëm. Por kjo tendencë u bllokua në Kryesin e LDK- së(vërj:dokumentat e proklamuar për reformën janë punuar nga ai grup dhe më vonë janë paraqit si të Kryesisë?), sepse ata duan të mbrojnë pronat që i kanë marr në mënyrë të pa merituar duke thënë rroftë Rugova, apo jam i Rugovës dhe duke realizuar fitime në emër të Rugovës, sikurse këtë tjerët në emër të Adem Jasharit dhe të UÇK-së. Nuk ka shenja reformimi të kësaj partie. LDK-ja nuk ka hapë një perspektive për të afruar të rinjtë. Kjo pari ka anashkaluar rininë dhe nuk ka asnjë ofertë serioz për ta. Ajo ka mbetur arkaike edhe në konceptin e punës, fjalorit, edhe terren, sepse mendon se me pleq dhe me autoritete tradicionale mund të qeveriste apo të bëhet elektorati në vend se të fokusohet në pjesën e të rinjve. Kjo parti nuk ka lidership. Kjo vërehet me oscilimet që po shihen me qëndrimet e ndryshme për të njëjtën çështje. Brenda një apo dy muajve kai ndryshime të vazhdueshme të qëndrimeve. Ndërsa është nevojë e jashtzakonshme për Kosovën që të ketë një LDK të fortë, parti qytetare të tipit perëndimor të qendrës së djathtë, me një ofertë të qartë programore, ofertë reale programore dhe me një mundësi për konkurrencë.

EA-SK: Si e shihni spektrin politik në Kosovës?

I. Berisha: Mund të flitet për një nivel shumë të ultë të funksionimi të programeve dhe strukturave udhëheqëse të partive politike në Kosovës. Ka mungesa thelbësore në profilin e partive politike nisur nga ajo elementare, e pozicionimit programor e djathta e majta, apo e qendrës. Sot nuk ka ndonjë element që i dallon ato. E dyta është puna e cilësisë së njerëzve që merren me politikë, ndershmëria, pavarësisht që në politikë është shumë pak e mundshme, te ne është kuptuar që në politikë të mos ketë etikëe dhe hyhet për përfituar për vete për familjen dhe eventualisht për klanin-tarafin.

EA-SK: Cili, sipas jush është roli i Kosovës në rajonin e Ballkanit”?

I. Berisha: Një është e vërtetë. Pavarësia e Kosovës ka sjellë stabilitet dhe paqe në Ballkan më shumë se sa është pritur. Ka zgjidhur një problem pjesërisht të shqiptarëve, i cili ka qenë problem historik për arsye të krimeve që nga 1912 e këndej. Në aspektin e cilësisë së organizimit ka shumë çështje që duhet të rishikuar. Vetë përkushtimi, dashuria ndaj institucioneve, ndaj shtetit, ndaj këtij vendi, është e vogël, duhen më shumë investime, dhe zhvillim kulturor- sociale. Në raport me vendet tjera Kosova nuk e rrezikon as një shtet dhe nuk është vend që prodhon destabilitet. Por, Kosova ka nevojë që të bëjë në shumë për sigurinë e qytetarëve të saj, të bëjë më shumë kundër krimit të organizuar. Kosovës i duhet të vazhdojë me miqësi me vendet e rajonit. Por Serbia gjithnjë do të jetë problem.

Kjo intervistë me Sociologun dhe Publicistin Ibrahim Berisha u zhvilluan nga EA-SK - Ege Adriyatik Siyaset Kulübü (Klubi Politik Egje & Adriatik Political Club of Aegean & Adriati)