[~AnnA~]

Postimi origjinal është bërë nga Neferta

Mashtrimi i radhës
Griselda Roshi nuk është rrëmbyer
Kështu ka deklaruar zyrtarisht Prokuroria e Përgjithshme, e cila i referohet hetimit të deritanishëm të Prokurorisë për Krime të Rënda dhe bashkëpunimit të saj me Policinë e Shtetit.

Në njoftimin zyrtar thuhet se pas regjistrimit të denoncimit më datën 01.06.2011 për rrëmbenin e shtetases Griselda Roshi, realizuan një sërë veprimesh hetimore për verifikimin e rrethanave të ngjarjes duke vlerësuar dhe vetë sensibilitetin që paraqet ky rast.

Në bazë të analizës të veprimeve hetimore të deritanishme, u arrit në konkluzionin se nuk ka elementë që të vërtetojnë rrethanat e pengmarrjes së shtetases Griselda Roshi, çfarë hedh poshtë pistën e variantit të rrëmbimit dhe marrjes peng të fëmijës së sapolindur.
Ndërkohë, nga Prokuroria e Krimeve të Rënda, në bashkëpunim me Policinë e Shtetit, po punohet për të sqaruar më tej arsyet dhe motivimin e denoncimit.

A ka turp me te madh!!!!???

Ekspertët: Griselda nuk ka qene shtatzënë

Është përmbysur tërë historia e ngritur një dite më pare pas një denoncimit të bërë nga vëllai i kryetarit të bashkisë së Kavajës Elvis Rroshi, për rrëmbimin dhe dhunimin e kunatës së tij, Griselda Rroshi.

Pas një nate të ethshme hetimesh, Prokuroria e Përgjithshme sot njoftoi zyrtarisht se Griselda Rroshi nuk ishte rrëmbyer. Për me shume dy ore e gjysme ajo është marrë në pyetje në Prokurorinë e Krimeve të Rënda për të dhënë dëshminë mbi gjithë çka kishte denoncuar përmes kunatit të saj një ditë më parë.

Prokuroria tha se nga hetimet rezulton se Griselda nuk është rrëmbyer dhe nuk i është nënshtruar dhunimit fizik. Ndërkohe gruaja i është nënshtruar sot edhe ekspertizës mjeko-ligjore, për të verifikuar pretendimet e saj për lindjen e detyruar si pasojë e dhunës në një klinikë private.

Përfundimi i ekspertizës ishte edhe shokues se vetë historia që ajo kishte ngritur. Mjekët gjinekologë arritën në përfundimin se gruaja, nuk kishte qenë shtatzëne. Këto përfundime i dhanë fund historisë horror që pushtoi median dhe shokoi opinionin publik një natë më parë për rrëmbimin e gruas, lindjen me dhunë dhe mbajtjen peng të foshnjes së saj.

Por mbetet ende mister shkaku i sajimit dhe organizimit të gjithë kësaj historie. Burime të prokurorisë dhe policisë bënë të ditur se hetimet e mëtejme do të synojnë pikërisht zbardhjen këtij misteri. (t.ch.)