[Dilaver]

Do të përfaqësojë Shqipërinë në Festivalin Evropian të Klipit në Tiranë. Vera Grabocka e sjell në qershor
Genta Ismajli rrëmben trofeun e “Klipit më të mirë”
</SPAN>

Shekulli

Genta Ismajli shpallet fituese e edicionit të pestë të Festivalit “Netët e Klipit shqiptar”. Juria e përbërë nga regjisorët Gjergj Xhuvani, Ylli Pepo, fotografi Albes Fusha etj., vlerësoi më të mirë në të gjithë elementët klipin “Pse të dua ty” të këngëtares Ismajli. Ky klip do të përfaqësojë Shqipërinë në Festivalin Evropian të Klipit i cili për herë të parë do të mbahet në Tiranë në muajin qershor dhe organizohet nga producentja Vera Grabocka. Në mbrëmjen spektakël të të premtes e organizuar nga “Deliart Association” u ndanë dhe çmime të tjera. Çmimi i Karrierës për Shpresa Gashin me albumin “Nostalgjia”, çmimi i Kamerës për këngëtaren kosovare me klipin “Dashnorja”, regjia më e mirë për grupin “Marigona” me klipin “Ah sa keq”, Interpretuesi më i mirë u vlerësua klipi “Ninulla” produksion i Sirea Film nën drejtimin e Leonard Bombajt, çmimi i Montazhit për Ermal Mamaqin me klipin “Gjë e egër”, Figura më e mirë skenike për Mihrije Brahjen në klipin “Refuzova”, Grafika më mirë për “Përse më mua” klip i këngëtares Ingrid Gjoni, Fabula më e mirë “Psikologet” në klipin e Tunës, produksioni më i mirë u vlerësua klipi “Kuq e zi” i Aurorës. Juria ka vlerësuar me çmim special Xho Artid Fejzon për klipin “Zhurma e heshtjes”. Në edicionin e pestë të “Netëve të klipit”, pati rreth 130 produksione, nga të cilat vazhduan garën televizive vetëm 60.

30/04/2006