[munti]

Dielli dhe hëna



Në sistemin diellor si dhe në galaktika ekzistojnë edhe trupa qiellorë për të cilët njeriu ka informata, siç janë mjegullnajat, satelitët dhe shumë të tjerë, të cilët ndoshta njeriu nuk do t'i njohë kurrë. Shumë versete të Kur'anit fisnik flasin për dallimin:

"Dhe kemi vënë ndriçuesin që flakëron (diellin)". (Nebe'ë. 13)

"Edhe dielli udhëton për në kufirin e vet. Ai është përcaktim i Ngadhënjyesit, të Dijshmit". (Jasin. 38)

"Ai e bëri diellin shndërritës, e Hënën dritë dhe asaj ia caktoi fazat, që ta dini numrin e viteve dhe llogarinë. Allahu nuk krijoi këtë për tjetër, pos me qëllim të caktuar. Ai ia sqaron argumentet një populli qe kupton". (Junus. 5)

"I madhërishëm është Ai që krijoi yje në qiell dhe vendosi në të dritë (diell) e hënë që ndriçon". (El Furkanë, 61)

Dielli është një trup i madh i gaztë, i përbërë nga hidrogjeni, heliumi dhe nga 60 elemente të tjera që janë shënuar në sistemin e Mendelievit. Diametri i Diellit arrin në 1.390.000 km dhe është 109 herë më i madh se i Tokës. Ndërsa sipërfaqja e Diellit është 11.930 herë më e madhe se sipërfaqja e Tokës, kurse mbështjellësi është 1.308.800 më i madh se masa e Tokës, ndërsa vëllimi i Diellit është 1.300.000 herë më i madh se vëllimi i Tokës,

Dielli shendrit vazhdimisht me energjinë e vet në të gjitha anët e hapësirës së ftohtë qiellore. Edhe pse më pak se 1/2 e energjisë së përgjithshme diellore arrin në planetin tonë, megjithatë ajo është e mjaftueshme për një jetë normale.

Për përbërjen kimike të Diellit nxjerrim përfundimin mbi bazë të analizave spektrale. Hidrogjeni dhe heliumi marrin pjesë me 99% në ndërtimin e materies diellore. Elementet e tjera, si: oksigjeni, azoti, kalciumi etj. gjenden në sasi shumë të vogla. Kështu, në Diell mund të veçohen katër sfera:

1. Qendra - në të cilën dominon temperatura prej 20 milionë °C, kurse shtypja rreth 400 miliardë atmosfera;

2. Fotosfera - e paraqet pjesën e dukshme të Diellit që e jep dritën. Temperatura sillet rreth 7000°C;

3. Kromosfera - ose atmosfera diellore duket vetëm kur Dielli zihet, gjegjësisht kur fotosfera është zënë nga Hëna;

4. Korona - paraqet pjesën e jashtme të atmosferës diellore. Mund të hetohet vetëm gjatë zënies së plotë të Diellit. Shndrit me dritë të fortë ngjyrë argjendi.

Dielli është ylli i vetëm në sistemin tonë diellor, i cili paraqet burimin e energjisë (nxehtësisë), të dritës dhe të jetës në tokë. Ai është trup qendror i këtij sistemi dhe njëherazi ylli më i afërt. Si burim i nxehtësisë, ai, që në stadin e hershëm të zhvillimit të njerëzimit, u bë trup i magjepsjeve. Zotat e Diellit hasen te të gjitha civilizimet e vjetra, kurse njerëzit ndërtuan tempuj për nder të Diellit, duke i bërë edhe flijime. Mbeturinat e atyre kulteve të vjetra, të modifikuara, mund të hasen edhe në shumë religjione bashkëkohore. Por Kur'ani fisnik është kategorik që Dielli mos të adhurohet. sepse ai është vetëm njëri prej shenjave të Gjithëkrijuesit, siç përkujton verseti kuranor:

"Nga faktet e madhështisë së Tij janë nata, dita, dielli e hëna. Mos i bëni sexhde as diellit, as hënës! Sexhde bëni vetëm Allahut, i cili i krijoi ato, nëse adhuroni vetëm Atë!". (Fussiiet. 37)

Edhe për Hënën si trup qiellor kemi versete të shumta në Kur'anin famëmadh. Po i përrnendim vetëm disa:

"Ai e bëri diellin shndërritës e hënën dritë dhe asaj ia caktoi fazat që ta dini numrin e viteve dhe llogarinë...". (Junus. 5)

"Edhe hënës i kemi caktuar fazat derisa të kthehet në trajtën e harkut (rrem i hurmës së tharë) ". (Jasin, 39)

"l madhërishëm është Ai që krijoi yje në qiell dhe vendosi në të dritë (diell) e hënë që ndriçon". (El Furkan. 61)

"Të pyesin ty për hënën e re (dhe fazat e saj). Thuaj: ‘Ato janë përcaktime të kohës për njerëz dhe për haxh..." (EIBekare. 189)

Hëna si trup qiellor paraqet satelitin e vetëm natyror të Tokës. Hëna është njëkohësisht edhe trupi më i studiuar qiellor në Sistemin Diellor, prandaj njeriu ka argumente të shumta për Hënën. Hëna është trup qiellor i errët, i ftohtë dhe i fortë. Ajo nuk përmban ujë, nuk ka atmosferë dhe deri më tani nuk është konstatuar se ka jetë në të.

Të dhënat themelore për Hënën janë:

1. Diametri i Hënës është 3474 km dhe paraqet 0.27% të diametrit të Tokës, që është 400 herë më i vogël se diametri i Diellit;

2. Sipërfaqja e Hënës është 37.91 km2, 13 herë më e vogël se sipërfaqja e Tokës;

3. Dendësia e Hënës është 3.3 g/cm;

4. Forca tërheqëse e Hënës është për 6 herë më e vogël se e Tokës. Për këtë arsye, nëse një trup në Tokë peshon 90 kg, po ai trup në Hënë do të peshojë vetëm 15 kg;

5. Largësia mesatare prej Tokës është 384.000 km.

6. Nga studimet dhe hulumtimet më të rëndësishme, llogariten: a. Më 1.7.1959 sateliti sovjetik "Lunik 3" e incizoi për herë të parë pjesën e padukshme të Hënës; b. Më 2.3.1966 sateliti "Lunik 4" u ul për herë të parë në Hënë pa ekuipazh njerëzish; c. Më 3-21.7.1969 me "Apollo 11", astronautët amerikanë Nil Amstrong dhe Edvin Alldrin qenë njerëzit e parë që shkelën në Hënë.

Hëna ka tre lloj lëvizjesh: rreth boshtit të vet, rreth Tokës (rotacioni), së bashku me Tokën rreth Diellit (revolucion).

Kohëzgjatja e rotacionit dhe revolucionit të Hënës është 27 ditë, 7 orë, 43 minuta dhe 11 sekonda.

Buhariu dhe Muslimi në përmbledhjet e tyre të haditheve i transmetojnë fjalët e Muhammedit s.a.v.s.: "Dielli dhe Hëna janë dy shenja të Allahut të cilat nuk errësohen për shkak të vdekjes apo jetës të cilitdo nga njerëzit, por me atë Allahu i frikëson dhe paralajmëron robtë e vet. Kur shihni diç të ngjashme, lutuni Allahut duke e madhëruar (tekbir), duke falur nafile dhe duke dhënë lëmoshë (sadaka) derisa të kalojë errësira".

Këto fjalë i ka thënë Muhammedi s.a.v.s. kur është zënë Dielli, me rastin e vdekjes së djalit të tij, Ibrahimit. Atëherë njerëzit filluan të flasin se zënia ndodhi për shkak të vdekjes së djalit të Muhammedit s.a.v.s.

Për të çrrënjosur besimin e kotë dhe besëtytnitë, Muhammedi s.a.v.s. i ka cituar fjalët që i cituam më sipër, në mënyrë që t'u tregojë njerëzve se gjithçka ndodh sipas ligjeve dhe përcaktimeve të Allahut të madhërishëm.

Pjesëtarët e Islamit e mbajtën vitin e Hënës me 12 muaj hënorë mbi bazë të verseteve kuranore:

"...Dhe asaj (hënës) ia caktoi fazat, që ta dini numrin e viteve dhe të dini të llogarisni...". (Junus. 5)

"Te Allahu numri i muajve është dymbëdhjetë (sipas hënës), ashtu si është në librin e Allahut prej ditës kur krijoi qiejt dhe tokën...". (Et Tevbe. 36)

Muhammedi s.a.v.s. thotë: “Viti i Hënës është marrë për arsye se fillimi i ramazanit dhe i dy bajramave është lidhur me shikimin e Hënës”.

Ndryshimet e Hënës janë të qarta dhe mund të llogariten dhe mund të caktohet saktësisht fillimi ose mbarimi i muajve.

Padyshim, Dielli si ylli qendror i Sistemit tonë Diellor, është burim i energjisë, sepse jeta në tokë do të ishte e pamundur pa dritën e nxehtësinë e tij.

Dielli nuk është asgjë më tepër se një yll që jep dritë, nxehtësi dhe energji. Mu për këtë arsye Allahu i madhërishëm thotë: "Dhe kemi vëne ndriçuesin që flakëron".

Fjala siraxh do të thotë "diçka që jep dritë e shkëlqim", kurse vehhaxh do të thotë "diçka qe jep edhe dritë, edhe nxehtësi-energji".

Nga këndvështrimi i shkencës së astronomisë, Dielli përbëhet nga hidrogjeni, gazi i lëngët, dhe heliumi. Nga e tërë masa e Sistemit Diellor, Dielli përbën 99,86%, kurse masën tjetër 0,14% e përbejnë nëntë planetët e tjerë të këtij sistemi, përfshirë këtu edhe satelitët e tyre. Kjo masë kaq e madhe dhe ky gravitet kaq i fuqishëm i Diellit i ka "robëruar"-detyruar sigurisht nëntë planetët e Sistemit Diellor; Tokën, Marsin, Venerën, Merkurin, Saturnin, Jupiterin. Neptunin, Uranin dhe Plutonin që të sillen rreth tij nëpër shtigje spirale. Toka, planeti ynë, një lëvizje të tillë rreth Diellit e kryen për 365 ditë. Dielli është i mbushur përplot me gazra. Bashkë me mbeturinat e elementeve të tjera, përbëjnë dy mijë trilionë (2+10³º) tonë materie.

Për çdo milion atome të hidrogjenit ka afër 85.000 atome të heliumit dhe vetëm përafërsisht 1000 atome të elementeve të tjera. Një varg reaksionesh fuzive nukleare. të cilat e shndërrojnë hidrogjenin në helium, ndodhin në një shkallë shumë të lartë dhe lirojnë sasi të mëdha të energjisë në formë të nxehtësisë, dritës, rrezeve etj.

Sipërfaqja e Diellit është mbi 12 mijë herë më e madhe se ajo e Tokës, ndërsa masa e tij është 333.000 herë më e madhe se e Tokës. Largësia midis Diellit dhe Tokës është 150 milion km, kurse rrezja e dritës së Diellit deri në Tokë arrin për 8 minuta e 20 sekonda.


----------------------------------