[legenda]

KIQ
SHUND,dhe
PARADOXALE.

....ahahaaa,ani me ata qebapa sa po me qeshet,ahaha
une as ne kremtimin e ditelindjes sime nuk servoj qebapa,...
e per fustanat e nuses me mire mos te komentoj hiqqq,total pa shije.

nje artikull qe me beri pershtypje:

Për aristokracinë Imagjinare
Rreziku fillon atëherë kur imagjinata e Rugovëve se janë aristokratë, kthehet në bindje,
duke i kaluar kufijtë e shtëpisë. Iluzioni i tyre ka filluar tashmë të shfaqet seriozisht
edhe te njerëzit më me influencë në botë, si te Nicholas Burns e Bill Clinton.
Kur turma katundarësh nga Provansa e Francës e pushtoi
Pallatin e Mbretit Luis, gjatë Revolucionit të vitit 1878,
ata organizuan një darkë të madhe ekstravagante, për të
përjetuar disa nga kënaqësitë dhe ushqimin që e hante
vetë mbreti.
Por, një gabim i madh ndodhi gjatë protokollit të shërbimit
të ushqimit. Enën e madhe dhe të bukur të
qeramikës, që Mbreti e përdorte për të urinuar, turma
nga provinca e kishte përdorur për të shërbyer sallatën.
Ata festuan atë natë, duke menduar se po shijojnë përvojën
mbretërore e që në fakt shijonin edhe diçka nga
oturaku i Mbretit.
Kësi mbrapshtime kanë ndodhur gjatë historisë, kur
aristokratët janë vrarë apo janë shuar dhe kur turma
është munduar ta imitojë rolin e tyre, bashkë me protokollet
dhe kënaqësitë mbretërore.
Sot fisnikëria është shumë e rrallë. Bile edhe në Europë
e lere më në Kosovë, një klasë të tillë, që se patëm
kurrë. Por, tash e dhjetë vitet e fundit, aristokracia po
shfaqet në një formë imagjinare, të çuditshme dhe turpëruese.
Sidomos te njerëzit e afërt, këshilltarët dhe familja
e Presidentit të ndjerë Ibrahim Rugova.
Ashtu siç Presidenti Rugova e imagjinoi një shtet apo
republikë, njerëzit afër tij filluan të imagjinojnë vetën si
klasë e veçantë; aristokratë, princër e roje mbretërore.
Andaj edhe në LDK dhe LDD, te shefat e mëdhenj, dëgjohet
shpesh fjala se nuk dua të flas, apo nuk komunikoj
me atë nivel, duke aluduar në një klasë të ulët, për të
cilën ata vetën e konsiderojnë superiorë.
Pikërisht kjo klasë e lartë imagjinare, më shtyri të shkruaj.
Mendimi i Princit
Mendim Rugova duket se mendon së është një Princ.
Djali i presidentit të ndjerë për dasmën që po organizohet
sot, është shfaqur si fisnik. Ftesa për dasmën e futur
në një zarf të bardhë, mban një emblemë të kopjuar keq
nga familja e vërtetë fisnike Kastrioti. Kjo ishte modifikuar
për të shërbyer tashmë si emblemë e familjes Rugova.
Në të, përpos shqiponjës dhe ngjyrave kombëtare
që ishin vjedhur, janë shtuar edhe inicialet e Presidentit
të ndjerë I.R. dhe emri apo motoja Clement, që kinse
në latinisht i bien fisi apo klani Kelmend, nga i cili rrjedh
e gjithë familja Rugova, nga Cerca e komunës së Istogut.
Këtë veprim natyrisht se dikush do ta konsideronte si
personal. Por brengosëse është kur imagjinata fillon të
besohet përnjëmend dhe atëherë fillon rreziku.
Fillon atëherë, kur loja me imagjinatën dhe fisnikërinë
kapërcen kufijtë e shtëpisë Rugova dhe kalon te njerëzit
më me influencë në botë, sikur Nicholas Burns e Bill
Clinton, të cilëve edhe u kishte arritur në adresë kjo ftesë
fisnike. A thua çka kanë menduar ata për këtë punë?
Andaj edhe është brengosëse.
Kam frikë që edhe mos thirrja e Papa Benediktit XVI
në dasmën e Princit tonë imagjinar, do të kuptohet si
evitim, e zoti na ruajt si ofendim.
Fort i kthjellti princ e zot i nderuem, u trashëgofsh...
Skënder Aristokrati
Imagjinata për aristokracinë kishte arritur edhe në
Vjenë gjatë negociatave për status.
Ndoshta i frymëzuar nga orenditë e Oborrit Perandorak
të Austro-Hungarisë, imagjinata e Skënder Hysenit
kishte filluar të vijë në shprehje. Me dorën e vënë në
zemër dhe gojën plot kikirika, u tha disa ndihmësve të
rinj të negociatorëve aty afër se Unë jam boll aristokrat,
veç se Albert Rohani është... i fortë.
Në këtë imagjinatë të thellë e vërteta qëndron se Rohani
njëmend është aristokrat. Kështjellat e familjes së
tij ende qëndrojnë si muze, për të kujtuar prejardhjen e
bujshme të udhëheqësve të kaluarës.
Ndërsa kështjella e Hysenit, nuk mund të jetë më
shumë se një shtëpi 200 metra katror dhe Kali i tij i bardhë,
duhet të jetë vetura zyrtare e taksapagueseve të
Kosovës. Sa i përket prejardhjes së tij aristokrate, ai
mund ta ketë origjinën te një familje e rëndomtë kosovare,
nga e cila vijnë shumica dërmuese e liderëve dhe
qytetarëve të kosovarë.
E kjo origjinë zakonisht gjendet në Librat e Leximit të
shkollave të mesme, ku për biografitë e disa liderëve të
LDKsë shkruan... se lindi në një familje të varfër dhe bujare,
shkollën fillore e kreu në fshat, ndërsa fakultetin në
Prishtinë. Me kaq përfundon, aristokracia e një kosovari.
Oborrtari Sali Cacaj
Aristokracia e imagjinuar e Velanisë e ka një organizator,
konsultant dhe shef të protokolleve. E ai është njeriu
me mjekër të hollë e të stilizuar, që i ngjan një fisniku të
dikurshëm nga Venediku apo Franca. Rrobat i ka të zgjedhura
me shije, kravatën me plot simbolika dhe setrat
e tij, zakonisht stolisen me broshë dhe elemente të vlefshme
filigrani.
Në dukje të parë të jep përshtypjen e një fisniku të Hollywoodit,
ndërsa në të dytën edhe mund tua çoj mallin
e një Xhandari nga shpilli i letrave të zholit.
Kur vjen puna te organizimet solemne, festat dhe protokollet
e rëndësishme të Presidencës, Sali Cacaj, është
njeriu i duhur për të kryer punën, si zhol. Andaj edhe aftësia
e tij për ta stolisur mirë imagjinatën për fisnikërinë,
duket se ia ka zgjatur jetën iluzionit deri më sot.
Për fundin e iluzionit
Ky iluzion do të ishte në rregull të jetojë brenda shtëpive
të këtyre fisnikëve imagjinar. Natyrisht se çdo njeri ka
drejtë të plotë të ëndërrojë dhe jetojë ashtu siç e imagjinon
jetën. Por kurrsesi kjo nuk mund të lejohet që ti
kalojë kufijtë, duke kaluar në besim të plotë dhe duke e
informuar tashmë të gjithë botën me këto veprime.
Këshilltarët dhe liderët e LDKsë, nuk reaguan për të
ndalur iluzionin deri më sot. Ndoshta e bënë këtë me
qëllim që të dalin në shesh, disa të pafolura nga Velania.
E ndoshta edhe heshtën, sepse ende iu pëlqen kjo ndjenjë.
Valon A. Syla
[email protected]

Postimi origjinal është bërë nga LABI

Nje pjese e madhe prej tyre te inkriminuar (kyqur) ne strukturat e kriminalitetit te organizaure ( JAKE-BARDHET)... Bos te krimit te nakrotikeve, armatimit, mishit te bardhe.

Nje dasem e ngulfatur nga KIQI (emitimi) ... Sfilata neper tepihet e kuqe, e percjellur nen muziken e familjes mbreterore angleze ; Stema e vula ... Ky eshte nje shembull qe denjesisht perfaqeson dhe shpjegon KIQIN .
Kete s'di si ta quaj ndryshe, pos PARADOKS KULTURORE .