[hasanmehmeti]

Evropa censuron intelektualët mysliman

Disa dijetarëve dhe intelektualëve të shquar mysliman u ndalohet pjesëmarrja në mbledhjet dhe simpoziumet ndërkombëtare, gjithashtu u ndalohet ligjërimi në shumë shtete të Evropës për shkak të “qëndrimeve ekstremiste dhe antisemitike”.
Lhaj Thami Breze
“Jemi ballafaquar me pengesa të shumta duke planifikuar konferencën tonë tradicionale në Bourget” deklaroi Lhaj Thami Breze, lider i Unionit të organizatave islame në Francë për Ilsmaonline.net.
„Ne dëshirojmë t’i ftojmë dijetarët mysliman nga tërë bota, por gjithnjë hasim në listën e gjatë të atyre dijetarëve që nuk mund t’i ftojmë“ shtoi ai.
Konferenca katër ditore në Bourget, konferenca më e madhe myslimane në Evropë, vitin e kaluar tërhoqi më shumë se 150.000 myslimanë nga tërë Evropa. „Shumë dijetarëve të shquar mysliman nga lindja dhe perëndimi, përfshirë edhe mendimtarët modern evropian, u është ndaluar pjesëmarrja në këtë konferencë“ tha Breze.
Ai e mori shembull dijetarin e njohur mysliman Tarik Ramadanin dhe vëllanë e tij Hany Ramadanin, drejtor i Qendrës islamike në Gjenevë. Atij nuk i është lejuar të mbajë një seri ligjërimesh në Qendrën AL Shatabi në Lyon. Kjo ndalesë nuk është përkufizuar vetëm në Francë, Ramadanit nuk i është lejuar të ligjëroj edhe në Universitetin e Briselit më 22. shkurt pas kampanjës së ndytë të lobit proizraelit.
Aktivistes së njohur myslimane nga Maroku Nadia Yassine dhe liderit të rizgjimit islam në Tunis, sheikh Rashid al-Ghannoushit, nuk u është lejuar të ligjërojnë në seminarin „Islami dhe demokracia“ që u mbajt në Napoli të Italisë. Ndalesa pasoi pas kampanjës së organizatave çifute në Itali, duke i akuzuar për përhapje të urrejtjes dhe mospranimin e shtetit izraelit.
Në vitin 2005 lobi proizraelit në Britani filloi kampanjën për ndalimin e hyrjes së dijetarit të mirënjohur Yusuf al-Qaradawit në vend. Kjo kampanjë dështoi pasi që bashkiaku i Londrës, Ken Livingstone, është kërcënuar se do ta akuzoj qeverinë britanike nëse Qaradawit i ndalohet hyrja në vend.
Këto ndalesa organizatat myslimane në Evropë dhe aktivistët i shohin si demonstrata të dyfishta të cilat Evropa është duke i zbatuar ndaj myslimanëve.
“Principi i barazisë dhe liria e shprehjes zhduket në ajër kur bëhet fjalë për myslimanët” deklaroi Mohamed Al-Mestiri, presidenti i Institutit ndërkombëtar për mendime islamike. „Siguria nacionale gjithmonë gjen arsye për kufizimin e të drejtave për myslimanët“ shtoi ai.
“Ajo çfarë na habitë është se myslimanëve radikal gjithmonë u jepet më shumë hapësirë dhe gazetarët gjithnjë nguten t’i intervistojnë” tha ai.
Breze, presidenti i Unionit të organizatave myslimane në Francë pajtohet më këtë. „Evropa duhet të jetë vend i shprehjes së lirë. Përndryshe ne do ta humbim besimin në atë dhe në vlerat e saj“