[Mendjen]

Barca fokusohet në ndeshjen e së dielës

Lojtarët e Barcelonës nuk kanë pasur kohë të pendohen për përjashtimin nga Copa del Rey, pas humbjes nga Valencia me rezultat të përgjithshëm 4-3, sepse sot në mëngjes u janë kthyer përgatitjeve për ndeshjen e ardhshme në La Liga.
Barcelona pati barazuar në ndeshjen e parë në Camp Nou me rezultatin 1-1, ndërsa mbrëmë humbën me rezultat 3-2 nga një lojë e shkëlqyer e Valencias. Golat për Valencian i shënuan Baraja (17’) dhe Mata (44’, 73’), ndërsa për Barcelonënën shënuan Thierry Henry (72’) dhe S. Eto'o (80’).

Megjithatë lojtarët e nën-kampionit të Spanjës nuk patën kohë të pendohen për humbjen e cila u kushtoi eliminimin nga Kupa e Mbretit, por ata menjëherë u kthyen në ushtrimet e përditshme.

Të dielën Barcelona do ta presë në Camp Nou skuadrën e Valladolidit, ndaj të cilës shpresojnë t’i fitojnë tri pikë të rëndësishme të cilat do ta afronin me liderin e tabelës Real Madrid.